အနီးကပ်

Vol. 020 Ch. 1975

လက်သီးတစ်ချက်။

ကောင်းကင်တိုက်ပွဲနန်းတော်တွင် ကုန်းရှောင်းကုန်းမြေမှ သူနှင့် အဆင့်တူ ပြိုင်ဘက်များစွာကို ချေမှုန်းခဲ့ပြီး အလွန် မောက်မာခဲ့သော တန်ခိုးရှင်က ရီဖူရှင်း၏ လက်သီးတစ်ချက်နှင့် ရှုံးနိမ့်ခဲ့ပြီး ပြန်မတိုက်ခိုက်နိုင်ခဲ့ပေ။

ထိုနေ့က ရီဖူရှင်း ထွက်ခွာသွားခြင်းမှာ သူက အမှန်တကယ် တိုက်ပွဲကို ရှောင်တိမ်းလိုခြင်း ဖြစ်ပါရဲ့လား။

သူက မတိုက်ခိုက်ရဲသည်လား။

ပြိုင်ဘက်အား လက်သီးတစ်ချက်နှင့် ရှုံးနိမ့်စေခဲ့သူက တိုက်ပွဲအား ရှောင်တိမ်းရန် တမင်သက်သက် ဆင်ခြေရှာလိမ့်မည်လား။

သူ မတိုက်ခိုက်ခဲ့ခြင်းမှာ သူက မတိုက်ခိုက်လိုခြင်း သို့မဟုတ် တိုက်ခိုက်ရန် အရေးမစိုက်ခြင်းကြောင့်သာ ဖြစ်ရပေမည်။

တိုက်ပွဲမြေပြင်၌ ရှိနေသူများသာ မှင်တက်အံ့အားသင့်ခဲ့သည်မဟုတ်ဘဲ တိုက်ပွဲအပြင်ဘက်ရှိ တုန်းရှောင်းကုန်းမြေမှ တန်ခိုးရှင်များသည်လည်း တူညီသော နေရာတွင် သူတို့၏ မျက်လုံးများကို ကော်နှင့်ကပ်ထားသကဲ့သို့ ရှိနေခဲ့ပြီး အဖြူရောင်နှင့် လူငယ်ကို ထိတ်လန့်တကြား စိုက်ကြည့်နေခဲ့ကြသည်။ သူက ထိုနေရာတွင် တိတ်ဆိတ်စွာ ရပ်နေခဲ့ပြီး ထိုတန်ခိုးရှင်များကို လျစ်လျူရှုကာ သူတို့ထဲမှ မည်သူနှင့်မှ လက်တွဲရန် မလိုအပ်သကဲ့သို့ ရှိနေခဲ့သည်။

"လင်ချိုးပြောတာ အမှန်ဖြစ်နေမလား။" တစ်စုံတစ်ယောက်က ပြောလိုက်သည်။ "ကောင်းကင်တိုက်ပွဲနန်းတော်နဲ့ အာခီမီနတ်နန်းတော်ရဲ့ တန်ခိုးရှင်တွေက သူ့ကို ဆန့်ကျင်လှုပ်ရှားတာကြောင့် လမ်းစဥ်တိုက်ပွဲမှာ သူ့စွမ်းအားကို အသုံးပြုပြီး မတိုက်ခိုက်ချင်လို့ ထွက်သွားတာများလား။"

"တခြားလူတွေက သူနဲ့ တိုက်ခိုက်ဖို့ မထိုက်တန်ဘူးလို့ တွေးတာလည်း ဖြစ်နိုင်တာပဲ။" နောက်တစ်ယောက်က ပြောလိုက်သည်။ ရီဖူရှင်းက မသန်မာလျှင် ထိုဖြစ်ရပ်က အားပျော့သွားမည် ဖြစ်သော်လည်း ယခု သူက ကိုယ်ပိုင်ခွန်အားကို သက်သေပြခဲ့ရာ ယခင်က သူ လုပ်ခဲ့သမျှမှာ တရားမျှတပြီး မည်သူကမှ သူ့အား သံသယဝင်လိမ့်မည် မဟုတ်ပေ။

