အခန်း ၁၃၉-၁၄၁

အခန်း ၁၃၉ -

"ကျောင်းအုပ်လီက ဂါဝရပြုပါတယ်"

ရီဖန်၏အမူအရာသည်လည်း ချက်ချင်းပင် အလေးအနက်ရှိလာသည်။ ရန်ဟွမ်ကမ္ဘာတွင် ထိပ်တန်းစွမ်းအားရှင်တစ်ဦးအနေဖြင့် ကျောင်းအုပ်ကြီး၏ ကျင့်ကြံရေးအဆင့်သည် မဟာယာနနယ်ပယ်တွင် ရှိသင့်သည်မဟုတ်လော။ သို့သော် မဟာယာနနယ်ပယ်အဆင့် ကျင့်ကြံသူသည်ပင် ရီဖန်သည်ကိုယ်ပွားတစ်ခုသာဖြစ်ကြောင်း သတိမထားမိခဲ့ပေ။

လီပိုင်၏ ရီမိသားစုသို့ သွားရောက်လည်ပတ်ခြင်း ရည်ရွယ်ချက်မှာ ရီကျင်းယွင်ကို ၎င်း၏တပည့်အဖြစ် ခေါ်သွားရန်ဖြစ်သည်။ အပျင်းပြေစကားပြောခန်းမှတစ်ဆင့် ရီဖန်သည် ကျောင်းအုပ်လီသည်လည်း ရီကျင်းယွင်ကဲ့သို့ အံ့အားသင့်စရာကောင်းသော ကံကြမ္မာသားတော်ဖြစ်ကြောင်း သိရှိခဲ့သည်။

သူသည် ရီကျင်းယွင်၏တည်ရှိမှုကို လျှို့ဝှက်စွာခံစားမိခဲ့သောကြောင့် ရီကျင်းယွင်ကိုစမ်းသပ်ရန် သာမန်ကျင့်ကြံသူအဖြစ်အသွင်ပြောင်းခဲ့သည်။ ကံကြမ္မာသားတော်တိုင်းသည် အမြဲတမ်းလူကောင်းမဟုတ်နေတတ်ချေ။ လီပိုင်သည်လည်း မကောင်းသောနှလုံးသားဖြင့် ကျင့်ကြံသူကို သူ၏တပည့်အဖြစ် လက်ခံမည်မဟုတ်ပေ။ ကံကောင်းစွာဖြင့် ရီကျင်းယွင်၏ အခြေအနေအားလုံးသည် လီပိုင်၏လိုအပ်ချက်များကို ကိုက်ညီနေသည်။

ဤအခိုက်အတန့်တွင် ရီဖန်၏သိုလှောင်လက်စွပ်အတွင်းရှိ အသံထုတ်လွှင့်ခြင်းမန္တန် ရုတ်တရက်ထွက်ပေါ်လာကာ ရီဖန်ကိုရက်ဝက်ကြာအောင်ရှာမတွေ့ခဲ့သော ရီကျင်းယွင်သည် ရီဖန်ထံ တိုက်ရိုက်ဆက်သွယ်ခဲ့သည်။ ရီကျင်းယွင်သည် ဂူအိမ်သို့ အမြန်ပြန်လာကာ ရီဖန်ကိုတွေ့သောအခါ ခေါင်းကုတ်လိုက်သည်။

"အဖေ!"

ရီကျင်းယွင်က လေးစားစွာ အော်လိုက်သည်။

“ဒီလူကြီးက မင်းကို သူ့တပည့်အဖြစ် ခေါ်သွားဖို့ ရည်ရွယ်ထားတယ်။ မင်းဘယ်လိုထင်လဲ?"

စမ်းသပ်မှုပြီးသွားသည့်အခါ လီပိုင်သည် သူ၏ရည်ရွယ်ချက်ကို တိုက်ရိုက်ပြောပြခဲ့သည်။

ရီကျင်းယွင်သည် ၎င်းကိုကြားသောအခါ အလွန်အံ့ဩသွားသည်။ သို့သော် လီပိုင်သည် ယင်ယန်ကျောင်းတော်၏ ကျောင်းအုပ်ဖြစ်ပြီး ကံကြမ္မာတာအိုတွင် ထူးချွန်ကြောင်းကြားသိရသောအခါတွင် သူလည်း ဝမ်းသာသွားသည်။

ကံတရားလမ်းစဉ်သည် မယုံနိုင်လောက်အောင် ရှုပ်ထွေးကာ ၎င်းကို ထူးချွန်သောကျင့်ကြံသူသည် အလွန်နည်းပါးသည်။ ရီဖန်ပင်လျှင် ကံကြမ္မာတာအိုကို အခြေခံသိခြင်းသာရှိသောကြောင့် ယခုဆရာကြီး၏ လမ်းညွှန်ချက်ရှိခြင်းသည် ရီကျင်းယွင်အတွက် ကောင်းသောအရာဖြစ်၏။

လီပိုင်သည် ရီကျင်းယွင်ကို ယင်ယန်ကျောင်းတော်သို့ ပညာသင်ကြားရန်အတွက် ပြန်ခေါ်သွားရန် စီစဉ်ခဲ့သည်။ လီပိုင်သည် ထွက်ခွာမသွားမီ ရီဖန်ကို အမိန့်တိုကင်တစ်ခု၊ ယင်ယန်အမိန့်နှင့် အဆင့်ရှစ်ဝိညာဉ်ပစ္စည်းဖြစ်သည့် ကြာစိမ်းကို ပေးခဲ့သည်။ ဤသင်္ကေတသည် ယင်ယန်ကျောင်းတော် ကိုကိုယ်စားပြုကာ ယင်ယန်ကျောင်းတော်ကို အမိန့်ပေးနိုင်သည်။ ဝိညာဉ်ရေးပစ္စည်းသည် ရီမိသားစုအတွက် ဆုလာဘ်ဖြစ်သည်။

နဂါးနီအမိန့်တိုကင်၊ ယင်ယန်ကျောင်းတော်အမိန့်သည် ကတ်ဂိမ်းတစ်ခုတွင် ကတ်များစုဆောင်းခြင်းကဲ့သို့ပင် မဟုတ်လော။ ရီကျင်းယွင်၏ ဆုတ်ခွါသွားသော အသွင်ကိုကြည့်ကာ ရီဖန်၏နှုတ်ခမ်းထောင့်တွင် အပြုံးတစ်ခုပေါ်လာသည်။ တပည့်တစ်ဦးကို လက်ခံရန် သူ့အိမ်တံခါးသို့ အကောင်ကြီးကြီးတစ်ကောင်ရောက်လာခြင်းသည် သူ့ကံကြမ္မာကြောင့် ဖြစ်ရမည်။

အဆင့်ရှစ် သစ်သားဒြပ်စင်ဝိညာဉ်ပစ္စည်းကြောင့် ရီဖန်သည်ချက်ချင်းပင် ရွှင်လန်းသွားသည်။

ဤဝိညာဥ်ပစ္စည်းဖြင့် သူသည် သစ်သားစွမ်းရည်၏ အဆင့်ရှစ်အင်မော်တယ်လက်နက်ကို ပြုပြင်ကာ ပျက်ဆီးခြင်းကမ္ဘာ၏ နောက်ဆုံးအစိတ်အပိုင်းငါးခုကို အပြီးသတ်နိုင်ခဲ့သည်။ ပျက်ဆီးခြင်းကမ္ဘာသည် အဆင့်ရှစ်သို့ တက်လှမ်းရန် အဆင်သင့်ဖြစ်နေပြီဖြစ်သည်။ သို့သော် သူနည်းနည်းကြာအောင် စောင့်ရဦးမည်။

ရီဖန်သည် သူ၏အင်မော်တယ်ပစ္စည်းသန့်စင်ခြင်း လမ်းကြောင်းကို အဋ္ဌမအဆင့်သို့ တက်လှမ်းရန် စောင့်နေသည်။ အဆင့်ရှစ်သန့်စင်မှုတစ်ခုသည် ကြီးမြတ်သော တာအို၏နိယာမကို အင်မော်တယ်လက်နက်များတွင် ထည့်သွင်းနိုင်သည်။

ကြီးမြတ်သောတာအို၏နိယာမကို ပိုင်ဆိုင်ထားသော အဋ္ဌမအဆင့်အင်မော်တယ်လက်နက်သည် သတ္တမအဆင့် အင်မော်တယ်လက်နက်ထက် များစွာအားကောင်းသည်။ ၎င်းတို့သည် အလွန်အစွမ်းထက်သောကြောင့် အဆင့်ရှစ်အင်မော်တယ်စ္စည်းသန့်စင်သူများပင် နည်းပါးနေသေးသည်။

အဆင့်ရှစ်အင်မော်တယ်စ္စည်းသန့်စင်သူတစ်ဥိီးသည် ဒုက္ခအဘိဥာဉ်အဆင့်ရှိကျင့်ကြံသူနှင့်ပင် နှိုင်းယှဉ်နိုင်သည်။ ဆယ်နှစ်ကြာပြီးနောက် မရင်းနှီးသောအသိပညာအသစ်အဆန်းများ ပြည့်နှက်နေသောစိတ်ဖြင့် ရီဖန်၏ဆေးပညာနှင့် အင်မော်တယ်ပစ္စည်းသန့်စင်ခြင်းသည် နောက်ဆုံးတွင် အဆင့်ရှစ်သို့ရောက်ရှိသွားခဲ့သည်။

"နောက်ဆုံးတော့ ကျော်ဖြတ်သွားပါပြီ!"

