အခန်း (၅၆၅-၅၆၇)

အခန်း ၅၆၅ - အစွမ်းထက်သော နေရာလပ်နိယာမ...

~[အလုပ်]

ရာရှိုမွန်မျိုးနွယ်စခန်း၏ မဟာအခင်းအကျင်းကို ဖျက်ဆီးပါ။ (ပြီးမြောက်)

ဆုလာဘ်- အခင်းအကျင်းတာအိုအား နားလည်နိုင်စွမ်း တိုးမြှင့်ခြင်း၊ အစစ်အမှန်အင်မော်တယ်အဆင့် အခင်းအကျင်း

တာအို၏ အသေးစိတ်ရှင်းလင်းချက်။

[အလုပ်]

စခန်းအတွင်းမှ ရာရှိုမွန် မျိုးနွယ်ဝင် အစွမ်းထက်ပုဂ္ဂိုလ်များကို သတ်ဖြတ်ပါ။ (မပြီးမြောက်သေး)

ဆုလာဘ် - သတ်ဖြတ်နိုင်သော အရေအတွက်အလိုက် ဆုလာဘ်များ ချီးမြှင့်မည်။

ပထမ အလုပ်မှာ ပြီးမြောက်သွားပြီ ဖြစ်ပြီး၊ ဒုတိယ အလုပ်မှာလည်း မကြာမီ ပြီးမြောက်တော့မည် ဖြစ်ပါသည်။

လုရီသည် အင်မော်တယ်အဖြစ်သို့ တက်လှမ်းကာစဖြစ်သော ရာရှိုမွန်မျိုးနွယ် ကောင်းကင်အင်မော်တယ်တစ်ဦးကို သတ်ဖြတ်ပြီးနောက် သူ၏အာရုံကို စစ်မြေပြင်တစ်ခုလုံးဆီသို့ ပြောင်းလိုက်၏။

ပိုမိုနက်ရှိုင်းသော အစစ်အမှန်အင်မော်တယ်အဆင့် တိုက်ပွဲများတွင်တော့ သူ

သည် မပါဝင်နိုင်သေးပါ။

ကောင်းကင်အင်မော်တယ်အဆင့်တွင်လည်း အချို့သော ထူးချွန်ပြောင်မြောက်သည့် ပညာရှင်များက လုရီ၏ ဦးရေပြားကိုပင် ထုံကျင်သွားစေသည်။ ထိုသူများနှင့် ရင်ဆိုင်လိုပါက သူ၏ အစွမ်းထက်သော လျှို့ဝှက်လက်နက်များကို ထုတ်သုံးရန် လိုအပ်ပေလိမ့်မည်။

ထိုအခါ လုရီ၏ အကြည့်များသည်

ပုယွင်ကျန့်နှင့် လုံယွမ်တို့၏ ပြိုင်ဘက်ထံသို့ ရောက်ရှိသွားသည်။

ထိုရာရှိုမွန်မျိုးနွယ် ကောင်းကင်အင်မော်တယ်သည် လုရီသတ်ခဲ့သော သူထက် အနည်းငယ်ပိုမိုအားကောင်းပြီး ကောင်းကင်အင်မော်တယ် ငါးလွှာ သို့မဟုတ် ခြောက်လွှာ ဖြစ်မည်။ သူ၏ အစွမ်းမှာ ထူးခြားလှသည်။

သို့သော် ပုယွင်ကျန့်နှင့် လုံယွမ်တို့သည် အင်မော်တယ်ဖြစ်လာသည်မှာ နှစ်ပေါင်းများစွာကြာမြင့်ပြီဖြစ်ရာ သူတို့၏အစွမ်းမှာလည်း မညံ့ပေ။ နှစ်ဦးပေါင်းအားဖြင့်

ထိုရာရှိုမွန်မျိုးနွယ် ကောင်းကင်အင်မော်တယ်ကို ဖိအားပေးတိုက်ခိုက်ရာ ရန်သူမှာ အဆက်မပြတ် သွေးများအန်ထုတ်နေရလေသည်။

သို့ဖြစ်သော်ငြားလည်း၊ လုံယွမ်သည် အရှိန်အဝါများ ပေါက်ကွဲထွက်ပြီးနောက် သူ၏အရှိန်အဝါမှာ အနည်းငယ်

မတည်မငြိမ်ဖြစ်နေပြီး မျက်နှာမှာလည်း ဖြူဖျော့နေသည်ကို လုရီ သတိပြုမိလိုက်၏။

သူ တစ်ချက်ရပ်တန့်သွားပြီးနောက် လွန်ခဲ့သောအချိန်က ကြားခဲ့ရသည့် ကောလာဟလတစ်ခုကို ပြန်လည်သတိရသွားသည်။

ကောင်းကင်နဂါး မြင့်မြတ်နယ်မြေ၏ ကျောထောက်နောက်ခံ အင်မော်တယ်သည် မတော်တဆ ပြင်းထန်စွာ ဒဏ်ရာရရှိခဲ့ပြီး အသက်ရှင်ရန် နှစ်တစ်သောင်းပင် မကျန်တော့ဟု ဆိုကြသည်။

ထိုအကြောင်းကြောင့်ပင် ကောင်းကင်နဂါးမြင့်မြတ်နယ်မြေသည် အင်မော်တယ်အသစ်တစ်ပါးကို အလျင်အမြန် ပျိုးထောင်ရန်အတွက် ကြီးမားသော အရင်းအမြစ်များကို အသုံးပြုခဲ့ခြင်း ဖြစ်၏။

ထိုအချက်ကို သဘောပေါက်သွားသောအခါ လုရီ ဉာဏ်အလင်းပွင့်သွားတော့သည်။ လုံယွမ်သည် ကောင်းကင်နဂါးမြင့်မြတ်နယ်မြေ၏ နောက်ကွယ်မှ

အင်မော်တယ်ပင် ဖြစ်သည်။ သူသည် ယခင်က သူ၏ ဇာစ်မြစ်ကို ပြင်းထန်စွာ ထိခိုက်ပျက်စီးခဲ့ပုံရ၏။

ထိုအတွေးဝင်လာသည်နှင့် လုရီက စိတ်ထဲမှ ရေရွတ်လိုက်သည်။

---

"ဘိုးဘေး လုံယွမ်ရဲ့ ဒဏ်ရာတွေကို ငါကုသပေးဖို့ လိုတယ်။"

[အလုပ်]

လုံယွမ်၏ ဒဏ်ရာများကို ကုသပါ။

ဆုလာဘ် - အင်မော်တယ်သိုင်းပညာ

' အလုံးစုံ ပြန်လည်ရှင်သန်ခြင်းသိုင်း'

လုရီ၏ မျက်လုံးများ လင်းလက်သွားသည်။

---

"ကောင်းလိုက်တာ။ အင်မော်တယ်သိုင်းပညာတောင် ပါသေးတယ်။"

---

ထို့အပြင် ဆုလာဘ်၏အမည်အရ ၎င်းမှာ ကုသခြင်းအမျိုးအစား အင်မော်တယ်သိုင်းပညာဖြစ်ရန် အလားအလာများ၏။ သူသာ အသုံးပြုနိုင်ခဲ့ပါက သူ၏စွမ်းရည်မှာ ပိုမိုစုံလင်လာပေတော့မည်။

စွမ်းအင်များ အဆုံးမရှိသော အင်မော်တယ် နိယာမနှင့် သဘာဝ နိယာမများကို အသုံးပြု၍ ဒဏ်ရာများကို ကုစားနေသော်လည်း သူ့တွင် ကိုက်ညီသော အင်မော်တယ် ကျင့်စဉ် မရှိချေ။

လုရီသည် ထိုအလုပ်တာဝန်ကို ပျော်ရွှင်စွာ လက်ခံလိုက်ပြီး ၎င်းအကြောင်းကို နောက်မှ ဆက်လက်မေးမြန်းရန် စဉ်းစားလိုက်လေတော့၏။

ရှေ့သို့ ခြေတစ်လှမ်းတိုးကာ နေရာလပ်ထဲသို့ ပေါင်းစပ်ဝင်ရောက်သွားပြီး အလင်းတန်းတစ်ခုအဖြစ်သို့ ပြောင်းလဲကာ ထိုနေရာမှ ပျောက်ကွယ်သွားတော့သည်။

နောက်တစ်ခဏတွင် လုရီသည် ပုယွင်ကျန့်၊ လုံယွမ်နှင့် ရာရှိုမွန်မျိုးနွယ် ကောင်းကင်အင်မော်တယ်တို့၏ တိုက်ပွဲဧရိယာအတွင်းသို့ ရောက်ရှိသွား၏။

ရာရှိုမွန်မျိုးနွယ် ကောင်းကင်အင်မော်တယ်သည် ပုယွင်ကျန့်၏ ဓားချက်တစ်ချက်ကြောင့် လွင့်ထွက်သွားပြီး သူ၏ရင်ဘတ်တွင် ကြောက်မက်ဖွယ် ဓားဒဏ်ရာတစ်ခု ပေါ်လာသည်။ သို့သော် သူ၏ရုပ်ခန္ဓာမှာ အလွန်ခိုင်ခံ့လှရာ ဓားဒဏ်ရာမှာ ချက်ချင်းပင် ပြန်လည်ကျက်သွားလေသည်။

လုရီက ထိုသူ၏နောက်တွင် ရိပ်ခနဲ ပေါ်လာ၏။

ထိုသူ၏ မျက်လုံးအိမ်များ ကျုံ့သွားပြီး

လုရီကို ဒေါသတကြီး လှည့်ကြည့်လိုက်သည်။ ထို့နောက် ရာရှိုမွန်မျိုးနွယ် ကောင်းကင်အင်မော်တယ်သည် လုရီ၏ ဓားထဲတွင် ပါဝင်နေသော ကြောက်မက်ဖွယ် ဓားတာအိုနိယာမနှင့် ကြယ်တာရာနိယာမတို့ကို မြင်တွေ့လိုက်ရသည်။

အင်မော်တယ် ကျင့်စဉ်၏ ကြွယ်ဝသော အရှိန်အဝါကြောင့် နေရာလပ်တစ်ခုလုံး ပုံပျက်သွားတော့၏။ ထို့နောက် ဖြစ်ပေါ်လာသော မုန်တိုင်းကြောင့် ဂြိုဟ်တစ်လုံးထက်ပင် ပိုမိုမာကျောသည့် ရာရှိုမွန် မျိုးနွယ်မှ ကောင်းကင်အင်မော်တယ်၏ ကိုယ်ခန္ဓာတစ်ခုလုံး ပြင်းပြင်းထန်ထန် နာကျင်လာလေသည်။

.....ဒါ ..ဒါ ...ကပ်ဘေးဖြတ်ကျော်

အဆင့်တစ်ယောက်။ ဘယ်လိုလုပ်ပြီး ဖြစ်နိုင်မှာလဲ

.....

ရာရှိုမွန် မျိုးနွယ်မှ ကောင်းကင်

အင်မော်တယ်၏ စိတ်ထဲတွင် ထိုအတွေးများ ပြေးလွှားသွားလေသည်။ ထိုစဉ် ကြယ်တာရာမြစ် ဓားအလင်းတန်းက သူ့အား လေဟာနယ်အတွင်း လှဲချွေသွားပြီး မျိုချပစ်လိုက်တော့လေသည်။

နောက်တစ်ခဏတွင် ရာရှိုမွန်မျိုးနွယ် ကောင်းကင် အင်မော်တယ်၏ ခန္ဓာကိုယ်သည် ကြောက်မက်ဖွယ် ဓားဒဏ်ရာများဖြင့် ပြည့်နှက်သွားပြီး သွေးများ ပန်းထွက်လာသည်။ အဆုံးမဲ့သော ဓားတာအိုနိယာမတို့၏ ယှက်နွှယ်မှုက သူ၏အင်မော်တယ်ခန္ဓာကိုယ် ပြန်လည်ကျက်ခြင်းကို တားဆီးထား၏။

ရာရှိုမွန်မျိုးနွယ် ကောင်းကင်အင်မော်တယ်က သွေးများ အဆက်မပြတ်အန်ထုတ်ရင်း သူ၏မျက်နှာအမူအရာမှာ ထိတ်လန့်နေသည်။ မျက်စိတစ်မှိတ်အတွင်းမှာပင် သူသည် ကီလိုမီတာထောင်ပေါင်းများစွာအကွာသို့ နောက်ဆုတ်သွားပြီး လုရီကို သတိကြီးစွာ စိုက်ကြည့်ကာ မယုံနိုင်စွာ မေးမြန်းလိုက်သည်။

---

"မင်း ဘယ်သူလဲ။ ကပ်ဘေးဖြတ်ကျော်အဆင့်လေးနဲ့ ဘယ်လိုလုပ်ပြီး ဒီလောက်တောင် အားကောင်းနေရတာလဲ။"

လုရီသည် ဓားချက်တစ်ချက်တည်းဖြင့်

ရာရှိုမွန်ဂိုဏ်းမှ ကောင်းကင်အင်မော်တယ်ကို ပြင်းပြင်းထန်ထန် ဒဏ်ရာရစေသည်ကို မြင်လိုက်ရသောအခါ ပုယွင်ကျန်းနှင့် လုံယွမ်တို့မှာလည်း အလွန်အမင်း တုန်လှုပ်သွားကြလေသည်။

သို့သော်လည်း ယခင်က လုရီ

အင်မော်တယ်ကျင့်စဉ်ကို အသုံးပြုသည်ကို တွေ့ဖူးထားသောကြောင့် သူတို့သည် သတိပြန်ဝင်လာပြီး လုရီ၏ ဘေးနားသို့ ရောက်လာကြ၏။

"အဟမ်း... မိတ်ဆွေလေးလုရီ၊ မင်းရဲ့ရန်သူကို ရှင်းပြီးပြီလား"

ချောင်းဟန့်ရင်း လုံယွမ်က လုရီအား ကြည့်ကာ မေးလိုက်သည်။

လုရီက ဓားကို ပေါ့ပေါ့ပါးပါး လွှဲယမ်းလိုက်ပြီး အဝေးရှိ ကောင်းကင်အင်မော်တယ်အား လှမ်းကြည့်ကာ ခပ်ပေါ့ပေါ့ပင် ပြန်ဖြေလိုက်၏။

"ဟုတ်၊ အဲဒီရန်သူက အားနည်းလွန်းလို့ပါ။ ပြီးတော့ ကျွန်တော့်ကျင့်စဥ်က ကပ်ဘေးဖြတ်ကျော် အဆင့်ဆိုတော့ ကျွန်တော့်ကို အထင်သေးသွားတာလည်း ပါပါတယ်"

လုံယွမ်နှင့် ပုယွင်ကျန့်တို့မှာ ဆွံ့အနေကြတော့သည်။

ပုံမှန်ဆိုလျှင် အင်မော်တယ် တစ်ပါးသည် ကပ်ဘေးဖြတ်ကျော် ကျင့်ကြံသူတစ်ဦးကို တွေ့သောအခါ အလေးအနက်ထားမည်မဟုတ်ပေ။

အဘယ်ကြောင့်ဆိုသော် ကပ်ဘေးကို ဖြတ်ကျော်ပြီး အဆင့်တက်ကာ အင်မော်တယ် ဝိညာဉ်စွမ်းအားကို တောင့်တင်းစေပြီး

အင်မော်တယ်ကိုယ်ခန္ဓာကို ပေါင်းစည်းရသည်မှာ ကောင်းကင်နှင့် မြေကြီးကဲ့သို့ ကွာခြားသောကြောင့်ပင်။

လုရီနှင့် တွေ့ဆုံရခြင်းမှာ ရာရှိုမွန်

မျိုးနွယ်၏ ကံဆိုးခြင်းပင်။

'နတ်ဆိုး...'

