နားခြောက်ဖက်မျောက်နှင့် သားပိုက်ကောင်ဘုရင်

ရန်နိုင်ငံ၊ တိမ်တိုက်ဒေသ။

မကြာသေးမီက ဘေးအန္တရာယ်မှ ပြန်လည်ထူထောင်ခဲ့သော တိမ်တိုက်ဒေသသည် မမျှော်လင့်ဘဲ နောက်ထပ်ဆိုးရွားသောဘေးအန္တရာယ်နှင့် ရင်ဆိုင်ခဲ့ရပြန်သည်။

မီတာ ၃၀၀ ကျော်မြင့်သော သားပိုက်ကောင်ကြီးတစ်ကောင်သည် ရန်နိုင်ငံ တိမ်တိုက်ဒေသတွင် ရုတ်တရက် ပေါ်လာပြီး ဖျက်စီးမှုများကို စတင်ခဲ့သည်။

ဤကြီးမားသော သားပိုက်ကောင်သည် အဝါရောင်နှင့် အညိုရောင်ရှိပြီး ၎င်းက မြေပြင်ပေါ်တွင် ရပ်နေသည့် လက်ဝှေ့သမားတစ်ယောက်နှင့် တူသည်။

သူ့၏ ကြွက်သားများက အလွန်ကျစ်လစ် နေပြီး သူ့၏ ကြီးမားသော ခန္ဓာကိုယ်တွင် ကြောက်မက်ဖွယ် ပေါက်ကွဲနိုင်သော စွမ်းအားများဖြင့် ပြည့်နှက်နေသည်။

ထို့အပြင်၊ သူ့၏တိုက်ခိုက်မှုအရှိန်သည် အလွန်လျင်မြန်ပြီး သူ့၏လက်သီးများက တောင်များကို ဖြိုခွဲနိုင်သည့် စွမ်းအားရှိပုံရသည်။

အရေးအကြီးဆုံးအချက်မှာ ဤသားပိုက်ကောင်၏ လှုပ်ရှားမှုများက အလွန်ရက်စက်ပြီး ကွန်ဖူးပညာကိုသိနေပုံရသည်။

ချည်နှောင်ခြင်းအဆင့်ကို ရောက်ရှိနေသော အားကောင်းသည့် သားပိုက်ကောင်ဘုရင်က အစွမ်းထက်လှပြီး သူ့ကို မည်သူမျှ မတားဆီးနိုင်ပေ။

ရန်နိုင်ငံ၏အဆင့်မြင့်ဆုံး ပင်မတိုက်ပွဲဝင်တင့်ကားများပင်လျှင် သားပိုက်ကောင်၏ရှေ့တွင် စက္ကူတစ်ရွက်နှင့်တူသည်။

ဒုံးကျည်ယာဉ်များဖြင့် ဆက်လက်ပစ်ခတ်နေသော်လည်း သားပိုက်ကောင်ဘုရင်ကို ထိမှန်သည့် ဒုံးကျည်များက သူ့ကို ကလိထိုးသကဲ့သို့ ဖြစ်နေသည်။

နောက်ဆုံးတွင်၊ ရန်နိုင်ငံသည် ကြောက်မက်ဖွယ်ကောင်းသော သားပိုက်ကောင်ဘုရင်ကို တားဆီးရန် အဆုံးစွန်လက်နက်များကို ထပ်မံအသုံးပြုရတော့မည်ဖြစ်သည်။

ဤသို့မှမဟုတ်လျှင် တိမ်တိုက်‌ဒေသတစ်ခုလုံး ပျက်ဆီးရန်က မကြာခင်တွင်ဖြစ်လာလိမ့်မည် ဖြစ်သည်။

နှင်းထူထပ်သောဒေသရှိ ခြင်္သေ့ဘုရင်သည်လည်း အစွမ်းထက်လှပြီး၊ ဤအစွမ်းထက်သော သားရဲဘုရင်ကို မည်သူမျှ တားဆီးနိုင်မည်မဟုတ်ပေ။

