အခန်း (၅၃၂-၅၃၄)

အခန်း ၅၃၂- အရှေ့ နယ်မြေမှ ကျိုယိုချီသားရဲများကို သုတ်သင်ခြင်း၊ မယုံနိုင်လောက်အောင် ရက်ရောသော အလုပ် ဆုလာဘ်...

~လုရီက ထိုမြင်ကွင်းကို တွေ့သောအခါ ပြုံးလိုက်သည်။

"စီနီယာတို့က အလွန်အမင်း အားနာတတ်လွန်းပါပြီ..."။

သူ၏ စကားလုံးများက နှိမ့်ချသော်လည်း လေးနက်နေ၏။

"သားရဲလှိုင်းလုံးကြီးက တိုက်ခိုက်နေချိန်မှာ အရှေ့ပိုင်းနယ်မြေတစ်ခုလုံးက သတ္တဝါတွေ ဒုက္ခရောက်နေကြတာပါ။ ကျွန်တော်တတ်နိုင်သလောက် ကူညီခွင့်ရတာကိုပဲ ဝမ်းသာမိပါတယ်။ ဒါတွေက ကျွန်တော်လုပ်သင့်တဲ့ အရာတွေပါ"။

လုရီက သူပြီးမြောက်ခဲ့သော အလုပ်ကို ကြည့်လိုက်ရင်း ပို၍ပင် ပျော်ရွှင်စွာ ပြုံးလိုက်သည်။

သူ၏စကားကိုကြားသောအခါ လုံမင်ဘိုးဘေးနှင့် အခြားသူများမှာ စိတ်လှုပ်ရှားသွားကြသည်။

လုံယင်ဘိုးဘေးက ချီးကျူးလိုက်သည်။

"မိတ်ဆွေလေးလုရီ... မင်းမှာ သူတော်စင်တစ်ပါးလို သဘောထားကြီးတဲ့ နှလုံးသားရှိတာပဲ"။

ထိုချီးကျူးစကားကြောင့် လုရီမှာ အနည်းငယ် မျက်နှာပူသွားသည်။ ထို့နောက် သူက ဆို၏။

"စီနီယာ... သားရဲလှိုင်းလုံးကြီးက မပြီးသေးဘူး။ ကျွန်တော် တခြားနေရာတွေကို သွားကူညီရဦးမယ်"။

ထိုစကားကို ကြားသောအခါ လုံယင်၏ မျက်နှာအမူအရာမှာ လေးနက်သွားသည်။

"မိတ်ဆွေလေးလုရီမှာ ဒီလိုစိတ်ထားမျိုးရှိမှတော့ ငါကဘယ်လိုလုပ် ဒီအတိုင်း ကြည့်နေနိုင်မှာလဲ။ မင်းနဲ့အတူလိုက်ပြီး ကူညီမယ်"။

လုရီ ခဏတာ တုန်လှုပ်သွားသည်။ သူက အဆင့်နိမ့် အင်မော်တယ်လက်နက်ဖြစ်သော ကျောက်စိမ်းအာကာသယာဉ်ကို အသုံးပြု၍ ခရီးသွားရန် စီစဉ်ထားခဲ့သည်။

'ဒါကို တခြားသူတွေသိသွားရင် မကောင်းဘူးမလား...'

ထို့နောက် လုရီက ပြန်စဉ်းစားလိုက်သည်။ သူ၏ဆရာမှာ အားကောင်းပြီး ရာထူးကြီးမားသူဖြစ်ရာ သူသိသွားလျှင် ဘာဖြစ်မည်နည်း။ ကောင်းကင်နဂါး မြင့်မြတ်နယ်မြေ၏ နောက်ကွယ်မှ အင်မော်တယ်ကပင် သူ၏ အင်မော်တယ်လက်နက်ကို တပ်မက်လျှင်တောင် သူစိုးရိမ်မနေပေ။

ထို့နောက် လုရီက ခေါင်းညိတ်ကာ ပြုံးလျက် ဆိုသည်။

"စီနီယာက အတူတူသွားချင်မှတော့ ကျွန်တော်ကလည်း သိပ်ကို လိုလားပါတယ်"။

လုံယင်က အားရပါးရ ရယ်မောလိုက်သည်။

"ဟား ဟား ဟား"။

"ကောင်းပြီ... ဒီနေ့တော့ ငါက မိတ်ဆွေလေးလုရီနဲ့အတူ အရှေ့ပိုင်းနယ်မြေက သတ္တဝါတွေကို ကူညီစောင့်ရှောက်မယ်"။

ထို့နောက် သူက လုံမင်ဘိုးဘေးနှင့် အခြားသူများဘက်သို့ လှည့်ကာ မှာကြားလိုက်သည်။

"မင်းတို့ ဒီမှာကျန်ခဲ့ပြီး နောက်ဆက်တွဲကိစ္စတွေကို စီမံခန့်ခွဲလိုက်"။

လုံမင်ဘိုးဘေးနှင့် အခြားသူများမှာလည်း လိုက်သွားချင်နေသော်လည်း ဤစကားကိုကြားသောအခါ အခြေအနေကို နားလည်လိုက်ကြသည်။ သားရဲလှိုင်းလုံးကြီးမှာ သားရဲတစ်သောင်းတောင်တန်းမှ မထွက်ခွာသေးသော်လည်း ပိုင်နက်တစ်ခုလုံးမှာ ပရမ်းပတာဖြစ်နေပြီး တာဝန်ယူရန် ကပ်ဘေးဖြတ်ကျော် ဘိုးဘေးတစ်ဦး လိုအပ်နေသည်။

ကပ်ဘေးဖြတ်ကျော် ဘိုးဘေးတစ်စုက ခေါင်းညိတ်ကာ ကျန်ရစ်ခဲ့ကြသည်။

သူတို့ထွက်ခွာပြီးနောက် လုံယင်ဘိုးဘေးက လုရီကို ကြည့်ကာ ခပ်ပါးပါးရယ်မောလျက် မေးသည်။

"မိတ်ဆွေလေးလုရီ... ငါတို့ အခုပဲ သွားကြမလား"။

လုရီက ခေါင်းညိတ်လိုက်ပြီး ဆိုသည်။

"ကျွန်တော့်မှာ သွားလာရေးယာဉ်တစ်ခု ရှိပါတယ်"။

သူက ကျောက်စိမ်းအာကာသယာဉ်ကို ထုတ်ယူလိုက်သည်။

ကြယ်ရောင်များဖြင့် တလက်လက်တောက်ပနေသော ကျောက်စိမ်းလှေတစ်စင်းက လေထဲတွင် ပေါ်လာသည်။ အင်မော်တယ်လက်နက်၏ အထူးဝိညာဉ်ဖိအားက ပတ်ဝန်းကျင်သို့ ပျံ့နှံ့သွားရာ လုံယင်ဘိုးဘေးမှာ အံ့ဩသွား၏။

သူက မျက်လုံးများ ပြူးကျယ်လျက် ကျောက်စိမ်းအာကာသယာဉ်ကို မယုံကြည်နိုင်စွာ ကြည့်နေသည်။

"ဒါ... ဒါက အင်မော်တယ်လက်နက်လား"။

"ပျံသန်းလို့ရတဲ့ အမျိုးအစား"။

လုရီက ခပ်ဖွဖွ ရယ်မောလိုက်သည်။

"ဟုတ်ပါတယ်... ကျွန်တော် ဒီအင်မော်တယ်လက်နက်ကို အရင်က မမျှော်လင့်ဘဲ ရခဲ့တာပါ။ ဒါက အရမ်းမြန်ပြီး ကျွန်တော်တို့ကို လိုရာခရီးကို မြန်မြန်ရောက်စေနိုင်တယ်"။

လုံယင်ဘိုးဘေး၏ မျက်လုံးများမှာ မနာလိုမှုကြောင့် စိမ်းလဲ့သွားသည်။

သူက လုရီကို ကြည့်လိုက်ပြီး သူ၏အိုမင်းသောမျက်နှာမှာ လေးစားမှုများဖြင့် ပြည့်နှက်နေသည်။

"မိတ်ဆွေလေးလုရီ... မင်းရဲ့ကံတရားက သိပ်ကောင်းလွန်းတယ်။ အင်မော်တယ်လက်နက်တစ်ခုတောင် ရထားတာ... ဒါက တက်လှမ်းသွားတဲ့ အင်မော်တယ်တစ်ပါးက ချန်ထားခဲ့တဲ့ အမွေအနှစ်များလား"။

လုရီက ခပ်ဟဟရယ်သည်။

"ဖြစ်နိုင်ပါတယ်"။

လုံယင်ဘိုးဘေးမှာ ပို၍ပင် မနာလိုဖြစ်သွားသည်။

"တကယ်ပဲ အံ့ဩစရာပဲ...။ မင်းက အရည်အချင်းကောင်းရုံတင်မကဘူး၊ ကံတရားကလည်း အံ့မခန်းပဲ။ ကောင်းကင်တာအိုရဲ့ မျက်နှာသာပေးခြင်းကို ခံရတာပဲ"။

လုရီမှာ ကူကယ်ရာမဲ့ ရယ်မောလိုက်ရုံသာ တတ်နိုင်တော့သည်။

"စီနီယာရယ်... ကျွန်တော့်ကို မမြှောက်ပင့်ပါနဲ့တော့။ သွားကြရအောင်ပါ"။

လုံယင်ဘိုးဘေးမှာ စင်စစ်မှာတော့ ဟင်းလင်းပြင်အင်မော်တယ်အဆင့် ကျင့်ကြံသူတစ်ဦးဖြစ်ပြီး နှစ်ပေါင်းသောင်းချီ အသက်ရှင်ခဲ့သူဖြစ်သည်။ သူ၏ စိတ်နေစိတ်ထားမှာ အခြားသူများနှင့် မတူဘဲ လျင်မြန်စွာ ပုံမှန် ပြန်ဖြစ်သွားသည်။

သူက ခေါင်းညိတ်လိုက်သည်။

"ကောင်းပြီ... သွားကြစို့"။

နှစ်ယောက်သား ကျောက်စိမ်းအာကာသယာဉ်ပေါ်သို့ တက်လိုက်ကြသည်။ ထို့နောက် လုရီက အင်မော်တယ်လက်နက်ကို အသက်သွင်းလိုက်ရာ ကျောက်စိမ်းအာကာသယာဉ်မှာ ကြယ်ရောင် အလင်းတန်း တစ်ခုအဖြစ်သို့ ပြောင်းလဲကာ မူလ နေရာမှ ပျောက်ကွယ်သွားလေသည်။

အသက်ရှူချိန် အနည်းငယ်အတွင်း သူတို့သည် ဟင်းလင်းပြင်အင်မော်တယ် အဆင့်၏ အရှိန်အဝါ ထွက်ပေါ်ရာ အခြားတိုက်ပွဲ တစ်ခုသို့ ရောက်ရှိသွားသည်။

ကျောက်စိမ်းအာကာသယာဉ် ရပ်တန့်သွားသောအခါ လုံယင်ဘိုးဘေးနှင့် လုရီတို့ ထွက်လာကြသည်။ လုံယင်ဘိုးဘေး၏ မျက်နှာပေါ်တွင်မူ နားမလည်နိုင်သော အမူအရာတစ်ခု ရှိနေဆဲပင်။

သူက ပတ်ပတ်လည်ကို ကြည့်လိုက်သည်။

"ဒါက... ထိုက်ရီ မြင့်မြတ်နယ်မြေရဲ့ ပိုင်နက်လား"။

"ငါတို့ ကောင်းကင်နဂါး မြင့်မြတ်နယ်မြေကနေ မိုင်ပေါင်းသန်းချီဝေးတယ်... ဒီအတိုင်းလေး ရောက်လာတာလား"။

လုရီက ခပ်ဖွဖွရယ်သည်။

"ကျောက်စိမ်းအာကာသယာဉ်က အတော်မြန်ပါတယ်"။

"အတော်မြန်ရုံပဲလား..."။

လုံယင်ဘိုးဘေးက လုရီကို စကားမပြောနိုင်တော့ဘဲ ကြည့်နေသည်။

"'အတော်မြန်တယ်' ဆိုတာထက် ပိုတယ်မဟုတ်လား။ အင်မော်တယ်တစ်ပါးတောင် ဒီလောက်အမြန်နှုန်းနဲ့ မယှဉ်နိုင်လောက်ဘူးမလား"။

"ဘုန်း"။

ထိုအခိုက်တွင် ကျယ်လောင်သော အသံကြီးတစ်ခု ထွက်ပေါ်လာပြီးနောက် ကြောက်မက်ဖွယ်ကောင်းပြီး ဆိုးယုတ်သော အရှိန်အဝါတစ်ခုက ပတ်ပတ်လည်၌ တိုးထွက်လာရာ လုရီနှင့် လုံယင်တို့၏ မျက်နှာအမူအရာများ ပြောင်းလဲသွားသည်။

နှစ်ယောက်လုံး လေဟာနယ်ဘက်သို့ မော့ကြည့်လိုက်ကြသည်။

လုရီက ရင်းနှီးသော အရှိန်အဝါတစ်ခုကို ခံစားမိလိုက်သည်—၎င်းမှာ ထိုက်ရီ အခင်းအကျင်းမြေပုံ၏ တာအိုအလင်းတုန်ခါမှုပင်။

သို့သော် သူအံ့အားသင့်သွားရသည်။

ထိုက်ရီမြင့်မြတ်နယ်မြေတွင် ဟင်းလင်းပြင် အင်မော်တယ်တစ်ပါး မရှိဘဲ ကပ်ဘေးဖြတ်ကျော် ဘိုးဘေးတစ်ဦးကသာ ထိုက်ရီအခင်းအကျင်းမြေပုံကို ကိုင်စွဲကာ ဟင်းလင်းပြင်အင်မော်တယ်အဆင့် သားရဲကြီးနှင့် ရင်ဆိုင်နေလေသည်။