လုံယွမ်နှင့် ပုယွင်ကျန်းတို့သည် လုရီအား ထိုသို့ပင် လျှို့ဝှက်၍ သုံးသပ်လိုက်ကြသည်။

"ဒါဆိုရင် ငါတို့ အတူတူ ပူးပေါင်းလုပ်ဆောင်ကြမယ်" လုံယွမ်က တိုက်တွန်းလိုက်

လေသည်။

ပုယွင်ကျန်းကလည်း ခေါင်းညိတ်လိုက်၏။

သူတို့နှစ်ဦးစလုံးက အင်မော်တယ် ဝိညာဉ်စွမ်းအင်ကို တစ်ပြိုင်နက်တည်း ထုတ်ဖော်လိုက်၏။ လုံယွမ်၏ လက်ထဲတွင် အနီရောင်-ရွှေရောင် လှံတစ်ချောင်းကို ကိုင်ထားပြီး ယင်းလှံသည် ကောင်းကင်နဂါးလှံနှင့် ဆင်တူသော်လည်း အနည်းငယ်ပို၍ အစွမ်းထက်၏။ ၎င်းသည် လုံယွမ်၏ မူလ အင်မော်တယ် လက်နက် ဖြစ်ပုံရလေသည်။

ပုယွင်ကျန်းတွင်လည်း နတ်ဓားဂိုဏ်း၏ အင်မော်တယ်လက်နက်နှင့် အလွန်ဆင်တူသော ကြေးဓားတစ်လက် ရှိနေသည်။

မြင့်မြတ်နယ်မြေရှိ အင်မော်တယ်ဂိုဏ်း၏ ဂိုဏ်းကာကွယ် အင်မော်တယ်လက်နက်များကို နောက်ခံထားသည့် အင်မော်တယ်များ၏ မူလ အင်မော်တယ်လက်နက်များအတိုင်း ဖန်တီးထားခြင်း ဖြစ်လေ၏။

သူတို့နှစ်ဦး တိုက်ခိုက်လိုက်သောအခါ နဂါးအရိပ်များ ဟိန်းထွက်လာပြီး ကြယ်တာရာမြစ်တစ်လျှောက် ဓားအလင်းတန်းများ တောက်ပလာလေသည်။ ဖိနှိပ်မှုအားက လေဟာနယ်ကို လှုပ်ခါစေပြီး ကြယ်ရောင်များပင် မှိန်ဖျော့သွားတော့သည်။

မူလကတည်းက ထိုတိုက်ခိုက်မှုကို ရင်ဆိုင်ရန် ရုန်းကန်နေရသော ရာရှိုမွန်မျိုးနွယ် ကောင်းကင်အင်မော်တယ်သည် ယခုအခါ လုရီ၏ တိုက်ခိုက်မှုကြောင့် ပြင်းထန်စွာ ဒဏ်ရာရရှိထားပြီး ဓားတာအိုနိယာမက သူ၏ခန္ဓာကိုယ်အတွင်း၌ ဖျက်ဆီးနေသောကြောင့် သူ၏အစွမ်းကို ထုတ်သုံးရန် ပို၍ပင် ခက်ခဲသွားတော့သည်။

ရာရှိုမွန်ဂိုဏ်းမှ ကောင်းကင်အင်မော်တယ်သည် နာကျင်စွာ အော်ဟစ်နေသော်လည်း သူ၏ နီမြန်းသော သွေးစွမ်းအင်နှင့် ရိုင်းစိုင်းသော တိုက်ခိုက်လိုစိတ်တို့ ပေါင်းစပ်ထားသောကြောင့် အလွန်ပင် ရဲရင့်နေ၏။

သူ၏ ရာရှိုမွန် ဓမ္မကိုယ်ထည်သည် နေကိုပင် ကွယ်နိုင်ပြီး မြေကြီးကိုပါ ခွဲခြမ်းနိုင်သည်အထိ အားကောင်းနေသည်။ သို့သော်လည်း ထိုတိုက်ခိုက်မှုနှင့် ရင်ဆိုင်ရသောအခါ ဓမ္မကိုယ်ထည်သည် ချက်ချင်း ကွဲကြေသွား၏။ ခန္ဓာကိုယ်တစ်ဝက်သည် သွေးမှုန်အဖြစ် ပြောင်းလဲကာ သူ၏ အရှိန်အဝါ သိသိသာသာ အားနည်းသွားတော့လေသည်။

"အား! လူသားမျိုးနွယ်က အဲ့ဒီပါရမီရှင်သာမရှိရင် မင်းတို့နှစ်ယောက် ငါ့ကို ဘယ်တော့မှ အနိုင်ယူနိုင်မှာမဟုတ်ဘူး။"

ရာရှိုမွန်မျိုးနွယ် ကောင်းကင်အင်မော်တယ်က မကျေမချမ်း ဟိန်းဟောက်ရင်း အလင်းတန်းတစ်ခုအဖြစ်သို့ ပြောင်းလဲကာ ထွက်ပြေးရန် ကြိုးစားတော့သည်။

သို့သော် ပုယွင်ကျန့်နှင့် လုံယွမ်တို့က ချက်ချင်းပင် ရှေ့သို့တိုးကာ အင်မော်တယ်သိုင်းပညာတစ်ကွက်ဖြင့် ထိုကောင်းကင်အင်မော်တယ်ကို လုံးဝ သတ်ဖြတ်လိုက်တော့၏။

"နောက်တစ်ယောက်ဆီ သွားကြစို့။"

ပုယွင်ကျန့်က တောက်ပသော အပြုံးဖြင့် ကြွေးကြော်လိုက်သည်။

လုရီက ပြုံးလိုက်ကာ

"ခင်ဗျားတို့နှစ်ယောက် သွားနှင့်ပါ။ ကျွန်တော် အမ်ဘာကို သွားကူညီလိုက်ဦးမယ်။"

---

ထိုစကားကို ကြားသောအခါ ပုယွင်ကျန့်နှင့် လုံယွမ်တို့၏ မျက်လုံးအိမ်များ အနည်းငယ်ကျုံ့သွားသည်။

တကယ်တော့ အမ်ဘာသည် မျက်လုံးသုံးလုံး မျိုးနွယ်မှ ကျင့်ကြံသူဖြစ်ပြီး မွေးရာပါ အစွမ်းထက်သူဖြစ်သောကြောင့် ကောင်းကင်အင်မော်တယ် အဆင့် ကိုးလွှာသို့ ရောက်နေပေပြီ။ သူ၏ ပြိုင်ဘက်ကလည်း သာမန်ရန်သူ မဟုတ်သည်မှာ သေချာ၏။

ထိုသူတို့နှစ်ဦး လှမ်းကြည့်လိုက်သောအခါ အမ်ဘာသည် ဗုဒ္ဓဘာသာဂိုဏ်းမှ ဗုဒ္ဓဘုန်းတော်ကြီးနှင့်အတူ ရာရှိုမွန် မျိုးနွယ်မှ အင်မော်တယ်အထွတ်အထိပ်အဆင့်ရှိသော နောက်ထပ်တစ်ဦးကို ဝိုင်းရံ တိုက်ခိုက်နေသည်ကို တွေ့လိုက်ရ၏။

ရာရှိုမွန် မျိုးနွယ်မှ ဤကောင်းကင်အင်မော်တယ်သည် အလွန်အစွမ်းထက်၏။ သို့သော်လည်း ဗုဒ္ဓဘုန်းတော်ကြီးသည် ကောင်းကင်အင်မော်တယ် အထွတ်အထိပ်အဆင့်တွင် ရှိနေပြီး သူ့ပတ်ပတ်လည်တွင် ဗုဒ္ဓအလင်းများ ထွန်းလင်းနေသလို သူ၏ ရွှေရောင်ကိုယ်ထည်မှာလည်း ကြောက်မက်ဖွယ်ကောင်းလှသည်။ ထို့အပြင် အမ်ဘာ၏ မျက်လုံးသုံးလုံး မျိုးနွယ်၏ မွေးရာပါ နတ်ဘုရားစွမ်းရည်များ၊ အလွန်အမင်းထက်မြက်သော အင်မော်တယ်အလင်းတန်းကို ထုတ်လွှတ်ပေးသည့် သူ၏ တတိယမျက်လုံးတို့ကြောင့်၊ ထိုနှစ်ဦးစလုံးသည် ကောင်းကင်အင်မော်တယ် အထွတ်အထိပ်အဆင့် ရာရှိုမွန်ဂိုဏ်းသားကို ဆက်တိုက် နောက်ဆုတ်သွားစေနိုင်၏။

သို့သော်လည်း ယခုအဆင့်တွင် တိုက်ပွဲကို အဆုံးသတ်ရန်မှာ ရိုးရှင်းသော အလုပ်မဟုတ်ပါချေ။

အင်မော်တယ် သုံးပါးကြား တိုက်ပွဲက ပြင်းထန်နေပြီး ပုယွင်ကျန်းနှင့် လုံယွမ်တို့သည် ကောင်းကင်အင်မော်တယ် အဆင့်ခြောက်လွှာတွင် ရှိနေသောကြောင့်

ဝင်ရောက်ကူညီပါက အကူအညီ ဖြစ်မည့်အစား အနှောင့်အယှက် ဖြစ်နိုင်ပေသည်။

သူတို့သည် ပညာရှိစွာပင် မဝင်ရောက်ရန် ရွေးချယ်လိုက်ကြပြီး တစ်ဦးကိုတစ်ဦး ခေါင်းညိတ်ပြကာ လုရီအား သတိထားရန် ပြောလိုက်ကြ၏။

လုရီက ပြုံးလိုက်ပြီး နေရာလပ်နိယာမကို အသုံးပြုကာ တစ်ခဏချင်းအတွင်း ပျောက်ကွယ်သွားတော့သည်။

ထို့နောက် သောင်းနှင့်ချီသော ကီလိုမီတာပေါင်းများစွာကို ဖြတ်ကျော်ပြီး ကောင်းကင်အင်မော်တယ် အထွတ်အထိပ်အဆင့်ရှိသော စစ်မြေပြင်သို့ ရောက်ရှိလာလေသည်။

ရာရှိုမွန်ဂိုဏ်း၏ ကောင်းကင်အင်မော်တယ် အထွတ်အထိပ်အဆင့်ရှိသူသည်

အမ်ဘာ၏ ထက်မြက်သော အင်မော်တယ်အလင်းကို ရှောင်တိမ်းပြီး အော်ဟစ်လိုက်ချိန်တွင်...

လုရီသည် ထိုရာရှိုမွန်ဂိုဏ်းသား၏ နောက်ကျောဘက်မှာ ရိပ်ခနဲ ပေါ်လာ‌တော့၏။

လုရီသည် သူ၏စွမ်းအားအားလုံးကို ထုတ်ဖော်လိုက်ပြီး ကြယ်ဖြတ်ဓားဖြင့်

ရာရှိုမွန်ဂိုဏ်းမှ ကျင့်ကြံသူအား ခုတ်ပိုင်းလိုက်သည်။

ရှင်းနေသည်မှာ ကောင်းကင်အင်မော်တယ် အထွတ်အထိပ်အဆင့်ရှိ ရာရှိုမွန်ဂိုဏ်းသားသည် ကောင်းကင်အင်မော်တယ် အဆင့်ခြောက်လွှာနှင့် မတူချေ။

လုရီ၏ လှုပ်ရှားမှုကို သတိပြုမိလိုက်သောအခါ ရာရှိုမွန် ကျင့်ကြံသူ၏ မျက်နှာအမူအရာ အနည်းငယ်အေးစက်သွား၏။ သူ လှည့်ကာ လက်သီးတစ်ချက်ထိုးလိုက်ရာ သူ၏သွေးနီရောင်ချီစွမ်းအားများက ကြယ်တစ်စင်းကဲ့သို့ ပေါက်ကွဲထွက်ပေါ်လာပြီး လုရီထံသို့ တိုးဝင်လာ တော့သည်။

နီမြန်းသော လက်သီးနှင့် ကြယ်တာရာမြစ်တို့သည် ပေါက်ကွဲနေသော ကြယ်တစ်လုံးနှယ် ထိတွေ့မိသောအခါ ပတ်ဝန်းကျင်ရှိ အရာအားလုံးသည် အနီရောင်ရစ်ဝဲနေတော့သည်။ ကြယ်ရောင်များပင် အရည်ပျော် ဝင်ရောက်သွားတော့၏။

အင်မတန် အစွမ်းထက်သော အားတစ်ခုက သူ့ထံသို့ ချဉ်းကပ်လာသည်ကို ခံစားလိုက်ရပြီး လုရီ၏ မျက်နှာထား အနည်းငယ် သုန်မှုန်သွားလေသည်။

နေရာလပ်နိယာမကို အသက်သွင်းလိုက်ရာ သူသည် ရပ်နေရာမှ ပျောက်ကွယ်သွားလေတော့သည်။

ထို့နောက် လုရီ ရှိခဲ့သော နေရာလပ်မှ နီမြန်းသော အလင်းတန်းတစ်ခု ဖြတ်သန်းသွား၏။

လုရီသည် ကြယ်တာရာမြစ်၏ အနက်ထဲသို့ ပျောက်ကွယ်သွားသော အလင်းတန်းကို တစ်ချက်ကြည့်လိုက်ပြီး မျက်ခုံးပင့်ကာ ခပ်ရေးရေးပင် ချီးကျူးလိုက်၏။

"ကောင်းကင်အင်မော်တယ် အထွတ်အထိပ်အဆင့် ရောက်နေသူနဲ့ ထိုက်တန်တယ်လို့ ဆိုရမှာပဲ"

"ကပ်ဘေးဖြတ်ကျော်အဆင့်?"

