အခန်း (၅၂၉-၅၃၁)

အခန်း ၅၂၉- ကြီးမားသော အကျိုးအမြတ်၊ တန်ဖိုး နှစ်ဆ တိုးခြင်း ...

မဟာယာနမြို့ကြီး တစ်ခုလုံးကို ဝန်းရံထားသော သားရဲအားလုံး သေဆုံးသွားကြပြီဖြစ်၏။

~မြို့ကြီးအတွင်း၌ တိတ်ဆိတ်ငြိမ်သက်နေသည်။ ကျင့်ကြံသူအားလုံး မျက်လုံးများ ပြူးကျယ်လျက် ဖြည်းညင်းစွာ လွင့်ပါးနေသော သွေးမြူများကို မမှိတ်မသုန်ကြည့်နေကြသည်။

ယခုမှ ပြန်လည်ကောင်းမွန်လာသော ဟန်ယွီပင်လျှင် အလားတူပင်။

သို့သော် ဟန်ယွီသည် လျင်မြန်စွာ သတိပြန်ဝင်လာပြီး အော်ဟစ်လိုက်သည်။

"အကြီးအကဲတို့၊ တခြားနေရာတွေကို မြန်မြန်သွားကူညီကြစို့!"

ထိုအခါမှ ကျင့်ကြံသူအုပ်စု သတိပြန်ဝင်လာကြသည်။

အေးခဲဆောင်းရာသီတောင်ကြားမှ အကြီးအကဲက ဟန်ယွီကို လေးစားမှုများ ပြည့်နှက်နေသော မျက်လုံးများဖြင့် ကြည့်ကာ လေးစားစွာ တုံ့ပြန်လိုက်၏။

"ဟုတ်ပါပြီ!"

…

နေရာလပ်နိယာမနှင့်အတူ လုရီအဖို့ ချင်းကျိုးတစ်ခွင်ကို ဖြတ်သန်းသွားလာရန် မိနစ်အနည်းငယ်သာ လိုအပ်တော့သည်။ သူ၏နိယာမစွမ်းအားများနှင့် ပေါင်းစပ်လိုက်လျှင် ကပ်ဘေးဖြတ်ကျော်နယ်ပယ်အောက်မှ သားရဲများမှာ သူ့ကို လှုပ်ရှားအောင်ပင် မစွမ်းဆောင်နိုင်ပေ။

ထို့ကြောင့် သူ သားရဲလှိုင်းလုံးကြီးကို ဖြေရှင်းသည့်အရှိန်မှာ သဘာဝအတိုင်း လျင်မြန်လှသည်။

မကြာမီမှာပင် လုရီသည် သားရဲတစ်သောင်းတောင်တန်းမှ ထွက်ပေါ်လာသော သားရဲလှိုင်းလုံးကြီးအားလုံးကို ရှင်းလင်းလိုက်တော့သည်။

ဤမျှ မြန်ဆန်သောအရှိန်အတွက် လုရီသည် သူ၏ အစွမ်းအကုန်သုံးခဲ့ရ၏။ သူကိုယ်တိုင်ပင် သူ၏ ဝိညာဉ်စွမ်းအင် ငါးပုံတစ်ပုံခန့် ကုန်ဆုံးသွားသည်ဟု ခံစားမိပြီး ၎င်းမှာ ကြီးမားသော သုံးစွဲမှုဟု မှတ်ယူနိုင်လေသည်။

မည်သို့ပင်ဖြစ်စေ လုရီက မရပ်တန့်ခဲ့ပေ။ ယင်းအစား သူသည် နေရာလပ်ကို နောက်တစ်ကြိမ် ဖြတ်ကျော်ကာ အခြားဦးတည်ရာတစ်ခုသို့ လျင်မြန်စွာ ဦးတည်သွားသည်။

ထိုဦးတည်ရာတွင် မယုံနိုင်လောက်အောင် ကြောက်မက်ဖွယ်ကောင်းသော အရှိန်အဝါတစ်ခု ထုတ်လွှတ်နေပြီး ကောင်းကင်ကိုယ်တိုင်ပင် နေရောင်ခြည်တန်းများ တဖျပ်ဖျပ်လက်နေသကဲ့သို့ ဖြစ်နေသည်။

ထိုသည်မှာ ကပ်ဘေးဖြတ်ကျော်နယ်ပယ်မှ တိုက်ပွဲဖြစ်လေသည်။

တိုက်ကြီးအများအပြားနှင့် ကီလိုမီတာတစ်သန်း ကွာဝေးနေသော်လည်း ရှင်းရှင်းလင်းလင်း ခံစားမိနိုင်သေး၏။

လက်ရှိ လုရီအတွက်မူ ထိုအကွာအဝေးမှာ အတော်အတန် ဝေးကွာလှသည်။

လုရီသည် နေရာလပ်ကို ခဏတာ ဖြတ်သန်းသွားလာပြီးနောက် ရပ်တန့်လိုက်သည်။ သူသည် ကြယ်ရောင်များ လွှမ်းခြုံနေသကဲ့သို့သော ကျောက်စိမ်းလှေတစ်စင်းကို ထုတ်ယူလိုက်၏။

ဤသည်မှာ အဆင့်နိမ့် အင်မော်တယ်လက်နက်၊ ကျောက်စိမ်းအာကာသယာဉ် ဖြစ်သည်။

လုရီသည် ၎င်းကို လိုအပ်မည်မဟုတ်ဟု ထင်ခဲ့သော်လည်း မျှော်လင့်ထားသည်ထက် များစွာစော၍ သုံးဖြစ်သွားခဲ့သည်။

သူတစ်ယောက်တည်း ခရီးနှင်မည်ဆိုလျှင် မိနစ်အနည်းငယ် ကြာနိုင်ပြီး သူ၏ ဝိညာဉ်စွမ်းအင်အများအပြားကို သုံးစွဲရပေမည်။ သို့သော် ဤကျောက်စိမ်းအာကာသယာဉ်နှင့်ဆိုလျှင် စက္ကန့်အနည်းငယ်အတွင်း ရောက်ရှိသွားပေလိမ့်မည်။

အလင်းအောက် အမြန်နှုန်း ဆိုသည်မှာ အလကား ပြောနေခြင်းမဟုတ်ပေ။

လုရီသည် ကျောက်စိမ်းအာကာသယာဉ်ထဲသို့ ဝင်ရောက်လိုက်ပြီး ဝိညာဉ်ကျောက်စိမ်းကို အသက်သွင်းလိုက်သည်နှင့် ကျောက်စိမ်းအာကာသယာဉ်မှာ အလင်းတန်းတစ်ခုအဖြစ် ပြောင်းလဲကာ မူလနေရာမှ ပျောက်ကွယ်သွား လေသည်။

ငါးစက္ကန့်အကြာတွင် ကျောက်စိမ်းအာကာသယာဉ် ပြန်ပေါ်လာပြီး တိုက်ပွဲမြေပြင်နှင့် မဝေးတော့သော နေရာသို့ ရောက်ရှိနေပြီဖြစ်သည်။

လုရီသည် ကျောက်စိမ်းအာကာသယာဉ်ကို သိမ်းဆည်းလိုက်ပြီး ဆက်လက် ပျံသန်းသွား၏။

…

အင်ပါယာဓားဂိုဏ်း၏ သားရဲတစ်သောင်းတောင်တန်း အတွင်းပိုင်းနက်ရှိုင်းသော နေရာမှ အလွန်တရာ အားကောင်းသော သားရဲအုပ်စုများ တဟုန်ထိုး ထွက်ပေါ်လာသည်။

အင်ပါယာ ဓားဂိုဏ်းမှ ကျင့်ကြံသူများမှာမူ တောင်တန်းရှေ့တွင် ရပ်တည်စောင့်ကြပ်ကာ သားရဲအားလုံးကို ပိတ်ဆို့ထားကြ၏။

အင်မော်တယ်ဂိုဏ်း မြင့်မြတ်နယ်မြေ မဟုတ်သော်လည်း အင်ပါယာ ဓားဂိုဏ်းတွင်လည်း ကပ်ဘေးဖြတ်ကျော် ကျင့်ကြံသူများရှိပြီး ၎င်း၏ သွန်သင်ချက်များကို နှစ်သိန်းပေါင်းများစွာ အမွေဆက်ခံလာခဲ့သည်။ သဘာဝအတိုင်းပင် ၎င်း၏ အစွမ်းမှာ နောက်ထပ် စကားလုံးများ

