အခန်း ၅၅-၅၇

အခန်း (၅၅) ကြီးကျယ်သော မွေးနေ့၊ နောက်ဆုံးတော့ အခြေခံအုတ်မြစ်တည်ဆောက်ခြင်းအဆင့်ရောက်ခဲ့ပြီ

ရီဖန်၏ မွေးနေ့သည် ကွမ်ဟယ်စီရင်စုတွင် ကြီးမားသောပွဲတစ်ခုဖြစ်သည်။

အများအားဖြင့် ဆိတ်ငြိမ်နေတတ်သော အရှေ့တောင်တန်းသည် ယခုအခါလူများဖြင့် စည်ကားလျက်ရှိသည်။

ကံကောင်းထောက်မစွာဖြင့် ရီမိသားစု၏နယ်မြေကို ပြုပြင်မွမ်းမံမှုများစွာပြုလုပ်ကာ သိသိသာသာ တိုးချဲ့လာခဲ့သည်၊ သို့မဟုတ်ပါက ထိုကဲ့သို့ များပြားလှသော ကျင့်ကြံသူများအပြားကို ထားရှိရန် မဖြစ်နိုင်ပေ။

"ကွမ်ဟယ်က လီမိသားစုက ဝိညာဉ်ကျောက်တုံးတစ်ရာနဲ့ အနှစ်သုံးဆယ်သက်တမ်းရှိတဲ့ ဂျင်ဆင်းယူလာပါတယ်"

"ကွမ်ဟယ်က ချန်မိသားစုက ဝိညာဉ်ကျောက်တုံးသုံးရာနဲ့ အနှစ်ငါးဆယ်သက်တမ်းရှိတဲ့ဆေးမြက်ပင်ကို ယူလာပါတယ်”

တစ်ယောက်ပြီးတစ်ယောက်၊ ဤအသံများသည် ကွမ်ဟယ်စီရင်စု အတွင်းရှိရင်းနှီးသောမိသားစုများမှဖြစ်သည်။

ယနေ့တွင်သူတို့အားလုံးသည် ရီဖန်၏ မွေးနေ့ပွဲကို ကျင်းပရန်အတွက် ရီမိသားစုခြံဝင်းထဲတွင် စုဝေးခဲ့ကြသည်။

“သက်ရှည်ဂိုဏ်းက ဝိညာဉ်ကျောက်တုံးသုံးထောင်နဲ့ အနှစ်တစ်ရာသက်တမ်းရှိတဲ့သက်ရှည်သစ်သီးကို ယူလာပါတယ်”

ထိုအသံကိုကြားသည်နှင့် အားလုံးသည် တံခါးဝသို့လှည့်ကြည့်လိုက်ကြသည်။

အဖြူရောင်ဝတ်စုံဝတ်ထားသည့် ရုပ်သွင်တစ်ခုပေါ်လာကာ လူတိုင်းကို အံ့အားသင့်စေခဲ့သည်။ ရောက်ရှိလာသူမှာ သက်ရှည်ဂိုဏ်း၏ အကြီးအကဲပိုင်ရွှယ် ဖြစ်သည်။

"ရီမိသားစုက တကယ်ကို ဂုဏ်သိက္ခာကြီးမားတာပဲ၊ အခြေခံအုတ်မြစ်တည်ထောင်ခြင်းအဆင့်ရှိတဲ့ သက်ရှည်ဂိုဏ်းရဲ့ အကြီးအမှူးတောင် ရောက်လာပြီ။"

"သူက အခြေခံအုတ်မြစ်တည်ဆောက်ခြင်းအဆင့်ကို ဖြတ်ကျော်သွားတော့မယ်လို့ပြောကြတယ်၊ ပြီးတော့ပထမအဆင့် ဆေးပညာရှင်လဲ ဖြစ်သေးတယ်ထ သက်ရှည်ဂိုဏ်းက သူ့ကို မျက်နှာသာပေးတာ သဘာဝကျပါတယ်"

လူတိုင်းသည် ရီမိသားစု၏ အခြေအနေကို နက်နဲစွာ နားလည်သဘောပေါက်ကြကာ အချင်းချင်း ဆွေးနွေးပြောဆိုနေကြသည်။

"အကြီးအကဲပိုင်၊ ခင်ဗျားရဲ့ ကိုယ်တိုင်ကိုယ်ကျ လည်ပတ်မှုက ကျွန်တော်တို့ရဲ့နိမ့်ကျတဲ့အိမ်လေးကို တကယ်တောက်ပစေတယ်" ရီဖန်သည် ပိုင်ရွှယ်ကို ကိုယ်တိုင်ကိုယ်ကျ နှုတ်ဆက်ခဲ့သည်။

“အကြီးအကဲရီက ယဉ်ကျေးလွန်းနေတာပဲ၊ ရှင်က ရီကျင်းဟိုင်ရဲ့အဖေတင်မဟုတ်ဘဲ ကျွန်မတို့ သက်ရှည်ဂိုဏ်းရဲ့ အကြီးအကဲတစ်ယောက်လည်းဖြစ်တယ်။ သေချာပေါက်လာရမှာပေါ့”

အပြန်အလှန် စကားဖလှယ်ပြီးနောက် ရီမိသားစု၏နယ်မြေသို့ ရောက်ရှိလာသည်။

ဝိညာဉ်စွမ်းအားဝိုင်၊ ထူးခြားဆန်းပြားသောသားရဲအသားများနှင့် ဝိညာဉ်သစ်သီးများဖြင့် ဧည့်ခံလျက် ရီဖန် ၏မွေးနေ့ကို ခမ်းနားစွာကျင်းပခဲ့သည်။

"ဒီနေ့က ကျွန်တော့်ရဲ့ အသက် ၇၀ ပြည့်မွေးနေ့ပါ၊ လူတိုင်းရဲ့ကြွရောက်ပေးမှုအတွက် ကျေးဇူးတင်ပါတယ်။ ကျေးဇူးပြုပြီး စိတ်အလိုရှိသမျှ စားသုံးကြပါ”

ရီဖန်သည် စားပွဲ၏ခေါင်းရင်းတွင်ထိုင်ကာ အခြေခံအုတ်မြစ်တည်ထောင်ခြင်းအဆင့်တွင်ရှိသော ပိုင်ရွှယ်အပြင် ကျန်ဧည့်သည်များ၏ ကျင့်ကြံရေးအနိမ့်ဆုံးအဆင့်မှာ ချီစွမ်းအား သန့်စင်မှုအထွတ်အထိပ်အဆင့်ဖြစ်သည်။

အားလုံးသည် ခွက်များကိုတိုက်ကာ စတင်သုံးဆောင်လျက်ရှိသည်။

သို့သော် လူတိုင်းပျော်ရွှင်နေကြစဉ် ကြီးမားသောလက်တစ်စုံသည် ကောင်းကင်တွင် ရုတ်တရက် ပေါ်လာကာ ရီမိသားစုဆီသို့ စတင်ဖိနှိပ်လာသည်။

‘တစ်ယောက်ယောက်က တိုက်ခိုက်လာပြီ’

ရီဖန်သည် ပထမဆုံး တုံ့ပြန်ခဲ့ပြီး သူ့မျက်နှာမှာ အေးစက်သွားသည်။ သူ့မွေးနေ့မှာ ဒေါသထွက်အောင်ပြုလူပ်ရန် တစ်စုံတစ်ယောက်သည် သတ္တိရှိနေသည်။

ရီဖန် လက်တုံ့ပြန်တော့မည့်အချိန်တွင် ပိုင်ရွှယ်သည် အင်မော်တယ်လက်နက်ကို ပထမဆုံးပစ်လိုက်သည်။ ကြီးမားသောဓားတစ်ချောင်းသည် ကောင်းကင်ယံရှိ ဧရာမလက်ကြီးဆီသို့ ပျံတက်သွား၏။

ထိုလက်ကြီးသည် အစိတ်စိတ်အမွှာမွှာကွဲကြေသွားကာ ပိုင်ရွှယ် လွှတ်လိုက်သော ဓားရှည်သည်လည်း ပျောက်ကွယ်သွားလေသည်။

ကောင်းကင်ယံ၌ ရုပ်ပုံများစွာ ပေါ်လာသည်။ ဓားရှည်နှင့် ပျံသန်းနေသည့် လေးယောက်မှလွဲ၍ လူတစ်ယောက်သည် သူ့ခြေဖဝါးအောက်တွင် မည်သည့်အရာမှမရှိဘဲ ကောင်းကင်၌ ရပ်နေခဲ့သည်။

အခြေခံအုတ်မြစ်တည်ဆောက်ခြင်းအဆင့်ရှိ အစွမ်းထက်သောကျင့်ကြံသူသာလျှင် ပံ့ပိုးမှု တစ်စုံတစ်ရာမရှိဘဲ လေထဲတွင် လွင့်မျောနိုင်သည်။

ရီဖန်၏ မျက်နှာသည် ပို၍ပင် မသက်မသာဖြစ်သွားသည် ။ ရီမိသားစုသည် အခြေခံအုတ်မြစ်တည်ထောင်ခြင်းအဆင့်ရှိသူကို မည်သည့်အချိန်က စော်ကားခဲ့သနည်း။

"ပိုင်ရွှယ်၊ မင်း ဒီလောက်သေးငယ်တဲ့နေရာကို ရောက်ဖို့ မမျှော်လင့်ထားဘူး။ ဒီဆေးပညာရှင်ကို မင်းတို့ သက်ရှည်ဂိုဏ်းက တော်တော်တန်ဖိုးထားပုံရတယ်"

အခြေခံအုတ်မြစ်တည်ထောင်ခြင်းအဆင့်ရှိ ကျင့်ကြံသူက အထက်မှလှမ်းပြောသည်။

“မော့ပေ၊ ရှင်တို့ ထျန်းဟယ်ဂိုဏ်းနယ်မြေမှာ ရှိနေသင့်တာမဟုတ်ဘူးလား၊ ဒီမှာ ဘာလုပ်နေတာလဲ!"

