hostက တကယ့်ကို သူရဲကောင်းပါ

"စနစ် စကားပြောဦးလေ!"

မြေပြင်ပေါ်တွင် သေဆုံးသွားသော "မသေနိုင်သောပိုးဟပ်" ကိုကြည့်ရင်း ချင်းယန်က စနစ်ဆီသို့ လှမ်းအော်လိုက်သည်။ သူ့အတွက် ကျိုးကြောင်းဆီလျော်သော ရှင်းပြချက် လိုအပ်သည်။

စနစ်သည် အနည်းငယ် ထိတ်လန့်သွားပုံရပြီး နောက်ဆုံးတွင် စကားမပြောမီ ခဏမျှ ငြိမ်သက်သွားခဲ့သည်။

[Hostက တကယ့်သူရဲကောင်းပါပဲ]

[ဒီစနစ်က ရွေးချယ်ထားတဲ့ hostလို့ကို မပြောရဘူး.. မျှော်လင့်ထားတဲ့အတိုင်း သားရဲဘုရင်ကို ခြေတစ်လှမ်းတည်းနဲ့ ချေမှုန်းနိုင်ခဲ့တယ်]

[hostက သားရဲဘုရင်ကို သတ်ရင်း အဆင့်ကို ကျော်သွားတာ တွေ့ရှိခဲ့ပါတယ်... ဆယ်ဆတိုး ဆုလာဘ်၊ မသေနိုင်တဲ့ခန္ဓာကိုယ်နဲ့ အနှစ်ခြောက်ဆယ် ကျင့်ကြံမှု!]

ချင်းယန်သည် အမှန်တကယ် ထူးထူးခြားခြား တစ်ခုခုကို ပြီးမြောက်ခဲ့သကဲ့သို့ စနစ်၏ လေသံမှာ အံ့အားသင့်ခြင်းများဖြင့် ပြည့်နှက်နေသည်။

"?"

ချင်းယန်ရဲ့ ခေါင်းထက်မှာလည်း မေးခွန်း အမှတ်အသားကြီးတစ်ခု ပေါ်လာသည်။ ဒီဟာထက် ပိုကျိုးကြောင်းဆီလျော်သော ရှင်းပြချက်ကို သူလိုချင်မိသည်။

ဤစနစ်၏ အဓိပ္ပာယ်မဲ့ ကောက်ကျစ်သော အသံများကို နားမထောင်ချပါ။ ဒါပေမယ့် သူ့မကျေနပ်မှုတွေကို ဆက်မလုပ်နိုင်ခင်မှာ သူ့ခန္ဓာကိုယ်ထဲကို စွမ်းအင်တွေ ရုတ်တရက် တိုးဝင်လာတာကို ခံစားလိုက်ရ၏။

ချင်းယန်ရဲ့ မျက်နှာအမူအရာ ပြောင်းလဲသွားပြီး နာကျင်မှုကို ထုတ်ဖော်လိုက်သည်။

"မဟုတ်သေးဘူး... အစ်ကိုစနစ် မင်းတကယ်ပြောတာလား"

အနှစ်ခြောက်ဆယ်ကြာ ကျင့်ကြံမှုစနစ်မှ ချီးမြှင့်သော အကျိုးကျေးဇူးကို တွေးတောရင်း ချင်းယန်၏ မျက်လုံးများ ပြူးကျယ်သွားသည်။ ထိုစဥ် သူ့ခန္ဓာကိုယ်တစ်လျှောက် စွမ်းအင်များ တိုးလာသည်ကို ခံစားလိုက်ရသဖြင့် နာကျင်မှုကို မျိုသိပ်ထားသော်လည်း မျှော်လင့်ချက် အရှိန်အဟုန်တွေကလည်း သူ့နှလုံးသားထဲ တိုးဝင်လာသည်။

ကျင့်ကြံမှုတွေ မဖောက်ပြန်သွားလောက်ဘူးလား?

အနှစ်ခြောက်ဆယ် ကျင့်ကြံပြီးသွားတာလား?

သူ့ကို ဘယ်အတိုင်းအတာအထိ ထည့်ပေးနေမှာလဲ!

ခဏအကြာတွင် ချင်းယန်၏ ခန္ဓာကိုယ်အတွင်းမှ စွမ်းအင်များသည် ငြိမ်သက်သွားခဲ့သည်။ နာကျင်မှုကို မခံစားရတော့မှ ချင်းယန်လည်း သက်ပြင်းတစ်ချက် ချလိုက်သည်။ သူ့လက်သီးကို ဆုပ်ကိုင်လိုက်ပြီး သူ့ရင်ထဲမှာ စွမ်းအားတွေ တဟုန်ထိုး တက်လာတာကို ခံစားကြည့်နေ၏။

"ဒါက... ချီအနှစ်သာရလား?"

