အခန်း (၅၆၈-၅၇၀)

အခန်း ၅၆၈- ကြီးမားသော တိုးတက်မှု၊ ရဲတင်းသော အတွေးအခေါ်များ…

~"ငါ ဘယ်လိုငြင်းဆန်နိုင်မှာလဲ"

အမ်ဘာသည် ပြောဆိုရင်း ခါးသီးစွာ ပြုံးလိုက်၏။

"ကောင်းကင် ကြယ်တာရာ နယ်မြေထဲမှာ ကျိုယိုချီ စစ်မြေပြင်က တစ်ခုတည်းရှိတာ မဟုတ်ဘူး။ စစ်မြေပြင် တစ်ခုစီမှာ ကြယ်တာရာမြစ်ထဲကို ထိုးဖောက်ဝင်ရောက်ဖို့ ကြိုးစားနေတဲ့ ကျိုယိုချီမိစ္ဆာတွေ မရေမတွက်နိုင်အောင် ရှိနေလေရဲ့။ ယွီမိသားစု တစ်ခုတည်းရဲ့ အင်အားနဲ့ သူတို့ကို ဟန့်တားဖို့ဆိုတာ ဘယ်လို ဖြစ်နိုင်မလဲ၊ တခြားအင်မော်တယ်တွေကသာ ကူညီမပေးဘူးဆိုရင် အချိန်တန်တဲ့အခါ ကြယ်တာရာနယ်မြေတစ်ခုလုံး ဒုက္ခရောက်ပြီး ဘယ်သူမှ လွတ်မြောက်နိုင်မှာ မဟုတ်ချေ။"

"ဟုတ်တယ်၊ ယွီမိသားစုက တက်လှမ်းလာတဲ့ ကျင့်ကြံသူတွေကို ကျိုယိုချီ စစ်မြေပြင်ကို ရှောင်လွှဲခွင့် ဘယ်တော့မှ ပေးမှာမဟုတ်ဘူး။ နှစ်တစ်သောင်းမှာ တစ်ကြိမ်ကျရောက်တဲ့ ဒီတာဝန်ကို မထမ်းဆောင်ချင်တဲ့ ကျင့်ကြံသူတွေ အမြဲ ရှိခဲ့တာပေါ့။ အဲ့ဒီအခါတိုင်း ယွီမိသားစုက ယွီမိသားစုစစ်တပ်ကို တိုက်ရိုက်စေလွှတ်ပြီး ဖမ်းမိသွားရင်တော့ ကျိုယိုချီစစ်မြေပြင်ကို တန်းပို့ခံရပြီး သေတဲ့အထိ တိုက်ခိုက်ရတော့တာပါပဲ။"

ထိုစကားကို ကြားသောအခါ လုရီနှင့်တကွ ကျန်လေးယောက်မှာ တစ်ယောက်မျက်နှာ တစ်ယောက်ကြည့်ကာ စိတ်ထဲတွင် လေးလံသွားကြ၏။ ကျိုယိုချီတို့၏ ခြိမ်းခြောက်မှုသည် ကြယ်တာရာ စကြဝဠာတစ်ခုလုံးအတွက် အမှန်တကယ် ကြီးမားသည်မှာ ထင်ရှားနေလေသည်။

ကောင်းကင်မိစ္ဆာအဖွဲ့လို အဖွဲ့အစည်းမျိုးပင် ယွီမိသားစုစစ်တပ်အတွက်မူ အထူးအဆန်း မဟုတ်လောက်ပေ။

"တာအိုရောင်းရင်း လုံယွမ်၊ ခင်ဗျားရဲ့ဒဏ်ရာတွေကို ကုသပေးဖို့ ကျွန်တော် ကြိုးစားကြည့်ပါရစေ။"

လုရီသည် မိမိစိတ်ကို ပြန်စုစည်းလိုက်ပြီး လုံယွမ်ကို ကြည့်ကာ ကမ်းလှမ်းလိုက်သည်။

လုံယွမ်မှာ အံ့အားသင့်သွားပြီး သူ့မျက်နှာမှာ ခါးသီးသော အရိပ်အယောင်တစ်ခု ထွက်ပေါ်လာ၏။

"တာအိုရောင်းရင်းလု၊ ကျုပ်ရဲ့ဒဏ်ရာက မူလဇာစ်မြစ်ကို ထိခိုက်ထားတာ၊ ကုသဖို့ လွယ်တာမဟုတ်ဘူး။ ဒီနှစ်တွေအတွင်းမှာ ကောင်းကင်ကြယ်တာရာနယ်မြေရဲ့ နေရာတော်တော်များများကို သွားခဲ့ပေမယ့် အချည်းနှီးပါပဲ…"

လော့ယွမ် စကားမဆုံးခင်မှာပင် ရုတ်တရက် စကားစ ရပ်တန့်သွားလေ၏။ သူသာမက ပုယွင်ကျန့်နှင့် အခြားအင်မော်တယ်များပါ မျက်လုံးများပြူးကျယ်ကာ လုရီကို စိုက်ကြည့်နေကြသည်။

လုရီ၏ လက်ထဲတွင် အလွန်ထူးခြားဆန်းကြယ်သော စွမ်းအားလှိုင်းများ ထုတ်လွှတ်နေပြီး၊ ထိုစွမ်းအားတို့သည် စိတ်ကူးဖြင့်ပင် မမှန်းဆနိုင်သော ကြံ့ခိုင်မှုနှင့်အတူ ရွှေအိုရောင်အလင်းများဖြင့် ဝင်းလက်နေ၏။

"ဒါ… ဒါက အင်မော်တယ်နိယာမ?!"

ပုယွင်ကျန့်သည် အာမေဋိတ်သံဖြင့် အော်လိုက်သည်။

ဓားအင်မော်တယ် ဝမ်ကျန်းယွမ် ပေါ်ထွက်လာခဲ့စဉ်က ပုယွင်ကျန့်နှင့် လုံယွမ်တို့သည် ဝမ်ကျန်းယွမ်နှင့် ဆုံတွေ့ခဲ့ဖူးရာ၊ လုရီပြသနေသော အင်မော်တယ်နိယာမကို တစ်ချက်ကြည့်ရုံဖြင့် မှတ်မိလိုက်ကြ၏။

---

"ဒီနိယာမစွမ်းအားက… ဝမ်ကျန်းယွမ်ထက်တောင် ပိုပြင်းထန်နေသလိုပဲ?!"

လုံယွမ်၏ မျက်နှာပေါ်တွင် ဘဝကိုပင် သံသယဝင်သွားသည့်အလား အမူအရာများ ပြည့်နှက်သွားလေသည်။

အမ်ဘာနှင့် အခြားသူများပင် အလွန်အမင်း အံ့အားသင့်ကာ မျက်လုံးများ ပြူးကျယ်သွားကြ၏။ လုရီ၏ အင်မော်တယ်နိယာမသည် ၄၀% ကျော်အထိ ရောက်ရှိနေပြီဖြစ်ရာ၊ အစစ်အမှန်အင်မော်တယ်များပင် ဤမျှအားကောင်းသော နိယာမစွမ်းအားကို မပိုင်ဆိုင်ကြပေ။ လုရီမှာ ကပ်ဘေးဖြတ်ကျော် ကျင့်ကြံသူတစ်ဦးသာ ဖြစ်သည်ကို ထည့်သွင်းစဉ်းစားပါက ပို၍ပင်မယုံနိုင်စရာ ဖြစ်နေတော့သည်။

---

"ကျွန်တော့်ကို ကြိုးစားကြည့်ခွင့် မပေးနိုင်ဘူးလား။"

လုရီက ပြုံးကာ ပြောလိုက်၏။

လုံယွမ်၏ ဒဏ်ရာကို ကုသပေးခြင်းက ဆုလာဘ်ကောင်းကောင်းရမည်ဖြစ်ရာ လုရီ လက်လွှတ်မခံချင်ပေ။

လုံယွမ်၏ စိတ်ထဲတွင် မျှော်လင့်ချက်ရောင်ခြည်တစ်ခု ဖြတ်ပြေးသွားပြီး ခေါင်းကို ညင်သာစွာ ညိတ်ပြလိုက်လေသည်။

"ဒါဆိုရင်တော့ တာအိုရောင်းရင်းလုကို အလုပ်ရှုပ်စေရပါတော့မယ်။"

လုရီသည် သူ၏လက်ကို လုံယွမ်၏ ကျောပေါ် တင်လိုက်သည်။ တဆက်တည်း၌ ရွှေအိုရောင်အင်မော်တယ် နိယာမ စွမ်းအား ဝိုးတဝါး လင်းဖြာ၍ လုံယွမ်၏ ခန္ဓာကိုယ်ထဲသို့ ပေါင်းစပ်ဝင်ရောက်သွားလေသည်။

မကြာမီပင် လုရီသည် လုံယွမ်၏ မူလဇာစ်မြစ် ဆုံးရှုံးမှုကို ခံစားမိလိုက်၏။ သို့သော် အင်မော်တယ်နိယာမတွင် အလွန်အစွမ်းထက်သော ကုသနိုင်စွမ်းရှိရာ သာမန်စွမ်းအင်များနှင့်မတူသည်က ဓမ္မတာပင်။

လုရီသည် အင်မော်တယ် နိယာမကို ထိန်းချုပ်ကာ လုံယွမ်၏ မူလဇာစ်မြစ်ကို တဖြည်းဖြည်း ပြန်လည်ဖြည့်တင်းပေးလိုက်သည်။

ထိုပြောင်းလဲမှုကို ခံစားမိသောအခါ

လုံယွမ်၏မျက်နှာသည် ဝမ်းမြောက်မှုဖြင့် လင်းပသွား၏။ အမှန်တကယ်ပင်

ထိရောက်မှု ရှိနေသည်သာ။

အချိန်များ ကုန်လွန်လာသည်နှင့်အမျှ

လုရီ၏ ဝိညာဉ်စွမ်းအားများ တဟုန်ထိုး စီးဆင်းကာ အင်မော်တယ်နိယာမသည် အဆက်မပြတ် လည်ပတ်နေခဲ့၏။ သူ၏ ဝိညာဉ်စွမ်းအားများ လုံးဝကုန်ခမ်းလုနီးပါး ဖြစ်သွားသည့်အချိန်တွင် လုံယွမ်၏ မူလဇာစ်မြစ်သည် အပြည့်အဝ ပြန်လည်ဖြည့်တင်းခြင်း ခံလိုက်ရသည်။

လွန်စွာဝမ်းမြောက်သွားသော လုံယွမ်သည် လုရီကို စိတ်လှုပ်ရှားစွာ ကြည့်ကာ

"တာအိုရောင်းရင်းလု၊ ကျေးဇူးတင်ပါတယ်! ငါ ပြန်ကောင်းသွားပြီ!" ဟု ပြောလိုက်လေ၏။

ပုယွင်ကျန့်နှင့် အခြားသူများမှာမူ မျက်နှာထက်တွင် ထူးဆန်းသော အမူအရာများဖြစ်သွားကြ၏။ တကယ်တမ်း ကုသ၍ အောင်မြင်သွားလိမ့်မည်ဟု မမျှော်လင့်ခဲ့ကြပေ။

---

"ဒါက သာမန်ကြိုးစားမှုလေး တစ်ခုပါပဲ၊ တာအိုရောင်းရင်း လုံယွမ်က အရမ်းအားနာနေတာပါ"

လုရီက ပြုံး၍ ပြောလိုက်သည်။

ကျေးဇူးတင်မဆုံး ဖြစ်နေသော လုံယွမ်သည် ထပ်ခါထပ်ခါ ကျေးဇူးတင်စကားဆိုနေသဖြင့် လုရီမှာ အတော်လေး ဖျောင်းဖျပြီးမှ ထိုအဖွဲ့ကို လွှတ်နိုင်ခဲ့လေသည်။

ထို့နောက်တွင် လုရီနှင့် အခြားသူများသည် မိမိတို့၏ အခန်းများသို့ ပြန်သွားကြပြီး၊

လုရီသည် အခင်းအကျင်းမျက်လုံးကို

တစ်ဖန် ပြန်လည် တပ်ဆင်ကာ၊ ဤတစ်ကြိမ် ရရှိခဲ့သော အကျိုးအမြတ်များကို ပျော်ရွှင်စွာ စတင်ရေတွက်လေတော့သည်။

ပထမဆုံးမှာ လုံယွမ်၏ ဒဏ်ရာကို ကုသရန် အသုံးပြုခဲ့သော "အလုံးစုံ ပြန်လည်ရှင်သန်ခြင်းသိုင်း" အမည်ရ အင်မော်တယ်သိုင်းနည်းစနစ် ဖြစ်၏။ လုရီ စစ်ဆေးကြည့်လိုက်သောအခါ၊ ၎င်းသည် သဘာဝနိယာမနှင့် သက်ဆိုင်သော အင်မော်တယ်သိုင်းနည်းစနစ် အမှန်ပင်ဖြစ်နေသည်။ အထွတ်အထိပ်အဆင့်အထိ ကျင့်ကြံနိုင်ပါက သွေးတစ်စက်မှပင် ပြန်လည်မွေးဖွားနိုင် လေသည်။ အလွန်အမင်း အစွမ်းထက်လှ၏။

လုရီသည် ပျော်ရွှင်စွာဖြင့် ထိုသိုင်းကျမ်းကို မှတ်ယူလိုက်ပြီး အခြားအကျိုးအမြတ်များကို ဆက်လက် စုဆောင်းလိုက်လေသည်။

ဤတစ်ကြိမ်တွင် စခန်းငါးခုကို ဖျက်ဆီးပြီး အလုပ်ဆယ်ခုကို ပြီးမြောက်ခဲ့ရာ၊ ဆုလာဘ်များမှာ အမျိုးမျိုးကွဲပြားနေ၏။ မဟာအခင်းအကျင်းကို ချိုးဖျက်ရသည့် အလုပ်များက အခင်းအကျင်းတာအို ဉာဏ်အလင်းတိုးတက်မှုကို အမြဲတစေ ဆုချသည်။ အခြားဆုများတွင် အစစ်အမှန်အင်မော်တယ်အဆင့် အခင်းအကျင်းတာအို အသေးစိတ်ရှင်းလင်းချက်၊ အင်မော်တယ်အဆင့် ကောင်းကင်နှင့်မြေကြီးရတနာများနှင့် သတ်မှတ်ထားသော

