ကိုယ့်ကိုယ်ကို တပည့်အဖြစ် သတ်မှတ်ခြင်း

ထို့နောက် ကုယွန်က ကုချင်းဖန်ကို ကြည့်ပြီး "ဆရာကု နတ်ဆိုးဝိညာဉ်တွေ မသေနိုင်ဘူးဆိုတာ အခြေခံသဘောတရားတစ်ခုပါ အတိအကျပြောရရင် ဆရာက ဘယ်လိုနည်းနဲ့ နတ်ဆိုးဝိညာဉ်ကို သတ်ပစ်နိုင်ခဲ့တာလဲ" ဟု မေးမြန်းခဲ့သည်။

ဒီမေးခွန်းက.. သူ့ရင်ထဲမှာ အချိန်အကြာကြီး လေးလံနေခဲ့သည်။

အခုအချိန်ထိ ကုယွန် မမေးဘဲမနေနိုင်တော့ပေ။

ဒီကိစ္စနှင့်ပတ်သက်ပြီး ကုယန်၏မျက်နှာမှာလည်း စပ်စုချင်သည့်အမူအရာ ပေါ်လာခဲ့သည်။

ကုချင်းဖန်က သူတို့နှစ်ဦးရဲ့အကြည့်ကိုမြင်တော့ "နတ်ဆိုးဝိညာဉ်တွေ မသေတာက သိုင်းပညာရှင်တွေရဲ့ သက်ရှိအဆင့်က မလုံလောက်လို့ နတ်ဆိုးဝိညာဉ်တွေရဲ့ သက်ရှိအဆင့်က ပိုမြင့်တယ် နတ်ဆိုးဝိညာဉ်တွေနဲ့ သက်ရှိအဆင့်တူညီတဲ့ အဆင့်ကို ဝင်ရောက်မှသာ သူတို့ကို သတ်နိုင်တယ်

ဒါကြောင့်လည်း နတ်ဆိုးဝိညာဉ်တွေကို သတ်ဖို့ ခက်ခဲတာ ဒါပေမဲ့ နတ်ဆိုးဝိညာဉ်တစ်ခုကတော့ အခြားနတ်ဆိုးဝိညာဉ်တွေကို စားသုံးနိုင်တယ်"ဟု ပြောလိုက်သည်။

သက်ရှိအဆင့်။

ဒီစကားကိုကြားတော့ ကုယွန်နဲ့ ကုယန်တို့ နှစ်ယောက်သား တစ်ဦးကိုတစ်ဦး ကြည့်လိုက်ကြသည်။

သူတို့အတွက်တော့ ဒီအသုံးအနှုန်းက ဝိုးတိုးဝါးတား ဖြစ်နေခဲ့သည်။

ကုချင်းဖန်က ဆက်ပြောသည်။ "လောကမှာရှိတဲ့ သိုင်းပညာက ချို့ယွင်းနေတယ် သာမန်သိုင်းသခင်တစ်ဦးက နှစ်ငါးရာပဲ အသက်ရှင်နိုင်ပြီး သွေးချီသိုင်းသခင်တစ်ဦးတောင် အများဆုံး နှစ်ရှစ်ရာလောက်ပဲ အသက်ရှင်နိုင်တယ်"

"ဒီလိုသိုင်းပညာမျိုးက သိုင်းပညာရှင်ရဲ့ သက်ရှိအဆင့်ကို ပြောင်းလဲပေးနိုင်ရုံသာမကဘဲ အသက်ကိုလည်း သိသိသာသာ လျှော့ချပစ်တယ်"

လောကရှိ သိုင်းပညာ ချို့ယွင်းနေတာလား။

ဒီထုတ်ပြန်ချက်က...သူတို့နှစ်ယောက်ကို ထပ်မံထိတ်လန့်သွားစေခဲ့သည်။

ကုယွန်က ထပ်မံမေးမြန်းခဲ့သည် "ဆရာကုက လောကကသိုင်းပညာက ချို့ယွင်းနေတယ်လို့ ပြောခဲ့တယ် ဒါဆို ပြီးပြည့်စုံတဲ့ သိုင်းပညာဆိုတာ ဘာလဲ"

"ပြီးပြည့်စုံတဲ့ သိုင်းပညာ"

