အခန်း ၁၀၉-၁၁၁

အခန်း ၁၀၉ - ကျောက်လုံဘိုးဘေး၊ နတ်စွမ်းရည်ကို သတိပြုလိုက်မိပြီးသည့်နောက် ချက်ချင်းထွက်ပြေးသွားတော့သည် (၂/၅)

သို့သော် ဤအချိန်တွင် လူတိုင်းသည် ရီမိသားစုအတွက် စိုးရိမ်စပြုလာကြသည်။ ဤလူများသည် အမှန်တကယ်တွင် ဧကရာဇ်ကျောက်လုံနှင့် သက်ဆိုင်သောသူများဖြစ်သည်။ ဧကရာဇ်ကျောက်လုံ၏ အမိန့်မပါဘဲ အရွက်တစ်ထောင်မြို့ကို တိုက်ခိုက်နေခြင်း မဖြစ်နိုင်ပေ။

စစ်မှန်သောဧကရာဇ်ကျောက်လုံသည် နတ်အသွင်ပြောင်းခြင်းအဆင့်ကျင့်ကြံသူတစ်ဦးဖြစ်ကာ လက်ရှိ ကျင့်ကြံသူအများအပြားသည် သူ့အကြောင်း ရက်စက်ကြမ်းကြုတ်သော ပုံပြင်များကို ကြားသိကာ ကြီးပြင်းလာကြသည်။ ရီမိသားစုသည် နတ်အသွင်ပြောင်းခြင်းအဆင့်၏ ဧကရာဇ်တစ်ပါးကို အမှန်တကယ် တွန်းလှန်နိုင်မည်လော။

ရုတ်တရက် ဝေးကွာသော မိုးကုတ်စက်ဝိုင်းမှ နဂါးဟိန်းဟောက်သံ ထွက်ပေါ်လာသည်။ ထို့နောက် တစ်ကီလိုမီတာကျော် ရှည်လျားသော ကြောက်မက်ဖွယ်ကောင်းသည့် ပုံသဏ္ဍာန်သည် အရွက်တစ်ထောင်မြို့ဆီသို့ လျင်မြန်စွာ ရွေ့လျားလာသည်။

စစ်မှန်သောဧကရာဇ်ကျောက်လုံသည် သူ၏ခန္ဓာကိုယ်ကို လှည့်လိုက်ရာ အရွက်တစ်ထောင်မြို့အထက်သို့ ရောက်ရှိလာကာ ရီကျင်းဟိုင်နှင့် အခြားလူများကိုပွတ်တိုက်သွားခဲ့၏။ ၎င်းကို ထိမိလိုက်သည်နှင့် အခြေတည်ဝိညာဉ်အဆင့် အထွတ်အထိပ်ရှိ ကျင့်ကြံသူပင် သေပေလိမ့်မည်။

ဧကရာဇ်ကျောက်လုံသည် တိုက်ခိုက်တော့မည်အချိန်တွင် ရီမိသားစုမှ ကျင့်ကြံသူများသည်လည်း သင်္ကေတတစ်ခုကို ထုတ်ယူခဲ့သည်။ ၎င်းမှာ မိသားစု၏ အင်မော်တယ်လက်နက်ဖြစ်သော အချိန်နေရာလွတ်ပြားဖြစ်သည်။

နောက်အခိုက်အတန့်တွင် ရီမိသားစုကျင့်ကြံသူအားလုံးသည် ချက်ချင်းပျောက်ကွယ်သွားကြရာ ဧကရာဇ်ကျောက်လုံသည် အံ့အားသင့်သွားသည်။ သူသည် ပေါ့ပေါ့ဆဆ ပြုမူခဲ့သော်လည်း နတ်အသွင်ကူးပြောင်းခြင်းအဆင့် ကျင့်ကြံသူသည် နေရာလွတ်ကို ပိတ်ဆို့လိုက်ပါက အခြေတည်ဝိညာဉ်အဆင့်ကျင့်ကြံသူများသည် လွတ်မြောက်ရန် မဖြစ်နိုင်ပေ။

ယခုမူ လူသားမျိုးနွယ်စု၏ ကျင့်ကြံသူများသည် တိုကင်တစ်ခု၏ အကူအညီဖြင့် ထွက်ပြေးနိုင်ခဲ့သည်ဖြစ်ရာ ဧကရာဇ်ကျောက်လုံသည် ၎င်းတို့ပိုင်ဆိုင်သည့် အင်မော်တယ်လက်နက်ကို စိတ်ဝင်စားလာခဲ့သည်။ နတ်ဆိုးမွန်းစတားမျိုးနွယ်စုနှင့် နှိုင်းယှဉ်ပါက လူသားမျိုးနွယ်၏ အင်မော်တယ်လက်နက်များသည် ထင်ရှားစွာပင် ပိုလက်ရာမြောက်သည်။

ဟိန်းဟောက်သံတစ်ခုထွက်ပေါ်လာပြီးနောက် စစ်မှန်သောဧကရာဇ်ကျောက်လုံသည် မြို့တော်၏ အခင်းအကျင်းများကို ဆုပ်ကိုင်ထားကာ သူ၏ လှုပ်ရှားမှုကို ထပ်မံပြုလုပ်ခဲ့သည်။ ကောင်းကင်ရှိ ကြယ်၏အလင်းရောင်သည် ချက်ချင်းပင် ပိုလင်းလာကာ အခင်းအကျင်းသည် ကြယ်များ၏ စွမ်းအားကို ရူးသွပ်သောအရှိန်ဖြင့် စုပ်ယူလာပြီးနောက် ကောင်းကင်နှင့်ကြယ်တာရာအခင်းအကျင်းသည် ပထမဆုံးအကြိမ်အဖြစ် ပြင်းထန်စွာ တုန်လှုပ်လာသည်။

သို့သော်လည်း နောက်ဆုံးတွင် ဧကရာဇ်ကျောက်လုံ၏ တိုက်ခိုက်ခြင်းကို ခံနိုင်ရည်ရှိခဲ့သည်။ အရွက်တစ်ထောင်မြို့ရှိ ကျင့်ကြံသူအသစ်များ၏ မျက်နှာအရောင်သည် ချက်ချင်းပင် အဖြူရောင်အဖြစ်သို့ ပြောင်းလဲသွားသည်။

‘ငါတို့တော့ သွားပြီ၊ ငါတို့ တကယ် သွားပြီ’

ရီမိသားစု တိုးတက်လာခြင်းကို မျက်မြင်တွေ့ခဲ့ကြသူများသာ တည်ငြိမ်နေကြြာ အချို့မှာ စိတ်လှုပ်ရှားနေကြသည်။ အချိန်တန်ပြီ၊ သူတို့ ယခုထွက်လာသင့်သည်။ ဧကရာဇ်ကျောက်လုံ တစ်ဖန်တိုက်ခိုက်သောအခါတွင် အရွက်တစ်ထောင်မြို့အထက်ကောင်းကင်၌ ပုဂ္ဂိုလ်တစ်ဦး ပေါ်လာသည်။

‘သူပဲ၊ သူပဲ!’

စင်မြင့်သို့ နောက်ဆုံးဝင်ရောက်သူသည် ရီမိသားစု၏ အကြီးအကဲဖြစ်ရမည်။ အခြေတည်ဝိညာဉ်အဆင့် မွန်းစတားများ စတင်ပေါ်ပေါက်လာချိန်မှစ၍ ရီဖန်သည် ထိုနေရာသို့ ရောက်ရှိနေပြီဖြစ်သည်။ သို့သော်လည်း ရီဖန်သည် လှုပ်ရှားရန် အလျင်စလို မလုပ်ခဲ့ပေ။ သူသည် ကျိုးထျန်းကြယ်အခင်းအကျင်း၏စွမ်းအားကို စမ်းသပ်လိုခဲ့သည်။

နတ်အသွင်ပြောင်းသည့်အဆင့်ကျင့်ကြံသူ၏ ဒဏ်ကို ခံနိုင်ရည်ရှိခြင်းကြောင့် ကောင်းကင်နှင့် ကြယ်တာရာအခင်းအကျင်းသည် စိတ်ကူးယဉ်ရေးသားမှုများတွင် မကြာခဏ ထွက်ပေါ်လာခြင်းမှာ ထိုက်တန်လှသည်၊ ၎င်းသည် အလွန်အားကောင်း၏။ အခင်းအကျင်း၏ စွမ်းအားကို စမ်းသပ်ပြီးနောက် ရီဖန်သည် သူ့ကိုယ်ပိုင်စွမ်းအားကို စမ်းသပ်ရန် အချိန်တန်ပြီဟု ခံစားလိုက်ရသည်။

‘မြင့်မြတ်သောစွမ်းရည်များ၊ သစ်သားစွမ်းရည်’

အရွက်တစ်ထောင်မြို့ ကောင်းကင်ထက်တွင် တောအုပ်တစ်ခု ချက်ချင်းပေါ်လာကာ ဧကရာဇ်ကျောက်လုံ၏ ခြေသည်းများကို ပိတ်ဆို့လျက် အဆက်မပြတ်ထွက်လာသည်။ တိုက်ခိုက်မှု နှစ်ကြိမ်ဆက်တိုက် မအောင်မြင်ခဲ့ချေ။ နတ်အသွင်ကူးပြောင်းခြင်းအဆင့် ကျင့်ကြံသူအနေဖြင့် မြို့ရိုးအခင်းအကျင်းကို တိုက်ခိုက်ရန် နှစ်ကြိမ်တိုင်တိုင်ကျရှုံးခဲ့ခြင်းသည် ဧကရာဇ်ကျောက်လုံ၏ မျက်နှာကို အရုပ်ဆိုးစေခဲ့သည်။ သူ၏ မျက်ဆံများသည် ရီဖန်ထံသို့ ရွေ့သွားသည်။

