အခန်း ၈၅-၈၇

အပိုင်း ၈၅- တစ်ရက်တည်းတွင် အထူးဖွဲ့စည်းခြင်းဥပဒေများ နိုးထလာခြင်း

ရီဖန်သည် ယခင်က အရာအားလုံးဤနေရာတွင် အဆုံးသတ်တော့မည်ဟု ထင်ခဲ့သော်လည်း နောက်အခိုက်အတန့်တွင် ရွှေအမြုတေပေါ်တွင် နောက်ထပ်ဆေးလုံးပုံစံများ ပေါ်လာသည်။

မကြာသေးမီက ရီဖန် ရွှေအမြုတေသည် ပထမအဆင့်သို့ ရောက်ရှိခဲ့ပြီးနောက်ပိုင်းတွင် အခြားသူများ ဖြတ်ကျော်သွားသည့်အချိန်တွင် ပြောင်းလဲခြင်းမရှိတော့ချေ။

သူသည် မူလအစီအစဥ်ကို ဖြုတ်ချခံလိုက်ရပြီဟု ထင်ခဲ့သော်လည်း အံ့အားသင့်ဖွယ်ကောင်းသည်မှာ ရွှေအမြုတေ၏အဆင့်သည် ဆက်လက်တိုးလာနိုင်သေး၏။ နောက်ဆုံး ဆေးလုံးပုံစံသည် တဖြည်းဖြည်းပုံပေါ်လာသည်။

ဆယ်ခုမြောက်ေဆေးလုံးပုံစံဖွဲ့စည်းပြီးနောက်၊ ဆေးလုံးပုံစံဆယ်ခုသည် တဖြည်းဖြည်းပျောက်ကွယ်သွားကာ နောက်ဆုံးတွင် ရီဖန်သို့ အစေ့ငယ်လေးတစ်ခုအဖြစ် ပြောင်းလဲဝင်ရောက်သွားသည်။

ရီဖန်သည် ပျော်ရွှင်စွာဖြင့် ပင်လယ်ပြာမီးတောက်နှင့် အစိမ်းရောင်သစ်သားမီးတောက်ကို ရွှေအမြုတေထဲသို့ စုပ်ယူလိုက်ပြီးနောက် ဆေးလုံးပုံစံများ၏ အစေ့ငယ်နှစ်ခုသည် ခွဲခွါခြင်းမီးတောက်နှစ်ခုကို စတင်စုပ်ယူသည်။

အစိမ်းရောင်သစ်သားမီးတောက်သည် ဒုတိယအဆင့် ထွက်ခွါခြင်းမီးတောက်ဖြစ်ကာ ပင်လယ်ပြာမီးတောက်သည် တတိယအဆင့်ထွက်ခွါခြင်းမီးတောက်ဖြစ်သောကြောင့် သဘောတရားအရ ၎င်းတို့သည် အတူယှဉ်တွဲရှိနေရန် မသင့်လျော်ချေ။

ရီဖန်သည် ပင်လယ်ပြာမီးတောက်ကို စုပ်ယူလိုက်သောအခါ အစိမ်းရောင်သစ်သားမီးတောက်သည် အသုံးမဝင်တော့ပေ။ ယခုမူ ခွဲခွါခြင်းမီးတောက်နှစ်ခုသည် တဖြည်းဖြည်း ပျောက်ကွယ်သွားပြီးနောက် ဆေးလုံးပုံစံမျိုးစေ့သည် ထွက်ခွါခြင်းမီးတောက်အဖြစ်သို့ တဖြည်းဖြည်းပြောင်းလဲသွားသည်။

ပင်လယ်ပြာမီးတောက်နှင့် အစိမ်းရောင်သစ်သားမီးတောက်တို့၏ စွမ်းအားအပြည့်ဖြင့် ပေါင်းစပ်ထားသော ဤထွက်ခွါခြင်းမီးတောက်သည် သစ်သားစွမ်းရည်၏ ကြီးထွားမှုစွမ်းအားနှင့် မီး၏ ပေါက်ကွဲနိုင်သောစွမ်းအားနှစ်ခုလုံးရှိကာ ရေ၏ အာဟာရစွမ်းအားလည်းပါရှိသည်။

စွမ်းအားသုံးမျိုးလုံးသည် လုံး၀ ပေါင်းစပ်သွား၏။ သို့သော် ဤမီးတောက်သည် ကျော်ကြားသော ခွဲခွါခြင်းမီးတောက်စာရင်းတွင် ပါဝင်ခြင်းမရှိချေ။

၎င်းသည် ရီဖန်ပိုင်ဆိုင်သည့် တမူထူးခြားသော ထွက်ခွါခြင်းမီးတောက်သာဖြစ်သည်။

မဟုတ်ပေ၊ ၎င်းကို ထွက်ခွါခြင်းမီးတောက်ဟု ခေါ်ဆို၍မရတော့ချေ။ နှလုံးမီးတောက်ဟု အမည်ပေးရမည်ဖြစ်သည်။

ရီဖန်သည် စွမ်းရည်လမ်းကြောင်းကို အမြန်ဖွင့်ကြည့်လိုက်ရာ မီးတောက်ထိန်းချုပ်မှုစွမ်းအားသည် မသိလိုက်ဘဲ ပျောက်ကွယ်သွားသည်ကို တွေ့လိုက်ရသည်။ ယင်းအစား ထူးကဲစွမ်းရည်အသစ်တစ်ခုရှိနေ၏။

ထူးကဲစွမ်းရည်- တတိယအဆင့် နှလုံးမီးတောက် (၈၆၃၀/၁၀၀၀၀)

နှလုံးမီးတောက်သည် အခြားသောထွက်ခွါခြင်းမီးတောက်များကို အဆက်မပြတ်ဝါးမြိုကာ ဆင့်ကဲပြောင်းလဲနိုင်သည်။ စကားလုံးတစ်လုံးတည်းဖြင့်ပြောရလျှင် ဤထူးကဲစွမ်းရည်သည် အံ့မခန်းပင်။

ပထမအဆင့် ရွှေအမြုတေအထက်တွင် ၎င်းကို ရွှေအင်မော်တယ်ဆေးလုံးဟု ခေါ်သင့်သည်။

ထို့အပြင် ထူးကဲစွမ်းရည်များသည် ထူးကဲအသွင်ပြောင်းခြင်းနယ်မြေအဆင့်သို့ ရောက်ရှိပြီးမှသာ ပိုင်ဆိုင်နိုင်သည့်စွမ်းရည်များဖြစ်သည်။

သို့သော် ယခုအခါတွင် ရီဖန်သည် အရေအတွက်မှ အရည်အသွေးပြောင်းလဲမှုကို ထုတ်လုပ်ခြင်းဖြင့် ထူးကဲစွမ်းရည်မျိုးစေ့ကို အတင်းအကျပ် ထုတ်ပေးခဲ့သည်။

ရီဖန်သည် ထပ်ခါတလဲလဲ စမ်းသပ်ခဲ့ပြီးနောက် နှလုံးမီးတောက်သည် ဆေးပညာ၊ အင်မော်တယ်ပစ္စည်းသန့်စင်ခြင်းနည်းပညာနှင့်၊ တိုက်ခိုက်ရေးစွမ်းအား စသည်တို့တွင် အလွန်အသုံးဝင်ကြောင်းတွေ့ရှိခဲ့သည်။

ယခင်က အသုံးမဝင်ခဲ့သော မြွေစိမ်းမီးတောက်နည်းပညာကို ရီဖန်သည် တစ်လတာလုံး မီးတောက်နည်းစနစ်မြောက်မြားစွာဖြင့် ပေါင်းစပ်ကာ အမြုတေဖွဲ့စည်းခြင်းအဆင့်မီးတောက်ဖြစ်သည့် အစိမ်းရောင်’ကျောက်’မီးတောက်နည်းစနစ်အသစ်ကို ဖန်တီးခဲ့သည်။ နှလုံးမီးတောက်နှင့် အစိမ်းရောင်’ကျောက်’သွေးမျိုးဆက်ကို ပေါင်းစပ်ထားသည့် အစိမ်းရောင်’ကျောက်’မီးတောက်နည်းစနစ်၏ စွမ်းအားသည် ရီဖန်ကို ထိတ်လန့်စေခဲ့သည်။

ဤကျင့်ကြံရေးမှရရှိသော အမြတ်များသည် သံသယမရှိဖွယ်ပင် အလွန်ပြင်းထန်သည်။ သို့သော် ရီဖန်အတွက် ဤအလေ့အကျင့်များသည် အရန်သာဖြစ်သောကြောင့် ၎င်းထဲတွင် နှစ်မြှုပ်မထားချေ။

ကျင့်ကြံသူများအတွက် အမြဲတမ်းအရေးကြီးဆုံးအရာမှာ နယ်ပယ်အဆင့်သာဖြစ်သည်။ ရီမိသားစုသည် အရှေ့နယ်မြေရှိ အကောင်းဆုံးအရင်းအမြစ်များကို သိမ်းပိုက်လိုပါက အမြုတေဖွဲ့စည်းခြင်းအဆင့်ကျင့်ကြံမှုသည် လုံလောက်မှုမရှိသေးပေ။

