စစ်နတ်ဘုရားဂိုဏ်း၏ အုတ်မြစ်

ကျိမိသားစု၊ ဆက်စပ်မျိုးရိုး။

နှစ်သုံးထောင်ကြာ ကမ္ဘာကြီးကို အုပ်စိုးခဲ့ပြီ။

ကျီးချွန်ချူ၏ မျက်လုံးထဲတွင် လက်ရှိတော်ဝင်မိသားစုသည် ထိုမျှသာဖြစ်ပြီး၊ ကျိမိသားစုသည် ကျိမိသားစုဖြစ်သည်၊ နှစ်ခုသည် ဆက်စပ်မှုမရှိပေ။

သူ့ကို ချည်နှောင်ပြီး သေခြင်းတရားကို စောင့်ဆိုင်းစေတာဟာ ကျီးချွန်ချူ ဘယ်တော့မှ သည်းမခံနိုင်တဲ့အရာ ဖြစ်သည်။

စိတ်မကောင်းစရာက အခုဆိုရင် သူရဲကောင်းတွေဟာ အလယ်ပိုင်းပြည်နယ်မှာ စုဝေးနေကြပြီ။

ကမ္ဘာကြီးက ပြိုကွဲနေသည်။

ကြီးမားတဲ့ နတ်မိစ္ဆာဂိုဏ်းကြီးတွေနဲ့ မိသားစုတွေအားလုံးက စိတ်အားထက်သန်စွာ စောင့်ကြည့်နေကြသည်။

ကျီးတော်ဝင်မိသားစုသည် ဒီနှစ်သုံးထောင်အတွင်း အမွေအနှစ်များကို လုံလောက်စွာ စုဆောင်းထားသော်လည်း ဒီဂိုဏ်းတွေနဲ့ မိသားစုတွေကို ယှဉ်ပြိုင်ဖို့ မျှော်လင့်ခြင်းက လိုချင်တပ်မက်စိတ်သာ ဖြစ်သည်။

လက်ရှိမှာ လွန်ခဲ့တဲ့ နှစ်ပေါင်းတစ်သောင်းက သိုင်းဘိုးဘေးနဲ့ နှိုင်းယှဉ်နိုင်တဲ့ အင်အားကြီးပုဂ္ဂိုလ်တစ်ဦး ကွမ်းယန်ခရိုင်မှာ ပေါ်ထွက်လာတာကြောင့် ကျီးချွန်ချူကို မျှော်လင့်ချက်တစ်စွန်းတစ်စ ပေးခဲ့သည်။

သူ တိုက်ရမည်။

အကယ်၍ ယခင်မင်းဆက်က သူတို့ရဲ့အုပ်ချုပ်မှုကို အနှစ်ခြောက်ရာအထိ သက်တမ်းရှည်စေနိုင်ခဲ့တယ်ဆိုရင်၊ တိုက်ရွှမ်းတော်ဝင်မိသားစုလည်း လုပ်နိုင်မှာအသေအချာပင်။

အနှစ်ခြောက်ရာတင် မဟုတ်ဘူး။

ကျီးချွန်ချူက ပိုလိုချင်သည်။

ချက်ချင်းပင် ကျီးချွန်ချူသည် အင်ပါယာအမိန့်တော်တစ်ရပ်ကို ရေးဆွဲပြီး ယုံကြည်ရသော လူယုံတစ်ဦးကို အင်ပါယာအမိန့်တော်ကို သယ်ဆောင်စေကာ ကွမ်းယန်ခရိုင်သို့ စေလွှတ်လိုက်သည်။

လက်ရှိမှာ ပြည်နယ်ကိုးခုသည် လျင်မြန်စွာ ပြောင်းလဲနေသည်။

ကွမ်းယန်ခရိုင်က တိုက်ပွဲသည် ပြည်နယ်ကိုးခု၏ အဆောက်အဦကို လုံးဝပြောင်းလဲပစ်လိုက်သည်။