သို့ဆိုလျှင် အဓိပ္ပါယ်ရှိသွားပေသည်။ သူက အကြောင်းမရှိဘဲ တိုက်ခိုက်မှုအား ရှောင်တိမ်းခဲ့ခြင်း မဟုတ်ဘဲ ကောင်းကင်တိုက်ပွဲနန်းတော်နှင့် အာခီမီနတ်နန်းတော်မှ တန်ခိုးရှင်များ၏ လုပ်ရပ်ကို ရွံမုန်းသောကြောင့် လမ်းစဥ်တိုက်ပွဲအား ငြင်းပယ်ခဲ့ခြင်း ဖြစ်ပေလိမ့်မည်။

သို့ဆိုလျှင် သည်လူက မည်သူနည်း။

တစ်စုံတစ်ယောက်သည် လက်နောက်ပစ်ကာ ရပ်နေသော အာခီမီအင်ပါယာ ရှိနေရာသို့ လှမ်းကြည့်လိုက်သည်။ သူ့ဘေးတွင် တုံ့လိုင်နတ်မိမယ်က တိတ်ဆိတ်စွာ ရပ်နေခဲ့ပြီး ဝင်္ကပါအတွင်းသို့ ကြည့်နေ၏။

ရီဖူရှင်း၏ အစစ်အမှန် ခွန်အားကို နတ်မိမယ်တုံ့လိုင်ထက်ပို၍ မည်သူမှမသိကြပေ။ သူမက အနည်းငယ်မျှပင် စိတ်ပူမနေခဲ့ပါချေ။ သူက သူ၏ ကိုယ်ပိုင်ခွန်အားနှင့် ဝင်္ကပါအတွင်း သက်သေပြကာ ဆေးအင်ပါယာနှင့် ထိုက်တန်စွာ တွေ့ဆုံနိုင်မည်မှာ သံသယရှိစရာမလိုပေ။

ယခု ယန်ယွင်ကုန်းမြေမှ တန်ခိုးရှင်များက ဤနေရာသို့ တိုက်ခိုက်ရန် ရောက်လာကြသည်။ ရှေးဟောင်းတော်ဝင် ယန်မိသားစုဝင် တန်ခိုးရှင်များပင် ပါလာကြသေး၏။ သူတို့က အရှေ့နတ်ဘုရားကျွန်းစုနယ်မြေ၏ ကိစ္စနှင့် ပတ်သတ်၍ ရောက်လာကြသည်လား။

သို့သော် ယခု သူက ဝမ်ရှန့်စောင့်ကြည့်မျှော်စင်သို့ ဝင်ရောက်ရန် လုပ်ဆောင်နေပြီး သူမသည် ရီဖူရှင်း၏ လုံခြုံရေးအတွက် ထပ်မံစိတ်ပူမနေတော့ပေ။

တိုက်ပွဲကွင်းပြင်တွင် ရီဖူရှင်းက လေဟာနယ်တစ်နေရာတွင် လွတ်လပ်စွာ ရှိနေခဲ့ပြီး အခြားတန်ခိုးရှင်များကလည်း ထိုဝန်းကျင်တွင် ရှိနေခဲ့သည်။ ကောင်းကင်တိုက်ပွဲနန်းတော်၏ နန်းတော်သခင်ငယ် ယန့်ချန်က သူ့ကို ကြည့်လိုက်ပြီး ပြောရန်စကားလုံး ပျောက်ရှသွားလေသည်။ ဤအဆင့်က သူနှင့် တိုက်ခိုက်ရန် မထိုက်တန်သည်လား။

ချီမုနှင့် အာခီမီနတ်နန်းတော်မှ အခြားတန်ခိုးရှင်များသည်လည်း ရီဖူရှင်းအား ကြည့်လိုက်ကြသည်။ သိသာစွာပင် သူတို့က ရီဖူရှင်း၏ ခွန်အားကို လျှော့တွက်မိကြခြင်း ဖြစ်လေသည်။ ရီဖူရှင်းက မြောက်ပိုင်းနယ်မြေမှ တန်ခိုးရှင်အား ရင်ဆိုင်နိုင်ရုံမျှမက သူက လက်သီးတစ်ချက်တည်းနှင့် အဆုံးသတ်လိုက်ခြင်း ဖြစ်သည်။