မသိလိုက်စွာဖြင့် ရီမိသားစုသည် ကြယ်တစ်သောင်းပင်လယ်သို့ ရောက်ရှိခဲ့သည်မှာ ခြောက်နှစ်ရှိပြီဖြစ်သည်။ ရီဖန်သည် အတွေးတစ်ခုဖြင့် မိသားစုအဆင့်သတ်မှတ်ချက်ကို ဖွင့်လိုက်သည်။

မိသားစုအဆင့်သတ်မှတ်ချက် (ကြယ်တစ်သောင်းကျွန်း): ၈၇၆၃၆

ရီမိသားစုသည် ကြယ်တစ်သောင်းပင်လယ်သို့ ပထမဆုံးရောက်ရှိစဉ်က ၎င်းတို့၏အဆင့်သည် ၁၉၀,၀၀၀ ကျော်ရှိသည်။ ယခုအခါ ၎င်းတို့သည် ထိပ်တန်းအဆင့် ၁၀၀၀၀၀ သို့ တက်လာခဲ့သည်။

ဤအဆင့်သတ်မှတ်ချက်သည် လုံးဝတိကျခြင်းမရှိပေ။ ကြယ်တစ်သောင်းပင်လယ်တွင် ရီမိသားစု၏အချိန်သည် တိုတောင်းနေသေးသည်၊၊ ရွှယ်မိသားစုကို ချေမှုန်းပစ်လိုက်သော်လည်း ရီမိသားစုအပေါ် လူအများ၏အထင်အမြင်တွင် ၎င်းတို့သည် ဆေးပညာနှင့် အင်မော်တယ်ပစ္စည်းသန့်စင်ခြင်းတွင်သာ ထူးချွန်သောမိသားစုတစ်ခုဖြစ်သည်ဟူ၍သာ။

အဆင့်သတ်မှတ်ချက်တွင် ကျော်ကြားမှုနှင့် စွမ်းအားနှစ်ခုစလုံးကို ပေါင်းစပ်ထားသည်။ ခဏကြာပြီးနောက် ရီဖန်၏အဆင့်သည် ဆက်လက်မြင့်တက်လာနိုင်သည်။ သို့သော်လည်း မိသားစုအဆင့်သတ်မှတ်ခြင်းမှတစ်ဆင့် ရီဖန်သည် ကြယ်တစ်သောင်းပင်လယ်၏အတိမ်အနက်ကို အကြမ်းဖျင်းနားလည်လာခဲ့သည်။

ကြယ်တစ်သောင်းပင်လယ်သည် ထင်ထားသလောက် မရိုးရှင်းနေချေ။ မွေးဖွားခြင်းဝိညာဉ်အဆင့်ရှိ ကျင့်ကြံရေးမိသားစုများစွာရှိနိုင်သည်။ ရီဖန်နေထိုင်ရာ အရှေ့ဘက်နယ်မြေတွင် အမြုတေဖွဲ့စည်းခြင်းကျင့်ကြံရေးအဆင့်သည် အတော်လေးကောင်းမွန်နေပြီဟု ထင်ရသည်။

"စနစ်၊ မိသားစုအဆင့်ကို တွက်ချက်ပါ"

"စွမ်းရည်မျိုးစေ့သုံးစေ့ကို ဆုအဖြစ်ရရှိတဲ့အတွက် သခင့်ကို ဂုဏ်ပြုပါတယ်"

ထိုအသံကိုကြားသည့်အခါ ရီဖန်သည် မထိန်းချုပ်နိုင်တော့ချေ။

မိသားစုအဆင့်သတ်မှတ်ချက်ကို တစ်နှစ်လျှင်တစ်ကြိမ် တွက်ချက်သော်လည်း လွန်ခဲ့သည့်နှစ်အနည်းငယ်က အဆင့်တွက်ချက်မှုမှ ဆုလာဘ်များသည် တန်ဖိုးမရှိပေ။ ရီဖန်သည် စွမ်းရည်မျိုးစေ့ကို အချိန်အကြာကြီးမျှော်လင့်ထားသော်လည်း မည်သည့်အခါမှ ပေါ်မလာပါ။

ယခုတွင် သုံးစေ့သည် တစ်ပြိုင်နက်တည်းပေါ်လာရာ ရီဖန်သည် မည်ကဲ့သို့ စိတ်မလှုပ်ရှားဘဲနေနိုင်ပါမည်နည်း။ စွမ်းရည်မျိုးစေ့သည် ဉာဏ်ကြီးရှင်အဆင့်ဖြစ်တည်မှုကိုပင် ဖန်တီးနိုင်သည်။

“စနစ်၊ စွမ်းရည်မျိုးစေ့ကို အသုံးပြုပါ”

စွမ်းရည်မျိုးစေ့သည် ချက်ခြင်းပျောက်ကွယ်သွားကာ ထုံးစံအတိုင်း အကြောင်းကြားချက်မရှိပေ။ ရီဖန်သည် အသားကျလာပြီဖြစ်သည်။

သူသည် ရီမိသားစု၏မွေးဖွားသူအသစ်များကို ယခုတစ်ကြိမ်တွင် မည်ကဲ့သို့သော စွမ်းအားမြင့်အရည်အချင်းများဖြင့် ပေါ်လာမည်ကို စတင်အာရုံစိုက်လာသည်။

ရီကျင်းချုံ၏ ဂူအိမ်ထဲတွင် ရီကျင်းချုံသည် အပြင်းအထန်လေ့ကျင့်နေသည်။ ရီချင်၏ အမြုတေဖွဲ့စည်းခြင်းအဆင့်သို့ အောင်မြင်မှုသည် ရီကျင်းချုံအတွက် ကြီးမားသောဖိအားကို ယူဆောင်လာခဲ့သည်။

အမျိုးသမီးတစ်ဦးအနေဖြင့် ရီချင်၏ကျောရိုးဖြစ်လာရန် စိတ်ပိုင်းဖြတ်ထားသည့်အတွက် ရီကျင်းချုံသည် သူမပို၍ ကြိုးစားလုပ်ဆောင်ရန် လိုအပ်သည်ဟု ခံစားမိသည်။

ရီကျင်းချုံသည် အပြင်းအထန်လေ့ကျင့်နေချိန်တွင် သူမခန္ဓာကိုယ်အတွင်း၌ ပုံမှန်မဟုတ်သော စွမ်းအားတစ်ခုပေါ်လာသကဲ့သို့ ရုတ်တရက် ခံစားလိုက်ရသည်။ ဤစွမ်းအားများ ထွက်ပေါ်လာပြီးနောက် သူမ၏ခန္ဓာကိုယ်ကို ပြုပြင်မွမ်းမံခဲ့သည်။

ထို့နောက် သူမ၏ စွမ်းအားသည်တဖြည်းဖြည်း ပျောက်ကွယ်သွားခဲ့သည်။ ၎င်းသည် ရီကျင်းချုံကိုအထိတ်တလန့်ဖြစ်စေခဲ့ကာ သူမ၏ စွမ်းအား ပျောက်ကွယ်သွားမှုကို တားဆီးရန် ကြိုးပမ်းခဲ့သည်။

သို့ရာတွင် သူမ၏စွမ်းအားများပိုမိုပျံ့နှံ့လာလေ ပို၍လျင်မြန်စွာ ပျောက်ကွယ်သွားလေဖြစ်နေ၏။

ရီကျင်းချုံသည် တစ်ခုခုမှားယွင်းနေသည်ကို သတိထားမိလိုက်သည်။

သူမ၏စွမ်းအားသည် ပျောက်ကွယ်သွားခြင်းမဟုတ်ဘဲ သူမ၏ခန္ဓာကိုယ်အတွင်း၌ သိမ်းဆည်းထားသည်။ သူမ၏ စွမ်းအားလျော့နည်းလာသည်နှင့်အမျှ သူမ၏ ရုပ်ပိုင်းဆိုင်ရာခွန်အားများတိုးလာသည်။

ရီကျင်းချုံသည် ရုတ်တရက် တစ်ခုခုကို တွေးလိုက်မိသည်။ သူမ၏ လက်ရှိအခြေအနေသည် ဒဏ္ဍာရီထဲမှ အထူးကိုယ်ထည်နိုးထလာခြင်းနှင့် ဆင်တူသည်။ မွေးကင်းစကလေးများသာမက ကျင့်ကြံသူများသည်လည်း အထူးကိုယ်ထည်ကို နိုးထစေနိုင်၏။

သို့သော် အထူးကိုယ်ထည်နိုးထရန် အခွင့်အလမ်းများမှာ အလွန်နည်းပါးသည်။ ကျင့်ကြံသူ တစ်သိန်းတွင် တစ်ယောက်မျှပင် အထူးကိုယ်ထည်နိုးထရန်မဖြစ်နိုင်ချေ။ ယခုတွင် ဤမမျှော်လင့်ထားသော အဖြစ်အပျက်သည် သူမထံတွင် ဖြစ်သွားခဲ့ပြီဖြစ်ရာ ရီကျင်းချုံသည် ချစ်စဖွယ်ပြုံးလိုက်သည်။

