ရိက္ခာခွဲဝေရေး

ကျန်းရှောင်ယုသည် ယီယွင်ကို သံသယမဖြစ်ဘဲ ထိုကမ္ဘာကြီး၏ အသွင်အပြင်များကို သူ့အား ရှင်းပြခဲ့သည်။

ယီယွင်သည် ဤကမ္ဘာပေါ်တွင် ကိုယ်ခံပညာကို အလေးထားသည့် ကမ္ဘာတစ်ခုဟု မူလက ထင်ထားသော်လည်း ကျန်းရှောင်ယု ရှင်းပြသည်ကို နားထောင်ပြီးနောက် ယီယွင်သည် သူသိသော ကိုယ်ခံပညာထက် ဤကမ္ဘာကြီးတွင်ရှိ‌သော ကိုယ်ခံပညာသည် များစွာ အဆင့်မြင့်ကြောင်းသိလိုက်ရသည်။

သေချာသည်မှာ ဤကမ္ဘာသည် ကိုယ်ခံပညာကိုသာ အထူးအသုံးပြု သောကမ္ဘာဖြစ်သည်။ ဤကမ္ဘာကြီး၌ လူသားများသည် ၎င်းတို့၏မြို့များ၊အခြေစိုက်စခန်းများနှင့် တောရိုင်းတိရစ္ဆာန်များနဲ့အတူ ယှဉ်တွဲနေထိုင်လျှက်ရှိသည်။လူသားများသည် အမဲလိုက်သည့် အခါတွင် တောတွင်းသတ္တဝါများနှင့် တိုက်ခိုက်ရခြင်း၊ လယ်ယာလုပ်ငန်းများ ထိုသတ္တဝါများ လာရောက်ဖျက်စီးသည်။ အန္တရာယ်များနှင့်ရင်ဆိုင်နေရသည်။ထိုသို့ ကြီးမားလှသော သားရဲများကြောင့် လူသားများ၏ သွားလာသည့်နေရာများကို ကန့်သတ်ထားသည်။ထိုကြောင့် သာမန်ပြည်သူတွေကြားမှာ ထောက်ပံ့ရေး‌ငွေများလိုအပ်လျှက်ရှိသည်။

အခြေစိုက်စခန်းများ သို့မဟုတ် မြို့အတွက်၊ အဆင့်မြင့် စစ်သည်များသည် မြို့ကိုကာကွယ်ရန်အတွက် အဓိကကျသည်။ အဆင့်မြင့်စစ်သည်များ၏အကာအကွယ်မပါဘဲ၊ တောတွင်းသတ္တ၀ါများသည် စခန်းများနှင့်မြို့များတွင်နေထိုင်သူများကို တစ်ညအတွင်းဖျက်ဆီးနိုင်‌ပေသည်။

ကံမကောင်းစွာပဲ၊ယီယွင် နှင့် ကျန်းရှောင်ယု မျိုးနွယ်တွင် အဆင့်မြှင့်စစ်သည်တော်တစ်ဦးမျှမရှိသော သေးငယ်သောမျိုးနွယ်ဖြစ်သည်။ မျိုးနွယ်စုတစ်ခုလုံးသည် အချိန်မရွေး ပျက်စီးသွားနိုင်သည့် မရေရာသော အခြေအနေတွင် ရှိနေသည်။ ခွန်အားမရှိခြင်းကြောင့် ထိုလူမျိုးစုငယ်များသည် ထွန်ယက်စိုက်ပျိုးခြင်း သို့မဟုတ် စားနပ်ရိက္ခာစုဆောင်းရာတွင် အခက်အခဲများစွာရှိခဲ့သည်။

၎င်းတို့သည် သူတို့ဘာသာ အမဲလိုက်နိုင်ခြင်း မရှိသော်လည်း မျိုးနွယ်စုကြီးများနှင့် မြို့ကြီးများအတွက် မြှားများနှင့် သံချပ်ကာကဲ့သို့သော လက်နက်များ ထုတ်လုပ်ခြင်းအပေါ် မှီခိုအားထားကာ ရိက္ခာနှင့် အသားအချို့ကို လဲလှယ်လေ့ရှိကြသည်။

ကျန်းရှောင်ယုက မြှားများအတွက် ကုန်ကြမ်းပစ္စည်းများကိုမျိုးနွယ်စုကြီးများဆီမှရသည်။ သူမသည်ထုတ်လုပ်ရေးအတွက်သာ တာဝန်ယူခဲ့သည်။

“ယွင်အာ အိပ်တော့လေ၊အမ မနက်ဖြန် ဒီမြှားတွေနဲ့ ရိက္ခာနည်းနည်းနဲ့ အသားတစ်ပိုင်းကို လဲလို့ရပါပြီ။လမ်းမှာတွေခဲ့တဲ့ သတ္တဝါကြီးကို မှတ်မိသေးလား" ထိုသတ္တ၀ါတို့သည် အပြင်းထန်ဆုံး သားရဲများဖြစ်ပြီး အလွန်ကြီးမားသော မျိုးနွယ်စုများသာ ၎င်းတို့ကို အမဲလိုက်နိုင်သည်။ တစ်တုံးစားရုံဖြစ်‌ပင် ခွန်အားအများကြီးပေးသည်။

"အဲ့အသားတွေအများကြီးစားရင် သူရဲကောင်းတစ်ယောက်ဖြစ်လာနိုင်တယ်"ဟုအမကျန်းရှောင်ယု ကဆိုသည်။

သူ့‌မောင်လေးက စစ်သူရဲ‌ကောင်းတယောက်ဖြစ်လာရင် လုံးဝကို ခမ်းနားနေမှာဖြစ်တယ်ဟု အိပ်မက်မက်သလို ပြောနေသည်။