မလိုအပ်တော့ပေ။

အင်ပါယာ ဓားဂိုဏ်းမှ တပည့်များမှာ ဓားအခင်းအကျင်းများစွာကို ဖွဲ့စည်းထားပြီး ၎င်းတို့မှာ ကြောက်မက်ဖွယ်ကောင်းလှကာ သားရဲလှိုင်းလုံးကြီးများအားလုံးကို တောင့်ခံနိုင်ခဲ့သည်။

ထို့အပြင် အင်ပါယာ ဓားဂိုဏ်းမှ တစ်ဦးချင်း ထိပ်သီးပုဂ္ဂိုလ်ကြီးအဆင့် ကျင့်ကြံသူများမှာ ကောင်းကင်တွင် ထိပ်သီးပုဂ္ဂိုလ်ကြီးအဆင့် သားရဲများနှင့် ပြင်းထန်စွာ တိုက်ခိုက်နေကြသည်။ ထို့ထက်မြင့်သောနေရာတွင်မူ ကပ်ဘေးဖြတ်ကျော်နယ်ပယ်မှ သားရဲများက ဧကရာဇ်ဓားဂိုဏ်းမှ ကပ်ဘေးဖြတ်ကျော် ဘိုးဘေးအဆင့် ပုဂ္ဂိုလ်များနှင့် တိုက်ခိုက်နေကြသည်။

လုရီသည် လေလယ်တွင် ရပ်ကာ ထိုမြင်ကွင်းကို တွေ့လိုက်ရ၏ည်။

သူသည် အတွင်းစိတ်ထဲမှ သက်ပြင်းချမိ၏။

‘အင်ပါယာ ဓားဂိုဏ်းတပည့်တွေ အများအပြား ထိခိုက်ဆုံးရှုံးခဲ့ပေမယ့် ဒီလို သားရဲလှိုင်းလုံးကြီးကို ကြံ့ကြံ့ခံနိုင်တာ တကယ်ပဲ အားကောင်းတာပဲ။’

နှစ်သိန်းပေါင်းများစွာ အမွေခံလာသော မဟာဂိုဏ်းကြီးတစ်ခု၏ အမွေအနှစ်မှာ သာမန်ဂိုဏ်းများနှင့် နှိုင်းယှဉ်၍ မရအောင် ရှိသည်ဟု ဆိုရပေမည်။

"ဝရော"

အထက်အမြင့်မှ သားရဲတစ်ကောင်၏ ဟိန်းဟောက်သံက လောကကြီးကို တုန်ခါသွားစေပြီး ၎င်းမှ ထွက်ပေါ်လာသော တုန်ခါလှိုင်းများက လုရီကို သတိပြန်ဝင်လာစေသည်။

သူသည် ကောင်းကင်၏ ဦးတည်ရာသို့ မော့ကြည့်လိုက်ပြီးနောက် သူရပ်နေသော နေရာမှ ပျောက်ကွယ်သွားသည်။

နောက်တစ်ခဏမှာတော့ လုရီသည် လေဟာနယ်နီးပါးဖြစ်နေသော ဒေသတစ်ခု၌ ထွက်ပေါ်လာသည်။ ထိုနေရာတွင် မိုးကြိုးပင်လယ်ကြီး လှိုင်းထန်နေသည်။

၎င်းတို့၏ ကိုယ်ပေါ်တွင် —ကျိုယိုချီ၏ ပြယုဂ် ဆိုးယုတ်သော အနက်ရောင်ပုံစံများ ပါရှိသော ခရမ်းရောင် မိုးကြိုးငှက် လေးကောင်မှာ

ကပ်ဘေးဖြတ်ကျော် ကျင့်ကြံသူ လေးဦးနှင့် တိုက်ခိုက်နေကြသည်။

ကျိုယိုချီဖြင့် ညစ်ညမ်းနေသော ဤသားရဲများမှာ ယခင်ကထက်ပင် ပိုမို အားကောင်းနေသည်။ လုရီက ထိုခရမ်းရောင် မိုးကြိုးငှက်

လေးကောင်၏ အစွမ်းမှာ ကပ်ဘေးဖြတ်ကျော်ဘိုးဘေး လေးယောက်ထက်ပင် အနည်းငယ် သာလွန်နေသည်ကို မှတ်ချက်ပြုမိသည်။

ထိုအခိုက်အတန့်တွင် ကပ်ဘေးဖြတ်ကျော်

ဘိုးဘေးများမှာ တိုက်ပွဲတွင် ဖိအားပေးခံနေရ၏။ အကယ်၍ ဘိုးဘေးတစ်ဦးက အင်ပါယာအရှိန်အဝါဖြင့် ပေါင်းစပ်ထားသော ထိပ်တန်းအဆင့် ဝိညာဉ်လက်နက် ဓားရှည်တစ်လက်ကို

မကိုင်ဆောင်ထားပါက သူတို့သည် ဆုတ်ခွာစပြုနေလောက်ပြီဖြစ်သည်။

သို့တိုင်အောင် အင်ပါယာ ဓားဂိုဏ်းမှ ကပ်ဘေးဖြတ်ကျော်ဘိုးဘေးများ၏ အခြေအနေမှာ အန္တရာယ်ရှိနေဆဲပင်။

ကပ်ဘေးဖြတ်ကျော်ဘိုးဘေးလေးဦးမှာ

သူတို့၏ အခြေအနေ၏ ဆိုးရွားမှုကို ရှင်းရှင်းလင်းလင်း သိရှိနေကြသည်။ သူတို့၏ မျက်နှာထားများမှာ ဆိုးရွားနေပြီး အစွမ်းကုန်

မာန်သွင်းကာ တိုက်ခိုက်နေကြသော်လည်း အခြေအနေမှာ ပြောင်းလဲမည့် လက္ခဏာ မပြပေ။

ကပ်ဘေးဖြတ်ကျော် ဘိုးဘေး တစ်ဦးက အံကြိတ်ကာ မေးလိုက်သည်။

"ဒီခရမ်းရောင်မိုးကြိုးငှက် လေးကောင်က

ဘာတွေ ဖြစ်နေတာလဲ။ ဘာလို့ ဒီလောက်တောင် အားကောင်းနေရတာလဲ။"

နောက်တစ်ဦးကလည်း ထောက်ခံလိုက်သည်။

"ငါတို့ ဖြေရှင်းနည်း တစ်ခု ရှာမှဖြစ်မယ်! ဒီအတိုင်း ဆက်သွားရင် ငါတို့ အားနည်းသွားလိမ့်မယ်!"

"နတ်ဓားဂိုဏ်းရဲ့ အကူအညီကို တောင်းလို့ရနိုင်

မလား။"

အင်ပါယာဓားကို ကိုင်ဆောင်ထားသော ဘိုးဘေး၏ မျက်နှာမှာမူ အုံ့မှိုင်းနေသည်။

သားရဲနှစ်ကောင်ကို သူတစ်ဦးတည်းနီးပါး တိုက်ခိုက်နေရင်း သူ၏ ပတ်လည်တွင် အင်ပါယာဓားစိတ်ဆန္ဒများ ပေါက်ကွဲစေလျက် ကွဲအက်သော အသံဖြင့် ဆို၏။

"ငါတို့ နတ်ဓားဂိုဏ်းကို ဆက်သွယ်ပြီးပြီ၊ ဒါပေမဲ့ အခုထိ ဘာမှ အကြောင်းမပြန်သေးဘူး။ ငါစိုးရိမ်တာက နတ်ဓားဂိုဏ်းက အခြေအနေလည်း သိပ်မကောင်းလောက်ဘူး။ ဒီတစ်ခါ တားမြစ်နယ်မြေကနေ ထွက်လာတဲ့ သားရဲဘုရင်တွေ အရမ်းများလွန်းတယ်၊ အဲ့ဒီမှာ ဟင်းလင်းပြင် အင်မော်တယ် သားရဲဘုရင်တွေတောင် ရှိနိုင်တယ်။"

ထိုစကားကို ကြားသောအခါ အခြားဘိုးဘေးအဆင့် ပုဂ္ဂိုလ်သုံးဦး၏ မျက်နှာထားများမှာ ပို၍ပင် အခက်တွေ့သွားတော့သည်။

အကြီးအကဲတစ်ဦးက အားတင်းကာ ဆိုလိုက်သည်။

"အခု ငါတို့လုပ်နိုင်တာက ကြံ့ကြံ့ခံဖို့ပဲ။ နတ်ဓားဂိုဏ်းက အင်မော်တယ်ဂိုဏ်းပဲ၊ သူတို့မှာ အခြေအနေကို ပြောင်းလဲနိုင်မယ့် နည်းလမ်းတစ်ခုခုတော့ ရှိရမှာပဲ!"