လွန်ခဲ့တဲ့ နှစ်ပေါင်းတစ်သောင်းက သိုင်းဘိုးဘေးနှင့် နှိုင်းယှဉ်နိုင်သည့် အထွတ်အထိပ်ပုဂ္ဂိုလ်တစ်ဦးသည် လူတို့၏နှလုံးသားကို လှုပ်ရှားစေရန် လုံလောက်သည်။

ဒီလိုပုဂ္ဂိုလ်မျိုးက ခေတ်၏ကြီးမားသည့်စီးကြောင်းမှာ ပါဝင်ခဲ့မယ်ဆိုရင် ကမ္ဘာကြီးရဲ့အဆောက်အဦကို လွှမ်းမိုးဖို့ အရည်အချင်းပြည့်မီသည်။

ကမ္ဘာတစ်ဝန်းက အင်အားစုတွေရဲ့ တုံ့ပြန်မှုတွေကိုတော့ ကုချင်းဖန်က အာရုံမစိုက်ခဲ့ပေ။ သူက အခုလက်ရှိ ကုယွန်နဲ့ တွေ့ဆုံနေခဲ့သည်။

"ဆရာကု၊ကျွန်တော်အရင်က ရိုင်းသွားပါတယ် ခွင့်လွှတ်မယ်လို့ မျှော်လင့်ပါတယ်"

လက်ရှိ ကုယွန်သည် သူ့ရဲ့အနေအထားကို အလွန်နိမ့်ကျစွာထားပြီး ကုချင်းဖန်နဲ့ အဆင့်တူအဖြစ် သတ်မှတ်တဲ့စိတ်ကူးကိုတောင် ဖျောက်ပစ်လိုက်သည်။

ရယ်ရသည်။

ဒါက သိုင်းဘိုးဘေးနှင့်နှိုင်းယှဉ်နိုင်သည့် ပုဂ္ဂိုလ်တစ်ဦးဖြစ်ပြီး ဘယ်လိုလုပ် အဆင့်တူအဖြစ် စကားပြောနိုင်မည်နည်း။

ဒီလိုပုဂ္ဂိုလ်မျိုးဆိုရင် ကုယွန်၏ အဆင့်အတန်းနှင့်တောင်မှ သူ့ကိုအကြီးအကဲတစ်ဦးအဖြစ်လေးစားစွာ ခေါ်ဆိုရမည်။

"ဂိုဏ်းချုပ်ကုက နောက်ပြန်ပြီ ငါက 'အကြီးအကဲ' ဆိုတဲ့ ဝေါဟာရကို မထိုက်တန်ပါဘူး"

"အရင်က ကျွန်တော် မိုက်မဲခဲ့ပါတယ် ဆရာကုရဲ့ ပြိုင်ဘက်ကင်းပညာရပ်က လွန်ခဲ့တဲ့ နှစ်ပေါင်းတစ်သောင်းက သိုင်းဘိုးဘေးနဲ့နှိုင်းယှဉ်နိုင်တာပဲကို ကျွန်တော် အကြီးအကဲလို့ ခေါ်တာ မှန်ကန်ပါတယ်"

ကုယွန်က ခေါင်းခါခဲ့သည်။

သူ့ကို ဆယ်ဆလောက် သတ္တိပေးလိုက်ရင်တောင် ကုချင်းဖန်နဲ့ အဆင့်တူအဖြစ် စကားမပြောရဲပေ။

ဒါက ခွန်အားက ယူဆောင်လာတဲ့ အပြောင်းအလဲပဲဖြစ်သည်။

ဒါကိုမြင်တော့ ကုချင်းဖန်က ဒီခေါင်းစဉ်အပေါ် အာရုံမထားခဲ့ချေ။

ဒီအချိန်မှာတော့ ကုယွန်က သတိထားပြီး ခေါင်းစဉ်ကို ပြောင်းလဲခဲ့သည်။ "အခု ထန်းယန်ဓားဂိုဏ်းနဲ့ပတ်သက်တဲ့ ကိစ္စက ပြေလည်သွားပြီဆိုတော့ ဆရာကုအနေနဲ့ စစ်နတ်ဘုရားဂိုဏ်းကို သွားဖို့ စိတ်ကူးရှိပါသလား"