ရီဖန်သည် အဆင့်ရှစ်ဝိညာဉ်ပစ္စည်းဖြစ်သည့် ကြာစိမ်းကိုထုတ်ကာ အင်မော်တယ်လက်နက်ကို စတင် သန့်စင်လိုက်သည်။ အဆင့်ရှစ်ကြာပန်းတွင် အရွက် ဆယ့်နှစ်ရွက်ပါ၏။ ရီဖန်သည် ဒဏ္ဍာရီလာအင်မော်တယ်လက်နက်ဖြစ်သည့် အဆင့်ဆယ့်နှစ်ကြာစိမ်းကို ပြုလုပ်ရန်ရွေးချယ်ခဲ့သည်။

မူလတာအိုမျှော်စင်ရှိခြင်းကြောင့် ရီဖန်၏ သစ်သားတာအိုအကြောင်းကို နားလည်သဘောပေါက်မှုသည် နှစ်များတစ်လျှောက် ခုန်ပျံကျော်လွှားတိုးတက်လာခဲ့သည်။ သူ၏လက်ရှိ သစ်သားတာအိုနှင့်ပတ်သက်၍ နားလည်မှုသည် ၈၀% ကျော်သွားခဲ့ပြီဖြစ်သည်။

သို့သော် ကြီးမြတ်သောတာအို နားလည်မှု မြင့်မားလေ၊ ဆက်လက်၍ နားလည်ရန် ပိုခက်လေဖြစ်သည်။ ရီဖန်၏ဉာဏ်အလင်းသည်လည်း သိသာထင်ရှားသောတိုးတက်မှုကို မဖြစ်ပေါ်စေခဲ့ချေ။

သစ်သားတာအိုကို အကိုင်းအခက်များစွာ ခွဲထားသည်။ ရီဖန်သည် အခက်တစ်ခုစီကို ကြာစိမ်း၏ အရွက်တစ်ခုစီတွင် ရေးထွင်းထားသည်။ နောက်ဆုံးသစ်ရွက်ကို သစ်သားတာအိုဖြင့် ထွင်းထုလိုက်သောအခါ အဆင့်ဆယ့်နှစ်ကြာစိမ်းသည် ပျက်ဆီးခြင်းကမ္ဘာ၏ဗဟိုဆီသို့ ပျံသန်းသွားကာ ရှားပါးသောကောင်းကင်ဘုံကိုးခုကမ္ဘာမြေသို့ ချက်ခြင်း ပေါင်းစပ်သွားသည်။

မြေပြင်မှပန်းပွင့်လေးတစ်ပွင့်ထွက်လာ၏။ ပန်းဖူးပွင့်ငယ်သည် တဖြည်းဖြည်းကြီးထွားလာကာ ကြာစိမ်းအဖြစ်သို့ ပြောင်းလဲသွားသည်။ ထို့နောက် ကြာပန်းများပြန့်ပွားကာ ကြာကန်အဖြစ် ပြောင်းလဲသွားသည်။ နောက်ဆုံးတွင် ဒြပ်ငါးပါး၏ နောက်ဆုံးဒြပ်ကိုလည်း စုစည်းထားသည်။

ပျက်ဆီးခြင်းကမ္ဘာသည်လည်း ကြီးမားသောပြောင်းလဲမှုများကို ကြုံတွေ့ခဲ့ရသည်။ နေနှင့်လတို့ တစ်လှည့်စီ ဝင်ထွက်ကာ အရာအားလုံးသည်လည်း ကြီးထွားနေ၏။ အသက်ရှုသံသည်လည်း တဖြည်းဖြည်း ထွက်ပေါ်လာသည်။

သိပ်မကြာမီတွင် ဆဲလ်တစ်ခုပုံစံရှိ ပထမဆုံးသော သက်ရှိပုံစံသည် ပျက်ဆီးခြင်းကမ္ဘာတွင်ပေါ်လာ၏။

ယခုမှစ၍ ဆက်လက်တိုးတက်နေသရွေ့ ပျက်ဆီးခြင်းကမ္ဘာသည် စစ်မှန်သောကမ္ဘာအဖြစ်သို့ တဖြည်းဖြည်း ရင့်ကျက်လာမည်ဖြစ်ပါသည်။

ရီဖန်သည် ပျက်ဆီးခြင်းကမ္ဘာကို အားဖြည့်မပေးတော့သော်လည်း အရှိန်အဟုန်ဖြင့် ဆက်လက်ကြီးထွားနေဦးမည်ဖြစ်သည်။ ဒြပ်ငါးပါး ပြည့်စုံကာ သံသရာစက်ဝန်းတစ်ခုလည်းဖြစ်ပေါ်လာ၏။ ပျက်ဆီးခြင်းကမ္ဘာ၏အရွယ်အစားသည် အဆက်မပြတ် ကျယ်ပြန့်လာသည်။

နောက်ဆုံးတွင် ပျက်ဆီးခြင်းကမ္ဘာ၏အဆင့်သည် အဋ္ဌမအဆင့်အထိ ကွဲသွားခဲ့သည်။ ရီဖန်သည် သူ့လက်ကို ဆန့်ထုတ်လိုက်ရာ သူ့လက်ဖဝါးအတွင်း၌ ကမ္ဘာ့စွမ်းအားတိုးဝင်လာကာ သူ့လက်ကိုမခံနိုင်သော ခံစားချက်ကိုပေးသည်။ ကြယ်တာရာခူးဆွတ်သောလက်၏ စွမ်းအားသည် မလုံလောက်သေးချေ၊ ဍ ၎င်းသည် ဆက်လက်အဆင့်တက်ရန် လိုအပ်သည်။

တတိယအဆင့် ကြယ်တာရာခူးဆွတ်သောလက် သာလျှင် အဋ္ဌမအဆင့် ပျက်ဆီးခြင်းကမ္ဘာ၏ ကမ္ဘာ့စွမ်းအားကို အပြည့်အဝခံနိုင်ရည်ရှိသည်။ အဆင့်မြှင့်တင်မှုအတွက် လိုအပ်သောပစ္စည်းများကို ရီဖန်က ပြင်ဆင်ထားပြီးဖြစ်သည်။

ဝါး! ဝါး! ဝါး!

ငိုသံနှင့်အတူ ရီမိသားစု၏ ပဉ္စမမျိုးဆက်အဖွဲ့ဝင်တစ်ဦး ရောက်လာသည်။ တစ်ချက်စဉ်းစားလိုက်ကာ၊ ဒုတိယမျိုးဆက်သည် ကျင်းထျန်၊ တတိယမျိုးဆက် ရှန်၊ စတုတ္ထမျိုးဆက် ယန်၊ ပဉ္စမမျိုးဆက် ရှင်း။

ရီဖန်သည် ထိုမွေးကင်းစကလေးကို ရီရှင်းယွီဟု နာမည်ပေးလိုက်သည်။ ရီဖန်သည် ကလေးကို ဂရုတစိုက် ဆုပ်ကိုင်လိုက်ကာ အနည်းငယ်စိတ်လှုပ်ရှားသွားသည်။ မသိလိုက်ဘဲနှင့် ရီဖန်သည် အသက်သုံးရာကျော်နေပြီဖြစ်၏။

ရီမိသားစုသည် ကျေးလက်ရှိမျိုးနွယ်စုငယ်တစ်ခုမှ တစ်စုတစ်စည်းတည်းကြီးမားသောမျိုးနွယ်အဖြစ် ကြီးထွားလာခဲ့ကာ ယခုအခါ မျိုးနွယ်စုဝင်ဦးရေ ငါးထောင်ကျော်သွားပြီဖြစ်သည်။ အကိုင်းအခက်တိုင်းသည်လည်း ကြီးပွားတိုးတက်လျက်ပင်။ နောင်နှစ်ပေါင်းတစ်ထောင်ကြာသောအခါ ရီမိသားစုသည် မယုံနိုင်လောက်အောင် ကြီးမားသောမျိုးနွယ်စုတစ်ခု ဖြစ်လာလိမ့်မည်ဟု ခန့်မှန်းရသည်။

"ရေရှည်တာဝန်ကို ပြီးမြောက်အောင် ဆောင်ရွက်သည့်အတွက် ဂုဏ်ယူပါတယ် ၊ မျိုးနွယ်စု လူဦးရေ ခုနစ်ယောက်ပြီးပါပြီ”

“စနစ်၊ ဆုငွေထုတ်လိုက်ပါ”

"ဆုလက်ခံရရှိသည့် သခင့်ကို ဂုဏ်ပြုပါတယ်၊ ရီမိသားစုမျိုးရိုးစဉ်ဆက်"

