အခန်း (၅၃၅-၅၃၇)

အခန်း ၅၃၅- ဒဏ်ရာရနေသော ကျိုယို

အင်မော်တယ်သားရဲ...

~“တားမြစ်နယ်မြေကို သွားမယ် ဟုတ်လား။ မိတ်ဆွေလေးလုရီ၊ မင်း ရူးများသွားပြီလား။”

လုံယင်က အာမေဋိတ်သံနှင့်အတူ မေးခွန်းထုတ်လိုက်သည်။

နတ်ဓားဂိုဏ်း၏ သခင်ကြီး၏ မျက်နှာအမူအရာကပင် အနည်းငယ် ထူးဆန်းနေ၏။ သူက လုရီကို တစ်ချက်ကြည့်လိုက်ပြီးနောက် ဆိုသည်။

“သတင်းတွေအရဆိုရင် တားမြစ်နယ်မြေထဲမှာ အလွန်အစွမ်းထက်တဲ့ အင်မော်တယ်အဆင့် ပုဂ္ဂိုလ်တစ်ဦး ရှိနေနိုင်ခြေများတယ်။ ဒါ့အပြင် ကျိုယိုချီစွမ်းအင်တွေက အတွင်းပိုင်းက ကြမ်းကြုတ်တဲ့ သားရဲဘုရင်ကိုပါ ပျက်စီးစေခဲ့ပြီ။ ဆိုလိုတာက အတွင်းထဲမှာ ပိုပြီး အစွမ်းထက်တဲ့ အင်မော်တယ်အဆင့် ကျိုယိုသတ္တဝါတွေတောင် ရှိနေနိုင်တယ်။ ငါတို့အတွက်တော့ အလွန်အမင်း အန္တရာယ်များလွန်းလိမ့်မယ်။”

ဟင်းလင်းပြင်အင်မော်တယ်ဟူသော ဘွဲ့နာမတွင် 'အင်မော်တယ်' ဟူသော စကားလုံးပါဝင်သော်လည်း၊ အစစ်အမှန် အင်မော်တယ်တစ်ပါးနှင့်မူ ကွာခြားချက်က ကြီးမားလှပေသည်။

နတ်ဓားဂိုဏ်း သခင်ကြီးသည် ကောင်းကင်တာအိုဓားကျင့်စဉ်ကို ကျင့်ကြံနေသူဖြစ်သော်ငြားလည်း အစစ်အမှန် အင်မော်တယ်တစ်ပါးနှင့် ရင်ဆိုင်ရမည်ဆိုလျှင် သူ့မှာ ယုံကြည်မှုများစွာ မရှိခဲ့ပေ။

ထိုအခါ လုရီက ချောင်းတစ်ချက်ဟန့်လိုက်ပြီးနောက် ရှင်းပြတော့သည်။

“အကြီးအကဲတို့ ဒီလိုတွေးလို့ ဘယ်ဖြစ်ပါ့မလဲ။ ဒီ ကျောက်စိမ်းအာကာသယာဉ်ကို ကြည့်ပါဦး။ သူက အလွန်အမင်းခိုင်မာတဲ့ ခုခံကာကွယ်မှုစွမ်းအားရှိတဲ့ အင်မော်တယ်လက်နက်တစ်ပါးလေ။ ဒါ့အပြင် အင်မော်တယ်တွေတောင် လိုက်မီဖို့ခက်တဲ့ အမြန်နှုန်းနဲ့ဆိုတော့.. ခဏလောက်ပဲ သွားကြည့်မှာ၊ သိပ်အန္တရာယ်များမယ် မထင်ပါဘူး။”

လုရီသည် တားမြစ်နယ်မြေသို့ သွားရောက်ခြင်းဖြင့် အလုပ်တာဝန်တစ်ခုခု ရနိုင်မလားဟုလည်း စဉ်းစားနေမိ၏။

ယခုအကြိမ် အလုပ်၏ ဆုလာဘ်များက အလွန် ရက်ရောလွန်းသည်။

ဟင်းလင်းပြင်အင်မော်တယ်အဆင့် ကျိုယိုသားရဲတစ်ကောင်ကို သတ်ရုံဖြင့် ဤမျှကြီးကျယ်သော ဆုလာဘ်များရရှိခဲ့ရာ၊ တားမြစ်နယ်မြေမှ အစစ်အမှန် အင်မော်တယ်တစ်ပါးနှင့် ပတ်သက်သည့် အလုပ်တာဝန်ဆိုလျှင် ဆုလာဘ်က ဘယ်လောက်အထိများပြားမည်ကို သူ စိတ်ကူးပင် မယဉ်နိုင်တော့ပေ။

လုရီကတော့ အလွန် အကောင်းမြင်နေခဲ့သည်။

သူ့စကားကို ကြားသောအခါ လုံယင်နှင့် နတ်ဓားဂိုဏ်း သခင်ကြီးတို့မှာ ခေတ္တမျှ မှင်တက်သွားပြီး တစ်ယောက်မျက်နှာ တစ်ယောက် ကြည့်ကာ သူတို့၏ မျက်လုံးများထဲတွင် စိတ်ဝင်စားမှု အရိပ်အယောင်များ ဖြတ်ပြေးသွားသည်။

“ဒါကတော့...”

နှစ်ဦးလုံး တုံ့ဆိုင်းနေသည်ကိုမြင်သောအခါ လုရီက ခပ်ရေးရေးပြုံးလိုက်ပြီး ဆို၏။

“ကျွန်တော်တို့ အစပိုင်းမှာ အပြင်ဘက်ပတ်လည်လောက်ပဲ လှည့်ပတ်ကြည့်ကြတာပေါ့။ သိပ်အန္တရာယ်မများဘူးဆိုရင် အတွင်းပိုင်းကို ဆက်သွားကြမယ်လေ။ ဘယ်လိုသဘောရပါသလဲ စီနီယာတို့။”

လုရီ၏ စကားကိုကြားသော် သူတို့နှစ်ဦးမှာ တစ်ယောက်ကိုတစ်ယောက် ထပ်မံကြည့်လိုက်ကြသည်။

ထို့နောက် နတ်ဓားဂိုဏ်း သခင်ကြီးက ခေါင်းကို ညင်သာစွာ ညိတ်လိုက်သည်။ “သားရဲတစ်သောင်းတောင်တန်းရဲ့ တားမြစ်နယ်မြေ အသည်းနှလုံးမှာ ဘာတွေရှိနေလဲ၊ ဘယ်လို ကြီးမားတဲ့ အပြောင်းအလဲတွေ ဖြစ်ခဲ့လဲဆိုတာကို ငါကိုယ်တိုင်လည်း တော်တော်လေး စပ်စုချင်နေတာ။ မိတ်ဆွေလေး ယုံကြည်မှုရှိနေမှတော့၊ ငါတို့ သွားကြည့်ကြတာပေါ့။”

လုံယင်ကလည်း ခေါင်းညိတ်လိုက်၏။ “ဒီလိုဆိုရင်တော့ သွားကြည့်ကြတာပေါ့။”

“ကောင်းတယ်ဗျာ။ စီနီယာတွေရဲ့ ဂုဏ်သတင်းနဲ့ တကယ် ထိုက်တန်ပါတယ်။ ဒီလို မာန်စိတ်မျိုးမှပေါ့။”

လုရီက ပျော်ရွှင်စွာ ရယ်မောလိုက်ပြီး

“ဒါဆိုရင် ငါတို့ ခရီးစလိုက်ကြရအောင်။” ဟု ဆိုလိုက်သည်။

လုရီက ကျောက်စိမ်းအာကာသယာဉ်ကို ထိန်းချုပ်လိုက်သည်။ ယာဉ်ကြီးက အလင်းတန်းတစ်ချက်အဖြစ် ပြောင်းလဲသွား၏။ ပြီးနောက် သားရဲတစ်သောင်း တောင်တန်း၏ ဗဟို နယ်မြေဆီသို့ ဦးတည် ပျံသန်းသွားတော့သည်။

သားရဲတစ်သောင်း တောင်တန်းသည် ထျန်းမင်နယ်မြေကြီး ငါးခုလုံးကို ဖြန့်ကျက်ထားရာ သဘာဝအတိုင်း အလွန် ကျယ်ပြန့်သော ဧရိယာကို လွှမ်းခြုံထားသည်။ ၎င်း၏ အဓိကဗဟိုချက်မှာ ဗဟို နယ်မြေတွင် တည်ရှိပြီး နယ်မြေကြီး

တစ်ခုလုံး၏ ထက်ဝက်နီးပါးကို သိမ်းပိုက်ထားလေသည်။

တောင်တန်း၏ ဗဟိုချက်တွင် စွမ်းအားရှင်အဆင့် ကြမ်းကြုတ်သော သားရဲများစွာ ရှိသော်လည်း၊ ယခုအချိန်တွင်မူ အများအပြားမရှိတော့ပေ။ အများစုမှာ တားမြစ်နယ်မြေမှ သားရဲဘုရင်၏ မောင်းနှင်မှုဖြင့် နယ်မြေကြီးငါးခုကို တိုက်ခိုက်မည့် သားရဲဒီလှိုင်းအဖြစ် ပါဝင်သွားကြပြီဖြစ်သည်။

ကျန်ရှိသောသားရဲများမှာ ကောင်းကင်ယံတွင် မရှိကြ။ ကျောက်စိမ်းအာကာသယာဉ်၏ အလွန်မြန်သော အရှိန်နှင့်ပေါင်းစပ်လိုက်သောအခါ ဟင်းလင်းပြင်အင်မော်တယ်အဆင့် သားရဲများပင် တုံ့ပြန်ရန် ခက်ခဲနေသည်။

မကြာမီမှာပင် သူတို့သည် သားရဲတစ်သောင်းတောင်တန်း၏ ဗဟိုဒေသသို့ ဆိုက်ရောက်လာတော့သည်။

ဗဟိုဒေသသို့ ရောက်သောအခါ လုရီတို့အဖွဲ့သည် ကျောက်စိမ်းအာကာသယာဉ်၏ ပြတင်းပေါက်မှတစ်ဆင့် တားမြစ်နယ်မြေရှိရာသို့ ငေးကြည့်ရင်း အံ့ဩမှုဖြင့် မျက်လုံးများ ပြူးကျယ်သွားကြ၏။

ထိုအခိုက်အတန့်တွင် တားမြစ်နယ်မြေ၏ အထက်ကောင်းကင်တစ်ခုလုံးသည် မယုံနိုင်စရာကောင်းလောက်အောင် နက်နဲလှသည့် တာအိုအင်းကွက်များဖြင့် ထူထပ်စွာ ဖုံးလွှမ်းနေ၏။ ထိုကြောက်မက်ဖွယ် အင်းကွက်များမှ သိပ်သည်းသော တာအိုအလင်းတန်းများ ထုတ်လွှတ်နေသည်ကို လုရီပင် နားလည်ရခက်ခဲနေသည်။

တာအိုအင်းကွက်များအတွင်း၌ နို့နှစ်ရောင်မြူထုများက အေးချမ်းစွာ တည်ရှိနေပြီး အတွင်း၌ မည်သည့်အရာများ ရှိနေသည်ကို သူတို့သုံးဦးလုံး မသိနိုင်ကြပေ။

သုံးဦးသားမှာ အကြပ်ရိုက်ကာ တစ်ယောက်မျက်နှာတစ်ယောက် ကြည့်လိုက်ကြသည်။

လုရီက စတင်ပြောလိုက်သည်။ “တားမြစ်နယ်မြေဆိုတာ ကြီးမားတဲ့ ချောက်နက်ကြီးတစ်ခုလို့ ဆိုကြတယ် မဟုတ်လား။ ဘယ်လိုလုပ် ဒီလိုပုံစံ ဖြစ်နေရတာလဲ။”

နတ်ဓားဂိုဏ်း သခင်ကြီး၏ မျက်နှာထားမှာ တည်ကြည်လေးနက်နေပြီး မြူထုကိုကြည့်ရင်း ဆို၏။

“လွန်ခဲ့တဲ့နှစ်တွေက ငါ တားမြစ်နယ်မြေကို လာခဲ့ဖူးတယ်။ ဒါပေမဲ့ အတွင်းထဲက အလွန်ကြောက်စရာကောင်းတဲ့ အငွေ့အသက်တစ်ခုကိုပဲ ခံစားခဲ့ရပြီး အတွင်းထဲကိုတော့ ပိုမဝင်ရဲခဲ့ဘူး။ အဲဒီတုန်းကတော့ တကယ်ပဲ ကြီးမားတဲ့ ချောက်နက်ကြီးတစ်ခု ဖြစ်ခဲ့တယ်။”

“ဒါက အင်မော်တယ်တစ်ပါးရဲ့ လက်ရာဖြစ်ရမယ်။” လုံယင်က မှတ်ချက်ပြုသည်။

လုရီက ခေါင်းအသာညိတ်လိုက်၏။ ဤသည်မှာအဘွားယွမ်လင် သို့မဟုတ် သူ့ဆရာ၏ လက်ရာသာ ဖြစ်ရမည်ဟု သူတွေးလိုက်သည်။

ထို့ကြောင့် လုရီသည် ကျောက်စိမ်းအာကာသယာဉ်ကို မြူထုပတ်လည်၌ ဝဲပျံစေလိုက်သည်။

မြူထုလွှမ်းခြုံထားသော ဧရိယာသည် ကီလိုမီတာတစ်သောင်းခန့်သာ ကျယ်ဝန်းပြီး သိပ်မကြီးမားကြောင်း သူတွေ့ရှိခဲ့သည်။