‘အမှန်တကယ်ကို ငါ ရီကျင်းချုံကို ကောင်းကင်ဘုံက အချစ်ဆုံးပဲ’

အခြားအခန်းတွင် ရီချင်သည်လည်း သူ၏ ကျင့်ကြံရေးအဆင့်ကို သတိပြုမိကာ တောက်ပစွာ ပြုံးပြလိုက်သည်။ ပြီးခါနီးပြီဖြစ်သည်။ မကြာမီတွင် သူသည် ရီကျင်းချုံကို ကျော်တက်တော့မည်။ သူသည် ဇနီးသည်ကိုမှီခိုနေထိုင်သောသူ မဟုတ်တော့ပေ။

နောက်အခိုက်အတန့်တွင် ရီချင်သည် နောက်ထပ် ကျင့်ကြံရေးအခန်းမှ လှုပ်ရှားမှုတစ်ခုကို ရုတ်တရက် ခံစားလိုက်ရကာ သူ့မျက်လုံးများသည် အံ့သြစွာ ပြူးကျယ်သွားသည်။

ရီကျင်းချုံသည် အထူးကိုယ်ထည် နိုးထလာပါသလော။ ရီချင်သည် အထူးကိုယ်ထည်နိုးထလာသော ပါရမီရှင်အချို့ကိုတွေ့မြင်ခဲ့ရသောကြောင့် သူသည် ထိုသို့သောပြောင်းလဲမှုများနှင့် အလွန်ရင်းနှီးခဲ့သည်။

သို့သော် သူသည် ရီကျင်းချုံကိုကျော်တက်ခါနီးတွင် ကောင်းကင်ဘုံက သူ့အပေါ်တွင် ဤလှည့်ကွက်ကို ပြုလုပ်မည်ဟု မည်သည့်အခါကမှ အိပ်မက်ပင်မမက်ခဲ့ဘူးချေ။ အထူးကိုယ်ထည်ကို နိုးထစေခြင်းသည် ၎င်းတို့၏ကျင့်ကြံရေးအဆင့်ကို တိုးမြှင့်ပေးရုံသာမက တိုက်ခိုက်ရေးစွမ်းရည််နှင့် ကျင့်ကြံရေးအရှိန်ကို တိုးတက်လာစေသည်။

ယခုတွင် သူသည် ရီကျင်းချုံကို မည်ကဲ့သို့ ကျော်ဖြတ်ရတော့မည်နည်း။

‘ဘုရားသခင်ရယ်၊ ကျွန်တော့ကို ဒီလိုကြီး မကစားပါနဲ့တော့’

သူ့ဘဝတစ်သက်တာလုံးတွင် မိန်းမတစ်ယောက်ကိုမှီခို၍ အသက်ရှင်ရန်ကံကြမ္မာပါလာသည်လော။

ထိုနေ့တွင် ရီမိသားစုအထက်ကောင်းကင်၌ နိမိတ်သုံးခု ပေါ်လာသည်။

ကြီးမားသောအဆောက်အဦသည် ရီကျင်းချုံ၏ ကိုယ်ထည်ဖြစ်ကာ စွမ်းအားမှ ကိုယ်ကာယစွမ်းအားအဖြစ်သို့ ပြောင်းလဲသွားကာ ရီကျင်းချုံ၏အကြိုက်နှင့်ကိုက်ညီသော ကိုယ်ထည်အဖြစ်သို့ပြောင်းလဲသွားသည်။

ကောင်းကင်ဘုံကိုးဆင့်လေပြင်းသည် လေ၏ထူးကဲစွမ်းရည်ကိုထိန်းချုပ်ထားသည့် ရီကျင်းဟိုင်၏ ကောင်းကင်ဘုံလေပြင်းကိုယ်ထည်ဖြစ်သည်။

နောက်ဆုံးတစ်ခုသည် ရီကျင်းဖန်နိုးထခဲ့သည့် အင်မော်တယ်ဖီးနစ်အရိုးနှင့်အတူ ထူးကဲမီးတောက်ဖြစ်သည့် အင်မော်တယ်မီးတောက်နှင့် ပေါင်းစပ်ထားသည့် အင်မော်တယ်ဖီးနစ်ငှက်ဖြစ်သည်။

ထိုသုံးမျိုး၏ ကျင့်ကြံရေးအဆင့်သည် အမြုတေဖွဲ့စည်းခြင်း၏ အလယ်အလတ်အဆင့်အထိ သိသိသာသာ တိုးတက်လာခဲ့သည်။

…………..

အခန်း ၈၆ - ဆေးပညာရှင်အစည်းအရုံး၏ အကြီးအကဲ၊ စိတ်ဝိညာဉ်မြှင့်တင်ခြင်း နည်းစနစ် (၄/၅)

တစ်ရက်တည်းအတွင်း အထူးကိုယ်ထည်သုံးခု နိုးထလာမှုသည် ရီမိသားစုအတွင်း၌ လှုပ်ခတ်မှုကြီးဖြစ်စေခဲ့သည်။ သဘာဝကျစွာပင် ရီမိသားစု ပိုမိုအားကောင်းလာလေ ၎င်းတို့သည် ပိုမိုပျော်ရွှင်လေဖြစ်၏။ ရီဖန်သည် သူ့မိသားစုတွင် စွမ်းအားများပိုများလာသည်ကို မြင်သောအခါ ပြုံးလိုက်သည်။ ထို့နောက် ရီမိသားစုသည် နောက်ဆုံးတွင် ၎င်းတို့၏ အစွယ်အနည်းငယ်ကို စတင်ပြသနိုင်ခဲ့သည်။

သုံးရက်အကြာတွင် လိပ်တစ်ထောင်မြို့ရှိ ဆေးပညာရှင်အစည်းအရုံးနှင့် အင်မော်တယ်ပစ္စည်းသန့်စင်ခြင်း အစည်းအရုံးတို့သည် တတိယအဆင့်စွမ်းအားကြီးသူများ ရောက်ရှိလာခြင်းကို ကြိုဆိုခဲ့ကြသည်။

ရီကျင်းလုံနှင့် ရီကျင်းဖန်တို့သည် ၎င်းတို့၏ အကဲဖြတ်စစ်ဆေးချက်များကို တပြိုင်နက်တည်း အောင်မြင်ခဲ့ကြသည်။ တတိယအဆင့် ကျွမ်းကျင်ပညာရှင်နှစ်ဦးရှိနေခြင်းကြောင့် အရွက်တစ်ထောင်ဆေးခန်း၏ ဂုဏ်သတင်းသည်လည်း အပြည့်အဝထွက်ပေါ်လာခဲ့သည်။

စွမ်းအားကြီးမားသော ပိုင်ရိမျိုးနွယ်စုဖြစ်သည့် ရီမိသားစုသည်လည်း လိပ်တစ်ထောင်မြို့တွင် ၎င်းတို့၏ကျော်ကြားမှုကို အတော်လေးရရှိခဲ့သည်။

အရွက်တစ်ထောင်ဆေးခန်းလုပ်ငန်းသည်လည်း ရုတ်တရက် နှစ်ဆတိုးလာသည်။

တတိယအဆင့်ဆေးပညာရှင်များသည် လက်တစ်ဆုပ်စာမျှသာရှိကာ များသောအားဖြင့် ပေါ်လာလိုက် ပျောက်သွားလိုက်ရှိရာ တတိယအဆင့်ဆေးလုံးသို့မဟုတ် အင်မော်တယ်လက်နက်များကို သန့်စင်ပေးရန် တစ်စုံတစ်ဦးကို ရှာဖွေလိုပါက ၎င်းတို့သည် အစည်းအရုံးသို့သာ သွားနိုင်သည်။

ယခုဆိုလျှင် အဆင်သင့်ရှိနေပြီးဖြစ်သော တတိယအဆင့် ဆေးပညာရှင်နှင့် အင်မော်တယ်ပစ္စည်းသန့်စင်သူများနှင့် တိုက်ရိုက်ဆက်သွယ်နိုင်သည့် အရွက်တစ်ထောင်ဆေးခန်းကို မည်သို့သောသူက မကြိုက်ဘဲနေမည်နည်း။

အရွက်တစ်ထောင်ဆေးခန်း၏ စီးပွားရေး တိုးတက်လာသည်နှင့်အမျှ သဘာဝကျစွာပင် အခြားဆိုင်များကို သက်ရောက်မှုရှိခဲ့သည်။

ဆိုင်ပိုင်ရှင်အနည်းငယ်သည် ရီမိသားစုကို သင်ခန်းစာပေးရန်ဆွေးနွေးခဲ့သော်လည်း

တစ်စုံတစ်ယောက်သည် မတ်တပ်ရပ်လိုက်ကာ "ဘယ်လိုမှ မဖြစ်နိုင်ဘူး၊ ရီမိသားစုရဲ့ တိုက်ခိုက်ရေးအင်အားက မလုံလောက်ဘူးလို့ ထင်တဲ့သူများရှိကြလား"

