အခန်း (၅၅၀-၅၅၂)

အခန်း ၅၅၀- နေရာလပ် ကူးပြောင်းပို့ဆောင်ရေး အခင်းအကျင်းနှင့် မမျှော်လင့်ထားသော ဧည့်သည်များ...

~"မိတ်ဆွေလေး လုရီ၊ ကျေးဇူးတင်ပါတယ်။"

နတ်ဓားဂိုဏ်း၏ ဆရာသခင်ကြီးသည် အင်မော်တယ်အဆင့် ကောင်းကင်ဘုံ မိစ္ဆာ လုံးဝကြေမွပျက်စီးသွားသည်ကို ကြည့်ရင်း အနည်းငယ် လေးလံသော အသက်ကို မှုတ်ထုတ်လိုက်သည်။ သူ၏ မျက်နှာပေါ်တွင် စိတ်အေးသွားဟန် အပြုံးတစ်ချက် ပေါ်လာ၏။

လုရီသည် ဆရာသခင်ကြီး၏ ဖြူဖျော့နေသော မျက်နှာကို တစ်ချက်ကြည့်လိုက်ပြီး ခေါင်းခါကာ ပြောလိုက်သည်။

"စီနီယာ၊ ဒီလိုပြောဖို့ မလိုပါဘူး။ စီနီယာသာ ဟိုကောင်းကင်ဘုံ မိစ္ဆာကို အချိန်တစ်ခုထိ ထိန်းမထားပေးခဲ့ရင် ကျန်တဲ့ ကောင်းကင်ဘုံ မိစ္ဆာနှစ်ကောင်ကို သတ်ဖို့ ကျွန်တော့်မှာ အခွင့်အရေးရှိမှာ မဟုတ်ဘူး။"

ရိုးရိုးသားသားပြောရလျှင် လုရီ၏ အစွမ်းအကုန်သည် အင်မော်တယ်အဆင့် ကောင်းကင်ဘုံ မိစ္ဆာနှစ်ကောင်နှင့် ယှဉ်ပြိုင်နိုင်ရုံသာရှိပြီး ၎င်းမှာ သူ၏ အကန့်အသတ်ကို တွန်းပို့နေခြင်းပင်။ အကယ်၍ သုံးကောင်လုံးက သူ့ကို တစ်ပြိုင်နက်တည်း တိုက်ခိုက်ခဲ့လျှင် သူ၏ အခြေအနေကို ထိန်းထားနိုင်ရန်မှာ လုံးဝနီးပါး မဖြစ်နိုင်ပေ။

ဆရာသခင်ကြီးက ရယ်လိုက်သော်လည်း မကြာမီ လေးနက်သွားသည်။ "ဒါက မပြီးသေးဘူး။"

သူ အဝေးသို့ လှည့်ကြည့်လိုက်၏။ ထိုနေရာတွင် ဝမ်ကျန်းယွမ်နှင့် ဓားတာအို ပညာရှင်တို့သည် မီတာ ငါးထောင်၊ ခြောက်ထောင်ကျော်မြင့်သော ဧရာမ ကောင်းကင်ဘုံ မိစ္ဆာများကို ခုခံနေကြပြီး လင်းလောင်တောင်ထိပ် သခင်မမှာမူ ကောင်းကင်ဘုံ မိစ္ဆာသုံးကောင်နှင့် တစ်ဦးတည်း တိုက်ခိုက်နေသည်။ ထိုထင်ယောင်ထင်မှား နယ်မြေထဲတွင် အဆုံးမဲ့သော အလင်းလွှာတို့က လှုပ်ခတ်နေရာ လုရီအတွက် အသေးစိတ်ကို မြင်နိုင်ရန်မှာ လုံးဝနီးပါး မဖြစ်နိုင်ပေ။

ဝမ်ကျန်းယွမ်နှင့် ဓားတာအို ပညာရှင်တို့၏ စစ်မြေပြင်ပင်လျှင် ကြောက်မက်ဖွယ် ဝိညာဉ်စွမ်းအင် နောက်ဆက်တွဲဂယက်များဖြင့် ဖုံးလွှမ်းနေသည်။ အတွင်း၌ ဘာဖြစ်နေသည်ကို မည်သူမျှ မခွဲခြားနိုင်ပေ။ သူတို့ ခံစားမိနိုင်သည်မှာ အဆုံးမဲ့သော ဝိညာဉ်စွမ်းအင်လှိုင်းများ တိုးဝင်လာခြင်းသာဖြစ်ပြီး ထိုပြင်းထန်မှုချည်းသက်သက်ကပင် လုရီအပါအဝင် ဟင်းလင်းပြင် အင်မော်တယ်အားလုံးကို ကျောချမ်းသွားစေသည်။

ငါသာ အနားအရမ်းကပ်သွားရင်၊ ဒီလောက်ကြံ့ခိုင်တဲ့ ငါ့ခန္ဓာကိုယ်တောင် ချက်ချင်း ကြေမွသွားနိုင်တယ်။

အရမ်းအားကောင်းလွန်းတယ်။

ဒါက ကောင်းကင်ဘုံ အင်မော်တယ်အဆင့်ရဲ့ အလွန်တစ်ဖက်က စွမ်းအားမျိုးလား။

လုရီ အသက်ပြင်းပြင်းတစ်ချက် ရှူလိုက်သည်။

ထို့နောက် လုရီသည် သူ၏ အကြည့်ကို ပို၍ဝေးသောနေရာသို့ လွှဲလိုက်၏။ ထိုနေရာ၊ ထင်ယောင်ထင်မှား တောက်ပသောကမ္ဘာ၏ အလယ်မှ ဟင်းလင်းပြင်တစ်ခုတွင် အဘွား

ယွမ်လင်သည် မီတာတစ်သောင်းမြင့်သော မိစ္ဆာနတ်ဘုရားတစ်ကောင်နှင့် တိတ်ဆိတ်ငြိမ်သက်စွာ တိုက်ခိုက်နေသည်။

ဝမ်ကျန်းယွမ်နှင့် ဓားတာအို ပညာရှင်တို့၏ စစ်မြေပြင်များမှ ထုတ်လွှတ်နေသော လွှမ်းမိုးသည့် စွမ်းအင်နှင့် နှိုင်းယှဉ်လျှင် ဤနယ်မြေမှာ တည်ငြိမ်နေသကဲ့သို့။ ၎င်း၏ လှိုင်းဂယက်တစ်ခုမျှ ဟင်းလင်းပြင်သို့ မရောက်ရှိပေ။

သို့ဖြစ်သော်ငြားလည်း တောက်ပသော လင်းလက်မှုများနှင့် တိုးဝင်လာသော မိစ္ဆာမြူခိုးများအရ ထိုနယ်မြေထဲမှ တိုက်ပွဲသည် ငြိမ်သက်ခြင်းနှင့် များစွာ ကွာခြားသည်မှာ ထင်ရှားနေသည်။

လုရီ၏ မျက်နှာသည် ညှိုးငယ်သွားပြီး သူက ပြောလိုက်၏။

"သူတို့ရဲ့ စွမ်းအားက အရမ်းကြီးမားတယ်။ ငါတို့ ဝင်မစွက်ဖက်နိုင်ဘူး။"

နတ်ဓားဂိုဏ်း၏ ဆရာသခင်ကြီးလည်း ခပ်ရေးရေး ခေါင်းညိတ်လိုက်၏။

"ဟုတ်တယ်၊ အရမ်းကြီးမားလွန်းတယ်။"

ထိုအခိုက်အတန့်၌ လုံယင်ဘိုးဘေးနှင့် ဟင်းလင်းပြင် အင်မော်တယ်အချို့ ပျံသန်းရောက်ရှိလာကြသည်။

"အဘိုးကြီး၊ ဘယ်လိုအခြေအနေရှိလဲ။"

"မိတ်ဆွေလေး လုရီ၊ မင်းကို ကျေးဇူးတင်ပါတယ်။ မဟုတ်ရင် ငါတို့အားလုံး ဒီနေရာမှာ သေဆုံးသွားနိုင်တယ်။"

ဟင်းလင်းပြင် အင်မော်တယ်များထံမှ အသိအမှတ်ပြုစကားများ ဆက်တိုက်ထွက်ပေါ်လာသည်။

လုရီနှင့် ဆရာသခင်ကြီးတို့က နှိမ့်ချစွာ ခေါင်းညိတ်ပြကြ၏။

ထို့နောက် ဆရာသခင်ကြီးက စကားစလိုက်သည်။

"ငါတို့ ဟိုဘက်က တိုက်ပွဲမှာ ပါဝင်လို့မရဘူး။ သွားပြီး ကျန်တဲ့ ကောင်းကင်ဘုံ မိစ္ဆာတွေကို အပြီးသတ်ရှင်းလင်းကြရအောင်။"

ထိုစကားကို ကြားသောအခါ လူတိုင်း သဘောတူညီစွာ ခေါင်းညိတ်ကြသည်။

သူတို့ အင်မော်တယ်အဆင့် ကောင်းကင်ဘုံ မိစ္ဆာများကို တိုက်ခိုက်နေစဉ် ကျန် ကောင်းကင်ဘုံ မိစ္ဆာအုပ်စုသည် သူတို့ကို ကျော်ဖြတ်ပြီး ထျန်းမင်ဘက်သို့ တိုးဝင်သွားခဲ့ပြီးဖြစ်သည်။

လက်ရှိတွင် ထျန်းမင်၏ ထိပ်တန်းအဆင့် စစ်သည်တော်များသည် ဟင်းလင်းပြင်တွင် တပ်စွဲထားပြီး ကောင်းကင်ဘုံ မိစ္ဆာများကို ရဲရဲဝံ့ဝံ့ ခုခံနေကြသည်။

အင်မော်တယ် လက်နက်မရှိသော ဟင်းလင်းပြင် အင်မော်တယ်များ၊ ကပ်ဘေးဖြတ်ကျော် ဘိုးဘေးများနှင့် မဟာယာနကျင့်ကြံသူများ၊ ထျန်းမင်၏ အားကောင်းသော တိုက်ခိုက်ရေးသမားများစွာသည် ဟင်းလင်းပြင် သို့မဟုတ် လေဟာနယ်နီးပါးရှိ အမြင့်ပိုင်း ဧရိယာများတွင် ပြင်းထန်သော တိုက်ပွဲများ ဆင်နွှဲနေကြ၏။

လုရီနှင့် သူ၏ အဖွဲ့သည် အလင်းတန်းများအဖြစ် ပြောင်းလဲကာ ထျန်းမင်ဘက်သို့ ပြေးဝင်သွားကြသည်။

သူတို့ မကြာမီ တိုက်ပွဲနယ်မြေသို့ ရောက်ရှိသွား၏။

ထျန်းမင်၏ ဟင်းလင်းပြင် အင်မော်တယ် ထိပ်သီးများနှင့် ကပ်ဘေးဖြတ်ကျော် ဘိုးဘေးများသည် မီတာရာချီမြင့်ပြီး စွမ်းအားအပြည့်နှင့် ပြည့်နှက်နေသော ကောင်းကင်ဘုံ မိစ္ဆာများစွာကို ထိန်းချုပ်ရန် ရုန်းကန်နေကြရသည်။

လုရီသည် နတ်ဓားဂိုဏ်းမှ ဘိုးဘေး ဖန်ထျန်းယောင်နှင့် ဘိုးဘေး လုံမင်၊ ထို့အပြင် ကောင်းကင်ဘုံ နန်းတော်မှ ဟင်းလင်းပြင် အင်မော်တယ် အမျိုးသမီးတစ်ဦးနှင့်အတူ ရင်းနှီးသော မျက်နှာများစွာကို တွေ့လိုက်ရသည်။

တစ်ဆက်တည်းမှာပင် လုရီသည် လျိုနင်ရွှမ်းနှင့် သူမ၏ အဖော်သုံးယောက်ကို တွေ့မြင်လိုက်သည်။

လျိုနင်ရွှမ်းနှင့် အခြားသုံးယောက်စလုံးမှာ အင်မော်တယ်ခန္ဓာများဖြစ်ကြပြီး သူတို့၏ ကျင့်ကြံမှုအဆင့်မှာ မဟာယာန၌သာ ရှိသော်လည်း တစ်ဦးချင်းစီသည် နိယာမ၏ အမျှင်တစ်စကို ဆုပ်ကိုင်ထားပြီးဖြစ်သည်။ သူတို့၏ တိုက်ခိုက်ရေးစွမ်းအားမှာ ထူးခြားစွာ အားကောင်းပြီး အားနည်းသော ဟင်းလင်းပြင် အင်မော်တယ်များကိုပင် ယှဉ်နိုင်လေသည်။

လေးယောက်လုံးသည်လည်း ကောင်းကင်ဘုံ မိစ္ဆာအမျိုးမျိုးနှင့် ပြင်းထန်သော တိုက်ပွဲများတွင် ချိတ်ဆက်နေကြသည်။

သို့သော် ကောင်းကင်ဘုံ မိစ္ဆာများ၏ အလုံးအရင်းမှာ ထျန်းမင်၏ အင်အားထက် များစွာကျော်လွန်နေသည်။

ဤအခိုက်အတန့်တွင် ထိပ်သီးများစွာ ဒဏ်ရာရနေကြသည်။ ဟင်းလင်းပြင်တွင် ပြတ်တောက်နေသော ခြေလက်များနှင့် ကြေမွနေသော အကြွင်းအကျန်များ မျောလွင့်နေသည်။ ၎င်းတို့မှာ ကျဆုံးသွားသော ထျန်းမင်မှ တိုက်ခိုက်ရေးသမားများ၏ သက်သေများပင်။

ထျန်းမင်၏ စစ်သည်တော်များ၏ မျက်နှာများ အေးစက်သွားပြီး ဖြောင့်မတ်သော ဒေါသများ ပေါက်ကွဲထွက်လာသည်။ သူတို့၏ ဝိညာဉ်အလင်းများ မရပ်မနား တဖျပ်ဖျပ်လင်းလက်နေ၏။

ကောင်းကင်ဘုံ မိစ္ဆာများသည် ဖျက်ဆီးခြင်းကို ကိုယ်စားပြုသည်။ ယခင်က အငြိုးအတေးများရှိခဲ့သော တိုက်ခိုက်ရေးသမားများကိုပင် ဘုံရန်သူကို ဆန့်ကျင်ရန် ပူးပေါင်းစေ၏။

