နွေရာသီကျောင်းပိတ်ရက် ဘယ်ရောက်သွားလဲ ၃
Vol. 9 Ch. 128
~
" ငါ မင်းကို နောက်ထပ် မိတ်ဆက်ပေးမယ်.. "
ယဲ့ရီက လူငယ်လေးအားပြောလိုက်ပြီး လင်းမို့ကို ညွှန်ပြ၍...
" သူက ဟိုင်းချန်မြို့က လင်းမို့ ဆိုတာပဲ.."
" လင်းမို့လား.."
လင်းမို့က ယဲရီထက် ပို၍ပင် ကြောက်စရာကောင်းသည် ။ သုံးဘာသာဖြေပြီး အမှတ်ပြည့်ရထားသူဖြစ်သဖြင့် ယဲ့ရီက လင်းမို့နှင့်ယှဥ်လျှင် သာမန်လူတစ်ယောက်ဖြစ်သွား၏ ။
" လင်းမို့လား..."
" ရှီးးး..."
" သူက လင်းမို့လား.. ကြည့်ရတာသာမန်လူနဲ့ အတူတူပဲဟ.. ငါတို့လိုပဲ ခေါင်းတစ်လုံး လက်နှစ်ဖက်နဲ့.."
" သုံးဘာသာ အမှတ်ပြည့်ရထားတဲ့ လင်းမို့လား.. "
ယခုမှ လူငယ်လေး ထိတ်လန့်သွားခဲ့သည် ။ သူ ကျန်းနန်တက္ကသိုလ်သို့ ရောက်ခါစတွင်ပင် သားရဲလင်းအား စော်ကားမိချေပြီ ။ သူ လေးနှစ်လုံး မည်သို့ ရှင်သန်ရမည်နည်း ။ သူနေ့တိုင်း အရိုက်ခံနေရမည်လော ။ သူ ငိုချင်သော်လည်း မျက်ရည်မကျ ။ သူ ရိုးရိုးသားသား ကြွားရန် ကြိုးစားမိသော်လည်း သံပြားအား ကန်မိလိုက်လေပြီ ။
" သွားသွား.."
လင်းမို့က ငကြွားကောင်များနှင့် အချိန်ဖြုန်းနေမည်မဟုတ်ချေ ။
" ကျေးဇူးတင်ပါတယ် နတ်ဘုရားမို့.. ကျေးဇူးတင်ပါတယ် နတ်ဘုရားမို့.. "
လူငယ်လေးက ကြားဖူးသမျှထဲတွင် အချိုမြိန်ဆုံး အသံဟုပင် ထင်မိလိုက်ပြီး ကျေးဇူးတင်စကားပြောပြီး ပြေးတော့သည် ။
" လင်းမို့..."
ယဲ့ရီက တည်ငြိမ်စွာဖြင့်...
" ငါစောင့်နေတာကြာပြီ.. နောက်ဆုံးတော့ မင်းရောက်လာပြီ.. "
ယဲ့ရီသည် လင်းမို့နှင့် စုံချင်၍ ကျန်းနန်တက္ကသိုလ်ကို လာခဲ့ခြင်းဖြစ်သည် ။ သူရှုံးနိမ့်ခဲ့ရသည်ကို မကျေနပ် ။ ပြန်လည် ယှဥ်ပြိုင်ရန် ဆုံးဖြတ်ထားသည် ။
" လင်းမို့.. မင်းရဲ့ ပါရမီက အရမ်းကောင်းတာကို ငါလက်ခံတယ်.. "
ယဲ့ရီက...
" ဒါပင်မဲ့ သိုင်းလမ်းစဥ်ဆိုတာ အချိန်အကြာကြီး လျောက်ရမှာ.. ခု မင်းငါ့ထက် သာနေတယ် ဆိုပင်မယ့် အမြဲသာနေမယ်လို့ ပြောမရဘူး.. ခု တူညီတဲ့ အခြေအနေနဲ့ တူညီတဲ့ ပတ်ဝန်းကျင်မှာ ငါမင်းကို အနိုင်ယူပြမယ်.. "
ယဲ့ရီက ရောက် ရောက်ခြင်းပင် လင်းမို့အား စိန်ခေါ်နေချေပြီ ။ ပတ်ဝန်းကျင်ရှိ ကျောင်းသားများ စိတ်လှုပ်ရှား သွားကြ၏ ။
" စစ်ကြေညာနေပြီလား.."
" ယဲ့ရီက လင်းမို့ကို လိုက်ယှဥ်နေတာ.."