ထိုစဉ်မှာပင် လုရီသည် သူတို့လေးဦးရှေ့တွင် ဘွားခနဲ လူလုံးပြလာပြီး သိမ်မွေ့စွာ ပြုံးလျက် မေးလိုက်လေသည်။

"စီနီယာကြီးလေးယောက် အကူအညီ လိုအပ်နေပါသလားခင်ဗျာ။"

ထိုစကားကို ကြားသောအခါ လေးဦးသား လှည့်ကာ လုရီကို ကြည့်လိုက်ကြသည်။ ပထမတွင် အံ့အားသင့်သွားပြီးနောက် သူတို့၏ မျက်နှာများမှာ ဝမ်းမြောက်မှုဖြင့် လင်းလက်သွားလေသည်။

ဆံပင်ဖြူ ကပ်ဘေးဖြတ်ကျော်ဘိုးဘေးတစ်ဦးက မယုံနိုင်စွာ ကြွေးကြော်လိုက်သည်။

"မိတ်ဆွေလေးလုရီ?!"

လုရီက ပြုံးလျက် နှုတ်ခွန်းဆက်လိုက်သည်။

"အကြီးအကဲ ကျန်းရွှဲ့ဖုန်း၊ မတွေ့ရတာ

ကြာပါပြီ။"

လုရီသည် ဤကပ်ဘေးဖြတ်ကျော်ဘိုးဘေးကို ပင်လယ်မျိုးနွယ်နှင့် တိုက်ပွဲမြေပြင်တွင် တွေ့ဆုံခဲ့ဖူးလေသည်။

နောက်ပိုင်းတွင် အင်ပါယာဓားဂိုဏ်းမှ ဖုန်းပုမင်နှင့် သူ၏ ကောင်းမွန်သော ဆက်ဆံရေးကြောင့် လုရီသည် ထိုနေရာတွင် ဧည့်သည်အဖြစ် သွားရောက်ခဲ့ဖူးလေသည်။

အခန်း ၅၃၀- ကြီးမားသော အကျိုးအမြတ်၊ တန်ဖိုးနှစ်ဆတိုးခြင်း ...

~အင်ပါယာဓားဂိုဏ်းမှ ကပ်ဘေးဖြတ်ကျော် ဘိုးဘေးများက လုရီကို နွေးထွေးစွာ ကြိုဆိုကြသည်။ လုရီကလည်း သူတို့အားလုံးကို မှတ်မိနေ၏။

အင်ပါယာဓားကို ကိုင်ဆောင်ထားသော ဘိုးဘေးတစ်ဦးက အလွန်အမင်း ဝမ်းမြောက်ကာ ဟစ်အော်လိုက်သည်။

"လုရီ၊ မင်းရောက်လာတာ အချိန်ကိုက်ပဲ။ ငါတို့ မင်းအကူအညီကို တကယ်လိုအပ်နေတာကွ။"

ထိုအခါလုရီက ပြုံးလိုက်ပြီး သူ၏အကြည့်များက ခရမ်းရောင်မိုးကြိုးငှက်ကြီးလေးကောင်အပေါ်သို့ ကျရောက်သွားသည်။ သူသည် နှုတ်ခမ်းများ လှုပ်ရွရုံ ရေရွတ်လိုက်၏။

'ဒီနေရာမှာ ရှိတဲ့ ကျိုယိုချီမိစ္ဆာဓာတ် စွဲကပ်နေတဲ့ သားရဲမှန်သမျှကို ငါ အကုန် သတ်ပစ်မယ်။'

ထိုအခိုက်တွင် သူ၏စိတ်ထဲ၌ အလုပ် တစ်ခု ပေါ်လာသည်။

အလုပ်:

ကျိုယိုချီ မိစ္ဆာဓာတ် စွဲကပ်နေသော သားရဲများကို သုတ်သင်ရှင်းလင်းပါ။

ဆုလာဘ်: မိုးကြိုးတာအို နားလည်နိုင်စွမ်း တိုးတက်ခြင်း၊ အင်မော်တယ်သိုင်းကျမ်း "မိုးကြိုးနတ်ဘုရား မိတ်ဆက်"၊ နှင့် အင်မော်တယ်ရတနာ ကောင်းကင်မိုးကြိုးအဆီအနှစ်။

အလုပ်ကို လက်ခံမည်လော: လက်ခံ/ငြင်းပယ်

လုပ်ငန်းအတွက် ဆုလာဘ်များကို မြင်သောအခါ လုရီ၏ ရင်ထဲတွင် ပျော်ရွှင်မှုများ လှိုက်တက်လာသည်။

'နောက်ဆုံးတော့ မိုးကြိုးအခြေပြု အင်မော်တယ်ရတနာတစ်ခု ရပြီပဲ။'

သူ၏ စီနီယာအစ်မ ကျန်းရူယွီနှင့် ယွင်ရှီးတို့မှာ အင်မော်တယ် ခန္ဓာကိုယ်များအဖြစ် အသွင်ပြောင်းပြီးသွားပြီ။ ယခု ဂျူနီယာ ညီမလေး

တစ်ယောက်သာ ကျန်တော့သည်။ သူမက ဤအကြောင်းကို အကြိမ်များစွာ ပြောခဲ့ဖူး၏။

ယခုတော့ လုရီမှာ မိုးကြိုးအခြေခံ အင်မော်တယ်ရတနာ ရရှိပြီဖြစ်သောကြောင့် သူမကိုလည်း အသွင်ပြောင်းပေးနိုင်တော့မည်။

ထိုသို့ဆိုလျှင် သူတို့လေးယောက်လုံး

အင်မော်တယ် ခန္ဓာကိုယ်များ ဖြစ်သွားကြမည်ဖြစ်ပြီး သူတို့၏အစွမ်းမှာ သဘာဝအတိုင်း ပိုမိုအားကောင်းလာမည်ဖြစ်သည်။

လုရီက အလုပ်ကို လက်ခံလိုက်ပြီး ရှေ့သို့ ခြေတစ်လှမ်းတိုးလိုက်သည်။ ကြောက်မက်ဖွယ်ကောင်းသော ဓားတာအိုအရှိန်အဝါတစ်ခုက သူ၏ခန္ဓာကိုယ်ကို လွှမ်းခြုံသွား၏။

ဓားတာအိုကိုပင် ကျင့်ကြံသော အင်ပါယာဓားဂိုဏ်းမှ ဘိုးဘေးလေးယောက်မှာ ထိုအခိုက်အတန့်တွင် လောကကြီး၏ ပြောင်းလဲမှုကို ချက်ချင်း အာရုံခံမိလိုက်ကြသည်။

သူတို့လေးဦးလုံး၏ မျက်လုံးများက ကျဉ်းမြောင်းသွားပြီး ပြိုင်တူ လွှတ်ခနဲ အော်ဟစ်လိုက်ကြသည်။

"ဓားတာအို နိယာမ!"

ထိုအချိန်တွင် လုရီ၏လက်ထဲ၌ ကြယ်ရောင်များဖြင့် တလက်လက်တောက်ပနေသော ဓားရှည်တစ်လက် ပေါ်လာသည်။ ထိပ်တန်းအဆင့် ဝိညာဉ်လက်နက်"တုန်ခါ အလင်းဓား"ပင်။

လုရီက အင်မော်တယ်လက်နက်ကို အသုံးမပြုခဲ့ပေ။ အကြောင်းမူကား အလယ်အလတ်တန်းစား အင်မော်တယ်လက်နက်ပင်လျှင် အနည်းငယ် အင်အားကြီးလွန်းနေလိမ့်မည် မဟုတ်ပါလော။။

ထို့အပြင် ထိပ်တန်းအဆင့် ဝိညာဉ်လက်နက်တစ်ခုက သူသုံးရန် လုံလောက်နေပြီ။

တုန်ခါ အလင်းဓားကို ကိုင်ဆောင်လျက် လုရီက အားမပါသလို ပေါ့ပေါ့ပါးပါး ဓားတစ်ချက် ဝှေ့ယမ်းလိုက်သည်။

သို့သော် နောက်တစ်ခဏမှာပင် အဆုံးမဲ့သော ကြယ်ရောင်အလင်းများက ဒီရေအလား တိုးထွက်လာ၏။ ကြယ်တာရာများဖြင့် ပေါင်းစပ်ဖွဲ့စည်းထားသော ဓားအလင်းတန်းသည် ကောင်းကင်နှင့်မြေကြီးကို လွှမ်းခြုံသွားပြီး