ပိုင်ရွှယ်သာ် ထိုလူကို ရှင်းရှင်းလင်းလင်း မှတ်မိကာ ချက်ချင်းအေးစက်စွာ ပြန်ဖြေသည်။

"ဒါဆို ပိုင်ရွှယ်က လာနိုင်ပေမယ့် ငါတို့ ထျန်းဟယ် ဂိုဏ်းက မလာနိုင်ဘူးပေါ့"

မော့ပေသည် ပိုင်ရွှယ်၏ လေသံကို လုံးဝပင် ဂရုမစိုက်ချေ။

" တာအိုဆေးပညာရှင်ရီက ဆေးပညာမှာ ထူးချွန်တယ်လို့ ငါကြားတယ်။ ငါ့မှာ ဆေးလုံး ဖော်မြူလာရှိတယ်၊ တာအိုဆေးပညာရှင်ရီက ငါ့ကို ဆေးလုံးသန့်စင်တဲ့နေရာမှာ ကူညီပေးနိုင်မယ်လို့ မျှော်လင့်ပါတယ်"

စကားပြောပြီးနောက် မော့ပေသည် သူ့လက်ကို ဝှေ့ယမ်းလိုက်ရာ သိုလှောင်အိတ်တစ်ခုသည် ရီဖန်ဆီသို့ ပျံသန်းသွားသည်။

" တာအိုဆေးပညာရှင်ရီ အောင်မြင်ဖို့ မျှော်လင့်ပါတယ်၊ မဟုတ်ရင် သက်ရှည်ဂိုဏ်းလဲ မင်းကိုကူညီနိုင်မှာမဟုတ်ဘူး!"

စကားပြီးသောအခါ မော့ပေသည် အခြားဘာမျှ မပြောဘဲ သူ့လက်အောက်ငယ်သားများနှင့်အတူ ထွက်ခွာသွားခဲ့သည်။

‘ရှည်လျားမြစ်ဂိုဏ်း၊ မော့ပေ’

ရီဖန်သည် လက်သီးများကို ဆုပ်ထားသည်။ ရှည်လျားမြစ်ဂိုဏ်းသည် သူ့ကို ဆေးလုံးသန့်စင်ပေးဖို့ တောင်းဆိုသည်မှာ ထင်သလောက် မရိုးရှင်းနိုင်ချေ။

မအောင်မြင်ပါက အကျိုးဆက်များသည် လျော်ကြေးပေးရုံထက်မက ဖြစ်နိုင်သည်။ ကျော်ကြားမှု၏ အားနည်းချက်သည် နောက်ဆုံးတွင် သူ့ကို ဖမ်းမိသွားပါသလော။

ပိုင်ရွှယ်သည် ထွက်ခွာသွားသော ရှည်လျားမြစ်ဂိုဏ်းမှလူများကို ကြည့်ရင်း ရီဖန် ဘက်သို့ လှည့်ကာ "မျိုးနွယ်စုခေါင်းဆောင်ရီ ၊ ကျွန်မအဲဒါကို ရှင့်ဆီက ဖုံးကွယ်မှာမဟုတ်ဘူး။ ရီမိသားစုက ဒီတစ်ကြိမ်မှာ ကျွန်မတို့ရဲ့ အသက်ရှည်ရေးဂိုဏ်းကြောင့် ငြိစွန်းသွားရပြီ"

ရီဖန်သည် အကြီးအကဲတစ်ဦးအနေဖြင့်ရှိကာ မကြာသေးမီနှစ်များအတွင်း သက်ရှည်ဂိုဏ်း၏ ဖွံ့ဖြိုးတိုးတက်မှုမှာ အလွန်ကောင်းမွန်ခဲ့သည်။

အထူးသဖြင့် အကြီးအကဲနှစ်ဦးသည် ရီဖန်၏ အသက်ရှည်ဆေးကို အားကိုးကာ အခြေခံအုတ်မြစ်တည်ဆောက်ခြင်းနယ်မြေအလယ်အလတ်အဆင့်သို့ အောင်မြင်စွာ ဖြတ်ကျော်သွားခဲ့သည်။

တစ်ချိန်က ဟန်ချက်ညီသော ကွမ်ဟယ်စီရင်စု၏ အဓိကဂိုဏ်းကြီးသုံးခုသည် ၎င်းတို့၏မျှခြေကို တဖြည်းဖြည်း ဆုံးရှုံးလာ၏။

"ကိုယ့်ကိုယ်ကို အပြစ်မတင်ပါနဲ့ သက်ရှည်ဂိုဏ်း၊ ကျွန်တော်တို့ ရီမိသားစုက အားနည်းလွန်းတာပါ"

ရီဖန်သည် ဆင်ခြေမပေးချေ။

ရီမိသားစုသည် အမှန်တကယ်ပင် အားနည်းလွန်းလှသည်။

ရီဖန်သည် ယနေ့ အခြေခံအုတ်မြစ်တည်ဆောက်ခြင်းနယ်မြေအဆင့်သို့ ရောက်ရှိနေပါက၊ ရှည်လျားမြစ်ဂိုဏ်းဟုခေါ်သော ဂိုဏ်းသည် သူ့ကို ပွင့်ပွင့်လင်းလင်း ဖိအားပေးဝံ့မည်မဟုတ်ချေ။

"ရီမိသားစုကို လျော်ကြေးပေးဖို့အတွက် ပြန်ရောက်တဲ့အခါ ရီကျင်းဟိုင်ကို သက်ရှည်ရေကန်ကို တစ်ကြိမ်သုံးခွင့်ပေးပါ့မယ်၊

အဲလိုဆိုရင် သူ့ရဲ့ ချီစွမ်းအားကျင့်ကြံရေးအဆင့်က ဆယ့်နှစ်လွှာမြောက်ကိုရောက်သွားလိမ့်မယ်”

“ဒါ့အပြင်၊ နောက်ကို ရှည်လျားမြစ်ဂိုဏ်းက ရှင်တို့ကို ဒုက္ခပေးလာရင် ဒီတိုင်းကြည့်နေမှာ မဟုတ်ပါဘူး”

ပိုင်ရွှယ်သည် ရီမိသားစုအတွက် လျော်ကြေးပေးမည်ဟု ကတိပြုခဲ့ရာ ရီဖန်လည်း မငြင်းပေ။ ဤနှစ်များအားလုံးကို နိမ့်ချနေထိုင်ပြီးနောက် လှုပ်ရှားရန်အချိန်ကျရောက်လာပြီဖြစ်သည်။

ရီမိသားစုကို အခြေခံအုတ်မြစ်တည်ဆောက်ရေးဂိုဏ်းတစ်ခုဖြစ်သည့် ရှည်လျားမြစ်ဂိုဏ်းက ပစ်မှတ်ထားနေပုံရကာ သူတို့၏အခြေအနေသည် ဆိုးရွားပုံပေါ်သည်။

လူများစွာသည် ရီမိသားစုမှ တိတ်တဆိတ် ထွက်ခွာသွားကာ ပါဝင်ပတ်သက်မည်ကို ကြောက်ရွံ့နေကြလျက် အဆက်အသွယ်ဖြတ်ရန် ကြံရွယ်နေကြသည်။

ယခင်က သက်ဝင်လှုပ်ရှားနေသော ရီမိသားစုသည် လျင်မြန်စွာ ငြိမ်သက်သွားသည်။

ရီဖန်သည် လက်ဆောင်ပစ္စည်းများကို ကြည့်ကာ ပြုံးလိုက်သည်။

လက်ဆောင်အများအပြားကို အဆက်မပြတ် လက်ခံရရှိပြီးနောက် လက်ဆောင်ပြန်ပေးရန် မလိုအပ်တော့သည်မှာ အကောင်းဆုံးဖြစ်သည်။

ရီမိသားစုသည် အထီးကျန်သွားလေတော့သည်။

ရီကျင်းဟိုင်သည် ပိုင်ရွှယ် ဂိုဏ်းသို့ ပြန်သွားခဲ့ပြီး ရီဖန်က ရီမိသားစုကို အပျက်အစီးများထဲသို့ ပို့ဆောင်ခဲ့သည်။ ဝိညာဉ်စွမ်းအားစုစည်းခြင်းအခင်းအကျင်းသည် စွမ်းအားအပြည့်ဖြင့် လည်ပတ်နေကာ ကျင့်ကြံရေးအဆင့်တိုင်းသည်လည်း တိုးတက်လျက်ရှိသည်။

ရီဖန်သည် အပျက်အစီးများထဲမှ ဆေးဘက်ဆိုင်ရာ နယ်မြေသို့ ရောက်လာသည်။

ဆေးဘက်ဆိုင်ရာနယ်မြေထဲတွင် သွေးနီရောင် ဂျင်ဆင်းများဖြင့် ပြည့်နေသဖြင့် လျစ်လျူရှုရန် ခက်ခဲလှသည်။