အင်မော်တယ် သိုင်းနည်းစနစ်အဆင့် +၁ သုံးကြိမ် ပါဝင်လေသည်။

ရာရှိုမွန်မျိုးနွယ် စွမ်းအားရှင်များကို သတ်ဖြတ်ရသည့် အလုပ်များကမူ စွမ်းအားတာအို နားလည်နိုင်စွမ်း တိုးတက်မှုကို ဆုချ၏။ ထို့အပြင် စွမ်းအားနိယာမ ၁၀% တိုးတက်မှု နှစ်ကြိမ်နှင့် သတ်မှတ်ထားသော ကျင့်ကြံခြင်းနည်းစနစ်အဆင့် +၁ သုံးကြိမ် ပါဝင်သည်။ ဆုလာဘ်များမှာ အလွန်တရာ ရက်ရောလှပေသည်။

လုရီသည် ထိုဆုလာဘ်အားလုံးကို ပျော်ရွှင်စွာ လက်ခံမှတ်ယူလိုက်၏။

သတ်မှတ်ထားသော အင်မော်တယ်သိုင်းနည်းစနစ်အဆင့် +၁ များအတွက်၊ လုရီသည် နှစ်ကြိမ်ကို အင်မော်တယ် တက်လှမ်းခြင်း သိုင်းနည်းစနစ်တွင် အသုံးပြုကာ ထိုသိုင်းကို အထွတ်အထိပ် အဆင့်သို့ မြှင့်တင်လိုက်သည်။ ကျန်တစ်ကြိမ်ကိုမူ အဆင့် ၃

"ယင်နှင့်ယန်မြေပုံ"တွင် အသုံးပြု၍ အဆင့် ၄ သို့ တိုးမြှင့်လိုက်၏။ စွမ်းအားနိယာမ ၁၀% တိုးတက်မှုစီကိုလည်း လုရီ အသုံးချခဲ့ရာ၊ သူ၏ မူလ ၅၀% ကျော်ရှိသော စွမ်းအားနိယာမကို ၈၀% နီးပါးအထိ တိုက်ရိုက် မြှင့်တင်နိုင်ခဲ့သည်။

ဝမ်းနည်းစရာမှာ၊ လုရီ၏ လက်ရှိကျင့်ကြံမှုအခြေအနေသည် ထိုမျှအားကောင်းသော စွမ်းအားနိယာမကို အပြည့်အဝ ထုတ်ဖော်အသုံးမချနိုင်သေးခြင်းပင်။ လုရီမှာ အနည်းငယ် နှမြောတသဖြစ်သွား၏။

သို့သော်၊ သူ တက်လှမ်းပြီးနောက်တွင်မူ ၇၀% ကျော်ရှိသော စွမ်းအားနိယာမကို အားကိုး၍ သူ၏တိုက်ခိုက်ရေးစွမ်းအားသည် ပို၍ပင် ခုန်တက်သွားဖွယ်ရှိပါသည်။

သတ်မှတ်ထားသော ကျင့်ကြံခြင်းနည်းစနစ်အဆင့် +၁ သုံးကြိမ်အနက်၊ လုရီသည် နှစ်ကြိမ်ကို အင်မော်တယ်ဓားသိုင်းကျမ်းတွင် အသုံးပြုကာ "အင်မော်တယ်ဓားသိုင်းကျမ်း ကပ်ဘေးဖြတ်ကျော်အခန်း" ကို အထွတ်အထိပ် အဆင့်သို့ တိုးမြှင့်လိုက်ပါ၏။ ဤသည်က လုရီ၏ ကျင့်ကြံခြင်းအရှိန်ကို တစ်ဖန် ပြန်လည်၍ သိသိသာသာ မြှင့်တင်ပေးလိုက်၏။ ဤသို့သော ကျင့်ကြံမှုနှုန်းဖြင့်ဆိုလျှင် လုရီအတွက် အဆင့်တစ်ခု တက်လှမ်းရန် အချိန်ကြာမြင့်မည် မဟုတ်ပေ။

ကျန်ရှိသော တစ်ကြိမ်ကိုမူ လုရီသည် ခဏစဉ်းစားပြီးနောက် ယီမုဟွာရှန်းကျမ်း တွင် အသုံးပြုကာ၊ ထိုကျမ်း၏ ကပ်ဘေးဖြတ်ကျော်အခန်းကို အဆင့် ၃ သို့ မြှင့်တင်လိုက်သည်။

လုရီတွင် ရဲတင်းသော အတွေးအခေါ်တစ်ခုရှိနေ၏။ ၎င်းမှာ သူ၏ အင်မော်တယ်သိုင်းကျမ်းများ၏ အနှစ်သာရအားလုံးကို သူ၏ကိုယ်ပိုင် နိယာမစွမ်းအားများနှင့် ပေါင်းစပ်ပြီး အင်မော်တယ်သိုင်းကျမ်းအသစ်တစ်ခုကို ဖန်တီးနားလည်ရန် ဖြစ်သည်။ ထိုအင်မော်တယ်သိုင်းကျမ်းသည် မည်သည့်ကဏ္ဍကို အဓိကထားသင့်သည်ကိုလည်း လုရီတွင် ယေဘုယျဦးတည်ချက်တစ်ခု ရှိနှင့်နေပြီဖြစ်သည်။

နှစ်များတစ်လျှောက် နှစ်ကိုယ်တူကျင့်ကြံခြင်းကြောင့် လုရီ၏ ကျင့်ကြံမှုအခြေအနေသည် လျင်မြန်စွာတိုးတက်ခဲ့သော်လည်း "နဂါးဟိန်းသံ ဖီးနစ်သံစဉ်"ကျင့်စဉ် မှာ မဟာယာနနယ်ပယ်၏ လျှို့ဝှက်သိုင်းနည်းစနစ်တစ်ခုသာ ဖြစ်သည်။

သူနှင့် မိန်းကလေး လေးယောက်စလုံး ကပ်ဘေးဖြတ်ကျော်နယ်ပယ်သို့ ချိုးဖြတ်ပြီးနောက်တွင် ထိုနည်းစနစ်မှာ အနည်းငယ် နောက်ကျကျန်နေခဲ့၏။ နှစ်ကိုယ်တူကျင့်ကြံခြင်းမှ ရရှိသော ကျင့်ကြံမှုအရှိန်သည် ယခင်ကဲ့သို့ မမြန်ဆန်နေတော့ပါ။

လုရီသည် ယင်နှင့်ယန်နိယာမကို အဓိကအသုံးပြု၍ သူတို့ငါးယောက်အတွက် သင့်တော်သော နှစ်ကိုယ်တူကျင့်ကြံခြင်းနည်းလမ်းတစ်ခုကို ဖန်တီးနားလည်ရန် စီစဉ်ထားသည်။ ထိုမျှသာမက၊ လုရီသည် သူ၏ တာအိုအပေါ် နားလည်မှုများကိုပါ ထိုထဲသို့ ထွင်းထုထည့်သွင်းပြီး အင်မော်တယ်သိုင်းကျမ်းအမျိုးမျိုး၏ အနှစ်သာရများကိုပါ ပေါင်းစပ်ထည့်သွင်းရန် ကြံရွယ်ထား၏။

သို့သော်ငြားလည်း၊ လုရီတွင် နောက်ထပ်အတွေးတစ်ခု ရှိနေသေးသည်။ လုရီ ယခင်က ယွီမိသားစုစစ်တပ်နှင့် ကြုံတွေ့ခဲ့စဉ်က၊ ထိုစစ်တပ်သည် သူတို့၏ခန္ဓာကိုယ်များဖြင့် အခင်းအကျင်းများဖွဲ့ကာ သူတို့၏အင်အားကို ဆတိုးပွားများနိုင်ကြောင်း သိရှိခဲ့ရသည်။ အကယ်၍ သူတို့ငါးယောက်သာ နှစ်ကိုယ်တူကျင့်ကြံခြင်းနည်းလမ်းကို အတူတကွ ကျင့်ကြံပါက၊ သူတို့၏ဝိညာဉ်စွမ်းအင်များသည် ပိုမိုသဟဇာတဖြစ်လာမည်ဖြစ်ပြီး၊ သူတို့၏အင်အားများကို ပေါင်းစပ်ရန် စစ်တပ်အခင်းအကျင်းနည်းလမ်းများကိုပါ ထည့်သွင်းစဉ်းစားနိုင်ပါမည်။

လျိုနင်ရွှမ်းနှင့် အခြားသူများသည် လုရီလောက် မသန်မာသော်လည်း၊ သူတို့သာ စစ်တပ်အခင်းအကျင်းနည်းလမ်းများအတိုင်း အခင်းအကျင်းတစ်ခုဖွဲ့လိုက်ပါက၊ ထပ်တိုးအားဖြည့်မှုနှင့်အတူ လုရီ၏အစွမ်းသည် ကြီးမားစွာ တိုးတက်လာနိုင်ပြီး "အင်မော်တယ် တက်လှမ်းခြင်း သိုင်းနည်းစနစ်" ကိုပင် ကျော်လွန်သွားနိုင်ဖွယ် ရှိ၏။

ထိုအခါ "အင်မော်တယ် တက်လှမ်းခြင်း သိုင်းနည်းစနစ်" နှင့် ပေါင်းစပ်လိုက်လျှင်၊ ဆက်တိုက်နှစ်ကြိမ် တိုးမြှင့်မှုသည်

လုရီ၏ တိုက်ခိုက်ရေး စွမ်းအားကို ပေါက်ကွဲစေရန် လုံလောက်ပေလိမ့်မည်။

လုရီသည် ဤအတွေးကို စိတ်ထဲတွင် မှတ်သားထားပြီး ထိုကဲ့သို့သော နှစ်ကိုယ်တူကျင့်ကြံခြင်း အင်မော်တယ်သိုင်းကျမ်းတစ်ခုကို ဖန်တီးနားလည်လိုသည်။ သူ၏လက်ရှိအဆင့်နှင့်မူ ထိုသို့ပြုလုပ်ရန်မှာ ခက်ခဲနေဆဲပင်။

သူသည် အင်မော်တယ်သိုင်းကျမ်းများကို ပိုမိုနားလည်ရန်၊ ထိုကျမ်းများအားလုံးကို အထွတ်အထိပ် အဆင့်သို့ မြှင့်တင်ရန် စီစဉ်ထား၏။ ထိုအခါမှသာ သူတို့၏အနှစ်သာရများကို ထုတ်ယူပြီး ထိုသို့သော အစွမ်းထက် အင်မော်တယ်သိုင်းကျမ်း

တစ်ခုကို ဖန်တီးရန် ယုံကြည်မှုရှိပေလိမ့်မည်။ ဟုတ်ပါသည်၊ သူသည် ယင်နှင့်ယန်နိယာမနှင့် အခင်းအကျင်းတာအိုနိယာမတို့ကိုလည်း အမီလိုက် နားလည်နေရမည် ဖြစ်ပါသည်။

----

ဤဆုလာဘ်များကို စီမံလုပ်ဆောင်ရန်

လုရီအတွက် အချိန် ခြောက်နှစ်တိတိ ကြာမြင့်ခဲ့သည်။ ဤခြောက်နှစ်တာကာလအတွင်း လုရီ၏ ကျင့်ကြံမှုအခြေအနေမှာ များစွာမတိုးတက်ခဲ့သော်လည်း၊ တိုက်ခိုက်ရေးစွမ်းရည်များမှာမူ သိသိသာသာ တိုးတက်လာခဲ့ပါ၏။ ကံကောင်းစွာဖြင့်၊ ဤခြောက်နှစ်အတွင်း လုရီနှင့် အခြားသူများက ရာရှိုမွန်မျိုးနွယ်စခန်းများစွာကို ဖျက်ဆီးပြီး သူတို့၏ စွမ်းအားရှင်အချို့ကို သတ်ဖြတ်ခဲ့သောကြောင့်၊ ရာရှိုမွန်မျိုးနွယ်နှင့် ကြယ်တာရာနယ်မြေ တပ်မတော်တို့မှာ ယခုအခါ အင်အားတန်းတူ ဖြစ်နေကြသည်။

လုရီသည် ဤကာလအတွင်း အပြင်သို့ အကြိမ်အနည်းငယ် ထွက်ခဲ့သော်လည်း၊ အဆင့်နိမ့် ရာရှိုမွန်မျိုးနွယ် ကောင်းကင်အင်မော်တယ်အချို့ကိုသာ သတ်ဖြတ်နိုင်ခဲ့သည်။ ပြီးခဲ့သည့်တစ်ကြိမ် အရှုံးနှင့်ရင်ဆိုင်ခဲ့ရပြီးနောက် ရာရှိုမွန်မျိုးနွယ်ကျင့်ကြံသူများသည် ပိုမိုသတိကြီးလာကြပြီး ယခင်ကဲ့သို့ မာန မထောင်လွှားတော့ရာ၊ အင်မော်တယ်များကို သတ်ဖြတ်ရန် အခွင့်အလမ်းများ နည်းပါးသွားခဲ့၏။

ထို့အပြင်၊ လုရီသည် ရာရှိုမွန်မျိုးနွယ်၏ ကောင်းကင်အင်မော်တယ်များကို ပိုမိုသတ်ဖြတ်လာသည်နှင့်အမျှ၊ ထိုမျိုးနွယ်သည် သတိပြုမိလာပြီး သူ့အပေါ် အထူးအာရုံစိုက်လာခဲ့သည်။ အမှတ် ၄ ဂြိုဟ်ပေါ်ရှိ ရာရှိုမွန်မျိုးနွယ် ကျင့်ကြံသူအားလုံးနီးပါးသည် ဤဒေသတွင် ကပ်ဘေးဖြတ်ကျော်နယ်ပယ်မှ အစွမ်းထက် လူသားမျိုးနွယ် ပါရမီရှင်တစ်ဦး ရှိကြောင်း သိရှိသွားကြလေ၏။ လုရီ လူမြင်ကွင်းသို့ ထွက် ပေါ်လာသည်နှင့်တပြိုင်နက် အလစ်တိုက်ခိုက်ခံရတော့သည်။

ပထမဆုံးအကြိမ် ချောင်းမြောင်းတိုက်ခိုက်ခံရစဉ်က လုရီမှာ အနည်းငယ် အငိုက်မိသွားခဲ့၏။ အကယ်၍သာ သူသည်

