လောင်ချင်း

"ငါ ရေချိုးလိုက်ရမလား?"

သူ့ဘာသာ ငုံ့ကြည့်ရင်း  တိုးတိုးလေးပြောလိုက်သည်။

ပြင်းပြင်းထန်ထန် ကျင့်ကြံပြီး သုံးရက်အကြာမှာတော့ အညစ်အကြေးပါးပါး အလွှာတစ်ခု အဖြစ်ရှိနေသော သူ့ခန္ဓာကိုယ်မှ အညစ်အကြေးများကို ဖယ်ထုတ်ချင်နေ သည်။

ချီသန့်စင်ခြင်းအဆင့်ထဲဝင်တုန်းကလောက် သိသိသာသာကြီးမဟုတ်ပေမယ့် ခြားနားချက်ကတော့ သိသာသွားသည်-  ချွေးပေါက်တွေ ပွင့်ထွက်သွားပြီး သူ့အသားအရေက အတိုင်းမသိ တောက်ပလာကာ စွမ်းအင်လမ်းကြောင်းက လုံးဝကို လန်းဆန်းသွားသလို ခံစားရသည်။

၎င်းမှာ အညစ်အကြေးများကို ချက်ချင်းဖယ်ရှားပြီး အသန့်စင်ဆုံးချီကိုသာ ခွင့်ပြုထားသည့်  အနန္တအသက်ရှုခြင်းနည်းစနစ်ကြောင့်ဖြစ်သည်။

ပိုင်ကျီဟန်သည် သူ၏ဝတ်ရုံမှ ဖုန်မှုန့် ကို ခါလိုက်ပြီး သူ၏ ကျင့်ကြံမှုမှ စွမ်းအင်ကို ခံစားလိုက်ရသည်။

သူ့အရေပြားမှာ တွယ်ကပ်နေတဲ့ အညစ်အကြေးတွေက သူ့ကို စိတ်မသက်မသာဖြစ်စေပြီး ဒီအခြေအနေမှာ အကြာကြီးနေဖို့ ရည်ရွယ်ချက်မရှိပေ။

အသက်ပြင်းပြင်းရှူရင်း သူ့အခန်းတံခါးဝဆီသို့ လှည့်ကြည့်လိုက်သည်။

တည်ငြိမ်အေးဆေးသော အမိန့်ပေးသံဖြင့်  "လောင်ချင်း ဝင်လာအုံး”

အသံတိတ်သွားတော့ အလျင်အမြန် ခြေသံများ ရောက်လာ၏

တံခါးက ကျယ်လောင်စွာ ပွင့်လာပြီး ငယ်ရွယ်တဲ့ အိမ်အကူတစ်ယောက် အထဲကို ဝင်လာကာ ခေါင်းငုံ့ပြီး လက်တွေ အနည်းငယ် တုန်နေသည်။

လောင်ချင်းသည် ငယ်စဉ်ကတည်းက ပိုင်ကျီဟန်၏ အစေခံဖြစ်သည်။

အရင်တုန်းကတော့ သူမသည် သူ့၏ ခန့်မှန်းလို့မရတဲ့ စိတ်ဓာတ်တွေနဲ့ ရက်စက်

ကြမ်းကြုတ်တဲ့ အပြူအမူတွေကို ခံခဲ့ရဖူးသည်။

သူမကို ဘယ်တုန်းကမှ လက်နဲ့ မရွယ်ဖူးပေမယ့် သူ့၏ထက်မြက်တဲ့ လျှာနဲ့ အေးစက်တဲ့ လျစ်လျူရှုမှုတွေက သူမကို နက်နက်ရှိုင်းရှိုင်း ကြောက်ရွံ့ထိတ်လန့်စေလောက်အောင်ပင်

ထို့အပြင်  ပိုင်ကျီဟန်သည် သူ့ဝမ်းကွဲကိုတောင် သနားညှာတာခြင်းမရှိသဖြင့် 

အိမ်အကူသာ ဖြစ်သော သူမအနေနဲ့ သူ့ကို ဘယ်လိုမကြောက်ဘဲ နေမည်နည်း။

သူမ၏ အသံမှာ ချီတုံချတုံ ဖြစ်နေသည်။

"သ- သခင်လေး ၊ ကျွန်မကိုခေါ်လိုက်တာလား။"