ငါတို့သာ အခုချိန်မှာ အတူမတိုက်ရင်၊ ထျန်းမင်မှာ အသက်ရှင်ကျန်ရစ်သူ တစ်ယောက်မှ ရှိတော့မှာမဟုတ်ဘူး။

အင်မော်တယ်လက်နက်များ ကိုင်စွဲထားသော ဟင်းလင်းပြင် အင်မော်တယ်များ ဆင်းသက်လာကြသည်။ အသက်မဲ့သော ခန္ဓာကိုယ်အများအပြားကို မြင်သောအခါ သူတို့၏ မျက်နှာများ မည်းမှောင်သွားပြီး သတ်ဖြတ်လိုစိတ်များ ပေါက်ကွဲ၏။

သူတို့သည် ကျဆုံးသွားသော သူတို့၏ ရဲဘော်ရဲဘက်များနှင့် မျိုးဆက်သစ်တပည့်များကို ကြည့်ကာ ဒေါသ ဗလောင်ဆူသွားကြသည်။

"သတ်။"

လုံယင်ဘိုးဘေးသည် ကောင်းကင်နဂါး မြင့်မြတ်နယ်မြေမှ ကပ်ဘေးဖြတ်ကျော် ဘိုးဘေးတစ်ဦး၏ အသက်မဲ့သော ခန္ဓာကိုယ်ကို တွေ့လိုက်သောအခါ ဒေါသတကြီး ဟိန်းဟောက်လိုက်သည်။

ကောင်းကင်နဂါးလှံကို တင်းတင်းဆုပ်ကိုင်ရင်း သူ ရှေ့သို့ ရူးသွပ်စွာ တိုးဝင်သွားသည်။

အခြား ဟင်းလင်းပြင် အင်မော်တယ်များလည်း နောက်မှ လိုက်ပါသွားကြသည်။

လုရီလည်း နောက်မကျခဲ့ပေ။

သူ၏ မျက်နှာမှာ ခံစားချက်ကင်းမဲ့ပြီး အေးစက်နေသည်။ သူ၏ အစွမ်းအကုန်ကို ထုတ်လွှတ်လိုက်၏။ အဆုံးမဲ့သော အဆုံးစွန် အင်မော်တယ် သိုင်းစွမ်းရည်များ သွန်ချလိုက်သည်။

ဓားတစ်ချက်တိုင်းနှင့် လက်သီးတစ်လုံးတိုင်းသည် ကပ်ဘေးဖြတ်ကျော် ကောင်းကင်ဘုံ မိစ္ဆာတစ်ကောင်၏ အသက်ကို ယူသည် သို့မဟုတ် ဟင်းလင်းပြင် အင်မော်တယ် ကောင်းကင်ဘုံ မိစ္ဆာတစ်ကောင်ကို အပြင်းအထန် ဒဏ်ရာရစေသည်။

လုရီသည် မကြာမီ လျိုနင်ရွှမ်းနှင့် သူမ၏ အဖော်များအနီးသို့ ရောက်ရှိသွားသည်။

လေးယောက်လုံးမှာ ဖြူဖျော့နေကြပြီး သူတို့၏ အသက်ရှူသံများ အားနည်းကာ ပင်ပန်းနေကြ၏။

အင်မော်တယ်ခန္ဓာ ကျင့်ကြံသူများအနေဖြင့် သူတို့၏ ဝိညာဉ်စွမ်းအင်မှာ သဘာဝအတိုင်း ပြိုင်ဘက်ကင်းသော အရည်အသွေးရှိသည်။ သို့သော် ဆက်တိုက်တိုက်ပွဲများအပြီးတွင် သူတို့ပင်လျှင် အားနည်းလာပြီး ကုန်ခန်းကာ မောပန်းနေကြသည်။

လုရီ ဓားတစ်ချက် ဝေ့ယမ်းလိုက်သည်။ ကြယ်တာရာဓားအလင်းတန်းသည် ဟင်းလင်းပြင်ကို ဖြတ်သန်းသွားပြီး လျိုနင်ရွှမ်းကို တိုက်ခိုက်တော့မည့် ကပ်ဘေးဖြတ်ကျော် ကောင်းကင်ဘုံ မိစ္ဆာတစ်ကောင်ကို ခုတ်ပိုင်းကာ အနက်ရောင်မြူခိုးအဖြစ်သို့ ဖိနှိပ်သည်။

လေးယောက်လုံး ခဏတာ မှင်တက်သွားသော်လည်း လျင်မြန်စွာ သူ့ထံသို့ လှည့်ကြည့်လိုက်ကြသည်။ သူတို့၏ မျက်နှာများတွင် အံ့ဩမှုနှင့် ဝမ်းမြောက်မှုတို့ လင်းလက်သွား၏။

"လုရီ။ နင် အဆင်ပြေရဲ့လား။" ယွင်ရှီးက မေးလိုက်သည်။

လုရီ ခေါင်းညိတ်လိုက်ပြီး သူတို့ကို ခပ်ရေးရေးပြုံးလျက် တစ်ချက်ကြည့်လိုက်သည်။ "ငါ အဆင်ပြေပါတယ်။ မင်းတို့ အဆင်ပြေတာကိုပဲ ဝမ်းသာတယ်။"

"အပေါ်က ကောင်းကင်ဘုံ မိစ္ဆာတွေကော။"

လျိုနင်ရွှမ်းက မေးလိုက်သည်။

"အားလုံးသေကုန်ပြီဗျ။" လုရီက ‌ဖြေလိုက်သည်။

လေးယောက်လုံး သိသိသာသာ စိတ်အေးသွားကြသည်။

ထိုစကားကို ကြားသောအခါ သူမတို့၏ မျက်နှာများ အပျော်ရိပ်ကလေးများ လင်းလက်သွားသည်။ ကျန်းရူယွီက တောက်ပစွာ ပြုံးလိုက်သည်။

"ငါ့ရဲ့ ပုံမှန် မဟုတ်တဲ့ ဂျူနီယာမောင်လေး။ အရမ်းအားကောင်းတာပဲ။"

သုန်းကုန်းမင်ယွဲ့က သူမ၏ မျက်လုံးများ တောက်ပလျက် ခေါင်းညိတလာ၏။

"စီနီယာအစ်ကိုက အံ့ဩစရာပဲ။"

လျိုနင်ရွှမ်းနှင့် ယွင်ရှီးတို့လည်း ပြုံးလိုက်ကြသည်။

အင်မော်တယ်လက်နက်များ တပ်ဆင်ထားသော ဟင်းလင်းပြင် အင်မော်တယ်အများအပြား တိုက်ပွဲထဲသို့ ဝင်ရောက်လာသည်နှင့် ပြင်းထန်သော တိုက်ပွဲမှာ သိသိသာသာ တိုးတက်လာသည်။

အားကောင်းသော ကောင်းကင်ဘုံ မိစ္ဆာများသည် အဆများစွာ သတ်ရန် ပိုခက်ခဲလာသည်။ ကံကောင်းစွာဖြင့် အင်မော်တယ်အဆင့်အောက်ရှိသူများသည် သူတို့၏ အထက်တန်းစားများကဲ့သို့ သေရန်မခက်ခဲလှပေ။

အင်မော်တယ်လက်နက်များ ကိုင်စွဲထားသော ဟင်းလင်းပြင် အင်မော်တယ်များသည် ဟင်းလင်းပြင် အင်မော်တယ်အဆင့် ကောင်းကင်ဘုံ မိစ္ဆာများကို လွှမ်းမိုးနိုင်သော အသာစီးမရှိဘဲ ယှဉ်ပြိုင်နိုင်သော်လည်း တိုက်ခိုက်မှုအနည်းငယ်အတွင်းတွင် သူတို့သည် ကပ်ဘေးဖြတ်ကျော်အဆင့် ကောင်းကင်ဘုံ မိစ္ဆာတစ်ကောင်ကို သုတ်သင်နိုင်သည်။

မကြာမီ တိုက်ပွဲဒီရေသည် ပြောင်းလဲသွား၏။ ကောင်းကင်ဘုံ မိစ္ဆာများ တစ်ကောင်ပြီးတစ်ကောင် ကျဆုံးလာသည်။

လုရီသည် ဟင်းလင်းပြင် အင်မော်တယ်အဆင့် ကောင်းကင်ဘုံ မိစ္ဆာများကို သီးခြားခွဲထုတ်ပြီး မိစ္ဆာချေမှုန်းခြင်းဓား၏ ထူးခြားသော ဂုဏ်သတ္တိကို အသုံးချကာ သူတို့ကို လုံးဝ ကြေမွပျက်စီးသွားစေသည်။

အဆင့်နိမ့် ကောင်းကင်ဘုံ မိစ္ဆာများကိုမူ နတ်ဓားဂိုဏ်း၏ ဆရာသခင်ကြီးနှင့် ဟင်းလင်းပြင် အင်မော်တယ် မဟာမိတ်အဖွဲ့က ကိုင်တွယ်သည်။

နာရီအနည်းငယ်အတွင်းမှာပင် လေထဲမှ ကောင်းကင်ဘုံ မိစ္ဆာအားလုံး သုတ်သင်ခံလိုက်ရသည်။ ဟင်းလင်းပြင် အင်မော်တယ်များနှင့် ကပ်ဘေးဖြတ်ကျော် ဘိုးဘေးများသည် နောက်ဆုံးတွင် အသက်ရှူချောင်ခွင့်ရပြီး အောက်ဘက်မှ တိုက်ပွဲများကို ကူညီရန် အခွင့်အရေးရသွားသည်။

ဤကျူးကျော်မှုတွင် အလွန်များပြားသော ကောင်းကင်ဘုံ မိစ္ဆာများ ပါဝင်သော်လည်း အားနည်းသောသူများသည် ကျင့်ကြံသူများ၏ ကာကွယ်ရေးမျဉ်ကို ချိုးဖောက်ပြီး ထျန်းမင်ထဲသို့ သွန်ချဝင်ရောက်ခဲ့သည်မှာ ရှင်းလင်းနေသည်။

အောက်ဘက်တွင် သားရဲတစ်သောင်းတောင်တန်း တည်ရှိသည်။ လုရီနှင့် အခြားသူများ ဆင်းသက်လာသောအခါ သူတို့သည် ကောင်းကင်ဘုံ မိစ္ဆာများက တောင်တန်းမှ ကြမ်းကြုတ် သားရဲများကို သတ်ဖြတ်နေသည်ကို တွေ့ရှိရသည်။ အဆုံးမဲ့ အခင်းအကျင်းပုံစံများဖြင့် ဝန်းရံထားသော တားမြစ်နယ်မြေများကို တိုက်ခိုက်နေကြပြီး အချို့မှာမူ ခြေရာလက်ရာမကျန် ပျောက်ကွယ်သွားကြသည်။

"အားလုံးကို ရှင်းပစ်။"

ကျင့်ကြံသူများသည် နှင်းခဲကဲ့သို့ အေးစက်သော မျက်နှာများဖြင့် တိုက်ပွဲထဲသို့ တိုးဝင်သွားကြသည်။

ဤအဆင့်တွင် ကျန်ရှိသော ကောင်းကင်ဘုံ မိစ္ဆာအများစုမှာ စွမ်းအားကြီးမားသော အဆင့်၌သာ ရှိသောကြောင့် အထူးတလည် အားမကောင်းလှပေ။ ကျင့်ကြံသူများ၏ လက်တုံ့ပြန်မှုနှင့် ရင်ဆိုင်ရသောအခါ သူတို့ ခုခံနိုင်စွမ်းမရှိဘဲ လျင်မြန်စွာ သုတ်သင်ခံလိုက်ရသည်။

ဤဒေသမှ ကောင်းကင်ဘုံ မိစ္ဆာများကို ရှင်းလင်းပြီးနောက် စစ်သည်တော်များသည် တစ်စိတ်တစ်ပိုင်း သက်ပြင်းချနိုင်သွားကြသည်။

သို့သော် လုရီနှင့် နတ်ဓားဂိုဏ်း၏ ဆရာသခင်ကြီးမှာမူ ခိုင်မာစွာ ရပ်တည်နေဆဲဖြစ်ပြီး သူတို့၏ ရန်သူများထဲမှ အကြောက်မက်ဖွယ်အကောင်းဆုံးသူများမှာ သူတို့၏ ရင်ဆိုင်မှုကို အဆုံးအဖြတ်မပေးရသေးကြောင်း သိရှိနေကြသည်။ အခြား ကောင်းကင်ဘုံ မိစ္ဆာအားလုံး သုတ်သင်ခံရလျှင်ပင် အဘွားယွမ်လင်သာ ယိမ်းယိုင်သွားပါက ထျန်းမင်သည် လွှမ်းမိုးနိုင်သော ကောင်းကင်ဘုံ မိစ္ဆာထိပ်သီးများ၏ လက်ထဲတွင် ပျက်စီးခြင်းနှင့် ရင်ဆိုင်ရပေလိမ့်မည်။

ဟိုမီတာတစ်သောင်းမြင့်တဲ့ ကောင်းကင်ဘုံ မိစ္ဆာပြသွားတဲ့ စွမ်းအားမျိုးနဲ့ဆိုရင် ထျန်းမင်က နောက်ဆုံးမှာ ပျက်စီးသွားမှာပဲ။

လုရီ၏ စိတ်သည် ပို၍ လေးလံလာပြီး သူ၏ အကန့်အသတ်များမှာ ထင်ရှားစွာ ပေါ်လွင်နေသည်။

ငါသာ ပိုအားကောင်းခဲ့ရင်၊ စစ်မြေပြင်ပေါ်က ကောင်းကင်ဘုံ မိစ္ဆာတိုင်းကို အနိုင်ယူနိုင်စွမ်းရှိခဲ့ရင်၊ ဒီလိုတွေ ဖြစ်လာမှာမဟုတ်ဘူး။

ဟင်းလင်းပြင် အင်မော်တယ်များသည် ကျန်ရှိသော ကောင်းကင်ဘုံ မိစ္ဆာများ အခြားဒေသများတွင် ပရမ်းပတာဖြစ်စေမည်ကို စိုးရိမ်သဖြင့် သူတို့၏ ဂိုဏ်းများမှ ကပ်ဘေးဖြတ်ကျော် ဘိုးဘေးများကို အိမ်ပြန်၍ ဆက်လက်ရှာဖွေရန် အမိန့်ပေးလိုက်ကြသည်။

