အခန်း ၁၇၂-၁၇၄

အခန်း ၁၇၂ - ထာဝရအသက် အင်မော်တယ်အင်ပါယာ၏ အရေးပါမှု

ပြင်းထန်သောစွမ်းအင်အတက်အကျများကြားမှ အခင်းအကျင်းသည် ချက်ချင်းထွက်ပေါ်လာ၏။

အခင်းအကျင်းပြည့်စုံလာသည်နှင့်အမျှ ကျင့်ကြံသူများ၏တိုက်ခိုက်မှုများသည် ပင်လယ်ထဲသို့ နစ်မြုပ်သွားကာ ချက်ချင်းပင်ပျောက်ကွယ်သွားသကဲ့သို့ရှိသည်။

‘ငါတို့ သွားပြီ!’

၎င်းကိုမြင်သည့်အခါတွင် ဂိုဏ်းခွဲအချို့မှ ကျင့်ကြံသူများသည် ကြီးကြီးမားမားတစ်ခုခု ဖြစ်သွားသည်ကို သိလိုက်၏။ ကမ္ဘာ့အင်မော်တယ်အဆင့်ကျင့်ကြံသူ၏ လှုပ်ရှားမှုအောက်တွင် လူ့အင်မော်တယ်နယ်ပယ်ရှိ ကျင့်ကြံသူအများအပြားသည် စွမ်းအားစားစရာအဖြစ် ချက်ချင်းပြောင်းလဲသွားကြသည်။

ဖြစ်နိုင်ချေရှိသော ပေါက်ကြားမှုများအားလုံးကို ကိုင်တွယ်ဖြေရှင်းပြီးနောက် ကမ္ဘာ့အင်မော်တယ်ကျင့်ကြံသူသည် ပိုင်ရွှယ်ကို လှည့်ကြည့်လိုက်သည်။ ပိုင်ရွှယ်၏ တိုက်ခိုက်ရေးစွမ်းအားသည် ၎င်းကို လျို့ဝှက်စွာထိတ်လန့်စေသည်။ ပိုင်ရွှယ်သည် အမှန်ကတယ်ပင် အစွမ်းထက်သည့်အင်အားစုမှ ကျင့်ကြံသူဆိုသည်မှာ ယခုပိုသေချာသွားပြီဖြစ်၏။

ဟွမ်သာ့ဟိုင်နှင့် သူ့အသင်းဖော်များကို ပြင်းပြင်းထန်ထန် စိုက်ကြည့်ပြီးနောက်၊ ဟွမ်ကောင်းရှန်သည် ယနေ့အဖြစ်အပျက်ကို မပေါက်ကြားစေရန် သိလိုက်သည်။ မဟုတ်ပါက လေးပင်လယ်အင်မော်တယ်ဂိတ်အတွက် ဒုက္ခဖြစ်လိမ့်မည်။ ၎င်းသည် လေးပင်လယ်အင်မော်တယ်ဂိတ်တစ်ခုလုံးကိုပင်ထိခိုက်နိုင်သည်။

အင်မော်တယ်စွမ်းအားများသည် ကောင်းကင်ဖုံးလွှမ်းနေသည့် ဧရာမလက်ကြီးအဖြစ်သို့ ပြောင်းလဲသွားပြီးနောက် ပိုင်ရွှယ်ကို ကြမ်းတမ်းစွာ ဆုပ်ကိုင်ထား၏။ နှင်းဓားသွားသည်လည်း ရှောင်လွှဲဖယ်ခွာလုနီးပါးဖြစ်နေသည်။ လူသားအင်မော်တယ်ကမ္ဘာကို တွန်းလှန်နိုင်ဆဲဖြစ်သော်လည်း ကမ္ဘာအင်မော်တယ်ကမ္ဘာ၏ တိုက်ခိုက်မှုကို မဟာယာနနယ်ပယ်မှတစ်စုံတစ်ဦးသည် ခုခံနိုင်စွမ်း လုံးဝမရှိခဲ့ချေ။

ကြီးမားသောလက်က ဖိလုတော့မည်ကို မြင်လိုက်ရသည့်အခါတွင် ပိုင်ရွှယ်သည် သူမနှလုံးသားထဲမှ ကျိန်ဆဲလိုက်သည်။ သူမ၏တပည့်သည်အဘယ်ကြောင့် မရောက်လာသေးသနည်း။ သူမကြာခင်ရောက်လာလျှင် သူ့သခင်သည်လည်း သေသွားပြီးဖြစ်လိမ့်မည်။ ဤအရေးကြီးသောအခိုက်အတန့်တွင် ပုံသဏ္ဍာန်တစ်ခုသည် အခင်းအကျင်းထဲသို့ တိုက်ရိုက်ထွက်ပေါ်လာသည်။

ကမ္ဘာအင်မော်တယ်ကို ချုပ်နှောင်ထားနိုင်သည့် အခင်းအကျင်းကို ဤသူသည် လုံးဝလျစ်လျူရှုခဲ့၏။

ရီကျင်းဟိုင်ကို အစိမ်းရောင်အလင်းတန်းဖြင့် ဖုံးအုပ်ထားသည်။ အဇူရာနဂါးသွေးမျိုးဆက်ကို အဆင့်မြှင့်ထားသော အဇူရာနဂါးမျက်လုံးသည် အခင်းအကျင်း၏ အားအနည်းဆုံးနေရာကို တွေ့မြင်နိုင်သည်။ ထို့ကြောင့် ရီကျင်းဟိုင်သည် အခင်းအကျင်းကို လျစ်လျူရှုရန်သတ္တိရှိခဲ့ခြင်းပင်။

အခင်းအကျင်းထဲသို့ ဝင်ရောက်ပြီးနောက် ရီကျင်းဟိုင်သည် ပိုင်ရွှယ်ကိုဆွဲကိုင်ကာ ချက်ချင်းပြေးသွားခဲ့သည်။ ရီကျင်းဟိုင်သည် အစွမ်းထက်သော်လည်း ကမ္ဘာ့အင်မော်တယ်အဆင့်ကျင့်ကြံသူများကို ရင်ဆိုင်ရန် အယုံအကြည်မရှိပေ။ သတိကြီးကြီးထားသူတစ်ယောက်အနေဖြင့် ရီကျင်းဟိုင်သည် သေသည်အထိ တိုက်ခိုက်ရန် ရွေးချယ်မည်မဟုတ်ချေ။

သူသည် ရီဖန်ကို သူမနိုင်ပါက ထွက်ပြေးမည်ဟု အကြောင်းကြားထားပြီးသားဖြစ်သည်။ ၎င်းသည် အလွန်ပင်ပုံမှန်မဟုတ်လော? ပိုင်ရွှယ်ကို သူနှင့်အတူ ခေါ်ဆောင်သွားကာ ရီကျင်းဟိုင်သည် အခင်းအကျင်းကို နောက်တစ်ကြိမ်တွန်းလှန်ပြီးနောက် အဝေးဆီသို့ ပြေးသွားခဲ့သည်။ ဟွမ်ကောင်းရှန်သည်လည်း ချက်ချင်းတုံ့ပြန်လိုက်ကာ ရီကျင်းဟိုင်၏နောက်သို့ လိုက်သွား၏။

ရီကျင်းဟိုင်သည် ပြင်းထန်စွာပြေးသွားကာ သူ့အရှိန်ကို ကန့်သတ်ချက်အထိတင်လိုက်သော်လည်း

ရီကျင်းဟိုင်သည် ယနေ့တွင်ကံမကောင်းစွာဖြင့် အရှိန်အထူးပြုထားသော ကမ္ဘာ့အင်မော်တယ်ကျင့်ကြံသူနှင့် တွေ့ကြုံရမည်ဟု မထင်ထားခဲ့ပေ။ ကမ္ဘာ့အင်မော်တယ်ကျင့်ကြံသူသည် သူ့နောက်သို့ နီးကပ်လာသည်ကိုမြင်သောအခါတွင် ရီကျင်းဟိုင်အံကြိတ်မိသည်။

တခြားဘာမှလုပ်စရာမရှိပါက ဘေးကင်ရန်အတွက် ကံတရားကိုသာယုံကြည်ရမည်။ နှစ်ပေါင်းများစွာကြာပြီးနောက် ရီကျင်းဟိုင်သည် ကံတရား၏ အံ့ဖွယ်အသုံးဝင်မှုကို နားလည်သဘောပေါက်ခဲ့သည်။ သူ့မျက်လုံးများကိုမှတ်လိုက်ရင်း လမ်းကြောင်းတစ်ခုကို ကျပန်းရွေးချယ်ကာ ပြန်ထုတ်လိုက်ရာ မသိလိုက်ဘဲနှင့် လိုက်ဖမ်းခြင်းသည် မိုင်ထောင်ပေါင်းများစွာကို ဖြတ်ကျော်ခဲ့သည်။

