ပြင်းထန်သောတိုက်ပွဲ၊ ပြတ်သားခြင်း၊ ပြဿနာများ

ချက်ခြင်းပင် ကျန်းချန်ရွှမ်နှင့် ရှန်းရူယန်တို့သည် ထိုလှုပ်ရှားမှုကြောင့် သူတို့၏ဓမ္မစွမ်းအင်နှင့် အတွေးများသည် လက်တွေ့အားလိုက်မမီတော့သလိုပင်။

သူတို့သည် ၎င်းကို ထိုးထွင်းသိမြင်ခြင်းအဆင့်၏ ထူးခြားသောပိုင်နက်စွမ်းအားအဖြစ် သတိပြုမိသွားသည်။

သူတို့သည် ထိုစွမ်းအားများကို သူတို့အားဆက်လက်၍ သက်ရောက်စေ၍ မဖြစ်ပါ။

ထိုအတွေးဖြင့် သူတို့နားလည်ခဲ့သော စည်းမျဉ်း၏အနှစ်သာရများသည် သူတို့ထံမှ ချက်ခြင်းထွက်လာခဲ့သည်။

ကျန်းချန်ရွှမ်ထံမှ သစ်သား၊ သတ္တုနှင့် ရေတို့ဖြစ်သည်။

လေဟာနယ်ထဲတွင် အစိမ်း၊ ရွှေရောင်နှင့် အပြာရောင်အလင်းများသည် ချက်ခြင်းပင် ထွက်ပေါ်လာခဲ့သည်။

ရှန်းရူယန်သည် အခြားတစ်ဘက်၌ မိုးကြိုးနယ်ပယ် မိုးကြိုးစည်းမျဉ်းကို အသုံးပြုလိုက်ခြင်းဖြစ်သည်။

ရှန်းရူယန်၏ထိုစည်းမျဉ်းကိုနားလည်ခြင်းက လုံးဝအပြည့်အဝမဟုတ်သော်လည်း ၎င်းသည် လက်ရှိအခြေအနေကို ခုခံဖို့ရန် လုံလောက်ပါသည်။

ထိုမျှပင်မဟုတ်ပါ။

သူတို့၏စွမ်းအားစည်းမျဉ်းများကို ထုတ်လွတ်ပြီး ထိုစုံတွဲသည် အသာလွန်ဆုံးဝိညာဉ်ရတနာကိုလည်း အပြည့်အဝအသက်သွင်းလိုက်သည်။

ခနအကြာတွင် နတ်ဘုရားအရင် ကျောက်စိမ်းမျက်နှာနှင့် နတ်ဆိုးအရှင် ပြိုလဲရန်သူတို့၏ ပိုင်နက်များသည် သူတို့အားချုပ်ထားနိုင်ခြင်းမရှိတော့ပါ။

များစွာသော ပေါက်ကွဲသံများနှင့် ကျန်းချန်ရွှမ်နှင့် ရှန်းရူယန်တို့သည် နတ်ဘုရားအရှင်နှင်းဓားနှင့် ယွဲ့ချန်ကျွင်းတို့နှင့် အတူ ပိုင်နက်မှ လွတ်မြောက်သွားခဲ့သည်။

“ဘာ?”

ထိုအချိန်တွင် နတ်ဘုရားအရှင် ကျောက်စိမ်းမျက်နှာနှင့် နတ်ဆိုးအရှင် ပြိုလဲရန်သူတို့၏ အမူအရာများသည် အကြီးအကျယ်ပြောင်းလဲသွားခဲ့သည်။

ထိုးထွင်းသိမြင်ခြင်းအဆင့်နှစ်ဦးကိုရင်ဆိုင်ရလျှင် ကျန်းချန်ရွှမ်နှင့် ရှန်းရူယန်တို့သည် ကောင်းကင်အလင်းအဆင့်တွင်ပင်ရှိကာ အမှန်တကယ်ပင် သူတို့၏ပိုင်နက်ထိန်းချုပ်ခြင်းမှ လွတ်မြောက်နိုင်ခဲ့လေသည်။

ထိုစွမ်းအားသည် အဆင့်တူကျင့်ကြံသူများကိုပင် မရေတွက်နိုင်သောကျင့်ကြံသူများကိုပင် ဖိနှိပ်နိုင်ခဲ့လေသည်။

သူတို့အား ပို၍ စိုးရိမ်စေသည်မှာ ထိုနှစ်ဦး၏လုပ်နိုင်စွမ်းပင်ဖြစ်သည်။ သူတို့သည် အနာဂတ်တွင် ထိုးထွင်းသိမြင်ခြင်းအဆင့်ကိုထိုးဖောက်နိုင်မည်မှာသေချာပါသည်။