ဤသွေးဂျင်ဆင်းကို ရီဖန်သည် နှစ်ပေါင်းများစွာစိုက်ပျိုးခဲ့သည်။

အပျက်အစီးများအတွင်း စိတ်ဝိညာဉ်စွမ်းအင်သိပ်သည်းဆသည် အလွန်မြင့်မားကာ အမျိုးမျိုးသော ဆေးဖက်ဝင်အပင်များ၏ ကြီးထွားနှုန်းသည် အလွန်လျင်မြန်သည်။

“ရှောင်ဖန်၊ ဒီကာလမှာ မင်းက ငါနဲ့အတူ ဆေးပညာကို သင်ယူရမယ်"

ရီဖန်သည် ထိပ်တန်းအင်မော်တယ်ပစ္စည်းဖြစ်သည့် ဆေးဖိုကို ထုတ်ယူကာ ဆေးလုံးကို စတင် သန့်စင်ခဲ့သည်။

ရီဖန်၏လက်ထဲတွင် သွေးဂျင်ဆင်းဆေးလုံး တစ်သုတ်ပြီး တစ်သုတ်သန့်စင်ပြီးသွားသည်။

သွေးဂျင်ဆင်းဆေးလူံးတိုင်းကို သူ၏ ယုံကြည်ရသောလက်ထောက်များထံ ကျွေးမွေးခဲ့သည်။

သွေးဂျင်ဆင်းဆေးလုံးသည် ချီစွမ်းအားကျင်ကြံမှုနောက်ပိုင်းအဆင့်များတွင် ဖြစ်နေပြီဖြစ်သော ရီမိသားစုဝင်များကို သက်ရောက်မှုမရှိတော့ချေ။

"ဒီမှာ လက်တစ်ထောင်အလှည့်နည်းပညာကို သုံးပြီး အညစ်အကြေးတွေကို ပြီးပြည့်စုံအောင် သန့်စင်ဖို့ လိုတယ်"

“ဒီနေရာမှာ ဆေးဖက်ဝင်အာနိသင်ကို အစုံရောစပ်ဖို့ ဝိညာဉ်မီးကျုံ့ခြင်းနည်းစနစ်ကို သုံးဖို့ လိုတယ်”

ရီဖန်သည် သူ၏ ဆေးပညာအတွေ့အကြုံများနှင့် နည်းပညာများကို ရီကျင်းဖန်အား စေ့စေ့စပ်စပ် သင်ကြားပေးခဲ့သည်။

သွေးဂျင်ဆင်းဆေးလုံး ဆယ်သုတ်မြောက်ကို ပြီးသောအခါ ရီကျင်းဖန် သည် ရုတ်တရတ်တစ်စုံတစ်ခုကို ခံစားခဲ့ရသည်။

"ဆိုတော့ ဒါကဒီလိုအလုပ်လုပ်တာပေါ့!"

လက်ခုပ်တီးလိုက်သောအခါ ဆေးဖိုတစ်ခု ပေါ်လာသည်။

တစ်နာရီအကြာတွင် ပထမအဆင့် ထိပ်တန်း ချီစွမ်းအားပြုစုပျိုးထောင်ခြင်း ဆေးလုံး တစ်သုတ်ကို အောင်မြင်စွာ သန့်စင်ခဲ့သည်။ ရီကျင်းဖန်၏ ဆေးပညာအဆင့်သည် နောက်ဆုံးတွင် ပထမအဆင့်၏ ထိပ်တန်းအဆင့်သို့ ရောက်သွားသည်။

တစ်ချိန်တည်းတွင် ရီမိသားစု၏ယုံကြည်ရသော လက်ထောက်များသည်လည်း ၎င်းတို့၏ ကျင့်ကြံရေးအဆင့်ကို အောင်မြင်စွာ ကျော်ဖြတ်နိုင်ခဲ့သည်။

"စနစ်၊ ပေါင်းစည်းလိုက်!!"

ရီဖန်၏ အမိန့်ကို လိုက်နာပြီးနောက် မရေမတွက်နိုင်သော ဝိညာဉ်စွမ်းအင်များသည် ရီဖန်၏ ခန္ဓာကိုယ်ထဲသို့ အရူးအမူးပြေးဝင်လာကာ ရေဝဲတစ်ခုအဖြစ်သို့ ပြောင်းလဲသွားသည်။

ဝိညာဉ်စွမ်းအင်၏ စုပ်ယူမှုအောက်တွင် ရီဖန်၏အတွင်း၌ ရေဝဲငယ်တစ်ခု ပေါ်လာသည်။

ဝိညာဉ်စွမ်းအားရေဝဲ၊ ၎င်းသည် အခြေခံအုတ်မြစ်တည်ဆောက်ခြင်းနယ်မြေအဆင့်၏ အမှတ်အသားဖြစ်သည်။

ဝိညာဉ်စွမ်းအားရေဝဲ၊ တိုက်ခိုက်ရေးစွမ်းအားနှင့် ပြန်လည်ကုသနိုင်စွမ်းအား နှစ်ခုစလုံးသည် ချီစွမ်းအား သန့်စင်ရေးနယ်ပယ်ရှိ အရာများနှင့် နှိုင်းယှဉ်၍မရချေ။

ရီဖန်သည် လျှို့ဝှက်ဆန်းကြယ်သောခရမ်းရောင်သစ်သားကျင့်စဉ်ကို လှည့်ပတ်ကာ ဝိညာဉ်စွမ်းအားရေဝဲကို အဆက်မပြတ်ထိန်းသိမ်းလျက် သူ့ခန္ဓာကိုယ်အတွင်းတွင် ဝိညာဉ်စွမ်းအားများကို ဖိသိပ်ထားသည်။

နောက်ဆုံးတွင် ဝိညာဉ်စွမ်းအားတစ်စက်သည် ရီဖန်၏ဒန်တျန်းအတွင်း၌ ပေါ်လာသည်။

လျှို့ဝှက်ဆန်းကြယ်သောခရမ်းရောင်သစ်သားကျင့်စဉ်၊ ခရမ်းရောင်သစ်သားဝိညာဉ်ဒြပ်စင်၏ထူးခြားသောဝိညာဉ်ရေးစွမ်းအား။ နက်ရှိုင်းသော ခရမ်းရောင် ဝိညာဉ်ဒြပ်စင်သည် ပြင်းထန်သောအရောင်အဝါကို ထုတ်လွှတ်ပေးသည်။

ထို့အပြင် ရီဖန်၏ အသိစိတ်ပင်လယ်ထဲတွင် ဝိညာဉ်လှိုင်းလုံးများသည် နေရာပေါင်းစုံသို့ ပျံ့နှံ့သွားတယ်။

ရီဖန်သည် မျက်လုံးတွေမှိတ်ထားလျက်နှင့်ပင် မီတာတစ်ရာအတွင်းရှိ အခြေခံအုတ်မြစ်တည်ဆောက်ခြင်းနယ်မြေ၊ စိတ်ဝိညာဉ်ဌာနခွဲနှင့် ဝိညာဉ်ရေးရာအသိစိတ်တို့၏ သင်္‌ကတများစသည့်အရာအားလုံးကို ရှင်းရှင်းလင်းလင်းမြင်နေရသည်။

နောက်ဆုံးတွင် အသက်ခုနစ်ဆယ်အရွယ်၌ ရီဖန်သည် အခြေခံအုတ်မြစ်တည်ဆောက်ခြင်းနယ်မြေအဆင့်သို့ ရောက်ရှိခဲ့သည်။

………………………..

အခန်း (၅၆) ဒုတိယအဆင့်ဆေးပညာရှင်

ဇာတ်ကောင်- ရီဖန်

သက်တမ်း: ၁၈၆ နှစ်

အဆင့်- အစောပိုင်းအခြေခံအုတ်မြစ်တည်ဆောက်ခြင်းအဆင့် (၁၂၀၀/၅၀၀၀၀)

စွမ်းရည်များ- တာအိုဆေးပညာဒုတိယအဆင့် (၁၂/၃၀၀၀)၊ ပထမအဆင့် ပန်းပဲပညာ(၁၅၉၉/၁၆၀၀)၊ ပထမအဆင့်ဖွဲ့စည်းတည်ဆောက်ပုံအခင်းအကျင်း (၁၅၉၉/၁၆၀၀)၊ မြွေစိမ်းမီးတောက်နည်းပညာကျွမ်းကျင်မှု (၇၉၉/၈၀၀)၊ လျို့ဝှက်ဆန်းကြယ်သော ခရမ်းရောင်သစ်သားကျင့်စဉ် အခြေခံအဆင့်(၃၃/၁၀၀)

ထူးကဲစွမ်းရည်များ- မြွေစိမ်းသွေးမျိုးဆက်(၈၇၇/၁၀၀၀)၊ မီးတောက်ထိန်းချုပ်မှု ပြီးမြောက်ခြင်း (၃၂/၈၀၀)

မိသားစု ဂုဏ်ရည်များ- ခရမ်းရောင် ဂုဏ်ရည်၊ ခရမ်းရောင်အင်မော်တယ်စွမ်းရည်၊ အစိမ်းရောင်ပိုင်ရိ

မစ်ရှင်များ- တိုးပွါးလာသောမိသားစု လေး၊ သန်မာသောလမ်းကြောင်း သုံး၊ မိသားစုနယ်မြေ ငါး၊

မိသားစုလူဦးရေ နှစ်၊ မိသားစုလက်နက်တိုက် ငါး၊ မိသားစုလွှမ်းမိုးမှု နှစ် (၁၆၀/၃၀၀)