ထိုအခါမှ ကောင်းကင်အင်မော်တယ်

အထွတ်အထိပ်အဆင့်ရှိသော ရာရှိုမွန်

ကျင့်ကြံသူက လုရီ၏ ကျင့်ကြံခြင်းအဆင့်ကို သတိပြုမိသွားတော့သည်။ သူ၏ မျက်လုံးအိမ် ကျယ်ပြန့်သွားပြီး မယုံကြည်နိုင်ခြင်းက သူ့မျက်နှာပေါ်တွင် ထင်ရှားနေ၏။

ယခုလို အရှိန်အဝါသည် ကောင်းကင်

အင်မော်တယ်၏ ရှစ်လွှာမှဟု ပြောလျှင်ပင် သူ အံ့သြမည် မဟုတ်ချေ။

အဆင့်နိမ့်သော ကောင်းကင်အင်မော်တယ် ဆိုလျှင် ဖြစ်နိုင်ခြေ ရှိသေးသော်လည်း ကပ်ဘေးဖြတ်ကျော် ကျင့်ကြံသူတစ်ဦးနှင့် ရင်ဆိုင်ရမည်ကိုတော့ သူ မမျှော်လင့်ခဲ့မိပေ။

သူ အံ့ဩတုန်လှုပ်နေဆဲမှာပင် ကြောက်မက်ဖွယ်ကောင်းသော အရှိန်အဝါနှစ်ခုသည် အဝေးမှနေ၍ ချဉ်းကပ်လာတော့သည်။

ရာရှိုမွန် ကျင့်ကြံသူ၏ မျက်နှာသည် အကြီးအကျယ် ရှုံ့မဲ့သွား၏။ သူသည် အော်ဟစ်ကာ ရာရှိုမွန် ဓမ္မကိုယ်ထည်ကို ခေါ်ယူလိုက်ပြီး ဗုဒ္ဓအလင်းနှင့် အင်မော်တယ်အလင်းတို့ကို ခုခံကာကွယ်ဖို့ ကြိုးစားတော့လေသည်။

နောက်တစ်ခဏ၌....

ရာရှိုမွန်ဓမ္မကိုယ်ထည်သည် ကြေမွသွားပြီး ရာရှိုမွန်ကောင်းကင်အင်မော်တယ်မှာ သွေးများဖြင့် ရွှဲနစ်နေကာ ဒဏ်ရာများမှာ နိယာမစွမ်းအားများနှင့် ယှက်နွှယ်နေသောကြောင့် ကုသရန် ခက်ခဲနေလေသည်။

---

"အော်မီတော်ဖော်"

"လုရီ၊ မင်းရောက်လာတဲ့အချိန်က ကွက်တိပဲ။"

လုရီ၏ တိုက်ခိုက်မှုက ဗုဒ္ဓနှင့် အမ်ဘာအား အခွင့်အရေး ရစေခဲ့ပြီး သူတို့သည်လည်း ရာရှိုမွန် မျိုးနွယ်မှ ကောင်းကင်

အင်မော်တယ်ကို ဒဏ်ရာရစေခဲ့လေ၏။

လုရီက ပြုံးလိုက်၏။

"ခင်ဗျားတို့ မြှောက်ပင့်လွန်းနေပါပြီ၊ တာအိုရောင်းရင်းတို့။ အတူတူ တိုက်ခိုက်ကြရအောင်"

အမ်ဘာနှင့် ဗုဒ္ဓ ဘာသာ ဘုန်းတော်ကြီးတို့သည် ခေါင်းညိတ်လိုက်ကြပြီး တစ်ပြိုင်နက်တည်း တိုက်ခိုက်မှုများကို ထုတ်ဖော်လိုက်ကြသည်။

"ဟမ့်...မင်းတို့ လူသားမျိုးနွယ်က စွမ်းရည်ထက်မြက်တဲ့ ကောင်လေး တစ်ယောက်ကို ထပ်ခေါ်လာရုံနဲ့ ငါ့ကို ထပ်ပြီး ဒဏ်ရာရစေနိုင်မယ် ထင်နေတာလား။ ဒီနေ့တော့ ငါ လူသားမျိုးနွယ်က စွမ်းရည် ထက်မြက်တဲ့ကောင်လေးကို သတ်ပြမယ်"

ရာရှိုမွန် မျိုးနွယ်မှ ကောင်းကင်

အင်မော်တယ်သည် အော်ဟစ်လိုက်ရင်း သူ့ခန္ဓာကိုယ်ထဲမှ သွေးစွမ်းအင်များကို ထုတ်လွှတ်လိုက်ပြီး ထိုတိုက်ခိုက်မှုများကို ရှောင်တိမ်းကာ လုရီရှိရာသို့ တိုးဝင်ရန် ကြိုးစားလေသည်။

သို့သော် နောက်တစ်ခဏတွင် သူ၏ မျက်နှာထား ပြောင်းလဲသွား၏။ သူ့ပတ်ဝန်းကျင်ရှိ နေရာလပ် တစ်ခုလုံးသည် သူ့အား အတွင်းမှ ပိတ်လှောင်ထားသည့် လှောင်အိမ် တစ်ခုအဖြစ် ပြောင်းလဲသွားလေသည်။

'နေရာလပ်နိယာမ'

'ဘယ်လိုလုပ် ဖြစ်နိုင်မှာလဲ။ ကပ်ဘေးဖြတ်ကျော် ကျင့်ကြံသူ တစ်ယောက်က နေရာလပ်နိယာမကို ကျွမ်းကျင်တာတဲ့လား'

သူသည် အော်ဟစ်လိုက်ပြီး စွမ်းအားနိယာမကို ထုတ်လွှတ်လိုက်ရာ နေရာလပ် လှောင်အိမ်သည် ကွဲကြေသွားသော်လည်း တစ်ခဏတာမျှသာ ဖြစ်သည်။

အင်မော်တယ် အစွမ်းထက်သူ နှစ်ဦး၏ တိုက်ခိုက်မှုများသည် သူ့အနီးသို့ ရောက်ရှိနေပြီဖြစ်ရာ ထိုအရာများကို ရှောင်တိမ်းချိန်ပင် မရတော့ဘဲ တိုက်ရိုက်ရင်ဆိုင်ဖို့သာ ကျန်တော့၏။

ရာရှိုမွန် မျိုးနွယ်မှ ဤကောင်းကင်အင်မော်တယ်သည် အထွတ်အထိပ်အဆင့်၌ အစွမ်းထက်သော်လည်း တစ်ယောက်တည်း ရင်ဆိုင်ရပြီး တိုက်ရိုက်တိုက်ခိုက်ရသည့် အခြေအနေတွင် အားနည်းချက်များ ရှိနေပေသည်။

ဆက်တိုက်ဖြစ်ပေါ်လာသော မိုးခြိမ်းသံကဲ့သို့ တိုက်ခိုက်မှုများအောက်တွင် သူသည် ထပ်မံ ဒဏ်ရာရရှိသွားပြီး သွေးများ ပန်းထွက်လျက် နောက်သို့ ဘုန်းခနဲ လွင့်သွားတော့၏။

"ကျိန်စာသင့် လူသားတွေ!"

ရာရှိုမွန် မျိုးနွယ်က အော်ဟစ်လိုက်သော်လည်း ဗုဒ္ဓ ဘာသာ ဘုန်းတော်ကြီးနှင့် အမ်ဘာတို့သည် ဤအခွင့်အရေးကို လွတ်သွားစေမည် မဟုတ်ပေ။

ထိုသူတို့နှစ်ဦးသည် သူတို့၏ စွမ်းအားအားလုံးကို ထပ်မံ ထုတ်ဖော်ကာ

အင်မော်တယ် ကျင့်စဉ်များကို ထုတ်ဖော်လိုက်ကြလေသည်။

လုရီသည်လည်း နေရာလပ်နိယာမကို ထပ်မံ၍ အသက်သွင်းလိုက်၏။

ရာရှိုမွန် မျိုးနွယ်သည် ထပ်မံ ခုခံနေရတော့ပြီး ဒဏ်ရာများ ပိုမိုဆိုးရွားလာတော့သည်။

ထို့ကြောင့် ဗုဒ္ဓ ဘာသာ ဘုန်းတော်ကြီးနှင့် အမ်ဘာနှင့်အတူ လုရီသည် နေရာလပ်နိယာမကို အဆက်မပြတ်ပင် ပူးပေါင်းတိုက်ခိုက်နေတော့လေသည်။

ဆယ်ကြိမ်မကသော တိုက်ခိုက်မှုများအပြီးတွင် ရာရှိုမွန် မျိုးနွယ်၏ ကောင်းကင်အင်မော်တယ် အထွတ်အထိပ် အဆင့်ရှိသူသည် နောက်ဆုံးတွင် အသက်စွမ်းအားများ ပြယ်လွင့်ကာ အလဲထိုးသတ်ဖြတ်ခံလိုက်ရတော့သည်။

ဗုဒ္ဓ ဘာသာ ဘုန်းတော်ကြီးနှင့် အမ်ဘာတို့ပင်လျှင် ယခုလို လွယ်ကူသော အောင်ပွဲမျိုးကို မမျှော်လင့်ထားခဲ့ကြသောကြောင့် တစ်ခဏတာမျှ ကြောင်အသွားကြလေသည်။

ထို့နောက် အမ်ဘာက လုရီအား အံ့ဩတုန်လှုပ်စွာ ကြည့်လိုက်ပြီး တဖွဖွ ချီးကျူးလိုက်လေ၏။

"လုရီ၊ မင်းရဲ့ နေရာလပ်နိယာမ ကျွမ်းကျင်မှုက မယုံနိုင်လောက်အောင် ကောင်းလွန်းတယ်!"

ဗုဒ္ဓ ဘာသာ ဘုန်းတော်ကြီးပင်လျှင် လက်အုပ်ချီကာ လေးစားစွာဖြင့် အကြိမ်ကြိမ် ချီးကျူးလိုက်လေ၏။

"အော်မိတော်ဖော်...ဒကာ‌လေးလုရီ... မင်းရဲ့ အရည်အချင်းက ထူးချွန်လွန်းလှတယ်"

လုရီသည် လက်ဝှေ့ယမ်းလိုက်ပြီး

"ရောင်းရင်းတို့.. ဘုန်းတော်ကြီးတို့၊ ခင်ဗျားတို့ ဒီလောက် ချီးမွမ်းနေစရာ

မလိုပါဘူး။ ဒီအခွင့်အရေးကိုယူပြီး ကျန်တဲ့ ရာရှိုမွန်အဖွဲ့ဝင်တွေကို ရှင်းပစ်ကြတာပေါ့"

သူ့စကားအား ထိုသူနှစ်ဦး ခေါင်းညိတ်လိုက်ကြ၏။

ထိုအခိုက်အတန့်၌ နေရာလပ်၏

အနက်ရှိုင်းဆုံးနေရာမှ ခပ်ပြင်းပြင်း အော်ဟစ်သံများနှင့် မကျေမချမ်းဟိန်းဟောက်သံများ ထွက်ပေါ်လာရာ တက်ရောက်လာကြသော ကောင်းကင်အင်မော်တယ်အားလုံး၏ မျက်နှာကြွက်သားများ တုန်လှုပ်သွားပြီး ထိုနေရာသို့ စူးစိုက် ကြည့်လိုက်ကြတော့သည်။

အခန်း ၅၆၆ - ရာရှိုမွန်မျိုးနွယ်စခန်းကို ချေမှုန်းခြင်းနှင့် လမ်းပြအဖွဲ့...

~အာကာသဟင်းလင်းပြင်၏ အဝေးတစ်နေရာတွင် ဝိညာဉ်အလင်းတန်းများ ပေါက်ကွဲထွက်နေသည်မှာ နေမင်း၏ မီးလျှံများအလားပင်၊ အလင်းရောင်သည် လူတိုင်း၏ မျက်လုံးများကို စူးရှတောက်ပစေလေသည်။

လုရီသည် မျက်လုံးများကို မှေးကျဉ်းလိုက်၏။ ထိုတောက်ပမှုကို တည့်တည့်မကြည့်နိုင်အောင်ပင် ခဏတာ မျက်စိကျိန်းသွားခဲ့သည်။

မကြာမီမှာပင် ဝိညာဉ်အလင်းတန်းများ တဖြည်းဖြည်း ပျောက်ကွယ်သွားခဲ့ပြီး လုရီ လှမ်းကြည့်လိုက်သောအခါ ရာရှိုမွန်မျိုးနွယ်၏ သွေးငရဲ တပ်မှူးကို မြင်လိုက်ရသည်။ ထိုအခိုက်အတန့်၌ သူသည် ဟင်းလင်းပြင်ထဲတွင် သွေးများဖြင့် ရွှဲနစ်ကာ ရပ်နေပြီး သူ၏ အရှိန်အဝါကလည်း အားနည်းကာ တစ်ကိုယ်လုံး ဒဏ်ရာဒဏ်ချက်များဖြင့် ပြည့်နှက်နေလေသည်။

သူ၏ တစ်ဖက်တွင်မူ တပ်မှူးဝမ်၏ အရှိန်အဝါက အခုထိ အားကောင်းနေဆဲ ဖြစ်သည်။ သူမ၏ မျက်နှာသည် ရဲရင့်နေပြီး နက်ပြာရောင်အလင်းတန်းများက သူမ၏ ကိုယ်ပေါ်တွင် လှိုင်းထနေကာ သူမ၏ အရှိန်အဝါမှာ ပြိုင်ဘက်ကင်းလောက်အောင် ထက်မြက်နေ၏။

---

"နိုင်သွားပြီလား!?"