“ဆိုတော့ ဒါက အခြေခံနိယာမတွေကိုပဲ နားလည်တဲ့ အခြေတည်ဝိညာဉ်အဆင့်ပဲလေ။ နတ်အသွင်ပြောင်းခြင်းအဆင့်ကျင့်ကြံသူမရှိရင် မင်းက ပုရွက်ဆိတ်တစ်ကောင်ဖြစ်နေဆဲပဲ”

‘နဂါးမြီးကြာပွတ်’

နဂါး၏အမြီးသည် ၎င်း၏ခြေသည်းများထက်ပင် ကြီးမားသည်။ နေရာလွတ်သည် ကွဲထွက်သွားကာ ကြီးမားသောအမြီးသည် ရီဖန်ကို ရက်စက်စွာ ပွတ်တိုက်သွားသော်လည်း ရီဖန်သည် တည်ငြိမ်နေခဲ့သည်။

ဥပဒေသစွမ်းအားသည် စဉ်ဆက်မပြတ် အသက်ဝင်လာပြီး သစ်သားစွမ်းရည်နယ်ပယ်ရှိ သစ်ပင်များသည် ပို၍အားကောင်းလာသည်။ သစ်ပင်များမှ မရေမတွက်နိုင်သော အရွက်များ ခွဲထွက်လာကာ နဂါးအမြီးကြာပွတ်ထံသို့ ပစ်လွှတ်လိုက်သည်။ တိုက်ပွဲပြီးဆုံးခါနီးအခြေအနေသည် အရွက်တစ်ထောင်မြို့ရှိ ကျင့်ကြံသူများကို မျက်လုံးမှိတ်ထားစေသည်အထိပြင်းထန်သည်။

အတွေ့အကြုံမရှိသေးသော ကျင့်ကြံသူများမှာ မယုံကြည်နိုင်ခဲ့ကြချေ။ အရွက်တစ်ထောင်မြို့တွင် အမှန်တကယ်ပင် နတ်အသွင်ပြောင်းသည့်အဆင့်ကျင့်ကြံသူ ရှိနေခဲ့သည်။ အတွေ့အကြုံရှိသော ကျင့်ကြံသူများသည်သာ 'မင်းတို့အားလုံး ငယ်သေးတာပဲ' ဟု ဂုဏ်မြောက်စွာပြောနိုင်ခဲ့ကြသည်။

"မင်းကို ငါအမြဲပြောခဲ့တယ်၊ ရီမိသားစုမှာ နတ်အသွင်ပြောင်းတဲ့အဆင့် ရှိကိုရှိရမယ်လို့!"

ကောင်းကင်ယံ၌ ဧကရာဇ်ကျောက်လုံ၏ ရောင်ဝါသည် ပို၍ပင် ပြင်းထန်လာသည်။ ရီဖန်၏ နတ်စွမ်းရည်သည် အခွံတစ်ခုကဲ့သို့ဖြစ်နေကာ ဧကရာဇ်ကျောက်လုံ၏ တိုက်ခိုက်မှုများကို အကြိမ်ကြိမ် ကျရှုံးစေခဲ့သည်။ နဂါးဟိန်းဟောက်သံနှင့်အတူ ဧကရာဇ်ကျောက်လုံသည် ဤတစ်ကြိမ်တွင် သူ၏ကိုယ်ပိုင်နတ်စွမ်းရည်များကို တိုက်ရိုက်အသက်သွင်းခဲ့သည်။

‘နတ်စွမ်းရည်များ၊ လေနှင့်မိုးကိုဆင့်ခေါ်ခြင်း’

‘ကောင်းကင်ဘုံကိုးခု၏ လေပြင်းနှင့် ပင်လယ်နက်ထဲရှိ မိုးရေ’

အရွက်တစ်ထောင်မြို့တော်သည် ပင်လယ်ပြင်ပေါ်ရှိ လှေငယ်တစ်စင်းဖြစ်လာပုံရကာ ပျက်ဆီးခြင်း၏ခြိမ်းခြောက်မှုကို မည်သည့်အချိန်တွင်မဆို ရင်ဆိုင်ကြုံတွေ့နေရသည်။ သို့သော် ရီဖန်သည် ထပ်မံ၍အချိန်မဆွဲနေတော့ချေ။

‘နတ်စွမ်းရည်များ၊ အဇူရာနဂါးအသွင်ပြောင်းခြင်း’

ရီဖန်၏ခန္ဓာကိုယ်သည် တခဏချင်းလှည့်ပတ်ကာ အဇူရာနဂါးအဖြစ်သို့ အသွင်ပြောင်းလဲသွားပြီးနောက် ကောင်းကင်သို့ပျံတက်သွားကာ အောက်ဘက်ရှိ ဧကရာဇ်ကျောက်လုံကို အေးစက်စွာ စိုက်ကြည့်နေသည်။

‘မင်းတစ်ယောက်တည်းများ ဟိန်းဟောက်နိုင်တယ်လို့ ထင်နေတာလားကွ ဟမ်’

‘မွေးရာပါစွမ်းရည်၊ နဂါးဟိန်းဟောက်ခြင်း’

စိတ်ဝိညာဉ်ကိုတိုက်ခိုက်သည့် နဂါးဟိန်းဟောက်သံသည် ရီဖန်၏ပါးစပ်မှ ထွက်ပေါ်လာသည်။ ဧကရာဇ်ကျောက်လုံသည် စိတ်ဝိညာဉ်တုန်လှုပ်သွားသည်ကို ခံစားခဲ့ရကာ သူ၏အတွေးများသည် ရပ်တန့်သွားလျက် ခေတ္တစိတ်လွတ်သွားသည်။

"မင်းက နဂါးပဲ၊ မင်းကဘယ်လိုလုပ် နဂါးဖြစ်ရတာလဲ"

ရီဖန်၏ တိုက်ခိုက်မှုသည် အခြားသောကျင့်ကြံသူများအတွက် ထိုမျှအားကောင်းမည်မဟုတ်သော်လည်း နဂါးမျိုးနွယ်အောက်ရှိ ကျောက်လုံအတွက် အဇူရာနဂါး အသွင်ပြောင်းခြင်းသည် အစွမ်းထက်သောစွမ်းရည်တစ်ခုဖြစ်သည်။ နဂါးဟိန်းဟောက်သံတစ်ချက်ဖြင့် သူသည် ဧကရာဇ်ကျောက်လုံကို ရူးသွပ်စေလုနီးပါးပင်။ ရီဖန်သည် တိမ်များနှင့် မြူခိုးများကိုစီးလျက် ဧကရာဇ်ကျောက်လုံ၏ အထက်တွင် ချက်ချင်း ပေါ်လာသည်။

‘နဂါးလက်သည်း’

‘နဂါးမြီးဖြင့် ပွတ်ဆွဲခြင်း’

ရီဖန်သည် အရူးအမူး တိုက်ခိုက်လျက် ဧကရာဇ်ကျောက်လုံသည်လည်း ချက်ချင်းတုံ့ပြန်ခဲ့ကာ တန်ပြန်တိုက်ခိုက်ခဲ့သည်။ ကြီးမားသော နဂါးကြီးတစ်ကောင်နှင့် နဂါးငယ်တစ်ကောင်သည် ကောင်းကင်၌ လုံးထွေးနေသည်။ အောက်ဘက်ရှိ ကျင့်ကြံသူများသည် ဤမျှစိတ်လှုပ်ရှားဖွယ်မြင်ကွင်းကို တစ်ခါမှမမြင်ဖူးဘဲ မျက်လုံးနှင့် ပါးစပ်ကို ကျယ်ကျယ်ဟကာ စိုက်ကြည့်နေကြသည်။ ရီမိသားစုခေါင်းဆောင်သည်လည်း နဂါးပင်ဖြစ်သည်။

‘ဖွ၊ ဖွ၊ ဖွ၊ ရီမျိုးနွယ်ခေါင်းဆောင်လဲ နဂါးအဖြစ် ပြောင်းလဲသွားပြီပဲ’

ရီမိသားစုဝင်များကိုကြည့်နေသည့် ကျင့်ကြံသူအများအပြား၏ အကြည့်များသည်လည်း ပြောင်းလဲသွားသည်။ မျိုးနွယ်စုခေါင်းဆောင်သည် နဂါးအဖြစ်သို့ ပြောင်းလဲသွားနိုင်သည်၊ ရီမိသားစုမှ အခြားသူများလည်း ထိုနည်းလည်းကောင်းပင် ပြုနိုင်မည်လော။

အထူးသဖြင့် အရွက်တစ်ထောင်ဆေးခန်းပိုင်ရှင် အကြီးအကဲ ရီကျင်းထျန်သည် အာရုံစူးစိုက်မှုကို အခိုင်အမာရရှိခဲ့သည်။ နဂါးတစ်ကောင်၏ ဧည့်ခံခြင်းကိုခံရဖူးပါက ၎င်းတို့မှာ သေပျော်ပြီဖြစ်သည်။

