“ကောင်းကင်နဲ့မြေကြီးအတွင်း အရာအားလုံးက တာအို!”

တိမ်တိုက်ဒေသ။

ဧရာမသားရဲကြီးနှစ်ကောင် အချင်းချင်း တိုက်ခိုက်နေကြစဉ် တောတောင်များနှင့် သစ်တောများကြားတွင် ကျယ်လောင်သော အသံများ ဆက်လက်ထွက်ပေါ်နေသည်။

နှစ်ဖက်ကြား တိုက်ခိုက်ခြင်းထက် တစ်ဖက်သတ် နှိမ်နှင်းခြင်းဟု ဆိုခြင်းက ပိုမှန်ပေလိမ့်မည်။

၎င်း၏ အစွမ်းထက်သော အဆင့်အားသာချက်နှင့် ၎င်း၏ ပြင်းထန်သော ခွန်အားစွမ်းရည်ကို အားကိုးကာ ကိုမိုဒိုနဂါးသည် အနီးကပ်တိုက်ပွဲတွင် လိပ်နက်ကို လုံးဝဖိနှိပ်ခဲ့သည်။

သူ၏ ကြံ့ခိုင်သော ခန္ဓာကိုယ်ကို အားကိုး၍ ရွှမ်ဝူ,အား ဘောလုံးကဲ့သို့ အပြန်ပြန်အလှန်လှန် ရိုက်ပုတ်နေသည်။

ဤကဲ့သို့ ထိတ်လန့်စရာကောင်းသော မြင်ကွင်းက ကြည့်ရှူသူများစွာကို ထိတ်လန့်စေခဲ့သည်။

မီတာနှစ်ရာရှည်လျားသော အနက်ရောင်လိပ်ကြီးသည် ယခုအခါ ကိုမိုဒိုနဂါးကြီးရှေ့တွင် လုံးဝပြန်မတိုက်ခိုက်နိုင်တော့ဟု မည်သူထင်မည်နည်း။

“ဘုန်း! ဘုန်း!”

ကိုမိုဒိုနဂါးကြီး၏ ထူထဲပြီး ရှည်လျားသော အမြီးကို လွှဲလိုက်တိုင်း၊ လိပ်နက်၏ ကြီးမားသော ခန္ဓာကိုယ်သည် တောင်များကြားတွင် လွင့်စင်သွားကာ ဖုန်မှုန့်များနှင့် မီးခိုးများထွက်လာပြီး မြေကြီးက ငလျင်လှုပ်နေကဲ့သို့ တုန်ခါသွားသည်။

နှစ်ဘက်တိုက်ပွဲဖြစ်ပွားသည့် ကီလိုမီတာပေါင်းများစွာ ဧရိယာက ရှုပ်ပွပျက်ဆီးနေပြီဖြစ်သည်။

ကိုမိုဒိုနဂါး၏ ပြင်းထန်သောတိုက်ခိုက်မှုအောက်တွင်၊ ရွှမ်ဝူ,သည် သူ့၏ခန္ဓာကိုယ်ကို အခွံထဲသို့ ပြန်ဝင်ကာ ခံနိုင်ရည်ရှိရန်အတွက် သူ့၏မာကျောသောအခွံကို အားကိုးရုံသာ တတ်နိုင်ခဲ့သည်။

ကိုမိုဒိုနဂါးသည် ရွှမ်ဝူ,ကိုဆက်လက်ဖိနှိပ်ခဲ့ပြီး နောက်ဆုံးတွင် ရွှမ်ဝူ ၏ကြီးမားသောအခွံပေါ်တွင် အသံများထွက်ပေါ်လာသည်။

“ခရက်! ခရက်! ခရက်!”