"အသားအရေသန့်စင်ခြင်းက နှစ်တစ်ရာ့ရှစ်ဆယ် အသက်ရှင်နိုင်တယ် သွေးသန့်စင်ခြင်းက နှစ်လေးရာ၊ အရိုးသန့်စင်ခြင်းက နှစ်ခုနစ်ရာ့ငါးဆယ်၊ ရိုးတွင်းခြင်ဆီသန့်စင်ခြင်းက နှစ်တစ်ထောင့်နှစ်ရာလောက်၊ အကယ်၍ ကိုယ်အင်္ဂါသန့်စင်ခြင်းအဆင့်ကို ရောက်နိုင်ရင် နှစ်နှစ်ထောင်အထိ အသက်ရှင်နိုင်တယ်"

"အကယ်၍ ကိုယ်အင်္ဂါတွေကို ပြီးပြည့်စုံအောင် သန့်စင်နိုင်ရင် သိုင်းပညာရှင်ရဲ့ သက်ရှိအဆင့်က နတ်ဆိုးဝိညာဉ်တွေနဲ့ အဆင့်တူဖြစ်အောင် ပြောင်းလဲသွားနိုင်တယ်"

"အကယ်၍ ကိုယ်အင်္ဂါသန့်စင်ခြင်းအတားအဆီးကို ဖြတ်ကျော်ပြီး သိုင်းသခင်အဆင့်ကို ရောက်ရှိနိုင်ရင် နှစ်သုံးထောင်အထိ အသက်ရှင်နိုင်တယ်"

ဒါက ကုချင်းဖန် ပထမဆုံးအကြိမ် ပြီးပြည့်စုံတဲ့ သိုင်းပညာကို အခြားသူတွေရှေ့မှာ ဆွေးနွေးတာဖြစ်သည်။

ဒါမှမဟုတ် ဒါကို ပြီးပြည့်စုံတဲ့ သိုင်းပညာလို့ ခေါ်သင့်သည်။

ဒီလိုသိုင်းပညာမျိုးရဲ့ ရှေ့မှာတော့ ယခင်က သိုင်းပညာတွေက အတုအပတွေသာဖြစ်ပြီး ဒီလိုသိုင်းပညာမျိုးကသာ စစ်မှန်တဲ့ သိုင်းပညာ ဖြစ်သည်။

ဒီလိုစကားတွေက.. ကုယွန်ကို အလွန်အမင်း တုန်လှုပ်စေခဲ့သည်။

ကိုယ်အင်္ဂါသန့်စင်ခြင်း နှစ်နှစ်ထောင်!

သိုင်းသခင်အဆင့် နှစ်သုံးထောင်!

ဒါတွေက သူအရင်က ဘယ်တုန်းကမှ မတွေးဝံ့ခဲ့တဲ့အရာတွေပဲဖြစ်သည်။

ဒီစကားတွေကို အခြားသူတစ်ယောက်က ပြောခဲ့မယ်ဆိုရင် ကုယွန်က လျှောက်ပြောနေတာလို့ ထင်မိမှာပဲဖြစ်သည်။

ဒါပေမဲ့ ဒီစကားတွေက ကုချင်းဖန်ဆီက လာတာဆိုတော့ မတူတော့ပေ။

ဘာပဲဖြစ်ဖြစ်၊ သူက လက်ရှိမှာ သိုင်းပညာမှာ အထွတ်အထိပ်လူဖြစ်နေတာကြောင့် သူပြောတဲ့အရာက အမှန်ဖြစ်ရမည်။

ဒါ့အပြင် ကုချင်းဖန်က နတ်ဆိုးဝိညာဉ်ကို သတ်ပစ်တာကို သူမျက်မြင်ကိုယ်တွေ့ မြင်ခဲ့ရသည်။

ဒါကြောင့် ကုယွန်က ကုချင်းဖန်ရဲ့စကားတွေရဲ့ အမှန်တရားကို သံသယမဝင်တော့ပေ။

ချက်ချင်းပင် ကုယွန်က ကုချင်းဖန်ကို အလေးအနက် ဦးညွှတ်အရိုအသေပေးပြီး လေးစားမှုအပြည့်နဲ့ "ကျေးဇူးပြုပြီး ကျွန်တော့်ကို ပြီးပြည့်စုံတဲ့ သိုင်းပညာကို သင်ကြားပေးပါ"ဟု တောင်းဆိုခဲ့သည်။

