အခန်း ၇၆-၇၈
Vol. 6 Ch. 76-78
အခန်း ၇၆ - ဆေးပညာရှင် မဟာမိတ်အဖွဲ့အစည်း၊ လိပ်တစ်ထောင်မြို့ (၄/၅)
မည်သည့်အရာမျှမရှိသော ဤအင်မော်တယ်ကျွန်းသုံးကျွန်းပေါ်တွင် အရာအားလုံးကို အစမှစတင်တည်ဆောက်ရမည်ဖြစ်သည်။ နေထိုင်ရန် အိမ်များဆောက်လုပ်ရမည်၊ အစားအစာအတွက် မြေကွက်များတွင် စိုက်ပျိုးရမည်၊ ဖွဲ့စည်းတည်ဆောက်ပုံအခင်းအကျင်းများ စီစဉ်ရမည်၊ စသည်ဖြင့် အစစအရာရပြင်ဆင်ရမည်ဖြစ်သည်။ ထို့အပြင် ၎င်းတို့အားလုံးကို ကိုယ်တိုင်သာပြုလုပ်ရမည်ဖြစ်၏။
ကံကောင်းထောက်မစွာဖြင့် သက်ရှည်ဂိုဏ်းနှင့် ရီမိသားစုတွင် ကျင့်ကြံသူအများအပြားရှိကာ တည်ဆောက်ခြင်းလုပ်ငန်းစဉ်၏ အမြန်နှုန်းမှာ မနှေးချေ။ နေ့စဉ်နေ့တိုင်း ကြယ်တစ်သောင်းကျွန်းတွင် သိသာထင်ရှားသော အပြောင်းအလဲများဖြစ်ပေါ်လျက်ရှိသည်။
ရီဖန်းသည် တတိယကျွန်းသို့ သွားရောက်ကာ သူ၏ သိုလှောင်အိတ်ထဲမှ ဝိညာဉ်သွေးကြော ရွှေ့ပြောင်းခြင်းသင်္ကေတကို ထုတ်ယူလိုက်သည်။
‘ဝိညာဉ်သွေးကြောကို နေရာချလိုက်ပါ’
တတိယအင်မော်တယ်ကျွန်းတွင် အလယ်အလတ်အဆင့် ဝိညာဉ်သွေးကြောရှိပြီးဖြစ်ကာ ရီဖန်သည် ထပ်မံ၍အလယ်အလတ်အဆင့် ဝိညာဉ်သွေးကြောသုံးခုနှင့် အဆင့်နိမ့်ဝိညာဉ်သွေးကြော ခုနစ်ခုတို့ကို နေရာချထားလိုက်သည်။
ချက်ချင်းပင် တတိယအင်မော်တယ်ကျွန်းရှိ ဝိညာဉ်စွမ်းအားသည် ပထမနှင့် ဒုတိယကျွန်းများထက် အဆများစွာ တိုးလာခဲ့သည်။ ဤနေရာသည် ရီမိသားစု၏ ဘိုးဘွားနယ်မြေဖြစ်ဖြစ်ရန်အတွက် လုံးဝအရည်အချင်းပြည့်မီသည်။ အရေအတွက်ပြောင်းလဲမှုသည် အရည်အသွေးကိုပါ ပြောင်းလဲစေနိုင်ကာ ဝိညာဉ်သွေးကြောများစွာရှိနေခြင်းသည် အဆင့်မြင့်ဝိညာဉ်သွေးကြောထက် အနည်းငယ်သာနိမ့်ပါး၏။
ဝိညာဉ်သွေးကြောများကို နေရာချထားပြီးနောက် ရီဖန်သည် တတိယအင်မော်တယ်ကျွန်းသို့ ပြန်သွားခဲ့ကာ သူ၏နည်းစနစ်ဖြင့် တောင်တန်းကိုရွေ့လျားစေခဲ့သည်။
ရီဖန်သည် တောင်ငယ်တစ်ခုကို ပါးလွှာသောလေထုမှတစ်ဆင့် ထုတ်ယူလိုက်ကာ ကျွန်း၏အစွန်း၌ နေရာချထားလိုက်သည်။ ထို့နောက် အင်မော်တယ်ဓားရှည်ကို ဘောပင်အဖြစ် အသုံးပြု၍ ကြီးမားသောအက္ခရာကို ရေးသားခဲ့သည်။
“ရေရှည်တာဝန်ကို ပြီးမြောက်သွားလို့ သခင့်ကို ဂုဏ်ပြုပါတယ်၊ မိသားစုနယ်မြေ ခြောက်(ပြီးစီး)သွားလို့ ဆုလာဘ်ကို ထုတ်ယူနိုင်ပါပြီ”
စနစ်သည် ဤနေရာကို ရီမိသားစု၏ ဘိုးဘွားပိုင်မြေအသစ်အဖြစ် အသိအမှတ်ပြုလိုက်ကာ ရီဖန်သည် တာဝန်ကိုအောင်မြင်စွာ ပြီးမြောက်ခဲ့ပြီဖြစ်သည်။
“စနစ်၊ ဆုလာဘ်ကို ထုတ်ယူပါ”
"မိသားစုဝိညာဉ်မွန်းစတားနဲ့ ကံကြမ္မာတန်ဖိုးအမှတ် ၅၀၀ ဆုရရှိသည့်အတွက် သခင့်ကို ဂုဏ်ပြုပါတယ်"
မိသားစုဝိညာဉ်သားရဲဖြစ်သော ဇယ်မွန်းစတား၊ ပိုင်ဇယ်သည် စကားပြောနိုင်ကာ အရာအားလုံး၏ ဝိညာဉ်များထံသို့ ရောက်ရှိနိုင်သည်။ ဒဏ္ဍာရီများထဲတွင် ပိုင်ဇယ်သည် ကံကောင်းခြင်းကို တိုးမြင့်ပေးနိုင်သည့် ကံကြမ္မာမြင့်တင်ရေးမွန်းစတားတစ်ကောင်ဖြစ်သည်။ မိသားစုတစ်ခုအတွက် ပိုင်ဇယ်သည် ၎င်းမိသားစု၏ကံကြမ္မာကို ထိန်းချုပ်သူအဖြစ် လုပ်ဆောင်နိုင်ကာ အကျိုးကျေးဇူးများစွာရရှိမည်ဖြစ်သည်။
ရီဖန်၏ခြေရင်းတွင် အကြေးခွံများ၊ ဦးခေါင်းပေါ်ရှိ ချိုနှစ်ချောင်းနှင့် အဖြူရောင်ကိုယ်ထည်ရှိသည့် မွန်းစတားငယ်လေးသည် ရီဖန်ကို ချစ်ခင်နှစ်သက်စွာ ပွတ်သပ်လျက်ရှိ၏။ ရီဖန်သည် မွန်းစတားငယ်လေးကို ကောက်ယူလိုက်သည်နှင့် ရင်းနှီးကျွမ်းဝင်သော ကံကြမ္မာကို ထိတွေ့ခံစားလိုက်ရသည်။ ဤအကောင်ငယ်လေးသည် ရီမိသားစု၏ဝိညာဉ်မွန်းစတားဖြစ်သူ ပိုင်ဇယ်ပင်။
နောက်တစ်ခဏ၌ ပိုင်ဇယ်သည် ရုတ်တရက်ထကာ ရီမိသားစု၏ ကျောက်တိုင်ထက်သို့ ရောက်ရှိသွားသည်။ ရီဖန်၏မျက်လုံးထဲတွင် ရွှေရောင်ကံကြမ္မာသည် ၎င်းကျောက်တိုင်အထက်၌ လွင့်မျောလျက်ရှိကာ ပိုင်ဇယ်ရောက်သွားသောအခါ ၎င်းကံကြမ္မာသည် ပိုင်ဇယ်၏ ခန္ဓာကိုယ်ထဲသို့ ရုတ်တရက် ဝင်ရောက်သွားသည်။
ဤရွှေရောင်အစုအစည်းသည် ရီမိသားစု၏ ကံကြမ္မာစွမ်းအားကို ကိုယ်စားပြုကာ မိသားစု၏ကံကြမ္မာ အားကောင်းလေ၊ ၎င်းတို့၏ ကျင့်ကြံရေးနှင့် စမ်းသပ်မှုများတွင် ကောင်းချီးများ ပိုမိုရရှိလာမည်ဖြစ်သည်။ သို့ရာတွင် မိသားစုတစ်ခု၏ကံကြမ္မာကို အသုံးချရန်အတွက် ကံကြမ္မာကို ထိန်းချုပ်နိုင်မည့် အင်မော်တယ်လက်နက်တစ်ခု သို့မဟုတ် ဝိညာဉ်မွန်းစတားတစ်ကောင်ကို လိုအပ်သည်။
ယခင်က ရီမိသားစု၏ကံကြမ္မာသည် အားနည်းခဲ့ခြင်းမရှိသော်လည်း အမှန်တကယ်တွင် အပြည့်အဝအသုံးချနိုင်သည်အထိ အားကောင်းခဲ့သည်ဟုလည်း မဆိုနိုင်ချေ။ ရွှေရောင်အလင်းတန်းသည် ပိုင်ဇယ်၏ခန္ဓာကိုယ်ထဲသို့ ဝင်ရောက်လာသောအခါ ရီဖန်သည် ရုတ်တရက် စိတ်အားတက်ကြွသွားသကဲ့သို့ ခံစားလိုက်ရကာ စိတ်ပျက်အားငယ်မှုနှင့် ဒေါသများသည် ပျောက်ကွယ်သွားခဲ့သည်။ ထို့အပြင် ပိုင်ဇယ်၏ စွမ်းအားသည်လည်း တိုးတက်လာပြီဖြစ်၏။
ကံကြမ္မာမွန်းစတားဖြစ်သည့် ပိုင်ဇယ် ကြီးပြင်းလာမှုသည် ရီမိသားစု၏ ကံကြမ္မာနှင့် နီးကပ်စွာဆက်စပ်လျက်ရှိသည်။ ချီစွမ်းအားသန့်စင်ခြင်းနယ်မြေအဆင့်၊ အခြေခံအုတ်မြစ်တည်ထောင်ခြင်းအဆင့်၊ အမြုတေဖွဲ့စည်းခြင်းအဆင့်စသည်ဖြင့် မိနစ်အနည်းငယ်အတွင်းတွင် ပိုင်ဇယ်၏ ရောင်ဝါသည် ကြီးမားစွာပြောင်းလဲတိုးတက်နေကာ တစ်ခဏအတွင်း၌ အမြုတေဖွဲ့စည်းခြင်းအဆင့်သို့ ရောက်ရှိသွားသည်။
ရီမိသားစုသည် ယခုအချိန်တွင် ဒုတိယမြောက် အမြုတေဖွဲ့စည်းခြင်းအဆင့်ကျင့်ကြံသူတစ်ဦး ရှိလာပြီဖြစ်သည်။ သူ၏ ကျင့်ကြံရေးအဆင့် တိုးလာသည်နှင့်အမျှ ပိုင်ဇယ်၏ ခန္ဓာကိုယ်အရွယ်အစားသည်လည်း သိသိသာသာ ကြီးမားလာသည်။ ခုန်ပေါက်ကစားနေသော ပိုင်ဇယ်သည် ယခုအခါ အမျိုးသားတစ်ယောက်ထက် နှစ်ဆမြင့်ကာ ရီမိသားစု၏ အကြီးအကဲအနေဖြင့် ရီဖန်သည် ပိုင်ဇယ်၏ သစ္စာစောင့်သိရာဖြစ်၏။
"သခင်!"