ရီဖူရှင်း၏ အနိုင်ရရှိမှုက ဆိုလိုသည်မှာ သူနှင့်အဆင့်တူတွင် ရှိနေသော အင်အားစုအသီးသီးမှ တန်ခိုးရှင်များက သူနှင့် လမ်းစဥ်တိုက်ပွဲ ဆင်နွှဲရန် မသင့်ဟု ဆိုလိုနေသည်မဟုတ်ပါလား။

အခြားသော တန်ခိုးရှင်များကလည်း တိုက်ခိုက်နေကြသည်။ ဤလေဟာနယ်အတွင်းတွင် အင်အားစုအမျိုးမျိုးမှ တန်ခိုးရှင်များအတွင်း ယှဥ်ပြိုင်မှုများ ဖြစ်ပေါ်နေပြီး အထူးသဖြင့် မြောက်ပိုင်းမှ ရန်ဟောင်များ၊ တုန်းရှောင်းကုန်းမြေမှ ရန်ဟောင်များ၊ ရီဖူရှင်းနှင့် သူ့လူများ ဖြစ်လေသည်။ ရီဖူရှင်းသည် သူ့ကိုယ်သူ တုန်းရှောင်းကုန်းမြေမှ ခွဲထွက်ထားသောကြောင့် သူတို့က အတူမတိုက်ခိုက်ကြပေ။

ဘုန်း....

မဟာလမ်းစဥ် မဟာလမ်းစဥ် ဖိနှိပ်ခြင်းစွမ်းအားမှ ဖွဲ့စည်းထားသော ကြောက်မက်ဖွယ် ခြေရာများက လေဟာနယ်ကို တုန်ယင်စေသည်။ ပိုမိုအစွမ်းထက်သည့် တော်ဝင်မိသားစုဝင်များက ရီဖူရှင်းအား အကဲခတ်နေကြ၏။ သို့သော်လည်း ထိုအခိုက်အတန့်တွင် ဝင်္ကပါအထက် ကောင်းကင်တွင် ပြင်းထန်သော တုန်ခါမှုကို ခံစားလိုက်ကြရကာ လူအများက မော့ကြည့်လိုက်ကြပေသည်။ အစွမ်းထက် ရန်ဟောင်များက လေဟာနယ်အတွင်း ပေါ်ပေါက်လာ၏။

ထိုလူများမှာ ဝမ်ရှန့်စောင့်ကြည့်မျှော်စင်မှ တန်ခိုးရှင်များ ဖြစ်ကြသည်။

"ဝမ်ရှန့်စောင့်ကြည့်မျှော်စင်က ဝင်္ကပါထဲဝင်ပြီး တိုက်ပွဲကို ဝင်စွက်တော့မှာများလား။" ဝမ်ရှန့်စောင့်ကြည့်မျှော်စင်အပြင်ဘက်မှ လှုပ်ရှားမှုအသစ်အား မြင်သည့်အခါ လူအများက အံ့သြတုန်လှုပ်သွားကြသည်။ သို့ဆိုလျှင် ယခု ယှဥ်ပြိုင်တိုက်ခိုက်ရန် နောက်ထပ်အင်အားစုတစ်ခု တိုးလာပြီ ဖြစ်ပြီး ထိုသည်မှာ ဝမ်ရှန့်စောင့်ကြည့်မျှော်စင်ပင် ဖြစ်လေသည်။ ယခင်က ဝမ်ရှန့်စောင့်ကြည့်မျှော်စင်၏ တည်ရှိမှုသည် ထူးချွန်သော တိုက်ပွဲစွမ်းရည်နှင့် ထူးခြားသော ရန်ဟောင်အချို့ကို စမ်းသပ်စစ်ဆေးရန်သာ ဖြစ်ပြီး တိုက်ပွဲအား ပိုမို ပြင်းထန်လာစေလိုမှသာ ဝင်္ကပါအတွင်း ဝင်ရောက်ခြင်း ဖြစ်သည်။

သို့သော် ယခုတစ်ကြိမ်တွင် အနည်းငယ်ကွဲပြားပေသည်။ ဤတစ်ကြိမ်၌ အဘက်ဘက်မှ တန်ခိုးရှင်များ တစ်နေရာတည်းတွင် စုစည်းနေခြင်း ဖြစ်သည်။