သူ့ကိုဖမ်းမိတော့မည်ကို မြင်လိုက်ရသည့်အခါတွင် ရီကျင်းဟိုင်သည် ပို၍ပင်တည်ငြိမ်လာ၏။ ယေဘူယျအားဖြင့် ပြောရလျှင် ကံကြမ္မာဆိုးများသည် ၎င်းတို့လွတ်မြောက်ရန်ကူညီပေးသည့် အခြေအနေမျိုးတွင် အံ့ဩစရာများ ကြုံတွေ့ရတတ်သည်။ အကြပ်အတည်းကြားတွင် လွဲချော်မှုသည် ရီမိသားစုဝင်များနှင့် အတော်လေးကို ကျမ်းဝင်ပြီးဖြစ်သည်။

ရုတ်တရက် ရီကျင်းဟိုင်သည် ရှေ့ရှိနေရာသည် အနည်းငယ်ခြားနားနေပုံပေါ်သည်ကိုတွေ့လိုက်ရသည်။ ၎င်းသည်အပျက်အဆီးနယ်မြေဖြစ်၏။ ချန်မင်ကမ္ဘာသည် နယ်ပယ်သုံးထောင်တွင် တစ်ခုအပါအဝင်ဖြစ်ကာ အစွမ်းထက်သော သတ္တဝါများစွာရှိသောကြောင့် ရုတ်တရက် ကျဆုံးသွားသည့် စွမ်းအားကြီးသတ္တဝါများ ကျန်ရစ်ခဲ့သော မရေမတွက်နိုင်သောအပျက်အဆီးများလည်းရှိတတ်သည်။

ပုံမှန်အားဖြင့် ဤအပျက်အစီးများသည် ကံကြမ္မာရှင်များ ရှာဖွေတွေ့ရှိရန် စောင့်မျှော်နေကြကာ အလွန်ကောင်းစွာ ဖုံးကွယ်ထားကြသည်။ ယနေ့တွင် ရီကျင်းဟိုင်၏ ကံကြမ္မာဖြစ်သည်။ ရီကျင်းဟိုင်သည် အံကြိတ်လိုက်ကာ သူ့စွမ်းအားကို ထပ်ခါထပ်ခါတိုက်ရိုက်လောင်ကျွမ်းစေပြီးနောက် အရှိန်သည်နောက်တစ်ကြိမ်တိုးလာ၏။

ရီကျင်းဟိုင်သည် အာရုံခံလေဟာနယ်အလွှာ၏အထက်သို့ ရောက်သောအခါတွင် ရုတ်တရက် စုပ်ယူမှုစွမ်းအားတစ်ခုပေါ်လာသည်။ ရီကျင်းဟိုင်၏ပုံစံသည် ထိုကဲ့သို့ ပျောက်ကွယ်သွားကာ

အနည်းငယ်အကြာတွင် ဟွမ်ကောင်းရှန်သည် ရီကျင်းဟိုင်၏ရုတ်တရက်ပျောက်ကွယ်သွားခြင်းကို ခံစားလိုက်ရပြီးနောက် သူ့မျက်နှာသည် ချက်ချင်းပင်မည်းနက်သွား၏။ ဤလူသည် ဆိုးရွားသောအခိုက်အတန့်တစ်ခုတွင် အပျက်အဆီးနယ်မြေကိုအမှန်တကယ် ရှာတွေ့ခဲ့သည်။

အပျက်အဆီးနယ်မြေသည် ရီကျင်းဟိုင်နှင့် ပိုင်ရွှယ်တို့ကို စုပ်ယူလိုက်ပြီးနောက် တိတ်ဆိတ်နေခဲ့သည်။ ဟွမ်ကောင်းရှန်သည် ရွေးချယ်ခံရသူမဟုတ်သည်မှာ ထင်ရှားသည်။ ၎င်းသည် လေဟာနယ်အလွှာကြားကိုပင် အာရုံမခံနိုင်ချေ။ ယခုတွင် ဟွမ်ကောင်းရှန်ထွက်သွားရမည် သို့မဟုတ်ပါက ရီကျင်းဟိုင်ပြန်ပေါ်လာရန်အတွက် ဤနေရာတွင်စောင့်နေရမည်။ ၎င်းတို့နှစ်ခုတွင် ဟွမ်ကောင်းရှန်သည် နောက်တစ်ခုကိုရွေးချယ်မည်မှာ ထင်ရှား၏။

ရီဖန်သည် ကောင်းကင်ဘုံသို့ ရောက်ရှိနေပြီဖြစ်သည်။ သူ့လက်လှုပ်ရှားမှုဖြင့် အချိန်လမ်းကြောင်းသည် အသက်ဝင်လာသည်။ ရီကျင်းဟိုင်ကို တိုက်ခိုက်နေသည့် လေးပင်လယ်အင်မော်တယ်ဂိတ်၏ ပုံရိပ်ကို ချက်ချင်းပြန်ကြည့်ကာ မြင်ကွင်းများကို အထပ်ထပ်ပြန်ကြည့်သည်။ ရီဖန်သည် ရီကျင်းဟိုင်၏ ကံတရားကို အလွန်အမင်း စိတ်မပူခဲ့ပေ။ ရီမိသားစု၏ လက်ရှိကံကြမ္မာလမ်းစဉ်ဖြင့် ရီမိသားစုမှ ကျင့်ကြံသူသည် ဘေးဒုက္ခနှင့်ရင်ဆိုင်ရန် လွယ်ကူမည်မဟုတ်ပေ။

ရီကျင်းဟိုင်နှင့် ပိုင်ရွှယ်တို့ လွတ်မြောက်သွားကြောင်း ပြကွက်များကပြသခဲ့သည်။ ရီဖန်သည် ရီကျင်းဟိုင်နှင့် ပိုင်ရွှယ်၏နောက်သို့ မလိုက်ခဲ့ဘဲ ၎င်းအစား သူသည် လေးပင်လယ်အင်မော်တယ်ဂိတ်သို့ ဦးတည်ခဲ့သည်။ ၎င်းတို့သည် ရီမိသားစုဝင်များကိုတိုက်ခိုက်ပြီးနောက် ထွက်ပြေးရဲသည်? ၎င်းမှာ အလွန်ဒေါသထွက်ဖွယ်ပင်။

အပျက်အစီးများအပြင်ဘက်တွင် ဟွမ်ကောင်းရှန်သည် ဆိုးရွားသောတစ်စုံတစ်ရာ ဖြစ်ပျက်သွားသည်ကို ခံစားလိုက်ရကာ နှလုံးသားထဲတွင် ထိတ်လန့်တကြား ခံစားလိုက်ရသည်။ သို့သော် အပျက်အစီးများအတွင်းတွင် ရီကျင်းဟိုင်နှင့် ပိုင်ရွှယ်မရောက်မီ ရှုခင်းသည် လုံးဝပြောင်းလဲသွားသည်။ အပျက်အဆီးတောင်တံခါးတစ်ခုသည် ရီကျင်းဟိုင်ရှေ့တွင်ရှိနေသည်။

မြူခိုးများနှင့် တိမ်များကြားတွင် အင်မော်တယ် ဘုံဗိမာန်များ တစ်ခုနှင့်တစ်ခုထိပ်၌ တောင်တန်းများ စုစည်းထားသည်။ ဤအင်မော်တယ်ဂိတ်သည် သာမန်မဟုတ်ကြောင်း အကြည့်တစ်ချက်ဖြင့် သိနိုင်သည်။ တောင်ခြေရင်းတွင် စိုက်ထူထားသည့် သံတိုင်ကြီးများ၌ "သက်ရှည်ဂိုဏ်း" ဟု ရေးထိုးထားသည်။

သက်ရှည်ဂိုဏ်း? ရီကျင်းဟိုင်နှင့် ပိုင်ရွှယ်တို့သည် ပုံရိပ်ယောင်များကို မြင်နေကြပြီဟုထင်ခဲ့သည်။ သက်ရှည်ဂိုဏ်းကိုပင် မထူထောင်ရသေးဘဲ ဤနေရာတွင် မည်သို့ပေါ်လာရသနည်း။ သံသယအကြည့်ဖြင့် ရီကျင်းဟိုင်သည် ပိုင်ရွှယ်ကို ငုံ့ကြည့်ကာ

“ဆရာသခင်၊ အမှန်အတိုင်းပြောပါ၊ ငါတို့ရဲ့ သက်ရှည်ဂိုဏ်းက အထက်ပိုင်းကစွမ်းအားကြီး ဂိုဏ်းခွဲတစ်ခုလား?"