ရီမိသားစု မျိုးရိုးစဉ်ဆက်သည် မျိုးနွယ်စုဝင်များကို ချည်နှောင်နိုင်သည်၊ စစ်မှန်သောဝိညာဉ်တော်ကို သိမ်းဆည်းနိုင်ကာ မျိုးနွယ်စုဝင်အခြေအနေကို စစ်ဆေးနိုင်သည်။

ပထမတစ်ချက်ကြည့်ပါက ဤရီမိသားစုမျိုးရိုးစဉ်ဆက်သည် သာမန်ဟုထင်ရသည်။

သို့သော် စစ်မှန်သောဝိညာဉ်တော်ကို သိမ်းဆည်းခြင်းနှင့်ပတ်သက်သည့် ထုတ်ပြန်ချက်သည် ရီဖန်ကို အနည်းငယ် ထိတ်လန့်စေခဲ့သည်။

စစ်မှန်သောဝိညာဉ်တော်သည် အချိန်၏မြစ်ကြီးထဲတွင် လူတစ်ဦး၏ကျောက်ဆူးနေရာဖြစ်သည်။ စိတ်ဝိညာဉ် ကွယ်ပျောက်သောအခါ ရှင်ပြန်ထမြောက်ခြင်းမရှိနိုင်တော့ချေ။ သို့ရာတွင် စစ်မှန်သောဝိညာဉ်တော်ရှိသရွေ့ ရှင်ပြန်ထမြောက်ရန်မျှော်လင့်ချက်ရှိပါသည်။ စစ်မှန်သောဝိညာဉ်တော်လည်း ပျောက်ကွယ်သွားပါက စစ်မှန်သောသေခြင်း၏လက္ခဏာဖြစ်၏။

စစ်မှန်သောဝိညာဉ်တော်ကို သိမ်းဆည်းနိုင်သည့် မျိုးရိုးစဉ်ဆက်တည်ရှိမှုသည် ရီမိသားစုတွင် နောက်ထပ်အသက်သွေးကြောတစ်ခုရှိသည်ဟု ဆိုလိုသည်။ အကယ်၍ သူတို့ အမှန်တကယ် သေဆုံးပါက ရီဖန်၏ကျင့်ကြံရေးအဆင့်သည် လုံလောက်စွာ အားကောင်းနေသရွေ့မျိုးနွယ်စုဝင်ကို အချိန်မြစ်မှ ပြန်လည်ရှင်သန်ထမြောက်ရန် အခွင့်အလမ်းရှိသည်။ ရီမိသားစုအဖွဲ့ဝင်များ၏ လုံခြုံရေးသည် ပိုမိုမြင့်မားသောအဆင့်သို့ ရောက်ရှိနေပြီဖြစ်သည်။

နောက်ဆုံးအနေနှင့် မျိုးနွယ်စုအဖွဲ့ဝင်များကို စစ်ဆေးရန် လုပ်ဆောင်ချက်ကို ရီဖန်တစ်ချက်ကြည့်လိုက်သည်။

ရီကျင်းထျန်၊ အလယ်အလတ်ပေါင်းစည်းမှုအဆင့် အထူးကိုယ်ထည်...မျိုးနွယ်စုဝင်တစ်ဦးစီ၏ အခြေခံ ကျင့်ကြံရေးအဆင့်နှင့် စွမ်းရည်အားလုံးကို ပြသထားသည်။

မသိလိုက်ဘဲ ဒုက္ခအဘိဥာဉ်အဆင့်သို့ ဖြတ်ကျော်ရမည့်အချိန်သည် မဝေးတော့ချေ။

အသက်တစ်ထောင်မတိုင်မီ ဖြတ်ကျော်နိုင်ရန် ကြိုးစားအားထုတ်ရမည်။

……….

အရှေ့ဧကရာဇ်မြို့တော်အပြင်၊ ဧကရာဇ်နဂါးတောင်တန်း။

"မင်းဘာပြောလိုက်တာလဲ၊

အရှေ့ဧကရာဇ်မင်းလက်ထပ်သွားပြီ!"

ဧကရာဇ်နဂါးတောင်၏ တောင်တန်းသခင်မချန်ကျင်းရွှယ်သည် သူ့လက်အောက်ငယ်သားများ၏သတင်းများကို ထိတ်လန့်တကြားနားထောင်နေလေသည်။

အရှေ့ဧကရာဇ်၏ တာအိုလက်တွဲဖော်သည် မည်သည့်နေရာမှ ပေါက်ဖွားလာမှန်းမသိသည့် တောသူမတစ်ဦးဖြစ်သည်ဟု ကြားလိုက်ရသောအခါ၊ ချန်ကျင်းရွှယ်၏ဒေါသသည် ထိန်းမနိုင်သိမ်းမရ တိုးလာသည်။

ထိုအချိန်က သူသည်အရှေ့ဧကရာဇ်၏ တာအိုလက်တွဲဖော်ဖြစ်လိုသော်လည်း တိုက်ရိုက်ငြင်းဆန်ခဲ့သည်။ ချန်ကျင်းရွှယ် တန်ဖိုးထားသောအရာသည် အရှေ့ဧကရာဇ်မြို့တော်၏ မြို့အရှင်အမိန့်ဖြစ်သော်လည်း၊ သူမသည် အရှေ့ဧကရာဇ်ကို လူတစ်ဉီးအဖြစ် အမှန်တကယ်ပင် လေးစားမိသည်။

ယခုမူ အရှေ့ပိုင်းဧကရာဇ်သည် သူမအား ငြင်းဆိုရုံသာမက တောသူမတစ်ဦးကိုလက်ထပ်ကာ သူ၏တာအိုလက်တွဲဖော်အဖြစ်ပင် ခေါ်ဆောင်သွားသောကြောင့် ချန်ကျင်းရွှယ်သည် သူမကို စော်ကားခံရသလိုခံစားရသည်။

…………….

အခန်း ၁၄၀ - အရှေ့ဧကရာဇ်၏ အချစ်ဟောင်း

အရှေ့ဧကရာဇ်မြို့တော်အထက်တွင် ကိုယ်ခန္ဓာပေါင်းစည်းမှုနယ်ပယ်၏ရောင်ဝါသည် မြို့အပေါ်စီးမှ ဖိနှိပ်ထား၏။ ရီဖန်နှင့် လက်ဖက်ရည်သောက်နေသော အရှေ့ဧကရာဇ်သည် ဤရင်းနှီးသောရောင်ဝါကို သတိပြုမိကာ သူ့မျက်ခုံးများ ပင့်မိသည်။ ချန်ကျင်းရွှယ်သည် မည်သည့်ပြဿနာလာရှာလေသနည်း။

အလင်းတန်းများနှင့်အတူ အရှေ့ဧကရာဇ်သည် အရှေ့ဧကရာဇ်မြို့တော်အထက်ကောင်းကင်တွင် ပေါ်လာသည်။ ရီဖန်လည်း စိတ်ဝင်စားလာကာ အရှေ့ဧကရာဇ်မင်း၏နောက်သို့လိုက်လာလျက် အရှေ့ဧကရာဇ်မြို့အထက်သို့ ပျံဝဲလာခဲ့သည်။

အရှေ့ဧကရာဇ်သည် ချန်ကျင်းရွှယ်ကို အေးစက်စွာ ပြောလိုက်သည်

“မင်းက ဘာလာလုပ်တာလဲ"

ချန်ကျင်းရွှယ်သည် ပြုံးနေသော မျက်နှာဖြင့် သူ့အကြည့်ကို ပြန်ကြည့်သည်

"ရှင့်ရဲ့ တာအိုပါတနာယူသွားတာကို ကြားတာနဲ့ လာကြည့်တာ သဘာဝပဲ မဟုတ်လား ။ ကျွန်မ သိချင်စိတ်သက်သက်နဲ့ လာကြည့်တာပါ"

ရီဖန်သည် ရီရှောင်းရှောင်းကို အမြန်သတိပေးပြီးနောက် သူ၏စပ်စုသောအကြည့်ကို ချန်ကျင်းရွှယ်ဘက်သို့ လှည့်လိုက်သည်။ ဤအမျိုးသမီးသည် အရှေ့ဧကရာဇ်၏ အဆက်ဟောင်းဖြစ်နိုင်သလော။

"ချန်ကျင်းရွှယ်၊ ငါရဲ့ တာအိုလက်တွဲဖော်ရွေးချယ်မှုက မင်းနဲ့ ဘာဆိုင်လဲ" အရှေ့ပိုင်းဧကရာဇ်မင်းသည် တိုက်ခိုက်လိုစိတ်ကို ထိန်းချုပ်ထားသည်။

ချန်ကျင်းရွှယ်၏ မျက်နှာပေါ်ရှိ အပြုံးသည် အေးစက်သောအမူအရာဖြင့် အစားထိုးလိုက်ကာ

"အရှေ့ဧကရာဇ်၊ ရှင်က ကျွန်မနဲ့ပူးပေါင်းတာထက် ကျေးကျွန်လူမျိုးကို ဘာကြောင့် ရွေးခဲ့တာလဲဆိုတာ ကျွန်မနားမလည်နိုင်ဘူး။ ကျွန်မလို ဧကရာဇ်နဂါးတောင်တန်းက သူ့လိုတိုင်းပြည်နဲ့ ယှဉ်လျှင် နိမ့်ကျနေသလား၊ ရှင့်ရဲ့ရွေးချယ်မှုက ပြတ်သားမှုမရှိဘူးလို့ပြောရမယ်”