အခြေခံအုတ်မြစ်တည်ဆောက်ခြင်းအဆင့်သို့ ဖြတ်ကျော်ပြီးနောက် ရီဖန်၏ သက်တမ်းသည် အနှစ် ၁၂၀ တိုးလာပြန်သည်။

သူ၏ ကျင့်ကြံရေးအဆင့်အပြင် သူ၏ ဆေးပညာသည် နောက်ဆုံးတွင်ဒုတိယအဆင့်သို့ ရောက်သွားခဲ့ပြီဖြစ်သည်။

သူသည် နောက်ဆုံးတွင် ဒုတိယအဆင့် ဆေးလုံးများကို ပြုလုပ်နိုင်ပေပြီ ။ ရီဖန်၏စိတ်ထဲတွင် ဆေးလုံးဖော်မြူလာအသစ်များစွာ ပေါ်လာသည်။

၎င်းတို့ထဲမှ တချိုု့သည် အခြေခံအုတ်မြစ်တည်ဆောက်ခြင်းအဆင့်တွင် ကျင့်ကြံရေးအဆင့်မြှင့်တင်ရန်အသုံးပြုသည့် ကျင့်ကြံရေးဆေးလုံးနှင့် ဝိညာဉ်ရေးရာအသိဉာဏ်ကို ပြန်လည်သန့်စင်ရန်အသုံးပြုသည့်စိတ်အားဖြည့်ခြင်းဆေးလုံးတို့ဖြစ်သည်။

ထို့အပြင် အရေးအကြီးဆုံး ဆေးလုံးလည်းဖြစ်သည့် အခြေခံအုတ်မြစ်တည်ဆောက်ခြင်း ဆေးလုံးလည်းပါသည်။ ဤသို့ဖြင့် ရီဖန်သည် နောက်ဆုံးတွင် အခြေခံအုတ်မြစ်တည်ဆောက်ခြင်း ဆေးလုံးကို တီထွင်နိုင်ခဲ့သည်။

အခြေခံအုတ်မြစ်တည်ဆောက်ခြင်းဆေးလုံး၏ အဓိကပါဝင်ပစ္စည်းဖြစ်သည့် အခြေခံအုတ်မြစ်တည်ဆောက်ခြင်းမြက်ပင်ကို အပျက်အစီးများတွင် တွေ့ရှိနိုင်သည်။

အခြားသော အရန်ဆေးဝါးများသည် အလွန်အဖိုးအခမများဘဲ ဈေးကွက်တွင် စုဆောင်းနိုင်သည်။

တစ်ရက်တာအတွင်း ရီဖန်သည် လိုအပ်သောပါဝင်ပစ္စည်းများအားလုံးကို စုဆောင်းကာ ဆေးလုံးပြုလုပ်ခြင်းကို စတင်ခဲ့သည်။

ရီဖန်၏ ကျင့်ကြံမှုသည် အခြေခံအုတ်မြစ်တည်ထောင်ခြင်းအဆင့်သို့ ရောက်ရှိပြီးနောက် သူ၏ အစိမ်းရောင်သစ်သားမီးတောက်စွမ်းအားသည်လည်း ပိုမိုအားကောင်းလာသည်။

အခြေခံအုတ်မြစ်တည်ထောင်ခြင်းနည်းပညာကို မလေ့ကျင့်ဘဲ သူ၏မြွေစိမ်းမီးတောက်နည်းစနစ် ကျွမ်းကျင်မှုဖြင့်ပင် ရီဖန်သည် အခြေခံအုတ်မြစ်တည်ထောင်ခြင်းအဆင့်ရှိသည့် ကျင့်ကြံသူထက် နိမ့်ကျလိမ့်မည်ဟု မထင်ပေ။

မီးတောက်သည် မြွေစိမ်းအဖြစ်သို့ ပြောင်းလဲသွားကာ ဝိညာဉ်ဆေးဝါးများကို ရစ်ပတ်ကာ အညစ်အကြေးများသည် ချက်ချင်း အရည်ပျော်သွားသည်။

နောက်တစ်ခဏ၌ ရီဖန်သည် ရပ်တန့်သွားသည်။

အခြေခံအုတ်မြစ်တည်ဆောက်ခြင်းမြက်ပင်မှ မျိုးစေ့ထုတ်နိုင်မည်ဟု သူ မမျှော်လင့်ခဲ့ပေ။

အခြေခံအုတ်မြစ်တည်ဆောက်ခြင်းမြက်ပင်သည် နှစ်ပေါင်းတစ်ရာကျော် ကြီးထွားလာခဲ့ကာ ဤမျိုးစေ့များသည် တိုက်ပွဲတွင် ဝိညာဉ်မျိုးစေ့များအဖြစ် လည်းကောင်း၊ အခြေခံအုတ်မြစ်တည်ဆောက်ခြင်းမြက်ပင်များ ပိုမိုကြီးထွားစေရန်အတွက်လည်းကောင်း အသုံးဝင်သည်။

အစေ့များကို သိမ်းဆည်းပြီးနောက် ရီဖန်သည် အခြေခံအုတ်မြစ်တည်ဆောက်ခြင်း ဆေးလုံးကို ပြန်လည်သန့်စင်ကာ လက်သင်္ကေတများကို ပြန်လည်စတင်ခဲ့သည်။

ရီဖန်၏နဖူးမှ ချွေးစများလာသောအခါတွင် ဆေးမီးဖိုထဲမှ ဆေးလုံးရနံ့သည်လည်း တဖြည်းဖြည်း လွင့်ပျံလာသည်။ သုံးရက်အကြာတွင် ရီဖန်၏လက်ခုပ်သံနှင့်အတူ၊ အခြေခံအုတ်မြစ်တည်ဆောက်ခြင်းဆေးလုံးထွက်ပေါ်လာခဲ့သည်။

ဒုတိယအဆင့် ဆေးလုံးသည် ၎င်း၏အမည်နှင့် အမှန်တကယ်ထိုက်တန်ကာ ရီဖန်သည် ထုတ်ယူခြင်းမပြုရသေးမီကပင် ဆေးလုံးအတွင်းရှိ ကြီးမားသောစွမ်းအင်ကို ခံစားနိုင်သည်။

ရီဖန်သည် ပင်ပန်းနွမ်းနယ်နေသော ခန္ဓာကိုယ်ကို ထောက်ကန်ကာ ဆေးလုံးကိုကျောက်စိမ်းပုလင်းထဲသို့ ပြန်ထည့်လိုက်သည်။

ဆေးဖို၏ အရည်အသွေးမှာ နိမ့်ကျနေသေးသော်လည်း ကံကောင်းထောက်မစွာဖြင့် ရီဖန်သည် အလွန်ကျွမ်းကျင်ကာ စွန့်ခွါခြင်းမီးတောက်၏အကူအညီကို ရရှိထားသောကြောင့်အောင်မြင်ခဲ့ခြင်းဖြစ်သည်။

အကယ်၍ ဤအခြေခံအုတ်မြစ်တည်ဆောက်ခြင်းဆေးလုံးကို ရောင်းချမည်ဆိုပါက ဝိညာဉ်ကျောက်တုံးနှစ်သောင်းမပါဘဲ ၎င်းကိုကြည့်ရန် အိပ်မက်ပင်မက်နိုင်မည်မဟုတ်ချေ။

ကျင်းဟိုင်သည် ချီစွမ်းအားကျင့်ကြံမှုဆယ်ခုမြောက်အဆင့်ကို ဖြတ်ကျော်နိုင်ပါက ရီမိသားစုသည် ဒုတိယမြောက် အခြေခံအုတ်မြစ်တည်ဆောက်ခြင်းအဆင့် ကျင့်ကြံသူတစ်ဦးကို ပိုင်ဆိုင်နိုင်မည်ဖြစ်သည်။

သက်ရှည်ဂိုဏ်းရှိ ထာဝရအသက်ဝိညာဉ်ရေကန်အတွင်း၏ ပင်မတောင်ထွတ်ထိပ်တွင် ရေအောက်မှပုံရိပ်တစ်ခုပေါ်လာသည်။

ထာဝရအသက်ဝိညာဉ်ရေကန်သည် အသက်ရှည်ဂိုဏ်း၏ အဖိုးတန်ဆုံးရတနာဖြစ်သည်။

ဤဝိညာဉ်ရေကန်သည် နှစ်စဉ်နှစ်တိုင်း ထာဝရအသက်ဝိညာဉ်အရည်ဟုခေါ်သော ရတနာတစ်ခုကိုထုတ်ပေးကာ ကျင့်ကြံသူ၏ ကျင့်ကြံရေးအဆင့်ကို လျင်မြန်စွာ မြှင့်တင်ပေးနိုင်သည်။

ချီစွမ်းအားသန့်စင်ခြင်းနယ်မြေအဆင့်အတွက် အသုံးဝင်ရုံသာမက အခြေခံအုတ်မြစ်တည်ဆောက်ခြင်းအဆင့် အဆင့်ရှိသူများအတွက်လည်း အကျိုးကျေးဇူးများစွာရှိပေသည်။

ဝိညာဉ်အရည်သည် ထုတ်လုပ်ရန် ခက်ခဲသောကြောင့် သက်ရှည်ဂိုဏ်းမှ အကြီးအကဲများပင်လျှင် သိသာထင်ရှားစွာဖြင့် ထာဝရအသက်ဝိညာဉ်ရေကန်ကို အသုံးချ၍မရချေ။

