နတ်ဘုရားဂိုဏ်းခေါင်းဆောနှစ်ဦး၏ အချစ်နှင့် အမုန်း

【ဒီနှစ်တွေအတွင်းမှာ ယဲ့ယွီဟာ စမ်းသပ်မှုအမျိုးမျိုးကို လုပ်ဆောင်ခဲ့တယ်။】

【ပြီးတော့ မြေမြှုပ်ခြင်းကနေ စွမ်းအားတွေစုပ်ယူဖို့ အကောင်းဆုံးနည်းလမ်းကို တဖြည်းဖြည်း ရှာဖွေတွေ့ရှိခဲ့တယ်။】

【ဆိုလိုသည်မှာ၊ သင့်ထက် အဆင့်အတန်းမြင့်တဲ့ ရုပ်အလောင်းကို မြေမြှုပ်မယ်ဆိုရင် ပိုမိုမြင့်မားတဲ့ ဆုလာဘ်ကို ရရှိလိမ့်မယ်။】

【ရုပ်အလောင်းဟာ သင့်ကိုယ်ပိုင်အဆင့်ထက် အနည်းဆုံး တစ်ဆင့်လောက်ပဲသာနေမယ်ဆိုရင် သူ့ရဲ့စွမ်းရည်တွေနဲ့ နည်းစနစ်တွေကို ရရှိနိုင်ဖို့ အခွင့်အရေးရှိတယ်။】

【ဒါပေမယ့် ဖြစ်နိုင်ခြေကတော့ အလွန်နည်းပါးပါတယ်။】

【လွန်ခဲ့တဲ့ အနှစ်နှစ်ဆယ်အတွင်းမှာ ယဲ့ယွီဟာ ရုပ်အလောင်းတွေကို မြေမြှုပ်ရင်း နည်းစနစ်တွေကို နှစ်ကြိမ်သာ ရရှိခဲ့တယ်။】

【သူတို့အားလုံးဟာ ဆန်းကျယ်နတ်ဘုရားအဆင့် နတ်ဘုရားပညာတွေ ဖြစ်ပေမယ့် မရတာထက်တော့ ရတာက ပိုကောင်းတာပေါ့။】

【မြေမြှုပ်တဲ့ ရုပ်အလောင်းက သင့်ထက် အဆင့်နိမ့်ရင် ယဲ့ယွီရရှိတဲ့ ကျင့်ကြံမှုဆုလာဘ်က အလွန်ကိုပဲ နည်းပါးလိမ့်မယ်။】

【ဒါဟာ ယဲ့ယွီကို သူ့ရဲ့ကျင့်ကြံမှု တိုးတက်အောင် ပိုမိုမြန်မြန်လုပ်နိုင်ဖို့ အရည်အသွေးမြင့် ရုပ်အလောင်းအချို့ကို ရှာဖွေရမယ်လို့ ရှင်းရှင်းလင်းလင်း ပြောပြနေတာပဲ။】

【ဒါပေမယ့် ကောင်းကင်ဘုံရဲ့ လက်ရှိအခြေအနေက တိုက်ပွဲတွေ သိပ်မရှိပဲ အရမ်းတည်ငြိမ်နေတယ်။】

【ယဲ့ယွီ ရှာဖွေဖို့ ဒီလောက်များပြားတဲ့ ရုပ်အလောင်းတွေ ဘယ်မှာ ရှိနိုင်မှာလဲ။】

【သူ လူ့ဘုံမှာ လုပ်ခဲ့သလိုမျိုး တိတ်တဆိတ် လိုက်လံသတ်ဖြတ်ခိုင်းလို့ မဖြစ်နိုင်ဘူးလေ၊ ဟုတ်တယ်မလား။】

【တကယ်တော့ မဖြစ်နိုင်တာတော့ မဟုတ်ဘူး။】

【နတ်ဘုရားအဆင့်နိမ့်တွေကို လိုက်သတ်ပြီး မြေမြှုပ်တာက ဘယ်လောက်များများသုတ်ယဲ့ယွီပီးရင်တောင် အရည်အသွေးပြောင်းလဲမှုဖြစ်စေဖို့ မလုံလောက်ဘူး။】