လူသားများသည် အချိန်အတိုင်းအတာတစ်ခုတွင် ဖွံ့ဖြိုးတိုးတက်လာကာ အစပိုင်းနှင့်ယှဉ်လျှင် သူတို့၏ အလုံးစုံစွမ်းအားက များစွာတိုးတက်လာသော်လည်း၊ အားကောင်းသော သားရဲဘုရင်များနှင့် ရင်ဆိုင်ရချိန်တွင် သူတို့ ခိုကိုးရာမဲ့ဖြစ်နေကြဆဲဖြစ်သည်။

“ခဏတောင့်ခံထား၊ နေရာတိုင်းက ကာကွယ်ရေးသမားတွေ ဆက်ထိန်းထားကြ!”

ဂျီကျဲန်ရှန်းလည်း ဤရုတ်တရက် အခြေအနေကြောင့် နစ်မွန်းနေခဲ့သည်။ သူသည် မူလက အင်ပါယာမြို့တော်တွင် ရှိနေခဲ့သော်လည်း ရန်နိုင်ငံ၌ ဤအခြေအနေမျိုး ကြုံလာသောအခါတွင် ရှေ့တန်းသို့ အပြေးအလွှား သွားခဲ့ရသည်။

ရန်နိုင်ငံ အထူးစွမ်းရည်မဟာမိတ်အဖွဲ့၏ခေါင်းဆောင်အဖြစ် ဂျီကျဲန်ရှန်းသည် နိုင်ငံအတွင်း ပြိုင်ဘက်ကင်းသော ခွန်အားရှိပြီး ရန်နိုင်ငံရှိ လူသားအားလုံးတွင် စွမ်းအားအကြီးဆုံးဖြစ်သည်။

ယခု တိုက်ပွဲအခြေအနေသည် တစ်ဖက်သတ်နီးပါးဖြစ်နေပြီး ဂျီကျဲန်ရှန်း ကိုယ်တိုင် ထွက်လာရတော့မည်ဖြစ်သည်။

ရွှမ်ဝူ ပေါ်လာပြီး တောင်ပိုင်းပင်လယ်ရှိ ပင်လယ်-ဝါးမျိုဝေလငါးဘုရင်ကို ထိန်းချုပ်ထားသောကြောင့် အခြားဒေသနှစ်ခုသို့ သွားခဲ့ရသည်။

တိမ်တိုက်ဒေသ။

နားခြောက်ဖက်မျောက်နှင့် မြေခွေးနတ်ဆိုးတို့သည် မူလက တောင်ပိုင်းပင်လယ်ကနေ ပြန်လာပြီး တိမ်တိုက်ဒေသကို ဖြတ်သွားကြခြင်းဖြစ်သည်။ မကြာခင် စစ်ပွဲကြီးတစ်ခု ဖြစ်လိမ့်မည်ဟု သူတို့ မမျှော်လင့်ထားခဲ့ပေ။

လူသားများသည်လည်း အဆုံးစွန်သောလက်နက်ကို အသုံးပြုရန်မှလွဲ၍ အခြား ရွေးချယ်စရာမရှိတော့ပေ။ ကျယ်လောင်သောပေါက်ကွဲသံနှင့်အတူ ကြီးမားသော လှုပ်ခတ်မှုကို ဖြစ်စေခဲ့ပြီး နားခြောက်ဖက်မျောက်ကို အနည်းငယ် စူးစမ်းလိုစိတ် ဖြစ်စေခဲ့သည်။

နားခြောက်ဖက်မျောက်က အလွန်ဉာဏ်ကောင်းပြီး၊ သူသည် လူသားနည်းပညာဆိုင်ရာ ကိရိယာများကိုလည်း အသုံးပြုနိုင်သည်။

သူနဲ့အတူ ကိုင်ဆောင်လာသော လက်ကိုင်ဖုန်းကို ထုတ်လိုက်ပြီး နားခြောက်ဖက်မျောက်က ရှေ့တန်းကနေ တိုက်ရိုက်ထုတ်လွှင့်မှုကို မြင်လိုက်ရသည်။

အလွန်အားကောင်းသော သားပိုက်ကောင်ဘုရင်သည် မောက်မာစွာဖြင့် “ဒါက ရန်နိုင်ငံလား၊ ဒီက သတ္တဝါတွေအားလုံး အားနည်းလွန်းတယ်!”