ဧကရာဇ်ကျောက်လုံအပေါ် နဂါးသွေးမျိုးဆက်၏ နှိပ်ကွပ်ခြင်းသည် ၎င်းကိုတိုက်ရိုက်ချေမှုန်းရန် ရီဖန်ကို အခွင့်အရေးရစေခဲ့သည်။ ဆက်လက်၍ ရီဖန်သည် ဧကရာဇ်ကျောက်လုံ၏ တိုတိုနှင့်ဖြောင့်တန်းသော ဦးချိုနှစ်ချောင်းကို တိုက်ရိုက်ဆွဲယူကာ ပြင်းထန်စွာ ဆွဲထုတ်လိုက်လေသည်။

ရီဖန်သည် ချိုငယ်နှစ်ချောင်းကို အမြန်ဖယ်လိုက်သည်။ နတ်အသွင်ပြောင်းခြင်းအဆင့် ဦးချိုများသည် ကျောက်လုံအတွက် ရတနာတစ်ခုဖြစ်သည်။ ဧကရာဇ်ကျောက်လုံသည် နာကျင်စွာ အော်ဟစ်ငိုကြွေးကာ နောက်ဆုံးတွင် ကြောက်လန့်နေခဲ့သည်။ တစ်ချိန်တည်းတွင် သူ၏ မူလစိတ်ကူးကို အလွန်နောင်တရမိသည်။ အရွက်တစ်ထောင်မြို့သည် မြို့ကိုးမြို့ထဲတွင် အားအနည်းဆုံးဖြစ်သည်ဟု မည်သူပြောခဲ့ပါသနည်း။

ဧကရာဇ်ကျောက်လုံသည် ၎င်း၏ အရွက်တစ်ထောင်မြို့ကို ရွေးချယ်ခဲ့ခြင်းအပေါ် နောင်တရခဲ့သည်။

ဤအခိုက်အတန့်တွင် ဧကရာဇ်ကျောက်လုံသည် ဧကရာဇ်ကန်ထျန်း၏ ထူးဆန်းသောအမူအရာကို ရုတ်တရက် သတိရသွားကာ ဒေါသထွက်လာသည်။ ထိုခွေးအိုကြီးသည် သစ်ရွက်တစ်ထောင်မြို့မှာ မရိုးရှင်းမှန်းသိခဲ့သော်လည်း သူ့ကို မပြောပြခဲ့ချေ။ ၎င်းကိုတွေးမိသောအခါ ဧကရာဇ်ကျောက်လုံသည် အရိုးထဲထိထိတ်လန့်တုန်လှုပ်သွားကာ လုံးဝကို ကြောက်ရွံ့သွားသည်

‘ပြေး၊ ငါပြေးရမယ်!’

ဧကရာဇ်ကျောက်လုံ၏ကိုယ်ခန္ဓာသည် တွန့်လိမ်သွားကာ သူ့ခြေရင်းအောက်တွင် တိမ်နှစ်စင်းပေါ်လာသည်။

‘နတ်စွမ်းရည်များ၊ တိမ်နှင့်မြိူခိုးများစီးနင်းခြင်း’

အရေးကြီးသောအခိုက်အတန့်တွင် ဧကရာဇ်ကျောက်လုံသည် နတ်စွမ်းရည်အသစ်ကို နားလည်ခဲ့သည်။ တိမ်နှင့်မြူခိုးများစီးနင်းခြင်း နတ်စွမ်းရည်သည် ဧကရာဇ်ကျောက်လုံ၏အရှိန်ကို သိသိသာသာတိုးမြင့်စေသည်။ ခြိမ်းခြောက်ပြောဆိုရန် အချိန်ပင်မရှိပဲ အရွက်တစ်ထောင်မြို့ နယ်နိမိတ်မှ ပြေးထွက်လာပြီးနောက် ကြီးမားသောပင်လယ်ထဲသို့ ပျောက်ကွယ်သွားခဲ့သည်။

ရီဖန်သည် လိုက်မဖမ်းခဲ့ချေ၊ သူလိုက်ဖမ်းလျှင်ပင် လိုက်မမီနိုင်မည်မှာသေချာနေခဲ့သည်။ အဇူရာနဂါးအသွင်ပြောင်းခြင်း၏ နတ်စွမ်းရည်ကို ပယ်ဖျက်လိုက်ကာ ရီဖန်သည် လွတ်မြောက်ရန် အချိန်မရသေးသော နတ်ဆိုးမျိုးနွယ်စု၏ အခြေတည်ဝိညာဉ်အဆင့်ရှိ မွန်းစတားများကိုကြည့်ကာ သူ၏လူသားပုံစံသို့ ပြန်သွားခဲ့သည်။ ဤစည်းစိမ်ဥစ္စာသည် ကြီးမားလှသည်၊ ရီဖန်သည် ၎င်းတို့အား လွတ်မြောက်စေမည်မဟုတ်ပေ။

မကြာခင်တွင် အရွက်တစ်ထောင်မြို့အပြင်ဘက်တွင် လူသေအလောင်းများစုပုံသွားတော့သည်။

‘ကျေးဇူးပါ အစ်ကိုကျောက်လုံ’

ဤနည်းဖြင့် ရီဖန်သည် ထီပေါက်သွား၏။ ရီဖန်သည် ရီမိသားစုမှလူများနှင့်အတူ ထွက်ခွါသွားချိန်မှသာ လူတိုင်းသည် ၎င်းတို့၏အာရုံများပြန်လည်ရောက်ရှိလာကြကာ "ကြယ်တစ်သောင်းကျွန်းသည်ပြောင်းလဲတော့မည်"

ဟု အော်ဟစ်နေခဲ့ကြသည်။

ရီဖန်၏ ကျင့်ကြံရေးအဆင့်သည် စစ်မှန်သောနတ်အသွင်ပြောင်းခြင်းအဆင့် ရှိမရှိသည် အရေးမကြီးတော့ချေ။ သူသည် နတ်အသွင်ပြောင်းခြင်းအဆင့်ရှိ မွန်းစတားကိုနှိမ်နင်းနိုင်ခဲ့သည်ဖြစ်ရာ ၎င်း၏အဆင့်သည် နတ်အသွင်ပြောင်းခြင်းအဆင့်နှင့် ခြားနားခြင်းမရှိတော့ချေ။

အခြေတည်ဝိညာဉ်အဆင့်ကျင့်ကြံသူတစ်ဦး ထပ်တိုးလာခြင်းသည် ကြယ်တစ်သောင်းကျန်းကို များစွာကွာခြားစေလိမ့်မည် မဟုတ်သော်လည်း နတ်အသွင်ပြောင်းခြင်းအဆင့်ကျင့်ကြံသူ ရှိနေခြင်းသည် ကြယ်တစ်သောင်းကျွန်း၏အခြေအနေကို သိသိသာသာ ပြောင်းလဲသွားစေနိုင်သည်။

…………….

အခန်း ၁၁၀ - အရွက်တစ်ထောင်၊ တာအိုဆေးပညာရှင်များနှင့် တွေ့ဆုံခြင်း

မကြာမီတွင် အရှေ့နယ်မြေရှိ မြို့ကိုးမြို့သည် ရီမိသားစုတွင် နတ်အသွင်ကူးပြောင်းခြင်းအဆင့်ကျင့်ကြံသူ ရှိနေပြီဖြစ်ကြောင်း ကြားသိလိုက်ရသည်။ ယခင်က ရီမိသားစုနှင့် ဆက်ဆံခဲ့ဖူးသော အခြားမြို့ရှစ်မြို့မှ ခေါင်းဆောင်များသည် စိုးရိမ်ထိတ်လန့်မှုကို ခံစားခဲ့ရသည်။ သူတို့သည် ရီဖန်နှင့် ဆက်ဆံရေးကို စေ့စေ့စပ်စပ် စစ်ဆေးကြည့်ရာ ၎င်းတို့သည် မည်သည့်စည်းကိုမှ ကျော်ခဲ့ခြင်းမရှိဘြ ယဉ်ကျေးလောက်သည့်ပုံပေါက်သည့်အတွက် အားလုံးသည် သက်ပြင်းချလိုက်ကြသည်။

သို့သော် ဆက်ဆံရေးကောင်းရှိရန် ရီမိသားစုထံ သွားရောက်လည်ပတ်ရန် လိုအပ်ကြောင်း သူတို့ခံစားနေကြရသည်။ အရှေ့နယ်မြေမှ သတင်းများသည် အခြားဒေသများသို့လည်း ရောက်ရှိလာသည်။

မွန်းစတားထိန်းချုပ်ရေးဂိုဏ်းသည် ကမောက်ကမဖြစ်လျက် မွန်းစတားထိန်းချုပ်ရေးဂိုဏ်း၏ဘိုးဘေးသည် နောက်နေ့မနက်တွင် ပထမဆုံးတောင်းပန်သည့်အနေဖြင့် ရီမိသားစုထံ လက်ဆောင်ကြီးကြီးတစ်ခု ပေးအပ်ရန် ချက်ချင်းအမိန့်ပေးလိုက်သည်။

ရီဖန်သည် မွန်းစတားထိန်းချုပ်ရေးဂိုဏ်းနှင့် ပဋိပက္ခကို မှတ်မိနေသေးသည်ဖြစ်စေ မဖြစ်စေ၊ နတ်အသွင်ပြောင်းလဲခြင်းအဆင့် ကျင့်ကြံသူသည် ၎င်းတို့ကို ဒုက္ခမပေးကြောင်း လောင်းကြေးမချဝံ့ပေ။ သုံးရက်အကြာတွင် စစ်မှန်သောနဂါးစာရင်းကို အသစ်ထပ်တင်ခဲ့သည်။

ရီဖန်သည် အဆင့် ၁၁ တွင်ရှိကာ နတ်အသွင်ပြောင်းခြင်းအဆင့်ကျင့်ကြံသူဆယ်ဦးသာ သူ့အထက်တွင်ရှိသည်။ ထို့အပြင် ရီမိသားစုမှ နောက်ထပ်သုံးဦးသည် နဂါးအစစ်စာရင်းထဲသို့ ရောက်ရှိခဲ့သည်။ ၎င်းတို့၏ အဆင့်သတ်မှတ်ချက်များသည် အတော်လေးနည်းသည့်တိုင် စစ်မှန်သောနဂါးစာရင်းတွင် မိသားစုဝင်လေးယောက်ရှိခြင်းသည် လူတိုင်းကို ထိတ်လန့်စေခဲ့သည်။

…..

