မြေဓားကို နားလည်သဘောပေါက်ခြင်း၊ နတ်ဆိုးဧကရာဇ်နှင့် ပြင်းထန်သောတိုက်ပွဲ!

စုရှင်း၏ မျက်နှာတွင် မျှော်လင့်ချက်အချို့ ပေါ်လာသည်။ သူသည် သရုပ်ပြခြင်း ဖန်သားပြင်ကို ကြည့်လိုက်သည်။

[ဝိညာဉ်စိုက်ခင်းဂူ အတွင်းတွင် သင်သည် သရုပ်ပြခြင်းထဲတွင် ရောက်နေကြောင်း သတိပြုမိသည်။]

[သင်သည် မင်ရေခဲဓားကို ဆွဲထုတ်လိုက်သည်။ ၎င်းနှင့်သင်၏ ပေါင်းစပ်မှု ပိုမိုကောင်းမွန်လာသည်ကို ခံစားမိသည်။ သင့်လက်ထဲရှိ ဓား၏ ရည်ရွယ်ချက်ကို ရှင်းလင်းစွာ ခံစားသိရှိခဲ့သည်။]

[သင်သည် ကျေနပ်စွာ ခေါင်းညိတ်ပြီး သုံးပါးသော ဓားစွမ်းရည် နည်းပညာ၏ "မြေဓား" အခန်းမှ အသိပညာများကို သင့်စိတ်ထဲ ပြန်လည် အမှတ်ရနေခဲ့သည်။]

[လေးရက်အကြာတွင် သင်သည် ကတိအတိုင်း လောရွှေရင်နှင့် တွေ့ဆုံခဲ့သည်။]

[လောရွှေရင်ထံမှ ဝိဉာဉ်စုစည်း သစ်သား တစ်ခုကို သင် လက်ခံရရှိခဲ့သည်။ သို့သော် သင်သည် ဆင်းသက်ဂိုဏ်းထဲသို့ အလျင်အမြန် မဝင်ဘဲ ကျိုတိုသို့ ပြန်လာခဲ့သည်။]

[နောက်ထပ် နှစ်လအတွင်း သင်သည် ဆေးလုံးများ ဖော်စပ်ရင်း မြေဓားကို ကျင့်ကြံနေခဲ့သည်။]

[မြေဓား အခန်းအပေါ် သင်၏ နားလည် သဘောပေါက်မှုသည် လျင်မြန်စွာ တိုးတက်လာခဲ့သည်။]

[သင်သည် အဆာခံဆေး ငါးသောင်းကို ဖော်စပ်ခဲ့သည်။]

[ဝိညာဉ်ဆန်၏ အရည်အသွေး တိုးတက်လာခြင်းကြောင့် အဆာခံဆေး၏ အာနိသင်သည် သိသိသာသာ တိုးမြှင့်လာခဲ့သည်။]

[မဟာမာစတာအဆင့် ကျွမ်းကျင်သူများနှင့် အောက်အဆင့်များတွင် အဆာခံဆေး တစ်လုံးစားရုံဖြင့် အစာမစားဘဲ ခြောက်လအထိ နေနိုင်ခဲ့သည်။]

[ကောင်းကင်ဘုံ ဘုရင်အဆင့် ကျွမ်းကျင်သူများသည် အဆာခံဆေး၏ အာနိသင်ဖြင့် တစ်လမှ နှစ်လအထိ ဗိုက်မဆာဘဲ နေနိုင်ခဲ့သည်။]

[သင်သည် အဆာခံဆေးများကို ကျင်းချုံးရွှယ်ထံ လွှဲပြောင်းပေးခဲ့သည်။]

[ရက်အနည်းငယ် အကြာတွင် ကျင်းချုံးရွှယ်သည် သင့်ထံသို့ သတင်းကောင်း တစ်ခု ယူဆောင်လာခဲ့သည်။ ရှားစစ်တပ်သည် ဒုတိယအဆင့် ရှားပါးသတ္တုတွင်း အကျဥ်းခန်း အတွက် အဆာခံဆေး ငါးသောင်းကို လဲလှယ်ယူရန် သဘောတူခဲ့သည်။]