လူများကို ထိတ်လန့်စေသော အသံတစ်သံ ထွက်ပေါ်လာသည်။ လိပ်နက်ကြီးက နောက်ပြန်မဆုတ်နိုင်တော့ဘဲ ကိုမိုဒိုနဂါးသည် အမှန်တကယ်ပင် သူ့၏လိပ်ခွံကို ကိုက်ခဲကာ ချိုးဖျက်ရန် ကြိုးပမ်းခဲ့သည်။

သို့သော်၊ ရွှဝူ,၏အဆင့်က အနည်းငယ်နိမ့်ပါးသော်လည်း၊ သူ့၏သွေးမျိုးဆက်ကြောင့်၊ သူ့၏ခုခံကာကွယ်မှုသည် ချည်နှောင်ခြင်းအဆင့်(၃)၏ သန်မာသောအဆင့်သို့ရောက်ရှိသွားခဲ့သည်။

ကိုမိုဒိုနဂါးကြီးသည် အလွန်အစွမ်းထက်လှသော်လည်း သူ့၏အခွံထဲသို့ ပြန်ဝင်သွားသော လိပ်နက်ကို ဘာမှမလုပ်နိုင်သေးပေ။

“မြွေဟောက်၊ မင်းကို အရမ်းမောက်မာမနေဖို့ ငါပြောပြီးပြီ၊ မဟုတ်ရင် မင်းသွားတွေ ကျိုးသွားနိုင်တယ်!”

“မင်း သူ့ကို ဘာမှမလုပ်နိုင်ဘူးထင်တယ်၊ ဒီအဖိုးက မင်းကိုကူညီပေးမယ်”

ဘေးနားတွင် တိုက်ပွဲကို စောင့်ကြည့်နေသော ပုရွက်ဆိတ်ဘုရင်က ပြပွဲအတွက် လုံလောက်ပြီဖြစ်၍ ရွှမ်ဝူ,ကို တိုက်ခိုက်ရန် အဆင်သင့်ဖြစ်နေပြီဖြစ်သည်။

“ဘုန်း!”

သို့သော်လည်း သူ ရှေ့သို့ ခြေတစ်လှမ်း လှမ်းလိုက်စဉ်တွင်၊ ကိုမိုဒို နဂါး၏ အမြီးသည် ပုရွက်ဆိတ် ဘုရင်ထံသို့ တိုက်ရိုက် ကျဆင်းလာသည်။

ကြီးမားလှသော စွမ်းအားက ပုရွက်ဆိတ် ဘုရင်ကို တိုက်ရိုက် လွင့်ထွက်စေခဲ့သည်။

“ဒီကနေ ထွက်သွား! အသုံးမကျတဲ့ အမှိုက်ကောင်!”

ကိုမိုဒိုနဂါးက ပုရွက်ဆိတ်ဘုရင်ကို အေးစက်စွာ တစ်ချက်ကြည့်လိုက်သည်၊ တစ်ဖက်က သူ့၏တိုက်ပွဲတွင် ဝင်ရောက်စွက်ဖက်ခြင်းမပြုလိုသည်မှာ ထင်ရှားသည်။

“ဒါက လိပ်ခွံတစ်ခုပဲ၊ ဘယ်လောက်ကြာကြာ ထိန်းထားနိုင်မလဲ ငါကြည့်မယ်”

“မင်းရဲ့လိပ်ခွံက ငါ့အဆိပ်ကို ခံနိုင်ရည်ရှိပါ့မလား”

ထို့နောက် ကိုမိုဒိုနဂါးကြီးသည် သူ့၏ပါးစပ်ကြီးကိုဖွင့်ကာ ပါးစပ်ထဲမှ အဝါရောင် စေးကပ်သော အရည်များ ဖြည်းညှင်းစွာ ထွက်လာသည်။ စေးကပ်သော အရည်သည် အလွန်ညှီနေပြီး အလွန်ရွံရှာဖွယ်ကောင်းလှသည်။

သို့သော်လည်း မထင်မှတ်ဘဲ ဖြစ်ပွားခဲ့သည်အရာမှာ လိပ်နက်ကြီး၏ အခွံပေါ်သို့ အဝါရောင်အရည်များ စီးကျလာပြီး လိပ်နက်၏ ခန္ဓာကိုယ်ပေါ်ရှိ အဖြူရောင် ဝိညာဉ်စွမ်းအားအလွှာကို တိုက်ရိုက် ဖြတ်သွားခြင်း ဖြစ်သည်။

“ဇီးး! ဇွီးး!”