အပြင်ဘက်မှ တာအိုအင်းကွက်များမှာ အလွန်ခိုင်မာလှရာ ကျောက်စိမ်းအာကာသယာဉ်ပင် ဖြတ်သန်းရန် ခက်ခဲနေသည်။

ဟုတ်ပေသည်၊ လုရီက ကျောက်စိမ်းအာကာသယာဉ်ကို အတင်းအဓမ္မ ထိုးဖောက်ခိုင်းခြင်း မပြုခဲ့ပေ။ ထိုသို့ပြုလုပ်ပါက လှုပ်ရှားမှုကြီးလွန်းသွားပေလိမ့်မည်။

သူသည် ကျောက်စိမ်းအာကာသယာဉ်ကို တာအိုအင်းကွက်များအား ညင်သာစွာ ထိတွေ့စေရုံမျှဖြင့်ပင် နတ်ဓားဂိုဏ်း သခင်ကြီးနှင့် လုံယင်တို့မှာ ထိတ်လန့်တကြား မျက်နှာများ ဖြူရော်သွားစေခဲ့သည်။ အကယ်၍သာ လုရီက အတင်းဝင်တိုက်ခိုင်းမည်ဆိုလျှင် နတ်ဓားဂိုဏ်း သခင်ကြီးနှင့် လုံယင်ဘိုးဘေးတို့မှာ သူ့ကို ဝိုင်းတိုက်ခိုက်ကြပေလိမ့်မည်ဟု လုရီ တွေးလိုက်မိသည်။

ခဏအကြာတွင် လုရီက အခြေအနေကို သုံးသပ်ပြီးနောက် ကျောက်စိမ်းအာကာသယာဉ်ကို အထက်သို့ ဆက်လက်ပျံတက်စေကာ ထျန်းမင်၏ လေထုအပြင်ဘက်၊ အာကာသထဲသို့ ရောက်ရှိသွားသည်။

အာကာသထဲမှ ငုံ့ကြည့်သောအခါ တားမြစ်နယ်မြေသည် မြူထုများဖြင့် ဖုံးလွှမ်းနေဆဲဖြစ်ပြီး အပေါ်ဆုံးအစွန်းသည် ဟင်းလင်းပြင်ထဲအထိပင် ရှည်ထွက်နေသည်။ လုရီက ကျောက်စိမ်းအာကာသယာဉ်ကို မြူထုအစွန်းဆီသို့ မောင်းနှင်သွားရာ အဆုံးတွင်လည်း အလွန်နက်နဲသော တာအိုအင်းကွက်များက တဖျပ်ဖျပ်လက်နေသည်ကို တွေ့ရှိရသည်။

“အတွင်းပိုင်းကို ထပ်ပြီး စူးစမ်းလို့မရနိုင်တော့ဘူးထင်တယ်။” လုံယင်၏ မျက်နှာထက်တွင် သက်ပြင်းချမှုနှင့် နှမြောမှုတို့ ရောယှက်နေသော အမူအရာတစ်ခု ထင်ဟပ်နေ၏။

နတ်ဓားဂိုဏ်း သခင်ကြီးကလည်း ခေါင်းအသာညိတ်ပြသည်။

လုရီမှာ အနည်းငယ် စိတ်ပျက်သွားမိ၏။ သူက ပိုကောင်းသည့် အလုပ် တစ်ခုရရန် မျှော်လင့်နေခဲ့သည်။

ယခုတော့ မျှော်လင့်ချက် အနည်းငယ်သာရှိတော့သည်။

သို့သော် အတွင်းပိုင်းမှ အခြေအနေများကို လုံးဝမသိရှိဘဲ တာအိုအင်းကွက်များကို ဖြတ်သန်းကာ မြူထုထဲသို့ စွန့်စားဝင်ရောက်ရန် သူကိုယ်တိုင်ပင် မရဲခဲ့ပေ။

သူ့တွင် အင်မော်တယ်လက်နက်ဖြစ်သော ကျောက်စိမ်းအာကာသယာဉ် ရှိနေသော်လည်း လုရီက ထိုမျှလောက် မိုက်မဲသူတစ်ယောက် မဟုတ်ပေ။

ဤသည်မှာ အင်မော်တယ်တစ်ပါး၏ လက်ရာပင်။ ထို့အပြင် အန္တရာယ်များလှသော ကျိုယိုနှင့် ထျန်းမင်၏ တားမြစ်နယ်မြေတို့နှင့် သက်ဆိုင်နေသည်။

ပုံမှန်အားဖြင့် တားမြစ်နယ်မြေတစ်ခုတွင် အင်မော်တယ်အဆင့် စွမ်းအားများ မလွဲမသွေ ပါဝင်တတ်သည်။

“ဒါဆိုရင် ကျွန်တော်တို့ ပြန်ကြရအောင်။” လုရီက ဆိုလိုက်သည်။

နတ်ဓားဂိုဏ်း သခင်ကြီးနှင့် လုံယင်ဘိုးဘေးတို့မှာ သဘာဝအတိုင်း ကန့်ကွက်စရာမရှိဘဲ နှစ်ဦးလုံး ခေါင်းညိတ်လိုက်ကြသည်။

ထိုအခိုက်အတန့်၌ပင် မြူထုအတွင်းမှ မိုးခြိမ်းသံကဲ့သို့ ဟိန်းဟောက်သံကြီးတစ်ခု ထွက်ပေါ်လာပြီး မြူထုတစ်ခုလုံး ရုတ်တရက် လှိုင်းထန်သွားတော့သည်။

အတွင်းမှ ဟိန်းဟောက်သံတစ်ချက်ကြောင့်

လုရီ၏ ဝိညာဉ်ပင် တုန်ခါသွားပြီး ခေတ္တမျှ ခေါင်းမူးသွားသလို ခံစားလိုက်ရသည်။

သူ့ဘေးမှ နတ်ဓားဂိုဏ်း သခင်ကြီးနှင့် လုံယင်ဘိုးဘေးတို့၏ မျက်နှာများလည်း ပြောင်းလဲသွားပြီး အနီးရှိနံရံကို ဆွဲကိုင်ကာ သူတို့၏ကိုယ်ကို တည်ငြိမ်အောင် ထိန်းလိုက်ကြရသည်။

သုံးဦးလုံးမှာ တုန်လှုပ်သောအမူအရာများဖြင့် မြူထုရှိရာသို့ စိုက်ကြည့်နေကြ၏။

ထို့နောက် မြူထုအတွင်းမှ တာအိုအင်းကွက်များက မတည်မငြိမ် တဖျပ်ဖျပ်လက်သွားပြီး ရင်းနှီးသော ကြည်လင်သည့် အော်ဟစ်သံတစ်ခု ထွက်ပေါ်လာသည်။

“အဆုံးမဲ့ အိပ်မက်နယ်မြေ။”

မြူထုများက လိပ်၍တက်လာပြီး အထပ်ထပ်သော ထင်ယောင်ထင်မှားမြင်ကွင်းများက ကမ္ဘာလောကများ ထပ်ဆင့်နေသကဲ့သို့ ဆက်တိုက်ပေါ်ထွက်လာရာ အလွန်ကြောက်မက်ဖွယ်ကောင်းပြီး နက်နဲလှ၏။

အဆုံးမဲ့သော လောကများကြားမှတစ်ဆင့် လုရီသည် ကြီးမားလှသော အနက်ရောင်အရိပ်တစ်ခုကို ခပ်ရေးရေးမြင်လိုက်ရသည်။

ထိုအရိပ်၏ တစ်ကိုယ်လုံးသည် အနက်ရောင်အမွှေးများဖြင့် ဖုံးလွှမ်းနေပြီး မီတာတစ်သောင်းခန့် မြင့်မားလှသည်။

၎င်းက မော့၍ဟိန်းဟောက်လိုက်ရာ သူ၏ကိုယ်မှ ကြောက်မက်ဖွယ် အနက်ရောင်မိစ္ဆာအလင်းတန်းများ တိုးထွက်လာပြီး မိစ္ဆာ နတ်ဘုရားတစ်ပါးနှင့်ပင် တူနေတော့သည်။

ထိုမိစ္ဆာ နတ်ဘုရား၏ ပတ်လည်တွင် ထူးဆန်းစွာ ကြောက်စရာကောင်းသော အနက်ရောင်မီးခိုးမျှင်များကလည်း လှည့်ပတ်နေပြီး သက်ရှိအလား အရိပ်၏ ကိုယ်ထဲသို့ တိုးဝင်နေသည်။

ကောင်းကင်နှင့်မြေကြီးကို တုန်ဟည်းသွားစေသော အသံနက်ကြီးတစ်ခု ထွက်ပေါ်လာ၏။ “ယွီမျိုးနွယ်... မင်းတို့ ငါ့ကို ကြာကြာပိတ်ထားလို့ မရဘူး။”

ထိုစဉ် တာအိုအင်းကွက်များက နေလုံးကြီးတစ်လုံး တောက်ပလာသကဲ့သို့ ထိန်လင်းသွားပြီး မျက်စိကျိန်းမတတ်အလင်းရောင်များက ကြောက်မက်ဖွယ်စွမ်းအားဖြင့် ပျံ့နှံ့သွားရာ ကျောက်စိမ်းအာကာသယာဉ်ကိုပင် အနည်းငယ် တုန်ခါသွားစေသည်။

ထို့နောက် မြူထုများက ပြန်လည်ပိတ်သွားပြီး မိစ္ဆာဘုရားကို ကွယ်ဖုံးသွား၏။ တစ်ချိန်တည်းမှာပင် တာအိုအင်းကွက်များက ပြန်လည်ခိုင်မာလာစေရန် ဆက်တိုက်ချိတ်ဆက်နေတော့သည်။

ထိုအခိုက်အတန့်၌ပင် မြူထုထဲမှ အနက်ရောင်အလင်းတန်းတစ်ခုက အပြည့်အဝမပိတ်သေးသော တာအိုအင်းကွက်များကြားမှ ထိုးထွက်လာပြီး ဟင်းလင်းပြင်ထဲသို့ ဦးတည်လာသည်။

၎င်းမှာ အနက်ရောင်မီးခိုးများ ထုတ်လွှတ်နေသော အနက်ရောင်ဝံပုလွေကြီးတစ်ကောင်ဖြစ်ပြီး သူ၏အငွေ့အသက်မှာ အလွန်တရာ ကြောက်မက်ဖွယ်ကောင်းလှသည်။

ထိုအချိန်တွင် ဤအနက်ရောင်ဝံပုလွေကြီး၏ ကိုယ်မှာ ဒဏ်ရာဒဏ်ချက်များဖြင့် ပြည့်နှက်နေပြီး သွေးများက သူ၏ကိုယ်မှ တစက်စက်ယိုစီးကျကာ သူ၏အရှိန်အဝါမှာ အနည်းငယ် အားနည်းနေဟန်ရှိသည်။

သို့သော်ငြားလည်း ထိုအနက်ရောင်ဝံပုလွေကြီးထံမှ ထွက်ပေါ်နေသော အရှိန်အဝါက လုရီ၏ တစ်ကိုယ်လုံးကို အေးစက်သွားစေသည်။

“ဒါ အင်မော်တယ်အဆင့် ပုဂ္ဂိုလ်ပဲ။” လုံယင်ဘိုးဘေးက ကြွေးကြော်လိုက်ပြီး သူ၏မျက်နှာမှာ အလွန်ပျက်ယွင်းနေ၏။

နတ်ဓားဂိုဏ်း သခင်ကြီး၏ ကိုယ်မှ ကြောက်မက်ဖွယ် ဓားစိတ်ဆန္ဒများ ထုတ်လွှတ်လိုက်ပြီး ပြင်းထန်သော ကောင်းကင်တာအိုဖိအားများဖြင့် ပြည့်နှက်နေသည်။ သူ၏ကြည်လင်သောမျက်လုံးများမှာ သက်ရှိအားလုံးကို အပေါ်စီးမှ ကြည့်နေသော ကောင်းကင်တာအို၏ မျက်လုံးများကဲ့သို့ အေးစက်ရက်စက်သွားသည်။

အနက်ရောင်ဝံပုလွေကြီးကလည်း ကျောက်စိမ်းအာကာသယာဉ်ကို သတိပြုမိသွားသည်။

သူက ခေါင်းလှည့်ကြည့်လိုက်ရာ သူ၏အနက်ရောင်မျက်လုံးများမှ အနက်ရောင်မီးခိုးမျှင်များ ထွက်ပေါ်လာပြီး နက်ရှိုင်းကာ ကြောက်မက်ဖွယ်ကောင်းသော အရှိန်အဝါတစ်ခုကို ဆောင်ကြဉ်းလာသည်။

ထို့နောက် တိုက်ခိုက်မည့်အစား အနက်ရောင်ဝံပုလွေကြီးက လှည့်ထွက်ပြီး ဟင်းလင်းပြင်၏ နက်ရှိုင်းရာဆီသို့ ထွက်ပြေးရန် ကြိုးစားတော့သည်။

ထိုအခိုက်အတန့်တွင် သူ၏နောက်မှ ဒေါသတကြီး ဟိန်းဟောက်သံတစ်ခု ထွက်ပေါ်လာသည်။

“ကျိုယိုအနွယ်တော်... မင်း ဘယ်ပြေးမလို့လဲ။”

တဆက်တည်း၌ အပြည့်အဝ မပိတ်သေးသော တာအိုအင်းကွက်များကြားမှ ပုံရိပ်နှစ်ခု ထိုးထွက်လာ၏။