နောက်ဆုံးတွင် လူတိုင်းသည် ၎င်းကိုမှတ်မိသွားကြသည်။ ရွှယ်မိသားစုသည် ပျော့ညံ့ခြင်းမရှိပေ။ သို့သော် ကြောက်စရာကောင်းသည့် ရွှယ်မိသားစုသည် ရီမိသားစုလက်ထဲသို့ ကျရောက်ခဲ့သည်။ အလုပ်အကိုင်များပံ့ပိုးပေးခြင်းသည် တိုက်ခိုက်ရေးတွင် အားနည်းသည်ဟု မဆိုလိုချေ။

ဤအတွေးဖြင့် ဆိုင်ပိုင်ရှင်များသည် ချက်ချင်း ငြိမ်သက်သွားခဲ့သည်။

ရီမိသားစုသည် တဖြည်းဖြည်း ကြီးထွားလာခဲ့သည်။ ရီမိသားစု၏ အရင်းအမြစ်များ တိုးပွားလာသည်နှင့်အမျှ ရီမိသားစုရှိ အခြားသူများ၏ ကျင့်ကြံရေးအဆင့်သည်လည်း လျင်မြန်စွာ တိုးတက်လာသည်။

ရီမိသားစုအတွင်း ရီဖန်သည် သယ်ယူပို့ဆောင်ခြင်းအခင်းအကျင်းကို စတင်စီစဉ်ခဲ့သည်။ ရီမိသားစုနှင့် လိပ်တစ်ထောင်မြို့ကြား အကွာအဝေးသည် မိုင်ပေါင်းသောင်းချီမျှရှိကာ အခင်းအကျင်းအတွက် လိုအပ်ချက်များမှာ မမြင့်မားချေ။

အရည်အသွေးမြင့် ဝိညာဉ်ကျောက်တုံးသုံးရာတန်ဖိုးရှိပစ္စည်းများကို သုံးစွဲပြီရနောက် လိပ်တစ်ထောင်မြို့ရှိ ဆိုင်တစ်ဆိုင်မှ အင်မော်တယ်ကျွန်းသုံးကျွန်းသို့ တိုက်ရိုက်လွှဲပြောင်းပေးနိုင်မည့် သယ်ယူပို့ဆောင်ခြင်းအခင်းအကျင်းကို အောင်မြင်စွာတည်ဆောက်နိုင်ခဲ့သည်။

သယ်ယူပို့ဆောင်ရေးစနစ်ဖြင့် ရီမိသားစုအဖွဲ့ဝင်များသည် အိမ်ပြန်ရန် ပိုအဆင်ပြေလာကာ ရီမိသားစု၏ အင်မော်တယ်ကျွန်းသုံးကျွန်း၏တည်နေရာကိုလည်း ပို၍ဖုံးကွယ်လာနိုင်သည်။

သယ်ယူပို့ဆောင်ရေးစနစ်အပြင် ရီဖန်သည် အင်မော်တယ်ကျွမ်းသုံးခု၏ ကာကွယ်ရေးအခင်းအကျင်းကို အဆင့်မြှင့်ထားသည်။အဆင့်နိမ့် တတိယအဆင့် ခြောက်ကွေ့မြစ်ဝါအခင်းအကျင်းသည် သုံးကွေ့မြစ်ဝါအခင်းအကျင်းနှင့် နှိုင်းယှဉ်ပါက စွမ်းအားများစွာ တိုးမြင့်လာခဲ့သည်။ ရီမိသားစုသည် နောက်ဆုံးတွင် ကြယ်တစ်သောင်းကျွန်းပေါ်၌ ခိုင်မာစွာကုပ်တွယ်နိုင်ခဲ့သည်။

အချိန်များ တရွေ့ရွေ့ကုန်လာပြီးနောက် ရီမိသားစု၏ နှစ်ပတ်လည်မိသားစုအစည်းအဝေးနေ့သို့ ရောက်ရှိလာသည်။

ရီကျင်းထျန်နှင့် အခြားသူများအားလုံးသည် ရီမိသားစုဆီသို့ အမြန်ပြန်သွားကြသည်။ ယနေ့သည် မတူညီသောဌာနခွဲများကို အရင်းအမြစ်များ ခွဲဝေပေးမည့် နေ့ထူးနေ့မြတ်ဖြစ်ကာ မည်သူမျှ နောက်ကျမနေနိုင်ချေ။ မိသားစုစည်းဝေးပွဲ၏ ပထမအဆင့်မှာ ဌာနခွဲအားလုံး၏ အခြေအနေများကို အစီရင်ခံရန်ဖြစ်သည်။

"စီးပွါးရေးဌာနခွဲမှာ အမြုတေဖွဲ့စည်းခြင်းအဆင့်ကျင့်ကြံသူ တစ်ဦး၊ အခြေခံအုတ်မြစ်တည်ထောင်ခြင်းအဆင့် ကျင့်ကြံသူဆယ်ဦးနဲ့ ဒီနှစ်ရဲ့အမြတ်ငွေက အဆင့်မြင့်ဝိညာဉ်ကျောက်တုံး နှစ်ထောင်သုံးရာပါ"

“ကျင့်ကြံရေးဌာနခွဲမှာ အမြုတေဖွဲ့စည်းခြင်းအဆင့်ကျင့်ကြံသူ နှစ်ဦး၊ အခြေခံအုတ်မြစ်တည်ထောင်ခြင်းအဆင့် ကျင့်ကြံသူတစ်ရာ့သုံးဆယ်နဲ့ ရီမိသားစုရဲ့ ကိုယ်ပိုင် စစ်သားတွေရဲ့ ကျင့်ကြံရေးအဆင့်က အခြေခံအုတ်မြစ်တည်ထောင်ခြင်းအဆင့်ကို ရောက်ပါပြီ"

“ဆေးပညာဠာနခွဲမှာ အမြုတေဖွဲ့စည်းခြင်းအဆင့် ကျင့်ကြံသူတစ်ဆယ့်ခြောက်ဦး၊ အခြေခံအုတ်မြစ်တည်ထောင်ရေးအဆင့်ကျင့်ကြံသူ တစ်ဆယ့်ခြောက်ဦး၊ တတိယအဆင့် ဆေးပညာရှင်တစ်ဉီး၊ ဒုတိယအဆင့် ဆေးပညာရှင်ဆယ့်ခြောက်ဦး၊ ပထမအဆင့် ဆေးပညာရှင် သုံးဆယ့်သုံးဦးရှိပါပြီ "

"အင်မော်တယ်ပစ္စည်းသန့်စင်ရေးဌာနခွဲမှာ အမြုတေဖွဲ့စည်းခြင်းအဆင့်ကျင့်ကြံသူတစ်ဦး၊ အခြေခံအုတ်မြစ်တည်ထောင်ခြင်းအဆင့် ကျင့်ကြံသူတစ်ဆယ့်နှစ်ဦး၊ တတိယအဆင့် အင်မော်တယ်ပစ္စည်းသန့်စင်သူတစ်ဦး၊ ဒုတိယ အဆင့်အင်မော်တယ်ပစ္စည်းသန့်စင်သူ တစ်ဆယ့်နှစ် ဦး၊ ပထမအဆင့် အင်မော်တယ်ပစ္စည်းသန့်စင်သူ သုံးဆယ့်ခြောက်ဦးရှိပါပြီ "

ယခုနှစ်သည် ရီမိသားစုအတွက် ကြီးမားစွာအောင်မြင်ခဲ့သော နှစ်တစ်နှစ်ဖြစ်သည်။

အလုပ်အကိုင်ပံ့ပိုးရေး ကျင့်ကြံသူအရေအတွက်၊ စွမ်းအားရှင် အရေအတွက် သို့မဟုတ် အမြတ်ငွေများ၊ အရာအားလုံးသည် တိုးတက်လာ၏။

ဒီနှစ်တွင် ရီဖန်သည် ဘယ်သူ့ကိုမှ မဝေဖန်ခဲ့ချေ။ "ဒီနှစ်တော့ အားလုံးအဆင်ပြေပါတယ်"

ထို့နောက် အရင်းအမြစ်များစွာကို ဖြန့်ဝေခဲ့သည်။ ရီဖန်သည် ဆေးပညာရှင်မဟာမိတ်အစည်းအရုံးသိူ့ ရောက်ရှိခဲ့သည်။အစပိုင်းတွင် အမြုတေဖွဲ့စည်းခြင်းအဆင့်ကျင့်ကြံသူများသည် ဝိညာဉ်ရေးစွမ်းအား မြှင့်တင်ခြင်းအပေါ် မှီခိုခြင်းပါက ၎င်းတို့၏အမြန်နှုန်းသည် အတော်လေးနှေးကွေးသွားမည်ဖြစ်သည်။