အရင်ကဆိုရင် သိုင်းဘိုးဘေးထားခဲ့သည့် သိုင်းအရှင်သခင်၏လျှို့ဝှက်ချက်တွေက အခြားတစ်ဖက်ကို စိတ်ဝင်စားစေဖို့ လုံလောက်လိမ့်မယ်လို့ ကုယွန် ယုံကြည်ခဲ့သည်။

ဒါပေမဲ့ အခုချိန်မှာတော့ ကုယွန်က သိပ်မသေချာတော့ပေ။

သူ့ရှေ့ကလူက သိုင်းဘိုးဘေးနှင့် နှိုင်းယှဉ်နိုင်သည့်သူ ဖြစ်နေသည်။

သိုင်းဘိုးဘေး ချန်ထားခဲ့သည့်အရာတွေက သူ့အတွက် စိုးရိမ်စရာမရှိနိုင်ပေ။

"ငါ စစ်နတ်ဘုရားဂိုဏ်းကို သွားပါမယ် ဒါပေမဲ့ အခုတော့ မဟုတ်ဘူး ကွမ်းယန်စစ်တပ်က ဝူကျိုးကို ရောက်တဲ့အချိန်မှပဲ"

ကုချင်းဖန်က ပြောခဲ့သည်။

သိုင်းဘိုးဘေး ထားခဲ့သည့်အရာတွေနဲ့ပတ်သက်ပြီး ကုချင်းဖန်က စိတ်ဝင်စားမှုရှိသည်။

သို့သော်လည်း သူက ကွမ်းယန်ခရိုင်ကနေ အခုအချိန်မှာ ထွက်သွားလို့ မရပေ။

ဘာပဲဖြစ်ဖြစ် ကုယွီထျန်၏သေဆုံးမှုနှင့်အတူ ကွမ်းယန်ခရိုင်က မကြာမီ လာမည့် မုန်တိုင်း၏ အလယ်ဗဟိုမှာ ရှိနေမှာ အမှန်ပဲဖြစ်သည်။

လုံလောက်သည့် အင်အားကြီးတစ်ခုက ဖိနှိပ်ထားခြင်းမရှိလျှင် အကျိုးဆက်တွေက ဆိုးရွားလိမ့်မည်။

ကုယန်မှာ အားနည်းသည့် အင်အားစုတွေ မရှိပေမဲ့ ဒီလိုခွန်အားမျိုးက သူတို့ရင်ဆိုင်ရတဲ့ ပြဿနာအပေါ် မူတည်သည်။

သာမန်ဂိုဏ်းတွေနှင့် မိသားစုတွေလောက်ဆိုလျှင် လုံလောက်ပေမဲ့ မသေမျိုးဂိုဏ်းနှင့် မိသားစုတွေနှင့် တိုက်ခိုက်ရမည်ဆိုရင်တော့ လုံးဝမလုံလောက်ပေ။

ဒါကြောင့် ကုချင်းဖန်က အလွယ်တကူ ထွက်သွားလို့ မရပေ‌။

သူတို့ ဝူကျိုးကို ရောက်သည့်အထိပဲ။

သူ့စကားကိုကြားတော့ ဂိုဏ်းချုပ်ကုက ခဏတာ အံ့အားသင့်သွားခဲ့သည်။

"ဆရာကုက တကယ်ပဲ ကမ္ဘာကြီးကို လွှမ်းမိုးဖို့ ရည်မှန်းချက်တွေ ရှိနေတာလား"

"ဘာလို့ မရှိရမှာလဲ"

