အခန်း ၁၁၂-၁၁၄

အခန်း ၁၁၂ - တစ်ခါလောက်စမ်းကြည့်ပြီးနောက် ပျောက်သွားရှာပြီ

ရီဖန်၏ နှုတ်ခမ်းထောင့်ရှိအပြုံးကို မြင်လိုက်ရသည့် ပိုင်ဇယ်သည် ချက်ချင်းပင် သူ့တစ်ကိုယ်လုံး အေးခဲသွားသည်။ “အခု ငါ့ရဲ့ဆဋ္ဌမမြောက်သခင်ကြီးက ဘာလုပ်ဖို့ ကြံစည်နေတာပါလိမ့်နော်”

ရီဖန်သည် ပိုင်ဇယ်ထံသို့ ချဉ်းကပ်ကာ မနာလိုစွာ ရယ်မောလျက် ဆာဂျီနည်းပညာကို ကျောက်စိမ်းပြားပေါ်တွင် ရေးထိုးခဲ့သည်။

"ပိုင်ဇယ်ရေ၊ အခု မင်းမိသားစုအတွက် ပါဝင်အားဖြည့်ဖို့ အချိန်ရောက်ပြီကွ"

စည်းတံဆိပ်ရိုက်နှိပ်ခြင်းသည် အချိန်တစ်လမျှလိုအပ်ကာ ရီမိသားစုတစ်ခုလုံး တံဆိပ်ရိုက်နှိပ်ထားပါက အနည်းဆုံး နှစ်ပေါင်းများစွာ ကြာလိမ့်မယ်ဖြစ်သည်။ ပိုင်ဇယ်သည် နှစ်အတော်ကြာအောင် နိုးနေရမည်ကို တွေးမိသောအခါ ရီဖန်သည် ကျေနပ်သွားသလို ခံစားလိုက်ရသည်။

အနာဂတ်တွင် ပိုင်ဇယ်လေးလည်း ကံကောင်းခြင်းများကို ခံစားရန် လက်လွတ်ခံချင်မည်မဟုတ်ပေလော။ ပိုင်ဇယ် ကြေကွဲနေမည်ကို ရီဖန်မသိ၊ ရီဖန်သိသည်မှာ သူအလွန်ပျော်နေသည်ကိုပင်။ ယနေ့သည် တောက်ပသည့် နေရောင်ခြည်ဖြာကျနေသော နေ့တစ်နေ့ဖြစ်၏။

ရီဖန် အဆင့်ဖြတ်ကျော်သွားပြီးနောက် ရီမိသားစု၏ အခြားသူများလည်း တိုးတက်လာသည်။ သင့်လျော်သော အရင်းအမြစ်များသည်သာ ရှားပါးလာသည်။ သို့သော်လည်း ရီဖန်သည် မကြာမီတွင် ဧကရာဇ်ရှီထျန်းထံမှ ပေးပို့သော သတင်းကိုရရှိခဲ့သည်။ ကြယ်တစ်သောင်းလျှို့ဝှက်နယ်မြေကို ဖွင့်တော့မည်ဖြစ်သည်။

ကြယ်တစ်သောင်းလျှို့ဝှက်နယ်မြေသည် ကြယ်တစ်သောင်းကျွန်း၏ အမြင့်ဆုံးအဆင့်လျှို့ဝှက်နယ်မြေဖြစ်သည်။ ကြယ်တစ်သောင်းကျွန်းကို ကြယ်တစ်သောင်းလျှို့ဝှက်နယ်မြေ၏ ပိုင်ရှင်များက ဖန်တီးခဲ့သည်ဟူ၍ပင် ကောလဟာလများ ထွက်နေခဲ့သည်။

ကြယ်တစ်သောင်းကျွန်းသည် ပြီးပြည့်စုံသော တိုက်ကြီးဖြစ်ခဲ့ဖူးသည်ဟု ကောလဟာလများ ထွက်ပေါ်နေကာ နောက်ပိုင်းတွင် ၎င်း၏ပိုင်ရှင်သည် အခြားသူများနှင့် တိုက်ခိုက်ခဲ့ပြီးနောက် ဤတိုက်ကြီးကို တာအိုနယ်မြေများအဖြစ် ခွဲထုတ်ကာ ကြယ်တစ်သောင်းကျွန်းကို ဖြစ်တည်လာစေခဲ့သည်။

ကောလဟာလသည် ရှေးကျလွန်းသဖြင့် အတည်ပြုရန် မဖြစ်နိုင်ပေ။

မည်သို့ပင်ဆိုစေကာမူ ကြယ်တစ်သောင်းလျှို့ဝှက်နယ်မြေ၏ တည်ရှိမှုသည် လက်တွေ့ဖြစ်သည်။ မူလက ရီဖန်သည် လျှို့ဝှက်နယ်မြေများကဲ့သို့ ကံကောင်းသောအခွင့်အရေးမျာနှင့်ပက်သက်သည့် အတွေးကိုအလွန်ခံနိုင်ရည်ရှိခဲ့သည်။ သို့သော် ကြယ်တစ်သောင်းကျွန်းသည် ငယ်ရွယ်သောကျင့်ကြံသူများကို စမ်းသပ်ရန် စစ်မြေပြင်ဖြစ်ကြောင်း သူသိလိုက်သည့်အခိုက်တွင် သက်ပြင်းတစ်ချက်ချလိုက်သည်။

မိသားစုဝင်များ၏ကံကြမ္မာများနှင့်ပက်သက်၍ သူသည်မည်သူ့ကိုမျှ မကြောက်ပေ။ ရီဖန် ကိုယ်တိုင်ကိုယ်ကျပါဝင်ရန် လိုအပ်သော အခွင့်အရေးမဟုတ်သရွေ့ ၎င်းသည် အခွင့်အရေးကောင်းဟု ယူဆပါသည်။

ကြယ်တစ်သောင်းလျှို့ဝှက်နယ်မြေတွင် အထပ်တစ်ရာမြင့်သော ကောင်းကင်ယံမျှော်စင်တစ်ခုရှိသည်။

ကျင့်ကြံသူများသည်ကောင်းကင်ယံမျှော်စင်ကိုဖြတ်၍ မြင့်မားသောအထပ်များဆီသို့ အဆက်မပြတ်တက်ရန် လိုအပ်သည်။ အထပ်မြင့်လေ ဆုလာဘ်များမှာပိုကောင်းလေဖြစ်သည်။

ယခင်ဖြစ်ရပ်များတွင် ပဉ္စမအဆင့် နတ်ဘုရားအသွင်ပြောင်းခြင်းဆေးလုံးကိုရရှိထားသော ကျင့်ကြံရေးသမားများရှိခဲ့ကာ ၎င်းတို့သည် တစ်ရှိန်ထိုးဖြင့် နတ်အသွင်ပြောင်းလဲခြင်းအဆင့်သို့ ဖြတ်ကျော်နိုင်ခဲ့သည်။ ပဉ္စမအဆင့် အင်မော်တယ်လက်နက်များ၊ ကောင်းကင်နှင့်မြေကြီးမှ ရတနာများ စသည်တို့လည်း ရှိခဲ့သည်။ အတိုချုပ်ပြောရလျှင် ၎င်းသည် အလွန်ထိုက်တန်သည်။

မျှော်စင်ကိုမဖြတ်နိုင်လျှင်ပင် ဒဏ်ရာမျှသာရနိုင်ကာ သေခြင်းတရားနှင့်ရင်ဆိုင်ရန်မရှိသည့်အတွက် ကြယ်တစ်သောင်းလျှို့ဝှက်နယ်မြေကို အင်အားစုအားလုံးက နှစ်သက်ကြသည်။ ရီဖန်သည် ရီမိသားစု၏အဖွဲ့ဝင်များကို ချက်ချင်းစုစည်းကာ ဤကြယ်တစ်သောင်းလျှို့ဝှက်နယ်မြေကို သွားကြိတ်ရန် ဆုံးဖြတ်လိုက်သည်။

ရီမိသားစုတွင် ယခုအချိန်၌ ကျွမ်းကျင်ပညာရှင်အနည်းငယ်ရှိနေပြီဖြစ်ကာ ၎င်းတို့သည် နှစ် ရာချီမျှသာရှိသေးရာ ၎င်းတို့အားလုံးကို လူငယ်ကျင့်ကြံသူများအဖြစ် သတ်မှတ်နိုင်သည်။ ထိုအချိန်တွင် ရီဖန်သည် သူ့အသက်သည်လည်း နှစ် ရာချီရှိနေသည့်အကြောင်းကို မေ့သွားခဲ့သည်။

သုံးလအကြာတွင် ရီဖန်သည် ကြယ်တစ်သောင်းလျှို့ဝှက်နယ်မြေကို ပထမဆုံးအကြိမ်အဖြစ်မြင်ဖူးကာ သူနှင့်မတွေ့ဖူးသော အခြားနတ်အသွင်ပြောင်းခြင်းအဆင့် ကျင့်ကြံသူများကို ပထမဆုံးအကြိမ်တွေ့ရှိခဲ့သည်။ မြောက်ဘက်နယ်မြေ၏ ကြီးမြတ်သော မင်းဆက်နှစ်ဆက်ပင်လျှင် ကြယ်တစ်သောင်းကျွန်းလျှို့ဝှက်နယ်မြေတွင်ပါဝင်ရန် လူငယ်ကျင့်ကြံသူများကို စေလွှတ်ခဲ့သည်။