ယခုတစ်ကြိမ်တွင် ပိုင်ရွှယ်သည် ၎င်း၏တပည့် ကျင်းဟိုင်ကို ထာဝရအသက်ဝိညာဉ်ရေကန်တွင် ကျင့်ကြံခွင့်ပေးရန် အငြင်းပွားဖွယ်ဆုံးဖြတ်ချက်ကို ချမှတ်ခဲ့ပြီးနောက် ဝေဖန်မှုများစွာခံခဲ့ရသည်။

"ကျင်းဟိုင်၊ မင်း ဆရာ့ကိုစိတ်ပျက်အောင်မလုပ်နဲ့"

လူတိုင်း၏ ကိုယ်ခန္ဓာသည် ကွဲပြားခြားနားသောကြောင့် ဝိညာဉ်ရေးရေကန်ကို အသုံးပြုခြင်း၏အကျိုးသက်ရောက်မှုသည်လည်း ကွာခြားသည်။ ပိုင်ရွှယ်က ရီဖန်ကို ကျင်းဟိုင်၏ ချီစွမ်းအားကျင့်ကြံမှု အဆင့်ဆယ့်နှစ်ကို ကျော်ဖြတ်နိုင်အောင် ကူညီပေးရန် ကတိပေးခဲ့ပြီးဖြစ်သည်။

ထာဝရအသက်ဝိညာဉ်ရေးရေကန်သည် ထိုသို့လုပ်ဆောင်ပေးနိုင်ခြင်းမရှိပါက အခြားနည်းလမ်းများသည် အတော်လေးကို ဒုက္ခများမည်ဖြစ်ကာ ၎င်းသည် ကျင်းဟိုင်ကို များစွာထိခိုက်စေမည်ဖြစ်သည်။

လှိုဏ်ဂူထဲမှ ကျင်းဟိုင်သည် ဝိညာဉ်ရေးရေကန်မှ ထွက်လာခဲ့သည်။ သူ၏ဝိညာဉ်ရေးစွမ်းအားကို စုစည်းလိုက်သောအခါ သူ၏အဝတ်အစားများ ပြန်လည်ခြောက်သွေ့သွားသည်။

"နောက်ဆုံးတော့ ချီစွမ်းအားကျင့်ကြံမှု ဆယ်နှစ်မြောက်အဆင့်ကို ရောက်သွားပြီ"

“ဆရာ၊ ကျွန်တော် အောင်မြင်မှုတစ်ခုရသွားပြီ” ရီကျင်းဟိုင်သည် ပိုင်ရွှယ်ကိုတွေ့ပြီးနောက် စိတ်လှုပ်ရှားစွာပြောသည်။

"ကောင်းပြီ၊ မင်းအောင်မြင်မှုတစ်ခုရခဲ့တာ ကောင်းပါတယ်။" ရီကျင်းဟိုင်၏အောင်မြင်မှုသည် ပိုင်ရွှယ်အပေါ်ရှိဖိအားအချို့ကိုသက်သာစေသည်။

အခြားသူများသည် ထာဝရအသက်ဝိညာဉ်ရေးရေကန်ကို အသုံးပြုသော်လည်း ချီစွမ်းအား သန့်စင်မှုနယ်ပယ်၏ ဆယ်ခုမြောက်အလွှာကို ဖြတ်ကျော်ရန် အခွင့်အလမ်းမှာ နည်းပါးပါသည်။

ရီကျင်းဟိုင် ၏အောင်မြင်မှုသည် ပိုင်ရွှယ်၏ဆုံးဖြတ်ချက်မမှားကြောင်းသက်သေပြလိုက်၏။

မကြာမီတွင် သက်တမ်းရှည်ဂိုဏ်းမှ ကျင့်ကြံသူအများအပြားသည် ချီစွမ်းအား သန့်စင်မှုနယ်ပယ်၏ ဆယ်နှစ်မြောက်အဆင့်ကို ဖြတ်ကျော်သွားသည့် ရီကျင်းဟိုင်၏သတင်းကို ကြားလိုက်ရသည်။

"ဘာဖြစ်လဲ၊ သူ ချီစွမ်းအားကျင့်ကြံမှု ဆယ့်နှစ်အလွှာကို ဖြတ်နိုင်ရင်တောင်မှ အခြေခံအုတ်မြစ်တည်ထောင်မှုအဆင့်ကို မဖြတ်နိုင်သေးပါဘူး"

"အောင်မြင်မှုတစ်ခုရသွားတာက ရီကျင်းဟိုင် အတွက် ဖြုန်းတီးမှုတစ်ခုလို့ ငါထင်တယ်၊ အကယ်၍ ငါလုပ်ရင်တောင် ပိုကောင်းဦးမယ်၊ ငါဖြတ်ကျော်ပြီးတာနဲ့ ငါ့မျိုးနွယ်စုက အခြေခံအုတ်မြစ်တည်ဆောက်ခြင်းဆေးလုံးကို သေချာပေါက် ရှာပေးလိမ့်မယ်"

ရီကျင်းဟိုင်၏ အကြောင်းကို လူအများက မနာလိုဖြစ်ခဲ့ကြသည်။ သူတို့အမြင်အရ ရီကျင်းဟိုင်သည် ချီစွမ်းအားသန့်စင်မှု အလွှာဆယ့်နှစ်ကို ဖြတ်ကျော်သွားသော်လည်း၊ ၎င်းသည် အသုံးမဝင်သေးချေ။

ချီစွမ်းအားကျင့်ကြံမှုအထွတ်အထိပ်အဆင့်တွင် ကျင့်ကြံသူ အများအပြားရှိသော်လည်း ၎င်းတို့ထဲမှ မည်မျှသည် အခြေခံအုတ်မြစ်တည်ထောင်ခြင်း အဆင့်သို့ ဖြတ်ကျော်နိုင်မည်နည်း။

‘အကယ်၍ မင်းမှာ ထူးထူးခြားခြား အရည်အချင်းမရှိပါက အခြေခံအုတ်မြစ်တည်ဆောက်ခြင်းဆေးလုံးကို အသုံးပြုရန် လိုအပ်လိမ့်မည်။

သက်ရှည်ဂိုဏ်းအတွက်ပင်လျှင် ရီကျင်းဟိုင် အလွယ်တကူမရနိုင်သော အခြေခံအုတ်မြစ်တည်ဆောက်ခြင်းဆေးလူံး တစ်ခု သို့မဟုတ် နှစ်ခုရရှိရန် ဆယ်နှစ်ကြာသည်။

ရီကျင်းဟိုင်၏ မျိုးနွယ်စုသည် ရီကျင်းဟိုင်အတွက် အခြေခံအုတ်မြစ်တည်ဆောက်ခြင်း ဆေးလုံးကို ရရှိနိုင်မည်ဟု မယုံကြည်ကြပေ။

"ရီကျင်းဟိုင်၊ မင်းကို ငါတို့ အနှေးနဲ့အမြန် ကျော်လွန်နိုင်လိမ့်မယ်" တစ်ချို့က လက်သီးများကို ဆုပ်ထားကာ ကိုယ့်ကိုယ်ကိုယ် အားပေးနေကြသည်။

နောက်တစ်နေ့တွင် ရီကျင်းဟိုင်လက်ထဲသို့ ဆေးလုံးတစ်လုံး ရောက်လာသည် ။

၎င်းသည် ရီဖန်သည် လောလောလတ်လတ်သန့်စင်ပြီးသွားသော အခြေခံအုတ်မြစ်တည်ထောင်ခြင်းဆေးလုံးဖြစ်သည်။

သုံးရက်အကြာတွင် ရီကျင်းဟိုင်၏ဂူအိမ်အတွင်းမှ အခြေခံအုတ်မြစ်တည်ထောင်ခြင်းအဆင့်ရှိသည့် ပြင်းထန်သော ရောင်ဝါတစ်ခု ထွက်ပေါ်လာကာ အသက်ရှည်ခြင်းဂိုဏ်းတစ်ခုလုံးကို တုန်လှုပ်သွားစေခဲ့သည်။

အကြီးအကဲပိုင်ရွှယ်နှင့် အခြားအကြီးအကဲများသည် ရီကျင်းဟိုင်၏ဂူအိမ်သို့ တတ်နိုင်သမျှ အပြေးအလွှားသွားခဲ့ကြပြီးနောက် အခြေခံအုတ်မြစ်တည်ထောင်ခြင်းအဆင့်သို့တက်လှမ်းသွားသူမှာ မည်သူမည်ဝါဖြစ်သည်ကို သိလိုကြသည်။

‘ရီကျင်းဟိုင် ရဲ့အဖေဖြစ်မလား။’

နောက်အခိုက်အတန့်တွင် ဂူအိမ်တံခါးပွင့်လာကာ ရီကျင်းဟိုင်သည် လူတိုင်းရှေ့သို့ ရောက်လာသည်၌

ရီကျင်းဟိုင် သည် အခြေခံအုတ်မြစ်တည်ထောင်ခြင်းအဆင့်၏ ရောင်ဝါကို လူတိုင်းခံစားနိုင်စေရန် သူ၏အသွင်အပြင်ကို ဖုံးကွယ်ထားခြင်းမရှိပေ။

"ကျင်းဟိုင်၊ မင်း အခြေခံအုတ်မြစ်တည်ထောင်ခြင်းအဆင့်ကို ဖြတ်ပြီးပြီလား" ပိုင်ရွှယ်သည်ပင်အနည်းငယ် ထိတ်လန့်သွားသည်။

သူမသည် မူလက ရီကျင်းဟိုင်အတွက် ငါးနှစ်အတွင်း အခြေခံအုတ်မြစ်တည်ထောင်ခြင်းဆေးလုံးကို ရှာရန် စီစဉ်ခဲ့သည်။