လအနည်းငယ်ကြာတိုင်း ထိုသားရဲတစ်ကောင်၏အသားတပိုင်းလောက်ကိုသာ သူတို့စားခွင့်ရသည်မှာ စိတ်မကောင်းစရာပင်ဖြစ်သည်။

မောင်ဖြစ်သူ သူရဲကောင်းဖြစ်ရန် မျှော်လင့်ချက်သည် လွန်ကဲသော ဆန္ဒတစ်ခုအဖြစ် ဦးတည်သွားခဲ့သည်။

သို့သော်လည်း မျိုးနွယ်စုကြီးများတွင်လူငယ်များသည် ၎င်းတို့၏စားစရာအတွက် ထိုသားရဲများ ရှိကြပြီး၊ ၎င်းသည် မျိုးနွယ်စုကြီးများတွင် အဖိုးမဖြတ်နိုင်ပေ။ထိုသားရဲသတ္တ၀ါများသည် အမဲလိုက်ရန် ခဲယဉ်းလှသည်၊ သားရဲသတ္တဝါကြီးသည် အမြင့်ဆယ်မီတာကျော်ရှိပြီး အလေးချိန်မှာတန်ချိန် အတော်အသင့်ရှိလှသည်။

လူမျိုးစုကြီးများမှ မာနကြီးသော အထက်တန်းစားများဖြစ်သည့်အားလျှော်စွာ မကောင်းဆိုးဝါးသားရဲများ၏ အသားသည် သူတို့အတွက်တော့ အဓိကမဟုတ်‌ပေ။သူတို့ အဓိက လိုချင်သည်မှာ မ‌ကောင်းဆိုးဝါးသားရဲ၏အရိုးမှထွက်သောအရာသာဖြစ်သည်။

ထိုသားရဲသတ္တဝါများ၏ အရိုးကို အထူးနည်းလမ်း ဖြင့်စီမံဖော်ထုတ်မှသာ ပဲစေ့အရွယ်လောက်ရှိသော ရိုးတွင်းခြင်ဆီကိုသာရသည်။

ထိုရိုးတွင်းခြင်ဆီကို သိုင်းပညာရှင်များက ၎င်းတို့၏ သိုင်းပညာအဆင့်မြှင့်ခြင်း၊ အတွင်းအားများကို နှိုးဆွပေးခြင်းနှင့် အမျိုးမျိုးသောအကျိုးပြုသက်ရောက်မှုများဖြင့် ပညာစခန်းတက်‌စေရန် ကူညီပေးသည်။ သိုင်းပညာရှင်တိုင်း လိုလားတောင့်တသည့်အရာတစ်ခုပင်ဖြစ်သည်။

သို့သော်၊ မကောင်းဆိုးဝါး၏ အရိုးခြင်ဆီလိုအရာမျိုးသည် ကျန်း‌ရှောင်ယုနှင့်ယီယွင် တို့လို နိမ့်ပါးတဲ့ မျိုးနွယ်စုထဲက ဆင်းရဲတဲ့ မိသားစုတွေအတွက် အိမ်မက်တခုလို‌ပင်ဖြစ်သည်။

ထို‌မ‌ကောင်းဆိုးဝါးသတ္တဝါ၏ ရိုးတွင်းခြင်ဆီကို ရရန် အတွက် လျှို့ဝှက်နည်းလမ်းနှင့်အဆင့်ပေါင်းများစွာ လိုအပ်ပေသည်၊

သာမာန်လူတစ်ယောက်အနေနှင့် ၎င်းကို အောင်မြင်စွာ ဖော်စပ်ရန် မဖြစ်နိုင်ပေ။

“မကောင်းဆိုးဝါး. . . . . မကောင်းဆိုးဝါးရဲ့ခြင်ဆီ…”ယီယွင်က သူ့ကိုယ်သူ နားမလည်နိုင်စွာ‌ ရေရွှတ်မိနေသည်။

အမ ကျန်းရှောင်ယု၏ပါးစပ်မှ သူကြားလိုက်သော စကားလုံးများသည် စိတ်၀င်စားစရာကောင်းသောကြောင့် ယီယွင်ကို အံ့အားသင့်စေခဲ့သည်။

တိတ်ဆိတ်သောညတစ်ညပြီးနောက် ရီယွင်သည် ဆာလောင်မှုကြောင့် နောက်တစ်နေ့နံနက်စောစောတွင် နိုးထလာသည်။ ရက်အ‌တော်ကြာအောင် ဘာမှမစားဘဲ ယာဂုနည်းနည်းစားရုံဖြင့် ယီယွင်၏ ဆာလောင်မှုကို မတားဆီးနိုင်ပေ။

" အမ ကျန်းရှောင်ယု"

အခုတော့ ယီယွင် သည် ကျန်းရှောင်ယုကို အမ‌ ရှောင်ယု ဟု ခေါ်သည်။မနေ့ကပြောသည့်အထဲတွင် ကျန်းရှောင်ယုအား အမရှောင်ယု ဟူခေါ်လေ့ရှိသည်ကို ယီယွင် သိထားသောကြောင့် ဖြစ်သည်။

"အိုး...အမရှောင်ယု အမဘာဖြစ်လို့လဲ..."