ချန်ကျင်းရွှယ်သည် အရှေ့ဧကရာဇ်မြို့တော်ကို စစ်တမ်းကောက်ယူခဲ့သည်။ မြို့တစ်မြို့ပိုင်ဆိုင်ခြင်းသည် ဧကရာဇ်နဂါးတောင်တန်းအတွက် သိသာထင်ရှားသော အကျိုးကျေးဇူးများကို ဆောင်ကြဉ်းပေးမည်ဖြစ်သည်။

သို့သော် နဂါးနက်အင်ပါယာနှင့်အတူ၊ အသစ်စက်စက် မြို့အရှင်အမိန့်ကိုရယူခြင်းသည် အလွန်စိန်ခေါ်မှုဖြစ်သည်။ သိူ့မဟုတ်ပါက ချန်ကျင်းရွှယ်သည် အရှေ့ဧကရာဇ်မြို့တော်ကို ပစ်မှတ်ထားမည် မဟုတ်ပေ။

“အရှေ့ဧကရာဇ်၊ ဧကရာဇ်နဂါးတောင်တန်းနဲ့ မဟာမိတ်မလုပ်တော့ရင် ကျွန်မကို မြို့အရှင်ရဲ့အမိန့်ကို ကျေကျေနပ်နပ်နဲ့ ပေးလို့ရတယ်”

ချန်ကျင်းရွှယ်သည် နောက်ဆုံးတွင် သူမ၏ ရည်ရွယ်ချက်ကို ထုတ်ဖော်ပြသခဲ့သည်၊ သူမသည် အရှေ့ဧကရာဇ်မြို့တော်၏ မြို့အရှင်အမိန့်ကို လိုချင်သည်။ အရှေ့ဧကရာဇ်၏ မျက်နှာသည် မည်းမှောင်လာသည်။ အရှေ့ဧကရာဇ်မြို့သည် သူ၏ဘိုးဘေးများထံမှ ဆင်းသက်လာခြင်းဖြစ်သည်။ ပြင်ပလူကို မည်သို့ပေးအပ်နိုင်မည်နည်း။ မှန်သည်၊ ရီမိသားစုကိုတော့ ပြင်ပလူအဖြစ် မသတ်မှတ်ထားချေ။

"ချန်ကျင်းရွှယ်၊ မင်းရဲ့ စိတ်ကူးယဉ်မှုတွေထဲမှာပဲ မနေပါနဲ့။ မြို့အရှင်အမိန့်ပေးထားပြီးပြီ”

"ဘာလဲ? ရှင်က တခြားတစ်ယောက်ကို အမိန့်ပေးခဲ့တာလား။"

ချန်ကျင်းရွှယ်၏မျက်နှာသည် မယုံကြည်နိုင်မှုကို ရောင်ပြန်ဟပ်နေလျက်

"ရှင် အဲဒီတောသူမကို အမိန့်ပေးခဲ့တာလား"

"အတိအကျပြောရရင် ရှောင်းရှောင်းက မင်းပြောခဲ့တဲ့ တောသူမ မဟုတ်ဘူး၊ သူက ငါ့ရဲ့တာအိုလက်တွဲဖော်"

ထုံးစံအတိုင်း အရှေ့ဧကရာဇ်သည် ရီရှောင်ရှောင်ကို မည်သူကိုမျှ စော်ကားခွင့်မပြုပေ။ ထိုအချိန်တွင် လေဟာနယ် အကွဲအပြဲတစ်ခုပွင့်လာကာ ရီဖန်သတိပေးလိုက်သော ရီရှောင်းရှောင်းရောက်ရှိလာသည်။

ရီရှောင်းရှောင်းကို ကြည့်ပြီးနောက် မနာလိုမှုအရိပ်အယောင်သည် ချန်ကျင်းရွှယ်၏မျက်နှာပေါ်တွင် ပေါ်လာ၏။ ဤအမျိုးသမီးသည် သူမထက် အနည်းငယ်ပိုလှသော်လည်း အရှေ့ပိုင်းဧကရာဇ်ထံမှ ထိုသို့သောဆက်ဆံမှုကို သူမအား အဘယ်အရာက ထိုက်တန်စေသနည်း။ သူ့ကို မြို့အရှင်အမိန့်ကိုပင် ပေးလိုက်သေးသည်။ ကျင့်ကြံသူတစ်ဦးအတွက် ၎င်းတို့၏အသွင်အပြင်ကို ပြောင်းလဲရန် မခဲယဉ်းပေ။

မည်မျှပင် ပြောင်းလဲစေကာမူ နောက်ဆုံးတွင် ရုပ်ခန္ဓာသည် ပြောင်းလဲခြင်းသာဖြစ်၏။ စိတ်ဝိညာဉ်၏အနှစ်သာရကို မပြောင်းလဲနိုင်ချေ။ ထို့ကြောင့် ကျင့်ကြံသူများအတွက်ပင်လျှင် ရုပ်ရည်သည် အားသာချက်ဖြစ်သည်။ ရီရှောင်းရှောင်းကိုမြင်သောအခါ အရှေ့ဧကရာဇ်သည် သူမ၏လက်ကို ချက်ချင်းဆွဲကိုင်လိုက်ပြီး သူ၏စိတ်အားထက်သန်မှုကိုပြသသည်။

မနာလိုစိတ်များ ဖုံးလွှမ်းနေသည့် ချန်ကျင်းရွှယ်သည် အိမ်ထောင်ပြုခြင်းအားဖြင့် မြို့အရှင်အမိန့်ကိုရယူရန် အခွင့်အလမ်းမရှိတော့သည်ကို သဘောပေါက်သွား၏။

"အဲဒါဆိုရင် အရှေ့ဧကရာဇ်၊ ဖြစ်ပျက်မယ့်ကိစ္စအတွက် ကျွန်မကို အပြစ်မတင်နဲ့!"

"အရှေ့ဧကရာဇ်၊ ရှင် အရှေ့ဘက်ဧကရာဇ်မြို့တော်ကို ဆိုးရွားတဲ့ အရာတစ်ခုမှ မကြုံစေချင်ဘူး မဟုတ်လား"

ထို့ကြောင့် ချန်ကျင်းရွှယ်သည် ချက်ချင်းပင် လက်ကွက်တစ်ခုဖန်တီးကာ အရှေ့ဧကရာဇ်မြို့တော်ကို တိုက်ခိုက်ခဲ့သည်။ ချန်ကျင်းရွှယ်သည် အရှေ့ဧကရာဇ်သည် မြို့ကိုမပျက်စီးစေလိုကြောင်း အခိုင်အမာယုံကြည်သောကြောင့် သူမသည် ၎င်းအားအသုံးချရန် စီစဉ်ခဲ့သည်။

အရှေ့ဘက်ဧကရာဇ်သည် ချန်ကျင်းရွှယ် ၏တိုက်ခိုက်မှုကို တုံ့ပြန်နိုင်ခဲ့သည်။ သို့သော် အရှေ့ဧကရာဇ်သည် ချန်ကျင်းရွှယ်ကိုကြည့်နေစဉ် သူ့မျက်နှာပေါ်တွင် လှောင်ပြောင်သော အပြုံးဖြင့် ရပ်နေခဲ့သည်။ ချန်ကျင်းရွှယ်၏တိုက်ခိုက်မှုသည် အရှေ့ဧကရာဇ်မြို့တော်ကို ကျရောက်ခါနီးတွင် ကြယ်အလင်းတန်းများက ရုတ်တရက် မြို့တော်ကို လွှမ်းခြုံသွားသည်။

‘ကောင်းကင်နှင့် ကြယ်တာရာ အခင်းအကျင်း’

ရီမိသားစုသည် အရှေ့ဧကရာဇ်မြို့တော်ကို သိမ်းပိုက်ပြီးကတည်းက ၎င်းတို့၏ အကာအကွယ်ပုံစံကို ပြုပြင်ခဲ့သည်။ ရီဖန်ပတ်ဝန်းကျင်ရှိ အခင်းအကျင်းများသည် သဘာဝကျစွာပင် ယုတ်ညံ့မည်မဟုတ်ချေ။ တိုက်ခိုက်မှုမှာ ပျောက်ကွယ်သွားပြီး အရှေ့ဧကရာဇ်မြို့တော်သည် အခိုင်အမာ ရပ်တည်ခဲ့သည်။ ချန်ကျင်းရွှယ်၏ မျက်နှာသည် ပြာဝေသွားသော်လည်း သူမအရှုံးပေးရန်မစီစဉ်ထားပေ။

“တိုက်ခိုက်!”