ထိုသို့ဖြင့် အကယ်၍ သူတို့အားထပ်မံ၍ ရင်ဆိုင်ရလျှင် ထွက်ပြေးခြင်းသည် ရွှေးချယ်စရာ ဖြစ်တော့မည် မဟုတ်ပေ။

ထိုအတွေးဖြင့် နတ်ဘုရားအရှင်ကျောက်စိမ်းမျက်နှာနှင့် နတ်ဆိုးအရှင်ပြိုလဲရန်သူသည် ကျန်းချန်ရွှမ်နှင့် ရှန်းရူယန်တို့အား ရှင်းလင်းပစ်ရန် ပြင်းထန်သည့် အရေးကြီးခြင်းကို ခံစားလိုက်ရကာ မည်သို့ပင် ဖြစ်ပါစေ ထိုသူနှစ်ဦးသည် အသက်ရှင်လျှက်ထွက်သွား၍ မဖြစ်ပါ။

ဝုန်း…

ချက်ခြင်းပင် ထိုနှစ်ဦးလုံးသည် သူတို့၏ဝိညာဉ်ရတနာများကို ဆင့်ခေါ်လိုက်ကြသည်။

နတ်ဘုရားအရှင်ကျောက်စိမ်းမျက်နှာသည် များစွာသော ကိလေသာပုံရိပ်များဖြင့် တန်ဆာ ဆင်ထားသည့် စာလိပ်တစ်ခုကို ခေါ်လိုက်ကာ ထူးခြားသည့် ရနံ့တစ်ခုအား လေထဲတွင် ချက်ခြင်းပျံ့နှံ့သွားစေခဲ့သည်။

ထိုအရာကိုအနံ့ခံမိလျှင် ကျန်းချန်ရွှမ်နှင့် ရှန်းရူယန်တို့သည် အပူများလိမ့်တက်လာသည်ကို ခံစားလိုက်ရသည်။

နတ်ဆိုးအရှင်ပြိုလဲရန်သူသည် အခြားတစ်ဘက်တွင် ကောင်းကင်ပြိုလဲဓားဟုလူသိများသည့် အဆင့်မြင့်ဝိညာဉ်ရတနာတစ်ဖြစ်ကာ သာလွန်သောအဆင့် ဖြစ်လာတော့မည့် အနက်နှင့်အနီရောင် ဓားရှည်တစ်ခုကိုကိုင်ဆောင်လိုက်သည်။

ဝုန်း…ဝုန်း…ဝုန်း…

ချက်ခြင်းပင် ကျန်းချန်ရွှမ်နှင့် ရှန်းရူယန်တို့၏ ဒြပ်စင်ငါးပါးကားချပ်နှင့် မိုးကြိုးငါးသွယ် မသေမျိုးဓားတို့၏အလင်းရောင်များသည် အနည်းငယ်မှေးမှိန်သွားခဲ့သည်။

သူတို့၏ဝိညာဉ်ရတနာများသည် နတ်ဘုရားအရှင် ကျောက်စိမ်းမျက်နှာနှင့် နတ်ဆိုးအရှင်ပြိုလဲရန်သူတို့ ထပ် အဆင့်မြင့်သော်လည်း၊ အခြားတစ်ဖက်သည် ထိုးထွင်းသိမြင်ခြင်းအဆင့်၏စစ်မှန်သည့်ပိုင်နက်ကို ထုတ်လွတ်ထားနိုင်ပေသည်။

ယှဉ်ကြည့်လျှင် ကျန်းချန်ရွှမ်နှင့် ရှန်းရူယန်တို့သည်အနည်းငယ် အားနည်းနေခဲ့သည်။

ကံကောင်းစွာပင် သူတို့၏အင်အားသည် နတ်အရှင်ကျောက်စိမ်းမျက်နှာနှင့် နတ်ဆိုးအရှင်ပြိုလဲရန်သူ တို့အား သူတို့၏ခုခံမှုကို လျင်မြန်စွာအားနည်းစေရန် မလွယ်ကူပါ။

“နတ်အရှင်နှင်းဓားနဲ့ ယွဲ့ချန်ကျွင်းတို့ကိုတိုက်ကြ။”

ရုတ်တရက် နတ်အရှင်ကျောက်စိမ်းမျက်နှာနှင့် နတ်ဆိုးအရှင် ပြိုလဲရန်သူတို့သည် သူတို့၏ဘေးမှ ကောင်းကင်အလင်းအဆင့် ကျင့်ကြံသူနှစ်ဦးကို အမိန့်ပေးလိုက်သည်။

သူတို့၏အမူအရာသည် ပြောင်းလဲသွားခဲ့လျှင် နတ်အရှင်နှင်းဓားနှင့် ယွဲ့ချန်ကျွင်းတို့အား တိုက်ခိုက်တော့မည်ဖြစ်သည်ကို သတိပြုမိသွားသည်။