ဤတစ်ကြိမ်တွင် ရီဖန်သည် လျှို့ဝှက်နဂါးစာရင်းထဲရှိ ငယ်ရွယ်သည့် အရည်အချင်းရှိသူများကို တရားဝင်တွေ့လိုက်ပါပြီဖြစ်ရာ အထူးရုပ်ပိုင်းဆိုင်ရာနှင့် သွေးမျိုးဆက်စွမ်းအားများသည် ရုတ်တရက် ရှားပါးပုံမပေါ်တော့ချေ။ လျှို့ဝှက်နဂါးစာရင်းထဲကိုဝင်နိုင်ရန် လူတိုင်းတွင် ကိုယ်ပိုင်အားသာချက်များ ရှိကြသည်။ နတ်ကိုယ်ထည်နှင့် သွေးမျိုးဆက်ရှိသည့် လူအရေအတွက်သည်လည်း မနည်းပေ။

"မိတ်ဆွေချန်ရီ၊ ငါ့ရဲ့ ဂျူနီယာ သစ်သားနဂါးလေ"

လျှို့ဝှက်နဂါးစာရင်းတွင် ပထမအဆင့်ဖြစ်သူ သစ်သားနဂါးသည် အလယ်အလတ်အဆင့် အခြေတည်ဝိညာဉ်အဆင့်၏ကျင့်ကြံသူဖြစ်ကာ သစ်သားဝိညာဉ်ကိုယ်ထည်ကို ပိုင်ဆိုင်ထားသူဖြစ်သည်။ အသက်တစ်ရာမပြည့်သေးဘဲ အခြေတည်ဝိဥာဉ်အဆင့်ကို ဖြတ်ကျော်နိုင်ခဲ့သည့် သစ်သားနဂါးသည် ပါရမီရှင်တစ်ယောက်အဖြစ် အမှန်တကယ်ရှိနေသည်။ သစ်သားနဂါးမှလွဲ၍ အခြားဒုတိယအဆင့် လီတောက်ထျန်း၊ တတိယအဆင့် အို့ရန်ပါ့နှင့် အခြားသူများသည်လည်း နတ်သော အရည်အချင်းများရှိကြသည်။

ရီဖန်သည်လည်း အမြုတေဖွဲ့စည်းခြင်း အထွတ်အထိပ်အဆင့်ရှိ ရီကျင်းစန်ဘက်သို့ လှည့်လိုက်သည်။

‘ကောင်းပြီ၊ မင်းလည်း အမြုတေဖွဲ့စည်းခြင်းအဆင့် နဲ့တူသားပဲ’ ရီကျင်းစန်နှင့် ကျန်သူများသည်လည်း ခြွင်းချက်မရှိဘဲ အခြေတည်ဝိညာဉ်အစောပိုင်းအဆင့် ဖြစ်သည်။ ရီဖန်သည်ပင်လျှင် အခြေတည်ဝိညာဉ် အထွတ်အထိပ်အဆင့်တစ်ခုမျှသာရှိသည်။

ဧကရာဇ်ရှီထျန်းမှာ ရီဖန်သည် အခြေတည်ဝိညာဉ်အဆင့် အထွက်အထိပ်ကို ပြသခဲ့သည်ကို သတိပြုမိသောအခါ စိတ်ဝင်စားဖွယ်ကောင်းသည်ဟုခံစားလိုက်ရသည်။ ဤကာလအတွင်း ရှီထျန်းသည် ရီမိသားစုနှင့်ပက်သက်၍ နားလည်မှုအချို့ရရှိခဲ့သည်။

နောက်ဆုံးအကြိမ်က သူသည်အခြေတည်ဝိညာဉ် အဆင့်၏နောက်ပိုင်းအဆင့်တွင်ရှိခဲ့ကာ ယခုအခါတွင် အထွတ်အထိပ်သို့ရောက်ရှိခဲ့သည်။ ရှီထျန်းသည် ရီဖန်၏ ကျင့်ကြံရေးအဆင့်အမှန်ကို မမြင်နိုင်သေးသော်လည်း၊ သူသည် ပိုမိုရှင်းလင်းသော အရိပ်အမြွက်ကို ရရှိနေသည်။ ရီမိသားစုသည် ဖုံးကွယ်တတ်သော သဘာဝရှိ၏။

ကြယ်တစ်သောင်းလျှို့ဝှက်နယ်မြေသည် ကြယ်တစ်သောင်းကျွန်းရှိ ကတုတ်ကျင်းတစ်ခုအတွင်းရှိသည်။ အပျက်အစီးများ၏ တံခါးကိုဝင်လိုက်သည်နှင့် ရီဖန်သည် မငြိမ်မသက်ဖြစ်နေသည့် အရိပ်အယောင်ကို ခံစားလိုက်ရသည်။ သူသည် ဤကဲ့သို့သော ရောင်ဝါမျိုးကို တစ်ခါမျှ မခံစားဖူးဘဲ သူ့အတွင်း၌ အလိုလိုရွံရှာလာခဲ့သည်။ ရီဖန်သည် အသက်ပြင်းပြင်းရှူလိုက်ကာ ကြယ်တစ်သောင်းလျှို့ဝှက်နယ်မြေကို စိုက်ကြည့်လိုက်သည်။ လျှို့ဝှက်နယ်မြေသည် တက်ကြွဖွယ်လက္ခဏာမရှိဘဲ တိတ်ဆိတ်နေခဲ့သည်။

ရောက်ရှိလာသော လူသားမျိုးနွယ်စုမှ ကျင့်ကြံသူများမှလွဲ၍ အခြားသက်ရှိသတ္တဝါများ မတွေ့ရဘဲ လျှို့ဝှက်နယ်မြေတစ်ခုကဲ့သို့ လုံးဝမထင်ခဲ့ရချေ။ ရီဖန်၏ စိတ်ရှုပ်ထွေးမှုကို ခံစားသိရှိသော ဧကရာဇ်ရှီထျန်းသည်

“ကြယ်တစ်သောင်းလျှို့ဝှက်နယ်မြေက နှစ်ပေါင်းတစ်သောင်းကျော်ကြာခဲ့ပြီ၊ သိပ်ပြီးပုံမပေါ်ပေမယ့် အတွင်းမှာတော့ အန္တရာယ်မရှိပါဘူး။”

ရီဖန် နှုတ်ဆိတ်နေခဲ့သည်။ အန္တရာယ်မရှိခြင်းသည် တစ်ခါတစ်ရံတွင် အကြီးမားဆုံးသောအန္တရာယ်ကို ဖြစ်ပေါ်စေသည်။ ရှေးဟောင်းကောင်းကင်ယံမျှော်စင်ကြီးသည် အပြင်ဘက်တွင် တည်ရှိနေသည်။ ကောင်းကင်ယံမျှော်စင်ကို ဖွင့်လိုက်သောအခါ စတီးလ်သည် ဝင်ရောက်လာသော ကျင့်ကြံသူများ၏အချက်အလက်ကို ပြသမည်ဖြစ်သည်။ ၎င်းတို့၏ စွမ်းရည်များကိုပင် ထုတ်ဖော်ပြသနိုင်ပါလိမ့်မည်။

သုံးရက်အကြာတွင် တိုးညင်းသောအသံနှင့်အတူ ကောင်းကင်ယံမျှော်စင်၏ တံခါးများပွင့်လာသည်။ ကျင့်ကြံသူအများအပြားသည် နောက်သို့မကြည့်ဘဲ ရှေ့သို့ အလျင်အမြန်ပြေးကာ ကောင်းကင်ယံမျှော်စင်ထဲသို့ ဝင်သွားကြသည်။ ကောင်းကင်ယံမျှော်စင်အတွင်းတွင် လူတိုင်း၏ စမ်းသပ်မှုသည် ထူးခြားကာ တစ်ဦးချင်းစီအတွက် သီးခြားနေရာတစ်ခုစီ ပြုလုပ်ထားသောကြောင့် ၎င်းတို့သည် လမ်းတွင်ဆုံမည်မဟုတ်ချေ၊ များမကြာမီတွင် သတင်းအချက်အလတ်များကို စတီးလ်ပေါ်တွင် တင်ပြခဲ့သည်။

ပထမအဆင့်မှာ သစ်သားနဂါးဖြစ်သည်။

ပထမအဆင့် - သစ်သားနဂါး၊ ပထမအဆင့်သစ်သား ဝိညာဉ်ရေးအမြစ်၊ သစ်သားဝိညာဉ်ကိုယ်ထည်၊ အလယ်အလတ် အခြေတည်ဝိညာဉ်အဆင့် ပထမအဆင့်၊ လက်ရှိရမှတ် ၁၉၈၄

ဒုတိယအဆင့် - အို့ရန်ပါ့၊ ပထမအဆင့်ရွှေဝိညာဉ်ရေးအမြစ်၊ ရွှေကိုယ်ထည်၊ အလယ်အလတ် အခြေတည်ဝိညာဉ်အဆင့် ပထမအဆင့်၊ လက်ရှိရမှတ်၊ ၁၉၇၄

တတိယအဆင့်……

စွမ်းရည်၊ ကိုယ်ထည် စသည်ဖြင့် အရာအားလုံးသည် ထုတ်ဖော်ခံရသည်။

သစ်သားနဂါး၏ရလဒ်များကိုကြည့်ရင်း ဧကရာဇ်ရှီထျန်း ၏မျက်နှာပေါ်တွင် ရွှင်လန်းသောအပြုံးတစ်ခုပေါ်လာသည်။ ဤအခိုက်အတန့်တွင် ရီမိသားစု၏အဖွဲ့ဝင်များသည် ကောင်းကင်ယံမျှော်စင်သို့ ဝင်ရောက်လာကြသည်။

ရီမိသားစုအဖွဲ့ဝင်များဝင်ရောက်လာသည်နှင့်အမျှ စတီးလ်တွင်ပြသထားသော အဆင့်သည် ရုတ်တရက်ပြောင်းလဲသွားသည်။

ပထမအဆင့် - ရီကျင်းစန်

မြေကမ္ဘာအဆင့် သစ်သားဝိညာဉ်ရေးအမြစ်၊ ထာဝရသစ်သားဝိညာဉ်ကိုယ်ထည်၊ အလယ်အလတ် အခြေတည်ဝိညာဉ်အဆင့် ပထမအဆင့်၊ လက်ရှိရမှတ်၊ ၂၃၃၀

ဒုတိယအဆင့် - ရီကျင်းချုံ၊ ပထမအဆင့် သစ်သား ဝိညာဉ်ရေးအမြစ်၊ လူရိုင်းကိုယ်ထည်၊ နှောင်းပိုင်းအခြေတည်ဝိညာဉ်အဆင့်…

တတိယအဆင့် - ရီကျင်းဟိုင်...