တစ်ချိန်တည်းတွင် လုရီနှင့် နတ်ဓားဂိုဏ်း၏ ဆရာသခင်ကြီး၊ အခြားသူများနှင့်အတူ ဟင်းလင်းပြင်သို့ နောက်တစ်ကြိမ် ပြန်တက်သွားပြီး အဝေးမှ အင်မော်တယ်စစ်မြေပြင်ဘက်သို့ ရတက်မအေးဘဲ အကဲခတ်နေကြသည်။

သူတို့၏ မျက်နှာများတွင် စိုးရိမ်ပူပန်မှုတို့ ရေးထိုးထားလေ၏။

သုန်းကုန်းမင်ယွဲ့က စိတ်လှုပ်ရှားစွာ မေးလိုက်သည်။ "ငါတို့ဆရာတွေ နိုင်နိုင်ပါ့မလား။"

လုရီသည် တိုးဝင်လာသော အဆုံးမဲ့တောက်ပမှု အလင်းများကို ကြည့်လိုက်သည်။ ကြယ်များက ၎င်းတို့၏ စွမ်းအင်များကို ထုတ်လွှတ်နေသည့်အလားပင်။

အောက်ဘက် ထျန်းမင်မှ ကြည့်လျှင် နေမင်းသည် ယခုအခါ အထက်မှ သွန်ချလာသော တောက်ပမှုကြောင့် ဖုံးကွယ်နေပြီး ကောင်းကင်သည် နေရာတိုင်းတွင် မျက်စိကျိန်းလောက်အောင် တောက်ပသော နေ့အလင်းရောင်ဖြင့် ထွန်းလင်းနေသည်။

အင်မော်တယ်များ၏ တိုက်ပွဲမှ ပြိုင်ဘက်ကင်းသော စွမ်းအင်လှိုင်းများကြောင့် နေရောင်ခြည်ပင် လွှမ်းမိုးခံလိုက်ရသည်။ အောက်မှ ကြည့်လျှင် သန့်စင်သော တောက်ပမှုမှလွဲ၍ ဘာမျှ

မမြင်ရပါ။

လုရီပင်လျှင် ပဋိပက္ခကို ရှင်းလင်းစွာ စောင့်ကြည့်ရန် ရုန်းကန်နေရသည်။ သူ အသက်ပြင်းပြင်းတစ်ချက်ရှူပြီးနောက် ပြောလိုက်သည်။

"ဆရာက အားကောင်းပါတယ်။ သူ ရှုံးမှာမဟုတ်ဘူး။"

မည်သူမျှ ပြန်မဖြေကြ။ သူတို့၏ မျက်လုံးများသည် စစ်မြေပြင်ကို တင်းမာသော မျှော်လင့်ချက်ဖြင့် စူးစိုက်ကြည့်နေကြသည်။

အချိန်တို့ တတိတိ ကုန်ဆုံးသွားသည်။

အင်မော်တယ်များသည် သူတို့၏ အဆုံးမဲ့သော အင်မော်တယ်စွမ်းအား သိုလှောင်စွမ်းများဖြင့် ဆယ်ရက်ကျော်ကြာ တိုက်ပွဲဝင်နေကြသော်လည်း ကုန်ခန်းသည့် လက္ခဏာ မပြပေ။

ထို့နောက် ရုတ်တရက် အဝေးမှ ဟင်းလင်းပြင်တွင် နေရာလပ်ဆိုင်ရာ ထူးခြားမှုများ လှုပ်ခတ်လာသည်။

နေရာလပ် နိယာမနှင့် အကျွမ်းတဝင်ရှိသော လုရီသည် ပထမဆုံး သတိပြုမိသူဖြစ်သည်။ သူ၏ မျက်နှာ အတည်းငယ် တုန်လှုပ်သွားပြီး လှည့်ကြည့်လိုက်၏။

မကြာမီ ယခင်က ဗလာဖြစ်နေသော ဟင်းလင်းပြင်သည် လိမ်ယှက်နေသည်ကို သူ

မြင်လိုက်ရသည်။ နောက်တစ်ခဏတွင် ဆန်းကြယ်သော အင်းကွက်များ ပေါ်လာပြီး နေရာလပ်ကို ထူထပ်စွာ ဖုံးလွှမ်းသွားသည်။ အင်းကွက်များမှာ သူ့အတွက် ရင်းနှီးနေသလိုပင်။

လုရီ သိလိုက်သည်။ ဤသည်တို့မှာ သူ ယခင်က အရှေ့တောအုပ် အပျက်အစီး၏ ထွက်ပေါက်တွင် မြင်ခဲ့ရသော အင်းကွက်များနှင့် ဆင်တူနေသည်။

"နေရာလပ် ကူးပြောင်းပို့ဆောင်ရေး အခင်းအကျင်း။"

လုရီ အံ့ဩတကြီး အော်လိုက်သည်။

ကျန် ကျင့်ကြံသူများသည် အားကောင်းကြသော်လည်း ပြောင်းလဲမှုကို လျင်မြန်စွာ ခံစားမိကြပြီး ထိုဖြစ်စဉ်ဘက်သို့ ခေါင်းလှည့်လိုက်ကြသည်။

ဆန်းကြယ်သော အင်းကွက်များသည် မမှန်မကန် လင်းလက်နေပြီး ၎င်းတို့ဘာသာ ပြန်လည်စီစဉ်ကာ ကီလိုမီတာ ထောင်ပေါင်းများစွာကျော် ကျယ်ဝန်းသော ဧရာမ အခင်းအကျင်းမြေပုံတစ်ခုအဖြစ်သို့ ပြောင်းလဲသွား၏။

အခင်းအကျင်းမြေပုံ၏ အလယ်ဗဟိုတွင် နေရာလပ်သည် အတွင်းသို့ ပြိုကျသွားပြီး ကီလိုမီတာ တစ်ရာကျော်ကျယ်သော ဧရာမ ဟင်းလင်းပြင်တစ်ခုအဖြစ် ပွင့်ထွက်လာသည်။

ဟင်းလင်းပြင်မှ ထူးဆန်းသော အနက်ရောင်မြူခိုးမျှင်များ ထွက်ပေါ်လာရာ လုရီ၏ မျက်နှာသည် သိရှိမှုဖြင့် လိမ်ယှက်သွားသည်။

"ကျိုယို ချီစွမ်းအင်။"

လုရီသာမက ရှိနေသူအများစုမှာ ထျန်းမင်၏ အကြီးမြတ်ဆုံး စစ်သည်တော်များဖြစ်ပြီး ဟင်းလင်းပြင် အင်မော်တယ်များစွာ ပါဝင်သည်။

အင်မော်တယ်များထံမှ ကျိုယို အကြောင်း အနည်းငယ် နားလည်ထားပြီးဖြစ်သောကြောင့် သူတို့ မျက်နှာများလည်း ဖြူဖျော့သွားကြပြီး

သူတို့မြင်တွေ့ရသည့်အရာ၏ ကြောက်မက်ဖွယ်ရာကြောင့် မှင်တက်သွားကြသည်။

ကျိုယိုက ကောင်းကင်ဘုံ မိစ္ဆာတွေထက် အများကြီး ပိုကြောက်စရာကောင်းတယ်။

ရုတ်တရက် အလင်းတန်းများ လင်းလက်လာပြီး ထွက်ပြေးလာသော ကျိုယို ချီစွမ်းအင်ကို ကြေမွသွားစေသည်။ ခဏအကြာတွင် လူပုံစံ ပုံရိပ်များ ဟင်းလင်းပြင်မှ ဘွားခနဲ ထွက်လာသည်။

အများစုမှာ ထျန်းမင်ကျင့်ကြံသူများနှင့် ဆင်တူသော လူသားများနှင့်တူပြီး အချို့မှာ မိစ္ဆာမျိုးနွယ်မှဖြစ်ကာ လက်တစ်ဆုပ်စာမှာမူ လူသားနှင့်တူသော ပုံစံတွင် မျက်လုံးသုံးလုံး ပိုင်ဆိုင်ကြသည်။

ဤသတ္တဝါတစ်ဦးချင်းစီသည် ထူးခြားသည့် သတ္တုဖြင့် သွင်းလုပ်ထားသလို မည်းနက်သော စစ်ချပ်ဝတ်တန်ဆာများကို ဝတ်ဆင်ထားကြသည်။ ထိုဝတ်စုံများပေါ်တွင် အဆုံးမဲ့သော ဆန်းကြယ်သည့် အင်းကွက်များ ထွင်းထုထားပြီး မခန့်မှန်းနိုင်စွာ တောက်ပလျက် လွှမ်းမိုးနိုင်သော စွမ်းအားကို ထုတ်လွှတ်နေသည်။

သူတို့၏ အနက်ရောင်စစ်ချပ်ဝတ်တန်ဆာ၏ ဘယ်ဘက်ရင်အုံနေရာတွင် မရေမတွက်နိုင်သော ကြယ်များဖြင့် ဝန်းရံထားသော ကျောက်စိမ်းပြားတစ်ခု တည်ရှိနေသည်။

လုရီ၏ နှလုံးသားသည် ဒိန်းခနဲ ပြင်းထန်စွာ ခုန်တက်သွား၏။

အဲ့ဒီ စစ်ချပ်ဝတ်တန်ဆာ တစ်ထည်ချင်းစီတိုင်းက အဆင့်နိမ့် အင်မော်တယ်လက်နက်တွေပဲ။

ဒီလူတွေက ဘယ်သူတွေလဲ။

အင်မော်တယ်လက်နက်တွေက... စံသတ်မှတ်ချက်အတိုင်း ထုတ်ပေးထားတာတွေပဲ။ ဒါပေမဲ့ ဒီလောက်များများစားစားကြီး ရှိနေတယ်တဲ့လား။

အခန်း ၅၅၁- ကြယ်တာရာနယ်မြေ စစ်တပ်နှင့် စစ်ပွဲ၏ အစ...

~ဟင်းလင်းပြင်ထဲမှ လူပုံစံ သတ္တဝါတစ်ရာကျော် တိုးဝင်ထွက်ပေါ်လာသည်။ သူတို့ကို ဦးဆောင်နေသူမှာ အရပ်မြင့်မြင့်၊ ခေါင်းပြောင်နှင့် အေးစက်သော မျက်နှာထားရှိသည့် သက်လတ်ပိုင်းအရွယ် အမျိုးသားတစ်ဦး ဖြစ်၏။

ထိုအမျိုးသား၏ ဦးခေါင်းပေါ်တွင် ကြောက်မက်ဖွယ်ကောင်းသော အမာရွတ်တစ်ခု ရှိနေသည်။ အဆုံးမဲ့ ညှဉ်းပန်းနှိပ်စက်ခံနေရသော ဝိညာဉ်များက အတွင်း၌ ဟိန်းဟောက်နေသည့်အလား လိမ်ယှက်ကောက်ကွေးလျက်။

အင်မော်တယ်အဆင့်သို့ ရောက်ရှိပြီးနောက် သာမန်ဒဏ်ရာများသည် အင်မော်တယ်တစ်ဦး၏ ခန္ဓာကိုယ်ပေါ်တွင် အမှတ်အသား မချန်ထားနိုင်တော့ပေ။ သို့ဖြစ်သော်ငြားလည်း ဤဒဏ်ရာက မပျောက်ကွယ်သေးခြင်းက ၎င်းသည် မည်မျှ ကြောက်မက်ဖွယ်ကောင်းသည်ကို ညွှန်ပြနေသည်။

သူ၏ အကြည့်များ ဝေ့ဝဲသွားသည်နှင့် ထိုအမျိုးသားသည် လင်းလောင်တောင်ထိပ် သခင်မ၏ တည်နေရာကို ချက်ချင်းတွေ့ရှိလိုက်သည်။ နောက်တစ်ခဏတွင် သူ ရှေ့သို့ ခြေတစ်လှမ်းတိုးလိုက်၏။ လေဟာနယ်ကို ဖြတ်တောက်သွားသော အလင်းတန်းတစ်ခုကဲ့သို့။ ချက်ချင်းပင် ကီလိုမီတာ သိန်းပေါင်းများစွာကို ဖြတ်ကျော်ကာ လင်းလောင်တောင်ထိပ် သခင်မ စုဖွဲ့ထားသော အဆုံးမဲ့ကမ္ဘာအတွင်းသို့ ပျံလွှားရောက်ရှိသွားသည်။

နောက်တစ်ခဏမှာပင် အေးစက်သော မျက်နှာထားဖြင့် သူ၏လက်ကို ဆန့်တန်းလိုက်သည်။ ဖြူဖျော့သော ဧရာမ မီးလျှံလက်ကြီးတစ်ခု ထွက်ပေါ်လာ၏။ အဆုံးမဲ့ကမ္ဘာထဲသို့ ထိုးဖောက်ဝင်ရောက်သွားသည်။ ဧရာမ ကောင်းကင်ဘုံ မိစ္ဆာသုံးကောင်ကို သူ၏ လက်ဝါးထဲတွင် ချက်ချင်း ဆုပ်ကိုင်လိုက်တော့သည်။

ဘုန်း။

ဧရာမ ဖြူဖျော့သော မီးလျှံလက်ကြီး တောက်လောင်သွားသည်။ မိစ္ဆာမြူခိုးများ တိုးထွက်လာ၏။ ကောင်းကင်ဘုံ မိစ္ဆာသုံးကောင်ထံမှ ပြင်းထန်သော နာကျင်မှု စိတ်လှိုင်းများ ထွက်ပေါ်လာစဉ်မှာပင် ခေါင်းပြောင်အမျိုးသားက သူတို့ကို အဆုံးမဲ့ကမ္ဘာထဲမှ အတင်းအကျပ် ဆွဲထုတ်လိုက်သည်။

ထိုဖြစ်စဉ်တွင် ကောင်းကင်ဘုံ မိစ္ဆာများ၏ ပတ်လည်မှ မိစ္ဆာအလင်းတို့သည် ကြီးမားသော နိယာမစွမ်းအားအောက်တွင် ကြေမွပျက်စီးသွားပြီး သူတို့ လျင်မြန်စွာ အားနည်းသွားကြသည်။