ကုချင်းဖန်က ပြန်မေးခဲ့သည်။

ဒီစကားကိုကြားတော့ ဂိုဏ်းချုပ်ကုက စကားမပြောနိုင်ဖြစ်သွားသည်။

ဒီအချိန်မှာ သူက သူ့ရဲ့မေးခွန်းက အနည်းငယ်မိုက်မဲသလို ဖြစ်နေတယ်ဆိုတာကို သဘောပေါက်လိုက်သည်။

အခြားသူတစ်ဦးရဲ့ အစွမ်းအစနဲ့ ကမ္ဘာကြီးအပေါ်မှာ အကြီးအကဲဖြစ်ဖို့ ကြိုးစားတာက တကယ်တော့ ပြဿနာတစ်ခု မဟုတ်ပေ

လောကအုပ်စိုးရှင်။

ရိုးရိုးလေးပြောရလျှင် ဒါက အင်အားကြီးသူတွေသိမ်းပိုက်ထားသည့်ရာထူးတစ်ခုပဲဖြစ်သည်။

သိုင်းဘိုးဘေးနှင့် နှိုင်းယှဉ်နိုင်သည့် ကုချင်းဖန်က ကမ္ဘာကြီးကို လွှမ်းမိုးဖို့ သူ့ရဲ့စိတ်နှလုံးကို သတ်မှတ်လိုက်ပြီဆိုရင် သေချာပေါက် ပြဿနာမရှိပေ။

"နတ်ဆိုးဝိညာဉ်တွေ ရမ်းကားနေတယ်"

"မှော်ဆရာတွေက ကပ်ဆိုးတွေ ယူဆောင်လာတယ်"

"ပြည်နယ်ကိုးခုရဲ့ အစီအစဉ်က ဟိုးအရင်ကတည်းက ပျက်စီးယိုယွင်းနေပြီ အခု စကြဝဠာက မှုန်မှိုင်းနေတဲ့အတွက် စကြဝဠာကို သန့်စင်ပြီး အစီအစဉ်ကို ပြန်လည်ပုံဖော်ဖို့က ငါတို့ရဲ့ တာဝန်ပဲ"

ကုချင်းဖန်က ဒါကို ပြောလိုက်သည်။

သူက ဂိုဏ်းချုပ်ကုကို ကြည့်ပြီး သူ့ရဲ့အမူအရာက ရုတ်တရက် တည်ငြိမ်သွားခဲ့သည်။

"ငါ သိသလောက်တော့ စစ်နတ်ဘုရားဂိုဏ်းဟာ မှော်ဆရာတွေနဲ့ နတ်ဆိုးဝိညာဉ်တွေနဲ့ ပူးပေါင်းဆောင်ရွက်ခဲ့တာ မရှိပါဘူး အခု ကွမ်းယန်မင်းသားက ကမ္ဘာကြီးကိုအုပ်စိုးဖို့အတွက် ယှဉ်ပြိုင်ပြီး စကြဝဠာကို သန့်စင်ပြီးတော့ အစီအစဉ်ကို ပြန်လည်ထူထောင်ချင်နေတာ စစ်နတ်ဘုရားဂိုဏ်းက ကူညီဖို့ ဆန္ဒရှိလား"

ဒီစကားကိုကြားတော့ ဂိုဏ်းချုပ်ကုရဲ့ မျက်နှာကလည်း မသိမသာ ပြောင်းလဲသွားခဲ့သည်။

ကုချင်းဖန်ရဲ့ လက်ရှိပန်းတိုင်က စစ်နတ်ဘုရားဂိုဏ်းကို ဘက်ရွေးခိုင်းဖို့ပဲဆိုတာ ရှင်းနေသည်။