"အမှန်အတိုင်း? ငါက ဘာကိုအမှန်ပြောရမှာလဲ။ ငါတို့ရဲ့ သက်ရှည်ဂိုဏ်းက ဒီလောက်စွမ်းအားကြီးနေရင် ငါတို့အဲဒီတုန်းက ဒီလောက်သနားစရာ ကောင်းနေမှာမဟုတ်ဘူး”

ပိုင်ရွှယ်သည် အသက်ရှည်ဂိုဏ်းတွင် လျှို့ဝှက်နက်နဲမှုမရှိကြောင်း ကတိပြုခဲ့ပါသည်။ ဤသက်ရှည်ဂိုဏ်းအသစ်သည် အမှန်တကယ် တိုက်ဆိုင်မှုတစ်ခုသာဖြစ်သည်။ အများကြီးမတုံ့ဆိုင်းနေဘဲ ရီကျင်းဟိုင်နှင့် ပိုင်ရွှယ်တို့သည် သူတို့ရှေ့ရှိ ဂိုဏ်းကိုစတင်စူးစမ်းကြ၏။

ဂိုဏ်းတွင်းရှိ အဆောက်အဦများသည် ဟောင်းနွမ်းနေသော်လည်း ပျက်ဆီးမှုအနည်းငယ်မျှမရှိပေ။ ကျင့်ကြံသူများ မရှိတော့သည်မှာ ကြာပြီဖြစ်သည်။ ခဏကြာပြီးနောက် သူတို့နှစ်ယောက်သည် ခန်းမရှေ့တွင်ရပ်လိုက်သည်။ ခန်းမကြီး၏ရှေ့တွင် ဓားရှည်တစ်ချောင်းကိုင်ဆောင်ထားသော ကောင်းကင်ဆီသို့ ညွှန်ပြနေသည့် ဧရာမရုပ်တုကြီးသည် တစ်ချိန်ကငယ်ရွယ်ပြီးထက်မြက်သူဖြစ်ကြောင်း ပြသနေသည်။ ထို့အပြင် ဤရုပ်တုသည် ရီကျင်းဟိုင်နှင့် သိသိသာသာ ဆင်တူသည်။

"ဘာလို့ ဒီလောက် ရင်းနှီးနေပါလိမ့်"

ရီကျင်းဟိုင်သည် ရုပ်တုကိုလှမ်းမကိုင်ကြည့်ဘဲ မနေနိုင်ချေ။ နောက်အခိုက်အတန့်တွင် ရီကျင်းဟိုင်၏ စိတ်ထဲသို့ အမှတ်ရစရာများ ရုတ်တရက် စီးဆင်းသွားသည်။ ကိုယ်စားပြုရုပ်တုမှာ ချန်မင်ကမ္ဘာမှ ထာဝရအသက်အင်မော်တယ်ဧကရာဇ်ဖြစ်သည်။ သူသည် ထာဝရအသက်အင်မော်တယ်ကျင့်ထုံးကို ကျင့်သုံးခဲ့ကာ သူ၏အသက်ရှည်ခြင်းကြောင့်လူသိများ၏။

အင်မော်တယ်နယ်မြေ၏ ထိပ်တန်းအင်မော်တယ်ဧကရာဇ်ဆယ်ဦးအနက် ထာဝရအသက်အင်မော်တယ်ဧကရာဇ်သည် သက်တမ်းအကြာဆုံးဖြစ်ကာ အနှစ်တစ်သန်းလုံး အသက်ရှင်ခဲ့သည်။ မူလက ထာဝရအသက်အင်မော်တယ်ဧကရာဇ်သည် အသက်ပိုရှည်နိုင်သော်လည်း ကြီးစွာသောဘေးဥပဒ်သည် နယ်ပယ်သုံးထောင်ကို လွှမ်းမိုးသွားခဲ့ကာ အဆင့်နိမ့်နယ်မြေများကိုပင် အလွတ်မပေးခဲ့ချေ။

၎င်းသည် ရှင်သန်ခြင်းနှင့်သေဆုံးခြင်းတံခါးဝကြောင့်ဖြစ်သည်။

ရှင်သန်ခြင်းနှင့်သေဆုံးခြင်းတံခါးသည် ပြင်ပနယ်ပယ်သုံးထောင်ကို ဖျက်ဆီးရန် ရည်ရွယ်ချက်ဖြင့် ပြင်ပကမ္ဘာနတ်ဆိုးများနှင့် ပူးပေါင်းခဲ့သည်။ မရေမတွက်နိုင်သော အင်မော်တယ်ဧကရာဇ်များနှင့် တာအိုဘိုးဘေးများသည် ထိုစစ်ပွဲတွင်ကျဆုံးခဲ့သည်။ ထာဝရအသက်အင်မော်တယ်ဧကရာဇ်ပင်လျှင် ကုသမရသောဒဏ်ရာများကို ခံစားခဲ့ရကာ နောက်ဆုံးတွင် သက်ရှည်ကမ္ဘာ၌ သေဆုံးသွားခဲ့သည်။

ယခုအခါတွင် ရီကျင်းဟိုင်၏စိတ်၌ ကျင့်ကြံမှုနည်းပညာ၊ ထာဝရအသက်အင်မော်တယ်အနုပညာနှင့် ထာဝရအသက်အင်မော်တယ်ခန္ဓာကိုယ်ဟုလူသိများသောလျှို့ဝှက်နည်းပညာတစ်ခုရှိသည်။ ထာဝရအသက်အင်မော်တယ်ခန္ဓာကိုယ်ဆယ်ခုအနက်မှ တစ်ခုသည် သဘာဝအတိုင်းမပိုင်ဆိုင်ဘဲ ကျင့်ကြံထားခြင်းဖြစ်သည်ကို မည်သူကတွေးမိမည်နည်း!

ရီကျင်းဟိုင်သည် လေးပင်လယ်အင်မော်တယ်တံခါးသည် အလွန်သာယာသည်ဟု ရုတ်တရက် ခံစားလိုက်ရသည်။ သူဒီလိုကောင်းမွန်သည့်ဖြစ်ရပ်မျိုး မကြုံဖူးပေ။ လေးပင်လယ်အင်မော်တယ်ဂိတ်ကို ဆုချီးမြှင့်ရန်အတွက် ဤနေရာမှ ထွက်ခွာပြီးသည်နှင့် လေးပင်လယ်အင်မော်တယ်ဂိတ်၏ အဖွဲ့ဝင်အားလုံးကို ထာဝရအသက်ရုပ်သေးများအဖြစ်ဖြစ်ပြောင်းလဲရန် ဆုံးဖြတ်ခဲ့သည်။

…………………..

အခန်း ၁၇၃ - အထက်နယ်မြေရှိ သက်ရှည်ဂိုဏ်း

ကံကောင်းစွာဖြင့် လေးပင်လယ်အင်မော်တယ်ဂိတ်မှ ကျင့်ကြံသူများသည် ရီဖန်ကိုယ်တိုင် သုတ်သင်ရှင်းလင်းခဲ့ပြီးဖြစ်သည်။ မဟုတ်ပါက ၎င်းတို့သည် "ကျေးဇူးတင်ပါတယ်၊ သက်ရှိငရဲမင်းကြီး" ဟု ဆိုကြရဦးမည်။

ရီကျင်းဟိုင်သည် အလျင်စလို ထွက်ခွာသွားခြင်းမရှိပေ။ ယင်းအစား အသက်ရှည်ခြင်းကမ္ဘာအတွင်း အင်မော်တယ်စွမ်းအင်ကို ရေချိုးပြီး စတင်ကျင့်ကြံခဲ့သည်။ ထာဝရအသက်အင်မော်တယ်ခန္ဓာကိုယ်ဖြစ်သည့် ဤကဲ့သို့ ကြောက်မက်ဖွယ်ကောင်းသောကိုယ်ထည်ကို ရီကျင်းဟိုင် မကျင့်ကြံပါကလူမိုက်ဟု သတ်မှတ်မည်မဟုတ်ပေလော။

ရီကျင်းဟိုင်၏စွည်ရည်သည် အားမနည်းချေ။ သို့တိုင်၊ ရီကျင်းဟိုင်၏စွမ်းရည်ဖြင့်ပင် သူနောက်ဆုံးမအောင်မြင်မီ ဆယ်နှစ်မျှ အချိန်ယူခဲ့ရသည်။ ထာဝရအသက်အင်မော်တယ်ကိုယ်ခန္ဓာ၏ဖြစ်စဉ်ကို အသက်ရှည်ခြင်းကမ္ဘာအတွင်း၌ ထင်ရှားပေါ်လွင်ခဲ့သော်လည်း အပြင်ဘက်၌ တုန်လှုပ်ခြင်းလုံးဝမရှိချေ။