ဧကရာဇ်နဂါးတောင်တွင် ကိုယ်ခန္ဓာပေါင်းစည်းခြင်းနယ်ပယ်အဆင့် ကျင့်ကြံသူတစ်ဉီးထက်ပိုကာ ကျင့်ကြံသူနှစ်ဦးသည် ဧကရာဇ်မင်းမြတ်ထံတိုက်ခိုက်ခဲ့သည်။ ထိုအချိန်တွင် ချန်ကျင်းရွှယ်သည် ရီရှောင်းရှောင်းနှင့် တိုက်ခိုက်သည်။

"မင်းက ကံကြမ္မာကို လှည့်စားတဲ့ နိမ့်ကျတဲ့နိုင်ငံက မိန်းကလေးတစ်ယောက်ထက် ဘာမှမပိုပါဘူး။ ဒီနေ့ မင်းမတက်နိုင်တဲ့ လိဂ်တွေရှိတယ်ဆိုတာ ပြပေးမယ်"

ချန်ကျင်းရွှယ်ထံမှ အလယ်အလတ်အဆင့် ကိုယ်ခန္ဓာပေါင်းစည်းခြင်းနယ်ပယ်၏ ရောင်ဝါထွက်ပေါ်လာကာ သတ္တမအဆင့် အင်မော်တယ်လက်နက်တစ်ခုသည် ရီရှောင်းရှောင်း ဆီသို့ ချက်ချင်းကျရောက်သွားသည်။

တည်ငြိမ်သောမျက်နှာဖြင့် ရီရှောင်းရှောင်းသည် သူမ၏ကိုယ်ပိုင်အင်မော်တယ်လက်နက်ဖြစ်သော ရီဖန်မှ သန့်စင်ပေးထားသည့် အဋ္ဌမအဆင့် လူသားဧကရာဇ်စည်းတံဆိပ်ကို ထုတ်ယူလိုက်သည်။ ယွင်ချောင်စွမ်းအားကို လူသားဧကရာဇ်စည်းတံဆိပ်ထဲသို့ ထည့်သွင်းထားကာ ရီရှောင်းရှောင်း၏ အမူအရာသည် လူသားမျိုးနွယ်ကို ထိန်းချုပ်သည့် ဘုရင်မတစ်ပါးကဲ့သို့ ချက်ချင်းပင် သာလွန်ကောင်းမွန်လာသည်။ ပုံမှန်အားဖြင့် ကြော့ရှင်းပြီး မြင့်မြတ်သော ချန်ကျင်းရွှယ်သည် ရီရှောင်းရှောင်း၏ရှေ့တွင် အစေခံတစ်ဦးနှင့်ပိုတူသည်။

"လူသားဧကရာဇ်စည်းတံဆိပ်၊ ဖိနှိပ်!"

လူသားဧကရာဇ်စည်းတံဆိပ်သည် ချန်ကျင်းရွှယ်၏ အင်မော်တယ်လက်နက်ကို အပြင်းအထန် ဆောင့်ချလိုက်ရာ ချက်ခြင်းပင် ကွဲအက်သွားသည်။ ယင်းသည် အဋ္ဌမအဆင့် အင်မော်တယ်လက်နက်၏ကြောက်မက်ဖွယ်ပင်။ ချန်ကျင်းရွှယ်၏ ခန္ဓာကိုယ်သည် လျင်မြန်စွာ ဆုတ်ခွါသွားကာ ရီရှောင်းရှောင်း၏ ထိုးနှက်ချက်ကြောင့် ချက်ချင်းပင် အသတ်ခံရလုနီးပါးဖြစ်သည်။

"မင်းမှာ အဋ္ဌမအဆင့် အင်မော်တယ်လက်နက် ဘယ်လိုရနိုင်မလဲ။ မင့်မှာ ဘာအာဏာရှိလို့လဲ"

ချန်ကျင်းရွှယ်၏အချက်အလက်များအရ ရီရှောင်းရှောင်းသည် မည်သည့်နေရာမှလာခဲ့သော အင်အားကြီးသောအဖွဲ့၏ တပည့်မှမဟုတ်ဘဲ သူမသည် ကံကောင်းခြင်းများစွာကို ပိုင်ဆိုင်ထားသည့် လွတ်လပ်သောကျင့်ကြံသူတစ်ဦးဖြစ်သည်။

ယခုမူ ဤလွတ်လပ်သော ကျင့်ကြံသူ၏အင်မော်တယ်လက်နက်သည် သူ့ကိုယ်ပိုင်ထက် အမှန်တကယ်ပင် သာလွန်နေသောကြောင့် ချန်ကျင်းရွှယ်အတွက် လက်ခံရန် ခက်ခဲသည်။ ဤတောသူမကို အရှေ့ဧကရာဇ်က အဘယ်ကြောင့် သဘောကျပြီး ဤမျှကံကောင်းရသနည်း။

"ဒါကို ငါလက်မခံဘူး!"

ချန်ကျင်းရွှယ်သည် ရီရှောင်းရှောင်းထံ နောက်တစ်ကြိမ် ပြေးသွားလိုက်သော်လည်း နောက်တစ်ကြိမ် ပြန်ခေါက်သွားသည်။ ထိုအချိန်တွင် ရီဖန်လည်းရောက်ရှိလာ၏။

အမှိုက်ကဲ့သို့သောမိန်းမကို သူ့ညီမပါးရိုက်သည့် မြင်ကွင်းအား ကြည့်ရခြင်းကို သူသဘောကျသည်။

သို့သော် ရီဖန်သည် ရီမိသားစုသည် ကျေးလက်ဒေသခံမျိုးရိုးမျှသာမဟုတ်ကြောင်း ၎င်း၏ညီမအတွက် သက်သေပြရန်လိုအပ်သည်။ ရီဖန်၏ခေါင်းထက်တွင် ပျက်ဆီးခြင်းမ္ဘာကြီး ပေါ်လာသည်။

‘ကြယ်တာရာခူးဆွတ်သောလက်’

ရီဖန် ရိုက်ချလိုက်သောအခါ မိုင်ထောင်ချီဝေးသော ဧကရာဇ်နဂါးတောင်တန်းရှိ လူတိုင်းသည် ကောင်းကင်ယံကို ထိတ်လန့်စွာမျှော်ကြည့်နေကြသည်။ ကောင်းကင်မှ လက်တစ်ဖက်သည် ဖြည်းဖြည်းချင်း ဖိနေတယ်။

ဘမ်း!

ကမ္ဘာမြေကြီးကွဲအက်သွားကာ ဧကရာဇ် နဂါးတောင်တန်းကြီး၏ အကာအကွယ်သည် ချက်ချင်း ကွဲအက်သွားခဲ့သည်။ နောက်ဆုံးတွင် ဧကရာဇ်နဂါးတောင်တစ်ခုလုံးသည် အပျက်အစီးများအဖြစ်သို့ ပြောင်းလဲသွားသည်။

မျက်နှာဗလာဖြင့် ချန်ကျင်းရွှယ်သည် ရီဖန်ကို စိုက်ကြည့်ကာ “မင်း ငါ့ရဲ့ ဧကရာဇ်နဂါးတောင်တန်းကို ဖျက်ဆီးပစ်လိုက်တယ်!”

"ဟုတ်တယ်" ရီဖန်သည် ခေါင်းညိတ်လိုက်ကာ သူသည် ဧကရာဇ်နဂါးတောင်တန်းကို အမှန်တကယ် ဖျက်ဆီးခဲ့ကြောင်းပြောလိုက်သည်။

ဧကရာဇ်နဂါးတောင်တန်းမှ ကျင့်ကြံသူများသည် ချန်ကျင်းရွှယ်ကို စိုက်ကြည့်နေစဉ် ဆံပင်များထိုးထောင်နေကာ သူတို့၏မျက်လုံးများသည် သံသယနှင့်ဒေါသများဖြင့် ပြည့်နှက်နေသည်။

အရှေ့ဧကရာဇ်၏ လက်တွဲဖော်သည် လူနည်းစုမျိုးနွယ်မှ ဖြစ်သည်ဟု မဆိုထားနှင့်။ လက်ဖဝါးတစ်ချက်နှိပ်ရုံဖြင့် ဧကရာဇ်နဂါးတောင်တန်းကို ဖျက်ဆီးနိုင်သည့် သေးငယ်သောမျိုးနွယ်စုလော။ ခဏအကြာတွင် ရူးသွပ်သွားသော ချန်ကျင်းရွှယ်သည် သူမ၏ခေါင်းကို မော့လိုက်သည်။

“နှင်းနဂါးတောင်တန်းက မင်းတို့ကို အလွှတ်မပေးဘူး”

"နှင်းနဂါးတာအိုပညာရှင်ကို ငါအကြောင်းကြားပြီးပြီ၊ မင်းသေတော့မှာ၊ မင်းတို့အားလုံး သေရတော့မယ်။"

အိုး၊ နှင်းနဂါးတောင်သည် ဧကရာဇ်နဂါးတောင်တန်း၏ နောက်ကွယ်ရှိ အင်အားစုတစ်ခုဖြစ်သလော။

"နှင်းနဂါးတောင်တန်းမှာ ဒုက္ခအဘိညာဉ်အဆင့်ကျင့်ကြံသူရှိတယ်။"