ပိုင်ဇယ်သည် လူစကားကို နားလည်ပြောဆိုနိုင်ကာ ရီဖန်သည်လည်း အံ့အားသင့်သွားခြင်းမရှိချေ။
“ဒီမှာနေပြီး ကျင့်ကြံရေးလုပ်ပါ”
ပိုင်ဇယ်၏တည်ရှိမှုနှင့်အတူ ရီဖန်သည် အနာဂတ်တွင် အိမ်မှထွက်ခွါရသောအခါ ဖောက်ထွင်းခံရမည်ကို အလွန်အမင်းစိုးရိမ်နေရန် မလိုတော့ပေ။
……
အင်မော်တယ်ကျွန်းသုံးကျွန်း တည်ဆောက်မှုသည် အချိန်တစ်နှစ်မျှ ကြာမြင့်ခဲ့ကာ ၎င်းအင်မော်တယ်ကျွန်းများကို အခင်းအကျင်းများဖြင့် ဖုံးလွှမ်းထားသည်။ အခင်းအကျင်းများ၏ အတွင်းဘက်တွင်မူ ငှက်ကလေးများ တေးဆိုနေကြလျက် ပန်းမျိုးစုံပွင့်လန်းနေသည်။
သာမာန်လူများသည် ငြိမ်းချမ်းပြီး ကျေနပ်ပျော်ရွှင်စွာ နေထိုင်လုပ်ကိုင်ကြလျက်ရှိကာ ကလေးများစွာမွေးဖွားရန် အဆင်သင့်ဖြစ်နေကြပြီဖြစ်သည်။ အကယ်၍ ဤကလေးများသည် ကျင့်ကြံရေးအတွက် အရည်အချင်းရှိပါက ၎င်းတို့သည် သက်ရှည်ဂိုဏ်းသို့ ဝင်ရောက်နိုင်မည်ဖြစ်သည်။
ကျင့်ကြံရေးအတွက် အရည်အချင်းမရှိခဲ့လျှင်လည်း ပထမအင်မော်တယ်ကျွန်းကိုကြီးကြပ်ကာ သက်ကြီးရွယ်အိုများနှင့် ကလေးငယ်များကိုထောက်ပံ့ပေးမည့် သာမန်လူတစ်ဦးအဖြစ် ရပ်တည်နိုင်ပါသေးသည်။
ဒုတိယအင်မော်တယ်ကျွန်းရှိ သက်ရှည်ဂိုဏ်းကိုလည်း ပြန်လည်တည်ထောင်ခဲ့သည်။ ရီကျင်းဟိုင်သည် လက်ထောက်ဂိုဏ်းချုပ် ပိုင်ရွှယ်နှင့် ပိုင်ချုန်းရှန်တို့၏ ပံ့ပိုးကူညီမှုဖြင့် ဂိုဏ်းချုပ်အဖြစ် ဆက်လက်ရှိနေခဲ့သည်။
….
ရီဖန်သည် စတင်လှုပ်ရှားရန် အချိန်တန်ပြီဖြစ်၏။ ကုန်ခမ်းလုနီးပါးဖြစ်နေသော ရီမိသားစု၏အရင်းအမြစ်များစွာဖြစ်သည့် ဝိညာဉ်ရေးဆေးပင်များ၊ ဝိညာဉ်ကျောက်တုံးများနှင့် အခြားအရင်းအမြစ်များကို ပြန်လည်ဖြည့်စည်းရန်လိုအပ်နေပြီဖြစ်သည်။
ထို့အပြင် ရီမိသားစုသည် ၎င်းတို့၏အရင်းအမြစ်များမရှိဘဲ ရှင်သန်ရန်မဖြစ်နိုင်သည့်အတွက် ၀င်ငွေရင်းမြစ်များအတွက် ကျယ်ပြန့်စွာလုပ်ဆောင်ရတော့မည်ဖြစ်သည်။ ရီမိသားစု၏ တိုးတက်မှုသည် တစ်ဖန်ပြန်လည်စတင်ခဲ့သည်။
သုံးရက်အကြာတွင် ရီဖန်သည် ကြီးမားသောပင်လယ်ပြင်ထဲတွင် လမ်းပျောက်သွားသည်။ ကြယ်တစ်သောင်းကျွန်းပတ်ပတ်လည်ရှိ ပင်လယ်ပြင်သည် ကျယ်ပြန့်လွန်းကာ မြေပုံမရှိလျှင် အခြားသောကျင့်ကြံသူများ၏ စုဝေးရာနေရာများကို ရှာဖွေရန် ခက်ခဲသည်။
ဘမ်း!
ငါးကြီးတစ်ကောင်သည် ပင်လယ်ထဲမှ ခုန်ထွက်လာကာ ရီဖန်ကိုဝင်တိုက်လိုက်ရာ အင်မော်တယ်ဓားသည် သူ့နောက်မှ ချက်ချင်း ပျံထွက်လာကာ ၎င်း၏ဦးခေါင်းကို တစ်ချက်တည်းဖြတ်တောက်လိုက်သည်။
‘ဒီည ညစာကတော့ ငါးကင်ပဲဟေ့’
ချင်မုမီးတောက်သည် စတင်လောင်ကျွန်းလာကာ ငါးကိုကင်လိုက်သည်နှင့် အဆီများစိမ့်ထွက်လာသည်။ ရီဖန်၏ ကျင့်ကြံရေးအဆင့် မြင့်မားလာသည်နှင့်အမျှ ချင်မုမီးတောက်၏ အသုံးဝင်မှုမှာလည်း သေးငယ်သထက် သေးငယ်လာသည်။ ၎င်း၏ စွမ်းအားသည် မလုံလောက်သဖြင့် ၎င်းသည် ဆေးပညာလုပ်ငန်းစဉ်များကို လုံလောက်စွာ ချဲ့ထွင်နိုင်ခြင်း မရှိခဲ့ချေ။ သို့ရာတွင် အနည်းငယ်မျှကို အသားကင်ရန်အတွက် အသုံးပြုနိုင်ပါသေးသည်။
ငါးကင်၏ရနံ့သည် ပင်လယ်ကို လွှမ်းခြုံထားသော်လည်း ရီဖန်သည် ၎င်းကိုစားရန်အလျင်မလိုခဲ့ချေ။ အကျိုးအကြောင်းဖြစ်ပျက်မှုသဘောတရားအရ တစ်စုံတစ်ယောက် ပေါ်လာရမည့်အချိန်ဖြစ်သည်။ အခြားရွေးချယ်ရန်မရှိဘဲ ရီဖန်သည် ၎င်းကို အားကိုးကာ သူချက်ပြုတ်ပြီးသည့်အခါ တစ်စုံတစ်ယောက် မလွဲမသွေပေါ်လာမည်ကို စောင့်နေသည်။
"ဒီအညတရ တာအိုဆေးပညာရှင် ချင်စုန်ဇီက ဆေးပညာရှင်ကို နှုတ်ဆက်ပါတယ်"
အင်မော်တယ်ရောင်ဝါရှိသော တာအို၀တ်ရုံကို ဝတ်ဆင်ထားသည့် အသက်ကြီးသူတစ်ဦးသည် ရုတ်တရက် ပေါ်လာသည်။
"ကဲ ဒီမှာလာပါပြီ"
ရီဖန်၏ မျက်နှာပေါ်တွင် အားတက်သရော အပြုံးတစ်ခု ပေါ်လာသည်။
“တာအိုဆေးပညာရှင်ကြီး အတူတူစားရအောင်ပါ” ဟု သူက ဖိတ်ခေါ်လိုက်သည်။
ရီဖန်၏ စိတ်အားထက်သန်မှုသည် ချင်စုန်ဇီကို အနည်းငယ် စိတ်မသက်မသာဖြစ်စေသည်။ ယနေ့ခေတ်တွင် ကြယ်တစ်သောင်းကျွန်း၌ ရီဖန်ကဲ့သို့ စိတ်အားထက်သန်သူများသည် ရှားရှားပါးပါးဖြစ်သည်။ ဤကဲ့သို့သောသူမျိုးသည် ကျင့်ကြံသူအသစ်သာဖြစ်ရမည်။ သို့သော် သူ့ကိုယ်သူ စွမ်းအားကြီးသူဟုခံယူထားသည့် ချင်စုန်ဇီသည် မကန့်ကွက်ခဲ့ပေ။ သူ့လက်ကိုလှန်လိုက်ကာ ကျောက်စိမ်းပုလင်းကို ထုတ်ပေးလိုက်သည်။
"တာအိုဆေးပညာရှင်က ငါးကင်ပေးတဲ့အတွက်၊ ကျွန်တော်က ဝိုင်တစ်ခွက်ဧည့်ခံပါ့မယ်!"