ရှေးဟောင်းတော်ဝင်ယန်မှ တန်ခိုးရှင်များသည် အစွမ်းထက်ရန်ဟောင်တစ်စုကို ခေါ်ဆောင်လာကာ ဝမ်ရှန့်စောင့်ကြည့်မျှော်စင်အား စိန်ခေါ်လိုသည့် ရည်ရွယ်ချက်တို့ကို ထုတ်ဖော်ပြလာသည်။ မြောက်ပိုင်းမှ လူများ ပစ်မှတ်ထားသည့် ထိပ်တန်းတန်ခိုးရှင်များမှာ ဝမ်ရှန့်စောင့်ကြည့်မျှော်စင်မှ တန်ခိုးရှင်များ ဖြစ်လေသည်။

"လူတိုင်းပဲ ဆက်လုပ်ကြပါ။" ဝမ်ရှန့်စောင့်ကြည့်မျှော်စင်မှ လူငယ်ရန်ဟောင်လေးတစ်ယောက်က အပြုံးနှင့် ပြောလိုက်သည်။ သူတို့ ရောက်လာပြီးနောက် အားလုံးသော ရန်ဟောင်များက နေရာအသီးသီး ယူလိုက်ကြပြီး တိုက်ပွဲကို ချက်ချင်းဝင်ရောက်စွက်ဖက်ရန် ရည်ရွယ်ချက်မရှိပုံပေါ်လေသည်။ သူတို့သည် မြောက်ပိုင်းမှ လူများကို စောင့်ကြည့်ရန် စီစဥ်ထားပြီး အနည်းဆုံး အဆင့်နိမ့် တန်ခိုးရှင်များကို အဆင့်မြင့်တန်ခိုးရှင်များက အခွင့်အရေးယူခြင်းအား တားဆီးရန် ရည်ရွယ်ပေသည်။

ဝင်္ကပါအတွင်း ရှိနေသူများက မြောက်ပိုင်းနယ်မြေမှ ရန်ဟောင်တို့နှင့် မယှဥ်နိုင်သည့်အခါမှ သူတို့ ဝင်စွက်ဖက်လျှင်လည်း သိပ်နောက်ကျလိမ့်မည် မဟုတ်ပေ။

"ကျုပ်တို့ ဒီနေရာမှာ ရောက်နေမှတော့ အတူတူတိုက်ကြတာပေါ့။" ထိုအချိန်၌ အသံတစ်ခုက ပြောလိုက်ပြီး လူတိုင်း၏ အာရုံကို ဖမ်းစားသွားခဲ့သည်။ ထိုသူမှာ ကြယ်များဖြင့် ဝန်းရံထားသော လကဲ့သို့ အစွမ်းထက် ရန်ဟောင်များအလယ်၌ ရှိနေသည့် ယန်ယွင်ကုန်းမြေမှ အဓိကပုဂ္ဂိုလ်တစ်ဦး ဖြစ်လေသည်။ သူ၏ ခန္ဓာကိုယ်မှ မည်သည့်အရှိန်အဝါမှ ထုတ်လွှတ်ထားခြင်းမရှိသလို တိုက်ပွဲ၌လည်း မပါဝင်သော်ငြား မည်သူကမှ သူ၏ တည်ရှိမှုကို လျှော့မတွက်ရဲကြပေ။ သူတို့သာ မှန်ခဲ့လျှင် ထိုသူမှာ ဤအဖွဲ့၏ ခေါင်းဆောင်ဟု ဆို၍ရနိုင်ပြီး ယန်ယွင်ကုန်းမြေ ရှေးဟောင်းတော်ဝင် ယန်မိသားစုမှ ကျင့်ကြံသူတစ်ယောက် ဖြစ်လေသည်။

ထိုရန်ဟောင်မှာ အသက်သုံးဆယ်အရွယ်ခန့် ရှိပုံရကာ ယန်ပြည်ထောင် ရှေးဟောင်းတော်ဝင်မိသားစုမှ ယန်တုန်းရန်ပင် ဖြစ်လေသည်။