【ဒါပေမယ့် အဆင့်မြင့်သူတွေကို သတ်မယ်ဆိုရင်တော့ နည်းနည်းလေး ရှုပ်ထွေးလိမ့်မယ်။】

【ဒါ့အပြင် အဆင့်မြင့်နတ်ဘုရားတွေ အများကြီးသတ်ဖြတ်ခံရရင် ထိပ်တန်းစွမ်းအားကြီးမားတဲ့နတ်ဘုရားတွေ သတိပြုမိမှာ သေချာတယ်။】

【အဲဒီအခါမှာ အရာအားလုံး ပြီးဆုံးသွားလိမ့်မယ်။】

【ကောင်းကင်ဘုံဟာ လူ့ဘုံ မဟုတ်ဘူးဆိုတာကို ယဲ့ယွီ သိထားရမယ်။】

【ကောင်းကင်ဘုံမှာရှိတဲ့ နတ်ဘုရားအရေအတွက်က အရမ်းကြီး မများဘူး။】

【ဒါကြောင့် မှန်ကန်တဲ့အဖြေကတော့ အရည်အသွေးမြင့် နတ်ဘုရားရုပ်အလောင်းတွေကို တည်တည်ငြိမ်ငြိမ် လိုက်လံရှာဖွေဖို့ပဲ။】

【သူတို့ကို ဘယ်လိုလုပ်ပြီး ဘယ်သူမှသံသယမဝင်ပဲ ကျိုးကြောင်းဆီလျော်တဲ့ နည်းလမ်းနဲ့ သေဆုံးအောင် လုပ်နိုင်မှာလဲ။】

【ဒါ့အပြင် အရေအတွက်က နည်းနည်းပိုများရင် ပိုကောင်းလိမ့်မယ်။】

【ယဲ့ယွီက ပြတ်ပြတ်သားသား တနေရာမှာ ခနလောက်နားခိုလိုက်ပြီး ဉီးနှောက်ကိုအပြင်းထန်ဆုံး အလုပ်ပေးကာ စဉ်းစားခန်းစတင်ခဲ့တယ်။】

【ဘာပဲဖြစ်ဖြစ်၊ ဦးတည်ရာ မှားနေရင် ကြိုးပမ်းမှုအားလုံး အချည်းအနှီး ဖြစ်သွားလိမ့်မယ်။】

【မှန်ကန်တဲ့လမ်းကြောင်းကို ရွေးချယ်မှသာ ပိုမိုမြန်ဆန်တဲ့ အောင်မြင်မှုကို ရရှိနိုင်မယ်။】

【တစ်ညတာ စဉ်းစားပြီးနောက်။】

【ယဲ့ယွီက လက်ရှိ ကြုံတွေ့နေရတဲ့ အခက်အခဲကို ဖြေရှင်းဖို့ အကောင်းဆုံးနည်းလမ်းကို တွေးခဲ့တယ်။】

【ဆိုလိုတာကတော့ ကိုယ်တိုင်ဝင်ပါဝင်ပြီး ကစားခြင်းပဲ။】

【ဂိုဏ်းတစ်ခုထဲကို ဝင်ပြီး အခြားဂိုဏ်းတစ်ခုနဲ့ တိုက်ပွဲတစ်ခုကို လှုံ့ဆော်ရမယ်။မဟာမိတ်တွေကိုစတေးခြင်းအိပ်မက်ထဲကအကွက်တွေပေါ့】

【နှစ်ဖက်ကြားမှာ ကြီးမားတဲ့ တိုက်ပွဲတစ်ခုပေါ့။】

【ဒီလို အခြေအနေမျိုးမှာ အဆင့်မြင့် နတ်ဘုရားအရေအတွက် အများအပြား သေဆုံးလိမ့်မယ်ဆိုတာ သေချာပြီး အရေအတွက်ကလည်း အရေးပါလိမ့်မယ်။】

【အခွင့်အရေးကို ဖမ်းဆုပ်နိုင်သရွေ့ ကောင်းကင်ဘုံမှာ အမြန်ဆုံးအဆင့်မြင့်တက်ဖို့ လုံးဝဖြစ်နိုင်ပါတယ်။】

【နောက်သုံးရက်။】

【ယဲ့ယွီဟာ ကောင်းကင်ဘုံ နတ်ဘုရားဂိုဏ်းတွေရဲ့ ကြားက ရန်ညှိုးရန်စတွေကို အကြိမ်ကြိမ် လေ့လာခဲ့တယ်။】