ငါးကင်တစ်ကိုက်နှင့် ဝိုင်တစ်ခွက်။
ချင်စုန်ဇီ၏ဝိုင်သည် ကွမ်ဟယ်စီရင်စုမှ ဝိုင်ထက် သာလွန်ကောင်းမွန်သည်ဟု ဆိုရမည်ဖြစ်ကာ ၎င်းသည် အမှန်တကယ်အရသာရှိသည်။
ရီဖန်၏သဘောထားသည် ချင်စုန်ဇီကို သက်တောင့်သက်သာဖြစ်စေသောကြောင့် ဖြစ်မည်၊ သူသည် ရီဖန်နှင့် စတင်စကားစမြည်ပြောလာသည်။ ရီဖန်သည် သူတို့၏စကားဝိုင်းမှတစ်ဆင့် ချင်စုန်ဇီအကြောင်း အနည်းငယ်သိလိုက်ရသည်။ ရီဖန်၏ ကျင့်ကြံရေးအဆင့်ဖြင့် အာရုံခံရခြင်းအရ ချင်စုန်ဇီသည် အမြုတေဖွဲ့စည်းခြင်းအဆင့်တွင် ရှိနေသင့်သည်။
သူသည် ဆေးပညာရှင်မဟာမိတ်အစည်းအရုံးတွင် တတိယအဆင့်ဆေးပညာရှင်ဖြစ်ကာ ၎င်းအဖွဲ့အစည်းသည် ဆေးပညာရှင်များနှင့် ဖွဲ့စည်းထားသည့် အဖွဲ့အစည်းတစ်ခုဖြစ်သည်။
မဟာမိတ်အဖွဲ့အတွင်းတွင် ဆေးပညာရှင်များသည် ဆေးဝါးဖော်မြူလာများကို ဝယ်ယူနိုင်ကာ အဆင့်မြင့်ဆေးပညာစွမ်းရည်များနှင့် အခြားအရာများကို လေ့လာနိုင်သည်။
၎င်းတို့သည် အလုပ်များကိုလည်း လက်ခံနိုင်ကာ ပါဝင်မှုတန်ဖိုးကိုလည်း ရယူနိုင်မည်ဖြစ်သည်။ ပါဝင်မှုတန်ဖိုးဖြင့် ဆေးပညာနှင့်ပတ်သက်သော ကျောက်စိမ်းပြားများ၊ ဝိညာဉ်ရေးဆေးပင်များနှင့် အဆင့်မြင့်ဆေးပညာရှင်များထံမှ တစ်ဦးချင်း လမ်းညွှန်ချက်အမျိုးမျိုးကို ဖလှယ်နိုင်သည်။
ကြယ်တစ်သောင်းကျွန်းရှိ အလုပ်အကိုင် အမျိုးမျိုးသည် အလွန်စေ့စပ်သေချာစွာ ဖွံ့ဖြိုးလာခြင်းဖြစ်သည်။ ဆေးပညာရှင်များနှင့် အင်မော်တယ်ပစ္စည်းသန့်စင်သူများအားလုံးတွင် ၎င်းတို့၏ သီးခြားလိဂ်များရှိကာ ပြီးပြည့်စုံသော အမွေအနှစ်များ ရှိသည်။
ရီဖန်သည် သွေးဆောင်မှုကို ခံစားလိုက်ရသည်။ ဆေးပညာရှင်မဟာမိတ်အစည်းအရုံးသည် ရီမိသားစုအတွက် ကြယ်တစ်သောင်းကျွန်းသို့ ၀င်ရောက်ရန် အမှန်တကယ်ပင် သင့်လျော်ပါသည်။ ဆေးပညာရှင်ဖြစ်ခြင်း၏ အဆင့်အတန်းသည် မည်သည့်နေရာတွင်မှ မနိမ့်ချေ။
အကယ်၍ သူသည် အသိမှတ်ပြုထားသော ဆေးပညာရှင်တစ်ယောက် ဖြစ်လာနိုင်ပါက ကြယ်တစ်သောင်းကျွန်းပေါ်တွင် လေးစားဖွယ်ကောင်းသော ဖြစ်တည်မှုအဖြစ် ရှိနေမည်ဖြစ်သည်။ ချင်စုန်ဇီ၏ အဆိုအရ ဤနေရာနှင့် မဝေးလှသော လိပ်တစ်ထောင်မြို့သည် ဆေးပညာရှင်မဟာမိတ်အစည်းအရုံး၏ ဌာနခွဲတစ်ခုတည်ရှိရာ နေရာဖြစ်သည်။
ရီဖန်သည် သက်ပြင်းချလိုက်ကာ မျှော်လင့်ထားသည့်အတိုင်း အကျိုးအကြောင်းဖြစ်ပျက်မှုသဘောတရားသည်သာ အသုံးဝင်ဆုံးဖြစ်ကြောင်း သဘောပေါက်လိုက်သည်။ ၎င်းထံမှ သူ၏ဦးတည်ရာကို ရှာတွေ့ခဲ့ပါ၏။
ရီဖန်မှာ သူသည်လည်း ဆေးပညာရှင်ဖြစ်ကြောင်း အချိန်မီထုတ်ဖော်ပြောလိုက်သော်လည်း တတိယအဆင့် ဆေးပညာရှင်ဖြစ်ကြောင်းက်ိုမူ ပြောကြားခဲ့ခြင်းမရှိချေ။ ကြယ်တစ်သောင်းကျွန်းပေါ်ရှိ အခြေအနေကို သူနားမလည်မီ ရီဖန်သည် သူ့ထံသို့ အာရုံစူးစိုက်မှုများစွာရောက်လာမည်ကို မလိုချင်ခဲ့ပေ။
………………………………
အခန်း ၇၇ - ငွေရှာ၍ တိုးတက်လာအောင်လုပ်ခြင်းသည်သာ မှန်ကန်သောနည်းလမ်းဖြစ်၏။
လိပ်တစ်ထောင်မြို့သည် ကြီးမားကျယ်ပြန့်သောကြောင့် ၎င်း၏အစွန်းများကိုပင် မမြင်နိုင်ပေ။ မြို့တံခါးတွင် ရီဖန်သည် အဆင့်နိမ့်ဝိညာဉ်ကျောက်တုံးတစ်ရာကို ဝင်ကြေးအဖြစ် ပေးဆောင်ရသည်။
မြို့စောင့်တပ်သားအားလုံးသည် အခြေခံအုတ်မြစ်တည်ထောင်ရေးအဆင့်တွင် ရှိနေကြသည်။ ထိုမျှမက ရီဖန်သည် ၎င်းတို့ထဲတွင် အမြုတေဖွဲ့စည်းခြင်းအဆင့်ရှိ တစ်စုံတစ်ယောက်၏တည်ရှိမှုကိုပါ အာရုံခံမိခဲ့သည်။
ကွမ်ဟယ်စီရင်စုနှင့် နှိုင်းယှဉ်ပါက ကြယ်တစ်သောင်းကျွန်းရှိ မြို့တစ်မြို့ပင်လျှင် အဆများစွာသာလွန်သောအဆင့်တွင် ရှိနေပါသည်။ မည်သည့်ကျပန်းမြို့၌မဆို အမြုတေဖွဲ့စည်းခြင်းအဆင့်ရှိသည့် ကျင့်ကြံသူရှိနေသည်မှာ အလွန်အံ့ဩဖွယ်ကောင်း၏။
လိပ်တစ်ထောင်မြို့တွင် ပျံသန်းခွင့်ကို တားမြစ်ထားသည့်အတွက် ရီဖန်သည် ဒဏ္ဍာရီလာ ကူးပြောင်းခြင်းအခင်းအကျင်းများကို ပထမဆုံးအကြိမ် မြင်ဖူးလိုက်ရသည်။ မြို့တွင်းရှိ ကူးပြောင်းခြင်းခင်းကျင်းမှုများသည် ခရီးတိုမျှသာဖြစ်ကာ မြို့တွင်းမည်သည့်နေရာသို့မဆိုပြောင်းရွှေ့ရန် အဆင့်နိမ့်ဝိညာဉ်ကျောက်တုံးနှစ်ရာသာ လိုအပ်သည်။
ထို့အပြင် ကြယ်တစ်သောင်းပင်လယ်ဧရိယာရှိ အခြားမြို့များသို့ ပို့ဆောင်နိုင်သည့် ခရီးရှည်ကူးပြောင်းခြင်းအခင်းအကျင်းများလည်းရှိသည်။ သို့သော် စျေးနှုန်းသည် များစွာမြင့်မားသောကြောင့် ကျင့်ကြံသူအများအပြားမှာ မတတ်နိုင်ကြချေ။ ကူးပြောင်းခြင်းအခင်းကျင်းသည် နောက်ဆုံးတွင် ရီဖန်၏ သူ့စိတ်ထဲတွင်ရှိသော ကျင့်ကြံရေးလောကအမြင်ကို အနည်းငယ်ပုံဖော်ပေးစွမ်းခဲ့သည်။
ချင်စုန်ဇီသည် ရီဖန်ကို ကူးပြောင်းခြင်းအခင်းအကျင်းမှတစ်ဆင့် ဆေးပညာရှင်မဟာမိတ်အဖွဲ့အစည်း၏ ဌာနခွဲသို့ ခေါ်ဆောင်သွားသည်။