ရီကျင်းဟိုင်အတွက်မူ သိုသိပ်စွာနေထိုင်ခြင်းသည် မကောင်းတဲ့အရာမဟုတ်ပေ။

ထာဝရအသက်အင်မော်တယ်ခန္ဓာကိုယ်ကို အခြားအင်အားစုများက သိရှိလာသောအခါ၊ ရီကျင်းဟိုင် ရင်ဆိုင်ရမည့်ဒုက္ခများသည် အဆုံးမရှိဖြစ်လာမည်ဖြစ်သည်။ အင်မော်တယ်ဧကရာဇ်၏ အမွေအနှစ်အတွက် လောဘကြီးသော အင်အားစုများစွာရှိသည်။အခြားသောအင်မော်တယ်ဧကရာဇ်များပင်လျှင် သွေးဆောင်ခံရနိုင်သည်။ အဆုံးတွင် ထာဝရအသက်အင်မော်တယ်ဧကရာဇ်သည် ရှေးခေတ်က ထိပ်တန်းအင်မော်တယ်ဧကရာဇ်ဆယ်ပါးထဲမှ တစ်ပါးဖြစ်သည်။

ထာဝရအသက်အင်မော်တယ်ခန္ဓာကိုယ်၏ လျှို့ဝှက်နည်းပညာသည် အဖိုးမဖြတ်နိုင်သော အရာတစ်ခုဖြစ်၏။ သူ၏ကိုယ်ခန္ဓာကို ထာဝရအသက်အင်မော်တယ်ခန္ဓာကိုယ်အဖြစ်သို့ အောင်မြင်စွာပြောင်းလဲပြီးနောက် ရီကျင်းဟိုင်၏ ကျင့်ကြံမှုအဆင့်သည်လည်း လူသားအင်မော်တယ်အထွတ်အထိပ်သို့ ရောက်ရှိသွားခဲ့သည်။

အနည်းငယ်မျှ မတုံ့ဆိုင်းဘဲ ရီကျင်းဟိုင်သည် ကမ္ဘာအင်မော်တယ်နယ်မြေထဲသို့ ထိုးဖောက်ဝင်ရောက်ရန် ချက်ချင်းပင် အင်မော်တယ်စွမ်းအင်ကို စတင်စုပ်ယူလိုက်သည်။ ရီကျင်းဟိုင် အောင်မြင်မှုတစ်ခုကို ပြုလုပ်နေချိန်တွင် ပိုင်ရွှယ်သည်လည်း အောင်မြင်တက်လှမ်းရန်ပြင်ဆင်နေ၏။

သိပ်သည်းလှသော အင်မော်တယ်စွမ်းအင်သည် ပိုင်ရွှယ် ၏တိုးတက်မှုအရှိန်ကို အလွန်မြှင့်တင်ပေးသည်။ ဆယ်နှစ်အတွင်ရ သူမသည် မဟာယာန၏ နောက်ပိုင်းအဆင့်မှ လူ့အင်မော်တယ်အဆင့်အထိ ဖြတ်ကျော်ခဲ့ပြီးဖြစ်သည်။ သူမ၏ စွမ်းရည် တိုးတက်လာခြင်းကြောင့် ရီကျင်းဟိုင်သည် ကမ္ဘာအင်မော်တယ်နယ်မြေထဲသို့ အချိန်တိုအတွင်း ဝင်ရောက်နိုင်ခဲ့သည်။ ရီကျင်းဟိုင်၏အောင်မြင်မှုကြောင့် အဝေးရှိ ရီမိသားစုတွင် ရီဖန်၏စိတ်ထဲသို့ စနစ်သတိပေးချက်တစ်ခုထွက်ပေါ်လာသည်။

"မိသားစုဝင် ရီကျင်းဟိုင်က ကမ္ဘာ့အင်မော်တယ်ဘုံကို အောင်မြင်စွာ ဖြတ်ကျော်နိုင်ခဲ့ပါတယ်၊ သန်မာသောမိသားစုဝင် ၁၂ ဦး၊ ရေရှည်တာဝန်ကို ပြီးမြောက်စေတဲ့အတွက် ဂုဏ်ယူပါတယ်၊ ကမ္ဘာ့အင်မော်တယ် စွမ်းအားမိသားစုကို ပြီးဆုံးသွားလို့

ဆုကြေးငွေကို စုဆောင်းရရှိနိုင်ပါပြီ"

ရီဖန်အနည်းငယ်လန့်သွားသည်၊ ရီကျင်းဟိုင်သည် အချိန်တိုလေးအတွင်း ကမ္ဘာအင်မော်တယ်ဘုံသို့ အောင်မြင်စွာဖြတ်ကျော်ရန် ကြီးမားသောစွန့်စားခန်းတစ်ခု ရှိခဲ့ပုံရသည်။

“စနစ်၊ ဆုငွေကို ရယူပါ”

" လေဟာနယ်ကွက်လပ်: အဇူရာနဂါးဆုရရှိသည့်အတွက် သခင့်ကို ဂုဏ်ယူပါတယ်"

အဇူရာနဂါးကွက်လပ်လေဟာနယ်၊ ၎င်းသည် အဇူရာနဂါး၏မိသားစုဝင်တစ်ဦးကို ပေးစွမ်းနိုင်သည်။ သို့သော် ဤအဇူရာနဂါးသည် Jurassic Park ထဲမှ အကောင်မဟုတ်ပေ။ ၎င်းသည် အဇူရာနဂါးသွေးမျိုးဆက်ပါရှိသော အဇူရာနဂါး၏ ရှေးနတ်မွန်းစတားဖြစ်သည်။ အဇူရာနဂါး၏ခြေဖဝါးဖြင့် အနာဂတ်တွင် ရွှေအင်မော်တယ်၏အထက်အဆင့်အထိပင် တက်လှမ်းနိုင်လိမ့်မည်ဖြစ်ရာ ဤဆုသာ်အလွန်အဖိုးတန်သည်။

သို့သော် ရီမိသားစုမှ ကျင့်ကြံသူများအတွက်မူ အလွန်အသုံးဝင်မည်မဟုတ်ပေ။ အကြောင်းမှာ ရီမိသားစုမှကျင့်ကြံသူများသည် သူတို့ကိုယ်တိုင်ကပင် အဇူရာနဂါး၏သွေးမျိုးဆက်ကို ပိုင်ဆိုင်ထားသောကြောင့်ဖြစ်သည်။ အဇူရာနဂါးခြေဖဝါးနောက်တစ်ခုရှိခြင်းသည် အရာများကို ရောထွေးစေကာ မလိုက်ဖက်နိုင်သောပုံပေါက်စေမည်ဖြစ်သည်။

အဇူရာနဂါးသွေးမျိုးဆက်ကို မည်သူရသင့်သည်နှင့်ပက်သက်၍ ရီဖန်ထံတွင် အကြံတစ်ခုရှိပြီးဖြစ်သည်။ ဤနှစ်များတစ်လျှောက်လုံးတွင် ကျောက်လုံဘိုးဘေးသည် ရီမိသားစုအတွက် မွန်းစတားအမြောက်အမြားလေ့ကျင့်ရန် အစွမ်းကုန်တာဝန်ထမ်းဆောင်ခဲ့သည်ဖြစ်ရာ အဇူရာနဂါးခြေဖဝါးသည် အလွန်ထိုက်တန်ပါ၏။

မကြာမီတွင် ရီဖန်သည် ကျောက်လုံဘိုးဘေးကို သူ့ထံသို့ ခေါ်လိုက်သည်။ ထို့နောက် သူ့လက်ကိုဆန့်တန်းကာ ကျောက်လုံဘိုးဘေး၏ ခေါင်းပေါ်တင်လျက်

စနစ်ကို အဇူရာနဂါးခြေဖဝါးကိုအသုံးပြုစေခဲ့သည်။ ကျောက်လုံဘိူးဘေးသည် ရီဖန်၏ရည်ရွယ်ချက်ကို သတိပြုမိပုံရကာ သူ့အသက်ရှူသံများမြန်လာသည်။ ၎င်းဘဝ၏ အကြီးမားဆုံးစွဲလမ်းမှုသည် နဂါးအစစ်ဖြစ်လာရန်ပင်။ ယနေ့တွင် သူ့အခွင့်အရေးရောက်လာရာ ကျောက်လုံဘိုးဘေးသည် မည်သို့စိတ်မလှုပ်ရှားဘဲနေနိုင်မည်နည်း။

အဇူရာနဂါးခြေဖဝါး အကျိုးသက်ရောက်လာသည်နှင့်အမျှ ကျောက်လုံဘိုးဘေးသည် အတွင်းမှအပြင်ထိ အသွင်ပြောင်းသွားခဲ့သည်။ နဂါးအကြေးခွံများ၊ နဂါးဦးချိုများ၊ နဂါးဝိညာဉ်၊ နဂါးဘောလုံးစသည်ဖြင့် ကျောက်လုံဘိုးဘေးသည် အတွင်းမှဖြစ်ပျက်နေသော အပြောင်းအလဲများကို ခံစားလိုက်ရသဖြင့် စကားပြောရန်ပင် အလွန်စိတ်လှုပ်ရှားနေပါသည်။