“ဘယ်လိုတောင် ပျော့ညံ့လိုက်တဲ့ကောင်တွေလဲ၊ ငါ့ရဲ့ စွမ်းအင်တွေကို ဖြုန်းတီးလိုက်မိတာပဲ!”

“ရန်နိုင်ငံကကောင်တွေ မသေချင်ရင် ငါ့ခြေထောက်အောက်မှာ ဒူးထောက်လိုက်!”

သားပိုက်ကောင်ဘုရင်၏ မာနကြီးသော အသံက ဖုန်းစပီကာမှ ထွက်ပေါ်လာပြီး နားခြောက်ဖက်မျောက်၏ မျက်လုံးများတွင် ဒေါသအလင်းများ လင်းလက်သွားသည်။

“သားပိုက်ကောင်တစ်ကောင်က ဒီကိုလာပြီး ဒီလောက်မောက်မာတဲ့လုပ်ရပ်ကို ဘယ်လိုတောင်သတ္တိရှိရှိလုပ်ဝံ့တာလဲ”

“ရန်နိုင်ငံရဲ့ အရည်အချင်းမပြည့်မီတဲ့ တိရစ္ဆာန်တွေလို့ မင်းဘယ်လိုတောင် ထင်ဝံ့တာလဲ၊ မင်းမှာ ဘာအရည်အချင်းရှိလဲဆိုတာ ငါကြည့်ချင်တယ်!”

နားခြောက်ဖက်မျောက်သည် မကြာသေးမီက ရေသူမမျိုးနွယ်စု၏ မြင့်မြတ်သော ရတနာကို သန့်စင်ခဲ့ပြီး သူ့၏ စွမ်းအားမှာ များစွာ တိုးတက်လာခဲ့သည်။ ကိုယ့်ကိုယ်ကိုယ် ယုံကြည်မှုအပြည့်ရှိသည့် အဆင့်ကို ရောက်ရှိနေပြီဖြစ်သည်။ သားပိုက်ကောင်ဘုရင်၏ အထင်သေးသော စကားကိုကြားပြီး သူချက်ချင်းပင် ဒေါသထွက်သွားသည်။

နားခြောက်ဖက်မျောက်သည် မြေပုံကိုကြည့်ရန် မလိုအပ်ဘဲ ပေါက်ကွဲသံ၏ အကျယ်လောင်ဆုံးနေရာသို့ တိုက်ရိုက်ပျံသန်းသွားသည်။

များမကြာမီတွင်၊ သားပိုက်ကောင်ဘုရင်က နားခြောက်ဖက်မျောက်ကို တွေ့လိုက်ရသည်။

“အိုး.. နောက်ဆုံးတော့ စိတ်ဝင်စားဖို့ကောင်းလာပြီ”

အစွမ်းထက်သော နားခြောက်ဖက်မျောက်ကိုမြင်လျှင်ပင် သားပိုက်ကောင်ဘုရင်သည် သူ့မျက်နှာတွင် ကြောက်ရွံ့ခြင်းမရှိဘဲ စိတ်ဝင်တစား ရယ်မောလိုက်သည်။

“မင်းက ရန်နိုင်ငံမှာ လာမောက်မာနေတဲ့ကောင်လား”

“သားပိုက်ကောင်တစ်ကောင်က မောက်မောက်မာမာ ပြောဝံ့တယ်? မင်းတကယ် သေလမ်းရှာနေတာလို့ ငါထင်တယ်!”