တစ်ဦးမှာ နဖူးတွင် ဓားပုံစံအမှတ်အသားရှိပြီး ခန့်ညားသောရုပ်ရည်နှင့် ကောင်းကင်သို့ ထိုးတက်နေသော ဓားစိတ်ဆန္ဒများရှိသူ ဝမ်ကျန်းယွမ်ပင်ဖြစ်သည်။

သူသည် အင်မော်တယ်ဓားကို ကိုင်ဆောင်ထားပြီး သူ၏မျက်နှာမှာ အေးစက်ကာ သတ်ဖြတ်လိုစိတ်များ ပွက်ပွက်ဆူနေ၏။

နောက်တစ်ဦးမှာ တာအိုဝတ်ရုံဝတ်ဆင်ထားသော အဘိုးအိုတစ်ဦးဖြစ်ပြီး တည်ကြည်သော မျက်နှာထားနှင့် သာမန်သစ်သားဓားတစ်ချောင်းကို ကိုင်ဆောင်ထားသည်။

ထိုအချိန်တွင် သူတို့နှစ်ဦးလုံး၏ ကိုယ်ပေါ်၌ ကြောက်မက်ဖွယ်ဒဏ်ရာများရှိနေပြီး ဒဏ်ရာများမှ ကျိုယိုချီစွမ်းအင်များက တဖြည်းဖြည်း ထွက်ပေါ်နေသည်။

သူတို့သည် အနက်ရောင်ဝံပုလွေကြီးကို လိုက်လံဖမ်းဆီးနေခြင်းဖြစ်သည်။

သို့သော် အနက်ရောင်ဝံပုလွေကြီး၏ အမြန်နှုန်းမှာ အလွန်မြန်ဆန်ပြီး အနက်ရောင်မျဉ်းတစ်ကြောင်းအဖြစ်သို့ ပြောင်းလဲကာ ကျောက်စိမ်းအာကာသယာဉ်အနီးမှ ဖြတ်ပြေးသွားသည်။

ထိုမြင်ကွင်းကြောင့် လုရီ၏ သူငယ်အိမ်များ ကျဉ်းမြောင်းသွားသည်။

သူ နောက်ထပ်စဉ်းစားချိန်ပင် မရလိုက်ဘဲ ကျောက်စိမ်းအာကာသယာဉ်ကို တိုက်ရိုက်ထိန်းချုပ်ကာ အနက်ရောင်ဝံပုလွေကြီးထံသို့ ဝင်တိုက်လိုက်တော့သည်။

အင်မော်တယ်လက်နက်တစ်ခုအနေဖြင့် ကျောက်စိမ်းအာကာသယာဉ်၏ အမြန်နှုန်းသည် အနက်ရောင်ဝံပုလွေကြီးထက်ပင် များစွာသာလွန်ပြီး အလင်းအလျင်နီးပါးသို့ ရောက်ရှိနေသည်။

ဤသို့ ကြောက်မက်ဖွယ်အမြန်နှုန်းကြောင့် အနက်ရောင်ဝံပုလွေကြီးမှာ တုံ့ပြန်ချိန်ပင်မရဘဲ ကျောက်စိမ်းအာကာသယာဉ်၏ ဝင်တိုက်ခြင်းကို ချက်ချင်းခံလိုက်ရသည်။

ဝုန်း!!!

ကျောက်စိမ်းအာကာသယာဉ်၏ ရှေ့ပိုင်းသည် ချိုင့်ဝင်သွားပြီး အနက်ရောင်ဝံပုလွေကြီးမှာ ကီလိုမီတာထောင်ပေါင်းများစွာအထိ လွင့်စဉ်သွားသည်။ သူ၏ကိုယ်ပေါ်၌ အက်ကွဲကြောင်းအသစ်များ ပေါ်လာကာ သွေးများစိမ့်ထွက်လာပြီး သူ၏ပါးစပ်မှ သွေးများ အကြိမ်ပေါင်းများစွာ အန်ထုတ်လိုက်ရသည်။

ကျောက်စိမ်းအာကာသယာဉ်အတွင်း၌ လုရီ၊ နတ်ဓားဂိုဏ်း သခင်ကြီးနှင့် လုံယင်တို့အားလုံးမှာ ကြောက်မက်ဖွယ်စွမ်းအားတစ်ခု ယာဉ်အတွင်း၌ ပေါက်ကွဲသွားသည်ကို ခံစားလိုက်ရပြီး သူတို့၏ကိုယ်များပင် လွင့်ထွက်သွားမတတ် ဖြစ်သွားကြသည်။

နတ်ဓားဂိုဏ်း သခင်ကြီး: “???”

လုံယင်: “???”

နှစ်ဦးလုံးမှာ လွင့်စဉ်သွားသော အနက်ရောင်ဝံပုလွေကြီးကို ကြည့်လိုက်၊ သူတို့ဘက်သို့ လှည့်လာသော နက်ရှိုင်းသည့် မျက်လုံးများကို ကြည့်လိုက်နှင့် သူတို့၏ ခြေဖျားမှ ဦးခေါင်းအထိ အေးစက်သော ခံစားမှုတစ်ခု တွားသွားတက်လာသည်ကို ခံစားလိုက်ရသည်။

လုံယင်က အလိုမကျစွာ ကြွေးကြော်လိုက်သည်။

“ကျစ်! လုရီ၊ နောက်တစ်ခါ မင်းရဲ့ယာဉ်ပျံကို ငါ သေတောင် မစီးတော့ဘူး။”

နတ်ဓားဂိုဏ်း သခင်ကြီး၏ မျက်လုံးများပင်

တဖျတ်ဖျတ် လှုပ်ရှားသွားပြီး သူ၏မျက်နှာမှာ အမူအရာမဲ့နေ၏။

အဝေးမှ ဝမ်ကျန်းယွမ်နှင့် သစ်သားဓားကိုင်ဆောင်ထားသော တာအိုအဘိုးအိုတို့ပင် မှင်တက်သွားကြလေသည်။

အနီးအနားမှ တစ်စုံတစ်ခုက ကျိုယိုအငွေ့အသက်သင့်နေသော အင်မော်တယ်သားရဲတစ်ကောင်ကို ဝင်တိုက်ရဲလိမ့်မည်ဟု

လုံးဝ မမျှော်လင့်ထားခဲ့ကြပေ။

လုရီက လုံယင်ဘိုးဘေး၏ အပြစ်တင်သံကို လျစ်လျူရှုလိုက်ပြီး သူ၏စိတ်ထဲတွင် တိတ်တဆိတ် ကြုံးဝါးသည်။

'ဒီကျိုယို အင်မော်တယ် သားရဲကို ငါ သတ်မှ ဖြစ်မယ်။'

အခန်း ၅၃၆- စွမ်းအားမလုံလောက်လျှင် ဝိညာဉ်ကျောက်စိမ်းဖြင့် ဖြည့်တင်းမည်....

~[အလုပ်]

ကျိုယို အင်မော်တယ်သားရဲအား သုတ်သင်ရှင်းလင်းခြင်း။

ဆုလာဘ်: သတ်မှတ်ထားသော နိယာမစွမ်းအား ၁၀% နှစ်ခု တိုးမြှင့်ခြင်း၊ သတ်မှတ်ထားသော အင်မော်တယ်စွမ်းရည်အဆင့် +၁ မြှင့်တင်ခြင်း၊

အင်မော်တယ်ကျမ်း “လဝန်းဝိညာဉ် အင်မော်တယ်ကျမ်း”၊

အလယ်အလတ်တန်းစား အင်မော်တယ်လက်နက် 'အသခ်ျေဖြစ်ရပ်ဆန်းကြယ် မြေပုံ'၊ အဆင့်နိမ့် အင်မော်တယ်လက်နက် 'ကောင်းကင်ဘုံ ဖြတ်ဓား'၊ “ထွက်ခွာခြင်းမီး လက်နက်သန့်စင် ပညာ”၊ ကြယ်တာရာခြင်ဆီ အစက် ၁၀၀၀။

လုပ်ငန်းအား လက်ခံမည်: လက်ခံမည်/ငြင်းမည်။

ဘယ်လောက်တောင် ရက်ရောတဲ့ ဆုလာဘ်တွေလဲ။

လုရီသည် အံ့အားသင့်ကာ ပျော်ရွှင်သွားပြီး အလုပ်ကို အလျင်အမြန် လက်ခံလိုက်၏။

ဤတစ်ကြိမ် ကျိုယိုအင်မော်တယ်သားရဲကို ပိတ်ဆို့တားဆီးခဲ့ခြင်းသည် မှန်ကန်သော ဆုံးဖြတ်ချက်တစ်ခုဖြစ်ကြောင်း သက်သေပြလိုက်သလိုပင်။ သူသည် ကျောက်စိမ်းအာကာသယာဉ်အတွင်း၌ ရှိနေသောကြောင့်သာ တော်တော့၏။ သို့မဟုတ်ပါက သူသည် ဤကဲ့သို့ ကျိုယိုအင်မော်တယ်သားရဲကို ရင်ဆိုင်ဝံ့မည်မဟုတ်ပေ။

ကျိုယိုချီ၏ ဖောက်ပြန်ခြင်းကို ခံထားရသော အင်မော်တယ်သားရဲတစ်ကောင်သည် သာမန်မဟုတ်သော စွမ်းအားကြီးမားမှုမျိုး ရှိရမည်ဖြစ်ပြီး သူ့ထက် အဆပေါင်းများစွာ သာလွန်လွန်းလှ၏။ ထိုသို့သော အင်မော်တယ်သားရဲ၏ တိုက်ခိုက်မှုတစ်ခုကို သူ ရှင်သန်အောင်မြင်နိုင်လိမ့်မည်ဟု ယုံကြည်မှုတစ်စုံတစ်ရာ မရှိခဲ့ပေ။

ဘိုးဘေးလုံယင်၏ ကျယ်လောင်စွာ အော်ဟစ်ပြောဆိုသံကို ကြားသောအခါ လုရီသည် သူ၏မျက်နှာထားကို တည်ကြည်လေးနက်စွာ ပြောင်းလိုက်ပြီး အမှန်တရားဘက်တော်သား ပုံစံဖြင့် လေးနက်စွာ ဆို၏။

“စီနီယာရဲ့ စကားတွေက ကျွန်တော့်ရဲ့ နှလုံးသားကို နည်းနည်း ထိခိုက်စေပါဆးတယ်။ ‌ဒါဟာ ကျိုယိုချီ၏ ဖောက်ပြန်ခြင်းကို ခံထားရတဲ့

အင်မော်တယ်သားရဲတစ်ကောင်ပါ၊ တကယ်လို့ သူသာ လွတ်မြောက်သွားခဲ့ရင် ဘေးအန္တရာယ်ကြီး ဖြစ်လာနိုင်ပါတယ် ဒီလို ကိစ္စမျိုး ဖြစ်ပျက်နေတာကို ကျွန်တော်အနေနဲ့ ဘယ်လို လက်ပိုက်ကြည့်နေနိုင်မလဲ၊ ကျွန်တော် စိတ်ဖိစီးရပါမယ်။”

ထိုစကားကို ကြားသော် ဘိုးဘေးလုံယင်သည် မှင်သက်မိသွားပြီး လုရီအား ပါးစပ်အဟောင်းသားဖြင့် ကြည့်နေ၏။ သူသည် အချိန်အတော်ကြာသည်အထိ စကားတစ်ခွန်းမျှ မဆိုနိုင်ဘဲ ဆွံ့အသွားလေသည်။

အနီးအနားမှ အင်မော်တယ်ဓားဂိုဏ်း၏ သခင်ကြီးကမူ လုရီကို အနည်းငယ် အထင်ကြီးလေးစားဟန်ဖြင့် ကြည့်ကာ ဆို၏။

“လုရီဆိုတဲ့ ဂုဏ်ပုဒ်နဲ့ ထိုက်တန်ပါပေတယ်။ ကောင်းကင်ကို ထိထိမိမိ လွှမ်းခြုံနိုင်တဲ့ ဖြောင့်မတ်မှန်ကန်တဲ့ စိတ်ဓာတ်ပါပဲ။ မင်းပြောတာမှန်တယ်။ အကယ်၍သာ ဒီကျိုယို

အင်မော်တယ်သားရဲကို လွတ်မြောက်ခွင့်ပေးလိုက်ရင် ထျန်းမင်အတွက် ကြီးမားတဲ့ ဆုံးရှုံးမှုတစ်ခု ဖြစ်သွားလိမ့်မယ်။”

ထိုအခါ ဘိုးဘေးလုံယင်၏ နှုတ်ခမ်းများ တွန့်ကွေးသွားပြီး မည်သို့မျှ အပြစ်မဆိုနိုင်တော့ဘဲ အလွန်တရာ စိတ်အနှောင့်အယှက်ဖြစ်ဟန်ဖြင့် ဆိုလိုက်သည်။

“မင်းပြောတာလည်း ဟုတ်တုတ်တုတ်ပါပဲကွာ။”

ထိုအခိုက်အတန့်၌ လုရီ၏ ဝင်တိုက်မှုကြောင့် ကျိုယိုအင်မော်တယ်သားရဲသည် ခေတ္တမျှ တုံ့ဆိုင်းသွားသည်။