စတုတ္ထအဆင့် - ရီကျင်းထျန်...

ပထမအဆင့်တွင်ရှိနေခဲ့သော သစ်သားနဂါးသည် ချက်ချင်းပင် ပဉ္စမနေရာသို့တွန်းချခံခဲ့ရကာ ကြီးမားသောအင်အားစုအားလုံးသည်လည်း ရုတ်ရုတ်သဲသဲ ဖြစ်ခဲ့ရသည်။

မြေကမ္ဘာဝိညာဉ်ရေးအမြစ်ဟူသော စာလုံးသုံးလုံးသည် အထူးတလည်ပင် ထင်ထင်ရှားရှားရှိနေခဲ့သည်။ တော်တော်များများသည် မျက်စိကို ပွတ်သပ်ကာ အမြင်မှားသည်ဟုတ်မဟုတ် အတည်ပြုရန် ကြိုးစားနေကြရှာသည်။ သို့သော် နောက်ဆုံးတွင် ၎င်းသည်အိပ်မက်မဟုတ်ကြောင်း အတည်ပြုနိုင်ခဲ့ကြ၏။ အမှန်ပင် ၎င်းတို့ထဲတွင် ကြယ်တစ်သောင်းနယ်မြေတွင် ကမ္ဘာမြေဝိညာဉ်ရေးအမြစ်ရှိနေခဲ့သည်။

ရီဖန်ထံတွင် ၎င်းတို့၏ဂျူနီယာများကို ဂုဏ်ယူဝင့်ကြွားနေသည့် နတ်ဘုရားအသွင်ပြောင်းခြင်းအဆင့် ဧကရာဇ်များသည် ကမောက်ကမပြုံးလျက်ရှိသည်။ ဧကရာဇ်ရှီထျန်းပင်လျှင် အနည်းငယ် စိတ်တိုနေပုံရသည်။

သို့သော် ပထမနေရာသည် ဂုဏ်သိက္ခာကြီးသကဲ့သို့ပင် ၎င်းတို့၏ အရည်အချင်းများသည်လည်း ပထမနေရာတွင်ရှိပုံရသည်။ “ဧကရာဇ်ချန်ရီရေ၊ မင်းက ငါတို့ကို အရူးလုပ်နေတာလား။ မင်းမိသားစုမှာ မြေကမ္ဘာဝိညာဉ်ရေးအမြစ်ရှိတယ်ဆိုတာ ငါတို့သိခဲ့ရင် ငါတို့ထဲက ဘယ်သူက မင်းကိုဝါကြွားဝံ့မှာလဲကွာ"

ရီကျင်းစန်၏ဝိညာဉ်ရေးမြစ်ကြောင့် ထိတ်လန့်တုန်လှုပ်သွားကာ၊ ဘဝ၏ဘေးဆိုးများကိုကြုံတွေ့ခဲ့ရသော ဧကရာဇ်များသည် မကြာမီတွင် စိတ်တည်ငြိမ်မှုပြန်လည်ရရှိလာသည်။ သို့သော် ရီဖန်ကိုကြည့်သည့် အကြည့်တွင် မနာလိုသည့်အရိပ်အယောင်များ ရှိနေသည်။

ရီဖန်သည် ငါးစာမဟပ်ဘဲ "ကောင်းကင်ယံမျှော်စင်ရဲ့ အသက်ကန့်သတ်ချက်တွေကို ငါအရမ်းသိချင်တာပဲ"

ဟုပြောလိုက်သည်။

ဧကရာဇ်ရှီထျန်းက “တိကျတဲ့အသက်ကန့်သတ်ချက်ရှိပုံမပေါ်ပါဘူး။ ဧကရာဇ်ချန်ရီ အဲတာကို စမ်းကြည့်ဖို့ လုံလောက်အောင် ငယ်ရွယ်ပုံပါပဲ၊ ဝင်သွားရင် စံချိန်ချိုးသွားနိုင်လောက်တယ်”

‘အသက်ကန့်သတ်ချက် မရှိဘူးလား?’

ရီဖန် စိတ်ဝင်တစားရှိလာသည်။ သူစမ်းကြည့်သင့်သလော။

……………..

အခန်း ၁၁၃ - မင်းဘာလို့ ငါ့ကို မရွေးတာလဲ (၁/၅)

ရီဖန်သည် မည်သည့်အန္တရာယ်မှရှိပုံမရသည့်အတွက် စမ်းကြည့်ရန် အန္တရာယ်မရှိဟူ၍ ထင်လိုက်သည်။ တွေးတောဆင်ခြင်ရင်းဖြင့် သူသည် ကောင်းကင်ယံမျှော်စင်၏အဝင်ဝသို့ ရောက်ရှိသွား၏။ သူသည် ဝင်ပေါက်ဆီသို့ ဖြည်းညှင်းစွာ ချဉ်းကပ်လာကာ နောက်အခိုက်အတန့်တွင် ရီဖန်သည် ကောင်းကင်ယံမျှော်စင်အတွင်း၌ မိမိကိုယ်ကို တွေ့ရှိခဲ့သည်။ သူသည်လည်း ငယ်ရွယ်သော ကျင့်ကြံသူတစ်ဦးဖြစ်သလော။

ရီဖန်သည် အသက်တစ်ရာကျော်တွင် လူငယ်ကျင့်ကြံသူအဖြစ် သတ်မှတ်ခံရသည်ကို မေ့သွားခဲ့သည်။ ရီဖန်သည် တုန်လှုပ်သွားရုံသာမက အပြင်မှာစောင့်နေသည့် ကျင့်ကြံသူတော်တော်များများသည်လည်း အံ့ဩသွားကြသည်။ အရွက်တစ်ထောင်မြို့၏ အကြီးအကဲသည် ကောင်းကင်ယံမျှော်စင်သို့ မည်သို့ဝင်ရောက်နိုင်ခဲ့သနည်း။

ရှီထျန်းသည် ဟာသပြောလိုက်ခြင်းသာဖြစ်ကာ ၎င်းတို့အားလုံးသည် ကောင်းကင်ယံမျှော်စင်သို့ ဝင်ရောက်ရန် ကြိုးစားခဲ့သော်လည်း မအောင်မြင်ခဲ့ပေ။ ရီဖန်သည် မျှော်စင်ထဲသို့ မည်သို့ဝင်နိုင်သည်ကို စိတ်ကူးမယဉ်နိုင်ခဲ့ကြချေ။ ရှီထျန်းတံတွေးမျိုချလိုက်ကာ တုန်လှုပ်ချောက်ချားစွာ မေးလိုက်သည်

“အရွက်တစ်ထောင်မြို့၏ အကြီးအကဲက အသက်ဘယ်လောက်ရှိပြီလဲ သိလား”

အရှေ့နယ်မြေမှ အခြေတည်ဝိဉာဉ်အဆင့် ကျင့်ကြံသူတစ်ဦးက အားနည်းစွာတုံ့ပြန်ခဲ့သည် “လွန်ခဲ့တဲ့ အနှစ်လေးဆယ်လောက်က အရွက်တစ်ထောင်မြို့ အကြီးအကဲရဲ့ အနှစ်တစ်ရာပြည့် မွေးနေ့ပွဲကို တက်ခဲ့ဖူးတယ်ထင်တယ်”

‘ဘာ?’