ရီမိသားစု၊ ရီဖန်၏ဂူအိမ်တွင်

ရီဖန်သည် သူ့လက်ထဲရှိ ကျောက်စိမ်းပြားကို ပြုံးလျက်ကြည့်နေသည်။ ဤကျောက်စိမ်းပြားသည် ကျင့်ကြံသူများ အစည်းအဝေးတက်ရန် အနောက်ဘက်နယ်မြေမှ ဖိတ်စာဖြစ်သည်။ အစည်းဝေးတက်ရောက်မည့် အခြားသောကျင့်ကြံသူအားလုံးသည် နတ်အသွင်ကူးပြောင်းခြင်းအဆင့်တွင် ရှိနေကြသည်။

ရီဖန်၏ တိုက်ခိုက်ရေးစွမ်းအားသည် ကြယ်တစ်သောင်းပင်လယ်ရှိ ထိပ်တန်းအဆင့်ကျင့်ကြံသူများထံမှ အသိအမှတ်ပြုမှု ရရှိခဲ့ကာ ရီမိသားစုသည် ကြယ်တစ်သောင်းပင်လယ်ရှိ ထိပ်တန်းမိသားစုများအဆင့်သို့ ထိရောက်စွာဝင်ရောက်လာခဲ့သည်။

ရီဖန်သည် အတွေးတစ်ခုဖြင့် မိသားစုအဆင့်သတ်မှတ်ချက်ကို ဖွင့်လိုက်သည်။ ယခုတစ်ကြိမ်တွင် မိသားစုအဆင့်သည် အနည်းငယ်တိုးတက်သင့်သည်ဟု သူထင်သည်။

မိသားစုအဆင့် (ကြယ်တစ်သောင်းပင်လယ်)- ၁၁။

၎င်းတို့သည် ထိပ်တန်းဆယ်ခုမှ အဆင့်တစ်ဆင့်သာ ကွာဝေးကာ အဆင့် ၁၁ ဖြစ်သည်။

“စနစ်၊ ဆုငွေကို ရယူပါ”

"ဂုဏ်ယူပါတယ် သခင်၊ ရရှိတဲ့ဆုကတော့ မိသားစုလုပ်ငန်းခွဲအတွေ့အကြုံ (နှစ် ၅၀) ဖြစ်ပါတယ်။"

ဆုလာဘ်ကိုမြင်သည့်အခါ ရီဖန်သည် ဝမ်းသာသွားကာ ချက်ခြင်းအသုံးပြုလိုက်ပြီးသည်နှင့် ရီမိသားစုရှိ လူတိုင်း၏ လုပ်ငန်းကျွမ်းကျင်မှုစွမ်းရည်များသည် တစ်ဖန်တိုးတက်လာခဲ့သည်။

ရီဖန်သည် သူ့စိတ်ထဲသို့ ကြီးမားသော အတွေ့အကြုံများ ဝင်လာသည်ကို လက်ခံလိုက်သည်။ ရီဖန်၏ ဆေးပညာနှင့် အင်မော်တယ်ပစ္စည်းသန့်စင်ခြင်းစွမ်းရည်သည် စတုတ္ထအဆင့်သို့ ရောက်ရှိသွားခဲ့ပြီဖြစ်သည်။ အနှစ်ငါးဆယ်မျှသော အတွေ့အကြုံကို ထပ်ဆောင်းရရှိပြီးနောက် နောက်ဆုံးတွင် ပဉ္စမအဆင့်သို့ ရောက်သွားသည်။

ပဉ္စမအဆင့်လုပ်ငန်းခွဲတစ်ခုသည် နတ်အသွင်ပြောင်းခြင်းအဆင့်နှင့် သက်ဆိုင်သည်။ ပဉ္စမအဆင့်သို့ရောက်ရှိရန်မှာ မည်သည့်လုပ်ငန်းခွင်တွင်မဆို ဥပဒေသများ၏စွမ်းအားကို နားလည်သဘောပေါက်ရန် လိုအပ်သည်။

၎င်းတို့၏စွမ်းအားများဖြင့်သာ ပဉ္စမအဆင့်ဆေးလုံးနှင့် အင်မော်တယ်လက်နက်များကို သန့်စင်အောင် ပြုလုပ်နိုင်မည်ဖြစ်သည်။ ဆေးပညာနှင့် ရှေးဟောင်းပစ္စည်းများသန့်စင်ခြင်းတွင် ပဉ္စမအဆင့်သို့ ရောက်ရှိခြင်းသည် နိယာမသဘောတရားအသစ်နှစ်ခုကို ရရှိစေသည်ဟု ရီဖန်သည် ကွဲကွဲပြားပြားခံစားလိုက်ရသည်။ ဆေးပညာတွင်အတွက် မီးတောက်နိယာမနှင့် အင်မော်တယ်ပစ္စည်းများ သန့်စင်ခြင်းအတွက်ခွန်အားနိယာမကို အသုံးပြုရမည်ဖြစ်သည်။

ရီဖန်ယခင်ကနားလည်ခဲ့သော သစ်သားနိယာမနှင့်အတူ နိယာမသုံးရပ်သည် သူ၏အခြေတည်ဝိညာဉ်ကို လှည့်ပတ်သွားခဲ့သည်။ အသစ်နားလည်ထားသော နိယာမသဘောတရားနှစ်ခုသည် အစောပိုင်းအဆင့်တွင်သာရှိကာ သူနားလည်ခဲ့သော သစ်သားနိယာမနှင့် နှိုင်းယှဉ်ပါက အားနည်းသော်လည်း၊ ၎င်းတို့သည် ရီဖန်၏ တိုက်ခိုက်ရေးစွမ်းအားကို သိသိသာသာ တိုးလာစေသည်။

မူလက ရီဖန်သည် သူလိုချင်သော အရင်းအမြစ်များအတွက် ရောင်းဝယ်ဖောက်ကားနိုင်ရန် အစည်းအဝေးသို့မည်သည့်အရာများ ယူဆောင်လာနိုင်မည်ကို စိုးရိမ်နေခဲ့သည်။ ယခုတွင် သူ့မှာ အဖြေရှိလာပြီဖြစ်သည်။

ရီဖန်သည် ဧကရာဇ်ကျောက်လုံ၏ ဦးချိုနှစ်ချောင်းကို ထုတ်ယူလိုက်သည်။ ဤပဉ္စမအဆင့်ပစ္စည်းများသည် သူ့တွင်ရှိသော တစ်ခုတည်းသောအရာဖြစ်သော်လည်း လက်ရှိတွင် ၎င်းတို့သည် သူ့အတွက် လုံလောက်နေပြီဖြစ်သည်။

ချိုနှစ်ချောင်းသည် ရီဖန်၏ ဂူအိမ်တစ်ဝက်ကို နေရာအပြည့်ယူထားသည်။ ရီဖန်သည် ပဉ္စမအဆင့် ဆေးလုံးဖြစ်သော နဂါးပျံတက်ခြင်းဆေးလုံးပြုလုပ်ရန်အတွက် မူလပါဝင်ပစ္စည်းဖြစ်သည့် ဦးချိုကိုသန့်စင်ရန် အစိတ်အပိုင်းတစ်ခုကို ဖြတ်လိုက်သည်။

သူသည် နဂါးဦးချိုကို ကြိတ်လိုက်ပြီးနောက် ကျောက်လုံ၏ စွမ်းအားကို ထုတ်ယူလိုက်သည်။ ဤအရာအားလုံးကို အဖိုးတန်စတုတ္ထအဆင့် ဝိညာဉ်ရေးဆေးများဖြင့် ဖြည့်စွက်ထားသည်။

တစ်လကြာပြီးနောက် နဂါးပျံတက်ခြင်းဆေးလုံးကို အောင်မြင်စွာ ထုတ်လုပ်နိုင်ခဲ့သည်။ ပဥ္စမအဆင့်ဆေးလုံးဖြစ်သည့် နဂါးပျံတက်ခြင်းဆေးလုံး၏ အဓိကအကျိုးသက်ရောက်မှုသည် ကျင့်ကြံရေးအဆင့်ကို မြှင့်တင်ရန်ဖြစ်သည်။

နတ်အသွင်ပြောင်းခြင်းအဆင့်ကျင့်ကြံသူသည် ၎င်းကိုစားသုံးပါက ၎င်းတို့၏ကျင့်ကြံရေးအဆင့်သည် အနည်းငယ်တိုးလာနိုင်သည်။ ထို့အပြင် နဂါးပျံတက်ခြင်းဆေးလုံးသည် နူးညံ့သိမ်မွေ့သောသဘောရှိကာ အခြေတည်ဝိဥာဉ်အဆင့်ရှိ ကျင့်ကြံသူများသည် ၎င်းမှ ကြီးမားသောအကျိုးကျေးဇူးများရရှိနိုင်သည်။