ကျန်းရှောင်ယု၏အဝတ်အစားများသည် နှင်းရည်များစွာဖြင့် စိုရွှဲနေသည်ကို ယီယွင် ရုတ်တရက် သတိပြုမိခဲ့သည်၊ သူမ၏ မူလကတောက်ပသော မျက်လုံးများသည် ယခုအခါနီရဲနေလျှက်ရှိပြီးအလွန်ပင်ပန်းနေပုံပေါ်သည်။

ကျန်းရှောင်ယု သယ်ထားသော မြှားနှစ်စည်းကို ကြည့်လိုက်ပြီး မြှားတွေကို ပြီးအောင်လုပ်ဖို့ အမရှောင်ယု တစ်ညလုံး မအိပ်ရသေးကြောင်း ယီယွင်သဘောပေါက်သွားသည်။

သူတို့ဟာ ဆင်းရဲလွန်းလို့ ဆီမီးထွန်းဖို့ မတတ်နိုင်ကြပါပေ။ကျန်းရှောင်ယုသည် ပိုးစုန်းကြူးများနှင့် မှိန်ပျသော လရောင်အောက်တွင် မြှားများကို တစ်ညလုံးပြုလုပ်နေရသည်။

ကျန်းရှောင်ယုက ပြုံးရင်း "ယွင်အာ ဘာလို့အပင်ပန်းခံနေတာတုန်း ငါမင်းကို ပြုစုစောင့်ရှောက်မှာပေါ့၊ လွန်ခဲ့တဲ့ နှစ်ရက်တုန်းက မင်းရဲ့နာရေး အခမ်းအနားတွေနဲ့ ငါအလုပ်ရှုပ်နေတော့ မြှားတွေလုပ်ဖို့ အချိန်မရှိဘူး ဒီနေ့က ရိက္ခာနဲ့ လဲလှယ်တဲ့နေ့မို့ မြှားတွေမပြီးရင် တို့နှစ်ယောက် ထမင်းငတ်လိမ့်မယ်"ဟုသူမပြောရင်း ယွီယွင်၏ နဖူးကိုဖွဖွလေးနမ်းလိုက်သည်။

ကျန်းရှောင်ယုသည် မြှားနှစ်စည်းကို ဂရုတစိုက် ထုပ်ပိုးနေသည်ကို ယီယွင်ကြည့်နေသည်။ သူမ၏အမူအရာမှာ ကြည်နူးမှုနှင့် ကျေနပ်မှုတို့နှင့်ပြည့်နေသည်။

ယီယွင်သည် ကျန်းရှောင်ယု၏လက်အား တင်းတင်ကြပ်စွာဆုပ်ကိုင်ထားသည်။ သူ့အား ပြုစုစောင့်ရှောက်ပေးသော အမအား ပိုမိုကောင်းမွန်သော ဘဝပေးနိုင်ရန် သူဆုံးဖြတ်ခဲ့သည်။

"သွားကြစို့၊ ငါတို့ရိက္ခာတွေ သွားယူဖို့ အချိန်ရောက်ပြီ"

ကျန်းရှောင်ယုသည် လေးလံသော မြှားနှစ်စည်းကို ထမ်းထားပြီး ယီယွင်၏လက်အား ဆုပ်ကိုင်ထားသည်။

သူမသည် ရိက္ခာဖလှယ်သည့်နေရာ နေချိုင့်ဝှမ်း ကွင်းပြင်ဆီသို့ မျှော်လင့်ချက်အပြည့်နှင့် လျှောက်လာသည်။

ထိုနေရာတွင် လူတွေအများကြီး စုပြုံနေပြီဖြစ်သည်။

လူများ၏အာရုံမှာစင်ပေါ်မှ သားရေဝတ်ရုံဝတ်ထားတဲ့ အမျိုးသားဆီသို့ ရောက်ရှိနေသည်။

ထိုသူသည် ခန့်မှန်းခြေအားဖြင့် အသက်နှစ်ဆယ့်ငါးနှစ်ခန့်ရှိမည်ဖြစ်ပြီး မကောင်းဆိုးဝါးသတ္တ၀ါ၏သားရေဖြင့် ပြုလုပ်ထားသော ကုလားထိုင်ပေါ်တွင် တင့်တယ်စွာထိုင်နေလေသည်။ဓားတချောင်းကိုလည်း ခါးတွင်ချိတ်ဆွဲထားသည်။

၀တ်ရုံဝတ်ထားသူသည် စင်မြင့်မှနေ၍ အောက်တွင် ဒုက္ခရောက်နေသော လူအုပ်ကို ပျင်းရိစွာ စိုက်ကြည့်နေသည်။

ဤလူများသည် မြှားစည်းများနှင့် လက်ရာမြောက်သော သားရေချပ်ဝတ်တန်ဆာများကို တွန်းထိုးပေးနေကြသည်။

ဘဏ္ဍာရေးမှူးနဲ့တူတဲ့ လူတစ်ယောက်က တွန်းထိုး၍ပေးသွားသောအရာတိုင်းကို လိုက်လံမှတ်တမ်းတင်နေသည်။

အဝါရောင် ၀တ်စုံဝတ်ထားသော လူကြီးတစ်ဦးသည် ၀တ်ရုံနှင့်လူဘေးတွင် ရပ်နေသည်။ ထိုလူကြီးက ပြုံးစိစိဖြင့် ၀တ်ရုံ၀တ်ထားသူ၏မျက်နှာကို မော့ကြည့်နေသည်။

"လက်နက်နဲ့ ချပ်ဝတ်တန်ဆာတွေက ကျေနပ်စေရဲ့လား သခင်တာအို"ဟုဆိုကာ အဝါရောင်၀တ် လူကြီးသည် သူ့ရှေ့တွင် ဦးညွှတ်ကာ ခေါင်းငုံလိုက်သည်။