အားလုံး တုန်လှုပ်သွားကြပြီးနောက် သူတို့၏ မျက်နှာများထက်တွင် ဝမ်းမြောက်အံ့ဩဟန်များ ပေါ်လာကြလေသည်။

တပ်မှူးဝမ်သည် ဤမျှတိုင် အစွမ်းထက်ပြီး သွေးငရဲ တပ်မှူးကို ဤမျှ လျင်မြန်စွာ အနိုင်ယူနိုင်လိမ့်မည်ဟု မည်သူမျှ မျှော်လင့်မထားခဲ့ကြပေ။

သွေးငရဲ တပ်မှူး၏ အရှိန်အဝါက အလွန်အားနည်းသွားသော်လည်း သူ သေဆုံးသွားခြင်းတော့ မရှိသေးချေ။ သူသည် ဟိန်းဟောက်သံ တစ်ချက်ပေးကာ သူ၏ ဝိညာဉ်စွမ်းအားကို ပေါက်ကွဲထွက်စေပြီး တန်ပြန် တိုက်ခိုက်ရန် ကြိုးစားလိုက်သည်။

ထိုအချိန်မှာပင် တပ်မှူးဝမ်က အသံတိုးတိုးဖြင့် အော်ဟစ်လိုက်ရာ အဆုံးမဲ့မုန်တိုင်းတစ်ခု ဖြစ်တည်စေပြီး ဟင်းလင်းပြင်တစ်ခုလုံးကို လွှမ်းခြုံသွားတော့သည်။

မုန်တိုင်းသည် ဖြူဖျော့သော ပင်လယ်တစ်ခုအဖြစ် ပေါင်းစပ်သွားကာ သွေးငရဲ တပ်မှူးကို လွှမ်းခြုံ၍ တစ်ရှိန်ထိုး ဝါးမြိုလိုက်တော့သည်။

ဖြူဖျော့သောပင်လယ်အတွင်း၌ သွေးငရဲ တပ်မှူး၏ အသက်သွေးများက ပေါက်ကွဲထွက်နေသည်မှာ သွေးနီရောင်နေလုံးကြီးတစ်လုံး ဖြူဖျော့ပင်လယ်ထဲ၌ အလင်းပေးနေသည့်အလားပင်။

သို့သော် သူ မည်သို့ပင် ရုန်းကန်နေပါစေ၊ ထိုဖြူဖျော့သော ပင်လယ်အတွင်းမှ လွတ်မြောက်နိုင်ခြင်း မရှိခဲ့ပေ။

အဆုံးမဲ့မုန်တိုင်းသည် သွေးငရဲ တပ်မှူး၏ အသားနှင့် စိတ်ဝိညာဉ်ကို တိုက်စားနေခဲ့ပြီး ကြောက်မက်ဖွယ်ကောင်းသော ဒဏ်ရာများက သူ၏ ကိုယ်ပေါ်တွင် ပေါ်ထွက်လာကာ သူ၏ အရှိန်အဝါမှာလည်း တဖြည်းဖြည်း အားနည်းလာခဲ့သည်။

အမြင်ကြည်လင်သူတိုင်းအတွက်တော့ တပ်မှူးဝမ်က သွေးငရဲ တပ်မှူးကို လုံးဝဥဿုံ နှိမ်နင်းထားနိုင်ပြီဖြစ်ပြီး မကြာမီအချိန်အတွင်းမှာပင် သူ့ကို သတ်ဖြတ်နိုင်တော့မည်မှာ ထင်ရှားနေလေသည်။

ဤသည်မှာ ရာရှိုမွန်မျိုးနွယ် ကျင့်ကြံသူများထဲမှ မည်သူတစ်ဦးတစ်ယောက်မျှ မျှော်လင့်မထားခဲ့သည့် အရာဖြစ်လေသည်။

ဤမြင်ကွင်းကို မြင်လိုက်ရသောအခါ ကြယ်တာရာနယ်မြေ တပ်မတော်၏ စိတ်ဓာတ်သည် တစ်ဟုန်ထိုး မြင့်တက်လာပြီး သူတို့၏ တိုက်ခိုက်မှုများက ပို၍ပြင်းထန်လာခဲ့သည်။

တစ်ဖက်တွင်မူ ရာရှိုမွန်မျိုးနွယ်မှ စွမ်းအားရှင်များသည် မိမိတို့တပ်မှူး နှိမ်နင်းခံနေရသည်ကို မြင်တွေ့ရသည့်အပြင် ကြယ်တာရာနယ်မြေတပ်၏ စိတ်ဓာတ်မြင့်တက်လာမှုကြောင့် အကြိမ်ကြိမ်ပင် နောက်ဆုတ်ခဲ့ရသည်။

ရာရှိုမွန်မျိုးနွယ်မှ အခြား ကောင်းကင်အင်မော်တယ်များသည်လည်း သူတို့နှင့် မတူလှပေ။ တပ်ထဲမှ စစ်သည်များ အားလုံး မဟုတ်ကြဘဲ အချို့မှာ တကိုယ်တော် ကျင့်ကြံသူများ ဖြစ်ကြလေသည်။

သွေးငရဲ တပ်မတော်မှ စစ်သည်များနှင့်

မတူဘဲ အရေးနိမ့်နေသည်ကို မြင်သောအခါ ရာရှိုမွန်မျိုးနွယ် ကောင်းကင်အင်မော်တယ်များ၏ မျက်နှာထက်တွင် ထိတ်လန့်ဟန်များ ပေါ်လာကာ ထွက်ပြေးရန် ကြံစည်ကြတော့သည်။

လုရီနှင့် အခြားသူများက သူတို့ကို မည်သို့ လွှတ်ပေးနိုင်မည်နည်း။ ဤသည်တို့မှာ

စစ်ဘက်ဆိုင်ရာ ရမှတ်များပင် မဟုတ်လော။

ချက်ချင်းပင် တစ်ယောက်ပြီးတစ်ယောက် မာန်သွင်းကာ ရာရှိုမွန်မျိုးနွယ် ကောင်းကင်အင်မော်တယ်များထံသို့ ရွပ်ရွပ်ချွံချွံ ပြေးဝင်ပြီး သူတို့၏ ထွက်ပြေးလမ်းကြောင်းကို ပိတ်ဆို့လိုက်ကြသည်။

မူလကတည်းက ရာရှိုမွန်မျိုးနွယ်၏ ကောင်းကင်အင်မော်တယ်များ၏ အရေအတွက်နှင့် အစွမ်းသည်

ထျန်းလော့ ကြယ်တာရာနယ်မြေမှ ကျင့်ကြံသူများကို မယှဉ်နိုင်ခဲ့ပေ။ သူတို့သည် သွေးငရဲ တပ်မတော်က အခြေအနေကို ပြောင်းပြန်လှန်နိုင်မည် ဟူသော မျှော်လင့်ချက်ဖြင့်သာ မနည်း ခုခံနေခြင်း ဖြစ်သည်။ ယခုအခါ တိုက်ခိုက်လိုစိတ် ပျောက်ဆုံးသွားသောအခါ ထျန်းလော့ကြယ်တာရာ နယ်မြေမှ ကျင့်ကြံသူများနှင့် ရင်ဆိုင်ရာတွင် ပို၍ပင် ဆက်တိုက် နောက်ဆုတ်နေရတော့၏။

လုရီ၊ အမ်ဘာနှင့် ဗုဒ္ဓ ဘာသာ ဘုန်းတော်ကြီးတို့ သုံးယောက်ပေါင်းပြီး ကောင်းကင်အင်မော်တယ် အထွတ်အထိပ်အဆင့်ရှိ

ရာရှိုမွန်မျိုးနွယ် ကျင့်ကြံသူတစ်ဦးကို သတ်ဖြတ်လိုက်ပြီးနောက် အခြားရာရှိုမွန်မျိုးနွယ်ဝင်များထံသို့ ချက်ချင်းပင် ဦးတည်လိုက်ကြသည်။

လုရီ၏ တိုက်ခိုက်ရေးစွမ်းရည်မှာ ကြောက်ခမန်းလိလိ ကောင်းလှ၏။ ကောင်းကင်အင်မော်တယ် သတ္တမအလွှာ သို့မဟုတ် အဋ္ဌမအလွှာရှိ ကျင့်ကြံသူများကို သူ နှိမ်နင်းနိုင်ခဲ့ပြီး၊ နဝမအလွှာနှင့် အထွတ်အထိပ်အဆင့် ကျင့်ကြံသူများကိုမူ အနိုင်မယူနိုင်သည့်တိုင် သူ၏ နေရာလပ်နိယာမဖြင့် ထိန်းချုပ်ထားနိုင်ခဲ့သည်။

လုရီ၏ အရိပ်သည် စစ်မြေပြင်တစ်ခုလုံး၌ နေရာအနှံ့ ရှိနေသည်ဟုပင် ဆိုနိုင်လေသည်။

ကျန်ရှိသော ရာရှိုမွန်မျိုးနွယ် ကောင်းကင်အင်မော်တယ်များသည် မူလကတည်းက များများစားစား မရှိတော့ရာ မကြာမီအချိန်အတွင်းမှာပင် အားလုံး အသတ်ခံလိုက်ရလေတော့သည်။

လုရီကို မြင်လိုက်ရသော ကောင်းကင်အင်မော်တယ်များ၏ မျက်နှာအမူအရာမှာ မယုံနိုင်လောက်အောင်ပင် ထူးဆန်းနေခဲ့သည်။

အကြောင်းမှာ လုရီပြသခဲ့သည့် စွမ်းအားက အလွန်အမင်း ကြောက်မက်ဖွယ်ကောင်းနေသောကြောင့်ပင်။

သူ၏ အင်မော်တယ်သိုင်းနည်းစနစ်၏ စွမ်းအားသည် ကောင်းကင်အင်မော်တယ် ရှစ်လွှာနှင့် နှိုင်းယှဉ်နိုင်လောက်သည်မှာ အလွန်အမင်း ထူးကဲနေပြီ ဖြစ်သည့်အပြင် သူ၏ နေရာလပ်နိယာမကမူ လူတို့၏ နှလုံးသားကို တုန်လှုပ်စေပြီး ကောင်းကင်အင်မော်တယ် အထွတ်အထိပ်အဆင့်များကိုပင် အငိုက်ဖမ်းနိုင်ခဲ့သည်။

ထိုနေရာရှိ ကောင်းကင်အင်မော်တယ်များအားလုံးသည် သွေးပျက်နေကြပြီး သူတို့၏ မျက်နှာများတွင် အံ့ဩမှုများ ထင်ဟပ်နေခဲ့သည်။

ကောင်းကင်အင်မော်တယ်များအားလုံး အသတ်ခံရပြီး မကြာမီမှာပင် တပ်မှူးဝမ်သည်လည်း ခေါင်းမာစွာ ခုခံနေခဲ့သော သွေးငရဲ တပ်မတော် တပ်မှူးကို အပြီးသတ် သတ်ဖြတ်နိုင်ခဲ့လေ၏။

သွေးငရဲ တပ်မတော် တပ်မှူး အသတ်ခံရသည်နှင့် တပ်မှူးဝမ်သည် အခြားသွေးငရဲ တပ်မတော်မှ စွမ်းအားရှင်များကို ဖြေရှင်းရန် လက်အားသွားတော့သည်။

ရာရှိုမွန် မျိုးနွယ်မှ တကိုယ်တော် ကျင့်ကြံသူများနှင့် မတူညီသည်မှာ၊ သေဘေးနှင့် ရင်ဆိုင်နေရသည့် အခြေအနေမှာပင် သွေးငရဲ တပ်မတော်သည် ထွက်မပြေးဘဲ အကျိုးဆက်ကို ဂရုမစိုက်တော့ဘဲ ကြယ်တာရာနယ်မြေတပ်ကို သတ်ဖြတ်ရန် ပို၍ပင် အရူးအမူး တိုက်ခိုက်ကြသည်။

အမျိုးမျိုးသော လျှို့ဝှက်လက်နက်များက ဆက်တိုက် ထွက်ပေါ်လာခဲ့သည်။

တပ်မှူးဝမ်ကိုယ်တိုင် ပါဝင်တိုက်ခိုက်သည့်တိုင် ကျန်ရှိနေသော သွေးငရဲ တပ်မတော်အဖွဲ့ဝင်လေးဦးကို သတ်ဖြတ်ရန် အချိန်အနည်းငယ် ကြာမြင့်ခဲ့သည်။

ထိုတိုက်ပွဲသည် အလွန်ပြင်းထန်ခဲ့ပြီး ကြယ်တာရာနယ်မြေတပ်မှ တစ်ဦးမှာပင် ပြင်းထန်သော ဒဏ်ရာအချို့ ရရှိခဲ့သည်။

သွေးငရဲ တပ်မတော်တပ်သားများ အားလုံး အသတ်ခံရပြီးသောအခါ တပ်မှူးဝမ်သည် အားကောင်းသော ကြယ်တာရာနယ်မြေတပ် စစ်သည်လေးဦးနှင့်အတူ လုရီတို့ရှိရာသို့ ရောက်လာခဲ့သည်။

---

"သခင်လေးလုရီ၊ ဒီတစ်ကြိမ်အတွက် အများကြီး အကြွေးတင်သွားပါပြီ။ မဟုတ်ရင် ရာရှိုမွန်မျိုးနွယ်ကို ဖြေရှင်းရတာ ဒီလောက် မလွယ်လောက်ဘူး!"

တပ်မှူးဝမ်က လုရီအား စိတ်ဝင်တစား တောက်ပနေသော မျက်လုံးများဖြင့် ကြည့်ကာ ပြောလိုက်သည်။

လုရီက ပြုံးလိုက်ပြီး...

"အဲ့ဒီလို မပြောပါနဲ့ တပ်မှူးဝမ်ရယ်။ ရာရှိုမွန်မျိုးနွယ်က ကျွန်တော့်ရဲ့ ဇာတိမြေကို ကျူးကျော်တာလေ၊ ဒါက ကျွန်တော် လုပ်သင့်လုပ်ထိုက်တဲ့ အလုပ်ပါပဲ။"

တပ်မှူးဝမ်က ခေါင်းအသာငြိမ့်ကာ...