[တစ်ချိန်တည်းမှာပင် ရှားစစ်တပ်က သင်သည် အဆာခံဆေးများ ထပ်မံ ထုတ်လုပ်နိုင်ပါက ဒုတိယအဆင့် ရှားပါးသတ္တုတွင်း အကျဉ်းခန်းများဖြင့် ဆက်လက် လဲလှယ်ရန် သဘောတူကြောင်းလည်း အသိပေးခဲ့သည်။]

[လေလံပွဲ ပြီးဆုံးသွားပြီ ဖြစ်ကြောင်း သိရှိသဖြင့် သင်သည် အဆာခံ ဆေးလုံးများ ဖော်စပ်ခြင်းကို ယာယီ ရပ်နားခဲ့သည်။]

[တစ်နေ့တွင် သင်သည် လောထျန်းညီလာခံ အကျဉ်းခန်းထဲသို့ ဝင်ရောက်ခဲ့သည်။]

ဤသည်ကိုမြင်ပြီး စုရှင်းသည် ခေါင်းအနည်းငယ် ညိတ်လိုက်သည်။ ၎င်းသည် သူမျှော်မှန်းထားသည့် အတိုင်းပင် ဖြစ်သည်။

အဆာခံ ဆေးသည် စစ်မြေပြင် အတွက် အံ့ဖွယ် စိတ်စွမ်းအင်ဆေးလုံး တစ်ခု ဖြစ်သောကြောင့် မဟာရှားစစ်တပ်က ရှာဖွေနေသည့် ပစ္စည်းတစ်ခု ဖြစ်သည်မှာ မေးခွန်း ထုတ်စရာ မရှိပေ။

"အဆာခံဆေးလုံး ငါးသောင်းကို ဖော်စပ်ဖို့ဆိုရင် အာရုံစိုက်လုပ်မယ်ဆိုရင်တော့ တစ်လနှစ်လပဲ ကြာမှာ... ဒုတိယအဆင့် ရှားပါးသတ္တုတွင်း အကျဉ်းခန်းက တစ်ပတ်ကို စွမ်းအင်သန်းငါးဆယ်၊ တစ်လကို သန်းနှစ်ရာလောက်ရမှာ... မဆိုးတဲ့ သဘောတူညီမှုပဲ"

စုရှင်းသည် ခေါင်းအနည်းငယ်ညိတ်ပြီး တိတ်ဆိတ်စွာ အမိန့်ပေးလိုက်သည်။

"မြှုပ်နှံသရုပ်ပြခြင်း လုပ်ဆောင်ချက်ကို အသက်သွင်းပါ၊ ကြာချိန် ၂၄ နာရီ"

[ဒင်၊ သင်သည် မြှုပ်နှံသရုပ်ပြခြင်း လုပ်ဆောင်ချက်ကို အောင်မြင်စွာ အသက်သွင်းခဲ့သည်။ စွမ်းအင်မှတ် ၂.၄ သန်း ကုန်ကျမည်ဖြစ်ပြီး ကျန်ရှိသော စွမ်းအင်မှတ် ၁၆ ဘီလီယံ ၆၀၄.၄ သန်း ဖြစ်သည်။]

သရုပ်ပြစက်၏ သတိပေးသံ ထွက်ပေါ်လာသည်နှင့် စုရှင်း၏ မြင်ကွင်းသည် ဝိုးတဝါး ဖြစ်သွားခဲ့သည်။

ထို့နောက် စုရှင်းသည် လောထျန်းညီလာခံ အကျဉ်းခန်းထဲသို့ ရောက်ရှိနေသည်ကို တွေ့လိုက်ရသည်။

