သွေးနတ်ဆိုးကို တွေ့ရှိထားပါတယ် host ချက်ချင်း ပြေးပါ
Vol. 2 Ch. 14
သွေးဆာနေတဲ့ နတ်ဆိုးကို ဒီလောက် မြန်မြန်နဲ့ ဖမ်းမိသွားပြီလား?
ချင်းယန် ခဏလောက် အံ့အားသင့်သွားပြီး စကားမပြောနိုင် ဖြစ်သွားသည်။ ဒီသတင်းက မထင်မှတ်ထားတဲ့ သတင်းတစ်ပုဒ်ပင်။ သို့သော် ခေတ်စားနေသော ရှာဖွေမှုများထဲတွင် စွဲမက်ဖွယ်ကောင်းသော ခေါင်းစီးများက အတုအပ မဖြစ်နိုင်ပေ။
[ကျန်းဟိုင်မြို့ ကွင်းဆက်လူသတ်သမားကို ဖြေရှင်းပြီးပါပြီ။ သွေးဆာနေတဲ့ နတ်ဆိုးကို ဖမ်းလိုက်ပြီ! ဝမ်းသာစရာ သတင်းပါ!]
သွေးဆာနေသော နတ်ဆိုးသည် လွန်ခဲ့သည့် ရက်အနည်းငယ်အတွင်း ပြဿနာများကို ဖြစ်ပေါ်စေခဲ့ပြီး မြို့အနှံ့ မငြိမ်မသက်ဖြစ်ကာ အထိတ်တလန့် ဖြစ်စေခဲ့သည်။ အများသူငှာ ကျေနပ်စေရန်အတွက် ကြယ်ပွင့်ရဲဌာနမှ ရဲအုပ်ကြီးက ၎င်းကိုဖမ်းရန် တင်းတင်းကျပ်ကျပ် ပိုက်ကွန်ကို သဘာဝအတိုင်း ချထားခဲ့သည်။
သူ့ကို အဖမ်းအဆီးက အချိန်အတိုင်းအတာ တစ်ခုအထိတော့ အချိန်ယူခဲ့ရသည်။
"ငါ အရမ်း သဘောကျတယ်ကွာ! သူတို့ဘာလို့ အစောကြီး မဖမ်းမိကြတာလဲ.. မနေ့ညကသာ ဖမ်းမိခဲ့ရင် ငါ ပိုင်ကျင်းဟန့်မှာ အဖမ်းမခံရလောက်ဘူး"
ရှဟဲ မနေ့ညက အတွေ့အကြုံကို ပြန်အမှတ်ရပြီး စိတ်ဓာတ်ကျလာသည်။ ခေတ်စားနေသော ရှာဖွေမှုလင့်ခ်များစွာကို ချင်းယန်ဆီး ပေးပို့လိုက်သေး၏။
တင်း!
မက်ဆေ့ချ် မြည်လာသည်နှင့် ချင်းယန်လည်း လင့်ခ်ကိုနှိပ်ပြီး ခေတ်စားနေသော ရှာဖွေမှုအောက်တွင် မှတ်ချက်များကို မျက်လုံးနဲ့ စကင်န်ဖတ်ကြည့်လိုက်သည်။ အင်တာနက်တွင် တစ်ယောက်ချင်းစီ၏ လက်ခုပ်သံများဖြင့် ပြည့်နေသည်။
"ကြယ်ပွင့်ရဲဌာန ရဲမှူးက တန်ခိုးကြီးလိုက်တာ! နောက်ဆုံးတော့ သူတို့ ဒီနတ်ဆိုးကို ဖမ်းမိသွားပြီ"
"ကောင်းလိုက်တာ... အဖွဲ့တွေ တော်တော်များများ စည်းရုံးခံရတယ်လို့ ကြားတယ်..ဒါမှ တကယ့်ကို အမျိုးသားရေး ကြိုးပမ်းမှုပဲ"
"ကျွန်တော့်ရဲ့ ဒုတိယဦးလေး မိသားစုက ဒီနတ်ဆိုးကြောင့် ဒုက္ခရောက်သွားရတာ... သူတို့စိတ်ဝိညာဉ် ငြိမ်းချမ်းပါစေ..."