---

"ဘယ်လိုပဲဖြစ်ဖြစ်၊ စစ်ဘက်ဆိုင်ရာ ဂုဏ်ပြောင်မှုက ဂုဏ်ပြောင်မှုပါပဲ။ ဒီအခြေအနေကို လျိုဟိုင်ချင်းဆီ ကျွန်မ အစီရင်ခံပါ့မယ်။"

လုရီ အစောပိုင်းက သုံးခဲ့သော ကျောက်ပြားသည် မည်သို့သော ကျင့်ကြံခြင်းရတနာဖြစ်သည်ကို တပ်မှူးဝမ်က

မမေးမြန်းခဲ့ပေ။

လူတိုင်းတွင် ကိုယ်ပိုင်လျှို့ဝှက်ချက်များ ရှိကြသည်သာ။ ဒုတိယသခင်မလေး၏ တိုက်ရိုက်တပည့် ဖြစ်သော လုရီသည် သာမန် မဟုတ်သည်မှာ ရှင်းလင်းနေပါသည်။

အခြားကျင့်ကြံသူများသည် လုရီ အစောပိုင်းက သုံးခဲ့သော ကျောက်ပြားကို စပ်စုချင်စိတ်ရှိသော်လည်း၊ လုရီ၏ နောက်ခံ မည်မျှ နက်ရှိုင်းသည်ကို သိရှိနားလည်ကြသောကြောင့် မိမိတို့ဘာသာ ဒုက္ခမရှာလိုကြပေ။

သူတို့အတွက်မူ လုရီနှင့် ဆက်ဆံရေးကောင်း တည်ဆောက်ထားခြင်းသည်သာ အကောင်းဆုံး ဖြစ်လေသည်။

"အရင်ဆုံး စခန်းကို ရှင်းလိုက်ကြရအောင်၊ ပြီးမှ ထွက်သွားကြမယ်! ဒီမှာ ဒီလောက် လှုပ်ရှားမှုတွေ ဖြစ်နေတာ၊ တခြားနေရာတွေက ရာရှိုမွန်မျိုးနွယ်ဝင်တွေ စစ်ကူလွှတ်လာနိုင်တယ်"

တပ်မှူးဝမ်က အမိန့်ပေးလိုက်သည်။

ရာရှိုမွန်မျိုးနွယ်တပ်ဖွဲ့ အများအပြားက အဓိကစခန်းကို ဝိုင်းရံထားသော်လည်း

ရာရှိုမွန်တပ်မတော်၏ အရေအတွက်က သူတို့ထက် များနေဆဲဖြစ်ရာ သူတို့ ဝိုင်းခံရလျှင် အလွန်အန္တရာယ်များပေလိမ့်မည်။

ကောင်းကင်အင်မော်တယ်အုပ်စုသည် မြေပြင်ပေါ်သို့ ဆင်းသက်လာပြီး စခန်းအတွင်းရှိ ရာရှိုမွန်မျိုးနွယ် ကျင့်ကြံသူများအားလုံးလည်း အသတ်ခံထားရသည်ကို တွေ့ရှိလိုက်ရသည်။

ယွီမိသားစုတပ်သည် ဤကိစ္စတွင် အရေးပါသော အခန်းကဏ္ဍမှ ပါဝင်ခဲ့သည်မှာ သဘာဝကျပြီး၊ တစ်သီးပုဂ္ဂလ ကျင့်ကြံသူအချို့မှာမူ လျိုနင်ရွှမ်းနှင့် သူမ၏ အဖော်သုံးဦးကို ကြည့်ကာ တုန်လှုပ်နေကြသည်။

သူမတို့လေးဦးပြသခဲ့သော စွမ်းအားသည် အံ့ဩစရာကောင်းလှပြီး ယွီမိသားစုတပ်မှ ကျင့်ကြံသူများပင် လျိုနင်ရွှမ်းနှင့် သူမ၏ အဖွဲ့ကို ကြည့်ကာ အနည်းငယ် အံ့အားသင့်နေကြသည်။

---

ထို့နောက်တွင်တော့ သူတို့သည် စစ်နိုင်ပစ္စည်းများကို စုဆောင်းကြ၏။ ထိုအထဲတွင် ရာရှိုမွန်အင်မော်တယ်များ၏ သိုလှောင်လက်စွပ်များ၊ အင်မော်တယ်လက်နက်များစွာ၊ ကောင်းကင်နှင့် မြေကြီးရတနာအချို့နှင့် စခန်းအတွင်းမှ ကြယ်တာရာခြင်ဆီကဲ့သို့သော ရတနာများ ပါဝင်လေသည်။

ဆယ်မိနစ်ကျော်မျှ အချိန်အတွင်းမှာပင် သူတို့သည် စခန်း တစ်ခုလုံးကို မည်သည့် အရာမျှ မကျန်ရစ်စေအောင် အထက်အောက် လှန်လှောရှာဖွေကြလေ၏။ ထို့နောက် တပ်မှူးဝမ်က လက်

တစ်ချက် ပေါ့ပေါ့ပါးပါး ဝှေ့ယမ်းလိုက်ရာ တောင်ကြားထဲရှိ စခန်း တစ်ခုလုံး ပျက်စီးသွားပြီး အဆုံး မရှိသော ချောက်နက်ကြီးတစ်ခုအဖြစ် ပြောင်းလဲသွားလေတော့သည်။

ထို့နောက်တွင်တော့ အုပ်စုသည် အလင်းတန်းများအသွင် ပြောင်းလဲကာ ပျောက်ကွယ်သွားကြသည်။

သူတို့သည် အတန်ကြာ ပျံသန်းပြီးနောက် တပ်မှူးဝမ်က အားလုံးကို ဆင်းသက်အနားယူခွင့် ပေးခဲ့သည်။

အင်မော်တယ်များအတွက်တော့ ဆိုးဆိုးရွားရွား မဟုတ်သော်ငြားလည်း၊ ယခင်ပြင်းထန်သော တိုက်ပွဲနှင့် ယခု အလျင်စလို ခရီးနှင်လာမှုကြောင့် စွမ်းအားရှင်အချို့မှာ အနည်းငယ် ပင်ပန်းနွမ်းနယ်နေကြသည်။

အနားယူနေစဉ် တပ်မှူးဝမ်က လုရီကို ရံဖန်ရံခါ ခိုးကြည့်နေပြီး သူမ၏ မျက်လုံးများထဲမှ လေးစားအားကျမှုကြောင့် သူ့ဘေးရှိ သုန်းကုန်းမင်ယွဲ့သည် နှုတ်ခမ်းမဲ့ကာ တပ်မှူးဝမ်ကို မကျေမနပ်ကြည့်ရင်း...

ခပ်တိုးတိုး ညည်းညူမိလေသည်။

"ဒီလောက် ထူးချွန်တဲ့ စီနီယာအစ်ကိုတစ်ယောက် ရှိနေရတာလည်း တကယ်ဝန်ထုတ်ဝန်ပိုးပါပဲဟယ်။"

---

လျိုနင်ရွှမ်း၊ ကျန်းရူယွီနှင့် ယွင်ရှီးတို့သည်လည်း ဘာပြောရမှန်းမသိ ဖြစ်နေကြသည်။ လုရီ၏ စွမ်းဆောင်ရည်သည် မည်သည့်အခါမျှ အံ့အားသင့်စေရန် မပျက်ကွက်‌သောကြောင့် သူတို့မှာ ခါးသီးစွာခံစားနေရလေသည်။

သူတို့ လေးဦး၏ အကြည့်များကို သတိပြုမိသောအခါ တပ်မှူးဝမ်သည် စူးစိုက်ကြည့်နေခြင်းကို ရပ်တန့်လိုက်ကာ အနားယူနေရာမှ ထွက်ခွာသွားလေ၏။ ဆက်သွယ်ရေး ကျောက်စိမ်းပြားဖြင့် အခြားသူများကို ဆက်သွယ်လိုက်လေသည်။ မကြာမီမှာပင် သူမသည် စိတ်လှုပ်ရှားစွာ ပြုံးရွှင်လျက် ပြန်ရောက်လာခဲ့သည်။

---

" နေရာ ကူးပြောင်း အခင်းအကျင်းစင်မြင့်ကို တည်ဆောက်ကြ! ကျွန်မတို့ တခြားနေရာတွေကို ဆက်သွားမယ်။ သခင်လေးလုရီရဲ့ ပူးပေါင်းမှုနဲ့ဆိုရင် ရာရှိုမွန်မျိုးနွယ်တွေ မတုံ့ပြန်နိုင်ခင် သူတို့ရဲ့ စခန်းတွေကို အခွင့်ကောင်းယူပြီး နောက်ထပ် တချို့ကို ဖျက်ဆီးပစ်လို့ရမယ်။ ဒါမှ သူတို့ရဲ့ အင်အားကို လျှော့ချနိုင်မှာ! သခင်လေး

လုရီ ပါဝင်ကူညီပေးဖို့ မျှော်လင့်ပါတယ်"

---

ထိုစကားကို ကြားသောအခါ လုရီ၏ မျက်လုံးများက အရောင်တောက်သွားသည်။

စခန်းများကို ဖျက်ဆီးခြင်းသည် အခင်းအကျင်းမျက်လုံးများကို ဖျက်ဆီးခြင်းနှင့် ရာရှိုမွန်မျိုးနွယ်ဝင်များကို သတ်ဖြတ်ခြင်းပင် ဖြစ်ရာ၊ ထိုအရာက အလုပ်များ ပိုရပြီး ဆုလာဘ်များ ပိုရမည်ဟု ဆိုလိုပေသည်။

သူက လေးနက်တည်ကြည်စွာဖြင့်...

လက်ခံလိုက်၏။

"ခင်ဗျားတို့ကို ကူညီဖို့က ကျုပ်ရဲ့ တာဝန်ပဲ!"

ကြယ်တာရာနယ်မြေတပ်မတော် ၊ ယွီမိသားစုတပ်နှင့် ထျန်းမင်နှင့် ဒေသအသီးသီးမှ တကိုယ်တော် ကျင့်ကြံသူများအားလုံးသည် လုရီကို ကြည့်လိုက်ကြသည်။

"လုရီ၊ မင်းရဲ့ ဖြောင့်မတ်မှန်ကန်မှုက ပြိုင်ဘက်ကင်းပါတယ်!"

"ထျန်းမင်မှာ လုရီလို သူရဲကောင်း

တစ်ယောက် ပေါ်ထွက်လာတာဟာ အမှန်တကယ်ပဲ ကောင်းကင်တာအိုက တရားမျှတတယ်ဆိုတာပါပဲ။"

"..."

သူတို့အားလုံး၏ ချီးကျူးစကားများကြောင့် လုရီသည် အနည်းငယ် မျက်နှာပူသွားတော့သည်။

နေရာ ကူးပြောင်း အခင်းအကျင်းစင်မြင့်ကို တည်ဆောက်ခြင်းသည် သိပ်မခက်ခဲလှပေ။ ကြယ်တာရာနယ်မြေတပ်သည် ရာရှိုမွန်မျိုးနွယ်၏ စခန်းများကို ရှာဖွေသည့်အခါ အခင်းအကျင်းစင်မြင့်များကို အသင့်ယူဆောင်လာလေ့ရှိသည်။

ထို့ပြင် အခြား ရာရှိုမွန်မျိုးနွယ်စခန်းများ၏ တည်နေရာများကိုလည်း ကြယ်တာရာနယ်မြေ တပ်မတော်က ရှာဖွေတွေ့ရှိထားပြီး ဖြစ်သည်။

မကြာမီမှာပင် နေရာ ကူးပြောင်းအခင်းအကျင်းစင်မြင့်ကို တည်ဆောက်ပြီးစီးသွားပြီး ၎င်းကို အသက်သွင်းလိုက်သောအခါ ဝင်ပေါက်တစ်ခု ပေါ်ထွက်လာကာ အုပ်စုသည် ထိုအထဲသို့ ဝင်ရောက်သွားကြသည်။

လျင်မြန်စွာပင် သူတို့သည် အခြားနေရာတစ်ခုတွင် ပေါ်ထွက်လာခဲ့ကြသည်။

ဤနေရာတွင် ယခင်ကထက် ပို၍ပြင်းထန်သော မုန်တိုင်းများ တိုက်ခတ်နေပြီး ပူပြင်းသော နေရောင်ခြည်ကလည်း တိုက်ရိုက်ကျရောက်နေကာ ထိုပြင်းထန်သော အပူရှိန်ကြောင့် လုရီပင် နေရခက်နေခဲ့သည်။

ဤနေရာတွင်လည်း ကြယ်တာရာနယ်မြေတပ်မှ အဖွဲ့တစ်ဖွဲ့က သူတို့ကို စောင့်မျှော်နေခဲ့ပြီး၊ သူတို့၏ နောက်တွင် ယွီမိသားစုတပ်နှင့် တကိုယ်တော် ကျင့်ကြံသူအချို့လည်း ရှိနေခဲ့သည်။

ကြယ်တာရာနယ်မြေတပ်၏ တပ်မှူးမှာ ချောမောသော လူငယ်တစ်ဦးဖြစ်သည်။

သူသည် သူတို့ကို လာရောက်ကြိုဆိုရင်း မျက်နှာပေါ်တွင် အံ့ဩဟန်ဖြင့်...ဆိုလေသည်။

"အစ်မဝမ်၊ ဒါ တကယ်လား? ရာရှိုမွန်မျိုးနွယ်စခန်းတစ်ခုကို ခင်ဗျားတို့ တကယ် ဖျက်ဆီးခဲ့တာလား?!"

တပ်မှူးဝမ်က ဂုဏ်ယူစွာ ပြုံးလိုက်ပြီး...

"ဟုတ်တာပေါ့၊ တကယ်ပေါ့၊ ဒါတွေအားလုံး သခင်လေးလုရီရဲ့ ကျေးဇူးကြောင့်!"

"သခင်လေးလုရီ၊ ကျွန်တော့်နာမည်က

စုန့်တာဟုန်ပါ။ ဒီတစ်ကြိမ်တော့ ခင်ဗျားကိုပဲ အားကိုးရတော့မှာပဲ!"

ထိုလူငယ်က စိတ်လှုပ်ရှားစွာ ပြုံးရွှင်လျက် ပြောလိုက်သည်။

"စိတ်ချပါ၊ တပ်မှူးစုန့်၊ ကျွန်တော် အကောင်းဆုံး ကြိုးစားပါ့မယ်။" ဟု လုရီက လေးနက်စွာ ခေါင်းညိတ်လိုက်ပြီး...ကတိပေးလိုက်လေ၏။

အုပ်စုသည် ရာရှိုမွန်မျိုးနွယ်စခန်းဆီသို့ ဦးတည်ရွေ့လျားသွားကြသည်။

လမ်းတစ်လျှောက်တွင် စုန့်တာဟုန်က အခြေအနေကို ရှင်းပြခဲ့သည်။ အစောပိုင်းက တပ်မှူးဝမ်၏ အဖွဲ့ကဲ့သို့ပင် သူတို့သည် အချိန်အတော်ကြာ တိုက်ခိုက်ခဲ့သော်လည်း ကံမကောင်းစွာဖြင့် ရာရှိုမွန်မျိုးနွယ်၏ စခန်းကာကွယ်ရေးမှာ အလွန်ခိုင်ခံ့သောကြောင့် သူတို့ မထိုးဖောက်နိုင်ခဲ့ခြင်းသာ။

ဝမ်ယွမ်ယွမ်၏ စကားကို ကြားပြီးနောက် သူတို့သည် ရာရှိုမွန်မျိုးနွယ်စခန်းမှ ခွာထွက်လာပြီး သူတို့ကို လာခေါ်ရန် နေရာ ကူးပြောင်း အခင်းအကျင်း စင်မြင့်ကို စတင် တည်ဆောက်ခဲ့ခြင်း ဖြစ်သည်။

မကြာမီမှာပင် သူတို့သည် ရာရှိုမွန်

မျိုးနွယ်၏ စခန်းသို့ ရောက်ရှိသွားကြလေသည်။

---

"သခင်လေးလုရီ၊ ဒါက ရာရှိုမွန်မျိုးနွယ်စခန်းပဲ။"

စုန့်တာဟုန်က လမ်းပြရင်း အဝေးမှ လွင်ပြင်ပေါ်ရှိ စခန်းကို ညွှန်ပြကာ ပြောလိုက်သည်။

လုရီက ခေါင်းအသာငြိမ့်ကာ...