အမှောင်ထု လေဟာနယ်ထဲတွင် တစ်ခုတည်းသော တည်ရှိမှု ဖြစ်လာသည်။

ဓားအလင်းတန်းက လျှပ်တစ်ပြက် ဖြတ်သန်းသွားပြီး ခရမ်းရောင်ငှက်ကြီးလေးကောင်ကို ကျော်ဖြတ်သွား၏။

ခရမ်းရောင်ငှက်ကြီးလေးကောင်မှာ ထိုနေရာတွင်ပင် တောင့်ခဲသွားသည်။

ထို့နောက် ၎င်းတို့၏ကိုယ်အတွင်းမှ ကြယ်ရောင်အလင်းများ ပေါက်ကွဲထွက်လာပြီး ခရမ်းရောင်ငှက်ကြီးများကို ပြာအဖြစ်သို့ ပြောင်းလဲသွားစေသည်။

ပြာများအတွင်းရှိ ကျိုယိုချီ မိစ္ဆာဓာတ်ပင်လျှင် လုံးဝ ပျက်သုဉ်းသွား၏။

ကြယ်တာရာဓား အလင်းတန်းမှာ မပြယ်သေးဘဲ ကြယ်တာရာ စကြဝဠာထဲသို့ ပစ်လွှတ်ကာ စကြဝဠာ၏ နက်ရှိုင်းသော နေရာသို့ ထိုးဖောက်ဝင်ရောက်သွားသည်။ မကြာမီမှာပင် ထျန်းမင်နှင့် မဝေးသော ကြယ်တစ်လုံးပေါ်သို့ ကျရောက်သွား၏။

ထိုကြယ်ကြီးက ဟိန်းဟောက်သံ ပေးကာ

နှစ်ခြမ်းကွဲသွားပြီးနောက် ပေါက်ကွဲသွားတော့သည်။

ကြယ်ပေါက်ကွဲမှုမှ ထွက်ပေါ်လာသော တုန်ခါလှိုင်းက ကြောက်မက်ဖွယ် စွမ်းအင်လှိုင်းဂယက်တစ်ခုကို ဖြစ်ပေါ်စေပြီး အရပ် ရှစ်မျက်နှာသို့ ရိုက်ခတ်သွားသည်။ ထိုစွမ်းအင် မုန်တိုင်းကို

သူတို့ပင်လျှင် ခံစားမိကြသည်။

လုရီ အနည်းငယ် အံ့အားသင့်သွားသည်။

သူ၏ ဓားတာအိုနိယာမ နားလည်နိုင်စွမ်းမှာ ၂၀% ကို ကျော်လွန်သွားခါစသာရှိသေးပြီး အဆင့်ငါး ကြယ်ဖြတ်ဓားကွက်နှင့် ပေါင်းစပ်ထားခြင်းဖြစ်သည်။

လုရီသည် သူ၏အစွမ်းကုန်ကို အသုံးမပြုဖူးသေးရာ ဤဓားတစ်ချက်က ဤမျှကြီးမားသော စွမ်းအားရှိလိမ့်မည်ဟု မမျှော်လင့်ထားခဲ့ပေ။

သူကိုယ်တိုင်ပင် အံ့အားသင့်သွားရ၏။

လုရီ အံ့အားသင့်နေလျှင် အင်ပါယာဓားဂိုဏ်းမှ ဘိုးဘေးလေးယောက်မှာလည်း ထိုနည်း၎င်းပင်။ သူတို့သည် အဝေးဆီမှ ကြယ်ပေါက်ကွဲမှု၏ တောက်ပသော အလင်းတန်းကို ကြောင်ကြည့်ရင်း တံတွေးကို အနိုင်နိုင်မျိုချမိကြသည်။

ထို့နောက် လေးယောက်လုံး လုရီကို ကြည့်လိုက်သော သူတို့၏မျက်လုံးများထဲတွင် ရိုသေလေးစားမှု အငွေ့အသက်အသစ်တစ်ခု ပေါ်ပေါက်လာသည်။

"မိတ်ဆွေလေးလုရီရဲ့ အစွမ်းက တကယ်ပဲ ကြောက်စရာကောင်းလှပါပေတယ်။"

"တကယ်ကို အထင်ကြီးစရာကောင်းတဲ့ မျိုးဆက်သစ်ပါပဲ။"

လုရီက ခပ်ဟဟရယ်မောလိုက်သည်။

"စီနီယာတို့ ကျွန်တော့်ကို မြှောက်ပင့်နေပါပြီ။ အောက်ဘက်က အခြေအနေတွေက မကောင်းဘူးမဟုတ်လား။ သွားကြည့်သင့်တယ်ထင်ပါတယ်။"

ဤစကားကိုကြားမှ ဘိုးဘေးလေးယောက် သတိပြန်ဝင်လာပြီး သူတို့၏မျက်နှာများ ပျက်သွားကာ အောက်သို့ အလျင်အမြန် ဆင်းသွားကြသည်။

လုရီကလည်း သူတို့နောက်သို့ လိုက်ပါသွားရင်း ကျန်ရှိနေသော ကျိုယိုချီမိစ္ဆာဓာတ်စွဲကပ်နေသည့် သားရဲများကို ပေါ့ပေါ့ပါးပါး ချေမှုန်းသွား၏။

အင်အားအကြီးဆုံးသားရဲ ကျဆုံးသွားပြီဖြစ်သောကြောင့် ကျန်ရှိသော သားရဲလှိုင်းလုံးမှာ ခြိမ်းခြောက်မှု မဟုတ်တော့ပေ။ ယခု အားလပ်သွားသော စွမ်းအားရှင်များနှင့် ကပ်ဘေးဖြတ်ကျော် ဘိုးဘေးလေးယောက်က အလွယ်တကူပင် ချေမှုန်းပစ်လိုက်ကြသည်။

ကျင့်ကြံသူများအတွက် တစ်ဦးချင်းစီ၏ အစွမ်းမှာ အလွန်အရေးပါသည်။

အဆင့်နိမ့်ကျင့်ကြံသူများနှင့် ရင်ဆိုင်ရာတွင် တစ်ယောက်က ထောင်ပေါင်းများစွာ၊ သို့မဟုတ် သောင်းပေါင်း၊ သိန်းပေါင်းများစွာကိုပင် ရင်ဆိုင်နိုင်သည်။ အစွမ်းအင် ကွာခြားမှုမှာ သာမန်ကျင့်ကြံသူနှင့် သေမျိုးတို့၏ ကွာခြားမှုထက်ပင် ပိုမိုကြီးမားလေသည်။

ထို့နောက် လုရီနှင့် အင်ပါယာဓားဂိုဏ်းမှ ဘိုးဘေးလေးယောက်သည် သားရဲတစ်သောင်းတောင်တန်း၏ အတွင်းပိုင်းသို့ ဝင်ရောက်ကာ ကပ်ဘေးဖြတ်ကျော်အဆင့် ကျိုယိုချီသားရဲနှစ်ကောင်ကို ရှင်းလင်းလိုက်ကြသည်။

သားရဲတစ်သောင်းတောင်တန်းဒေသကို ရှင်းလင်းပြီးနောက် လုရီသည် အင်ပါယာဓားဂိုဏ်းမှ အကြီးအကဲများကို နှုတ်ဆက်လိုက်၏။

အချိန်က အရေးကြီးသောကြောင့် လုရီက အနားယူချိန်ပင် မယူခဲ့ပေ။

ထို့နောက် လုရီသည် နောက်တစ်ကြိမ် ခရီးထွက်ခွာကာ ကပ်ဘေးအရှိန်အဝါ ဝေ့ဝဲကာ တိုက်ပွဲများ ဖြစ်ပွားနေသော အခြားဒေသများသို့ ဦးတည်သွားသည်။

လုရီသည် လမ်းတစ်လျှောက်ရှိ စွမ်းအားရှင်အဆင့် သားရဲများအားလုံးကို သတ်ဖြတ်ခဲ့ပြီး အားကောင်းသော ဂိုဏ်းကြီးများစွာကို ကူညီခဲ့သည်။

ဤစွမ်းအားရှင်များနှင့် ဘိုးဘေးအဆင့် ကျင့်ကြံသူများမှာ လုရီကို အလွန်ကျေးဇူးတင်နေကြတော့သည်။

အလားတူပင် လုရီ၏အစွမ်းကို မျက်မြင်ကိုယ်တွေ့ မြင်လိုက်ရသောအခါ သူ့အကြောင်းကို ကြားဖူးရုံသာရှိပြီး ကိုယ်တိုင်မမြင်ဖူးသေးသော ကျင့်ကြံသူများမှာ ယခုအခါ သူ့ကို ပို၍ပင် အထင်ကြီးလေးစားလာကြသည်။

