ရေဘဝဲဘုရင်

“ဟင့်အင်း၊ ဘာဖြစ်နေတာလဲ ငါ့ကို တစ်ယောက်ယောက် ပြောပြနိုင်မလား”

“အို ဘုရားသခင်၊ ဒါက ရန်နိုင်ငံတစ်ခုပဲ၊ ဒီလောက် အစွမ်းထက်တဲ့ သားရဲဘုရင်တွေ...ဘယ်လိုဖြစ်နိုင်မှာလဲ?”

“သားရဲဘုရင်တွေက တစ်နိုင်ငံတည်းမှာ အတူနေထိုင်ကြတဲ့အခါ နယ်မြေအတွက် တိုက်ပွဲဝင်ကြမှာ မဟုတ်ဘူးလား၊ ရန်နိုင်ငံက လူသားတွေနဲ့ ဘာကြောင့် ငြိမ်းချမ်းစွာ ဆက်လက်နေထိုင်နိုင်ကြတာလဲ”

ထိုအချိန်တွင် တောင်ပိုင်းပင်လယ်အတွင်း နက်ရှိုင်းသောတစ်နေရာမှ ကုန်တင်သင်္ဘောကြီးတစ်စင်းပေါ်၌ အခန်းတွင်းမှ ဒေါသပေါက်ကွဲသံများ ထွက်ပေါ်နေသည်။

ရန်နိုင်ငံမှ ဤတိုက်ပွဲကိုကြည့်ရှုနေကြသော လွတ်လပ်အက်ပါယာမှ လူများသည်မူလကဤတိုက်ပွဲသည်လွယ်ကူစွာအဆုံးသတ်နိုင်မည်ဟုထင်မြင်ခဲ့ကြပြီး ရန်နိုင်ငံ ပြိုကွဲရန်နှင့် လူများဆင်းရဲဒုက္ခကြုံတွေ့ရန်အချိန်ကြာမြင့်လိမ့်မည်မဟုတ်ဟု ထင်ခဲ့ကြသည်။

သို့သော် ရှေ့တန်းမှ တိုက်ပွဲမြင်ကွင်းများက သူတို့အား အလွန်အံ့အားသင့်စေခဲ့သည်။

တိုက်ပွဲ၏ ဤဦးတည်ချက်သည် သူတို့၏ မျှော်မှန်းချက်ထက် လုံးဝကျော်လွန်သွားခဲ့သည်။

ပင်လယ်-ဝါးမျိုးဝေလငါးဘုရင်၊ ခြင်္သေ့ဘုရင် နှင့် သားပိုက်ကောင်ဘုရင်တို့ကို ရှာဖွေရန် များစွာကြိုးစားအားထုတ်ခဲ့ရသည့် အစွမ်းထက်သော သားရဲဘုရင်များဖြစ်ကြောင်း သင်သိထားရမည်ဖြစ်သည်။

လွတ်လပ်အင်ပါယာမှ လာခဲ့ကြသော သားရဲများ မရှိပေ။

ဘေးကင်းသောဘက်တွင်ရှိနေစေရန်အတွက် လွတ်လပ်အင်ပါယာသည် အဆိုပါသားရဲဘုရင်များကို နည်းပညာဆိုင်ရာနည်းလမ်းများဖြင့် သူတို့၏ခွန်အားကို ပိုမိုမြှင့်တင်စေရန် မျိုးဗီဇဆေးဝါးများကို ထောက်ပံ့ပေးခဲ့သည်။

ဤသားရဲဘုရင်များသည် သူတို့၏နယ်မြေကို လွှမ်းမိုးထားသော သားရဲတို့၏ ဘုရင်များဖြစ်ကြပြီး၊ သူတို့ကို ဆေးဝါးများဖြင့် ထောက်ပံ့ပေးပြီးနောက်၊ သူတို့က ပို၍ပင် စွမ်းအားကြီးမားလာကြသည်။