စိတ်ဝိညာဉ်စွမ်းအားကို လျင်မြန်စွာမြှင့်တင်ရန် အကောင်းဆုံးနည်းလမ်းမှာ ဆေးလုံးများဖြစ်သည်။သို့သော် ရီဖန်ရရှိထားသော ဆေးလုံးဖော်မြူလာများထဲတွင် စိတ်ဝိညာဉ်စွမ်းအားကို ထိရောက်စွာမြင့်တင်ပေးနိုင်သည့် အရာမျိုးမရှိသေးချေ။

ရီဖန်သည် ယခုတွင် ဆေးပညာရှင်မဟာမိတ်အစည်းအရုံးသို့ ရောက်ရှိလာကာ စိတ်ဝိညာဉ်စွမ်းအားကို ထိရောက်စွာမြင့်တင်ပေးနိုင်သည့် ဆေးလုံးဖော်မြူလာကို ရှာတွေ့ရန်မျှော်လင့်နေသည်။

"မိတ်ဆွေရီ"

ရီဖန်သည် ဆေးလုံးဖော်မြူလာများကို ရှာဖွေနေစဉ်တွင် ရင်းနှီးသောအသံတစ်ခု ထွက်ပေါ်လာသည်။ ရီဖန်လှည့်ကြည့်လိုက်ရာ အချိန်အတော်ကြာ မတွေ့ခဲ့ရသည့် ချင်စုန်ဇီဖြစ်နေ၏။ ရီဖန်သည် ကြင်နာတတ်သောချင်စုန်ဇီကို အလွန် ခင်တွယ်ခဲ့သည်။

“မိတ်ဆွေရီ၊ မင်းဒီလောက် နိမ့်ချတတ်မယ်လို့မထင်ထားခဲ့ဘူး၊ မင်း တကယ်ကို တတိယအဆင့် ဆေးပညာရှင်ပဲ”

ရီဖန်ကို မိတ်ဆက်ပေးသူအနေဖြင့် ချင်စုန်ဇီသည် သူ့ကို တလျှောက်လုံး အာရုံစိုက်နေခဲ့သည်။ ရီဖန်သည် အမှန်တကယ်ပင် တတိယအဆင့် ဆေးပညာရှင်တစ်ဦးဖြစ်ကြောင်း သူသိလိုက်သောအခါတွင် အံ့သြသွားခဲ့သည်။ ချင်စုန်ဇီသည် သူတို့၏ပထမဆုံးတွေ့ဆုံမှုတွင် ရီဖန်ကို လျှော့တွက်ခဲ့မိကြောင်း သဘောပေါက်လိုက်သည်။

သူ၏မိတ်ဆွေဟောင်းကိုတွေ့လိုက်ရသည့် ရီဖန်သည် ဆေးလုံးဖော်မြူလာကိုရှာရန် အလျင်စလိုမလုပ်ဘဲ ချင်စုန်ဇီ နှင့် တက်ကြွစွာစကားပြောဆိုခဲ့သည်။ သူတို့၏ စကားဝိုင်းမှတဆင့် စတုတ္ထအဆင့် ဆေးပညာရှင်ဖြစ်သည့် ရီဖန်သည် ချင်စုန်ဇီ ကို အံ့အားသင့်စေခဲ့သည်။

“မိတ်ဆွေရီ၊ လိပ်တစ်ထောင်မြို့မှာရှိတဲ့ ဆေးပညာရှင်ဌာနခွဲရဲ့ အကြီးအကဲတစ်ယောက်ဖြစ်ဖို့ ဖိတ်ခေါ်ချင်ပါတယ်။ မင်းများ ဆန္ဒရှိသလား"

ထိုအချိန်မှသာလျှင် ချင်စုန်ဇီသည် လိပ်တစ်ထောင်မြို့ဌာနခွဲ၏ တတိယအဆင့် ဆေးပညာရှင်သာမက မြို့တော်၏ တစ်ဦးတည်းသော စတုတ္ထအဆင့်ဆေးပညာရှင်၏ တပည့်တစ်ဦးလည်းဖြစ်ကြောင်း ရီဖန်သိရှိလိုက်ရသည်။

ရီဖန်သည် မူလက အကြီးအကဲတစ်ယောက်ဖြစ်လားရန် စိတ်မဝင်စားချေ။ သို့သော် ချင်စုန်ဇီ၏ စကားများသည် ငြင်းဆန်ရန် ခက်ခဲ၏။

"မင်းက အကြီးအကဲဖြစ်လာရင် ငါတို့ရဲ့ဆေးပညာရှင်ဌာနခွဲက ဆေးလုံးဖော်မြူလာအားလုံးကို အခမဲ့ဝင်ရောက်ကြည့်ရှုနိုင်တယ်၊ တတိယအဆင့် ဆေးလူံးဖော်မြူလာတင်မကဘူး စတုတ္ထအဆင့် ဆေးလုံးဖော်မြူလာတွေရော၊ အကုန်အခမဲ့နော်"

ဤကမ်းလှမ်းချက်သည် ရီဖန်၏ အားနည်းချက်ကို တိုက်ရိုက်ထိသွားသည်။ ဆေးပညာရှင်ဌာနခွဲ၏ အကြီးအကဲတစ်ဦးဖြစ်ရခြင်းသည် ကန့်သတ်ချက်များစွာမရှိချေ။ ဆယ်နှစ်အတွင်းတွင် ဆေးပညာရှင်အစည်းအရုံးက သတ်မှတ်ထားသော အလုပ်သုံးခုကို ပြီးမြောက်ရန်တစ်ခုတည်းသာ လိုအပ်သည်။

အများအားဖြင့် ၎င်းတို့သည် အဆင့်မြင့်တတိယအဆင့် ဆေးလုံးအချို့ကို သန့်စင်ခြင်းအမှာစာများ ပါဝင်သည်။ ရီဖန်စဉ်းစားလိုက်ပြီး နောက်ဆုံးတွင် သဘောတူလိုက်သည်။

မကြာမီတွင် တိုကင်အသစ်စက်စက်ကို ရီဖန်၏လက်ထဲသို့ ပေးအပ်လိုက်သည်။ ဤတိုကင်ဖြင့် ရီဖန်သည် ဆေးပညာရှင်အစည်းအရုံးဌာနခွဲ၏ ဘဏ္ဍာတိုက်ထဲသို့ ဝင်သွားနိုင်သည်။

‘ရွှေရောင်တက်ရောက်ခြင်းဆေးလုံး၊ စိတ်ဝိညာဉ်အသွင်ပြောင်းဆေးလုံး၊ စိတ်ဝိညာဉ်ဆေးလုံး’

ဆေးပညာရှင်မဟာမိတ်အစည်းအရုံးသည် ဆေးပညာရှင်များ၏ အထွတ်အထိပ်နယ်မြေဖြစ်ရန် အမှန်တကယ်ပင်ထိုက်တန်သည်။ ရွှေအမြုတေစွမ်းအားကို မြှင့်တင်ပေးနိုင်သော အပြင်တွင်ရှာတွေ့ရန် ရှားပါးသည့် အဆိုပါဆေးလုံးဖော်မြူလာများကိုပင်ရရှိနိုင်သည်။

ထို့အပြင် ရီဖန်သည် သူ၏ဝိညာဉ်ရေးစွမ်းအားကိုမြှင့်တင်ရန် လိုအပ်သော ဆေးလုံးဖော်မြူလာကိုလည်း တွေ့ရှိခဲ့သည်။

တတိယအဆင့် ဆေးလုံးဖော်မြူလာ၊ စိတ်ဝိညာဉ်အသွင်ပြောင်းဆေးလုံး။

စတုတ္ထအဆင့် ဆေးလုံးဖော်မြူလာ၊ စိတ်ဝိညာဉ်ဆေးလုံး။

စိတ်ဝိညာဉ်အသွင်ပြောင်းဆေးလုံးအတွက် အဓိကပါဝင်ပစ္စည်းမှာ တတိယအဆင့် ဝိညာဉ်ဆေးပင်တစ်မျိုးဖြစ်သည့် စိတ်ဝိညာဉ်အသွင်ပြောင်းဆေးပင်ဖြစ်သည်။ ၎င်းသည် အမြုတေဖွဲ့စည်းခြင်းအဆင့်ကျင့်ကြံသူများ၏ ဝိညာဉ်ရေးစွမ်းအားကို အတန်အသင့် မြှင့်တင်ပေးနိုင်သည်။

စိတ်ဝိညာဉ်ဆေးလုံးသည် အဓိကပါဝင်ပစ္စည်းအဖြစ် စတုတ္ထအဆင့် ဝိညာဉ်ဆေးပင်ဖြစ်သည့် စိတ်ဝိညာဉ်ဆေးပင်ကိုလိုအပ်သည်။ ကံမကောင်းစွာဖြင့် အဆိုပါအဓိကပါဝင်ပစ္စည်းများနှစ်ခုလုံးကို ဆေးပညာရှင်မဟာမိတ်အစည်းအရုံးတွင်မရရှိနိုင်ချေ။