ထိုခြေလှမ်းမှားလျှင် ဒဏ်ရာများစွာရနိုင်ကာ သေပင်သေစေနိုင်ပါသည်။

သို့ရာတွင် သူတို့၏စီနီယာအစ်ကိုများ၏အမိန့်ကိုမလွန်ဆန်နိုင်သဖြင့်င သူတို့သည်စွမ်းအားအပြည့်ဖြင့် နတ်အရှင်နှင်းဓားနှင့် ယွဲ့ချန်ကျွင်းတို့ဆီသို့ ဦးတည်တိုက်ခိုက်လိုက်ကြသည်။ “မင်းတို့ကသေချင်နေတာပဲ။”

ထိုအရာကိုမြင်လျှင် ကျန်းချန်ရွှမ်နှင့် ရှန်းရူယန်တို့၏မျက်လုံးထဲတွင် ရက်စက်သည့် အလင်းတစ်ခု ဖြတ်သွားခဲ့သည်။

ကျန်းချန်ရွှမ်၏နောက်တွင် အစိမ်း၊ အနီ၊ အဝါ၊ အဖြူနှင့် အပြာ အလင်းရောင်ငါးခုသည် ရုတ်တရက် ပေါ်လာခဲ့ပြီး ထိုပူးပေါင်းခြင်းချိုင့်ဝှမ်းမှ ကောင်းကင်အလင်းအဆင့်ကျင့်ကြံသူများဆီသို့ ရောက်သွားခဲ့သည်။

ချက်ခြင်းပင် သူတို့၏ နတ်အရှင်နှင်းဓားနှင့် ယွဲ့ချန်ကျွင်းတို့အား တိုက်ခိုက်မှုသည် ခြေရာပင်မကျန်ဘဲ ပျောက်ကွယ်သွားခဲ့ပြီး သူတို့ခေါ်ထားသည့် ဝိညာဉ်ရတနာများလည်း အပါအဝင်ပင်ဖြစ်သည်။

တစ်ချိန်တည်းမှာပင်၊

သူတို့သည် အဆင့်တူသောကျင့်ကြံသူများနှင့် သုံးရက်သုံးညတိုက်ခိုက်ခဲ့သကဲ့သို့ မောပန်းနွမ်းနယ်ခြင်းကိုခံစားလိုက်ရကာ သူတို့၏တုံပြန်မှုများအားနှေးကွေးသွားစေသည်။

ထို့နောက်တွင် ကျယ်လောင်သည့် ဆူညံသံများသည် ရုတ်တရက် လေထဲတွင်ထွက်ပေါ်လာခဲ့သည်။

ဂျုန်း….

၎င်းနှင့်အတူ အရောင်ငါးရောင်နှင့် မိုးကြိုးသွားများက သူတို့၏ခေါင်းတည့်တည့်ကို ကျရောက် လာသည်။

၎င်းသည် ရှန်းရူယန်၏စွမ်းအားအရှိဆုံး နတ်ဘုရားစွမ်းအား မဟာဒြပ်စင်ငါးပါးနတ်ဘုရားမိုးကြိုး ဖြစ်သည်။

“အား…”

ချက်ခြင်းပင်၊ ပူးပေါင်းခြင်းချိုင့်ဝှမ်းမှ ကောင်းကင်အလင်းအဆင့်ကျင့်ကြံသူနှစ်ဦးက မယုံကြည်နိုင်စွာပင် အော်လိုက်ကြသည်။

သူတို့၏ခန္ဓာကိုယ်များသည် မဟာဒြပ်စင်ငါးပါးနတ်ဘုရားမိုးကြိုးကြောင့် စတင်၍ ပျောက်ကွယ်နေကာ မူလဝိညာဉ်အဆင့်မှ သူတို့၏အလင်းမှုန်များအထိ လျှင်မြန်စွာရှင်းလင်းခံနေရကြောင်း သိသာစွာ မြင်နိုင်ပါသည်။

၎င်းသည် အခြေခံအဆင့် ဖျက်စီးခြင်းဖြစ်ကာ အကယ်၍ သူတို့သည် မသေနိုင်သည့် ခန္ဓာကိုယ်ကိုပိုင်ဆိုင်ထားလျှင်ပင်၊ ထိုဖျက်ဆီးခြင်းအဆင့်သည် ပြန်လည်ရှင်သန်နိုင်ရန် အခွင့်အလမ်းမရှိသော ရှင်းလင်းသုတ်သင်ခြင်းဖြစ်သည်။

“စီနီယာ… စီနီယာအစ်ကို ကယ်ပါဦး။”

သူတို့သည် အကူညီတောင်းရန်အော်ဟစ်လိုက်ကြသည်။

နတ်အရှင်ကျောက်စိမ်းမျက်နှာနှင့် နတ်ဆိုးအရှင်ပြိုလဲရန်သူတို့၏အမူအရာများက အကြီးအကျယ် ပြောင်းလဲသွားကြကာ သူတို့နှစ်ဦးလုံး ဒေါသထွက်စွာအော်လိုက်ကြသည်။

“မင်းတို့လုပ်ရဲတယ်ပေါ့။”

“ငါတို့ဘာလို့မလုပ်ရဲရမှာလဲ?”