အင်ပါယာဓားဂိုဏ်းကဲ့သို့သော မဟာဂိုဏ်းကြီးတစ်ခု၏ ဘိုးဘေးများပင် တုန်လှုပ်သွားပါက သာမန်ဂိုဏ်းများနှင့် မြင့်မြတ်နယ်မြေများ၏ ခံစားချက်ကို ပြောနေစရာမလိုတော့ပေ။

ဤအားကောင်းသော ပုဂ္ဂိုလ်များ၏ သဘောထားမှာ အလွန်ရိုသေလေးစားကြသည်။

လုရီမှာမူ ထိုအရာများကို သိပ်ဂရုမစိုက်အားပေ။ သူ၏ရင်ထဲတွင် ပျော်ရွှင်မှုများဖြင့် ပြည့်နှက်နေ၏။ အကြောင်းမှာ စွမ်းအားရှင်များနှင့် ကပ်ဘေးဖြတ်ကျော် ဘိုးဘေးအဆင့် သားရဲများစွာကို သတ်ဖြတ်ခဲ့ခြင်းဖြင့် သူသည် မရေမတွက်နိုင်သော ဆုလာဘ်များကို ရရှိခဲ့သောကြောင့် ဖြစ်သည်။

တာအိုအမျိုးမျိုး၏ ထိုးထွင်းဉာဏ်များ၊ အားကောင်းသော နှစ်တစ်သန်းနှင့် နှစ်တစ်သောင်း ဝိညာဉ်ကျောက်စိမ်းများ၊ ကြယ်တာရာခြင်ဆီများအပြင် အားကောင်းသော ထိပ်တန်းအဆင့် ဝိညာဉ်လက်နက်များနှင့် အဆင့်နိမ့် အင်မော်တယ်လက်နက်များပင် ပါဝင်သည်။

ထို့ထက်မြင့်သော ကောင်းကင်နှင့်မြေကြီး ရတနာများ၊ ဆေးလုံးဖော်စပ်နည်းများ၊ ဝိညာဉ်အစားအစာ ချက်ပြုတ်နည်းများနှင့် ဝိညာဉ်

သေရည် ဖော်စပ်နည်းများကို မဆိုထားနှင့်တော့။

အင်မော်တယ်သစ်ပင်၏ မျိုးစေ့များပင် ရှိပါသေးသည်။

သူ၏ စည်းစိမ်မှာ ဤတစ်ခေါက်တည်းနှင့် နှစ်ဆထက်မက တိုးပွားသွားသည်ဟု ဆိုရမည်။

ဘုန်း!!!

အဝေးဆီမှ ကြောက်မက်ဖွယ်ကောင်းသော တိုက်ပွဲ သက်ရောက်မှု ဖြစ်ပေါ်လာသည်။ အရှေ့ပိုင်းနယ်မြေမှ ကျင့်ကြံသူအားလုံး ထိုကြောက်မက်ဖွယ် ဝိညာဉ်ဖိအားကို ခံစားမိကြပြီး သူတို့၏ရင်ထဲတွင် တုန်လှုပ်ကာ ထိုဦးတည်ရာသို့ မော့ကြည့်လိုက်ကြသည်။

မဟာယာနအဆင့်ဂိုဏ်းတစ်ခုကို သားရဲလှိုင်းလုံးကြီးအား ရှင်းလင်းရာတွင် ကူညီပေးနေသော

လုရီ၏ မျက်နှာအမူအရာမှာလည်း အနည်းငယ် ပြောင်းလဲသွားသည်။ ထိုအသံလာရာသို့ မျက်မှောင် အနည်းငယ်ကြုတ်ကာ ကြည့်လိုက်မိ၏။

လုရီ၏ရှေ့တွင် ကျင့်ကြံသူအနည်းငယ်ရှိသည်။

နှစ်ယောက်မှာ အလွန်အိုမင်းပြီး အားကောင်းသော အရှိန်အဝါများဖြင့် မဟာယာနအဆင့် ပုဂ္ဂိုလ်များဖြစ်ကြသည်။ တစ်ယောက်မှာမူ ရေတံခွန်ကဲ့သို့သော ဆံနွယ်နက်များနှင့် အလွန်လှပသော ကျင့်ကြံသူမိန်းမပျို တစ်ဦး ဖြစ်သည်။

သူမ၏အရှိန်အဝါမှာလည်း အလားတူအားကောင်းပြီး ဟင်းလင်းပြင်ဥမင်အဆင့်သို့ ရောက်ရှိနေပြီဖြစ်ကာ ဤဂိုဏ်း၏ ပြိုင်ဘက်ကင်း ပါရမီရှင်တစ်ဦးဖြစ်သည်။

ထိုအခိုက်တွင် ဤပါရမီရှင်မိန်းမပျိုလေးက လုရီကို အချစ်များပြည့်နှက်နေသော မျက်လုံးများဖြင့် ရွှန်းရွှန်းစားစား ကြည့်နေသည်။

အကြောင်းမှာ လုရီက ယခုလေးတင် ရောက်လာပြီး သားရဲတစ်သန်းကျော်ကို ဖျက်ဆီးခဲ့သည်ဖြစ်ရာ ဂိုဏ်းသားအားလုံးအပေါ် အထင်ကြီးလေးစားမှုကို သက်ရောက်စေခဲ့ပြီး ဤပါရမီရှင်မိန်းမပျိုလေးလည်း ခြွင်းချက်မဟုတ်ပေ။

မဟာယာနအဆင့် စွမ်းအားရှင်တစ်ဦးက မေးလိုက်သည်။

"လုရီ၊ အဲဒါ ဘာဖြစ်တာလဲ...?"

လုရီက ဖြည်းညင်းစွာဆိုသည်။

"ဟင်းလင်းပြင် အင်မော်တယ်အဆင့့်ပါ။"

သူ၏စကားကြောင့် ပတ်ဝန်းကျင်မှ ကျင့်ကြံသူများ၏ မျက်နှာများ ညှိုးနွမ်းသွားကြသည်။

လုရီက ခပ်ပါးပါးရယ်မောလိုက်၏။

"ဒီနေရာက သားရဲလှိုင်းလုံးကို ဖြေရှင်းပြီးသွားပြီဆိုတော့ ကျွန်တော် သွားပါတော့မယ်။"

နောက်တစ်ခဏတွင် လုရီသည် ရုတ်ချည်း ပျောက်ကွယ်သွားသည်။ ဂိုဏ်း၏ပါရမီရှင်

မိန်းမပျိုလေးမှာ ပါးစပ်ဟကာ သူပျောက်ကွယ်သွားသော ဦးတည်ရာကို ဆုံးရှုံးသွားသည့်အသွင်ဖြင့် ငေးကြည့်နေမိသည်။

ထိုမြင်ကွင်းကို မြင်သောအခါ သူမဘေးမှ အကြီးအကဲတစ်ဦးက သက်ပြင်းချကာ သူမ၏ပခုံးကို ပုတ်လိုက်သည်။

"အာ... ဒီလိုပုဂ္ဂိုလ်မျိုးက ငါတို့နဲ့ အင်မော်တယ်နဲ့ သာမန်လူလို ကွာခြားတယ်။ အတင်းအကျပ် အတူရှိဖို့ မကြိုးစားနိုင်ဘူးကွဲ့။"

မိန်းမပျိုလေးက လုရီထွက်သွားသော ဦးတည်ရာကို ကြည့်ရင်း ခါးသီးစွာ ခေါင်းညိတ်လိုက်သည်။

"...ဟုတ်ကဲ့။"

ထိုအချိန်တွင် လုရီသည် အတော်အတန်အကွာအဝေးသို့ ရောက်ရှိနေပြီဖြစ်ပြီး သူ၏ ကျောက်စိမ်းအာကာသယာဉ်ကို ထုတ်ယူကာ ဟင်းလင်းပြင်အင်မော်တယ်ရှိရာသို့ ဦးတည်ရန် ကြံရွယ်လိုက်သည်။

ထိုအရာက ဟင်းလင်းပြင် အင်မော်တယ်

တစ်ကောင်ပင်။

အကယ်၍ ထိုအဆင့်ရှိ သားရဲ တစ်ကောင်ကို သူသတ်နိုင်ခဲ့လျှင် အလုပ်အတွက် ဆုလာဘ်များမှာ သေချာပေါက် ပိုမို များပြားလိမ့်မည်။