နဂါးပျံတက်ခြင်းဆေးလုံးဆယ်လုံးကို သန့်စင်ရန်အတွက် ကျေက်လုံဦးချို၏ လေးပုံတစ်ပုံကို အသုံးပြုရသည်။ ရီဖန်သည် နှစ်သုတ်ခွဲထားသည်။ တစ်သုတ်ကို ရီမိသားစုအဖွဲ့ဝင်များကို အသုံးပြုရန် ပေးအပ်ခဲ့ကာ ကျန်တစ်သုတ်ကို အရင်းအမြစ်များကို လဲလှယ်ရန် အသုံးပြုခဲ့သည်။

ရီဖန်၏ တိုက်ခိုက်ရေးစွမ်းရည်သည် နတ်အသွင်ပြောင်းလဲခြင်းအဆင့်သို့ ရောက်ရှိနေပြီဖြစ်သော်လည်း ၎င်း၏အမှန်တကယ် လေ့ကျင့်မှုအဆင့်သည် အခြေတည်ဝိညာဉ်အဆင့်၏ အထွတ်အထိပ်တွင်သာ ရှိနေသေးသည်။ အဆင့်တိုးမြင့်ရန် အချိန်တန်ပြီဖြစ်သည်။

နဂါးပျံတက်ခြင်းဆေးလုံးကို သန့်စင်ပြီးနောက် ရီဖန်၏ အလုပ်သည် မပြီးသေးချေ။ ဧကရာဇ်ကျောက်လုံနှင့် သူ၏တိုက်ပွဲသည် အဇူရာနဂါးအသွင်ပြောင်းခြင်းအောက်တွင် တိုက်ပွဲနည်းပညာများ ချို့တဲ့နေကြောင်း ရှင်းရှင်းလင်းလင်း သိသာစေသည်။

ပဉ္စမအဆင့် အင်မော်တယ်လက်နက်တစ်ခု သန့်စင်ရန် အချိန်တန်ပြီဖြစ်သည်။ ပဉ္စမအဆင့်အင်မော်တယ်လက်နက်များကို စစ်မှန်သောရတနာအဖြစ် သတ်မှတ်ထားကာ မယုံနိုင်လောက်အောင် အဖိုးတန်ကြသည်။

ရီဖန်သည် အဓိကပစ္စည်းအဖြစ် ကျောက်လုံ၏ ဦးချိုတစ်ခုကို အသုံးပြုခဲ့ကာ ရီမိသားစု၏ဘဏ္ဍာတိုက်မှ စတုထ္ထအဆင့် ဝိညာဉ်ကျောက်တုံးတစ်ဝက်ဖြင့် သုံးလလုံးလုံး သန့်စင်ခဲ့သည်။ နောက်ဆုံးတွင် နဂါးဘောလုံး၂၄လုံးကို ဖန်တီးနိုင်ခဲ့သည်။ ၎င်းတို့သည် စစ်မှန်သောရတနာများနှင့် ပင်လယ်နှိမ်နင်းခြင်း ပုတီးစေ့များဖြစ်သည်။

နဂါးသည် ပင်လယ်၏အုပ်စိုးရှင်ဖြစ်ကာ အင်မော်တယ်လက်နက်အစုံအလင်ဖြင့် ဖွဲ့စည်းထားသည့် ပင်လယ်နှိမ်နင်းခြင်းပုတီးစေ့နှစ်ဆယ့်လေးလုံးသည် ရီဖန်၏ အဇူရာနဂါးအသွင်ပြောင်းခြင်းစွမ်းအားကို အပြည့်အဝ ထုတ်ပေးမည်ဖြစ်သည်။

ဧကရာဇ်ကျောက်လုံနှင့် တိုက်ပွဲတွင် ရီဖန်ထံ၌ ပင်လယ်နိှမ်နှင်းခြင်းပုတီးစေ့များရှိပါက ထိုအချိန်က ကျောက်လုံ၏ဦးချိုတစ်စုံကို ချန်ထားခဲ့ရုံနှင့် ပြီးဆုံးမည်မဟုတ်ဘဲ အနည်းဆုံးခန္ဓာကိုယ်တစ်ဝက်ကို ရီမိသားစုအတွက် အရင်းအမြစ်အဖြစ် ချန်ထားခဲ့မည်ဖြစ်သည်။ ပင်လယ်နှိမ်နှင်းခြင်းပုတီးစေ့များကို ကျင့်ကြံရန်အတွက် သူ၏အခြေတည်ဝိညာဉ်အတွင်း၌ သိမ်းဆည်းပြီးနောက် ရီဖန်သည် အနောက်ဘက်နယ်မြေသို့ထွက်ခွာရန် ပြင်ဆင်ခဲ့သည်။

အနောက်ဘက်နယ်မြေသည် ကြယ်တစ်သောင်းကျွန်းတစ်ခုလုံး၏ အခိုင်မာဆုံးနယ်မြေဖြစ်သည်။ ရီမိသားစုအထက်ရှိ အဆင့်သတ်မှတ်ထားသော အင်အားဆယ်ခုအနက် ရှစ်ခုသည် အနောက်ဘက်နယ်မြေတွင် ဖြစ်သည်။ ကျန်နှစ်ခုမှာ မြောက်ဘက်နယ်မြေရှိ မင်းဆက်နှစ်ဆက်ဖြစ်သည်။

ကျောက်စိမ်းပြား၏လမ်းညွှန်ချက်အရ ရီဖန်သည် အနောက်နယ်မြေ၏အကြီးဆုံးမြို့ဖြစ်သော ရှီထျန်းမြို့သို့ရောက်ရှိခဲ့သည်။ မြို့နာမည်ကိုကြည့်လိုက်သောအခါ ရီဖန်သည် သူ့ကျောရိုးအောက်ထိ ကြက်သီးထသွားသည်ကို ခံစားလိုက်ရသည်။ ရှီထျန်း၊ ရှီထျန်း ၎င်းသည် သုခနယ်မြေမဟုတ်လော။

သို့သော် ကြယ်တစ်သောင်းကျွန်းတွင် ဤအယူအဆသည် ရေပန်းစားခြင်းမရှိကြောင်း တွေ့ရှိရသည်။

သူဒီမှာနေသည်မှာ ကြာပြီဖြစ်သော်လည်း ရီဖန်သည် အင်မော်တယ်နယ်မြေတွင် သတ်မှတ်ထားသည့် ပညာရပ်တစ်ခုဖြစ်သော ဗုဒ္ဓအဆင့်ကျင့်ကြံသူ တစ်ဦးပင် မတွေ့ခဲ့ရသေးချေ။ တခြားဒေသများတွင် ဗုဒ္ဓအဆင့်ကျင့်ကြံသူများရှိမည်လောဟု သူတွေးမိသည်။

ရှီထျန်းမြို့သည် အရွက်တစ်ထောင်မြို့ထက် ထင်ရှားသည်။ စိတ်ကူးထဲတွင်တွေးပင်မတွေးနိုင်သော ပျော်ရွှင်စရာများကို ရှီထျန်းမြို့၏ မည်သည့်နေရာတွင်မဆို တွေ့နိုင်သည်။ ရှီထျန်းမြို့မှ ကျင့်ကြံသူများသည် ခက်ခက်ခဲခဲ လိုအပ်ရုံသာမက ၎င်းတို့ကိုယ်တိုင်လည်း ပျော်ရွှင်ရန် လိုအပ်ကြောင်း ရီဖန်ကို ပြောကြားခဲ့သည်။ ရှီထျန်းမြို့တစ်ဝိုက်ကို အလည်အပတ်သွားပြီးနောက် ရီဖန်သည် အများကြီးသင်ယူခဲ့ရသည်။

အရွက်တစ်ထောင်မြို့၏ ဖွံ့ဖြိုးတိုးတက်ရေး ဦးတည်ချက်နှင့် ပတ်သက်၍လည်း သူ့တွင် အကြံဥာဏ်များစွာ ရှိလာခဲ့၏။ အဆုံးတွင် ရီဖန်သည် ရှီထျန်းမြို့လယ်ရှိ အမြင့်ဆုံးအဆောက်အအုံဖြစ်သည့် အနောက်ကောင်းကင်မျှော်စင်သို့ ရောက်ရှိခဲ့သည်။

ဧကရာဇ်ရှီထျန်း၏ ကျင့်ကြံရာနေရာဖြစ်သော အနောက်ကောင်းကင်မျှော်စင်သည် ရှီထျန်းမြို့ရှိ အမြင့်ဆုံးအဆောက်အဦးလည်းဖြစ်သည်။ အနောက်ကောင်းကင်မျှော်စင်သည် အထပ်ကိုးရာကိုးဆယ်ရှိကာ ၎င်း၏အထွတ်အထိပ်ကို မမြင်နိုင်သည့်အထိဖြစ်သည်။

ရှီထျန်းမြို့၏ ဧကရာဇ်သည် ကြယ်တစ်သောင်းကျွန်းတွင် အင်အားအကြီးဆုံးကာ စစ်မှန်သောနဂါးစာရင်းတွင် ပထမအဆင့်ရှိသော နတ်အသွင်ပြောင်းလဲခြင်းအဆင့် ကျင့်ကြံသူဖြစ်သည်။

