ချီလင်တောင်တန်းကို မဖိတ်ခေါ်ထားသော ဧည့်သည်တစ်ဦး ရောက်ရှိလာခြင်း

“မင်းက ဥာဏ်မဲ့တဲ့လူသားပဲ!”

“ငါ့ရဲ့ နတ်ဆိုးတစ်ထောင် ဘုရင့်နိုင်ငံက ကြင်နာပြီး ရက်ရောတာကြောင့် နယ်မြေကို ပေးအပ်ဖို့ အခွင့်အရေး ပေးခဲ့တယ်”

“ဒါပေမယ့် မင်းတို့က တန်ဖိုးမထားတဲ့အတွက် ငါတို့ ပင်းတီယန်နတ်ဆိုးဘုရင်ရဲ့ အမျက်ဒေါသကို ရင်ဆိုင်ဖို့ အသင့်ပြင်ထား”

လီဂွမ်,၏ စကားကိုကြားပြီးနောက် တောင်ထိပ်ရှိ နှင်းကျားသစ်ကြီးက ဒေါသတကြီးဖြင့် ပြောလိုက်သည်။

“ဂါးးး!”

ကျယ်လောင်သောဟိန်းဟောက်သံသည် တောင်တန်းများတစ်လျှောက် ပဲ့တင်ထပ်ပြီးနောက် လူတိုင်းက မြေပြင်တုန်ခါသံကို ခံစားလိုက်ရသည်။

ထို့နောက် တောင်တန်းမှ ကျယ်လောင်သော သိန်းဟောက်သံများနှင့်အတူ ရက်စက်ကြမ်းကြုတ်သော သားရဲအများအပြား ထွက်ပေါ်လာသည်ကို တွေ့လိုက်ရသည်။

တောင်တန်းပေါ်တွင် သားရဲအများအပြားပြေးလွှားနေပြီး ကောင်းကင်ယံတွင် အတောင်များဖြန့်ကာ နေကိုပင် ဖုံးအုပ်ထားသော ငှက်ကြီးများလည်း ရှိသည်။

ဤသားရဲအုပ်စုတွင် အလွန်ပြင်းထန်သော ရောင်ဝါများ လွှမ်းခြုံနေသည်။

ရက်စက်ကြမ်းကြုတ်သော သားရဲများစွာတို့က ဝိုင်းရံလာသောကြောင့် တောင်တန်းက ငလျင်လှုပ်ကဲ့သို့ တုန်ခါနေသည်။

ဤမြင်ကွင်းကို မြင်လိုက်ရသော နယ်စပ်မှလူများအားလုံး စိတ်ပိုင်းဆိုင်ရာ အဆင်သင့်ဖြစ်နေကြသော်လည်း အသက်ရှူသံမြန်လာခြင်းကိုတော့ မထိန်းချုပ်နိုင်ကြပေ။

“ပစ်!”

ဆူနာမီလှိုင်းကဲ့သို့ ပြင်းထန်သော သားရဲများနှင့် ရင်ဆိုင်ရသောအခါ မဟာမိတ်အဖွဲ့ချုပ်၏ လက်ထောက်ခေါင်းဆောင် လီဂွမ်,က ချက်ချင်းပင် ဒေါသတကြီး အော်ဟစ်ကာ တိုက်ခိုက်ရန် အမိန့်ထုတ်ပြန်ခဲ့သည်။

“ဘုန်း! ဘုန်း! ဘုန်း!”

နယ်စပ်သို့ရောက်ရှိလာသော သံချပ်ကာတပ်များသည် တိုက်ပွဲအတွက် အသင့်ဖြစ်နေကြပြီဖြစ်သည်။

လီဂွမ် အမိန့်ပေးလိုက်သည်နှင့် မရေမတွက်နိုင်သော အမြောက်လက်နက်ပစ်ခတ်သံများက ကောင်းကင်ယံ၌ တခဏချင်း ပဲ့တင်ထပ်သွားသည်။