ဆေးပညာရှင်မဟာမိတ်အဖွဲ့အစည်း၏ ဌာနခွဲတစ်ခုလုံးကို ဒုတိယအဆင့်ဝိညာဉ်ပစ္စည်းဖြစ်သည့် ရွှေစိမ်းကျောက်တုံးဖြင့်ပြုလုပ်ထားသည်။ ရီဖန်သည် တတိယအဆင့်အခင်းအကျင်းများ၏ အရီပ်အယောင်ကိုပင် ရှာဖွေတွေ့ရှိခဲ့သည်။ ဤဌာနခွဲကို ဆောက်လုပ်ရန် ကုန်ကျစရိတ်သည် မွေးဖွားခြင်းဝိညာဉ်အဆင့် ကျင့်ကြံသူကို ဒေဝါလီခံရစေရန် လုံလောက်၏။
ရီဖန်သည် ဆေးပညာရှင်များ၏ ကြီးကျယ်ခမ်းနားမှုအပေါ် ပထမဆုံးအမြင်ကို ရရှိလိုက်သည်။ ကြယ်တစ်သောင်းကျွန်း၏ ဆေးပညာရှင်များနှင့် နှိုင်းယှဉ်ပါက ကွမ်ဟယ်စီရင်စုမှ ဆေးပညာရှင်များသည် ကျေးလက်သားများကဲ့သို့ထင်ရသည်။
ပထမထပ်သည် ခန်းမကြီးတစ်ခုဖြစ်သည်။ ခန်းမထဲတွင် စာတမ်းကြီးသုံးခု ချိတ်ဆွဲထားသည်။ ပထမစာတမ်းတွင် အခြားကျင့်ကြံသူများ ပေးအပ်ထားသည့် တောင်းဆိုချက်များကို ဖော်ပြထားသည်။ ဤတောင်းဆိုချက်များသည် အခြေခံအားဖြင့် အမျိုးမျိုးသောဆေးလုံးများပြုလုပ်ခြင်းအကြောင်းဖြစ်သည်။
ဒုတိယစာတမ်းတွင် ဆေးပညာရှင်အစည်းအရုံးမှ သတ်မှတ်ထားသော ရောင်း၀ယ်ဈေးများကို ပြသထားကာ ဆေးလုံးအမျိုးအစားတစ်ခုစီ၏စျေးနှုန်းကို ရှင်းလင်းစွာသတ်မှတ်ထားသည်။ ဥပမာအားဖြင့် ပထမအဆင့်အရည်အသွေးနိမ့်ဆေးလုံးသည် အဆင့်နိမ့်ဝိညာဉ်ကျောက်တုံးတစ်ခုမှ ငါးခုအထိရှိသည်။ အလယ်အလတ်အဆင့်ဆေးလုံးသည် ဆယ်မှငါးဆယ်အထိရှိကာ အဆင့်မြင့်ဆေးလုံးသည် တစ်ရာမှငါးရာအထိရှိသည်။
အဆင့်နိမ့်ဝိညာဉ်ကျောက်တုံး တစ်ထောင့်ငါးရာ ကျသင့်သော နဂါးငါးကောင်ဆေးလုံးကဲ့သို့သော အထူးဆေးလုံးအချို့လည်း ရှိသည်။ ကျင့်ကြံရေးအဆင့်ကိုတိုးမြှင့်ပေးသည့် ကူယွမ်ဆေးလုံးကဲ့သို့သော ဒုတိယအဆင့်ဆေးလုံးများသည် အဆင့်နိမ့်ဝိညာဉ်ကျောက်တုံး တစ်ထောင့်နှစ်ရာကျသင့်သည်။
ထိပ်တန်း ဒုတိယအဆင့်ဆေးလုံးများကို အဆင့်နိမ့်ဝိညာဉ်ကျောက်တုံးထောင်ချီ သို့မဟုတ် အဆင့်မြင့်ဝိညာဉ်ကျောက်တစ်လုံးတည်းဖြင့်ရောင်းချနိုင်သည်။ တတိယအဆင့်အတွက်မူ အဆင့်မြင့် ဝိညာဉ်ကျောက်များဖြင့်သာ ဝယ်ယူနိုင်သည်။
ဆေးလုံးအမျိုးအစားတစ်ခုစီအတွက် စျေးနှုန်းသတ်မှတ်ထားပါကာ အကြီးမားဆုံးသောအစည်းအရုံးအနေဖြင့် ဆေးပညာရှင်မဟာမိတ်အစည်းအရုံးသည် စျေးနှုန်းများ ဆုံးဖြတ်ပိုင်ခွင့်ရှိသည်။
သာမာန်ကျင့်ကြံသူများသည် ဆေးပညာရှင်မဟာမိတ်အစည်းအရုံး၏ ဆေးဆိုင်များမှ ဆေးလုံးများကိုတိုက်ရိုက်ဝယ်ယူနိုင်ကာ ဆေးပညာရှင်များသည်လည်း ထိုမှတဆင့် ဆေးလုံးများကိုရောင်းချနိုင်သည်။
သို့သော်ဆေးလုံးများကို ရောင်းသောအခါ ဝယ်စျေး၏ကိုးဆယ်ရာခိုင်နှုန်းကိုသာပေးခဲ့သည်။ထို့အပြင် ဆေးပညာရှင်မဟာမိတ်အစည်းအရုံးသည် အမည်မသိ၊ ရင်းမြစ်မသိသည့် ဆေးလုံးများကို လက်မခံချေ။
ဆေးပညာရှင်မဟာမိတ်အစည်းအရုံးတွင် ဆေးလုံးများကိုရောင်းချရန်အတွက်
အစည်းအရုံး၏ အဆင့်သတ်မှတ်ချက်စာမေးပွဲကို အောင်မြင်ကာ ပထမ၊ ဒုတိယ၊ သို့မဟုတ် တတိယအဆင့်ဆေးပညာရှင် ဖြစ်လာရန်လိုအပ်သည်။ ၎င်းအသိအမှတ်ပြုခံရမှသာ ဆေးလုံးများကို ရောင်းချနိုင်မည်ဖြစ်သည်။
ဆေးလုံးများရောင်းချခြင်းမှ ဝိညာဉ်ကျောက်တုံးများရရှိခြင်းအပြင် အမှတ်များလည်း ရရှိနိုင်သည်။
ဤအမှတ်များကို အမျိုးမျိုးသော ဆေးပညာများနည်းစနစ်များနှင့် လျှို့ဝှက်နည်းပညာများအတွက် လဲလှယ်နိုင်ကာ ၎င်းတို့ကို ဒဏ္ဍာရီလာခွဲခွါခြင်းမီးတောက်ကို ရယူရန်ပင် အသုံးပြုနိုင်ကာ ၎င်းကိုလဲလှယ်ရန် လိုအပ်သော ဆေးပညာအမှတ်များသည် မြင့်မားသည်။
ဆေးပညာရှင်မဟာမိတ်အစည်းအရုံးတွင် စည်းကမ်းများစွာရှိသော်လည်း မရေမတွက်နိုင်သော ဆေးပညာရှင်များသည် ၎င်းနှင့်ပူးပေါင်းရန် ရုန်းကန်နေကြဆဲဖြစ်သည်။ ၎င်း၏ ဆေးပညာရှင်တစ်ဦးဖြစ်ခြင်းသည် ရှေးရိုးစွဲချက်ကို ကိုယ်စားပြုသည်။
ဝတ္တုများရေးသားခြင်းကဲ့သို့ များပြားလှသော ဝက်ဘ်ဆိုက်များကြားတွင် ဉာဏ်အလင်းရရှိခြင်းသည် အစမှတ်သို့သွားခြင်းဖြစ်နိုင်ပါသေးသည်။ ထိုအစမှတ်မှ ရလဒ်များကိုသာ တစ်ကမ္ဘာလုံးက အသိအမှတ်ပြုလက်ခံကြခြင်းဖြစ်၏။
ရီဖန်သည် စည်းပြင်ဘက်ရှိသူ မဖြစ်ချင်ခဲ့ချေ။ ဆေးပညာရှင်မဟာမိတ်အစည်းအရုံးရှိ အဆင့်များသည် ဤမျှအသုံးဝင်ပါက အဘယ်ကြောင့် မရယူဘဲနေမည်နည်း။
အမှန်တကယ်တွင် ရီဖန်သည် ဆေးပညာကို တရားဝင်သင်ကြားခံရဖူးခြင်းမရှိသည့် ကိုယ်တိုင်လေ့လာခဲ့သော ဆေးပညာရှင်တစ်ယောက်ဖြစ်သည်။ ဤတစ်ကြိမ်တွင် ရီဖန်သည် သူ့၏ ဆေးပညာနှင့်ပက်သက်သည့် ဗဟုသုတများကို ရှာဖွေစုဆောင်းရန် အခွင့်အရေးရရှိခဲ့သည်။
ဆေးပညာရှင်တစ်ယောက်အတွက် ပထမအဆင့်သည် ဆေးဖက်ဝင်ပစ္စည်းများကို ရှာဖွေဖော်ထုတ်ခြင်းဖြစ်သည်။ ဆေးဖက်ဝင်ပစ္စည်းတိုင်း၏ ဂုဏ်သတ္တိများကို အပြည့်အ၀နားလည်ပြီးမှသာ ၎င်းတို့၏ပေါင်းစပ်မှုကို စစ်မှန်စွာထိန်းချုပ်နိုင်မည်ဖြစ်သည်။