ထို့နောက် ချက်ချင်းပင် အလွန်မာကျောသော လိပ်ခွံမှ အဖြူရောင် အခိုးအငွေ့များ ထွက်ပေါ်လာသည်။

ဤကြောက်စရာကောင်းသော ကိုမိုဒိုနဂါး၏အဆိပ်သည် အလွန်ပြင်းထန်ပြီး အလွန်မာကျောသော လိပ်ခွံပင်လျှင် ၎င်းကို မခုခံနိုင်ပေ။

ရွှမ်ဝူ,သည် ပြင်ပသားရဲဘုရင်နှင့် ရင်ဆိုင်ခဲ့ရပြီး ဤတိုက်ပွဲကို ရန်နိုင်ငံတစ်ခုလုံးက အနီးကပ်စောင့်ကြည့်ခဲ့သည်။

ယခင်က ရွှမ်ဝူ,သည် ပုရွက်ဆိတ်ဘုရင်ကို အနိုင်ယူပြီး ရန်နိုင်ငံ၏ သူရဲကောင်းဖြစ်လာခဲ့သည်။

ယခု ရွှမ်ဝူ,၏ အခွံသည် ကိုမိုဒိုနဂါး၏ အဆိပ်အား ခုခံကာကွယ်နိုင်ပုံမရသည်ကို တွေ့လိုက်ရသောကြောင့် အားလုံးက ချက်ချင်းပင် စိုးရိမ်သွားကြသည်။

သူတို့အမြင်တွင် ရွှမ်ဝူ,သည် ရက်စက်ကြမ်းကြုတ်တဲ့ သားရဲဖြစ်သော်လည်း ယခု ရန်နိုင်ငံ၏ သူရဲကောင်း ဖြစ်သည်။

“အကြီးအကဲ ရွှမ်ဝူ!”

လီချန်ဖျင်,သည် တိုက်ခိုက်ရေးကွပ်ကဲမှုခန်းမှ ထွက်ခွာလာပြီး ရွှမ်ဝူ ဆီသို့ ကျယ်လောင်စွာ အော်လိုက်ကာ သူ့မျက်နှာတွင် ဝမ်းနည်းမှုများဖြင့် ပြည့်နှက်နေခဲ့သည်။

မူလက ရွှမ်ဝူ,ကို ပုရွက်ဆိတ်ဘုရင်အား နှင်ထုတ်ရန် တောင်းဆိုခဲ့ပြီး ပြည်ပမှ ကျူးကျော်ဝင်ရောက်လာသော သားရဲဘုရင်မှာတစ်ကောင်မက ရှိမည်ဟု သူ မမျှော်လင့်ခဲ့ပေ။

ကိုမိုဒိုနဂါး၏ ပြင်းထန်သော စွမ်းအားဖြင့် ရွှမ်ဝူ,သည် ကြာရှည်စွာ ခံနိုင်ရည်ရှိမည်မဟုတ်ကြောင်း ထင်ရှားသည်။ တိုက်ပွဲက အလွန်ဝမ်းနည်းဖွယ်ကောင်းသည်ကို မြင်လိုက်ရသဖြင့် ရွှမ်ဝူ,မှ ကာကွယ်ထားသော တိမ်တိုက်ဒေသရှိ လူအများအပြားက ၎င်းကို သည်းမခံနိုင်တော့ဘဲ ရွှမ်ဝူ,၏ နာမည်ကို အော်ခေါ်လိုက်ကြသည်။

ခဏအကြာတွင် တိမ်တိုက်ဒေသထဲမှ အော်သံများက ကောင်းကင်ကိုပင် လှုပ်ခါသွားသည်။

တိုက်ရိုက်ထုတ်လွှင့်မှုကို ကြည့်နေသည့် ရန်နိုင်ငံတစ်ဝှမ်းရှိ လူများအားလုံးပင် ရွှမ်ဝူ,ကို လေးလေးနက်နက် အာရုံစိုက်ထားကြသည်။

လူတိုင်းက ရွှမ်ဝူ,၏ နာမည်ကို စိတ်ထဲမှာ အော်နေကြသည်။ ရန်နိုင်ငံကို ကာကွယ်ပေးသော ဤတည်ရှိမှုကို ကျဆုံးရန် မလိုလားကြပေ။

ဖိနှိပ်ခံရသော ရွှမ်းဝူ,သည် ပြင်ပမှ အော်သံများကို ယောင်ဝါးဝါးကြားလိုက်ရသည်။

သူသည် အစစအရာရာ ကြင်နာတတ်ပြီး ယခုအခိုက်အတန့်တွင် အလွန်ထိမိသွားသည်။

“မဟုတ်ဘူး! ငါလဲမကျနိုင်ဘူး!”