"ဒီကောင်က မယုံနိုင်လောက်အောင်ကို ရက်စက်ပုံရတယ် ကံကောင်းထောက်မစွာနဲ့ပဲ သူ့ကို ဖမ်းမိသွားပြီ... ဘယ်သူ့အတွက်မှ စိတ်ပူစရာ မလိုတော့ဘူး"
ချင်းယန်သည် သူ့ဖုန်းပေါ်ရှိ ကွန်းမန့်များကို ပွတ်ဆွဲလိုက်ပြီးနောက် ဒုတိယလင့်တွင်တော့ နတ်ဆိုး၏ဓာတ်ပုံကို လူကိုယ်တိုင် တွေ့လိုက်ရသည်။ ဓာတ်ပုံ၏ နောက်ခံသည် သံချေးတက်နေသော အဝိုင်းလေးတစ်ခွင်တွင် အုံ့မှိုင်းနေသော လရောင်နှင့်အတူ စွန့်ပစ်ခံထားရသော အပန်းဖြေ ဥယျာဉ်တစ်ခု ဖြစ်သည်။
လူလတ်ပိုင်းအရွယ် အမျိုးသားတစ်ဦးသည် အလယ်တွင် ဒူးထောက်ထိုင်ကာ ခြေလက်များနှင့် လည်ပင်းမှာ ဒဏ်ရာရထားပြီး မြေကြီးပေါ် ပစ်ချခံထားရကာ လှုပ်ရှားနိုင်ခြင်း မရှိပေ။
သူ့မျက်နှာသည် စက္ကူတစ်ရွက်လို ဖြူဖျော့နေသော်လည်း မျက်နှာကတော့ တောရိုင်းတိရိစ္ဆာန်တစ်ကောင်နှင့် ဆင်တူသည့် ကောက်ကွေးနေသော မျက်နှာမျိုး ရှိသည်။
သူ့မျက်လုံးထဲတွင် နက်ရှိုင်းသော သွေးနီရောင် အလင်းတန်းများ ထွက်ပေါ်လာနေပြီး သူ့ထံမှ ဆိုးရွားသော အငွေ့အသက်များ လျှံထွက်နေသည်။ သူ့နောက်တွင် ရပ်နေသော ဒါဇင် သို့မဟုတ် ၁၀ ယောက်ကျော်သော လက်နက်ကိုင် တပ်သားများက ဝန်းရံထားသည်။
သူသည် လှောင်အိမ်ထဲက သားရဲတစ်ကောင်လိုဖြစ်ပြီး အချိန်မရွေး ပြန်လွတ်မြောက်ဖို့ အသင့်ဖြစ်နေပုံပင်။
"ကျစ် ကျစ် လောင်ချင်း... မင်း ဓာတ်ပုံကို မြင်ပြီးပြီလား... ဒီနတ်ဆိုးက တကယ်ကို ကြောက်စရာကောင်းတဲ့ပုံပဲ... မကောင်းဆိုးဝါးလမ်းစဥ်ကို ကျင့်ကြံလို့ ဒီလိုအဆုံးသတ်သွားတာ ဖြစ်နိုင်လား"
ရှဟဲ သက်ပြင်းချလိုက်ပြီး ခေါင်းယမ်းလိုက်သည်။
"ဒီနတ်ဆိုးကို ဖမ်းမိတုန်းကတော့ အသားတွေ ကိုက်နေတုန်းပဲ၊ အဲဒါက ဘာကောင်လဲတော့ မသိဘူး။"
“နတ်ဆိုးကျင့်စဥ်တွေ ကိုင်ထားတဲ့ လူအများစုက ဒီလိုပုံစံပါပဲ...”
ချင်းယန် ပုခုံးတွန့်ကာ သက်သာရာရသွားသလို အသာလေး သက်ပြင်းချလိုက်သည်။ လှည့်ဖြားပြီး ပတ်ပြေးနေသော နတ်ဆိုးကို နောက်ဆုံးတွင်တော့ ဖမ်းမိသွားခဲ့ပြီလေ။ ဆိုလိုတာက ကျန်းဟိုင်မြို့ရဲ့ သတိပေးချက်အဆင့်ကို လျှော့ချနိုင်ပါပြီ။
ဒီလိုမှမဟုတ်ရင် လမ်းပေါ်မှာ ကင်းလှည့်တာ တစ်နေ့လုံး လုပ်နေတော့ သူ့အတွက်လည်း ကြားဝင်ရ ခက်နေလိမ့်မည်။
ယခု နတ်ဆိုးကို ဖမ်းမိပြီမလို့ ဒုက္ခများစွာကို ရှောင်ရှားနိုင်ခဲ့သည်။
"သုံးရက်... သုံးရက်ပြီးရင် ဒီကောင် သေရတော့မယ်"
ရှဟဲက သူ့ဖုန်းကို ဖယ်လိုက်ပြီး မယုံနိုင်လောက်သော ယုံကြည်ချက်ဖြင့် ရုတ်တရက် ထပြောလိုက်သည်။
"သုံးရက်?"