သူ့မျက်နှာက စိတ်လှုပ်ရှားမှုများကြောင့် တောက်ပလာသည်။ ကြယ်စစ်သည်သည် ကြယ်များ၏ စွမ်းအားကို စုပ်ယူကာ ၎င်းကို သူတို့ခန္ဓာကိုယ်အတွင်း၌ စစ်မှန်သော ချီအနှစ်သာရအဖြစ် ပေါင်းစပ်ထားရသည်။

အခု သူက ချီအနှစ်သာရကို ပိုင်ဆိုင်ထားတော့ သူကလည်း ကြယ်စစ်သည် ဖြစ်သွားပြီလို့ မဆိုလိုဘူးလား။

ချင်းယန် အလွန်စိတ်လှုပ်ရှားလာသည်။ ဒီနေရာက သန်မာသူများကို လေးစားကြသည့် အလွန်အန္တရာယ်များသော စိတ်ကူးယဉ်ကမ္ဘာ တစ်ခုဖြစ်သည်။ ကြယ်စစ်သည် ဖြစ်လာမှသာလျှင် မိမိကိုယ်ကို ကာကွယ်နိုင်လိမ့်မည်။

အခုတော့ သူသည် ပိုးဟပ်တစ်ကောင်ကို ရိုးရိုးရှင်းရှင်း နင်းသတ်ပြီး ကြယ်စစ်သည် ဖြစ်လာပြီ။ ဒါက သူ့ကို ဘယ်လိုလုပ် စိတ်မလှုပ်ရှားစေဘဲ နေပါ့မလဲ။

"ဒါပေမယ့် ငါ့ရဲ့ လက်ရှိ အဆင့်က ဘယ်လောက်လဲ"

ဤအတွေး သူ့စိတ်ကို ဖြတ်ကျော်သွားသည်နှင့်အမျှ သူ့စိတ်ထဲတွင် အလင်းတန်းတစ်ခု ပေါ်လာသည်။

နာမည်: ချင်းယန်

အသက်: 19

အရည်အချင်းများ- အဆင့်နိမ့်

ကျင့်ကြံမှု - မွေးရာပါနယ်ပယ်သို့ ခြေလှမ်းတစ်ဝက်

သဘာဝလွန်စွမ်းအား- မသေနိုင်သောခန္ဓာကိုယ်

ကိုယ်ခံပညာ- မရှိ

ချင်းယန်သည် "မွေးရာပါနယ်ပယ်သို့ ခြေတစ်လှမ်းတစ်ဝက်" ဟူသော စကားလုံးကို စိုက်ကြည့်ရင်း သူ့နှလုံးသားမှာ တုန်လှုပ်ခြောက်ခြားစွာ ခုန်ပေါက်နေသည်။

မွေးရာပါနယ်ပယ် ခြေတစ်လှမ်းတစ်ဝက်?

စနစ်... မင်းနောက်နေတာမဟုတ်တာ သေချာလား?

ကြယ်စစ်သည်များ၏ ပထမဆုံးနယ်ပယ်မှာ အဆင့် ကိုးဆင့်ခွဲထားသော နောက်ဖွားနယ်ပယ် ဖြစ်သည်။ ဖော်ပြထားသည့်အတိုင်း မွေးရာပါနယ်ပယ်သို့ ခြေတစ်လှမ်းတစ်ဝက်သည် မွေးရာပါနယ်ပယ်ကို ရောက်ရင် ခြေတစ်လှမ်းတစ်ဝက်သာ ကွာဝေးတော့သည်။

"ဒီလောက်သန်မာလာမယ်လို့ မထင်ထားဘူး..."

သူ့လက်သီးတွေကို ဆုပ်ထားရင်း၊ ချင်းယန်က မြေပြင်ပေါ်ရှိ "မသေနိုင်သောပိုးဟပ်" အလောင်းကို ငုံ့ကြည့်လိုက်ပြီး အနည်းငယ် မယုံနိုင်လောက်အောင် ဖြစ်နေဆဲ။ ပိုးဟပ်ကို နင်းလိုက်ရုံနဲ့ သူက မွေးရာပါနယ်ပယ်ကို တစ်ဝက်လှမ်းပြီးသွားပြီလား။

ရယ်စရာကောင်းလိုက်တာ! ဒါပေမယ့်... ငါ ကြိုက်တယ်!

