အခန်း ၁၄၈-၁၅၀

အခန်း ၁၄၈ - နီးကပ်စွာဆုတ်ခွါခြင်းနှင့် နိမ့်ချနေထိုင်ကာ တိုးတက်လာခြင်း

ကြောက်မက်ဖွယ်ရာအော်ဟစ်သံများ ထွက်ပေါ်လာသည်နှင့်အမျှ မရေမတွက်နိုင်သော နတ်ဆိုးကောင်များသည် ဤဧရိယာအထက်တွင် ပေါ်လာသည်။ ရန်ဟွမ်နယ်မြေရှိ ကျင့်ကြံသူများ၏ မျက်နှာများသည်လည်း ချက်ချင်းဖျော့သွားခဲ့သည်။

၎င်းတို့သည် လေဟာနယ်လမ်းကြောင်းတစ်ခုဟု ထင်မြင်ခဲ့ကြကာ ၎င်းကိုပိတ်ရန်ပြင်ဆင်ခဲ့ကြသော်လည်း ယခုတွင် ဤမျှကျယ်ဝန်းသော ဧရိယာဖြင့် ၎င်းတို့ပြင်ဆင်ထားသည့် အတိုင်းအတာများသည် ပိတ်ဆို့ရန် မလုံလောက်ပေ။

“သူတို့ကို ငါတို့ ဖြတ်ကျော်ခွင့်မပေးဘူး။”

ရန်ဟွမ်နယ်မြေရှိထိပ်တန်းတပ်များ၏ ကျင့်ကြံရေးသမားများသည် ၎င်းတို့၏ အင်မော်တယ်လက်နက်များကို ထုတ်ယူကာ ဆန့်ကျင်ဘက် နတ်ဆိုးမျိုးနွယ်စုကို စတင်ဗုံးခွဲတိုက်ခိုက်ခဲ့ကြသည်။

သူတို့လိုချင်သည်မှာ နတ်ဆိုးမျိုးနွယ်စုကို ရပ်တန့်ရန်မဟုတ်ဘဲ တခြားကမ္ဘာကို ကျူးကျော်ရန်ဖြစ်သည်။ သို့မဟုတ်ပါက သူတို့သည် ဤမျှလောက် ပြင်းပြင်းထန်ထန်တိုက်ခိုက်နေမည် မဟုတ်ချေ။

စစ်ပွဲသည် တစ်ခါတစ်ရံကြွယ်ဝချမ်းသာမှုကို စုဆောင်းရန် အလျင်မြန်ဆုံးနည်းလမ်းဖြစ်သည်။ သို့သော် ယနေ့ဖြစ်ပျက်ခဲ့သမျှသည် ၎င်းတို့မျှော်မှန်းထားသည်ထက် ကျော်လွန်နေသည်မှာ ထင်ရှား၏။ ၎င်းတို့သည် အခင်းအကျင်းများကို တစ်ခုပြီးတစ်ခုအသက်သွင်းကာ နတ်ဆိုးတပ်၏ရှေ့တွင်တည်ဆောက်ခဲ့သည်။

သို့သော် နောက်အခိုက်အတန့်တွင် ပျံသန်းလာသောဧရာမငှက်ကြီးတစ်ကောင်၏ တောင်ပံများသည် အခင်းအကျင်းကို ချက်ခြင်းထိုးဖောက်လိုက်၏။ ဤငှက်ကြီးကြောင့် အဋ္ဌမအဆင့်အခင်းအကျင်းပင် မရှိတော့ချေ။

ဧရာမငှက်ကြီးသည် အခင်းအကျင်းကို ဖြတ်ကျော်သွားပြီးနောက် မရေမတွက်နိုင်သော အမွေးအတောင်များသည် ၎င်း၏အတောင်လေးခုမှ အခင်းအကျင်းဆီသို့ ဦးတည်ပျံသန်းလာကြသည်။

ဤအမွေးများသည် အခင်းအကျင်းများ၏ မျက်လုံးများကို တိကျစွာတွေ့ရှိပြီးနောက် ပေါက်ကွဲသွားကာ မရေမတွက်နိုင်သော အသွင်သဏ္ဍာန်များမှာ ချက်ခြင်း ကွဲအက်သွားသည်။

လူသားမျိုးနွယ်စုမှ နှစ်ပေါင်းများစွာပြင်ဆင်ခဲ့သည့် အရာများသည် အသုံးမဝင်တော့ပေ။

"အခင်းအကျင်းဖျက်ဆီးတဲ့ လုအန်းပဲ၊ အဲတာက ရှေးခေတ်ဆန်းကြယ်နတ်ဆိုးလေ!"

အခင်းအကျင်းဖျက်ဆီးသည့် လုအန်းငှက်သည် အခင်းအကျင်းလမ်းကြောင်းအတွက် အမိန့်ပေးထားကာ ၎င်း၏အမွေးများသည် အခင်းအကျင်းများကို ဖောက်ခွဲနိုင်သည့် အကျိုးသက်ရောက်မှုရှိသည်။ အခင်းအကျင်းအများစုသည် အခင်းအကျင်းဖျက်ဆီးသည့် လုအန်း၏ရှေ့တွင် စက္ကူပြားကြီးနှင့် မခြားနားတော့ချေ။

ခင်းကျင်းမှုပျက်သွားပြီးနောက် အမှောင်ဒီရေထုသည် ချက်ချင်းပေါက်ထွက်လာသည်။ နက်မှောင်သောပုရွက်ဆိတ်များသည် အမြူတေဖွဲ့စည်းခြင်းအဆင့်သို့မဟုတ် ယွမ်ယင်အဆင့်သာဖြစ်သည့်အတွက် တစ်ဦးချင်းအားဖြင့် အားကောင်းလွန်းသည်မဟုတ်သော်လည်း

ပုရွက်ဆိတ်နက်များ ပေါ်လာတိုင်း ၎င်းတို့သည် အနည်းဆုံး အရေအတွက်သန်းနှင့်ချီ၍ရှိသည်။ ပိုများသော ကိန်းဂဏန်းများတွင် ၎င်းတို့သည် သန်းရာနှင့်ချီ၍ပင် ရှိနေသည်။

မဟာယနနယ်ပယ်မှ ကျင့်ကြံသူများသည်ပင်လျှင် ပုရွက်ဆိတ်ညိုမည်းများနှင့် ကြုံတွေ့ရသောအခါတွင် ၎င်းတို့၏ချွန်ထက်သောအစွန်းကို ရှောင်ရှားရသည်။ ထို့နောက်တွင် စွမ်းအားကြီးသောနတ်ဆိုးအမျိုးမျိုး တစ်မျိုးပြီးတစ်မျိုး ပေါ်လာတော့သည်။ မဟာယနအဆင့် နတ်ဆိုးများပင်လျှင် အဆန်းမဟုတ်ပေ။

လူသားမျိုးနွယ်စုတွင် အင်အားကြီးသူများစွာရှိသော်လည်း အချိန်မီ ခုခံကာကွယ်ရန် ပျက်ကွက်ခဲ့သောကြောင့် နတ်ဆိုးများက ချက်ချင်းပင် လွှမ်းမိုးနိုင်ခဲ့သည်။ ပျက်ဆီးခြင်းနယ်မြေတစ်ခုလုံးကိုလည်း နတ်ဆိုးမျိုးနွယ်စုမှ သိမ်းပိုက်ခဲ့သည်။ လူသားမျိုးနွယ်စု၏ ကျင့်ကြံသူများသည် ရန်ဟွမ်နယ်မြေသို့ ပြန်သွားကြသည်။

နတ်ဆိုးမျိုးနွယ်စု၏ ကျင့်ကြံသူများသည် ပျက်ဆီးခြင်းနယ်မြေတစ်ခုလုံးကို သိမ်းပိုက်ပြီးနောက် ၎င်းတို့သည် မကျေနပ်ကြဘဲ ရန်ဟွမ်နယ်မြေဆီသို့ ဆက်လက်ချီတက်ခဲ့ကြကာ လူသားမျိုးနွယ်၏ မရေမတွက်နိုင်သော ကျင့်ကြံသူများကို ရက်ရက်စက်စက် သတ်ဖြတ်ခဲ့သည်။

နတ်ဆိုးမျိုးနွယ်စုဖြတ်သွားရာလမ်းတွင် မြက်ပင်တစ်ပင်မှ မပေါက်ချေ။ ၎င်းတို့သည် လုယက်ဖျက်ဆီးခြင်းငှာ ယန်ဟွမ်နယ်မြေသို့ ရောက်လာကြသည်။ နယ်ပယ်နှစ်ခုကြားရှိ ဆက်သွယ်မှုသည် အရှေ့ဘက်မျှခြေနတ်ဘုရား ပြည်နယ်နှင့် အလွန်ဝေးသည့် တောင်ဘက်နတ်တိမ်တိုက်တွင်တည်ရှိ၏။