နောက်တစ်ခဏတွင် ခေါင်းပြောင်အမျိုးသားသည် ကောင်းကင်ဘုံ မိစ္ဆာသုံးကောင်ကို သူ၏ နောက်ဘက်၊ သံချပ်ကာအနက်ရောင်ဝတ် ကျင့်ကြံသူများ၏ ရှေ့သို့ ပေါ့ပေါ့ပါးပါး ပစ်ချလိုက်သည်။

သံချပ်ကာအနက်ရောင်ဝတ် ကျင့်ကြံသူအုပ်စု၏ မျက်နှာများမှာလည်း အလားတူ အေးစက်နေသည်။ သူတို့သည် ကောင်းကင်ဘုံ မိစ္ဆာသုံးကောင်ကို ဝန်းရံလိုက်ကြ၏။ ထို့နောက် သူတို့၏ လက်များက အခင်းအကျင်းပုံစံများကို ဖွဲ့စည်းလိုက်သည်။ ရွှေရောင်အလင်းတန်းများ ပစ်ထွက်လာပြီး မိစ္ဆာသုံးကောင်ပေါ်သို့ ကျရောက်သွားသည်။

မကြာမီ ကောင်းကင်ဘုံ မိစ္ဆာသုံးကောင်သည် ရွှေရောင်အလင်းလုံးများဖြင့် ဖုံးလွှမ်းသွားသည်။ အပေါ်တွင် အဆုံးမဲ့သော တာအိုပုံစံများ စုဖွဲ့ကာ တဖျပ်ဖျပ်လင်းလက်နေပြီး အလွန်နက်နဲလှ၏။

လုရီနှင့် အခြားသူများမှာ မယုံနိုင်လောက်အောင် တုန်လှုပ်သွားကြသည်။

ဒီလောက်အားကောင်းတဲ့ ကောင်းကင်ဘုံ မိစ္ဆာသုံးကောင်ကို မျက်စိတစ်မှိတ်အတွင်းမှာတင် ချုပ်နှောင်လိုက်တယ်တဲ့လား။

"အားကောင်းလိုက်တာ။ သူတို့က ဘယ်ကလာတာတွေလဲ။" လုံယင်ဘိုးဘေးသည် အလွန်အမင်း တုန်လှုပ်သွားတော့သည်။

နတ်ဓားဂိုဏ်း၏ ဆရာသခင်ကြီးမှာမူ တစ်စုံတစ်ခုကို နားလည်သွားဟန်ဖြင့် သူ၏ မျက်လုံးများ လင်းလက်သွားသည်။

ထိုသံချပ်ကာအနက်ရောင်ဝတ် ကျင့်ကြံသူများကို သူ၏ မျက်နှာပေါ်တွင် စိုးရိမ်ကြောင့်ကြမှု အရိပ်အယောင်ဖြင့် ကြည့်ရင်း ပြောလိုက်၏။

"သူတို့က ယွီမျိုးနွယ်ရဲ့ ကြယ်တာရာနယ်မြေ စစ်တပ် ဖြစ်ရမယ်။"

"ကြယ်တာရာနယ်မြေ စစ်တပ်။" ကျင့်ကြံသူများစွာနှင့် လုရီတို့ အနည်းငယ် အံ့အားသင့်သွားကြသည်။

ချင်းချုံးယွင်ဟွားမှာလည်း တစ်စုံတစ်ခုကို သိရှိပုံရပြီး ပြောလိုက်သည်။ "သူတို့က ယွီမျိုးနွယ်က တပ်မတော်တွေပဲ၊ အရမ်းအားကောင်းကြတယ်။ ကြားဖူးတာတော့ အင်မော်တယ်တွေတောင် ဝင်ခွင့်ရဖို့ အရည်အချင်းအချို့ လိုအပ်တယ်တဲ့။ ကြယ်တာရာနယ်မြေ စစ်တပ်ရဲ့ အဖွဲ့ဝင်တိုင်းက အင်မော်တယ်တွေထဲမှာ တိုက်ခိုက်ရေးအားကောင်းတဲ့သူတွေချည်းပဲ"

ထိုစကားကို ကြားသောအခါ ကျင့်ကြံသူများစွာ အံ့အားသင့်လွန်း၍ မှင်တက်သွားကြသည်။

လုရီလည်း ခြွင်းချက်မဟုတ်ပေ။

အပျော့ညံ့ဆုံး သံချပ်ကာအနက်ရောင်ဝတ် ကျင့်ကြံသူပင်လျှင် ဝမ်ကျန်းယွမ်နှင့် ဓားတာအို ပညာရှင်တို့ထက် အားမနည်းလှကြောင်း သူ ရှင်းရှင်းလင်းလင်း ခံစားမိနေသည်။

အဘွားယွမ်လင်၏ အဆိုအရ ဝမ်ကျန်းယွမ်၏ စွမ်းအားမှာ ကောင်းကင်ဘုံ အင်မော်တယ်တစ်ဦးကို ကျော်လွန်ပြီး အစစ်အမှန် အင်မော်တယ် နယ်ပယ်သို့ ရောက်ရှိနေပြီဖြစ်ကြောင်း ထင်ရှားသည်။ ထို့ကြောင့် ဤကြယ်တာရာနယ်မြေ စစ်တပ်မှ အဖွဲ့ဝင်များသည် အနည်းဆုံး အစစ်အမှန် အင်မော်တယ်များ ဖြစ်ကြသည်ဟု ဆိုလိုခြင်းပင်။

ကြောက်ဖို့ ကောင်းလိုက်တဲ့ တပ်မတော်ပဲ။

လုရီကို အံ့ဩဆုံးဖြစ်စေသည်မှာ ထိုသို့သော တပ်မတော်သား ကျင့်ကြံသူများ များစွာရှိရမည်ဖြစ်ခြင်းပင်။

နောက်ဆုံးတွင် လုရီသည် စကြာဝဠာ မည်မျှကျယ်ပြောသည်ကို သိရှိထားသည်။ ကောင်းကင်ကြယ်တာရာ နယ်မြေသည် နဂါးငွေ့တန်း ကဲ့သို့ အလင်းနှစ်တစ်သိန်း အချင်းရှိရုံမျှသာ ဆိုလျှင်ပင် ထိုမျှကြီးမားသော နယ်နိမိတ်အတွင်း ကြယ်တာရာနယ်မြေ စစ်တပ်များ မည်မျှရှိရမည်နည်း။

ဤကြယ်တာရာနယ်မြေ စစ်တပ်မှ အဖွဲ့ဝင်များအားလုံးသည် ယွီမျိုးနွယ်၏ အားကောင်းသော တိုက်ခိုက်ရေးသမားများဖြစ်ကြသည်။ ယွီမျိုးနွယ်သည် မည်မျှအားကောင်းပြီး ကြောက်မက်ဖွယ်ကောင်းရမည်ကို စဉ်းစားကြည့်ရုံဖြင့်ပင် ကြောက်စရာကောင်းလှသည်။

ငါ့ဆရာရဲ့ နောက်ခံကလည်း မမျှော်လင့်ဘဲ မြင့်မားနေတာပဲ မဟုတ်လား။

လုရီ သံသယများ ရှိနေ၏။

ခေါင်းပြောင်အမျိုးသားသည် ကောင်းကင်ဘုံ မိစ္ဆာသုံးကောင်ကို ဖိနှိပ်ပြီးနောက် လင်းလောင်တောင်ထိပ် သခင်မသည်လည်း အဆုံးမဲ့ကမ္ဘာထဲမှ လွတ်မြောက်လာသည်။

သူမ၏ မျက်နှာမှာ အနည်းငယ် ဖြူဖျော့နေ၏။ ယခင်တိုက်ပွဲ၏ ပြင်းထန်မှုမှာ တားမြစ်နယ်မြေထဲတွင် မိစ္ဆာနတ်ဘုရားနှင့် တိုက်ခိုက်ခဲ့သည့်ပွဲလောက် ပြင်းထန်မည်မဟုတ်သောကြောင့် လင်းလောင်တောင်ထိပ် သခင်မမှာ ခံနိုင်ရည်ရှိနေသေးသည်။

ခေါင်းပြောင်အမျိုးသားသည် သူ၏ ဘယ်ဘက်ရင်အုံပေါ်မှ တံဆိပ်ပေါ်သို့ ညာလက်တင်ကာ ဦးညွှတ်ပြီး ပြောလိုက်သည်။

"ကြယ်တာရာနယ်မြေ စစ်တပ်၏ ခြောက်ခုမြောက် တပ်မ၊ ဆယ့်နှစ် အဖွဲ့၏ တပ်မှူး လျိုဟိုင်ချင်းက ဒုတိယသခင်မလေးကို ဂါရဝပြုပါတယ်။"

လင်းလောင်တောင်ထိပ် သခင်မက ခေါင်းအသာညိတ်ပြီး ခေါင်းပြောင်အမျိုးသားကို တစ်ချက်ကြည့်ကာ ပြောလိုက်သည်။ "ဒီကောင်းကင်ဘုံ မိစ္ဆာတွေကို ရှင်းလင်းလိုက်ပါ။ အဘွားယွမ်လင်က နက်ရှိုင်းခြင်း အင်မော်တယ် နယ်ပယ် ကောင်းကင်ဘုံ မိစ္ဆာစစ်သူကြီးတစ်ယောက်ကို ဖမ်းဆီးထားတယ်။"

လျိုဟိုင်ချင်းက ခေါင်းညိတ်သည်။ "ဟုတ်ကဲ့။"

နောက်တစ်ခဏတွင် လျိုဟိုင်ချင်းသည် အလင်းတန်းတစ်ခုအဖြစ် ပြောင်းလဲကာ ဘွားဘွားယွင်လင်၏ တောက်ပသောကမ္ဘာဘက်သို့ ပျံသန်းသွားသည်။ ကျန်ရှိသော ကြယ်တာရာနယ်မြေ စစ်တပ်မှ တိုက်ခိုက်ရေးသမားများအားလုံးမှာမူ ဝမ်ကျန်းယွမ်နှင့် ဓားတာအို ပုဂ္ဂိုလ်တို့၏ ပြိုင်ဘက်များထံသို့ ပျံသန်းသွားကြသည်။

အစစ်အမှန် အင်မော်တယ်အဆင့် ကြယ်တာရာနယ်မြေ စစ်တပ် အဖွဲ့ဝင်တစ်ရာကျော် တိုးဝင်လာရာ ကောင်းကင်ဘုံ မိစ္ဆာများပင် မျက်နှာများ သိသိသာသာ တုန်လှုပ်သွားသည်။ သူတို့ အဆက်မပြတ် ဟိန်းဟောက်ရင်း ထွက်ပြေးရန် ကြိုးစားကြ၏။

သို့သော် ကြယ်တာရာနယ်မြေ စစ်တပ်မှာ အလွန်အားကောင်းပြီး ကောင်းကင်ဘုံ မိစ္ဆာများကို ဆန့်ကျင်သည့် ထူးခြားသော ကျင့်ကြံခြင်းရတနာများကို ပိုင်ဆိုင်ကြသည်။ သူတို့သည် ရွှေရောင်ချည်မျှင်များကို ပစ်လွှတ်လိုက်ရာ ချက်ချင်းပင် ကောင်းကင်ဘုံ မိစ္ဆာနှစ်ကောင်ကို ထောင်ချောက်ဆင်ပြီး ရွှေရောင်အလင်းလုံးတစ်ခုအတွင်း ဖိနှိပ်လိုက်သည်။

လင်းလောင်တောင်ထိပ် သခင်မ၏ အကြည့်များ ဝေ့ဝဲသွားပြီး လုရီနှင့် အခြားသူများကို မြင်သောအခါ သူမ ပျံသန်းလာသည်။

လုရီက နားမလည်စွာ ကြည့်ရင်း "ဆရာ၊ ဆရာ့ရဲ့ နောက်ခံက ဒီလောက်မြင့်မားလိမ့်မယ်လို့ မထင်ထားခဲ့ဘူး။"

လင်းလောင်တောင်ထိပ် သခင်မက သူမ၏ ရင်ဘတ်ပေါ်တွင် လက်ပိုက်လိုက်ပြီး မောက်မာထောင်လွှားစွာ ရပ်ကာ အပြုံးဖြင့် ပြောလိုက်သည်။

"အခုတော့ သိပြီ မဟုတ်လား။ ငါ့ကို ကောင်းကောင်းဆက်ဆံထား နောင်တစ်ချိန်မှာ နင့်ရဲ့ဆရာက နင့်ကို ပျံသန်းဖို့ ခေါ်သွားနိုင်တာပေါ့။"

လုရီ ရုတ်တရက် စကားမပြောချင်တော့။

ကောင်းကောင်းဆက်ဆံမယ် ဟုတ်လား။ သူ့လို လူတစ်ယောက်က အဲ့ဒီလိုအရာမျိုး လုပ်ဖို့ ဘယ်လိုလုပ်ဖြစ်နိုင်မှာလဲ။

သူ အားရပါးရ ပြုံးလိုက်ပြီး ပြောလိုက်သည်။

"ဆရာ၊ ပင်ပန်းနေပြီလား။ ဆရာ့တပည့်က ပခုံးနှိပ်ပေးရမလား။ ဒါမှမဟုတ် ဝိညာဉ်အစားအစာများ သုံးဆောင်မလား။ ကျွန်တော် အသစ်တစ်ခုခုကို ချက်ချင်း သွားလေ့လာလိုက်မယ်။"

လျိုနင်ရွှမ်းနှင့် အခြားသူများ: "..."