နားခြောက်ဖက်မျောက်က ရှေ့ကို ဖြည်းညှင်းစွာ လျှောက်သွားပြီး အေးစက်သောအကြည့်များဖြင့် ပြောလိုက်သည်။

ယင်းကိုကြားသောအခါ သားပိုက်ကောင်ဘုရင်၏ မျက်နှာက ပြောင်းလဲသွားပြီး သတ်ဖြတ်ငွေ့များက မျက်လုံးထဲမှ ထွက်လာခဲ့သည်။

“မျောက်ငတုံး၊ မင်းကို ငါအခွင့်အရေးပေးမယ်၊ ငါ့ခြေဖဝါးအောက်မှာ ဒူးထောက်ရင် မင်းအသက်ကို ချမ်းသာပေးမယ်၊ မဟုတ်ရင် ငါ့ကို ရိုင်းစိုင်းတယ်လို့ အပြစ်မတင်နဲ့!”

သားပိုက်ကောင်ဘုရင်၏ ဒေါသကို ရင်ဆိုင်ရသော်လည်း နားခြောက်ဖက်မျောက်က အကြောင်းမပြန်ဘဲ တိုက်ရိုက် ခုန်တက်လိုက်ပြီး သားပိုက်ကောင်ဘုရင်ကို တိုက်ခိုက်လိုက်သည်။

“ဘုန်း!” “ဘုန်း!” “ဘုန်း!”

နှစ်ဖက်လုံးက အလွန်ကြီးမားကြပြီး လှုပ်ရှားမှုများက အလွန်လျင်မြန်သည်။ လူများစွာသည် သူတို့၏ ပုံရိပ်ယောင်များကိုသာ မြင်နိုင်ပြီး အချင်းချင်း တိုက်ခိုက်သည့် ကျယ်လောင်သော အသံများကို ကြားနိုင်သော်လည်း သူတို့၏ တိုက်ခိုက်မှုကို ရှင်းရှင်းလင်းလင်း မမြင်နိုင်ပေ။

နားခြောက်ဖက်မျောက်သည် ခွန်လွန် တောင်တန်းတွင် နေထိုင်ပြီး မျောက်တစ်ကောင်အနေဖြင့် သူ့၏လှုပ်ရှားမှုတိုင်းက ဆန်းကျယ်ပြီး သွက်လက်သည်။

ဤသားပိုက်ကောင်သည် ကောင်းစွာဖွံ့ဖြိုးနေသောကြွက်သားများရှိပြီး သူ့၏လက်သီးချက်များက လက်ဝှေ့ချန်ပီယံကဲ့သို့ လျင်မြန်ပြီး အစွမ်းထက်သည်။ ထိုးချက်တိုင်းက မိုးခြိမ်းသံနှင့် လေပြင်းများကိုအတူ သယ်ဆောင်လာသည်။

ဤအခိုက်အတန့်တွင်၊ သားရဲဘုရင်နှစ်ကောင်သည် သာမာန်သားရဲများ၏ သဘာဝတိုက်ခိုက်ခြင်းကဲ့သို့မဟုတ်တော့ဘဲ လူသားကွန်ဖူးဆရာများကဲ့သို့ အပြန်ပြန်အလှန်လှန် တိုက်ခိုက်နေကြသည်။

နားခြောက်ဖက်မျောက်တစ်ကောင်က ရုတ်တရက်ထွက်ပေါ်လာပြီး သားပိုက်ကောင်ဘုရင်အား တားဆီးလိုက်သည်ကို မြင်လိုက်ရသောအခါ တိမ်တိုက်ဒေသရှိ လူသားများက ရုတ်တရက် စိတ်လှုပ်ရှားသွားကြသည်။

နားခြောက်ဖက်မျောက် ပေါ်လာသည်ကို သူတို့ပထမဆုံးမြင်ဖူးခြင်းဖြစ်ပြီး ရန် နိုင်ငံတွင် ဖုန်းကွယ်နေသော တန်ခိုးကြီးသားရဲ အများအပြားရှိနေလိမ့်မည်ဟု မည်သူမျှ မမျှော်လင့်ထားခဲ့ကြပေ။

မကြာသေးမီက ပေါ်လာခဲ့သော ရွှမ်ဝူ အပြင်၊ ထိုကဲ့သို့ သန်မာသော နောက်ထပ် တန်ခိုးကြီး သားရဲဘုရင်တစ်ကောင် ပေါ်လာပြန်သည်။

…………….