အံ့အားသင့်ကာ စိတ်ရှုပ်ထွေးနေသော အာမေဋိတ်သံများသည် ကျင့်ကြံသူများ၏ ပါးစပ်မှ ထွက်ပေါ်လာသည်။ အနှစ်တစ်ရာပြည့်မွေးနေ့ပွဲသည် လွန်ခဲ့သောနှစ်ပေါင်းလေးဆယ်ကျော်ကဆိုလျှင် အရွက်တစ်ထောင်မြို့၏ အကြီးအကဲအသက်သည် တစ်ရာ့ငါးဆယ်ထက်နည်းသည်မဟုတ်လော။

အသက်တစ်ရာ့ငါးဆယ်အောက်သာရှိသော နတ်အသွင်ပြောင်းလဲခြင်းအဆင့်ကျင့်ကြံသူတစ်ဦး၊ ၎င်းတို့အနက်မှ နတ်အသွင်ပြောင်းခြင်းအဆင့်သို့ အမြန်ဆုံးဖြတ်ကျော်နိုင်သည့်သူများသည် ၎င်းတို့၏ သက်တမ်းမှာအနှစ်တစ်ထောင်နီးပါး ဖြစ်နေပြီဖြစ်သည်။

အခြေတည်ဝိညာဉ်အဆင့်ကျင့်ကြံသူများသည် အသက်တစ်ရာကျော်မျှသာ ရှိကောင်းရှိနိုင်သော်လည်း၊ နတ်အသွင်ပြောင်းခြင်းအဆင့်ကျင့်ကြံသူများသည် ၎င်းတို့၏သက်တမ်းတွင် အရင်းအမြစ်များ စုဆောင်းရသေးသည်။ နတ်အသွင်ပြောင်းခြင်းအဆင့်ကို မည်သို့များ ပြီးမြောက်နိုင်မည်နည်း။ အားလုံးသည် ကောင်းကင်ယံမျှော်စင်အဝင်ဝရှိ စတိတ်စင်ကို ငေးကြည့်ကာ ရီဖန်ထံတွင်မည်သို့သော အလားအလာမျိုး ပိုင်ဆိုင်ထားသည်ကို သိလိုကြသည်။

ကောင်းကင်ယံမျှော်စင်အတွင်းတွင် ရီဖန်သည် အပျက်အစီးများအတွင်းမှ သူ့ကိုစူးစူးစိုက်စိုက်ကြည့်ကာ စစ်ဆေးနေသည်ကို ခံစားလိုက်ရသည်။ ကောင်းကင်ယံမျှော်စင်အတွင်း၌ အခြားသော အာရုံခံသတ္တဝါများ ရှိပါသလော။ ရီဖန်သည် အတွေးကြောင့် တုန်လှုပ်သွားကာ ရှီထျန်းကိုသာ ကျိန်ဆဲမိသည်။ ရီထျန်း၏အမှားသာဖြစ်၏၊ သူအဘယ်ကြောင့် သူ့ကို စမ်းကြည့်ခိုင်းခဲ့သနည်း။ သူ့ပါးစပ်မှ ကျိန်ဆဲသံများ ထွက်ပေါ်လာတော့သည်။

"ကဲ တစ်ခုခုဖြစ်နေပြီ၊ အခုဘာလုပ်ကြမလဲ"

ရီဖန်သည် ကောင်းကင်ယံမျှော်စင်တွင် စမ်းသပ်မှုသည် ရိုးရှင်းသောကိစ္စမဟုတ်ကြောင်း ကြိုတင်သတိပေးချက်တစ်ခုရှိသည်။ ရီဖန်အပေါ်တွင် အလင်းတန်းတစ်ခု လင်းလက်သွားကာ ရီဖန်သည် သူ့တစ်ကိုယ်လုံး ဖြူစင်သွားသည်ဟုပင် ခံစားလိုက်ရသည်။ သူ့ကို စောင့်ကြည့်နေသည့် တည်ရှိမှုသည် အလွန်မြင့်မားသည့် အဆင့်တွင်ရှိနေသည်။

သူ၏ ကောင်းကင်ဘုံလှည့်ဖျားခြင်းနှင့် ပင်လယ်ကိုဖြတ်ကျော်ခြင်းနည်းစနစ်ပင်လျှင် သူ့ကို ဤသတ္တဝါ၏မျက်လုံးများထံမှ ဖုံးကွယ်ထားနိုင်မည်မဟုတ်ပေ။ ထို့နောက် ကောင်းကင်ယံမျှော်စင်အပြင်ဘက်တွင် စတီးလ်ပေါ်ရှိ စကားလုံးများ ပြောင်းလဲသွားပြန်သည်။ စကားလုံးအသစ်များ ပေါ်လာပြီးနောက် ထိပ်တန်းအဆင့်ကို ရယူခဲ့သည်။

ပထမနေရာ- ရီဖန်၊

မြေကမ္ဘာဝိညာဉ်ရေးအမြစ် အဆင့်နိမ့်၊ အဇူရာနဂါးသွေးမျိုးဆက်၊ အစောပိုင်းနတ်ဘုရားအသွင်‌ေပြာင်းခြင်းအဆင့် ပထမအဆင့်၊ လက်ရှိရမှတ်- ၆၆၆၆ မှတ်။

ရီဖန်၏ ရမှတ်များမှာ မေးရိုးပြုတ်ကျသွားမတတ်ပင်။ နောက်ထပ် မြေကမ္ဘာဝိညာဉ်ရေးအမြစ်နှင့် ဒဏ္ဍာရီလာ အဇူရာနဂါးသွေးမျိုးဆက်ပင် ပါလိုက်သေးသည်။ မြေကမ္ဘာဝိညာဉ်ရေးအမြစ်ပိုင်ရှင်နှစ်ဦး တစ်နေ့တည်းတွင် ပေါ်ထွန်းလာခြင်းက လူတိုင်းကို အတန်ငယ် ထုံကျင်စေခဲ့သည်။

‘အေး ဟုတ်ပြီ ဟုတ်ပြီ၊ မင်းတို့အားလုံးက အရည်အချင်းရှိပြီးတော့၊ ငါကပဲ အမှိုက်ဟေ့’

ကောင်းကင်ယံမျှော်စင်တစ်ခုလုံးသည် တခဏကြာ တိတ်ဆိတ်သွားသည်။ တိတ်ဆိတ်မှုသည် နေ့တစ်နေ့၏အရောင်ဖြစ်သည်။ အဆုံးတွင် ရီဖန်၏ရှေ့တွင် ကျင့်ကြံသူတစ်ဦးပေါ်လာသည်။ ၎င်းကျင့်ကြံသူ၏အဆင့်သည် ချီစွမ်းအားသန့်စင်ရေးနယ်ပယ်တွင်သာဖြစ်သည်။ သူသည် ရီဖန်ကို သူ၏မန္တန်များဖြင့် တွန်းလှန်ရန် ပြင်းပြင်းထန်ထန် ကြိုးစားနေ၏။

ရိုးသားစွာဆိုရလျှင် ရီဖန်သည် ဤစမ်းသပ်မှုတွင် ပါဝင်ရန် စိတ်မ၀င်စားဘဲ ထွက်သွားချင်ခဲ့သည်။ သို့သော် ရယ်စရာကောင်းသည်မှာ ရီဖန်သည် ၎င်း၏ ရတနာအ၀တ်အစားများကို ချွတ်ကာ ခုခံမှုအားလုံးကို စွန့်လွှတ်လိုက်လျှင်ပင် ချီစွမ်းအားသန့်စင်ရေးနယ်ပယ်မှ ကျင့်ကြံသူသည် သူ့အပေါ် မည်သည့်ထိခိုက်မှုမျှ မပြုလုပ်နိုင်ခဲ့ပေ။

နောက်ဆုံးတွင် ရီဖန်သည် စိတ်တိုလာကာ ချီစွမ်းအားသန့်စင်ရေးနယ်ပယ်ရှိ ကျင့်ကြံသူကို မှုတ်ထုတ်လိုက်ပြီးနောက် ဒုတိယအထပ်ကို အောင်မြင်စွာ တက်လှမ်းနိုင်ခဲ့သည်။ တတိယ၊ စတုတ္ထ၊ ရီဖန်သည် ဆက်တိုက်တက်သွားခဲ့သည်။

အထပ်ခြောက်ဆယ်မြောက်တွင် အမြုတေဖွဲ့စည်းခြင်းအဆင့်ကျင့်ကြံသူများ ပေါ်လာသည်။ ရီဖန်သည် နောက်ဆုံးတွင် စမ်းသပ်ပွဲမှထွက်လာနိုင်သည်ကို ဝမ်းသာမိသည်။ သို့သော် ရီဖန်သည် ၎င်း၏ခုခံကာကွယ်မှုကို စွန့်လွှတ်ကာ တိုက်ခိုက်ရန်အတွက် အမြုတေဖွဲ့စည်းခြင်းအဆင့်ကျင့်ကြံသူများကို ဖိတ်ခေါ်လိုက်သောအခါတွင် ၎င်းတို့သည် တုန်လှုပ်ချောက်ချားသွားလျက် လက်နက်ချကာ စမ်းသပ်မှုမှ ရပ်စဲလိုက်ကြသည်။

ရီဖန်သည် နောက်တစ်ကြိမ် ထပ်တက်သွားရင်း သူ့နှလုံးသားလေးမှာ နစ်မြုပ်နေသည်။ ကောင်းကင်ယံမျှော်စင်သည် သူ့ကို စိတ်ဝင်စားနေသကဲ့သို့ပင်။ သူ့ကို လွှတ်ထားဖို့ ရည်ရွယ်ချက်ရှိပုံမရချေ။ ရီဖန်သည် နောက်ထပ်အကြိမ်အနည်းငယ် နှုတ်ထွက်ရန် ကြိုးစားခဲ့သည့်တိုင် သူ့၏တိုက်ခိုက်မှုကို စွန့်လွှတ်လိုက်တိုင်း ပြိုင်ဘက်သည် သူ့ကို နောက်တစ်ဆင့်တက်နိုင်အောင် မြှင့်တင်ပေးလိမ့်မည်။

အဆုံးမှာတွင် ရီဖန် တိုက်ခိုက်သည်ဖြစ်စေ မတိုက်ခိုက်သည်ဖြစ်စေ သူ့ပြိုင်ဘက်များသည် လက်နက်ချရန်သာ ရွေးချယ်ကြတော့သည်။