သို့သော်လည်း လွတ်လပ်အင်ပါယာမှလူများ မမျှော်လင့်ထားသည့်အရာမှာ ဤကဲ့သို့ ပြင်းထန်သော အကျပ်အတည်းကို ရင်ဆိုင်ရသည့်တိုင် ရန်နိုင်ငံသည် ယင်းကို ရင်ဆိုင်ရန် အမှန်တကယ် စွမ်းအားရှိနေခြင်းဖြစ်သည်။ ၎င်းက ရိုးရှင်းစွာပင် မယုံနိုင်စရာကောင်းလှသည်။

အကယ်၍ သူတို့သည် ယခင်က ရက်စက်ကြမ်းကြုတ်သော သားရဲများကို သန်မာစေမည့် ဆေးဝါးများကို မတီထွင်နိုင်ခဲ့ပါက လွတ်လပ်အင်ပါယာသည် ရန်နိုင်ငံ၏ ပြိုင်ဘက် ဖြစ်လာမည်မဟုတ်ပေ။

တိုက်ပွဲပုံရိပ်များကိုကြည့်ရင်း လွတ်လပ်အင်ပါယာမှလူများအားလုံးတွင် အလွန်အမင်း မှိုင်းညို့သောမျက်နှာများရှိနေကြသည်။

“ရန်နိုင်ငံရဲ့သားရဲတွေက ငါတို့ထင်ထားတာထက်တောင် ပိုအစွမ်းထက်တယ်၊ ဒီလိုဆိုရင် ရေဘဝဲဘုရင်ကို လွှတ်လိုက်ကြရအောင်”

“အရင်ဆုံး၊ ရန်နိုင်ငံရဲ့ အစောင့်အရှောက်သားရဲလို့ သတ်မှတ်ခံရတဲ့ တောင်ပိုင်းပင်လယ်ထဲက ရွှမ်ဝူ,ကို ဖယ်ရှားမယ်”

ရန်နိုင်ငံကို လုံးလုံးအနိုင်ယူနိုင်စေရန်အတွက် လွတ်လပ်သောအင်ပါယာသည် ယခုတစ်ကြိမ်တွင် လုံလောက်သော ပြင်ဆင်မှုများ ပြုလုပ်ခဲ့သည်။

ယခုပေါ်လာသော သားရဲဘုရင်သုံးကောင်သည် သူတို့ပြင်ဆင်ထားသမျှမဟုတ်သေးပေ၊ လျှို့ဝှက်သောအားဖြင့် အခြားနည်းလမ်းတစ်ခုလည်းရှိသေးသည်။

အမိန့်ပေးလိုက်သည်နှင့်တစ်ပြိုင်နက် ဧရာမရေဘဝဲကြီးသည် ပင်လယ်အနက်မှ ဖြည်းညှင်းစွာထွက်ပေါ်လာခဲ့ပြီး ကျွန်းတစ်ကျွန်းကဲ့သို့ ပင်လယ်ထက်တွင် လွင့်မျောနေသည်။

ဤရေဘဝဲသည် အလွန်ရှည်လျားသော သက်တမ်းရှိပြီး ရေနက်ကတုတ်ကျင်းများတွင် နေထိုင်လေ့ရှိသည်။

ဝိညာဉ်စွမ်းအင် ပြန်လည်ရှင်သန်မလာမီတွင်ပင်၊ သူက ပင်လယ်ထဲမှ ဧရာမသားရဲကြီးဖြစ်နေပြီဖြစ်သည်။

သင်္ဘောများက ကတုတ်ကျင်းကိုဖြတ်သွားတိုင်း ပင်လယ်နက်ထဲကို ဆွဲချခံလိုက်ရသည့်အတွက် ဤနေရာက တဖြည်းဖြည်းနှင့် သင်္ဘောသားများအတွက် ကန့်သတ်နယ်မြေဖြစ်လာခဲ့သည်။

ဝိညာဉ်စွမ်းအင် ပြန်လည်ရှင်သန်လာပြီးနောက်၊ ဤဧရာမပင်လယ်ရေဘဝဲကြီးသည် အဆက်မပြတ် ဝါးမျိုခြင်းဖြင့် ဆင့်ကဲပြောင်းလဲလာခြင်းကြောင့် ပို၍ပင် ကြောက်စရာကောင်းလာခဲ့သည်။