ပြောလိုက်၏။

"ခင်ဗျားတို့ ခဏလောက် စပြီး တိုက်ခိုက်လိုက်ပါ။ မဟာအခင်းအကျင်းက ဘယ်လိုပုံစံလဲဆိုတာ ကျွန်တော် ကြည့်ချင်လို့။"

လုရီက အခင်းအကျင်းမျက်လုံးများကို ရှာဖွေနိုင်ခြင်းမှာ အကြောင်းမဲ့ မဟုတ်ပေ။ သူသည် မဟာအခင်းအကျင်းအပေါ် သူ၏ နားလည်သဘောပေါက်မှုကို အသုံးချ၍ ၎င်းတို့၏ တည်နေရာကို ကောက်ချက်ချခဲ့ခြင်း ဖြစ်ပါသည်။

စုန့်တာဟုန်ကတော့ မည်သည့်မေးခွန်းမျှ

မမေးခဲ့ပေ။

အုပ်စုသည် ကောင်းကင်ပေါ်သို့ ပျံတက်သွားကြပြီး သူတို့၏ ပြင်းထန်သော အရှိန်အဝါသည် စခန်းအတွင်းရှိ ရာရှိုမွန်မျိုးနွယ် ကျင့်ကြံသူများကို ထိတ်လန့်စေခဲ့သည်။

ရာရှိုမွန်မျိုးနွယ် ကျင့်ကြံသူများက ကောင်းကင်ပေါ်သို့ ပျံတက်လာစဥ် ကြယ်တာရာနယ်မြေတပ်မတော်၏ တိုးပွားလာသော အရေအတွက်ကို တွေ့မြင်လိုက်ရသည်။

သွေးငရဲ တပ်မတော်၏ ခေါင်းဆောင်က ကျယ်လောင်စွာ ထေ့ငေါ့လာလေသည်။...

"ဟားဟားဟား! မင်းတို့မှာ လူအင်အားများလာတာနဲ့ ငါတို့ရဲ့ မဟာအခင်းအကျင်းကို ဖျက်ဆီးနိုင်မယ် ထင်နေတာလား.. ဆုတောင်းလေ..."

စုန့်တာဟုန်က စကားများများမပြောဘဲ ဝမ်ယွမ်ယွမ်နှင့် အခြားသူများနှင့်အတူ တိုက်ခိုက်မှုတွင် ပါဝင်လိုက်ရာ မဟာအခင်းအကျင်းသည် သိသိသာသာ ပေါ်ထွက်လာခဲ့၏။

အတွင်းမှ ရာရှိုမွန်ကျင့်ကြံသူများမှာမူ အေးဆေးတည်ငြိမ်သော အမူအရာဖြင့် ရှိနေကြသည်။

ဆယ်မိနစ်ခန့်အကြာတွင် လုရီသည် အခင်းအကျင်းမျက်လုံး၏ တည်နေရာကို ရှာဖွေတွေ့ရှိသွားသည်။

ဤစခန်း၏ ကာကွယ်ရေးအခင်းအကျင်းသည် ယခင်တစ်ခုနှင့် ဆင်တူနေပါ၏။ ယခင်အတွေ့အကြုံကြောင့် လုရီ ကောက်ချက်ချရန်မှာ ပို၍ပင် လွယ်ကူသွားခဲ့လေသည်။

သူသည် အေးဆေးစွာပင် ကောင်းကင်ဥမင်ကျောက်ပြားကို ထုတ်ယူလိုက်ပြီး ယခင်နည်းလမ်းအတိုင်းပင် အသုံးပြုကာ အခင်းအကျင်းမျက်လုံးကို လွယ်ကူစွာပင် ချေမှုန်းလိုက်တော့သည်။

ဟိန်းဟောက်သံကြီးနှင့်အတူ ရာရှိုမွန်မျိုးနွယ်စခန်း၏ ကာကွယ်ရေးအခင်းအကျင်းသည် သွေးနီရောင်အလင်းစက်များအဖြစ်သို့ ပြောင်းလဲကာ ပြန့်ကျဲသွားလေသည်။

"???"

ကောင်းကင်ယံမှ အဆုံးမဲ့ အင်မော်တယ်သိုင်းနည်းစနစ်များ ကျဆင်းလာစဉ် ရာရှိုမွန်ကျင့်ကြံသူများ၏ မျက်နှာအမူအရာများမှာ ရုတ်ချည်း အေးခဲသွားလေတော့သည်။

အခန်း ၅၆၇ - လော့ယွမ်စစ်မြေပြင်နှင့်

အင်မော်တယ်တစ်ပါး၏ တာဝန်...

~"ဒါ ဘယ်လိုနည်းနဲ့မှ မဖြစ်နိုင်ဘူး!!!"

ရာရှိုမွန်မျိုးနွယ် ကျင့်ကြံသူတို့သည် ယုံကြည်နိုင်စွမ်း မရှိသည့်အလား ဒေါသတကြီး ဟိန်းဟောက်လိုက်ကြ၏။ သို့သော် သူတို့၏ မျက်စိရှေ့တွင် အရှိန်အဟုန်ပြင်းစွာ တိုးဝင်လာသော ဝိညာဉ်စွမ်းအင် လှိုင်းလုံးကြီးများအား ရင်ဆိုင်ရာတွင်မူ ကပျာကယာ ခုခံကာကွယ်ရန်မှတစ်ပါး အခြားမည်သို့မျှ မတတ်နိုင်တော့ပေ။

ပြီးခဲ့သည့်တစ်ကြိမ်က ကြယ်တာရာနယ်မြေတပ်မတော်မှ ဝမ်ယွမ်ယွမ်၏ အဖွဲ့နှင့် ယွီမိသားစုတပ်မတော်သားများသာ ရှိနေစဉ်ကပင် ကြိုတင်ပြင်ဆင်ထားသော တိုက်ခိုက်မှုတစ်ခုကြောင့် ရာရှိုမွန်မျိုးနွယ်တို့ အငိုက်မိကာ အထိနာခဲ့ရသေးသည်။ ယခုတစ်ကြိမ်တွင်မူ အဘယ်ဆိုဖွယ်ရာ ရှိတော့အံ့နည်း။

မျက်စိတစ်မှိတ်အတွင်းမှာပင် စခန်းတစ်ခုလုံးသည် မြေနှင့်တစ်သားတည်း ကျသွားခဲ့လေတော့၏။

ပတ်ဝန်းကျင် ကီလိုမီတာတစ်သန်းခန့်ရှိသော ဧရိယာတစ်ခုလုံး သိမ့်သိမ့်တုန်ခါသွားပြီး ဗဟိုနေရာ၌မူ ဝိညာဉ်အလင်းတန်းများသည် နေလုံးကြီးတစ်စင်း ပေါက်ကွဲထွက်သည့်အလား ထိုးထွင်းတောက်ပနေ၏။ အနီးအနားမှ အနီရောင်တောကန္တာရများသည် သလင်းကျောက်များအဖြစ်သို့ ပြောင်းလဲသွားပြီး ဝိညာဉ်စွမ်းအင်လှိုင်းများ၏ တိုက်စားမှုကြောင့် မုန်တိုင်းများပင် ရုတ်ချည်း ရပ်တန့်သွား၏။

ထိုအလင်းတန်းများကြားမှ ဒေါသတကြီး ဟိန်းဟောက်သံများနှင့်အတူ ရာရှိုမွန်မျိုးနွယ် ကျင့်ကြံသူများ တစ်ယောက်ပြီးတစ်ယောက် ထွက်ပေါ်လာကြသည်။

စွမ်းအားရှင်အဆင့်ရှိ ရာရှိုမွန်မျိုးနွယ်ဝင်အားလုံးသည် ဤတိုက်ခိုက်မှုလှိုင်းအောက်တွင် သေကြေပျက်စီးသွားခဲ့ပြီး အင်မော်တယ်အဆင့်ရှိသူများသာ ကျန်ရစ်တော့သည်။

ထိုအင်မော်တယ်အဆင့် ရာရှိုမွန်မျိုးနွယ်ဝင်များပင်လျှင် ကောင်းကင်ဘုံအင်မော်တယ်အဆင့်၌ ရှိနေကြသော်လည်း တစ်ကိုယ်လုံးတွင် ဒဏ်ရာဒဏ်ချက်များ ပြည့်နှက်ကာ သွေးများစွန်းထင်းလျက် အင်အားသိသိသာသာ ယုတ်လျော့နေလေပြီ။ အစစ်အမှန်အင်မော်တယ်အဆင့်ရှိ သွေးငရဲတပ်မတော်သားများပင်လျှင် ဒဏ်ရာရရှိခဲ့ကြ၏။

သွေးငရဲတပ်မတော်၏ တပ်မှူးသည် မျက်လုံးများ သွေးရောင်လွှမ်းလျက် အဝေးမှ စုန့်တာဟုန်နှင့် အခြားသူများကို စူးစူးရဲရဲ ကြည့်ကာ ဟိန်းဟောက်လိုက်သည်။

"ဆုတ်!!"

သွေးငရဲတပ်မတော်၏ တပ်မှူးသည် အလွန်ပြတ်သားစွာဖြင့် ဆုတ်ခွာရန် အမိန့်ပေးလိုက်၏။

သို့သော် စုန့်တာဟုန်နှင့် ဝမ်ယွမ်ယွမ်တို့ကမူ သဘောတူလိမ့်မည် မဟုတ်ချေ။

"ဟားဟားဟား! ရာရှိုမွန်မျိုးနွယ်က အစုတ်အပဲ့တွေ၊ သေဖို့သာ ပြင်ထားကြစမ်း!"

---

ရင်ထဲမှ အခဲမကျေဖြစ်နေသော ဒေါသများအား ဖြေလွှတ်လိုက်သည့်အလား စုန့်တာဟုန်သည် အားရပါးရ ဟစ်ကြွေးရယ်မောလိုက်ပြီး ရှေ့သို့ တိုးဝင်သွားလေသည်။ ဝမ်ယွမ်ယွမ်နှင့် အခြား ကြယ်တာရာနယ်မြေတပ်မတော်မှ အဖွဲ့ဝင်များလည်း ရှေ့သို့ တိုးဝင်တိုက်ခိုက်ကြ၏။ လုရီနှင့် အခြားသူများကလည်း အနီးကပ် လိုက်ပါသွားကြသည်။

စွမ်းအားရှင်အဆင့် ကျင့်ကြံသူများ မရှိတော့သည့်အတွက် လျိုနင်ရွှမ်းနှင့် အခြားသူများသည် အင်မော်တယ်များ၏ တိုက်ပွဲတွင် ပါဝင်ရန် မဝံ့ဘဲ၊ ထိုတိုက်ပွဲမှ ထွက်ပေါ်လာသည့် အရှိန်အဟုန်ကိုပင် စွမ်းအားရှင်အဆင့်၌ အနည်းငယ်သာ ခံနိုင်ရည်ရှိသည့်အတွက် ဆက်တိုက် နောက်ဆုတ်နေကြရလေသည်။

တိုက်ပွဲသည် အလွန်လျင်မြန်စွာ အဆုံးသတ်သွားခဲ့၏။ ကြယ်တာရာနယ်မြေတပ်မတော်မှ အဖွဲ့နှစ်ဖွဲ့က သွေးငရဲတပ်မတော်မှ အဖွဲ့တစ်ဖွဲ့ကို ရင်ဆိုင်တိုက်ခိုက်ရသည့်အပြင်၊ ဝမ်ယွမ်ယွမ်၏ မယုံနိုင်ဖွယ် အစွမ်းနှင့် ဒဏ်ရာရပြီးသားဖြစ်နေသော သွေးငရဲတပ်မတော်တို့ကြောင့်ပင် ဖြစ်သည်။ သည်းထန်ပြင်းထန်လှသော တိုက်ပွဲသည် နာရီဝက်ခန့်ပင် မကြာလိုက်ဘဲ အဆုံးသတ်သွားခဲ့၏။

ရာရှိုမွန်မျိုးနွယ်ဝင် အင်မော်တယ်အားလုံး အသတ်ခံလိုက်ရသည်။

သို့သော်လည်း ရာရှိုမွန်မျိုးနွယ် ကျင့်ကြံသူများသည် အရူးမီးဝိုင်းသကဲ့သို့ ဖြစ်နေကြပြီး လေဟာနယ်ထဲသို့ ဝင်ရောက်ခြင်းမရှိဘဲ ကောင်းကင်အမြင့်၌သာ တိုက်ခိုက်နေကြ၏။ တိုက်ပွဲ၏ အရှိန်အဟုန်ဒဏ်ကြောင့် နက်ရှိုင်းသော အက်ကွဲကြောင်းများ ပေါ်ထွက်လာသည်။

ကီလိုမီတာပေါင်း တစ်သန်းကျော် ကျယ်ဝန်းသည့် ဧရိယာတစ်ခုလုံးသည် မြေလွှာများ အက်ကွဲရွေ့လျားကာ နေရာတိုင်းတွင် ကြောက်မက်ဖွယ်ရာ ပျက်စီးခြင်း အငွေ့အသက်များဖြင့် ဖုံးလွှမ်းသွားတော့၏။ အကယ်၍သာ ဂြိုဟ်အမှတ် ၄ သည် အလွန်ကြီးမားသော ဂြိုဟ်တစ်လုံး မဟုတ်ခဲ့ပါလျှင်၊ သာမန်ဂြိုဟ်တစ်လုံးသာဆိုလျှင် အစိတ်စိတ်အမွှာမွှာ ကြေမွသွားလောက်ပေသည်။

ထို့နောက်တွင် ဝမ်ယွမ်ယွမ်နှင့် စုန့်တာဟုန်တို့သည် အလွန်တက်ကြွစွာဖြင့် လုရီနှင့် အခြားသူများကိုခေါ်ကာ အခြားသော ကြယ်တာရာနယ်မြေတပ်မတော်၏ စစ်မျက်နှာများကို သွားရောက်ကူညီကြလေသည်။

လုရီ၏ အခင်းအကျင်းမျက်လုံးများကို ဖျက်ဆီးနိုင်သည့် စွမ်းရည်ဖြင့် သွေးငရဲတပ်မတော်တို့ မည်သို့မျှ မတုံ့ပြန်နိုင်မီ သွေးငရဲတပ်မတော်စခန်း သုံးခုကို ထပ်မံဖျက်ဆီးနိုင်ခဲ့သည်။

ရာရှိုမွန်မျိုးနွယ်၏ တပ်မတော်သည် ကြီးမားသော ဆုံးရှုံးမှုများနှင့် ရင်ဆိုင်ခဲ့ရပြီး သွေးငရဲတပ်မတော်မှ အဖွဲ့ဝင် နှစ်ဆယ်ကျော်ပင် ဆုံးရှုံးခဲ့ရ၏။ ထိုသူများအားလုံးမှာ ကြယ်တာရာနယ်မြေတပ်မတော်နှင့် အဆင့်တူ အစစ်အမှန်အင်မော်တယ်များ ဖြစ်ကြသည်။ သေဆုံးသွားသူတစ်ဦးတိုင်းသည် ရာရှိုမွန်မျိုးနွယ်အတွက် ရင်နာစရာပင်။