ကောင်းကင်ကို အဆုံးမဲ့ မီးတန်းများက ဖုံးလွှမ်းထားပုံရပြီး ကောင်းကင်ယံရှိ အမြောက်ကျည်ဆန်များသည် ကြယ်ကြွေခြင်းကဲ့သို့ တောင်များနှင့် သစ်တောများကြားတွင် ဆင်းသက်လာသည်။

ပင်မတိုက်ပွဲဝင်တင့်ကားများ၊ အလိုအလျောက်ပစ်လွှတ်နိုင်သည့် အမြောက်များ၊ ဟော့ဝှတ်ဇာအမြောက်များ၊ လေယာဉ်ပစ်အမြောက်များ စသည်တို့သည် ၎င်းတို့၏ ကျည်များအားလုံးကို သားရဲအုပ်ထဲသို့ လောင်းထည့်လိုက်ကြသည်။

ဒုံးကျည်ပစ်တပ်များသည် အထပ်မြင့် အဆောက်အအုံများကဲ့သို့ မြေပြင်မှ ချီတက်လာကာ အရှေ့ဘက် တောင်တန်းများကို ဒုံးကျည်များဖြင့် ပစ်လွှတ်ခြင်းဖြင့် ဒုံးကျည်ပစ်တပ်များပင် နယ်စပ်သို့ ရောက်ရှိနေပြီ ဖြစ်သည်။

ဤသည်မှာ လူသူကင်းမဲ့ပြီး တောထူထပ်သော နယ်မြေဖြစ်သောကြောင့် ထိုဒေသကို ဒုံးကျည်များဖြင့် ပစ်ခတ်မည်ဆိုပါက ရန်နိုင်ငံစစ်တပ်က အထူးစိုးရိမ်မည်မဟုတ်ပေ။

ခဏအကြာတွင် ရှေ့မှ တောင်တန်းကြီးတစ်ခုက မီးခိုးလုံးများဖြင့် ပြည့်နှက်သွားသည်။

အမြောက်များ၊ ဒုံးကျည်များဖြင့် ပြင်းထန်စွာ ပစ်ခတ်မှုကြောင့် ရက်စက်ကြမ်းကြုတ်သော သားရဲများကြားတွင် အသေအပျောက် များပြားခဲ့သည်။

အမှန်တွင်၊ ရက်စက်ကြမ်းကြုတ်သော သားရဲများအားလုံးက နိုးထခြင်းနှောင်းပိုင်းအဆင့်အထိ ကျင့်ကြံပြီး အမြောက်ပစ်ခတ်မှုကို ခံနိုင်ရည်ရှိသော ခွန်အားကို ပိုင်ဆိုင်ထားကြသည်မဟုတ်ပေ။

သာမန် ရက်စက်ကြမ်းကြုတ်သော သားရဲများအတွက်၊ လူသားများအသုံးပြုသော ကြီးမားပြင်းထန်ပြီး သေစေနိုင်သော အဆင့်မြင့်လက်နက်များက အလွန်ကြောက်စရာကောင်းနေဆဲဖြစ်သည်။

အမြောက်များ၊ ဒုံးကျည်များဖြင့် ပစ်ခတ်လိုက်သော လှိုင်းလုံးများက မိုးခြိမ်းသံကဲ့သို့ပင် ကျယ်လောင်လှသည်။

သရဲများကြားတွင် ပြင်းထန်သော အသေအပျောက်များရှိခဲ့သော်လည်း ဤရက်စက်ကြမ်းကြုတ်သော သားရဲများသည် သူတို့၏တိုက်ခိုက်မှုကို မရပ်တန့်သေးဘဲ လူသားများ၏ နေရာကို ပြင်းပြင်းထန်ထန် ချီတက်နေကြဆဲဖြစ်သည်။

အထူးသဖြင့် အရှေ့မှ ပြေးလွှားနေသော ရက်စက် ကြမ်းကြုတ်သော သားရဲကြီးများ။

ဧရာမ နှင်းကျားသစ်ကြီး၏ ဦးဆောင်မှုဖြင့်၊ သူ့၏ သွက်လက်သော ခန္ဓာကိုယ်သည် တောင်များကြားတွင် ခုန်ပေါက်ကာ လူသားများ၏ အမြောက်ကျည်ဆန်များစွာကို ရှောင်တိမ်းနေသည်။