"မင်း ပါချင်တယ်ဆိုရင် ကျုပ်တို့က ကန့်ကွက်မှာ မဟုတ်ဘူး။ စိတ်ကြိုက်လုပ်ပါ။" ဝမ်ရှန့်စောင့်ကြည့်မျှော်စင်မှ လူငယ်က တစ်ဖက်လူက စိုက်ကြည့်ရင်း ပြောလိုက်သည်။ တစ်ဖက်အင်အားစုက ဤနေရာထိ ရောက်နေပြီးဖြစ်ရာ ဝမ်ရှန့်စောင့်ကြည့်မျှော်စင်က မည်သည့်အားနည်းချက်ကိုမှ ပြသလိမ့်မည် မဟုတ်ပေ။ ဤနေရာက သူတို့၏ ပိုင်နက်နယ်မြေ ဖြစ်သည်။ ပြိုင်ဘက်က မည်သို့ အကွက်ရွှေ့ချင်နေပါစေ သူတို့က လက်ခံပေးရမည် ဖြစ်သည်။

"ဝမ်ရှန့်စောင့်ကြည့်မျှော်စင်ရဲ့ တန်ခိုးရှင်တွေဆီမှာ ရှုံးနိမ့်တဲ့သူတွေကရော ဆေးအင်ပါယာဆီမှာ လမ်းညွှန်မှု ရဖို့ အရည်အချင်းမီလား။" ယန်တုန်းရန်က သိမ်မွေ့စွာ မေးလိုက်သည်။ သူ၏ အသံက အလွန် တိုးသက်ညင်သာသော်လည်း လူတိုင်းက ရှင်းလင်းစွာ ကြားနိုင်ပေသည်။ သူသည် တိုက်ပွဲအား တစ်ချက်လှမ်းကြည့်ကာ ပြောလိုက်သည်။ "ကျုပ်တို့က မြောက်ပိုင်းကနေ ဒီကို ကုန်းမြေပေါင်းများစွာ ဖြတ်သန်းပြီး မိုင်ထောင်သောင်းချီ ခရီးဆက်လာခဲ့ရတယ်။ အခု ကျုပ်တို့ ဝမ်ရှန့်စောင့်ကြည့်မျှော်စင်ရဲ့ တန်ခိုးရှင်တွေဆီကနေ သင်ယူဖို့အခွင့်အရေးရလာတာ ဒီရှားပါးတဲ့ အခွင့်အရေးကို ဘယ်လို လက်လွတ်ခံနိုင်ပါ့မလဲ။"

"ဟုတ်တယ်။" မြောက်ပိုင်းမှ ရန်ဟောင်များ၏ မျက်လုံးများထဲတွင် အစွမ်းထက် တိုက်ခိုက်ရေးစွမ်းအားများနှင့် ပြည့်နေခဲ့သည်။ သူတို့က တုန်းရှောင်းကုန်းမြေ ဝမ်ရှန့်စောင့်ကြည့်မျှော်စင်မှ ရန်ဟောင်များ၏ ခွန်အားကို စမ်းသပ်ချင်သောကြောင့် လာရောက်ခဲ့ကြခြင်း ဖြစ်သည်။ ဤသို့သော အခွင့်အရေးက ရှားပါးပြီး သူတို့ တိုက်ပွဲစွမ်းရည်များကို ပိုမိုသိရှိနားလည်လာနိုင်လိမ့်မည် ဖြစ်သည်။

ရန်ဟောင်များက အချင်းချင်း၏ ပြိုင်ဘက်များကို ရှာတွေ့သွားကြပြီး ဤတိုက်ပွဲမြေပြင်က ပို၍ပင် ရက်စက်ပြင်းထန်ကာ အထိန်းအကွပ်မဲ့လာလေသည်။ ဝင်္ကပါလေဟာနယ်တစ်ခုလုံးတွင် တိုက်ပွဲများက နေရာအနှံ့ဖြစ်ပေါ်နေပြီး အဆင့်မြင့်ရန်ဟောင်တိုက်ပွဲများပင် ရှိလာခဲ့သည်။

ယန့်ချန်က အဆင့်မြင့်ရန်ဟောင်တစ်ယောက်ဖြစ်သည်။ ထိိုအချိန်တွင် သူ၏ ရှေ့သို့ ကြောက်မက်ဖွယ် အရှိန်အဝါနှင့် ရန်ဟောင်တစ်ပါး ရောက်လာခဲ့သည်။