ဂိုဏ်းချုပ်ကုက တစ်ခဏလေးတောင် မဆိုင်းမတွဘဲ တင်းတင်းမာမာ တုံ့ပြန်ခဲ့သည်။ "ကွမ်းယန်မင်းသားက သူ့ရဲ့ ဉာဏ်ပညာကြောင့် အမြဲတမ်း နာမည်ကြီးနေတာပဲကို စစ်နတ်ဘုရားဂိုဏ်းက သူ့နောက်ကို သေချာပေါက် လိုက်မှာပါ"

တွေဝေစရာ ဘာမှမရှိပေ။

မျက်လုံးကောင်းသည့် ဘယ်သူမဆို မြင်နိုင်တာက ကွမ်းယန်မင်းသား၏အင်အားစုတွေက လက်ရှိမှာ အားနည်းနေပေမဲ့ ဒါက ခဏတာပဲဖြစ်သည်။

ကုချင်းဖန်လိုမျိုး အင်အားကြီးပုဂ္ဂိုလ်တစ်ဦးရှိနေတာကြောင့် နောင်မှာ အင်အားကို ချဲ့ထွင်ဖို့က လွယ်ကူတဲ့အလုပ်တစ်ခုဖြစ်လိမ့်မည်။

စစ်နတ်ဘုရားဂိုဏ်း၏တည်ရှိမှုရည်ရွယ်ချက်က သိုင်းပညာကို ပြန်လည်အသက်ဝင်စေဖို့ပဲဖြစ်သည်။

အခုတော့ ကုချင်းဖန်နဲ့ ဆက်သွယ်ဖို့ အခွင့်အရေးတစ်ခုကို မြင်ရတာကြောင့် ဂိုဏ်းချုပ်ကုက ငြင်းပယ်မှာ မဟုတ်ပေ။

"စစ်နတ်ဘုရားဂိုဏ်းရဲ့ ထောက်ခံမှုရှိတာကြောင့် ကျွန်တော် တကယ်ကိုဂုဏ်ယူပါတယ်"

အခုချိန်အထိ တိတ်ဆိတ်နေခဲ့သည့် ကုယန်၏မျက်နှာမှာလည်း အပြုံးတစ်စွန်းတစ်စ ပေါ်လာခဲ့သည်။

စစ်နတ်ဘုရားဂိုဏ်း၏ခွန်အား။

သူ ကောင်းကောင်းသိသည်။

အခုဆိုရင် ကုချင်းဖန်က စကားအနည်းငယ်နှင့် စစ်နတ်ဘုရားဂိုဏ်းကို သူ့ဘက်ကို ယူဆောင်လာနိုင်ခဲ့တာက ကုယန်အတွက် အလွန်အကျိုးရှိခဲ့သည်။

ကမ္ဘာပေါ်မှာ အထင်ရှားဆုံး သိုင်းပညာဂိုဏ်းအနေနဲ့ စစ်နတ်ဘုရားဂိုဏ်းရဲ့ ခွန်အားက မသေမျိုးမိသားစုနှင့် ဂိုဏ်းတွေထက် မနိမ့်ပေ။

"ကွမ်းယန်မင်းသားက ရိုသေလွန်းနေပါပြီ လက်ရှိ စစ်နတ်ဘုရားဂိုဏ်းမှာ ပင်ကိုသိုင်းသခင် (၉) ယောက်၊ အသက်ဓာတ်သိုင်းဆရာ (၆) ယောက်နဲ့ စစ်မှန်တဲ့ရည်ရွယ်ချက်ရှိတဲ့သိုင်းဆရာ (၅) ယောက်ရှိပြီး အားလုံးက ကွမ်းယန်မင်းသားရဲ့ အမိန့်တွေကို လိုက်နာဖို့ အသင့်ဖြစ်နေပါပြီ"

ကုယန်ဘက်ကို ရပ်တည်ဖို့ ဆုံးဖြတ်ပြီးတာနှင့် ဂိုဏ်းချုပ်ကုက စစ်နတ်ဘုရားဂိုဏ်းရဲ့ ခွန်အားကို တမင်တကာ ဝှက်မထားနေတော့ပေ။