ရန်နိုင်ငံ အနောက်ဒေသ၊ ခွန်လွန်တောင်တန်း။

မြင့်မားသောတောင်ထိပ်တွင် လုချန်း,က ကျေနပ်စွာ ခေါင်းညိတ်လိုက်သည်။

အချို့သော “ဖော်ရွေသော” စေ့စပ်ညှိနှိုင်းမှုများပြုလုပ်ပြီးနောက်၊ သူသည် နောက်ဆုံးတွင် တောင်တစ်ခုလုံးကို ဖုံးလွမ်းထားသည့် ချည်နှောင်ခြင်းအဆင့်ရှိ ချင်းဇွန် စပျစ်နွယ်ပင်ကို အနိုင်ယူရန် မိုးကြိုး ဒိုမိန်းနှင့် သူ့၏ အစွမ်းထက်သော ခန္ဓာကိုယ်ကြံ့ခိုင်မှုကို အားကိုးခဲ့သည်။

လုချန်း,သည် စွမ်းအားကြီးသော လက်အောက်ငယ်သားတစ်ဦးကိုရရှိရန် ဝိညာဉ်ပဋိဉာဉ်စွမ်းရည်ကို ကျေနပ်စွာအသုံးပြုခဲ့သည်။

ဤချင်းဇွန် စပျစ်ပင်ကို သာမန် ရက်စက်ကြမ်းကြုတ်သော သားရဲများနှင့် နှိုင်းယှဉ်၍မရပေ။ သူ့၏စွမ်းအားက အလွန်ပြင်းထန်ပြီး သူ့ကိုအနိုင်ယူရန် လုချန်း အတော်လေး ကြိုးစားခဲ့ရသည်။

သို့သော် ယခုအချိန်တွင် လုချန်းသည် ကျန်းဟောင်,ထံမှ သတင်းတစ်ခုကို လက်ခံရရှိခဲ့သည်။

“သခင်၊ မကောင်းတော့ဘူး၊ ပြင်ပသားရဲဘုရင်တွေက ရန်နိုင်ငံကို လမ်းကြောင်းသုံးကြောင်းကနေ တိုက်ခိုက်နေပြီး ရှေ့တန်းမှာ အန္တရာယ်ရှိနေပြီ!”

ထို့နောက် ကျန်းဟောင်သည် လုချန်း,အား သူရရှိခဲ့သည့် သတင်းများအားလုံးကို ပြောပြခဲ့သည်။

“သူရဲဘောကြောင်တဲ့လိပ်နဲ့ သူ့အသက်အတွက် ဘယ်ကိုပြေးရမှန်းမသိတဲ့ မျောက်က ပြင်ပသားရဲတွေကို တွန်းလှန်ပြီး ရန်နိုင်ငံကို ကာကွယ်ပေးလိမ့်မယ်လို့ မထင်ထားခဲ့ဘူး”

“ဒီတစ်ခါတော့....”

အတွေးတစ်ခုရပြီးနောက် လုချန်းသည် ခွန်လွန် တောင်တန်း၏အနောက်ဘက်မှစတင်ကာ ပြင်ပခြင်္သေ့ဘုရင်အား သင်ခန်းစာတစ်ခုပေးရန်အတွက် နှင်းထူထပ်သော ဒေသသို့ တိုက်ရိုက်သွားရန် ဆုံးဖြတ်ခဲ့သည်။

ဤရန်နိုင်ငံက သူတို့၏နယ်မြေဖြစ်ပြီး ပြင်ပသားရဲဘုရင်အနည်းငယ်က ရန်နိုင်ငံကို သိမ်းပိုက်လိုခြင်းက နှင်းဝံပုလွေဘုရင်ကို အလေးအနက်မထားခြင်းပင်။

“မင်းတို့က ငါ့ရှိနေတဲ့နယ်မြေမှာ ပြဿနာရှာဝံ့တယ်? သေလမ်းရှာနေတာပဲ!”