ရွှမ်ဝူ ၏မျက်လုံးများက ပို၍တင်းမာလာပြီး၊ ထို့နောက်တွင် ထူးဆန်းသောစွမ်းအားတစ်ခုက သူ့ခန္ဓာကိုယ်ထဲမှ ထွက်ပေါ်လာသည်ကို ခံစားလိုက်ရသည်။

မူလက ဒဏ်ရာရနေသော ရွှမ်ဝူ,၏ ခန္ဓာကိုယ်ပေါ်တွင် တောက်ပသော အဖြူရောင်အလင်းတန်းများ ရုတ်တရက် ထွက်ပေါ်လာသည်။

အနက်ရောင်လိပ်ခွံပေါ်တွင် ရှိနေသော ကိုမိုဒိုနဂါးသည် သူ့အောက်တွင် ဖိနှိပ်ထားသော လိပ်နက်ထံမှ ကြောက်မက်ဖွယ် စွမ်းအားများ ထွက်လာသကဲ့သို့ အမည်မသိ အကြောင်းပြချက်ကြောင့် ရင်တုန်ခြင်းကို ရုတ်တရက် ခံစားလိုက်ရသည်။

နောက်တစက္ကန့်တွင်၊ ကိုမိုဒိုနဂါး မတုံ့ပြန်ရသေးခင်တွင်၊ သူဖိနှိပ်ထားသော လိပ်နက်ထံမှ အားကောင်းသည့် စွမ်းအားတစ်ရပ်ကို ရုတ်တရက် ခံစားလိုက်ရသည်။

သန်မာသောခြေလက်များသည် လိပ်ခွံမှ ဆန့်ထွက်ကာ ရုတ်တရက် မတ်တပ်ထရပ်ပြီး အစွမ်းထက်သော ကိုမိုဒိုနဂါးကြီးကို အပေါ်သို့ တိုက်ရိုက်လှန်တင်လိုက်သည်။

“ကောင်းကင်နဲ့မြေကြီးအတွင်း အရာအားလုံးက တာအို!”

ရွှမ်ဝူ,သည် ဘာကြောင့်မှန်းမသိသော်လည်း ထူးဆန်းသော လှုပ်ရှားမှုအချို့ သူ့စိတ်ထဲတွင် ရုတ်တရက်ပေါ်လာသည်။

ထို့နောက် ဟိန်းဟောက်ပြီး၊ ရွှမ်ဝူ,၏ ကြီးမားသောအရွယ်အစားသည် အဖြူရောင်အလင်း၏အောက်တွင် အဆပေါင်းများစွာ တိုးလာခဲ့သည်။

မူလက လိပ်နက်ကြီး၏အရွယ်အစားမှာ မီတာနှစ်ရာဖြစ်သော်လည်း ယခုအခါ မီတာတစ်ထောင်နီးပါးအထိ လျင်မြန်စွာကြီးထွားလာပြီး ကြီးမားသော ကိုမိုဒို နဂါးကြီးကို ကျော်လွန်သွားပြီဖြစ်သည်။

လူတိုင်း၏အကြည့်အောက်တွင်၊ ဤအခိုက်အတန့်တွင် ဧရာမလိပ်နက်ကြီး၏ အသွင်အပြင်သည်ပင် ပြောင်းလဲသွားကာ ဒဏ္ဍာရီလာ ရွှမ်ဝူလိပ်နက်ကြီး နှင့် ပိုနီးစပ်ပုံရသည်။

အမြီးသည် နဂါးတစ်ကောင်ကဲ့သို့ လိပ်ခွံအထက်တွင် ပျံတက်သွားပြီး ပိုရှည်လာသည်။

ခြေလက်များ ပိုထူထဲလာပြီး ဦးခေါင်းနှင့် အခွံက ပိုတင့်တယ်လာသည်။

ယခု၊ ရွှမ်ဝူ,ထံမှ ထွက်လာသော ဖိအားနှင့်အတူ သူ့၏ အရွယ်အစား ရုတ်တရက် ကြီးမားမှုကြောင့် ကိုမိုဒိုနဂါးကြီးက ကြောင်တက်တက် ရပ်နေမိသည်။

“ဒါ...ဒါက ဘယ်လိုစွမ်းအားမျိုးလဲ?”