ရီကျင်းဟိုင်၏ ဆဌမအဆင့် အသွင်ပြောင်း ဝိညာဉ်ရေးအမြစ်ဖြင့် အခြေခံအုတ်မြစ် တည်ထောင်ခြင်းဆေးလုံးတစ်ခုသည် အခြေခံအုတ်မြစ်တည်ထောင်ခြင်းအဆင့်သို့ ဖြတ်ကျော်ရန် သူ့အတွက် လုံလောက်နိုင်သည်။

သို့သော် ပိုင်ရွှယ်သည် ရီကျင်းဟိုင်မှာ ချီစွမ်းအားသန့်စင်မှုအထွတ်အထိပ်သို့ရောက်ပြီးနောက် ချက်ချင်းပင် အခြေခံအုတ်မြစ် တည်ထောင်ခြင်းနယ်မြေအဆင့်သို့ ဖြတ်ကျော်သွားလိမ့်မည်ဟု မမျှော်လင့်ခဲ့ချေ။

ရီကျင်းဟိုင် ၏ အခြေခံအုတ်မြစ်တည်ထောင်ခြင်း ဆေးလုံးသည် မည်သည့်နေရာက လာသနည်း။

"ကျင်းဟိုင် မင်း အခြေခံအုတ်မြစ်တည်ဆောက်ခြင်း ဆေးလုံးစားခဲ့သလား" ဟု ဂိုဏ်းချုပ်က မေးသည်။

ရီကျင်းဟိုင်သည်ခေါင်းညိတ်ပြကာ- “ကျွန်တော့အဖေက အခြေခံအုတ်မြစ် တည်ထောင်ခြင်းဆေးလုံးကို သန့်စင်ထားတယ်။ အဲတာက ဖြတ်ကျော်ဖို့ ကူညီပေးလိုက်တာကြောင့် အရမ်းကံကောင်းခဲ့တယ်။”

ရီဖန်သည် ဒုတိယအဆင့် ဆေးပညာရှင် ဖြစ်လာသည့် သတင်းသည် ရီဂျင်ဟိုင်း အခြေခံအုတ်မြစ် တည်ထောင်ခြင်းအဆင့်၏ အောင်မြင်မှုထက်ပင် ပို၍တုန်လှုပ်သွားခဲ့သည်။

ခဏမျှ လူတိုင်းသည် အံ့အားသင့်သွားသည်။ "အကြီးအကဲ ရီဖန်က ဒုတိယအဆင့် ဆေးပညာရှင် ဖြစ်လာတာလား?"

“ဟုတ်တာပေါ့၊ မဟုတ်ရင် ကျွန်တော်တို့ ရီမိသားစုက အခြေခံအုတ်မြစ်တည်ထောင်ခြင်း

ဆေးလုံးကို ဘယ်လိုရပါ့မလဲ””

“ကောင်းတယ်!”

"အကြီးအကဲရီက တကယ်ကို အရည်အချင်းရှိသူပဲ!"

သက်ရှည်ဂိုဏ်းမှ အကြီးအကဲများစွာတို့သည် ရုတ်တရက် စိတ်လှုပ်ရှားသွားကြသည်။

ရီဖန်သည် ရီမိသားစု၏ မျိုးနွယ်စုခေါင်းဆောင်သာမက သက်ရှည်ဂိုဏ်း၏ အကြီးအကဲတစ်ဦးလည်းဖြစ်သည်။

ယခု ရီဖန်သည် ဒုတိယအဆင့် ဆေးပညာရှင်တစ်ဦးဖြစ်လာခြင်းသည် သက်ရှည်ဂိုဏ်းအတွက်လည်း အကျိုးကျေးဇူးများသည် ကြီးမားလှသည်။ အနည်းဆုံး အနာဂတ်တွင် ၎င်းတို့သည် ဆေးလုံးများကို သန့်စင်ရန် လိုအပ်ပါက ရီဖန် ကို အကူအညီတောင်းနိုင်မည်ဖြစ်သည်။

ထို့အပြင် မိသားစုတွင် ဒုတိယအဆင့် ဆေးပညာရှင်ရှိခြင်းသည် အမှန်တကယ်ကို အထင်ကြီးစရာကောင်းလှ၏။

လွန်ခဲ့သောကာလများက ချီစွမ်းအားသန့်စင်မှာ အထွတ်အထိပ်အဆင့်သို့ ရောက်ပြီးနောက်တွင်ပင် ၎င်းတို့၏ကိုယ်ပိုင် အခြေခံအုတ်မြစ်တည်ဆောက်ခြင်းဆေးလုံးရရှိရန် တစ်နှစ် သို့မဟုတ် နှစ်နှစ်ကြာအောင် စောင့်စရာမလိုသောသူဟူ၍ မည်သူရှိခဲ့ပါသနည်း။

………………….

အခန်း (၅၇) ရီမိသားစု၊ အခုခွဲတမ်းချဖို့ အချိန်ကျပြီ

"ကျင်းဟိုင်၊ မင်းအခြေခံအုတ်မြစ်တည်ထောင်ရေး အဆင့်ကို ဖြတ်သွားကတည်းက ဒီမှာတပည့်အဖြစ် ဆက်ရှိနေဖို့ မသင့်တော်တော့ဘူး။ အခုကစပြီး မင်းက ငါတို့သက်ရှည်ဂိုဏ်းရဲ့ အတွင်းစည်းမှာ ပဉ္စမမြောက်အကြီးအကဲ ဖြစ်လာလိမ့်မယ်"

အတွင်းစည်းဂိုဏ်းချုပ်များအားလုံးသည် အခြေခံအုတ်မြစ်တည်ထောင်ရေးအဆင့်သို့ ရောက်ရှိပြီးကြသူများဖြစ်သည်။

သက်ရှည်ဂိုဏ်းတွင် ဤအရာသည် ရာထူးကြီးသည်ဟု ယူဆနိုင်သည်။

မကြာမီတွင် သက်ရှည်ဂိုဏ်း၏ တပည့်များသည် အံ့သြသွားကြသည်။

"ကြားလား? ရီကျင်းဟိုင်က အခြေခံအုတ်မြစ်တည်ထောင်ရေးအဆင့်ကို ဖြတ်သွားခဲ့ပြီတဲ့”

"ဘာကို ‘ရီကျင်းဟိုင်’လဲ၊ သူ့ကို အကြီးအကဲရီလို့ ခေါ်သင့်တယ်။”

"မင်းမနေ့ကမှ ရီကျင်းဟိုင် ကျော်ဖြတ်မသွားနိုင်ဘူးလို့ ပြောနေတာမဟုတ်လား"

"ဘာကို မနေ့ကလဲ၊ ငါ အကြီးအကဲကို အမြဲတမ်း လေးစားမှုရှိပြီးတော့ သေချာပေါက် မပြောခဲ့ပါဘူးနော်၊ မင်းက ငါ့ကို စွပ်စွဲနေတာပဲ"

"ငါ့အရိပ်ကျောက်တုံးမှာ မှတ်တမ်းတင်ထားတာကွ"

"ပြီးတော့ မင်းရော၊ မင်း ရီကျင်းဟိုင် ကို သေချာပေါက်ကျော်မယ်လို့ မင်းပြောတာမဟုတ်ဘူးလား”

"ဘာကိုကျော်ရမှာလဲ? အကြီးအကဲရီကျင်းဟိုင်က ထာဝရ ငါ့ရဲ့စံပြပုဂ္ဂိုလ်ဖြစ်လာမှာကွ!”

ရီမိသားစု၏ ဆေးဖိုခန်းတွင်၊

မော့ပေပေးပို့သော ဆေးဖော်မြူလာကို လေ့လာနေသော ရီဖန်သည် ရုတ်တရက် သူ့စိတ်ထဲတွင် စနစ်သတိပေးချက်ကို လက်ခံရရှိခဲ့သည်။

"သခင့်အတွက် ဂုဏ်ယူပါတယ်၊ ရီကျင်းဟိုင် သက်ရှည်ဂိုဏ်းရဲ့ အကြီးအကဲတစ်ယောက်ဖြစ်လာပြီမို့ မိသားစုစွမ်းအား အမှတ် ၅၀ ချီးမြှင့်လိုက်ပါတယ်"

“ရေရှည်တာဝန်ကို ပြီးမြောက်စေခဲ့တဲ့အတွက် သခင့်ကို ဂုဏ်ယူပါတယ်- မှတ်ချက်၊

မိသားစုကျင့်ကြံသူ (ပြီးစီး)။ အခု ဆုကြေးငွေကို ထုတ်ယူနိုင်ပါပြီ" “ဆုကိုထုတ်လိုက်ပါ ”

“အတုမဲ့အင်မော်တယ်ဆုရရှိတဲ့အတွက် သခင့်ကို ဂုဏ်ယူပါတယ်။ အရင်းအမြစ်များ (လိမ္မော်ရောင်)၊ ကျင့်ကြံရေးစွမ်းရည် ၁၀၀၀တိုးလာပါပြီ။

အချိန်အတော်ကြာ စောင့်မျှော်ခဲ့ရသည့် ကျင့်ကြံရေးစွမ်းရည် ဆုလာဘ်သည် နောက်ဆုံးတွင် ရောက်လာခဲ့နေပြီ။ အမှတ် ၁၀၀၀ တိုးခြင်းသည် မြွေစိမ်းစွမ်းအားအရင်းအမြစ်ကို အဆင့်လေးဆင့်သို့ မြှင့်တင်ရန်လုံလောက်၏။