လုံယင်က မျက်မှောင်ကြုတ်ကာ ပြောပြလိုက်သည်။

"ထိုက်ရီမြင့်မြတ်နယ်မြေရဲ့ ဟင်းလင်းပြင်

အင်မော်တယ်က လွန်ခဲ့တဲ့ အနှစ်ရှစ်ရာက ကွယ်လွန်သွားပြီလေ။ အခုက ထိုက်ရီမြင့်မြတ်နယ်မြေရဲ့ သူတော်စင်သခင်က အခင်းအကျင်းမြေပုံကို ကိုင်စွဲပြီး သားရဲကြီးနဲ့ ရင်ဆိုင်နေတာ ဖြစ်လိမ့်မယ်"။

သူတော်စင်သခင်၏ ကျင့်ကြံမှုအဆင့်မှာ အလွန်အားကောင်းပြီး ကပ်ဘေးဖြတ်ကျော်နယ်ပယ်၏ အထွတ်အထိပ်သို့ ရောက်နေပြီ ဖြစ်သည်။

သို့သော် ကျိုယိုချီမိစ္ဆာဓာတ်စွဲကပ်နေသော ဟင်းလင်းပြင်အင်မော်တယ် အဆင့် သားရဲကြီးတစ်ကောင်နှင့် ရင်ဆိုင်ရာတွင် အင်မော်တယ်လက်နက် ထိုက်ရီအခင်းအကျင်းမြေပုံကို ကိုင်စွဲထားသော်လည်း သူက အားနည်းနေပြီ ဖြစ်သည်။

လုရီက မျက်ခုံးပင့်လိုက်သည်။

"ငါတို့ အချိန်ကိုက် ရောက်လာပုံပဲ"။

နောက်တစ်ခဏတွင် နှစ်ယောက်လုံး အလင်းတန်းများအဖြစ်သို့ ပြောင်းလဲကာ လေဟာနယ်ဘက်သို့ ပြေးတက်သွားကြသည်။

မကြာမီမှာပင် နှစ်ယောက်သား ကြယ်တာရာကောင်းကင်အထက်သို့ ရောက်ရှိသွားကြလေ၏။

ထိုနေရာတွင် ကျက်သရေရှိပြီး ခန့်ညားသော လူလတ်ပိုင်းအမျိုးသားတစ်ဦးက လေထဲတွင် ရပ်ကာ ရွှေရောင် အမွှေးများနှင့် ကြောက်မက်ဖွယ် ခေါင်းပါသည့် သားရဲကြီးတစ်ကောင်နှင့် ရင်ဆိုင်နေသည်ကို တွေ့လိုက်ရသည်။

ထိုသတ္တဝါ၏ ရွှေရောင်အမွေးများပေါ်တွင် အနက်ရောင်ပုံစံများ စီးဆင်းနေပြီး ထူးဆန်းသော ချီစွမ်းအင်တစ်ခု ထုတ်လွှတ်နေသည်—၎င်းမှာ ကျိုယိုချီပင်။

လူနှင့်သားရဲကြီး၏ ခေါင်းများအထက်တွင် အဆုံးမရှိသော အခင်းအကျင်းပုံစံများ လည်ပတ်နေပြီး ကြောက်မက်ဖွယ် ဖိအားကို ထုတ်လွှတ်ကာ ကြောက်မက်ဖွယ်အရှိန်အဝါများပါသော အလင်းတန်းများကို ထုတ်လွှတ်နေသည်—အချို့မှာ မီးတောက်များကဲ့သို့ လောင်ကျွမ်းနေပြီး၊ အချို့မှာ ဓားသွားများကဲ့သို့ ထက်ရှကာ၊ အချို့မှာ စိမ့်ခနဲအေးစက်နေသည်။

ဤအလင်းတန်းများကပင် ကျိုယိုချီသားရဲကြီးကို တားဆီးထားခြင်းဖြစ်သည်။

သို့သော် ထိုက်ရီ မြင့်မြတ်နယ်မြေမှ သူတော်စင်သခင်၏ မျက်နှာမှာ တင်းမာနေပြီး သူ၏ ပါးစပ်ထောင့်မှ သွေးများ စီးကျနေကာ ဒဏ်ရာရနေသည်မှာ ထင်ရှား၏။

သူ့ပတ်လည်ရှိ ကျိုယိုချီသားရဲကြီးမှာ ရွှေရောင်မီးတောက်များဖြင့် လောင်ကျွမ်းနေသည်။ ၎င်း ၏တည်ရှိမှုမှာ ကြောက်မက်ဖွယ် ကောင်းကာ အပူချိန်မှာ အလွန် မြင့်မားလှသည်။ သူတော်စင်သခင်ပင်လျှင် လုံးဝ မခုခံနိုင်ဘဲ သူ၏ အရေပြားမှာ သိသိသာသာ ခြောက်ကပ်နေပုံ ရသည်။

လုရီက အော်ဟစ်လိုက်သည်။

"စီနီယာ... ကျွန်တော်တို့ ကူညီဖို့ လာပါတယ်"

ထိုအသံကို ကြားသောအခါ သူတော်စင်သခင်က ခေါင်းလှည့်ကြည့်လိုက်ပြီး လုရီနှင့် လုံယင်ကို တွေ့သောအခါ ခဏတာ အံ့အားသင့်ပြီးနောက် ဝမ်းမြောက်သော အမူအရာ ပြလိုက်သည်။

"မိတ်ဆွေလေးလုရီ... အကြီးအကဲလုံယင်"။

လုံယင်က ခေါင်းညိတ်သည်။

"ဟုတ်တယ်... ငါတို့ ကူညီဖို့ လာတာ"။

သူတော်စင်သခင်က သဘာဝအတိုင်း မငြင်းဆန်ပေ။

လုရီက သူ့ဘာသာသူ ရေရွတ်လိုက်သည်။

'ဒီနေရာက ကျိုယိုချီ သားရဲတွေကို ငါသတ်ရမယ်။'

အလုပ်: ကျိုယိုချီသားရဲများကို သတ်ပါ။

ဆုလာဘ်: "ထွက်ခွာမီး ဆေးလုံးသန့်စင်စွမ်းရည်၊" မီးတာအို နားလည်နိုင်စွမ်း တိုးတက်ခြင်း၊

အင်မော်တယ်ရွှေ ကျိုယိုနေ့ရွှေ၊

သတ်မှတ်ထားသော အင်မော်တယ် သိုင်းစွမ်းရည် အဆင့် +၁

အလုပ်ကို လက်ခံမည်လော: လက်ခံ/ငြင်းပယ်

လုရီက ဝမ်းမြောက်စွာဖြင့် အလုပ်ကို လက်ခံလိုက်သည်။

ထို့နောက် သူနှင့် ဘိုးဘေး လုံယင်တို့ အတူတကွ လှုပ်ရှားလိုက်ကြသည်။

သားရဲနှင့် လူနှစ်ယောက်လုံးမှာ ဟင်းလင်းပြင်အင်မော်တယ်အဆင့်ဖြစ်ပြီး စွမ်းအား အကြီးဆုံးထဲတွင် ပါဝင်သည်။

ထိုက်ရိီအခင်းအကျင်းမြေပုံ၏ ထိန်းချုပ်မှုနှင့်အတူ ဟင်းလင်းပြင်

အင်မော်တယ်အဆင့် ကျိုယိုချီသားရဲကြီးကို အကြိမ်အနည်းငယ်အတွင်း သတ်ဖြတ်နိုင်ခဲ့လေသည်။

ဟင်းလင်းပြင်အင်မော်တယ်အဆင့် သားရဲကြီးကို သတ်ပြီးနောက် အခြားသားရဲကြီးများကို သတ်ရန်မှာလည်း သဘာဝအတိုင်း ပိုမိုလွယ်ကူသွားသည်။

ထိုက်ရီ မြင့်မြတ်နယ်မြေမှ ကျင့်ကြံသူများမှာ ယခင် ကောင်းကင်နဂါး မြင့်မြတ်နယ်မြေမှ ကျင့်ကြံသူများကဲ့သို့ပင် လုရီနှင့် လုံယင်ကို အလွန်ကျေးဇူးတင်ကြသည်။

လုရီက ကြာရှည်မနေတော့ဘဲ လုံယင်နှင့်အတူ အခြားနေရာများသို့ ဆက်လက်ထွက်ခွာခဲ့သည်။

နတ်ဓားဂိုဏ်းသို့ ရောက်သောအခါ

ဂိုဏ်းမှ သခင်ကြီးမှာ အလွန်အားကောင်းပြီး ကျိုယိုချီသားရဲကြီးကို သူတစ်ယောက်တည်းဖြင့် သတ်ဖြတ်ခဲ့ကာ နတ်ဓားဂိုဏ်းမှာ နောက်ဆက်တွဲကိစ္စများကို စီမံခန့်ခွဲနေပြီသည်ကို သူတို့ တွေ့ရှိလိုက်ရသည်။

လုရီနှင့် ဘိုးဘေးလုံယင်တို့ ချဉ်းကပ်လာသည်ကို မြင်သောအခါ နတ်ဓားဂိုဏ်းမှ သခင်ကြီးက မျက်တောင်ခတ်ရင်း နားမလည်စွာ မေးလိုက်သည်။

"မိတ်ဆွေလေးလုရီ... တာအိုရောင်းရင်း

လုံယင်... ဘာကိစ္စရှိလို့ ဒီကို ရောက်လာကြတာလဲ"

လုံယင်က နှစ်ခြမ်းကွဲနေသော ကျိုယိုချီသားရဲကြီးကို ကြည့်ကာ နှုတ်ခမ်းထောင့်များ တွန့်ကွေးသွားပြီးနောက် ဆိုသည်။

"လုရီနဲ့ငါက ကူညီမလို့လာတာ... ဒါပေမဲ့ မင်းက ဟင်းလင်းပြင်အင်မော်တယ်အဆင့် သားရဲကို သတ်ပြီးသွားပြီနဲ့ တူတယ်"။

နတ်ဓားဂိုဏ်းမှ သခင်ကြီးက ခေါင်းညိတ်သည်။

"အော်... ဒီလိုလား။ ဒီသားရဲက အားမကောင်းပါဘူး။ အကူအညီ မလိုပါဘူး"။

လုံယင်မှာ ဘာပြောရမှန်း မသိတော့ပေ။

သူက ခြောက်ကပ်စွာ ချောင်းဆိုးလိုက်ပြီး ခေါင်းညိတ်ပြလိုက်လေသည်။

"မင်း ပြောတာမှန်ပါတယ်...။ အားမကောင်းတော့ မြန်မြန်သတ်နိုင်တာပေါ့"။

လုရီမှာ အနည်းငယ် စိတ်ပျက်သွားသည်။ အကြောင်းမှာ သူ ဒီတစ်ခါ အလုပ် ဆုလာဘ် မရလိုက်သောကြောင့်ဖြစ်သည်။ သူက ပြုံးကာ ဆို၏။

"နတ်ဓားဂိုဏ်းက အဆင်ပြေမှတော့ ကျွန်တော် တခြားနေရာကို သွားကူညီလိုက်ပါဦးမယ် နော်"

ထိုစကားကိုကြားသောအခါ နတ်ဓားဂိုဏ်းမှ

သခင်ကြီးက လုရီကို တစ်ချက်ကြည့်ကာ ခပ်ဖွဖွ ရယ်မောလိုက်သည်။

"မိတ်ဆွေလေးလုရီ... မင်းရဲ့ ကြင်နာမှုက ချီးကျူးစရာပဲ။ ဒီကပ်ဘေးပြီးရင် အရှေ့ပိုင်းနယ်မြေတစ်ခွင်က ကျင့်ကြံသူအားလုံး မင်းရဲ့လုပ်ရပ်တွေကို သတိရနေကြမှာပါ"။

လုရီက ပြုံးကာ ပြန်ပြောသည်။

"ဆရာကြီးက မြှောက်ပင့်နေပြန်ပါပြီ...။ ကျွန်တော် လုပ်သင့်တာကိုပဲ လုပ်တာပါ"။

သခင်ကြီးက ကြေညာလိုက်သည်။

"ဒီလိုဆိုရင်တော့ ငါလည်း လိုက်ခဲ့မယ်"။

နတ်ဓားဂိုဏ်းမှ သခင်ကြီးက လုံယင်နှင့် လုရီတို့နှင့်အတူ အခြားနေရာများသို့ လိုက်ပါကူညီရန် စီစဉ်လိုက်သည်။

လုရီက သဘာဝအတိုင်း ကန့်ကွက်မနေပေ။ ဤသို့ဆိုလျှင် သူတို့၏ တိုးတက်မှုမှာ ပိုမို မြန်ဆန်လာမည်ဖြစ်သည်။

လုရီက ကျောက်စိမ်းအာကာသယာဉ်ကို ထုတ်ယူလိုက်သောအခါ မျက်လုံးကြည်လင်သော

နတ်ဓားဂိုဏ်းမှ သခင်ကြီးပင်လျှင် အံ့အားသင့်မှုပြကာ မယုံနိုင်စွာ ထုတ်ဖော်လာသည်။

"မိတ်ဆွေလေးလုရီ... မင်းရဲ့ကံတရားက အင်မော်တယ်လက်နက်တစ်ခုတောင် ရထားရလောက်အောင် နက်ရှိုင်းလှပါပေတယ်"။

ထိုစဉ် လုံယင်က ပျော်ရွှင်စွာ ဆိုသည်။

"ဘယ်လိုလဲ။ ဒါက ပျံသန်းနိုင်တဲ့ အင်မော်တယ်လက်နက်... ကောင်းတယ်မဟုတ်လား။ သူ့ရဲ့အမြန်နှုန်းက အလွန်မြန်တယ်၊ မျက်စိတစ်မှိတ်အတွင်း မိုင်တစ်သန်းကို သွားနိုင်တယ်၊ အင်မော်တယ်တစ်ပါးထက်တောင် မြန်သေးတာဗျ..."