"အင်မော်တယ် တက်လှမ်းခြင်း သိုင်းနည်းစနစ်"နှင့် "ကောင်းကင်ဥမင်ကျောက်ပြား"တို့ကို အသုံးပြု၍ နေရာလပ်နိယာမဖြင့် လျိုနင်ရွှမ်းနှင့် အခြားသူများကို ခေါ်ဆောင် ထွက်ပြေးနိုင်ခဲ့ခြင်းမရှိပါက အခြေအနေမှာ အလွန်အန္တရာယ်များနိုင်ခဲ့သည်။ ဤအဖြစ်အပျက်က လုရီကို ပိုမိုသတိကြီးလာစေပြီး အဓိကစခန်းမှ ထွက်ခွာသည့်အကြိမ် အရေအတွက်ကို လျှော့ချစေခဲ့သည်။

အလုပ်ဆုလာဘ်အားလုံးကို လက်ခံမှတ်ယူပြီးသောအခါ၊ သူသည် တစ်ဖန်ပြန်လည်၍ မငြိမ်မသက်ဖြစ်လာ၏။ အလုပ်များ ပြီးမြောက်ခြင်းနှင့် ဆုလာဘ်များ လက်ခံရရှိခြင်းက သူ၏တိုးတက်မှုကို အမှန်တကယ် အရှိန်မြှင့်ပေးသည်။ သူ၏နေ့စဉ်အလုပ်ပြီးမြောက်မှုနှင့် ကိုယ်ပိုင်ကျင့်ကြံခြင်းနည်းစနစ်များကို နားလည်မှုအပေါ်တွင်သာ မှီခိုနေပါက၊ ကျင့်ကြံခြင်းနည်းစနစ်တစ်ခုကို အဆုံးစွန်အဆင့်သို့ နားလည်ရန် အချိန်မည်မျှကြာမည်ကို တွေးမရပါပေ၊ ထိုနည်းစနစ်များအတွင်းမှ နိယာမ နားလည်မှုကို ဆိုလျှင် ဆိုဖွယ်ရာပင် မရှိပေ။

ယခုအခါ အလုပ် ဆုလာဘ်များ ကုန်ခမ်းသွားပြီဖြစ်သောကြောင့် တိုးတက်မှုအရှိန်မှာ သိသိသာသာ နှေးကွေးသွားရာ၊ လုရီမှာ အနည်းငယ် အသားမကျသလို ခံစားနေရသည်။ သို့သော်၊ လုရီသည် အနည်းငယ် တုံ့ဆိုင်းနေဆဲ ဖြစ်၏။ အမှတ် ၄ ဂြိုဟ်ပေါ်ရှိ သူ၏လက်ရှိ နာမည်ဆိုးကြောင့်၊ ရာရှိုမွန်မျိုးနွယ် ကျင့်ကြံသူတစ်ဦး သူ့ကိုတွေ့သည်နှင့်တစ်ပြိုင်နက်၊ သူတို့၏ ပထမဆုံးလုပ်ဆောင်ချက်မှာ သူတို့ မျိုးနွယ်၏ အခြား စွမ်းအားရှင်များကို အကြောင်းကြားခြင်းပင်ဖြစ်သည်။ မကြာမီပင် သွေးငရဲတပ်မတော်သည် နေရာလပ်ကိုဖြတ်၍ သူ့ကို ဝန်းရံရန် ရောက်ရှိလာလိမ့်မည်။ လုရီသည် ယခုအခါ အပြင်ထွက်ရန်ပင် တုံ့ဆိုင်းနေမိသည်။

ထိုစဉ်မှာပင်၊ လုရီ ရုတ်တရက် ရပ်တန့်သွားပြီး သူ့ခေါင်း၌ နောက်ထပ် ရဲတင်းသော အတွေးအခေါ်တစ်ခု ဖြတ်ပြေးသွားသည်။ အကယ်၍ ရာရှိုမွန်မျိုးနွယ် ကျင့်ကြံသူများက သူ့ကို ချောင်းမြောင်းတိုက်ခိုက်ရန် ထွက်လာပါက၊ သူက အလှည့်ကျ သူတို့ကို ပြန်လည်လှည့်စားကာ၊ မိမိကိုယ်ကို အစာအဖြစ်အသုံးပြုပြီး ရာရှိုမွန်မျိုးနွယ် ကျင့်ကြံသူများကို မြူဆွယ်ကာ ချောင်းမြောင်းတိုက်ခိုက်မှုအား ပြန်လည်ပြင်ဆင်နိုင်သည် မဟုတ်လော။

အမှတ် ၄ ဂြိုဟ်ပေါ်ရှိ လက်ရှိအခြေအနေမှာ အကျပ်အတည်းဖြစ်နေပြီး၊ ဤအခြေအနေကို ချိုးဖျက်ရန် ရဲတင်းသောလှုပ်ရှားမှုတစ်ခု လိုအပ်သည်။ စွန့်စားရသော်လည်း၊ လုရီက ထိုအန္တရာယ်များကို ထိန်းချုပ်နိုင်သည်ဟု ခံစားမိ၏။ တစ်ခုတည်းသော ပြဿနာမှာ ရာရှိုမွန်မျိုးနွယ်၏ စွမ်းအားရှင်များသည်လည်း "နေရာလပ် ကူးပြောင်း အခင်းအကျင်း စင်မြင့်"များကို သယ်ဆောင်ထားခြင်းပင်ဖြစ်သည်။

အန္တရာယ်အရိပ်အယောင်တစ်ခုခု မြင်သည်နှင့် သူတို့သည် အခြားရာရှိုမွန်မျိုးနွယ်ဝင်များကို ချက်ချင်း အကူအညီပေးရန် စတင်လိမ့်မည်။ အကယ်၍ သူသည် အမှန်တကယ် "ရန်သူကို အိုးထဲသို့ မြူဆွယ်" လိုပါက၊ သူသည် ရာရှိုမွန်မျိုးနွယ်၏ အထောက်အပံ့ကို ဖြတ်တောက်ရန် လိုအပ်သည်။ ဆိုလိုသည်မှာ "နေရာလပ် ကူးပြောင်းပို့ဆောင်ရေး အခင်းအကျင်းစင်မြင့် " များကို အသုံးမဝင်အောင် ပြုလုပ်ရန် လိုအပ်လေသည်။

လုရီသည် ခဏမျှ အတွေးနက်နေပြီး သူ၏ မျက်လုံးများမှာ လင်းလက်လာ၏။ အကယ်၍သာ အစောပိုင်းကသာ ဆိုလျှင် သူမှာ အစွမ်းအစ မဲ့နေနိုင်ပေသည်။ သို့သော် ယခုမူ... ယင်းက တကယ်ဖြစ်နိုင်သည်ဟု ခံစားမိလေ၏။

သူသည် အစစ်အမှန်အင်မော်တယ်အဆင့် အခင်းအကျင်းတာအို သုံးသပ်ချက်ကို ရရှိထားသည်သာမက၊ အခင်းအကျင်းတာအို ဉာဏ်အလင်းအတွက် အလုပ်ဆုလာဘ်ကိုပါ ရရှိထားသဖြင့် အခင်းအကျင်းတာအိုအပေါ် နားလည်နိုင်စွမ်းမှာ ပိုမိုတိုးတက်လာခဲ့သည်။

ထိုမျှသာ မလုံလောက်သေးသော်လည်း၊ ယခုအခါ လုရီတွင် အရှေ့တောအုပ် အပျက်အစီးများ၏ ထွက်ပေါက်ရင်ပြင်မှ သူ မှတ်သားခဲ့သော နေရာလပ်အခင်းအကျင်း ပုံစံများအပေါ် နက်ရှိုင်းသော နားလည်မှု ရှိနေပြီ ဖြစ်သည်။ သူ၏ကိုယ်ပိုင် အခင်းအကျင်းတာအိုစွမ်းရည်များနှင့် ပေါင်းစပ်လိုက်ပါက၊ သူသည် နေရာလပ် ကူးပြောင်းမှုကို ဖိနှိပ်သည့် အခင်းအကျင်း မျက်လုံးတစ်ခုကို အမှန်တကယ် တည်ဆောက်နိုင်ပါလိမ့်မည်။

အားလုံး မအောင်မြင်လျှင်ပင်၊ သူ့တွင် နေရာလပ်နိယာမနှင့် ကောင်းကင်ဥမင်ကျောက်ပြားတို့ ရှိနေပါသေးသည်။ အောင်မြင်နိုင်ခြေမှာ မနည်းလှဘဲ၊ ကြိုးစားကြည့်ရန် တန်သည်ဟု ဆိုရပေမည်။

သို့ဖြင့် လုရီသည် နေရာလပ်ကူးပြောင်းမှုကို ဖိနှိပ်သည့် အခင်းအကျင်းမျက်လုံးကို နားလည်ဖန်တီးရန် အတွေးနက်နက်ထဲသို့ နစ်မြုပ်သွားတော့သည်။

အခန်း ၅၆၉- ငါးမန်းကြီးတစ်ကောင်ကိုမှ သွားချိတ်မိပြီ မဟုတ်လား…

~ကာလအချိန်တို့သည် တရွေ့ရွေ့ ကုန်လွန်ခဲ့ရာ၊ မျက်စိတစ်မှိတ်အတွင်းမှာပင် လေးနှစ်တာအချိန်သို့ ရောက်ရှိလာခဲ့လေသည်။

ဤနှစ်များအတွင်း လုရီသည် အဓိကအားဖြင့် အစစ်အမှန်အင်မော်တယ်အဆင့် အခင်းအကျင်းတာအို၏ နက်နဲမှုများကို အာရုံစိုက်လေ့လာခဲ့၏။ ထို့အပြင်၊ နေရာလပ်အခင်းအကျင်းများနှင့် ၎င်းတို့ကို မည်သို့ ကြားဖြတ်နှောင့်ယှက်ရမည်ကိုလည်း ထိုးထွင်းသိမြင်လာခဲ့သည်။

ဤရည်ရွယ်ချက်အတွက် လုရီသည် အဓိကစခန်း၏ နေရာလပ် ကူးပြောင်းစင်မြင့်သို့ သွားရောက်ကာ အနီးကပ်လေ့လာစူးစမ်းခဲ့သေး၏။

လုရီအတွက်မူ ကူးပြောင်းရေးအခင်းအကျင်းစင်မြင့်ကို အလွန်ကျွမ်းကျင်သော အခင်းအကျင်းအင်မော်တယ်တစ်ဦးက ဖန်တီးခဲ့သည်မှာ ထင်ရှားပြီး နည်းပညာပိုင်းအရ အလွန်အဆင့်မြင့်လှသည်။ သို့သော် သူ နားလည်ထားသည်မှာ ဖျက်ဆီးခြင်းသည် တည်ဆောက်ခြင်းထက် အမြဲတမ်း ပိုမိုခက်ခဲသည်ဟူ၍ ဖြစ်သည်။

ကူးပြောင်းရေးအခင်းအကျင်းစင်မြင့်၏ အခင်းအကျင်းပုံစံ အသေးစိတ်ကို သဘောပေါက်သွားပြီးနောက်၊ ကပ်ဘေးဖြတ်ကျော်အဆင့်သာ ရှိသေးသော လုရီအနေဖြင့် ထိုမျှစွမ်းအားကြီးမားသည့် နေရာလပ် ကူးပြောင်း အခင်းအကျင်းတစ်ခုကို ရေးဆွဲနိုင်စွမ်း မရှိသေးသော်လည်း၊ ကြားဖြတ်စွက်ဖက်ရန်တော့ စတင်နိုင်ပြီ ဖြစ်လေသည်။

သို့ဖြင့် လုရီသည် စတင်လှုပ်ရှားတော့၏။ ယခင်အလုပ်တစ်ခုမှ ဆုလာဘ်အဖြစ် ရရှိထားသော အဆင့်နိမ့်အင်မော်တယ်လက်နက် ကောင်းကင်ဇာစ်မြစ်အခင်းအကျင်းမြေပုံကို အခင်းအကျင်းမျက်လုံးအဖြစ် အသုံးပြုကာ အခင်းအကျင်းပုံစံများကို ထွင်းထုလေသည်။ အချိန်အတော်ကြာ အလုပ်ရှုပ်နေခဲ့ပြီးမှသာ ပုံစံများအားလုံးကို အပြီးသတ် ထွင်းထုနိုင်ခဲ့တော့သည်။

ထို့နောက် လုရီသည် ခြံဝန်းငယ်လေးမှ ထွက်ခွာလာပြီး စိတ်လှုပ်ရှားမှုများဖြင့် ပြည့်နှက်ကာ လျိုဟိုင်ချင်း၏ အမိန့်ပေးခန်းဆီသို့ ပြေးထွက်လာခဲ့တော့သည်။

လမ်းတစ်လျှောက်တွင် လုရီကို မြင်တွေ့ကြသော ကျင့်ကြံသူများက သူ့ကို ပြုံးရွှင်သော မျက်နှာများဖြင့် နှုတ်ဆက်ကြ၏။

နှစ်ပေါင်းများစွာအတွင်း လုရီ၏ စွမ်းဆောင်ရည်များက ကျင့်ကြံသူအားလုံး၏ လေးစားမှုကို ရရှိခဲ့လေသည်။

အဆင့်နိမ့်ကောင်းကင်အင်မော်တယ်များကို ကြက်ကလေးငှက်ကလေး သတ်ဖြတ်သည့်အလား အနိုင်ယူနိုင်သော သူ၏ပါရမီသည် ကောင်းကင်ကြယ်တာရာနယ်မြေတစ်ခုလုံးတွင်ပင် အလွန်ရှားပါးသော ဖြစ်တည်မှုတစ်ခု မဟုတ်ပါလား။

လုရီသည် အမိန့်ပေးခန်းသို့ ရောက်သောအခါ တံခါးကို ခေါက်လိုက်၏။ မကြာမီပင် အတွင်းမှ လျိုဟိုင်ချင်း၏ အသံထွက်ပေါ်လာသည်။

---

"ဝင်ခဲ့ပါ။"

--လုရီ ဝင်ရောက်သွားသောအခါ လျိုဟိုင်ချင်းက စားပွဲပေါ်မှ အမှတ် ၄ ဂြိုလ်၏ မြေပုံကို စူးစိုက်ကြည့်ရှုနေသည်ကို တွေ့လိုက်ရသည်။ သူ၏ မျက်မှောင်များက ကျုံ့ထားပြီး မျက်နှာအမူအရာမှာလည်း အလွန်အမင်း စိတ်ရှုပ်ထွေးနေဟန်တူ၏။