သို့သော် လူသားမျိုးနွယ်စု၏ ကျင့်ကြံသူများသည် နတ်ဆိုးမျိုးနွယ်စုကို မရပ်တန့်နိုင်ပါက ဤနှုန်းဖြင့် ရန်ဟွမ်နယ်မြေတစ်ခုလုံးသည် နတ်ဆိုးမျိုးနွယ်စု၏ နယ်မြေဖြစ်လာမည်ဖြစ်သည်။ ရီမိသားစုမှ ရီဖန်သည်လည်း သဘာဝကျစွာပင် သတင်းရထား၏။

ရီဖန်သည် နတ်ဆိုးမျိုးနွယ်စုသည် ဤမျှလောက် အစွမ်းထက်မည်ဟု မမျှော်လင့်ထားပေ၊ အင်အားစုငါးခုနှင့် ပေါင်းလိုက်လျှင်ပင် ၎င်းတို့ကို မတားဆီးနိုင်ချေ။ သို့သော် အင်အားစုငါးခုလုံးသည် အကုန်မထွက်ခဲ့ကြောင်း ရီဖန်ပြောနိုင်သည်။

အကယ်၍ ဤသေးငယ်သောအင်အားသည် အင်အားစုငါးခုစလုံးရှိမည်ဆိုလျှင်၊ ၎င်းတို့သည် ရန်ဟွမ်နယ်မြေကို နှစ်ပေါင်းထောင်ချီကြာအောင် သိမ်းပိုက်နိုင်မည်မဟုတ်ပေ။ နတ်ဆိုးမျိုးနွယ်စုသည်လည်း ယခုအချိန်တွင် ကြယ်တစ်သောင်းကျွန်းကို ထိခိုက်မည်မဟုတ်ချေ။

သို့သော် ရီဖန်သည် စောင့်ဆိုင်းရန် မစီစဉ်ထားဘဲ တစ်ခုခုကို ပြင်ဆင်ချိန်ရောက်ပြီဖြစ်၏ခ ဝိညာဉ်စွမ်းအား၏သိပ်သည်းဆနှင့် ကြယ်တစ်သောင်းကျွန်းရှိ အရင်းအမြစ်များသည် နှစ်များတစ်လျှောက် တဖြည်းဖြည်းတိုးလာခဲ့ကာ နတ်ဘုရားနယ်မြေငါးခုနှင့် ကွာဟချက်သည် ကျဉ်းမြောင်းလာသည်။

ရီမိသားစု၏ အခြေစိုက်အနေဖြင့်၊ ကြယ်တစ်သောင်းကျွန်းရှိ စွမ်းအားအများစုသည် ရီမိသားစုနှင့် ချိတ်ဆက်နိုင်သည်။ သက်ရှည်ဂိုဏ်း၊ တာ့ယွီမင်းဆက်၊ ရီမိသားစု၊ ၎င်းတို့သည် ဤကြယ်တစ်သောင်းကျွန်းကို စိုးမိုးထားသည်။ ကြယ်တစ်သောင်းကျွန်းကို နတ်ဆိုးမျိုးနွယ်စု၏ သိမ်းပိုက်ခြင်းကိူခံစေမည်မဟုတ်မေ။

ရီဖန်၏လက်ထဲတွင် များပြားလှသော အခင်းအကျင်းပစ္စည်းများကို ရီဖန်မှ အခင်းအကျင်းပြားများအဖြစ် သန့်စင်ပေးနေသည်။ ရီဖန်၏ အခင်းအကျင်းစွမ်းရည်သည် နောက်ဆုံးတွင် နဝမအဆင့်အဆင့်သို့ ရောက်သွားခဲ့ကာ ဤအခင်းအကျင်းပြားများသည်လည်း နဝမအဆင့်တွင် ရှိသည်။

နဝမအဆင့်ရှိ အခင်းအကျင်းပြားတစ်ချပ်ကို ကမ္ဘာသို့ ထုတ်ယူလာသောအခါတွင် မရေမတွက်နိုင်သော အင်အားစုများကိုပင် အပြေးအလွှားရောက်လာစေလိမ့်မည်။ မဟာယာနနယ်ပယ်ရှိ ကြွားဝါတတ်သည့် အင်အားစုများပင်လျှင် ဂိုဏ်းကာကွယ်ရေးအခင်းအကျင်းအတွက် နဝမအဆင့်ခင်းကျင်းမှုကို သေချာပေါက် စီစဉ်နိုင်မည်မဟုတ်ပေ။ နဝမအဆင့် အခင်းအကျင်းပညာရှင်များသည် အလွန်ရှားပါးသည်။

သို့သော်ရီဖန်အတွက်မူ သာမန်မျှသာဖြစ်သည်။

နဝမအဆင့်အင်မော်တယ်ပစ္စည်းသန့်စင်ခြင်းနှင့် နဝမအဆင့်အခင်းအကျင်းဖန်တီးမှုတို့ ပေါင်းစပ်ခြင်းဖြင့် ရီဖန်သည် အခြားအခင်းအကျင်း ပညာရှင်များထက် လျင်မြန်သောအရှိန်အဟုန်ဖြင့် အခင်းအကျင်းများကို ဖန်တီးနိုင်စေခဲ့သည်။

အခင်းအကျင်းများကို စီမံခန့်ခွဲနိုင်သော မည်သူ့ထံတွင်မျှ ရီဖန်ကဲ့သို့ ထက်မြက်သော သန့်စင်မှုစွမ်းရည်များမရှိပေ။ ရီဖန်ကဲ့သို့ တစ်ဦးတစ်ယောက်မျှမပြုလုပ်နိုင်ကြချေ။

နေ့ရက်များကုန်ဆုံးသွားကာ ဆယ်နှစ်ကြာပြီးနောက် ရီဖန်သည် ကောင်းကင်နှင့်ကြယ်တာရာကိုးဆယ့်ကိုးခုတိတိ ဖန်တီးခဲ့သည်။ ထို့နောက် ရီဖန်သည် ကြယ်တစ်သောင်းကျွန်း၏ အထက်ကောင်းကင်ပေါ်သို့ တက်သွားသည်။ ကောင်းကင်နှင့် ကြယ်တာရာများသည် ကမ္ဘာအားလုံးကို ဖိနှိပ်ထားသည်။

ကြယ်တစ်သောင်းကျွန်းအထက်ကောင်းကင်တစ်ခွင်တွင် ကျယ်ပြောလှသော ကြယ်စင်ကောင်းကင်ကြီး ပေါ်လာကာ မရေမတွက်နိုင်သော ကြယ်ရောင်များသည် ကြယ်တစ်သောင်းကျွန်းပေါ်သို့ဖြာကျသွားကာ ကြယ်တစ်သောင်းကျွန်းရှိ ဝိညာဉ်စွမ်းအင်၏ သိပ်သည်းဆသည် သိသိသာသာ တိုးလာပြန်သည်။

ဝိညာဉ်စွမ်းအင်ကို ကြယ်အလင်းနှင့် ရောနှောခြင်းသည် ကျင့်ကြံသူများ၏ စွမ်းအားစုပ်ယူမှုကို ပိုမိုကောင်းမွန်စေကာ ၎င်းတို့၏စိတ်ဝိညာဉ်ကို အာဟာရဖြစ်စေနိုင်သည်။ ရှီထျန်းကဲ့သို့သော စွမ်းအားကြီးပုဂ္ဂိုလ်များသည် လေထဲမှ ဝိညာဉ်စွမ်းအင်များကို လောဘကြီးစွာ စုပ်ယူကာ ၎င်းတို့၏ ကျင့်ကြံရေးအဆင့်ကိုမြှင့်တင်ရန် ကြိုးစားကြ၏။

ဤသည်မှာ ရီဖန်၏နောက်ထပ် ကြီးမားသော လှုပ်ရှားမှုတစ်ခုဖြစ်ရမည်ကို သူတို့သိသည်။ တာ့ယွီမင်းဆက်၏ လက်အောက်ခံမိသားစုတစ်ခုအနေဖြင့် ၎င်းတို့ကို ရီမိသားစု၏ အစိတ်အပိုင်းတစ်ခုအဖြစ်လည်း ယူဆနိုင်သည်။ ၎င်းတို့၏ ကျင့်ကြံရေးအဆင့်မြှင့်တင်ခြင်းသည် ရီဖန်၏ တိုးတက်မှုကို ဆောင်ကြဉ်းပေးနိုင်သည်။

ရီဖန်သည် ပြင်ပလူများကို အလွန်ရက်ရောစွာ မပေးခဲ့ဘဲ ၎င်းတို့အတွက် အရင်းအမြစ်များကို မဖြုန်းတီးခဲ့ပေ။

ကောင်းကင်နှင့်ကြယ်တာရာအခင်းအကျင်း ကိုတည်ဆောက်ပြီးနောက် အပြင်လူများ၏ရှုထောင့်မှကြည့်လျှင် ကြယ်တစ်ထောင်ကျွန်းသည်ပို၍ တပ်မက်ဖွယ်ဖြစ်လာသည်။