ကျင့်ကြံရေးကမ္ဘာတွင် သောင်းနှင့်ချီသော ဆေးဖက်ဝင်ပစ္စည်းများရှိကာ အလုပ်သင်ဆေးပညာရှင်အများအပြားသည် ဤသတ်မှတ်ခြင်းအဆင့်တွင် ကျရှုံးလေ့ရှိသည်။
ဆေးဖက်ဝင်ပစ္စည်းများကို ရှာဖွေဖော်ထုတ်ပြီးနောက် ဒုတိယအဆင့်သည် သန့်စင်ခြင်းဖြစ်ကာ ဆေးဖက်ဝင်ပစ္စည်းများအတွင်းမှ အညစ်အကြေးအားလုံးကို သန့်စင်ခြင်းဖြစ်၏။ ဆေးဖက်ဝင်ပစ္စည်းများ ပို၍သန့်စင်လေ ဆေးပညာရှင်၏ ဝိညာဉ်စွမ်းအားထိန်းချုပ်ခြင်း တိကျမှုနှင့် ဝိညာဉ်မီးတောက်ထိန်းချုပ်မှုဆိုင်ရာစွမ်းအား ပိုများလေဖြစ်သည်။
တတိယအဆင့်သည် ဆေးရည်ကို ပေါင်းစပ်ခြင်းဖြစ်သည်။ အမျိုးမျိုးသော ဝိညာဉ်ရေးဆေးပင်များ၏ ဂုဏ်သတ္တိများကို ပြီးပြည့်စုံမှုရရှိရန် ဖော်မြူလာအရ ပေါင်းစပ်ရမည်ဖြစ်သည်။ သေးငယ်သောအမှားတစ်ခုသည် ဆေးလုံးပြုလုပ်ခြင်းကို ကျရှုံးစေနိုင်သည်။
နောက်ဆုံးအဆင့်ဖြစ်သော ဆေးလုံးဖွဲ့စည်းပုံသည် အမှန်တကယ်တွင် အလွယ်ကူဆုံးဖြစ်သည်။ ပထမအဆင့်နှင့် ဒုတိယအဆင့် ဆေးပညာရှင် အကဲဖြတ်မှုများသည် ရီဖန်အတွက် အခက်အခဲမရှိချေ။
ဤအခြေအနေတွင် သူသည်ဆေးပညာကို ကောင်းစွာနားလည်သဘောပေါက်မှုကို ဆန်းစစ်ခဲ့ပြီးဖြစ်ကာ ယခုအချိန်တွင် သူ၏အိမ်မှစာကြည့်တိုက်ရှိ ဆေးပညာ၏လျှို့ဝှက်ကုဒ်များကို ပြန်လည်စုစည်းနိုင်ပြီဖြစ်သည်။
တစ်ရက်ခွဲကြာပြီးနောက်တွင် တောက်ပနေသော ရွှေရောင်တိုကင်တစ်ခုကို ရီဖန်ထံ ရောက်ရှိလာခဲ့သည်။ ဆေးဖိုနှစ်လုံးနှင့် နှလုံးငယ်သုံးလုံးမှာ ရီဖန်သည် အထွတ်အထိပ် ဒုတိယအဆင့်ဆေးပညာရှင်ဖြစ်ကြောင်းကို ကိုယ်စားပြုသည်။
ရီဖန်သည် သူဆန္ဒရှိပါက တတိယအဆင့်ဆေးပညာရှင် ဖြစ်လာနိုင်သော်လည်း စာမေးပွဲမဖြေရန် ရွေးချယ်ခဲ့သည်။ ဒုတိယဆင့် ဆေးပညာရှင်၏ အထောက်အထားသည် ရီဖန်၏ လက်ရှိလိုအပ်ချက်အတွက် လုံလောက်ပြီဖြစ်သည်။
"တာအိုဆေးပညာရှင် မိတ်ဆွေ၊ ဆေးပညာအစည်းအရုံးမိသားစုကြီးကို ဝင်ရောက်နိုင်ခဲ့တဲ့အတွက် ဂုဏ်ယူပါတယ်"
ချင်စုန်ဇီသည် ရီဖန်ကို ပထမဆုံး ချီးကျူးဂုဏ်ပြုခဲ့သည်။
ရီဖန်က ကျေးဇူးတင်ကြောင်း ဦးညွှတ်လိုက်ကာ
" တာအိုပညာရှင် ချင်စုန်ဇီကို ကျေးဇူးတင်ပါတယ်"
ရီဖန်မှာ ချင်စုန်ဇီသည် လူကောင်းတစ်ဦးဖြစ်ကြောင်း ဝန်ခံခဲ့သည်။ သူသည် ရီဖန်ကို လိပ်တစ်ထောင်မြို့သို့ ခေါ်ဆောင်လာရုံသာမက ဆေးပညာအစည်းအရုံးသို့ ပါ၀င်ရန်လည်း လမ်းညွှန်ခဲ့သည်။ ချင်စုန်ဇီသည် အလုပ်တစ်ခုကို ဆောင်ရွက်ရန် လိုအပ်သောကြောင့် ရီဖန်အား ကျောက်စိမ်းပြားတစ်ခုပေးကာ ထွက်ခွာသွားခဲ့သည်။
အသံကူးပြောင်းခြင်းကျောက်စိမ်းပြားသည် သူ့အတိတ်ဘဝမှ မိုဘိုင်းဖုန်းနှင့်တူသည်။ လိပ်တစ်ထောင်မြို့အတွင်း၌ ရှိနေသရွေ့ အသံကို ကူးပြောင်းပေးနိုင်မည်ဖြစ်သည်။ အသံကူးပြောင်းခြင်းကျောက်စိမ်းပြားကိုရရှိလိုက်ပြီးနောက် အရာအားလုံးသည် ပိုမိုမှန်ကန်လာသည်ဟု ခံစားလိုက်ရသည်။
ချင်စုန်ဇီထွက်သွားပြီးနောက် ရီဖန်၏ ပထမဆုံးမှတ်တိုင်သည် ဆေးပညာအစည်းအရုံး၏စာကြည့်တိုက်ဖြစ်၏။ စာကြည့်တိုက်၏ပထမထပ်သည် အခမဲ့ဖြစ်ကာ ရီဖန်သည် ဝမ်ရှင်းကျွန်းနှင့်ပတ်သက်သည့် အချက်အလက်များကိုရှာဖွေရန် လိုအပ်သည်။
ဝမ်ရှင်းကျွန်းသည် သူ့အတွက် အသစ်ဖြစ်နေသေးရာ ရီဖန်သည် ၎င်းနှင့်ပက်သက်၍သိလိုသည့်အချက်များ အများအပြားရှိနေပါသေးသည်။
"ဝမ်ရှင်းကျွန်း၏လေ့လာတွေ့ရှိချက်များ" "ကျင့်ကြံရေးကမ္ဘာ၏လျှို့ဝှက်ချက်များ" နှင့်
"သင် ဝမ်ရှင်းကျွန်းကို အမှန်တကယ်နားလည်ပါသလော"
အဆိုပါစာအုပ်အားလုံးကိုဖတ်ပြီးနောက် ရီဖန်သည် လက်ရှိပတ်ဝန်းကျင်၏ အခြေအနေကိုအကြမ်းဖျင်းအားဖြင့် နားလည်လာခဲ့သည်။ လိပ်တစ်ထောင်မြို့နှင့် ရီမိသားစုနယ်မြေနှစ်ခုလုံးသည် ဝမ်ရှင်းကျွန်း၏ဆင်ခြေဖုံးနေရာများတွင် တည်ရှိနေ၏။ ထို့အပြင် လိပ်တစ်ထောင်မြို့သည် အခြားအဓိကမြို့ကိုးမြို့နှင့်အတူ
ဝမ်ရှင်းကျွန်း၏အရှေ့ဘက်နယ်မြေရှိ ဆင်ခြေဖုံးဒေသများတွင်ပါဝင်သည်။
အရှေ့ဘက်နယ်မြေရှိ အားကောင်းသောစွမ်းအားရှိသည့် အုပ်စုအများစုတွင် အမြုတေဖွဲ့စည်းခြင်းအဆင့်ရှိ ကျင့်ကြံသူအများအပြားရှိကာ မွေးဖွားခြင်းဝိညာဉ်အဆင့်သည်သာ ရှားပါးသည်။
ဝမ်ရှင်းကျွန်း၏အစွန်တွင် လိပ်တစ်ထောင်မြို့ကဲ့သို့သော အဓိကမြို့ပေါင်း သုံးဆယ့်ခြောက်မြို့ရှိသည်။ ကျင့်ကြံရေးဂိုဏ်းများနှင့် ကျင့်ကြံသူမိသားစုများစွာရှိကာ စွမ်းအားကြီးသော တစ်ကိုယ်တော်ကျင့်ကြံသူလည်း အများအပြားရှိသည်။
အရာအားလုံးကို နိဂုံးချုပ်လိုက်ပါက ၎င်းသည် အခွင့်အလမ်းများစွာနှင့် စွမ်းအားကြီး ပုဂ္ဂိုလ်များစွာ ရှိနေသောနေရာဖြစ်ကာ ရှင်သန်နေထိုင်ရန် ခက်ခဲသောကမ္ဘာတစ်ခုဖြစ်လာသည်။
ရီဖန်သည် ဝမ်ရှင်းကျွန်းအကြောင်း ပိုမိုနားလည်လာကာ ရီမိသားစု၏ အနာဂတ်ဖွံ့ဖြိုးတိုးတက်မှုအတွက် အစီအစဥ်တစ်ခုကိုလည်း ချမှတ်ခဲ့သည်။