ချင်းယန်သည် အနည်းငယ် အံ့ဩသွားကာ မျက်ခုံးပင့်လိုက်သည်။
"အင်း... ဒီနတ်ဆိုးက မရေမတွက်နိုင်တဲ့ အပြစ်မဲ့လူတွေကို သတ်ဖြတ်ပြီး ပြင်းထန်တဲ့ ရာဇ၀တ်မှုတွေနဲ့ အပြစ်ရှိတယ်လေ... သုံးရက်ကြာရင် ရဲမှူးက သူ့ရဲ့ ရာဇ၀တ်မှုဆိုင်ရာ အမှန်တရားကို ဖော်ထုတ်ပြီး ခေါင်းဖြတ်သတ်ပြီး လူသိရှင်ကြား ချပြမယ်!"
ရှဟဲက တိုးတိုးလေး ပြောသည်။
"ဟုတ်လား"
ချင်းယန် ထိုစကားကို ကြားပြီးနောက် စိတ်သက်သာရာရသွားကာ ရလဒ်ကို နားလည်လိုက်သည်။ လွန်ခဲ့သည့် ရက်အနည်းငယ်အတွင်း သွေးဆာနေသော နတ်ဆိုး၏ မညှာမတာ သတ်ဖြတ်မှုများသည် ကျန်းဟိုင်မြို့မှ ပြည်သူများကို ထိတ်လန့်စေခဲ့၏။
အကယ်၍ သူတို့သာ သပွတ်အူထုံးကို အမြန် ပြတ်ပြတ်သားသား မဖြတ်ပါက ဤစိတ်မငြိမ်မသက် ဖြစ်နေသူများကို ဘယ်လိုလုပ် ဖြေလျှော့ပေးနိုင်မှာလဲ။
ကြက်တွေ ကြောက်ဖို့ မျောက်တစ်ကောင်ကို သတ်ပြတာက လူတွေကို သက်သာစေရုံသာမက တခြားနတ်ဆိုးတွေကိုပါ တားဆီးပေးတဲ့အပြင် ငှက်နှစ်ကောင်ကို ကျောက်ခဲတစ်လုံးနဲ့ သတ်ပစ်နိုင်သည်။
ချင်းယန် သက်ပြင်းချနေတုန်း ရုတ်တရက် သူ့စိတ်ထဲတွင် ရင်းနှီးသော စက်သံတစ်ခု ပဲ့တင်ထပ်လာသည်။
"တင်း! အန္တရာယ်များတဲ့ အသက်ပုံစံကို တွေ့ရှိထားပါတယ်.. သွေးနတ်ဆိုး!"
"သတိပေးချက် လွန်စွာ အန္တရာယ်ရှိတယ်!"
"host ကျေးဇူးပြုပြီး အခင်းဖြစ်ပွားရာ နေရာကနေ ချက်ချင်း ဖယ်ပေးပါ.... ပုန်းနေနိုင်တဲ့ နေရာကို ချက်ချင်းရှာပါ..."
လျင်မြန်သော အီလက်ထရွန်းနစ် စက်သံက စိတ်ဝိညာဉ်ခေါ် ခေါင်းလောင်းကဲ့သို့ပင် ရုတ်တရတ် ထွက်ပေါ်လာတာကြောင့် ချင်းယန် လန့်သွားသည်။
"ဟင်? သွေးနတ်ဆိုး?"
ချင်းယန်ရဲ့ မျက်နှာအမူအရာက ပြောင်းလဲသွားပြီး ဝမ်းသာပီတိ ဖြစ်သွားသည်။
စနစ်က ထပ်ပြီး ရူးသွပ်သွားပြီလား?
စနစ်ကို ရူးသွပ်စေတဲ့ အကောင်လေးတစ်ကောင် ပေါ်လာပြန်ပြီလား?!