စုရှင်းသည် ကျွမ်းကျင်စွာဖြင့် အလုပ်တာဝန်များကို ပြီးဆုံးအောင်လုပ်ပြီး ကျမ်းဂန် စာတိုက်သို့ ဦးတည်သွားခဲ့သည်။

ဤမြှုပ်နှံသရုပ်ပြခြင်း လုပ်ဆောင်ချက်တွင် သူ၏ပန်းတိုင်မှာ သုံးပါးသော ဓားစွမ်းရည် နည်းပညာ၏ "ကောင်းကင်ဓား" အခန်းတစ်ခုလုံးကို အပြည့်အဝ မှတ်မိရန် ဖြစ်သည်။

မကြာမီပင် မြှုပ်နှံသရုပ်ပြခြင်း လုပ်ဆောင်ချက် အချိန် ကုန်ဆုံးသွားခဲ့သည်။

စုရှင်းသည် လက်တွေ့ကမ္ဘာသို့ ပြန်ရောက်လာခဲ့ပြီး အပြင်ဘက်တွင် စက္ကန့်အနည်းငယ်သာ ကုန်ဆုံးခဲ့သည်။ သူ့စိတ်ထဲတွင် ပေါင်းထည့်ထားသော မှတ်ဉာဏ်များကို ခံစားရင်း စုရှင်းသည် ကျေနပ်စွာ ခေါင်းညိတ်လိုက်သည်။

"မွေးရာပါ ဓားကိုယ်ခန္ဓာ ဆိုတဲ့အတိုင်းပဲ သုံးပါးသော ဓားစွမ်းရည် နည်းပညာကို မှတ်သားနိုင်တဲ့ အရှိန်က အများကြီး ပိုမြန်တာပဲ..."

"အခု သုံးပါးသော ဓားစွမ်းရည် နည်းပညာ တစ်ခုလုံးကို မှတ်မိသွားပြီဆိုတော့ စနစ်တကျ လေ့ကျင့်ဖို့ပဲ ကျန်တော့တယ်"

ထိုသို့ တွေးလိုက်ရင်း စုရှင်း၏ အကြည့်များသည် သရုပ်ပြခြင်း ဖန်သားပြင်ဆီသို့ ပြန်ရောက်သွားခဲ့သည်။

[လောထျန်းညီလာခံ အကျဉ်းခန်းမှ ထွက်ခွာပြီးနောက် သင်သည် အကျိုးအမြတ်များစွာ ရရှိခဲ့သည်။]

[အချိန်အနည်းငယ် ကြာပြီးနောက် ကတိအတိုင်း လောရွှေရင်နှင့် တွေ့ဆုံခဲ့ပြီး သူမကို ဝိဉာဉ်စုစည်း ဆေးလုံးများ ပေးခဲ့သည်။]

[တစ်ချိန်တည်းမှာပင် လောရွှေရင်၏ မိတ်ဆက်ပေးမှုဖြင့် သင်သည် ဆင်းသက်ဂိုဏ်းထဲသို့ ဝင်ရောက်ခဲ့သည်။]

[သင်၏ အောင်မြင်မှုသခင် စွမ်းရည်ကြောင့် ဆင်းသက်ဂိုဏ်း အတွင်းတွင် စိတ်အားထက်သန်သော နောက်လိုက် ပရိသတ်အဖွဲ့ကြီး တစ်ခုကို စုစည်းနိုင်ခဲ့သည်။]

[နောက်နှစ်နှစ်တာ ကာလပတ်လုံး သင်သည် ဆင်းသက်ဂိုဏ်းတွင် အေးချမ်းစွာ နေထိုင်ရင်း နေ့စဉ် ဆေးလုံးများ ဖော်စပ်ပြီး ဓားပညာ ကျင့်ကြံခဲ့သည်။]

[တတိယနှစ်တွင် အခွင့်အရေးရပြီဟု ယူဆသောကြောင့် သင်သည် လောရွှေရင်နှင့်အတူ ဆင်းသက်ဂိုဏ်း မှ ထွက်ပြေးခဲ့သည်။]