ဤသည်ကြီးကျယ်ခမ်းနားသော နတ်ဘုရားနယ်မြေငါးခုကို ယှဉ်နိုင်သည့် ဆဋ္ဌမမြောက် နတ်ဘုရားနယ်မြေကို မည်သူမျှ စိတ်ကူးမယဉ်နိုင်ပေ။ မကြာမီတွင် ကျွန်းကိုပိတ်လိုက်ကာ ပြင်ပကမ္ဘာနှင့် အဆက်အသွယ်ကို ယာယီဖြတ်တောက်ထားကြောင်း ရီဖန်အမိန့်ထုတ်လိုက်သည်။

ထို့နောက် ဒုတိယအမိန့်ကို ထုတ်ပြန်ခဲ့သည်။ တာ့ယွီမင်းဆက်၏လက်အောက်ခံမိသားစုများနှင့် ရီမိသားစုတို့သည် ကျင့်ကြံရေးနးပညာများ၊ ဆေးလုံးများ၊ အင်မော်တယ်လက်နက်များနှင့် ကိုယ်ခန္ဓာပေါင်းစည်းနယ်မြေအဆင့်သို့မဟုတ် ဒုက္ခအဘိဥာဉ်အဆင့်သို့တိုးတက်ရန်အတွက် လိုအပ်သော အခြားအရင်းအမြစ်များကို ရယူရန် ၎င်းတို့၏ဝန်ဆောင်မှုများကို ဖလှယ်နိုင်သည်ဟူ၍ပင်။

ရီဖန်၏အမိန့်ကို ကြားသောအခါ မရေတွက်နိုင်သော ကျင့်ကြံသူများသည် စိတ်လှုပ်ရှားစွာ ဆူပွက်သွားကြကာ

အောင်မြင်မှုအတွက် မျှော်လင့်ချက်များကို မြင်လာကြသည်။ ကိုယ်ခန္ဓာပေါင်းစည်းနယ်မြေအဆင့်နှင့် ဒုက္ခအဘိဥာဉ်အဆင့်သည် အလှမ်းမဝေးတော့ချေ။

အထူးသဖြင့် ရှီထျန်းနှင့် သူတို့အဖွဲ့သားများအတွက် ဖြစ်သည်။ ဒုက္ခအဘိဥာဉ်အဆင့်သို့ ထိုးဖောက်ဝင်ရောက်မှုသည် မူလက အိပ်မက်မျှသာဖြစ်သော်လည်း ယခုအခါ ၎င်းတို့ထံတွင် အခွင့်အရေးရှိပုံရသည်။

ရီဖန်၏ သူတို့အပေါ်ကျေးဇူးတရားကြောင့် ရီမိသားစုအပေါ် မည်သည့်အခါမျှ သစ္စာမဖောက်ကြောင်း တိတ်တဆိတ် ကတိပြုခဲ့ကြသည်။ ရီမိသားစုကဲ့သို့ ကြီးမားသော သင်္ဘောနောက်လိုက်ခြင်းသည် ၎င်းတို့အတွက် မျှော်လင့်ချက်ဖြစ်သည်။

ထိုအချိန်တွင် ကြယ်တစ်သောင်းကျွန်းသည် တိုးတက်နေသည့်အချိန်တွင် ကျွန်းအပြင်ဘက်တွင် စစ်ပွဲများတဟုန်ထိုးဖြစ်နေသည်။ ကမ္ဘာနှစ်နိုင်ငံကြားရှိ စစ်ပွဲကြီးသည် နတ်ဘုရားနယ်မြေငါးခုကို ဖြတ်ကျော်လုနီးပါး ဖြစ်နေ၏။ မရေမတွက်နိုင်သော ကျင့်ကြံသူများသည် ကမ္ဘာနှစ်နိုင်ငံကြားစစ်ပွဲအတွင်း သုတ်သင်ခံခဲ့ရသည်။

အင်အားစုငါးဦးသည် နတ်ဆိုးမျိုးနွယ်ကို တန်ပြန်တိုက်ခိုက်ရန်အတွက် မရေမတွက်နိုင်သော အထောက်အပံ့များနှင့် ဆုလာဘ်များကို ပေးဆောင်ခဲ့သည်။ ဒုက္ခအဘိဥာဉ်အဆင့်ဖြတ်ကျော်ခြင်းဆေးလုံး၊ နဝမအဆင့် အင်မော်တယ်လက်နက်စသည်တို့ကို နတ်ဆိုးများအား သတ်နိုင်သရွေ့ရရှိနိုင်သည်။

ဆယ်နှစ်ကျော်ကြာပြီးနောက်တွင် နတ်ဆိုးများစွာသေဆုံးခဲ့ကြသကဲ့သို့ လူသားများစွာလည်း သေဆုံးခဲ့သည်။ စစ်ပွဲသည် တဖြည်းဖြည်း ငြိမ်သက်သွားသည်။ လူသားများကြားတွင် ကျင့်ကြံသူများ၏ ကျော်ကြားမှု၊ ၎င်းတို့၏ဂုဏ်သတင်းများသည် ယန်ဟွမ်နယ်မြေတစ်ခုလုံးကို တောက်ပစေခဲ့သည်။

ကံကြမ္မာရွှေနဂါးကြီး ဝိုင်းရံထားခြင်းဖြင့် တစ်ခုတည်းသောလှုပ်ရှားမှုသည် ဒုက္ခအဘိဥာဉ်အဆင့်နတ်ဆိုးကို ချက်ချင်း ဝါးမြိုသွားနိုင်သည်။ စိမ်းပြာရောင်ဝတ်ရုံကို ၀တ်ဆင်ထားသော ရီကျင်းယွင်သည် ကံကြမ္မာရွှေနဂါးကို အမိန့်ပေးကာ အခြားစစ်မြေပြင်ဆီသို့ ပျံသန်းသွားခဲ့သည်။

"အင်မော်တယ်တစ်ပိုင်း ရွှေနဂါး၊ ရီကျင်းယွင်၊ သူတို့ရောက်လာမယ်လို့ ဘယ်သူထင်မှာလဲ"

"ရီကျင်းယွင်က လက်ရှိမှာ ထိပ်တန်းလူငယ်ကျင့်ကြံသူ ၁၀ ဦးထဲက တတိယအဆင့်ပဲ၊ သူက ကံကြမ္မာရှိတဲ့သူ။ သူ ထိပ်တန်းတာအိုနဲ့ ပေါင်းလိုက်တယ်လို့တောင် ကြားတယ်။"

"အရမ်းသန်မာလွန်းတယ်!"

“ထိပ်တန်းဆယ်ယောက်ထဲက ကိုးယောက်က သူတို့ရဲ့ လှုပ်ရှားမှုတွေ လုပ်နေတယ်လို့ ကြားတယ်။ နတ်ဆိုးမျိုးနွယ်စုက ဒီအချိန်မှာ တော်တော်ဒုက္ခရောက်လိမ့်မယ်။”

မရေမတွက်နိုင်သော ကျင့်ကြံရေးသမားများသည် နောက်ပြန်ဆုတ်ခွါသွားသောရီကျင်းယွင်ကို လေးစားမှုအပြည့်ဖြင့်ကြည့်နေကြသည်။

………………………….

အခန်း ၁၄၉ - ငါ့စွမ်းအားက အဲဒီမျိုးနွယ်စုတစ်ခုလုံးရဲ့ စွမ်းအားနဲ့ညီမျှတယ်

"ရီကျင်းယွင်၊ ယင်ယန်ကျောင်းတော်ရဲ့ ထိပ်တန်းပါရမီရှင် ပေါ်လာပြီ။ အခု ငါတို့ လှုပ်ရှားရမလား"

နတ်ဆိုးမျိုးနွယ်စုမှ အမှောင်ထုနှင့်ရောနှောနေသော နတ်ဆိုးသည် ရီကျင်းယွင်ကို အဝေးမှသတိပြုမိကာ ဖြည်းညှင်းစွာ ပြောလိုက်သည်။

ထိပ်တန်းလူငယ်အင်အားကြီးဆယ်ဦး၏ စွမ်းရည်များသည် ထူးထူးခြားခြားဖြစ်သည်။ အကယ်၍ ၎င်းတို့ကို ကြီးထွားခွင့်ပေးပါက၊ ၎င်းတို့သည် နတ်ဆိုး မျိုးနွယ်စုကို သိသိသာသာ ခြိမ်းခြောက်လာမည်ဖြစ်သည်။

သို့သော် ဤထိပ်တန်းပါရမီရှင်ဆယ်ဦးအနက် အများစုသည် အင်အားကြီးသောဂိုဏ်းများမှ မွေးဖွားလာခဲ့ကြကာ ၎င်းတို့နောက်တွင် အကာအကွယ်ပေးသူများ ရှိသည်။ ၎င်းတို့ကို သတ်ရန်မှာ လွယ်ကူမည်မဟုတ်ချေ။

ရီကျင်းယွင်တစ်ဦးတည်းသာ ကျောထောက်နောက်ခံမရှိပုံရကာ အမြဲလိုလို သူတစ်ယောက်တည်းပြုမူတတ်သည့် နောက်ခံမရှိသော ပါရမီရှင်တစ်ဦးဖြစ်ပုံရသောကြောင့် ၎င်းကို ပစ်မှတ်မထားဘဲမနေနိုင်ကြချေ။