ဝမ်းရှင်းကျွန်းတွင် စျေးကွက်သည် မရှိသလောက်ရှား၏။ ပစ္စည်းများရောင်းဝယ်ရန်အတွက် ရင်းနှီးသော ကျင့်ကြံသူများကို ရှာဖွေရန်၊ အချို့သော မိသားစုပွဲများကို တက်ရောက်ရန်၊ သို့မဟုတ် မြို့ကြီးတစ်ခုသို့သွားရောက်ရန် လိုအပ်သည်။
လိပ်တစ်ထောင်မြို့သည် ရီမိသားစုနှင့် အနီးဆုံးမြို့ကြီးတစ်ခုဖြစ်ကာ ၎င်းတို့သည်အရင်းအမြစ်များ ရယူလိုပါက ၎င်း၏ဖွံ့ဖြိုးတိုးတက်မှုသည် လိပ်တစ်ထောင်မြို့တွင် မလွဲမသွေဖြစ်နိုင်သည်။ ရီဖန်၏ အထွတ်အထိပ် ဒုတိယအဆင့် ဆေးပညာရှင်တစ်ဦး၏ အဆင့်အတန်းဖြင့် အရွက်တစ်ထောင်ဆေးခန်းကို ပြန်လည်တည်ထောင်ရန် မခက်ခဲချေ။
ထို့အပြင် ရီမိသားစုတွင် ဆေးပညာရှင်များနှင့် အင်မော်တယ်ပစ္စည်းသန့်စင်သူအများအပြားရှိကာ ဝမ်ရှင်းကျွန်းတွင် ကျင့်ကြံသူပိုများသောကြောင့် ၎င်းတို့၏ ဖွံ့ဖြိုးတိုးတက်မှုသည် ကွမ်ဟယ်စီရင်စုထက်ပင် ပိုကောင်းလာနိုင်သည်။
တိုက်ပွဲသည် အဖြေမဟုတ်ချေ။ ငွေရှာကာ တိုးတက်လာခြင်းသည်သာ မှန်ကန်သောလမ်းစဉ်ဖြစ်၏။
………………………
အခန်း ၇၈ - အဝါရောင်ပေါ်ပလာကိုယ်ထည်၊ အထူးကြံ့ခိုင်ရည် (၁/၅)
ရီဖန်သည် စာအုပ်ကို သူ့လက်ထဲမှချလိုက်ကာ ပင်မခန်းမထဲသို့ တစ်ဖန်ရောက်ရှိလာ၏။ စနစ်၏အကူအညီဖြင့် ရီဖန်သည် အမြုတေဖွဲ့စည်းခြင်းအဆင့်သို့ အောင်မြင်မှုရခဲ့သည်။ သို့သော် ရီမိသားစုမှ အခြားလူများ နောက်တစ်ဆင့်သို့ တက်လှမ်းလိုပါက ကျင့်ကြံရေးလုံ့လစိုက်ထုတ်မှုကိုသာ အားကိုးရမည်ဖြစ်သည်။
ရီမိသားစုသည် အမြုတေဖွဲ့စည်းခြင်းအဆင့်တွင်သာ ကန့်သတ်မနေနိုင်ချေ။ သူတို့၏အနာဂတ်ပန်းတိုင်များသည် ယွမ်ယင်းအဆင့်၊ နတ်ဘုရားအသွင်ပြောင်းခြင်းနှင့် ပိုမိုမြင့်မားသောနယ်မြေအဆင့်များအတွက် ရည်ရွယ်သည်။ ခိုင်မာသော အခြေခံအုတ်မြစ်သည် ကောင်းမွန်သော အနာဂတ်အတွက် မရှိမဖြစ်လိုအပ်သည်။
အခြေခံအုတ်မြစ်တည်ထောင်ခြင်းအဆင့်တွင် ရီမိသားစု၏အဖွဲ့ဝင်များအားလုံးသည် ချီစွမ်းအားကျင့်ကြံမှု၏ ဆယ်နှစ်ခုမြောက်အလွှာသို့ ရောက်ရှိကြပြီဖြစ်ရာ ၎င်းတို့၏အခြေခံအုတ်မြစ်သည် မလျော့ပါးနေချေ။ သို့သော် ၎င်းတို့သည် ယွမ်ယင်းအဆင့်ကို ကျော်ဖြတ်လိုပါက ၎င်းတို့၏ရွှေအမြုတေအရည်အသွေးသည် နိမ့်ကျနေ၍မရပေ။
ရီဖန်သည် ရွှေအမြုတေများ၏ အရည်အသွေးကို မြှင့်တင်ရန် နည်းလမ်းကို ရှာတွေ့ခဲ့သည်။ ၎င်းသည် အမြုတေဖွဲ့စည်းခြင်း သလင်းကျောက်များကိုစားသုံးခြင်းဖြင့် ရွှေအမြုတေ၏အရည်အသွေးကိုမြှင့်တင်နိုင်သည်။
အမြုတေဖွဲ့စည်းခြင်းသလင်းကျောက်သည် အလယ်အလတ် တတိယအဆင့်ဆေးလုံးဖြစ်ကာ ၎င်း၏ အရည်အသွေး ပိုမိုမြင့်မားလေလေ၊ ရွှေအမြုတေ၏ အရည်အသွေးကို မြှင့်တင်ပေးခြင်းအပေါ် သက်ရောက်မှု ပိုမိုကောင်းမွန်လေဖြစ်သည်။
ဖော်ပြချက်အရ အနည်းဆုံး ၉၀% သန့်စင်သော သလင်းကျောက်ဆယ်ခုသည် ရွှေအမြုတေ၏ အရည်အသွေးကို နှစ်ဆမြင့်တင်ပေးနိုင်သည်။ ရီဖန်သည် အမြုတေဖွဲ့စည်းခြင်းသလင်းကျောက် တစ်ခုတည်းဖြင့် မကျေနပ်ချေ။ ရီမိသားစုအဖွဲ့ဝင်များ၏ ရွှေအမြုတေများသည် အနည်းဆုံး တတိယအဆင့်ဖြစ်ရမည်။
သို့ရာတွင် ဆေးပညာရှင်မဟာမိတ်အစည်းအရုံးတွင် ရွှေအမြုတေ၏ အရည်အသွေးကို မြှင့်တင်ပေးနိုင်သော အခြားဆေးလုံးများ မရှိသောကြောင့် ၎င်းတို့သည် အခြားနည်းလမ်းကို ရှာဖွေရမည်ဖြစ်ပါသည်။
အမြုတေဖွဲ့စည်းခြင်းသလင်းကျောက်အတွက် ဆေးညွှန်းသည် တစ်ခုလျှင် အမှတ် တစ်ထောင်သာရှိသောကြောင့် စျေးမကြီးချေ။ အဆင့်နိမ့် တတိယအဆင့်ဆေးလုံးများကိုရောင်းချလျှင်ပင် ဆယ်မှတ်စီရနိုင်သည်။
ရီဖန်သည် ဆေးလုံးများကို ရောင်းချရန် အလျင်စလို မလုပ်ခဲ့ပေ။ သူ၏ ဆေးပညာရှင်အဆင့်သည် ဒုတိယအဆင့်သာဖြစ်ရုံမက သူ့တွင် ပါဝင်ပစ္စည်းများလည်း မရှိနေချေ။
တတိယအဆင့် ဝိညာဉ်ဆေးပညာသည် အခြေခံအားဖြင့် ကွမ်ဟယ်စီရင်စုတွင် မရှိသောကြောင့် ရီဖန်လက်ထဲရှိ ကြယ်တာရာလော့ဂိုဏ်းမှ ဆင်းသက်လာသော လက်တစ်ဆုပ်စာမျှသည် အဆင့်နိမ့် တတိယအဆင့် ရွှေအမြုတေဆေးလုံးသုံးခုကို တီထွင်နိုင်ရန် လုံလောက်သည်။
ရွှေအမြုတေဆေးလုံးသည် ၎င်းတို့၏ ကျင့်ကြံရေးအဆင့်ကို မြှင့်တင်ရန်အတွက် အမြုတေဖွဲ့စည်းခြင်းအဆင့်ကျင့်ကြံသူများ အသုံးပြုသော အခြေခံဆေးလုံးဖြစ်သည်။ တစ်ခုစီတွင် အရည်အသွေးမြင့် ဝိညာဉ်ကျောက်တုံး နှစ်ခု လိုအပ်ကာ ၎င်းကို ပိုမိုစျေးသက်သာသော တတိယအဆင့်ဆေးလုံးများထဲမှ တစ်ခု ဖြစ်လာစေသည်။
အနည်းငယ်စဉ်းစားပြီးနောက် ရီဖန်သည် ဆေးပညာရှင်မဟာမိတ်အစည်းအရုံးမှ ရွှေအမြုတေဆေးလုံးကို ဖော်စပ်ရန်အတွက် လိုအပ်သော ဝိညာဉ်ရေးဆေးဆယ်စုံကို ဝယ်ယူခဲ့ကာ အဆင့်နိမ့်ဝိညာဉ်ကျောက်တုံးတစ်သိန်းကို အသုံးပြုခဲ့သည်။