သူမော့ကြည့်လာပြီး လုရီကိုမြင်သောအခါ ခေတ္တမျှ မှင်သက်သွားပြီးနောက် မျက်နှာထက်တွင် အပြုံးတစ်ခု ပေါ်ထွက်လာသည်။

---

"သခင်လေး လုရီပါလား။ ကိစ္စတစ်ခုခု ရှိလို့လား။"

---

လုရီက ပြုံး၍ ခေါင်းညိတ်လိုက်သည်။

---

"ဟုတ်ကဲ့၊ ရှိပါတယ်။"

---

ထို့နောက် လုရီက သူ၏ စိတ်ကူးအကြံအစည်များကို လျိုဟိုင်ချင်းအား ရှင်းပြလိုက်၏။

လျိုဟိုင်ချင်းသည် နံပါတ် ၄ ဂြိုလ်၏ အင်အားအကြီးဆုံးနှင့် ဆုံးဖြတ်ချက်ချမှတ်သူဖြစ်ရာ၊ ရာရှိုမွန်မျိုးနွယ်၏ စွမ်းအားရှင်များကို ချုံခိုတိုက်ခိုက်မည့် အစီအစဉ်အတွက် လျိုဟိုင်ချင်း၏ လုပ်ဆောင်မှု လိုအပ်ပေသည်။

လုရီ၏ စကားကို နားထောင်ပြီးနောက် လျိုဟိုင်ချင်း၏ မျက်နှာအမူအရာသည် ရုတ်တရက် စိတ်ဝင်စားဟန်သို့ ပြောင်းသွား၏။ သူက ချီတုံချီတုံဖြင့် ဆိုသည်။

---

"သခင်လေး လုရီ၊ ခင်ဗျားကိုယ်တိုင် ငါးစာအဖြစ်နဲ့ ရာရှိုမွန်မျိုးနွယ် ကျင့်ကြံသူတွေကို ဆွဲဆောင်တိုက်ခိုက်စေဖို့ တကယ်ပဲ ရည်ရွယ်ထားတာလား။ ဒါက အလွန်အန္တရာယ်များတယ် ဆိုတာ သိထားသင့်တယ်နော်"

---

လျိုဟိုင်ချင်းသည် ဤနည်းဗျူဟာကို ယခင်က စဉ်းစားခဲ့ဖူးသော်လည်း၊ လုရီ၏ ဂုဏ်သရေ မြင့်မားသော အဆင့်အတန်းကြောင့် ထိုအကြံအစည်ကို ဖွင့်ဟပြောဆိုရန် မဝံ့ရဲခဲ့ပေ။

လူသားမျိုးနွယ်၏ ဤပါရမီရှင်လေး၏ တန်ဖိုးသည် ဂြိုလ်တစ်ခုလုံးနှင့် ကြယ်တာရာနယ်မြေ စစ်တပ်တစ်တပ်၊ ယွီမိသားစုစစ်တပ်နှင့် အခြားကျင့်ကြံသူများ အားလုံးထက်ပင် သာလွန်နေသည် မဟုတ်ပါလော။

အကယ်၍ လုရီသာ တစ်ခုခုဖြစ်သွားခဲ့လျှင်၊ လျိုဟိုင်ချင်းအနေဖြင့် ထိုအကျိုးဆက်ကို မည်သို့မျှ တာဝန်ယူနိုင်မည် မဟုတ်ပေ။

လျိုဟိုင်ချင်းသည် ဒုတိယအကြိမ်အဖြစ်ပင် ထပ်မစဉ်းစားရဲခဲ့သော်လည်း၊

မမျှော်လင့်ဘဲ လုရီကိုယ်တိုင်က ထိုအကြောင်းကို စတင်ပြောဆိုလာခဲ့လေသည်။

လုရီက လေးနက်တည်ကြည်စွာ ခေါင်းညိတ်လိုက်၏။

---

"ကျွန်တော် သိပါတယ်။ ဒါပေမယ့် လက်ရှိအခြေအနေက အကြပ်အတည်း ဖြစ်နေပြီ။ ဒါကို ချိုးဖျက်ဖို့ အကောင်းဆုံးနည်းလမ်းက ဒါပဲ။"

---

အပြင်ဘက်မှ နောက်ဆုံး ရရှိသော သတင်းများအရ ထျန်းမင်သည် ဂြိုလ်တစ်ခုလုံးကို လွှမ်းခြုံထားသော ကာကွယ်ရေးအခင်းအကျင်းကြောင့် လောလောဆယ် ဘေးကင်းနေသော်လည်း၊ အခြားတိုက်ပွဲဇုန်များရှိ ဂြိုလ်များသည် ရက်စက်ကြမ်းကြုတ်သော တိုက်ပွဲများနှင့် ရင်ဆိုင်နေကြရ၏။

ကြယ်တာရာနယ်မြေစစ်တပ်များထဲတွင် အသာစီးရနေသည့် တပ်ဟူ၍ မရှိသလောက်ပင်။

ယခုအချိန်တွင် ရာရှိုမွန်မျိုးနွယ်၏ အဓိကတပ်ဖွဲ့များကို ချေမှုန်းနိုင်မည့် အခွင့်အရေးတစ်ခုသာ ရှိခဲ့လျှင်၊ အခြားရာရှိုမွန်တပ်ဖွဲ့များကို ရင်ဆိုင်ရန် သူတို့အတွက် အသက်ရှူချောင်သွားမည် ဖြစ်သည်။

လုရီကိုယ်တိုင်အတွက်လည်း အလုပ်တစ်ခုကို ပြီးမြောက်စေပြီး တန်ဖိုးကြီးမားသော ဆုလာဘ်တစ်ခုကို ရရှိနိုင်မည် ဖြစ်၏။

လုရီ၏ စိတ်ပိုင်းဖြတ်ထားမှုကို မြင်သောအခါ လျိုဟိုင်ချင်းက ချက်ချင်းပင် လေးနက်စွာ ခေါင်းညိတ်လိုက်သည်။

---

"သခင်လေး လုရီက တကယ်ပဲ မြင့်မြတ်လှပါပေတယ်!"

---

ထို့နောက် လျိုဟိုင်ချင်း ဆက်လက်စဉ်းစားလေလေ၊ ထိုအကြံအစည်က ဖြစ်နိုင်ခြေရှိလာသည်ဟု ထင်လာလေပင်။ သူက ခေါင်းငုံ့ကာ ခေတ္တမျှ စဉ်းစားပြီးနောက် ဆိုသည်။

"ကျွန်တော်တို့ဆီမှာ နေရာလပ်ကို သီးခြားခွဲထုတ်နိုင်တဲ့ အခင်းအကျင်း ရှိပါတယ်။ သူတို့ရဲ့ အထောက်အပံ့ကို ဖြတ်တောက်ပစ်နိုင်တယ်။ သခင်လေး လုရီသာ မြွေကို သူ့တွင်းထဲကနေ ဆွဲထုတ်နိုင်ခဲ့ရင်၊ ကျွန်တော်တို့ တကယ်ပဲ အောင်မြင်နိုင်တယ်။"

"???"

လျိုဟိုင်ချင်း၏ စကားကို ကြားသောအခါ လုရီ၏ မျက်နှာအမူအရာသည် ရုတ်တရက် တောင့်တင်းသွား၏။

လုရီ၏ မျက်နှာသည် မည်းမှောင်သွားပြီး သူက ဆိုသည်။

"ခဏ... ခင်ဗျားပြောတာ နေရာလပ်ကို သီးခြားခွဲထုတ်တဲ့ အခင်းအကျင်း ရှိတယ် ဟုတ်လား။"

လျိုဟိုင်ချင်းက ခေါင်းညိတ်ကာ ရယ်မောလိုက်သည်။

"ဟုတ်ပါတယ် သခင်လေး လုရီ။ နေရာလပ်တွေကို ဆက်သွယ်နိုင်တဲ့ အခင်းအကျင်းရှိမှတော့၊ သူတို့ကို ပိတ်ဆို့နိုင်တဲ့ အခင်းအကျင်းလည်း ရှိတာပေါ့။ ဒါပေမယ့် နေရာလပ်ကို စည်းချပြီး ခိုင်မာအောင်လုပ်တာက ဆက်သွယ်တာထက် ပိုခက်တယ်လေ။ ကျွန်တော်တို့ဆီမှာ အရန်အနေနဲ့ အဲဒီလို အခင်းအကျင်းစင်မြင့် သုံးခုပဲ ရှိတော့တယ်။ အခုတော့ သုံးရတော့မှာပေါ့။"

---

လုရီမှာ စကားလုံးများပင် ဆွံ့အသွားရ၏။

သူ သွေးများပင် အန်ချင်လာသည်။

ဒီမှာ ရှိနေခဲ့တာလား။

ဒါဆို သူ ဘာဖြစ်လို့ နေရာလပ်ကူးပြောင်းရေးအခင်းအကျင်းကို နှောင့်ယှက်ဖို့ အပင်ပန်းခံပြီး တွက်ချက်နေခဲ့ရတာလဲ။

အစောကြီးကတည်းကသာ ရှင်းပြခဲ့ရင် ပြီးနေပြီလေ။

လုရီသည် အနည်းငယ် နှမြောတသဖြစ်သွားသော်လည်း၊ စဉ်းစားကြည့်လိုက်သည့်အခါ သူ၏ လတ်တလော ထိုးထွင်းသိမြင်မှုများမှ ရရှိခဲ့သော အကျိုးကျေးဇူးများမှာလည်း ကြီးမားလှသဖြင့် ဤအဖြစ်အပျက်က ထင်သလောက် မဆိုးလှဟု ဖြေသိမ့်လိုက်ပါသည်။

လုရီက ခေါင်းတစ်ချက်ငြိမ့်လိုက်ပြီး အားယူကာ ပြုံးလိုက်ရတော့သည်။

"ဒီလိုဆိုရင်တော့ အကောင်းဆုံးပေါ့!"

မကြာမီပင် လျိုဟိုင်ချင်းသည် ဝမ်ယွမ်ယွမ်၊ စုန့်တာဟုန်နှင့် အခြားကြယ်တာရာနယ်မြေစစ်တပ်မှ တပ်မှူးအချို့ကို အကြောင်းကြားလိုက်၏။

လုရီနှင့်အတူ အဖွဲ့သားများက အသေးစိတ်ကို ဆွေးနွေးကြပြီးနောက်၊ နောက်ဆုံးတွင် လှုပ်ရှားမှုအစီအစဉ်ကို အတည်ပြုလိုက်ကြတော့သည်။

အောင်မြင်မှု သေချာစေရန်အတွက်

လျိုဟိုင်ချင်းကိုယ်တိုင် ပါဝင်လှုပ်ရှားမည်ဖြစ်သည်။ သူသည် နက်ရှိုင်းခြင်း အဆင့် အင်မော်တယ် တစ်ပါးဖြစ်ရာ၊ ဤအချက်က လုရီကို အလွန် စိတ်လုံခြုံသွားစေပြီး စိုးရိမ်စိတ်များလည်း ပြေလျော့သွားရ၏။

အဓိက စခန်းတွင် ကြယ်တာရာ နယ်မြေစစ်တပ် တစ်တပ်သာ ချန်လှပ်ထားပြီး၊ ကျန်ရှိသော ကြယ်တာရာ တပ်ဖွဲ့များအားလုံးကို ရာရှိုမွန် မျိုးနွယ်၏ အဓိကတပ်ဖွဲ့များအား ပူးပေါင်း လိုက်လံချေမှုန်းရန်အတွက် စည်းရုံးလိုက်သည်။

ကျန်ရှိနေသည်မှာ လုရီက သူ၏ ဇာတ်လမ်းကို စတင်ရန်သာ ဖြစ်တော့သည်။

လုရီသည် ခြံဝင်းငယ်လေးသို့ ပြန်လာပြီး၊ တံခါးပိတ်ကျင့်ကြံနေသော လျိုနင်ရွှမ်းနှင့် အခြားသုံးဦးကို ခေါ်လိုက်၏။ ထို့နောက် အနီးအနားရှိ ကောင်းကင်နဂါး မြင့်မြတ်နယ်မြေနှင့် နတ်ဓားဂိုဏ်းမှ ကျင့်ကြံသူများထံသို့ သွားရောက်ခဲ့သည်။

လုံယွမ်သည် လုရီ၏ ကုသမှုကို ခံယူခဲ့ပြီးနောက်၊ လုရီ တောင်းဆိုသမျှကို သူက သဘာဝအတိုင်း လိုက်လျောပေမည်။

ပုယွင်ကျန့်၊ အမ်ဘာနှင့် အခြားသူများမှာလည်း လုရီအပေါ် အလွန်ကျေးဇူးတင်နေကြသည်။ လုရီက ရာရှိုမွန်မျိုးနွယ်၏ အဓိကတပ်ဖွဲ့များကို ရင်ဆိုင်ရန် ထွက်ခွာမည်ဟု ပြောသောအခါ၊ သူတို့အားလုံးလည်း လိုက်ပါရန် သဘောတူကြ၏။

သို့သော်၊ ပထမအကြိမ် ကြီးမားသော ချုံခိုတိုက်ခိုက်မှုအပြီးတွင် လုရီ ထွက်သွားသည့်အခါတိုင်း ကောင်းကင်နဂါးမြင့်မြတ်နယ်မြေနှင့် နတ်ဓားဂိုဏ်းမှ အင်မော်တယ်များက လိုက်ပါကြသော်လည်း၊ မဟာစွမ်းအားရှင်များထဲမှ ဟင်းလင်းပြင်အင်မော်တယ်တစ်ဦးပင်လျှင် လိုက်ပါရန်

မဝံ့ရဲတော့ပေ။

မတော်တဆဆိုလျှင်ပင်၊ တစ်စုံတစ်ယောက် အသက်ဆုံးရှုံးသွားနိုင်သည် မဟုတ်ပါလား။

အထူးသဖြင့် ယခုတစ်ကြိမ် အခြေအနေမှာ အလွန်အမင်း ပြင်းထန်လှရာ၊ အင်မော်တယ်များပင် အသက်အန္တရာယ်ရှိနေသည်။ လုရီအနေဖြင့် စွမ်းအားရှင်များကို သူနှင့်အတူ အသက်ရှင်ကျန်ရစ်စေရန် အာမမခံနိုင်ပေ။