ရီကျင်းယွင်သည် သူ့နောက်တွင် အရိပ်အယောင်တစ်ခုကို ရုတ်တရက် ခံစားလိုက်ရကာ ချက်ချင်းပင် နိုးကြားလာခဲ့သည်။ သူ ပစ်မှတ်ထားခံရ၏။ ရီကျင်းယွင်၏ အရိပ်မှ ထွက်ပေါ်လာသော ပုံရိပ်တစ်ခုသည် သူ့လက်ထဲရှိ ဓားရှည်ကို ရီကျင်းယွင်၏ ခေါင်းသို့ တည့်တည့်ချိန်ရွယ်ထားသည်။

ထိုနေရာသည် သူ၏စိတ်ဝိညာဉ်ရှိနေကာ ဓားနှင့်ထိုးလိုက်ပါက သူ၏စိတ်ဝိညာဉ်သည် ပျက်စီးသွားလိမ့်မည်။

ရီကျင်းယွင် လျင်မြန်စွာတုံ့ပြန်လိုက်သည်။ သူ့ကံကြမ္မာရွှေနဂါးကြီးသည် ခန္ဓာကိုယ်တစ်ခုလုံးကို အရိပ်၏တိုက်ခိုက်မှုမှ ကာကွယ်ပေးထားသည်။ ရီကျင်းယွင်သည် သူကြုံတွေ့ခဲ့ရသော ခြုံခိုတိုက်ခိုက်မှုများကို မေ့သွားခဲ့သည်။ သူတို့အားလုံးသည် ဒဏ်ရာကင်းမဲ့စွာ လွတ်မြောက်ခြင်းနှင့် အဆုံးမသတ်ခဲ့ကြသည့်တိုင် အနည်းဆုံးလွတ်မြောက်ခဲ့ကြသည်။

သို့သော် ဤတစ်ကြိမ်တွင် ရီကျင်းယွင်သည် သိပ်မသေချာချေ။ တိုက်ခိုက်သူသည် နတ်ဆိုးမျိုးနွယ်စု၏ အထွတ်အထိပ် ဒုက္ခအဘိညာဉ်အဆင့်ဖြစ်သည်။ ရီကျင်းယွင်၏ နှုတ်ခမ်းတွင် ခါးသီးသောအပြုံးတစ်ခုပေါ်လာသည်။ နတ်ဆိုးမျိုးနွယ်စုသည် သူ့ကိုအတော်တန်ဖိုးထားပုံရသည်။

ရွေးချယ်စရာမရှိသော ရီကျင်းယွင်သည် ရီဖန်၏ လိုချင်တပ်မက်ဖွယ် အချိန်လေဟာနယ်ပြားကို အသုံးပြုခဲ့သည်။ အဆင့်မြင့် အဋ္ဌမအဆင့် အင်မော်တယ်လက်နက်ဖြစ်သော အချိန်လေဟာနယ်ပြားသည် မိုင်ထောင်ချီဝေးသောနေရာသို့ ရီကျင်းယွင်ကို ချက်ချင်းပို့ဆောင်ခဲ့သည်။ သို့သော် သူ့အရိပ်မှ နောက်တစ်ကြိမ်ပေါ်လာသည့် အခိုက်အတန့်တွင် အံ့အားသင့်သွားပြန်သည်။

"ကျွန်တော်သိသလောက်ပြောရရင် မင်းရဲ့ဝှက်ဖဲကို တစ်ကြိမ်ပဲသုံးလို့ရတယ်မဟုတ်လား"

အရိပ်သည် ရီကျင်းယွင်ကိုကြည့်ရင်း ကြည်နူးမှုဖြင့်ပြည့်နှက်နေသည်။

နတ်ဆိုးမျိုးနွယ်စုတွင် ရီကျင်းယွင်ကဲ့သို့သော ပါရမီရှင်များ၏ ဦးခေါင်းများအတွက် ဆုကြေးများစွာ ရှိသည်။ သူတို့သည် ရီကျင်းယွင်ကိုသတ်နိုင်လျှင်၊ လူသားမျိုးနွယ်၏ မဟာယနအဆင့်ကျင့်ကြံသူများကို သတ်ဖြတ်ခြင်းထက် ဆုလာဘ်များ နည်းပါးမည်မဟုတ်ပေ။

"တာအိုကာကွယ်သူမရှိရင် မင်းက ပါရမီရှင်တွေထဲက သတ်ခံရဖို့ သိုးသူငယ်ပဲ"

အရိပ်သည် အေးစက်စွာပြောကာ လှုပ်ရှားရန်အဆင်သင့်ဖြစ်နေသည်။

ဤအခိုက်အတန့်တွင် ရီကျင်းယွင်၏ မျက်နှာတွင် စိတ်လှုပ်ရှားမှုများ ပျံ့နှံ့သွားသည်။

" တာအိုအကာအကွယ်ကတော့ ငါ့မှာမရှိဘူးဆိုတာ လုံးဝ မသေချာဘူးနော်”

နောက်အခိုက်အတန့်တွင် အရိပ်ဘေး၌ တစ်ဦးပေါ်လာသည်။ အရိပ်သည် သူ၏စိတ်ဝိညာဉ်မှာအေးခဲနေကာ ချက်ချင်းပင် သူ့ကိုယ်သူ ချည်နှောင်ထားကြောင်း ခံစားလိုက်ရသည်။ ထို့နောက် အရိပ်ထဲမှ အင်အားတစ်ခုပေါက်ကွဲသွားကာ အရိပ်၏စိတ်ဝိညာဉ်သည် တခဏချင်းကွဲသွားသည်။

“အဖေ”

ရီကျင်းယွင်က လေးလေးစားစား လှမ်းအော်လိုက်သည်။ သူ့ကိုလာကူညီကယ်ဆယ်သည့် သူသည် ရီဖန်မဟုတ်ဘဲ ရီဖန်၏ ကိုယ်ပွါးကိုယ်ထည်ဖြစ်သည်။

"ဒီတခါတော့ ငါမပြန်တော့ဘူး မင်းအတွက် တာအို အကာအကွယ်ပေးမယ်"

ရီမိသားစုသည် ဤပျက်ဆီးခြင်းတွင် မပါဝင်ချင်သောကြောင့် ရီဖန်ကိုယ်တိုင် အရေးယူရန် အစီအစဉ်မရှိပေ။

ကိုယ်ပွါးကိုယ်ထည်သည်လည်း ယခင်က အရေးယူတာမျိုး မလုပ်ဖူးချေ။ ရီကျင်းယွင်၏ ကာကွယ်သူအနေဖြင့်သာ ၎င်းသည် ပြီးပြည့်စုံသောရွေးချယ်မှုဖြစ်သည်။ ပါဝင်ခဲ့သည့်တိုင် ရီမိသားစုကို အာရုံစိုက်ခံရမည်မဟုတ်ချေ။

ကိုယ်ပွါးကိုယ်ထည်၏ ကျင့်ကြံရေးသည် ဒုက္ခအဘိဥာဉ် အဆင့် အထွတ်အထိပ်၌သာ ရှိသော်လည်း

၎င်းသည် ပျက်ဆီးခြင်းကမ္ဘာ၏ ကြီးမြတ်သောတာအိုကို ရီဖန်နှင့်မျှဝေထားသောကြောင့် မဟာယနနယ်ပယ်အဆင့် ကျင့်ကြံသူတစ်ယောက် ရောက်လာလျှင်ပင် အသုံးမဝင်ချေ။

တာအိုကာကွယ်သူရှိခြင်းကြောင့် ရီကျင်းယွင်သည် ပို၍ သက်တောင့်သက်သာရှိပုံရသည်။ တစ်ယောက်ပြီးတစ်ယောက် နတ်ဆိုးမျိုးနွယ်စုသည် ရီကျင်းယွင်၏လက်တွင် သုတ်သင်ခံလိုက်ရသည်။

နတ်ဆိုးမျိုးနွယ်စု၏ ဒုက္ခအဘိညာဉ်အဆင့်ပါရမီရှင်သည် လှုပ်ရှားခဲ့သော်လည်း ရီကျင်းယွင်၏ သတ်ခြင်းကို ခံခဲ့ရသည်။

နတ်ဆိုးမျိုးနွယ်စု၏ မဟာယာနနယ်ပယ်မှ ကျင့်ကြံသူသည် နောက်ဆုံးတွင် သည်းမခံနိုင်တော့ဘဲ ရီကျင်းယွင်ကိုသတ်ရန် သူကိုယ်တိုင်ကြိုးစားတော့သည်။ သို့သော် သူသည် ကိုယ်ပွါးကိုယ်ထည်၏ နှိပ်စက်ခြင်းကို ခံခဲ့ရသည်။

‘တန်းတူညီမျှမှုကို စိန်ခေါ်ရင်ထားပါ၊ ဒါပေမယ့် အားနည်းသူတွေကို အနိုင်ကျင့်ရင် ငါက ညှာမှာမဟုတ်ဘူးကွ’