"ဘယ်မှာလဲ... သွေးနတ်ဆိုး ဘယ်မှာလဲ"
ဒါကိုကြားတော့ ချင်းယန် သူ့လက်တွေကို ပွတ်သပ်ရင်း စနစ်ကဖော်ပြခဲ့တဲ့ သွေးနတ်ဆိုးကို အံ့အားသင့်စွာနဲ့ လှည့်ပတ် ရှာကြည့်လိုက်သည်။ သို့သော်လည်း အချိန်အတော်ကြာ စကင်န်ဖတ်ပြီးနောက်တွင် သေးငယ်သော တိရစ္ဆာန်ကိုပင် ရှာမတွေ့နိုင်ခဲ့ပေ။
ပိုးဟပ်တောင် မမြင်ရ။
"လောင်ချင်း.. မင်း ဘာကို ရှာနေတာလဲ အနက်ရောင် ခြေအိတ်လှလှ ၀တ်ထားတဲ့ မိန်းမလား"
ရှဟဲသည် ချင်းယန်၏ ပုံမှန်မဟုတ်သော အပြုအမူကို သတိပြုမိသွားပြီး သူ့အကြည့်အတိုင်း စူးစူးစိုက်စိုက် ကြည့်လိုက်သည်။ သန့်ရှင်းရေး အမျိုးသမီးကလွဲရင် တခြားမိန်းမ မတွေ့ရပေ။
"ညီအစ်ကို မင်းဗိုက်ဆာနေပြီလို့ ငါမြင်တယ်"
ရှဟဲ သက်ပြင်းချကာ နဖူးကိုကိုင်ကာ ချင်းယန်ပုခုံးကို ပုတ်လိုက်သည်။
"အလုပ်ကလွတ်ရင် မင်းကို ပိုင်ကျင်းဟန့်ကို ခေါ်သွားပေးမယ်"
ချင်းယန် : "..."
ချင်းယန်သည် ရှဟဲ၏ နောက်ပြောင်ခြင်းကို မခံချိမခံသာဖြင့် အတော်လေး စိတ်ပျက်သွားသည်။
သွေးနတ်ဆိုး၏ အရိပ်အယောင် လုံးဝ မရှိပေ။
ဒီမိုက်မဲတဲ့စနစ်က သူ့ကို လာလှည့်စားနေတာလား။
သူတွေးနေတုန်းမှာပဲ သူ့ဖုန်းနှိုးစက်က အလုပ်သွားချိန်ရောက်ပြီဟု အချက်ပြလာသည်။ သို့နှင့် ခဏတာ စိတ်ရှုပ်ထွေးမှုကို ဘေးဖယ်ထားပြီး ရှဟဲနှင့် အလုပ်တွဲလုပ်ရန် အမြန်လှည့်ထွက်လိုက်သည်။
…….
စာကြည့်တိုက်ရဲ့ ပထမအလွှာမှာ အရင်ကလို လူမပြည့်တော့ချေ။ လူအနည်းငယ်ကသာ ဧည့်ကုလားထိုင်များပေါ်တွင် ထိုင်နေကြသည်။ ယခင်က ပြည့်ကျပ်နေသော လေထုနှင့် လုံးဝခြားနားနေသည်။
"လူတွေ အများကြီး ထွက်သွားကြတာပဲ..."
ချင်းယန်သည် လူဆိတ်ညံနေသော မြင်ကွင်းကို ကြည့်ရင်း နောင်တရသော ခံစားချက်ကို မထိန်းနိုင်ဘဲ ခံစားလိုက်ရလေသည်။
စာကြည့်တိုက်သည် ယခင်က လူများပြည့်ကျပ်နေသော်လည်း၊ ၎င်းတို့သည် သိသိသာသာ စာဖတ်လာခဲ့ကြသော်လည်း အမှန်တကယ်တွင် ၎င်းတို့ကို ပြည့်စုံသော လုံခြုံရေးစနစ်ထဲ ဆွဲခေါ်လာခဲ့ခြင်းသာ။
“ခိုလှုံရာ” ကိုရှာဖို့ လာကြသူတွေပဲ ဖြစ်သည်။
ကျန်းဟိုင်မြို့တော်တွင် မွေးရာပါနယ်ပယ် သုံးရပ်ဖြစ်သည့် နေရာတွေဟာ ကြယ်ပွင့်ရဲဌာန၊ မြို့စာကြည့်တိုက်နှင့် ကိုယ်ခံပညာအကယ်ဒမီတို့ ပါဝင်သည်။ မတိုင်ခင်ကဆို ပတ်ဝန်းကျင်က ဟိုတယ်တွေတောင် ပြည့်နေခဲ့သေးသည်။