ရီဖန်၏ တိုးတက်မှုနှုန်းသည်လည်း ပိုမိုမြန်ဆန်လာကာ

ကိုးဆယ့်ကိုးထပ်သို့ လျင်မြန်စွာ ရောက်သွားသည်။ ပြင်ပကမ္ဘာရှိ လူများသည် ရီဖန်မှာ ကိုးဆယ့်ကိုးထပ်သို့ တရှိန်ထိုးရောက်ရှိသွားသည်ကို တွေ့လိုက်ရသည်။ အကယ်၍ အရွက်တစ်ထောင်မြို့အကြီးအကဲသည် စမ်းသပ်မှုကို မရှင်းလင်းနိုင်ပါက အခြားမည်သူမျှ မရှင်းနိုင်ချေ။

လူများစွာသည် ကောင်းကင်ယံမျှော်စင်ကို ရှင်းလင်းခြင်းမှ မည်သို့သောဆုလာဘ်မျိုး ရရှိနိုင်မည်ကို တွေးတောလာကြသည်။ မျှော်စင်တည်ရှိခဲ့သော နှစ်တွေတစ်လျှောက်လုံးတွင် ကျင့်ကြံသူများသည်ကိုးဆယ့်တတိယထပ်သို့ မရောက်ခဲ့ဖူးသောကြောင့် မျှော်စင်ကို မည်သည့်အခါကမှ မရှင်းလင်းခဲ့ပေ။

ဤတစ်ကြိမ်တွင် စံချိန်ချိုးသွားသည့် ကျင့်ကြံသူ နှစ်ယောက် ပေါ်လာသည်။ ကိုးဆယ့်ကိုးထပ်တွင် ရီဖန် နှင့် ကိုးဆယ့်ရှစ်ထပ်တွင် ရီကျင်းစန်တို့ ရှိနေကြသည်။

ရီကျင်းစန်သည် သူ၏ကန့်သတ်ချက်သို့ မရောက်သေးပုံရသည်။ ကိုးဆယ့်ကိုးထပ်သည် ကျယ်ပြောလှကာ ဟင်းလင်းပြင်တစ်ခုရှိသည်။

ဆံပင်ဖြူနှင့် အင်မော်တယ်ရောင်ဝါရှိသော သက်ကြီးရွယ်အိုတစ်ဦးသည် ရီဖန်ရှေ့တွင် ထွက်ပေါ်လာသည်။

“လူငယ်ကျင့်ကြံသူရေ၊ ငါက ကောင်းကင်ယံမျှော်စင်ရဲ့ အင်မော်တယ်ပစ္စည်းအစောင့်အရှောက်ဝိညာဉ်ဖြစ်ပြီးတော့ မျှော်စင်ရဲ့သခင်နေရာကို ဆက်ခံမည့်သူဖြစ်လာနိုင်မယ့်အတွက် ဂုဏ်ယူဝမ်းမြောက်မိပါတယ်”

ဟု အကြီးအကဲက ပြောကြားခဲ့သည်။

၎င်းကိုကြားသည့်အခါ ရီဖန်သည်နှာခေါင်းရှုံ့လိုက်သည်။

‘မင်းက အဓိကနေရာလို့ ပြောနေပေမယ့်၊ မင်းက လူသားမဟုတ်ဘူးလို့လည်း ပြောနေသေးတယ်။

ဘယ်အင်မော်တယ်ပစ္စည်းအစောင့်အရှောက်ဝိညာဉ် ကသူ့ကိုယ်သူ အဓိကနေရာလို့ ရည်ညွှန်းမှာလဲ။

ရီဖန်သည် အင်မော်တယ်ပစ္စည်းအစောင့်အရှောက်ဝိညာဉ်ဆိုသူကို မနှောက်ယှက်ဘဲ သူ့ကိုယ်သူပြင်ဆင်ကာ သူဘာလုပ်မည်ကို စောင့်ကြည့်ရန်သာ ဆုံးဖြတ်လိုက်သည်။ ရီဖန်၏ စိတ်တည်ငြိမ်မှုသည် အင်မော်တယ်ပစ္စည်းစောင့်ဝိညာဉ် ၏မျှော်လင့်ချက်ထက် ကျော်လွန်သွားခဲ့သည်။

‘ဘာတွေဖြစ်နေတာလဲ? ကောင်းကင်ယံမျှော်စင် သခင်ရဲ့ ဆက်ခံမည့်သူဖြစ်လာနိုင်ချေအတွက် စိတ်လှုပ်ရှားနေသင့်တယ်လေကွာ’

ကောင်းကင်ယံမျှော်စင်သည် နတ် ရတနာတစ်ခုဖြစ်ကြောင်း ထိုသူမသိသလော။ ဤအခိုက်အတန့်တွင် ကောင်းကင်ယံမျှော်စင်၏ ကိုးဆယ့်ကိုးအဆင့်ထပ်တွင် နောက်ထပ်ရုပ်ပုံပေါ်လာကာ ၎င်းမှာ ရီကျင်းစန်ဖြစ်သည်။

အင်မော်တယ်ပစ္စည်းစောင့်ဝိညာဉ်သည် ရီကျင်းဆန် ကိုမြင်သောအခါ ပို၍ပင် ဝမ်းသာသွားပုံပေါ်သည်။ ကောင်းကင်ယံမျှော်စင်မှ အသိအမှတ်ပြုထားသော အလားအလာရှိသည့် ကျင့်ကြံသူနှစ်ဦးသည် တစ်ပြိုင်နက် ပေါ်လာသည်။

"လူငယ်၊ ဂုဏ်ယူပါတယ်!"

အင်မော်တယ်ပစ္စည်းစောင့်ဝိညာဉ်၏ အသံသည် စိတ်လှုပ်ရှားစွာဖြင့် တုန်ရီသွားသည်

ရီကျင်းစန်သည် ရီဖန်ကိုမြင်သောအခါ ဝမ်းသာအားရဖြစ်ကာ အလေးပြုတော့မည်ဖြစ်သော်လည်း ရီဖန်၏အကြည့်ကြောင့် ရပ်တန့်သွားသည်။ ရီကျင်းစန်သည် အရိပ်အမြွက်ရခဲ့ကာ လျင်မြန်စွာ ပြန်လည်တည်ငြိမ်သွားသည်။

အင်မော်တယ်ပစ္စည်းစောင့်ဝိညာဉ်သည် ဆွံ့အလျက် ကျန်ရစ်ခဲ့ရှာသည်။ ‘နောက်ထပ်တည်ငြိမ်သူတစ်ဦးလာပြန်ပြီလား၊ ဘယ့်နှယ်ဖြစ်တာလဲ’ သို့သော် နှစ်ယောက်စလုံးသည် ကောင်းကင်ယံမျှော်စင်၏ကိုးဆယ့်ကိုးထပ်သို့ ရောက်သွားကြပြီဖြစ်သောကြောင့် အင်မော်တယ်ပစ္စည်းစောင့်ဝိညာဉ်သည် ကျေနပ်သွားပြီဖြစ်သည်။

အင်မော်တယ်ပစ္စည်းစောင့်ဝိညာဉ်သည် ရီကျင်းစန်နှင့် ရီဖန်တို့ကို စူးစမ်းလေ့လာခဲ့သည်။ ၎င်းတို့နှစ်ဦးစလုံး၏ စွမ်းရည်များသည် အလွန်ကောင်းမွန်ကာ ၎င်းတို့နှစ်ဦးစလုံးသည် မြေကမ္ဘာဝိညာဉ်ရေးအမြစ်များ ရှိသည်။ တစ်ဦးတွင် သွေးမျိုးဆက်ရှိကာ နောက်တစ်ဦးတွင် ရုပ်ပိုင်းဆိုင်ရာ အရည်အသွေးပြည့်ဝသော ကိုယ်ထည်ရှိနေသည်။

မည်သူ့ကို ရွေးချယ်သင့်ပါသနည်း။ နောက်ဆုံးတွင် အင်မော်တယ်ပစ္စည်းစောင့်ဝိညာဉ်သည် ရီကျင်းစန်ဆီသို့ တဖြည်းဖြည်းရွေ့လျားလာသည်။

"လူငယ်လေး၊ မင်း ကောင်းကင်ယံမျှော်စင်ရဲ့ အရှင်သခင်နေရာကို ဆက်ခံဖို့ ဆန္ဒရှိလား"

ထိုစကားကိုကြားသည့်အခါ ရီဖန်သည် ချက်ချင်းပင် စိတ်မသက်မသာဖြစ်သွားသည်။

‘ဒါဘာကိုဆိုလိုတာလဲ? ငါအသက်ကြီးနေလို့ ငါ့ကို နှိမ့်ချနေတာလား’

‘ငါတို့နှစ်ယောက်လုံးနီးပါး တူညီတဲ့အလားအလာရှိတယ်၊ ငါ့ရဲ့ ကျင့်ကြံရေးအဆင့်ကလည်းပိုမြင့်နေတယ်၊ ဘာလို့ငါ့ကိုမရွေးရတာလဲဟ’

ရီဖန်သည် အင်မော်တယ်ပစ္စည်းစောင့်ဝိညာဉ်၏ ယုတ်မာသော ရည်ရွယ်ချက်များကို မြင်ထားပြီးသားဖြစ်ရာ ရီကျင်းစန်ကို အန္တရာယ်ဖြစ်စေရန် ခွင့်မပြုလိုချေ။

“ခဏနေပါဦး ငါက ဘာလို့မဟုတ်တာလဲ" ရီဖန်သည် ဒေါသတကြီးဖြင့် မေးလိုက်သည်။

ရီဖန်၏ ဒေါသကို မြင်လိုက်ရသော အင်မော်တယ်ပစ္စည်းစောင့်ဝိညာဉ်သည် တုန်လှုပ်သွားခြင်းမရှိဘဲ ကြည်နူးသွားသည်။ ‘ဒီလိုပဲဖြစ်ရမှာပေါ့’ ‘ငါသိလိုက်ပါပြီ၊ ကြယ်တစ်သောင်းလျှို့ဝှက်နယ်မြေက ကောင်းကင်တမန်သခင်ရဲ့ အမွေဆက်ခံမှုကို ဘယ်သူမှ သွေးဆောင်ခြင်း မခံရဖို့မဖြစ်နိုင်ဘူးလေ’

‘မင်းရဲ့စိတ်ရင်းမှန်ကို အခုပဲ ထုတ်ဖော်လိုက်ပြီကွ’

"ဒီက ကျင့်ကြံသူရေ၊ ဒီလူရဲ့အမွေနဲ့လိုက်ဖက်ညီမှုကို အရင်ဆုံး စမ်းသပ်နေပါတယ်.. မင့်အလှည့်က ပြီးရင်လာမှာပေါ့" ဟု အင်မော်တယ်ပစ္စည်းစောင့်ဝိညာဉ်က ရီကျင်းစန်ဆီသို့ လက်မဆန့်မီ ပြောလိုက်သည်။

………………..