သူ့ဘေးတွင် တောင်ကြီးကဲ့သို့ ကြီးမားသော ကျားကြီးနှစ်ကောင်၊ အညိုရောင် တစ်ကောင်နှင့် အနက်ရောင် တစ်ကောင်ရှိသည်။

ဤသားရဲနှစ်ကောင်သည် လျင်မြန်စွာ ပြေးလာသဖြင့် မြေပြင်သည်ပင် တုန်ခါနေသည်။ အမြောက်ကျည်ဆန်များက ထိုသားရဲများကို ထိရောက်သော ထိခိုက်မှုတစ်စုံတစ်ရာ မဖြစ်စေနိုင်ခဲ့ဘဲ သူတို့သည် အမြောက်များ၏ ပစ်ခတ်မှုဒဏ်ကို ခံနိုင်ရည်ရှိကြသည်။

ဤသားရဲများထဲတွင် အနည်းငယ်သေးငယ်ပြီး နှင်းကျားသစ်ထက် အရှိန်အနည်းငယ်သာ နှေးကွေးသော သမင် များလည်း ရှိသည်။ ဤကျည်ဆန်များက သူတို့ကို ထိမှန်ရန်ခက်ခဲသည်။ ဦးခေါင်းထိပ်ရှိ ချိုနှစ်ချောင်းသည် ကမ္ဘာပေါ်ရှိ မည်သည့်ကာကွယ်ရေးကိုမဆို ထိုးဖောက်ဝင်ရောက်နိုင်သကဲ့သို့ပင်။

နှင်းဖြူမျောက်ဝံကြီးတစ်ကောင်သည် တောင်များပေါ်တွင် အရူးအမူးပြေးလွှားကာ ခုန်ပေါက်နေသည်။

ကောင်းကင်ယံရှိ လင်းယုန်ကြီးတွင် အတောင်ပံ မီတာ ၁၀၀ ကျော်ရှိသည်။ လေယာဉ်ပစ်အမြောက်ကျည်ဆန်များသည် လင်းယုန်ငှက်၏အတောင်များပေါ်သို့ ထိမှန်ခဲ့သော်လည်း ထိခိုက်ဒဏ်ရာရမှုလုံးဝမရှိခဲ့ပေ။

ဤကြီးမားပြီး ရက်စက်ကြမ်းကြုတ်သော သားရဲများထဲတွင် အပျော့ဆုံးသည်ပင် နိုးထခြင်းအထွတ်အထိပ်အဆင့်ရှိသည်။

သူတို့သည် လူသားများ၏ အဆုံးစွန်သော လက်နက်ဖြစ်လျှင်ပင် သူတို့၏ ကြံ့ခိုင်သော ခန္ဓာကိုယ်ဖြင့် ၎င်းကို ခံနိုင်ရည်ရှိသည်။

နိုးထခြင်းအဆင့် အထက်ရှိသားရဲများအတွက် လူသားမျိုးနွယ်၏ အဆုံးစွန်သောလက်နက်များသည် သူတို့အား ခြိမ်းခြောက်နိုင်စွမ်းမရှိတော့ပေ။

သာမာန် သားရဲတိရစ္ဆာန်များကို ထိရောက်စွာ နှိမ်နင်းနိုင်သည့် လက်ရှိရနိုင်သော အမြောက်လက်နက်များကို ဖော်ပြထားခြင်းမရှိပေ။

သို့ပေမယ့် တန်ခိုးကြီးသော ဘုရင်အဆင့် သရဲများအတွက်တော့ ၎င်းက ကလိထိုးနေသလိုဖြစ်နေပေလိမ့်မည်။

လူသားများ၏ အမြောက်များ၊ ဒုံးကျည်များဖြင့် ပစ်ခတ်မှုအောက်တွင် သားရဲအများအပြား ဆက်လက်သေဆုံးနေခဲ့သည်။