လင်းလောင်တောင်ထိပ် သခင်မက ပြုံးကာ ကျေနပ်စွာ ခေါင်းညိတ်လိုက်သည်။

"မဆိုးဘူး၊ နင်က သင်ပေးလို့ရသားပဲ။ ငါတို့ပြန်ရောက်ရင် နင့်ရဲ့ဆရာအတွက် ကောင်းကောင်းမွန်မွန် အစားအသောက်တွေ ပြင်ဆင်ထားပေး"

လုရီက လင်းလောင်တောင်ထိပ် သခင်မနှင့် စကားပြောရယ်မောနိုင်သော်လည်း အခြားကျင့်ကြံသူများမှာမူ လင်းလောင်တောင်ထိပ် သခင်မ၏ နောက်ခံအား နားလည်သွားကြပြီး

လုရီကို စိတ်လှုပ်ရှားမှုနှင့် ရိုသေလေးစားမှုတို့ဖြင့် ကြည့်ကာ အနားသို့ မလာဝံ့ကြပေ။

ထိုစဉ်မှာပင် ကြောက်မက်ဖွယ် ဝိညာဉ်စွမ်းအင် ပေါက်ကွဲမှုတစ်ခု အဝေးမှ ပဲ့တင်ထပ်လာသည်။

ပေါက်ကွဲနေသော တည်မြဲသည့် ကြယ်နက္ခတ်တစ်စင်း၏ စွမ်းအား ထုတ်လွှတ်နေသကဲ့သို့ ခံစားရပြီး လုရီ၏ မျက်နှာ သိသိသာသာ တင်းမာသွားသည်။

အခြားကျင့်ကြံသူများလည်း ထုတ်လွှတ်နေသော အရှိန်အဝါရှိရာဘက်သို့ ထိတ်လန့်တကြား အမူအရာများဖြင့် ကြည့်လိုက်ကြသည်။

အဝေးတွင်၊ တောက်ပသောကမ္ဘာအတွင်း၌ ဝိညာဉ်စွမ်းအင် တောက်ပမှု အလင်းတန်းများ မသေမချာ လင်းလက်နေပြီး ၎င်းထဲမှ ဒေါသတကြီး စိတ်လှိုင်းများ ထွက်ပေါ်လာသည်ကို သူတို့ ကြားလိုက်ရသည်။ စိတ်လှိုင်းများသည် တောင်များပြိုကျပြီး ဆူနာမီများ တိုက်ခတ်သကဲ့သို့ ဖြစ်နေပြီး လုရီပင်လျှင် ခေါင်းမူးသွားရကာ အားနည်းသော ကျင့်ကြံသူအချို့မှာ ဖြူဖျော့ကာ ညည်းညူကြပြီး ကပ်ဘေးဖြတ်ကျော် ဘိုးဘေးအဆင့်ရှိသူများ၏ ပါးစပ်ထောင့်များမှပင် သွေးများ လျှံကျလာသည်။

ထိုစဉ်မှာပင် တောက်ပသောကမ္ဘာအတွင်း၌ နေတစ်စင်း ဖြည်းညင်းစွာ ထွက်ပေါ်လာသည့်အလား ရွှေရောင်အလင်းများ စူးရှတောက်ပလာသည်။

ထို့နောက် စိတ်လှိုင်းများသည် ဘယ်တုန်းကမှ မဖြစ်ပေါ်ခဲ့သကဲ့သို့ ရုတ်တရက် ရပ်တန့်သွားသည်။

မကြာမီတွင် တောက်ပသောကမ္ဘာ ပျောက်ကွယ်သွားပြီး ပုံရိပ်နှစ်ခု ပေါ်ထွက်လာသည်။ တစ်ဦးမှာ အဘွားယွင်လင်ဖြစ်ပြီး အခြားတစ်ဦးမှာ

လျိုဟိုင်ချင်း ဖြစ်သည်။

လျိုဟိုင်ချင်းသည် သူ၏ လက်ထဲတွင် နေမင်းလို ရွှေရောင်အလင်းလုံးတစ်လုံးကို ကိုင်ထားသည်။

ထို့နောက် သူ၏ လက်ကို လှန်လိုက်သည်နှင့် သူ၏ လက်ထဲမှ နေမင်းသည် ပျောက်ကွယ်သွားသည်။

နှစ်ဦးစလုံး တစ်ချိန်တည်းတွင် ပျံသန်းလာကြသည်။

သူတို့ နီးကပ်လာသောအခါ အဘွားယွမ်လင်၏ မျက်နှာမှာ အလွန်ဖြူဖျော့နေပြီး သူမ၏ အရှိန်အဝါမှာ အလွန်အားနည်းနေကာ သူမ၏ ခန္ဓာကိုယ်တွင်ပင် ဒဏ်ရာအချို့ ရှိနေသည်ကို လုရီ တွေ့လိုက်ရသည်။

ယခင်က ထိုအားကောင်းသော ကောင်းကင်ဘုံ မိစ္ဆာနှင့် တိုက်ပွဲသည် သူမအတွက် သိပ်မလွယ်ကူခဲ့ကြောင်း ရှင်းလင်းနေသည်။

ဤသည်ကို မြင်သောအခါ လင်းလောင်တောင်ထိပ် သခင်မက စိုးရိမ်နေသည်။

"အဘွားယွမ်လင်၊ အဆင်ပြေရဲ့လား။"

အဘွားယွမ်လင်က ခေါင်းခါကာ ပြုံးလိုက်၏။

"ဒီအဘွား အဆင်ပြေပါတယ်၊ သခင်မလေးရဲ့ တာဝန်ကို မစွန်းထင်းစေခဲ့ပါဘူး။"

လင်းလောင်တောင်ထိပ် သခင်မက ခေါင်းညိတ်ပြီး လျိုဟိုင်ချင်းဘက်သို့ လှည့်ကြည့်ကာ ပြောလိုက်သည်။ "တပ်မှူးလျို၊ ဟိုကောင်းကင်ဘုံ မိစ္ဆာတွေကို ရှင်တို့ဘက်က ကိုင်တွယ်ပေးရတော့မယ်။ ကျေးဇူးတင်ပါတယ်။"

လျိုဟိုင်ချင်းက လေးစားစွာ ပြန်ဖြေသည်။

"ကောင်းကင်ဘုံ မိစ္ဆာတွေကို သုတ်သင်ရှင်းလင်းဖို့က ကျွန်တော်တို့ရဲ့ တာဝန်ပါ၊ သခင်မလေးက အရမ်းအားနာတတ်တာပဲ။"

သူ ပတ်ပတ်လည်ကို ကြည့်လိုက်ပြီး ပြောလိုက်သည်။ "သခင်မလေးရဲ့ စကားအရ ဒီအနီးအနားမှာ ကောင်းကင်ဘုံ မိစ္ဆာတချို့ ရှိနေသင့်သေးတယ်၊ ဘာလို့ ကျွန်တော် မတွေ့ရတာလဲ။"

လင်းလောင်တောင်ထိပ် သခင်မက ခေါင်းခါကာ ပြောလိုက်သည်။ "သူတို့ကို ရှင်းလင်းပြီးသွားပြီ။"

လင်းလောင်တောင်ထိပ် သခင်မသည် ပြင်းထန်စွာ တိုက်ခိုက်နေခဲ့သော်လည်း သူမသည် လုရီ၏ ဘက်တွင် ဖြစ်ပျက်နေသည်များကိုလည်း အာရုံစိုက်နေခဲ့သည်။ လုရီနှင့် သူ၏ အဖော်များသည် လင်းလောင်တောင်ထိပ် သခင်မ အလွန်တန်ဖိုးထားပြီး ဆက်ဆံရေးကောင်းမွန်သော တပည့်များဖြစ်သောကြောင့် သူမ သဘာဝအတိုင်း သူတို့ကို စိုးရိမ်ပူပန်မိသည်။

လုရီက အင်မော်တယ်အဆင့် ကောင်းကင်ဘုံ မိစ္ဆာတစ်ကောင်ကို သတ်လိုက်သောအခါ လင်းလောင်တောင်ထိပ် သခင်မသည် အလွန်တုန်လှုပ်သွားပြီး သူမကို တော်တော်လေး လန့်သွားစေခဲ့သည်။

လျိုဟိုင်ချင်းက ခေါင်းညိတ်ပြီး ထပ်မံမေးမြန်းခြင်းမပြုတော့။ "ဒီလိုကိုး။"

"အင်း၊ ရှင့်မှာ တခြားကိစ္စတွေ ရှိသေးရင် အရင်သွားလို့ရပါတယ်။" လင်းလောင်တောင်ထိပ် သခင်မက ခေါင်းညိတ်ရင်း ပြောလိုက်သည်။

ထိုစကားကို ကြားသောအခါ လျိုဟိုင်ချင်း၏ အမူအရာ လေးနက်သွားပြီး သူက ပြောလိုက်သည်။ "သခင်မလေး၊ ကျွန်တော်တို့ ဒီကြယ်စနစ်ကို ရောက်လာတာ ကောင်းကင်ဘုံ မိစ္ဆာတွေကြောင့်ချည်းပဲ မဟုတ်ပါဘူး၊ အဓိကအားဖြင့် တခြားကိစ္စတစ်ခုကြောင့်ပါ။"

"တခြားကိစ္စ။" လင်းလောင်တောင်ထိပ် သခင်မ လန့်သွားပြီး အနည်းငယ် အံ့ဩသွားသည်။

"ဟုတ်ပါတယ်၊ လော့ယွမ် စစ်မြေပြင်ထဲက ကျိုယိုရဲ့ လှုပ်ရှားမှုတွေကြောင့် အမြင့်မြတ်ဆုံးပုဂ္ဂိုလ်နဲ့ တန်ခိုးရှင်အများအပြားက ကျိုယိုကို ဖိနှိပ်ဖို့ လော့ယွမ် စစ်မြေပြင်ကို ဦးတည်သွားကြပါပြီ။ ကြယ်တာရာနယ်မြေရဲ့ အတွင်းပိုင်းကာကွယ်ရေးက အနည်းငယ် အားနည်းနေပြီး ရာရှိုမွန် မျိုးနွယ်က ဒီသတင်းကို ရသွားပြီး ဒီအခွင့်အရေးကို အသုံးချပြီး ကျွန်တော်တို့ရဲ့ ကောင်းကင် ကြယ်တာရာ နယ်မြေကို တိုက်ခိုက်ဖို့ စီစဉ်နေပါတယ်၊" လျိုဟိုင်ချင်းက လေးနက်သော အမူအရာဖြင့် ပြောလိုက်သည်

"ရာရှိုမွန် မျိုးနွယ်က တိုက်ခိုက်မယ် ဟုတ်လား။" လင်းလောင်တောင်ထိပ် သခင်မ၏ မျက်နှာ သုန်မှုန်သွားပြီး မျက်မှောင်ကြုတ်လိုက်သည်။

အခြားကျင့်ကြံသူများလည်း တောင့်တင်းသွားကြပြီး သူတို့၏ မျက်နှာများတွင် အံ့ဩမှုတို့ဖြင့် ပြည့်နှက်နေသည်။

ထျန်းမင်၏ ဌာနေကျင့်ကြံသူများအနေဖြင့် ရာရှိုမွန် မျိုးနွယ်ဆိုသည်မှာ ဘာလဲဟု နားမလည်ကြသော်လည်း ကြယ်တာရာနယ်မြေ စစ်တပ်၏ ခေါင်းဆောင်များ၏ မျက်နှာတွင် ထိုသို့သော လေးနက်မှုကို ဖြစ်ပေါ်စေသည့်အချက်က သူတို့၏ ကြီးမားသော စွမ်းအားကို ညွှန်ပြနေသည်။

အကယ်၍ ရာရှိုမွန် မျိုးနွယ်သာ တိုက်ခိုက်လာပါက ထျန်းမင်အပေါ် သက်ရောက်မှုမှာ ဧရာမ လှိုင်းလုံးများကြားမှ သစ်သားလှေတစ်စင်းကဲ့သို့ အချိန်မရွေး ပျက်စီးသွားရန် အသင့်ဖြစ်နေပေလိမ့်မည်။

"မှန်ပါတယ် သခင်မလေး။ သခင်မလေး သိတဲ့အတိုင်းပဲ ဒီကြယ်တာရာဒေသက ထျန်းလောင်နဲ့ ရာရှိုမွန် ကြယ်တာရာ နယ်မြေကြားက နယ်နိမိတ်ဒေသမှာ ရှိနေပါတယ်။ ရာရှိုမွန် မျိုးနွယ်သာ ကျူးကျော်လာရင် ဒီဒေသက အဓိက တိုက်ခိုက်ခံရဖွယ်ရှိပါတယ်။ ဒါကြောင့် စစ်ဦးစီးချုပ်က ဒီကြယ်တာရာဒေသမှာ ကာကွယ်ရေးလိုင်းတစ်ခု တည်ထောင်ပြီး ရာရှိုမွန် မျိုးနွယ်ရဲ့ တိုက်ခိုက်မှုတွေကို ခုခံဖို့ စီစဉ်နေပါတယ်၊" လျိုဟိုင်ချင်းက အစီရင်ခံလိုက်သည်။

ဤအချက်က လင်းလောင်တောင်ထိပ် သခင်မကို နက်ရှိုင်းစွာ မျက်မှောင်ကြုတ်သွားစေသည်။

ထျန်းမင်၏ ဌာနေကျင့်ကြံသူအားလုံး၏ မျက်နှာများမှာမူ သွေးဆုတ်သွားကြသည်။

လုရီပင်လျှင် သူ၏ နှလုံးသား ဖိသိပ်ခံရသလို ခံစားလိုက်ရသည်။

လုရီသည် ရာရှိုမွန် မျိုးနွယ်နှင့် ကြုံတွေ့ဖူးပြီး ရာရှိုမွန် မျိုးနွယ်မှ ကျင့်ကြံသူများကိုပင် သတ်ဖူးကာ ရာရှိုမွန် မျိုးနွယ်မှ အင်မော်တယ်တစ်ပါးနှင့် ကံကြမ္မာဆက်နွယ်မှု ရှိနေသည်။

ယခင်က လုရီ သိပ်မထိတ်လန့်ခဲ့ပေ။ နောက်ဆုံးတွင် ရာရှိုမွန် မျိုးနွယ်သည် သူ့ထံမှ အလွန်ဝေးကွာပြီး ရာရှိုမွန် မျိုးနွယ်မှ အင်မော်တယ်များ သူ့ထံသို့ ဒုက္ခပေးရန် လာမည်ကို သူ မစိုးရိမ်ခဲ့ပေ။

သို့သော် ယခု ဝန်ခံရမည်မှာ သူနည်းနည်းတော့ လန့်သွားလေပြီ။

ရာရှိုမွန် မျိုးနွယ်က ကောင်းကင်ကြယ်တာရာ နယ်မြေကို တိုက်ခိုက်မယ်၊ ပြီးတော့ ထျန်းမင်က ကာကွယ်ရေးဒေသထဲမှာ ရှိနေမယ်ဆိုရင် ရာရှိုမွန် မျိုးနွယ်က ဟိုအင်မော်တယ်က သူ့ကို လာရှာမှာမဟုတ်ဘူးလား။