ထိုစဉ် ဝမ်ကျန်းယွမ်နှင့် ဓားတာအိုပညာရှင်တို့ အမီလိုက်လာကြသည်။

ဝံပုလွေနက်ကြီးကို ရှေ့နောက်ညှပ်၍ ပိတ်ဆို့လိုက်တော့၏။

သူတို့နှစ်ဦးလုံး၏ မျက်နှာထားများက အေးစက်နေသည်။ မျက်လုံးများတွင် လူသတ်လိုသော အရိပ်အယောင်များ ထင်ဟပ်နေသည်။ သူတို့၏ တိုက်ခိုက်မှုကို စတင်လိုက်ကြသည်။

ဝမ်ကျန်းယွမ်သည် အင်မော်တယ်ဓားကျမ်းကို ကျင့်ကြံသူဖြစ်၏။ လုရီ ကျင့်ကြံနေသော ကျင့်စဉ်ပင်။ ဝမ်ကျန်းယွမ်၏ လက်ထဲတွင် စုစည်းနေသော ရွှေရောင်ဓားစိတ်ဆန္ဒကို မြင်သောအခါ လုရီ အနည်းငယ် အံ့အားသင့်သွားသည်။

အမှန်တကယ်ပင် အစစ်အမှန်အင်မော်တယ်အဆင့် စွမ်းအားရှင်တစ်ဦးပါပေတကား။ သူ၏ အင်မော်တယ်ဓားကျမ်း ကျွမ်းကျင်မှုသည် မိမိထက် များစွာ သာလွန်အားကောင်းလှ၏။

ရွှေရောင်ဓားစိတ်ဆန္ဒသည် ပြင်းထန်လှသည်။

အင်မော်တယ်နိယာမနှင့် ဓားတာအိုနိယာမတို့ ပေါင်းစပ်ထား၏။

ကီလိုမီတာ တစ်ထောင်ကျော် ရှည်လျား

သည့် ရွှေရောင်အလင်းတန်းကြီး တစ်ခု ဖြစ်ပေါ်လာသည်။

ဟင်းလင်းပြင်ကို နှစ်ပိုင်းခွဲလိုက်သည့်အလားရွှေရောင်အလင်းတန်းက ဝံပုလွေနက်ကြီးထံသို့ အရှိန်ပြင်းစွာ ကျဆင်းသွားတော့သည်။

အခြား တစ်ဦး ဖြစ်သော ဓားတာအို ပညာရှင်

အဘိုးအိုသည်လည်း စွမ်းအား တူညီစွာပင် ကြီးမားလှ၏။ သူ၏ လက်ထဲတွင် သာမန်ဟု ထင်ရသော သစ်သားဓား တစ်ချောင်းကို ကိုင်ဆောင်ထားသည်။

သို့ရာတွင် ထိုသစ်သားဓား၌ အလွန်ထက်မြက်ကာ သန့်စင်လွန်းသော ဓားစိတ်ဆန္ဒ၊ မည်သည့်အရာကမျှ မယှဉ်နိုင်၊ မဖျက်ဆီးနိုင်သော ဓားစိတ်ဆန္ဒ ဖြစ်ပြီး တစ်ချက်တည်းသော ဓားချက်ဖြင့် အရာအားလုံးကို ပိုင်းဖြတ်နိုင်သည့် အငွေ့အသက်မျိုး ရှိနေ၏။

ထိုသို့သော ဓားစိတ်ဆန္ဒနှင့် ရင်ဆိုင်ရသောအခါ လုရီပင်လျှင် ဦးရေပြားထုံကျဉ်သွားပြီး ကျောရိုးထဲမှ စိမ့်ကနဲ ဖြစ်သွားသည်အထိ ခံစားလိုက်ရသည်။

“သူက ဓားတာအိုပညာရှင်ပဲ။ လွန်ခဲ့တဲ့ နှစ်ထောင်ပေါင်းများစွာကတည်းက ပျောက်ကွယ်သွားခဲ့တာ။ သူ အသက်ရှင်နေသေးလိမ့်မယ်လို့ ငါမထင်ခဲ့ဘူး။” ဘိုးဘေးလုံယင်က လေးနက်သော အမူအရာဖြင့် ဆို၏။

“သူက တစ်ချိန်က အင်မော်တယ်တစ်ပါးကို ဓားတစ်ချက်တည်းနဲ့ ခုတ်ချခဲ့တဲ့ ဓားတာအိုပညာရှင်လား။” လုရီသည် မှင်သက်သွားပြီး အနည်းငယ် အံ့အားသင့်စွာ မေးလိုက်သည်။

“အင်း၊သူပဲပေါ့။”

အင်မော်တယ်ဓားဂိုဏ်း၏ သခင်ကြီးသည်လည်း မျက်နှာထားတင်းမာစွာဖြင့် ခေါင်းညိတ်ပြ၏။

ဘိုးဘေးလုံယင်က ဆက်ပြောသည်။

“ဒီဓားတာအိုပညာရှင် ဘယ်ကလာတယ်ဆိုတာတော့ ငါမသိဘူး။ ဒါပေမဲ့ သူ့ရဲ့စွမ်းအားက အရမ်းကြီးမြတ်တယ်။ သူက အသန့်စင်ဆုံး ဓားတာအိုကို ကျင့်ကြံပြီး သူ့ရဲ့ဓားသိုင်းပညာက

မယုံနိုင်လောက်အောင် ဖိအားပေးနိုင်စွမ်းရှိတယ်။”

ထိုစကားကိုကြားသော် လုရီသည် မျက်ခုံးပင့်လိုက်ပြီး ဓားတာအိုပညာရှင်ကို ကြည့်ကာ ဆို၏။

“သူက ဓားတာအိုနိယာမကို ကျွမ်းကျင်ပိုင်နိုင်နေပြီ။ အရမ်းကို မြင့်မားတဲ့ အဆင့်အထိ ကျွမ်းကျင်နေတာပဲ။”

လုရီသည်လည်း ဓားတာအိုနိယာမကို ကျွမ်းကျင်သူဖြစ်ရာ သဘာဝအတိုင်း နက်ရှိုင်းသော အာရုံခံစားမှု ရှိနေသည်။

ဓားတာအိုပညာရှင်ကို ကြည့်ရင်း ဘိုးဘေး

လုံယင်က ထပ်ပြောသည်။

“ဟုတ်တယ်၊ သူက သိပ်ကို အားကောင်းတယ်။ ပြီးတော့ သိပ်ကို လျှို့ဝှက်ဆန်းကြယ်တယ်။”

အင်မော်တယ်ဓားဂိုဏ်း၏ သခင်ကြီးသည်လည်း အသာအယာ ခေါင်းညိတ်လိုက်၏။

သူတို့သုံးဦး စကားပြောနေကြစဉ်မှာပင် ဝမ်ကျန်းယွမ်နှင့် ဓားတာအိုပညာရှင်တို့သည် ဝံပုလွေနက်ကြီးနှင့် အကြိတ်အနယ် တိုက်ခိုက်နေကြပြီ ဖြစ်သည်။

အားလုံးသည် အင်မော်တယ်အဆင့်များဖြစ်ကြရာ လူနှစ်ဦးနှင့် ဝံပုလွေတစ်ကောင်၏ စွမ်းအားမှာ အံ့မခန်းပင်။

ဝမ်ကျန်းယွမ်နှင့် ဓားတာအိုပညာရှင်တို့၏ ဓားချက်များကို ဝံပုလွေနက်ကြီးက ခုန်ပျံရှောင်တိမ်းသွား၏။

ဝံပုလွေနက်ကြီး၏ ကိုယ်၌ အေးစက်ပြီး ကြောက်မက်ဖွယ်ကောင်းသော မီးတောက်နက်များ အရူးမမူး လိပ်တက်လာလေသည်။ ထိုမီးတောက်များသည် ကျင့်ကြံသူတစ်ဦး၏ နတ်ဘုရားဝိညာဉ်ကို လောင်ကျွမ်းစေနိုင်ပြီး အလွန်တရာ ကြောက်မက်ဖွယ်ကောင်းလှ၏။ ဝမ်ကျန်းယွမ်နှင့် ဓားတာအိုပညာရှင်တို့ပင်လျှင် အလွန်သတိထားနေရပြီး တိုက်ရိုက်ရင်ဆိုင်ရန်

မဝံ့ကြပေ။

အလွန် ဝေးကွာသောနေရာမှ လုရီပင်လျှင် သူ၏ နားထဲတွင် ဆန်းကြယ်ပြီး ပြင်းထန်သော တီးတိုးသံများကို ခံစားနေရ၏။ ထိုမီးတောက်နက်များ အနီးကပ်မည်မျှ ကြောက်မက်ဖွယ်ကောင်းမည်ကို စိတ်ကူးကြည့်ရန်ပင် ထိတ်လန့်စရာကောင်းလှသည်။

တိုက်ပွဲ၏ နောက်ဆက်တွဲ ဖိအာသည် အလွန်တရာ အားပြင်းလှ၏။ ဝိညာဉ်စွမ်းအင် လှိုင်းဂယက်များသည် စက်ဝိုင်းများအသွင်ဖြင့် ကီလိုမီတာ သိန်းပေါင်းများစွာ၊ သန်းပေါင်းများစွာအထိ ပျံ့နှံ့ထွက်သွားပြီး စွမ်းအင်မုန်တိုင်းများက အဆုံးမဲ့သော ဟင်းလင်းပြင်အစစ်အမှန်ထဲတွင် ပဲ့တင်ထပ်နေတော့သည်။

အဝေးရှိ ကျောက်စိမ်းအာကာသယာဉ်ပင်လျှင် ထိုစွမ်းအင်မုန်တိုင်း၏ ကြောက်မက်ဖွယ်ရာကို ခံစားနေရပြီး လုရီသည် အနည်းငယ် တုန်ခါသွားသည်ကို ခံစားမိ၏။

၎င်းသည် အင်မော်တယ် လက်နက် တစ်ခု ဖြစ်ပြီး ဤမျှလောက် အကွာအဝေးမှပင် တစ်စုံတစ်ခုကို ခံစားမိသည်ကို ထောက်ရှုခြင်းအားဖြင့် ဤနောက်ဆက်တွဲ တုန်ခါမှုများသည် မည်မျှ ကြောက်မက်ဖွယ် ကောင်းသည်ကို မှန်းဆနိုင်၏။

ဤအင်မော်တယ်အဆင့် စွမ်းအားရှင်များ၏ အလျင်သည် မယုံနိုင်လောက်အောင် မြန်ဆန်လှသည်။ ဤအချိန်တွင် ဝမ်ကျန်းယွမ်၊ ဓားတာအိုပညာရှင်နှင့် ဝံပုလွေနက်ကြီးတို့ ဒဏ်ရာများဖြင့် ပြည့်နှက်နေသော်လည်း သူတို့၏ အမြန်နှုန်းက လုရီအတွက် လိုက်၍ ကြည့်ရန်ပင် အနည်းငယ် ခက်ခဲနေဆဲ ဖြစ်၏။

လုရီပင် ဤသို့ခံစားရလျှင် ဟင်းလင်းပြင်ဥမင်အဆင့်အောက် ကျင့်ကြံသူများအဖို့ သူတို့၏ လှုပ်ရှားမှုများကို ခွဲခြားသိမြင်နိုင်ဖွယ်မရှိပေ။

ဤသည်ပင် အင်မော်တယ်တစ်ပါး၏ စွမ်းအားတည်း။ ဓားတစ်ချက်သည် ကြယ်များကို ဖျက်ဆီးနိုင်ပြီး ကပ်ဘေးဖြတ်ကျော် ကျင့်ကြံသူများပင် မခွဲခြားနိုင်သော အမြန်နှုန်းမျိုးရှိ၏။

ဟိန်းဟောက်သံများက နားထဲတွင် မရပ်မနား ပဲ့တင်ထပ်နေပြီး အင်မော်တယ်ဖြစ်တည်မှုသုံးခု၏ တိုက်ပွဲသည် ပြင်းထန်လှတော့သည်။

ဘိုးဘေးလုံယင်နှင့် အင်မော်တယ်ဓားဂိုဏ်း၏ သခင်ကြီးတို့သည် လူနှစ်ဦးနှင့် သားရဲတစ်ကောင်တို့၏ တိုက်ပွဲကို အာရုံစူးစိုက်ကြည့်ရှုရင်း လုံးဝ လွှမ်းမိုးခံနေရ၏။

လုရီကမူ မျက်ခုံးအနည်းငယ် တွန့်ချိုးလိုက်ပြီး ဆို၏။

“ဒီအတိုင်းသာဆိုရင် ဒီကျိုယိုအင်မော်တယ်သားရဲကို သတ်ဖို့ ဘယ်လောက်ကြာမလဲမသိဘူး။ ကျွန်တော် တစ်လက်ဝင်ကူမှ ဖြစ်တော့မယ်။”

ထိုစကားကိုကြားသော် ဘိုးဘေးလုံယင်သည် ထိတ်လန့်တကြားဖြစ်သွားပြီးနောက် လုရီအား ထိတ်လန့်နေသော မျက်နှာဖြင့် ကြည့်ကာ ဆို၏။

“…လုရီ၊ မင်းဘာတွေစဉ်းစားနေတာလဲ။ မလုပ်ခင် သေသေချာချာ စဉ်းစားဦး။ အဲဒါ အင်မော်တယ်အဆင့် ဖြစ်တည်မှု တစ်ခုနော်။”

အင်မော်တယ်ဓားဂိုဏ်း၏ သခင်ကြီးပင်လျှင် တုန်လှုပ်သွားပြီး လုရီအား သတိပေး၏။

“မိတ်ဆွေလေးလုရီ၊ မင်းရဲ့စွမ်းအားက သိပ်ကိုကြီးမားပေမဲ့ ဒီလိုဖြစ်တည်မှုတွေရဲ့ တိုက်ပွဲထဲကို ဝင်မပါတာ အကောင်းဆုံးပဲ။”