မှတ်တမ်းများအရ ဤဆေးလုံးဖော်မြူလာများတွင်ပါဝင်သော အဓိက ပါဝင်ပစ္စည်းများကိုရိတ်သိမ်းရန် အခွင့်အရေးသည် လိပ်တစ်ထောင်မြို့ရှိ တစ်ခုတည်းသော ကျွန်းတစ်ထောင်လျို့ဝှက်နယ်မြေတွင်သာရှိသည်။

စိတ်ဝိညာဉ်အသွင်ပြောင်းဆေးပင်နှင့် စိတ်ဝိညာဉ်ဆေးပင်အပြင် အမြုတေဖွဲ့စည်းခြင်းကျင့်ကြံသူများအတွက် အရေးကြီးသောဝိညာဉ်ဆေးပင်ဖြစ်သည့် မွေးဖွားခြင်းဆေးပင်လည်းရှိသည်။

မွေးဖွားခြင်းဆေးပင်သည် မွေးဖွားခြင်းဖွဲ့စည်းမှုဆေးလုံးကို သန့်စင်ရန်အတွက် မရှိမဖြစ်လိုအပ်သော ဝိညာဉ်ရေးဆေးဖြစ်သည်။ မည်သည့်အမြုတေဖွဲ့စည်းခြင်းကျင့်ကြံသူအတွက်မဆို မွေးဖွားခြင်းဖွဲ့စည်းမှုဆေးလုံးသည် အိပ်မက်ထဲတွင်ပင် ၎င်းတို့အားလုံးတောင့်တမိသော ဆေးလုံးဖြစ်သည်။

ကျွန်းတစ်ထောင်လျို့ဝှက်နယ်မြေထဲတွင် လျှို့ဝှက်ချက်များစွာမရှိချေ။ ဤဒေသသည် ထူးခြားသောလျှို့ဝှက်နယ်မြေတစ်ခုသာဖြစ်ကာ ထူးကဲအသွင်ပြောင်းခြင်းအဆင့်စွမ်းအားရှင်များ၏အမွေခံမြေဟု ကောလဟာလထွက်နေသည်။

အမွေခံကို မည်သူမျှ ရှာမတွေ့သော်လည်း၊ လျှို့ဝှက်နယ်မြေရှိကြီးမားသော ဆေးဖက်ဝင်ဥယျာဉ်သည် ၎င်း၏နောက်ဆုံးဖွင့်လှစ်ချိန်က မွေးဖွားခြင်းဆေးပင်သုံးခုကို ထုတ်လုပ်ပေးခဲ့သည်။

…………..

အခန်း ၈၇- ငါ့ရဲ့ ရီမိသားစုက အရမ်းငယ်လွန်းသေးတယ်

သို့သော် ဤလျှို့ဝှက်နယ်မြေသည် ကျင့်ကြံသူများအတွက် အသက်ကန့်သတ်ချက်ရှိကာ အသက်ရှစ်ဆယ်အောက် ကျင့်ကြံသူများကိုသာ ဝင်ရောက်ခွင့်ပြုသည်။

ရှစ်ဆယ်အထက် ကျင့်ကြံသူများသည် လျှို့ဝှက်နယ်မြေထဲသို့ ဝင်ရောက်ပါက ချက်ချင်း ချေမှုန်းခံရလိမ့်မည်ဖြစ်သည်။

တစ်ချိန်က မွေးဖွားခြင်းဝိညာဉ်အဆင့်ကျင့်ကြံသူတစ်ဦးသည် ၎င်းကိုယုံကြည်ရန် ငြင်းဆိုခဲ့သည်အတွက် ၎င်း၏ခန္ဓာကိုယ် ကွဲအက်သွားကာ ၎င်း၏မွေးဖွားခြင်းဝိညာဉ်သည်သာ လွတ်မြောက်သွားလျက် အဆုံးသတ်ခဲ့သည်။

ကျွန်းတစ်ထောင်လျို့ဝှက်နယ်မြေကို နှစ်သုံးဆယ်တွင်တစ်ကြိမ် ဖွင့်လှစ်ကာ နောက်တစ်ကြိမ်ဖွင့်လှစ်ရန်မှာ နောက်သုံးလအကြာတွင်ဖြစ်သည်။

ရီဖန်သည် ဤရလဒ်ကြောင့် မအံ့ဩခဲ့ပေ။ ရီမိသားစု၏ လက်ရှိကံကြမ္မာတန်ဖိုးအရ ၎င်းတို့သည် ဤမျှကံကောင်းသင့်သည်။သူသည် နောက်ဆယ်နှစ်အကြာထိ ထပ်စောင့်ရမှသာလျှင် မမျှော်လင့်ထားသောအဖြစ်အပျက်ဖြစ်၏။

ကံကြမ္မာသည် ကျင့်ကြံသူမိသားစုတိုင်းအတွက် အလွန်အရေးကြီးသည်။ သို့သော် အခြားမိသားစုများ၏ကံကြမ္မာကို မမြင်နိုင်သော်လည်း ရီမိသားစု၏ကံကြမ္မာကိုမူ တွက်ချက်နိုင်သည်။

ယေဘုယျအားဖြင့် အခြေခံအုတ်မြစ်တည်ထောင်ခြင်းအဆင့်တွင်ရှိသော အသက်ရှစ်ဆယ်အောက်ကျင့်ကြံသူတစ်ဦးသည် အလွန်မြင့်မားသည်ဟု ယူဆခံရကာ အသက်ရှစ်ဆယ်အောက် အမြုတေဖွဲ့စည်းခြင်းအဆင့်ရှိသူသည် ပါရမီရှင်တစ်ဦးဖြစ်သည်။

မြင့်မားသောဝိညာဉ်အရင်းအမြစ်သုံးခုရှိသူသာလျှင် အသက်ရှစ်ဆယ်မတိုင်မီ အမြုတေဖွဲ့စည်းခြင်းအဆင့်သို့ ရောက်ရှိနိုင်သည်။

သို့သော် ရီမိသားစုတွင် ဝိညာဉ်ရေးအမြစ်သုံးခုရှိသည့် အဖွဲ့ဝင်များစွာရှိမည်ကို မည်သူက စိတ်ကူးနိုင်မည်နည်း။

၎င်းတို့တွင် အသက်ရှစ်ဆယ်အောက် အမြုတေဖွဲ့စည်းခြင်းအဆင့်ကျင့်ကြံသူ ခြောက်ဦးရှိသည်။

၎င်းတို့အထဲမှ သုံးဦးသည် နိုးထလာသော အထူးဖွဲ့စည်းပုံဥပဒေကြောင့် အမြုတေဖွဲ့စည်းခြင်းအလယ်အလတ်အဆင့်တွင် ရှိနေသည်။ ဤလျှို့ဝှက်နယ်မြေသည် ရီမိသားစုအတွက် အလွန်သင့်လျော်သည်။

သူတို့သည် မွေးဖွားခြင်းဝိညာဉ်အဆင့်သို့ လျင်မြန်စွာ ဖြတ်ကျော်လိုပါက ဤလျှို့ဝှက်နယ်မြေသို့ သွားရမည်ဖြစ်သည်။ သို့သော် ရီဖန်သည် မည်သူသွားသင့်သည်ကို အနည်းငယ် စိတ်ပူပန်နေမိသည်။ အားလုံးသွားလိုက်ကြပါက ၎င်းသည် အနိုင်ကျင့်ခြင်းနှင့်တူနေမည်လော။

“ဒီတစ်ခေါက် ပန်းတိုင်က အရင်းအမြစ်တွေ၊ အထူးသဖြင့် ဝိညာဉ်ရေးဆေးပင်တွေပဲ”

ရီဖန် မထွက်ခွာမီ အစည်းအဝေးတစ်ခု ပြုလုပ်ခဲ့သည်။ ထို့နောက် လူတိုင်းသည် လှေပျံပေါ်တက်ကာ ကျွန်းတစ်ထောင်လျို့ဝှက်နယ်မြေ၏ ဝင်ပေါက်ဆီသို့ ဦးတည်သွားကြသည်။

ကျွန်းတစ်ထောင်လျို့ဝှက်နယ်မြေသည် လိပ်တစ်ထောင်မြို့အပြင်ဘက် မိုင်ထောင်ချီကွာဝေးသော လူသူမဲ့ကျွန်းပေါ်တွင် တည်ရှိသည်။ ပုံမှန်အားဖြင့် ဤနေရာတွင် ကျင့်ကြံသူများရှိမနေသော်လည်း ယနေ့တွင် သောင်းနှင့်ချီသော ကျင့်ကြံသူများသည် လူသူမဲ့ကျွန်းဆီသို့ အပြေးအလွှား ရောက်ရှိလာကြသည်။

"ခေါင်းဆောင်ကျောက်၊ မင်းရဲ့ တောင်တန်းဝါဂိုဏ်းက ဒီတစ်ခေါက် လျှို့ဝှက်နယ်မြေထဲဝင်ဖို့ ပါရမီရှင်တွေ အများကြီးရှိတာပဲ"

“ဘိုးဘေးလီ၊ မင်းရဲ့ လီမိသားစုကလည်း မဆိုးပါဘူး၊ မင်းမှာ အမြုတေဖွဲ့စည်းခြင်းအဆင့် ကျင့်ကြံသူတောင် ရှိတယ် ”