ယင်းမတိုင်မီက ချင်းယန်သည် ဤယုံကြည်စိတ်ချရသော စနစ်အား အလွန်အမင်း စက်ဆုပ်ခဲ့ဖူးသည်။ ယခုမူကား အံ့ဩစရာတွေ ဖြစ်လာခဲ့လေသည်။

"အင်း.. သဘာဝလွန် အစွမ်းဆုလည်း ရှိသေးတယ်..."

ဤအခိုက်အတန့်တွင် စနစ်သည် သူ့ကို "မသေနိုင်သော" မှော်အစွမ်းဖြင့် ဆုပေးခဲ့ကြောင်း ချင်ယန် သတိရသွားသည်။

"ဒါက မသေနိုင်တဲ့ ပိုးဟပ်ရဲ့ စွမ်းရည်ဖြစ်ရမယ်"

"မသေနိုင်သော ပိုးဟပ်" ဟူသော အမည်ပြောင်ကို စဉ်းစားရင်း ချင်းယန်က စဉ်းစားနေခဲ့သည်။

"စနစ်... ဒီမသေနိုင်တဲ့ခန္ဓာကိုယ်ရဲ့ စွမ်းရည်က ဘာလဲ"

တစ်ချက်တည်းနဲ့ အသေနင်းသတ်ပစ်လိုက်နိုင်တဲ့ မသေနိုင်တဲ့ပိုးဟပ် အကြောင်း တွေးကြည့်မိတော့ ချင်းယန် မျှော်လင့်ချက် သိပ်မထားလိုတော့ပေ။

မသေနိုင်တဲ့ပိုးဟပ် ဆိုတာဘာလဲ။ တစ်ချက်တည်းနဲ့ အနင်းခံလိုက်ရတာပဲ မဟုတ်ဘူးလား။

ချင်းယန်၏ သံသယများကို အာရုံခံလိုက်သကဲ့သို့ စနစ်က လျင်မြန်စွာ တုံ့ပြန်ခဲ့သည်။

[မသေနိုင်တဲ့ခန္ဓာကိုယ်- ဒဏ်ရာ ရထားပါက ခဏအတွင်း ပြန်လည် ကောင်းမွန်လာပါမယ်.. အစွမ်းထက် ကျင့်ကြံထားရင် ကျိုးသွားတဲ့ ခြေလက်အင်္ဂါတွေကို ပြန်လည် ချိတ်ဆက်နိုင်ပြီး သွေးတစ်စက်တည်းနဲ့ ပြန်လည် ရှင်သန်နိုင်ပါတယ်]

"ကျိုးနေတဲ့ ခြေလက်တွေကို ပြန်စပ်ပြီး သွေးတစ်စက်တည်းနဲ့ ပြန်ရှင်မယ်ပေါ့ ဟုတ်လား?"

"အတုကြီးလား? ဒီလောက်တောင် အစွမ်းထက်လား?"

ချင်းယန် သိသိသာသာ အံ့သြသွားသည်။ မသေနိုင်သော ခန္ဓာကိုယ်၏ စွမ်းရည်များ ဤမျှ ပုံမှန်မဟုတ်သလို ဖြစ်နေမယ်လို့ သူ မမျှော်လင့်ထားပေ။ မသေနိုင်သော ခန္ဓာကိုယ်၏ ထိရောက်မှုကို စမ်းသပ်ရန် ချင်းယန်သည် ဓားတစ်ချောင်းကို ပြေးယူကာ လက်ညှိုးကို ဖြတ်ပစ်လိုက်သည်။

ဇွတ်!

ချင်းယန် နာကျင်စွာ ရှုံ့တွနေပြီး သူ့လက်ချောင်းပေါ်က သွေးများ ထွက်ကျနေသည်။ သို့သော် မကြာမီတွင် အံ့ဖွယ်အခင်းအကျင်းတစ်ခု ပေါ်ပေါက်လာသည်။ သူ့လက်ချောင်းများက အနည်းငယ် ပူနွေးလာသလို ခံစားလိုက်ရပြီး သူ့အတွင်းစိတ်စွမ်းအင်များ တိုးလာသည်။ ထို့နောက် ဒဏ်ရာက သာမန်မျက်စိဖြင့် မြင်နိုင်သော အရှိန်ဖြင့် ပျောက်ကင်းသွားသည်။

နောက်ဆုံးတော့ အမာရွတ်တောင် သိပ်မကျန်တော့ချေ။

"ဒါကြီးက အံ့သြစရာ ကောင်းလိုက်တာ"

ချင်းယန် မျက်တောင်ခတ်လိုက်ပြီး သူ့အမူအရာက မယုံနိုင်မှုများစွာဖြင့်။ ဤမျှ ကြောက်မက်ဖွယ်ကောင်းသော ပြန်လည် ထူထောင်ရေး အမြန်နှုန်းနဲ့ဆို သူ့ကို အမှန်တကယ် မသေနိုင်သောအဖြစ် သတ်မှတ်နိုင်သည်။