ဘိုးဘေးလုံယင်၏ ထိတ်လန့်နေသော အမူအရာကိုမြင်သော် လုရီ၏ နှုတ်ခမ်းများ တွန့်ကွေးသွားပြီး သူက ဆို၏။

“ကျောက်စိမ်းအာကာသယာဉ်ပေါ်မှာ တိုက်ခိုက်ရေးအခင်းအကျင်းတစ်ခုရှိတာ ကျွန်တော်သတိရတယ်။ အဲဒါကို စမ်းကြည့်ဖို့ ကျွန်တော်စီစဉ်ထားတာပါ။”

ထိုစကားကိုကြားမှ ဘိုးဘေးလုံယင်နှင့် အင်မော်တယ်ဓားဂိုဏ်း၏ သခင်ကြီးတို့ သက်ပြင်းချနိုင်တော့သည်။

ထို့နောက် လုရီသည် လုပ်ငန်းစဉ်ပြားမှ ရရှိထားသော အချက်အလက်များအတိုင်း အခင်းအကျင်း၏ ဗဟိုချက်ကို ရှာဖွေလိုက်၏။

အခင်းအကျင်းတာအိုပညာရှင်တစ်ဦးအနေဖြင့် အစစ်အမှန်အင်မော်တယ်အဆင့် အခင်းအကျင်းတာအို၏ အသေးစိတ်ကို ခံစားမိသည့်တိုင် လုရီသည် အခင်းအကျင်းပုံစံအားလုံးကို နားမလည်နိုင်သေးပေ။ ၎င်းသည် အင်မော်တယ်အဆင့် မဟာအခင်းအကျင်းတစ်ခုဖြစ်ရမည်မှာ ထင်ရှား၏။

သို့သော် လုရီသည် အခင်းအကျင်းပုံစံများ၏ တိကျသော ဖွဲ့စည်းပုံကို နားလည်ရန်မလိုဘဲ ဝိညာဉ်စွမ်းအင်ကို ထိုးသွင်းပြီး အလုပ်လုပ်စေရန်သာ လိုအပ်သည်။

“ဒါက အင်မော်တယ်အခင်းအကျင်းပဲ။” အင်မော်တယ်ဓားဂိုဏ်း၏ သခင်ကြီးက ကြွေးကြော်လိုက်သည်။

ဘိုးဘေးလုံယင်ကမူ ထပ်ခါထပ်ခါ အံ့ဩတကြီး ရေရွတ်နေ၏။

“အင်မော်တယ်လက်နက်တစ်ခုနဲ့ တကယ်ကို ထိုက်တန်ပါပေတယ်။ ဒီအခင်းအကျင်းက သိပ်ကို လက်ရာမြောက်လွန်းလှတယ်။”

လုရီသည် မှင်သက်သွားပြီး ဘိုးဘေးလုံယင်ကို အံ့ဩစွာ ကြည့်လိုက်သည်။

’ စီနီယာ ဒီမဟာအခင်းအကျင်းကို နားလည်ပါသလား။’

ဘိုးဘေးလုံယင်က လုရီကို စကားမပြောနိုင်တော့သည့်အလား ကြည့်လိုက်သည်။

“ငါက ဘယ်လိုလုပ် နားလည်နိုင်မှာလဲကွ။ ဒီမဟာအခင်းအကျင်းရဲ့ တာအိုပုံစံတွေက ကောင်းကင်နဂါးမြင့်မြတ်နယ်မြေရဲ့ ဂိုဏ်းအကာအကွယ်အခင်းအကျင်းထဲက ပုံစံတွေထက် မညံ့ဘူးလို့ ထင်ရုံပဲ။ နှိုင်းယှဉ်ကြည့်လိုက်ရင် သိနိုင်တာပဲ မဟုတ်လား။”

လုရီ: “…”

ထိုစကားက အလွန်ကျိုးကြောင်းဆီလျော်လှသဖြင့် သူ ခေတ္တမျှ စကားမဲ့သွားရ၏။

“ မိတ်ဆွေလေး လုရီ..၊ ဒီမဟာအခင်းအကျင်းကို အသက်သွင်းဖို့ အလွန်အားကောင်းတဲ့ ဝိညာဉ်စွမ်းအား လိုအပ်မှာ သေချာတယ် မဟုတ်လား။ မင်းမှာ ဝိညာဉ်စွမ်းအား လုံလောက်ရဲ့လား။” အင်မော်တယ်ဓားဂိုဏ်း၏ သခင်ကြီးက အဓိကကျသော ပြဿနာကို ထောက်ပြလိုက်သည်။

လုရီက ပြုံးလိုက်သည်။ “ဟုတ်ကဲ့၊ကျွန်တော့်မှာ ဝိညာဉ်ကျောက်စိမ်းနည်းနည်းပါးပါး ရှိပါတယ်။”

စကားဆုံးသော် လုရီသည် နှစ်တစ်သောင်းသက်တမ်းရှိ ဝိညာဉ်ကျောက်စိမ်းပုံကြီးတစ်ပုံကို ထုတ်ယူလိုက်၏။ ထိုကျောက်စိမ်းတို့သည် တောင်ငယ်တစ်လုံးပမာ စုပုံနေပြီး နေရာတစ်ခုလုံးကို ကြွယ်ဝသော ဝိညာဉ်စွမ်းအင်များဖြင့် ဖြည့်တင်းကာ လေထုကိုပင် ချိုမြိန်စေတော့သည်။

သူ၏စွမ်းအားသည် အစစ်အမှန်အင်မော်တယ်များကို ခြိမ်းခြောက်ရန် မလုံလောက်သော်လည်း သူ၏ဝိညာဉ်ကျောက်စိမ်းများကတော့ လုံလောက်သည်ထက် ပိုနေ၏။

ဤမြင်ကွင်းကြောင့် ဘိုးဘေးလုံယင်၏ မျက်လုံးများ ပြူးကျယ်ထွက်မတတ် ဖြစ်သွားသည်။ “ဒီလောက်များတဲ့ ဝိညာဉ်ကျောက်စိမ်းတွေလား။ ကောင်လေး၊ မင်း... မင်း အင်မော်တယ်ဂိုဏ်းရဲ့ မြင့်မြတ်နယ်မြေတစ်ခုကိုများ ဓားပြတိုက်လာတာလား။”

လုရီက ခုခံကာကွယ်လိုက်သည်။ “အကြီးအကဲ၊ ကျွန်တော့်ကို အဲဒီလို ဘယ်လိုပြောနိုင်ရတာလဲ။ ကျွန်တော်က အဲဒီလိုလူစားမျိုးလား။ ဒါတွေကို ရှေးဟောင်းနေရာတစ်ခုမှာ ကံကောင်းထောက်မစွာနဲ့ ရှာတွေ့ခဲ့တာပါ။”

ဘိုးဘေးလုံယင်၏ နှုတ်ခမ်းထောင့်များ တွန့်ကွေးသွားသည်။ “ဒီလောက်များတဲ့ နှစ်တစ်သောင်းသက်တမ်းရှိ ဝိညာဉ်ကျောက်စိမ်းတွေရှိတဲ့ ရှေးဟောင်းနေရာတဲ့လား။ ဒါ ဘယ်လိုကံတရားမျိုးလဲကွ။”

အင်မော်တယ်ဓားဂိုဏ်း၏ သခင်ကြီးပင်လျှင် အံ့ဩနေ၏။ “မိတ်ဆွေလေး လုရီရဲ့ ကံဇာတာက တကယ်ကို အံ့ဩစရာပါပဲ။”

လုရီက ကျိုးနွံစွာ ပြုံးလိုက်သည်။ “တကယ်တော့ သိပ်ပြီး မကြီးကျယ်လှပါဘူး။”

ဤဝိညာဉ်ကျောက်စိမ်းများဖြင့် အခင်းအကျင်းကို အသက်သွင်းရန်မှာ သဘာဝအတိုင်း ပြဿနာတစ်စုံတစ်ရာ ရှိမည်မဟုတ်ပေ။

အခင်းအကျင်း အသက်ဝင်သွားသည်။အခင်းအကျင်းပုံစံများက မခန့်မှန်းနိုင်အောင် လင်းလက်တောက်ပလာသည်။

ဝိညာဉ်ကျောက်စိမ်းအားလုံး ချက်ချင်းဆိုသလို ကြေမွသွား၏။

ကြောက်မက်ဖွယ် ဝိညာဉ်စွမ်းအင်များအဖြစ် ပြောင်းလဲကာ အခင်းအကျင်းမှ စုပ်ယူလိုက်သည်။ ကျောက်စိမ်းအာကာသယာဉ်၏ အပြင်ဘက်တွင် နက်နဲဆန်းကြယ်သော အခင်းအကျင်းမြေပုံများ ပေါ်ထွက်လာတော့၏။

အခင်းအကျင်းမြေပုံသည် မည်သည့်ဘက်သို့

မဆို ရွေ့လျားနိုင်ပြီး အခင်းအကျင်း ပညာရှင်

တစ်ဦးအနေဖြင့် လုရီသည် ၎င်းကို လွယ်ကူစွာ ကိုင်တွယ်နိုင်၏။

သူသည် အခင်းအကျင်းမြေပုံကို အင်မော်တယ်သုံးဦး တိုက်ခိုက်နေသော နေရာဘက်သို့ လျင်မြန်စွာ ရွှေ့လိုက်သည်။

အခင်းအကျင်းမြေပုံ၏ အပေါ်တွင် ထူထပ်ပြီး ကြောက်မက်ဖွယ်ကောင်းသော ဝိညာဉ်စွမ်းအင်များ စုစည်းလာသည်။

ဖြည်းညင်းစွာ အဖြူရောင်အလင်းလုံးတစ်ခုအဖြစ် ပုံပေါ်လာ၏။

ထိုအလင်းဘောလုံးသည် ဧရာမနေလုံးကြီးတစ်လုံးကဲ့သို့ ဝင်းထိန်တောက်ပနေပြီး ကြောက်မက်ဖွယ် ကောင်းသော ဝိညာဉ်စွမ်းအင်အကြွင်းအကျန်များကို ထုတ်လွှတ်နေသည်။

အဝေးတွင် တိုက်ခိုက်နေကြသော ဝမ်ကျန်းယွမ်နှင့် ဓားတာအိုပညာရှင်တို့ပင်လျှင် ၎င်းကို ခံစားမိကြသည်။

နှစ်ဦးလုံးသည် ထိုလှိုင်းဂယက်များလာရာဘက်သို့ အံ့အားသင့်စွာ လှမ်းကြည့်လိုက်ကြသည်။

ဝံပုလွေနက်ကြီးသည် အမွေးအမှင်များ ထောင်ထလာသည်။ ဒေါသတကြီး ဟိန်းဟောက်ကာ အဝေးမှ ကျောက်စိမ်းအာကာသယာဉ်ကို အေးစက်စွာ စိုက်ကြည့်နေ၏။

သူ့အား ဝင်တိုက်ခဲ့သော ဤ "သတ္တုတုံးကြီး" ကြောင့်သာ သူ လိုက်လံဖမ်းဆီးခြင်းခံခဲ့ရသည်ကို မမေ့သေးပေ။

ဘုန်း!!!

ဝိညာဉ်စွမ်းအင် ပေါက်ကွဲထွက်သွားသည်။

မီတာရာပေါင်းများစွာ အချင်းရှိသော အဖြူရောင်အလင်းလုံးကြီး ထွက်ပေါ်လာ၏။

အဖြူရောင်အလင်းတန်းတစ်ခုအဖြစ် ပြောင်းလဲကာ ဝံပုလွေနက်ကြီးထံသို့ ချက်ချင်းဆိုသလို တဟုန်ထိုး ပျံသန်းသွားတော့သည်။

ဝံပုလွေနက်ကြီး ဟိန်းဟောက်လိုက်သည်။

၎င်း၏ ကိုယ်သည် အရိပ်ကြွင်း တစ်ခုအဖြစ် ပြောင်းလဲကာ ထိုနေရာမှ ပျောက်ကွယ်သွားသည်။

တိုက်ခိုက်မှုကို ရှောင်တိမ်းလိုက်၏။

သို့သော် အဖြူရောင် အလင်းလုံးသည် ဝံပုလွေနက်ကြီး၏ အရှိန်အဝါကို ချိတ်ပိတ်ထားသည်။

ချက်ချင်းပင် လှည့်၍ လိုက်လံဖမ်းဆီးတော့သည်။

ဝံပုလွေနက်ကြီး ဟိန်းဟောက်သည်။

၎င်း၏လက်သည်းများကို လွှဲယမ်းပြီး ဧရာမလက်သည်းနက်ကြီးတစ်ခုကို ဖန်တီးကာ တိုက်ရိုက်ရင်ဆိုင်လိုက်၏။

ဘုန်း။

ဧရာမလက်သည်းကြီးနှင့် အလင်းလုံးတို့ တိုက်မိကာ ပေါက်ကွဲသွား၏။ ထိုတုန်ခါမှုသည် ကြယ်တစ်လုံး ပေါက်ကွဲသွားသကဲ့သို့ ပျံ့နှံ့သွားလေသည်။