စတုတ္ထအဆင့်ဝိညာဉ်ရေးအမြစ်သည် အလယ်တန်းတတိယအဆင့် ဝိညာဉ်ရေးအမြစ်များကြားတွင် အထွတ်အထိပ်ဖြစ်သည်။ထိုကဲ့သို့သော အရည်အချင်းများဖြင့် ရွှေရောင်ဗဟိုအဆင့်သို့ ဝင်ရောက်ရန် မျှော်လင့်ချက်အချို့ရရှိခဲ့သည်။

ထို့အပြင် ရွှေရောင်ဗဟိုအဆင့်ရှိ ကျင့်ကြံသူသည် တာ့ယွီနိုင်ငံတော်နိုင်ပင် ကြီးကျယ်မြင့်မြတ်သော ကျင့်ကြံသူအဖြစ် သတ်မှတ်ခံရသည်။ ရီမိသားစု၏ အနာဂတ်သည် အလားအလာကောင်းနေသည်။

သို့သော် ရီကျင်းဟိုင် တစ်ဦးတည်း အခြေခံအုတ်မြစ်တည်ဆောက်ခြင်းအဆင့်သို့ ထိုးဖောက်ဝင်ရောက်ရုံမျှနှင့် မလုံလောက်နိုင်ချေ။ အခြားသူများကလည်း အခြေခံအုတ်မြစ်တည်ဆောက်ခြင်းအဆင့်သို့ ဖြတ်ကျော်ရန် ကြိုးပမ်းရမည်ဖြစ်သည်။

ရီဖန် ယခုသုတေသနပြုလုပ်နေသော ဆေးလုံးသည် ရီမိသားစု၏ လက်ရှိလိုအပ်ချက်များအတွက် ပြီးပြည့်စုံပါသည်။

သက်တမ်း၇၀နှစ်ရှိသည့် နဂါးငါးကောင်မြက်ပင်ကဲ့သို့သော တန်ဖိုးကြီးသည့် ဝိညာဉ်ဆေးပင်များဖြင့် ပြုလုပ်ထားသည့် နဂါးငါးကောင်ဆေးလုံးသည် ချီစွမ်းအားသန့်စင်မှုအဆင့်ရှိ ကျင့်ကြံသူကိုလျင်မြန်စွာ တိုးတက်စေနိုင်သည်။

ဤ မော့ပေသည် လူကောင်းဟု ဆိုရပေမည်။ ရီမိသားစုက လက်ရှိလိုအပ်နေသည့်အရာကို ကောင်းကောင်းသိပြီး ၎င်းကိုအတိအကျ ဖြည့်ဆည်းပေးလိုက်သေးသည်။ သူ၏သိုလှောင်အိတ်အတွင်းတွင် နဂါးငါးကောင်ဆေးလုံးအတွက် ပစ္စည်းငါးဖုံပါရှိသည်။

မော့ပေသည် သူ့အတွက် ပြဿနာများဖန်တီးရန် ပို့ပေးနေသော်လည်း သူ၏ ဆေးပညာကျွမ်းကျင်မှုအပေါ် ယုံကြည်မှုအချို့ရှိနေဆဲဖြစ်သည်။

ယခုတွင် ဤအရာတွေအားလုံးသည် ရီဖန် ကို အကျိုးပြုလိမ့်မည်။

‘ရှည်လျားမြစ်ဂိုဏ်းက ဆေးလုံးလိုအပ်တယ်ဆိုရင် ဘယ်လိုလုပ်မလဲ’

‘ဝမ်းနည်းပါတယ်၊ ဆေးလုံးပြုလုပ်ခြင်း လုပ်ငန်းစဉ် မအောင်မြင်ပါ’

‘တကယ်ကျရှုံးခဲ့တာလား’

‘ငါက ဆေးပညာရှငိတစ်ယောက်ပါ၊ ငါကျရှုံးတယ်လို့ပြောရင် အောင်မြင်ရင်တောင်မှ မအောင်မြင်ဘူးကွ’

ရီဖန်သည် ၎င်း၏လက်ရှိအခြေအနေဖြင့် နဂါးငါးကောင်ဆေးလုံး ၊ ပထမအဆင့်ဆေးလုံးကို ပြုလုပ်ရာတွင် အခက်အခဲမရှိပေ။

သို့သော်လည်း ကွမ်ဟယ်စီရင်စုရှိ လူအနည်းငယ်ကသာ ပြုပြင်မွမ်းမံနိုင်သည့် ပထမအဆင့်ဆေးပညာရှင်အတွက်မူ စိန်ခေါ်မှုတစ်ခု ဖြစ်လာမည်ဖြစ်သည်။

တစ်ရက်အတွင်းမှာပင် နဂါးငါးကောင်ဆေးလုံး အသုတ်ငါးသုတ် ပြီးသွား၏။ အသုတ်ငါးသုတ်၊ တစ်သုတ်လျှင် နဂါးငါးကောင်ဆေးလုံး ငါးလုံးရရှိသည်။ ဆေးလုံးတစ်ခုစီ၏ အနိမ့်ဆုံးတန်ဖိုးမှာ ဝိညာဉ်ကျောက်တုံး ၅၀၀ ရှိကာ သွေးဂျင်ဆင်းဆေးလုံးထက်ပင် ပိုတန်ဖိုးရှိသည်။

ထို့အပြင် သွေးဂျင်ဆင်းဆေးလုံးကို တစ်ကြိမ်သာ သောက်နိုင်သော်လည်း ဒုတိယတစ်မျိုး၏အာနိသင် သည်သိသိသာသာ လျော့ကျသွားမည်ဖြစ်သည်။ သို့သော် နဂါးငါးကောင်ဆေးလုံးကိုမူ ဆေးယဉ်ပါးသည့်အချိန်အထိ ဆက်တိုက်သောက်နိုင်သည်။ ရီဖန်သည် ရီကျင်းထျန်ကို ခေါ်ကာ နဂါးငါးကောင်ဆေးလုံးကို ပေးပြီးနောက် အစွမ်းကုန် ကျင့်ကြံရန် ပြောခဲ့သည်။

‘ဆိုတော့ ရှည်လျားမြစ်ဂိုဏ်းက အခြေခံအုတ်မြစ် တည်ထောင်ရေးအဆင့်ကို ရောက်ဖို့ ရည်ရွယ်ထားတာပေါ့လေ’

ဤတစ်ကြိမ်၌ မည်သူက လူပိုများလဲနှင့် မည်သူက ပိုအစွမ်းထက်လဲ ကြည့်ပါဦးမည်။

တစ်နေ့ပြီးတစ်နေ့ ကုန်လွန်သွားကာ ရီမိသားစု၏ စွမ်းအားမှာ ပိုမိုအားကောင်းလာသည်။

ရီကျင်းထျန် နှင့် ရီကျင်းချုံနှစ်ဦးစလုံးသည် အခြေခံအုတ်မြစ် တည်ထောင်ရေးအဆင့်ကို ဖြတ်ကျော်သွားခဲ့ကြသည်။

"စနစ်၊ စုစည်းလိုက်ရအောင!"

အခြေခံအုတ်မြစ် တည်ထောင်ရေးအဆင့်၏ အလယ်အလတ်အဆင့် အောင်မြင်မှု။

ဖျူးး!

ရီဖန်သည် သက်ပြင်းတစ်ချက်ချလိုက်ကာ မော့ပေ ရောက်ရှိလာမည်ကို အမှန်တကယ် စောင့်မျှော်နေခဲ့သည်။

‘နဂါးငါးကောင်ဆေးလုံးအတွက် ပါဝင်ပစ္စည်းတွေ ကုန်သွားပါပြီ၊ မြန်မြန် ပို့ပေးပါတော့’

‘ရှည်လျားမြစ်ဂိုဏ်းရေ မြန်မြန်လာပါ’

ရီဖန်၏ခေါ်ဆိုမှုသည် အကျိုးသက်ရောက်မှုပုံရသည်။ ရီမိသားစုအထက်တွင် ရောင်ဝါများစွာပေါ်လာသည်။

“ဆေးဆရာရီ၊ အချိန်ကုန်ပြီ၊ ငါလိုတယ်လို့ပြောထားတဲ့ ဆေးလုံးတွေဘယ်လိုလဲ"

မော့ပြေ ရီဖန်ကို စိတ်ဝင်တစား ကြည့်နေသည် ။

သူသည် ရီဖန်၏ဆေးပညာကျွမ်းကျင်မှုကို ကောင်းစွာ သိသည်။

နဂါးငါးကောင် ဆေးလုံးဖော်စပ်ခြင်းသည် အခက်အခဲမရှိသင့်ပေ။

ရီဖန်သည် မော့ပေကို စိုက်ကြည့်ကာ မှင်သေသေဖြင့် "လူကြီးမင်းမော့၊ စိတ်မကောင်းပါဘူး၊ ငါ့ရဲ့အရည်အချင်းက မလုံလောက်ဘူး၊ ဆေးလုံးဖော်စပ်မှု မအောင်မြင်ဘူး"

"ဘာလဲ၊ မအောင်မြင်ဘူးလား"

မော့ပေ၏ မျက်နှာသည် ချက်ချင်းပင် ပြောင်းလဲသွားပြီး မှုန်မှိုင်းနေသည်။

နဂါးငါးကောင်ဆေးလုံးအတွက် ကုန်ကြမ်းပစ္စည်းများကို သူဝယ်ယူခဲ့သည်။

‘အခု မအောင်မြင်မှတော့ သူတာဝန်ယူရမှာပေါ့’