[ဆင်းသက်ဂိုဏ်းမှ နောက်လိုက်များသည် ကျိုတိုမြို့အထိ လိုက်လာခဲ့သည်။ သို့သော်လည်း သင်သည် ၎င်းတို့ကို နတ်ဆိုးနှိမ်နင်းရေး စခန်း၏ ရှေ့တန်းသို့ လှည့်စား၍ ပို့ဆောင်ခဲ့သည်။]

[ထိုနှစ်တွင် သင်သည် ဆေးလုံးများ ဆက်လက်ဖော်စပ်ပြီး မြေဓားကို ကျင့်ကြံခဲ့သည်။ သင် ဖော်စပ်ခဲ့သော ဆေးလုံးနှစ်သိန်းလုံးကို မဟာရှား စစ်တပ်သို့ ပေးအပ်ခဲ့ပြီး မဟာရှား နိုင်ငံတော်၏ စစ်သည်အင်အားကို တိုးမြှင့်ပေးခဲ့သည်။]

[စတုတ္ထနှစ်တွင် သင်သည် နေ့စဉ် အချိန်ပေးပြီး မြေဓား အခန်းကို အပြည့်အဝ အာရုံစိုက်ကာ ကျင့်ကြံခဲ့သည်။]

[မွေးရာပါ ဓားကိုယ်ခန္ဓာ၏ အထောက်အကူကြောင့် မြေဓား အခန်းအပေါ် သင်၏ နားလည် သဘောပေါက်မှုသည် လျင်မြန်စွာ တိုးတက်လာခဲ့သည်။]

[တစ်နေ့တွင် သင်သည် ဉာဏ်အလင်း ပွင့်လာပြီး မြေဓားကို နားလည်သဘောပေါက်ရာတွင် အောင်မြင်မှုရရှိခဲ့သည်။ ၎င်း၏ အခြေခံများကို ကျွမ်းကျင်ပိုင်နိုင်ခဲ့သည်။]

[မြေဓား၏ အခြေခံများကို ကျွမ်းကျင်ပိုင်နိုင်ပြီးနောက် သင့်ဓားနှင့် ကောင်းကင်နှင့် မြေကြီး၏ စွမ်းအားတို့ အကြား ပေါင်းစည်းမှု တစ်ခုကို သင် သတိပြုမိခဲ့သည်။]

[သင်သည် ကောင်းကင်နှင့် မြေကြီး၏ စွမ်းအားကို အခြေခံအားဖြင့် ထိန်းချုပ်နိုင်ပြီး ၎င်းကို အသုံးပြု၍ ရန်သူများကို တိုက်ခိုက်နိုင်ခဲ့သည်။]

[သင့်ဓားပညာ၏ စွမ်းအားသည် နှစ်ဆနီးပါး တိုးလာခဲ့သည်။]

စုရှင်းသည် မျက်ခုံးပင့်ကာ ရေရွတ်လိုက်သည်။

"မွေးရာပါ ဓားကိုယ်ခန္ဓာ ဆိုတဲ့အတိုင်းပဲ... လေးနှစ်အတွင်းမှာ မြေဓား ရဲ့အခြေခံတွေကို ကျွမ်းကျင်သွားခဲ့တယ်... ဒါတောင် ဆေးလုံးတွေ ဖော်စပ်ဖို့ အချိန်တော်တော်များများ သုံးခဲ့လိုက်လို့... မဟုတ်ရင် ဒီ့ထပ် ပိုမြန်နေဦးမှာ မဟုတ်လား"

"ကောင်းကင်နဲ့ မြေကြီးရဲ့ စွမ်းအားကို အသုံးပြုလိုက်တော့ မြေဓားက တကယ်ကို ထူးခြားတာပဲ"