ထိုအင်မော်တယ်က ဒုက္ခပေးရန် မလာလျှင်ပင် ကာကွယ်ရေးဒေသထဲတွင် ရှိနေသဖြင့် လုရီ စိတ်ကူးကြည့်နိုင်သည်မှာ ထျန်းမင်တစ်ခုလုံးသည် စစ်မီးလျှံများဖြင့် လွှမ်းခြုံခံရဖွယ်ရှိသည်။

သာမန်စစ်ပွဲတစ်ခုသာဆိုလျှင် တစ်မျိုး၊ သို့သော် နှစ်ဖက်စလုံးမှာ ကြယ်တာရာနယ်မြေထဲမှ ဧရာမအင်အားစုကြီးများဖြစ်ပြီး အင်မော်တယ်အဆင့် တန်ခိုးရှင်များ ဖြစ်ကြသည်။

အင်မော်တယ်များ မည်မျှအားကောင်းသည်ကို လုရီ သဘာဝအတိုင်း သိရှိထားသည်—သူတို့သည် ကြယ်များကို ဖောက်ခွဲနိုင်စွမ်းရှိသော သတ္တဝါများပင်။

အားကောင်းသော အင်မော်တယ်များသာ

ထျန်းမင်တွင် တိုက်ခိုက်ကြလျှင် ထျန်းမင် ဆက်လက်တည်ရှိနိုင်မည်လားမှာ မေးခွန်းထုတ်စရာပင်။

ခဏတာမျှ လူတိုင်း တိတ်ဆိတ်သွားကြသည်။

"သခင်မလေး၊ ဒီဒေသက စစ်ဇုန်ဖြစ်လာတော့မှာဖြစ်ပြီး အရမ်းအန္တရာယ်များပါလိမ့်မယ်။ သခင်မလေး အိမ်ကို အရင်ပြန်သင့်ပါတယ်"

လျိုဟိုင်ချင်းက စိုးရိမ်စွာ ပြောလိုက်သည်။

လင်းလောင်တောင်ထိပ် သခင်မက အနည်းငယ် မျက်မှောင်ကြုတ်ပြီး ပြန်ဖြေသည်။

"မလိုပါဘူး၊ ငါက အားနည်းတဲ့သူ မဟုတ်ဘူး။ ရာရှိုမွန် မျိုးနွယ်က ယွီမျိုးနွယ် ကြယ်တာရာ နယ်မြေကို ကျူးကျော်ဖို့ ကြံရွယ်နေမှတော့ ယွီမျိုးနွယ်ဝင်တစ်ယောက်ဖြစ်တဲ့ ငါက ဘယ်လိုလုပ် ထွက်ပြေးနိုင်မှာလဲ။ ငါ ထျန်းမင်မှာပဲ နေမယ်။"

ထိုစကားကို ကြားသောအခါ လျိုဟိုင်ချင်း မှင်တက်သွားသော်လည်း လင်းလောင်တောင်ထိပ် သခင်မ၏ မျက်နှာပေါ်မှ ခိုင်မာသော အမူအရာကို မြင်သောအခါ သူ့အနေဖြင့် သူမကို ဆက်လက်ဖျောင်းဖျရန် ခက်ခဲနေသည်။

ခဏတာ တိတ်ဆိတ်သွားပြီးနောက် သူက ပြောလိုက်သည်။

"ဒီလိုဆိုရင်တော့ ကျွန်တော်တို့ သခင်မလေးကို အသက်နဲ့လဲပြီး ကာကွယ်ပါ့မယ်။"

အခန်း ၅၅၂- မဟာယာန ၁၁ လွှာနှင့် ဖရိုဖရဲ မူလအရည်...

~ထို့နောက်တွင် လျိုဟိုင်ချင်းသည် တိကျသော အခြေအနေကို ရှင်းပြလေ၏။

သူတို့၏ ကြယ်တာရာနယ်မြေ စစ်တပ်အဖွဲ့သည် ရှေ့ပြေးတပ်ဖွဲ့ဖြစ်ပြီး သူတို့သာမက ဤနယ်နိမိတ်တစ်လျှောက်ရှိ အခြားကြယ်စနစ်များသို့လည်း ကြယ်တာရာနယ်မြေ စစ်တပ်များ ဦးတည်ထွက်ခွာနေကြသည်။

ထို့နောက်တွင် ကြယ်တာရာနယ်မြေ စစ်တပ်မှ ကျင့်ကြံသူအများအပြားသည် ကူးပြောင်းပို့ဆောင်ရေး အခင်းအကျင်းမှတစ်ဆင့် ရောက်ရှိလာကြလိမ့်မည်။

သူတို့သည် ထောက်ပံ့ရေးပစ္စည်းများ ယူဆောင်လာပြီး ရာရှိုမွန် မျိုးနွယ်၏ တိုက်ခိုက်မှုများကို ခုခံရန် ဤဒေသတွင် ကာကွယ်ရေးများ တည်ဆောက်ကြလိမ့်မည်။

အခြေအနေကို နားလည်ပြီးနောက် လင်းလောင်တောင်ထိပ် သခင်မသည် စကားများများမပြောတော့ဘဲ လျိုဟိုင်ချင်းနှင့် ကြယ်တာရာနယ်မြေ စစ်တပ်အုပ်စုသည် ထျန်းမင်ကို ဖြတ်သန်းသွားလာရင်း သူတို့၏ လုပ်ငန်းများကို စတင်လုပ်ဆောင်ကြတော့သည်။

သူတို့သည် ထျန်းမင် ကြယ်စနစ်၏ အပြင်ဘက်အကျဆုံး ဧရိယာတွင် ကာကွယ်ရေးစခန်းတစ်ခု တည်ထောင်ရန် စီစဉ်နေကြသည်။

လျိုဟိုင်ချင်း ထွက်ခွာသွားပြီးနောက် ပတ်ဝန်းကျင်မှာ အနည်းငယ် တိတ်ဆိတ်သွား၏။

လင်းလောင်တောင်ထိပ် သခင်မမှာ အတော်လေး တည်ငြိမ်နေသော်လည်း ထျန်းမင်၏ အင်မော်တယ်ဂိုဏ်း မြင့်မြတ်နယ်မြေများမှ အခြားအားကောင်းသော ပုဂ္ဂိုလ်များ၊ ထို့အပြင် ဝမ်ကျန့်ယွမ်နှင့် ဓားတာအို ပုဂ္ဂိုလ်များအားလုံးမှာမူ အလွန်လေးနက်သော မျက်နှာထားများ ရှိနေကြသည်။

ထျန်းမင်၏ ဌာနေကျင့်ကြံသူများအနေဖြင့် သူတို့သည် ဤတစ်ကြိမ်တွင် ထျန်းမင်အတွက် သိသာသော အန္တရာယ်ကြီးတစ်ခု ရှိနိုင်သည်ကို နားလည်ကြသည်။

သို့ဖြစ်သော်ငြားလည်း အင်မော်တယ်များကြားမှ ကြီးမားသော စစ်ပွဲတစ်ခုကို ရင်ဆိုင်ရန် သူတို့မှာ အင်အားမဲ့နေကြသည်။

ကောင်းကင်ဘုံ မိစ္ဆာအားလုံးကို သုတ်သင်ပြီးနောက် လုရီနှင့် သူ၏ အဖွဲ့သည်လည်း တိတ်ဆိတ်စွာ ပြန်လာခဲ့ကြသည်။

လုရီနှင့် လျိုနင်ရွှမ်း၊ လင်းလောင်တောင်ထိပ် သခင်မ အပါအဝင် လူအချို့သည် တိမ်ဖြူဂိုဏ်းသို့ ပြန်လာခဲ့ကြ၏။

လုရီသည် မူလက သူ၏ စီနီယာအစ်မများနှင့်အတူ အပြင်ထွက်၍ နှစ်အနည်းငယ် လှည့်လည်သွားလာပြီးမှ ပြန်လာရန် စီစဉ်ထားခဲ့သည်။ သို့သော် ထိုသို့သော ဖြစ်ရပ်တစ်ခု ဖြစ်ပေါ်လာလိမ့်မည်ဟု သူ မမျှော်လင့်ထားခဲ့ဘဲ ထိုသို့ပြုလုပ်ရန် စိတ်လည်း မရှိတော့ပေ။

လုရီ တွေဝေနေခြင်းသည် လက်ရှိစိတ်အခြေအနေတစ်ခုတည်းကြောင့်တော့ မဟုတ်ပါ။ ထျန်းမင် ကြယ်စနစ်မှ ယခုထွက်ခွာလျှင် လမ်းခရီးတွင် ရာရှိုမွန်မျိုးနွယ်မှ ကျင့်ကြံသူများနှင့် ပက်ပင်းတိုးမိမည်ကို သူအလွန်စိုးရိမ်နေသည်။ ထိုသို့သာကြုံခဲ့ရလျှင်ကား နောင်တရချိန်ပင် ရှိလိုက်မည်မဟုတ်ဘဲ ပြေးပေါက်မရှိသော သေလမ်းတစ်ခုသာ ဖြစ်ပေလိမ့်မည်။

သာမန်ဘုံသားများနှင့် ရင်ဆိုင်ရာတွင်တော့ လုရီသည် သူ့ကိုယ်သူ အင်အားအကြီးဆုံးဟု ယုံကြည်ချက်အပြည့်ရှိ၏။ သို့သော်... သူ၏ပြိုင်ဘက်သည် လောကီဘုံကို ကျော်လွန်သွားသော အင်မော်တယ်တစ်ပါး ဖြစ်နေသည့်အခါတွင်မူ ထိုယုံကြည်ချက်တို့သည် အမှုန်အမွှားများအဖြစ် လွင့်ပြယ်သွားရတော့သည်။ သူ၏နှလုံးသား အနက်ရှိုင်းဆုံးတစ်နေရာတွင် သံသယစိတ်တစ်ခုက အမြစ်တွယ်နေဆဲပင်။

ဟင်းလင်းပြင် အင်မော်တယ် ပညာရှင်အုပ်စုနှင့် ကပ်ဘေးဖြတ်ကျော် ဘိုးဘေးတို့သည် အသီးသီးသော အင်မော်တယ်ဂိုဏ်း မြင့်မြတ်နယ်မြေများသို့ ပြန်ရောက်ပြီးနောက် မည်သည့်သတင်းမျှ ထုတ်မဖော်ခဲ့ကြပေ။ အကြောင်းမှာ ဤကိစ္စမှာ အလွန်လေးနက်သောကြောင့်တည်း။

၎င်းကို ဖြန့်ဝေလိုက်ခြင်းသည် အခြေအနေကို

မထိခိုက်နိုင်သည့်အပြင် ပရမ်းပတာဖြစ်မှုကိုသာ ဖြစ်ပေါ်စေလိမ့်မည်။

......

သူ၏ ဂူစံအိမ်သို့ ပြန်ရောက်ပြီးနောက် လုရီသည် ကောင်းကင်ဘုံ မိစ္ဆာများ ဆင်းသက်လာခြင်းကို တားဆီးခဲ့သည့် အလုပ်အတွက် ဆုလာဘ်များကို တောင်းခံလိုက်သည်။

သူသည် အင်မော်တယ်စွမ်းရည်အဆင့် တိုးမြှင့်ခြင်း အခွင့်အရေးသုံးကြိမ်စလုံးကို အင်မော်တယ် တက်လှမ်းခြင်း သိုင်းနည်းစနစ်အပေါ်တွင် အသုံးပြုလိုက်၏။

အင်မော်တယ် တက်လှမ်းခြင်း သိုင်းနည်းစနစ်က ငါ့ရဲ့တိုက်ခိုက်ရေးစွမ်းအားကို အတိုက်ရိုက်ဆုံး မြှင့်တင်ပေးနိုင်တယ်။ နောက်တစ်ခုဖြစ်လာနိုင်တဲ့ တိုက်ပွဲကြီးအတွက် ငါ့ရဲ့အစွမ်းကို မြှင့်တင်ထားဖို့လိုတယ်။

ဤသုံးကြိမ်အပြင် ယခင်က သူ သိမ်းဆည်းထားခဲ့သော အင်မော်တယ်စွမ်းရည်အဆင့် တိုးမြှင့်ခွင့် အခွင့်အရေးတစ်ခုလည်း ရှိသေးရာ လုရီ ၎င်းကိုလည်း အသုံးပြုလိုက်သည်။

သူသည် နှစ်များတစ်လျှောက် အင်မော်တယ် တက်လှမ်းခြင်း သိုင်းနည်းစနစ်ကို ဆင်ခြင်သုံးသပ်နေခဲ့ပြီး အဆင့် ၂ သို့ တက်လှမ်းပြီးဖြစ်နေသည်။ အဆင့်တိုးမြှင့်မှု သုံးကြိမ်ဖြင့် သူ အဆင့် ၆ သို့ ရောက်ရှိသွားခဲ့သည်။

ဤသည်မှာ လုရီအတွက် နှစ်နှစ်တာ နားလည်သဘောပေါက်မှု အချိန်ယူခဲ့ရသည်။

အဆင့် ၆ အင်မော်တယ် တက်လှမ်းခြင်း သိုင်းနည်းစနစ်သည် အထွတ်အထိပ် အဆင့်လောက် အားမကောင်းသော်လည်း သူ ပထမဆုံး နားလည်ရန် ကြိုးစားခဲ့စဉ်ကနှင့် နှိုင်းယှဉ်လျှင် များစွာအားကောင်းနေပြီဖြစ်သည်။ တူညီသော ဝိညာဉ်စွမ်းအားဖြင့် လုရီသည် များစွာပိုကြီးမားသော စွမ်းအားကို ချဲ့ထွင်နိုင်သည်။

လုရီ၏ လက်ရှိ ရုပ်ခန္ဓာနှင့် ဝိညာဉ်စွမ်းအား၏ အားကောင်းမှုအရ သူ၏ တိုက်ခိုက်ရေးစွမ်းအားကို ရှစ်ဆခန့်အထိ တိုးမြှင့်နိုင်ပြီး ၎င်းမှာ အကန့်အသတ်ပင် ဖြစ်သည်။ အင်မော်တယ် တက်လှမ်းခြင်း သိုင်းနည်းစနစ်၏ အဆင့်တိုးမြှင့်မှုပင်လျှင် ၎င်းကို ဆက်လက်တိုးတက်စေနိုင်တော့မည်မဟုတ်ပေ။