ဝမ်ကျန်းယွမ်နှင့် ဓားတာအိုပညာရှင်တို့သည် ဤအခွင့်အရေးကို လက်လွတ်မခံကြပေ။

သူတို့၏ ဓားအလင်းတန်းများသည် ကောင်းကင်ယံကို ဖြတ်သန်းသွားသည်။

ဝံပုလွေနက်ကြီးထံသို့ ပိုင်းဖြတ်ဝင်ရောက်သွားကြသည်။ ဝံပုလွေနက်ကြီး၏ ကိုယ်မှ မီးခိုးနက်များ လည်ပတ်ထွက်ပေါ်လာသည်။ ဒိုင်းတစ်ခု ဖြစ်ပေါ်လာ၏။ ၎င်းက ဓားတစ်ချက်ကို ကာဆီးနိုင်ခဲ့သည်။

သို့သော် နောက်တစ်ချက်က ဝံပုလွေနက်ကြီး၏ ခါးကို ထိမှန်သွား၏။ ၎င်း၏ခါးတွင် ကြီးမားသော ခုတ်ရာကြီးတစ်ခု ပေါ်လာသည်။

သွေးများ ပန်းထွက်ကာ အတွင်းကလီစာများပင် ထင်ရှားစွာ မြင်နေရတော့သည်။

ထို့နောက်တွင် ဝံပုလွေနက်ကြီး၏ အရှိန်အဝါသည် သိသိသာသာ အားနည်းသွား၏။ ဓားခုတ်ပိုင်းခံရသဖြင့် မူလကတည်းက ပြင်းထန်စွာ ဒဏ်ရာရနေသော ဝံပုလွေနက်ကြီး၏ ခန္ဓာကိုယ်သည် ပိုမို ပြင်းထန်စွာ ဒဏ်ရာရသွားတော့သည်။

ဝမ်ကျန်းယွမ်နှင့် ဓားတာအိုပညာရှင်တို့သည် ထိုအခိုက်အတန့်ကို အခွင့်ကောင်းယူသည်။

သူတို့၏တိုက်ခိုက်မှုကို ဆက်လက်ဖိအားပေးပြီး ပြင်းထန်စွာ တိုက်ခိုက်ကြသည်။

ဝံပုလွေနက်ကြီးသည် အကြိမ်ကြိမ် နောက်ဆုတ်နေရသည်။ ဟိန်းဟောက်ရင်း ၎င်း၏ ကိုယ်ပေါ်တွင် ဓားရာများ လျင်မြန်စွာ စုပုံလာ၏။

ထိုအခိုက်အတန့်၌ ရွှေရောင်ဓားအလင်းတန်းတစ်ခု ဟင်းလင်းပြင်ကို လှစ်ခနဲ ဖြတ်သန်း၍ လာသည်။

ဓားသွားက ဝံပုလွေနက်ကြီး၏ လည်ပင်းကို ထိမှန်သွား၏။ ၎င်း၏ ဦးခေါင်းသည် ကိုယ်နှင့်တစ်ခြားစီ လွင့်စဉ်သွားတော့သည်။

ဦးခေါင်းနှင့်ကိုယ် သီးခြားဖြစ်သွားသော်ငြားလည်း အင်မော်တယ်သားရဲ၏ သက်စောင့်စွမ်းအားက ၎င်းကို အသက်ရှင်လျက် ဟိန်းဟောက်နေစေဆဲဖြစ်ပြီး ၎င်း၏ကိုယ်နှင့်ဦးခေါင်းနှစ်ခုလုံးသည် လွတ်မြောက်ရန် ကြိုးစားကာ အလင်းတန်းများအဖြစ်သို့ ပြောင်းလဲပြီး နောက်ဆုတ်ရန် ကြိုးပမ်းနေကြသည်။

သို့သော် ဤမျှ ပြင်းထန်သော ဒဏ်ရာများဖြင့် ဝံပုလွေနက်ကြီးမှာ မည်သို့ လွတ်မြောက်နိုင်မည်နည်း။

ခဏအကြာမှာပင် ဝံပုလွေနက်ကြီးသည် မြောက်များစွာသော ဓားအလင်းတန်းများ၏ တိုက်ခိုက်ခြင်းကို ခံလိုက်ရသည်။ ၎င်း၏ ခန္ဓာကိုယ်သည် သက်စောင့်စွမ်းအင် လုံးဝ ကင်းမဲ့သွား၏။

သွေးမြူငွေ့များအဖြစ်သို့ ပြောင်းလဲသွားကာ

ဝံပုလွေနက်ကြီး၏ နတ်ဘုရား ဝိညာဉ်ပင်လျှင် ချေမွဖျက်ဆီးခံလိုက်ရတော့၏။

အခန်း ၅၃၇- စစ်နိုင်ပစ္စည်းများ စာရင်းကောက်ခြင်း...

~ အနက်ရောင် ဝံပုလွေကြီး သေဆုံးသွားသည်နှင့် ဝမ်ကျန်းယွမ်နှင့် ဓားတာအိုပညာရှင်တို့နှစ်ဦးလုံး၏ မျက်နှာများမှာ ပေါ့ပါးသွားပြီး အဝေးမှ ကျောက်စိမ်း အာကာသယာဉ် ရှိရာသို့ လှမ်းကြည့်လိုက်ကြသည်။ မကြာမီမှာပင်၊ သူတို့နှစ်ဦးသည် ကျောက်စိမ်းအာကာသ ယာဉ်ရှေ့သို့ ရောက်ရှိလာကြသည်။

ဝမ်ကျန်းယွမ်က လက်များအား ဆုပ်၍ ပြောကြားလိုက်သည်။

"ကူညီပေးတဲ့အတွက် ကျေးဇူးတင်ပါတယ် ၊

တာအိုမိတ်ဆွေ။ မဟုတ်ရင်တော့ ဒီသားရဲကြီးကို လွတ်သွားစေမိတော့မှာပဲ။"

ဓားတာအိုပညာရှင်ကလည်း ကျေးဇူးတင်စကားဆိုလေသည်။

"ကျေးဇူးတင်ပါတယ် တာအိုမိတ်ဆွေ။"

ထိုအချိန်မှာပင်၊ ကျောက်စိမ်းကြယ်တာရာယာဉ်ထဲမှ ပုံရိပ်သုံးခု ပျံသန်းထွက်လာသည်။

ထိုမြင်ကွင်းကြောင့် ဝမ်ကျန်းယွမ်နှင့် ဓားတာအိုပညာရှင်တို့ နှစ်ဦးလုံး အံ့အားသင့်သွားကြသည်။

"မိတ်ဆွေလေးလုရီ?" ဝမ်ကျန်းယွမ်က

အံ့ဩတကြီး ဆိုလိုက်သည်။

"မင်းက ဘယ်လိုလုပ် ဒီပျံသန်းနိုင်တဲ့

အင်မော်တယ်လက်နက်ထဲ ရောက်နေရတာလဲ။"

လုရီက ပြုံးလိုက်သည်။

"စီနီယာဝမ်ကျန်းယွမ်၊ မတွေ့ရတာ ကြာပြီနော်၊

ဒီပျံသန်းရေး ရတနာက ကျွန်တော့်ဟာပါ။"

"မင်းဟာ..."

ဝမ်ကျန်းယွမ်၏ မျက်နှာမှာ ထူးဆန်းသောအရိပ်အယောင်များ ဖြတ်ပြေးသွားသည်။ ထို့နောက် လုရီ၏နောက်ခံကို ပြန်သတိရသွားပြီး ခေါင်းကို ဖြည်းညင်းစွာ ညိတ်လိုက်သည်။

"သြော်... ဒါဆိုရင်တော့ မဆန်းတော့ပါဘူး။"

ထိုစဉ် လုရီက မေးလိုက်သည်။

"စီနီယာ၊ ဟိုတားမြစ်နယ်မြေထဲက အခု အခြေအနေ ဘယ်လို ရှိပါသလဲ။"

ထိုစကားကိုကြားသောအခါ ဝမ်ကျန်းယွမ်နှင့် ဓားတာအိုပညာရှင်တို့နှစ်ဦးလုံး၏ မျက်နှာများမှာ နက်နဲသော အဓိပ္ပာယ်များ ပြည့်နှက်သွားသည်။

ဝမ်ကျန်းယွမ်က ဆိုသည်။

"ဒီကိစ္စက မင်းနားလည်နိုင်တဲ့အရာ မဟုတ်သေးဘူး။ မင်းအဆင့်တက်ပြီးမှပဲ ဆက်ပြောကြတာပေါ့။"

လုရီက ဓားတာအိုပညာရှင်ကို ကြည့်လိုက်ရာ သူက ပြုံးရုံသာပြုံးပြီး ဘာမှထပ်မပြောပေ။

ထိုအခြေအနေကို မြင်သောအခါ၊ တားမြစ်နယ်မြေအတွင်းမှ အခြေအနေမှာ လက်ရှိတွင် သူနားလည်နိုင်စွမ်း မရှိသေးသည့် ကိစ္စတစ်ခုဖြစ်ကြောင်း လုရီ သဘောပေါက်လိုက်သည်။

သို့သော်၊ လုရီမှာ အလွန်အမင်း ကျေနပ်နေဆဲပင်။ အကြောင်းမှာ ဤအဖြစ်အပျက်မှ သူရရှိလိုက်သော အကျိုးအမြတ်များမှာ အလွန်အမင်း ကြီးမားလှသောကြောင့် ဖြစ်သည်။

"တခြားကိစ္စမရှိတော့ရင် မင်းတို့အရင်သွားနှင့်လို့ရပြီ။" ဝမ်ကျန်းယွမ်က ပြောလိုက်သည်။

လုရီနှင့် ကျန်နှစ်ဦးမှာ တစ်ယောက်မျက်နှာ

တစ်ယောက် ကြည့်ကာ ဘာမှ ကန့်ကွက်ခြင်း မရှိဘဲ ဝမ်ကျန်းယွမ်နှင့် ဓားတာအိုပညာရှင်တို့ကို နှုတ်ဆက်လိုက်ကြသည်။ သူတို့သုံးဦး ကျောက်စိမ်း အာကာသယာဉ်ထဲသို့ ဝင်ရောက်ကာ လေဟာနယ်မှ ထွက်ခွာသွားကြတော့သည်။

လုရီက ပထမဦးစွာ နတ်ဓားဂိုဏ်းမှ သခင်ကြီးနှင့် ဘိုးဘေး လုံယင်တို့ကို သူတို့၏ သက်ဆိုင်ရာ အင်မော်တယ်ဂိုဏ်း မြင့်မြတ်နယ်မြေများသို့ ပြန်ပို့ပေးလိုက်သည်။ နှစ်ဦးစလုံးက လုရီကို သူတို့ဂိုဏ်းသို့ အလည်လာရန် ဖိတ်ခေါ်ခဲ့သော်လည်း သူ၏ အကျိုးအမြတ်များကို စာရင်းကောက်ရန် စိတ်အားထက်သန်နေသဖြင့် ယဉ်ကျေးစွာ ငြင်းပယ်ခဲ့သည်။

ထို့နောက်၊ လုရီက ကျောက်စိမ်းအာကာသယာဉ်ကို စီးနင်းကာ ချင်းကျိုးသို့ ပြန်လာခဲ့သည်။

ချင်းကျိုးသို့ ပြန်ရောက်သောအခါ၊ လုရီက ပတ်ဝန်းကျင်ကို တစ်ပတ် လှည့်လည်ကြည့်ရှုလိုက်သည်။ လျိုနင်ရွှမ်း၊ သုန်းကုန်းမင်ယွဲ့၊

ကျန်းရူယွီနှင့် ယွင်ရှီးတို့မှာ အလွန်အမင်း အားကောင်းကြသည့်အတွက် ချင်းကျိုးမှ သားရဲများ၏ ရန်စွယ်ကို တစ်ရက်တာ အချိန်တိုအတွင်းမှာပင် အများစုကို ဖြေရှင်းပြီး

ဖြစ်နေသည်။

ချင်းကျိုးမှ ရှေးဟောင်းမြို့တော်များစွာ ပျက်စီးခဲ့ပြီး ဂိုဏ်းဂဏများနှင့် မျိုးနွယ်စုများစွာ အကြီးအကျယ် ဆုံးရှုံးခဲ့ရသော်လည်း၊ ရန်စွယ်အဆုံးသတ်သွားခြင်းက ဆုံးရှုံးမှုများမှာ မျှော်လင့်ထားသည်ထက် များစွာနည်းပါးသွားကြောင်း ပြသနေသည်။

ချင်းကျိုးငြိမ်းချမ်းသွားသည်ကို သေချာအောင်လုပ်ပြီးနောက်၊ လုရီက တိမ်ဖြူဂိုဏ်းသို့ ပြန်လာခဲ့သည်။

လင်းလောင်တောင်ထိပ်အပေါ်တွင် ကျောက်စိမ်းအာကာသယာဉ်က မည်သူမျှ မသိလိုက်ဘဲ ရုတ်တရက် ပေါ်ထွက်လာသည်။

လုရီက ကျောက်စိမ်းအာကာသယာဉ်ပေါ်မှ ဆင်းသက်လိုက်ပြီး အနည်းငယ်ချိုင့်ဝင်နေသော ယာဉ်ဦးပိုင်းကို ကြည့်ကာ ရင်ထဲမှာ နာကျင်မှုကို ခံစားလိုက်ရသည်။ အစောပိုင်းက ကျိုယို အင်မော်တယ်သားရဲနှင့် ဝင်တိုက်မိမှုက ကျောက်စိမ်းအာကာသယာဉ်ကို ပျက်စီးစေခဲ့သည်လေ။

ဒါက အင်မော်တယ်လက်နက်တစ်ခုဖြစ်သည့်အတွက် ပြုပြင်ရန်မှာ အတော်လေး ဒုက္ခများမည်ဖြစ်သည်။