【နောက်ဆုံးတော့ သွေးထိုးရလွယ်တဲ့ အကောင်းဆုံး ပစ်မှတ်ဂိုဏ်းတစ်ခုကို ရှာဖွေတွေ့ရှိခဲ့တယ်။】

【ကောင်းကင်ဘုံရဲ့ တောင်ဘက်ပိုင်းမှာ ထန်းတိနန်းဆောင် လို့ ခေါ်တဲ့ နတ်ဘုရားဂိုဏ်းတစ်ခု ရှိတယ်။】

【လက်ရှိမှာ နောက်ထပ်နတ်ဘုရားဂိုဏ်းတစ်ခုဖြစ်တဲ့ စု ဇင်းဂိုဏ်း နဲ့ အမြဲတမ်း ပဋိပက္ခတွေ ရှိနေပြီး ဘယ်အချိန်မဆို တိုက်ပွဲတစ်ခု ဖြစ်ပွားလာနိုင်တယ်လို့ သူခန့်မှန်လို့ရတဲံ အခြေအနေတွေရှိနေတယ်။】

【ထန်းတိနန်းဆောင် ရဲ့ ခေါင်းဆောင် ရှန်ဘိ မှာ ကျောင်ချင်း လို့ အမည်ရှိတဲ့ နတ်ဘုရားအဖော်တစ်ယောက် ရှိတယ်လို့ ကောလဟာလ ထွက်နေတယ်။】

【ကျောင်ချင်း နဲ့ စု ဇင်းဂိုဏ်း ခေါင်းဆောင် ရန်ချင်းစုန် တို့ဟာ ပုံမှန်မဟုတ်တဲ့ ဆက်ဆံရေးကို ပြသတဲ့ ချစ်ခွန်းဖလှယ် အကြည့်တွေကို လဲလှယ်ခဲ့ကြတယ်။】

【သူတို့ကို နောက်ပိုင်းမှာ လက်ပူးလက်ကျပ် ဖမ်းမိခဲ့တယ်။】

【ထန်းတိနန်းဆောင် ရဲ့ ခေါင်းဆောင် ရှန်ဘိဟာ သူ့ခေါင်းပေါ်က အစိမ်းရောင်ကြောင့် ချက်ချင်း ဒေါသထွက်သွားတယ်။(ဦးထုပ်စိမ်းဆောင်းသည်ဆိုသည်မှာ တရုတ်အလိုအရ နွားဖြစ်သည်ဟုဆိုလိုသည်။】

【သူ စု ဇင်းဂိုဏ်း ရဲ့ ခေါင်းဆောင် ရန်ချင်းစုန် ဆီ သွားပြီး သူ့ ကျောင်ချင်း ကို ဘာလို့ မြူဆွယ်တာလဲလို့ မေးတယ်။ သူတို့ရဲ့ နတ်ဘုရားစုံတွဲဆက်ဆံရေးကို ဖျက်ဆီးပစ်ချင်ခဲ့တယ်။】

【ရန်ချင်းစုန် ဟာ ကြာကူလီကောင်လို့ လူတိုင်း တွေးနေတဲ့အချိန်မှာပဲ။】

【သူတို့ လုံးဝ မထင်ထားခဲ့တဲ့ဇာတ်လမ်းကထပ်ပေါ်လာခဲ့တယ်။】

【ပွင့်ပွင့်လင်းလင်းပြောရရင် ဒီဆက်ဆံရေးမှာ ရှင် ရှန်ဘိ ဟာ တတိယပုဂ္ဂိုလ်ပဲ။】

【လွန်ခဲ့တဲ့ နှစ်ပေါင်း တစ်သိန်းက ရန်ချင်းစုန် နဲ့ ကျောင်ချင်း တို့ဟာ သူတို့ လူ့ဘုံမှာ ရှိနေတုန်းကတည်းက တာအိုအဖော်တွေ ဖြစ်ခဲ့ကြပြီး သူတို့ရဲ့ဆက်ဆံရေးဟာ အလွန်ကောင်းမွန်ခဲ့တယ်။】

【သူတို့ ကောင်းကင်ဘုံကို ရောက်ပြီးတဲ့အခါ လူတိုင်း အားကျရတဲ့ နတ်ဘုရားစုံတွဲ ဖြစ်လာဖို့ သဘောတူခဲ့ကြတယ်။】