စုရှင်း၏ နှုတ်ခမ်းများ ကွေးညွတ်သွားသည်။

"ဒီသရုပ်ပြခြင်းမှာ မြေဓားက အနည်းဆုံးတော့ အသေးစား အောင်မြင်မှု အဆင့်ကို ရောက်လိမ့်မယ် ထင်တယ်... ဉာဏ်အလင်းပွင့်မှု တစ်ခု ဖြစ်ပေါ်ခဲ့ရင် မဟာယာနအဆင့်ကိုတောင် ရောက်နိုင်သေးတယ်"

စုရှင်း၏ စိတ်ထဲတွင် မျှော်လင့်ချက်တစ်ခု ဖြစ်ပေါ်လာခဲ့သည်။

မြေဓားအခန်း၏ အခက်အခဲသည် လူ့ဓား အခန်းထက် အဆပေါင်းများစွာ ပိုမိုကြီးမားသည်ဟု လူသိများသည်။ အဓိကစိန်ခေါ်မှုမှာ ကောင်းကင်နှင့်မြေကြီး၏ စွမ်းအားကို ခံစားသိရှိပြီး ထိန်းချုပ်အသုံးပြုခြင်း ဖြစ်သည်။

မွေးရာပါ ဓားကိုယ်ခန္ဓာသည် စုရှင်း၏ ဓားတာအိုအပေါ် နားလည်သဘောပေါက်နိုင်စွမ်းကို အံ့မခန်းအဆင့် အထိ ရောက်ရှိစေနိုင်ကြောင်းမှာ ရှင်းသည်။

သူသည် သရုပ်ပြခြင်း ဖန်သားပြင်ကို ပြန်ကြည့်လိုက်သည်။

[ပဉ္စမနှစ်တွင် သင်သည် နေ့စဉ် ဓားပညာကို ဆက်လက် ကြိုးစားကျင့်ကြံခဲ့သည်။]

[သင်၏အဆက်မပြတ် လေ့ကျင့်မှုတွင် မြေဓား၏ အဆုံးမဲ့ နက်နဲမှုများကို ခံစားမိပြီး ကောင်းကင်နှင့်မြေကြီး၏ စွမ်းအားဖြင့် သင်၏ဓားကို အားဖြည့်နိုင်ခဲ့သည်။]

[ဓားရောက်ရာ နေရာတိုင်းတွင် ရန်သူသည် ဓားကိုသာမကဘဲ ပတ်ဝန်းကျင်ရှိ ကောင်းကင်နှင့်မြေကြီး၏ ဖိအားပေး စွမ်းအားကိုပါ ရင်ဆိုင်ခဲ့ရသည်။]

[သို့သော် မြေဓားအပေါ် သင်၏ နားလည် သဘောပေါက်မှုသည် အစပြုရုံမျှသာ ဖြစ်ပြီး ကောင်းကင်နှင့်မြေကြီး၏ စွမ်းအားကို အတိုချုပ်သာ ထိန်းချုပ်နိုင်သေးသည်။ စိတ်တိုင်းကျ အသုံးပြုနိုင်ခြင်း မရှိသေးပေ။]

[ကောင်းကင်နှင့်မြေကြီး၏ စွမ်းအားကို ပိုမိုကျယ်ပြန့်စွာ ထိန်းချုပ်နိုင်ရန်နှင့် ဓားစွမ်းရည်ကို ပိုမိုကြောက်မက်ဖွယ် ကောင်းစေရန် အတွက် အဆက်မပြတ် ကြိုးစားလေ့ကျင့်ရန် လိုအပ်ကြောင်း သင်ကောင်းစွာ သိရှိသည်။]

[သင် အဆက်မပြတ် လေ့ကျင့်နေစဉ်မှာပင် နှစ်များစွာသည် လျင်မြန်စွာ ကုန်ဆုံးသွားသည်။ သုံးနှစ် ကြာသွားသည်ကိုပင် သင် မသိလိုက်ပေ။]

…