၀တ်ရုံ၀တ်ဆင်ထားသော အမျိုးသားသည်ဘာတခုမျှတုံ့ပြန်မှုမလုပ်ပဲ ထိုလူကို တစ်ချက်ကြည့်လိုက်သည်။

၀တ်ရုံဝတ်ထားသောလူသည် အထင်အမြင်သေး‌သောမျက်နှာဖြင့်ကြည့်နေသော်လည်း ထိုလူကြီးသည် ပြုံးလျက်သာရပ်နေသည်။

သခင် တာအို သည် ကြီးမားသော မျိုးနွယ်စုမှ သံတမန်တစ်ဦးဖြစ်ပြီး လက်နက်များ စုဆောင်းရန် တာဝန်ယူရသည်။ သခင် တာအို ကို သူ့မျိုးနွယ်အတွက် အထူးအထွေ မသတ်မှတ်ထားပဲ ဤနေရာသို့ အလုပ်ကိစ္စဖြင့် စေလွှတ်ခဲ့ခြင်းသာဖြစ်သည်။ အဝါရောင်ဝတ်ရုံဖြင့် လူကြီးကသာ အဓိကကြီးကြပ်နေသူဖြစ်သည်။

ကျန်းရှောင်ယုက သူလုပ်ထား​သည့် မြှားနှစ်စည်းကို သစ်သားပြားနှစ်ပြားနဲ့ လဲလှယ်ပေးလိုက်လေသည်။

သစ်သားပြားနှစ်ပြားကို သူမ၏လက်ထဲတွင် တင်းတင်းကျပ်ကျပ် ဆုပ်ကိုင်ထားသည်။ထိုအရာသည် သူမနှင့် မောင်ဖြစ်သူအတွက် ရိက္ခာဖြစ်သည်။

ဆယ့်ငါးမိနစ်ခန့်ကြာပြီးနောက်တွင် ချိုကြီးများပေါက်နေသောမြင်းနှစ်ကောင် ဆွဲထားသော လှည်းကြီး‌ပေါ်သို့ လက်နက်များနှင့် သံချပ်ကာများကို တင်နေသည်။

သခင် တာအို သည် သူ့လက်အောက်ငယ်သားများနှင့်အတူ မထွက်ခွာမီ အဝါရောင်ဝတ်ထားသော အဘိုးအိုက သစ်သားသေတ္တာကြီးကို ပစ်ချရင်း စာအုပ်များကို ပျင်းရိစွာဖတ်နေသည်။

အဝါရောင်ဝတ်ထားသော လူကြီးက သခင် တာအို ကို ယဉ်ကျေးစွာ ပြုံးပြပြီးနောက် ဂုဏ်သိက္ခာရှိသော မျက်နှာထားဖြင့် ရပ်လိုက်သည်။

လူအုပ်ကြီးက “သခင်ကြီး၊ ရိက္ခာဝေငှပါ” လို့ မျှော်တလင့်တကြီး ပြောနေကြသည်။

"ဟုတ်တယ်၊ ငါတို့ရိက္ခာမရတာ လနဲ့ချီနေပြီ" အိမ်ပြန်ဖို့ ရိက္ခာတွေ ဝေတာ စောင့်နေကြလို့ လူတချို့က အော်ဟစ်လာတယ်။

"တိတ်တိတ်" အဝါရောင်ဝတ် လူကြီးက လူထုကို အမူအရာဖြင့် လှမ်းပြောသည်။ယီယွင် သည် ဤကျောရိုးမရှိသောရှေးအတ္တသမားများသည် သူတို့၏ဘိုးဘေးဖြစ်ခဲ့လိမ့်မည်ဟု ဘယ်တုန်းကမှ မထင်ထားပေ။

"လူတိုင်း စိတ်မရှည်တဲ့အတွက် ရိက္ခာတွေ ဝေလိုက်ကြရအောင်" ဟုပြောပြီးချိန်မှာတော့ သန်မာတဲ့လူတချို့က အလျင်စလို လျှောက်လာပြီး ဂိုဒေါင်ထဲက ရိက္ခာအိတ်တွေကို ထုတ်ပြီး တောင်ကုန်းတခုပေါ်တွင် စုထားလိုက်ကြသည်။

“အဲဒါ မမှန်ဘူး နာယကကြီး၊ ရိက္ခာ ဘာလို့ ဒီလောက်နည်းနေရတာလဲ”

"ဟုတ်တယ်၊ အရင်ကဆို အများကြီးရသေးတယ်" “ဒါ့ပြင် ငါတို့က ဘာလို့ အသားတွေကို မ‌တွေ့ရတာလဲ”

လူအများသည် ယခင်နှစ်များထက် လက်နက်များ ပိုမိုပေးအပ်လာရသော်လည်း ရိက္ခာပြန်ရသည်မှာ မပြောပလောက်အောင်နည်းလှသည်၊ ရိက္ခာများ ထက်ဝက်မျှလျော့ချရုံသာ မကဘဲ အသားများပါ မရတော့ချေ။

"ခင်ဗျားတို့ တရားလွန်လာပြီ၊ ဒီပမာဏနည်းနည်းလေးနဲ့ ငါတို့ကို ဘယ်လုပ်ရမှာလဲ"

"အရှင်ဘုရား၊ ဒါက ဘာအဓိပ္ပာယ်လဲ"

လူအုပ်သည် ပို၍ဆူညံ့လာသည်ကို မြင်လိုက်ရသဖြင့် အဝါရောင် ၀တ်စုံဝတ် လူကြီးက “မင်းတို့ ပါးစပ်ပိတ်ထား” ဟု အော်ဟစ်လိုက်သည်။