လုံယင်၏ ဂုဏ်ယူသော အမူအရာကို အကဲခတ်ရလျှင် အင်မော်တယ်လက်နက်မှာ သူပိုင်ဆိုင်သည်ဟုပင် ထင်မှတ်သွားနိုင်ပေသည်။

နတ်ဓားဂိုဏ်းမှ သခင်ကြီးကလည်း အံ့ဩတကြီး ခေါင်းညိတ်လိုက်သည်။

ထို့နောက် သုံးယောက်သား လေ့ယင် မြင့်မြတ်နယ်မြေနှင့် တာ့ယန်အင်မော်တယ်ဂိုဏ်းကဲ့သို့သော အခြားနေရာများသို့ ဆက်လက်ကူညီကြပြီး အင်မော်တယ်ဂိုဏ်း မြင့်မြတ်နယ်မြေများနှင့် မဟာဂိုဏ်းကြီးများမှ သားရဲလှိုင်းလုံးကြီးများကို ဖြေရှင်းပေးခဲ့ကြသည်။

ကပ်ဘေးဖြတ်ကျော်နှင့် ဟင်းလင်းပြင်ဥမင်အဆင့် သားရဲကြီးများနှင့် တွေ့ကြုံမှုအားလုံးတွင် လုရီနှင့် သူ၏အဖော်များက ဝင်ရောက်ဖြေရှင်းပေးခဲ့သည်။

လုံယင်နှင့် နတ်ဓားဂိုဏ်းမှ သခင်ကြီးအတွက် ဤအရာများမှာ အကူအညီပေးသည့် လုပ်ရပ်မျှသာဖြစ်သော်လည်း လုရီအတွက်မူ များပြားလှသော အလုပ် ဆုလာဘ်များကို ပေးအပ်ခဲ့ခြင်းသာ။

အခြားအရာများကို မဆိုထားနှင့်၊ သတ်မှတ်ထားသော အင်မော်တယ်သိုင်းစွမ်းရည် အဆင့်မြှင့်တင်မှုပင် လေးကြိမ် စုဆောင်းမိခဲ့သည်။

ဤသည်မှာ သူ့အတွက် အလွန်တရာ တန်ဖိုးရှိလှသည်။

ကြယ်ဖြတ်ဓားကွက်တွင် အသုံးချလျှင် သူက ၎င်းကို အဆင့် ၉ သို့ မြှင့်တင်နိုင်မည် ဖြစ်သည်။

ဤသည်မှာ မည်သို့သော အယူအဆ

ဖြစ်သနည်း။

ဤသည်တို့မှာ အင်မော်တယ် သိုင်းစွမ်းရည်များဖြစ်ပြီး စစ်မှန်လောက ပြန်လည်ရောက်ရှိခြင်းနယ်ပယ်ကို ကျော်လွန်နေလေသည်။

အကယ်၍ ၎င်းကို တစ်ဆင့် ထပ်မြှင့်တင်နိုင်လျှင် အဆုံးစွန်အဆင့်သို့ ရောက်ရှိသွားမည် ဖြစ်သည်။

သာမန် သိုင်းပညာများပင်လျှင် အဆုံးစွန်အဆင့်သို့ မြှင့်တင်သောအခါ အစုတ်အပြတ်ကို အံ့ဖွယ်အဖြစ် ပြောင်းလဲနိုင်စွမ်းရှိရာ အင်မော်တယ်သိုင်းစွမ်းရည်များကို မဆိုထားနှင့်တော့။

အဆင့် ၉ မှာပင်လျှင် ၎င်းမှာ ယုံမှားဖွယ်မရှိ အလွန်အားကောင်းလာမည်ဖြစ်သည်။

ထို့အပြင် အင်မော်တယ်သိုင်းစွမ်းရည်များ တိုးတက်ခြင်းက လုရီ၏ ဓားတာအိုနိယာမကိုလည်း မြှင့်တင်ပေးမည်ဖြစ်သည်။

အကယ်၍ သူက ကြယ်ခုတ်အင်မော်တယ်သိုင်းကို အဆင့် ၉ သို့ အမှန်တကယ် မြှင့်တင်နိုင်ခဲ့လျှင် သူ၏ဓားတာအိုနိယာမမှာ သုံးဆယ်ရာခိုင်နှုန်း၊ သို့မဟုတ် ထို့ထက်မက တိုးတက်လာပေမည်။

ဤသည်မှာ ထူးကဲစွာ များပြားသည့် ဆုလာဘ်ဟု ဆိုနိုင်ပါသည်။

မကြာမီမှာပင် သုံးယောက်သား အရှေ့ပိုင်းနယ်မြေတွင် တိုးထွက်လာသော ဟင်းလင်းပြင်အင်မော်တယ် အဆင့်နှင့် ကပ်ဘေးဖြတ်ကျော် အဆင့့် သားရဲများ အားလုံးကို သတ်ဖြတ်ပြီးသွားကြသည်။

လုံယင်က ကောင်းကင်နဂါး လှံရှည်ကို ကိုင်စွဲကာ ကြွေးကြော်သည်။

"ငါတို့ ဒီကိစ္စကို ဒီလောက်မြန်မြန် ဖြေရှင်းနိုင်လိမ့်မယ်လို့ မမျှော်လင့်ထားဘူး။ ပျံသန်းနိုင်တဲ့ အင်မော်တယ် လက်နက်ရဲ့ မယုံနိုင်လောက်တဲ့

အမြန်နှုန်းကြောင့်ပဲ"။

နတ်ဓားဂိုဏ်းမှ သခင်ကြီးပင်လျှင် သဘောတူညီစွာ ခေါင်းညိတ်လိုက်သည်။

လုရီက ခပ်ဖွဖွ ရယ်မောလိုက်သည်။

"အကြီးအကဲတို့... အရှေ့နယ်မြေက သားရဲလှိုင်းလုံးကြီး သိသိသာသာ အားပျော့သွားပေမယ့် ဒီလှိုင်းလုံးကြီးရဲ့ အတိုင်းအတာက အရှေ့ပိုင်းနယ်မြေတစ်ခုတည်းနဲ့ ကန့်သတ်မထားပ်ဘူး။ တခြားနယ်မြေတွေကလည်း အားကောင်းတဲ့ သားရဲတွေရဲ့ ကျူးကျော်မှုကို ရင်ဆိုင်နေရတယ်။ ကျွန်တော် အဲဒီမှာ သွားကူညီမလို့ စီစဉ်ထားတယ်ဗျ"

အရှေ့ နယ်မြေမှ ဟင်းလင်းပြင်အင်မော်တယ် အဆင့်နှင့် ကပ်ဘေးဖြတ်ကျော် အဆင့် သားရဲများကို သတ်ဖြတ်ရုံဖြင့် သူက ဤမျှကြီးမားသော အကျိုးကျေးဇူးများ ရရှိခဲ့သည်။ အကယ်၍ သူက နယ်မြေကြီး ငါးခုလုံးမှ ကျိုယိုချီ သားရဲများအားလုံးကို သတ်ဖြတ်နိုင်ခဲ့လျှင် မည်သို့.. ဖြစ်မည်နည်း။

လုရီက ဤကိစ္စပြီးနောက် သူ၏အစွမ်းမှာ အလွန်အမင်း တိုးတက်လာမည်ကို စိတ်ကူးယဉ်ကြည့်နေလေတော့သည်။

အခန်း ၅၃၃ - ကောင်းကင်မိစ္ဆာနန်းတော် ပိုင်နက်၏ ကြေကွဲဖွယ်ရာ အဖြစ်ဆိုး...

~ဤစကားကို ကြားသောအခါ လုံယင်နှင့် နတ်ဓားဂိုဏ်းမှ သခင်ကြီးနှစ်ဦးလုံး တုန်လှုပ်သွားပြီး

လုရီဘက်သို့ လှည့်ကြည့်လိုက်ကြသည်။

“မင်း တခြားနယ်မြေကြီးတွေကို သွားချင်တယ်”

လုရီက ခေါင်းညိတ်လိုက်သည်။

“ဟုတ်ပါတယ်...။ ဒီသားရဲလှိုင်းလုံးကြီးရဲ့ အတိုင်းအတာကို ထောက်ရှုရင် တခြားနယ်မြေတွေက အခြေအနေလည်း သိပ်ကောင်းမှာ မဟုတ်ဘူး။ အခု အရှေ့ပိုင်းနယ်မြေက အခြေအနေ တည်ငြိမ်သွားပြီဆိုတော့ ကျွန်တော် တခြားနယ်မြေတွေကို သွားကူညီချင်တယ်” ။

နတ်ဓားဂိုဏ်းမှ အဘိုးကြီးက သက်ပြင်းချလိုက်သည်။

“လုရီ... မင်းရဲ့ ဒီလုပ်ရပ်အတွက် နယ်မြေကြီးငါးခုလုံးက မင်းရဲ့ကျေးဇူးကို အမှတ်ရနေကြမှာပါ” ။

လုံယင်က အပြုံးတစ်ချက်ဖြင့် ဆိုသည်။

“လုရီက ဒီလောက်တောင် မြင့်မြတ်မှတော့ ဒီခရီးကို ငါလည်း မင်းနဲ့အတူ လိုက်ခဲ့မယ်” ။

သုံးယောက်သား ချက်ချင်း သဘောတူညီမှုရသွားပြီး ကျောက်စိမ်းအာကာသယာဉ်ပေါ်သို့ နောက်တစ်ကြိမ် တက်ကာ ကောင်းကင်ယံသို့ ပျောက်ကွယ်သွားကြပြန်

သည်။

…

ဗဟိုနယ်မြေ၊ ကောင်းကင်နန်းတော်၏ ပိုင်နက်...

ကောင်းကင်ယံအထက်တွင် ဟိန်းဟောက်သံများက အဆက်မပြတ် ထွက်ပေါ်နေသည်။ ကောင်းကင် တစ်ခုလုံးမှာ ဝိညာဉ်စွမ်းအင် တုန်ခါမှုများကြောင့် တုန်ခါနေပြီး နေရာတိုင်းတွင် နေမင်းထက်ပင် ပို၍ တောက်ပသော ဝိညာဉ်အလင်းမုန်တိုင်းများ ဖြစ်ပေါ်နေ၏။

မြေပြင်ကြီး တစ်ခုလုံးမှာ ဒဏ်ရာဒဏ်ချက်များဖြင့် ပြည့်နှက်နေသည်။ အက်ကြောင်းများက ပင့်ကူအိမ်အမျှ ဆက်တိုက် ဖြာထွက်နေပြီး တောင်တန်းများစွာမှာ မြေပြန့်အဖြစ် ပြားချပ်သွားကာ တောင်ကြားများစွာနှင့် မြို့ကြီးများမှာ အပျက်အစီးများအဖြစ်သို့ ပြောင်းလဲသွားသည်။

ဤနေရာရှိ သားရဲတစ်သောင်း တောင်တန်းမှာ ပင်မသွေးကြောဖြစ်ပြီး သားရဲဘုရင်ပေါင်းများစွာ နေထိုင်ရာဖြစ်သည်။ နှစ်သန်းပေါင်းများစွာ အမွေအနှစ်ရှိသော ကောင်းကင် နန်းတော်ကဲ့သို့သော အင်မော်တယ်ဂိုဏ်း မြင့်မြတ်နယ်မြေပင်လျှင် သားရဲလှိုင်းလုံးကြီးကို သားရဲတစ်သောင်းတောင်တန်းအတွင်း၌ လုံးဝထိန်းချုပ်ထားနိုင်ခြင်း မရှိတော့ဘဲ အပြင်သို့ ပေါက်ထွက်သွားစေခဲ့သည်။

သားရဲတစ်သောင်းတောင်တန်း၏ ရှေ့တန်းတွင် တိုက်ပွဲမှာ အထူးသဖြင့် ပြင်းထန်လှသည်။ ကောင်းကင်တစ်ခုလုံး ကျင့်ကြံသူများနှင့် သားရဲကြီးများဖြင့် ပြည့်နှက်နေပြီး ဟိန်းဟောက်သံများက ကောင်းကင်နှင့်မြေကြီးအနှံ့ ပဲ့တင်ထပ်နေ၏။ လေထုထဲတွင် သိုင်းပညာများ၊ ကျင့်ကြံခြင်းရတနာများနှင့် အားကောင်းသော ဝိညာဉ်စွမ်းအင်တိုက်ခိုက်မှုများဖြင့် ပြည့်နှက်နေသည်။

သားရဲသွေး၊ လူသွေး၊ ပြတ်တောက်နေသော ခြေလက်အင်္ဂါများက ကောင်းကင်အနှံ့

မြင်မကောင်း ရှုမကောင်း ဖြစ်နေ၏။

သူတို့အထက်တွင်မူ စွမ်းအားရှင်များ၏ တိုက်ပွဲမှာလည်း အလားတူ ရက်စက်ကြမ်းကြုတ်လှသည်။ ပေါင်းစည်းခြင်းနယ်ပယ်နှင့် မဟာယာနအဆင့် ကျင့်ကြံသူများမှာ ကျင့်ကြံသူများထက် မနည်းသော သားရဲကြီးအများအပြားနှင့် ရင်ဆိုင်နေရသည်။

ထို့အပြင် ဤအားကောင်းသော သားရဲများအားလုံးမှာ ကျိုယိုချီမိစ္ဆာဓာတ် စွဲကပ်နေပြီး အလွန်အမင်း အားကောင်းကြသည်။ ဤအခိုက်တွင် ကျင့်ကြံသူများမှာ ထိုအားကောင်းသော သားရဲများ၏ တိုက်ခိုက်မှုကို မနည်း ခုခံနေကြရသည်။

ထို့ထက်မြင့်သော အာကာသအနီးတွင်မူ အားကောင်းသော ကပ်ဘေးဖြတ်ကျော် သားရဲကောင်နှစ်ဆယ်ကျော်နှင့် ကောင်းကင်နန်းတော်မှ ကပ်ဘေးဖြတ်ကျော်အဆင့် ဘိုးဘေးများ သည်းကြီးမည်းကြီး တိုက်ပွဲဝင်နေကြသည်။