အဖွဲ့သည် နေရာ ကူးပြောင်းအခင်းအကျင်းစင်မြင့်ကို လျင်မြန်စွာ ဖြတ်သန်းကာ ခြေရာ မခံရစေရန် အဓိက စခန်းမှ ထွက်ခွာခဲ့ကြ၏။

နီမြန်းသော တောကန္တာရ ဒေသသို့ တစ်ဖန်ပြန်လည် ရောက်ရှိလာသောအခါ၊ လုရီသည် သက်ပြင်း မှုတ်ထုတ်လိုက်ပြီး ပြုံးလိုက်သည်။

"သွားကြစို့၊ ရာရှိုမွန် မျိုးနွယ်ကောင်တွေကို သွားရှာကြရအောင်"

အမ်ဘာက သတိကြီးစွာဖြင့် ပတ်ဝန်းကျင်ကို ကြည့်ရှုရင်း ဆိုသည်။

"လုရီ၊ ဒီတစ်ခါတော့ ထပ်ပြီး ဝိုင်းရံမခံရအောင် ပိုသတိထားရမယ်။"

လုရီက ဂရုမစိုက်ဟန်ဖြင့် လက်ကို ဝှေ့ယမ်းလိုက်လေ၏။

"ကိစ္စမရှိပါဘူး၊ အချိန်တန်ရင် ကျွန်တော်လှုပ်ရှားပြီး နေရာလပ်နိယာမကိုသုံးပြီး ခင်ဗျားတို့ကို ခေါ်သွားမှာပဲ! ဒီရက်ပိုင်းအတွင်း ကျွန်တော့်ရဲ့ နေရာလပ်နိယာမ ကျွမ်းကျင်မှုက ပိုတိုးတက်လာပါပြီ။"

---

ယခင် ကြီးမားသော ဝိုင်းရံတိုက်ခိုက်မှုအတွင်း လုရီသည် အလုပ်တစ်ခုကို ထုတ်ပေးခဲ့ပြီး သူ၏ နေရာလပ်နိယာမ ကျွမ်းကျင်မှုမှာ ၁၀% တိုးတက်လာကာ ၅၀% သို့ ရောက်ရှိခဲ့ရာ ယခင်ထက် ပိုမိုအားကောင်းနေပြီ ဖြစ်သည်။

လုရီ၏ စကားကို ကြားသောအခါ အမ်ဘာနှင့် အခြားသူများမှာ အနည်းငယ် စိတ်အေးသွားကြ၏။ သူတို့သည် လုရီ၏ စွမ်းအားကို ယုံကြည်မှုရှိနေဆဲပင်။

တစ်ချိန်တည်းတွင်၊ လျိုနင်ရွှမ်းနှင့် အခြား မိန်းကလေး သုံးဦးမှာမူ တည်ငြိမ်သော မျက်နှာထားများဖြင့် ရှိနေကြသည်။ သူမတို့သည် လုရီ၏ ရည်ရွယ်ချက်ကို နားလည်သော်လည်း များများစားစား မပြောဆိုကြပေ။ သူမတို့သည် လုရီကို သဘာဝအတိုင်း ယုံကြည်ကြပြီး သူ ရွေးချယ်သမျှကို အတူတကွ လိုက်ပါရန် ဆန္ဒရှိကြလေ၏။

သူမတို့သည် လုံးဝ ပုန်းကွယ်မနေဘဲ

သူမတို့၏ ဝိညာဉ် စွမ်းအင်ကို

ပေါ်ပေါ်ထင်ထင် ထုတ်လွှတ်ထားကြသည်။

------

မကြာမီပင် လုရီနှင့် အမ်ဘာတို့၏ မျက်လုံးများမှာ အရောင်တောက်လာပြီး အချင်းချင်း အကြည့် ဖလှယ်လိုက်ကြ၏။

သူတို့သည် မှိန်ဖျော့သော အရှိန်အဝါမျှင်တန်းများကို ခံစားမိလိုက်ကြသည်။ ၎င်းတို့မှာ ရာရှိုမွန် မျိုးနွယ် ကျင့်ကြံသူများ၏ အရှိန်အဝါများ ဖြစ်၏။

သူတို့သည် စွမ်းအားရှင် အဆင့်သာ ရှိကြသောကြောင့် လုရီနှင့် အမ်ဘာတို့၏ အာရုံ ခံစားမှုမှ မလွတ်မြောက်နိုင်ကြပေ။

လုရီ၏ နှုတ်ခမ်းထောင့်တွင် အပြုံးတစ်ခု ပေါ်ထွက်လာလေသည်။

လုရီအတွက်မူ တစ်စုံတစ်ယောက်က သူတို့ကို မြင်သွားလျှင်ပင် လုံလောက်ပြီ။ သူတို့က ရာရှိုမွန်မျိုးနွယ်၏ စွမ်းအားရှင်များကို သေချာပေါက် အကြောင်းကြားလိမ့်မည်။ ထိုအခါ ငါးကြီးတစ်ကောင် ချိတ်မိတော့မည်။

အဖွဲ့သည် ဆက်လက်ရွေ့လျားနေသော်လည်း၊ ရာရှိုမွန်မျိုးနွယ်မှ အင်မော်တယ်များ လာရောက်ချုံခိုတိုက်ခိုက်ခြင်း မရှိဘဲ ခရီးလမ်းမှာ အလွန်ငြိမ်သက်နေ၏။

ဤအခြေအနေက အမ်ဘာကို တစ်စုံတစ်ခု မှားယွင်းနေသည်ဟု ခံစားရစေသည်။

သူက ပြောလိုက်လေသည်။

"လုရီ၊ ဘာတွေဖြစ်နေတာလဲ။ ရာရှိုမွန်မျိုးနွယ်ကောင်တွေ ငါတို့ကို တွေ့သွားလောက်ပြီ ထင်တယ်။"

ဤစကားကို ကြားသောအခါ ပုယွင်ကျန့်နှင့် အခြားသူများမှာ အံ့အားသင့်သွားကြသည်။

သူတို့၏ ကျင့်ကြံမှုအဆင့်က နိမ့်ကျသောကြောင့် ဘာကိုမှ သတိမထားမိခဲ့ကြပေ။

လုရီလည်း အနည်းငယ် ကျောချမ်းသွားပြီး တစ်စုံတစ်ခု မူမမှန်သလို ခံစားလိုက်မိသည်။

ထိုအခိုက်အတန့်၌၊ ကောင်းကင်ယံမှ ထိတ်လန့်ဖွယ်ရာ ဖိအားတစ်ခုသည် ကမ္ဘာလောကကြီးတစ်ခုလုံးကို ဖိညှပ်ချေမွပစ်တော့မည့်အလား အရှိန်အဟုန်ဖြင့် ကျရောက်လာခဲ့၏။ တစ်ချိန်တည်းမှာပင်၊ အဆုံးအစမဲ့သော သွေးပင်လယ်ပြင်ကြီးတစ်ခုသည် ရုတ်ချည်းဆိုသလို ပေါ်ထွက်လာပြီး၊ ကမ္ဘာမြေပေါ်ရှိ အရာခပ်သိမ်းကို ဆေးကြောဖျက်ဆီးပစ်တော့မည့်ဟန်ဖြင့် သူတို့အပေါ်မှ လွှမ်းခြုံလာတော့သည်။

"ဝေါ့!!"

ချက်ချင်းပင်၊ လုရီအပါအဝင် ကျင့်ကြံသူအားလုံးသည် သူတို့၏ ရင်ဘတ်ထဲ၌ အဆုံးအစမရှိသော ဖိအားကို ခံစားလိုက်ရပြီး သွေးတစ်လုတ်ကို ဝေါ့ကနဲ အန်ထုတ်လိုက်မိကြသည်။

အနည်းငယ် အားနည်းသော လျိုနင်ရွှမ်းနှင့် အခြားသူများ၏ မျက်နှာများမှာ ဖြူဖျော့သွားပြီး သူတို့၏ အသက်ရှုသံများမှာလည်း အားနည်းသွားတော့၏။

သူတို့သည် အသစ်တက်လှမ်းလာသော ကောင်းကင်အင်မော်တယ်များနှင့် နှိုင်းယှဉ်နိုင်စွမ်း ရှိသော်ငြားလည်း၊ ဤဖိအားမျှကိုပင် မခံနိုင်ကြောင်း သိထားရပါမည်။ ထိုသွေးပင်လယ်ပြင်ကြီး၏ စွမ်းအားက မည်မျှ ကြောက်မက်ဖွယ် ကောင်းမည်ကို စိတ်ကူးကြည့်ရန်ပင် မလွယ်ကူလှပါပေ။

လုရီ ခေါင်းနပမ်းကြီးသွားတော့သည်။

သွားပြီ… ငါးမန်းကြီး တစ်ကောင်ကိုမှ သွားချိတ်မိပြီဟေး...။

ဤမျှလောက်သော ဖိအားသည် အစစ်အမှန် အင်မော်တယ် တစ်ပါး၏ ဖိအား မဟုတ်သည်မှာ သေချာသည်။ ဤသည်မှာ နက်ရှိုင်းခြင်း အဆင့်

အင်မော်တယ်အဆင့် စွမ်းအားရှင် တစ်ဦးသာ ဖြစ်ရမည်။

အမှတ် ၄ ဂြိုလ် တစ်ခုလုံးတွင် နက်ရှိုင်းခြင်း အဆင့် အင်မော်တယ် စွမ်းအားရှင် နှစ်ဦးသာ ရှိသည်။ တစ်ဦးမှာ လျိုဟိုင်ချင်းဖြစ်ပြီး၊ နောက်တစ်ဦးမှာ မည်သူ ဖြစ်မည်ကို ပြောနေရန်ပင် မလိုတော့ပေ။

လုရီ၏ တစ်ကိုယ်လုံး ထုံကျင်သွားသလို ခံစားလိုက်ရ၏။ သူကဲ့သို့ ကပ်ဘေးဖြတ်ကျော် အဆင့်လေးသာ ရှိသေးသူက နက်ရှိုင်းခြင်း အဆင့် အင်မော်တယ်တစ်ပါးကို ဆွဲဆောင်နိုင်ခဲ့သည်တဲ့လား။

ငါက ဒီလောက်တောင် လူကြိုက်များနေခဲ့တာလား။

သူ့မှာ ထပ်မံစဉ်းစားရန် အချိန်မရှိတော့ပေ။ ချက်ချင်းပင်၊ သူသည် ကောင်းကင်ခွဲတံဆိပ်ပြားကို ထုတ်ယူလိုက်ပြီး၊ နေရာလပ်နိယာမကို အစွမ်းကုန် လည်ပတ်ကာ သူ၏ဝိညာဉ်စွမ်းအင်အားလုံးကို ပေါက်ကွဲထုတ်လွှတ်လျက် အားလုံးကို ဆွဲခေါ်ကာ ထိုနေရာမှ ပျောက်ကွယ်သွားလေတော့သည်။

နေရာလပ်သည် ပုံသဏ္ဍာန် ပျက်သွားပြီး၊ လုရီနှင့် အပေါင်းအပါတို့သည် နေရာတွင်ပင် ပျောက်ကွယ်သွား၏။

နောက်တစ်ခဏ၌၊ လုရီသည် ကီလိုမီတာပေါင်း သောင်းချီကွာဝေးသော နေရာ၌ ပြန်လည် ပေါ်ထွက်လာလေ၏။

ထို့နောက် လုရီသည် ထိုနေရာမှ တစ်ဖန်ပျောက်ကွယ်သွားပြန်ပြီး၊ သူပြန်ပေါ်လာသောအခါ နောက်ထပ် ကီလိုမီတာပေါင်း သောင်းချီကို ဖြတ်ကျော်ခဲ့ပြီး ဖြစ်သည်။

အသက်ရှုချိန် အနည်းငယ်အတွင်းမှာပင်

လုရီသည် ကီလိုမီတာပေါင်း သိန်းချီ၍ ပြေးထွက်လာခဲ့လေ၏။ ကောင်းကင်ထက်မှ သွေးပင်လယ်ပြင်သည် တိတ်ဆိတ်စွာ ကျဆင်းလာပြီး၊ လှိုင်းထန်နေသော သွေးရောင်အလင်းတန်းသည် လုရီ၏ နောက်ကျောမှ ကီလိုမီတာသောင်းချီအကွာကို ပွတ်တိုက်ဖြတ်သန်းသွားတော့သည်။ သို့တိုင်အောင်ပင် လုရီသည် သွေးများ အကြိမ်ကြိမ် အန်ထုတ်နေရဆဲ ဖြစ်လေ၏။

ကံကောင်းထောက်မစွာ၊ လုရီသည် သူ၏ ဝိညာဉ်စွမ်းအင်ကို လှည့်ပတ်ကာ

လျိုနင်ရွှမ်းနှင့် အခြားသူများကို သူ၏နောက်တွင် ကာကွယ်ထားခဲ့သောကြောင့်၊ တိုက်ခိုက်မှု၏ နောက်ဆက်တွဲ အရှိန်များက သူတို့ကို မထိမှန်ခဲ့ပေ။ သို့မဟုတ်ပါက သူတို့အားလုံး ပြင်းထန်စွာ ဒဏ်ရာရသွားနိုင်ပေသည်။

တိတ်ဆိတ်သော သွေးပင်လယ်ပြင်သည် မြေပြင်ပေါ်သို့ ကျရောက်သွားပြီး နစ်မြုပ်သွားသည်နှင့်အမျှ၊ အောက်ဘက်မှ မြေပြင်သည် အသံတစ်စုံတစ်ရာမထွက်ဘဲ အငွေ့ပျံသွားတော့၏။

လုရီ၏ နေရာလပ်နိယာမဖြင့် ခေါ်ဆောင်သွားခြင်းခံရသော အမ်ဘာနှင့် အခြားသူများမှာမူ ဦးရေပြားများ ထုံကျင်ကာ တစ်ကိုယ်လုံး အေးစက်သွားကြသည်။

အမ်ဘာ၏ အသံမှာ ပြောင်းလဲသွားသည်။

"ငရဲဘုံပဲ...နက်ရှိုင်းခြင်း အဆင့် အင်မော်တယ်တဲ့လား.. ရာရှိုမွန်မျိုးနွယ်က အရှက်မရှိတော့ဘူးလား။ နက်ရှိုင်းခြင်း အဆင့် အင်မော်တယ် တစ်ပါးကို ငါတို့ကို ချုံခိုတိုက်ခိုက်ခိုင်းရတယ်လို့..."