【သို့သော် ကျောင်ချင်း ဟာ ကောင်းကင်ဘုံကို အရင်တက်ခဲ့တယ်။】

【ရန်ချင်းစုန် ကတော့ ဆယ်နှစ်ကြာပြီးနောက်မှာ နေ့ခင်းဘက်မှာပဲ ကောင်းကင်ဘုံကို တက်ခဲ့တယ်။】

【ဒါကြောင့် သူတို့နှစ်ဦး အဆက်အသွယ် ပြတ်တောက်သွားခဲ့တယ်။】

ကောင်းကင်ဘုံကို ရောက်ပြီးနောက် ရန်ချင်းစုန် ဟာ ကျောင်ချင်း ရဲ့ သတင်းအစအနကို ရှာမတွေ့နိုင်သေးဘူး။

【စိတ်ပျက်ပြီး စိတ်နှလုံးကြေကွဲစွာနဲ့ သူဟာ ကြိုးစားပမ်းစား လေ့ကျင့်ပြီး သူ့ရဲ့ နတ်ဘုရားဂိုဏ်းကို တည်ထောင်ခဲ့တယ်။】

【ဆယ်နှစ်အထိ ရန်ချင်းစုန် ဟာ အပြင်မှာ သွားလာနေတုန်းမှာ သူ့ချစ်သူ ကျောင်ချင်း ကို မမျှော်လင့်ဘဲ တွေ့ဆုံခဲ့တယ်။】

【သူတို့နှစ်ဦးဟာ တစ်ဦးနဲ့တစ်ဦး တမ်းတခြင်းကို ဖော်ပြရင်း ဝမ်းသာမျက်ရည် ကျခဲ့ကြတယ်။】

ရန်ချင်းစုန် က မူလက ကျောင်ချင်း နဲ့ ပြန်လည်သင့်မြတ်ပြီး စုံတွဲဖြစ်ချင်ခဲ့တယ်။

【ဒါပေမယ့် ကျောင်ချင်းက ငြင်းပယ်ခဲ့တယ်။】

ကျောင်ချင်း ရဲ့ ပြောကြားချက်အရ ကောင်းကင်ဘုံကို တက်ပြီးနောက် သူမဟာ ထန်းတိနန်းဆောင် ရဲ့ ခေါင်းဆောင် ရှန်ဘိ ကို တွေ့ဆုံခဲ့တယ်။

【ရှန်ဘိ ဟာ သူမကို မြင်မြင်ချင်း ချစ်မိသွားခဲ့တယ်။】

【ကျောင်ချင်းဟာနတ်ဘုရားစုံတွဲ ဖြစ်လာဖို့ သူမရဲ့ကိုယ်ခန္ဓာကို အတင်းအကျပ်ရယူကာ မွေ့ရာထက်ကိုခေါ်ဆောင်ပြီး ဇနီးအဖြစ် လုပ်ခဲ့တယ်။】

【နှစ်ပေါင်း တစ်သိန်းနီးပါး ကုန်လွန်သွားခဲ့ပြီ။】

ကျောင်ချင်း ဟာ သူမ ညစ်ပတ်နေတယ်လို့ ခံစားရပြီး ရန်ချင်းစုန် ကို သူမအကြောင်း မေ့ပစ်ဖို့ တောင်းဆိုခဲ့တယ်။

【ဒါပေမယ့် ရန်ချင်းစုန် ကလည်း စိတ်ခံစားမှု ပြင်းထန်သူတစ်ဦးပါ။】

【သူ ကျောင်ချင်း ကို ထွက်ခွာခွင့် မပြုခဲ့ဘူး။】

【သူ ရှန်ဘိ ကို သတ်ပစ်ဖို့ ရည်ရွယ်ချက်ကိုတောင် ဖော်ပြခဲ့တယ်။】

ကျောင်ချင်း က ရန်ချင်းစုန် ကို တားပြီး ပြောတယ် "အဲဒီလို မလုပ်ပါနဲ့။ ရှန်ဘိ ဟာ လက်ရှိမှာ အလွန်အားကောင်းတယ်။ ရှင် ပိုပြီး ကြိုးစားလေ့ကျင့်သင့်ပြီး လုံလောက်တဲ့ ခွန်အား ရှိလာတဲ့အထိ စောင့်ပါ။"

【ပွင့်ပွင့်လင်းလင်းနဲ့ ရိုးသားစွာနဲ့ ကျွန်မကို ပြန်ခေါ်သွားပါ။】

【အခုတော့ လျှို့ဝှက်စွာပဲ ဆက်ဆံကြစို့။】

ရန်ချင်းစုန် ရဲ့ ပုံပြင်ကို နားထောင်ပြီးနောက် ရှန်ဘိ ဟာ လုံးဝ ထုံထိုင်းသွားတယ်။ ဒီအချိန်အားလုံးပြီးနောက် ငါက တတိယပုဂ္ဂိုလ်ပေါ့လေ?