တိုက်ပွဲ၏ ရိုက်ခတ်မှုများက ပတ်ဝန်းကျင်ကို ဖျက်ဆီးနေပြီး နေရာတိုင်းတွင် ဟင်းလင်းပြင်အက်ကွဲကြောင်းများ ဖြစ်ပေါ်ကာ အာကာသမုန်တိုင်းများက အပြင်ဘက်သို့ပင် ပျံ့နှံ့လာသည်မှာ အတိုင်းအဆမရှိ ကြောက်မက်ဖွယ်ကောင်းလှသည်။

ထို့ထက်ပင် မြင့်သော လေဟာနယ်ထဲတွင် ကောင်းကင်နန်းတော်မှ ဟင်းလင်းပြင်အင်မော်တယ် အဆင့်ဘိုးဘေးနှစ်ဦးနှင့် ဟင်းလင်းပြင်အင်မော်တယ် အဆင့် သားရဲကြီး သုံးကောင်တို့ အပြင်းအထန် တိုက်ခိုက်နေကြသည်။

ဟင်းလင်းပြင်အင်မော်တယ် အဆင့် ဘိုးဘေးတစ်ဦးက အလံတစ်လက်ကို ကိုင်ဆောင်ထားပြီး ကောင်းကင်တာအို၏ စွမ်းအားနှင့်ပင် အလားသဏ္ဌာန်တူသော ပြင်းထန်သည့် နှိမ်နင်းခြင်းစွမ်းအားတစ်ခုကို ထုတ်လွှတ်နေသည်။

ဤသည်မှာ ကောင်းကင်နန်းတော်၏ အဖိုးတန် အင်မော်တယ်လက်နက်၊ ကောင်းကင်အလံပင်။

ကောင်းကင်အလံ၏ လှိုင်းလုံးများအောက်တွင် ဆန်းကြယ်သော အဝါရောင်တာအိုအလင်းများက မသေမချာ တဖျပ်ဖျပ်လက်နေသည်။ ဤအလင်းများမှာ ကောင်းကင်တာအို၏ အဆုံးမရှိသော ဖိအားကို သယ်ဆောင်ထားသည့်အလား ကြီးမားသော စွမ်းအားဖြင့် ရိုက်ခတ်သွားသည်။ ထူးကဲစွာ ခိုင်မာသော ကိုယ်ထည်ရှိသည့် ဟင်းလင်းပြင်အင်မော်တယ် အဆင့် သားရဲကြီးများပင်လျှင် ထိတွေ့မိပါက အရိုးအဆစ်များ ကျိုးကြေသွားပေမည်။

ကျိုယိုချီမိစ္ဆာဓာတ် စွဲကပ်နေသော ဟင်းလင်းပြင်အင်မော်တယ် အဆင့် သားရဲကြီးသုံးကောင်လုံးမှာ အလွန်အားကောင်းကြသော်လည်း ဟင်းလင်းပြင်အင်မော်တယ် ဘိုးဘေးနှစ်ဦးမှာလည်း ထိုနည်း၎င်းပင်။

ဟင်းလင်းပြင်အင်မော်တယ် အဆင့် ဘိုးဘေးတစ်ဦးမှာ ရွှေရောင်ကိုယ်ထည်ရှိသော မျောက်ဘီလူးကြီးတစ်ကောင်နှင့် ရင်ဆိုင်နေသည်။ သူ၏ ခန္ဓာကိုယ်မှာ အရည်ကျိုထားသော ရွှေများဖြင့် ဖွဲ့စည်းထားသည့်နှယ်။

မျောက်ကြီး၏ အသက်စွမ်းအင်မှာ ကောင်းကင်သို့ တဟုန်ထိုးထနေသည်။ ၎င်း၏လက်သီးများမှာ နေမင်းနှစ်စင်းကို ကိုင်ဆောင်ထားသည့်အလား ရွှေရောင်အလင်းများဖြင့် တလက်လက်တောက်ပကာ အလွန်အမင်း ကြောက်မက်ဖွယ်ကောင်းသော အရှိန်အဝါကို ထုတ်လွှတ်နေသည်။

သို့တိုင်အောင် ဟင်းလင်းပြင်အင်မော်တယ် အဆင့် ဘိုးဘေးမှာ အားနည်းမသွားဘဲ သူတို့နှစ်ဦးကြားက တိုက်ပွဲမှာ သရေပွဲအဖြစ် ရှိနေဆဲပင်။

ကောင်းကင်အလံကို ကိုင်စွဲထားသော အခြား ဟင်းလင်းပြင်အင်မော်တယ် အဆင့် ဘိုးဘေးမှာ ပို၍ပင် ထူးကဲသည်။ သူက အားကောင်းသော ဟင်းလင်းပြင်အင်မော်တယ် အဆင့် သားရဲနှစ်ကောင်ကို တစ်ဦးတည်းဖြင့် တိုက်ခိုက်နေပြီး အနည်းငယ် အသာစီးရအောင်ပင် စွမ်းဆောင်နိုင်ခဲ့သည်။

ထိုစဉ်မှာပင် လုရီနှင့် သူ၏အဖော်များက အလင်းတန်းများအဖြစ်သို့ ပြောင်းလဲကာ ပြေးဝင်လာကြသည်။

လုရီမှာ ထိုမြင်ကွင်းကြောင့် အနည်းငယ် တုန်လှုပ်သွားသည်။

'နှစ်သန်းပေါင်း သောင်းချီ အမွေအနှစ်ရှိတဲ့ အင်မော်တယ်ဂိုဏ်း မြင့်မြတ်နယ်မြေ ဂုဏ်ပုဒ်နဲ့ ထိုက်တန်ပါပေတယ်။ သူတို့ရဲ့အစွမ်းက တကယ်ပဲ ကြောက်စရာကောင်းလှပြီး ဒီလိုအားကောင်းတဲ့ အင်မော်တယ် တစ်ယောက် မကဘဲ

နှစ်ယောက်တောင် ရှိနေပါလား။'

ထို့နောက် သူက သက်ပြင်းချလိုက်သည်။

ဤဟင်းလင်းပြင်ဥမင်အဆင့် သားရဲကြီးများ အသတ် မခံရသေးသည့်အတွက် သူ ကျေးဇူးတင်မိ၏။ သို့မဟုတ်လျှင် အလုပ် ဆုလာဘ်များမှာ များစွာ လျော့နည်းသွားပေမည်။

လုရီက သူ့ဘာသာသူ အလျင်အမြန် ဆိုလိုက်သည်။

'ဒီမှာရှိတဲ့ ကျိုယိုချီသားရဲအားလုံးကို ငါသတ်ရမယ်' ။

အလုပ်:

ကျိုယိုချီသားရဲများကို သတ်ပါ။

ဆုလာဘ်: အင်မော်တယ် မူလဝိညာဉ်သစ်ပင်။ မျိုးစေ့*၁၊ အင်မော်တယ်ရတနာ ရွှေနေမင်းအနှစ်သာရ၊ သတ်မှတ်ထားသော အင်မော်တယ်သိုင်းစွမ်းရည် အဆင့် +၁၊ စွမ်းအားတာအို နားလည်နိုင်စွမ်း တိုးတက်ခြင်း။

လုပ်ငန်းကို လက်ခံမည်လော: လက်ခံ/ငြင်းပယ်

လုရီက လုပ်ငန်းကို လက်ခံလိုက်ပြီးနောက် လျင်မြန်စွာ အော်ပြောလိုက်သည်။

“အကြီးအကဲတို့... ကျွန်တော်တို့ ကူညီဖို့လာပါတယ်”

ဟင်းလင်းပြင်ဥမင်အဆင့် ဘိုးဘေးနှစ်ဦးမှာ လုရီနှင့် သူ၏အဖော်များ ချဉ်းကပ်လာသည်ကို သတိပြုမိပြီးဖြစ်သည်။ နှစ်ဦးလုံး ခေါင်းလှည့်ကြည့်လိုက်ကြပြီး လုရီနှင့် အခြားသူများကို မြင်သောအခါ သူတို့၏ မျက်နှာအမူအရာများ အနည်းငယ် ပြောင်းလဲသွားသည်။

“လုရီ... နတ်ဓားဂိုဏ်းက အဘိုးကြီးနဲ့ ကောင်းကင်နဂါး မြင့်မြတ်နယ်မြေက အဘိုးကြီး...။ မင်းတို့ ဒီကို ဘယ်လိုရောက်လာတာလဲ” ။

ကောင်းကင်အလံကို ကိုင်ဆောင်ထားသူမှာ ခန့်ညားသော ရုပ်ရည်ရှိသည့် လူငယ်တစ်ဦးဖြစ်ပြီး သူကလည်း သိသိသာသာ အံ့အားသင့်နေသည်။

လုံယင်ဘိုးဘေးက ဂုဏ်ယူစွာ ရယ်မောလိုက်ပြီး သူ၏ ကောင်းကင်နဂါးလှံရှည်ကို ဝှေ့ယမ်းကာ ဆိုသည်။

“သဘာဝအတိုင်း ကူညီဖို့လာတာပေါ့။ ငါတို့ အရှေ့ နယ်မြေက အားကောင်းပြီး သားရဲလှိုင်းလုံးကြီးကို ထိန်းချုပ်ထားနိုင်ပြီ။ အခု မင်းတို့ ဗဟို နယ်မြေကို ကူညီဖို့ အင်အားပိုလာတာပေါ့။ ကျေးဇူးမတင်ဘူးလား” ။

ဤစကားကိုကြားသောအခါ လူငယ် ဟင်းလင်းပြင် အင်မော်တယ်နှင့် သူ၏ဘေးမှ ကျက်သရေရှိ လှပပြီး တည်ကြည်သော အမျိုးသမီး ဟင်းလင်းပြင်အင်မော်တယ်တို့၏ မျက်နှာအမူအရာများ အနည်းငယ် ပြောင်းလဲသွားသည်။

ဟင်းလင်းပြင် အင်မော်တယ် အမျိုးသမီးက အလွန်အမင်း အံ့အားသင့်စွာ မေးလိုက်သည်။

“ရှင်တို့ အရှေ့ပိုင်းနယ်မြေက ဟင်းလင်းပြင် အင်မော်တယ်ကအဆင့် သားရဲကြီးတွေအကုန်လုံးကို ဖြေရှင်းပြီးသွားပြီလား”

ထိုအခါ နတ်ဓားဂိုဏ်းမှ သခင်ကြီးက ခပ်ဖွဖွရယ်မောကာ ခေါင်းညိတ်ပြလိုက်သည်။

“ဟုတ်တယ်... ဖြေရှင်းပြီးသွားပြီ”

ကောင်းကင်နန်းတော်မှ ဟင်းလင်းပြင် အင်မော်တယ် အဆင့် ဘိုးဘေးနှစ်ဦးမှာ မှင်တက်သွားကြသည်။

ထိုစဉ် လုရီက ပြုံးကာ ဆိုသည်။

“အကြီးအကဲတို့... ကျွန်တော်တို့ ကူညီဖို့လာတာပါ။ ဗဟိုနယ်မြေက အခြေအနေ တော်တော်ဆိုးပုံပဲနော်။ အထူးသဖြင့် သားရဲတစ်သောင်းတောင်တန်းရဲ့ အဓိကနေရာက ဒီမှာရှိနေတာကိုး။ ဒီဟင်းလင်းပြင် အင်မော်တယ်အဆင့် သားရဲကြီးတွေကို မြန်မြန်ရှင်းလင်းနိုင်လေ အလယ်ပိုင်းနယ်မြေတစ်ခုလုံးအတွက် အကျိုးရှိလေပါပဲ”

ဟင်းလင်းပြင်အင်မော်တယ် လူငယ် နှင့် ဟင်းလင်းပြင်အင်မော်တယ် အမျိုးသမီးတို့ အချင်းချင်း အကြည့်ချင်း ဖလှယ်လိုက်ကြပြီးနောက် လူငယ်က ခေါင်းညိတ်လိုက်သည်။

“ဒီလိုဆိုရင်တော့ ပူးပေါင်းကြတာပေါ့။ ကောင်းကင်နန်းတော်က ခင်ဗျားတို့သုံးယောက်ကို အကြွေးတင်သွားတာပေါ့” ။

ထို့ကြောင့် လုရီနှင့် သူ၏အဖော်များက တိုက်ပွဲထဲသို့ ဝင်ရောက်လိုက်ကြသည်။

ဟင်းလင်းပြင်ဥမင်အဆင့် သားရဲကြီးသုံးကောင်မှာ ကောင်းကင်နန်းတော်မှ ဟင်းလင်းပြင်ဥမင်အဆင့် ဘိုးဘေးနှစ်ဦးကြောင့်ပင် ဖိအားများနေပြီဖြစ်ရာ လုရီနှင့် သူ၏အဖွဲ့ ထပ်ပေါင်းလိုက်သောအခါ ပို၍ပင် ကြီးမားသော စိန်ခေါ်မှုများနှင့် ရင်ဆိုင်ရတော့သည်။

ပြင်းထန်သောတိုက်ပွဲမှာ ခဏလေးသာ ကြာမြင့်ခဲ့ပြီး အဆုံးသတ်သွားသည်။

ဟင်းလင်းပြင်ဥမင်အဆင့် သားရဲကြီးသုံးကောင် သတ်ဖြတ်ခံလိုက်ရသည်။ ထို့နောက် လုရီနှင့် သူ၏အဖော်များ၊ ကောင်းကင်နန်းတော်မှ ဟင်းလင်းပြင်ဥမင်အဆင့် ဘိုးဘေးနှစ်ဦးတို့က လေဟာနယ်အစွန်းသို့ ရွှေ့ပြောင်းကာ ကပ်ဘေးဖြတ်ကျော် သားရဲများကို ရှင်းလင်းရာတွင် ကူညီပေးကြသည်။