“မင်းတို့လူသားတွေက အရမ်းနှေးကွေးလွန်းတယ်”

“အစကတည်းက ငါလှုပ်ရှားခဲ့မယ်ဆိုရင် ပြဿနာ တစ်စုံတစ်ရာမှ ရှိလာမှာ မဟုတ်ဘူး၊ တိုက်ပွဲက အရင်ကတည်းက ပြီးသွားလိမ့်မယ်”

ရေဘဝဲဘုရင်၏ အသံက အနည်းငယ် ဆူညံနေပြီး ဆံပင်ဖြူအဘိုးအိုတစ်ဦးကဲ့သို့ပင် ရှေးကျသောအသံဖြင့်ပြောလိုက်သည်။

လွတ်လပ်အင်ပါယာမှလူများကို အထင်အမြင်သေးစွာဖြင့် ကြည့်ပြီးနောက် ရေဘဝဲဘုရင်သည် ရွှမ်ဝူ နှင့် ပင်လယ်-ဝါးမျိုဝေလငါးဘုရင်တို့၏ တိုက်ပွဲပြင်ဆီသို့ လျင်မြန်စွာ ပျံသန်းသွားခဲ့သည်။

………………

ရန်နိုင်ငံ နှင်းထူထပ်သော ဒေသ၊ ဂိုဘင် သဲကန္တာရ တိုက်ပွဲမြေပြင်။

ခြင်္သေ့ဘုရင် အလွန်အစွမ်းထက်သော်လည်း နတ်ဆိုးအသွင်ပြောင်းခြင်း ကိုအသက်သွင်းထားသော လုချန်း နှင့်ရင်ဆိုင်ရချိန်တွင် အားနည်းချက်များစွာရှိခဲ့ပြီး ဒဏ်ရာများစွာရရှိခဲ့သည်။

ထို့အပြင် လုချန်း,သည် သူ့၏ ဧကရာဇ် ဒိုမိန်းကို အသုံးပြုခဲ့ပြီး ခြင်္သေ့ဘုရင်က ဖိအားများအောက်တွင် နစ်မြုပ်နေခဲ့သည်။

လုချန်း ၏ပြင်းထန်သောတိုက်ခိုက်မှုအောက်တွင်၊ ခြင်္သေ့ဘုရင်သည် သူ့၏ယခင်ဘုန်းအာနုဘော်ကိုဆုံးရှုံးခဲ့ပြီး ခုခံကာကွယ်ရုံသာ တတ်နိုင်ခဲ့သည်။

“ဂါးး!”

ခြင်္သေ့ဘုရင်သည် ကောင်းကင်သို့ ဟိန်းဟောက်ကာ မီးတောက်ကို မှုတ်ထုတ်လိုက်သည်။

၎င်းကိုမြင်ပြီး လုချန်း,က မရှောင်တမ်းဘဲ ပါးစပ်ကိုဖွင့်ကာ ရေခဲစွမ်းအားကို မှုတ်ထုတ်လိုက်သည်။

ရေခဲနှင့် မီးသည် လေထုအလယ်တွင် ဆုံတွေ့ပြီး အငွေ့ပျံသွားသော ရေခိုးရေငွေ့များက ဧရိယာအနှံ့ ပျံ့နှံ့သွားသည်။ အချိန်အတော်ကြာ ခြောက်သွေ့ခဲ့သော ဂိုဘင် သဲကန္တာရက ရုတ်တရက် အလွန်စိုစွတ်လာသည်။

ယခင်က အလွန်မာနကြီးခဲ့သော ခြင်္သေ့ဘုရင်က နောက်ပြန်လှည့်မကြည့်ဘဲ ထွက်ပြေးသွားလေသည်။

ယင်းကိုမြင်ပြီး လုချန်း,က အေးစက်စွာ အော်ဟစ်လိုက်ကာ အရှိန်ပြင်းပြင်းဖြင့် သူ့နောက်ကို လိုက်သွားသည်။

သားရဲဘုရင်နှစ်ကောင် အချင်းချင်း လိုက်ဖမ်းနေချိန်တွင် မိုင်ရာနှင့်ချီဝေးသောတစ်နေရာတွင် လင်းနို့ကြီးတစ်ကောင် ပေါ်လာသည်။