---

အခြားသူများမှာလည်း တုန်လှုပ်မှင်သက်

မိနေကြ၏။

သူတို့သည် ဝိုင်းရံ တိုက်ခိုက်ခံရနိုင်ခြေကို စဉ်းစားခဲ့ပြီး၊ ကြီးမားသော တိုက်ပွဲ တစ်ခုကိုလည်း စိတ်ကူး ပုံဖော်ခဲ့ကြသော်လည်း၊ ဤကဲ့သို့သော အခြေအနေမျိုးကို တစ်ခါမျှ စိတ်ကူးမကြည့်ခဲ့ဖူးပါပေ။

ဒါက သေရွာသို့ တမင်သက်သက် တွန်းပို့နေခြင်းနှင့် ဘာထူးတော့မည်နည်း။

ထိုအခိုက်၊ မယုံနိုင်လောက်အောင် ကြောက်မက်ဖွယ် ကောင်းသော အရှိန်အဝါတစ်ခုသည် တစ်ဖန် ပေါ်ထွက်လာပြီး၊ အလင်း၏ အလျင်နှင့်ပင် မနှေးနီးပါးသောအရှိန်ဖြင့် လုရီနှင့် အပေါင်းအပါတို့ထံသို့ ပျံသန်းလာရာ၊ လုရီ၏ မျက်နှာထားမှာ သိသိသာသာ ပျက်ယွင်းသွားတော့သည်။

နက်ရှိုင်းခြင်း အဆင့် အင်မော်တယ်၏ အရှိန်မှာ အလွန်အမင်း မြန်ဆန်လှ၏။

---

"လူသားမျိုးနွယ်ရဲ့ ပါရမီရှင်၊ ဒီနေ့ဟာ မင်းရဲ့ သေဆုံးရမယ့်နေ့ပဲ"

ကျယ်လောင် ထက်ရှသောအသံသည် အမှတ် ၄ ဂြိုလ် တစ်ခုလုံးသို့ ပျံ့နှံ့သွားပြီး၊ ကျင့်ကြံသူ အားလုံး၏ မျက်နှာများမှာ သိသိသာသာ အုံ့မှိုင်းသွားကာ အသံလာရာဘက်သို့ လှမ်းမျှော်ကြည့်လိုက်ကြသည်။

ထိုအခိုက်အတန့်၌၊ သွေးရောင်လွှမ်းနေသော ကောင်းကင်ယံတွင် ရွှေရောင်အလင်းတန်းတစ်ခုသည် သွေးပင်လယ်ပြင်ထဲမှ နေတစ်စင်း ပေါ်ထွက်လာသည့်အလား ရုတ်တရက် ထွန်းလင်းတောက်ပလာခဲ့သည်။

ထိုမြင်ကွင်းကို မြင်လိုက်ရသည့်အခါ

လုရီ၏ မျက်လုံးများက အရောင်တောက်သွားပြီး နှုတ်ခမ်းထက်၌ အောင်နိုင်သူ၏ အပြုံးတစ်ခု ဖြစ်ထွန်းလာခဲ့လေသည်။

"သူတို့ ရောက်လာကြပြီပဲ။"

အခန်း ၅၇၀-ရာရှိုမွန်မျိုးနွယ် တပ်မှူးအား သတ်ခြင်းနှင့် နောက်ဆုံး လုပ်ကြံမှု...

~"ဘာလဲ?! မင်းလား?!"

ဟိန်းညံသော ကြွေးကြော်သံတစ်ခု ပေါက်ကွဲထွက်ပေါ်လာပြီး၊ ဝိညာဉ်အလင်းတန်းများသည် အဆုံးမရှိသော စွမ်းအင်လှိုင်းများ အရပ်လေးမျက်နှာသို့ ပျံ့နှံ့သွားသည့်အလား မှိတ်တုတ်မှိတ်တုတ်ဖြင့် မတည်မငြိမ် ဖြစ်နေတော့၏။

နေရာလပ်သည် ရေပြင်ကဲ့သို့ လှိုင်းထကာ တုန်ခါသွားပြီး အက်ကွဲကြောင်းများက ဆက်တိုက်ဆိုသလို ပေါ်ထွက်လာသည်။ အောက်ဘက်မှ မြေပြင်သည်လည်း တိုက်ခိုက်မှု၏ နောက်ဆက်တွဲအရှိန်ကြောင့် တစ်လွှာချင်း ပြာအဖြစ်သို့ တိုက်စားခံနေရပြီး ကမ္ဘာပျက်ကိန်း ဆိုက်ရောက်သည့်အလား မရပ်မနား တုန်ခါနေလေသည်။

လုရီသည် နေရာလပ်နိယာမကို တစ်ဖန်အသုံးပြုကာ ကီလိုမီတာပေါင်း သိန်းချီ၍ ကူးပြောင်းလိုက်ပြီးမှသာ ရပ်တန့်၍ အဝေးမှ ကောင်းကင်ယံကို လှမ်းမျှော်ကြည့်လိုက်၏။

အမ်ဘာ၏ မျက်လုံးများက အံ့အားသင့်မှုဖြင့် ပြူးကျယ်သွားသည်။

---

"ဟိုမှာ... တပ်မှူးလျိုလား?!"

---

လုရီက ခေါင်းကို ညင်သာစွာ ညိတ်ပြလိုက်သည်။

---

"ဟုတ်တယ်၊ တပ်မှူးလျိုပဲ။"

---

အမ်ဘာနှင့် အခြားသူများလည်း ချက်ချင်းပင် အဖြစ်အပျက်ကို သဘောပေါက်သွားကြပြီး လုရီကို ကြည့်လိုက်ကြသည်။ ပုယွင်ကျန့်က အာမေဋိတ်သံဖြင့် ဆိုသည်။

"လုရီ၊ ဒီလောက်ကြာမှ မင်း အခြေစိုက်စခန်းကနေ ထွက်လာတာကို ငါက ထူးဆန်းနေတာ။ ရာရှိုမွန်မျိုးနွယ် ကျင့်ကြံသူတွေကို ချုံခိုတိုက်ဖို့ မင်း အကွက်ချစီစဉ်ထားခဲ့တာကိုး။"

လုရီ၏ နှုတ်ခမ်းများက တွန့်ကွေးသွားသည်။

"ဒီလောက်ကြီးတဲ့ ငါးကြီးတစ်ကောင် လာချိတ်လိမ့်မယ်လို့တော့ မထင်ခဲ့ဘူးဗျ။"

ထိုစကားကို ကြားသောအခါ အခြားသူများလည်း အသာအယာ ခေါင်းညိတ်လိုက်ကြပြီး၊ သူတို့၏ နှလုံးသားထဲတွင် ထိတ်လန့်တုန်လှုပ်မှုများဖြင့် ပြည့်နှက်နေတော့၏။

လျိုနင်ရွှမ်းနှင့် သူမ၏ အဖော်များမှာမူ မျက်နှာပို၍ ဖြူဖျော့နေကြသည်။ လုရီက တိုက်ခိုက်မှုကို ပိတ်ဆို့ပေးခဲ့သော်လည်း သူတို့သည် ဒဏ်ရာအချို့ကို ခံစားခဲ့ကြရသေးသည်။

လုံယွမ်က စိုးရိမ်စွာ ဆိုသည်။

"နက်ရှိုင်းခြင်း အင်မော်တယ်တစ်ပါး... သူ့ကို ဆွဲထုတ်နိုင်ခဲ့ပြီဆိုတော့၊ ငါတို့ နိုင်ပါ့မလား။"

---

လုရီကိုယ်တိုင်ပင်လျှင် အတွင်းစိတ်၌ သိပ်ပြီး ယုံကြည်ချက်မရှိခဲ့ပေ။

ထိုအခိုက်အတန့်၌၊ ကြောက်မက်ဖွယ်ကောင်းပြီး အားကောင်းလှသော အရှိန်အဝါများစွာ ပေါ်ထွက်လာ၏။

ဤအရှိန်အဝါများကို လုရီ အနည်းငယ် ရင်းနှီးနေသည်။ ၎င်းတို့မှာ ကြယ်တာရာနယ်မြေ တပ်မတော်မှ ကျင့်ကြံသူများ၏ အရှိန်အဝါများ ဖြစ်လေသည်။

ဤကြယ်တာရာနယ်မြေတပ်မတော်မှ ကျင့်ကြံသူများသည် အားလုံး အစစ်အမှန်အင်မော်တယ်များ ဖြစ်ကြပြီး၊ နက်ရှိုင်းခြင်း အင်မော်တယ် နှစ်ဦး၏ တိုက်ပွဲကွင်းပြင်ထဲသို့ ဝင်ရောက်လာခဲ့ကြသည်။

ဝိညာဉ်အလင်းတန်းများ ပျောက်ကွယ်သွားသောအခါ၊ လုရီသည် သူတို့၏ဝိညာဉ်စွမ်းအင်များဖြင့် ချိတ်ဆက်ထားသော ကြယ်တာရာနယ်မြေတပ်မတော်မှ ကျင့်ကြံသူ ရာပေါင်းများစွာကို မှိန်ဖျော့စွာ မြင်လိုက်ရ၏။

ယွီမိသားစု တပ်ကဲ့သို့ပင်၊ သူတို့သည် မိမိတို့၏ ခန္ဓာကိုယ်ကို အခင်းအကျင်းအဖြစ် အသုံးပြုကာ မယုံနိုင်လောက်အောင် အားကောင်းသော ဝိညာဉ်ဖိအားတစ်ခုကို ထုတ်လွှတ်နေကြ၏။

ထိုမြင်ကွင်းကို မြင်သောအခါ လုရီမှာ

မှင်သက်သွားပြီးနောက် ဝမ်းမြောက်ဝမ်းသာမှုများ ဖြစ်ပေါ်လာခဲ့သည်။

မှန်ပေသည်။ ယွီမိသားစု တပ်က တိုက်ခိုက်ရေးအခင်းအကျင်း ဖွဲ့နိုင်လျှင်၊ အထူးရွေးချယ်ထားသော ကြယ်တာရာနယ်မြေစစ်တပ်က အဘယ်ကြောင့် မဖွဲ့နိုင်ရမည်နည်း။ သူတို့လည်း ဖွဲ့နိုင်သည်မှာ သေချာ၏။

နက်ရှိုင်းခြင်း အင်မော်တယ် တစ်ပါးသည် အလွန်အမင်း အားကောင်းသော်လည်း၊ ကြယ်တာရာနယ်မြေတပ်မတော်မှ အစစ်အမှန် အင်မော်တယ်များသည် အစစ်အမှန်အင်မော်တယ်များထဲမှ ပါရမီရှင်များ ဖြစ်ကြသည်။ တစ်ဦးချင်းတိုက်ခိုက်လျှင်ပင်၊ သူတို့ ရာပေါင်းများစွာသည် နက်ရှိုင်းသောအင်မော်တယ်တစ်ပါးကို ခြိမ်းခြောက်နိုင်သည်။ ယခုအခါ သူတို့က တိုက်ခိုက်ရေးအခင်းအကျင်း ဖွဲ့လိုက်ပြီဖြစ်ရာ၊ သူတို့၏ စွမ်းအားမှာ အဆပေါင်းများစွာ တိုးမြင့်လာပေလိမ့်မည်။

အခင်းအကျင်းမှ ထုတ်လွှတ်လိုက်သော ဝိညာဉ်ဖိအားသည် ယခုအခါ သွေးငရဲတပ်မတော်မှ တပ်မှူးနှင့် တပ်မှူးလျိုတို့၏ ဖိအားထက် များစွာ မလျော့နည်းတော့ပေ။

ဤသို့ဖြင့် နှစ်ယောက်တစ်ယောက် အခြေအနေဖြစ်လာရာ၊ အသာစီးရနေသည်မှာ ထင်ရှား၏။

လျှို့ဝှက်ဆန်းကြယ်သော အခင်းအကျင်းပုံစံများ ပေါ်ထွက်လာပြီး၊ ဒေသတစ်ခုလုံးကို ဖုံးလွှမ်းသွားသည်။

ကီလိုမီတာပေါင်း သိန်းသန်းချီ ကျယ်ဝန်းသော မြေပြင်သည် အခြားကမ္ဘာတစ်ခုသို့ ရောက်သွားသည့်အလား၊ စကြဝဠာ၏ အခြားအစိတ်အပိုင်းများနှင့် အဆက်အသွယ်ပြတ်တောက်သွားပြီး တစ်ခုတည်းသော စကြဝဠာထဲတွင် မရှိတော့သည့်အလား ဖြစ်နေ၏။

လုရီက ဤသည်မှာ တပ်မှူးလျို ယခင်က ပြောခဲ့သော နေရာလပ်ကို သီးခြားခွဲထုတ်သည့် မဟာအခင်းအကျင်းကြီး ဖြစ်မည်ကို နားလည်လိုက်သည်။ ၎င်းက သွေးငရဲတပ်မှ တပ်မှူးကို ထွက်ပြေးလွတ်မြောက်ရန် အခွင့်အရေးမရှိအောင် ထောင်ချောက်ဆင်လိုက်ခြင်းပင်။

အတွင်း၌ ဝိညာဉ်အလင်းများ လင်းလက်နေသော်လည်း၊ ဝိညာဉ်စွမ်းအင်များသည် နေရာလပ်ဖြင့် သီးခြားခွဲထုတ်ခံထားရသဖြင့် အခြားကမ္ဘာတစ်ခုတွင် ရှိနေသည့်အလား ဖြစ်နေ၏။ လုရီနှင့် အခြားသူများမှာ အတွင်းမှ မှိန်ဖျော့ပြီး နှလုံးတုန်လှုပ်ကာ ဦးရေပြားထုံကျင်စေသော တုန်ခါမှုများကိုသာ မသဲမကွဲ ခံစားနိုင်ကြသည်။

သူတို့အားလုံးသည် အဝေးမှ တိုက်ပွဲကွင်းပြင်ကို စူးစိုက်ကြည့်နေကြပြီး အလွန်အမင်း တင်းမာနေကြ၏။

အချိန်တို့ ကုန်လွန်သွားပြီး၊ မိနစ်ဆယ်ဂဏန်းခန့် ကြာသည်ဟု ထင်ရပြီးနောက်၊ မိုးခြိမ်းသံကဲ့သို့ ပေါက်ကွဲသံကြီးသည် ကမ္ဘာလောကကြီးတစ်ခုလုံးကို ပဲ့တင်ထပ်သွား၏။ အခင်းအကျင်းပုံစံများက လင်းလက်သွားပြီးနောက် ရုတ်တရက် အပိုင်းပိုင်းဘပြိုကျသွားသည်။ သွေးအလိမ်းလိမ်းနှင့် ကိုယ်ခန္ဓာ တစ်စစီပြတ်ထွက်နေသော ပုံရိပ်ကြီးတစ်ခုသည် အရှိန်ဖြင့် ပေါက်ကွဲထွက်ပေါ်လာ၏။

ထိုပုံရိပ်၏ မျက်နှာအမူအရာမှာ ကြမ်းကြုတ်ခက်ထန်နေသည်။ သူကား ရာရှိုမွန်မျိုးနွယ်မှ တပ်မှူးပင်တည်း။

ထိုအခိုက်တွင်၊ ရာရှိုမွန်တပ်မှူးသည် သွေးရောင်အလင်းတန်းတစ်ခုအဖြစ်သို့ ပြောင်းလဲကာ ထွက်ပြေးရန် ကြိုးစားတော့သည်။

---

"မင်း ဘယ်ပြေးမလို့လဲ?!"