ဤအခိုက်အတန့်တွင် လူတိုင်းသည် နောက်ဆုံးတွင် သဘောပေါက်သွားသည်။ ရီကျင်းယွင်ထံတွင်လည်း တာအိုအကာအကွယ်တစ်ခုရှိသည်။ ရီကျင်းယွင်၏ လျှို့ဝှက်ဆန်းကြယ်သော တာအိုအကာအကွယ်ပေးသူ၏ ပုံပြင်များသည် တစ်ဝိုက်တွင် ပျံ့နှံ့သွားကာ လျှို့ဝှက်ဆန်းကြယ်သောလေထုကို ဖန်တီးပေးသည်။

ရှေးခေတ်တန်ခိုးကြီးနတ်ဘုရားများ၏ လျှို့ဝှက်ဆန်းကြယ်သော ပြန်လည်နိုးထမှု ဇာတ်လမ်းများအပါအဝင် အတင်းအဖျင်းများသည်လည်း စတင်ပျံ့နှံ့လာခဲ့သည်။

လူတိုင်းတွင် မတူညီသည့် မှန်းဆချက်များ ရှိခဲ့သော်လည်း မည်သူမှ မထင်မှတ်ထားသည့်အရာမှာ တာအိုကာကွယ်သူသည် ရီမိသားစုမှဖြစ်သည်။ ၎င်းသည် ရီဖန်၏ အစီအစဉ်နှင့်အတိအကျ လိုက်ဖက်၏။ သူသည် ရီမိသားစုကို မည်သူ့ကိုမှ အာရုံမစိုက်စေလိုပေ။ ယင်ယန်ကျောင်းတော်မှဌာနမှူးတစ်ဦးတည်းသာ ဆင်ခြင်သိရှိခဲ့သည်။ ရီမိသားစုသည် သူထင်ထားသလို မရိုးရှင်းပုံရသည်။

……

ရီမျိုးနွယ်စုတွင် ပြင်းထန်သော ရောင်ဝါတစ်ခု ရုတ်တရက် ပေါ်လာသည်။

"ငါ ရီဟန် ၃ ပြန်ရောက်ပြီ ဟားဟား"

ရီဟန် ၃?

ရီမျိုးနွယ်စု အံ့သြသွားပြီး မျိုးနွယ်စုခေါင်းဆောင်က သူ့ကို ကိုယ်တိုင်ကိုယ်ကျ ကြိုဆိုခဲ့သည်။ ရီဟန် ၃သည် ရီမျိုးနွယ်စုနှင့် မရင်းနှီးချေ၊ သူသည် ရီမျိုးနွယ်စု၏ ဆယ့်ရှစ်ယောက်မြောက် မျိုးနွယ်စု ခေါင်းဆောင်ဖြစ်ကာ ဒုက္ခအဘိဥာဉ်အဆင့်ကျင့်ကြံသူဖြစ်၏။

သို့သော် သူသည် ရှေးဟောင်းနယ်မြေတစ်ခုတွင် ကျသွားကာ ထိုအချိန်မှစ၍ ပြန်မလာခဲ့ချေ။

ရီဟန် ၃ ကျဆုံးပြီးနောက် ရီမျိုးနွယ်စုသည် စတင်ကျဆင်းလာသည်။ သူတို့ထံတွင် ဒုက္ခအဘိဥာဉ်အဆင့် ကျင့်ကြံသူမရှိတော့ဘဲ ပထမအဆင့်မျိုးနွယ်စုမှ တတိယအဆင့်မျိုးနွယ်စုအထိ ကျဆင်းသွားသည်။

ယခုတွင် ရီဟန် ၃ ပြန်ရောက်သည့်အတွက် ရီမျိုးနွယ်စုသည် ပြန်ထူထောင်လာနိုင်မည်ဖြစ်သည်။

"ဒီနှစ်တွေမှာ ရီ မျိုးနွယ်စုက ဘယ်လိုတိုးတက်နေလဲ"

ရီဟန် ၃က မေးသည်။

“အကြီးအကဲ၊ ကျွန်တော်တို့ မင်းကို စိတ်ပျက်စေမိပြီ”

ရီဟန် ၃သည် ရီမျိုးနွယ်စု၏ ကျဆင်းမှုကို အခြားမျိုးနွယ်စုများ၏ ဖိအားအပေါ် အပြစ်တင်ခဲ့သည်။

"မင်းတို့ ကျန်းမိသားစုနဲ့ လီမိသားစုရဲ့ ဖိနှိပ်ခံခဲ့ရတာလား။"

"ကျန်းနဲ့ လီမိသားစုက လူဟောင်းတွေလည်း ငါနဲ့အတူ ပြန်လာခဲ့ပါတယ်။ ဒီတစ်ခါတော့ မိတ်ဟောင်း ဆွေဟောင်းတွေ အများကြီး ပြန်ရောက်နေပြီမို့ အရမ်းစိတ်ညစ်မနေပါနဲ့။ ငါ့ရဲ့ ကျင့်ကြံရေးအဆင့် အပြည့်အဝ ပြန်ကောင်းလာဖို့ပဲ စောင့်ပါ၊ ဒါမှ ငါတို့ ရီမျိုးနွယ်စုက ရန်ဟွမ်နယ်မြေမှာ ဦးမော့နိုင်လိမ့်မယ်”

ရီမျိုးနွယ်စုတွင်သာမက နတ်ဘုရားနယ်မြေငါးခုရှိ မိသားစုကြီးများအားလုံးထံသို့ ရုတ်တရက် စွမ်းအားကြီးကျင့်ကြံသူအုပ်စုတစ်ခု ရောက်ရှိလာသည်။ ဤစွမ်းအားကြီး ကျင်ကြံသူများသည် ဒုက္ခအဘိဥာဉ် အဆင့်တွင်မဟုတ်ဘဲ ဒဏ္ဍာရီလာ လွတ်မြောက်ကျင့်ကြံသူများဖြစ်သည်။

ကောင်းကင်ဘုံဒုက္ခကိုးဆယ့်ကိုးခုကို ရှုံးနိမ့်ပြီးနောက်၊ ခန္ဓာကိုယ်သည် ပျက်စီးသွားကာ၊ အင်မော်တယ်စွမ်းအားကို စုပ်ယူနိုင်စေရန် ဝိညာဉ်ရေးကြိုးမျှင်အဖြစ်ပြောင်းလဲကာ အဆင့်တက်အောင်မြင်မှုဆီသို့ တိုက်ရိုက်ပို့ဆောင်ပေးသည့် လွတ်မြောက်ကျင့်ကြံသူအဖြစ်သို့ ပြောင်းလဲစေခဲ့သည်။

ရီမျိုးနွယ်စု၏ အကြီးအကဲသည် မဟာယာနနယ်ပယ်အလယ်အလတ်ရှိ သတ္တဝါ၏ငါးဆနှင့်ညီမျှသော လွတ်မြောက်ကျင့်ကြံသူဖြစ်သည်။ ဤလွတ်မြောက်ကျင့်ကြံသူများ၏ ဝင်ရောက်လာမှုနှင့်အတူ ပံ့ပိုးမှုနှင့် ကလဲ့စားချေရန် တိုက်ပွဲသည် ပိုမိုပြင်းထန်လာကာ ရန်ဟွမ်နယ်မြေသည် ပိုမိုကြီးမားသော ပျက်ဆီးခြင်းများထဲသို့ ကျဆင်းသွားခဲ့သည်။

၎င်းတို့အားလုံးသည် ရီမိသားစုကို မထိခိုက်စေသေးချေ။ နတ်ဆိုးမျိုးနွယ်စု၏အာရုံသည် နတ်ဘုရားပြည်နယ်ငါးခုကိုသာ အာရုံစိုက်နေဆဲဖြစ်သည်။ ဝေးလံခေါင်သီသော ကြယ်တစ်သောင်းကျွန်းကို မည်သူက အာရုံစိုက်မည်နည်း။

"စနစ်၊ အဆင့်သတ်မှတ်ခြင်းဆုလာဘ်ကို ရယူပါ။"

အခြားသူများသတိမထားမိဘဲ၊ ရီမိသားစု၏ မျိုးနွယ်စုအဆင့်သည် ကိုးရာကျော်အထိ တက်လာခဲ့သည်။ ရီမိသားစုသည် ၎င်း၏ခွန်အားကို ဖုံးကွယ်မထားပါက ထိပ်တန်းတစ်ရာတွင် ရှိနေပေလိမ့်မည်။

"ဂုဏ်ယူပါတယ် သခင်၊ ရရှိတဲ့ဆုက စည်းမျဉ်းဆိုင်ရာဝိညာဉ်မျိုးစေ့သုံးစေ့နဲ့ ရှေးနဂါးပုလဲတစ်ခုဖြစ်ပါတယ်"

နောက်ဆုံးအကြိမ်၏ စည်းမျဉ်းဆိုင်ရာဝိညာဉ်မျိုးစေ့ငါးခုကို အသုံးပြုပြီးသွားပြီဖြစ်ရာ ယခု နောက်ထပ်သုံးခု ထပ်ရလာပြန်သည်။ ၎င်းတို့သည် ရီမိသားစုသို့ နောက်ထပ် ဒုက္ခအဘိညာဉ်အဆင့်ကျင့်ကြံသူအနည်းငယ် ထပ်ထည့်နိုင်သည်။