ပိုင်ကျီဟန်သည် သူမ၏ တုန်တုန်ယင်ယင်ပုံစံကို ကြည့်ပြီး သက်ပြင်းချလိုက်သည်။

သူ့အတိတ်က လုပ်ရပ်တွေက သူ့ပတ်ဝန်းကျင်ကလူတွေအပေါ်  ဒီလိုပုံရိပ်တွေ ကျန်ခဲ့စေပုံရသည်။

ဒါကိုသိပ်ဂရုစိုက်မနေပေ။ အခု သူ့ဘဝက ကြိုးတစ်ချောင်းနဲ့ ချည်နှောင်ခံထားရတာပင်။

"ငါ့အတွက် ရေချိုးဖို့ပြင်ထား”

ပိုင်ကျီဟန်က အမိန့်ပေးလေ၏

လောင်ချင်း၏ ခန္ဓာကိုယ်သည် အနည်းငယ် တုန်လှုပ်သွားသော်လည်း သူမ ချက်ချင်း ဦးညွှတ်လိုက်သည်။

"ဟုတ်ကဲ့ သခင်လေး ၊ ချက်ချင်းလုပ်လိုက်ပါမယ်”

သူမသည် အလျင်အမြန် လှည့်ထွက်ကာ သူ့ရှေ့တွင် တစ်စက္ကန့်ပင်ကြာအောင် ရပ်နေရမည်ကို စိုးရိမ်နေပုံပေါ်သည်။

ပိုင်ကျီဟန်က ခေါင်းကို အနည်းငယ်ခါယမ်းလိုက်၏

ရေချိုးရန် အဆင်သင့်မဖြစ်မီတွင် သူ့ဘာသာ ခေတ္တအနားယူခွင့်ပြုပြီး ထိုင်နေလိုက်သည်။

လောင်ချင်းသည် ရေချိုးရန် အပြေးအလွှား ပြင်ဆင်နေစဉ်တွင် တစ်စုံတစ်ခုကို သတိမထားမိဘဲ မနေပေ။

သူမ၏ သခင်လေးသည် အမြဲတမ်းအာဏာနှင့်စကားပြောဆိုခဲ့သော်လည်း ယခုတစ်

ကြိမ်တွင် သူ၏အသံမှာ သာမန်လို အေးစက်နေခဲ့သည်။  သို့မဟုတ် ဒေါသ ကင်းမဲ့နေခဲ့သည်။ ခိုင်မာပြီး အမိန့်ပေးသံ ဆိုပေမယ့် မရက်စက်ပေ။

သူမသည် အလုပ်လုပ်ရင်း ခေါင်းယမ်းလိုက်သည်။

(ဒါတွေကို စိတ်ကူးယဉ်နေတာ ဖြစ်နိုင်ပါတယ်)

မည်သို့ပင်ဖြစ်စေ သူမသည် ထိုကဲ့သို့ အဓိပ္ပါယ်မဲ့သော အတွေးများဖြင့် အချိန်မဖြုန်းချင်ပေ။

သူမသည် သခင်လေးကို အကြာကြီးစောင့်ခိုင်းလျှင် သူ ဒေါသထွက်သွားနိုင်သည်။

ရေချိုးဖို့ ပြင်ဆင်ပြီးသည်နှင့် သူမသည် ခါတိုင်းလို ခေါင်းငုံ့ထားကာ အသိပေးရန် ပြန်လာခဲ့သည်။

"သခင်လေး ရေချိုးလို့ရပါပြီ”

ပိုင်ကျီဟန်သည် စကားတစ်ခွန်းမှ မပြောဘဲ သူမကို ကျော်ဖြတ်ကာ ရေချိုးခန်းဆီသို့ ဦးတည်သွားခဲ့သည်။

မသွားခင်မှာ သူမမျက်နှာကို သေချာကြည့်လေ၏

ဒါဟာ ပိုင်ကျီဟန်အနေနဲ့ သူ့ကို နှစ်ပေါင်းများစွာ ခစားခဲ့သည့် အိမ်ဖော်၏မျက်နှာကို ပထမဆုံးမြင်ဖူးခဲ့တာပင်။ အရင်တုန်းကတော့ သူမအသွင်အပြင်ကို  စနစ်မျက်နှာပြင်က ပိတ်ဆို့ထားတာကြောင့်ပင်။

(သူမက တော်တော်လှတာပဲ)

လောင်ချင်းသည် သေးသွယ်ပြီး ချောမောသောပုံစံရှိသည့် ဆယ်ကျော်သက်အရွယ်နုပျိုသော မိန်းမပျိုလေးဖြစ်သည်။