" လင်းမို့ လက်ခံရဲလောက်လား.."
" လင်းမို့က တစ်ခုထဲ ကွက်ပြီးထူးချွန်တာ.. ယဲ့ရီက စွယ်စုံပါရမီရှင် .. အနာဂတ်မှာ ဘယ်သူက ပိုသန်မာလာမှာလဲ ဆိုတာ ပြောရခက်တယ်.."
" လေးနှစ်လုံး ငါတို့ ပွဲကြည့်ရတာပေါ့.. ထိပ်တန်း ပါရမီရှင်နှစ်ယောက်ရဲ့ ပြိုင်ပွဲက စိတ်လှုပ်ရှားစရာပဲ.. "
လူတိုင်း ယဲ့ရီနှင့် လင်းမို့အား ကြည့်နေကြသည် ။
' ဒီငတုံးကောင်က .."
လင်းမို့ ဆွံ့အသွားသည် ။ သူနှင့် လာပြိုင်ရန် ကျင့်ဒူမြို့မှ ကျန်းနန်သို့ ကျောင်းလာတက်နေသည်လော ။ နိုင်လျှင်လည်း ဘာမှ ရမည်မဟုတ် ။
' ဒီကောင်က အရှက်ကွဲချင်လို့ ငါ့ကိုလာရှာနေတာလား.."
သို့သော်လည်း လင်းမို့သည် ယဲ့ရီရောက်လာခြင်းအား သဘောကျပေသည် ။ ယဲ့ရီက ထိပ်တန်းပါရမီရှင်တစ်ယောက်ဖြစ်၏ ။ သူနှင့် ယှဥ်ပြိုင်နိုင်ရန် ယဲ့ရီက သေချာပေါက် အသေအလဲ ကြိုးစားပေလိမ့်မည် ။ သူ၏ အနာဂတ် အမှတ်အိတ်ကြီးပင် ။ သူ ဝမ်းပန်းတသာဖြင့် ကြိုဆိုရပေမည် ။
" ယဲ့ရီ.. "
လင်းမို့က ရိုးသားဖြောင့်မတ်ဟန် အပြည့်ဖြင့်...
" ကျန်းနန် တက္ကသိုလ်ကနေ ကြိုဆိုပါတယ်.. "
လင်းမို့ ပြောလိုက်သည့် စကားက တခြားသူများအမြင်တွင် စိန်ခေါ်မှုကို လက်ခံလိုက်သလို ဖြစ်နေသည် ။
" လင်းမို့က ယဲ့ရီစိန်ခေါ်တာကို လက်ခံလိုက်ပြီ.. "
" ထိပ်တန်း ပါရမီရှင်နှစ်ယောက်ရဲ့ တိုက်ပွဲက ငါတို့ကျန်းနန် တက္ကသိုလ်မှာ စပြီဟေ့.."
" ခုမှ ပထမဆုံးနေ့ရှိသေးတယ် သူတို့နှစ်ယောက်က တည်နေကြပြီ နောက်ဆုံး ဘယ်သူနိုင်မလဲ မသိဘူး.."
" အကိုမို့ အဲ့ကောင်ကို ဆော်ပစ်.. "
ဟောက်ရန်ကပါ ဘုမသိဘမသိ ဝင်ထောက်ခံ၏ ။
" အဲ.."
လင်းမို့သည် ထိုသည်မှ သူပြောသည့်စကားကို နားလည်မှု လွဲသွားကြကြောင်း သိလိုက်သည် ။ သို့သော် သူရှင်းမပြတော့ ။ ယဲ့ရီ၏ ကြိုးစားမှုကို ပို၍ လှုံ့ဆော်ပေးနိုင်လျှင် ပိုကောင်းသည် ။ သူ ယဲ့ရီအတွက် တွေးပေးရပေမည် ။ သူ၏ အမှတ်အိတ်ကြီးကို နောက်ပိုင်းတွင် သေချာဂရုစိုက်ပေးရမည် ။
ထိုအချိန်တွင် လက်သီးပြင်းအားစမ်းသပ်ရန် လင်းမို့၏ အလှည့်ရောက်သွားသည် ။
လင်းမို့က သူ၏ အမှတ်အိတ်ရီအား တစ်ချက်ကြည့်လိုက်ပြီး..
' ငါ့ဆဲလ်ခွန်အားကိုမြင်ပြီး မင်းသေချာပိုကြိုးစားမယ်လို့ ငါ မျှော်လင့်ပါတယ်.. "