ဒုက္ခအဘိဥာဉ်ဆေးလုံးများနှင့် စည်းမျဉ်းဆိုင်ရာဝိညာဉ်မျိုးစေ့များဖြင့် ရီမိသားစု၏ ကျင့်ကြံသူများသည် ဖြတ်ကျော်ရန်အတွက် စိုးရိမ်စရာမလိုတော့ချေ။ ရန်ဟွမ်နယ်ပယ်တစ်ခုလုံးတွင် ရီမိသားစုကသာ ထိုကဲ့သို့သော ဇိမ်ခံပစ္စည်းများကို တတ်နိုင်သည်။

ရန်ဟွမ်နယ်မြေမပြောနှင့် ချန်မင်ကမ္ဘာတွင်ပင် နဂါးနက်အင်ပါယာကဲ့သို့သော နေရာအနည်းငယ်ကသာ အလွန်ကြီးကျယ်ခမ်းနားသည့် နေရာများဖြစ်သည်။ သို့သော် ရီဖန်ယခုအစိုးရိမ်ဆုံးမှာ ဒုတိယဆုဖြစ်၏။

‘ရှေးဟောင်းနဂါးပုလဲသည် နဂါးမျိုးစိတ်များမှသာ အသုံးပြုနိုင်သော ရှေးဟောင်းနဂါး၏ အနှစ်သာရပါရှိသည့် ရှေးနဂါးပုလဲ’

ဟားဟားဟား!

သူ့ဘေးတွင်ရပ်နေသည့် ကျောက်လုံသည် တောင့်တသောမျက်လုံးများဖြင့် ရီဖန်၏လက်ရှိ ရှေးဟောင်းနဂါးပုလဲကိုကြည့်ကာ ကောင်းကင်သို့နီးပါးအမြီးကို လှုပ်ယမ်းနေသည်။ ၎င်းကိုမျိုချနိုင်ပါက အဆင့်ဖြတ်ကျော်ကာ နတ်နဂါးအစစ်ဖြစ်လာနိုင်မည်ဟူ၍ပင် ခံစားရသည်။

ကံမကောင်းစွာဖြင့် သူ့အတွက် ရီဖန်၏ ကြိုဆိုသည့်အမူအရာမှာ ကြီးမားသောလက်ဝါးတစ်ချပ်သာဖြစ်၏။

……………………

အခန်း ၁၅၀ - လူသားမျိုးနွယ်စု၏ အထူးစွမ်းရည်၊ ရှင်းထျန်အခင်းအကျင်း

"ငါ့ချွေးမနဲ့ယှဉ်ပြီး နဂါးဘောလုံးကို သုံးရအောင် မင်းက ဘာလဲကွ"

"နောက်တစ်ခုရရင် တစ်ခုပေးမယ်လေ"

ရီဖန်သည် ကျောက်လုံ၏ တောင်းဆိုမှုကို ရှောင်ဖယ်လိုက်သည်။ သူ၏မွန်းစတားကို မြှင့်တင်ရာတွင် အလျင်စလိုမဖြစ်ပေ။ သူ့မိသားစု၏ ကျင့်ကြံရေးအဆင့်ကို ဦးစွာမြှင့်တင်ခြင်းသည် သဘာဝကျ၏။

ဤရှေးဟောင်းနဂါးဘောလုံးသည် နဂါးနီလေးအတွက် သင့်လျော်သည်။ ဤနဂါးဘောလုံးသည် နဂါးနီလေး အတွင်းရှိ ရှေးနဂါးသွေးမျိုးဆက်ကို အသက်သွင်းနိုင်သည်။ စဖွင့်ပြီးသည်နှင့် နဂါးနီလေးနှင့် တန်းတူစာချုပ်ချုပ်ဆိုထားသည့် ရီကျင်းစန်သည်လည်း ၎င်းမှ အကျိုးအမြတ်ရရှိမည်ဖြစ်သည်။

ရီဖန်သည် ချက်ချင်းဆိုသလိုပင် နဂါးနီလေးနှင့် ရီကျင်းစန်ကို ခေါ်ကာ ရှေးနဂါးဘောလုံးကိုထုတ်ယူလိုက်သည်။ ရှေးနဂါးဘောလုံးကိုမြင်သောအခါ နဂါးနီလေး၏တုံ့ပြန်မှုသည် အကြီးအကဲကျောက်လုံနှင့် များစွာကွာခြားခြင်းမရှိပေ။ ဤကဲ့သို့သော နဂါးဘောလုံးသည် နဂါးမျိုးနွယ်စုအတွက် ထူးခြားသောဆွဲဆောင်မှုတစ်ခုရှိသည်။

ထို့အပြင် နဂါးနီလေးအတွင်းတွင် ပါးလွှာသော ရှေးဟောင်း နဂါးသွေးမျိုးဆက်ရှိနေသဖြင့် ၎င်းသည် ရှေးနဂါးဘောလုံးကို ပိုမိုရှင်းလင်းစွာ ခံစားနိုင်မည်ဖြစ်သည်။

"အဖေ့၊ ငါလိုချင်တယ်!"

နဂါးနီလေးသည် နဂါးမလေးအဖြစ်သို့ ပြောင်းလဲသွားကာ ချစ်စဖွယ်သရုပ်ဆောင်လာတော့သည်။ ချစ်စရာကောင်းသည့် အပြုအမူများနှင့် လုံးဝခံနိုင်ရည်မရှိသည့် ရီဖန်သည် ရှေးဟောင်းနဂါးဘောလုံးကို အလွယ်တကူ ပေးလိုက်၏။

နဂါးနီလေးသည် ချက်ချင်းမျိုချလိုက်ကာ နောက်အခိုက်အတန့်တွင် ၎င်း၏မူလကတောက်ပသော အနီရောင် နဂါးအကြေးခွံများသည် သွေးစိမ်းများစိမ်ထားသကဲ့သို့ ပိုမိုနီရဲလာသည်။ ရှေးခေတ်နဂါးအနွယ် အများကြီးရှိသည့်အထဲမှ ဤနဂါးဘောလုံးသည် ရှေးခေတ်သွေးနဂါးနှင့် သက်ဆိုင်သည်။ သွေးနဂါးသည် အမြင့်ဆုံးသွေးလမ်းကြောင်းကို ပိုင်ဆိုင်ကြ၏။

နဂါးနီလေး၏ ကျင့်ကြံရေးအဆင့်သည် ချက်ချင်းပင် ဖြတ်ကျော်လာသည်။ ရီကျင်းစန်သည်လည်း တွဲဖက်အနေဖြင့် သူ၏ကျင့်ကြံရေးအဆင့်သည် သဘာဝကျစွာပင် ဖြတ်ကျော်လာခဲ့သည်။

နဂါးနီငယ်ကဲ့သို့ပင် ရီကျင်းစန်သည်လည်း မြင့်မြတ်သောလမ်းဖြစ်သည့် သွေးလမ်းကြောင်းကို နားလည်ခဲ့သည်။

ကောင်းကင်တွင် ထူးထူးခြားခြား ဖြစ်ရပ်ဆန်းများ ပေါ်လာသည်ကို မြင်လိုက်ရသည်နှင့် ရီဖန်သည် သူ့လက်ကိုဝှေ့ယမ်းလိုက်ရာ ကောင်းကင်နှင့် ကြယ်တာရာ အခင်းအကျင်းသည် ချက်ချင်းအသက်ဝင်လာကာ ကွဲလွဲမှုများကို အကာအကွယ်ပေးသည်။

ယခုအချိန်သည် ဒုက္ခရောက်နေသည့်အချိန်ဖြစ်ရာ ရီမိသားစုသည် နောက်ထပ်ဒုက္ခအဘိညာဉ်အဆင့်နှစ်ဦး ပေါ်လာကြောင်း အခြားသူများကို အသိပေးရန်မဖြစ်ချေ။ ရန်ဟွမ်နယ်မြေတစ်ခုလုံးတွင် ရီမိသားစုထက် မြင့်မြတ်သောလမ်းကြောင်းနှင့် ပေါင်းစပ်ကာ ရီမိသားစုထက် ဒုက္ခအဘိညာဉ်အဆင့်သို့ ရောက်ရှိနေသူများ ပိုများပြားသည့် မိသားစုတစ်ခုမျှ ရှိမည်မဟုတ်ပေ။

အလားအလာအကြောင်းသာပြောလျှင် လက်ရှိ ရီမိသားစုကို ရန်ဟွမ်နယ်မြေတွင် အကောင်းဆုံးဟု သတ်မှတ်နိုင်သည်။ တာအိုလမ်းနှင့် လူနှစ်ဦးပေါင်းစပ်ခြင်းသည် ရီဖန်၏စည်းမျဉ်းဆိုင်ရာဝိညာဉ်မျိုးစေ့ကို ချွေတာပေးလိုက်စောကြောင့် လုံးဝဆိုးရွားခြင်းမရှိပေ။