ရှည်လျားမြစ်ဂိုဏ်းက မော့ပေကို ရီဖန်ကို အနိုင်ယူရန် သို့မဟုတ် ရီမိသားစုကို ချေမှုန်းရန် အခွင့်အရေးရှာဖို့ ညွှန်ကြားခဲ့ခြင်းဖြစ်သည်။ မော့ပေက ၎င်းကို သူ့အတွက် အမြတ်ထုတ်ချင်သည်။

“ဟုတ်တယ်၊ မအောင်မြင်ဘူး။ ဆေးပညာမှာ ကျရှုံးတာက တော်တော်အဖြစ်များတယ်မဟုတ်လား”

ရီဖန်သည် သူ့လက်များကို ဖြန့်ကာ အမှုမဲ့အမှတ်မဲ့ ပြောလိုက်သည်။

"ရီဖန်၊ မင်းစကားမပြောခင် မင်းရဲ့စကားတွေကို သေချာစဉ်းစားဖို့ ငါမျှော်လင့်ပါတယ်" အခြေခံအုတ်မြစ် တည်ထောင်ရေးအဆင့်ရှိ ရောင်ဝါသည် ရီဖန် အပေါ်ကျရောက်လာသည်။

နောက်အခိုက်အတန့်တွင် ရီဖန်ထံမှ ပိုမိုပြင်းထန်သော ရောင်ဝါတစ်ခု ထွက်ပေါ်လာသည်။

မော့ပေသည် နောက်ပြန်ဆုတ်ကာ ရီဖန်ကို ကြောက်လန့်တကြား ကြည့်လိုက်သည်။

ဤ ရီဖန်၊ သူသည် ချီစွမ်းအားသန့်စင်ရေးနယ်ပယ်တွင် ရှိခဲ့သည်မဟုတ်လော။ အခြေခံအုတ်မြစ် တည်ထောင်ရေးအဆင့်ရှိသည့် ကျင့်ကြံသူ မည်သို့ဖြစ်လာသနည်း။

‘ပညာရှိကိုဖမ်းဖို့ အရူးယောင်ဆောင်တာ၊ သူကိုယ်တိုင်က အရူးဖြစ်သွားတာလား’

မော့ပေ၏ စိတ်ထဲတွင် အတွေးတစ်ခုပြီးတစ်ခု ပွက်ပွက်ထလာသည်။

ဤအခိုက်အတန့်တွင် ရီကျင်းထျန်နှင့် ရီကျင်းဟိုင် တို့သည် ပြေးလာကြရာ နောက်ထပ် အခြေခံအုတ်မြစ် တည်ထောင်ရေးအဆင့်ကျင့်ကြံသူနှစ်ဦး ပါဝင်လာသည်။

သုံးယောက်သည် လမ်းကြောင်းသုံးသွယ်မှ ရှည်လျားမြစ်ဂိုဏ်းမှ အုပ်စုကို ဝိုင်းထားသဖြင့် ပြောချင်သည့်အရာမှာ ရှင်းပါသည်။

မော့ပေသည် ၎င်း၏သံသယကို ချက်ချင်းအတည်ပြုလိုက်ကာ ဤရီမိသားစုသည် အတ္ထုပ္ပတ္တိတွင်ဖော်ပြထားသော လျှို့ဝှက်မိသားစုများကဲ့သို့ နှိမ့်ချစွာနေထိုင်သောမိသားစုတစ်ခုဖြစ်ကြောင်း သေချာသွားသည်။

သို့မဟုတ်ပါက သူတို့တွင် အခြေခံအုတ်မြစ် တည်ထောင်ရေးအဆင့်ရှိသည့် ကျင့်ကြံသူများ ရုတ်ချည်းမည်သို့ ပေါ်လာနိုင်မည်နည်း။

"အင်း၊ အားလုံးက နားလည်မှုလွဲသွားတာပါ"

မော့ပေ၏ မျက်နှာပေါ်တွင် တောက်ပသော အပြုံးတစ်ခု ရုတ်တရက်ပေါ်လာကာ ခုနက ဒေါသထွက်နေသော သူသည် သူလုံးဝ မဟုတ်သကဲ့သို့ပင်။

“ဆေးပညာဆိုတာ ကျွမ်းကျင်မှုအဆင့် အလုပ်တစ်ခုလေ၊ ရှုံးနိမ့်မှုက ပုံမှန်ပဲမဟုတ်လား" မော့ပေသည် ကြီးကျယ်ခမ်းနားသော အမူအရာဖြင့် သူ့လက်ကို ဝှေ့ယမ်းလိုက်သည်။

“အိုး၊ အကြီးအကဲမော့က တော်တော်ရက်ရောတာပဲ”

ရီဖန်သည် မော့ပေ၏ စိတ်နေသဘောထား လျင်မြန်စွာပြောင်းလဲမှုကို အံ့ဩခြင်းမပြုဘဲမနေနိုင်ချေ၊ ကျင့်ကြံသူများတွင် လူမိုက်များစွာမရှိပါတကား။ ဝတ္ထုများထဲတွင်သာ လူများသည် စွမ်းအားရှင်များရှေ့တွင် မောက်မာကြသည်။

“အဲဒါဆိုရင် အကြီးအကဲမော့ ကျွန်တော့ကို နောက်ထပ်အခွင့်အရေးပေးမလား၊ ဒီတစ်ကြိမ်မှာတော့ အကြီးအကဲမော့အတွက် နဂါးငါးကောင်ဆေးလူံးကို အောင်မြင်အောင် လုပ်နိုင်တော့မှာ သေချာပါတယ်”

ရီဖန်၏ ဗြောင်ကျကျ ငွေညှစ်မှုအောက်တွင် မော့ပေသည် သိုလှောင်အိတ်ကို တုံ့ဆိုင်းစွာ ထုတ်ယူရုံသာ တတ်နိုင်ခဲ့သည်။

"ဟုတ်တာပေါ့၊ ဒီတစ်ခါတော့ ဆေးဆရာရီအောင်မြင်မယ်လို့ မျှော်လင့်ပါတယ်"

ဝိညာဉ်ရေးဆေးဖက်ဝင်အပင်များသည် ထောင်နှင့်ချီသောဝိညာဉ်ကျောက်တုံးများမက တန်ဖိုးရှိကာ အခြေခံအုတ်မြစ် တည်ထောင်ရေးအဆင့်ကျင့်ကြံသူ မော့ပေပင်လျှင် နာကျင်မှုကို ခံစားရမည်ဖြစ်သည်။

“နောက်တစ်ကြိမ် သေချာပေါက်၊ နောက်တစ်ကြိမ်တော့ အောင်မြင်မှာပါ”

ရီဖန်၏ စိတ်ဓာတ်များ ရုတ်တရက် တိုးတက်လာခဲ့သည်။

သူ၏သန်မာသောစွမ်းအားဖြင့် သူ၏ကံကြမ္မာကို ထိန်းထားရသည့် ခံစားချက်သည် အလွန်ကောင်းသည်။ မော့ပေသည် စိတ်လှုပ်ရှားစွာ ရောက်ရှိလာပြီးနောက် ပင်ပန်းစွာ ထွက်ခွာသွားခဲ့သည်။

မိသားစုတစ်စုတည်းတွင် အခြေခံအုတ်မြစ် တည်ထောင်ရေးအဆင့်ကျင့်ကြံသူ သုံးဦးရှိကာ ရှည်လျားမြစ်ဂိုဏ်းကပင် ရီမိသားစုကို မည်သို့မျှမတတ်နိုင်ချေ။ ရီဖန်သည် မော့ပေကို မောင်းထုတ်ရန် ရည်ရွယ်ချက်မရှိပါ၊ ဤချမ်းသာကြွယ်ဝသူမျိုးသည် ပို၍မကြာခဏ ရောက်လာသင့်သည်။

အကယ်၍တိုက်ခိုက်ရလျှင်ပင် သူ့ဆီက အရာအားလုံးကို ညှစ်ထုတ်ပြီးသည့်အထိ စောင့်ရမည်။

ရီမိသားစု၏အကျပ်အတည်း ပြေလည်သွားပြီးနောက် ရီဖန်သည် ကျင့်ကြံရေးတွင်သာ နစ်မြှုပ်ထားလိုက်သည်။

ရီမိသားစုသည် ပို၍ကြီးမားလာကာ ကျင့်ကြံသူဦးရေ ပိုတိုးလာ၏။

အင်အားစိုက်ထုတ်ခြင်းမရှိဘဲ အကျိုးကျေးဇူးများ စုဆောင်းခြင်းသည် ကျင့်ကြံသူများအတွက် ကောင်းမွန်သောအရာ မဟုတ်ချေ။ ထို့ကြောင့် ရီမိသားစုသည်လည်း အပြောင်းအလဲအချို့ပြုလုပ်ရန် လိုအပ်လာသည်။

မိသားစုတစ်ခုရေရှည်ကြီးပွါးရန်အတွက် လူတစ်ဦးတည်းကိုသာ အားကိုးနေ၍မရပေ။ မိသားစုဖွံ့ဖြိုးတိုးတက်ရေးအတွက် လူတိုင်းပါဝင်ကူညီသင့်သည်။

ထို့ကြောင့် ရီမိသားစုသည် အမွေများကိုခွဲဝေရန် လိုအပ်လာပြီဖြစ်သည်။

………………………………