သူ၏သွေးမျိုးဆက်ကို ခံစားရပြီးနောက် ကျောက်လုံဘိုးဘေး၊ မဟုတ် သူ့ကိုယ်သူ ယခု အဇူရာနဂါးဘိုးဘေးဟု ခေါ်ဆိုသင့်ကြောင်း အသံတိတ်တေးမှတ်ထား၏။ အနာဂတ်တွင် အဇူရာနဂါးသွေးမျိုးဆက်ကို လက်ဆင့်ကမ်းရန်အတွင် သူ့တွင်နောက်ထပ်အမျိုးအနွယ်များရှိရမည်။

သူ၏ကျင့်ကြံမှုအဆင့်ကို စုစည်းပြီးနောက် အပြန်လမ်းတွင် အဇူရာနဂါးဘိုးဘေးသည် အထဲတွင်အိပ်ပျော်နေသော ပိုင်ဇယ်ကိုမြင်လိုက်ရသည်။

"ဘာ! ငါ့ရဲ့သွေးက အဇူရာနဂါးသွေးမျိုးဆက်အဖြစ် ပြောင်းလဲသွားပြီဆိုတာ ဘယ်လိုသိတာပဲ"

ပိုင်ဇယ်သည် အဇူရာနဂါးဘိုးဘေးကိုကြည့်ကာ လုံးဝအံ့သြသွားသည်။ ‘မင်းကဘာကောင်းတုန်း? ရီမိသားစုထဲသို့ ခိုးဝင်လာသည့် နတ်ဆိုးတစ်ကောင်ဖြစ်သလော။ ပိုင်ဇယ်သည် အဇူရာနဂါးဘိုးဘေးကို တစ်ချက်ရိုက်ကာ ပျံတက်သွားစေသောကြောင့် အဆင့်မြင့်တင်နေသည့်သူ့ကို ချက်ချင်းသုတ်ပစ်လိုက်လုနီးပါးပင်။

"ပိုင်ဇယ်၊ ငါ့ကို မလုပ်ပါနဲ့၊ ငါက ကျောက်လုံပါ"

အဇူရာနဂါးဘိုးဘေးသည် စကားအလွန်နောက်ကျမည်ကိုစိုးရွံ့ကာ အမြန်ပြောလိုက်သည်။

“အိုး နဂါးလေးပဲ”

ပိုင်ဇယ်သည် နှုတ်ခမ်းစူလိုက်သည်။ သူသည် အဇူရာနဂါးဘိုးဘေးကို အလွယ်တကူမှတ်မိနိုင်သော်လည်း သူ၏မိုက်မဲသည့် အပြုအမူကို မကြိုက်ခြင်းဖြစ်သည်။ အဇူရာနဂါးဘိုးဘေးမှာ တိတ်ဆိတ်သွားသည်။ အဇူရာနဂါးအဖြစ်သို့ ပြောင်းလဲသွားသော်လည်း ရီမိသားစုအတွင်း သူ၏အဆင့်အတန်းသည် အဘယ်ကြောင့်အနိမ့်ဆုံးဖြစ်နေသေးသနည်း။ မဟုတ်ဘူး၊ သူ ဆက်ပြီး ကြိုးစားရမည်။

ရီဖန်ကို ကျေနပ်စေပြီးနောက် သူသည်သူ၏နောက်ထပ်ဆင့်ကဲဖြစ်စဉ်တွင် အဇူရာနဂါးအဖြစ်သို့ တက်သွားနိုင်သည်။ အဇူရာနဂါးဘိုးဘေးသည် ရီဖန်၏စွမ်းရည်ကို သံသယမရှိခဲ့ဘဲ သူ့ကိုယ်ပိုင်အမြှောက်အပင့်စွမ်းရည်မရှိခြင်းအတွက်သာ ညည်းညူခဲ့သည်။

……

ထိုအချိန်တွင် ရီကျင်းဟိုင်သည် နောက်ဆုံးတွင် တစ်ကိုယ်တော်ကျင့်ကြံရာမှ ထွက်လာခဲ့သည်။

ကမ္ဘာ့အင်မော်တယ်နယ်မြေ၏ကျင့်ကြံမှုအဆင့်သို့ ရောက်ပြီးနောက် သူသည် အပျက်အစီးများထဲမှ ထွက်သွားခဲ့သည်။ ထွက်သွားသောအခါတွင် စိတ်အားထက်သန်စွာစောင့်နေဆဲဖြစ်သော ဟွမ်ကောင်းရှန်ကို သူတွေ့လိုက်ရသည်။ ဟွမ်ကောင်းရှန် သည် ရီကျင်းဟိုင်၏ပြန်လည်ပေါ်လာခြင်းကိုခံစားလိုက်ရသောအခါ ဝမ်းသာသွားသည်။ အခွင့်အလမ်းသည် သူ့ထံရောက်ရှိလာသဖြင့် ကံကောင်းသည်ဟု ခံစားရသည်။

"ဒီတစ်ခါတော့ မင်းပြေးစရာနေရာမရှိဘူး!"

ရီကျင်းဟိုင် နောက်တစ်ကြိမ်လွတ်မြောက်မည်ကို စိုးရိမ်သဖြင့် ဟွမ်ကောင်းရှန်သည် သူကြိုတင်ပြင်ဆင်ထားသောအခင်းအကျင်းကို ချက်ချင်းစတင်ခဲ့သည်။ ရီကျင်းဟိုင်သည် တုန်လှုပ်နေသော ဟွမ်ကောင်းရှန်ထံ ဖျတ်ခနဲ ပြုံးလိုက်သည်။

"အဆင်ပြေပါတယ်၊ ငါမပြေးဘူး"

တည်ငြိမ်နေသောရီကျင်းဟိုင်ကို မြင်လိုက်ရသည့်အခါတွင် ဟွမ်ကောင်းရှန်သည် စိတ်မသက်မသာခံစားလိုက်ရသည်။ ရီကျင်းဟိုင်သည် သူ၏ကမ္ဘာ့အင်မော်တယ်ရောင်ဝါကို ထုတ်လွှတ်ပြီးမှသာ ဟွမ်ကောင်းရှန်သည် ရီကျင်းဟိုင်အဘယ်ကြောင့် ဤမျှတည်ငြိမ်နေရသည်ကို နားလည်လိုက်သည်။ ရီကျင်းဟိုင်၏ လက်ရှိကျင့်ကြံမှုအဆင့်သည် သူ့ထက် အားမနည်းသည့်အတွက် ပြေးစရာမလိုချေ။

"ဟင့်အင်း၊ ဒီအခွင့်အရေးတွေက ငါ့အတွက်ဖြစ်သင့်တာ!"

ရီကျင်းဟိုင်သည် အပျက်အစီးများထဲသို့ မဝင်မီ လူသားအင်မော်တယ်နယ်ပယ်တွင်ရှိနေဆဲဖြစ်သော်လည်း ယခုတွင် သူသည် ကမ္ဘာအင်မော်တယ်တစ်ဦးဖြစ်ခဲ့သည်။ အပျက်အစီးများအတွင်း အခွင့်အလမ်းများရှိသည်မှာ သိသာထင်ရှားသည်။ ဤအခွင့်အရေးများကို သူ့ကိုယ်ပိုင်အဖြစ် ကာလရှည်ကြာမှတ်ယူခဲ့သော ဟွမ်ကောင်းရှန်သည် ဒေါသထွက်နေခဲ့၏။

မျက်စိတစ်မှိတ်အတွင်းတွင် သူသည် သူ၏ အင်မော်တယ်ပန်းချီကားကို ရီကျင်းဟိုင်ထံသို့ ပစ်လွှတ်လိုက်သည်။ ရီကျင်းဟိုင်သည် သူ့ကိုယ်ပိုင် အင်မော်တယ်ပစ္စည်းကို ထုတ်လွှတ်လိုက်ပြီးနောက် ပေါ့ပေါ့ပါးပါး ပြုံးလိုက်သည်။

‘ထာဝရအသက်အင်မော်တယ်ခန္ဓာကိုယ်၊ အသက်ရှည်ခြင်းနယ်မြေ’