သတ်ဖြတ်ခြင်းရည်ရွယ်ချက်များက ကျန်းချန်ရွှမ်နှင့် ရှန်းရူယန်တို့၏ မျက်လုံးထဲတွင် လက်သွားခဲ့သည်။

ခဏအကြာတွင်၊ ကျန်းချန်ရွှမ်သည် သူ၏လက်နှင့် စည်းတစ်ခုဖွဲ့စည်းလိုက်သည်။

ကျီ…

ချက်ခြင်းပင် မဟာဒြပ်စင်ငါးပါးသုတ်သင်ခြင်းနတ်ဘုရားအလင်းသည် သူ၏လက်ထဲမှ ပေါက်ထွက်လာခဲ့ပြီး ကောင်းကင်အလင်းအဆင့်ကျင့်ကြံသူနှစ်ဦးကို ချိန်ရွယ်ပစ်ခတ်လိုက်သည်။

သေခြင်းအဆင့်မှ ကျင့်ကြံသူနှစ်ဦးသည် ကျန်းချန်ရွှမ်၏ မဟာဒြပ်စင်ငါးပါးသုတ်သင်ခြင်း နတ်ဘုရားအလင်းကြောင့် အခွင့်အရေးပင် မရှိတော့ဘဲ လုံးဝတည်ရှိခြင်းမှ ရှင်းလင်းခံလိုက်ရသည်။

ထိုအပြုအမူသည် နတ်အရှင်ကျောက်စိမ်းမျက်နှာနှင့် နတ်ဆိုးအရှင်ပြိုလဲရန်သူတို့အား ဒေါသထွက်သွားစေခဲ့သည်။

“မင်းတို့က‌သေချင်နေတာပဲ။”

စကားပြောရင်း သူတို့သည် တိုက်ခိုက်မှုကို ပို၍ပြင်းထန်လာသည်။

ကျန်းချန်ရွှမ်နှင့် ရှန်းရူယန်တို့သည် တစ်လှမ်းချင်းနောက်သို့ဆုတ်ရန် တွန်းအားပေးခံရလေသည်။

သို့ရာတွင် သူတို့သည် ဆက်လိုက် နတ်ဘုရားအရှင်နှင်းဓားနှင့် ယွဲ့ချန်ကျွင်းတို့ သူတို့၏ ကိုယ်ပိုင်စည်းမျဉ်းဖြင့်ကာကွယ်ထားခဲ့ပြီး သူတို့အားတိုက်ခိုက်မှုအနည်းငယ်သက်ရောက်မှုမရှိအောင် ကာကွယ်ထားခဲ့သည်။

ထိုအရာကိုမြင်လျှင်၊ နတ်ဘုရားအရှင် နှင်းဓားနှင့် ယွဲ့ချန်ကျွင်းတို့က ခံစားသွားရသည်။

သူတို့သည်တစ်ခုခုပြောချင်သော်လည်း စကားလုံးများအားပြန်မြိုချလိုက်ရသည်။

၎င်းသည်သူတို့မပြောချင်၍ မဟုတ်ပါ။ ထိုသို့သောအခြေအနေမျိုးတွင် အပိုစကားများသည် မလိုအပ်ပဲ အဓိပ္ပာယ်ရှိမည်မဟုတ်ပေ။

ထို့အပြင် ၎င်းသည် ကျန်းချန်ရွှမ်နှင့် ရှန်းရူယန်တို့၏ တိုက်ပွဲအပေါ်အာရုံစိုက်မှုကို သက်ရောက်မှု ရှိနိုင်သည်။

ထို့ကြောင့် နှစ်ဘက်စလုံးမှတိုက်ပွဲသည် သုံးရက်ဆက်တိုက်ဖြစ်လာခဲ့သည်။

ကျန်းချန်ရွှမ်နှင့် ရှန်းရူယန်တို့သည် ထိုကဲ့သို့ဆက်သွားလျှင် ရှုံးနိမ်ရန်အတွက် အချိန်ပင် လိုတော့မည်ဖြစ်ကြောင်း ခံစားလိုက်ရသည်။

***