ခဏနေရင် မင်းတို့နားလည်လာလိမ့်မယ်။ ရိက္ခာတွေကို အခုပဲ ဝေလိုက်ပါ။ မင်းတို့ရဲ့သစ်သားပြားတွေကို လွှဲပေးလိုက်၊ မင်းတို့ဝေစု မင်းတို့ရလိမ့်မယ်

အဝါရောင်ဝတ် လူကြီးက မကျေမနပ်ဖြစ်ကာ ပါးစပ်ပိတ်ရန် ပြောလိုက်သည်။ အဝါရောင် ၀တ်စုံဝတ် လူကြီးသည် သူရဲကောင်းတဦးဖြစ်ပုံရသည်။ သူသည် အဆင့်နိမ့်သေမျိုးသွေးသူရဲကောင်းတစ်ဦးဖြစ်သော်လည်း၊မျိုးနွယ်စုကြီး၏လူယုံတော်တဦးဖြစ်သည်မှာ သေချာသည်။ ထို့ကြောင့် လူအနည်းငယ်ကသာ သူ့ကို အံတုဝံ့ကြသည်။

"စစ်သည်ပြင်ဆင်ရေးစခန်းက သူတွေကသာ ရိက္ခာကို ပထမဆုံးရရှိမယ့်သူတွေပဲ" အဝါရောင် ဝတ်လုံ လူကြီးက သူ့လက်ကို ဝှေ့ယမ်းပြီးပြောသည်။

သားရေ၀တ်ရုံ၀တ်ထားတဲ့ လူတစ်စု ရှေ့ကို လျှောက်လာခဲ့တယ်။ သူတို့၏ အသက်အရွယ်မှာ ဆယ့်ငါးနှစ်မှ လေးဆယ်နှစ် အရွယ်အထိ ဖြစ်သည်။ ခြွင်းချက်မရှိ၊ သူတို့အားလုံးသည် လေ့ကျင့်မှုကြောင့် တောင့်တင်းပြီး ခိုင်ခံ့ကျစ်လစ်သောကြွက်သားများ ရှိကြသည်။ထိုလူများသည် စစ်သည်ပြင်ဆင်ရေးစခန်းမှ အဖွဲ့ဝင်များဖြစ်ပြီး မျိုးနွယ်စု၏မျှော်လင့်ချက်ဖြစ်သည်။

ငယ်ရွယ်စဉ်ကတည်း ရုပ်ပိုင်းဆိုင်ရာ အရည်အချင်း ပြည့်ဝသော အရွယ်ရောက်ပြီးသူ အနေဖြင့် လေ့ကျင့်သင်ကြားရန် ရွေးချယ်ခံခဲ့ရသူတွေဖြစ်သည်။

ရံဖန်ရံခါတွင် အမဲလိုက်ရပြီး၊ မြှားများ သို့မဟုတ် သံချပ်ကာများကိုတော့ ထုတ်လုပ်‌ပေးရန်မလိုပေ။

ထို့အပြင် အစားအသောက်ကဲ့သို့သော ရိက္ခာမှန်သမျှကို စစ်သည်ပြင်ဆင်ရေးစခန်းသို့ ဦးစွာရရှိသည်။အဘယ်ကြောင့်ဆိုသော် သူတို့ထဲမှ တစ်ယောက်ယောက်သည် အဆင့်အတန်းမြင့်သော စစ်သူကြီးဖြစ်ခဲ့လျှင် သူတို့ မျိုးနွယ်စုကို စည်းစိမ်ဥစ္စာများဖြင့်ကြွယ်ဝစေနိုင်သောကြောင့်ဖြစ်သည်။

ကာကွယ်‌ရေးအပြင်၊ အဆင့်မြင့်စစ်သည်‌ တော်များ၏ စွမ်းရည်များသည် တောထဲထွက်၍ အမဲလိုက်ရန် အတွက် လွန်စွာအသုံး၀င်လှသည်။

တောရိုင်းတိရစ္ဆာန်ကြီး၏ အသားအနည်းငယ်မျှဖြစ် မျိုးနွယ်တစ်ခုလုံးကို ရက်ပေါင်းများစွာ အစာကျွေးနိုင်မည်ဖြစ်သည်။ဒါအပြင် အဆင့်မြင့်စစ်သည်တစ်ဦးတည်းက မျိုးနွယ်စုငယ်တစ်ခုကိုလုံးကို တာဝန်ယူနိုင်ပေသည်။

စစ်သည်တော်ပြင်ဆင်ရေးစခန်းတွင် လူ‌‌ပေါင်းများစွာရှိပြီး လက်နက်ထုတ်လုပ်ရေးတွင် တစ်ခါမှမပါဝင်ခဲ့သဖြင့် ၎င်းတို့ထံတွင် ရိက္ခာလဲလှယ်မည့် သစ်သားပြားများမရှိချေ၊သို့သော် ရိက္ခာအိတ်များကို တယောက်တလုံးစီ ယူသွားသည်။

ရိက္ခာပမာဏ၏ ငါးပုံတစ်ပုံအထိ လျှော့ချခဲ့သော်လည်း စစ်သည်ပြင်ဆင်ရေးစခန်းရသည့် ရိက္ခာပမာဏနှင့် နှိုင်းယှဉ်ပါက ရိက္ခာမရရှိသူ ဆယ်ဆပိုများသည်။

လူတော်တော်များများမှာ ငတ်ပြတ်မည့် ကံကြမ္မာနှင့်ကြုံ တွေ့ရလျှက်ရှိသည်။

ယီယွင် နံဘေးတွင်ရှိသော ကျန်းရှောင်ယု သည် သစ်သားပြားကို တင်းတင်းကျပ်ကျပ်ဆုပ်ကိုင်ထားသည်။