ဒုက္ခအဘိညာဉ်အဆင့်။ ရီဖန် မျက်ခုံးပင့်လိုက်သည်။ ပြဿနာကို သူမကြိုက်သော်လည်း ယခုပြဿနာက ရောက်လာသည့်အတွက် သဘာဝကျကျ ရင်ဆိုင်ရလိမ့်မည်။ ရီဖန်၏သိုလှောင်အိတ်ထဲမှ မရေမတွက်နိုင်သော ပစ္စည်းများထွက်လာသည်။

အရှေ့ဧကရာဇ်မြို့တော်အခင်းအကျင်းသည် ဒုက္ခအဘိညာဉ်အဆင့်ကျင့်ကြံသူကို ကိုင်တွယ်ဖြေရှင်းရန်မလုံလောက်သော အဆင့်ခုနစ်သာဖြစ်သည်။ ထိုသို့ဆိုလျှင် သူသည် အဋ္ဌမအဆင့်အခင်းအကျင်းကို တည်ဆောင်ရလိမ့်မည်။

အင်မော်တယ်သုတ်သင်ခြင်းဓားအခင်းအကျင်းသည် အင်မော်တယ်သုတ်သင်ခြင်းအခင်းအကျင်းပုံကြမ်းအဖြစ် အသုံးပြုရန်အတွက်သာမကဘဲ ပြီးပြည့်စုံသည့် အင်မော်တယ်သုတ်သင်ခြင်းဓားအခင်းအကျင်းကို စီစဉ်ပြီးသောအခါ ၎င်းသည် ကြောက်စရာအကောင်းဆုံး စွမ်းအားဖြစ်လာမည်ဖြစ်သည်။ မရေမတွက်နိုင်သောပစ္စည်းများကို ရီဖန် ဖွဲ့စည်းတည်ဆောက်ခဲ့ကာ ကြီးမားသော အသွင်သဏ္ဌာန်သည် တဖြည်းဖြည်း ဖြစ်ပေါ်လာသည်။

ရီဖန်၏ လုပ်ရပ်ကိုကြည့်ရင်း ချန်ကျင်းရွှယ်သည် ထိတ်လန့်သွားသည်။ ဤလူသည် ဒုက္ခအဘိညာဉ်အဆင့်ကျင့်ကြံသူကို အမှန်တကယ် ဖျက်ဆီးနိုင်ပါသလော။

…………….

အခန်း ၁၄၁ - အဘယ်ကြောင့် ဒုက္ခအဘိညာဉ် အဆင့်သည် သန်မာပုံမပေါ်ရသနည်း။

ချန်ကျင်းရွှယ်သည် နှင်းနဂါးတောင်၏ ဒီမီအင်မော်တယ်ဖြစ်သူကို သတိထားမိသောကြောင့် ထိတ်လန့်တကြားဖြစ်ခဲ့ရသည်။ ၎င်းဒီမီအင်မော်တယ်သည် သူမ၏ ဖခင်အရင်းဖြစ်၏။ ထို့အပြင် ချန်ကျင်းရွှယ်၏ ထူးချွန်သောစွမ်းရည်ကြောင့် သူမသည် နှစ်သုံးထောင်အောက်အတွင်း ကိုယ်ခန္ဓာပေါင်းစည်းနယ်မြေအဆင့်၏ အလယ်အလတ်အဆင့်ကို ကျော်ဖြတ်နိုင်ခဲ့ကာ အလွန်ချီးမြှောက်ခံရသည်။

ရီဖန်ဘက်တွင်မူ သူစတင်လုပ်ဆောင်နေပြီဖြစ်ကာ အခင်းအကျင်းများကို ဆက်တိုက်ဖွဲ့စည်းခဲ့သည်။ အကယ်၍သူသည် ဒုက္ခအဘိဥာဉ်အဆင့်ရှိ ကျင့်ကြံသူနှင့် ရင်ဆိုင်ရပါက ရီဖန်သည် အမှန်တကယ်ပင် ယှဉ်နိုင်မည်မဟုတ်ဘဲရှိသည်။ သို့သော် ခြုံခိုတိုက်ခိုက်ရမည်အတွက်မူ ရီဖန်မကြောက်ချေ။ အချိန်လုံလောက်စွာပေးထားသည့် အဆင့်ရှစ်အခင်းအကျင်းသည် ဒုက္ခအဘိဥာဉ်အဆင့်ကျင့်ကြံသူထက် မနည်းပေ။

ချန်ကျင်းရွှယ်သည် သူမ၏ဖခင်ကို ထပ်မံဆက်သွယ်ရန် ကြိုးစားခဲ့သော်လည်း သူမသည် အဆက်ဖြတ်ခံခဲ့ရကြောင်း တွေ့ရှိခဲ့သည်။ ရီဖန်သည် စုစုပေါင်းအခင်းအကျင်းကိုးခုကို တည်ဆောက်ထားကာ တစ်ခုစီပေါင်းစပ်မှုသည် ကန့်သတ်ချက်နီးပါးရှိနေသည်။ ဒုက္ခအဘိဥာဉ်အဆင့်ရှိ ကျင့်ကြံသူနှင့် ပထမဆုံးအကြိမ် ရင်ဆိုင်ရသည့်အတွက် ရီဖန်သည်လည်း သတိထားခဲ့သည်။

ဒုက္ခအဘိဥာဉ်အဆင့်သည် အစွမ်းထက်လွန်းတာကြောင့် မည်သူမျှ သတိမထားမိနိုင်ချေ။ နောက်ထပ် သူလုပ်ရမည်မှာ သားကောင်ကိုသူ့အလိုလို ငါးစာလာဟပ်ရန်စောင့်ရမည်ဖြစ်သည်။

တစ်နာရီအကြာတွင် ကောင်းကင်၌ ကြောက်မက်ဖွယ်ကောင်းသော တည်ရှိမှုတစ်ခု ပေါ်လာကာ အရှေ့ဧကရာဇ်မြို့တော်တစ်ခုလုံး တုန်လှုပ်ချောက်ချားသွားစေသည်။ ကံကောင်းစွာဖြင့် ဤကမ္ဘာကြီးသည် ခိုင်ခံ့သောနေရာတစ်ခုဖြစ်သည်။ ရန်ဟွမ်ကမ္ဘာတွင် ဒုက္ခအဘိဥာဉ်အဆင့်သည် လက်တစ်ချောင်းမျှပင်မ၊မဘဲ အာကာသကို ဖြိုခွဲနိုင်သည်။ သို့သော် ရီဖန်၏အမူအရာမှာ အနည်းငယ် ထူးဆန်းသည်။ ဤရောင်ဝါသည် အလွန်ပြင်းထန်ပုံမပေါ်ချေ။

မဟုတ်သေး၊ ဤဒုက္ခအဘိဥာဉ်အဆင့်ကျင့်ကြံသူသည် အစွမ်းကုန်ထုတ်သုံးခြင်းမဟုတ်ဘဲ၊ သူက ရီဖန်ကို ပေါ့လျော့နေစေရန် ဗျူဟာချထားခြင်းဖြစ်ရမည်။ ရီဖန်သည် သူ၏အခင်းအကျင်းများကို အသက်သွင်ရန် မန္တန်ကိုထုတ်လိုက်သည်။

"ငါ့သမီးဘယ်မှာလဲ!"

နှင်းနဂါးအင်မော်တယ်တစ်ပိုင်းသည် ချန်ကျင်းရွှယ်၏သဲလွန်စကိုရှာဖွေနေကာ အရှေ့ဧကရာဇ်မြို့အပြင်ဘက်တွင် သူမကို အမြန်ရှာဖွေတွေ့ရှိခဲ့သည်။ ချန်ကျင်းရွှယ်၏ မျက်လုံးများဗလာဖြစ်နေကာ သူမ၏စိတ်ဝိညာဉ်သည် ရီဖန်ထံပိတ်မိနေသောကြောင့် သတိပေးချက် မပေးပို့နိုင်တော့ပေ။ နှင်းနဂါးအင်မော်တယ်တစ်ပိုင်းသည် ဒုက္ခအဘိဥာဉ်အဆင့်တွင် အခြားကျင့်ကြံသူရှိနေသည်ကို ရိပ်မိခြင်းမရှိသောကြောင့် သူသည် သတိမထားမိလိုက်ပေ။

မျက်စိတစ်မှိတ်အတွင်းတွင် သူသည် ချန်ကျင်းရွှယ်အနားသို့ ရောက်ရှိလာကာ သူ့စွမ်းအားကို ချန်ကျင်းရွှယ်ထဲသို့ ထိုးသွင်းလိုက်ခြင်းဖြင့် သူမ၏ စိတ်ဝိညာဉ်ကို ချည်နှောင်ထားသည့် ကန့်သတ်ချက်များမှ ချက်ချင်းလွတ်မြောက်စေခဲ့သည်။

"ဖေဖေ၊ ပြေး၊ အဲဒါ ထောင်ချောက်!"