ကောင်းကင်နန်းတော်မှ ကပ်ဘေးဖြတ်ကျော်အဆင့် ဘိုးဘေးများစွာက လုရီကို မှတ်မိကြပြီး သူ့ကို မြင်သောအခါ တုန်လှုပ်ကာ အနည်းငယ် အံ့အားသင့်သွားကြသည်။

“လုရီ”

အထူးသဖြင့် ထျန်းလူတောင်တန်းသို့ အဖွဲ့ကို ဦးဆောင်ခဲ့သော ကပ်ဘေးဖြတ်ကျော် ဘိုးဘေးမှာ အလွန်အမင်း တုန်လှုပ်နေသည်။

ဟင်းလင်းပြင် အင်မော်တယ် လူငယ်က ကြေညာလိုက်သည်။

“ဒီကျင့်ကြံသူဘသုံးဦးက ကူညီဖို့လာတာ... ဟင်းလင်းပြင် အင်မော်တယ် သားရဲဘုရင် သတ်ဖြတ်ခံလိုက်ရပြီ” ။

ထို့နောက် ကောင်းကင် အလံကို ဝှေ့ယမ်းလိုက်ရာ ကောင်းကင်တာအိုအလင်းတန်းများ ထွက်ပေါ်လာပြီး ကပ်ဘေးဖြတ်ကျော် သားရဲများအားလုံးကို သတ်ဖြတ်ပစ်လိုက်သည်။

ဤမြင်ကွင်းကို မြင်သောအခါ လုရီက ခပ်ဖွဖွရယ်မောလိုက်သည်။

“ကောင်းကင်နန်းတော်က သားရဲလှိုင်းလုံးကြီး ထိန်းချုပ်နိုင်သွားပြီဆိုတော့ ကျွန်တော်တို့ အရင်သွားလိုက်ပါဦးမယ်”

ဟင်းလင်းပြင်အင်မော်တယ်လူငယ်က အနည်းငယ် ခေါင်းညိတ်လိုက်ပြီး သူ၏အကြည့်က သုံးယောက်လုံးအပေါ်သို့ ကျရောက်ကာ လုရီကို ကြည့်လိုက်သည်။

“ဒီကိစ္စအတွက် ကျင့်ကြံသူသုံးဦးကို ကျေးဇူးတင်ပါတယ်။ ကောင်းကင်နန်းတော်ရဲ့ ကျေးဇူးက အမြဲတမ်း ရှိနေမှာပါ”

ဤဟင်းလင်းပြင်အင်မော်တယ် အဆင့် ဘိုးဘေးနှစ်ဦးမှာ လုရီနှင့် အခြားသူများနှင့်အတူ အခြားဒေသမှ သားရဲဘုရင်များကို ကိုင်တွယ်ရန် လိုက်ပါမည်ဟု မပြောခဲ့သော်လည်း လုရီအတွက်မူ အရေးမကြီးပေ။

သူတို့သုံးယောက်ရှိနေရုံဖြင့် သာမန် ဟင်းလင်းပြင် အင်မော်တယ် အဆင့် သားရဲဘုရင်များကို ကိုင်တွယ်ရန် လုံလောက်နေပြီဖြစ်သည်။

ဟင်းလင်းပြင်ဥမင်အဆင့် ဘိုးဘေးနှစ်ဦးနှင့် ကပ်ဘေးဖြတ်ကျော် ဘိုးဘေးတို့၏ အံ့အားသင့်နေသော မျက်လုံးများအောက်တွင် လုရီက ကျောက်စိမ်းအာကာသယာဉ်ကို ထုတ်ယူကာ သုံးယောက်သား ယာဉ်ပေါ်သို့ တက်ပြီး ကောင်းကင်ယံသို့ ပျောက်ကွယ်သွားကြတော့သည်။

ကျောက်စိမ်းအာကာသယာဉ် ပျောက်ကွယ်သွားပြီးမှသာ ကောင်းကင်နန်းတော်မှဟင်းလင်းပြင်အင်မော်တယ်အဆင့် ဘိုးဘေးနှစ်ဦးနှင့် ကပ်ဘေးဖြတ်ကျော် ဘိုးဘေးတို့ သတိပြန်ဝင်လာကြ၏။ သူတို့၏မျက်လုံးများမှာ ရိုသေလေးစားမှုများဖြင့် ပြည့်နှက်နေလေသည်။

“အဲဒါ ပျံသန်းနိုင်တဲ့ အင်မော်တယ်ရတနာပဲ”

“ဒီလောက် အဖိုးတန်တဲ့ ပျံသန်းရေး အင်မော်တယ်ရတနာကို လုရီက တစ်စီးတောင် ပိုင်ဆိုင်ထားတာလား”

ကပ်ဘေးဖြတ်ကျော် ပုဂ္ဂိုလ်ကြီးများစွာက စိတ်လှုပ်ရှားစွာ ဆွေးနွေးနေကြသည်။

ဟင်းလင်းပြင်း အင်မော်တယ်လူငယ်က မျက်လုံးများ ကျဉ်းမြောင်းလိုက်ပြီး ပျောက်ကွယ်သွားသော အလင်းတန်းကို ကြည့်ကာ ဖြည်းညင်းစွာ ဆိုသည်။

'လုရီက ထင်ထားတာထက် မရိုးရှင်းဘူးပဲ...။ သူ့နောက်ကွယ်မှာ အင်မော်တယ်အဆင့် စွမ်းအားရှင်တစ်ယောက်ယောက် ထောက်ပံ့ပေးနေတာ သေချာတယ်'

သူ၏ဘေးမှ ဟင်းလင်းပြင်အင်မော်တယ်အမျိုးသမီးကလည်း ခေါင်းညိတ်လိုက်သည်။

ကောင်းကင်နန်းတော်ကိစ္စကို ဖြေရှင်းပြီးနောက် လုရီနှင့် အခြားသူများက ကျောက်စိမ်းအာကာသယာဉ်ပေါ်သို့ တက်ကာ အလယ်ပိုင်းနယ်မြေတစ်ခုလုံးမှ အားကောင်းသော သားရဲဘုရင်များအားလုံးကို သတ်ဖြတ်ခဲ့ကြသည်။

သားရဲတစ်သောင်းတောင်တန်း၏ အဓိကနေရာမှာ ဗဟိုနယ်မြေတွင် တည်ရှိသောကြောင့် ဟင်းလင်းပြင်အင်မော်တယ်အဆင့် သားရဲဘုရင် ဆယ့်နှစ်ကောင်ရှိပြီး အရှေ့ နယ်မြေထက် များစွာပိုများသည်။

ကံကောင်းစွာဖြင့် ဗဟိုနယ်မြေမှ ကျင့်ကြံသူများမှာ အခြားနယ်မြေလေးခုမှ ကျင့်ကြံသူများထက် အနည်းငယ် ပိုအားကောင်းကြလေသည်။

ဟင်းလင်းပြင်အင်မော်တယ်အဆင့် သားရဲဘုရင် ဆယ့်နှစ်ကောင်နှင့် ရင်ဆိုင်ရသော်လည်း ဗဟိုနယ်မြေမှ အင်မော်တယ်ဂိုဏ်း မြင့်မြတ်နယ်မြေများကို အရှေ့ နယ်မြေထက်ပင် ပျက်စီးမှု နည်းပါးစေခဲ့သည်။

လုရီသည် လုံယင်ဘိုးဘေးနှင့် နတ်ဓားဂိုဏ်းမှ

သခင်ကြီးတို့နှင့်အတူ ထိုသားရဲဘုရင်များနှင့် ကပ်ဘေးဖြတ်ကျော် ကျိုယိုချီသားရဲများအားလုံးကို သတ်ဖြတ်ခဲ့သည်။ သူတို့ စုဆောင်းရရှိခဲ့သော ဆုလာဘ်များမှာ အလွန်အမင်း ပေါများလှပြီး လျှံကျနေသည်အထိပင်။

ဤအရာအားလုံးမှာ အချိန်များစွာ မယူခဲ့ပေ။

အကယ်၍ သူတို့ ပျံသန်းရမည်ဆိုပါက ဟင်းလင်းပြင်အင်မော်တယ်အဆင့်

အင်မော်တယ်တစ်ဦးပင်လျှင် ဗဟိုနယ်မြေတစ်ခုလုံးကို တစ်ရက်အတွင်း မဖြတ်သန်းနိုင်ပေ။ သို့သော် ကျောက်စိမ်းအာကာသယာဉ်ကြောင့်

သူတို့၏အမြန်နှုန်းမှာ မယုံနိုင်လောက်အောင် မြန်ဆန်လှသည်။ လုရီနှင့် သူ၏ အဖော်များမှာ လှုပ်ရှားမှု အနည်းငယ်သာ ပြုလုပ်ရန် လိုအပ်ခဲ့သည်။

သူတို့သုံးယောက်မှာ အလွန်အားကောင်းပြီး အင်မော်တယ်ဂိုဏ်း မြင့်မြတ်နယ်မြေအသီးသီး၏ ခိုင်မာသော အခြေခံများနှင့် ပေါင်းစပ်လိုက်သောအခါ တစ်ဖက်သတ်တိုက်ပွဲဖြစ်သွားပြီး သားရဲဘုရင်တိုင်းကို အလွယ်တကူ သတ်ဖြတ်နိုင်ခဲ့သည်။

သူတို့သုံးယောက်မှာ အရှေ့ပိုင်းနယ်မြေကဲ့သို့ပင် ဗဟိုနယ်မြေမှ မဟာဂိုဏ်းကြီးများ၏ ကျေးဇူးတင်မှုကို သဘာဝအတိုင်း ရရှိခဲ့ကြသည်။

အကယ်၍ သူတို့သုံးယောက်သာ မရှိခဲ့ပါက ဂိုဏ်းများစွာမှာ သားရဲလှိုင်းလုံးကြီးနှင့် ရင်ဆိုင်ရာတွင် ကြီးမားသော ဆုံးရှုံးမှုများ ခံစားရနိုင်ပေသည်။

ဗဟိုနယ်မြေမှ သားရဲကြီးများကို သတ်ဖြတ်ပြီးနောက် လုရီက နတ်ဓားဂိုဏ်းမှ သခင်ကြီးနှင့်

လုံယင်ဘိုးဘေးတို့နှင့်အတူ အခြားနယ်မြေများသို့ ဆက်လက်ထွက်ခွာခဲ့သည်။

သူတို့သည် ပထမဦးစွာ တောင်ပိုင်းနယ်မြေသို့ သွားရောက်ပြီး ထိုနေရာမှ သားရဲကြီးများအားလုံးကို လျင်မြန်စွာ သတ်ဖြတ်ခဲ့ကြသည်။ ထို့နောက် အနောက်နယ်မြေသို့ ဆက်လက် ခရီးနှင်ကြသည်။

…

အနောက်နယ်မြေ၊ ကောင်းကင် မိစ္ဆာ နန်းတော်၏ ပိုင်နက်...။

အင်မော်တယ်ဂိုဏ်း မြင့်မြတ်နယ်မြေတစ်ခုအနေဖြင့် ကောင်းကင်မိစ္ဆာနန်းတော်မှာ ကြီးမားသော သားရဲတစ်သောင်း တောင်တန်း၏ အကိုင်းအခက်တစ်ခုကို သဘာဝအတိုင်း ထိန်းချုပ်ထားသည်။

သာမန် အခြေအနေအောက်တွင် ဤမျှကြောက်မက်ဖွယ် ကောင်းသော သားရဲလှိုင်းလုံးကြီးပင်လျှင် သိပ်စိုးရိမ်စရာ မရှိဘဲ ထိရောက်စွာ ခုခံနိုင်မည်ဖြစ်သည်။

သို့သော် ထိုအရာမှာ ယခင်က ဖြစ်သည်။ ယခုအခါ ကောင်းကင်မိစ္ဆာနန်းတော်မှ ဟင်းလင်းပြင်အင်မော်တယ် ယွမ်ယွမ်မှာ လုရီ၏လက်ချက်ဖြင့် ကျဆုံးသွားခဲ့ပြီး အင်မော်တယ်လက်နက်ဖြစ်သော ကောင်းကင်မိစ္ဆာ စည်တော်ကိုပင် လုရီက သိမ်းယူသွားခဲ့သည်။

ကောင်းကင်မိစ္ဆာနန်းတော်၏ အကြီးဆုံး ဝှက်ဖဲနှစ်ချပ် ဆုံးရှုံးသွားခြင်းကြောင့် ပျက်စီးဆုံးရှုံးမှုမှာ မည်မျှ ကြီးမားလိုက်မည်နည်း။

ယခင်က ကောင်းကင်မိစ္ဆာနန်းတော်မှ ဟင်းလင်းပြင်ဥမင်အဆင့် အင်မော်တယ်တစ်ဦး လုရီ၏ လက်ဖြင့် သေဆုံးသွားသည်ကို ထျန်းမင်တစ်ခုလုံး သိရှိခဲ့ကြသော်လည်း အင်မော်တယ်လက်နက်တစ်ခုပါ လုရီက ယူသွားပြီး ပြန်လည်ခေါ်ယူ၍ပင် မရနိုင်တော့သည်ကိုတော့ မည်သူမျှ မသိခဲ့ကြပေ။

ဤကိစ္စကို ကောင်းကင်မိစ္ဆာ နန်းတော်က သဘာဝအတိုင်း လူသိခံမည် မဟုတ်ပေ။

အတိတ်ကာလတွင် ဟင်းလင်းပြင် အင်မော်တယ်တစ်ဦး တိုက်ပွဲတွင် ကျဆုံးသွားသော်လည်း ကောင်းကင်မိစ္ဆာနန်းတော်မှာ အင်မော်တယ်ဂိုဏ်း မြင့်မြတ်နယ်မြေတစ်ခုအနေဖြင့် ဂုဏ်သိက္ခာကို ထိန်းသိမ်းထားနိုင်ဆဲ ဖြစ်သည်။