"မိတ်ဆွေချန်ရီ မင်းဒီကိုရောက်လာမှတော့ မျှော်စင်ထိပ်လာပြီး ငါတို့နဲ့တွေ့ရအောင်ပါ"

ရီဖန်သည် ၎င်းတို့ကို ရှာဖွေတွေ့ရှိခဲ့ကာ အနောက်ကောင်းကင်မျှော်စင်ထိပ်သို့ တစ်ဆင့်ပြီးတစ်ဆင့်တက်လှမ်းလာသည်။ ရီဖန်၏လုပ်ရပ်သည် ရှီထျန်းမြို့မှကျင့်ကြံသူများ၏ အာရုံကို ချက်ချင်းဆွဲဆောင်ခဲ့သည်။

“တစ်စုံတစ်ယောက်က အနောက်ကောင်းကင်ယံမျှော်စင်ကို ဝင်ရောက်ကျူးကျော်ဝံ့တယ်၊ ဒါက သေကြောင်းကြံနေတာ မဟုတ်ဘူးလား”

"ဧကရာဇ်ရှီထျန်းက ဒီလိုမောက်မာတဲ့ ကျင့်ကြံသူတွေကို သင်ခန်းစာ ပေးလိမ့်မယ်"

ရီဖန်သည် ဘာမှမသိသော ကျင့်ကြံတစ်ဦးဖြစ်သည်ဟု လူတိုင်းက ထင်မြင်ယူဆကြသည်။ သို့သော် ရီဖန်သည် အနောက်ကောင်းကင်မျှော်စင်၏ အပေါ်ဆုံးထပ်သို့ အောင်မြင်စွာ ဝင်ရောက်လာသောအခါတွင် လူတို့သည် စတင်သိရှိလာကြသည်။

“ဖြစ်နိုင်မလား… ဒါက အရှေ့နယ်မြေက ဧကရာဇ်ချန်ရီများလား”

အင်အားကြီးမားသူတို့၏ အမည်ခေါင်းစဉ်များကို ပေါ့ပေါ့တန်တန် မပြောသင့်ပေ။ အခြေတည်ဝိညာဉ်အဆင့် ဘိုးဘေး၊ နိုင်ငံ၏ စစ်မှန်သော ဧကရာဇ် စသည်ဖြင့် ဤအရာများအားလုံးသည် လေးစားထိုက်သော ဘွဲ့များဖြစ်သည်။ ရီဖန်၏ ဘွဲ့မှာ ချန်ရီ၊ ဧကရာဇ်ချန်ရီ ဖြစ်သည်။

အရွက်တစ်ထောင်ဆေးခန်းထဲသို့ ဝင်သွားသောအခါ ရီဖန်သည် တင်ပျဉ်ခွေထိုင်ကာ တာအိုပညာ၏အဆုံးသတ်ကို ဆွေးနွေးနေသည့် လူများစွာကို တွေ့လိုက်ရသည်။

"ချန်ရီက တာအိုပညာရှင်အားလုံးကို ဂါဝရပြုပါတယ်"

ရီဖန် ခေါင်းငုံ့ကာ ပြုံးလိုက်သည်။

"ရှီထျန်းက မိတ်ဆွေချန်ရီကို နှုတ်ဆက်ပါတယ်"

"အရှေ့ဧကရာဇ်က မိတ်ဆွေချန်ရီကို နှုတ်ဆက်တယ်။"

"မြောက်ဘက်ကြယ်က မိတ်ဆွေချန်ရီကို နှုတ်ဆက်ပါတယ်.."

…..

အခန်း ၁၁၁ - နတ်အသွင်ပြောင်းခြင်းအဆင့်၊ ထပ်ဆင့် နတ်အသွင်ပြောင်းခြင်း (၄/၅)

ဤနေရာတွင် ရှိနေနိုင်သူများသည် နတ်အသွင်ပြောင်းလဲခြင်းအဆင့် ကျင့်ကြံသူများဖြစ်သည်။ ၎င်းတို့အားလုံးသည် ပထမဆုံးအကြိမ် လာရောက်လည်ပတ်ခဲ့သည့် ရီဖန်ကို ဝမ်းသာကြိုဆိုကြောင်း ဖော်ပြခဲ့ကြသည်။ မြင်မြင်ချင်း ပြိုင်ဆိုင်မှုနည်းပါးကာ အပြန်အလှန် ဆက်ဆံမှုအများစုသည် တန်းတူရေးနှင့် ငြိမ်းချမ်းစွာ အတူယှဉ်တွဲနေထိုင်ရေးကို အခြေခံသည်။ ရီဖန်သည် အလယ်အလတ် အ‌ေခြတည်ဝိညာဉ်အဆင့်ကိုသာ ပြသခဲ့သော်လည်း မည်သူမျှ သူ့ကိုလှောင်ပြောင်ရန် စိတ်ကူးမရှိခဲ့ချေ။

"မိတ်ဆွေကျင့်ကြံသူတို့၊ တခြာ နှီးနှောဖလှယ်ခြင်းတွေမလုပ်ခင်၊ ဆွေးနွေးမှုနဲ့ စတင်ကြမလား"

အရှင်ရှီထျန်းသည် သူ၏အခြေခံနိယာမများကို ချမှတ်ခြင်းဖြင့် စကားဝိုင်းကို စတင်ခဲ့သည်။ ရှီထျန်းလေ့လာထားသောနိယာမသည် ရွှေ၏နိယာမဖြစ်ကာ သူသည် တိုက်ခိုက်ရေးတွင် ထူးချွန်သူဖြစ်သည်။ ထို့ကြောင့် အရှင်ရှီထျန်းသည် နတ်အသွင်ပြောင်းလဲခြင်းအဆင့်ရှိ လူအုပ်ကြီးတွင် စွမ်းအားအကြီးမားဆုံး ကျင့်ကြံသူဖြစ်သည်။

ရီဖန်သည် ရွေ၏နိယာမကို မကျွမ်းကျင်သော်လည်း နှိုင်းယှဉ်မှုမှတဆင့် ထိုးထွင်းသိမြင်မှုများစွာ ရရှိခဲ့သည်။ ရီဖန်အလှည့်ရောက်သည့်တိုင်အောင် တယောက်ပြီး တယောက်ဆွေးနွေးနေခဲ့ကာ ရီဖန်သည် သစ်သားလမ်းစဉ်နှင့် မီးလမ်းစဉ်၊ သစ်သားမှ မီးသို့ အခြေတည်လမ်းနှစ်သွယ်ကို ဆွေးနွေးရန် ရွေးချယ်ခဲ့သည်။ ရီဖန်၏ ဆွေးနွေးချက်ကိုကြားသည့်အခါ လူတိုင်း၏ အမြင်သည် ပို၍ကောင်းမွန်စွာ တိုးတက်လာခဲ့သည်။

နတ်အသွင်ကူးပြောင်းခြင်းအဆင့်အတွင်း ဆွေးနွေးမှုမှာ အနည်းငယ် အပြန်အလှန် တုံ့ပြန်မှုမျှသာဖြစ်သော်လည်း နှစ်ဝက်မျှကြာမြင့်ဆဲဖြစ်သည်။ နောက်တစ်ခုသည် အရင်းအမြစ်များ ဖလှယ်ခြင်းဖြစ်၏။ နတ်အသွင်ပြောင်းလဲခြင်းအဆင့်ရှိ ကျင့်ကြံသူများသည် ကြယ်တစ်သောင်းကျွန်း၏ ထိပ်တန်းအဆင့်များထဲတွင် ပါဝင်ခဲ့သည်။ နယ်ပယ်သည် ဤမျှကြီးမားသောကြောင့် အပြန်အလှန်ဖလှယ်မှုများ ပြုလုပ်ခဲ့ကြသည်။

ရီဖန်သည် နဂါးပျံတက်ခြင်းဆေးလုံးကို ထုတ်ဖော်ပြသသောအခါတွင် လူတိုင်းသည် အလွန်ပျော်ရွှင်ခဲ့ကြသည်။ အဆင့်ငါးဆေးလုံးသည် ကြယ်တစ်သောင်းကျွန်းတွင် ရှားရှားပါးပါးဖြစ်ကာ အဓိကအားဖြင့် ကျွန်းပေါ်တွင် ဆေးဆရာများမရှိသည့်အတွက် အခြားနေရာများမှ ဆေးလုံးများကို တင်သွင်းသောကြောင့်ဖြစ်သည်။

ယခုတွင် ကြယ်တစ်သောင်းကျွန်း၌ ပဥ္စမအဆင့်ဆေးပညာရှင်ရှိလာပြီဖြစ်ကာ၊ ၎င်းသည် အခြားသော နတ်အသွင်ပြောင်းခြင်းအဆင့် ကျင့်ကြံသူများအတွက် သတင်းကောင်းဖြစ်သည်။ ရီဖန်သည် သူ၏အရင်းအမြစ်ဖလှယ်မှုအခြေအနေများဖြစ်သည့် ဝိညာဉ်ရေးဆေးပင် အဆင့်ငါး၊ ဝိညာဉ်ကျောက်တုံးများနှင့် နတ်ဘုရားကူးပြောင်းခြင်းအဆင့်၏ ကျင့်ကြံရေးနည်းစနစ်များကို တင်ပြခဲ့သည်။