ထို့အပြင် စနစ်၏ ရှင်းလင်းချက်အရ ဤမသေနိုင်သော စွမ်းအားသည် သူ့ကျင့်ကြံမှု အဆင့် တိုးလာသည်နှင့်အမျှ ပို၍ပင် ထင်ရှားလာလိမ့်မည်။ အဆင့်တစ်ခုသို့ ရောက်သည်နှင့် ပြတ်တောက်သွားသော ခြေလက်များကို ပြန်လည် ချိတ်ဆက်နိုင်ပြီး သွေးတစ်စက်ဖြင့်ပင် ပြန်လည်ရှင်သန်နိုင်သည်။

အဲဒါက စစ်မှန်တဲ့ မသေနိုင်တဲ့ခန္ဓာကိုယ်ပဲ!

ဒါကိုတွေးရင်း ချင်းယန်၏ မျက်လုံးများသည် မျှော်လင့်ချက်များဖြင့် တောက်ပလာလေ၏။ ပိုးဟပ်ကို ချေမှုန်းလိုက်ရုံဖြင့် သူ့ကျင့်ကြံမှုသည် မွေးရာပါနယ်ပယ် ခြေလှမ်းတစ်ဝက်သို့ ရောက်ရှိသွားကာ မသေနိုင်သော စွမ်းရည်ကိုလည်း ရရှိခဲ့သည်။

သူသည် ကျပန်းခွေးလေးတွေကို ချေမှုန်းနိုင်ရင် ဒါမှမဟုတ် တကယ့်ကြယ်သားရဲ တစ်ကောင်ကိုတောင် သတ်နိုင်ရင်ကော။

အဲဒါဆိုရင်ကော မယုံနိုင်စရာ ဖြစ်စေမှာလား။

ဒီစနစ်က နည်းနည်းတော့ ရူးနေသလိုပဲ!

ဒီအကြောင်းတွေကို တွေးလေလေ စိတ်လှုပ်ရှားလေလေ ဖြစ်နေတာကြောင့် အဲဒါကို ထပ်စမ်းကြည့်ဖို့ စိတ်အားထက်သန်လာသည်။ ထို့နောက် သူ့အိမ်ရှိ အခြားသော အင်းဆက်ငယ်များ၊ ကြွက်များနှင့် အလားတူ ပိုးမွှားငယ်များကို ရှာဖွေခဲ့သည်။

မွေးရာပါနယ်ပယ် အဆင့်တစ်ဝက်ကို ရောက်ပြီးနောက် ချင်ယန်၏ ခံယူချက်သည် သာမန်လူတစ်ယောက်ထက် များစွာ ထက်မြက်လာသည်။

ခဏကြာတော့ အခန်းထဲမှာ ခြင်နဲ့ ကြွက်တွေ ရှာတွေ့လိုက်သည်။ ချင်းယန် ထောင့်နားက ပုရွက်ဆိတ်တွေကိုလည်း တွေ့ရာ ၎င်းတို့ကို ရက်ရက်စက်စက် နှိပ်စက်ပစ်လိုက်သည်။

အောင်မြင်မှုကို အောင်မြင်စွာ သော့ဖွင့်နေသလိုမျိုး တိရစ္ဆာန်ငယ်လေးများကို ဆယ်ကြိမ်ဆက်တိုက် သတ်ဖြတ်ပစ်ခဲ့သည်။ ဒါပေမယ့် တစ်အောင့်ကြာတော့ အခန်းတစ်ဝိုက်မှာ ပြန့်ကျဲနေတဲ့ ခြင်အသေတွေနဲ့ ကြွက်တွေကို ကြည့်ပြီး စိတ်ရှုပ်သွား၏။

"စနစ်... ထွက်မလာဘူးလား?"

"ကစားနေတာ ရပ်လိုက်စမ်း!"