ဒါက အခု ကုယွန်၏တစ်ခုတည်းသော အတွေးပဲဖြစ်သည်။

ပြီးပြည့်စုံသည့် သိုင်းပညာ။

ဒီလိုသိုင်းပညာအကြောင်း သိရတော့ ကုယွန်က လိုလိုလားလားနဲ့ သင်ယူချင်နေခဲ့သည်။

သူ ကောင်းကောင်းသိည်။

အကယ်၍ ပြီးပြည့်စုံသည့် သိုင်းပညာကို လောကထဲကို ထုတ်ဖော်လိုက်မယ်ဆိုရင် မှော်ဆရာတွေရဲ့ အုပ်စိုးမှုက လုံးဝပျက်စီးသွားလိမ့်မည်။

"ငါက ပြီးပြည့်စုံတဲ့ သိုင်းပညာထဲကို ဝင်ရောက်ခဲ့ပေမဲ့ လုံးဝအသစ်ဖြစ်တဲ့ သိုင်းပညာကို ဖန်တီးဖို့က သိပ်မလွယ်သေးဘူး အခုချိန်အထိတော့ ငါ ပြီးပြည့်စုံတဲ့ သိုင်းပညာရဲ့ နက်နဲတဲ့လျှို့ဝှက်ချက်တွေကို အနည်းငယ်ပဲ သိသေးတယ်

ဒီ အသက်ရှည်ကျင့်စဉ်က ငါဖန်တီးထားတဲ့ သိုင်းပညာရဲ့ အစပဲ မင်းစိတ်ဝင်စားရင် ကြည့်သင်တ့ယ်"

ကုချင်းဖန်က ရေးထားတဲ့ အသက်ရှည်ကျင့်စဉ်ကို ကုယွန်ရဲ့လက်ထဲကို ပေါ့ပေါ့ပါးပါး ပေးလိုက်သည်။

ဒါကိုမြင်တော့ ကုယွန်က ရတနာတစ်ခုကို ရှာတွေ့လိုက်သလိုဖြစ်သွားသည်။

ချက်ချင်းပင် ကုယွန်က အသက်ရှည်ကျင့်စဉ်ကို ဖွင့်ကြည့်ပြီး အထဲမှာ နှစ်မြှုပ်သွားခဲ့သည်။

အချိန်အတော်ကြာတော့မှ ကုယွန်က အသက်ရှည်ကျင့်စဉ်ထဲကနေ ထိတ်လန့်နေတဲ့မျက်နှာနဲ့ ပြန်လည်သတိဝင်လာခဲ့သည်။

အခုချိန်မှာ အရေပြားသန့်စင်ခြင်းအဆင့်၏နည်းလမ်းတွေပဲ ပါဝင်သေးပေမဲ့ သူ့ရဲ့နက်နဲမှုက ကုယွန်ကို စွဲလမ်းစေခဲ့သည်။

သူ့မှာ ကြိုတင်သိစိတ်တစ်ခု ရှိသည်။

အကယ်၍ သူသာ ဒီ အသက်ရှည်ကျင့်စဉ်ကို လေ့ကျင့်နိုင်ခဲ့ရင် အရေပြားသန့်စင်ခြင်းအဆင့်ရဲ့ ပထမဆုံးအပိုင်းကတောင် သူ့ရဲ့ကိုယ်ပိုင်စွမ်းအားကို ထပ်မံမြှင့်တင်ပေးနိုင်မယ်လို့ ခံစားရသည်။

ကုယွန်က သိုင်းသခင်အဆင့်ကို ခြေတစ်လှမ်းချပြီးသားဖြစ်သည်။

သူ့ကို စစ်မှန်သည့်ရည်ရွယ်ချက်သိုင်းဆရာဟု ခေါ်တာထက် တစ်ဝက်တစ်ပျက်သိုင်းသခင်လို့ ခေါ်တာက ပိုသင့်တော်သည်။

ကုယွန်ရဲ့အဆင့်မှာ သိုင်းသခင်အဖြစ် အဆင့်တက်တာ ဒါမှမဟုတ် ပိုနက်နဲတဲ့ စစ်မှန်သည့်ရည်ရွယ်ချက်ကို သိရှိတာမျိုး မဟုတ်ရင် စွမ်းအားမှာ ရှေ့ဆက်ဖို့ နည်းလမ်းမရှိတော့ဘူးလို့ ထင်ရသည်။

ဒါပေမဲ့ အခုတော့ အသက်ရှည်ကျင့်စဉ်ကို မြင်တော့ ကုယွန်က ပိုပြီးတိုးတက်ဖို့ အခွင့်အရေးတစ်ခုကို မြင်လိုက်ရသည်။