အနောက်နယ်မြေ၏ မိစ္ဆာလမ်းစဉ်အတွင်း ၎င်း၏ဂုဏ်သတင်းမှာ သိသိသာသာ ကျဆင်းသွားသော်လည်း အားအကောင်းဆုံး အင်မော်တယ်ဂိုဏ်း မြင့်မြတ်နယ်မြေများထဲမှ တစ်ခုအဖြစ် ကျန်ရှိနေဆဲဖြစ်သည်။

အကြောင်းမှာ သူတို့တွင် ဂိုဏ်းကို ကာကွယ်သော အင်မော်တယ်လက်နက် ရှိသောကြောင့်ဖြစ်သည်။ ကပ်ဘေးဖြတ်ကျော် ပုဂ္ဂိုလ်ကြီး

တစ်ဦးက အင်မော်တယ်လက်နက်ကို ကိုင်ဆောင်ထားသရွေ့ သူတို့၏ အစွမ်းမှာ ဟင်းလင်းပြင်အင်မော်တယ် အဆင့်

အင်မော်တယ်တစ်ပါးနှင့် နှိုင်းယှဉ်နိုင်ပေသည်။

ကောင်းကင်မိစ္ဆာ စည်တော်မှာ ပျောက်ဆုံးနေသည်ကို ယခုအချိန်အထိပင် လူတိုင်း မသိရှိကြပေ။

ကောင်းကင်မိစ္ဆာနန်းတော်၏ ပိုင်နက်တွင် သားရဲလှိုင်းလုံးကြီးတစ်ခု တိုးဝင်လာ၏။ သဘာဝအတိုင်း မယုံနိုင်လောက်အောင် အားကောင်းသော ဟင်းလင်းပြင်ဥမင်အဆင့် သားရဲဘုရင်များ ပါဝင်လာသည်။

၎င်းမှာ လေမုန်တိုင်းများဖြင့် ဖုံးလွှမ်းနေပြီး အပြာရောင် အမွှေးများ ရှိသော မြင်းကဲ့သို့ သားရဲကြီးတစ်ကောင်ဘဖြစ်သည်။

ဤဟင်းလင်းပြင် အင်မော်တယ် အဆင့် သားရဲဘုရင် ပေါ်လာသည်နှင့်တစ်ပြိုင်နက် ကောင်းကင် မိစ္ဆာနန်းတော်မှ ကပ်ဘေးဖြတ်ကျော် ဘိုးဘေးနှစ်ဦးကို ချက်ချင်း ဝါးမြိုပစ်လိုက်သည်။

သို့သော် ကောင်းကင် မိစ္ဆာနန်းတော်မှ ကျင့်ကြံသူများအားလုံးမှာ နောက်သို့ ဆုတ်ခွာကာ ကောင်းကင်မိစ္ဆာနန်းတော်၏ ဂိုဏ်းအတွင်းသို့ ပြန်ဝင်သွားကြသည်။

ဤအပြုအမူက ကောင်းကင်မိစ္ဆာနန်းတော် ပိုင်နက်အတွင်းရှိ ဂိုဏ်းများနှင့် ကျင့်ကြံသူများအားလုံးကို နားမလည်နိုင်ဖြစ်ကာ မေးခွန်းများဖြင့် ပြည့်နှက်သွားစေသည်။

“ကောင်းကင်မိစ္ဆာနန်းတော်က အရှင်တွေ ဘာလို့ အင်မော်တယ်လက်နက်ကို အသုံးမပြုတာလဲ”

“သူတို့ ဘာလို့ သားရဲဘုရင်ကို မခုခံတာလဲ” ။

ဒေါသတကြီး မေးခွန်းများက ကောင်းကင်မိစ္ဆာနန်းတော် ပိုင်နက်တစ်ခုလုံးအနှံ့ ပဲ့တင်ထပ်နေသည်။ ပိုင်နက်အတွင်း ကောင်းကင်မိစ္ဆာနန်းတော်မှ ကျင့်ကြံသူများမှာ သူတို့၏ဂိုဏ်းအတွင်းသို့ ကျုံ့ဝင်ကာ သားရဲလှိုင်းလုံးကြီးကို ခုခံရန် ဂိုဏ်းအကာအကွယ်အခင်းအကျင်းကို အားကိုးလျက် တိတ်ဆိတ်စွာ နေကြသည်။ သို့သော် ကောင်းကင်မိစ္ဆာနန်းတော် ပိုင်နက်တစ်ခုလုံးမှာ ကြီးစွာသော ဒုက္ခကို ခံစားနေရသည်။

မရေမတွက်နိုင်သော သားရဲကြီးများ ထွက်ပေါ်လာပြီး နယ်မြေတစ်ခုလုံးကို လုံးဝနီးပါး ဖျက်ဆီးပစ်လိုက်သည်။

ဟင်းလင်းပြင်ဥမင်အဆင့် သားရဲဘုရင်များကို မဆိုထားနှင့်၊ ကပ်ဘေးဖြတ်ကျော် သားရဲများကိုပင်လျှင် ကောင်းကင်မိစ္ဆာနန်းတော်၏ ခုခံမှုမရှိဘဲ ပိုင်နက်တစ်ခုလုံးအတွင်း မည်သူမျှ ရင်ဆိုင်နိုင်သူ မရှိပေ။

တစ်ရက်အတွင်းမှာပင် အဆုံးမရှိသော သားရဲလှိုင်းလုံးကြီးက မြို့ကြီးများနှင့် ဂိုဏ်းများစွာကို ဖျက်ဆီးခဲ့သည်။ ညည်းတွားငိုယိုသံများက လေထုထဲတွင် ပဲ့တင်ထပ်နေပြီး မြေပြင်မှာ သွေးများဖြင့် အိုင်ထွန်းနေသည်။ လောကငရဲတစ်ခုပမာ ဖြစ်နေတော့၏။

အခန်း ၅၃၄- တားမြစ်နယ်မြေကို သွားကြည့်ကြရင် ဘယ်လိုလဲ

~လုရီ၊ နတ်ဓားဂိုဏ်းမှ သခင်ကြီးနှင့် လုံယင်ဘိုးဘေးတို့ ထိုနေရာသို့ ရောက်ရှိသွားသောအခါ မြေပြင်တစ်ခုလုံးမှာ ညည်းတွားငိုကြွေးနေသကဲ့သို့။ အပျက်အစီးများကြားတွင် သားရဲကြီးများက ရမ်းကားနေကြသည်မှာ လုရီနှင့် အဘိုးအိုနှစ်ဦးကိုပင် တုန်လှုပ်သွားစေသည်။

နတ်ဓားဂိုဏ်းမှ သခင်ကြီး၏ မျက်လုံးများထဲတွင် အလင်းအမှောင်တို့ ယှက်သန်းသွားသည်။

“ဒီကပ်ဘေးအောက်မှာ... ကောင်းကင်မိစ္ဆာနန်းတော် ပိုင်နက်ထဲက သက်ရှိများစွာ သေကြေပျက်စီးရော့မယ်”

လုံယင်ဘိုးဘေးပင်လျှင် သက်ပြင်းချလိုက်သည်။

“သတ္တဝါတွေ... ဒုက္ခရောက်ကြတာပဲ”

လုရီ၏ ရင်ထဲတွင်လည်း ရှုပ်ထွေးသော ခံစားချက်များ ဖြစ်ပေါ်လာသည်။

အကြောင်းမှာ ကောင်းကင်မိစ္ဆာနန်းတော်မှ ဟင်းလင်းပြင်ဥမင်အဆင့် အင်မော်တယ်ကို သတ်ခဲ့ပြီး ကောင်းကင်မိစ္ဆာ စည်တော်ကို ယူခဲ့သူမှာ သူကိုယ်တိုင်ဖြစ်သောကြောင့်ပင်။ ယခုအခါ ကောင်းကင်မိစ္ဆာနန်းတော် ပိုင်နက်မှ သက်ရှိများစွာ သေဆုံးရခြင်းမှာ နန်းတော်တွင် အဆင့်မြင့်တိုက်ခိုက်ရေးအင်အား မရှိတော့ခြင်းကြောင့် တစ်စိတ်တစ်ပိုင်း ပါဝင်နေလေသည်။

'ငါက သူ့ကို တိုက်ရိုက်လးဘမသတ်ခဲ့ပေမယ့်... သူက ငါ့ကြောင့် သေခဲ့ရတာပဲ' ။

သို့သော် လုရီ နောင်တမရပေ။ အကြောင်းမှာ ကောင်းကင်မိစ္ဆာနန်းတော်မှ ဟင်းလင်းပြင်ဥမင်အဆင့် အင်မော်တယ်က သူ့ကို ကောင်းကင်မိစ္ဆာစည်တော်ဖြင့် သတ်ရန် လာခဲ့ခြင်းဖြစ်ပြီး သူက လက်ပိုက်ကြည့်နေမည့်သူမျိုး မဟုတ်သောကြောင့်တည်း။

လုံယင်က မျက်မှောင်ကြုတ်ကာ နားမလည်နိုင်စွာ ဆိုသည်။

“ဒါပေမဲ့ ကောင်းကင်မိစ္ဆာနန်းတော်က ဟင်းလင်းပြင်အင်မော်တယ် သားရဲကြီးတွေကို ဘာလို့ ထွက်မခုခံတာလဲ။ သူတို့ရဲ့ ဟင်းလင်းပြင် အင်မော်တယ်က မိတ်ဆွေလေးလုရီ သတ်လိုက်တယ်ဆိုပေမယ့်... အင်မော်တယ်လက်နက် ရှိနေသရွေ့တော့ ဟင်းလင်းပြင်အင်မော်တယ်အဆင့် သားရဲကြီးတွေကို ခုခံနိုင်ရမယ်လေ”

နတ်ဓားဂိုဏ်းမှ သခင်ကြီးမှာလည်း နားမလည်နိုင်သော အမူအရာဖြင့် ရှိနေသည်။

လုရီက ခါးသီးစွာ ပြုံးလိုက်သည်။

“ဘာလို့လဲဆိုတော့ ကောင်းကင်မိစ္ဆာနန်းတော်ရဲ့ အင်မော်တယ်လက်နက်က ကျွန်တော့်ဆီမှာ ရှိနေလို့ပါ။ မူလက ဟင်းလင်းပြင် ဥမင် အင်မော်တယ်က အင်မော်တယ်လက်နက်နဲ့ကျွန်တော့်ကို လာသတ်တာ။ ကျွန်တော်က သူ့ကိုသတ်ပြီးတော့ အဲဒီလက်နက်ကိုပါ ယူလိုက်တယ်” ။

“ဒါ...” ။

နတ်ဓားဂိုဏ်းမှ သခင်ကြီးနှင့် လုံယင် ဘိုးဘေးတို့မှာ အချင်းချင်း ကြောင်ကြည့်နေကြပြီး

နားမလည်နိုင်သော အမူအရာများ ထင်ဟပ်နေသည်။

တစ်ခဏမျှ အကြာတွင် နှစ်ဦးလုံး ဘာပြောရမှန်းမသိ ဖြစ်သွားကြသည်။

လုံယင်ဘိုးဘေးက တုန်လှုပ်စွာ ဆိုသည်။

“ယွမ်ယွမ်က အင်မော်တယ် လက်နက်ကို ယူသွားတာတောင် မင်းကို မနိုင်ခဲ့ဘူးလား...။ မိတ်ဆွေလေးလုရီ... မင်းရဲ့အစွမ်းက ငါ့စိတ်ကူးထက် အများကြီး ကျော်လွန်နေပါလား”

ထိုအခါ နတ်ဓားဂိုဏ်းမှ သခင်ကြီးပင်လျှင် လုရီကို နက်ရှိုင်းစွာ စိုက်ကြည့်လိုက်သည်။

လုရီက ခေါင်းခါယမ်းလိုက်ပြီး သူ၏ရှုပ်ထွေးသော ခံစားချက်များကို ဘေးဖယ်ထားကာ ဆိုလိုက်သည်။

“အကြီးအကဲတို့... ဒီနေရာက သားရဲလှိုင်းလုံးကြီးကို အရင်ဖြေရှင်းကြရအောင်”

ထိုစကားကိုကြားမှ နှစ်ဦးသား ခေါင်းညိတ်လိုက်ကြပြီး ဘာမှထပ်မပြောတော့ပေ။

ထို့နောက် လုရီက ကျောက်စိမ်းအာကာသယာဉ်ကို မောင်းနှင်ကာ ဟင်းလင်းပြင် အင်မော်တယ်အဆင့် ကျိုယိုချီသားရဲဘုရင်ကို လျင်မြန်စွာ ရှာဖွေတွေ့ရှိသွားသည်။

သူ့ မျက်နှာအမူအရာကို ထူးဆန်းသွားစေသည့်အချက်မှာ ထိုသားရဲဘုရင်က ကပ်ဘေးဖြတ်ကျော် သားရဲအချို့ကို ဦးဆောင်ကာ ကောင်းကင်မိစ္ဆာနန်းတော်ကို တိုက်ခိုက်နေခြင်းပင်။

ကောင်းကင်မိစ္ဆာနန်းတော်၏ အပြင်ဘက်တွင် ဆန်းကြယ်သော အခင်းအကျင်းပုံစံများက တဖျပ်ဖျပ်လက်နေပြီး အဆုံးမရှိသော မိစ္ဆာစွမ်းအင်များက အနက်ရောင်အလင်း အကာအကွယ် အလွှာတစ်ခုအဖြစ်သို့ ပြောင်းလဲကာ ဂိုဏ်းတစ်ခုလုံးကို လွှမ်းခြုံထားသည်။

အင်မော်တယ်ဂိုဏ်း၏ မြင့်မြတ်နယ်မြေတစ်ခုအနေဖြင့် ဂိုဏ်းအကာအကွယ် အခင်းအကျင်းမှာ သဘာဝအတိုင်း အင်မော်တယ် အဆင့်ဖြစ်ပြီး ဟင်းလင်းပြင် အင်မော်တယ်အဆင့် ကျိုယိုချီသားရဲဘုရင်ပင်လျှင် မချိုးဖျက်နိုင်ပေ။