လျိုဟိုင်ချင်းသည်လည်း ဒဏ်ရာရထားသော်လည်း ရာရှိုမွန်တပ်မှူးထက် များစွာ အခြေအနေကောင်းနေသေး၏။ သူ၏မျက်နှာသည် လူသတ်လိုသော အငွေ့အသက်များဖြင့် ပြည့်နှက်နေပြီး အသံကျယ်ကြီးဖြင့် ဟိန်းဟောက်လိုက်သည်။

သူသည် ထွက်ပြေးနေသော ရာရှိုမွန်တပ်မှူးနောက်သို့ အရှိန်ဖြင့် ပြေးလိုက်သွား၏။

ထိုအခိုက်အတန့်၌၊ ကြယ်တာရာနယ်မြေတပ်မတော်မှ ကျင့်ကြံသူများလည်း ရှေ့သို့ အားဖြင့် တိုးဝင်လာကြသည်။ သူတို့၏ မျက်နှာများမှာ ဖြူဖျော့နေပြီး အမျိုးမျိုးသော ဒဏ်ရာများ ရရှိထားကြသော်လည်း တစ်ဦးတစ်ယောက်မျှ မသေဆုံးခဲ့ပေ။

ဤအချက်က လုရီနှင့် အခြားသူများကို အံ့အားသင့်စေတော့၏။ သူတို့ ရင်ဆိုင်နေရသည်မှာ နက်ရှိုင်းခြင်း အင်မော်တယ်တစ်ပါး မဟုတ်ပါလား။

အစစ်အမှန် အင်မော်တယ် အဆင့်သာ ရှိသော သူတို့က နက်ရှိုင်းခြင်း အင်မော်တယ်တစ်ပါးကို အသာစီး ရနေသည့်တိုင် အားလုံး အသက်ရှင် ကျန်ရစ်သည်မှာ အံ့ဩစရာပင်။

သို့သော် ကြယ်တာရာနယ်မြေ တပ်မတော်သည် အစစ်အမှန် အင်မော်တယ်အဆင့်သာ ရှိသေး၏။ တိုက်ခိုက်ရေးအခင်းအကျင်းကို အသုံးပြု၍ နက်ရှိုင်းခြင်း အင်မော်တယ်တစ်ပါးကို တိုက်ခိုက်သော်လည်း အင်မော်တယ်စွမ်းအင်တွင် ကွာဟချက် ရှိနေသေးသည်။

သူတို့၏ စွမ်းအင်ကုန်ခမ်းမှုမှာ

လျိုဟိုင်ချင်းထက် များစွာ ပိုမိုသိသာပြီး၊ ရာရှိုမွန်တပ်မှူးထံတွင်ပင် ဤအစစ်အမှန်အင်မော်တယ်များထက် ပိုမိုများပြားသော အင်မော်တယ်စွမ်းအင် ကျန်ရှိနေသေးသည်။

သူတို့မှာ လိုက်လံတိုက်ခိုက်ရန် အင်အားမရှိတော့ဘဲ လျိုဟိုင်ချင်းက ဆက်လက်လိုက်လံရန် ပြေးထွက်သွားသည်ကိုသာ ကြည့်နေနိုင်တော့သည်။

ရာရှိုမွန်တပ်မှူးက အေးစက်စွာ မထီမဲ့မြင် ပြုံးလိုက်သည်။

---

"မင်း ငါ့ကို တားနိုင်မယ် မထင်နဲ့!!"

သူက အဆေင်လက်ဖွဲ့တစ်ခုကို လေထဲမှ ရုတ်တရက် ဆွဲထုတ်ပြီး ချက်ချင်း အသက်ဝင်စေလိုက်၏။

နောက်တစ်ခဏတွင်၊ ရာရှိုမွန်တပ်မှူး၏ ရှေ့၌ ဟင်းလင်းပြင်တစ်ခု ရုတ်တရက် ပေါ်ထွက်လာပြီး သူက ထိုအထဲသို့ ခုန်ဆင်းဝင်ရောက်သွားတော့သည်။

သူ ဟင်းလင်းပြင်ထဲသို့ ဝင်ရောက်သွားသည်နှင့် ၎င်းသည် ပြန်လည်ပိတ်သွားပြီး နေရာလပ်သည် တစ်ဖန် တိတ်ဆိတ်ငြိမ်သက်သွားတော့၏။

လျိုဟိုင်ချင်းမှာ အမီမလိုက်နိုင်ခဲ့ပေ။ သူ၏ မျက်လုံးများက စိတ်ပျက်အားငယ်မှုဖြင့် ပြူးကျယ်နေသည်။

"သောက်ကျိုးနည်းပဲ..ဒီလောက်ကောင်းတဲ့ အခွင့်အရေးကို လွတ်သွားရတယ်လို့ကွာ"

လျိုဟိုင်ချင်းသည် အတော်ကြီး ဒေါသထွက်နေ၏။

ထိုအခိုက်တွင်၊ လျိုဟိုင်ချင်း၏ နောက်ဘက် မနီးမဝေးတွင် ထူးဆန်းသော နေရာလပ်တုန်ခါမှုများ ပေါ်ထွက်လာသည်။ သူ လှည့်ကြည့်လိုက်သောအခါ လုရီက အခင်းအကျင်းမြေပုံတစ်ခုကို ကိုင်ဆောင်ထားပြီး အထဲသို့ ဝိညာဉ်စွမ်းအင်များ အပြင်းအထန် ပို့လွှတ်နေသည်ကို သူ တွေ့လိုက်ရသည်။

ရာရှိုမွန်တပ်မှူး နေရာလပ်ကို သီးခြားခွဲထုတ်သည့် မဟာအခင်းအကျင်းကြီးမှ လွတ်မြောက်သွားသည်ကို မြင်သောအခါ လုရီသည် အခြေအနေ အနည်းငယ်

မမှန်ကန်တော့ကြောင်း သိလိုက်၏။

သူသည် ချက်ချင်းပင် ရှေ့သို့ ပြေးထွက်လာပြီး သူဖန်တီးထားသော နေရာလပ်စွက်ဖက်ရေးအခင်းအကျင်းကို အသက်သွင်းလိုက်သည်။

လျိုဟိုင်ချင်းသည် ခေတ္တမျှ မှင်သက်သွားပြီး မေးရန် အခွင့်အရေးပင် မရလိုက်ပေ။

ထိုအခိုက်၊ အနီးအနားတွင် နေရာလပ်သည် ရုတ်တရက် ပြိုကျသွားပြီး သွေးအလိမ်းလိမ်းနှင့် ပုံရိပ်တစ်ခု ပေါက်ကွဲထွက်ပေါ်လာသည်။

သူကား ရာရှိုမွန်တပ်မှူးပင်တည်း။

ဤသည်ကို မြင်သောအခါ ပတ်ဝန်းကျင်သည် အတန်ငယ် တိတ်ဆိတ်သွား၏။

လျိုဟိုင်ချင်းနှင့် ရာရှိုမွန်တပ်မှူးတို့သည် တစ်ယောက်ကိုတစ်ယောက် စိုက်ကြည့်နေကြသည်။ လျိုဟိုင်ချင်းမှာ မှင်တက်အံ့ဩနေပြီး၊ ရာရှိုမွန်တပ်မှူး၏ မျက်နှာအမူအရာမှာမူ အလွန်အမင်း သုန်မှုန်နေ၏။

သူက ဒေါသများဖြင့် ပွက်ပွက်ဆူနေသည်။

"ကောက်ကျစ်တဲ့ လူသားမျိုးနွယ်၊ မင်းက ငါ နေရာလပ် ကူးပြောင်းတာကိုတောင် စွက်ဖက်နိုင်တာလား..."

လျိုဟိုင်ချင်းသည် အခြေအနေကို ချက်ချင်း သဘောပေါက်သွားပြီး သူ၏ မျက်လုံးများတွင် ဝမ်းမြောက်ဝမ်းသာရိပ်များ ပေါ်ထွက်လာသည်။

ဒါ သခင်လေး လုရီရဲ့ လက်ချက်ပဲ ဖြစ်ရမယ်။ သူ့မှာ နေရာလပ် ကူးပြောင်းတာကို စွက်ဖက်နိုင်တဲ့ မဟာ အခင်းအကျင်းကြီး ရှိနေခဲ့တာလား။

လျိုဟိုင်ချင်းမှာ ထပ်မံစဉ်းစားရန် အချိန်

မရှိတော့ဘဲ ဟက်ဟက်ပက်ပက် ရယ်မောလိုက်ကာ သူ၏ဝိညာဉ်စွမ်းအင်လှိုင်းများကို ထုတ်လွှတ်ပြီး ရာရှိုမွန်တပ်မှူးထံသို့ တိုးဝင်သွားသည်။

"ဟားဟားဟား! အပိုတွေ ပြောမနေနဲ့တော့၊ ဒီနေ့ဟာ မင်းသေရမယ့်နေ့ပဲ!"

---

နှစ်ဦးသား တစ်ဖန်ပြန်လည် ထိပ်တိုက်တွေ့ကြစဉ်၊ လုရီမှာမူ ပထမဆုံးအခွင့်အရေး၌ပင် လျိုဟိုင်ချင်း၏ နောက်ဘက်မှ နေရာလပ်ကူးပြောင်းမှုကို အသုံးပြုကာ ထွက်ခွာသွားခဲ့ပြီး ဖြစ်လေသည်။

ဤသည်မှာ နက်ရှိုင်းခြင်း အင်မော်တယ်များ၏ တိုက်ပွဲဖြစ်ရာ၊ ထိုနေရာတွင် ဆက်နေခြင်းသည် သေလမ်းကို ရှာနေခြင်းပင်။

ထိုနေရာလပ် ကူးပြောင်းရေး အဆောင်လက်ဖွဲ့သည် တပ်မှူး၏ နောက်ဆုံးအသက်ကယ်ဆေး ဖြစ်သည်မှာ ထင်ရှားပါ၏။

လုရီ၏ နှောင့်ယှက်မှုကို ခံလိုက်ရပြီးနောက် သူသည် လွတ်မြောက်နိုင်ခြင်း မရှိတော့ဘဲ၊ နောက်ဆုံး တွန်းလှန်ရန်မှတစ်ပါး အခြားရွေးချယ်စရာ မရှိတော့ပေ။

သူ၏ စွမ်းအားမှာ ယခင်ကထက်ပင် ပိုမိုကြီးမားလာသည်။

ကံကောင်းစွာပင်၊ လျိုဟိုင်ချင်းသည် အလွန်အားကောင်းပြီး၊ သူနှင့် ကြယ်တာရာနယ်မြေ တပ်မတော်တို့က ရာရှိုမွန်တပ်မှူးကို ယခင်ကတည်းက ဒဏ်ရာများရရှိအောင် ပြုလုပ်ထားခဲ့သည်သာ။

ရာရှိုမွန် တပ်မှူးက ကြီးမားသောစွမ်းအားကို ထုတ်လွှတ်သော်လည်း ကြာရှည်မခံခဲ့ပေ။ မကြာမီပင် သူ၏အရှိန်အဝါသည် ဆက်တိုက်အားနည်းလာပြီး သူ၏မူလအဆင့်ကိုပင် မထိန်းသိမ်းနိုင်တော့ပေ။ ထို့နောက်၊ မကျေမနပ်ဖြစ်နေသည့်ကြားမှပင် လျိုဟိုင်ချင်း ဖွဲ့တည်လိုက်သော ရွှေရောင်နေလုံးကြီး၏ ဝါးမြိုခြင်းကို ခံလိုက်ရလေတော့သည်။

ရွှေရောင်နေလုံးကြီး ပျောက်ကွယ်သွားသောအခါ၊ ရာရှိုမွန်တပ်မှူး၏ အရှိန်အဝါမှာ လုံးဝ ပျောက်ကွယ်သွားခဲ့ပြီ ဖြစ်လေ၏။

နှစ်ဦးသား တိုက်ခိုက်ခဲ့သော နေရာသည် ဟာလာဟင်းလင်း ဖြစ်နေသော လေဟာနယ်ထဲတွင် ဝိညာဉ်စွမ်းအင်မုန်တိုင်းများဖြင့် ပြည့်နှက်နေပြီး၊ အောက်ဘက်မှ မြေပြင်၏ ပထဝီအနေအထားမှာ လုံးဝ ပြောင်းလဲသွားခဲ့လေပြီ။ အသစ်ဖြစ်ပေါ်လာသော တောင်ကြားများစွာ၊ အစိတ်စိတ်အမြွှာမြွှာ ကွဲထွက်သွားသော မြေလွှာချပ်ကြီးများနှင့် ကြောက်မက်ဖွယ်ရာ အက်ကွဲကြောင်းများ၊ ချော်ရည်ပူများပင် အောက်မှ ပန်းထွက်နေလေသည်။

လျိုဟိုင်ချင်းသည် ရာရှိုမွန်တပ်မှူး၏ သိုလှောင် လက်စွပ်နှင့် ရုပ်အလောင်းကို သိမ်းဆည်းပြီးနောက် ပြန်လည် ပျံသန်းလာခဲ့သည်။

"သခင်လေး လုရီ၊ အဆင်ပြေရဲ့လား။"

သူက လုရီကို အလွန်အမင်း စိတ်လှုပ်ရှားနေသော အပြုံးဖြင့် ကြည့်ကာ မေးလာလေသည်။

လုရီက ပြုံးလိုက်ကာ

"ကျွန်တော် အဆင်ပြေပါတယ်။"

"ဟားဟားဟား၊ ဒီတစ်ခါတော့ ကျွန်တော်တို့နှစ်ယောက်လုံး ကြီးမားတဲ့ အောင်မြင်မှု ရခဲ့တာပဲ! သခင်လေး လုရီက ငါးစာအဖြစ် ဆောင်ရွက်ပေးပြီး ရာရှိုမွန်တပ်မှူးကို ဆွဲဆောင်လာနိုင်ခဲ့တဲ့အတွက် ကျေးဇူးတင်ပါတယ်။ နောက်ဆုံး နေရာလပ်စွက်ဖက်မှုကတော့... တကယ်ပဲ..."