အနက်ရောင်ကိုယ်ထည်ရှိသော လင်းနို့ကြီးတစ်ကောင်သည် လှိုဏ်ဂူထဲမှ ပြေးထွက်လာပြီး အဝေးကို စူးစူးစိုက်စိုက်ကြည့်နေသည်။

ဤလင်းနို့ကြီးက အချိန်အတော်ကြာ ပျောက်ကွယ်သွားခဲ့သော သွေးလင်းနို့ဘုရင်ဖြစ်သည်။

“နှင်းဝံပုလွေဘုရင်ရဲ့ စွမ်းအားက ဒီလောက် မြန်မြန် တိုးလာလိမ့်မယ်လို့ ငါမမျှော်လင့်ထားဘူး၊ သူ အခု အရမ်း အစွမ်းထက်နေပြီ!”

“ငါ လုံလောက်တဲ့ အခွင့်အလမ်းကိုသာ မရရင် အနာဂတ်မှာ သူ့ရဲ့ အမြဲတမ်း ဖိနှိပ်မှုကိုခံရမှာကို ငါကြောက်တယ်...”

လုချန်း ထွက်ခွာသွားသည့် လမ်းကြောင်းကို ကြည့်လိုက်ရာ သွေးလင်းနို့ဘုရင်၏ မျက်လုံးများတွင် လေးနက်မှုများဖြင့် ပြည့်နှက်နေသည်။

သို့သော်၊ လုချန်းသည်လည်း ယခင်ကတည်းက သူ့ကို အာရုံခံမိခဲ့ပြီးဖြစ်သည်။

သို့သော် သွေးလင်းနို့ဘုရင်သည် ချည်နှောင်ခြင်းအဆင့်(၁)တွင်သာရှိနေသည်ကို မြင်လိုက်ရသဖြင့် လုချန်း,က သူ့ကို လျစ်လျူရှုခဲ့ခြင်းဖြစ်သည်။ အင်အားကြီး ခြင်္သေ့ဘုရင်က ရန်နိုင်ငံကို ပိုမိုခြိမ်းခြောက်နိုင်သည်။

“ငါ့အတွက် တစ်ခုတည်းသော နည်းလမ်းက ရန်နိုင်ငံကနေ ထွက်သွားဖို့ပဲ”

ဂိုဘင် သဲကန္တာရတိုက်ပွဲကြောင့် ဖြစ်ပေါ်လာသော အရှုပ်အထွေးများနှင့် အဝေးကလာသော ပြင်းထန်သည့် ဝိညာဉ်စွမ်းအား အတက်အကျများကို ကြည့်လိုက်ပြီး သွေးလင်းနို့ဘုရင်၏စိတ်ထဲတွင် အတွေးများစွာ ရှိနေသည်။

တစ်ဖက်တွင်၊ ခြင်္သေ့ဘုရင်သည် ဆက်လက်ထွက်ပြေးနေသော်လည်း လုချန်း ၏အရှိန်မှာ သူ့ထက်ပင် မြန်နေသဖြင့် မကြာမီပင် ဖမ်းမိတော့မည်ဖြစ်သည်။

“အစ်ကိုကြီး၊ ကျွန်တော် ကတိပေးပါတယ်၊ ရန်နိုင်ငံကို ဘယ်တော့မှ ထပ်မလာတော့ပါဘူး၊ ကျွန်တော့်ကို လွှတ်ပေးနိုင်မလား” ခြင်္သေ့ဘုရင်က အသနားခံလိုက်သည်။

လုချန်း၏ တိုက်ခိုက်ရေးစွမ်းအားက အမှန်တကယ်ကို အားကောင်းလွန်းပြီး၊ လုချန်း၏အဆင့်က သူ့ထက်နိမ့်သော်လည်း သူလုံး၀ ခုခံနိုင်စွမ်းမရှိခဲ့ပေ။

“အစ်ကိုကြီး ဝံပုလွေဘုရင်၊ ကျွန်တော် ဒီတစ်ခါ မဆင်မခြင်လုပ်မိသွားတယ်၊ တောင်းပန်ပါတယ်၊ အခု ထွက်သွားလို့ရမလားဟင်? ကျေးဇူးပြုပြီး ငါ့နောက်ကို မလိုက်နဲ့တော့ဟ!”