" တာအိုပညာရှင်စွန်း၊ မင်းရဲ့ တပည့်လည်း ဝင်မှာမလား”

တွေ့ရခဲသော အမြုတေဖွဲ့စည်းခြင်းအဆင့်ကျင့်ကြံသူများထဲမှ အယောက်တစ်ရာကျော်သည် ယခုဤနေရာတွင် ရှိနေသည်။

အမြုတေဖွဲ့စည်းခြင်းအဆင့်ကျင့်ကြံရေးမိသားစုများ၊ အမြုတေဖွဲ့စည်းခြင်းအဆင့်ဂိုဏ်းများနှင့် အရှေ့နယ်မြေမှ ဂိုဏ်းခွဲအများစုတို့သည် ဤနေရာသို့ ရောက်လာကြသည်။ ယနေ့သည် အရှေ့နယ်မြေအတွက် စည်ကားသောနေ့တစ်နေ့ဖြစ်သည်။

ထိုအချိန်တွင်ပင် အလှမ်းဝေးသော မိုးကုတ်စက်ဝိုင်းတွင် ကြီးမားသော မွန်းစတားကြီးတစ်ကောင် ထွက်ပေါ်လာသည်။ ၎င်း၏ခန္ဓာကိုယ်အရှည်မီတာတစ်ရာခန့်ရှိကာ ငှက်နှင့်တူသော ဤမွန်းစတားသည် ကြောက်မက်ဖွယ် ရောင်ဝါကိုထုတ်လွှတ်နေကာ ၎င်းသည် အမြုတေဖွဲ့စည်းခြင်းအဆင့်မွန်းစတားဖြစ်သည်။

မွန်းစတား၏နောက်ကျောတွင် ဒါဇင်ပေါင်းများစွာသော လူငယ်ကျင့်ကြံသူများသည် တရားထိုင်ခြင်း သို့မဟုတ် စကားစမြည်ပြောဆိုခြင်းတို့ကို ပြုလုပ်နေကြ၏။ အခြေအနေတင်းမာသောအရှေ့နယ်မြေရှိ ကျင့်ကြံသူများနှင့် နှိုင်းယှဉ်ပါက ၎င်းကျင့်ကြံသူများသည် ပို၍စိတ်အေးလက်အေးရှိနေသည်မှာ ထင်ရှားသည်။

မွန်းစတားထွက်ပေါ်လာသည့် မြင်ကွင်းသည် အရှေ့နယ်မြေမှ ကျင့်ကြံသူအများအပြားကို ထိတ်လန့်စေခဲ့သည်။ ဤကျင့်ကြံသူများသည် အရှေ့နယ်မြေမှ မဟုတ်ပေ။

၎င်းတို့သည် တောင်ပိုင်းဒေသရှိ မွန်းစတားထိန်းချုပ်ခြင်းဂိုဏ်းအမည်ရှိ ဂိုဏ်းတစ်ခုဖြစ်၏။ တောင်ပိုင်းဒေသမှ အင်အားကြီးမားသောဂိုဏ်းတစ်ခုဖြစ်သည့် မွန်းစတားထိန်းချုပ်ခြင်းဂိုဏ်းသည် ၎င်းတို့၏ မွေးဖွားခြင်းဝိညာဉ်အဆင့်ရှိကျင့်ကြံသူကို ထုတ်ကြွားနေခဲ့သည်။

ကျွန်းတစ်ထောင်လျို့ဝှက်နယ်မြေသည် အရှေ့ဘက်နယ်မြေအတွက် အဓိကဖြစ်ပြီး အခြားနယ်မြေများမှ ကျင့်ကြံသူများသည် ပါဝင်ခဲ၏။ ယခုတွင်မူ တောင်ပိုင်းနယ်မြေမှ ကျင့်ကြံသူများသည် အရှေ့နယ်မြေရှိကျင့်ကြံသူများကို အစွန်းရောက်စေခဲ့သည်။

တောင်ပိုင်းနယ်မြေသည် အရှေ့နယ်မြေထက် သိသိသာသာ ပိုအားကောင်းကာ မွန်းစတားထိန်းချုပ်ရေးဂိုဏ်းမှ ကျင့်ကြံသူများ၏ ကျင့်ကြံရေးအဆင့်များသည် အထင်ကြီးဖွယ်ကောင်း၏။

မွန်းစတားသည် ကောင်းကင်မှဆင်းသက်လာပြီးနောက် ပုံသဏ္ဍာန်တစ်ခုသည် ၎င်းအပေါ်မှခုန်ဆင်းကာ လေပေါ်တွင် ရပ်တန့်လျက် မိသားစုအမျိုးမျိုး၏ ကျင့်ကြံသူများကို ကြည့်နေသည်။ ထိုသူသည် တောင်ပိုင်းနယ်မြေမှ မွန်းစတားထိန်းချုပ်ရေးဂိုဏ်း၏ အမြုတေဖွဲ့စည်းခြင်းအဆင့်ရှိအကြီးအကဲတစ်ဖြစ်လဲ ဂိုဏ်းချုပ်ဖြစ်သည်။

"ဂိုဏ်းချုပ်ကြီး၊ မင်းရဲ့ တောင်ပိုင်းနယ်မြေက ကျင့်ကြံသူတွေက ငါတို့ အရှေ့နယ်မြေရဲ့ လျှို့ဝှက်ဒေသကို စိတ်ဝင်စားနေတာကို တွေ့ရတာ အံ့သြစရာပဲ။ ဒါက မင်းတို့ဂိုဏ်းရဲ့ ပုံစံမဟုတ်ပါဘူး”

တစ်စုံတစ်ယောက်သည် ဂိုဏ်းချုပ်ကို သတိထားမိပြီးနောက် စကားပြောလိုက်သည်။

"မင်းရဲ့အရှေ့ဘက်နယ်မြေက လျှို့ဝှက်နယ်မြေက အံ့မခန်းမဟုတ်ပေမယ့် ငါ့တပည့်တွေအတွက် အတွေ့အကြုံရဖို့ လုံလောက်ပါတယ်။"

ဂိုဏ်းချုပ်သည် ထိုလူကို အကြည့်တစ်ချက်ပေးကာ အလျော့မပေးဘဲ ပြောလိုက်သည်။

၎င်းကိုကြားသည့်အခါတွင် ထိုလူ၏မျက်နှာသည် ဒေါသကြောင့်စိမ်းသွားသော်လည်း စကားပြန်မပြောတော့ပေ။

ထိုအချိန်တွင် မွန်းစတားထိန်းချုပ်ရေးဂိုဏ်း၏ တပည့်များသည် အရှေ့နယ်မြေ၏ကျင့်ကြံသူလူငယ်များကို မထီမဲ့မြင်ပြုကာ ဂိုဏ်းချုပ်ဘက်သို့ ရောက်ရှိလာကြကာ ဤတပည့်များထံမှ အမြုတေဖွဲ့စည်းခြင်းရောင်ဝါဆယ်ခုနီးပါး ထွက်ပေါ်လာသည်။

သို့သော်လည်း အရှေ့နယ်မြေမှ မျိုးဆက်သစ်လူငယ်များကြားတွင် အမြုတေဖွဲ့စည်းခြင်းအဆင့်ကျင့်ကြံသူ စုစုပေါင်း ဆယ်ယောက်ခန့်သာရှိကာ မွန်းစတားထိန်းချုပ်ခြင်းဂိုဏ်းနှင့် တန်းတူဖြစ်သည်။

ယွမ်ယင်းအဆင့်ရှိစွမ်းအားရှင်များရှိသည့် ဂိုဏ်းဂဏများ သည် အမှန်တကယ်ပင် အားကောင်း၏။ တစ်ခဏအတွင်း၌ အရှေ့နယ်မြေမှ ကျင့်ကြံသူများသည် ပြင်းထန်သောဖိအားကို ခံစားခဲ့ရသည်။

ဤတစ်ကြိမ်တွင် သူတို့အတွက် အဆင်မပြေချေ။

တောင်ပိုင်းဂိုဏ်းများ၏ ကျင်ကြံသူတပည့်များသည် အင်အားကြီးမားသောကြောင့် ၎င်းတို့ကျွန်းတစ်ထောင်လျို့ဝှက်နယ်မြေသို့ ဝင်ရောက်လာသည့်အခါ အရှေ့နယ်မြေမှ ရရှိနိုင်သော အရင်းအမြစ်များသည် သိသိသာသာ လျော့နည်းသွားမည်မှာ သေချာပါသည်။

ဤကဲ့သို့သော အခွင့်အရေးသည် နှစ်သုံးဆယ် တွင် တစ်ကြိမ်သာရှိသည်။ အရှေ့ဘက်နယ်မြေရှိ ကျင့်ကြံသူအများအပြားသည် မွေးဖွားစဖွဲ့စည်းခြင်းဆေးပင်ကို ရှာတွေ့ရန် မျှော်လင့်နေကြသည်။