ရီဖန်၏ ဆေးပညာကျွမ်းကျင်မှုဖြင့် သူသည် အသုတ်တစ်ခုမှ ရွှေအမြုတေဆေးလုံးငါးခုကို ထုတ်လုပ်နိုင်ကာ သူ၏အမြတ်ငွေကို ငါးဆမျှ ပိုများလာစေသည်။ လိုအပ်သော ဆေးဖက်ဝင်အပင်များဝယ်ပြီးနောက် ရီဖန်သည် အချိန်မဆွဲတော့ချေ။ ချင်စုန်ဇီကို နှုတ်ဆက်ပြီးနောက် လိပ်တစ်ထောင်မြို့မှ ထွက်ခွါကာ အင်မော်တယ်ကျွန်းသုံးခုသို့ ပြန်လာခဲ့သည်။
သူမထွက်ခွာမီတွင် ရီဖန်သည် ကြယ်တစ်သောင်းကျွန်း၏ အဝင်အထွက်ကို နားလည်ရန် ရီမိသားစုအဖွဲ့ဝင်များအတွက် စာအုပ်များစွာကို ပြန်ယူလာခဲ့သည်။
အင်မော်တယ်ကျွန်းသုံးကျွန်းသို့ ပြန်ရောက်သောအခါ ရီဖန်သည် ၎င်းတို့၏အနာဂတ်ဖွံ့ဖြိုးတိုးတက်မှုအတွက် အစီအစဉ်ဆွဲရန် ရီမိသားစုအဖွဲ့ဝင်များကို ချက်ချင်းစုစည်းခဲ့သည်။
ဆေးလုံးမှအစပြုသော ရီမိသားစုသည် စီးပွားရေးကိုဦးတည်သော မျိုးနွယ်စုတစ်ခုနှင့် ပိုတူသည်။ အရွက်တစ်ထောင်ဆေးခန်းသည် ၎င်း၏လုပ်ငန်းကို ဆက်လက်လုပ်ဆောင်ရန် လိုအပ်မည်ဖြစ်ကာ လိပ်တစ်ထောင်ကျွန်းတွင် ဖွင့်လှစ်မည်ဖြစ်၏။
အရွက်တစ်ထောင်ဆေးခန်းသည် ရီမိသားစု၏ ဖွံ့ဖြိုးတိုးတက်မှုအတွက် ငွေကြေးအကူအညီ ပေးနိုင်ကာ စီးပွါးရေးဌာနခွဲအတွက် ဆက်လက်တာဝန်ယူမည်ဖြစ်သည်။
၎င်းတို့ထဲမှ ကျင့်ကြံသူများသည် ၎င်းတို့၏ ကိုယ်ပိုင်ကျင့်ကြံရေးအပေါ် အာရုံစိုက်ကာ အစွမ်းကုန်လေ့ကျင့်ကြရမည်ဖြစ်သည်။
ဆေးပညာ နှင့် အင်မော်တယ်ပစ္စည်းသန့်စင်ခြင်းတွင် အထူးကျွမ်းကျင်သူများသည် ၎င်းတို့၏ အဖွဲ့ဝင်များ၏ တစ်စိတ်တစ်ပိုင်းကို ရီကျင်းထျန်နှင့်အတူ လိပ်တစ်ထောင်မြို့သို့ စေလွှတ်ကြရမည်။
လိပ်တစ်ထောင်မြို့တွင် ဆိုင်ခန်းငှားခသည် တစ်နှစ်လျှင် အဆင့်နိမ့်ဝိညာဉ်ကျောက်တုံး တစ်သန်းကျော်ကုန်ကျသည်။ သို့သော် ဤငွေကို သုံးစွဲရမည်။ လိပ်တစ်ထောင်မြို့တွင်ရှိသော ကျင့်ကြံသူဦးရေအရ ၎င်းတို့သည် အရင်းကို အမြန်ပြန်ရနိုင်သည်။
ပြန်လည်စတင်သောစီးပွါးရေးလုပ်ငန်း၊ သိုသိပ်စွာ ဖွံ့ဖြိုးတိုးတက်ခြင်း၊ ကျင့်ကြံရေး တိုးမြှင့်ခြင်း၊ ဤအရာများသည် ရီမိသားစု၏ အနာဂတ်ဖွံ့ဖြိုးတိုးတက်မှုလမ်းကြောင်းများဖြစ်သည်။
ရီဖန်၏ ဂူအိမ်တွင် ရီကျင်းထျန်၊ ရီကျင်းဟိုင်၊ ရီကျင်းချုံနှင့် အခြားသူများအားလုံး ရောက်ရှိနေသည်။
"မင်းတို့ လောလောဆယ်တော့ အဆင့်ဖြတ်ကျော်ဖို့ ရှောင်သင့်တယ်!"
ရီကျင်းထျန်ကဲ့သို့သော လူများ၏ ကျင့်ကြံရေးအဆင့်များသည် ရီမိသားစုတွင် အမြင့်ဆုံးဖြစ်ကာ အခြေခံအုတ်မြစ်တည်ထောင်ခြင်းအဆင့်သို့ ရောက်ရှိကာ အမြုတေစည်းခြင်းအဆင့်သို့ ဖြတ်ကျော်ရန် ပြင်ဆင်မှုများ စတင်နေပြီဖြစ်သည်။
တတိယအဆင့်ဝိညာဉ်အရင်းအမြစ်များရှိသည့် ၎င်းတို့၏အရည်အချင်းများဖြင့် အမြုတေဖွဲ့စည်းခြင်းအဆင့်သို့ ဖြတ်ကျော်ခြင်းသည် ပြဿနာများစွာရှိမည်မဟုတ်ချေ။ သို့သော် ယခုတွင် အချိန်မကျသေးချေ။
ရီဖန်သည် အမြုတေဖွဲ့စည်းခြင်းသို့ ကျော်ဖြတ်နေစဉ် ရွှေအမြုတေ၏ အရည်အသွေးကို မြှင့်တင်ရမည့်ကိစ္စကို လူတိုင်းအား ရှင်းပြခဲ့သည်။
“ငါ အမြုတေဖွဲ့စည်းခြင်းသလင်းကျောက်တွေကို ပြင်ဆင်ပြီးတဲ့အထိ စောင့်ပြီးမှပဲ အဆင့်တက်ဖို့ပြင်ဆင်ကြ၊ အခုကတော့ မင်းတို့ရဲ့ ကျင့်ကြံရေးကို ခနထိန်းချုပ်ထားရမယ်"
အားလုံးက သဘောတူသည့်အနေဖြင့် ခေါင်းညိတ်လိုက်ကြသည်။ ရီဖန်သည် သူတို့ကို မည်သည့်အခါမျှ ဒုက္ခမပေးသည်ကို သူတို့သိရှိပြီးဖြစ်၏။
မကြာမီတွင် ရီကျင်းလုံ၊ ရီကျင်းဖန်နှင့် ဆေးပညာ၊ အင်မော်တယ်ပစ္စည်းသန့်စင်ခြင်းနှင့် မန္တန်တို့တွင် ကျွမ်းကျင်သော မျိုးနွယ်စုဝင်အချို့သည် လိပ်တစ်ထောင်မြို့သို့ ခရီးထွက်ကာ အရွက်တစ်ထောင်ဈေးကို ပြန်လည်ဖွင့်လှစ်ခဲ့သည်။
"ရီကျင်းလုံ၊ အထွတ်အထိပ် ဒုတိယအဆင့် အင်မော်တယ်ပစ္စည်းသန့်စင်သူ"
"ရီရှန်ဟယ်၊ အဆင့်မြင့် ပထမတန်း အင်မော်တယ်ပစ္စည်းသန့်စင်သူ"
မျိုးရိုးအမည်တူ ရှေးဟောင်းပစ္စည်းသန့်စင်သူများ၏ အသွင်အပြင်သည် ကျင့်ကြံသူအများအပြား၏ အာရုံကို လျင်မြန်စွာ ဆွဲဆောင်ခဲ့သည်။
"ဒီလူတွေအားလုံးက မိသားစုတစ်စုတည်းက ဖြစ်နိုင်သလား"
တစ်ဘက်ဆေးပညာအစည်းအရုံးတွင်လည်း အခြေအနေ အတူတူပင်ဖြစ်သည်။ တစ်ချိန်တည်းတွင် စာမေးပွဲဖြေဆိုသူ အများအပြားအောင်မြင်မှုသည် အာရုံစူးစိုက်မှုကို ခံခဲ့ရသည်။ ဆေးပညာအစည်းအရုံးနှင့် အင်မော်တယ်ပစ္စည်းသန့်စင်ခြင်းအစည်းအရုံးတို့၏ ထောက်ခံချက်ဖြင့် အရွက်တစ်ထောင်ဆေးခန်းကို ဖွင့်လှစ်ပြီးနောက် ကျင့်ကြံသူများကိုလျင်မြန်စွာ ကြိုဆိုခဲ့သည်။
ဆေးလုံးများ၊ အင်မော်တယ်ပစ္စည်းများ၊ မန္တန်များ စသည်တို့သည် ကျင့်ကြံသူများ ကျင့်ကြံရေးအတွက် အသုံးအများဆုံး အရင်းအမြစ်များဖြစ်သည်။ အရင်းအမြစ်များသည် တဖြည်းဖြည်း စုပြုံလာကာ ရီမိသားစုထံ ပြန်လည်ရောက်ရှိလာခဲ့သည်။
….