အဲ့အစား သူတို့၏လျှို့ဝှက်ချက်တချို့ကို တိုက်ရိုက်ပြောပြလိုက်သည်။

ဒီလိုအချိန်မျိုးမှာ ကိုယ့်ရဲ့အုတ်မြစ်စွမ်းအားကို သွယ်ဝိုက်ပြသခြင်းက အခြားတစ်ဖက်ကို ပိုပြီးတန်ဖိုးထားစေနိုင်သည်။

တကယ်လည်း စစ်နတ်ဘုရားဂိုဏ်း၏စွမ်းရည်တွေအကြောင်းကို ကြားတော့ ကုယန်ရဲ့ မျက်နှာမှာလည်း အံ့အားသင့်မှုတွေ ပေါ်လာခဲ့သည်။

သိုင်းသခင် (၂၀) ပြီးတော့ စစ်မှန်သောရဉ်ရွယ်ချက်သိုင်းဆရာ (၅) ဦးအထိ ပါဝင်နေသည်။

ဒီလိုအင်အားမျိုးက သာမန်အားဖြင့် အစွမ်းမရှိပေ။

လျှို့ဝှက်အစောင့်မှာလည်း သိုင်းသခင် (၁၁) ယောက်ရှိပေမဲ့ သိုင်းသခင် အားလုံးက အဆင့်တူတွေ မဟုတ်ကြပေ။

ပင်ကိုသိုင်းသခင်။

သူတို့က သိုင်းသခင်တွေထဲမှာ အားအနည်းဆုံးအဆင့်ဟု သတ်မှတ်ကြသည်။

နှိုင်းယှဉ်ချက်အရတော့ သာမန် အသက်ဓာတ်သိုင်းဆရာတွေက ပသ်ကိုသိုင်းသခင်တွေထက် သုံးပုံပိုပြီး အစွမ်းထက်သည်။

အဲဒီနောက်မှာ စစ်မှတ်သောရည်ရွယ်ချက်နှင့်သိုင်းဆရာတွေ ရှိသည်။

အခုဆိုရင် စစ်နတ်ဘုရားဂိုဏ်းမှာ ပင်ကိုသိုင်းသခင်တွေနှင့် အသက်ဓာတ်သိုင်းဆရာတွေတင်မကဘဲ စစ်မှန်သောရည်ရွယ်ချက်သိုင်းဆရာတွေလည်း ရှိနေသည်။

ဒါက ကုယန်ကို ဘယ်လိုလုပ် စိတ်မလှုပ်ရှားစေဘဲနေနိုင်မည်နည်း။

စစ်နတ်ဘုရားဂိုဏ်းက အခု သူ့အပေါ် သစ္စာစောင့်သိနေပြီဖြစ်တာကြောင့် ဒီလိုအင်အားမျိုးက သူ့အတွက် အသုံးပြုဖို့ ရနိုင်ပြီ။

ကုယန်ကလည်း ကောင်းကောင်းသိသည်။

သူ့၏လက်ရှိဂုဏ်သတင်းနှင့် ခွန်အားနှင့်ဆိလျှင် စစ်နတ်ဘုရားဂိုဏ်းကို လက်အောက်ခံဖို့ မဖြစ်နိုင်ပေ။

သူတို့လက်အောက်ခံရတဲ့ အကြောင်းရင်းအစစ်အမှန်က သူ့အဖေကို လေးစားလို့ပဲဖြစ်သည်။

လွန်ခဲ့တဲ့ နှစ်ပေါင်းတစ်သောင်းက သိုင်းဘိုးဘေးနှင့် တန်းတူသည့် အထွတ်အထိပ်ကျွမ်းကျင်ပညာရှင်တစ်ဦးက စစ်နတ်ဘုရားဂိုဏ်းကို စေတနာအလျောက် လက်အောက်ခံစေဖို့ လုံလောက်ပါသည်။