ထာဝရအသက်အင်မော်တယ်ခန္ဓာကိုယ်၏ အင်္ဂါရပ်သည် ၎င်း၏အသက်ရှည်ခြင်းမျှသာ မဟုတ်ပါ။

အင်မော်တယ်ကိုယ်ထည်ရှိသော ကျင့်ကြံသူသည် အဆင့်အတန်းတူ ကျင့်ကြံသူများကြားတွင် သိသာထင်ရှားသော အားသာချက်ရှိသည်။ ထာဝရအသက်အင်မော်တယ်ခန္ဓာကိုယ်ကို အသက်သွင်းပြီးနောက် ဟွမ်ကောင်းရှန်၏တိုက်ခိုက်မှုသည် ရီကျင်းဟိုင်၏ခံစစ်ကိုပင် မချိုးဖျက်နိုင်ဘဲ ရီကျင်းဟိုင်၏ တိုက်ခိုက်မှုတိုင်းသည်သာ ဟွမ်ကောင်းရှန်ကို ရန်စရန်ခွင့်ပြုခဲ့သည်။

တဖြည်းဖြည်းနှင့် ဟွမ်ကောင်းရှန်သည် ကြီးမားသောဖိအားကို ခံစားလာရတော့သည်။ သူသည် ရီကျင်းဟိုင်အတွက် ပြိုင်ဘက်မဟုတ်တော့ပေ။ ဤရလဒ်သည် ဟွမ်ကောင်းရှန်ကို အဆုံးမရှိ ဒေါသထွက်စေခဲ့သည်။ ဤနှုန်းဖြင့် သူသည်ဤနေရာတွင် သေသွားနိုင်သည်။ ဤအကြိမ်သည် ဟွမ်ကောင်းရှန်၏အလှည့်အပြောင်းဖြစ်၏။

ဟွမ်ကောင်းရှန်သည် လေးပင်လယ်အင်မော်တယ်ဂိတ်ဆီသို့ အရူးအမူးပြေးသွားခဲ့သည်။ သူသည် ရီကျင်းဟိုင်၏စွမ်းအားကိုသိမ်းပိုက်ရန် ဂိုဏ်းအကူအညီရယူရန်အတွက် ဂိုဏ်းအတွင်းသို့ ပြန်လည်ဝင်ရောက်ရန်စဉ်းစားခဲ့သည်။ သူသည် ရီကျင်းဟိုင်၏ အခွင့်အရေးများကို လက်လွှတ်မခံချင်ပေ။ ရီကျင်းဟိုင်ကို လျှင်မြန်စွာ အဆင့်မြှင့်နိုင်စေခဲ့သည့် မည်သည့်အခွင့်အရေးမျှ သာမန်မဟုတ်သည်မှာ သေချာသည်။

သို့သော် ဟွမ်ကောင်းရှန်သည် ပင်လယ်လေးစင်းအင်မော်တယ်တံခါးသို့ ပြန်ရောက်သောအခါတွင် အံသဩသွား၏။ လေးပင်လယ်အင်မော်တယ်တံခါး၏ အပျက်အစီးတစ်ခုသာ ကျန်ရှိတော့သည်။

‘ငါ့ဂိုဏ်းဘယ်မှာလဲ’

ဤမျှကြီးမားသည့် ဂိုဏ်းကြီးသည် ရုတ်တရက် မည်သို့ပျောက်ကွယ်သွားရသနည်း။ သူသည်လည်း မသွားဖြစ်သည်မှာ နှစ်တော်တော်ကြာလေပြီ။ ဟွမ်ကောင်းရှန်သည် အပြင်းအထန်လှည့်ကြည့်လိုက်ကာ ရီကျင်းဟိုင်ကို စိုက်ကြည့်နေသည်။

"မင်းပဲလား? ငါ့ရဲ့ လေးပင်လယ်အင်မော်တယ်တံခါးကို မင်းရဲ့အင်အားစုက ဖျက်ဆီးခဲ့တာလား”

တိုက်ဆိုင်မှုတစ်ခုသည် ဤကျင့်ကြံသူကို ရန်စလိုက်သည့်အချိန်မှစ၍ သူ၏ကိုယ်ပိုင်ဂိုဏ်းဖျက်ဆီးခံလိုက်ရခြင်းပင်ဖြစ်သည်။

…………………..

အခန်း ၁၇၄ - အတင်းအကျပ်လက်ထပ်ခြင်း၊ ချွမ်ထျန်းအင်ပါယာ၏ အကြံအစည်

ဟွမ်ကောင်းရှန်သည် နောင်တရသွား၏။ ဤကဲ့သို့ဖြစ်လာမည်ကို သူသိခဲ့ပါက ဟွမ်သာ့ဟိုင်ကို ချက်ချင်းသတ်ပစ်ခဲ့သင့်သည်။ ယခုတွင် ကျင့်ကြံသူတစ်ဦးအတွက် သူ့ဂိုဏ်းတစ်ခုလုံး ပျက်စီးသွားခဲ့သည်။

လေးပင်လယ်အင်မော်တယ်တံခါးကို အလွယ်တကူ ချေဖျက်နိုင်သော အင်အားစု၏စွမ်းအားသည် ဟွမ်ကောင်းရှန် ရန်စနိုင်သည့်အတိုင်းအတာထက် လွန်စွာကြီးမားသည်။ ကံမကောင်းစွာဖြင့် ဖြစ်ပျက်ပြီးမှ နောင်တရစရာအကြောင်းမရှိတော့ချေ။ ဟွမ်ကောင်းရှန်ကျဆုံးခြင်းနှင့်အတူ လေးပင်လယ်အင်မော်တယ်တံခါးသည် သမိုင်းတွင်လုံးဝပျောက်ကွယ်သွားခဲ့သည်။

ရီကျင်းဟိုင်သည် လေးပင်လယ်အင်မော်တယ်ဂိတ်၏ အပျက်အစီးများကို စူးစမ်းလေ့လာပြီးနောက် အစီအစဉ်တစ်ခုပြုလုပ်ခဲ့သည်။ သက်ရှည်ဂိုဏ်းကို ပြန်လည်တည်ဆောက်ရန်လိုအပ်နေကာ ဤနေရာသည်နေရာမှန်ဖြစ်မည်။ ရီဖန်တိုက်ခိုက်ခဲ့စဉ်က သူသည် အလွန်အမင်းပျက်စီးခြင်းသို့မရောက်စေဘဲ ဝိညာဉ်သွေးကြောကိုလည်း မထိဘဲချန်ထားခဲ့သည်။ ထိပ်တန်းအရည်အသွေးရှိသော ဝိညာဉ်သွေးကြောသည် လက်ရှိတွင် သက်ရှည်ဂိုဏ်းအတွက်လုံလောက်မည်ဖြစ်၏။

သက်ရှည်ကမ္ဘာသည် သက်ရှည်ဂိုဏ်းကို ပြန်လည်တည်ဆောက်ရန် အသင့်တော်ဆုံးနေရာဖြစ်သော်လည်း ရီကျင်းဟိုင်သည် ၎င်း၏တည်ရှိမှုကို ထုတ်ဖော်ဝံ့ခြင်းမရှိသေးပေ။ သူသည် သက်ရှည်ကမ္ဘာကိုအမွေဆက်ခံခဲ့သော်လည်း အများစုမှာ စည်းတံဆိပ်ခတ်ထားဆဲဖြစ်သည်။

ရီကျင်းဟိုင်၏ ကျင့်ကြံမှုအဆင့်သည် တဖြည်းဖြည်း မြင့်တက်လာသည်နှင့်အမျှ သက်ရှည်ကမ္ဘာကြီးအတွင်းမှစည်းများသည် တဖြည်းဖြည်းပွင့်လာမည်ဖြစ်သည်။ စည်းတံဆိပ်များလုံးလုံးလျားလျားဖွင့်လှစ်ပြီးနောက်တွင် ရီကျင်းဟိုင်၏စွမ်းအားသည် သက်ရှည်ကမ္ဘာကြီးကို ကာကွယ်ရန်လုံလောက်လာမည်ဖြစ်သည်။ သို့သော် ၎င်းသည် အနာဂတ်အတွက်ကိစ္စဖြစ်လိမ့်မည်။ ယခုအချိန်တွင် ဤနေရာသည် သက်ရှည်ဂိုဏ်းကို ပြန်လည်တည်ဆောက်ရန်သင့်လျော်၏။

လျင်မြန်စွာပင် ရီကျင်းဟိုင်နှင့် ပိုင်ရွှယ်တို့သည် သက်ရှည်ဂိုဏ်း၏ကဏ္ဍများကို စတင်တည်ဆောက်ခဲ့ကြကာ တပည့်များကို စတင်စုဆောင်းခဲ့သည်။ သက်ရှည်ဂိုဏ်းသည် ရီကျင်းဟိုင်နှင့် ပိုင်ရွှယ်တို့ကိုသာ အားကိုးရန်မဖြစ်နိုင်ပေ။ တပည့်များလည်း လိုအပ်သည်။ အောက်ဘက်နယ်မြေရှိ တပည့်များသည် မည်သည့်အခါမှ တက်လာမည်ကို မသေချာသောကြောင့် ယခုအချိန်တွင် တပည့်သစ်များ စုဆောင်းခြင်းသည်မမှားချေ။