သို့သော်၊ လူသားကာကွယ်ရေး ပထမစည်းထဲသို့ ပြေးသွားကာ ထိုအထူးစွမ်းရည်တပ်များနှင့် အနီးကပ်တိုက်ပွဲဝင်ခဲ့သော သားရဲအချို့လည်း ရှိသေးသည်။ ကံကောင်းထောက်မစွာဖြင့်၊ ရှေ့တန်းသို့ပြေးလာသော သားရဲအရေအတွက်မှာ မကြီးမားပေ။

အင်ပါယာမြို့တော် သုတေသနအဖွဲ့သည် မကြာသေးမီကာလများအတွင်း မျိုးရိုးဗီဇဆိုင်ရာ သုတေသနပြုမှုတွင် သိသာထင်ရှားသော တိုးတက်မှုများ ရရှိခဲ့သည်။

ယနေ့ခေတ်တွင် မျိုးရိုးဗီဇဆိုင်ရာ အမွေဆက်ခံနည်းပညာများ ခေတ်စားလာသဖြင့်၊ အထူးစွမ်းရည်ရှိသော လူအများအပြားက လူသားများကြားတွင် မွေးဖွားလာခဲ့သည်။

ရက်စက်ကြမ်းကြုတ်သောသားရဲများက အလွန်အစွမ်းထက်သော်လည်း ကံကောင်းထောက်မစွာဖြင့်၊ လူသားများသည် အထူးစွမ်းရည်ရှိသူများစွာအတွက် အားသာချက်ရှိသည်။

အကယ်၍ လူတစ်ဦးသည် ပြိုင်ဘက်ကို အနိုင်ယူရန် လုံလောက်သော အင်အားမရှိပါက၊ လူတစ်ဒါဇင်ခန့်က ရက်စက်ကြမ်းကြုတ်သော သားရဲကို ကိုင်တွယ်ဖြေရှင်းရန် အတူတကွ လုပ်ဆောင်နိုင်မည်ဖြစ်သည်။

အမြောက်ပစ်ခတ်မှု၏ ပြင်းထန်သော သက်ရောက်မှုကြောင့် ပစ်ခတ်မှုအတွင်း သားရဲများစွာ သေဆုံးခဲ့ပြီး ရက်စက်ကြမ်းကြုတ်သော သားရဲများစွာက ရှေ့တန်းသို့ ပြေးလာခဲ့ကြသည်။

သို့သော်လည်း ခွန်လွန် တောင်တန်းတွင် အဆုံးမရှိသော သားရဲများကဲ့သို့ တစ်ကောင်ပြီးတစ်ကောင် ချီတက်လာနေကြသေးသည်။

အမြောက်ပစ်ခတ်မှုများနှင့် လူသားအထူးစွမ်းရည်တပ်များရှိသည့်တိုင် များပြားလှသောအရေအတွက်ဖြင့် ကာကွယ်ရေးစည်းကို ကြာရှည်စွာ ပံ့ပိုးပေးနိုင်မည်မဟုတ်ပေ။

“အနောက်‌ဒေသမှာ ဒီလောက်များတဲ့ သားရဲတွေရှိလိမ့်မယ်လို့ ငါမထင်ထားဘူး၊ အဆုံးစွန်လက်နက်ကို သုံးရမဲ့ပုံပဲ!”

လီဂွမ် မျက်မှောင်ကြုတ်ကာ အင်ပါယာမြို့တော်ရှိ ထိပ်တန်းခေါင်းဆောင်များကို ချက်ချင်းဆက်သွယ်ခဲ့သည်။

“အဆုံးစွန်သောလက်နက်ကိုသုံးရန်ခွင့်ပြုချက်၊ ဤရက်စက်ကြမ်းကြုတ်သောသားရဲများကိုရပ်တန့်ရပါမည်!”