ရရှိသောရိက္ခာနည်းနည်းဖြင့် မည်သို့ ခွဲဝေစားမည်ကိုတွေးရင်း စိတ်ညစ်လျှက် ရှိသည်။

စစ်သည်ပြင်ဆင်ရေးစခန်းအဖွဲ့ဝင်များသည် ၎င်းတို့၏ပုံမှန်ဝေစုကိုယူလျှင် သူတို့အတွက်ရိက္ခာဝေငှရန်မလုံလောက်မည်မှာ သေချာသည်။

"ပထမအဆင့် ယောက်ျားလေးတွေရှိတဲ့ အိမ်က ရိက္ခာတွေ လာယူ" အဝါရောင်ဝတ် လူကြီးက အမိန့်ပေးတယ်။ ကိုယ်ခံပညာ အသက်ဝင်သော ဤကမ္ဘာတွင်၊ စစ်သည်တော်ပြင်ဆင်ရေးစခန်းမှမဟုတ်သော ထိုအမျိုးသားများသည် ၎င်းတို့၏စမ်းသပ်မှုကို အောင်မြင်ပါက ဝေစုကို အချိုးကျစွာ ရရှိသည်။

ရိုးရှင်းသောစမ်းသပ်မှုမှာ ခွန်အား၊ ပေါင် ၃၀၀ အလေးချိန်ကို မတင်နိုင်‌သော အမျိုးသားသာလျှင်အချိုးကျသော‌ဝေစုကိုရရှိဖြစ်သည်။

အဆင့်နိမ့်လေဝေစု နည်းလေ့ဖြစ်သည်။

‌

အလေးကိုမနိုင်သော ယောက်ျားလေးများပါရှိသည့် အိမ်ထောင်စုများသည် တိုးဝှေ့ကာ ရိက္ခာထုတ်ရန် ရှေ့သို့ ပြေးထွက်လာကြသည်။ သစ်သားပြားများသည် ရိက္ခာထုတ်ယူရန် အမှတ်သားမျှသာဖြစ်သည်။

ဤအိမ်ထောင်စုများသည် ပုံမှန်ရိက္ခာထက် များစွာနည်းသော ရိက္ခာများကို ရရှိခဲ့သော်လည်း အနည်းဆုံး တစ်စုံတစ်ခု ရရှိခဲ့သည်။

ဤအိမ်ထောင်စုများသည် မူလက ပိုချမ်းသာပြီး ပိုလျှံသော အစားအစာများ ရှိကြသည်။ ထို့ကြောင့် ရှေ့ရက်များတွင် ချွေတာဖို့ လိုအပ်သော်လည်း စိတ်ပျက်ဖွယ် အခြေအနေတော့ မဟုတ်‌ပေ။

"ဒုတိယအဆင့် ယောက်ျားလေးပါတဲ့ အိမ်က ရိက္ခာတွေ လာယူ"

အဝါရောင်ဝတ် လူကြီးက အော်လိုက်သည်။ "သခင် တာအို"မှာ သူဦးညွှတ်နေသော အဝါရောင်ဝတ် လူကြီးနှင့်ယှဉ်လျှင် သူအမူအရာမှာ အေးစက်လျှက်ရှိသည်။

ဒုတိယအဆင့် အမျိုးသားတစ်ဦးသည် ပေါင် 250 ခန့်ရှိ‌သောကျောက်တုံးကို မ ရသည်။သို့သော် သူတို့ရရှိသောရိက္ခာ ပမာဏမှာ အလွန်နည်းလျှက်ရှိသည်။

ရိက္ခာအိတ်များ လျင်မြန်စွာ လျော့နည်းကုန်သည်။ လျော့သွားသောရိက္ခာအိတ်များကို ကြည့်ပီး ကျန်းရှောင်ယု ၏ မျက်နှာသည် ‌စိုးရိမ်နေလျှက်ရှိသည်။ သူမလက်က သစ်သားပြားကို တင်းတင်းကြပ်ကြပ် ဆုပ်ကိုင်ထားသည်။

ပြဿနာက ရိက္ခာအိတ်နည်းနည်းပဲရှိတာမဟုတ်ပေ။

ဒါက အငတ်ဘေးနဲ့ကြုံရမည်ကိစ္စဖြစ်သည်။ ရိက္ခာမရှိရင် ငတ်သေလိမ့်မယ်ဖြစ်သည်။

သူမသည် မူလက ရိက္ခာဝေငှမှုအတွက် မျှော်လင့်ချက်အပြည့်ရှိခဲ့သည်။ ရိက္ခာများရယူခြင်းအပြင် ယီယွင်အား ကျွေးမွေးရန်အတွက် အသားတစ်ပိုင်းရရှိရန် မျှော်လင့်နေလျှက်ရှိသည်။ သို့သော် ပုံမှန်စားနပ်ရိက္ခာပင် မကျန်တော့ပေ။

"အဆင့်သုံး ယောက်ျားလေးတွေပါတဲ့ အိမ်က ရိက္ခာတွေ လာယူ"

ရိက္ခာများ ကုန်ဆုံးလှနည်းနည်းဖြစ်‌နေသဖြင့် ကျန်းရှောင်ယု သည် အသက်ရှုကြပ်လာသည်။

ရိက္ခာပမာဏနည်းသာကျန်‌တော့သဖြင့် အဝါရောင်ဝတ် လူကြီးက မျက်မှောင်ကြုတ်လိုက်သည်။ တော်တော်များများမှာ ရိက္ခာလက်ခံမရရှိသေးပေ။ လာမည့်လများတွင် လူများစွာသည် ငတ်၍သေရမည့် ကံကြမ္မာကြုံရဖွယ်ရှိသည်။