【ဒါက ရယ်စရာကောင်းလိုက်တာ။】

【ရှန်ဘိ ဟာ မောပန်းနွမ်းနယ်သွားပြီး ရန်ချင်းစုန် နဲ့ သုံးရက်သုံးည တိုက်ခိုက်ခဲ့တယ်။】

【နောက်ဆုံးတော့ သူတို့ဟာ သရေကျပြီး ဆုတ်ခွာသွားခဲ့တယ်။】

ကိုယ်ပိုင်အမုန်းတရားက တဖြည်းဖြည်း ကြီးထွားလာခဲ့တယ်။

【ရှန်ဘိ နဲ့ ရန်ချင်းစုန် တို့ဟာ သူတို့ရဲ့ နတ်ဘုရားဂိုဏ်းရဲ့အင်အားကို စုစည်းနေကြပြီး တစ်ဖက်ကို လုံးဝဖျက်ဆီးပစ်ဖို့ အသင့်ဖြစ်နေပြီ။】

【ဟင်း၊ ကို ပြောရမယ်ဆိုရင် ကောင်းကင်ဘုံက အချစ်၊ အမုန်းနဲ့ လက်စားချေမှုတွေကလည်း အလွန်စိတ်လှုပ်ရှားဖွယ် ကောင်းတယ်။】

【ယဲ့ယွီဟာ သူ့လက်ထဲက စာအုပ်ကို ဖြည်းဖြည်းချင်း ပိတ်လိုက်တယ်။】

【ဟုတ်တယ်၊ ဒါက စာအုပ်တစ်အုပ်ပဲ။】

ထန်းတိနန်းဆောင် နဲ့ စု ဇင်းဂိုဏ်း တို့ရဲ့ ပုံပြင်တွေကို နတ်ဘုံကစာရေးဆရာတွေက(ရှန်းရှတွေရေးသောစာရေးဆရာများဝင်စားကြတာနေမယ်) စာအုပ်အဖြစ် ရေးသားထားပြီး ကောင်းကင်ဘုံအလယ်ပိုင်းမှာ ကျယ်ကျယ်ပြန့်ပြန့် ဖြန့်ချိနေတယ်။

ဘာလို့ တောင်ဘက်ဒေသမှာ မရောင်းတာလဲ?

【အကြောင်းပြချက်က ရိုးရှင်းပါတယ်- ဒီနတ်ဘုရားဂိုဏ်းနှစ်ခုက လူတွေက ရောင်းတဲ့သူတွေကိုလိုက်သတ်မှာမလို့ပါ။】

【ဒါကြောင့် စာအုပ်အရောင်းက အလယ်ပိုင်းဒေသမှာ အဓိကဖြန့်ချီပြီးဈေးကွက်ရှာဖို့အခြေနေကို ရောက်သွားတယ်။】

【အစကတော့ စာအုပ်တစ်အုပ်ကို နတ်ဘုရားကျောက်တစ်လုံးစျေးက ယဲ့ယွီအတွက် အရမ်းစျေးကြီးနေသလိုပဲ။】

【ကြည့်ပြီးမှပဲ တန်ဖိုးရှိတာဆိုတာ ဘာလဲဆိုတာ ကို သိလာခဲ့တယ်။】

【ဒီစာအုပ်က ကောင်းကောင်းရေးသားထားပြီး ဇာတ်လမ်းက အလှည့်အပြောင်းတွေနဲ့ ပြည့်နေတယ်။】

【အထူးသဖြင့် အချစ်သုံးပွင့်ဆိုင်က ပိုလို့တောင် ရင်နင့်စရာကောင်းတယ်။】

【အထူးသဖြင့် စာရေးသူရဲ့ နောက်ဆုံးစာကြောင်းကတော့။】

လူတိုင်း မှားနေနိုင်တယ်၊ ဒါမှမဟုတ် ဘယ်သူမှ မမှားဘူး။ ကိုတို့ဟာ ကိုယ့်ရှုထောင့်ကနေပဲ အရာအားလုံးကို ကြည့်နေကြတာပဲ။