နဂါးပျံတက်ခြင်းဆေးလုံးဆယ်လုံးကို နတ်ဘုရားကူးပြောင်းခြင်းအဆင့် ကျင့်ကြံရေးနည်းစနစ်အပြင် အခြားသော အရင်းအမြစ်များစွာဖြင့် လဲလှယ်ခဲ့ကာ နှီးနှောဖလှယ်ပွဲ၏ အဆုံးသို့ရောက်ရှိခဲ့သည်။

လူတိုင်းသည် ရီဖန်ထံသို့ အသံကူးပြောင်းခြင်း ကျောက်စိမ်းပြားများကို အလျင်အမြန်လဲလှယ်ကာ ဆေးလုံးသန့်စင်ခြင်းတောင်းဆိုမှုများအတွက် ခြေကုပ်ယူထားကြသည်။ ရီဖန်သည် ဤခရီးစဉ်မှ အမြတ်များနှင့်အတူ အင်မော်တယ်ကျွန်းသုံးကျွန်းသို့ ပြန်လာခဲ့သည်။

ရီဖန် သည် ကျင့်ကြံရေးနည်းစနစ်များ၏ စွမ်းရည်များဖြစ်သည့် မီးစွမ်းအားအရင်းအမြစ်၊ မီးစွမ်းအားနတ်အသွင်ပြောင်းခြင်းကဲ့သို့သော နည်းစနစ်များအပေါ်တွင် ခိုင်မာသော ဦးစားပေးမှုမရှိချေ။ အလဲအလှယ်လုပ်ရသည့်အကြောင်းရင်းမှာ အလုပ်တစ်ခုပြီးမြောက်ရန်သာဖြစ်သည်။

"ဂုဏ်ယူပါတယ် သခင်၊ မိသားစုလက်နက်တိုက် ၈ ပြီးမြောက်သွားပါပြီ"

“ မိသားစု လက္ခဏာများဆုရရှိသည့်အတွက် ဂုဏ်ယူပါတယ်၊ အနုပညာစွမ်းရည်တိုးပွားမှု (လိမ္မော်ရောင်အဆင့်)၊ အနုပညာစွမ်းရည်ကို အမှတ်၁၀၀၀မြှင့်တင်ခြင်းကို ရရှိပါတယ်”

အနုပညာစွမ်းရည်၏မိသားစုလက္ခဏာသည် အနုပညာစွမ်းရည်အမျိုးမျိုးတွင် ၎င်းတို့၏ကျင့်ကြံရေးအရှိန်ကို တိုးမြှင့်ပေးသည်။ အနုပညာအဆင့်များ တိုးလာသည်နှင့်အမျှ မိသားစုဝင်များ၏ တိုးတက်မှုနှုန်း နှေးကွေးလာတာကို ရီဖန် တွေ့ရှိခဲ့သည်။

စနစ်၏ဆုကြေးငွေမရှိဘဲ ရီဖန်သည် ပဉ္စမအဆင့်သို့ဖြတ်ကျော်ရန် ဆယ်စုနှစ်များစွာ အချိန်ယူရပေမည်။ ယခုအခါ စွမ်းရည်များ တိုးလာသဖြင့် အရှိန်သည် သိသိသာသာ မြင့်တက်လာနိုင်သောကြောင့် ၎င်းသည် အမှန်တကယ်ပင် ကျေနပ်ဖွယ်ရာ ဆုလာဘ်တစ်ခုဖြစ်သည်။ သို့သော် ဤတာဝန်သည် ရီဖန်၏ လက်ရှိအလေးအနက်ထားဆုံးအရာမဟုတ်ပေ။ ရီဖန်သည် သူနတ်အသွင်ပြောင်းလဲခြင်းအဆင့်သို့ ဖြတ်ကျော်သွားနိုင်မည်ကို သိချင်နေပြီဖြစ်သည်။

နဂါးပျံတက်ခြင်းဆေးလုံးကို စားသုံးပြီးပြီဖြစ်သော်လည်း ထိုကာလအတွင်း ရီဖန်သည် အနောက်ဘက်နယ်မြေရှိ အခြားသော နတ်အသွင်ကူးပြောင်းခြင်းအဆင့် ကျင့်ကြံသူများနှင့် အဆက်မပြတ် ထိတွေ့ဆက်ဆံနေသဖြင့် အဆင့်ဖြတ်ကျော်ရန် အချိန်မရှိခဲ့ချေ။ သူ့မျိုးနွယ်စုထံ ပြန်ရောက်ပြီးနောက် ရီဖန်သည် ချက်ချင်းပင် တံခါးပိတ်ကျင့်ကြံရန် ဆုံးဖြတ်ခဲ့သည်။

‘စနစ်၊ ပေါင်းစည်းလိုက်တော့’

ရီဖန်၏ ခန္ဓာကိုယ်မှ လျှို့ဝှက်ဆန်းကြယ်သော ရောင်ဝါတစ်ခု စတင်ထွက်ပေါ်လာသည်။ ရီဖန်၏ ခန္ဓာကိုယ်အတွင်းတွင် သူ၏ယွမ်ယင်သည် ကမ္ဘာမြေကွဲအက်ခြင်း အသွင်ကူးပြောင်းမှုကို စတင်ခံစားခဲ့ရသည်။

ယွမ်ယင်မှ နတ်အသွင်ပြောင်းလဲခြင်းအဆင့်အထိ အောင်မြင်မှုအတွက် ၎င်းကိုစိတ်ဝိညာဉ်အဖြစ် ပြောင်းလဲရန် လိုအပ်သည်။ စိတ်ဝိညာဉ်သည် မိုင်ထောင်ပေါင်းများစွာ ခရီးနှင်နိုင်ကာ ယခင်ကကဲ့သို့ မပျက်စီးနိုင်တော့ချေ။ ရုပ်ခန္ဓာကို စွန့်ပစ်လိုက်လျှင်ပင် စိတ်ဝိညာဉ်သည် အချိန်ကြာမြင့်စွာ ရှင်သန်နိုင်သေးသည်။

အခြေတည်ဝိညာဉ်အဆင့်နှင့်မတူသည်မှာ၊ အကယ်၍ ရုပ်ခန္ဓာသည် ပျက်စီးသွားကာ သင့်လျော်သော ခန္ဓာကိုယ်ကို ပိုင်ဆိုင်ရန် အမြန်ရှာမတွေ့ပါက အခြေတည်ဝိညာဉ်သည် တဖြည်းဖြည်း ညှိုးနွမ်းသွားမည်ဖြစ်သည်။

ရီဖန်၏ ယွမ်ယင်သည် အဆက်မပြတ်ကြီးထွားလာသည်။ တစ်လအကြာတွင် ၎င်းသည် သေးငယ်သောအရွယ်အစားမှ ရီဖန်နှင့်တူညီသော အရွယ်အစားနီးပါး ကြီးထွားလာခဲ့သည်။ ထို့နောက် ယွမ်ယင်ကို သန့်စင်ရန် အရေးကြီးသော ခြေလှမ်းကို ရောက်လာပြီဖြစ်သည်။

၎င်းသည် တဖြည်းဖြည်းချင်း ပျောက်ကွယ်သွားပြီးနောက် ရီဖန်၏ စိတ်ဝိညာဉ်ပင်လယ်ထဲတွင် ရုပ်ပိုင်းဆိုင်ရာ စိတ်ဝိညာဉ်သည် တဖြည်းဖြည်းပေါ်လာကာ ရီဖန်၏ ဝိညာဉ်စွမ်းအားသည်လည်း စတင်ပြောင်းလဲလာသည်။

ရက်ပေါင်းတစ်ရာကြာပြီးနောက် ရီဖန်၏ ခန္ဓာကိုယ်အထက်တွင် အရိပ်တစ်ခုပေါ်လာကာ ယနေ့တွင် နတ်အသွင်ပြောင်းခြင်းအဆင့်သို့ ဝင်ရောက်လာပြီဖြစ်ကာ ရီဖန်၏ ခန္ဓာကိုယ်အတွင်းရှိ စိတ်ဝိညာဉ်ရောင်ဝါသည်လည်း အဆက်မပြတ် ကြီးထွားလာသည်။

နတ်အသွင်ပြောင်းခြင်းအဆင့်၏ ထူးခြားသော ရောင်ဝါသည် ရီဖန်ထံမှ ဖြာထွက်နေသည်။ အသက်တစ်ရာ့လေးဆယ့်ငါးနှစ်အတွင်း ရီဖန်သည် နောက်ဆုံးတွင် နတ်အသွင်ပြောင်းလဲခြင်းအဆင့်သို့ ရောက်ရှိခဲ့ပြီဖြစ်သည်။

စိတ်ဝိညာဉ်သည် ပင်လယ်ပြင်အထက်တွင် ပေါ်လာပြီးနောက် အဝေးသို့ ခရီးနှင်ခဲ့သည်။

အတွေးတစ်ခုမျှဖြင့် မိုင်ထောင်ပေါင်းများစွာသောနယ်မြေများသည် ရီဖန်၏ အာရုံခံမှုအောက်တွင် ရှိနေခဲ့သည်။ အရှေ့ဘက်နယ်မြေသည် ရီဖန်၏အမြင်တွင် သူ့ဆန္ဒသက်သက်သာဖြစ်သည်။

သူ၏ဝိညာဉ်ရေးစွမ်းအားသည်လည်း ဆယ်ဆတိုးလာသည်။ အရေးကြီးဆုံးမှာ ရီဖန်၏ သက်တမ်းကန့်သတ်ချက်သည် အနှစ်ငါးထောင်ကို ဖြတ်ကျော်သွားခဲ့ခြင်းဖြစ်ကာ အင်မော်တယ်ဘဝသို့ ခြေတစ်လှမ်းပိုနီးလာပြီဖြစ်၏။