ဤကဲ့သို့သော သေခြင်း၊ ရှင်ခြင်းအကျပ်အတည်းတွင်၊ ခြင်္သေ့ဘုရင်သည် သူ့၏မျက်နှာကိုပင် ဂရုမစိုက်တော့ဘဲ လုချန်း ထံမှ လွတ်မြောက်ရန်သာ မျှော်လင့်မိတော့သည်။

“မင်းက ဒီနေရာကို ကျူးကျော်ဝင်ရောက်လာပြီး လူတွေကို အကြောင်းမဲ့ သတ်ဖြတ်တယ်၊ မင်းရဲ့ ပြိုင်ဘက်မရှိဘူးလို့တောင် အော်ပြောနေသေးတယ်၊ အခုမှ မင်းကို အ‌သက်ချမ်းသာပေးဖို့ မျှော်လင့်နေတာလား!”

လုချန်း,က ရယ်မောလိုက်ပြီး လေအလျင် စွမ်းရည်ကို အသုံးပြုကာ ခြင်္သေ့ဘုရင်၏ရှေ့သို့ စက္ကန့်ပိုင်းအတွင်း ရောက်သွားသည်။

လေထဲတွင် ပျံသန်းပြီးထွက်ပြေးနေသော ခြင်္သေ့ဘုရင်က မတုံ့ပြန်မီတွင် လုချန်း,၏ ကြောက်မက်ဖွယ်ကောင်းသော ခြေသည်းများဖြင့် ကုတ်ဆွဲခံလိုက်ရပြီး မြေပြင်ပေါ်သို့ ပြုတ်ကျသွားသည်။

“ချိန်းး...ဝုန်းး...ချိန်းး”

ထောင်ပေါင်းများစွာသော လျှပ်စီးကြောင်းများ တဖျပ်ဖျပ်လက်လာပြီး လုချန်းသည် ကောင်းကင်ယံတွင် မိုးကြိုးဒိုမိန်းကို အသုံးပြုလိုက်သည်၊ ပြီးနောက် လေထဲမှ ငွေလျှပ်စီးနဂါးများက ခြင်္သေ့ဘုရင်ထံသို့ ဆက်တိုက် ကျဆင်းလာတော့သည်။

သူ့ခန္ဓာကိုယ်က အလွန်မာကျောသော်လည်း ဤမျှပြင်းထန်သော တိုက်ခိုက်မှုဒဏ်ကို မခံနိုင်ခဲ့ပေ။

ဒဏ်ရာအပြင်းအထန်ရနေပြီဖြစ်သော ခြင်္သေ့ဘုရင်သည် ခဏအကြာတွင် သူ့၏ မှုလက ရှည်လျားစွာနေထိုင်နိုင်မည့် ဘဝကို အပြီးအတိုင်နှုတ်ဆက်လိုက်ရသည်။

ရန်နိုင်ငံစစ်တပ်သည် သားရဲဘုရင်များကြားမှ ဤတိုက်ပွဲများကို တိုက်ရိုက်ထုတ်လွင့်နိုင်ရန်အတွက် အဝေးမှ ထောက်လှမ်းရေးကိရိယာများကို အသုံးပြုခဲ့သည်။

ခြင်္သေ့ဘုရင် မြေပြင်ပေါ်သို့ ခိုကိုးရာမဲ့စွာ ပြုတ်ကျသွားသည်ကို တွေ့လိုက်ရသောအခါ ရန်နိုင်ငံရှိ လူတိုင်းက ရွှင်မြူးသွားကြသည်။

“တန်ခိုးအကြီး နှင်းဝံပုလွေဘုရင်က မျှော်လင့်ထားတဲ့အတိုင်းဘဲ!”

“ငါတို့ရဲ့ ရန်နိုင်ငံမှာရှိတဲ့ သားရဲဘုရင်တွေက မယုံနိုင်စရာပဲ!”