ကံကောင်းစွာဖြင့်၊ သူ၏အစောပိုင်းအလုပ်တာဝန်များထဲတွင် အင်မော်တယ်အဆင့် လက်နက်သန့်စင်ခြင်းနည်းစနစ်တစ်ခု ပါဝင်နေလေပြီး၊ အင်မော်တယ်အဆင့် ကောင်းကင်နှင့်မြေကြီးရတနာအချို့လည်း ပါဝင်သည်။ သူလက်နက်သန့်စင်ခြင်းပညာကို အပြည့်အဝကျွမ်းကျင်သွားသောအခါ၊ ကျောက်စိမ်းအာကာသယာဉ်ကို ပြုပြင်နိုင်လိမ့်မည်ဟု ထင်ရပါသည်။

လုရီက ကျောက်စိမ်းအာကာသယာဉ်ကို သိမ်းဆည်းလိုက်ပြီး တောင်ထိပ်မှ ဝါးအိမ်လေးကို လှမ်းကြည့်လိုက်ရာ သူ၏ဆရာနှင့် အဘွားယွမ်လင်တို့ ပြန်မရောက်သေးသည်ကို သတိပြုမိလိုက်သည်။

လုရီက သူ၏စီနီယာအစ်မများနှင့် ဂျူနီယာ

ညီမလေး၊ ထို့အပြင် ကျန်းရူယွီနှင့် ယွင်ရှီးတို့၏ ဂူစံအိမ်များသို့ သွားရောက်ကြည့်ရှုခဲ့သော်လည်း သူမတို့လည်း ပြန်မရောက်ကြသေးသည်ကို တွေ့ရှိရသည်။

ချင်းကျိုးနယ်မြေတစ်ခုလုံးမှ အင်အားအကြီးဆုံး ကြမ်းကြုတ်သားရဲများကို သုတ်သင်ပြီးဖြစ်သော်လည်း၊ ပြန့်ကျဲနေသော အားနည်းသည့်သားရဲများကိုမူ အပြီးတိုင် မရှင်းလင်းရသေးသဖြင့် သူတို့လေးဦးမှာ အပြင်မှာပင် ရှိနေဦးမည်ဖြစ်သည်။

လုရီက ဤအလုပ်များတွင် ဝင်မပါတော့ဘဲ သူ၏ကိုယ်ပိုင်ဂူစံအိမ်သို့ ပြန်လာခဲ့သည်။

ကျင့်ကြံခြင်းအခန်းသို့ ဝင်ရောက်ပြီးနောက်၊

လုရီက ဤကြိုးပမ်းမှုမှ သူရရှိခဲ့သော အကျိုးအမြတ်များကို စိတ်လှုပ်ရှားစွာဖြင့် စတင်စာရင်းကောက်တော့သည်။

ထျန်းမင်နယ်မြေကြီးငါးခုလုံးမှာ မှော်သားရဲများ၏ ရန်စွယ်ကြောင့် အကြီးအကျယ် ဆုံးရှုံးခဲ့ရသော်လည်း၊ လုရီ၏အကျိုးအမြတ်များမှာလည်း အလားတူပင် အလွန်အမင်း ကြီးမားလှသည်ဟု ဆိုရမည်။

လုရီ၏ အလုပ် စာမျက်နှာမှာ ယခုအခါ ပြီးမြောက်ပြီးသော အလုပ်များဖြင့် ပြည့်နှက်နေတော့သည်။

လုရီက တစ်ခုပြီး တစ်ခု စတင် စစ်ဆေးခဲ့ပြီး ဆုလာဘ်အားလုံးကို အပြည့်အဝစာရင်းကောက်ရန် အချိန်အတော် ကြာမြင့်ခဲ့သည်။

ပါဝင်သော ကြမ်းကြုတ်သားရဲများမှာ အရေအတွက်အားဖြင့် အလွန်များပြားသည့်အတွက်၊ ပေါင်းစည်းခြင်း အဆင့်နှင့်

မဟာယာနအဆင့် စွမ်းအားရှင်အဆင့် ကြမ်းကြုတ်သားရဲများ ထောင်ချီပြီး၊ ကပ်ဘေးဖြတ်ကျော် သားရဲများ ရာချီ၊ ဟင်းလင်းပြင်

အင်မော်တယ်အဆင့် သားရဲများပင် ဒါဇင်ချီ ပါဝင်သဖြင့်၊ အလုပ် ဆုလာဘ်များမှာလည်း

ပုံမှန်ထက် လွန်ကဲနေသည်မှာ သဘာဝကျပါသည်။

ဆုလာဘ်များမှာ အဓိကအားဖြင့် တာအိုနားလည်မှုများအပြင်၊ နှစ်တစ်သောင်းသက်တမ်းရှိ ဝိညာဉ်ကျောက်စိမ်း၊ နှစ်တစ်သန်းသက်တမ်းရှိ ဝိညာဉ်ကျောက်စိမ်း၊ ကြယ်တာရာခြင်ဆီနှင့် အခြားကျင့်ကြံခြင်း အရင်းအမြစ်များ အမြောက်အမြား ပါဝင်သည်။ ထို့အပြင်၊ ဝိညာဉ်လက်နက်များစွာနှင့် အင်မော်တယ်လက်နက်အချို့လည်း ပါဝင်လေ၏။

ဤအရာများအပြင်၊ သိုင်းအဆင့်၊ အင်မော်တယ်သိုင်းအဆင့်၊ နိယာမအဆင့်တိုးတက်မှု၊ ကျင့်ကြံခြင်းနည်းစနစ်များနှင့် သိုင်းပညာများအတွက် ဆုလာဘ်များလည်း ရှိသေးသည်။

ထို့အပြင်၊ ဝိညာဉ်အစားအစာ၊ ဝိညာဉ်ဝိုင်အရက်၊ မှော်ဆေးပညာ၊ ချီကျင့်ကြံခြင်း၊ အခင်းအကျင်းနှင့် အခြားကဏ္ဍများအပါအဝင် ကျင့်ကြံခြင်းဆိုင်ရာ ကျွမ်းကျင်မှုများနှင့် ထိုးထွင်းသိမြင်မှုများစွာလည်း ပါဝင်ပါသည်။

လုရီကို စိတ်လှုပ်ရှားစေသော အရာမှာ

အင်မော်တယ်အဆင့် "ထွက်ခွာခြင်းမီး" လက်နက်သန့်စင်ခြင်း နည်းစနစ်" နှင့် "ထွက်ခွာခြင်းမီး" ဆေးလုံးသန့်စင်ခြင်းသိုင်း" တို့ ပါဝင်နေခြင်းပင်။ ဆိုလိုသည်မှာ လုရီက အင်မော်တယ်ဆေးလုံးများနှင့် အင်မော်တယ်လက်နက်များကို ဖန်တီးနိုင်တော့မည် ဖြစ်သည်။

ဟုတ်ပါသည်။ ဤအရာအတွက် အချိန်အတော်ကြာ လေ့ကျင့်မှုနှင့် အင်မော်တယ်အဆင့် ကောင်းကင်နှင့်မြေကြီးရတနာများ သိသိသာသာ သုံးစွဲရန် လိုအပ်လိမ့်မည်။

ဤအရာများအပြင်၊ ကောင်းကင်ဘုံရတနာများစွာလည်း ဆုချီးမြှင့်ခံရသေးသည်။

အင်မော်တယ်ဂိုဏ်း မြင့်မြတ်နယ်မြေတစ်ခု၏ အခြေခံအုတ်မြစ်များပင်လျှင် လုရီ ဤတစ်ကြိမ်ရရှိခဲ့သော အကျိုးအမြတ်များနှင့် ယှဉ်နိုင်မည်မဟုတ်ပေ။

သူ၏ဆုလာဘ်များ မည်မျှကြီးမားသည်ကို စိတ်ကူးကြည့်နိုင်ပါသည်။

လုရီက အဆင့်နိမ့် ဆုလာဘ်အချို့ကို အသေးစိတ် မစစ်ဆေးတော့ပေ။ သူ့ကို

စိတ်အလှုပ်ရှားဆုံး ဖြစ်စေသောအရာမှာ သတ်မှတ် အင်မော်တယ် သိုင်းအဆင့် +၁ ဆုလာဘ်ပင် ဖြစ်ပြီး၊ ၎င်းမှာ ၁၄ ကြိမ်အထိ ရရှိခဲ့သည်။ ဆိုလိုသည်မှာ လုရီက အင်မော်တယ်သိုင်းတစ်ခုကို အဆင့်တစ်မှ အထွတ်အထိပ်အဆင့် ကျော်လွန်သည်အထိ တိုက်ရိုက်မြှင့်တင်နိုင်တော့မည် ဖြစ်သည်။

ထို့အပြင်၊ သတ်မှတ်နိယာမ တိုးတက်မှုများလည်း ရရှိခဲ့သော်လည်း အရေအတွက်အားဖြင့် နည်းပါး၏။ နှစ်ကြိမ်မှာ ကျိုယို အင်မော်တယ်သားရဲကို သုတ်သင်ခြင်းအတွက် ဆုလာဘ်ဖြစ်ပြီး၊ ဟင်းလင်းပြင် အင်မော်တယ်အဆင့် ကြမ်းကြုတ်သားရဲများစွာ ရှိသော်လည်း ဆုလာဘ်တစ်ခုသာ ရရှိခဲ့သည်။ စုစုပေါင်း သုံးကြိမ်သာ ရှိသည်။

သို့တိုင်အောင်၊ ဤဆုလာဘ်မှာ အလွန်အမင်း ရက်ရောနေဆဲပင်။

ဆိုလိုသည်မှာ သူက မည်သည့်နိယာမကိုမဆို သုံးဆယ်ရာခိုင်နှုန်း မြှင့်တင်နိုင်ပြီး၊

အင်မော်တယ် မဖြစ်မီမှာပင် နိယာမ တစ်ခုကို အလွန် မြင့်မားသော အဆင့်သို့ မြှင့်တင်နိုင်တော့မည် ဖြစ်သည်။ အင်မော်တယ် ဖြစ်သွားသောအခါ သူ၏ စွမ်းအား တိုးတက်မှုမှာ မည်မျှ ပို၍ သိသာ ထင်ရှားလာမည်နည်း။

ဤအရာများအပြင်၊ အလယ်အလတ်တန်းစား အင်မော်တယ်လက်နက်—အသခ်ျေဖြစ်ရပ်ဆန်းကြယ် မြေပုံ၊ အဆင့်နိမ့် အင်မော်တယ်လက်နက်အချို့နှင့် အင်မော်တယ်အဆင့် ကောင်းကင်ဘုံရတနာအမျိုးမျိုးလည်း ရှိသေးသည်။

လုရီကို ဝမ်းသာစေသောအရာမှာ အင်မော်တယ်ရတနာ ကောင်းကင်မိုးကြိုးအဆီအနှစ်ပင်ဖြစ်ပါ၏။ ၎င်းက သုန်းကုန်းမင်ယွဲ့အား အင်မော်တယ် ကိုယ်ထည်အဖြစ် အသွင်ပြောင်းနိုင်စေမည် ဖြစ်သည်။

လုရီက ဆုလာဘ်အားလုံးကို စာရင်းကောက်ရန် နာရီပေါင်းများစွာ အချိန်ယူခဲ့ပြီး၊ ဤလက်ဆုပ် လက်ကိုင်ပြနိုင်သော ဆုလာဘ်များကို ထုတ်ယူကာ အစိမ်းရောင် လက်စွပ်ထဲတွင် သိမ်းဆည်းလိုက်သည်။

အစိမ်းရောင်လက်စွပ်မှာ အဆုံးမဲ့နေရာလပ်ပါဝင်သော အင်မော်တယ်လက်နက်တစ်ခု ဖြစ်နေခဲ့၍သာ။ မဟုတ်လျှင် လုရီတစ်ယောက် သူ၏ ပစ္စည်းအားလုံးကိုပင် ထည့်နိုင်မည် မဟုတ်ပေ။

ထို့နောက်၊ ကျင့်ကြံခြင်းဆိုင်ရာ ကျွမ်းကျင်မှုများနှင့် ကျင့်ကြံခြင်းနည်းစနစ်အမျိုးမျိုးကို

တစ်ခုပြီး တစ်ခု စုပ်ယူလိုက်သည်။

ဤအရာက လုရီကို အချိန်သုံးရက်အပြည့် ယူသွားစေခဲ့သည်။

ကျန်ရှိနေသည်မှာ တာအိုနားလည်မှု၊ နိယာမမြှင့်တင်မှုနှင့် အင်မော်တယ်သိုင်းအဆင့်တိုးမြှင့်ခြင်းအတွက် ဆုလာဘ်များသာ ဖြစ်သည်။

လုရီက ၎င်းတို့ကို စတင် စုပ်ယူတော့မည် အပြုတွင်၊ သူနှင့်ရင်းနှီးသော အရှိန်အဝါ တစ်ခု

လင်းလောင် တောင်ထိပ်ပေါ်သို့ ဆင်းသက်လာသည်ကို ခံစားမိလိုက်သည်။ လင်းလောင်တောင်ထိပ်သခင်မနှင့် အဘွား ယွမ်လင်တို့ပင်။

လုရီက မျက်လုံးဖွင့်လိုက်ပြီး ဂူစံအိမ်မှ ထွက်ခွာကာ လင်းလောင်တောင်ထိပ်သို့ သွားလိုက်သည်။