အခန်း ၅၃၁- ကောင်းကင်နဂါးလှံရှည်၊ ဟင်းလင်းပြင်အင်မော်တယ်အဆင့် သားရဲကြီးအား သုတ်သင်ခြင်း

~ကျောက်စိမ်းအာကာသယာဉ်သည် လေကိုခွင်းလျက် အရှိန်ပြင်းစွာဖြင့် ခရီးနှင်နေသည်။

အသက်ရှူချိန် အနည်းငယ်အတွင်းမှာပင် လုရီသည် ဟင်းလင်းပြင်အင်မော်တယ်အဆင့်

အင်မော်တယ် တစ်ပါး၏ အားပြင်းသော အရှိန်အဝါထွက်ပေါ်ရာ နယ်မြေသို့ ရောက်ရှိလာ၏။

ဤနယ်မြေမှာ ကောင်းကင်နဂါး မြင့်မြတ်နယ်မြေ၏ ပိုင်နက်ဖြစ်ကြောင်း သူ မှတ်မိနေသည်။

အင်မော်တယ်ဂိုဏ်း မြင့်မြတ်နယ်မြေ တစ်ခု

ဖြစ်သည့်အားလျော်စွာ ဤနေရာရှိ သားရဲ

တစ်သောင်းတောင်တန်းမှာ သာမန်ဂိုဏ်းများထက် များစွာ ပိုမို ကျယ်ပြန့်သည်။ ထို့ကြောင့် ပို၍ အားကောင်းသော သားရဲကြီးများ ကျက်စားနေခြင်းမှာ မဆန်းတော့ပေ။

လုရီက ကျောက်စိမ်းအာကာသယာဉ်ကို သိမ်းဆည်းလိုက်သည်။ ထို့နောက် သားရဲ

တစ်သောင်း တောင်တန်းဒေသသို့ ဦးတည်လိုက်၏။

မကြာမီမှာပင် ကောင်းကင်နှင့် မြေပြင်တစ်ခွင်၌ ကျင့်ကြံသူ အများအပြားကို သူတွေ့လိုက်ရသည်။ သူတို့သည် သားရဲတစ်သောင်းတောင်တန်း၏ ရှေ့မှောက်တွင် ခံတပ်သဖွယ် ရပ်တည်ရင်း အဆုံးအစ မရှိသော သားရဲလှိုင်းလုံးကြီးကို ရင်ဆိုင် တိုက်ခိုက်နေကြသည်။

ထိုသူများထဲတွင် ကောင်းကင်နဂါး မြင့်မြတ်နယ်မြေမှ တပည့်များ ပါဝင်သလို၊ ၎င်း၏ လက်အောက်ခံ အင်အားစုများမှ ကျင့်ကြံသူများလည်း ပါဝင်လေသည်။

ကောင်းကင်နဂါး မြင့်မြတ်နယ်မြေမှ တပည့်များ၏ အစွမ်းမှာ အလွန်ပြင်းထန်လှသည်။ သူတို့၏ ဝိညာဉ်စွမ်းအင်များ စီးဆင်းမှုနှင့်အတူ နဂါးရုပ်အကြေးခွံများ ဖြစ်တည်လာ၏။ အစစ်အမှန်နဂါးတစ်ကောင်၏ သဏ္ဌာန်နှင့် ဟိန်းဟောက်သံက ကောင်းကင်နှင့်မြေပြင်အနှံ့ ပဲ့တင်ထပ်နေသည်။ သူတို့၏ အစွမ်းမှာ လုရီ ယခင်ကတွေ့ခဲ့သော ဧကရာဇ်ဓားဂိုဏ်းမှ တပည့်များထက်ပင် အနည်းငယ် သာလွန်နေသည်ဟု ဆိုရမည်။

ဤသားရဲတစ်သောင်းတောင်တန်းမှာလည်း ပိုမိုကျယ်ပြန့်ပြီး သားရဲအရေအတွက်မှာလည်း ပိုများကာ ပို၍ပင် အားကောင်းကြသည်။

တိုက်ပွဲက အရှိန်အဟုန် အပြင်းထန်ဆုံးသို့ ရောက်နေသည်။ တောင်တန်းတစ်ခုလုံး တုန်ခါယိမ်းထိုးနေ၏။ တိုက်ပွဲ၏ ရိုက်ခတ်မှုဒဏ်က ပြင်းထန်လွန်းလှသည်။ တောင်ထိပ်များစွာမှာ အမှုန့်အဖြစ် ကြေမွသွားပြီး မြေပြင်အနေအထားပင်လျှင် ပြောင်းလဲသွားတော့၏။

ဤသည်မှာ အောက်ခြေအဆင့် တိုက်ပွဲမျှသာ။ ထိုကျင့်ကြံသူများ၏ အစွမ်းမှာ ဟင်းလင်းပြင်ဥမင်အဆင့်ထက် မကျော်လွန်သေးပေ။

ပို၍အားကောင်းသော တိုက်ပွဲများမှာမူ ကောင်းကင်အမြင့်၌ ဖြစ်ပွားနေသည်။

လုရီက ရင်းနှီးသော အရှိန်အဝါတစ်ခုကို ခံစားမိလိုက်သည်။ သူ မော့ကြည့်လိုက်ရာ ကောင်းကင်အမြင့်တွင် သန်သန်စွမ်းစွမ်း ပုံရိပ်တစ်ခုကို တွေ့လိုက်ရ၏။

ထိုသူ၏ တစ်ကိုယ်လုံးမှာ နဂါးအကြေးခွံများဖြင့် ဖုံးလွှမ်းနေသည်။ သူသည် လူသဏ္ဌာန်နဂါးကြီးတစ်ကောင်နှင့် တူနေ၏။ သူ၏ သွေးနှင့်ချီစွမ်းအင်တို့က အလင်းတိုင်တစ်ခုအလား တဟုန်ထိုး တိုးထွက်လျက် စွမ်းအားမှာ ပြိုင်ဘက်ကင်းနေသည်။

သူကား ကောင်းကင်နဂါး သူတော်စင်သားတော်ပင်။

သူတော်စင်သားတော်မှာ ယခု ပေါင်းစည်းခြင်းနယ်ပယ်သို့ ရောက်နေလေပြီ။ သူက မဟာယာနအဆင့် သားရဲကြီးတစ်ကောင်နှင့် ရင်ဆိုင်တိုက်ခိုက်နေသည်။ သူက ထိုသားရဲကြီးကိုမနှိမ်နင်းနိုင်သော်လည်း ဤသို့ အဆင့်ကွာခြားစွာဖြင့် ရင်ဆိုင်နိုင်ခြင်းမှာပင် သာမန်ထက် များစွာထူးကဲနေပြီဖြစ်သည်။

ထို့ထက် မြင့်သော ကြယ်တာရာစကြဝဠာ၏ နက်ရှိုင်းသော နေရာတွင် ပို၍ပင် အားကောင်းသော အရှိန်အဝါနှစ်ခုကို လုရီ ခံစားမိလိုက်သည်။

ဟင်းလင်းပြင်အင်မော်တယ်များ။

အရှိန်အဝါတစ်ခုက ထူးဆန်းပြီး အေးစက်နေသည်။ ကျိုယိုချီမိစ္ဆာဓာတ် စွဲကပ်နေသည်မှာ ထင်ရှားလှ၏။ အခြားတစ်ခုမှာမူ ပူလောင်သောနေမင်းကဲ့သို့ သွေးနှင့်ချီစွမ်းအင်များ အရူးအမူး ထုတ်ဖော်နေပြီး ကောင်းကင်နဂါး မြင့်မြတ်နယ်မြေမှ ကျင့်ကြံသူတစ်ဦး ဖြစ်ရမည်။

လုရီ၏ ရင်ထဲတွင် အနည်းငယ် လှုပ်ခတ်သွားသည်။

'ကောင်းကင်နဂါး မြင့်မြတ်နယ်မြေမှာလည်း ဟင်းလင်းပြင် အင်မော်တယ်တစ်ပါး ရှိနေပါလား...။ အင်မော်တယ်ဂိုဏ်းဆိုတဲ့ နာမည်နဲ့ တကယ်ပဲ ထိုက်တန်ပါပေတယ်။'

သူက စိတ်ထဲမှ သက်ပြင်းချလိုက်ပြီးနောက် နေရာလပ်ထဲသို့ ခြေချကာ ပျောက်ကွယ်သွား တော့သည်။