သို့သော် ကျိုယိုချီသားရဲဘုရင်မှာ အလွန်ဇွဲကြီးပြီး သူ၏လက်အောက်ငယ်သားများကို ဦးဆောင်ကာ အဆက်မပြတ် တိုက်ခိုက်နေသည်။

ဟိန်းဟောက်သံများက ဘယ်တော့မှ

မရပ်တန့်ပေ။ အပြင်ဘက်မှ မြေပြင်မှာ တုန်ခါမှုများကြောင့် ပျက်စီးနေပြီး ကီလိုမီတာသောင်းပေါင်းများစွာရှိသော ဒေသတစ်ခုမှာ အက်ကွဲကြောင်းများဖြင့် ပြည့်နှက်နေသော လူသူမဲ့ကန္တာရတစ်ခုအဖြစ်သို့ ပြောင်းလဲသွား၏။

ဝိညာဉ်စွမ်းအင်များက ကြောက်မက်ဖွယ် ချော်ရည်စီးကြောင်းများအဖြစ်သို့ ပြောင်းလဲသွားသည်။

ကောင်းကင်မိစ္ဆာ နန်းတော်အတွင်း၌ နန်းတော်သခင် နန်မင်ယွမ်နှင့် ကပ်ဘေးဖြတ်ကျော် ဘိုးဘေးတစ်စုက လေထဲတွင် ပျံဝဲနေကြပြီး မဟာအခင်းအကျင်းကြီးကို ဖြတ်ကာ အပြင်ဘက်မှ ကျိုယိုချီသားရဲများကို အလွန်ရုပ်ဆိုးသောအမျက်ဒေါသ မျက်နှာထားများဖြင့် ကြည့်နေကြသည်။

သူတို့၏နောက်တွင် ကောင်းကင်မိစ္ဆာနန်းတော်မှ အကြီးအကဲများနှင့် တပည့်အားလုံး ရှိနေကြပြီး သူတို့၏ မျက်နှာအမူအရာများမှာ အမျိုးမျိုးကွဲပြားနေသည် - အချို့မှာ ထိတ်လန့်နေကြပြီး၊ အချို့မှာ စိတ်ပျက်အားငယ်နေကြသည်၊ အချို့မှာ နားမလည်နိုင်ဖြစ်နေကြပြီး၊ အချို့မှာမူ သူတစ်ပါးပျက်စီးသည်ကို ဝမ်းသာနေသည့်အပြုံးဖြင့် ပြုံးနေကြသည်။

နန်မင်ယွမ်က သူ၏လက်များကို နောက်သို့ပစ်ကာ တင်းကျပ်စွာ ဆုပ်ထားသည်။ သူ၏ မျက်နှာအမူအရာမှာ အေးစက်ပြီး ခံစားချက်မဲ့နေကာ ဆိုသည်။

“အားလုံး လုရီကြောင့်...။ အဲဒီလုရီသာ ငါတို့ ကောင်းကင်မိစ္ဆာနန်းတော်ရဲ့ ဘိုးဘေးယွမ်ယွမ်ကို မသတ်ခဲ့ရင်... ကောင်းကင်မိစ္ဆာ စည်တော်ကို မလုယူသွားခဲ့ရင်... ကောင်းကင်မိစ္ဆာနန်းတော်က ဒီလိုအခြေအနေမျိုး ကျရောက်ပါ့မလား”

သူ၏ဘေးမှ အကြီးအကဲအဆင့် ပုဂ္ဂိုလ်များမှာလည်း မျက်နှာထားများ တင်းမာလျက် အဆက်မပြတ် ခေါင်းညိတ်နေကြသည်။

“အဲ့ဒီလုရီက တော်တော်လွန်လွန်းတယ်” ။

“မိစ္ဆာဘိုးဘေးက ငါတို့သတင်းကို တုံ့ပြန်ပြီးပြီ။ မကြာခင်မှာ သူ ထျန်းမင်ကို ပြန်လာတော့မှာ... အဲဒီအခါကျရင် သူက လုရီရဲ့ခေါင်းကို သေချာပေါက် ဖြတ်လိမ့်မယ်”

“...”

ဘိုးဘေးအဆင့် ပုဂ္ဂိုလ်များ စိတ်ထက်သန်စွာ ဆွေးနွေးနေကြစဉ် မဟာယာနအဆင့် အကြီးအကဲတစ်ဦးက ကောင်းကင်သို့ အလျင်အမြန် ပြေးတက်လာပြီး စိတ်အားထက်သန်စွာ အကြောင်းကြားလာသည်။

“နန်းတော်သခင်... အကြီးအကဲတို့... ဘာလို့ ကျွန်တော်တို့ဂိုဏ်းရဲ့ မြင့်မြတ်တဲ့ လက်နက်ကို အသုံးမပြုတာလဲ။ ဒီသားရဲတွေကို ကောင်းကင်မိစ္ဆာနန်းတော်ရဲ့ မဟာအခင်းအကျင်းကို တိုက်ခိုက်ခွင့်ပေးထားတာက ကျွန်တော်တို့ဂိုဏ်းရဲ့ ဂုဏ်သိက္ခာကို ထိခိုက်စေပါတယ်” ။

ထိုစကားကိုကြားသောအခါ နန်မင်ယွမ်နှင့် ကပ်ဘေးဖြတ်ကျော် ဘိုးဘေးများ၏ မျက်နှာထားများမှာ မည်းမှောင်သွားသည်။

ကောင်းကင်မိစ္ဆာနန်းတော်၏ ဂုဏ်သိက္ခာကို ထိခိုက်မည်ကို မည်သူက မသိဘဲ နေမည်နည်း။

အတိအကျပြောရလျှင် သူတို့ ကောင်းကင်မိစ္ဆာနန်းတော် အခင်းအကျင်းအတွင်းသို့ ပုန်းအောင်းလိုက်ကတည်းက ကောင်းကင်မိစ္ဆာနန်းတော်မှာ ပြောစရာ ဂုဏ်သိက္ခာ မရှိတော့သည်ကို ကပ်ဘေးဖြတ်ကျော် ဘိုးဘေးအားလုံး နားလည်ကြသည်။

အနောက် နယ်မြေမှ မိစ္ဆာကျင့်ကြံသူအားလုံးမှာ ကောင်းကင်မိစ္ဆာနန်းတော်ကို အထင်သေးကြပေလိမ့်မည်။ ထိုအင်မော်တယ်ဂိုဏ်း မြင့်မြတ်နယ်မြေများကပင် ဤမဟာကပ်ဘေးကြီးပြီးနောက် ကောင်းကင်မိစ္ဆာနန်းတော်၏ အစွမ်းကို စမ်းသပ်လာနိုင်သည်မှာ ကောင်းကင်မိစ္ဆာနန်းတော်မှ ဘိုးဘေးများကို အလွန်အမင်း စိတ်အနှောင့်အယှက်ဖြစ်စေသည်။

သို့သော် ထိုအရာအားလုံးမှာ နောက်မှ ဖြစ်မည်။ ယခု သူတို့ကို အနှောင့်အယှက် အဖြစ်ဆုံးမှာ အပြင်ဘက်မှ ဟင်းလင်းပြင် အင်မော်တယ်အဆင့် သားရဲကို မည်သို့ ကိုင်တွယ်ရမည်နည်။

“ဒီကိစ္စနဲ့ ပတ်သက်ပြီး ငါတို့မှာ ကိုယ်ပိုင်ဆုံးဖြတ်ချက်တွေ ရှိတယ်။ မင်း အခု ဆင်းသွားလို့ရပြီ” ။

မဟာယာနအဆင့် အကြီးအကဲ၏ မေးခွန်းနှင့် ရင်ဆိုင်ရသောအခါ နန်မင်ယွမ်၏ မျက်နှာအမူအရာမှာ အေးစက်နေပြီး ထိုသို့ ပြန်ပြောလိုက်ဆလသည်။

ထိုစကားကိုကြားသောအခါ မဟာယာနအဆင့် အကြီးအကဲက တစ်စုံတစ်ခုပြောရန် ပါးစပ်ဟလိုက်သော်လည်း ဘာမှထပ်မပြောတော့ဘဲ ခေါင်းညိတ်ကာ ဆင်းသွားသည်။

အောက်ဘက်မှ ကျင့်ကြံသူများမှာလည်း သူတို့အချင်းချင်း တီးတိုးပြောဆိုနေကြပြီး ကောင်းကင်မိစ္ဆာနန်းတော်က ဟင်းလင်းပြင်ဥမင်အဆင့် သားရဲကို နှိမ်နင်းရန် အင်မော်တယ်လက်နက်ကို အဘယ်ကြောင့် အသုံးမပြုသည်ကို အားလုံး အံ့ဩနေကြသည်။

ထိုအခိုက်တွင် ကြောက်မက်ဖွယ်ကောင်းသော အရှိန်အဝါသုံးခုက မဟာအခင်းအကျင်း၏ အပြင်ဘက်တွင် ပေါ်လာပြီး နန်မင်ယွမ်နှင့် အခြား ဘိုးဘေးအဆင့် ပုဂ္ဂိုလ်များအပါအဝင် ကောင်းကင်မိစ္ဆာနန်းတော်မှ တပည့်များအားလုံးကို တုန်လှုပ်သွားစေသည်။

အရှိန်အဝါများထဲမှ တစ်ခုမှာ အထူးသဖြင့် နန်မင်ယွမ်နှင့် ဘိုးဘေးများကို တောင့်ခဲသွားစေပြီး သူတို့၏ မျက်နှာအမူအရာများမှာ ကြောက်မက်ဖွယ်ကောင်းလောက်အောင် ပြောင်းလဲသွားသည်။

“လုရီပဲ”

“လုရီ... အဲဒီကောင်။ သူက ငါတို့ ကောင်းကင်မိစ္ဆာနန်းတော်ရဲ့ အပြင်ဘက်ကို ရောက်လာရဲတယ်လား”

သူတို့ လျင်မြန်စွာ စိတ်ငြိမ်အောင်ထားလိုက်ကြပြီး သူတို့၏မျက်နှာများမှာ နားမလည်နိုင်မှုများဖြင့် ပြည့်နှက်နေသည်။

“အဲဒီခွေးကောင် လုရီက ငါတို့ ကောင်းကင်မိစ္ဆာနန်းတော်ရဲ့ အပြင်ဘက်မှာ ဘာလုပ်နေတာလဲ။ တခြားနှစ်ယောက်က ဘယ်သူတွေလဲ”

လူတိုင်း နားမလည်နိုင်ဖြစ်နေကြသည်။

သို့သော် မကြာမီမှာပင် ကောင်းကင်ပေါ်မှ ဟင်းလင်းပြင်အင်မော်တယ်အဆင့် သားရဲမှာ ကြောက်မက်ဖွယ်ကောင်းသော အရှိန်အဝါသုံးခု၏ ဝိုင်းရံတိုက်ခိုက်မှုကို ရင်ဆိုင်လိုက်ရသည်။

ဟင်းလင်းပြင်အင်မော်တယ် သားရဲ၏ အရှိန်အဝါ ကြောက်မက်ဖွယ် ပျံ့နှံ့တိုးထွက်လာပြီး သူ၏ဟိန်းဟောက်သံက ကောင်းကင်နှင့်မြေကြီးအနှံ့ ပဲ့တင်ထပ်နေသည်။

ဟင်းလင်းပြင်အင်မော်တယ် အဆင့် တိုက်ပွဲ၏ ရိုက်ခတ်မှုများက ကီလိုမီတာတစ်သိန်းနီးပါး

ရှိသော ဧရိယာတစ်ခုကို လွှမ်းခြုံသွားပြီး ကောင်းကင်တွင် နေမင်းများစွာ ပေါ်လာသည့်အလား ဖြစ်နေသည်။

ထိုကပ်ဘေးဖြတ်ကျော် သားရဲများမှာမူ တိုက်ပွဲအစတွင်ပင် တိုက်ရိုက် သတ်ဖြတ်ခံလိုက်ရသည်။ အကြောင်းမှာ သူတို့နှင့် ဟင်းလင်းပြင်အင်မော်တယ်များကြားက ကွာဟချက်မှာ အလွန် ကြီးမားသောကြောင့်တည်း။

တိုက်ပွဲ၏ ဝုန်းဒိုင်းကြဲမြည်သံများက ကောင်းကင်နှင့်မြေကြီးကို သိမ့်သိမ့်ခါသွားစေပြီး ကောင်းကင်မိစ္ဆာနန်းတော်အပြင်ဘက်မှ ဒေသတိုင်းမှာ လူသူမဲ့ကန္တာရအဖြစ်သို့ ပြောင်းလဲသွားစေသည်။

အချို့နေရာများမှာ ပျံဝဲနေသော သဲများဖြင့် ဖုံးလွှမ်းနေပြီး၊ အချို့မှာ နက်ရှိုင်းပြီး ဆိတ်ငြိမ်သော တောင်ကြားများဖြစ်သွားကာ၊ အချို့မှာပင် သဘာဝဘေးအန္တရာယ် ကျရောက်သည့်အလား ချော်ရည်များအဖြစ်သို့ ပြောင်းလဲသွားလေသည်။

“သူတို့က ဟင်းလင်းပြင်အင်မော်တယ်အဆင့် သားရဲတစ်ကောင်ကို ကိုင်တွယ်နေတာ”

နန်မင်ယွမ်နှင့် ကပ်ဘေးဖြတ်ကျော် ဘိုးဘေးတစ်စုမှာ မယုံနိုင်စွာ အချင်းချင်း ကြည့်လိုက်ကြသည်။

ကျိုးကြောင်းဆင်ခြင်ရလျှင် လုရီနှင့် ကောင်းကင်မိစ္ဆာနန်းတော်မှာ သေမင်းတမန် ရန်သူများဖြစ်သည်။ လုရီက ကောင်းကင်မိစ္ဆာနန်းတော်ကို သားရဲလှိုင်းလုံးကြီးအား ရင်ဆိုင်ရာတွင် အဘယ်ကြောင့် ကူညီမည်ကို သူတို့နားမလည်နိုင်ခဲ့ပေ။