【ဒီလို ပေါ့ပေါ့ပါးပါး ဖော်ပြချက်ဟာ အမှန်တကယ်တော့ လူသုံးဦးကို ဖြူစင်စေပြီး သာမန်မဟုတ်တဲ့ ဖော်ပြမှုတစ်ခုပဲ ဖြစ်တယ်။】

【ဒါပေမယ့် ဒါတောင်မှ ဒီစာအုပ်ရဲ့ စိတ်လှုပ်ရှားမှုကို မထိခိုက်စေပါဘူး။】

【ကောင်းကင်ဘုံမှာလည်း စာရေးဆရာကောင်းတွေ ရှိပုံရတယ်။】

【ယဲ့ယွီဟာ စာအုပ်ကို သူ့ရဲ့ သိုလှောင်လက်စွပ်ထဲကို ဖြည်းဖြည်းချင်း ထည့်လိုက်တယ်။】

【ကောင်းကင်ဘုံရဲ့ တောင်ဘက်ပိုင်းကို ဦးတည်ပြီး ခရီးစတင်ခဲ့တယ်။】

သူဟာ စာအုပ်ပါ အကြောင်းအရာတွေက မဖြစ်မနေ မှန်တယ်လို့ မဆိုလိုဘူးဆိုတာကို ကောင်းကောင်းသိခဲ့တယ်။

【ဒါပေမယ့် ဒါက အရေးမကြီးတော့ပါဘူး။】

【ဂိုဏ်းခေါင်းဆောင်နှစ်ဦးကို ဒီလိုမျိုး ဘယ်လိုလုပ်ပြီး ဖော်ပြနိုင်မှာလဲ။】

ပြဿနာတစ်ခုတော့ သေချာပေါက် ရှိတယ်။

【တိုက်ပွဲဖြစ်နိုင်ခြေက အလွန်မြင့်မားတယ်။】

အဲဒီအချိန် ရောက်လာတဲ့အခါ သူ တိတ်တိတ်လေး ထပ်ပြီး ပြဿနာလှုံ့ဆော်နိုင်မယ်လို့ ယဲ့ယွီက ယုံကြည်ခဲ့တယ်။

【ဒီတိုက်ပွဲက သေသည်အထိ တိုက်ပွဲနဲ့ အဆုံးသတ်လိမ့်မယ်ဆိုတာ သေချာတယ်။】

【အဲဒီအချိန်မှာ နတ်ဘုရားဂိုဏ်းခေါင်းဆောင်ရဲ့ ရုပ်အလောင်းကို ကို သူ့ရဲ့အိပ်မက်အရည်ချင်းကိုသုံးဖို့ စုဆောင်းနိုင်မယ်ဆိုရင်။】

【အဲဒီအခါ ယဲ့ယွီဟာ အဲဒီနေရာမှာပဲ အရှိန်အဟုန်ပြင်းစွာ တိုးတက်သွားလိမ့်မယ်။】

ဒီလိုကောင်းတဲ့ အခွင့်အရေးကို သူ ဘယ်လိုလုပ် လွဲချော်နိုင်မှာလဲ။

【နောက်တစ်နေ့။】

【ယဲ့ယွီဟာ ထန်းတိနန်းဆောင် ရဲ့ ဝင်ပေါက်ကို ရောက်နေပြီ။】

ဟုတ်ပါတယ်၊ ဒါက သူ့ရဲ့ ရွေးချယ်မှုပါပဲ။

【ရွေးချယ်ရမယ်ဆိုရင် ကို အဆိုးရွားဆုံးလူကို ရွေးမယ်။】

【ဒီလိုလူမျိုးက တိုက်ပွဲတစ်ခုမှာ တစ်စုံတစ်ဦးကို သတ်ပစ်ဖို့ အလားအလာ အများဆုံးပဲ။】

【ဒါ့အပြင် ဒဏ္ဍာရီလာ ကျောင်ချင်း က ဘယ်လိုပုံလဲဆိုတာကိုလည်း ကြည့်နိုင်တယ်။ သူမဟာ နတ်ဘုရားခေါင်းဆောင်နှစ်ဦးရဲ့ နှစ်သက်မှုကို တကယ်ပဲ ရရှိခဲ့တာလား။】

၄၀၇ ဆက်ရန်