လေးပင်လယ်အင်မော်တယ်ဂိတ် သုတ်သင်ခံရသည့်သတင်းသည် လျင်မြန်စွာ ပျံ့နှံ့သွားခဲ့၏။ စစတည်ထောင်ချင်းပင်လျှင် သက်ရှည်ဂိုဏ်း၏ ဂုဏ်သိက္ခာသည် စတင်ပျံ့နှံ့လာခဲ့သည်။ လေးပင်လယ်အင်မော်တယ်ဂိတ်၏အင်အားသည် အနီးနားရှိအင်အားစုများကြားတွင် အားနည်းခြင်းမရှိပေ။ လေးပင်လယ်အင်မော်တယ်တံခါးကို သုတ်သင်နိုင်သော သက်ရှည်ဂိုဏ်းကို အသိအမှတ်ပြုခဲ့ကြသည်။

မကြာမီတွင် ၎င်း၏ဂုဏ်သတင်းကို နှစ်သက်သောကျင့်ကြံသူများသည် သက်ရှည်ဂိုဏ်းသို့ ဝင်ရောက်လာကြရာ သက်ရှည်ဂိုဏ်းသည် တဖြည်းဖြည်းကြီးထွားလာသည်။ ဤသို့ဖြင့် ရီမိသားစု၏ဒုတိယလက်အောက်ခံအင်အားစုသည် နောက်ဆုံးတွင် ချန်မင်းကမ္ဘာ၌ စတင်ပေါ်ပေါက်လာခဲ့သည်။ အနာဂတ်တွင် ၎င်းသည် အဓိကအင်အားစုတစ်ခုဖြစ်လာမည်ဖြစ်၏။

သို့သော် ရီကျင်းဟိုင်သည် လက်ရှိအချိန်တွင် သူ့ကိုယ်သူ ရီမိသားစုနှင့်ချိတ်ဆက်ရန်မစီစဉ်ဘဲ အမှီအခိုကင်းစွာ ကျင့်ကြံရန်ရည်ရွယ်ထားသည်။ အရွက်တစ်ထောင်ကျောင်းတော်နှင့် သက်ရှည်ဂိုဏ်း နှစ်ခုစလုံးသည် သီးခြားလွတ်လပ်သော အင်အားစုများဖြစ်သည်။ ၎င်းတို့သည် မလိုအပ်ဘဲ ရီမိသားစုနှင့် တင်းတင်းကျပ်ကျပ်ဆက်ဆံရေး ထားရှိမည်မဟုတ်ချေ။ ဘက်စုံတိုးတက်မှုသည် မိသားစုအတွက် အကောင်းဆုံး ဖွံ့ဖြိုးတိုးတက်ရေးနည်းလမ်းဖြစ်သည်မဟုတ်လော။

တစ်ဖက်တွင် နဂါးနက်အင်ပါယာ၌ ဆယ်နိုင်ငံပြိုင်ပွဲသည် ပြီးလုနီးပြီဖြစ်၏။ လူ့အင်မော်တယ်နယ်ပယ်တွင် သူ၏ကျင့်ကြံမှုအဆင့်ဖြင့် ရီရှောက်ဖန်သည် နဂါးနက်အင်ပါယာအတွက် အရင်းအမြစ်များစွာကို အတင်းအကျပ်သိမ်းပိုက်ခဲ့သည်။ ရီရှောက်ဖန်အပေါ်ဆက်ဆံမှုကို မကျေမနပ်ဖြစ်နေသော နဂါးနက်အင်ပါယာရှိသူများသည် ယခုအခါလုံးဝပျောက်ကွယ်သွားခဲ့ပြီဖြစ်သည်။ ရီရှောက်ဖန်ကို ဆုပ်ကိုင်ထားခြင်းသည် နဂါးနက်အင်ပါယာအတွက် ကံကောင်းခြင်းတစ်ခုဖြစ်သည်။

နိုင်ငံဆယ်နိုင်ငံတို့အနက် နဂါးနက်အင်ပါယာသည် အချိန်အတော်ကြာအောင် ပထမနေရာမှ မအောင်မြင်ခဲ့ပေ။ ပထမဖြစ်ခြင်းအတွက် အရင်းအမြစ်များသည် ယခင်ပမာဏထက် နှစ်ဆနီးပါးတိုးလာရာ နဂါးနက်အင်ပါယာ၏ အနာဂတ်ဖွံ့ဖြိုးတိုးတက်မှုအတွက် အကျိုးကျေးဇူးများစွာဖြစ်ထွန်းခဲ့သည်။ နဂါးနက်အင်ပါယာ၏ နိုင်ငံသားများအနေနှင့် ၎င်းတို့သည်လည်း အကျိုးခံစားခွင့်ရသူများဖြစ်သည်။

နဂါးနက်အင်ပါယာ၏ဘုရင်သည် ရီရှောက်ဖန်၏ ဆုတ်ခွါသွားသောအသွင်အပြင်ကိုစိုက်ကြည့်ကာ ဆင်ခြင်စပြုလာသည်။ နဂါးနက်အင်ပါယာ၏ အနာဂတ်ကို မင်းသမီးကျွင်းလုံထံ လွှဲပြောင်းပေးခဲ့ပါက ၎င်းသည် ရွေးချယ်မှုကောင်းတစ်ခုဖြစ်ပုံရသည်။ ရီရှောက်ဖန်၏ကာကွယ်မှုဖြင့် မင်းသမီးကျွင်းလုံသည် နဂါးနက်အင်ပါယာကို ပိုမိုမြင့်မားသောအရပ်သို့ ပို့ဆောင်နိုင်လိမ့်မည်။ အခြားသူသာဆိုလျှင် ဘုရင်သည် ဤအကြံအစည်ကို နှစ်သက်လိမ့်မည်မဟုတ်သော်လည်း ရီရှောက်ဖန်၏ လျှို့ဝှက်ဆန်းကြယ်သည့် အထောက်အထားက သူ့ကိုဤယုံကြည်မှုကိုပေးခဲ့သည်။

ရီရှောက်ဖန်သည် ထိုတည်ရှိမှု၏ တပည့်တစ်ဦးဖြစ်သည်။ သူသည် အမည်ခံတပည့်ဖြစ်လျှင်ပင် နဂါးနက်အင်ပါယာနှင့် ပေါင်းသင်းနိုင်သည့်သူတစ်ယောက်မဟုတ်ပေ။ နောက်ဆုံးတွင် သူတို့နှစ်ဖက်သည် ပေါင်းသင်းဆက်ဆံရေးထုထောင်နိုင်ခဲ့သည်ဖြစ်ရာ ဘုရင်ကြီးသည် ဤအခွင့်အရေးကို လက်လွတ်မခံချင်ပေ။

"အရှင်မင်းကြီး၊ ချွမ်ထျန်းအင်ပါယာက သံတမန် ရောက်လာပါတယ်"

ချွမ်ထျန်းအင်ပါယာသည် ထိပ်တန်းအင်ပါယာဆယ်ခုထဲမှ တစ်ခုလည်းဖြစ်သည်။ သို့သော် နဂါးနက်အင်ပါယာနှင့် ၎င်းတို့၏ဆက်ဆံရေးမှာ မကောင်းပေ။ ၎င်းတို့၏ သံတမန်ခရီးစဉ်ရည်ရွယ်ချက်သည် အဘယ်နည်း။ ၎င်းသည် သံတမန်တစ်ဦးဖြစ်သောကြောင့် နဂါးနက်အင်ပါယာ၏ဂုဏ်သိက္ခာအတွက် ဘုရင်သည် တွေ့ဆုံရန် ငြင်းဆိုခြင်းမပြုနိုင်ပေ။

"နဂါးနက်အင်ပါယာဘုရင်ကို ဂါဝရပြုပါတယ်၊ ဒီသံတမန်က ငါတို့ ချွမ်ထျန်းအင်ပါယာရဲ့ အိမ်ရှေ့မင်းသားအတွက် လက်ထပ်ခွင့်တောင်းဖို့ လာခဲ့တာပါ။ ငါတို့နှစ်နိုင်ငံကြား လက်ထပ်ခြင်းနဲ့ မဟာမိတ်ဖွဲ့နိုင်မယ်လို့ မျှော်လင့်ပါတယ်”

ထိမ်းမြားခြင်းဖြင့် မဟာမိတ်ဖွဲ့ဆိုခြင်းသည် ဘာပြဿနာမှမရှိပေ။ လက်ထပ်ခြင်းမှတဆင့် မဟာမိတ်ဖွဲ့ခြင်းသည် အင်ပါယာများကြားတွင် ပုံမှန်ဖြစ်သည်။