ချီမုနှင့် အခြားတန်ခိုးရှင်များအတွက်လည်း အတူတူပင် ဖြစ်သည်။ မြောက်ပိုင်းမှ ရန်ဟောင်များသည် ပြင်းထန်လှသော အရှိန်အဟုန်နှင့် သူတို့ရှေ့တွင် ပေါ်ပေါက်လာခဲ့သည်။

မဟာလမ်းစဥ်တိုက်ပွဲများက ချက်ချင်း ဖြစ်ပေါ်လာပြီး ဝင်္ကပါအတွင်း၌ ကြောက်မက်ဖွယ် အော်မြည်သံများ ဖြစ်ပေါ်လာနေကာ ကောင်းကင်နှင့် မြေကြီးကြားမှ မဟာလမ်းစဥ်စွမ်းအားက ပြင်းထန်စွာ လှိုင်းထန်နေခဲ့သည်။ တိုက်ပွဲများ ဖြစ်ပေါ်လာသောအခါ ရီဖူရှင်းက မလှုပ်ရှားခဲ့ပေ။ သူက ကိုယ့်နေရာ၌သာ ကိုယ်ရပ်နေပြီး ဖြစ်ပျက်သမျှကို စောင့်ကြည့်နေခဲ့သည်။ သူက မည်သူ့ကိုမှ မကူညီသလို ကိုယ်သဘောနှင့်ကိုယ် လှုပ်ရှားခြင်းလည်း မပြုခဲ့ပေ။

အင်အားစုအမျိုးမျိုးမှ ရန်ဟောင်များက သူ့ကို တစ်ခါတစ်ရံလှမ်းကြည့်တတ်ကြပြီး သူက အချင်းချင်း ဖျက်ဆီးမည့်အချိန်ကို စောင့်ဆိုင်းနေသလားဟု သိချင်နေကြပေသည်။

ထိိုအခိုက်အတန့်တွင် အစွမ်းထက် အရှိန်အဝါတို့နှင့် အလယ်အလတ်ရန်ဟောင်တစ်ယောက်က ရီဖူရှင်းရှေ့၌ ပေါ်ပေါက်လာလေသည်။ ထိုရန်ဟောင်က အသက်လေးဆယ်အရွယ်ခန့်ရှိကာ မြောက်ပိုင်းမှ ကြီးမားသော တိုက်ပွဲစွမ်းရည်နှင့် တစ်စုံတစ်ယောက် ဖြစ်လေသည်။ သူက ဟိတ်ဟန်အပြည့်နှင့် လွှမ်းမိုးနိုင်စွမ်းရှိကာ ထိတ်လန့်တုန်လှုပ်ဖွယ် အရှိန်အဟုန်တို့ ရှိနေသည်။

"ကျုပ်က ဒီမှာ မင်းရဲ့ ခွန်အားကို မြည်းစမ်းကြည့်ဖို့ ရောက်နေတာ။" သက်လတ်ပိုင်းလူကြီးက ကျယ်လောင်စွာ ကြေညာလိုက်သည်။ သူ၏ အသံထွက်ပေါ်လာသည့်အခါ လေဟာနယ်က တုန်ခါသွားပြီး လူတိုင်း၏ လည်ပင်းထက် အမွေးများပင် ထောင်ထကုန်လေသည်။

ရီဖူရှင်းက ဂရုမစိုက်ပေ။ သူက ထိုလူကို ကြည့်လိုက်ပြီး သူ့တစ်ဖက်တစ်ချက်တွင် ပေါ်လာသူများကို ကြည့်လိုက်သည်။ ထိုသူများက မြောက်ပိုင်းမှ မဟုတ်ဘဲ တုန်းရှောင်းကုန်းမြေမှ ရန်ဟောင်များဖြစ်သည်။ နှစ်ယောက်လုံးက အဆင့်ခြောက်ရန်ဟောင်များ ဖြစ်ကြပြီး ရီဖူရှင်းနှင့် အဆင့်နှစ်ဆင့် ကွာခြားပေသည်။ ရှင်းလင်းစွာပင် သူတို့သည် အဆင့်တူမှ လူများက ရီဖူရှင်းအား ရိုက်မချနိုင်သည်ကို သတိပြုမိကြပေသည်။