ရွှမ်ဝူ,၏ ရုတ်တရက် ပြောင်းလဲမှုများကြောင့် ကိုမိုဒိုနဂါးက လုံးဝ ထိတ်လန့်ခဲ့သည်။

တစ်ဖက်၏ အစွမ်းထက်သော ရောင်ဝါကို ခံစားရသဖြင့် သူ မသိစိတ်က လှည့်ထွက်ပြေးချင်ခဲ့သည်။

ထိုကဲ့သို့သော ဧရာမသတ္တဝါကြီးသည် ယခင်က ပင်လယ်ရေနက်ပိုင်း၌ သူမြင်ဖူးခဲ့သော ပင်လယ်ဝေလငါးဘုရင်၏ အရွယ်အစားနီးပါး တူညီသည်။

“ရန်နိုင်ငံကိုလာပြီးမှတော့ ဘာဖြစ်လို့ထွက်သွားအုံးမှာလဲ!”

ယခုအချိန်တွင် ရွှမ်ဝူ,သည် ရှေ့သို့ ခြေတစ်လှမ်းတိုးလိုက်တိုင်း ငလျင်လှုပ်သကဲ့သို့ မြေကြီးက တုန်ခါနေသည်။

ကိုမိုဒိုနဂါးသည် လှည့်၍ထွက်ပြေးရန် ကြိုးစားသော်လည်း သူ့၏အမြန်နှုန်းမှာ ရွှမ်ဝူ,လောက်မမြန်တော့သဖြင့် လည်ပင်းကို ကိုက်ခံလိုက်ရသည်။

ရွှမ်ဝူ,၏ ကြောက်မက်ဖွယ်ရာကောင်းသော ကိုက်အားကြောင့် ကိုမိုဒိုနဂါး၏ လည်ပင်းကို တစ်ချက်ကိုက်လိုက်ရုံသာဖြစ်သည်။ တခဏချင်းမှာပင် သွေးများက ရေတံခွန်ကဲ့သို့ စီးကျလာပြီး ကောင်းကင်မှ သွေးမိုးများ ရွာသွန်းနေပုံရသည်။

“ရွှမ်ဝူ,က တန်ခိုးကြီးတယ်!”

ဤမြင်ကွင်းကိုမြင်လိုက်ပြီး တိုက်ပွဲကိုကြည့်နေကြသည့် မရေတွက်နိုင်သောလူများက စိတ်လှုပ်ရှားသွားကြသည်။

‌အဝေးတွင်ရပ်နေသော လီချန်ဖျင်,က အလွန်စိတ်လှုပ်ရှားသွားပြီး ရွှမ်ဝူ,၏ တန်ပြန်တိုက်ခိုက်ခြင်းကို မြင်လိုက်ရသောအခါတွင် သူ့မျက်လုံးထဲတွင် မျက်ရည်များ စီးကျလာသည်။

ကိုမိုဒိုနဂါးသည် ရန်နိုင်ငံနယ်မြေတွင် သေဆုံးသွားခဲ့ပြီး ယခင်က ကျူးကျော်ဝင်ရောက်ခဲ့သော ပုရွက်ဆိတ်ဘုရင်က အခြေအနေမကောင်းကြောင်း မြင်သောအခါ ထွက်ပြေးသွားခဲ့သည်။

ထိုသို့သော ရလဒ်သည် လွတ်လပ်အင်ပါယာမှ လူများ၏ မျှော်မှန်းချက်ထက် ကျော်လွန်နေပြီး သူတို့ကို အလွန်ထိတ်လန့်စေခဲ့သည်။

လွတ်လပ်အင်ပါယာ၏နောက်ကွယ်မှ လူသည် ရန်နိုင်ငံ၌ ဤမျှထိတ်လန့်ဖွယ်ကောင်းသော သားရဲဘုရင်ရှိနေမည်ဟု မထင်ထားခဲ့ပေ။