အခန်း ၁၁၄ - ငါ့ကိုရှာနေတာလား? တခြားတစ်ယောက်ကို သွားရှာဖို့ ငါအကြံပေးခဲ့တယ်လေ!

ရီဖန်၏ မျက်လုံးများတွင် အေးစက်သောအလင်းတန်းတချက် တောက်ပလာကာ

“တိုက်!" ဟု အော်ပြောလိုက်သည်။ ထို့နောက် ရီကျင်းစန်နှင့် ရီဖန်တို့သည် အင်မော်တယ်ပစ္စည်းစောင့်ဝိညာဉ်ကို တပြိုင်နက်တည်း တိုက်ခိုက်ကြသည်။

‘အသေးစား နတ်စွမ်းရည်၊ သစ်သားစွမ်းအား’

‘အသေးစား နတ်စွမ်းရည်၊ ကောင်းကင်ယံ မျှော်စင်မြင့်သစ်ပင်များ’

ရီကျင်းစန်သည် ၎င်း၏ အသေးစား နတ်စွမ်းရည်ကို နတ်စွမ်းရည်ပြဇယားမှတစ်ဆင့် ဆုပ်ကိုင်ထားသော်လည်း ယခုအချိန်တွင် ကြိုတင်မှာကြားခြင်းမရှိဘဲ ပျက်သွားခဲ့သည်။ ထိုအချိန်တွင် အင်မော်တယ်ပစ္စည်းစောင့်ဝိညာဉ်သည် ထိုလူနှစ်ယောက် ရုန်းရင်းဆန်ခတ်ဖြစ်နေသည်ကို သဘောပေါက်သွားတယ်။ ၎င်းသည် တခဏချင်း စော်ကားခံရသည်ဟု ခံစားလိုက်ရကာ သူတို့သည် ၎င်းကို အမှန်တကယ် လျစ်လျူရှုထားကြကြောင်းသိသွားသည်။

သူတို့၏ရည်ရွယ်ချက်ကို ထုတ်ဖော်ခဲ့ပြီးဖြစ်၍ အင်မော်တယ်ပစ္စည်းစောင့်ဝိညာဉ်သည်လည်း မဖုံးကွယ်တော့ချေ။ တာအိုအင်မော်တယ်ပုံရိပ်သည် တဖျပ်ဖျပ် ပျောက်ကွယ်သွားကာ အနက်ရောင် နတ်ဆိုးချီစွမ်းအားသည် အင်မော်တယ်ပစ္စည်းစောင့်ဝိညာဉ်၏ ခန္ဓာကိုယ်မှ ဖြာထွက်လာသည်။

နွားဦးခေါင်း၊ လူခန္ဓာကိုယ်နှင့် အနက်ရောင် ဦးချိုနှစ်ချောင်းဖြင့် ထိုသူသည် နတ်ဆိုးမျိုးနွယ်စု ၏အသွင်ပြောင်းခြင်းမဟုတ်ဘဲ တကယ့်နတ်ဆိုးဖြစ်သည်။ အင်မော်တယ်ပစ္စည်းစောင့်ဝိညာဉ်သည် နတ်ဆိုးမျိုးနွယ်စု၏အဖွဲ့ဝင်ဖြစ်သည်။

ဤစကြာဝဠာတွင် ကမ္ဘာသုံးမျိုးရှိသည်- လူ့ကမ္ဘာ၊ တစ္ဆေကမ္ဘာနှင့် နတ်ဆိုးကမ္ဘာဟူ၍ဖြစ်သည်။ ၎င်းတို့သည် တစ်ခုနှင့်တစ်ခု မဆက်သွယ်သော်လည်း ရံဖန်ရံခါ တိုက်မိတတ်သောကြောင့် ကမ္ဘာများကြားတွင် လမ်းကြောင်းအချို့ ဖြစ်ပေါ်လာသည်။

လူသားများနှင့် နတ်ဆိုးများသည် သီးခြားလျှောက်လှမ်းကြသော်လည်း ၎င်းတို့သည် သာမန်ရန်သူများမဟုတ်ပေ။ လူသားများ၊ နတ်ဆိုးမျိုးနွယ်နှင့် တစ္ဆေမျိုးနွယ်တို့သည် စစ်မှန်သော ရန်ဘက်များဖြစ်ကြသည့်အတွက် ကြုံတွေ့လာရပါက သေသည်အထိ အချင်းချင်းတိုက်ခိုက်ကြသည့် အမျိုးအစားများဖြစ်သည်။

ရှေးခေတ်လူသားမျိုးနွယ်စု အားနည်းလာသောအခါတွင် မျိုးနွယ်စုနှစ်ခု၏ အစာအဖြစ် မွေးမြူခံခဲ့ကြရသည်ဟု ကောလဟာလများရှိသည်။ အစွမ်းထက်သောလူသားများသည် နိုးထလာကာ အနှစ်ထောင်ပေါင်းများစွာ အသေခံတိုက်ပွဲဝင်သောအခါမှသာလျှင် ၎င်းတို့သည် မျိုးနွယ်စုနှစ်ခုကို လူသားနယ်မြေမှ နှင်ထုတ်နိုင်ခဲ့ကာ လူသားဖွံ့ဖြိုးတိုးတက်မှုအတွက် ကျင့်ကြံရေးနယ်မြေဖြစ်လာခြင်းဖြစ်သည်။

ယခုအခါ ကောင်းကင်ယံမျှော်စင်တွင် နတ်ဆိုးမျိုးနွယ်စုရှိနေခြင်းသည် အသေးအဖွဲကိစ္စမဟုတ်ချေ။ ရီဖန်၏တိုက်ခိုက်မှုသည် အင်မော်တယ်ပစ္စည်းစောင့်ဝိညာဉ်ကို ဖြတ်သွားကာ သက်ရောက်မှုမရှိခဲ့ပေ။

"မင်းကိုငါမလိမ်ဖူးတာတစ်ခုရှိတယ်၊ ငါက တကယ့်ကို အင်မော်တယ်ပစ္စည်းစောင့်ဝိညာဉ်ပါ၊ မင်းရဲ့တိုက်ခိုက်မှုတွေက ငါ့အပေါ်သက်ရောက်မှုမရှိဘူးလေ၊ ဟား ဟား!"

နတ်ဆိုးမျိုးနွယ်စုဝင် အင်မော်တယ်ပစ္စည်းစောင့်ဝိညာဉ် ၏ သဘောထားသည် လွန်စွာမာနကြီးကာ ၎င်း၏ မျက်လုံးများသည် ရီကျင်းစန်နှင့် ရီဖန်ကြားတွင် အထပ်ထပ်အခါခါ စူးစိုက်ကြည့်နေသည်။

"မင်းအလှည့်ပဲ!"

၎င်းသည် ရုတ်တရက် ရွေ့လျားသွားပြီးနောက် ရီကျင်းစန်၏ ခန္ဓာကိုယ်ထဲသို့ တည့်တည့်တိုးဝင်သွားသည်။ ရီဖန်၏အမူအရာသည် ချက်ချင်းပင် ဆိုးရွားသွားကာ ဤနတ်ဆိုးသည် တရားမျှတစွာ ကစားခြင်းမရှိကြောင်းသိလိုက်သည်။

ရီဖန်၏ ကျင့်ကြံရေးအဆင့်သည် ပိုမြင့်သည့်အတွက် ၎င်းသည် ရီဖန်ကိုအရင် ပစ်မှတ်ထားသင့်သည်မဟုတ်လော။ ရီဖန်သည် ရီကျင်းစန်၏ နံဘေးသို့ အမြန်ရွှေ့ကာ တိတ်တိတ်ဆိတ်ဆိတ်ဆုတောင်းရင်း ပြောလိုက်သည်။ ‘ငပျင်းကောင်ရေ အခုမင့်အလှည့်ပဲကွာ’

နောက်အခိုက်အတန့်တွင် ရီဖန်သည် သူ၏စွမ်းအားကို ရီကျင်းစန်၏ ခန္ဓာကိုယ်အတွင်းသို့ ဖြန့်ကျက်လိုက်ကာ ပိုင်ဇယ်၏အမှတ်အသားကို အသက်သွင်းလိုက်သည်။ ရီကျင်းစန်၏ခန္ဓာကိုယ်အတွင်းတွင် နတ်ဆိုးမျိုးနွယ်စုဝင် အင်မော်တယ်ပစ္စည်းစောင့်ဝိညာဉ်သည် ရီကျင်းစန်၏ ယွမ်ယင်းကို လောဘကြီးစွာဖြင့် စိုက်ကြည့်နေသည်။