သူမ၏ ရှည်လျားပြီး နက်မှောင်သော ဆံကေသာကို ရိုးရှင်းသော ကျစ်ဆံမြီးဖြင့် သပ်သပ်ရပ်ရပ် ချည်နှောင်ထားပြီး သူမ၏ ချောမွတ်ပြီး  ပြောင်တင်းနေသည့် အသားအရေကို ပေါ်လွင်စေသည့် နည်းလမ်းဖြင့် သူမ၏ ပခုံးပေါ်သို့ ပြုတ်ကျနေသည်။

သူမ၏အသွင်အပြင်များသည် နူးညံ့ပြီး သန့်စင်၏။  ရှည်လျားသော မျက်တောင်များဖြင့် ဘောင်ခတ်ထားသော အညိုရောင် အုံ့ဆိုင်းနေသော ဗာဒံစေ့ပုံသဏ္ဍာန် မျက်လုံးများ၊ သေးသွယ်ပြီး အနည်းငယ်ကော့သော နှာတံနှင့် နှင်းဆီရောင်ဖျော့ဖျော့နှင့် နှုတ်ခမ်းအစုံတို့ ရှိ၏။

အစေခံအဖြစ်  ရိုးရိုးကုတ်ကုတ်နေရသော်လည်း သူမသည် လျစ်လျူရှုရခက်သည့် ကျက်သရေကို သယ်ဆောင်ထားသည်။

ရိုးစင်းသော အပြာနုရောင် အိမ်အကူဝတ်သည့် ၀တ်ရုံက  သူမ၏ လှုပ်ရှားမှုများမှ အလှကို သဘာဝအတိုင်း အနည်းငယ် ဖုံးကွယ်ထားသည်။

သို့သော်လည်း သူမ၏ အနည်းငယ် တုန်လှုပ်နေပုံ၊ သူမ အကြည့်ကို လျော့ချထားပုံနဲ့ သူမ၏ နှုတ်ခမ်းအတွင်းပိုင်းကို သိမ်မွေ့စွာ ကိုက်လိုက်ပုံက သူ့အပေါ် ကြောက်ရွံ့နေကြောင်း ထင်ရှားစေသည်။

(ဒါက  ကမ္ဘာမြေမှာသာဆိုရင် သူမဟာ ထိပ်တန်း  အိုင်ဒေါဖြစ်လာမှာ သေချာပါတယ်။)

ပိုင်ကျီဟန်ကတွေးလိုက်သည်။

ဒီကမ္ဘာကြီးရဲ့ အလှတရားစံနှုန်းတွေကို သူသေချာမသိသလို သူ့အိမ်အကူက ထူးခြားသလား ဒါမှမဟုတ် ဒီလိုအသွင်အပြင်မျိုးက သာမန်လားဆိုတာ မသိပေ။

သူ့အိမ်အကူ လောင်ချင်းကိုကြည့်လိုက်တော့ ကျင့်ကြံမှုကြောင့် ဒီကမ္ဘာကြီးဟာ လှပတဲ့လူတွေနဲ့ ပြည့်နှက်နေသည်ဟု သူထင်ခဲ့သည်။

ဘာပဲဖြစ်ဖြစ် နားလည်ဖို့ အချိန်ပိုလို၏

နောက်ဆုံးတော့ သူ့မှတ်ဉာဏ်ထဲမှာ စနစ်မျက်နှာပြင်ကြောင့် လူတိုင်းမျက်နှာဟာ အမြဲတမ်းမှုန်ဝါးနေခဲ့သည်။

လောင်ချင်းသည် တစ်ခဏမျှ မလှုပ်မယှက် ရပ်နေကာ သူမ၏ လက်များသည် သူမ၏ အင်္ကျီလက်စကို မသိစိတ်ကနေ ဆွဲထားမိသည်။

သူမသည် သခင်လေးကို နှစ်ပေါင်းများစွာ ခစားခဲ့သည်၊ သို့သော် ယနေ့သည် ပထမဆုံးအကြိမ် ထူးဆန်းသည်ကို ခံစားရသည်။ အထူးသဖြင့် ရေချိုးခန်းသို့မသွားမီ သူမကိုကြည့်သောအခါတွင် မတူညီသည့်အရာတစ်ခုကို သူမခံစားရသည့် ပထမဆုံးအကြိမ်ဖြစ်သည်။

သူမ စကားနဲ့ မပြောနိုင်ပေမယ့်... ပိုင်ကျီဟန် နဲ့ ပတ်သက်ပြီး ပြောင်းလဲသွားတဲ့ အရာတစ်ခုရှိသည်။