ဤအချိန်တွင် အဓိကစခန်းကို တိုက်ခိုက်နေသော သွေးငရဲတပ်မတော်ပင်လျှင် တစ်ခုခု မှားယွင်းနေသည်ကို သတိပြုမိသွား၏။ ကြယ်တာရာနယ်မြေတပ်မတော်ထဲ၌ မည်သူမည်ဝါမှန်းမသိသော တစ်စုံတစ်ယောက်သည် အမည်မသိနည်းလမ်းဖြင့် အခင်းအကျင်း၏ အပြင်ဘက်မှ အခင်းအကျင်းမျက်လုံးများကို ပစ်မှတ်ထားတိုက်ခိုက်နိုင်ကြောင်း သူတို့ နားလည်သွားကြသည်။

ထို့ကြောင့် ရာရှိုမွန်မျိုးနွယ် ကျင့်ကြံသူများသည် ပြတ်သားစွာဖြင့် သူတို့၏ ဗျူဟာကို ပြောင်းလဲလိုက်ကြတော့သည်။

အဓိကစခန်းကို ဝိုင်းရံထားသော တပ်များ ဆုတ်ခွာသွားကြ၏။ အစပိုင်းတွင် ပျံ့ကျဲနေသော ရာရှိုမွန်မျိုးနွယ်တပ်များသည် တစ်ဖွဲ့ချင်း အဖျက်ဆီးမခံရစေရန် ယာယီစခန်းများကို စွန့်ခွာလိုက်ကြသည်။

တစ်ချိန်တည်းတွင် ကြယ်တာရာနယ်မြေတပ်မတော်သည် ရာရှိုမွန်မျိုးနွယ်၏ စခန်းများ ရွေ့လျားမှုကို လျှို့ဝှက်စောင့်ကြည့်နေပြီး ပုံမှန်မဟုတ်သည့် အခြေအနေများ တွေ့ရှိပါက အခြားနေရာများကို အကြောင်းကြားနေလေသည်။

မူလက အရှိန်ကောင်းနေတုန်း အခြားစခန်းများကို ဆက်လက်တိုက်ခိုက်ရန် စီစဉ်ထားသော ဝမ်ယွမ်ယွမ်နှင့် အခြားသူများသည် ပြတ်သားစွာဖြင့် ထိုအစီအစဉ်ကို စွန့်လွှတ်ပြီး ပစ်မှတ်မထားခံရစေရန် ပုန်းခိုနေရန် ရွေးချယ်လိုက်ကြသည်။

မကြာမီ ကြယ်တာရာနယ်မြေတပ်မတော်၏ ခံတပ်များထံမှ သတင်းရောက်လာ၏။ ရာရှိုမွန်မျိုးနွယ်သည် အဓိကစခန်းသို့ ပြန်လည်ဆုတ်ခွာသွားပြီး ကြယ်တာရာနယ်မြေတပ်မတော်ကို အင်အားနည်းတုန်း အနိုင်ကျင့်တိုက်ခိုက်ခွင့် မပေးတော့ပေ။

ရာရှိုမွန်မျိုးနွယ်သည် အင်အားကြီးမားသော တပ်ဖွဲ့ဝင်များစွာ ဆုံးရှုံးခဲ့ရသော်လည်း သူတို့၏ အင်အားမှာ ကြောက်မက်ဖွယ်ကောင်းဆဲဖြစ်ပြီး ကောင်းကင်ကြယ်ကြွေနယ်မြေထက် အနည်းငယ် သာလွန်နေသေးသည်။ အကယ်၍ ထိပ်တိုက်ရင်ဆိုင်ရပါက နှစ်ဖက်စလုံး၏ အင်အားမှာ များစွာကွာခြားမည် မဟုတ်သောကြောင့် ရာရှိုမွန်မျိုးနွယ်၏ တပ်မတော်ကို အနိုင်ယူရန်မှာ လက်တွေ့မကျပေ။

ထို့ကြောင့် ကြယ်တာရာနယ်မြေတပ်မတော်မှ အချို့အဖွဲ့ဝင်များ ကျန်ရစ်ခဲ့ပြီး လုရီနှင့် အခြားသူများ ပြန်လာနိုင်ခဲ့ကြ၏။

နေရာ ကူးပြောင်း အခင်းအကျင်းစင်မြင့်အသစ်တစ်ခု တည်ဆောက်ပြီးနောက် ဝမ်ယွမ်ယွမ်နှင့် အခြား ကြယ်တာရာနယ်မြေတပ်မတော်၏ ခံတပ်များမှ အစောင့်အကြပ်များ၏ မျက်လုံးများအောက်တွင် လုရီနှင့် အခြားသူများသည် ဟင်းလင်းပြင်ထဲသို့ ဝင်ရောက်ကာ အဓိကစခန်းသို့ ပြန်လာခဲ့ကြသည်။

အချိန်တိုတောင်းသောကြောင့် အဓိကစခန်း၏ မဟာအခင်းအကျင်းသည် ရာရှိုမွန်မျိုးနွယ်မှ အင်အားကြီးတပ်ဖွဲ့ဝင်များ၏ တိုက်ခိုက်မှုအောက်တွင် သိသာသော လှုပ်ခတ်မှုမရှိဘဲ မူလအတိုင်း တည်ရှိနေဆဲဖြစ်၏။

လျိုဟိုင်ချင်းနှင့် အခြားသူများသည် ပို့ဆောင်ရေးအခင်းအကျင်းစင်မြင့်တွင် စောင့်ဆိုင်းနေကြသည်။

လုရီနှင့် အခြားသူများ ထွက်ပေါ်လာသည်ကို မြင်သောအခါ လျိုဟိုင်ချင်း၏ မျက်နှာထက်တွင် အပြုံးတစ်ခု ပေါ်လာပြီး သူ၏ ကြမ်းတမ်းသော အမာရွတ်များပင် ပျော့ပျောင်းသွားသကဲ့သို့ ထင်ရလေသည်။

"ဟား ဟား ဟား၊ သခင်လေးလုရီက ဒုတိယ သခင်မလေးရဲ့ တိုက်ရိုက်တပည့်တစ်ယောက်ဆိုတာနဲ့ ထိုက်တန်ပါပေတယ်၊ တကယ့်ကို မျက်စိပွင့်စေတာပဲ! သခင်လေးလုရီသာ မရှိခဲ့ရင် ဒီတစ်ခါတော့ ကျွန်တော်တို့ အကျပ်ရိုက်နေဦးမှာပဲ။"

လုရီက ပြုံးလိုက်ကာ ပြန်လည်ဖြေကြားလိုက်၏။

"တပ်မှူးလျိုက မြှောက်ပင့်လွန်းနေပါပြီ၊ ဒါ ကျွန်တော်လုပ်သင့်လုပ်ထိုက်တာလေးပါပဲ။"

သူ၏စိတ်ထဲတွင်မူ ရာရှိုမွန်မျိုးနွယ်စခန်း ငါးခုကို ဖျက်ဆီးခဲ့သည့်အတွက် ကြီးမားသော ဆုလာဘ်များ ရရှိခဲ့သောကြောင့် အလွန်ပင် ပျော်ရွှင်နေမိသည်။

ထိုဆုလာဘ်များကို သူ၏ကိုယ်ပိုင်အဖြစ်သို့ ပြောင်းလဲပြီးသည်နှင့် သူ၏စွမ်းအားသည် ကြီးမားစွာ တိုးတက်လာပေတော့မည်။

ထိုအခါ လျိုဟိုင်ချင်း၏ မျက်နှာအမူအရာသည် တည်ကြည်သွားကာ ဤသို့ဆို၏။

"သခင်လေးလုရီရဲ့ စွမ်းဆောင်ချက်က အရမ်း ကြီးမားပါတယ်၊ ဒါကြောင့် ထိုက်တန်တဲ့ ဆုလာဘ်ကို ပေးအပ်ရမှာပေါ့။ ဒီသတင်းကို ဒုတိယ သခင်မလေးထံ ကျွန်တော် သတင်းပို့ပြီးပါပြီ။ သခင်မလေးနှစ်က ပြောပါတယ်၊ သခင်လေးလုရီ လိုချင်တာမှန်သမျှ တောင်းဆိုနိုင်တယ်တဲ့၊ သူ့မှာ ရှိသမျှ အရာအားလုံးကို ပေးအပ်သွားမှာပါတဲ့။"

လုရီသည် အံ့အားသင့်သွားပြီး အနည်းငယ် ရှုပ်ထွေးသွားဟန်ဖြင့် သူ၏ဆရာက ဤမျှ ရက်ရောလိမ့်မည်ဟု မမျှော်လင့်ထားခဲ့ပေ။

'ငါ့ဆရာကို နဖူးတောက်ခိုင်းရင်ကော... သူ သဘောတူလောက်ပါ့မလား' ဟူ၍ သူ၏စိတ်ထဲတွင် ပျော်ရွှင်စွာဖြင့် တွေးတောနေမိလေ၏။

အမှန်အတိုင်းဆိုရလျှင် လုရီသည် ကျင့်ကြံခြင်းအရင်းအမြစ်များ သိပ်မလိုအပ်လှပေ၊ အကြောင်းမှာ သူ၏စွမ်းအားတိုးတက်မှုများသည် အများအားဖြင့် တာဝန်များမှ ရရှိသော ဆုလာဘ်များနှင့်အတူ ပါလာတတ်သောကြောင့် ဖြစ်သည်။

လုရီ၏စိတ်ထဲ၌ အမြဲတစေ စွဲထင်နေသောအရာမှာ သူ့နဖူးကို အမြဲတောက်တတ်သော လူယုတ်မာတစ်ယောက်အကြောင်းပင်။ ထိုအငြိုးကို သူ မမေ့သေးချေ။

ယခုမူ လက်စားချေရန် အခွင့်အရေး ရောက်လာပြီလော။

လုရီ၏ မျက်နှာထက်မှ အပြုံးသည် တဖြည်းဖြည်းနှင့် ပို၍ ထိန်းချုပ်မရနိုင်တော့အောင် ဖြစ်လာလေတော့သည်။

လုရီ၏ မျက်နှာပေါ်မှ ထူးဆန်းသော အပြုံးကို မြင်သောအခါ လျိုဟိုင်ချင်းသည်လည်း အလွန်အမင်း ရှုပ်ထွေးသွားကာ မေးလိုက်၏။

"သခင်လေးလုရီ၊ အဆင်ပြေရဲ့လား။"

---

လုရီသည် အတွေးလောကမှ လန့်နိုးလာပြီး ချောင်းခြောက်တစ်ချက်ဆိုးကာ ပြန်ဖြေလိုက်သည်။

"ဘာမှမဖြစ်ပါဘူး၊ ဘာမှမဖြစ်ပါဘူး။"

လျိုဟိုင်ချင်းသည် လုရီကို ထူးဆန်းစွာ ကြည့်လိုက်၏။ 'ဘာမှမဖြစ်ဘူးတော့ မဟုတ်နိုင်ဘူး... သူ့အပြုံးက ဘာလို့ ဒီလောက် ကြောက်စရာကောင်းနေရတာလဲ။'

လျိုဟိုင်ချင်းသည် လုရီက သူ မသိနိုင်သော တစ်စုံတစ်ခုကို တွေးတောနေသည်ဟု အမြဲခံစားနေရသည်။

ထို့ကြောင့် ထပ်မံမစပ်စုရန် ပညာသားပါပါ ရွေးချယ်လိုက်ပြီး အခြားသူများဘက်သို့ လှည့်ကာ ပြောလိုက်သည်။

"ဒီတစ်ခါတော့ လူတိုင်းရဲ့ ဆောင်ရွက်ချက်တွေက ထူးချွန်ပြောင်မြောက်လှပါတယ်။ ကြယ်တာရာနယ်မြေတပ်မတော်မှာတော့ ဆောင်ရွက်ချက်အလိုက် ဆုချီးမြှင့်တဲ့စနစ် ရှိပါတယ်၊ ခင်ဗျားတို့အားလုံးလည်း ဂုဏ်ပြုဆုတွေကို လဲလှယ်နိုင်ကြပါတယ်။"

ဤစကားကြောင့် ကျင့်ကြံသူများ၏ မျက်လုံးများ အရောင်တောက်လာပြီး မျက်နှာများထက်တွင် အပြုံးများ ဝေဆာသွားကြသည်။

ဂုဏ်ပြုဆုလာဘ်များအတွက် မဟုတ်လျှင် သူတို့ အဘယ်ကြောင့် စစ်မှုထမ်းကြမည်နည်း။

လုရီနောက်သို့ လိုက်ခြင်းဖြင့် ရာရှိုမွန်မျိုးနွယ်စခန်း ငါးခုကို ဤမျှ လွယ်ကူစွာ ဖျက်ဆီးနိုင်ပြီး ကြီးမားသော ဆောင်ရွက်ချက်များ ရရှိလိမ့်မည်ဟု သူတို့ တစ်ခါမျှ

အိပ်မက် မထားခဲ့ကြပါပေ။

ဆုံးရှုံးမှုများပင်လျှင် အနည်းငယ်သာ ရှိခဲ့သည်။ စွမ်းအားရှင်အဆင့် အနည်းငယ်သာ တိုက်ပွဲအတွင်း ရာရှိုမွန်မျိုးနွယ်၏ သတ်ဖြတ်ခြင်းကို ခံခဲ့ရ၏။ လုရီ စစ်မြေပြင်တွင် ရှိနေသည့်အတွက် သူတို့သည် နေရာလပ်နိယာမကို ကျယ်ပြန့်စွာ အသုံးချလျက် စစ်မြေပြင်တစ်ခုလုံးကို လွှမ်းမိုးထားနိုင်ခဲ့သည်။

အစစ်အမှန်အင်မော်တယ်အဆင့် စစ်မြေပြင်မှာမူ သူတို့ စဉ်းစားရန် မလိုအပ်သော အရာတစ်ခု ဖြစ်လေသည်။

ထိုအခိုက်အတန့်တွင် အဖွဲ့သားအားလုံးသည် လုရီဘက်သို့ ကြည့်လိုက်ကြပြီး သူတို့၏စိတ်ထဲ၌ ကျေးဇူးတင်သော ခံစားချက်များ ပြည့်နှက်နေ၏။

'လုရီက တကယ့်ကို အံ့မခန်းပဲ! ဘာပဲဖြစ်ဖြစ်၊ လုရီသာ တာဝန်တစ်ခုခု ထမ်းဆောင်မယ်ဆိုရင် သူ့ရဲ့ဝတ်ရုံစကို ဆွဲထားရရင်တောင်မှ သူနဲ့အတူ လိုက်သွားရမယ်။'

လုရီကမူ ထိုကျင့်ကြံသူများ၏ အတွေးများကို မသိနိုင်ဘဲ လူတိုင်းနှင့်အတူ ပျော်ရွှင်စွာ နှုတ်ဆက်ကာ အနားယူရန် ထွက်ခွာသွားသည်။