ချက်ချင်းပင် ကုယွန်က လေးနက်စွာ အသက်ရှူလိုက်ပြီး ကုချင်းဖန်ကို အလေးအနက် ဦးညွှတ်အရိုအသေပေးလိုက်သည်။

"ဒီနေ့မှာ ဆရာကုဆီက အသက်ရှည်ကျင့်စဉ်ကို လက်ခံရရှိတာက ဒီလူငယ်ကို ပြီးပြည့်စုံတဲ့ သိုင်းပညာကို မြင်ခွင့်ရစေခဲ့တယ် အခုကစပြီး ကျွန်တော် ဆရာကုရဲ့ တပည့်တစ်ဦးအဖြစ် ဘေးမှာ အမှုထမ်းပါ့မယ်"

"ဂိုဏ်းချုပ်ကုက အလေးအနက်ထားလွန်းပါတယ် ဒီလိုသိုင်းပညာလဲလှယ်တာက ဒါမျိုးမလိုအပ်ပါဘူး"

ကုချင်းဖန်က ခေါင်းခါရင်း ငြင်းဆိုခဲ့သည်။

ဒါပေမဲ့ ကုယွန်ရဲ့ သဘောထားက ဒီတစ်ခါမှာတော့ အလွန်ခိုင်မာခဲ့သည်။ သူက "သင်ယူရာမှာ ပထမဆုံး ၊ နောက်ဆုံးဆိုတာမရှိပါဘူး ရောက်ရှိပြီးသားသူတွေက ဆရာတွေပဲ ဒါက သိုင်းပညာအတွက်လည်း အမှန်ပဲ ဆရာကုက ဒီတပည့်ကို အသက်ရှည်ကျင့်စဉ်ကို ပေးပြီး ကျေးဇူးပြုခဲ့တယ် ဒီလိုကြီးမားတဲ့ ကျေးဇူးကို ဘယ်လိုလုပ် မမှတ်ထားဘဲနေနိုင်မှာလဲ"

ကုယွန်က တပည့်နေရာကို ယူဖို့ အတင်းအကျပ်ပြောနေတာကို မြင်တော့ ကုချင်းဖန်က ဆက်မပြောတော့ပေ။

ဒါက အကောင်းဆုံးဖြစ်နိုင်သည်။

ဒီဆက်ဆံရေးရှိနေပြီဆိုရင် စစ်နတ်ဘုရားဂိုဏ်းကို သူ့အတွက် အမှန်တကယ် အသုံးပြုနိုင်လိမ့်မည်။

ထို့နောက် ကုချင်းဖန်က အသက်ရှည်ကျင့်စဉ်ရဲ့ နောက်တစ်အုပ်ကို ကုယန်ကိုလည်း ပေးလိုက်သည်။

"အခု အသက်ရှည်ကျင့်စဉ်က မပြီးပြည့်စုံသေးဘူး။မင်းလေ့လာနိုင်တယ်၊ ဒါပေမဲ့ ငါ့ရဲ့ခွင့်ပြုချက်မရှိဘဲ ထုတ်ဖော်လို့ မရသေးဘူး"

"ဟုတ်ကဲ့"

ကုယွန်နဲ့ ကုယန် နှစ်ယောက်လုံးက အလေးအနက် ခေါင်းညိတ်ခဲ့ကြသည်။

"ကောင်းပြီ၊ ဒီတိုက်ပွဲကလည်း ငါ့ကို ပင်ပန်းစေတယ် ဒီကိစ္စတွေက ပြီးသွားပြီဆိုတော့ ငါ ခရိုင်မှာ အကြာကြီးနေတော့မှာ မဟုတ်ဘူး ကျန်တဲ့ကိစ္စတွေကို မင်းရဲ့ဆုံးဖြတ်ချက်နဲ့ ကိုင်တွယ်နိုင်တယ်"

ကုချင်းဖန်က ကုယန်ကို မှာကြားပြီးနောက် ထွက်ခွာသွားခဲ့သည်။

သူဒီကိုလာတဲ့ ရည်ရွယ်ချက်က ထန်းယန်ဓားဂိုဏ်းကို ရင်ဆိုင်ဖို့သက်သက်ပဲ ဒါပေမဲ့ အခု ကုယွီထျန်နဲ့ ထန်းယန်ဓားဂိုဏ်းက အခြားအင်အားကြီးပုဂ္ဂိုလ်တွေအားလုံးကို သတ်ပစ်ပြီးပြီဖြစ်တာကြောင့် သူနေစရာ မလိုတော့ပေ။