ရီမိသားစုရှိ မုရွေ့ချင်း၏ဂူအိမ်တွင်။
အော်ဟစ်သံနှင့်အတူ ကောင်းကင်ထက်တွင် အပင်တစ်ပင် ရုတ်တရက်ပေါ်လာသည်။ ဧရာမသစ်ပင်ကြီးသည် ကောင်းကင်သို့ ဖောက်ထွင်းဝင်ရောက်သွားသည်။
၎င်းသည်ပုံမှန်မဟုတ်သော ဖြစ်စဉ်တစ်ခုဖြစ်ကာ ထူးခြားသောကလေးငယ်တစ်ဦး ရီမိသားစုတွင် မွေးဖွားလာခဲ့သည်။ အပင်သည် လျင်မြန်စွာ ပျောက်ကွယ်သွားပြီးနောက် ရီဖန်သည် သူ့ရှေ့ရှိ သတ္တမမြောက်ကလေးငယ်ကို အာရုံစိုက်လာခဲ့သည်။
ပြည့်ဖောင်းသော မျက်နှာ၊ ကွေးညွတ်သော မျက်ခုံးတစ်စုံ၊ တောက်ပသော မျက်လုံးဝိုင်းကြီးများ၊ သေးငယ်သောနှာခေါင်း၊ နားကားတစ်စုံနှင့် ပါးစပ်သေးသေးလေးသည် မွေးကင်းစကလေးနှင့် လုံးဝမတူချေ။
ရီဖန်သည် ဝိညာဉ်ကျောက်တုံးကို ထုတ်ယူကာ ကလေးလက်ထဲ ထည့်ပေးရန် မစောင့်နိုင်တော့ပေ။ အလင်းကွင်းရှစ်ခု၊ ဝိညာဉ်ရေးအရင်းမြစ်တစ်ခု၊ ကျောက်လုံ၏ အသွင်အပြင်ဖြင့် ဝန်းရံထားသော သစ်သားဝိညာဉ်ရေးရာအမြစ်တစ်ခု၊ ဒုတိယအဆင့် သစ်သားဝိညာဉ်ရေးရာအမြစ်မျိုးကွဲနှင့် ထူးခြားသောကိုယ်ထည်ရှိသည်။
မကြာသေးမီက အဖြစ်အပျက်များကြောင့် ဤကလေးထံမှ နိုးထလာသော အထူးကိုယ်ထည်သည် သစ်သားဝိညာဉ်ကိုယ်ထည်အတွင်းရှိ အဝါရောင် ပေါ်ပလာကိုယ်ထည် ဖြစ်သင့်သည်။
အဝါရောင်ပေါ်ပလာကိုယ်ထည်သည် တာအိုကောင်းကင်ဘုံမှ နှစ်သက်သောသူများသာ ၎င်းကို နိုးထစေနိုင်သည်။ အနာဂတ်အောင်မြင်မှုများဖြစ်စေ ကျင့်ကြံရေးအရှိန်ဖြစ်စေ သာမာန်လူများထက် အဆပေါင်းများစွာ ကျော်လွန်သွားမည်ဖြစ်သည်။
ထို့အပြင် ဤကလေးတွင် အဝါရောင်ပေါ်ပလာကိုယ်ထည်နှင့် အလွန်လိုက်ဖက်သော ဒုတိယအဆင့်သစ်သားဝိညာဉ်မျိုးကွဲလည်း ရှိသည်။ ထိုသို့သော အရည်အချင်းများသည် ရီမိသားစုတွင် အကြီးမားဆုံးသော အရည်အချင်းများထဲမှ တစ်ခုဟု သတ်မှတ်ရပေမည်။
“သခင် ကျေးဇူးပြုပြီး ငါတို့ကလေးကို နာမည်ပေးလိုက်ပါ” ဟု မုရွေ့ချင်းက မောပန်းနွမ်းနယ်နေဟန်ဖြင့် ပြောသည်။
"ကလေးက သဘာဝအတိုင်း သစ်သားနဲ့ နီးစပ်လို့ သူ့ကို ရီကျင်းစန်လို့ ခေါ်ရအောင်”
‘ငါ့သားကျင်းဆန်က ကြီးမြတ်တဲ့ ဧကရာဇ်မင်းတစ်ပါး ဖြစ်လာနိုင်တယ်’
ရီဖန်ရုတ်တရက် တွေးမိလိုက်သည်မှာ ဤကလေး၏ အသွင်အပြင်သည် စွမ်းရည်မျိုးစေ့၏ အကျိူးသက်ရောက်မှုကြောင့် ဖြစ်နိုင်မည်လော။ ထိုသို့ဆိုလျှင် စွမ်းရည်မျိုးစေ့၏တန်ဖိုးကို ပြန်လည်အကဲဖြတ်ရန် လိုအပ်သည်။
ရီကျင်းဆန်သည် ရီဖန်ကို ရက်အတော်ကြာ စိတ်လှုပ်ရှားစေခဲ့သည်။ ယခုအခါ ရီမိသားစု၏ လူဦးရေမှာ ရှစ်ဆယ်ကျော်ရှိနေပြီဖြစ်ကာ တစ်ရာရှောက်ရှိရန်မဝေးတော့ချေ။
ကွမ်ဟယ်စီရင်စုရှိ အနှောက်အယှက်ကြောင့် ရီမိသားစု၏ ဖွံ့ဖြိုးတိုးတက်မှုကို အနည်းငယ်နှောင့်နှေးစေခဲ့သော်လည်း ယခုနောက်ဆုံးတွင် လမ်းကြောင်းပေါ် ပြန်ရောက်ရှိသွားပြီဖြစ်သည်။
ဘမ်း!
ရီမိသားစု၏နောက်ထပ်အဖွဲ့ဝင်တစ်ဦးသည် အခြေခံအုတ်မြစ်တည်ထောင်ခြင်းအဆင့်သို့ အောင်မြင်စွာဖြတ်ကျော်နိုင်ခဲ့သော်လည်း နောက်တစ်ခဏ၌ သူ၏အငွေ့အသက်သည် ချက်ချင်းပျောက်ကွယ်သွားကာ ချီစွမ်းအားကျင့်ကြံမှုအလယ်အလတ်အဆင့်သို့ ပြောင်းလဲသွားသည်။
"မင်းရဲ့ လှည့်စားဖျားကောင်းကင်ဘုံနဲ့ ပင်လယ်ကို ကျော်ဖြတ်ခြင်းလှည့်ကွက်တွေနဲ့ မင်း ပိုပိုပြီး အရှက်မဲ့လာပြီ”
"အစ်ကိုတစ်ဆယ့်သုံး၊ မင်းလဲ အတူတူပဲမဟုတ်လား? မင်းရဲ့ ကျင့်ကြံရေးအဆင့်က အလယ်အလတ် အခြေခံအုတ်မြစ်တည်ထောင်ခြင်းအဆင့်မှာ ရှိနေပြီဆိုတာ ငါမသိဘူးမထင်နဲ့၊ မင်းဘယ်သူကိုလိမ်ဖို့ကြိုးစားနေတာလဲ!"
အတွေ့အကြုံရယူရန်အပြင်ထွက်ခြင်း၊ ဝှက်ဖဲအနည်းငယ်ကို မပြင်ဆင်ခြင်း၊ ကျင့်ကြံရေးအဆင့်အနည်းငယ်ကို ဖုံးကွယ်ထားခြင်းဖြင့် အခြားမျိုးနွယ်စုဝင်များနှင့် စကားပြောရန် ရှက်သင့်သည်။
ဤအတောအတွင်း အတွေ့အကြုံရရန် လိုအပ်သူများသည် အပြင်ထွက်ကာ၊ အနီးကပ် ကျင့်ကြံရန်လိုအပ်သူများသည်လည်း လေ့ကျင့်နေခဲ့ကြသဖြင့် ရီမိသားစု၏ ကျင့်ကြံရေးအဆင့်သည် သိသိသာသာ တိုးတက်လာပြန်သည်။
ရီကျင်းစန်မွေးဖွားပြီး တစ်နှစ်ခွဲကြာခဲ့ပါပြီဖြစ်သည်။
ရီဖန်၏ဂူအိမ်တွင် ဆေးဖိုအခန်းအတွက် တားမြစ်ချက်ကို ရုတ်သိမ်းလိုက်သည်။ ရီကျင်းချုံနှင့် အခြားသူများ၏ ကျင့်ကြံရေးအဆင့်များသည် ၎င်းတို့၏ ကန့်သတ်ချက်များသို့ ရောက်ရှိသွားခဲ့ကာ အမြုတေဖွဲ့စည်းခြင်းအတွက် စတင်ပြင်ဆင်ချိန်တန်ပြီဖြစ်သည်။
……………………