“ကောင်းပြီ၊ ငါတို့ရဲ့ဆယ့်ရှစ်ယောက်မြောက် မင်းသမီးလေးက အိမ်ထောင်ပြုဖို့ သင့်တော်တဲ့အရွယ်ကိုရောက်နေပြီဆိုတော့ သူမပဲဖြစ်ပါစေ"

နဂါးနက်ဘုရင်တွင် သားသမီးများစွာရှိသောကြောင့် ထိမ်းမြားခြင်းမဟာမိတ်အတွက် သင့်တော်သူတစ်ဦးကို ရှာဖွေရန် မခက်ခဲပေ။ သို့သော်လည်း ယခုအချိန်တွင် သံတမန်သည် တိုက်ရိုက်ငြင်းဆိုခဲ့သည်။

"ငါတို့ အိမ်ရှေ့မင်းသားက မင်းသမီးကျွင်းလုံကို အမြဲလေးစားမြတ်နိုးခဲ့တာမို့ သူနဲ့လက်ထပ်ပြီး မဟာမိတ်ဖွဲ့ဖို့ မျှော်လင့်ထားပါတယ်"

ဤစကားကိုပြောပြီးသည်နှင့် ခန်းမတစ်ခုလုံးတိတ်ဆိတ်သွားသည်။ လူတိုင်းသည် ရီရှောက်ဖန်ကို လျှို့ဝှက်စွာစိုက်ကြည့်နေကြသည်။ ချွမ်ထျန်းအင်ပါယာသည် မင်းသမီးကျွင်းလုံတွက် ခင်ပွန်းရှိနေသည့်အကြောင်းကို သတိမထားမိနိုင်စရာမရှိပေ။ သို့သော် ၎င်းတို့သည် ထိမ်းမြားခြင်းမဟာမိတ်ဖွဲ့ရန်အတွက် တောင်းဆိုဆဲဖြစ်ရာ ၎င်းတို့တွင်အကြံဆိုးများရှိနေခြင်းကိုဆိုလိုသည်။

နိုင်ငံဆယ်ခုတွင် လက်ရှိယှဉ်ပြိုင်မှုတွင် ပြသခဲ့သည့် ၎င်း၏အရည်အချင်းကြောင့် ပစ်မှတ်ထားခံရသည်မှာ မျှော်လင့်ထားပြီးသားဖြစ်သည်။ နဂါးနက်အင်ပါယာ၏ ဘုရင်မျက်နှာသည် ချက်ချင်းပင်မည်းမှောင်သွားသည်။ ချွမ်ထျန်းအင်ပါယာသည် သေတွင်းတူးနေခြင်းဖြစ်၏။

ရီရှောက်ဖန်၏အထောက်အထားသည် သာမန်ထက်မြက်သောကျင့်ကြံသူမျှသာဖြစ်သည်ဟု ထင်ကြသောကြောင့် ယင်းကဲ့သို့ အဆိုပြုဝံ့ခြင်းဖြစ်သည်။ အစဉ်အလာအားဖြင့် တော်ဝင်သမက်တော်သည် အင်ပါယာ၏အိမ်ရှေ့မင်းနှင့် တန်းတူမဟုတ်ကြောင်းထင်ရှားသည့်အတွက် သံတမန်သည်လည်း ယုံကြည်မှုရှိပုံရကာ နဂါးနက်အင်ပါယာဘုရင်သည် သဘောတူမည်မှာ သေချာသည်ဟုထင်ထားသည်။

ရီရှောက်ဖန်၏အရည်အချင်းသည် အလွန်ထူးခြားသည်၊ သူသည် အနာဂတ်တွင် နဂါးနက်အင်ပါယာအတွက် သိသာထင်ရှားသော ပံ့ပိုးကူညီသူဖြစ်လာလိမ့်မည်မှာ သေချာ၏။ သူတို့ အခုလုပ်ရမည့်အရာသည် ရီရှောက်ဖန်နှင့် နဂါးနက်အင်ပါယာကြားသဘောထားကွဲလွဲမှုကိုဖန်တီးရန်ပင်။

အကယ်၍ နဂါးနက်အင်ပါယာသည် အိမ်ရှေ့မင်းသား၏လက်ထပ်ရန် ကမ်းလှမ်းချက်ကို ငြင်းဆိုပါက ချွမ်ထျန်းအင်ပါယာသည် စစ်ပွဲစတင်ရန် အကြောင်းပြချက်ရှိမည်ဖြစ်သည်။ နဂါးနက်အင်ပါယာသည် ဤတစ်ကြိမ်တွင် အကျိုးကျေးဇူးများစွာရရှိခဲ့ကာ ချွမ်ထျန်းအင်ပါယာသည် အကျိုးရလဒ်များကိုတိုက်ယူလိမ့်မည်။ နဂါးနက်အင်ပါယာကသဘောတူလျှင် ပိုတောင်ကောင်းလိမ့်မည်။

ယင်းသည် အရည်အချင်းရှိသောကျင့်ကြံသူကို စော်ကားရုံသာမက နဂါးနက်အင်ပါယာ၏အချစ်တော် မင်းသမီးဂျွန်လောင်းမှတဆင့် နဂါးနက်အင်ပါယာကို ဖြည်းဖြည်းချင်းထိပါးသွားနိုင်သည်။ မည်သို့ပင်ရွေးချယ်ခဲ့ပါစေ ချွမ်ထျန်းအင်ပါယာသည် အရှုံးပေါ်မည်မဟုတ်ပေ။ ချွမ်ထျန်းအင်ပါယာ၏သံတမန်သည် နဂါးနက်ဘုရင်ကို စေ့စေ့ကြည့်ရှုကာ ၎င်း၏အဖြေကို စောင့်နေသည်။ ၎င်းတို့အင်ပါယာ၏ အိမ်ရှေ့မင်းသားချွမ်လျို့သည် ဤအစီအစဉ်ကို အမြန်ဆောင်ရွက်ရန် နဂါးနက်အင်ပါယာသို့ ကိုယ်တိုင်ကိုယ်ကျ လာရောက်ခဲ့သည်။

နဂါးနက်အင်ပါယာ၏ဘုရင်သည် ရီရှောက်ဖန်ကို စိုက်ကြည့်ကာ ချက်ချင်းပင်ပြတ်သားစွာဆုံးဖြတ်လိုက်သည်။ သူ့ယူဆချက်အရ ရီရှောက်ဖန်ကို စော်ကားခြင်း၏ အကျိုးဆက်များသည် ချွမ်ထျန်းအင်ပါယာကို စော်ကားခြင်းထက် များစွာဆိုးရွားသည်။

"မင်းသမီးကျွင်းလုံက လက်ထပ်ပြီးသားပါ။ ကျေးဇူးပြုပြီး နောက်ထပ်ဆွေးနွေးဖို့ ချွမ်ထျန်းအင်ပါယာက သင့်လျော်တဲ့မင်းသမီးကိုရှာနိုင်တယ်”

နဂါးနက်အင်ပါယာဘုရင်သည် မဆိုင်းမတွငြင်းဆိုခဲ့ခြင်းက ချွမ်ထျန်းအင်ပါယာ၏ သံတမန်ကို အနည်းငယ်အံ့သဩသွားစေခဲ့သည်။ နဂါးနက်အင်ပါယာ၏စိတ်ထဲတွင် တော်ဝင်သမက်တော်၏အနေအထားသည် သူတို့ထင်ထားသည်ထက်မြင့်မားနေပုံရသည်။ သို့ဖြစ်ပါက ၎င်းတို့သည်လည်း လုံးဝလက်မလွှတ်နိုင်တော့ချေ။

“နဂါးနက်အင်ပါယာရဲ့ဘုရင်၊ ငါတို့ ချွမ်ထျန်းအင်ပါယာက ရိုးသားစွာလာတာပါ။ ပြန်စဉ်းစားနိုင်မယ်လို့ မျှော်လင့်ပါတယ်။ ဒီကိစ္စက ငါတို့ ချွမ်ထျန်းအင်ပါယာက နေရာတိုင်းမှာပျံ့နှံ့နေပြီ။ ငါတို့အိမ်ရှေ့မင်းသားက မင်းသမီးကျွင်းလုံကိုလက်ထပ်ဖို့ ပျက်ကွက်ရင် နှစ်နိုင်ငံစလုံးအတွက် အဆင်မပြေဘူး။”

၎င်းကိုကြားသည့်အခါတွင် အရာရှိများပင် ဒေါသထွက်ကုန်သည်။ ချွမ်ထျန်းအင်ပါယာသည် ၎င်းတို့ကို သိသိသာသာခြိမ်းခြောက်နေခြင်းဖြစ်၏။

…………………..