ယခုအခါ သွေးဆာနေသော နတ်ဆိုးကို ဖမ်းမိပြီး ခြိမ်းခြောက်မှု ပြေလည်သွားသဖြင့် အရာအားလုံးသည် ၎င်း၏ ယခင် ငြိမ်သက်နေခဲ့တဲ့ အခြေအနေသို့ ပြန်လည် ရောက်ရှိသွားခဲ့သည်။
"အလားတူ ဘီလူးတွေ အနာဂတ်မှာ ပေါ်လာမှာ မဟုတ်ဘူးလို့ အာမခံချက် မရှိဘူး... ငါ့ရဲ့ အစောင့်အကြပ်တွေကို လျှော့ချပစ်လို့ မရဘူး"
ချင်းယန် ခေါင်းယမ်းကာ ခန္ဓာကိုယ်လှုပ်ရှားမှုနည်းများကို ဝှက်ထားသည့် စာကြည့်တိုက်ရှိရာသို့ ဦးတည်သွားခဲ့သည်။ လွန်ခဲ့သည့် ရက်အနည်းငယ်အတွင်း ဓားသိုင်းပညာများအကြောင်း များစွာ လေ့လာခဲ့ရသော်လည်း ဤလွတ်မြောက်နည်းများကို လျစ်လျူမရှုထားနိုင်ပေ။
မိမိ သူတို့ကို အနိုင်မယူနိုင်ရင်တောင် ထွက်ပြေးနိုင်ရမည်။
ဘေးဥပဒ်သည် ကျွန်ုပ်ကို မဖမ်းနိုင်သရွေ့ ပြန်လာရန် အခွင့်အရေး အမြဲရှိပါသည်။
ဤအချက်ကို စိတ်ထဲတွင် ကိန်းယန်သည် စာကြည့်တိုက်၏ ပထမထပ်တွင် ခန္ဓာကိုယ် လှုပ်ရှားမှုနည်းပညာများကို စတင်ရှာဖွေခဲ့သည်။
အချိန်အတော်ကြာ ရှာဖွေပြီးနောက်တွင် သင့်လျော်သော ခန္ဓာကိုယ်လှုပ်ရှားမှုကျင့်စဥ် ခြောက်ခုကိုသာ တွေ့ခဲ့သည်။
"ဒီပထမအလွှာမှာရှိတဲ့ ခန္ဓာကိုယ်လှုပ်ရှားမှု ကျင့်စဥ်တွေက ရှားပါးလွန်းတယ်... ဓားကျင့်စဥ်ထက်တောင် အဆပေါင်းများစွာ ပိုနည်းနေသေးတယ်..."
ချင်းယန်သည် အခြေခံ ခြေနင်းလှုပ်ရှားမှုထက် ဘာမှမဟုတ်သည့် ခန္ဓာကိုယ်လှုပ်ရှားမှုနည်းပညာများကို လေ့လာလိုက်သည်။ သူ၏ ထူးထူးခြားခြား နားလည်မှုဖြင့် ဤကျင့်စဥ်ထဲက အဓိကအချက်တွေကိုလည်း ချက်ချင်း နားလည်သွားခဲ့သည်။
အဓိက နိယာမမှာ တောင်များနှင့် မြစ်များပေါ်က သားရဲများကို အတုယူရန် ဖြစ်သည်။ တောထဲခုန်နေတဲ့ သမင်ပဲဖြစ်ဖြစ်၊ စမ်းချောင်းထဲမှာ ငုပ်နေတဲ့ ငါးပဲဖြစ်ဖြစ်၊ ကောင်းကင်မှာ ပျံတက်နေတဲ့ ငှက်ပဲဖြစ်ဖြစ် ခန္ဓာကိုယ်လှုပ်ရှားမှုတွေက သားရဲတွေကို တုပထားခြင်းသာ။
"တောင်သားရဲတွေရဲ့ ပျံသန်းပုံကို အတုယူရမှာလား"
ချင်းယန် ခဏလောက် စဉ်းစားပြီးနောက် ရဲရင့်တဲ့ အကြံအစည်တစ်ခုက အမြန် ထွက်လာခဲ့သည်။
အကယ်၍ ဤရွေ့လျားမှုနည်းပညာများကို တစ်ခုတည်းအဖြစ် ပေါင်းစပ်ထားလိုက်မည် ဆိုပါက မည်သည့်မြေမျက်နှာသွင်ပြင်တွင်မဆို အသုံးချနိုင်သော ကျင့်စဥ်အသစ်ကို တီထွင်နိုင်မှာ မဟုတ်ဘူးလား။
"ကြိုးစားရအောင်!"