အဘယ်ကြောင့်ဆိုသော် ဤနတ်ဆိုးတစ်ထောင်ဘုရင့်နိုင်ငံရှိသည့် တောင်တန်းသည် အခြေခံအားဖြင့် လူမနေသောနေရာများဖြစ်သောကြောင့်ပင်။

ထို့အပြင် စစ်ပွဲသည် အလွန်တင်းမာနေသောကြောင့် ဂျီကျဲန်ရှန်း,က မဆိုင်းမတွ ဆုံးဖြတ်ချက်ချခဲ့သည်။ ဂျီကျဲန်ရှန်း ၏ခွင့်ပြုချက်ဖြင့် ရန်နိုင်ငံ အနောက်ဘက်ခြမ်းရှိ နျူကလီးယားဗုံးများမှ မီးလျှံများ ထွက်ပေါ်လာသည်။

ဤနျူကလီးယားဗုံးများသည် ဥက္ကာခဲများကဲ့သို့ ကောင်းကင်ကို ဖြတ်ကျော်သွားကာ နတ်ဆိုးတစ်ထောင်ဘုရင့်နိုင်ငံ၏စစ်တပ်နောက်ဘက်သို့ ဗုံးကြဲတိုက်ခိုက်ခဲ့သည်။

ရုတ်တရက် ကြောက်မက်ဖွယ်ကောင်းသော မီးခိုးမှိုတိမ်တိုက်များ တစ်ခုပြီးတစ်ခု ပွင့်လာသည်။ ပေါက်ကွဲသံသည် မိုးခြိမ်းသံကဲ့သို့ဖြစ်ပြီး ကြီးမားလှသော လှိုင်းလုံးကြီးများက အနီးနားရှိ ရက်စက်ကြမ်းကြုတ်သော သားရဲအားလုံးကို သေစေခဲ့သည်။

ဤသားရဲများသည် လူသားအမြောက်များနှင့် ဒုံးကျည်များကို ခံနိုင်ရည်ရှိသော်လည်း အရေအတွက်အနည်းငယ်မှလွဲ၍ အများစုမှာ နျူကလီးယားဗုံးများ၏ဒဏ်ကြောင့် အသေအပျောက်များစွာ ဖြစ်ပွားခဲ့သည်။

နျူကလီးယားဗုံးများသည် ပြင်းထန်သော အဖျက်စွမ်းအားနှင့် ကျယ်ပြန့်သော လွှမ်းခြုံနယ်မြေရှိပြီး လူသားမျိုးနွယ်၏ ယခုအချိန်အထိ အစွမ်းထက်ဆုံး လက်နက်ဖြစ်သည်။

ဤသည်မှာ နတ်ဆိုးတစ်ထောင်ဘုရင့်နိုင်ငံနှင့် ရန်နိုင်ငံ ပထမဆုံးအကြိမ် တိုက်ပွဲဖြစ်သည်။ ဗုံးပေါက်ကွဲမှုကြောင့် သားရဲများက အသေအပျောက် များပြားခဲ့ရပြီး ဆက်လက်မချီတက်နိုင်တော့ဘဲ လူသားများသည် နောက်ဆုံးတွင် သေးငယ်သော အောင်ပွဲတစ်ခုရရှိခဲ့ပြီး နတ်ဆိုးတစ်ထောင်ဘုရင့်နိုင်ငံ၏ ပထမဆုံးသော ထိုးစစ်လမ်းကြောင်းကို အောင်မြင်စွာ တားဆီးနိုင်ခဲ့သည်။

“ရှောင်ပိုင်၊ ဝမ်ယော်နိုင်ငံ နဲ့ ရန်နိုင်ငံဖြစ်တဲ့ စစ်ပွဲမှာ ဘယ်သူအနိုင်ရမယ်လို့ မင်းထင်လဲ”

ချီလင် တောင်တန်းတွင် လုချန်း,သည် ခွန်လွန် တောင်တန်းမှ စစ်ပွဲအကြောင်း ကျန်းဟောင်,ထံမှ ကြားသိခဲ့ပြီးဖြစ်ပြီး သူ့အနားတွင်ရှိသော ယိုချင်းယန် နှင့် စကားစမြည်ပြောဆိုခဲ့သည်။