လင်းလောင်တောင်ထိပ်သို့ ရောက်သောအခါ၊ လုရီက သူ၏ဆရာနှင့် အဘွားယွမ်လင်တို့ကို တွေ့လိုက်သည်။

ဆရာ၏မျက်နှာ အရောင်မှာ အနည်းငယ်ဖျော့တော့နေသည်။ သူမ၏အရှိန်အဝါမှာ အားနည်းကာ၊ သူမ၏ အမူအရာမှာ အိပ်ချင်မူးတူးဖြစ်နေဆဲဖြစ်ပြီး ပျင်းရိနွမ်းနယ်နေသည်ကို သူသတိပြုမိလိုက်သည်။

အဘွားယွမ်လင်၏အရှိန်အဝါမှာ တည်ငြိမ်နေပြီး မည်သို့မျှ ထူးခြားမှု မပြသော်လည်း၊ အဘွားယွမ်လင်၏ဒဏ်ရာများမှာလည်း မပေါ့ပါးကြောင်း လုရီခံစားမိနိုင်သည်။

"ဆရာ၊ ပြန်ရောက်ပြီလား။" လုရီက အလျင်အမြန်ဆိုလိုက်သည်။

"ဆရာ နေကောင်းရဲ့လား။"

လင်းလောင်တောင်ထိပ်သခင်မက လုရီကိုတစ်ချက်ကြည့်ကာ သမ်းဝေလိုက်ပြီး ပြောလိုက်သည်။

"ဘာဖြစ်ရမှာလဲ။ အားလုံး ဖြေရှင်းပြီးသွားပြီ။"

ထိုစကားကို ကြားသောအခါ၊ လုရီက သက်ပြင်းချလိုက်ပြီး ရယ်မောကာ ပြောလိုက်သည်။

"ဆရာ၊ ဟိုတားမြစ်နယ်မြေထဲမှာ တကယ်တမ်း ဘာဖြစ်ခဲ့တာလဲ။ မီတာထောင်ချီ မြင့်တဲ့ ဧရာမမိစ္ဆာနတ်ဘုရားကြီး တစ်ကောင်ကို ကျွန်တော် တွေ့လိုက်တယ်၊ သိပ်အားကြီးပုံပဲ။"

လုရီစကားပင် မဆုံးသေး၊ သူ့နဖူးကို လက်ညှိုးဖြင့် တစ်ချက် အတောက်ခံလိုက်ရသည်။

သူ့နဖူးမှာ စူးခနဲ နာကျင်သွားသည်။ လုရီ

ထိုင်ချလိုက်ပြီး နဖူးကိုအုပ်ကိုင်ကာ မျက်ရည်ပင်ဝဲမတတ် ဖြစ်သွားသည်။

လင်းလောင်တောင်ထိပ်သခင်မက စိတ်အနှောင့်အယှက်ဖြစ်နေပုံဖြင့် ဆိုလိုက်သည်။

"နင်က တကယ် သတ္တိကောင်းနေတာပဲ ဟုတ်လား။ တားမြစ်နယ်မြေကို သွားရဲတယ်ပေါ့။ သေချင်နေတာလား။"

သူမ စကားပြောနေစဉ်မှာပင်၊ သူ့နဖူးမှာ ဆက်တိုက် ထိုးနှက်ခံနေရသလို နာကျင်နေသည်။ လုရီမှာ ကြောင်အသွားသည်။

သူက နဖူးကို ရှင်းရှင်းလင်းလင်း အုပ်ကိုင်ထားတာပဲ၊ ဘယ်လိုလုပ် ဆက်အတောက်ခံနေရသေးတာလဲ။

ဒါကတော့ တရားလွန်ပြီ။

"ကျွန်တော် ဘာမှမဖြစ်ဘဲ ပြန်လာခဲ့တာပဲ မဟုတ်လား။" လုရီက မကျေမနပ်ဖြင့် ပြောလိုက်သည်။

"ပြန်ပြောသေးတယ်ပေါ့လေ။"

ဒေါက်! ဒေါက်! ဒေါက်!

"တောင်းပန်ပါတယ် ဆရာ၊ ကျွန်တော့်အမှားပါ!"

ဖိအားပေးမှုအောက်တွင်၊ လုရီက မလိုမုန်းထားဖြင့် လက်နက်ချလိုက်ရသည်။

သူ့စိတ်ထဲမှာတော့ အငြိုးအတေးများ ပြည့်နှက်နေသည်။ သူ စွမ်းအားတိုးလာသည့် တစ်နေ့၊ ဒီမိန်းမကို အတိုးချပြီး ပြန်ပေးဆပ်မည်ဟု ကျိန်ဆိုလိုက်သည်။

အချိန်တန်ရင် အကြွေးဆပ်ရမှာပဲ။

လုရီ တောင်းပန်ပြီးနောက်၊ လင်းလောင်တောင်ထိပ်သခင်မက ရပ်တန့်လိုက်သည်။

ထို့နောက်၊ လက်ပိုက်ကာ လုရီကို အနည်းငယ်အံ့ဩစွာ ကြည့်ပြီး ပြောလိုက်သည်။

"ကောင်လေး..နင့်မှာ အင်မော်တယ်အဆင့် ပျံသန်းရေး ရတနာ တစ်ခု ရှိလိမ့်မယ်လို့ ငါ

မထင်ထားဘူး။ ငါလည်း ခုမှပဲ သိရတာ။"

ဝမ်ကျန်းယွမ်နှင့် ဓားတာအိုပညာရှင်တို့က သူမကို အစောပိုင်းက ဤအကြောင်း ပြောပြခဲ့သည်မှာ ထင်ရှားသည်။ လုရီက အံ့ဩခြင်း မရှိဘဲ အနည်းငယ်ရှက်ကိုးရှက်ကန်းဖြင့် ဆိုလိုက်သည်။

"ကံကောင်းလို့ ရခဲ့တာပါဗျာ။"

ထိုအခါ လင်းလောင်တောင်ထိပ် သခင်မက နှုတ်ခမ်းစူလိုက်ပြီး ဆိုသည်။

"နင့်မှာ 'ကံကောင်းလို့' ရတာတွေ တော်တော်များနေပြီ မဟုတ်လား။"

လုရီက အနည်းငယ် မျက်နှာပူသွားပြီး၊ သူ့ဆရာက သူ့ကို ယုံကြည်သလား မယုံကြည်သလား ...

မသေချာတော့ပေ။

သို့သော်၊ ဆရာက အသေးစိတ် မမေးသဖြင့်၊ လုရီကလည်း ထပ်မံရှင်းပြခြင်း မပြုတော့ပေ။

ဘာပဲဖြစ်ဖြစ်၊ ရှင်းပြရန်မှာ တကယ်

အဆင်မပြေလှပေ။

သိချင်စိတ်ဖြင့် သူက မေးလိုက်သည်။

"ဆရာ၊ ဟိုတားမြစ်နယ်မြေထဲမှာ တကယ်တမ်း ဘာရှိနေတာလဲ။"

လင်းလောင်တောင်ထိပ်သခင်မက မျက်ခုံးအနည်းငယ်တွန့်ချိုးလိုက်ပြီးနောက် ပြောလိုက်သည်။

"အားကောင်းတဲ့ ကောင်းကင်မိစ္ဆာ

တစ်ကောင်ကို တံဆိပ်ခတ်ပိတ်လှောင်ထားတာ။

ကျိုယိုချီနဲ့ညစ်ညမ်းနေတဲ့ ကပ်ဘေးဖြတ်ကျော်သားရဲတစ်ကောင်က ဝင်သွားပြီး မိစ္ဆာရဲ့တံဆိပ်ခတ်အခင်းအကျင်းထောင့်တစ်နေရာကို ပျက်စီးသွားစေလိမ့်မယ်လို့ ငါ မထင်ထားဘူး။"

ထိုစကားကိုကြားသောအခါ၊ လုရီ၏မျက်ဝန်းများမှာ ကျုံ့သွားပြီး၊ သူမြင်ခဲ့သော မီတာထောင်ချီမြင့်သည့် ဧရာမမိစ္ဆာကို ပြန်သတိရသွားသည်။

"အဲ့ဒါ ကောင်းကင်မိစ္ဆာလား။"

လင်းလောင်တောင်ထိပ်သခင်မက ခေါင်းညိတ်ပြသည်။

လုရီက တစ်စုံတစ်ခုကို စဉ်းစားမိသွားပြီး သိချင်စိတ်ဖြင့် မေးလိုက်သည်။

"အဲ့ဒီကောင်းကင်မိစ္ဆာက အဲ့လောက်အန္တရာယ်များရင်၊ ဘာလို့ တံဆိပ်ခတ်မယ့်အစား တန်းသတ်မပစ်လိုက်တာလဲ။"

လင်းလောင်တောင်ထိပ်သခင်မက မျက်လုံးလှန်လိုက်သည်။

"ကောင်းကင်မိစ္ဆာတွေဆိုတာ စကြဝဠာထဲက မိစ္ဆာသဘာဝတွေ စုစည်းနေတာ၊ သတ်ဖို့သိပ်ခက်တယ်။ အားနည်းတဲ့ ကောင်းကင်မိစ္ဆာတွေကတော့ တော်သေးတယ်၊ ဒါပေမဲ့ အားပိုကြီးတဲ့ကောင်တွေက သေပြီးရင် ပြန်ရှင်နိုင်တယ်။ မိစ္ဆာသဘာဝကို တဖြည်းဖြည်းချေဖျက်မှပဲ သူတို့ကို လုံးဝဖျက်ဆီးနိုင်မှာ။"

လုရီမှ နားလည်သွားသည်။

"အဲ့ဒီကောင်းကင်မိစ္ဆာကို ပြန်တံဆိပ်ခတ်ပြီးပြီလား။"

"အင်း၊ အဲ့ဒီမိစ္ဆာကို နှစ်သန်းပေါင်းများစွာ တံဆိပ်ခတ်ထားတာ။ အခုဆို သူ့ရဲ့မိစ္ဆာသဘာဝအစအနလေးပဲ ကျန်တော့တယ်၊ သူ့စွမ်းအားကလည်း အားမကောင်းတော့ဘူး။ မဟုတ်ရင်တော့ လွန်ခဲ့တဲ့ရက်ပိုင်းကတည်းက ထျန်းမင်တစ်ခုလုံး ပျက်စီးသွားလောက်ပြီ။" ဟု လင်းလောင်တောင်ထိပ်သခင်မက ပြောပြလာသည်။

လုရီ အသက်ပြင်းပြင်းရှူလိုက်မိသည်။

"တော်သေးတာပေါ့..."

လင်းလောင်တောင်ထိပ်သခင်မက ခနဲ့တဲ့တဲ့ရယ်လိုက်သည်။ "အခုမှ အန္တရာယ်ကို သိတော့တယ်ပေါ့ ဟုတ်လား။"

ထို့နောက် သူမက အဘွားယွမ်လင်ဘက်သို့ လှည့်ကာ ဆိုလိုက်သည်။

"အဘွားယွမ်လင်၊ ဒီအဖြစ်အပျက်အတွက် ရှင့်မှာ တာဝန်အကြီးအကျယ်ရှိတယ်။ ကျိုယိုချီကို ချောက်နက်ထဲကနေ ပေါက်ကွဲထွက်စေပြီး ကပ်ဘေးကြီးတစ်ခု ဖြစ်စေတော့မလို့!"

အဘွားယွမ်လင်က ခေါင်းငုံ့ကာ...

"ကျွန်မအမှားကို ဝန်ခံပါတယ်။"

လင်းလောင်တောင်ထိပ်သခင်မက နှာခေါင်းရှုံ့လိုက်ပြီး ဆက်ပြောသည်။

"ဒီကိစ္စကို လောလောဆယ် ဘေးဖယ်ထားလိုက်။ ချောက်နက်ထဲကနေ ကျိုယိုချီတွေ ထပ်လွတ်မြောက်သေးလား သွားစစ်ဆေးပြီး နောက်ထပ်ပြဿနာမဖြစ်အောင် သေချာလုပ်။ ဒါ့အပြင်၊ ရှင်က အခုကစပြီး ချောက်နက်အပြင်ဘက်မှာပဲ နေရမယ်။"

"ဟုတ်ကဲ့!" အဘွားယွမ်လင်က ခေါင်းညိတ်လိုက်သည်။

လုရီက သူ၏ဆရာ အစောပိုင်းက ပြောခဲ့သော ကောင်းကင် မိစ္ဆာ ပေါ်ထွက်လာရခြင်းမှာ ကျိုယိုသားရဲများက တံဆိပ်ထဲသို့ ဝင်ရောက်ပြီး ပျက်စီးစေခဲ့သောကြောင့် ဖြစ်သည်ကို ပြန်သတိရသွားသည်။

လုရီက အစောပိုင်းက ကျိုယို အင်မော်တယ်သားရဲကို ပြန်စဉ်းစားမိသည်။ ထိုသတ္တဝါပင် ဖြစ်ရမည်။

ဒါဆို ကျိုယိုချီက တကယ်တော့ ချောက်နက်ထဲက လာတာလား။

လုရီက ထိတ်လန့်သွားသည်။ ကျိုယို၏နာမည်ကျော်ကြားမှုမှာ ထိုက်တန်ပါပေသည်။ ကျိုယိုချီအမျှင်တန်းလေး တစ်ခုမျှကပင် ဤမျှကြီးမားသော ကပ်ဘေးကို ဖြစ်စေခဲ့သည်။

ခဏလေး သတိလစ်သွားရုံဖြင့် ကပ်ဘေးဆိုက်ရောက်နိုင်သည်။