ကောင်းကင်နဂါးမြင့်မြတ်နယ်မြေနှင့် နတ်ဓားဂိုဏ်းမှ ကျင့်ကြံသူများသည် လုရီနှင့် သူ၏ အဖော်ငါးယောက်နှင့်အတူ လာခဲ့ကြသောကြောင့် အတူတကွ ထွက်ခွာသွားကြ၏။

လုံယွမ်က အားရပါးရ ရယ်မောလိုက်ကာ ဆို၏။

"တာအိုရောင်းရင်းလုရီကြောင့် ဒီတစ်ခါတော့ ငါတို့ ရိတ်သိမ်းရတာ တော်တော်လေး ကောင်းခဲ့တယ်။ ဘာပဲဖြစ်ဖြစ်၊ လုရီကိုတော့ အရက် ကောင်းကောင်းတစ်ခွက်လောက် တိုက်ကို တိုက်ရမယ်။"

အခြားသူများ၏ မျက်လုံးများ အရောင်တောက်လာပြီး သဘောတူညီစွာ ခေါင်းညိတ်ကြသည်။ လုရီလည်း

မငြင်းဆန်ခဲ့ပေ။

အဖွဲ့သည် လုရီ၏ ခြံဝင်းသို့ သွားရောက်ကာ စားသောက်ကြရင်း တစ်ယောက်ကိုတစ်ယောက် အရက်ခွက်များဖြင့် တိုက်ခိုက်ကြသည်။ လုရီသည် အာရုံစိုက်မှု၏ ဗဟိုဖြစ်နေပြီး လုံယွမ်၊ ပုယွင်ကျန့်၊ မာပါ နှင့် အခြားသူများက တစ်ယောက်ပြီးတစ်ယောက် အရက်ခွက်ချင်း တိုက်ကြလေသည်။ လုရီသည်လည်း အပြုံးဖြင့် ပြန်လည်တုံ့ပြန်ခဲ့၏။

စားသောက်ပွဲသည် ကောင်းကင်ယံ မှောင်မိုက်လာသည်အထိ ကြာမြင့်ခဲ့ပြီး လူတိုင်း နှုတ်ဆက်ထွက်ခွာရန် ပြင်ဆင်ကြတော့သည်။

ထိုအခိုက်အတန့်တွင် လုရီက တစ်စုံတစ်ခုကို သတိရသွားပြီး လုံယွမ်ကို ခေါ်လိုက်၏။

"တာအိုရောင်းရင်းလုံယွမ်၊ ခင်ဗျား ဒဏ်ရာရထားတာလား။"

---

ဤစကားကို ကြားသောအခါ လုံယွမ်၏ မျက်နှာသည် တင်းမာသွားပြီး ကောင်းကင်နဂါးမြင့်မြတ်နယ်မြေမှ ကျင့်ကြံသူများ၏ မျက်နှာအမူအရာများလည်း အနည်းငယ် ညှိုးငယ်သွား၏။ နတ်ဓားဂိုဏ်းမှ ကျင့်ကြံသူများအားလုံး လုံယွမ်ဘက်သို့ ကြည့်လိုက်ကြသည်။

လုံယွမ်က ခါးသီးသော အပြုံးဖြင့် ခေါင်းညိတ်လိုက်ကာ ပြန်ပြောလိုက်သည်။

"ဟုတ်ပါတယ်၊ လော့ယွမ်စစ်မြေပြင်မှာ မတော်တဆ ပြင်းထန်တဲ့ ဒဏ်ရာရခဲ့တာပါ။ ကျိုယိုချီကို နှင်ထုတ်နိုင်ခဲ့ပေမယ့် ကျုပ်ရဲ့ မူလဇာစ်မြစ်ကိုတော့ ထိခိုက်သွားခဲ့တယ်။"

လုရီက ရှုပ်ထွေးစွာ မေးလိုက်သည်။

"လော့ယွမ်စစ်မြေပြင် ဟုတ်လား။ အဲ့ဒါ ဘယ်နေရာလဲ၊ ပြီးတော့ ဘာလို့ ကျိုယိုချီ ရှိနေရတာလဲ။"

ဤစကားကို ကြားသောအခါ အခြား ကောင်းကင်ဘုံအင်မော်တယ်များ၏ မျက်နှာများထက်တွင် ကြောက်ရွံ့မှုအရိပ်အယောင်များ ပေါ်လာ၏။

ထို့နောက် ပုယွင်ကျန့်က အနီးအနားမှ ကျင့်ကြံသူများဘက်သို့ လှည့်ကာ ပြောလိုက်သည်။

"ခင်ဗျားတို့အားလုံး အရင်ပြန်ကြတော့။"

နတ်ဓားဂိုဏ်းမှ ကျင့်ကြံသူများသည် တုံ့ဆိုင်းနေပြီး တစ်ယောက်မျက်နှာတစ်ယောက်ကြည့်ကာ ခြံဝင်းထဲမှ ထွက်ခွာသွားကြသည်။ လုံယွမ်သည်လည်း ကောင်းကင်နဂါးမြင့်မြတ်နယ်မြေမှ စွမ်းအားရှင်များကို ထွက်ခွာသွားရန် မှာကြားလိုက်၏။

မကြာမီ ခြံဝင်းထဲတွင် ကောင်းကင်ဘုံအင်မော်တယ်အုပ်စုနှင့် လျိုနင်ရွှမ်း၏ ကပ်ဘေးဖြတ်ကျော် ကျင့်ကြံသူ လေးယောက်သာ ကျန်ရစ်လေတော့သည်။

လျိုနင်ရွှမ်းနှင့် သူ၏အဖော်များသည် တစ်ယောက်မျက်နှာတစ်ယောက် ကြည့်လိုက်ကြသည်။ ထိုအခါ ကျန်းရူယွီက မေးလိုက်၏။

"ဘိုးဘေးအင်မော်တယ်၊ ကျွန်မတို့လည်း ထွက်သွားရမလား။"

---

သူမက အင်မော်တယ်အဖြစ် တက်လှမ်းပြီးသွားလျှင် လွတ်လပ်စွာ နေထိုင်နိုင်မည်ဟု ထင်ထားခဲ့သော်လည်း အခြေအနေမှာ ထင်ထားသည်နှင့် များစွာ ကွာခြားနေပုံရလေသည်။

ပုယွင်ကျန့်၏ မျက်နှာအမူအရာသည် အနည်းငယ် ထူးဆန်းနေပြီး သူ၏လက်ကို ဝှေ့ယမ်းလိုက်ကာ ပြောလိုက်သည်။

"မလိုပါဘူး။ မင်းတို့အားလုံး နိယာမကို ကျွမ်းကျင်ပြီးသားတွေပဲ၊ သိသွားလည်း ဘာအကျိုးဆက်မှ ရှိမှာမဟုတ်ဘူး။"

ဤတစ်ကြိမ်တွင်မူ လျိုနင်ရွှမ်းနှင့် အခြားသူများ စိတ်အေးသွားကြသည်။

ပုယွင်ကျန့်က လုရီဘက်သို့ လှည့်ကာ မေးလိုက်၏။

"တာအိုရောင်းရင်းလုရီ၊ မင်းလည်း ယွီမိသားစုရဲ့ ဒုတိယ သခင်မလေးဆီကနေ ကျိုယိုအကြောင်း ကြားဖူးမှာပါ၊ ဟုတ်တယ်မလား။"

လုရီက အသာအယာ ခေါင်းညိတ်လိုက်ကာ

"အဲ့ဒီတုန်းကတော့ ကျွန်တော့်ဆရာက အများကြီး မပြောချင်ဘူး၊ ကျွန်တော်တို့ အများကြီးသိတာ မကောင်းဘူးလို့ ပြောတယ်ဗျ"

---

အမ်ဘာက စိတ်ပျက်စွာဖြင့် သူ၏ခေါင်းကို ကုတ်လျက် ပြောလေ၏။

"ယွီမိသားစုရဲ့ ဒုတိယ သခင်မလေး ပြောတာ မှန်ပါတယ်၊ ဒါပေမယ့် အခု ခင်ဗျားရဲ့ စွမ်းရည်နဲ့ဆိုရင်တော့ ပြဿနာမရှိတော့ပါဘူး။ အမှန်အတိုင်းပြောရရင် ကျိုယိုဆိုတာ ဘာလဲဆိုတာကို ကျွန်တော်တို့လည်း သိပ်မရှင်းလင်းဘူး။"

လုရီနှင့် အခြားသူများ မှင်သက်သွားကြသည်။

လုရီက အနည်းငယ် အံ့ဩသွားကာ မေးလိုက်သည်။

"ကောင်းကင်ဘုံအင်မော်တယ် အဆင့် ကိုးအလွှာကတောင်မှ မသိဘူးလားဗျာ။"

ထိုအခါ ပုယွင်ကျန့်က ရှင်းပြလေသည်။

"ဟုတ်တယ်၊ ငါတို့လည်း အများကြီးမသိဘူး၊ ဒါပေမယ့် ကျိုယိုနဲ့ ကြယ်တာရာကောင်းကင်ယံကြားမှာ လမ်းကြောင်းတချို့ ရှိနေတယ်။ ကျိုယိုမိစ္ဆာတွေက အဲ့ဒီလမ်းကြောင်းတွေကနေတစ်ဆင့် ကြယ်တာရာကောင်းကင်ယံထဲကို ဝင်ရောက်လာပြီး ကပ်ဘေးတွေ ဖန်တီးကြတယ်။ လော့ယွမ်စစ်မြေပြင်ဆိုတာက အဲ့ဒီလမ်းကြောင်းတွေထဲက တစ်ခုပဲ၊ အင်မော်တယ်အရှင်သခင်က ကြီးမားတဲ့ နည်းလမ်းတွေနဲ့ သီးခြားခွဲထုတ်ထားပြီး ကျိုယိုမိစ္ဆာတွေ ကြယ်တာရာကောင်းကင်ယံထဲကို တိုက်ရိုက်မဝင်ရောက်နိုင်အောင် တားဆီးထားတယ်‌လေ။ ကောင်းကင်ကြယ်တာရာ နယ်မြေက ကျင့်ကြံသူတွေက အဲ့ဒီနေရာမှာ ကျိုယိုမိစ္ဆာတွေကို တိုက်ခိုက်နေကြရတာပေါ့..."

လုရီနှင့် အခြားသူများသည် ဤစကားကို ကြားသောအခါ အနည်းငယ် ထိတ်လန့်သွားကြ၏။

လျိုနင်ရွှမ်းက အံ့ဩစွာ ရေရွတ်လိုက်သည်။

"ကြယ်တာရာကောင်းကင်ယံရဲ့ အစိတ်အပိုင်းတစ်ခုကို သီးခြားခွဲထုတ်ထားတယ် ဟုတ်လား။ အင်မော်တယ်အရှင်သခင်က တကယ်ကို အစွမ်းထက်လှပါပေတယ်။"

အမ်ဘာက သူ၏ မျက်လုံးသုံးလုံးစလုံးတွင် အထင်ကြီး လေးစားမှုများဖြင့် ပြည့်နှက်လျက် ဆို၏။

"ဒါပေါ့၊ အင်မော်တယ်အရှင်သခင်က ကောင်းကင်ကြယ်ဝာာရာ နယ်မြေရဲ့ အုပ်စိုးရှင်ပဲ! ကြယ်တာရာကောင်းကင်ယံတစ်ခုလုံးမှာတောင် သူက အစွမ်းအထက်ဆုံး ပုဂ္ဂိုလ်တွေထဲက တစ်ယောက်လို့ ပြောကြတယ်။ သူ့အထက်မှာ အင်မော်တယ်ဘုရင်နဲ့ အင်မော်တယ်ဧကရာဇ်ပဲ ရှိတော့တယ်။ ဒါပေမယ့် အင်မော်တယ်ဘုရင်နဲ့ အင်မော်တယ်ဧကရာဇ် မပေါ်ထွန်းတာ နှစ်ပေါင်း သန်းချီနေပြီ၊ ကြယ်တာရာကောင်းကင်ယံတစ်ခုလုံးမှာ အင်မော်တယ်ဘုရင်နဲ့ ဧကရာဇ်အဆင့် ပုဂ္ဂိုလ်တွေ ရှိနေသေးလားဆိုတာကိုတောင် မသိနိုင်တော့ပါဘူး။"

ထိုအခါ လုံယွမ်ကလည်း ခါးသီးသော အပြုံးဖြင့် ပြောလာလေ၏။

"ဒီကိစ္စတွေက ငါတို့နဲ့ အလှမ်းဝေးလွန်းပါတယ်၊ လော့ယွမ်စစ်မြေပြင်အကြောင်းပဲ ပြန်ပြောကြရအောင်။ ကောင်းကင်

ကြယ်ဝာာရာနယ်မြေမှာတော့ အင်မော်တယ်အဖြစ် တက်လှမ်းပြီးသွားရင် နှစ်တစ်သောင်းတိုင်းမှာ တာဝန်တစ်ခုရှိတယ်။ အဲ့ဒါကတော့ လော့ယွမ်စစ်မြေပြင်ကို သွားပြီး အဲ့ဒီမှာ နှစ်တစ်ရာကြာ နေထိုင်ရမယ်၊ ဒါမှမဟုတ် ကျိုယိုမိစ္ဆာတွေကို လုံလောက်အောင် သတ်ဖြတ်ပြီး တာဝန် ကျေပွန်မှ ထွက်ခွာခွင့် ရတယ်။ အဲ့ဒီမှာပဲ ငါ ပြီးခဲ့တဲ့တစ်ခေါက်က ပြင်းပြင်းထန်ထန် ဒဏ်ရာရခဲ့တာ ပေါ့။"

---

ဤစကားကို ကြားသောအခါ လုရီနှင့် သူ၏အဖော်များသည် တစ်ယောက်မျက်နှာတစ်ယောက် မတိုင်ပင်ထားဘဲ ကြည့်လိုက်မိကြ၏။

"ဒီလိုမျိုး မဖြစ်မနေ ထမ်းဆောင်ရမယ့် တာဝန်ဆိုတာမျိုး ရှိနေသေးတာလား။

အင်မော်တယ်ဖြစ်သွားရင်တောင်မှ ငြင်းဆန်လို့ မရဘူးတဲ့လား။"

ကျန်းရူယွီက မျက်မှောင်ကြုတ်လျက် မေးလိုက်ခြင်းပါ။

သူမက အင်မော်တယ်အဖြစ် တက်လှမ်းပြီးသွားလျှင် လွတ်လပ်စွာ နေထိုင်နိုင်မည်ဟု ထင်ထားခဲ့သော်လည်း အခြေအနေမှာ ထင်ထားသည်နှင့် များစွာ ကွာခြားနေပုံရလေသည်။