လက်ရှိအခြေအနေအရ အခက်အခဲများသည် အဆပေါင်းများစွာ တိုးလာ၏။ အရှေ့ဘက်နယ်မြေ ကျင့်ကြံသူအများအပြားသည် မွန်းစတားထိန်းချုပ်ရေးဂိုဏ်း၏ ကျင့်ကြံသူများကို အပြင်းအထန် စိုက်ကြည့်နေကြသော်လည်း မည်သူမျှ ရှေ့သို့မလှမ်းဝံ့ကြပေ။

တရားမျှတသော ပြိုင်ဆိုင်မှုဖြစ်သော်လည်း ပဋိပက္ခများ ဖြစ်ပေါ်လာပါက ၎င်းတို့သည် မွန်းစတားထိန်းချုပ်ရေးဂိုဏ်းကို ကိုင်တွယ်နိုင်မည် မဟုတ်ချေ။ ဤအခိုက်အတန့်တွင် လှေငယ်တစ်စင်းသည် သဲကန္တာရကျွန်းသို့ ချဉ်းကပ်လာသည်။

အားလုံး၏အာရုံသည် လှေပျံထံသို့ ရောက်သွားကြသည်။ လှေပျံသည် အမြုတေဖွဲ့စည်းခြင်းအဆင့်ကျင့်ကြံသူများအတွက်ပင် အလွန်ကြီးမားသော ပိုင်ဆိုင်မှုတစ်ခုဖြစ်ရာ ၎င်းပေါ်လာသည်နှင့်တပြိုင်နက် ကျင့်ကြံသူများ၏ အာရုံကို စွဲဆောင်နိုင်ခဲ့စသည်။ ဤကဲ့သို့ ကြွယ်ဝမှုကို မည်သည့်အင်အားစုက ပိုင်ဆိုင်သနည်း၊ ၎င်းတို့သည် ရင်းနှီးပုံမပေါ်ချေ၊ တခြားနယ်မြေရှိ ဂိုဏ်းတစ်ခု ဖြစ်နိုင်သလော။

ရီမိသားစု၏ လှေပျံသည် ချက်ချင်းပင်အာရုံစူးစိုက်စရာဖြစ်လာသည်။ ဖိအားများအားလုံးကို ရီမိသားစု၏ လှေပျံဆီသို့ တွန်းပို့ရန် ကြံရွယ်နေပုံရသည်။ အမြုတေဖွဲ့စည်းခြင်းအဆင့်ကျင့်ကြံသူ ဒါဇင်ပေါင်းများစွာ၏ ပေါင်းစည်းဖိအားသည် အလွန်ကြီးမားသောကြောင့် လေထုပင်မငြိမ်မသက်ဖြစ်လာသည်။

လှေရှေ့တွင်ရပ်နေသော ရီဖန်သည် သူ့အပေါ်သို့ ဆင်းသက်လာသော ရောင်ဝါများစွာ၏ဖိအားကို ရုတ်ခြည်းခံစားလိုက်ရကာ မျက်မှောင်ကြုံ့လိုက်သည်။

‘ဘာတွေဖြစ်နေတာတုန်း? ဒါက ငါတို့ကို မကြိုဆိုတာလား’

ရီဖန်သည် သူ့အတွေးများကို စုစည်းလိုက်ရာ အထွတ်အထိပ်အမြုတေဖွဲ့စည်းမှုအဆင့်ရောင်ဝါသည် ချက်ချင်းထွက်ပေါ်လာကာ ဖိအားကို တွန်းလှန်လိုက်သည်။ လှေပျံသည် အပျက်အစီးများ၏ ဝင်ပေါက်ဆီသို့ ဖြည်းညှင်းစွာ ဆင်းသက်လာ၏။ ရီဖန်၏ အခြေအနေကို ကိုင်တွယ်ဖြေရှင်းမှုသည် အရှေ့နယ်မြေမှ ကျင့်ကြံသူများကို ပို၍ပင် စိတ်ပျက်စေခဲ့သည်။

အမြုတေဖွဲ့စည်းခြင်းအဆင့်၏ အထွတ်အထိပ်တွင်ရှိသော ကျင့်ကြံသူသည် မည်သည့်အင်အားကြီးအဖွဲ့နှင့် သက်ဆိုင်သနည်း။

အခြားအုပ်စုများ၏ ပစ်မှတ်ထားခံနေရသည့် ကျွန်းတစ်ထောင်လျို့ဝှက်နယ်မြေသည် အရှေ့နယ်မြေရှိ ကျင့်ကြံသူများအတွက် သတင်းကောင်းမဟုတ်ချေ

လှေပျံသည်နောက်ဆုံးတွင် ရပ်တန့်သွားကာ ရီဖန်သည် ရီမိသားစုအဖွဲ့ဝင်များနှင့်အတူ သဲကန္တာရကျွန်းသို့ ရောက်ရှိခဲ့သည်။

"ဟင်? ဒါက သခင်ရီမဟုတ်ဘူးလား"

“အမှန်ပဲ၊ သူ့နောက်ကလူက အရွက်တစ်ထောင်ဆေးခန်းကလေ”

"ဆရာဖန်လဲ အဲမှာပဲ"

“အင်မော်တယ်ပစ္စည်းသန့်စင်ပညာရှင်လုံ လည်း ရှိတယ်။”

မကြာမီတွင် တစ်စုံတစ်ယောက်သည် ရီမိသားစုကို မှတ်မိသွားသည်။ သို့သော်လည်း ရီကျင်းထျန်နှင့် အခြားသူများကို မှတ်မိသော ကျင့်ကြံရေးသမားများသည် တစ်ခုခုလွဲနေပြီဟု ခံစားမိသည်။ ဤလူများသည် အခြေခံအုတ်မြစ်တည်ဆောက်ခြင်းအဆင့်တွင် အဘယ်သို့ရှိနိုင်မည်နည်း။

ရီမိသားစုသည် အရှေ့ဘက်နယ်မြေမှ ကျင့်ကြံရေးမိသားစုတစ်ခုဖြစ်ကြောင်း သိရှိပြီးနောက် လူအနည်းငယ်သည် သိသိသာသာ သက်ပြင်းချနိုင်ခဲ့သည်။ ဤရီမိသားစုသည် စွမ်းအားကြီးပုံပေါက်သော်လည်း တောင်ပိုင်းနယ်မြေမှ ဂိုဏ်းများနှင့် နှိုင်းယှဉ်ပါက အနည်းဆုံး၎င်းတို့ကို "ငါတိူ့ဘက်ကလူ" ဟု ယူဆကြသည်။

ကျင့်ကြံသူများလူအုပ်ကြီးကို မြင်လိုက်ရသည့် ရီဖန်သည်လည်း အနည်းငယ်တွန့်သွားသည်။ မူလက လျှို့ဝှက်နယ်မြေထဲသို့ လူခြောက်ဦးကို ခေါ်ဆောင်ခြင်းမှာ အတန်ငယ်လွန်နေပြီဟု သူထင်ခဲ့သော်လည်း ဤမိသားစုများထဲမှ မည်သည့်မိသားစုသည် လူရာပေါင်းများစွာကို မခေါ်ဆောင်လာခဲ့သူရှိသနည်း။

မိသားစုငယ်များတွင်ပင် ချီစွမ်းအားသန့်စင်ခြင်းအဆင့်ကျင့်ကြံသူ ရာနှင့်ချီရှိသောကြောင့် ရီဖန်သည် သူအလွန်နုံအလွန်းသေးကြောင်း ဝန်ခံလိုက်ရသည်

ဤအချိန်တွင် ရီဖန်သည် အရှေ့ဘက်နယ်မြေနှင့် ကွဲထွက်နေသော မွန်းစတားထိန်းချုပ်ရေးဂိုဏ်းကို သတိပြုမိလိုက်သည်။ ဂိုဏ်းချုပ်သည်လည်း ရီဖန်နှင့် သူ့နောက်ရှိ ရီမိသားစုအဖွဲ့ဝင်များကို စောင့်ကြည့်နေသည်။

အခြေခံအုတ်မြစ်တည်ထောင်ခြင်း အဆင့်၊ အားလုံးသည် အခြေခံအုတ်မြစ်တည်ထောင်ခြင်း အဆင့်တွင်ရှိသည်။ အခြေခံအုတ်မြစ်တည်ထောင်ခြင်းအဆင့်မှ လူခြောက်ဦးသည် သာမန်ဟုထင်ရသော်လည်း ဂိုဏ်းချုပ်သည်တစ်ခုခုလွဲမှားနေသည်ကို ခံစားရသည်။

ရီမိသားစု၏ ခေါင်းဆောင်သည် သူ့ကဲ့သို့ပင် အမြုတေဖွဲ့စည်းခြင်းအဆင့်၏ အထွတ်အထိပ်သို့ရောက်နေပါက မျိုးနွယ်စုဝင်များထဲမှ အမြုတေဖွဲ့စည်းခြင်းအဆင့်ရှိ ကျင့်ကြံသူလူငယ်တစ်ဦးကို မမွေးထုတ်နိုင်လောက်အောင် အားနည်းနေမည်လော။

……………….