သူ့တည့်ရှိမှု၊ သူကိုယ်တိုင် သွားလာပုံနဲ့ သူ့မျက်လုံးတွေက သူမကို ဖြတ်ကျော်သွားသည့်တိုင် အထင်အမြင်သေးခြင်းမရှိ၊ ဒေါသထွက်ခြင်းမရှိ…။ ပိုအရေးကြီးသည်မှာ သူသည် သူမ၏မျက်လုံးများကို တိုက်ရိုက်ကြည့်နေသည်။

(ဒါက သခင်လေး ငါ့မျက်လုံးကို ပထမဆုံးအကြိမ် စိုက်ကြည့်တာဘဲ။)

သာမာန်အားဖြင့် သူမသည် သူ့ကို ခစားလိုက်တိုင်း စိတ်တိုနေပုံရပြီး သူ့အကြည့်က သူမ၏ ခြေထောက် သို့မဟုတ် ခန္ဓာကိုယ်ဆီသို့ နိမ့်ဆင်းသွားသည်။

သူသည်  ကာမစိတ်လွန်ကဲသောကြောင့် သူမ၏ ခန္ဓာကိုယ်ကို ကြည့်နေခြင်းမဟုတ်ကြောင်း သူမသိသည်။  သူ့အဆင့်အတန်းနဲ့ ဘယ်လိုမိန်းမမျိုးမှ မရဘဲမနေပေ

ယင်းအစား သူ့တွင် လူများကို မျက်နှာဖြင့် ခွဲခြားသိမြင်ရန် ပြဿနာတစ်ခုရှိနေပုံရပြီး ၎င်းတို့၏ အခြားကိုယ်အင်္ဂါအစိတ်အပိုင်းများမှတစ်ဆင့် သူတို့ကို ခွဲခြားသတ်မှတ်ရန် ကြိုးစားခဲ့သည်။

ဒါဟာ ကောလဟာလတစ်ခုသာဖြစ်ပြီး အတည်မပြုနိုင်သေးပေမယ့် ပိုင်ကျီဟန်ဟာ အမြင်အာရုံပြဿနာတစ်ခုခုရှိနေသည် ဆိုသော ကောလဟာလတွေကို အခြားအစေခံတစ်ဦးဆီကနေ ကြားခဲ့ရသည်။

ဒါပေမယ့် သူ့ကို နှစ်အတော်ကြာ အမှုထမ်းခဲ့ပြီးတော့ ဒါဟာ အနည်းဆုံးတော့ မှန်တယ်ဆိုတာ သူမ သိသည်။

ပြဿနာက ဘာလဲဆိုတာ သေချာမသိပေမယ့် လူတွေရဲ့မျက်နှာကို ခွဲခြားရခက်ပြီး သူတို့နဲ့မတူတဲ့ပုံပေါက်နေရင်တောင်မှ တခြားသူတွေနဲ့ အထင်လွဲတတ်တယ်ဆိုတာ သူမသိသည်။

ထို့ကြောင့်  ပိုင်ကျီဟန်သည် အခြားအင်္ဂါရပ်များမှတစ်ဆင့် လူများကို ခွဲခြားသတ်မှတ်သည့် အလေ့အထကို ပြုလုပ်ထားကာ သူ၏အကြည့်များသည် များသောအားဖြင့်  အောက်ရောက်သွားသည်။

ထို့ကြောင့်  လောင်ချင်းသည် ပိုင်ကျီဟန် သူမကို အလွယ်တကူ ခွဲခြားသိမြင်နိုင်စေရန်အတွက် တူညီသော ၀တ်စုံကို ထာဝစဉ် ၀တ်ဆင်ခဲ့သည်။

ဒါပေမယ့် ဒီနေ့တော့ ဒီလိုဖြစ်ပုံမပေါ်ပေ။

သခင်လေးသည် သူမ၏မျက်နှာကို တိုက်ရိုက်ကြည့်ကာ ခဏတာမျှပင် စွဲလန်းသွားပုံရသည်။

သို့သော်လည်း သူမသည် အတွေးကို စိတ်ကူးယဉ်သက်သက်အဖြစ် ပယ်ချကာ ခေါင်းကို အမြန်ယမ်းလိုက်သည်။

"ငါ့​လို အ​စေခံတစ်​​ယောက်​က သခင်​လေးရဲ့ စိတ်​ဝင်​စားမှုကို ဖမ်းဆုပ်​နိုင်​ဖို့ နည်းလမ်းမရှိပါဘူး။"