ချန်ကျင်းရွှယ်သည် အခွင့်အရေးရခိုက်တွင် သတိပေးခဲ့သော်လည်း အရမ်းနောက်ကျသွားပြီဖြစ်၏; ကြီးမားသောအခင်းအကျင်းသည် ချက်ခြင်းအသက်ဝင်လာကာ နှင်းနဂါးအင်မော်တယ်တစ်ပိုင်းနှင့် ချန်ကျင်းရွှယ်တို့ကို လွှမ်းခြုံထားသည်။

‘ဒုက္ခမိုးကြိုးကိုးခုအခင်းအကျင်း၏ ပထမအလွှာ’

ကောင်းကင်ယံ၌ တိမ်တိုက်များမှလျှပ်စီးလက်၍ မိုးကြိုးများသည် ကောင်းကင်ကိုဖြတ်၍ ဖြာကျနေသည်။

ဘမ်း!

နှင်းနဂါးအင်မော်တယ်တစ်ပိုင်းထံသို့ မိုးကြိုးပစ်ချလိုက်သည်။ နှင်းနဂါးအင်မော်တယ်တစ်ပိုင်းအတွက် ၎င်းသည်ဘာမှမထူးခြားပုံရကာ ၎င်းသည် ဝရဇိန်မျှသာဖြစ်၏။ နှင်းနဂါးအင်မော်တယ်တစ်ပိုင်းသည် အခြားဖွဲ့စည်းမှုအခင်းအကျင်းတစ်ခုဖြစ်သည့် ကောင်းကင်ကိုလှည့်စားပြီး ပင်လယ်ကိုဖြတ်ကျော်ကာ၊ ဒုက္ခမိုးကြိုးကွင်းနောက်မှရောက်ရှိလာသော အခင်းအကျင်းကို သတိမထားမိလိုက်ချေ။

ဘမ်း!

နှင်းနဂါးအင်မော်တယ်တစ်ပိုင်းသည် လှည့်စားခံရကြောင်းကို ရိပ်မိသွားသောအခါမှ မိုးကြိုးကျည်ထိမှန်သွားပြီဖြစ်၏။ နှင်းနဂါးအင်မော်တယ်တစ်ပိုင်းသည် သူ၏ အင်မော်တယ်လက်နက်ဖြင့် တားဆီးရန် ဆင့်ခေါ်လိုက်သည့်အချိန်တွင် အချိန်နှောင်းသွားလေပြီ။

မိုးခြိမ်းသံများကျဆင်းလာကာ သူ၏ အကာအကွယ်စွမ်းအားသည် ချက်ချင်း ကွဲအက်သွားသည်။ မြင့်မြတ်သော နှင်းနဂါးအင်မော်တယ်တစ်ပိုင်းသည် သတိလွတ်သွားသောကြောင့် သူ၏ဆံပင်များအဆုံးထိ ထောင်နေခဲ့သည်။

"အား! ခွေးမသား၊ မင်းသေချင်နေတာပဲ"

နှင်းနဂါးအင်မော်တယ်တစ်ပိုင်းသည် ဒေါသတကြီးဖြစ်လာပြီး သူ၏အင်မော်တယ်လက်နက်ကို ချက်ချင်း ဆင့်ခေါ်ကာ ရက်စက်ကြမ်းကြုတ်သောစွမ်းအားဖြင့် ဖြိုခွင်းရန် အခင်းအကျင်းကို ဖောက်ခွဲလိုက်သည်။

ဘမ်း! ဘမ်း! ဘမ်း!

လျှပ်စီးကြောင်းတစ်ခုပြီးတစ်ခု ဆက်တိုက်ကျလာသည်။ ဒုက္ခမိုးကြိုးမုန်တိုင်းကိုးခုပြီးနောက် နှင်းနဂါးအင်မော်တယ်တစ်ပိုင်းသည် ပြင်းထန်သော ဒဏ်ရာများကို ရရှိထားပြီးဖြစ်ကာ သူ၏ရောင်ဝါသည် သိသိသာသာ အားနည်းသွားခဲ့သည်။

သို့သော် နှင်းနဂါးအင်မော်တယ်တစ်ပိုင်းသည် အခင်းအကျင်း၏စွမ်းအားများ လုံးဝကုန်ဆုံးသွားသည်ကို သူသဘောပေါက်လိုက်ကာ သက်ပြင်းတစ်ချက်ချလိုက်၏။ ထို့နောက် နှင်းနဂါးအင်မော်တယ်တစ်ပိုင်း စင်ပေါ်တက်ရန် သူ့အလှည့်ဖြစ်လာမည်ဖြစ်၏။

သူ့အားကြံစည်ကာ သတ္တိရှိရှိ အခင်းအကျင်းတည်ဆောက်ခဲ့သူ၏ စိတ်ဝိညာဉ်ကို အနှစ်တစ်သောင်းဝိညာဉ်မီးဖြင့် မီးရှို့ပစ်တော့မည်ဖြစ်သည်။

ချန်ကျင်းရွှယ်သေဆုံးခါနီးတွင် သူမသည် နှင်းနဂါးအင်မော်တယ်တစ်ပိုင်း၏ကာကွယ်မှုကြောင့် လွတ်မြောက်ခဲ့သည်။ သို့သော် ယခုအချိန်တွင် ချင်ကျင်းရွှယ်၏မျက်နှာတွင် ပျော်ရွှင်မှုအရိပ်အမြွက်မပြပေ။ သူမ မြင်ဖူးသည်မှာ ရီဖန်ခင်းထားသော အခင်းအကျင်းများသည် စုစုပေါင်း ကိုးခုရှိသည်။

ထို့အပြင် ယခုမှ ပထမတစ်ခုသာ ရှိသေး၏။ ဒုတိယအခင်းအကျင်းဖြစ်သည့် အရိုးကြိတ်ချေခြင်းကောင်းကင်လေ အခင်းအကျင်း။

အထက်ကောင်းကင်မှ ဆင့်ခေါ်လာသော ကောင်းကင်လေသည် ဝိညာဉ်စွမ်းအားကို အားပျော့စေကာ ဒုက္ခအဘိညာဉ်အဆင့်ရှိသူများကိုပင် ဒုက္ခရောက်စေနိုင်သည်။

ထိတ်လန့်မှုသည် နှင်းနဂါးအင်မော်တယ်တစ်ပိုင်း၏မျက်နှာတွင် ဖြတ်ပြေးသွားသည်။ နောက်တစ်ခုလာပြန်ပြီ။ ဒုတိယအခင်းအကျင်းကို အနိုင်နိုင်ဖြတ်ကျော်နေစဉ် တတိယနှင့် စတုတ္ထအခင်းအကျင်းတို့သည်လည်း တစ်ချိန်တည်းတွင် ပေါ်ပေါက်လာခဲ့သည်။

‘အင်မော်တယ် ကောင်းကင်ဘုံမီးအခင်းကျင်းသုံးခုနှင့် နယ်သာပင်လယ်နွေဦးမြစ်အခင်းအကျင်း’

နာမ်ဝိညာဉ်မှရုပ်ခန္ဓာအထိ အတွင်းစိတ်မှသန့်စင်ခြင်း ဖြစ်သည်။ သူ၏ရုပ်ခန္ဓာသည် နယ်သာပင်လယ်ရေပြင်တွင် နစ်မြုပ်သွားသောအခါ၊ နှင်းနဂါးအင်မော်တယ်တစ်ပိုင်းသည် ခုခံမှုကို လုံးဝစွန့်လွှတ်ခဲ့သည်။

သူ့ကိုရရှိရန် ဤအခင်းအကျင်းအားလုံးကို အသုံးချခြင်းသည် အရင်းအမြစ်များကို ဖြုန်းတီးသကဲ့သို့ဖြစ်မည်ကို မကြောက်သလောဟူသည့်မေးခွန်းတစ်ခုသည် သူ့စိတ်ထဲတွင် ပြည့်နှက်နေသည်။

သူသည် ဒုက္ခအဘိဉာဉ်အစောပိုင်းအဆင့်တွင်သာရှိရာ ဤကမ္ဘာပေါ်တွင် မည်သည့်အရာကိုလုပ်ဆောင်နိုင်ပါမည်နည်း။ စိတ်ဝိညာဉ်သည်ကွယ်ပျောက်သွားပြီးနောက် အသိစိတ် ပျက်သုဉ်းသွားကာ အရာအားလုံး အမှောင်ထဲ ထိုးကျသွားသည်။

သို့သော် ရီဖန်သည် ထိုနေရာတွင် ရပ်မနေချေ။ ဒုက္ခအဘိညာဉ်အဆင့်ကျင့်ကြံသူများတွင် အထူးလှည့်ကွက်အချို့ရှိမရှိကို မည်သူသိသနည်း။ လုံခြုံသည်ဟု ခံစားရရန်အတွက် ၎င်းတို့ကို ပြာအဖြစ်မီူရှို့ခဲ့သည်။

ရီဖန်သည် နောက်ထပ်အခင်းအကျင်းနှစ်ခုကို အဆက်မပြတ်အသက်သွင်းနေသည် ကိုတွေ့မြင်ပြီးနောက်၊ ကမ္ဘာပေါ်တွင်ကျန်ခဲ့သော နှင်းနဂါးအင်မော်တယ်တစ်ပိုင်း၏နောက်ဆုံးခြေရာသည် လုံးဝပျောက်ကွယ်သွားကာ ရီဖန်သည် ကျန်ရှိနေသော အခင်းအကျင်းမြေပုံများကို ဖယ်ထုတ်ပစ်လိုက်သည်။