ကြီးမြတ်သော မူလတာအိုမျှော်စင်ကို ရီမိသားစုဝင်များအတွက် ဖွင့်လှစ်လိုက်ပြီဖြစ်သည်။ ကျန်ရှိသော ရီမိသားစု၏ ကျင့်ကြံသူများတွင် အဓိပတိတာအိုကို နားလည်နိုင်သည့်သူများရှိရမည်။

ရီဖန်၏လိုအပ်ချက်မှာ ရီမိသားစုကျင့်ကြံသူများ ဖြတ်ကျော်ရန် အလျင်စလိုမဟုတ်ဘဲ ကြီးမြတ်သောတာအို၏ မည်သည့်အဆင့်ကိုမဆို သူတို့နားလည်နိုင်ရမည်ဖြစ်သည်။ အခြေခိုင်ရမည်။

ရီမိသားစုအတွက် ၎င်းသည် အစသာရှိသေးကာ အဆုံးမရောက်သေးချေ။

ရီမိသားစုသည် လုံ့လစိုက်ထုတ်နေချိန်တွင် ယန်ဟွမ်နယ်မြေသည် အပြင်းအထန် တိုက်ပွဲဝင်နေသည်။ ပျက်ဆီးခြင်းနယ်မြေတွင် နောက်ထပ် ထောင်ပေါင်းများစွာသော နတ်ဆိုးတပ်များသည် နယ်နိမိတ်များကို ဖြတ်ကျော်ကာ ရန်ဟွမ်နယ်မြေသို့ ဝင်ရောက်ခဲ့သည်။

ဤကြမ်းတမ်းသော နတ်ဆိုးအစုအဝေးသည် ရန်ဟွမ် နယ်မြေသို့ ရောက်ရှိလာသောအခါတွင် အလျင်စလို တိုက်ခိုက်ခြင်းမပြုခဲ့ပေ။ ထောင်ပေါင်းများစွာသော နတ်ဆိုးမျိုးနွယ်စု အင်မော်တယ်ပစ္စည်း သန့်စင်သူများသည် အင်မော်တယ်ပစ္စည်းမီးဖိုများကို ထုတ်ယူကာ နဖူးစည်းအခင်းအကျင်းများကို စတင် သန့်စင်ကြသည်။

ကျန်သည့် နတ်ဆိုးမျိုးနွယ်စုကျင့်ကြံသူများသည် နတ်ဘုရားနယ်မြေငါးခု၏ အပြင်ဘက်သို့ ဦးတည်သွားကြတယ်။ နတ်ဘုရားနယ်မြေငါးခုအပြင် ရန်ဟွမ်နယ်မြေသည် အရှေ့၊ တောင်၊ အနောက်နှင့် မြောက်ဘက်တွင် လူဆိတ်ညံသောနယ်မြေလေးခုရှိသည်။

နတ်ဆိုးမျိုးနွယ်စု၏ပစ်မှတ်သည် လူဆိတ်ညံသောနယ်မြေလေးခုကြားရှိ တောင်ပိုင်းတောကန္တာရပေါ်တွင် ကျသွားသည်။ တောကန္တာရသည် မူလသည် ကျင့်ကြံသူနည်းပါးသော မြေရိုင်းဖြစ်၏။ နတ်ဘုရားနယ်မြေငါးခု၏ ပံ့ပိုးမှုမရှိဘဲ၊ ၎င်းတို့သည် နတ်ဆိုးစစ်တပ်၏ ထိုးစစ်ကို မခုခံနိုင်ပေ။

နတ်ဘုရားနယ်မြေငါးခုက တုံ့ပြန်ချိန်တွင် တောင်ပိုင်းတောကန္တာရကို နတ်ဆိုးမျိုးနွယ်စုက လုံးလုံးလျားလျား သိမ်းပိုက်လိုက်ပြီဖြစ်သည်။

နတ်ဆိုးမျိုးနွယ်စုသည် တောင်ပိုင်းတောကန္တာရကို သိမ်းပိုက်ပြီးနောက်တွင် ၎င်းတို့သည် မရေမတွက်နိုင်သော အခင်းအကျင်းများကို တပ်ဆင်ခဲ့ကြသည်။ နောက်အခိုက်အတန့်တွင် အခင်းအကျင်းကို အသက်သွင်းလိုက်သည်။ ရန်ဟွမ်နယ်မြေ၏မူလအစကို နတ်ဆိုးမျိုးနွယ်စုသည် တဖြည်းဖြည်းခိုးယူလာခဲ့၏။

မူလနိယာမသည် ကမ္ဘာတစ်ခု၏အမြစ်ဖြစ်သည်။ မူလနိယာမ လျော့နည်းသွားပါက၊ ဝိညာဉ်စွမ်းအင်၏ သိပ်သည်းမှု၊ အရင်းအမြစ်များပေါကြွယ်ဝမှု စသည်တို့ အားလုံး လျော့နည်းသွားမည်ဖြစ်သည်။ ရန်ဟွမ်နယ်မြေအတွက် ဤသည်မှာ လက်တွေ့အားဖြင့် ကပ်ဆိုးတစ်ခုဖြစ်သည်။ ထိုအချိန်တွင် ရန်ဟွမ်နယ်မြေ၏ ကျင့်ကြံသူများသည် မျိုးဆက်တစ်ခုစီတွင် အားနည်းလာမည်ဖြစ်ကာ နတ်ဆိုးမျိုးနွယ်စုသည် မျိုးဆက်တစ်ခုစီတွင် ပိုမိုအားကောင်းလာမည်ဖြစ်သည်။

နတ်ဆိုးမျိုးနွယ်စု၏ လုပ်ဆောင်ချက်များသည် တိုက်ရိုက်ဝိညာဉ်ကို လုယူခြင်းဖြစ်သည်ဟုဆိုနိုင်ကာ ၎င်းတို့သည် ရန်ဟွမ်နယ်မြေ၏လမ်းကြောင်းများကို ပိတ်ဆို့ရန် ရည်ရွယ်သည်။ အင်အားစုငါးခုသည် မည်သို့ခံနိုင်မည်နည်း။ စစ်ဖြစ်ကြပြန်သည်။ နယ်မြေငါးခုမှ စတင်ခဲ့သော ဤစစ်ပွဲသည် ရန်ဟွမ်နယ်မြေတစ်ခုလုံးကို လွှမ်းခြုံထားသည်။

ကြယ်တစ်သောင်းကျွန်းသည်ပင် စတင်ထိခိုက်လာသည်။ ကံကောင်းထောက်မစွာဖြင့် ကျွန်းကိုပစ်မှတ်ထားသည့် နတ်ဆိုးများသည် အစွမ်းထက်ခြင်းမရှိသောကြောင့် ရီမိသားစု၏ဝင်ရောက်စွက်ဖက်မှုမလိုအပ်ဘဲ အလွယ်တကူကိုင်တွယ်ဖြေရှင်းနိုင်ခဲ့သည်။

အင်မော်တယ်တောင်သုံးတောင်၊ ရီမိသားစု၏ ပင်မဌာန။ နတ်ဆိုးမျိုးနွယ်စု၏ကျူးကျော်မှုအပြီး နှစ်ပေါင်းတစ်ရာကျော်သွားခဲ့ပါပြီဖြစ်ကာ ယနေ့သည် ရီမိသားစု၏မိသားစုစည်းဝေးပွဲဖြစ်သည်။ ထာဝရအလင်းကမ္ဘာတွင်နေထိုင်ကြသူများပင် ၎င်းအတွက် အလျင်အမြန်ပြန်လာခဲ့ကြသည်။

"စီးပွါးရေးဌာနခွဲမှာ ဒုက္ခအဘိဥာဉ်အဆင့် နှစ်ဦး၊ ကိုယ်ခန္ဓာပေါင်းစည်းနယ်မြေအဆင့် ဆယ့်သုံးဦး

ဝိညာဉ်ကျောက်တုံး….."

“ဆေးပညဋဌာနခွဲ၊ အဋ္ဌမအဆင့်မြင့် ဆေးပညာရှင်တစ်ဦး၊ အဋ္ဌမ အဆင့်နိမ့် ဆေးပညာရှင်သုံးဦး…”

"အင်မော်တယ်ပစ္စည်း သန့်စင်ခြင်းဌာနခွဲ အဋ္ဌမအဆင့်မြင့် အင်မော်တယ်ပစ္စည်းသန့်စင်သူတစ်ဦး၊ အလယ်အလတ် အဋ္ဌမအဆင့် အင်မော်တယ်ပစ္စည်းသန့်စင်သူ.."