သို့သော် သူအတွက်အထူးအခွင့်အရေးကို ဖမ်းဆုပ်ရန် မျိုးနွယ်စု၏အကျိုးအတွက် အဝါရောင်ဝတ် လူကြီးက သူ့နှလုံးသားကို မာကျောစေပြီး အားနည်းသူများကိုသာ စတေးနိုင်‌စေခဲ့သည်။

မျိုးနွယ်စုတွင် ငတ်မွတ်ခြင်း သို့မဟုတ် ဖျားနာမှုကြောင့် သေဆုံးရခြင်းသည် သာမာန်သာဖြစ်သည်။ ဆိုးရွားသောနေထိုင်မှုအခြေအနေများကြောင့် ပျမ်းမျှသက်တမ်းသည် ကြောက်စရာကောင်းလောက်အောင် တိုတောင်းလှသည်။

“ကျန်တာ လာယူပါ”

ထိုစကားကြောင့် လူအုပ်ကြီးသည် ရှေ့သို့ ပြေးလာသည်။ လူအုပ်က ကျန်းရှောင်ယုကို တွန်းထိုး၍ပြေးလွှားနေသဖြင့် အော်ဟစ်နေရသည်။

သူမသည် တွန်းထိုးခံရမှုကြောင့် ပွန်းပဲ့ဒဏ်ရာများရရှိခဲ့သော်လည်း၊ သူမ၏ရိက္ခာရရှိရန်မျှော်လင့်ချက်ဖြစ်သော သစ်သားပြားကိုကျစ်ကျစ် ဆုပ်ကိုင်ထားလျှက် ရှိသည်။

"အမ ရှောင်ယု" ကျန်းရှောင်ယု ပြုတ်ကျတာကိုမြင်သောကြောင့်ယီယွင်က လူအုပ်ထဲ ပြေးဝင်ပြီး သူ့အမကို ဆွဲထူလိုက်သည်။

"အဆင်ပြေရဲ့လား အမ ရှောင်ယု" ယီယွင်သည် ဤလူအုပ်၏ နင်းချေခြင်းကို ခံရပြီး သေစေမည်ကို စိုးရိမ်နေသည်။ ကျန်းရှောင်ယု သည် ယီယွင်၏လက်ကို ကူကယ်ရာမဲ့ ဆုပ်ကိုင်ထားသည်။

"အတင်းအကျပ်မလုပ်နဲ့ မင်းတို့အားလုံး စည်းစနစ်တကျရှိကြ" အဝါရောင်ဝတ် လူကြီးက အော်တယ်။ သူ့အသံသည် အထူးစွမ်းအင်များဖြင့် ပြည့်နှက်ပုံရပြီး ရှေ့ကို တိုးနေသော လူအုပ်ကြီးသည် တိတ်ဆိတ်သွားသည်။

"တန်းစီပြီး တစ်ယောက်ပြီးတစ်ယောက်ယူ"ဟု အဝါရောင်ဝတ် လူကြီးက ပြောသည်။ သူ့မှာ အာဏာရှိသည့်ကို လူတိုင်းသိတဲ့အတွက် သူ့ကို ဖီဆန်ဝံ့သူ မရှိပေ။ သူသည် အမျိုးနွယ်စု၏ အမိန့်ကို မနာခံသူအားလုံးကိုထိုနေရာတွင် ကွပ်မျက်မည်ဖြစ်သည်။

လူများသည် ရိက္ခာအတွက် တန်းစီပြီး အလွန်နည်းပါးသော ပမာဏကိုသာရကြသည်။ခဏကြာတွင် ထိုနည်းပါးလှသောရိက္ခာပါ ကုန်သွားပီဖြစ်သည်။

ကျန်းရှောင်ယုသည် ၀မ်းနည်းလျှက်ရှိသည်။ ရိက္ခာမရှိရင် အသက်မရှင်နိုင်ဘူး။

“၀မ်လောင်၊ သိမ်းထားတဲ့ ရိက္ခာနည်းနည်း ထုတ်ပေးပါ” လို့ အဝါရောင်ဝတ်ထားတဲ့ လူကြီးက ထိုအမျိုးသားကို ပြောပါသည်။၀မ်‌လောင်သည် အဝါရောင်ဝတ် အကြီးအကဲ၏ တပည့်များထဲမှ တစ်ဦးဖြစ်ပုံရသည်။

“ဟုတ်ကဲ့ပါ နာယကကြီး” ၀မ်လောင်သည် ရိက္ခာလှည်းဆီ ထွက်ခွာသွားပြီး ခဏအကြာတွင် ပြန်လာခဲ့သည်။ထိုလှည်းထံတွင် ကောက်နှံများသာ သိုလှောင်ထားသော ရိက္ခာလှည်းများဖြစ်သည်။

ကမ္ဘာပေါ်တွင် အစေ့အဆန်များကို စားသုံးခြင်းသည် ကျန်းမာရေးအတွက် အထောက်အကူဖြစ်စေသော ဗီတာမင်အရင်းအမြစ်တစ်ခုဖြစ်သော်လည်း။ဤကမ္ဘာတွင် လုံးဝခြားနားသော ကိစ္စတစ်ခုဖြစ်သည်၊စပါးအကြွင်းအကျန်များကို ပြုပြင်ပြီးပါက၊ အစာအဖြစ် ဂျုံဖွဲနုနှင့် ရောစပ်ထားသည်၊ အရသာမှာ ဆိုးဝါးပီး မြိုချရန်ပင်ခက်လှပေသည်။