နှစ်ထောင်ပေါင်းများစွာ စောင့်ဆိုင်းပြီးနောက် နောက်ဆုံးတွင် လက်ဝယ်ပိုင်ဆိုင်ရန် သင့်လျော်သော သွေးကြောကို ရှာဖွေတွေ့ရှိခဲ့သည်။ ၎င်းကို တွေးမိပြီးနောက် ရီကျင်းစန်၏ ယွမ်ယင်းကို စားသုံးရန် ခုန်ပေါက်သွားခဲ့သည်။ ထိုအချိန်တွင် နဂါးနီလေးသည် ရီကျင်းစန်၏ ပတ်ပတ်လည်တွင် လှည့်ပတ်နေလျက်ရှိရာမှ မျက်လုံးများကို ရုတ်တရက် ဖွင့်လိုက်သည်။ အိပ်စက်ခြင်းကို နှောင့်ယှက်သလို ခံစားရသဖြင့် ပါးစပ်မှ နဂါးဟိန်းဟောက်သံ ထွက်လာသည်။

ရီဖန်နှင့် ရီကျင်းစန်တို့နှစ်ဦးလုံး ကိုင်တွယ်ဖြေရှင်းခြင်း မပြုနိုင်သည့် အင်မော်တယ်ပစ္စည်းစောင့်ဝိညာဉ်၏ ခန္ဓာကိုယ်သည် ရုတ်တရက်တောင့်တင်းသွား၏။ နောက်အခိုက်အတန့်တွင် သူ့ခန္ဓာကိုယ်တစ်ဝက်ကို နဂါးနီက မျိုချလိုက်၏။ နဂါးနီသည် ကျေနပ်စွာ ပြန်လည်နစ်မြုပ်သွားကာ အိပ်ပျော်သွားလျက် ခန္ဓာကိုယ်တွင်းရှိ စွမ်းအင်များကို ချေဖျက်ပေးသည်။ အင်မော်တယ်ပစ္စည်းစောင့်ဝိညာဉ် ၏ကိုယ်ခန္ဓာသည် ဖြည်းဖြည်းချင်း ပြန်လည်ရှင်သန်လာသော်လည်း ၎င်း၏အရွယ်အစားမှာ ထက်ဝက်လျော့ကျသွားခဲ့သည်။

"ဟင့်အင်း၊ ဘယ်လိုလုပ် မင်းကိုကာကွယ်ဖို့ နဂါးအစစ်ရှိနေတာလဲ!"

အင်မော်တယ်ပစ္စည်းစောင့်ဝိညာဉ်သည် နာကျင်မှုဖြင့် ရှုံ့တွနေကာ ၎င်း၏ဝိညာဉ်ကိုယ်ခန္ဓာ၏ထက်ဝက်သည် ပြန်လည်ကောင်းမွန်ရန် အချိန်မည်မျှကြာမည်နည်း။ သို့သော်လည်း နဂါးနီအိပ်ပျော်သွားသည်ကို မြင်လိုက်ရသည့်အခါ အင်မော်တယ်ပစ္စည်းစောင့်ဝိညာဉ် သည် ထပ်မံရင်ခုန်သွားသည်။ ရီကျင်းစန်၏ ယွမ်ယင်းကို ကိုက်စားလိုက်သည်နှင့် ဤနဂါးအစစ်အမှန်သည် သူ့အပိုင်ဖြစ်လာလိမ့်မည်။

နတ်ဆိုးမျိုးနွယ်စု၏ ဂုဏ်သိက္ခာကြီးမားသော အဖွဲ့ဝင်တစ်ဦး၊ ၎င်း၏မျိုးနွယ်၏ ကျိန်ဆိုထားသော ရန်သူဖြစ်သည့် နဂါးအစစ်ထံမှ ကာကွယ်ခြင်းကို ခံရသော သူ့ကိုယ်သူ တွေးတောမိရင်း အင်မော်တယ်ပစ္စည်းစောင့်ဝိညာဉ်သည် အထူးပင် စိတ်လှုပ်ရှားနေခဲ့သည်။

‘ငါလည်း နဂါးစောင့်ရှောက်တာခံရတော့မယ်ဟေ့’ !

ဤအခိုက်အတန့်သို့ရောက်သောအခါတွင် အခြားပုံသဏ္ဍာန်တစ်ခုပေါ်လာသည်။ ဆင့်ခေါ်ထားသော ပိုင်ဇယ်သည် အလွန်စိတ်တိုသွားသည်။ သူသည် တံဆိပ်ခတ်ခြင်းလုပ်ငန်းကို ပြီးမြောက်ခဲ့ပြီးနောက် အိပ်ပျော်သွားခဲ့သည်။ ပိုင်ဇယ်က ပြန်နိုးလာသောအခါ အလွန်ပင် ရှက်ရွံ့သွားသည်။ သူ၏ ရွှေရောင်မျက်လုံး တစ်စုံသည် နက်နဲသောအမုန်းတရားများ ပြည့်နှက်နေကာ အင်မော်တယ်ပစ္စည်းစောင့်ဝိညာဉ်ကို စကင်န်ဖတ်လိုက်သည်။

အင်မော်တယ်ပစ္စည်းစောင့်ဝိညာဉ်သည် ရုတ်တရက် တုန်လှုပ်သွားကာ “ချီး! ဒီမွန်းစတား ပိုင်ဇယ် က သူ့ကို ကာကွယ်ပေးနေတယ်၊ ဒါက ဘယ်လိုကောင်လဲ" အင်မော်တယ်ပစ္စည်းစောင့်ဝိညာဉ်သည် ရီကျင်းစန်ကို မည်သို့ သိမ်းပိုက်ရမည်ကို မစဉ်းစားနိုင်တော့ဘဲ လှည့်ကာထွက်ပြေးရန် အသည်းအသန်ကြိုးစားတော့သည်။

"ဒီကောင့်ကို သွားရှုပ်လို့မရဘူး ပြေး!"

၎င်း၏ ဝိညာဉ်ကိုယ်ခန္ဓာတစ်ဝက်ကို တစ်ဖန် စွန့်လွှတ်လိုက်ပြီးနောက်၊ နောက်ဆုံးတွင် အင်မော်တယ်ပစ္စည်းစောင့်ဝိညာဉ်သည် ရီကျင်းစန်၏ ခန္ဓာကိုယ်မှ ၎င်း၏ဝိညာဉ်ခန္ဓာ၏လေးပုံတစ်ပုံသာ လွတ်မြောက်နိုင်ခဲ့သည်။ ၎င်း၏ ဝိညာဉ်ကိုယ်ခန္ဓာတွင် သိသိသာသာ ထိခိုက်ပျက်စီးမှု ကြုံတွေ့နေရသောကြောင့် ကိုယ်ခန္ဓာအသစ်ကို အမြန်ရှာဖွေရန် လိုအပ်သည်ဖြစ်ရာ ရီဖန်ကို ကြည့်လိုက်သည်။

"ဒါက ခုနကတစ်ယောက်လောက် လှည့်ကွက်တွေ အများကြီးမရှိလောက်ဘူးမလားဟင်"

ရီဖန်သည် ပိုင်ဇယ်နှင့် နဂါးနီလေးတို့၏ အင်မော်တယ်ပစ္စည်းစောင့်ဝိညာဉ်ကို ညှဉ်းဆဲသည့် မြင်ကွင်းကို မြင်ပြီးဖြစ်သည်။ အင်မော်တယ်ပစ္စည်းစောင့် ဝိညာဉ်သည် သူ့ကိုပစ်မှတ်ထားနေသည်ကိုမြင်သောအခါ သူမတတ်နိုင်ဘဲ တိတ်တိတ်လေး ဆုတောင်းပေးမိသည်။

"လူတိုင်းထဲမှာမှ ငါ့ကို ဘာလို့ရွေးတာလဲ။ တခြားလူကို ရွေးဖို့ အကြံပေးတယ်နော်”

ရီဖန်သည် သူ့ခန္ဓာကိုယ်ကို သိမ်းပိုက်နိုင်၊ မသိမ်းနိုင် မသေချာသော်လည်း သူ့ရှေ့ရှိ အင်မော်တယ်ပစ္စည်းစောင့်ဝိညာဉ်သည် သူ့ကို မပိုင်ဆိုင်နိုင်မှန်းသိသည်။ မဆိုင်းမတွဘဲ အင်မော်တယ်ပစ္စည်းစောင့်ဝိညာဉ်သည် ရီဖန်၏ ခန္ဓာကိုယ်ထဲသို့ စိမ့်ဝင်သွားသည်။

ရီဖန်၏ ဝိညာဉ်ပင်လယ်ထဲသို့ ဝင်လာသောအခါ အင်မော်တယ်သုတ်သင်ခြင်းဓားအခင်းအကျင်းဖြင့် သူ့ကိုယ်သူ အခိုင်အမာ သော့ခတ်ထားသည်ကို တွေ့လိုက်ရသည်။

ဓားလေးစင်းအထက်တွင် ၊အဆင့်ငါးမိသားစုအင်မော်တယ်လက်နက်ဖြစ်သည့် အချိန်နေရာလွတ်ပြားသည် အချိန်နှင့်နေရာလွတ်မြစ်နှစ်စင်း ညင်သာစွာစီးဆင်းနေကာ ကောင်းကင်အသွင်ပြောင်းသွားသည်ကို တွေ့ရသည်။ ကောင်းကင်အောက်တွင် ပင်လယ်နှိမ်နင်းခြင်း ပုတီးစေ့နှစ်ဆယ့်လေးလုံးသည် ကြယ်နှစ်ဆယ့်လေးလုံးအဖြစ် ပြောင်းလဲသွားကာ စိတ်ဝိညာဉ်ပင်လယ်ကို လင်းလက်စေသည်။

အင်မော်တယ်ပစ္စည်းစောင့်ဝိညာဉ်သည် သူ့ရှေ့မြင်ကွင်းကို စိုက်ကြည့်ရင်း စဉ်းစားရန်ပင် မေ့သွားသည်။

"ငါ ဘယ်လို သတ္တဝါမျိုးကိုများ သွားထိမိပါလိမ့်"

"ဒါက ဝိညာဉ်ပင်လယ်မဟုတ်ဘူး၊ ဒါက ကမ္ဘာကြီးပဲ!"