ဒါကို စိတ်ထဲမှာ တွေးမိလိုက်တာနဲ့ တုံ့ဆိုင်းမနေဘဲ မျက်လုံးကိုမှိတ်ပြီး ခန္ဓာကိုယ်လှုပ်ရှားမှု နည်းလမ်း ခြောက်ခုရဲ့ အသေးစိတ်ကို ခွဲထုတ်လိုက်တော့သည်။
မရေမတွက်နိုင်သော စာလုံးများက ငှက်များနှင့် တခြား သားရဲများအဖြစ် ပြောင်းလဲသွားသကဲ့သို့ ခန္ဓာကိုယ် လှုပ်ရှားမှုနည်းလမ်း ခြောက်ခု၏ ပုံရိပ်များသည်လည်း ပြေးလွှားနေသည်။ ချင်းယန်သည် တစ်ခုချင်းစီ၏ အနှစ်သာရကို ထုတ်နုတ်ပြီး စေ့စေ့စပ်စပ် ပေါင်းစပ်ကြည့်နေ၏။
အဓိက လှုပ်ရှားမှုနည်းများကို တစ်ခုတည်းအဖြစ် ပေါင်းစပ်ထားရမည်။
ခဏအကြာတွင် အတွင်းစိတ်လောက၏ ဉာဏ်အလင်း အကူအညီဖြင့် မွေးရာပါနယ်ပယ်အတွက် အသစ်စက်စက် ကျင့်စဥ်ကို ဖွဲ့စည်းခဲ့သည်။
"တုန်လှုပ်ခြောက်ခြားစရာကောင်းတဲ့ နဂါးလို... ပျံလွင့်နေတဲ့ ငန်းတစ်ကောင်လို တင့်တယ်တယ်... သားရဲအားလုံးရဲ့ အစွမ်းသတ္တိတွေကို ပေါင်းစပ်ပြီးပြီ... ဒါကို ကြယ်ခုနစ်ပွင့်နဂါးခြေလှမ်း လို့ နာမည်ပေးလိုက်ရအောင်"
ချင်းယန် ပျော်ရွှင်မှုအပြည့်ဖြင့် နာမည် ပေးလိုက်သည်။
ထို့နောက် အချိန်တွေ ကုန်လွန်လာပြီး သုံးရက်တောင် ကုန်ဆုံးသွားခဲ့သည်။
ချင်းယန်နှင့် ရှဟဲ ထမင်းစားနေကြစဥ် ရှဟဲက ဗီဒီယိုလင့်ခ်တစ်ခု ပေးပို့ပြီး လျှို့ဝှက်ဆန်းကြယ်စွာ ပြောလာခဲ့သည်။
"လောင်ချင်း မင်းကိုပြဖို့ ကောင်းတာတစ်ခု ရှိတယ်... အဲဒါကို မဖြန့်နဲ့နော်"
"ဘာလဲ?"
ချင်းယန် သူ့ဖုန်းကိုဖွင့်ပြီး တစ်ချက် ကြည့်လိုက်ရာ ဗီဒီယိုအတိုလေး ဖြစ်နေသည်။
"မင်းဘာတွေ စဉ်းစားနေတာလဲ... ဒါသွေးဆာနေတဲ့ နတ်ဆိုး ခေါင်းဖြတ်ခံရတဲ့ ဗီဒီယိုဖိုင်ကွ! ငါ့အဖေသူငယ်ချင်းက ပို့လိုက်တာ... အဲဒါကို ဝိုင်းမဖြန့်ပါနဲ့တဲ့"
ရှဟဲက တိုးတိုးလေးပြော၏။
ဒါကိုကြားတော့ ချင်းယန်လည်း စူးစမ်းချင်စိတ်ဖြစ်လာပြီး ခလုတ်ကို ချက်ချင်း နှိပ်လိုက်သည်။
သို့သော် သူကြည့်နေတုန်းမှာပဲ ရုတ်တရက် အကြာကြီး ပျောက်ကွယ်သွားခဲ့သော စနစ်ရဲ့စက်သံက ပဲ့တင်ထပ်လာပြန်သည်။
"တင်း! သွေးနတ်ဆိုး—သွေးဆာနေတဲ့ မျှော့—ပေါ်လာပါပြီ... host အမြန်ဆုံး ထွက်ပြေးပါ!"