သူတို့သာမက အောက်ဘက်မှ တပည့်များမှာလည်း အချင်းချင်း တီးတိုးပြောဆိုနေကြပြီးမျက်နှာများမှာ အံ့အားသင့်မှုများဖြင့် ပြည့်နှက်နေတော့သည်။

တိုက်ပွဲက ကြာရှည်မနေခဲ့ပေ။ မကြာမီမှာပင် မချိမဆံ့ အသံနက်ကြီးတစ်ခု ထွက်ပေါ်လာပြီး သွေးများက ကောင်းကင်မှ တစ်စက်ချင်း ကျဆင်းလာသည်မှာ ကြယ်များ ပြုတ်ကျလာသည့်အလား မြေပြင်ကို အဆက်မပြတ် ထစ်ချုန်းစေသည်။

ကောင်းကင်ပေါ်တွင် လုရီသည် လုံယင်ဘိုးဘေးနှင့် နတ်ဓားဂိုဏ်းမှ သခင်ကြီးတို့၏ အကူအညီရသည့်အတွက် အလွန်ကျေးဇူးတင်နေ၏။

သို့မဟုတ်လျှင် သူတစ်ယောက်တည်း ဟင်းလင်းပြင်အင်မော်တယ် အဆင့် ကျိုယိုချီသားရဲများကို သတ်နိုင်လျှင်ပင် အခက်အခဲများစွာ ရှိပေမည်။

နောက်တစ်ခုတော့ ကျိုယို ချီမိစ္ဆာဓာတ်စွဲကပ်နေသော ဟင်းလင်းပြင် အင်မော်တယ် အဆင့် သားရဲများ၏ အစွမ်းမှာ အမှန်တကယ်ပင် ကြောက်မက်ဖွယ် ကောင်းလှပေသည်။

အထူးသဖြင့် ဤသားရဲမှာ ယခင်က

အင်မော်တယ် လက်နက် ကိုင်စွဲခဲ့သော ယွမ်ယွမ်နှင့်ပင် ကြောက်မက်ဖွယ် ကောင်းမှုမှာ အတူတူနီးပါး ဖြစ်သည်။

လုရီ ယွမ်ယွမ်ကို သတ်ခဲ့စဉ်က သူသည် အားကောင်းသော ကောင်းကင်နှင့် မြေကြီး ရတနာများကို ကြိုတင် အသုံးပြု၍ အခင်းအကျင်းပုံစံများကို ရေးဆွဲခဲ့ရသည်။

သို့မဟုတ်လျှင် သူ့ကို ကိုင်တွယ်ရန်မှာ ထိုမျှမလွယ်ကူပေ။

ကျိုယိုချီသားရဲကို သတ်ပြီးနောက် လုရီက ကောင်းကင်မိစ္ဆာနန်းတော်ဘက်သို့ အောက်ငုံ့ကြည့်လိုက်ရာ မိစ္ဆာစွမ်းအင်များ တိုးထွက်နေပြီး မိစ္ဆာစွမ်းအင်တိမ်တိုက်များအောက်တွင် ကောင်းကင်မိစ္ဆာနန်းတော်မှ ကျင့်ကြံသူတစ်စုက လေလယ်တွင် ရပ်နေသည်ကို တွေ့လိုက်ရသည်။

ဤကောင်းကင်မိစ္ဆာနန်းတော်မှ ကျင့်ကြံသူများ၏ မျက်နှာအမူအရာများမှာ လုရီကို ကြည့်ရင်း မယုံနိုင်ဖြစ်နေကြသည်။

လုရီ၏ နှလုံးသားမှာ တည်ငြိမ်နေပြီး တုန်ခါမှုတစ်စုံတစ်ရာမရှိပေ။

'အခု..ဒီအင်မော်တယ်အခင်းအကျင်းကို ငါ

မချိုးဖျက်နိုင်သေးလို့သာ။ မဟုတ်ရင်... ကောင်းကင်မိစ္ဆာနန်းတော်ကို အမြစ်ကနေ ဆွဲနုတ်ပစ်လိုက်ပြီ'

'အစစ်အမှန်အင်မော်တယ်အဆင့် အခင်းအကျင်းတာအိုရဲ့ အသေးစိတ်ရှင်းလင်းချက်တွေကို ငါအပြည့်အဝ နားလည်ပြီး ပေါင်းစပ်နိုင်သွားတဲ့တစ်နေ့... အဲဒီနေ့က ကောင်းကင်မိစ္ဆာနန်းတော်ရဲ့ နိဂုံးချုပ်တဲ့နေ့ပဲ ဖြစ်လိမ့်မယ်'

လုရီ၏ မျက်လုံးများထဲတွင် အေးစက်သော အလင်းတစ်ချက် လက်ခနဲ ဖြတ်ပြေးသွားသည်။

သူ၏ဘေးမှ နတ်ဓားဂိုဏ်းမှ အကြီးအကဲနှင့်

လုံယင်ဘိုးဘေးတို့မှာလည်း ကောင်းကင်မိစ္ဆာနန်းတော်၏ မဟာအခင်းအကျင်းအတွင်းမှ ကျင့်ကြံသူများကို တွေ့လိုက်ကြသည်။

လုံယင်ဘိုးဘေးက ထူးဆန်းသော မျက်နှာအမူအရာဖြင့် ဆိုသည်။

“နောက်ဆုံးမှာတော့ ကောင်းကင်မိစ္ဆာနန်းတော် ပိုင်နက်က မရေမတွက်နိုင်တဲ့လူတွေကို ကယ်တင်ခဲ့တာက မိတ်ဆွေလေးလုရီ ဖြစ်နေလိမ့်မယ်လို့ မထင်ထားခဲ့ဘူး။ ကောင်းကင်မိစ္ဆာနန်းတော်က ကျင့်ကြံသူတွေ အခု ဘယ်လိုခံစားနေရမလဲဆိုတာ ငါသိချင်လိုက်တာ”

နတ်ဓားဂိုဏ်းမှ သခင်ကြီးက ခေါင်းခါယမ်းသည်။

“ကောင်းကင်မိစ္ဆာနန်းတော်ရဲ့ ပိုင်နက်ထဲမှာ အားကောင်းတဲ့ သားရဲတွေ အများကြီး ကျန်သေးတယ်။ အရင်ဆုံး သူတို့ကို သွားကိုင်တွယ်ကြရအောင်”

လုရီက ခေါင်းညိတ်သည်။

“ဆရာကြီးပြောတာမှန်ပါတယ်။ သွားကြရအောင် စီနီယာတို့”

ထို့နောက် လုရီနှင့် စီနီယာနှစ်ဦးတို့ အတူတကွ ကောင်းကင်မိစ္ဆာနန်းတော် ပိုင်နက်အတွင်းမှ မဟာယာနအဆင့်နှင့် ကပ်ဘေးဖြတ်ကျော်အဆင့် သားရဲများအားလုံးကို သုတ်သင်ပြီးမှ ထိုနေရာမှ ထွက်ခွာခဲ့ကြသည်။

အနောက်ပိုင်းဒေသမှ ဟင်းလင်းပြင်

အင်မော်တယ်အဆင့် သားရဲများအားလုံးကို သတ်ဖြတ်ပြီးနောက် လုရီနှင့် အခြားနှစ်ဦးတို့ မြောက်ပိုင်းနယ်မြေသို့ ရောက်ရှိလာကြလေပြီ။

မြောက်ပိုင်းနယ်မြေမှ ကျင့်ကြံသူများစွာမှာ မိစ္ဆာမျိုးနွယ်ဝင်များဖြစ်ပြီး မိစ္ဆာကျင့်ကြံသူများထဲတွင် အားကောင်းသော စွမ်းအားများရှိသည်။ အထူးသဖြင့် အမြီးကိုးချောင်း မြေခွေးမျိုးနွယ်၊ မင်ကွမ်းဟဲမျိုးနွယ် စသည်တို့မှာ အင်မော်တယ်ဂိုဏ်း မြင့်မြတ်နယ်မြေများနှင့် နှိုင်းယှဉ်နိုင်သည်။ အချို့မှာ ပို၍ပင် ရှေးကျသော အမွေအနှစ်များ ပိုင်ဆိုင်ထားကြလေ၏။

မိစ္ဆာမျိုးနွယ်မှာ ရှေးဟောင်းခေတ်ကတည်းက တည်ရှိခဲ့ပြီး အရှေ့တောအုပ် အပျက်အစီးများမှ အမြီးကိုးချောင်း မိစ္ဆာဧကရာဇ်မှာ နှစ်သန်းပေါင်းများစွာ ဝေးကွာသော ခေတ်မှ ဖြစ်လေသည်။

ဤသို့ ရှေးကျသော အမွေအနှစ်မှာ သဘာဝအတိုင်း အားကောင်းသော အမွေအနှစ်နှင့် အစွမ်းကို ဆိုလိုသည်။

လုရီနှင့် နှစ်ဦးသား မြောက်ပိုင်းနယ်မြေသို့ ရောက်သောအခါ ချင်းချုံးမျိုးနွယ်မှာ သူတို့ပိုင်နက်မှ ထွက်ပေါ်လာသော ဟင်းလင်းပြင်

အင်မော်တယ် အဆင့် သားရဲများကို သတ်ဖြတ်ပြီးဖြစ်နေပြီး ချင်းချုံးဟွာမှာ တံခါးပိတ်ကျင့်ကြံရာမှ ထွက်မလာသေးပေ။

သူတို့အပြင် ဟင်းလင်းပြင် အင်မော်တယ် အဆင့် သားရဲများကို ကိုင်တွယ်သော အင်အားစု အနည်းငယ်ရှိပြီး အခြေအနေမှာ အခြား မြင့်မြတ်နယ်မြေများကဲ့သို့ပင် သူတို့က အသာစီးရနေသည်။

သို့သော်ငြားလည်း လုရီမှာ နောက်ဆုံးလှိုင်းကို မှီလိုက်သည့်အတွက် ကံကောင်းဆဲပင်။

လုရီက အင်အားစုအနည်းငယ်ကို ကူညီ၊ လုပ်ငန်းများ ထုတ်ပေးပြီးနောက် များပြားသော ဆုလာဘ်ကို ရရှိမည်ဖြစ်သောကြောင့် အတော်လေး ကျေနပ်နေသည်။

မြောက်ပိုင်းနယ်မြေကို ဖြေရှင်းပြီးနောက် နယ်မြေကြီး ငါးခုလုံးကို လုရီနှင့် နှစ်ဦးသားတို့ ကိုင်တွယ်ပြီး ဖြစ်ကာ သားရဲတစ်သောင်းတောင်တန်း၏ နက်ရှိုင်းသော နေရာများမှ ပိုမိုကြောက်မက်ဖွယ်ကောင်းသော ဟင်းလင်းပြင်အင်မော်တယ်အဆင့် သားရဲများ ထွက်မလာတော့ပေ။

ထိုနက်ရှိုင်းသော နေရာများသို့ အဘွားယွမ်လင်နှင့် သူ့ဆရာတို့က သွားရောက်ပြီး ဖြစ်လေသည်။

သို့သော် လုရီကို နားမလည်နိုင်ဖြစ်စေသည်မှာ အင်မော်တယ်များ အရေးယူနေသော်လည်း လှုပ်ရှားမှု တစ်စုံတစ်ရာ မရှိခြင်းပင်။ သူက

မယုံနိုင်လောက်အောင် ဖြစ်နေသည်။

သူက သားရဲတစ်သောင်းတောင်တန်း၏ အလယ်ဗဟိုရှိ တားမြစ်နယ်မြေကို စစ်ဆေးလိုက်‌သောအခါ လှုပ်ရှားမှု တစ်စုံတစ်ရာ မရှိပေ။

အတွေးနက်နေသော လုရီကို မြင်သောအခါ ပြုံးနေသော လုံယင်က နားမလည်နိုင်စွာ ကြည့်လိုက်သည်။

“မိတ်ဆွေလေးလုရီ... ဘာကြည့်နေတာလဲ။ နယ်မြေကြီးငါးခုက ဟင်းလင်းပြင်အင်မော်တယ်အဆင့် သားရဲတွေ အကုန်လုံးနီးပါး သတ်ပြီးသွားပြီ။ ဒီကောင်တွေ သေသွားမှတော့ သားရဲလှိုင်းလုံးကြီးက ကြာကြာခံမှာ မဟုတ်ဘူး။ ဒါတွေအားလုံးက ငါတို့ လုပ်ခဲ့တာပဲ။ ဘာလို့ နည်းနည်းလေးတောင် မပျော်ဘဲ စိုးရိမ်နေတဲ့ပုံနဲ့ ကြည့်နေတာလဲ” ။

လုရီ သတိပြန်ဝင်လာပြီး ပြန်ပြောလိုက်သည်။

“အကြီးအကဲ... တားမြစ်နယ်မြေမှာ တစ်ခုခုဖြစ်လို့ သားရဲလှိုင်းလုံးကြီး ဖြစ်လာတာလို့ ကျွန်တော် ကြားတယ်။ ဘာလို့ အခု အဲဒီမှာ လှုပ်ရှားမှု မရှိတာလဲ” ။

ဤစကားများကို ကြားသောအခါ လုံယင်နှင့် နတ်ဓားဂိုဏ်းမှ သခင်ကြီးနှစ်ဦးလုံး ထိုဦးတည်ရာသို့ ကြည့်လိုက်ကြပြီး သူတို့၏ မျက်နှာအမူအရာများမှာ သတိထားဟန်တစ်ခု ပါဝင်နေသည်။

လုရီ၏ မျက်လုံးများ အရောင်တောက်လာပြီး သူက ပြုံးလိုက်သည်။

“စီနီယာတို့... ကျွန်တော်တို့ တားမြစ်နယ်မြေကို သွားကြည့်ကြရင် ဘယ်လိုလဲ” ။

လုံယင်... “...” ။

နတ်ဓားဂိုဏ်းမှ သခင်ကြီး... “...”