ထို့အပြင် စပါးတွင် အာဟာရဓာတ် ပါ၀င်မှုနည်းပါးပြီး အစာကြေရန် ခက်ခဲလှသည်။ တကယ်တော့ ရိက္ခာရဲ့ တဝက်လောက်မျှသာ အာဟာရရရှိသည်။ စပါးပင်ဖြစ်သော်ငြား ဘာမှထက် မှပိုမကောင်းပေ။ လူအုပ်ကြီးသည် အသက်မသေရေးအတွက် အလွန်နည်းပါးသော စပါးများကို ရရှိနိုင်ခဲ့သည်။

ကျန်း‌ရှောင်ယုသည် နောက်ဆုံးတွင် ရှိနေပြီး သူမ၏ အလှည့်တွင် စပါးအနည်းငယ်သာကျန်တော့သည်။

သူမသည် ချွေးများစို‌နေသော သစ်သားပြားနှစ်ပြားကို ပေးကာ လက်ဖဝါးအရွယ် စပါးအိတ်နှစ်လုံးကို ရရှိခဲ့သည်။ သူမနှင့် ယီယွင် တို့သည် ထိုစပါးများကို ဂျုံယာဂုအဖြစ် စားကြသော်လည်း ဆယ်ရက်ထက် ပိုကြာစွာအသက်ရှင်မည်မဟုတ်ပေ။

ကျန်းရှောင်ယုသည် စပါးအိတ်ငယ်များကို ကိုင်ဆောင်ကာ သူမ၏ ဝေစုကို လက်ခံရင်း အံ့အားသင့်သွားသည်။

မိမိ၏မောင်မှာ သေရာမှ ပြန်ရောက်လာပြီး၊ အတူတူ ငတ်‌သေကြမှာလား။

"မင်းဘာလုပ်​​နေတာလဲ လမ်းပိတ်​​ရပ်မနေ​နဲ့" စပါးခွဲဝေရေးတာဝန်ခံကကျန်းရှောင်ယုကို အမြန်ဆုံးထွက်သွားရန် စိတ်မရှည်စွာပြောသည်။

ကျန်းရှောင်ယုမှာ ဒေါသဖြစ်သွားသည်။ သူမသည် မြှားများပြုလုပ်ရန် နေ့ချင်းညချင်း ပင်ပင်ပန်းပန်းကြိုးစားခဲ့ပြီး သူမရရှိသမျှမှာ ဤပမာဏအနည်းငယ်သာဖြစ်သည်။

သူမသည် အားနည်းသော မိန်းကလေးဖြစ်သော်လည်း မျိုးနွယ်စု၏ အခွင့်အာဏာကို ချုပ်ကိုင်ထားသည့် အမျိုးသားအုပ်စုကို သတ္တိရှိရှိ ရင်ဆိုင်ခဲ့သည်။ "ဘာလို့ ဒီလောက်နည်းရတာလဲ။ မြှားနှစ်စည်းကို ပေးလိုက်တာကို၊ ရိက္ခာမရရှိခဲ့ရုံတင်မကဘူး၊ ပုံမှန်ပမာဏထက် ပိုနည်းတဲ့ စပါးပဲ ရတယ်။"

စပါးဖြန့်ဝေရေးတာဝန်ခံက အံ့အားသင့်သွားသည်။ မိန်းကလေးက သူ့ကို မေးခွန်းထုတ်ရဲတဲ့ သတ္တိရှိမည်ဟု ဘယ်တုန်းကမှ မမျှော်လင့်ထားပေ။

"စည်းကမ်းတွေတောင် သိရဲ့လား မင်းက ကလေးပဲရှိသေးတယ်၊ အိမ်မှာ ယောကျ်ား‌လေးမရှိရင် စားစရာတွေ အများကြီးစားရတာ ဘာထူးလဲ၊ အမှိုက်ဖြစ်သွားတာပဲရှိမယ်။"

ဤကမ္ဘာတွင် သေးငယ်သော မျိုးနွယ်စုများသည် အမျိုးသားများမှာ အရေးပါလှသည်။ မျိုးနွယ်စုကြီးများတွင် မကောင်းဆိုးဝါးသားရဲ အမျိုးမျိုးနှင့်ရင်ဆိုင်ရ၍ မျိုးနွယ်စုမှာ အချိန်မရွေးဆိတ်သုဉ်းသွားနိုင်သည်။ ဒါကြောင့် လိင်နှစ်ခုကြားက ကွာခြားချက်က သိပ်အရေးကြီးလှပေသည်။

သို့သော် သေးငယ်သော မျိုးနွယ်စုတွင် ယောက်ျားလေး တဦးရှိလျှင်ပင် အားသာချက်တစ်ခုဖြစ်သည်။ မိန်းကလေးအနည်းစုကသာလျှင် အမျိုးသားတွေနဲ့ ယှဉ်နိုင်တဲ့ ခွန်အားမျိုး ရှိကြသည်။

ထိုသို့အပြောခံရတော့ ကျန်းရှောင်ယုမှာ က ဒေါသတကြီးအော်ပြီး "ငါ့အိမ်မှာ ယောက်ျား‌လေးမရှိဘူးလို့ ဘယ်သူပြောလဲ၊ ဒီမှာ တစ်ယောက်ရှိတယ်" ထိုစကားကိုပြောရင်း ကျန်းရှောင်ယု သည် ယီယွင် ၏လက်ကို ဆုပ်ကိုင်လိုက်ပြီး သူ့အနားတွင် ရပ်လိုက်သည်။