ဤသည်မှာ သူ၏ ကိုယ်ပိုင်ရုပ်ခန္ဓာနှင့် ဝိညာဉ်စွမ်းအား၏ စွမ်းဆောင်ရည်ဖြင့် ဆုံးဖြတ်ခြင်း ဖြစ်သည်။

သို့သော်ငြားလည်း အင်မော်တယ် တက်လှမ်းခြင်း သိုင်းနည်းစနစ်၏ အဆင့်ဆက်လက်တိုးမြှင့်မှုဖြင့် သုံးစွဲရမည့် ဝိညာဉ်စွမ်းအင်ပမာဏမှာ သေချာပေါက် နည်းပါးသွားမည်ဖြစ်ပြီး ရှည်လျားသော တိုက်ပွဲတစ်ခု ဖြစ်ပွားပါက လုရီအတွက် အလွန်အသုံးဝင်နေဆဲဖြစ်သည်။

ကံမကောင်းစွာဖြင့် သူ ယခု ၎င်းကို ဆက်လက်မမြှင့်တင်နိုင်တော့ပေ။

သတ်မှတ်ထားသော နိယာမတိုးတက်မှုအတွက်မူ အတန်ကြာ စဉ်းစားပြီးနောက် လုရီသည် သူ၏ နေရာလပ် နိယာမကို ထပ်မံတိုးတက်စေရန် မသုံးစွဲရန် ဆုံးဖြတ်လိုက်သည်။ ၎င်းမှာ ၄၀% ကျော် အနည်းငယ် ရှိနေပြီးဖြစ်ရာ ဆက်ပြီး မြှင့်တင်လျှင် သိပ်အကျိုးရှိမှာ မဟုတ်တော့ပါ။

နောက်ဆုံးတော့ ငါ့ရဲ့ကိုယ်ပိုင်အခြေခံက ဒီလောက်ပဲရှိတာ။ နေရာလပ် နိယာမက ပိုအားကောင်းသွားရင်တောင် ငါက သူ့ရဲ့အလားအလာအပြည့်ကို ထုတ်သုံးနိုင်မှာ မဟုတ်ဘူး။

လုရီ ဆင်ခြင်သုံးသပ်ပြီးနောက် နောက်ဆုံးတွင် ၂၀% နိယာမအဆင့်မြှင့်တင်မှုကို အင်မော်တယ် နိယာမအပေါ်တွင် အသုံးပြုရန် ရွေးချယ်လိုက်သည်။

ဤမတိုင်မီက လုရီ၏ အင်မော်တယ် နိယာမအပေါ် နားလည်မှုမှာ ၂၀% ကျော် အနည်းငယ်သို့ ရောက်ရှိပြီးဖြစ်နေသည်။ ယခု ထပ်ဆောင်း ၂၀% နိယာမတိုးတက်မှုဖြင့် သူသည် ၎င်းကို ၄၀% ကျော် အနည်းငယ်သို့ တိုးမြှင့်နိုင်သည်။

ဤသည်မှာ သူ၏ ပြန်လည်ကုသနိုင်စွမ်းကို ပို၍ပင် အားကောင်းလာစေပြီး ရှင်သန်နိုင်စွမ်းကို ထပ်မံမြှင့်တင်ပေးပေလိမ့်မည်။

လွတ်မြောက်ရန်အတွက် နေရာလပ် နိယာမ၊ ပြန်လည်ကုသရန်အတွက် အင်မော်တယ် နိယာမနှင့် သဘာဝနိယာမ၊ တိုက်ခိုက်ရန်အတွက် ဓားတာအိုနိယာမနှင့် စွမ်းအားနိယာမတို့ဖြင့် လုရီသည် တိုက်စစ်ရော ခံစစ်ပါ ကောင်းစွာပြင်ဆင်ထားပြီး ဖြစ်ချေသည်။

အင်မော်တယ် နည်းစနစ်ဘက်တွင် သူ၌ တိုက်ခိုက်ရန်အတွက် ကြယ်ဖြတ်ဓားသိုင်းနှင့် ကောင်းကင်ခွဲ လက်သီး၊ ချဲ့ထွင်ရန်အတွက် အင်မော်တယ် တက်လှမ်းခြင်း သိုင်းနည်းစနစ်တို့ ရှိသည်။

ကံမကောင်းစွာဖြင့် သူ၌ ခံစစ်စွမ်းရည်ကို မြှင့်တင်ပေးနိုင်သော အင်မော်တယ် နည်းစနစ်များနှင့် နေရာလပ်အမျိုးအစား နည်းစနစ်များ ချို့တဲ့နေသည်။ သို့မဟုတ်လျှင် လုရီသည် ထပ်မံတိုးတက်မှုများ ပြုလုပ်နိုင်ခဲ့ပေလိမ့်မည်။

လုရီ အတွင်းစိတ်၌ သက်ပြင်းချလိုက်သော်လည်း သူ ကျေနပ်နေပြီးဖြစ်သည်။

ယခု သူ၌ အားနည်းချက် မရှိတော့ပ

အလုပ်မှ ရရှိသော မိစ္ဆာလမ်းစဉ် နားလည်မှုဆုလာဘ်အတွက်မူ လုရီ သဘာဝအတိုင်း ၎င်းကိုလည်း စုပ်ယူလိုက်သည်။ အလုပ်၏ ပစ်မှတ်မှာ အလွန်ကြောက်မက်ဖွယ်ကောင်းသောကြောင့် ဖြစ်ကောင်းဖြစ်မည်၊ ဆုလာဘ်မှာ ထူးကဲစွာ ရက်ရောလှသည်။

လုရီသည် သူ၏ မိစ္ဆာလမ်းစဉ်နားလည်မှုကို နိယာမအဆင့်သို့ တိုက်ရိုက်တက်လှမ်းနိုင်ခဲ့ပြီး အလွန်အမင်းအားကောင်းသော ဖျက်ဆီးခြင်းစွမ်းအားနှင့် မိစ္ဆာသဘာဝကို ရရှိခဲ့သည်။

၎င်းသည် သူ၏ ကိုယ်ပိုင်မိစ္ဆာသဘာဝမှ စုဖွဲ့ထားသော ကောင်းကင်ဘုံ မိစ္ဆာနှင့် ကွဲပြားသော်လည်း အကယ်၍ လုရီသာ ယခု မိစ္ဆာလမ်းစဉ်၏ စွမ်းအားများကို အသုံးပြုမည်ဆိုလျှင် သူသည် မိစ္ဆာနည်းစနစ်များကို ကျင့်ကြံအောင်မြင်ခဲ့သော မိစ္ဆာကြီးတစ်ကောင်အဖြစ် အမှတ်မထင် မှားယွင်းစွာ မှတ်ယူခံရနိုင်သည်။

သို့သော် မိစ္ဆာတာအိုနိယာမမှာ ၁၀% အဆင့်၌သာ ရှိသောကြောင့် လုရီအတွက် သိပ်အသုံးမဝင်လှသဖြင့် သူ သိပ်အာရုံမစိုက်ခဲ့ပေ။

နောက်ဆုံးဆုလာဘ်မှာ အလယ်အလတ်တန်းစား အင်မော်တယ်လက်နက်၊ မိစ္ဆာတိမ်တိုက် ခေါင်းလောင်းဖြစ်ပြီး အလွန်အားကောင်းသော မိစ္ဆာလမ်းစဉ် အင်မော်တယ်လက်နက်တစ်ခုဖြစ်သည်။ ၎င်း၏ ခေါင်းလောင်းသံ ထွက်ပေါ်လာသောအခါ တိုက်ခိုက်ရန်နှင့် ကာကွယ်ရန် အသုံးပြုနိုင်သော အားကောင်းသည့် မိစ္ဆာတိမ်တိုက်များကို ထုတ်လွှတ်နိုင်ပေသည်။

မည်သို့ပင်ဆိုစေကာမူ လုရီသည် အလယ်အလတ်တန်းစား အင်မော်တယ်လက်နက် အတော်များများ ပိုင်ဆိုင်ထားပြီးဖြစ်သောကြောင့် မိစ္ဆာတိမ်တိုက် ခေါင်းလောင်း ရောက်ရှိလာခြင်းသည် သူ့အတွင်း၌ လှုပ်ခတ်မှုများစွာ မဖြစ်ပေါ်စေခဲ့ဘဲ သူ ရိုးရှင်းစွာ သိမ်းဆည်းထားလိုက်သည်။

ဆုလာဘ်များကို စုပ်ယူပြီးနောက် ငါးနှစ်ကျော် ကုန်လွန်သွားသည်။

ဤငါးနှစ်တာကာလအတွင်း လုရီသည် ကြယ်တာရာနယ်မြေ စစ်တပ်၏ အခြေအနေကိုလည်း မျက်ခြည်မပြတ် စောင့်ကြည့်နေခဲ့သည်။

ပြီးခဲ့သောနှစ်မှစ၍ ကြယ်များကြားတွင် ကြီးမားသော၊ သေးငယ်သော ကူးပြောင်းပို့ဆောင်ရေး အခင်းအကျင်းများစွာ ပေါ်ပေါက်လာပြီး ကြယ်တာရာနယ်မြေ စစ်တပ်မှ လူများစွာ ထျန်းမင်သို့ ရောက်ရှိလာကြသည်။

လုရီသည် အားကောင်းသော ကြယ်တာရာနယ်မြေ စစ်တပ်မှ တပ်မှူးများ လင်းလောင်တောင်ထိပ်သို့ ရောက်ရှိလာပြီး လင်းလောင်တောင်ထိပ် သခင်မကို ဂါရဝပြုကြသည်ကိုပင် မြင်တွေ့ခဲ့ရသည်။

လင်းလောင်တောင်ထိပ် သခင်မသည် ကြယ်တာရာနယ်မြေ စစ်တပ်အတွင်း အဆင့်မြင့်အရာရှိတစ်ဦး မဟုတ်သော်လည်း သူမသည် ယွီမျိုးနွယ်တွင် အရေးပါသော ပုဂ္ဂိုလ်တစ်ဦးဖြစ်ပြီး ဂုဏ်သိက္ခာကြီးမားသော နောက်ခံ ရှိသောကြောင့် ကြယ်တာရာနယ်မြေ စစ်တပ်က သဘာဝအတိုင်း သူမကို မျက်ကွယ်မပြုနိုင်ပေ။

လုရီသည် လင်းလောင်တောင်ထိပ် သခင်မထံမှ ကြယ်တာရာနယ်မြေ စစ်တပ်က ထျန်းမင်၏ လုံခြုံရေးကို သေချာစေရန် အင်မော်တယ် ရွှေ ပမာဏအများအပြားကို အသုံးပြုကာ ထျန်းမင်ပတ်လည်တွင် စစ်ပွဲမှော်ရတနာတစ်ခု သွင်းလုပ်ရန် စီစဉ်နေကြောင်းလည်း ကြားသိခဲ့ရသည်။

ထိုသို့ဖြစ်သော်လည်း လုရီ ခံစားမိသည်မှာ ကြယ်တာရာနယ်မြေ စစ်တပ်သည် လင်းလောင်တောင်ထိပ် သခင်မကို ကာကွယ်ရန် ရောက်ရှိလာခြင်း ဖြစ်နိုင်ခြေများသည်။

နောက်ဆုံးတွင် ကြယ်တာရာနယ်မြေ စစ်တပ်ရှိ ကျင့်ကြံသူများ၏ အနိမ့်ဆုံးအဆင့်မှာ အစစ်အမှန် အင်မော်တယ်များဖြစ်ကြရာ ထိုသို့သော ပုဂ္ဂိုလ်များ၏ မျက်စိထဲတွင်

ထျန်းမင်သည် သိပ်အရေးပါသည်ဟု ထင်မြင်ဖွယ်မရှိပေ။

စကြာဝဠာသည် ကျယ်ပြောလှပြီး သက်ရှိဂြိုဟ်တွေက ဂင်္ဂါမြစ်ထဲက သဲပွင့်တွေလို မရေမတွက်နိုင်အောင် များပြားလှသည်။

ထျန်းမင်ကလည်း ခြွင်းချက် မဟုတ်ပေ။

မည်သို့ပင် ဆိုစေကာမူ ထျန်းမင်မှ သတ္တဝါများအတွက်မူ ဤသည်မှာ သတင်းကောင်းတစ်ခုဖြစ်သည်မှာ သံသယဖြစ်ဖွယ်မရှိဘဲ လုရီလည်း စိတ်အေးသွားသည်။

သူသည် အားကောင်းပြီး အသစ်တက်လာသော ကောင်းကင်ဘုံ အင်မော်တယ်များနှင့်ပင် ရင်ဆိုင်ဖြေရှင်းနိုင်စွမ်းရှိသည်။ သို့သော် သူ၏ မိတ်ဆွေများနှင့် ဆွေမျိုးများမှာ ထိုမျှ အားမကောင်းကြပေ။ အကယ်၍ ရာရှိုမွန် မျိုးနွယ်သာ ဆင်းသက်လာပါက ထျန်းမင်မှ သတ္တဝါများအတွက် ကပ်ဘေးတစ်ခုဖြစ်မည်ဖြစ်ပြီး သူ၏ မိတ်ဆွေများနှင့် ဆွေမျိုးများအတွက်လည်း ထိုနည်းတူပင်။

ကြယ်စနစ်၏ အဝေးမှ နယ်နိမိတ်များအတွက်မူ လင်းလောင်တောင်ထိပ် သခင်မ၏ အဆိုအရ ယွီမျိုးနွယ်၏ အားကောင်းသော စစ်ဂြိုဟ်သည် ဖြတ်ကျော်ရောက်ရှိလာပြီးဖြစ်သည်။

လင်းလောင်တောင်ထိပ် သခင်မ မိတ်ဆက်ပေးသည့်အတိုင်း ၎င်းမှာ အင်မော်တယ်ရွှေဖြင့် လုံးဝသွန်းလုပ်ထားသော ဂြိုဟ်အဆင့် ဖျက်ဆီးခြင်း မှော်ရတနာတစ်ခုဖြစ်ပြီး အင်မော်တယ်လက်နက်များထက် ပိုမိုအားကောင်းကာ မွေးရာပါမဟုတ်သော ဝိညာဉ်ရတနာအဖြစ် အမျိုးအစားခွဲခြားထားသည်။