"ဒုက္ခအဘိညာဉ်အဆင့် ကျင့်ကြံသူ လေးယောက်၊ ခန္ဓာကိုယ်ပေါင်းစည်းမှုနယ်ပယ်မှာ တစ်ရာ့လေးဆယ်…”

ရီမိသားစု၏ခွန်အားသည် နှစ်များတစ်လျှောက်လုံး တဖြည်းဖြည်းတိုးလာခဲ့သည်။ ယခုအခါ မဟာယာနနယ်ပယ်အဆင့် ကျင့်ကြံသူအနည်းငယ်သာ ထပ်မံလိုအပ်ကာ ရန်ဟွမ်နယ်မြေတွင် အောင်ပွဲခံကြောင်း ကြေညာနိုင်သည်။ သို့သော်လည်း မဟာယာနနယ်ပယ်သို့ ဖြတ်ကျော်ဝင်ရောက်ရန် မဝေးလှတော့ပေ။

“လောလောဆယ်တော့ အရှေ့ဧကရာဇ်မြို့ကို ပြန်လာဖို့ မလိုပါဘူး၊ ရန်ဟွမ်နယ်မြေမှာနေပါ၊ နောက်ဆုံးတိုက်ပွဲက မဝေးတော့ဘူး”

ရီဖန်သည် အလွန်အမင်းစိတ်ပူခြင်းမရှိပေ။ ဤနှစ်များအတွင်း နယ်ပယ်တစ်သောင်းတံခါးသည် နောက်ထပ်ကမ္ဘာနှစ်ခု၊ ကမ္ဘာငယ်တစ်ထောင်နှင့် အလယ်အလတ်ကမ္ဘာတစ်ထောင်ကမ္ဘာဆီသို့ ဖွင့်လှစ်သွားခဲ့သည်။ မည်သည့်ကမ္ဘာတွင်ဖြစ်စေ ရီမိသားစု၏ခွန်အားသည် ခြေကုပ်စခန်းတစ်ခုကို ထူထောင်နိုင်လောက်အောင်ရှိသည်။

ရန်ဟွမ်နယ်မြေသည် နောက်ဆုံးတွင် ပျောက်ဆုံးသွာလျှင်ပင် ရီမိသားစုသည် သွားစရာနေရာမရှိမည်ကို စိုးရိမ်နေစရာမလိုချေ။ ရီဖန်သည် ခိုင်မြဲစွာခုခံရန်၊ ယာယီအောင်ပွဲ သို့မဟုတ် ရှုံးနိမ့်ခြင်းစသည့် မည်သည့်အရာကိုမျှ မတွေးနေပေ။

‘မင်းအနိုင်ရရင် ဘာအရေးလဲ’

‘နှစ်တစ်ဘီလီယံမှာ အဲတာက အရေးကြီးနေသေးသလား’

အသက်ရှင်နေသေးသူများသည် နောက်ဆုံးအောင်မြင်သူများ ဖြစ်လာနိုင်သည်။ ရီမိသားစုသည် ဤမျှနိမ့်ချကာထိန်းသိမ်းထားပြီးဖြစ်သောကြောင့် ၎င်းတို့ကို မည်သူမျှသတိပြုမိမည်မဟုတ်ဟု ရီဖန်က ယုံကြည်ထားသည်။

"စနစ်၊ စုစည်းလိူက်!"

သူ၏ ကျင့်ကြံရေးအဆင့်သည် ဒုက္ခအဘိဥာဉ်အဆင့်၏ အထွတ်အထိပ်တွင် တည်ရှိနေသော်လည်း ဖြတ်ကျော်ရန် နောက်ထပ်ခြေတစ်လှမ်း နီးကပ်လာပြီဖြစ်သည်။ အခင်းကျင်းသည်လည်း အလယ်အလတ် နဝမအဆင့်အထိ ကွဲသွားခဲ့သည်။ နဝမအဆင့်အခင်းအကျင်းသည် အလယ်အလတ်တစ်ထောင်ကမ္ဘာတွက် အထွတ်အထိပ်ဖြစ်နေပြီဖြစ်သည်။

အချိန်အလုံအလောက်ပေး၍ အခင်းအကျင်းကို အားကိုးကာ မဟာယာနနယ်ပယ်အဆင့်ရှိ ကျင့်ကြံသူများကိုပင် ဖမ်းဆီးနိုင်ခဲ့သည်။ ရီဖန်သည် ကြယ်တစ်သောင်းကျွန်းအထက်ကောင်းကင်သို့ ပျံသန်းခဲ့ကာ ကောင်းကင်နှင့်ကြယ်တာရာအခင်းအကျင်းကို တစ်ဖန်ပြန်လည်ပြင်ဆင်ရန် စီစဉ်ခဲ့သည်။

ထိုအချိန်တွင် ကိုယ်ခန္ဓာပေါင်းစည်းခြင်းနယ်ပယ်ရှိ နတ်ဆိုးနှစ်ကောင် ရုတ်တရက်ပေါ်လာကာ လူသားကျင့်ကြံသူများကို လိုက်ရှာသည်။ အဆင့်တူနတ်ဆိုးမျိုးနွယ်စုကို တိုက်ခိုက်သောအခါ၊ လူသားမျိုးနွယ်သည် အမှန်တကယ်တွင် အားနည်းချက်ရှိသည်။

နတ်ဆိုးမျိုးနွယ်စု၏ခန္ဓာကိုယ်သည် သန်မာကာ ၎င်းတို့၏အရွယ်အစားသည် ကောင်းကင်ကို ဖုံးလွှမ်းနိုင်သည်။ တခါတရံတွင် လူသားမျိုးနွယ်မှ နတ်ဆိုးမျိုးနွယ်စုကို ထိခိုက်စေသောဒဏ်ရာများသည် ၎င်းတို့အတွက် ကလိထိုးသလိုမျိုးဖြစ်နေသည်။ အကယ်၍ လူသားမျိုးနွယ်သည် နတ်ဆိုးမျိုးနွယ်စုနှင့် တူညီသော အရွယ်အစားကို ပိုင်ဆိုင်နိုင်ပါက ၎င်းတို့သည် ညံ့ဖျင်းဆဲဖြစ်မည်လော။

အနီရောင်ဉာဏ်အလင်းသည် ရီဖန်ကို ထူးထူးခြားခြား နားလည်စေခဲ့ကာ ရီဖန်၏ စိတ်ထဲတွင် မရေမတွက်နိုင်သော အတွေးများပေါ်ပေါက်လာသည်။ လူသားမျိုးနွယ်စုသည် ရုပ်ပိုင်းဆိုင်ရာကြံ့ခိုင်မှု မရှိနိုင်သော်လည်း ၎င်းတို့သည် ကိရိယာများကို အသုံးပြုရာတွင် ထူးချွန်သည်။ အခင်းအကျင်းသည်လည်း ကိရိယာတစ်ခုဖြစ်သည်။

အကယ်၍ ကျင့်ကြံသူအများအပြားသည် အခင်းအကျင်းကိုဖွဲ့စည်းနိုင်ခဲ့ပါက၊ ၎င်းတို့သည် အားနည်းချက်ရှိနေမည့်အစား နတ်ဆိုးမျိုးနွယ်စုထက် သာလွန်သည်မဟုတ်လော။

ရီဖန်၏စိတ်ထဲတွင်၊ သန္ဓေတည်အခင်းအကျင်းပုံစံတစ်ခုသည် တဖြည်းဖြည်း ပေါ်လာသည်။ ပင်တိုင်အဖြစ် ဒုက္ခအဘိဥာဉ်အဆင့်ကျင့်ကြံသူ ရှင်းထျန်ကိုအခြေခံ၍ ကိုယ်ခန္ဓာပေါင်းစည်းနယ်ပယ်ရှိ ကျင့်ကြံသူများကို ခြေလက်အင်္ဂါများအဖြစ်၊ သန့်စင်ခြင်းဗလာနယ်အဆင့်နှင့် နတ်အသွင်ပြောင်းခြင်းအဆင့်ကို အသားအဖြစ်ဖြင့် ဧရာမရုပ်ပုံသဏ္ဍာန်ကြီးသည် ရီဖန်၏ အမိန့်အောက်တွင် တဖြည်းဖြည်းပုံပေါ်လာသည်။

ရီဖန်သည် ၎င်းကို မဟာရှင်းထျန်အခင်းအကျင်းဟု အမည်ပေးခဲ့သည်။ ဒုက္ခအဘိဥာဉ်အဆင့် တစ်ဦး၊ ကိုယ်ခန္ဓာပေါင်းစည်းနယ်မြေအဆင့် တစ်ဆယ့်နှစ်ဦး၊ သန့်စင်ခြင်းဗလာနယ် တစ်ရာဦး၊ နတ်အသွင်ပြောင်းခြင်းအဆင့်မှ ငါးရာစသည်ဖြင့် အခင်းအကျင်းပြုလုပ်ရန် လိုအပ်သည်။

သို့သော်လည်း အခင်းအကျင်းကို ထိန်းချုပ်ရန်အတွက် ပြင်းထန်သော ဝိညာဉ်စွမ်းအားများလိုအပ်ကာ စံဒုက္ခအဘိညာဉ်အဆင့်ကျင့်ကြံသူများသည်ပင် မအောင်မြင်နိုင်ပေ။ ရီဖန်သည် မျက်မှောင့်ကြုတ်ကာ ဆက်လက်အဆင့်မြှင့်တင်နေသည်။