နောက်တစ်ခဏတွင် လုရီသည် ကြယ်တာရာစကြဝဠာထဲသို့ ရောက်ရှိနေလေပြီ။ ပတ်ဝန်းကျင်တွင် လေတစ်စိုးတစ်စမျှ မရှိ၊ လုံးဝလေဟာနယ် ဖြစ်နေသည်။

သာမန်မဟာယာနအဆင့် ကျင့်ကြံသူများပင် ဤနေရာ၌ အသက်မရှင်နိုင်။ ကပ်ဘေးဖြတ်ကျော် ပုဂ္ဂိုလ်ကြီးများပင်လျှင် ကြာရှည်မနေရဲကြပေ။

သို့သော် လုရီ၏ရုပ်ခန္ဓာမှာ သူတို့ထက်ပင် ပိုမိုအားကောင်းရာ စိုးရိမ်စရာ မလိုချေ။

မကြာမီမှာပင် သူ၏အရှေ့၌ တိုက်ပွဲတစ်ခုကို တွေ့လိုက်ရသည်။ ထိုနေရာတွင် အရပ်ပု၍ ပိန်လှီသော အဘိုးအိုတစ်ဦး ရှိနေသည်

သူ၏လက်ထဲတွင် ရွှေရောင်ရင့် လှံရှည်တစ်ချောင်း။ သူက မီတာတစ်ရာမြင့်သော ဝံပုလွေဘီလူးကြီးတစ်ကောင်နှင့် အပြင်းအထန် တိုက်ခိုက်နေ၏။

ထိုသားရဲကြီးမှာလည်း ဟင်းလင်းပြင် အင်မော်တယ်တစ်ကောင်ဖြစ်ပြီး ကျိုယိုချီမိစ္ဆာဓာတ်၏ အားဖြည့်မှုကြောင့် သူ၏အစွမ်းမှာ ပို၍ပင် တုန်လှုပ်ဖွယ်ကောင်းနေသည်။

သို့သော် အဘိုးအို၏ လက်ထဲမှ လှံရှည်မှာ အဆင့်နိမ့် အင်မော်တယ်လက်နက်တစ်ခုဖြစ်ကြောင်း လုရီ သတိပြုမိလိုက်သည်။

ထိုလက်နက်က အစစ်အမှန်နဂါးတစ်ကောင်၏ စွမ်းအားကို သယ်ဆောင်ထား၏။

အဘိုးအို လှံရှည်ကို ဝှေ့ယမ်းလိုက်တိုင်း ကြောက်မက်ဖွယ် နဂါးအရိပ်များက အင်မော်တယ်လက်နက်မှ ပေါက်ကွဲထွက်လာပြီး ဝံပုလွေဘီလူးကြီးကို တိုက်ခိုက်နေသည်။ ထို့ကြောင့်ပင် သားရဲကြီးမှာ အားသာမှုမရဘဲ အဘိုးအို၏ နှိမ်နင်းမှုကို ခံနေရသည်။

လုရီသည် တကိုယ်တည်း မသိမသာ ရေရွတ်လိုက်သည်။

'ဒီနေရာက ကျိုယိုချီသားရဲအားလုံးကို ငါသတ်ရမယ်။'

ထို့နောက် "စီနီယာ... ကျွန်တော် ကူညီပါရစေ"။ဟု သူက အားမာန်ပါစွာ အော်ဟစ်လိုက်သည်။

စကားဆုံးသည်နှင့် အရှေ့သို့ တဟုန်ထိုးဝင်သွားသည်။

အရပ်ပုသော အဘိုးအိုမှာ တုန်လှုပ်သွားသည်။ သူက ကျိုယိုချီသားရဲကြီးကို လှံတစ်ချက်ဖြင့် နောက်သို့ ဆုတ်စေကာ လှည့်ကြည့်လိုက်၏။

သူ့ထံသို့ ပြေးလာနေသော လုရီကို မြင်သောအခါ သူ၏မျက်လုံးများထဲတွင် အံ့အားသင့်ဟန်

တစ်ခု ရိပ်ခနဲ ထင်သွားသည်။

"မင်းက... လုရီ"။

"မင်း ဒီကို ရောက်လာတာကို ငါတောင် သတိ

မထားမိလိုက်ဘူး"။

လုရီက ရှက်ကိုးရှက်ကန်း ပြုံးလိုက်သည်။

"ကျွန်တော် နေရာလပ်တာအို ပညာတချို့ ကျွမ်းကျင်ထားလို့ပါ"။

အဘိုးအို၏ နှုတ်ခမ်းထောင့်များက အနည်းငယ် တွန့်ကွေးသွားသည်။

'နေရာလပ်တာအိုပညာ...'

သူက လုရီကို သတ္တဝါဆန်းတစ်ကောင်ကို ကြည့်သလို ကြည့်လိုက်သည်။

"ဂိုဏ်းထဲက လူငယ်တချို့ မင်းအကြောင်းပြောတာ ကြားဖူးတယ်...။ မင်းက ငါထင်ထားတာထက် ပိုအားကောင်းပုံပဲ"။

လုရီက ပြုံးလိုက်ပြီးနောက် လေသံကို အလေးအနက်ပြုကာ ဆိုသည်။

"စီနီယာ... အောက်ဘက်က အခြေအနေ

မကောင်းဘူး။ ဒီသားရဲကြီးကို အတူတူ အပြတ်ရှင်းလိုက်ကြရအောင်"။

အဘိုးအိုက အားရပါးရ ရယ်မောကာ ခေါင်းညိတ်လိုက်သည်။

"ဟား ဟား ဟား"။

"ကောင်းတယ်... မင်းနဲ့တော့ ငါ အားနာမနေတော့ဘူး။ ဒီတစ်ခါ ငါတို့ ကောင်းကင်နဂါး မြင့်မြတ်နယ်မြေ ဆုံးရှုံးမှုများတယ်။ ဒီကိစ္စကို မြန်မြန်အဆုံးသတ်နိုင်ရင် ဆုံးရှုံးမှုတွေ အများကြီး လျှော့ချနိုင်လိမ့်မယ်။ ငါ မင်းကို အကြွေးတင်သွားတာပေါ့"။

လုရီက ပြန်လည်ရယ်မောလိုက်၏။

"စီနီယာက သိပ်အားနာတတ်တာပဲ...။ ကောင်းကင်နဂါး သူတော်စင်သားတော်နဲ့ ကျွန်တော်က ရင်းနှီးကြပါတယ်။ အခုလိုအချိန်မှာ ကျွန်တော် လုပ်သင့်တာကို လုပ်ရမှာပေါ့"။

အဘိုးအိုက ခေါင်းတညိတ်ညိတ်လုပ်နေသည်။

ထို့နောက် လုရီက တုန်ခါအလင်းဓားကို ထုတ်ယူကာ ဝံပုလွေဘီလူးကြီးကို စိမ်းစိမ်းကြည့်လိုက်၏။

ဟင်းလင်းပြင် အင်မော်တယ် ဘိုးဘေးက ဟိန်းဟောက်လိုက်သည်။

"အတူတူ တိုက်ကြစို့"။

သူ၏ ကောင်းကင်နဂါးလှံရှည်က ပြင်းထန်သော အလင်းရောင်ဖြင့် ဟိန်းထွက်လာ၏။ အစစ်အမှန်နဂါးသဏ္ဌာန်တစ်ခုက ဟိန်းဟောက်ကာ သားရဲကြီးထံသို့ တည့်တည့်ဝင်သွားသည်။

လုရီ၏ မျက်နှာအမူအရာမှာလည်း တင်းမာသွားသည်။ သူ၏ ဓားတာအိုနိယာမနှင့် ကြယ်ဖြတ်ဓားကွက် အင်မော်တယ်သိုင်းကို ချွင်းချက်မရှိ အသက်သွင်းလိုက်၏။

လုရီ၏ ဓားချက်က ထွက်ပေါ်လာသည်။ ကြယ်တာရာမြစ်တစ်ခု ပြောင်းပြန်စီးဆင်းလာသလိုပင်။ ကောင်းကင်မှ ကြယ်တာရာကန့်လန့်ကာကြီးတစ်ခု ပြုတ်ကျလာသကဲ့သို့။ ထိုစွမ်းအားက အစစ်အမှန်နဂါးသဏ္ဌာန်ထက်ပင် သာလွန်နေ၏။

ကောင်းကင်နဂါး မြင့်မြတ်နယ်မြေမှ အင်မော်တယ်ပင်လျှင် တုန်လှုပ်သွားပြီး လုရီကို မယုံနိုင်စွာ လှည့်ကြည့်သည်။