"ငါ့ဆု ဘယ်မှာလဲ"

ချင်းယန် မျက်နှာသည် ညိုးငယ်သွားသည်။

ဒီစနစ်မှာ ဘာမှားနေတာလဲ။

သူ ဒီခြင်တွေနဲ့ ကြွက်တွေကို သတ်နေတုန်းမှာ အသံတိတ်သွားတာက သူ့ကို ဆုပေးဖို့ မစီစဉ်ထားလို့လား။

အချိန်အတော်ကြာအောင် အော်နေပေမယ့် စနစ်က ငြိမ်နေဆဲပင်။ ချင်းယန် ကုတင်စွန်းတွင် ကူကယ်ရာမဲ့စွာ ထိုင်နေရုံသာ တတ်နိုင်တော့သည်။ သူ့မျက်လုံးများကတော့ အတွေးများကြောင့် မှိတ်တုတ်မှိတ်တုတ် ဖြစ်နေသည်။

ပြဿနာက ဘာလဲ။

ရှင်းနေသည်မှာ သူရဲ့ အစောပိုင်းက လှပနေခဲ့သော အကြံအစည် ပျက်သွားချေပြီ။

တိရစ္ဆာန်ငယ်လေးများကို အမဲလိုက်ရင်း ကြယ်သားရဲများကို တွန်းလှန်နိုင်သော စစ်သည်တော်ဖြစ်လာရန် သူ၏ စိတ်ကူးသည်လည်း ကွဲကြေသွားပြီ ဖြစ်သည်။

အချိန်အတော်ကြာ စဉ်းစားပြီးနောက် ချင်းယန် နောက်ဆုံးတွင်တော့ ကောက်ချက်နှစ်ခု ချနိုင်လိုက်သည်။

ပထမအချက်က သူသတ်လိုက်သော ပိုးကောင်သည် အမှန်တကယ်ပင် အနည်းငယ် ထူးခြားနေခဲ့သည်။ စနစ်တွင် အခိုင်အမာ ဆိုထားသည့်အတိုင်း ၎င်းတွင် ရှေးခေတ်နတ်ဆိုးအင်းဆက် ပိုးကောင်များ၏ သွေးအဆက်အစပ် ပါရှိသောကြောင့် ၎င်းက စနစ်၏ဆုကြေးငွေကို အစပျိုးစေခဲ့ခြင်း ဖြစ်နိုင်သည်။

ဒုတိယအချက်မှာ ဤစနစ်တွင် တစ်ခုခုမှားယွင်းနေရမည်။ အခုနတုန်းက ဆုလာဘ်က သေချာပေါက် စနစ်ရဲ့ ချို့ယွင်းချက်တစ်ခုဖြစ်ပြီး သူ ကံကောင်းသွားခဲ့တာ ဖြစ်ပေမည်။

"အင်း... နောက်မှ ဖြည်းဖြည်းချင်း သုတေသန လုပ်ရတော့မှာပဲ..."

ချင်းယန် သက်ပြင်းချလိုက်ပြီး အားကိုးရာမဲ့သလို ခံစားလိုက်ရသည်။

ဒီလိုမျိုး စိတ်မချရတဲ့ စနစ်တစ်ခုရှိတာက ကံကောင်းတာလား၊ ကံမကောင်းတာလား ဆိုတာတောင် သူ မသိတော့ပေ။

"ဒါပေမယ့် ဒါက စနစ်ရူးသွားတာ ဆိုရင်တောင် ငါကတော့ အမြတ်ရသွားပြီ"

သူ့အတွင်းမှ စစ်မှန်သော စွမ်းအင်များ တဟုန်ထိုးတက်လာသည်ကို ခံစားလိုက်ရသဖြင့် ချင်းယန် ပြုံးလိုက်သည်။ အနည်းဆုံးတော့ ယခု သူသည် မွေးရာပါနယ်ပယ် အဆင့်တစ်ဝက် ကျင့်ကြံသူ အဆင့်သို့ ရောက်ရှိနေပြီ ဖြစ်သည်။

တန်ခိုးကြီးသော၊ မြင့်မြတ်သော၊ အုပ်စိုးသော စိတ်ကူးယဉ်ကမ္ဘာနှင့် ကြယ်သားရဲများ သောင်းကျန်းလာလျှင် အနည်းဆုံးတော့ မိမိကိုယ်ကို ခုခံကာကွယ်နိုင်စွမ်း အချို့ရှိခဲ့ပြီ မဟုတ်ပါလား။

အသက် ၁၉ နှစ်အရွယ် မွေးရာပါနယ်ပယ် ခြေလှမ်းတစ်ဝက် ကျင့်ကြံသူသည် ကျန်းဟိုင်မြို့၌ပင် ရှားပါးသော မြင်ကွင်းတစ်ခု ဖြစ်သည်။ ဒီနေ့ကစပြီး အနည်းဆုံးတော့ သူသည် တန်ဖိုးမဲ့သူ မဟုတ်တော့ချေ။

ကျန်းဟိုင် ကိုယ်ခံပညာ စာကြည့်တိုက်တွင် သူ့ကို အသေးအဖွဲ့ ကျွမ်းကျင်သူဟု သတ်မှတ်ရတော့မည်။