ထိုစကားကိုကြားသောအခါ ယိုချင်းယန် က ခေါင်းယမ်းသည်။

“ဒါက အသုံးမဝင်ဘူး၊ ရန်နိုင်ငံရဲ့တိုက်ခိုက်မှုက ပထမလှိုင်းကို အောင်မြင်စွာ တားဆီးထားပေမယ့်၊ ဒီအဆင့်နဲ့ ရန်နိုင်ငံက နတ်ဆိုးတစ်ထောင်ဘုရင့်နိုင်ငံကို အနိုင်ယူနိုင်မှာ မဟုတ်ဘူး”

“ခွန်လွန် တောင်ရဲ့ ပင်းတီယန်နတ်ဆိုးဘုရင်နဲ့ဆိုရင်၊ ရန်နိုင်ငံရဲ့ လက်ရှိအင်အားနဲ့ကြာကြာခုခံနိုင်မှာ မဟုတ်ဘူး”

“အိုး? ပင်းတီယန်နတ်ဆိုးဘုရင်? ဒီနာမည်က အရမ်းလွှမ်းမိုးနိုင်စွမ်းကြီးပုံပဲ၊ သူက ဘယ်လောက်ထိ စွမ်းဆောင်နိုင်လဲ”

လုချန်း,သည် ပင်းတီယန်နတ်ဆိုးဘုရင် ဟူသောအမည်ကိုကြားသောအခါတွင် သူချက်ချင်းစိတ်ဝင်စားလာပြီး ရှောင်ပိုင် ၏လေသံအရ ပင်းတီယန်နတ်ဆိုးဘုရင်က အလွန်အစွမ်းထက်ကြောင်း ထင်ရှားသည်။

“ဒီပင်းတီယန်နတ်ဆိုးဘုရင်က သာမန်သားရဲတော့ မဟုတ်ဘူး၊ သူက ရွှမ်ဝူ ထက် အများကြီး ပိုအစွမ်းထက်တယ်...”

ပင်းတီယန်နတ်ဆိုးဘုရင်သည် ရှေးကျွဲရိုင်းနတ်ဆိုး၏သွေးမျိုးဆက်ကို ပိုင်ဆိုင်ထားသည်။ သူ၏သွေးမျိုးဆက်သည် ရွှမ်ဝူ ကဲ့သို့ အဖိုးမတန်သော်လည်း၊ သူ၏ ကြီးထွားမှုမှာ ပိုမိုမြင့်မားပြီး သူ၏ ခွန်အားသည်လည်း အလွန်ကြောက်မက်ဖွယ်ကောင်းသည်။

ယိုချင်းယန်,က လုချန်း,အား သူမ ယခင်ဘဝ၏မှတ်ဉာဏ်ကို အခြေခံပြီး ရှင်းပြသည်။

လိပ်နက်ကြီးသည် ရွမ်ဝူ ၏သွေးမျိုးဆက်ရှိသော်လည်း၊ သူသည် သိုသိုသိပ်သိပ်နေလေ့ရှိပြီး သူ့၏အချိန်အများစုကို တစ်ကိုယ်တည်း ကျင့်ကြံကာ လိမ္မာပါးနပ်မှုရှိသူတစ်ဦးမှ လှည့်စားရန် လွယ်ကူစေသည်။

သို့ပေမယ့် ပင်းတီယန်နတ်ဆိုးဘုရင် ကတော့ မတူပေ။ သူသည် အလွန်ရက်စက်ကြမ်းကြုတ်ပြီး သူ့ပန်းတိုင်ရောက်ရန် မည်သည့်အရာမျှ ရပ်တန့်စေမည်မဟုတ်ပေ။

ထို့ကြောင့် ပင်းတီယန်နတ်ဆိုးဘုရင်သည် ‌သူ၏ ပြင်းထန်သော ခွန်အားကို အပြည့်အဝ အသုံးချနိုင်သည်။

ယိုချင်းယန် ပြောသည့်အတိုင်း၊ ပထမအချီ ထိုးစစ်အပြီးတွင် ဝမ်ယော်ဘုရင့်နိုင်ငံက ခဏတာ အနားယူခဲ့သည်။

သို့သော် တစ်နာရီခန့်အကြာတွင် ခွန်လွန်တောင်တန်းမှ ကျယ်လောင်သော ဟိန်းဟောက်သံကို လူတိုင်းကြားလိုက်ရသည်။