လင်းလောင်တောင်ထိပ် သခင်မ၏ အဆိုအရ ဝိညာဉ်ရတနာများသည် အင်မော်တယ်လက်နက်များအထက်တွင် ရှိပြီး ၎င်းတို့ကို မွေးရာပါမဟုတ်သော ဝိညာဉ်ရတနာများနှင့် မွေးရာပါ ဝိညာဉ်ရတနာများဟူ၍ ခွဲခြားထားသည်။

မွေးရာပါမဟုတ်သော ဝိညာဉ်ရတနာတစ်ခုမျှသာ ဖြစ်လျှင်ပင် ၎င်း၏ စွမ်းအားသည် ထျန်းမင် ကြယ်စနစ်တစ်ခုလုံးကို လွယ်လွယ်ကူကူ ဖျက်ဆီးရန် လုံလောက်သည်—ထိုမှော်ရတနာ မည်မျှအားကောင်းသည်ကို စိတ်ကူးကြည့်နိုင်ပါသည်။

လုရီသည် အတော်လေး အားကျမိပြီး ဝိညာဉ်ရတနာဆိုသည်မှာ အတိအကျ ဘယ်လိုပုံစံဖြစ်သည်ကိုလည်း အနည်းငယ် သိချင်မိသည်။

သို့သော် လုရီသည် ၎င်းကို သက်သေခံရန် ကြယ်စနစ်၏ အစွန်းသို့ မသွားခဲ့ပေ။ အကြောင်းမှာ ၎င်းမှာ ကြယ်တာရာနယ်မြေ စစ်တပ်၏ နယ်မြေဖြစ်ပြီး သူ ထိုနေရာသို့ သွား၍ ဒုက္ခရှာနေမည်မဟုတ်ပေ။

တကယ်တော့ သူ့ဆရာသာ စိတ်ပါလက်ပါဖြင့် ခေါ်ဆောင်သွားမည်ဆိုလျှင် ကြယ်တာရာနယ်မြေ စစ်တပ်တစ်ခုလုံးက သူတို့ကို လက်ကမ်းကြိုဆိုကြပေလိမ့်မည်။ သို့သော် အိပ်လိုက် စားလိုက်ကလွဲ၍ အခြားမည်သည့်အရာကိုမှ စိတ်မဝင်စားသော ဆရာ့ကို မြင်လိုက်ရသည့်အခါ ထိုမျှော်လင့်ချက်များမှာ အဝေးဆုံးသို့ လွင့်ပြယ်သွားရတော့သည်။

ထို့နောက် လုရီသည် သူ၏ တံခါးပိတ်ကျင့်ကြံမှုကို ပြန်လည်စတင်လိုက်သည်။

သူသည် အင်မော်တယ် ဓားကျမ်း၊ ကိုးထပ်ကောင်းကင် ဓားအင်မော်တယ် ရတနာကျမ်း၊ ရီမု ဟွားရှန့် ကျမ်း၊ မြေဧကရာဇ်ကျမ်းနှင့် လရောင် အင်မော်တယ် အဆင့်ကျမ်းတို့ကို နေ့စဉ် ဆင်ခြင်သုံးသပ်ကာ သူ၏ ဝိညာဉ်စွမ်းအင် ကျင့်ကြံမှုကို တိုးတက်စေသည်။

ထိုမျှသာမက လုရီသည် အင်မော်တယ်ကျမ်းများကို ဆက်လက်နားလည်သဘောပေါက်ပြီး ၎င်းတို့၏ အနှစ်သာရကို ကျွမ်းကျင်လာသည်နှင့်အမျှ သူသည် သူ၏ ကိုယ်ပိုင် ချီကျင့်ကြံခြင်း အင်မော်တယ်ကျမ်းကို ဖန်တီးရန် စိတ်ကူးလည်း ရရှိခဲ့သည်။

ခန္ဓာကိုယ်သန့်စင်ခြင်းဘက်တွင် လုရီသည် ကိုးပတ်လည် ကောင်းကင်ဘုံမိစ္ဆာ ခန္ဓာကိုယ်နှင့် သူကိုယ်တိုင်နားလည်သဘောပေါက်ထားသော ကိုးပတ်လည် အင်မော်တယ် ခန္ဓာကိုယ်တို့ကို ဆင်ခြင်သုံးသပ်ကာ သူ၏ ကိုယ်ပိုင်ရုပ်ခန္ဓာစွမ်းအားကို အဆက်မပြတ် မြှင့်တင်နေသည်။

အခြားအချိန်များတွင် လုရီသည် အင်မော်တယ်အဆင့် အခင်းအကျင်းများ၊ ဆေးလုံးသန့်စင်ခြင်း နည်းစနစ်များနှင့် လက်နက်သန့်စင်ခြင်း နည်းစနစ်များကိုလည်း ဆင်ခြင်သုံးသပ်ပြီး အခွင့်အရေးရလျှင် အင်မော်တယ်အဆင့် ဝိညာဉ်အစားအစာနှင့် ဝိညာဉ်ဝိုင်တို့ကို ပြုလုပ်လေ့ကျင့်သည်။

ကျင့်ကြံခြင်းမှ အားလပ်ချိန်များတွင် လုရီသည် မိတ်ဆွေများနှင့် ဆွေမျိုးများနှင့်လည်း စုဝေးသည်။ သူ၏ ကျင့်ကြံမှု အားကောင်းလာသည်နှင့်အမျှ သူ၌ ပိုလျှံသော အရင်းအမြစ်များ ပိုမိုရှိလာပြီး သူ၏ မိတ်ဆွေများနှင့် ဆွေမျိုးများကို အသုံးပြုရန် ပေးနိုင်ခဲ့သည်။

သူ၏ ဂိုဏ်းတူတပည့်များဖြစ်သော ကျန့်ဖန်၊ ပိုင်ယွီလုံ၊ ထျဲ့မန်၊ ဟန်ယွီ၊ ကောင်းကင်နဂါး သူတော်စင်သားတော်၊ ထိုက်ရီ သူတော်စင်သားတော်နှင့် အခြားသူများအတွက် လုရီသည် အားကောင်းသော အရင်းအမြစ်များစွာကို ထောက်ပံ့ပေးခဲ့သည်။

ဤသည်မှာ သူတို့၏ ကျင့်ကြံမှုကို လျင်မြန်စွာ တိုးတက်စေပြီး သူတို့၏ စွမ်းအားကို လျင်မြန်စွာ တိုးပွားစေခဲ့သည်။

လုရီ၏ ဦးဆောင်မှုအောက်တွင် လူတိုင်းသည် သူ့ကို ဝတ်ပြုကိုးကွယ်လုနီးပါး ရိုသေလေးစားကြသည်။

ထိုသို့ဖြင့် သုံးဆယ့်သုံးနှစ်အကြာတွင် လုရီသည် မဟာယာန ဆယ်လွှာသို့ ရောက်ရှိသွားလေတော့သည်။

နောက်တစ်ခုမှာ မဟာယာနနယ်ပယ်၏ ကောင်းကင်ဘုံ၏ အကန့်အသတ်ကို ချိုးဖျက်ရန် စိန်ခေါ်မှုပင်။

သဘာဝအတိုင်း လုရီ အလုပ်တစ်ခု ထုတ်ပြန်လိုက်သည်။

> [အလုပ်]

> မဟာယာနကြီး ၁၁ လွှာသို့ ချိုးဖျက်တက်လှမ်းပါ။

> ဆုလာဘ်: ဖရိုဖရဲ မူလအရည်*၁

> အလုပ်ကို လက်ခံမည်လော: လက်ခံမည်/လက်မခံပါ။

>

လုရီ ခန့်မှန်းထားသည့်အတိုင်း နောက်ဆုံးတာဝန်၏ ဆုလာဘ်မှာ ဖရိုဖရဲ ရတနာတစ်ခုဖြစ်ပြီး ဤတစ်ကြိမ်မှာလည်း ခြွင်းချက်မဟုတ်ပေ။ ထို့အပြင် ၎င်းမှာ နောက်ဆုံးအကြိမ်ထက်ပင် ပိုကောင်းနေသေးသည်။

လုရီ သဘာဝအတိုင်း အလုပ်ကို လက်ခံပြီး ဆက်လက်ကျင့်ကြံလိုက်သည်။

ကြယ်တာရာနယ်မြေ စစ်တပ် ထျန်းမင်သို့ ရောက်ရှိလာသည်နှင့် စစ်ပွဲသတင်းများ ယူဆောင်လာသော်လည်း ၎င်းသည် ထျန်းမင်တစ်ခုလုံးအတွက် ငြိမ်းချမ်းမှုများစွာကိုလည်း ယူဆောင်လာခဲ့သည်။

ယခုအခါ အင်မော်တယ်ဂိုဏ်း၏ မြင့်မြတ်နယ်မြေအားလုံးနီးပါးသည် လုရီ၏ ဆရာမှာ ယွီမျိုးနွယ်တွင် အရေးပါသော ပုဂ္ဂိုလ်တစ်ဦးဖြစ်ကြောင်း သိရှိကြပြီး သဘာဝအတိုင်း မည်သူမျှ သူတို့၏ ကျင့်ကြံမှုကို နှောင့်ယှက်ရဲငြပါပေ။

ကောင်းကင်ဘုံ မိစ္ဆာနန်းတော်အတွက်မူ ကျန်ရှိသော ကောင်းကင်ဘုံ မိစ္ဆာများကို စုံစမ်းစစ်ဆေးရာတွင် ထျန်းမင်၏ မြင့်မြတ်နယ်မြေများသည် ဤမိစ္ဆာများသည် ကောင်းကင်ဘုံ မိစ္ဆာနန်းတော်နှင့် တစ်နည်းမဟုတ်တစ်နည်း ဆက်စပ်နေပြီး နန်းတော်သည် မိစ္ဆာများနှင့် ရင်းနှီးသော ဆက်ဆံရေးရှိကြောင်း တွေ့ရှိခဲ့ကြ၏။

ဤသည်မှာ သဘာဝအတိုင်းပင် အင်မော်တယ်ဂိုဏ်း၏ မြင့်မြတ်နယ်မြေအားလုံးကို ဒေါသထွက်စေပြီး သူတို့ စုပေါင်းတိုက်ခိုက်ခဲ့ကြသည်။

ကောင်းကင်ဘုံ မိစ္ဆာနန်းတော်သည် ယခုအခါ ဟင်းလင်းပြင် အင်မော်တယ်များနှင့် အင်မော်တယ်လက်နက်များ နှစ်ခုစလုံး ချို့တဲ့နေပြီး အင်မော်တယ်ဂိုဏ်း အခင်းအကျင်းကိုသာ အားကိုး၍ ခုခံနေရရာ ထျန်းမင်ရှိ အင်မော်တယ်ဂိုဏ်း မြင့်မြတ်နယ်မြေများအားလုံး၏ မဟာမိတ်တပ်ဖွဲ့များကို လပေါင်းများစွာ ခုခံပြီးနောက် ကြာရှည်မခံနိုင်တော့ဘဲ ကျဆုံးသွားခဲ့သည်။

နောက်ဆုံးတွင် ၎င်းသည် လုံးဝပျက်စီးသွားခဲ့သည်။

လုရီ တံခါးပိတ်ကျင့်ကြံရာမှ ထွက်ပေါ်လာပြီး သတင်းကြားသောအခါ သူ ကံကောင်းခြင်းကြီးတစ်ခုကို လွဲချော်သွားသလို ခံစားလိုက်ရသည်။

ငါသာ ဒီကိစ္စမှာ ပါဝင်ပြီး အလုပ် တစ်ခုလောက် ထုတ်ပြန်လိုက်ရင် ဆုလာဘ်တွေ အများကြီး ရမှာမဟုတ်ဘူးလား။

တကယ်နှမြောစရာပဲ။

ထိုအချိန်က သူ တံခါးပိတ်ကျင့်ကြံနေခဲ့သည်။

နှစ်နှစ်ဆယ်အကြာတွင် လုရီသည် မဟာယာန ဆယ့်တစ် လွှာသို့ ချိုးဖျက်တက်လှမ်းသွားသည်။

ပြန်လည်ပေါ်ထွက်လာပြီးနောက် သူသည် လျိုနင်ရွှမ်းနှင့် အခြား မိန်းကလေး သုံးယောက်နှင့်အတူ နှစ်လကျော်ကြာ နှစ်ကိုယ်တူကျင့်ကြံကာ အပြည့်အဝ အောင်ပွဲခံခဲ့ လေသည်။ လေးယောက်လုံး၏ တိုက်တွန်းမှုအောက်တွင်သာ လုရီ မတတ်သာစွာ ထွက်ခွာခဲ့ပေ၏။

ငါးနှစ်အကြာတွင် ထျန်းမင်အားလုံး တုန်လှုပ်သွားသည်။

အင်မော်တယ်များသည် ထျန်းမင်၏ အဓိက မြင့်မြတ်နယ်မြေအားလုံးသို့ ဆင်းသက်လာကြသည်။

ဤဖြစ်ရပ်သည် မုန်တိုင်းတစ်ခုအဖြစ်သို့ နီးပါးပြောင်းလဲသွားပြီး ထျန်းမင်အားလုံးကို တိုက်ခတ်သွားသည်။

ထျန်းမင်မှ ကျင့်ကြံသူအားလုံးသည် တုန်လှုပ်မှုနှင့် မယုံနိုင်သော အမူအရာများ ဆင်မြန်းထားကြပြီး မယုံကြည်နိုင်ဖြစ်နေကြသည်။

အင်မော်တယ်များသည် ရှားရှားပါးပါးသာ ဆင်းသက်လေ့ရှိပြီး ယခုမူ သူတို့တစ်အုပ်စုလုံး ပေါ်ထွက်လာသည်လား။

လူတိုင်းသည် သိသာထင်ရှားသော ဖြစ်ရပ်ကြီးတစ်ခု ဖြစ်ပေါ်တော့မည်ဟု ခံစားမိကြသည်။

အတွင်းသိများဖြစ်သော လုရီကဲ့သို့သော

သူများ၏ နှလုံးသားထဲတွင်မူ မကောင်းသော နိမိတ်တစ်ခု ကိန်းအောင်းသွားသည်။

စစ်ပွဲက မိုးကုတ်စက်ဝိုင်းမှာ ရှိနေပြီ။ အင်မော်တယ်အများအပြား ပြန်လည်ရောက်ရှိလာခြင်းက မုန်တိုင်းတစ်ခု မလာခင် လေငြိမ်နေသော ခံစားချက်မျိုးကို ပေးနေတော့သည်။