"တကယ်ကို အထင်ကြီးစရာကောင်းတဲ့

ဓားတာအို နိယာမပဲ...။ မင်းက အင်မော်တယ်သိုင်းကိုလည်း ကျွမ်းကျင်ထားတာလား"။

လုရီက ပြုံးကာ ခေါင်းညိတ်ပြလိုက်သည်။

"ကံကောင်းလို့ သင်ယူခဲ့ရတာပါ"။

အဘိုးအိုမှာ ဘာပြောရမှန်း မသိတော့ပေ။

သားရဲကြီးမှာ ဒေါသတကြီး ဟိန်းဟောက်လိုက်သည်။ ကျိုယိုချီပုံစံများက သူ၏ပတ်လည်တွင် ပေါက်ကွဲထွက်လာပြီး အနက်ရောင်မီးတောက်များက သူ၏ကိုယ်ကို လောင်ကျွမ်းနေသလိုပင်။

"ဝုန်း"။

နဂါးသဏ္ဌာန်နှင့် ဓားကန့်လန့်ကာတို့က ရေခဲဒိုင်းကို အစိတ်စိတ်အမွှာမွှာ ချေမှုန်းကာ သားရဲကြီး၏ ကိုယ်ထည်ကို ထိမှန်သွားသည်။

သားရဲကြီးက နာကျင်စွာ အသံနက်ကြီးဖြင့် အော်ဟစ်လိုက်သည်။ ၎င်း၏အကြေးခွံများ ကွဲကြေသွားပြီး သွေးများက အဆက်မပြတ် စီးကျနေ၏။ သို့သော် ၎င်း၏ အရှိန်အဝါမှာ သန်မာနေဆဲပင်။

လုရီနှင့် အဘိုးအိုတို့ အချင်းချင်း အကြည့်ဖလှယ်လိုက်ကြသည်။ သူတို့က သားရဲကြီးကို အနားပေးမနေတော့ဘဲ နောက်တစ်ကြိမ် တိုက်ခိုက်လိုက်ကြပြန်သည်။

ဆက်တိုက်ဆိုသလိုပင် နဂါးသဏ္ဌာန်များနှင့် ကြယ်တာရာဓားကန့်လန့်ကာများက လေဟာနယ်ကို ဖုံးလွှမ်းသွားသည်။ ကီလိုမီတာသောင်းပေါင်းများစွာအတွင်း ကြယ်ရောင်အလင်းများနှင့် နဂါးအရိပ်များသာ ရှိတော့သည်။

သားရဲကြီးမှာ အဆက်မပြတ် ဟိန်းဟောက်ရင်း ခုခံရှောင်တိမ်းနေသော်လည်း အဆုံးတွင် အားလုံးကို မရှောင်နိုင်ခဲ့ပေ။ သူ၏ကိုယ်ပေါ်တွင် သွေးစွန်းသော ဒဏ်ရာများ တစ်ခုပြီးတစ်ခု ပေါ်လာပြီး ၎င်း၏အသက်စွမ်းအင်မှာ လျင်မြန်စွာ အားနည်းလာတော့သည်။

ထွက်ပြေးရန် ကြိုးစားသော်လည်း အားကောင်းသော အင်မော်တယ်နှစ်ဦး၏ ရှေ့မှောက်တွင် ၎င်းက မည်သို့မျှ မလွတ်မြောက်နိုင်တော့ပေ။

အောက်ဘက်မှ ကျင့်ကြံသူများလည်း အထက်မှ ပြောင်းလဲမှုများကို သတိပြုမိကြသည်။

လုံမင်ဘိုးဘေးနှင့် ကပ်ဘေးဖြတ်ကျော် ဘိုးဘေးများမှာ သားရဲကြီးများ၏ ဟိန်းဟောက်သံများကို ကြားရသောအခါ မျက်နှာပျက်ကာ အထက်သို့ မော့ကြည့်ကြသည်။

"နောက်ထပ် အရှိန်အဝါတစ်ခု... ဒါ... လူသားကျင့်ကြံသူတစ်ယောက်ပဲ"။

လုံမင်ဘိုးဘေးက တွေဝေစွာ ဆိုသည်။

"ဒီအရှိန်အဝါက... မိတ်ဆွေလေးလုရီနဲ့ တူတယ်... တကယ်ပဲ သူလား"။

ထို့နောက် ဘိုးဘေးအုပ်စုမှာ သက်ပြင်းချကာ မျက်နှာများတွင် ပျော်ရွှင်မှုများ ထင်ဟပ်လာသည်။

"မိတ်ဆွေလေးလုရီရဲ့အစွမ်းနဲ့ လုံယင်ဘိုးဘေးသာဆိုရင် အဲဒီ အင်မော်တယ်သားရဲကို သတ်နိုင်မှာ သေချာတယ်"။

သူတို့ စကားပြောနေစဉ်မှာပင် ကောင်းကင်ကို တုန်လှုပ်စေသော ဟိန်းဟောက်သံကြီးတစ်ခု ထွက်ပေါ်လာသည်။

ထို့နောက် အထက်မှ ဆိုးယုတ်ကြောက်မက်ဖွယ်ကောင်းသော အရှိန်အဝါမှာ ဖြည်းညင်းစွာ ကြေပျက်သွားသည်ကို သူတို့ ခံစားမိလိုက်ကြသည်။

ဘိုးဘေးအားလုံး မိန်းမောသွားကြသည်။

"သေပြီ"။

"ဟင်းလင်းပြင် အင်မော်တယ်သားရဲကြီး သေပြီ"။

လုရီရောက်လာပြီး မကြာမီမှာပင် ထိုသားရဲကြီး သတ်ဖြတ်ခံရလိမ့်မည်ဟု သူတို့ မမျှော်လင့်ထားခဲ့ကြပေ။

ထို့နောက် လျင်မြန်စွာ ချဉ်းကပ်လာသော ပုံရိပ်နှစ်ခုကို သူတို့ ခံစားမိလိုက်ကြသည်။

လုရီနှင့် လုံယင်ဘိုးဘေးပင် ။

သူတို့နှစ်ဦးကို မြင်သောအခါ ဘိုးဘေးအုပ်စုမှာ နောက်ဆုံးတွင် လုံးဝ စိတ်အေးသွားကြသည်။

ထိုအချိန်တွင် ကပ်ဘေးဖြတ်ကျော်အဆင့် သားရဲကြီးများက ဟိန်းဟောက်ကာ ထွက်ပြေးရန် ကြိုးစားကြသည်။

လုံယင်ဘိုးဘေးက ဟိန်းဟောက်လိုက်သည်။

၍"ပြေးမလို့လား"။

"ငါ့အလောင်းကို ကျော်သွားမှပဲ ရမယ်"။

ဘိုးဘေးက ကောင်းကင်နဂါးလှံရှည်ကို မြှောက်ကာ ရှေ့သို့ တဟုန်ထိုးဝင်သွားသည်။

လုရီကလည်း နောက်မှ လိုက်ပါသွားသည်။

ကျိုယိုချီသားရဲများကို သူကိုယ်တိုင် မသတ်လျှင် တစ်ခုခု လိုနေသည်ဟု သူ ခံစားရသည်။

သူတို့နှစ်ဦး တိုက်ခိုက်လိုက်သောအခါ ကပ်ဘေးဖြတ်ကျော်သားရဲများမှာ တစ်ကောင်ပြီးတစ်ကောင် သေဆုံးသွားပြီး လျင်မြန်စွာပင် အားလုံး ပျက်သုဉ်းသွားတော့သည်။

လုံမင်ဘိုးဘေးက လုရီထံသို့ လေးစားသော အကြည့်ဖြင့် ချဉ်းကပ်လာပြီး အရိုအသေပြုသည်။

"မိတ်ဆွေလေးလုရီ... ဒီတစ်ခါတော့ မင်းက အကြီးအကျယ် ကူညီခဲ့တာပဲ"။

ကောင်းကင်နဂါး မြင့်မြတ်နယ်မြေမှ ကပ်ဘေးဖြတ်ကျော် ဘိုးဘေးအားလုံးကလည်း လုရီအားလေးနက်စွာ အရိုအသေပြုကြပြီး ရင်တွင်းကျေးဇူးတင်မှုများဖြင့် ပြည့်နှက်နေသည်။

"မင်းရဲ့အကူအညီအတွက် ကျေးဇူးတင်ပါတယ် မိတ်ဆွေလေးလုရီ...။ မဟုတ်ရင် ငါတို့ ကောင်းကင်နဂါး မြင့်မြတ်နယ်မြေက ဆုံးရှုံးမှုကြီးကြီးမားမား ခံစားရတော့မလို့"