ထို့နောက် ချက်ချင်းပင် မီတာတစ်ရာကျော်အရှည်၊ မီတာနှစ်ရာကျော်အမြင့်ရှိသော နွားနက်ကြီးတစ်ကောင် တောင်ပေါ်မှ ပြေးဆင်းလာခဲ့သည်။

ပင်းတီယန်နတ်ဆိုးဘုရင် ၏ရုတ်တရက်အသွင်အပြင်သည် လူသားကာကွယ်စောင့်ရှောက်သူများကို လုံးဝအားအားသင့်သွားစေသည်။

လျင်မြန်သော အမြောက်ပစ်ခတ်မှုများက နွားနက်ကြီးအပေါ် လုံးဝသက်ရောက်မှုမရှိပေ။

သူ့၏ အစွမ်းထက်သော ရုပ်ပိုင်းဆိုင်ရာ အားသာချက်များကို အားကိုး၍ လူသားများ တည်ဆောက်ထားသော အားဖြည့်ကွန်ကရစ် ကာကွယ်ရေး တံတိုင်းကို ပင်းတီယန်နတ်ဆိုးဘုရင်မှ ကြီးမားသော အပေါက်ကြီးအဖြစ် တိုက်ရိုက် ဖောက်ထွင်းလိုက်သည်။

ဧရာမ နွားနက်ကြီးသည် လူအုပ်ထဲသို့ ပြေးဝင်ကာ အရူးအမူးသတ်ဖြတ်ပြီး လူသားရှေ့တန်းရှိ အထူးစွမ်းရည်တပ်များကို အကြီးအကျယ် ဆုံးရှုံးစေခဲ့သည်။

စိတ်ပျက်အားငယ်စွာဖြင့် လူသားများသည် လျင်မြန်စွာ ဆုတ်ခွာခဲ့ရပြီး ဤပထမ ကာကွယ်ရေးစည်းကို စွန့်လွှတ်ခဲ့ရသည်။

ပင်းတီယန်နတ်ဆိုးဘုရင် ဦးဆောင်ခြင်းဖြင့် ရက်စက်ကြမ်းကြုတ်သော သားရဲအများအပြားသည် နယ်မြေကို တခဏချင်း သိမ်းပိုက်လာကြသည်။

ကံကောင်းထောက်မစွာဖြင့်၊ ဤဧရိယာသည် လူသူကင်းမဲ့ပြီး အခြားဆုံးရှုံးမှုမရှိပေ။

“ဝိုင်ကောင်းမသောက်ချင်တဲ့လူတစ်စု၊ မင်းတို့က သေခြင်းတရားကိုဘဲလိုချင်နေတာလား!”

ပင်းတီယန်နတ်ဆိုးဘုရင်သည် သူ၏ခေါင်းထက် ကောင်းကင်ယံတွင် ထူထပ်သော တိမ်မည်းများနှင့်အတူ တောင်ထိပ်ပေါ်တွင် ရပ်နေ၏။

ဤနွားနက်ကြီးသည် ကောင်းကင်နှင့်မြေကြီးကြားတွင် ပေါ်လာပြီး၊ သူထွက်ပေါ်လာမှု‌ကြောင့် မိုးနှင့် မြေသည်ပင် အရောင်ပြောင်းသွားပုံရသည်။

ခွန်လွန် တောင်တန်းမှ အေးစက်သောလေများက ပင်းတီယန်နတ်ဆိုးဘုရင်လည်ပင်းတစ်ဝိုက်တွင်ရှိသောသားမွေးများကို တိုက်ခိုက်သွားကာ သူ့ကို ပို၍ပင် ခွန်အားကြီးမားမှုနှင့် ခံ့ညားထည်ဝါမှုကို ပေါ်လွင်စေသည်။

တိုက်ပွဲတစ်ခုလုံးကို တိုက်ရိုက်ထုတ်လွှင့်ခဲ့ပြီး လူတိုင်းက ပင်းတီယန်နတ်ဆိုးဘုရင်တောင်ပေါ်မှ အပြေးအလွှားပြေးဆင်းကာ လူသားကာကွယ်ရေးစည်းကို တိုက်ရိုက်ဖောက်ထွင်းသွားသည့် ထိတ်လန့်ဖွယ်မြင်ကွင်းကို မြင်တွေ့ခဲ့ရသည်။