ဒီတိုက်ပွဲ‌က ကုချင်းဖန်ကို သူ့ရဲ့ကိုယ်ပိုင်စွမ်းအားကို ရှင်းရှင်းလင်းလင်း နားလည်စေခဲ့သည်။

သူ့ရဲ့ လက်ရှိ အထွတ်အထိပ်တာအိုသခင်အဖြစ် စွမ်းအားက အဆင့်မြှင့်တင်ခြင်းနယ်ပယ်က ထိပ်တန်းကစားသမားတွေနဲ့ တန်းတူနီးပါးပဲဖြစ်သည်။

သို့သော်လည်း သူက ကောင်းကင်သွေးကြောတစ်ခုကို သုံးလိုက်မယ်ဆိုရင်တော့ နောက်ပိုင်းလူတွေကို အလွယ်တကူ ဖိနှိပ်နိုင်လိမ့်မည်။

သူက ကောင်းကင်သွေးကြောနှစ်ခုကို သုံးလိုက်မယ်ဆိုရင်တော့ ကုယွီထျန်ရဲ့အဆင့်ကသူတွေဟာ သူ့ရဲ့တစ်ချက်တည်းသော ဓားချက်ကိုတောင်မှ ခံနိုင်ရည်မရှိနိုင်ပေ။

အဆင့်မြှင့်တင်ခြင်းနယ်ပယ်ထက် ပိုမိုအင်အားကြီးတဲ့သူတွေ ရှိနေရင်တောင် ကုချင်းဖန်က သူ့ရဲ့လက်ရှိခွန်အားနဲ့ တိုက်ခိုက်ဖို့ အခွင့်အရေးရှိတယ်လို့ ခံစားရသည်။

ကုချင်းဖန် ထွက်သွားပြီးနောက် ကုယန်က သူ့ရဲ့ဗိုလ်ချုပ်တွေအားလုံးကို ချက်ချင်းစုရုံးခဲ့သည်။

အဓိကခန်းမမှာ ဗိုလ်မှူးတစ်ဒါဇင်ကျော် စုဝေးနေကြသည်။

သူတို့ရဲ့မျက်နှာမှာ ကြောက်ရွံ့မှုတွေနဲ့အတူ သူတို့ရဲ့မျက်လုံးတွေကလည်း စိတ်အားထက်သန်နေခဲ့သည်။

ခရိုင်ရှေ့က တိုက်ပွဲက အခုဆိုရင် အဝေးကြီးကို ပျံ့နှံ့နေပြီဖြစ်သည်။

သူတို့မင်းသား၏နောက်ကွယ်မှာ တန်းတူမရှိသည့် အင်အားကြီးပုဂ္ဂိုလ်တစ်ဦးက ထောက်ပံ့ပေးနေတယ်ဆိုတာကို သူတို့ ရှင်းရှင်းလင်းလင်း နားလည်ခဲ့ကြသည်။

မသေမျိုးဂိုဏ်းက အင်အားအကြီးဆုံးသူကိုတောင်မှ သူက တိုက်ရိုက်သတ်ပစ်ခဲ့သည်။

ဒီလိုအင်အားကြီးပုဂ္ဂိုလ်တစ်ဦးရဲ့ ထောက်ပံ့မှုရှိနေတာကြောင့် ကုယန်ဟာ ကောင်းကင်အောက်မှာ ယှဉ်ပြိုင်ဖို့ အရည်အချင်းရှိနေမှာ အမှန်ပဲဖြစ်သည်။

ဒီလူတွေက သူ့နောက်ကို လိုက်ပါပြီး တစ်နေ့ကျ ကုယန်ဟာ အဲ့ဒီရာထူးကို တကယ်ပဲ ရောက်သွားခဲ့မယ်ဆိုရင် သူတို့ဟာ အောင်မြင်တဲ့ဝန်ကြီးတွေဖြစ်လာမှာဖြစ်ပြီး သူတို့ရရှိနိုင်တဲ့အကျိုးကျေးဇူးတွေက စိတ်ကူးမယဉ်နိုင်အောင်ပဲဖြစ်သည်။

အထူးသဖြင့် မူလက တော်ဝင်နန်းတော်နဲ့ စစ်နတ်ဘုရားစစ်တပ်က ဗိုလ်ချုပ်တချို့က အခုဆိုရင် ကုယန်ကို လက်အောက်ခံဖို့ သူတို့ရဲ့ရွေးချယ်မှုက အလွန်ပညာရှိတယ်လို့ ခံစားရသည်။