ရီဖူရှင်းက တစ်ယောက်တည်း သီးခြားနေခဲ့ပြီး ကျန်လူများက အရင်လှုပ်ရှားလာမည်ကို ခွင့်ပြုထားသည်။

ရီဖူရှင်းသည် လေထဲတွင် ရှိနေခဲ့၏။ သူ၏ အမြင်အာရုံသည် ကောင်းကင်ထက်ရှိ မြောက်ပိုင်း ရန်ဟောင်ထံ၌ တိုက်ရိုက်ရှိနေခဲ့သည်။ သူ့ခန္ဓာကိုယ်ထက် တောက်ပသော ရွှေရောင်အလင်းတို့ ပေါက်ကွဲထွက်လာသည်။ နောက်တခဏတွင် ကောင်းကင်တစ်ခွင်လုံး ဗုဒ္ဓရောင်ဝါကဲ့သို့ ရွှေရောင်အလင်းများနှင့် ပြည့်နှက်သွားပြီး ဘုရားစာရွတ်ဖတ်သံများ အဆုံးမဲ့လေဟာနယ်အတွင်း ပျံ့နှံ့သွားလေသည်။

မြောက်ပိုင်းမှ ရန်ဟောင်က မျက်မှောင်ကြုတ်လိုက်သည်။ သူသည်သူ၏ ကိုယ်ပိုင်မဟာလမ်းစဥ် စွမ်းအားနှင့် တူညီသော စွမ်းအားကို ခံစားမိလိုက်သည်။ သူ၏ မျက်လုံးများက အောက်ဘက်သို့ စိုက်ကြည့်နေခဲ့ပြီး ရုတ်တရက် သူ့အမူအရာက ပြောင်းလဲသွားခဲ့ကာ အလွန် ကြမ်းကြုတ်ရက်စက်သော ပုံစံဖြစ်လာခဲ့သည်။

ကြီးမားသော သားရဲတစ်ကောင်က ကောင်းကင်ထက်တွင် ပေါ်ပေါက်လာပြီး ၎င်းက အစစ်အမှန် နဂါးတစ်ကောင်နှင့်တူသလို ခြင်္သေ့နှင့်လည်း တူပြီး မြင်းခွာလေးဖက်ကို ပိုင်ဆိုင်ထားကာ သွေးလွှမ်းသော ပါးစပ်ကြီးအားဖွင့်ကာ အော်ဟစ်မြည်တမ်းလိုက်သည်။ မရေတွက်နိုင်သော မဟာလမ်းစဥ် အသံလှိုင်းများက ထက်ရှသော ဓားများကဲ့သို့ လေဟာနယ်တလျှောက် စူးရှစွာ ဖြတ်သန်းသွားသည်။ ယင်းက စိတ်ဝိညာဥ်များကို ပြိုကွဲပျက်စီးစေတော့မယောင် ထင်မှတ်ရသည်။

ခဏချင်းအတွင်း ရီဖူရှင်း၏ ခန္ဓာကိုယ်က မမြင်နိုင်သော အသံလှိုင်းများဖြင့် လွှမ်းခြုံခံလိုက်ရသလို ထင်မှတ်ရပေသည်။ တစ်ချိန်တည်းမှာပင် ဘေးနှစ်ဖက်ရှိ ရန်ဟောင်များက ရီဖူရှင်းထံသို့ မဟာလမ်းစဥ် တိုက်ခိုက်မှုများ ပြုလုပ်လိုက်သည်။ သုံးဖက်လုံးမှ တန်ခိုးရှင်များက ရီဖူရှင်းအား အဆက်မပြတ် တိုက်ခိုက်လာ၏။

"ဘယ်လောက်တောင် ခွင့်မလွှတ်နိုင်စရာကောင်းလိုက်သလဲ။" အပြင်ဘက်ရှိ လူအများက ရီဖူရှင်း ရှိနေရာ၌သာ အာရုံစိုက်ထားကြသည်။ အကြောင်းမှာ သူက လွတ်လပ်စွာ ရပ်တည်နေပြီး ယခု အင်အားစုနှစ်ခုနှင့် တိုက်ခိုက်နေရသောကြောင့် ဖြစ်သည်။ တုန်းရှောင်းကုန်းမြေမှ လူများနှင့် မြောက်ပိုင်းနယ်မြေမှ တန်ခိုးရှင်များက သူ့ကို ဆန့်ကျင်တိုက်ခိုက်နေကြ၏။