ပင်လယ်နှိမ်နင်းခြင်းပုတီးစေ့များသည် ဖိချလိုက်ကာ အင်မော်တယ်ပစ္စည်းစောင့်ဝိညာဉ်ကို တဖြည်းဖြည်း ချေမှုန်းပစ်လိုက်သည်။ ရီဖန်နှင့် မရင်းနှီးသောအမှတ်တရအချို့ကို စုပ်ယူလိုက်ကာ ခဏအကြာတွင် ရီဖန်၏ မျက်လုံးပွင့်လာသည်။ ဤအင်မော်တယ်ပစ္စည်းစောင့်ဝိညာဉ်သည် သန့်စင်ခြင်းပျက်ပြယ်မှုကာလရှိ နတ်ဆိုးမျိုးနွယ်စုမှ နတ်ဆိုးတစ်ပါးဖြစ်သည်ကို သိလိုက်ရသည်။

ထို့အပြင် ကြယ်တစ်သောင်းလျှို့ဝှက်နယ်မြေသည် အမှန်တကယ်တွင် နတ်ဆိုးမျိုးနွယ်စုအတွက် လမ်းကြောင်းတစ်ခုဖြစ်သည်။ ကောင်းကင်ယံမျှော်စင်သည် ဤနတ်ဆိုးလမ်းကြောင်းကိုနှိမ်နင်းရန် အထူးအသုံးပြုထားသော မှော်ခုနစ်လွှာလက်နက်တစ်ခုဖြစ်သည်။

ကောင်းကင်ယံမျှော်စင်၏ဖိနှိပ်ခံခဲ့ရပြီး ပိုင်ဆိုင်ရန် သင့်လျော်သော ခန္ဓာကိုယ်ကို ရှာဖွေရန်အတွက် အင်မော်တယ်ပစ္စည်းစောင့်ဝိညာဉ်ဖြစ်လာစေရန် ၎င်း၏ရုပ်ခန္ဓာကို စွန့်ပစ်ခဲ့သည်။ ကံမကောင်းစွာဖြင့် သင့်လျော်သော ဓားစာခံတစ်ဦးအတွက် အနှစ်တစ်သောင်းစောင့်ဆိုင်းပြီးနောက် ရီမိသားစုမှ ထူးဆန်းသောလူနှစ်ယောက်နှင့် တွေ့ဆုံခဲ့သည်။

ထူးဆန်းသည်ဟုဆိုခြင်းမှာ ရီဖန်သည် သူ့ကိုယ်သူ ရည်ညွှန်းနေခြင်းမဟုတ်ဘဲ နတ်ဆိုးမျိုးနွယ်စုဝင်၏ မှတ်ဉာဏ်ထဲတွင် အတည်တံ့ဆုံးနှင့် အနက်ရှိုင်းဆုံး မှတ်ဉာဏ်မှ အကြိမ်ပေါင်းဆယ်သောင်းမျှ ကျိန်စာတိုက်ခဲ့ခြင်းဖြစ်သည်။

အင်မော်တယ်ပစ္စည်းစောင့်ဝိညာဉ်၏ မှတ်ဉာဏ်ကို စုပ်ယူလိုက်ခြင်းဖြင့် ရီဖန်သည်လည်း ကောင်းကင်ယံမျှော်စင်ကို ထိန်းချုပ်နိုင်ခဲ့သည်။ ကောင်းကင်ယံမျှော်စင်အတွင်းတွင် ရတနာများစွာ သိမ်းဆည်းထားသည်။ ၎င်းတို့အားလုံးသည် ယခင် အင်မော်တယ်ပစ္စည်းစောင့်ဝိညာဉ် ၏သိုလှောင်အိတ်ထဲတွင် သိမ်းဆည်းထားသည့်အရာများဖြစ်သည်၊ သို့မဟုတ်ပါက လေ့ကျင့်သူအများအပြားကို ကောင်းကင်ယံမျှော်စင်သို့ဝင်ရောက်ရန် ဆွဲဆောင်နိုင်မည်မဟုတ်ပေ။

၎င်းတို့ထဲမှအများအပြားကို နှစ်များတစ်လျှောက် အသုံးပြုခဲ့သော်လည်း ကျန်ရှိသောရတနာများသည် နတ်အသွင်ပြောင်းလဲခြင်းအဆင့်ကျင့်ကြံသူများကို မနာလိုစေလောက်အောင်ရှိသေးသည်။ ရီဖန် အမြန်ကြည့်လိုက်ရာ စတုတ္ထအဆင့်ဝိညာဉ်ဆေးများ ပေါင်း တစ်သောင်းကျော်၊ ပဉ္စမအဆင့် ဝိညာဉ်ဆေးလုံး ရာနှင့်ချီနှင့် သန့်စင်ခြင်းပျက်ပြယ်မြက်ဟု သိကြသည့် ဆဌမအဆင့်ဝိညာဉ်ဆေးများပင် ရှိသည်။

ထို့အပြင် နတ်ဘုရားအသွင်ပြောင်းခြင်းဆေးလုံးကဲ့သို့သော ပဉ္စမအဆင့်ဆေးလုံးများသည် သိသိသာသာပင် ပမာဏ အများအပြား ရှိခဲ့သည်။ သို့သော်လည်း ၎င်းတို့သည် တကယ်အရေးမကြီးချေ။ အားလုံးထဲတွင် တန်ဖိုးအရှိဆုံးမှာ သူလက်ရှိနေထိုင်နေသည့် ကောင်းကင်ယံမျှော်စင်ဖြစ်၏။

ကောင်းကင်ယံမျှော်စင်သည် စစ်မှန်သောသတ္တမအဆင့် အင်မော်တယ်လက်နက်တစ်ခုဖြစ်သည်။ သို့မဟုတ်ပါက ၎င်းသည် နတ်ဆိုးလမ်းကြောင်းကို နှိမ်နင်းနိုင်စွမ်းရှိမည်မဟုတ်ပေ။ သတ္တမအဆင့် အင်မော်တယ်လက်နက်တစ်ခု၊ ခန္ဓာပေါင်းစည်းခြင်းနယ်မြေအဆင့် ကျင့်ကြံသူသည်ပင် ၎င်းကို အသုံးမပြုနိုင်ပေ။

ဤရတနာသည် ကြယ်တစ်သောင်းလျှို့ဝှက်နယ်မြေ၏ တန်ဖိုးအရှိဆုံးဖြစ်သည်။ သို့သော်လည်း ရီဖန်သည် လက်ရှိတွင် ကောင်းကင်ယံမျှော်စင်နှင့် ဆက်သွယ်နိုင်သော်လည်း ၎င်းကို ထိန်းချုပ်နိုင်စွမ်းမရှိသေးချေ။ သတ္တမအဆင့် အင်မော်တယ်လက်နက်ကို အသုံးပြုရန် နတ်အသွင်ပြောင်းမှုအဆင့်သည်ပင် လုံလောက်မှု မရှိဘဲရှိ၏။

ရီဖန်သည် ၎င်းကို ထိန်းချုပ်နိုင်သော်လည်း ကောင်းကင်ယံမျှော်စင်ကို ရွေ့ပြောင်းရန် ရည်ရွယ်ချက်မရှိခဲ့ပေ။ နတ်ဆိုးလမ်းကိုဖွင့်လိုက်ပါက ဒုက္ခဖြစ်လိမ့်မည်။ ရီဖန်၏ခန့်မှန်းချက်အရ ၎င်းသည် အနည်းဆုံးနောက်နှစ်တစ်ရာအထိ ဖိနှိပ်ခံရနိုင်သည်။

ကောင်းကင်ယံမျှော်စင်ကို ရွှေ့၍မရသော်လည်း အတွင်းမှာရှိသည့် ရတနာများကို ရီဖန်ဝေငှနိုင်ပါသေးသည်။ အင်မော်တယ်ပစ္စည်းစောင့်ဝိညာဉ်သည် ရီဖန်နှင့် ရီကျင်းစန်ကို တိုက်ခိုက်နေတာကြောင့် သူတို့၏ စမ်းသပ်မှုပြီးသွားသည့်အခါတွင် ကျင့်ကြံရေးသမားများသည် ၎င်းတို့၏ ဆုလာဘ်ကို စောင့်နေကြဆဲဖြစ်သည်။ ဖြန့်ဝေနိုင်မည့် ဆုများကိုကြည့်ပြီးနောက် ရီဖန်၏စိတ်ထဲတွင် အကြံဆိုးတစ်ခု ထွက်ပေါ်လာသည်။

……………….