ရီဖန်သည် သူ့အသက် တစ်ရာ့ငါးဆယ်ပင် မပြည့်သေးကြောင်း ရုတ်တရက် သိလိုက်ရသည်။ အနှစ်ငါးထောင်၏ သက်တမ်းနှင့် နှိုင်းယှဉ်ပါက သူသည် ကလေးတစ်ယောက်ကဲ့သို့ ဖြစ်နေဆဲပင်။

အသက်တစ်ရာ့ငါးဆယ်တောင်မပြည့်သေးသည့် ကလေးလေးဖြစ်သည်။ အရှိန်အဟုန်ဖြင့် တိုးမြင့်လာမှုကို စမ်းသပ်ပြီးနောက် ရီဖန်သည် စနစ်လမ်းကြောင်းကို ကြည့်လိုက်သည်။

ဇာတ်ကောင်- ရီဖန်

သက်တမ်း: ၅၀၁၂ နှစ်

အဆင့်- အစောပိုင်းအခြေတည်နတ်ဘုရားအသွင်‌ေပြာင်းခြင်းအဆင့် (၁၂၃၂၁/၃၀၀၀၀၀၀၀)

မိသားစု အဆင့်သတ်မှတ်ချက် (ကြယ်တစ်သောင်းကျွန်း): အဆင့် ၉

စွမ်းရည်များ- တာအိုဆေးပညာ အဆင့်ငါး အဆင့်နိမ့် (၁၂၀၀၀၀/၁၀၀၀၀၀၀)၊ အင်မော်တယ်ပစ္စည်းသန့်စင်ခြင်းအဆင့်ငါး အဆင့်နိမ့် (၁၀၀၀၀/၁၀၀၀၀၀၀)၊ အခင်းအကျင်းစွမ်းရည် အဆင့် လေး၊ အထွတ်အထိပ် (၄၈၁၂၃၂/၉၀၀၀၀၀၀)၊ မန္တန်စွမ်းရည်အဆင့် လေး၊ အထွတ်အထိပ် (၈၄၄၈/၉၀၀၀၀၀)

နတ်စွမ်းရည်များ- အဇူရာနဂါးသွေးမျိုးဆက် (နဂါးငယ်အဆင့်) (၁၂၂၃/၁၀၀၀၀၀)၊ နှလုံးမီးတောက် (အဆင့်လေး၊ သာလွန်အဆင့်)၊ အဇူရာနဂါးအသွင်ပြောင်းခြင်း၊ ၅%

သစ်သားနိယာမ၊ ၂% မီးစွမ်းအားနိယာမ၊ ၁% ခွန်အားနိယာမ၊ သစ်သားစွမ်းရည်

မိသားစုအထူးလက္ခဏာများ - ဉာဏ်အလင်း (အနီရောင်အဆင့်)၊ အင်မော်တယ်လက်ဆောင် (အနီရောင်အဆင့်)၊ အနုပညာရှင်စွမ်းရည်တိုးပွားလာမှု (လိမ္မော်ရောင်အဆင့်)၊ မိသားစုတိုးပွါးလာခြင်း ခုနစ်၊ သန်မာသောလမ်းကြောင်း ခြောက်၊ မိသားစုတယ်မြေ ခုနစ်၊ မိသားစုလူဦးရေ ငါး၊ မိသားစုလက်နက်တိုက် ရှစ်၊၊ မိသားစုလွှမ်းမိုးမှု (၁၈၀၀/၂၀၀၀)

ရီဖန်၏ ကျင့်ကြံရေးတွင် အောင်မြင်မှုနှင့်အတူ မိသားစုအဆင့်သည် တစ်ဖန်တိုးလာကာ ထိပ်တန်းဆယ်ယောက်အတွင်း ပထမဆုံးအကြိမ် ဝင်ရောက်ခဲ့သည်။ နေရာနှစ်နေရာစာ တိုးတက်မှုတစ်ခုမျှသာဖြစ်သော်လည်း ဂဏန်းနှစ်လုံးမှ ဂဏန်းတစ်လုံးသို့ ကူးပြောင်းခြင်းသည် လျင်မြန်စွာခုန်တက်သွားခြင်းဖြစ်သည်။

“စနစ်၊ အဆင့်ဆုလာဘ်ကိုယူလိုက်တော့”

ရီဖန်သည် မစောင့်နိုင်တော့ချေ။

"ဆုလက်ခံရရှိမှုအတွက် ဂုဏ်ယူပါတယ်၊ ကံကြမ္မာတန်ဖိုး အမှတ် ၁၀၀၀၊ မိသားစုနတ်စွမ်းရည်နဲ့ ဆာဂျီနည်းပညာကို ရရှိပါတယ်”

စနစ်၏အသံသည် မှိန်ဖျော့သွားသောအခါ မျက်လုံးမှိတ်ကာ တရားထိုင်နေသော ပိုင်ဇယ်သည် ရုတ်တရက် ထခုန်လာသည်။ ကြွယ်ဝသောကံကြမ္မာစွမ်းအားများသည် ပိုင်ဇယ်၏ခန္ဓာကိုယ်ထဲသို့ ချက်ချင်းဝင်ရောက်သွားကာ ၎င်း၏ အခြေတည်ဝိညာဉ် အထွတ်အထိပ်၏ ရောင်ဝါသည် အဆင့်ကျော်ဖြတ်မှုပြုလုပ်တော့မည်ဖြစ်သည်။

ရီဖန်သည် ပိုင်ဇယ်၏အောင်မြင်မှုကို တစ်ပတ်လုံးကြာအောင် မြင်လိုက်ရသည်မှာ ပထမဆုံးအကြိမ်ဖြစ်သည်။ နတ်အသွင်ပြောင်းခြင်းအဆင့်၏ ရောင်ဝါသည် ပိုင်ဇယ်ထံမှ ထွက်ပေါ်လာသည်။ ပိုင်ဇယ်မတိုင်မီ နတ်အသွင်ပြောင်းလဲခြင်းအဆင့်ကို ဖြတ်ကျော်နိုင်ခဲ့သည့်အတွက် ရီဖန်သည် ဝမ်းသာပါ၏၊ မဟုတ်ပါက သူသည် ပိုင်ဇယ်၏ နှိမ့်ချခြင်းကို ခံနေရဦးမည်။ ရီဖန်သည် ပိုင်ဇယ်အတွက် ကာကွယ်မှုတာဝန်ပြီးသည်နှင့် နောက်ဆုံးတွင်စနစ်မှ ဒုတိယဆုလာဘ်ကို ကြည့်ရှုရန် အချိန်ရခဲ့သည်။

ဆာဂျီနည်းပညာသည် မိသားစုနတ်စွမ်းရည်ဖြစ်ကာ မိသားစုဝင်များသည် မိသားစုမွန်စတားထံမှ စွမ်းအားငှါးယူရန် ဆက်သွယ်ရာ၌ အသုံးပြုနိုင်သည်။ ၎င်း၏စွမ်းအားကို ချေးငှါးခြင်းဖြင့် မိသားစုဝင်များသည် ဆက်နွယ်မွန်းစတား၏ ခွန်အား တစ်စိတ်တစ်ပိုင်းကို ယာယီဆင့်ခေါ်အသုံးပြုနိုင်မည်ဖြစ်သည်။

ဆာဂျီနည်းပညာသည် ဦးရီးတော်ကိုးပါး နတ်ဘုရားဆင့်ခေါ်ခြင်းနည်းပညာနှင့် အနည်းငယ် ဆင်တူသည်။ သို့ရာတွင် တစ်ဦးသည် ကောင်းကင်ဘုံ၏နတ်ဘုရားများကို ဖိတ်ခေါ်ကာ အခြားတစ်ဦးသည် မိသားစု၏ဆက်နွယ်မွန်းစတားကို ဆင့်ခေါ်ခြင်းဖြစ်သည်။

သို့သော် ဤမိသားစုမှ ဤမိသားစု၏ဆက်နွယ်မွန်းစတားမှာ ပိုင်ဇယ်ကိုရည်ညွှန်းပါသလော။ ပိုင်ဇယ်၏ ပျင်းရိသောအသွင်အပြင်ကိုကြည့်ပြီးနောက် ရီဖန်သည် သံသယဝင်လာသည်။ မိသားစုဝင်များ ပိုင်ဇယ်ကို ဆင့်ခေါ်သည့်အခါ ပိုင်ဇယ်သည် အိပ်ချင်သောကြောင့် ရောက်လာမည့်ပုံမမြင်ချေ။

ပိုင်ဇယ်ကို ဤကဲ့သို့ ဆက်အိပ်နေရန် ခွင့်မပြုနိုင်တော့ပေ။ ရီဖန်သည် ဆာဂျီနည်းပညာမှ ဆာဂျီအမှတ်အသားကိုရယူခြင်းနည်းလမ်းကို ဖတ်ရှုပြီးနောက်တွင် ရက်စက်သောအပြုံးတစ်ခု ရုတ်တရက်ပေါ်လာသည်။

ပိုင်ဇယ်သည် ရုတ်တရက်ထခုန်ကာ မိသားစုမွန်းစတားဖြစ်သူကို အန္တရာယ်ပြုလိုသော လူဆိုးများရှိနေကြောင်း သတိပြုမိသည့်အတွက် သူ့ပတ်ဝန်းကျင်ကို သတိထားကြည့်လိုက်သည်။

…………