သို့သော် ထိုအခိုက်တွင် ရီဖူရှင်းပေါ်မှ ရွှေရောင်နတ်အလင်းများက ပိုမိုတောက်ပလာပြီး ဗုဒ္ဓ၏ အသံကို ကြားလိုက်ရကာ ဗုဒ္ဓရောင်ဝါက လေထဲတွင်တောက်ပလာသည်။

"ထွက်သွားစမ်း..."

ကြောက်မက်ဖွယ်သားရဲ၏ ကျယ်လောင်သော အော်ဟစ်သံနှင့်အတူ အဆုံးမဲ့ လွှမ်းမိုးနိုင်စွမ်းရှိသော ဗုဒ္ဓက ကောင်းကင်ထက်တွင် ရုတ်တရက် ပေါ်ပေါက်လာသည်။ ယင်းက မိစ္ဆာနှိမ်နင်းဓမ္မတေးသံပင် ဖြစ်လေသည်။ အလွန်ရှေးကျသော ဗုဒ္ဓတစ်ပါးက အဆုံးမဲ့ ရောင်ဝါတို့အား ထုတ်လွှင့်ကာ တောင်တန်းနှင့် မြစ်များကိုပင် တုန်လှုပ်သွားစေသည်။ ဗုဒ္ဓ၏ ရောင်ဝါအလင်းနှင့် ဓမ္မတေးသံက သားရဲအား ထိုးဖောက်သွားပြီး ၎င်း၏ ခန္ဓာကိုယ်က ပျက်စီးသွားပေသည်။ ထိုမျှမကသေးဘဲ ရီဖူရှင်း၏ တိုက်ခိုက်မှုကြောင့် မြောက်ပိုင်းရန်ဟောင်နှင့် အခြားရန်ဟောင်နှစ်ယောက်၏ စိတ်ဝိညာဥ်က ပြင်းထန်စွာ တုန်ယင်လာပြီး အချိန်မရွေးဖျက်ဆီးခံရတော့မလို ဖြစ်လာသည်။ မဟာလမ်းစဥ်ကလည်း ဖျက်ဆီးခံလိုက်ရ၏။

ဆူညံနေသော အသံတစ်ခုကို ကြားလိုက်ရပြီး မိစ္ဆာနှိမ်နင်းဓမ္မတေးသံ၏ ပေါက်ကွဲထွက်လာသံနှင့်အတူ ရီဖူရှင်း ခေါင်းထက်တွင် ကြီးမားသော နတ်သစ်ပင်တစ်ပင် ထွက်ပေါ်လာသည်။ မရေတွက်နိုင်သော အကိုင်းအခက်နှင့် အရွက်များက ဖြန့်ကျက်ထွက်လာပြီး ထိုရန်ဟောင်သုံးယောက်ကို ဖမ်းဆီးထားလိုက်သည်။ မဟာလမ်းစဥ်စွမ်းအားများက ဖြတ်သန်းတိုက်ခိုက်ချင်သော်လည်း ထိုအရွက်များက ကြံ့ကြံ့ခံနေကာ သူတို့၏ ခန္ဓာကိုယ်များကို လေဟာနယ်အတွင်း ပိတ်ဆို့ထားပေသည်။

အကိုင်းအခက်နှင့် နွယ်များက လိပ်လာပြီး ထိုသုံးယောက်ကို ရစ်ပတ်ကာ ရီဖူရှင်းရှေ့သို့ ပို့ဆောင်လာသည်။ ရီဖူရှင်းက သူတို့ကို ကြည့်လိုက်ပြီး ထိုဂရုမစိုက်သည့် မျက်လုံးများထဲမှ သူတို့သည် သူထက် ကျင့်ကြံဆင့်မြင့်နေလျှင်ပင် သူနှင့် တန်းတူရှိမနေသည်ကို နားလည်သဘောပေါက်စေပေသည်။

***