အချိန်အတိုင်းအတာတစ်ခုအထိ၊ သူသည် ရန်နိုင်ငံပြည်သူတို့၏ စိတ်နှလုံးထဲတွင် တန်ခိုးအကြီးဆုံး နတ်ဆိုးဘုရင် ဖြစ်လာခဲ့သည်။

ပင်းတီယန်နတ်ဆိုးဘုရင်၏ စွမ်းအားသည် ပြင်းထန်လွန်းပြီး လူသားများက သူတို့၏ လက်ရှိ ခွန်အားဖြင့် မယှဉ်နိုင်ပေ။

ဂျီကျဲန်ရှန်း,သည် သူ့၏ ခံစစ်စည်းကို ဆုတ်ခွာပြီး နယ်မြေအများအပြားကို စွန့်လွှတ်ရန်မှတပါး အခြားရွေးချယ်စရာမရှိပေ။

ရန်နိုင်ငံ ရှုံးနိမ့်ပြီးနောက်၊ တစ်ရက်တွင် ချီလင်တောင်တန်းသည် ဝမ်ယော်နိုင်ငံမှ နှင်းကျားသစ်ဖြစ်သည့် မဖိတ်ကြားထားသော ဧည့်သည်တစ်ဦးကို ကြိုဆိုခဲ့သည်။

ချီလင် တောင်တန်း၏အနောက်ဘက်စွန်းသည် ခွန်လွန် တောင်တန်းနှင့်မဝေးလှပေ။

အနောက်ဘက်ရှိ နယ်မြေတွင် ကင်းလှည့်နေသည့် လင်းယုန်ငှက်သည် နှင်းကျားသစ်၏ခြေရာများကို ရှာဖွေတွေ့ရှိခဲ့သည်။

“ဒီအချိန်၊ ဒီနေရာကို လာရတဲ့ရည်ရွယ်ချက်ကဘာလဲ”

လင်းယုန်ငယ်၏အမေးကို တုံ့ပြန်သည့်အနေဖြင့် နှင်းကျားသစ်က အမှန်အတိုင်း ချက်ချင်းပြောခဲ့သည်။

“အရှင်နှင်းဝံပုလွေဘုရင်ကိုတွေ့ဖို့ ငါလာခဲ့တာပါ”

“မင်း ငါတို့ သခင်ကို တွေ့ချင်တာလား?”

“ဟုတ်တယ်၊ ပင်းတီယန်နတ်ဆိုးဘုရင်က အရှင်နှင်းဝံပုလွေဘုရင်ကို အရမ်းလေးစားပါတယ်၊ အရှင်နှင်းဝံပုလွေဘုရင်က ငါတို့နဲ့ပူးပေါင်းရင် နတ်ဆိုးတစ်ထောင်ဘုရင့်နိုင်ငံရဲ့ အုပ်ထိန်းသူရာထူးက သူ့အတွက်ဖြစ်လိမ့်မယ်!”

တစ်ဖက်တွင်၊ လုချန်း,သည် စိတ်ဝိညာဉ် ဆက်သွယ်မှုမှတစ်ဆင့် ဤသတင်းကို သိလိုက်ရပြီး ချက်ချင်းပင် စိတ်ပျက်သွားခဲ့သည်။

“သူက ငါ့ကို ခေါ်ယူဖို့ ထိုက်တန်သလား”

“ငါက စနစ်ရဲ့ကောင်းချီးတွေနဲ့ နှင်းဝံပုလွေဘုရင်ဖြစ်လာတယ်၊ အခု ငါ ချီလင် တောင်တန်းမှာ မရေမတွက်နိုင်တဲ့ သားရဲများကို အမိန့်ပေးနိုင်တယ်၊ ငါက တခြားတစ်ယောက်ရဲ့ညီလေး ဘယ်လိုလုပ်ပြီးဖြစ်လာနိုင်မှာလဲ!”