သူ့လက်ထဲတွင် ကျန်နေသော အခင်းအကျင်းမြေပုံသုံးခုကို ကြည့်လိုက်ရာ ရီဖန်သည် သူ၏လက်ရှိတိုက်ခိုက်ရေးစွမ်းအားကို လျှော့တွက်မိသကဲ့သို့ ခံစားလိုက်ရသည်။ ဒုက္ခအဘိညာဉ်အဆင့်မှသူများသည် ဒီလောက် သန်မာပုံမပေါ်နေချေ။ ၎င်းက ကျေနပ်မှုကိုဖြစ်စေ၏။

နှင်းနဂါးအင်မော်တယ်တစ်ပိုင်းသည် သာမန်မျှဖြစ်သောကြောင့်၊ ဤမျှ ပျော့ညံ့နေရသည်ကို ဘယ်သူသိမည်နည်း။ ဒုက္ခအဘိညာဉ်အဆင့်ရှိ အခြားသူများသည် ဤမျှလောက် အားနည်းမည်မဟုတ်ပေ။

ကံကောင်းစွာဖြင့် နှင်းနဂါးအင်မော်တယ်တစ်ပိုင်းသည် ရီဖန်၏အတွေးများကို မသိခဲ့ချေ၊ မဟုတ်ပါက သူသည် ဒေါသနှင့် ပြန်လည်ရှင်သန်လာပေလိမ့်မည်။

‘မင်းငါ့ကိုသတ်နိုင်ပေမယ့် မင်းငါ့ကိုစော်ကားလို့မရဘူးကွ’

ယခုအချိန်တွင် ပထမဦးဆုံးဒုက္ခအဘိညာဉ်အဆင့်ကျင့်ကြံသူသည် ရီဖန်၏လက်ထဲတွင်ကျသွားသည်။ နှင်းနဂါးအင်မော်တယ်တစ်ပိုင်း သေသွားသဖြင့် ချန်ကျင်းရွှယ်သည်လည်း သဘာဝကျစွာပင် ချုပ်ငြိမ်းသွားခဲ့သည်။ သူ့လက်ကိုဝှေ့ယမ်းလိုက်ရာ သိုလှောင်လက်စွပ်နှစ်ကွင်းသည် ရီဖန်၏အပိုင်အဖြစ် အဆုံးသတ်သွားခဲ့သည်။

သူ့ဝိညာဉ်ရေးအသိဖြင့် စုံစမ်းကြည့်သောအခါ ရီဖန်ပင် ထိတ်လန့်သွားခဲ့သည်။ ဒုက္ခအဘိညာဉ်အဆင့်ကျင့်ကြံသူကို မျှော်လင့်ထားသည့်အတိုင်း သူတို့တွင် အရင်းအမြစ်များစွာရှိသည်။

အဋ္ဌမအဆင့် ဝိညာဉ်ရေးပစ္စည်း ဒါဇင်ပေါင်းများစွာကို သူတစ်ယောက်တည်း ရှာတွေ့ခဲ့သည်။ ဆဌမအဆင့်နှင့် သတ္တမအဆင့် ဝိညာဉ်ရေးပစ္စည်းများသည်ပို၍ပင် မရေမတွက်နိုင်အောင်ရှိနေသည်။ နှမြောစရာကောင်းသည်မှာ နဝမအဆင့်ဝိညာဉ်ရေးပစ္စည်းများ မရှိခြင်းပင်။

ရီဖန်သည် ရီဖန်၏ လက်ရှိချမ်းသာကြွယ်ဝမှုထက် ဘီလီယံသောင်းနှင့်ချီသော အဆင့်နိမ့် ဝိညာဉ်ကျောက်တုံးများနှင့်ညီမျှသော အဆင့်မြင့် ဝိညာဉ်ကျောက်တုံးရာနှင့်ချီ၍ တွေ့ရှိခဲ့ကာ အားလုံးသည် ယခု ရီဖန်လက်ထဲသို့ ကျဆင်းသွားသည် ။ ထက်မြက်သောအင်မော်တယ်ဖြစ်သူ ချန်ကျင်းရွှယ်၏ အရင်းအမြစ်များသည် ရန်ဟွမ်နယ်မြေရှိ ကိုယ်ခန္ဓာပေါင်းစည်းနယ်မြေအဆင့်ကျင့်ကြံသူများထက် များစွာသာလွန်သည်။

ကြီးမြတ်သောကမ္ဘာတစ်ထောင်ကို မျှော်လင့်ထားသည့်အတိုင်း အရင်းအမြစ်များသည် ကြွယ်ဝသည်၊ ရန်ဟွမ်နယ်မြေနှင့် နှိုင်းယှဉ်နိုင်သည့်အရာပင်မဟုတ်ချေ။

သိုလှောင်ကွင်းများကို သိမ်းလိုက်ရင်း ရီဖန်သည် ၎င်းကိုချေမှုန်းရန် နှင်းနဂါးတောင်သို့သွားရန် အစီအစဉ်မရှိပေ။ နှင်းနဂါးအင်မော်တယ်တစ်ပိုင်းသည် မည်မျှအားနည်းသည်ကိုထောက်၍ ရီဖန်သည် နှင်းနဂါးတောင်တန်းတွင် အပြင်းထန်ဆုံးကျင့်ကြံသူ မဖြစ်နိုင်ကြောင်း ခံစားခဲ့ရသည်။

အမှန်တကယ်တွင် ရီဖန်သည် ကိုယ်ခန္ဓာပေါင်းစည်းခြင်းအထွတ်အထိပ်တွင်သာရှိကာ ဒုက္ခအဘိညာဉ်အဆင့်မရောက်သေးချေ။

အခင်းအကျင်းများစည် အနေအထားအရတိုက်ပွဲများကိုသာ ဖန်တီးနိုင်ကာ လှေကိုမမှောက်စေရန်အတွက် ရီဖန်သည် သူ့ကိုယ်သူ ချုပ်တည်းထားသည်။ ဤအတောအတွင်း နှင်းနဂါတောင်တန်းအတွင်း နှင်းနဂါးအင်မော်တယ်တစ်ပိုင်း၏အမည်ကမ္ပည်းပြား အက်ကွဲသွားသည့်အခိုက်တွင် နှင်းနဂါးတောင်တစ်ခုလုံးသည် စတင်လှုပ်ရှားလာသည်။ ကလဲ့စားချေရန်လော?

‘ငါ့*င်ကြီးကိုသာ ကလဲ့စားချေလိုက်!’

အကယ်၍ သူတို့၏ဒုက္ခအဘိညာဉ်အဆင့်ကျင့်ကြံသူသည် သတ်ဖြတ်ခံရပါက သူတို့သွားခြင်းသည် သတ်သေသကဲ့သို့ဖြစ်လိမ့်မည်။ ထို့ကြောင့် နေရာပြောင်းရွေ့ကြရမည်။ ရုတ်တရက် နှင်းနဂါးတောင်တန်း၏ ဒုက္ခအဘိညာဉ်အဆင့်ကျင့်ကြံသူသတင်းသည် ကမ္ဘာ့နဂါးနယ်မြေတစ်ခုလုံး ပျံ့နှံ့သွားသည်။

နဂါးနက်အင်ပါယာ၏ စီရင်စုဆယ်ခုအနက် ကမ္ဘာ့နဂါးစီရင်စုသည် အညံ့ဆုံးမဟုတ်သော်လည်း ၎င်းသည် အင်အားအကောင်းဆုံးမဟုတ်ပေ။ ဒုက္ခအဘိညာဉ်အဆင့်ကျင့်ကြံသူသည် ကမ္ဘာ့နဂါးစီရင်စုတွင် အသေးအဖွဲဇာတ်ကောင်မဟုတ်ချေ။

ထုံးစံအတိုင်း ဒုက္ခအဘိညာဉ်အဆင့်ကျင့်ကြံသူကို သုတ်သင်နိုင်သော ရီဖန်ကို အင်အားစုများက မှတ်မိနေခဲ့သည်။ နှင်းနဂါးတောင်သည် ညတွင်းချင်း ဝေးကွာသွားသည်ကို ရီဖန်သိလိုက်သောအခါတွင် ရင်ဘတ်ကိုရိုက်ကာ ခြေထောက်ကိုဆောင့်လျက် နောင်တရနေသည်။ ဤခွေးသည် အမှန်တကယ်ပင်နှင်းနဂါးတောင်၏ အသန်မာဆုံးကျင့်ကြံသူဖြစ်ကာ ဤတစ်ကြိမ်တွင် သူသည် ကြီးမားသောအခွင့်အရေးကို ဆုံးရှုံးခဲ့ရသည်။

မဟုတ်၊ နောက်တစ်ခါ သူနှင်းနဂါးတောင်နှင့် ရင်ဆိုင်ရပါက ၎င်းတို့ကို အလွတ်ပေးမည်မဟုတ်ချေ။

…………………..