လျိုဟိုင်ချင်းက လုရီကို လက်မထောင်ပြပြီး လေးစားမှုအပြည့်ဖြင့် ဆိုသည်။

"သခင်လေး လုရီ၊ ခင်ဗျားက တကယ်ပဲ ကြိုတင်ပြင်ဆင်မှု ကောင်းလှတယ်။ နေရာလပ်စွက်ဖက်ရေး မဟာအခင်းအကျင်းကြီးကိုတောင် အသင့်ပြင်ထားခဲ့တာပဲ!"

---

လုရီမှာ စကားမပြောနိုင်တော့ပေ။

သူ၏ မျက်မှောင်များက ကျုံ့သွား၏။

လျိုဟိုင်ချင်းထံတွင် နေရာလပ်ကို သီးခြားခွဲထုတ်သည့် မဟာအခင်းအကျင်းကြီး ရှိမှန်းသာ ကြိုသိခဲ့လျှင်၊ သူသည် ဤ

နေရာလပ်စွက်ဖက်ရေး အခင်းအကျင်းကို ပြင်ဆင်ရန် မလိုအပ်ခဲ့ပေ။

လုရီသည် ဤအရာကို အချိန်ဖြုန်းခြင်းဟုပင် ယခင်က တွေးထင်ခဲ့သေးသည်။

သို့သော်၊ တစ်ဖန်ပြန်စဉ်းစားကြည့်သည့်အခါ၊ ထိုအခင်းအကျင်းသာ မရှိခဲ့လျှင်

ရာရှိုမွန်တပ်မှူးသည် သေချာပေါက် လွတ်မြောက်သွားမည်ဖြစ်သည်။ ဤသို့ တွေးမိသောအခါ၊ လုရီသည် ၎င်းမှာ သူကိုယ်တိုင် အပြည့်အဝ ကြိုတင်ပြင်ဆင်ထားသော လှုပ်ရှားမှုတစ်ခုဖြစ်သည်ဟု ခံစားလိုက်မိတော့သည်။

သူက တောက်ပစွာ ပြုံးလိုက်သည်။

---

"တပ်မှူးလျိုက ကျွန်တော့်ကို မြှောက်လွန်းနေပါပြီ။"

---

လျိုဟိုင်ချင်း၏ မျက်လုံးများက အရောင်တောက်လာပြီး သူက ဆိုသည်။

---

"အခု ရာရှိုမွန်တပ်မှူး သေသွားပြီဆိုတော့၊ နံပါတ် ၄ ဂြိုလ်ပေါ်က ရာရှိုမွန်တပ်ဖွဲ့တွေက ဦးမဲ့နဂါးတွေ ဖြစ်သွားပြီ။ ကျွန်တော်တို့ရဲ့ အင်အားနဲ့ဆိုရင် သူတို့ကို အပြီးတိုင် ချေမှုန်းနိုင်ပါပြီ။"

---

ထိုစကားကို ကြားသောအခါ လုရီ၏ မျက်လုံးများလည်း အရောင်တောက်လာပြီး၊ ဤသည်မှာ အမှန်တကယ်ပင် ဖြစ်နိုင်ကြောင်း သိလိုက်သည်။

ရာရှိုမွန်တပ်မှူး သေဆုံးသွားသည်နှင့်အမျှ၊ ရာရှိုမွန်မျိုးနွယ်တွင် လျိုဟိုင်ချင်းကို

ယှဉ်နိုင်မည့်သူ မရှိတော့ပေ။

လျိုဟိုင်ချင်း၏ စွမ်းအားဖြင့်ဆိုလျှင်၊ သွေးငရဲတပ်မတော်တစ်ခုလုံးက သူ့ကို ဝိုင်းဝန်းတိုက်ခိုက်ခြင်းမပြုပါက အောင်ပွဲရရန် အခွင့်အလမ်းမရှိပေ။

သွေးငရဲတပ်မတော်က လျိုဟိုင်ချင်းကို ခုခံတိုက်ခိုက်လျှင်ပင်၊ ကြယ်တာရာနယ်မြေစစ်တပ်မှ စွမ်းအားရှင်များက လက်ပိုက်ကြည့်နေမည်လော။

ကျင့်ကြံခြင်းလောကတွင်၊ စွမ်းအားကြီးမားသော ကျင့်ကြံသူတစ်ဦးတည်းက တိုက်ပွဲ၏ရလဒ်ကို ပြောင်းလဲနိုင်သည်မှာ နောက်ပြောင်စရာမဟုတ်ပေ။

လုရီ၏ မျက်လုံးများက စိတ်လှုပ်ရှားမှုဖြင့် တဖျတ်ဖျတ်လက်နေသည်။

---

"ဒါဆိုရင် ရာရှိုမွန်မျိုးနွယ်က စွမ်းအားရှင်တစ်စုကို ကျွန်တော်တို့ ချေမှုန်းနိုင်တော့မှာပေါ့?!"

---

ရာရှိုမွန်စခန်းတစ်ခုကို ဖျက်ဆီးရုံဖြင့် ဆုလာဘ်များက အလွန်များပြားနေပြီ။ နံပါတ် ၄ ဂြိုလ်ပေါ်ရှိ ရာရှိုမွန်မျိုးနွယ်အားလုံးကို သတ်ဖြတ်နိုင်ခဲ့လျှင်ရော။

စဉ်းစားကြည့်ရုံဖြင့်၊ အလုပ်ဆုလာဘ်များမှာ အလွန်အမင်း များပြားမည်ကို သိနိုင်သည်။

လျိုဟိုင်ချင်းက လေးနက်စွာ ခေါင်းညိတ်ပြီးနောက် ဆိုသည်။

---

"ဒါပေမယ့် သူတို့ကို အချိန်ပေးလို့ မဖြစ်ဘူး။ အစောက တိုက်ပွဲက အသံကျယ်လွန်းတော့ သူတို့ တပ်မှူး သေဆုံးတာကို မကြာခင် သိသွားကြလိမ့်မယ်။ အဲ့ဒီအခါကျရင် သူတို့ ဆုတ်ခွာသွားနိုင်တယ်၊ ဒါမှမဟုတ် အခြားရာရှိုမွန် စွမ်းအားရှင်တွေဆီက အထောက်အပံ့ ရသွားနိုင်တယ်။ အဲဒီလိုမဖြစ်ခင် ကျွန်တော်တို့က အရင်ဆုံး ဦးဆောင်လုပ်ကိုင်ရမယ်။"

---

လုရီ၏ မျက်လုံးများက အရောင်တောက်လာပြီး ခေါင်းညိတ်လိုက်သည်။

"ဟုတ်ပါတယ်၊ တပ်မှူးလျို ပြောတာမှန်တယ်။"

ထိုအခါ လျိုဟိုင်ချင်းက အသိပေးလိုက်တော့သည်။

"ကျွန်တော် အခုပဲ အဓိကစခန်းကို အလုံးစုံထိုးစစ်ဆင်ဖို့ အကြောင်းကြားလိုက်မယ်။ သခင်လေး လုရီ၊ ဒီတစ်ခါတော့ ခင်ဗျား ပင်ပန်းသွားပြီ။ ကြယ်တာရာနယ်မြေတပ်မတော်က ကျင့်ကြံသူတွေနဲ့အတူ ခဏလောက် အနားယူလိုက်ပါဦး။"

---

လုရီက တစ်ဖန် ခေါင်းညိတ်လိုက်သည်။

လျိုဟိုင်ချင်းက အဓိကစခန်းသို့ သတင်းစတင်ပေးပို့နေစဉ်၊ လုရီက လျိုနင်ရွှမ်းနှင့် အခြားသူများထံသို့ ဦးတည်သွား၏။ သူတို့၏ဘေးတွင် ကြယ်တာရာနယ်မြေတပ်မတော်မှ ကျင့်ကြံသူများ ရှိနေကြသည်။

ကြယ်တာရာနယ်မြေ တပ်မတော်မှ ကျင့်ကြံသူအများစုမှာ ပြင်းထန်စွာ ဒဏ်ရာမရကြပေ။ အဓိကအားဖြင့် သူတို့သည် အလွန်အမင်း ပင်ပန်းနွမ်းနယ်နေကြခြင်းသာ ဖြစ်၏။

မည်သို့ပင်ဆိုစေ၊ သူတို့ ရင်ဆိုင်ခဲ့ရသည်မှာ နက်ရှိုင်းခြင်း အင်မော်တယ် တစ်ပါး ဖြစ်ပြီး သူတို့၏ တပ်အခင်းအကျင်းကို ဖွဲ့စည်းခဲ့ရာ၊ စွမ်းအင်ကုန်ခမ်းမှုမှာ များပြားသည်မှာ သဘာဝကျလေ၏။

ထိုအခိုက်တွင်၊ ဤကြယ်တာရာနယ်မြေတပ်မတော်မှ ကျင့်ကြံသူများသည် ကြယ်တာရာခြင်ဆီကို အသုံးပြု၍ ပြန်လည်နာလန်ထူနေကြသည်။

ကြယ်တာရာခြင်ဆီအစက်များကို သောက်သုံးနေသော ကြယ်တာရာနယ်မြေတပ်မတော်မှ ကျင့်ကြံသူများကို ကြည့်ရင်း၊ အမ်ဘာနှင့် အခြားသူများမှာ တံတွေးမျိုချမိကြပြီး၊ သူတို့၏ မျက်လုံးများမှာ

မနာလိုမှုများဖြင့် ပြည့်နှက်ကာ စိမ်းလန်းနေတော့သည်။

ထိုစဉ် ...လုရီက လျိုဟိုင်ချင်း၏ စကားကို လျိုနင်ရွှမ်းနှင့် အခြားသူများထံသို့ ပြန်လည်ပြောပြလိုက်ရာ၊ ချက်ချင်းပင် လူတိုင်း၏ မျက်လုံးများက တောက်ပလာကြသည်။

ကျန်းရူယွီက စိတ်လှုပ်ရှားစွာဖြင့် လုရီ၏ ပခုံးကို အကြိမ်ကြိမ် ပုတ်ကာ ပြောလိုက်သည်။

"ဒါက သိပ်ကောင်းတာပဲ! ဒီလိုဆိုရင် ငါတို့ ရာရှိုမွန်စွမ်းအားရှင်တစ်စုကို ချေမှုန်းပြီး ရာရှိုမွန်မျိုးနွယ်ရဲ့ အင်အားကို အားနည်းသွားအောင် လုပ်နိုင်ပြီ။ ဟွန့်...နင်က တကယ်ပဲ ပုံမှန်မဟုတ်တဲ့ ဂျူနီယာမောင်လေးဆိုတဲ့ နာမည်နဲ့ ထိုက်တန်ပါပေတယ်။ အစောက နင် ရှေ့ကိုပြေးထွက်သွားတုန်းက ငါ့ကို သေမလောက် ကြောက်အောင် လုပ်လိုက်တာပဲ။"

---

လျိုနင်ရွှမ်းလည်း ခေါင်းညိတ်လိုက်ပြီး လုရီကို အနည်းငယ် အပြစ်တင်ဟန်ဖြင့် ကြည့်ကာ

"ဂျူနီယာမောင်လေး၊ နောက်တစ်ခါ ဘာမှမပြောဘဲ ဒီလို ရှေ့ကို ပြေးမထွက်ပါနဲ့၊ အရမ်း စိတ်ပူရတယ်။"

ယွင်ရှီးနှင့် သုန်းကုန်းမင်ယွဲ့တို့ နှစ်ဦးလုံး၏ မျက်နှာများမှာလည်း မကျေမနပ်ဖြစ်နေသော အမူအရာများဖြင့် ပြည့်နှက်နေ၏။

အမ်ဘာနှင့် အခြားသူများမှာ လုရီ၏ မှိုင်တွေ၍ ကူကယ်ရာမဲ့နေသော အမူအရာကို မြင်သောအခါ မရယ်ဘဲ မနေနိုင်ကြတော့ပေ။ အရာရာကို အနိုင်ယူနိုင်သော

လုရီပင်လျှင် အငိုက်မိသွားသည့် အခိုက်အတန့် ရှိလိမ့်မည်ဟု သူတို့ မထင်ခဲ့ကြပေ။

လုရီက တခစ်ခစ်ရယ်နေသော လုံယွမ်နှင့် အခြားသူများကို မျက်စောင်းထိုးလိုက်ပြီး အေးစက်စွာ ပြောလာလေသည်။

"အဟွန်း..လူကြီးမင်းတို့၊ အဆုံးသတ်ထိုးစစ်က စတော့မယ်နော်၊ ခင်ဗျားတို့အားလုံး ဒဏ်ရာမရဘူးလို့ ယုံကြည်ချက်ရှိနေကြပုံပဲ၊ ဟုတ်တယ်မလား။"

---

ထိုအခါ အမ်ဘာနှင့် အခြားသူများ ချက်ချင်းပင် ပြန်လည်တည်ငြိမ်သွားကြ၏။

"ဒီလိုအချိန်မျိုးမှာ မိတ်ဆွေလေးလုရီ မရှိဘဲ ဘယ်ဖြစ်ပါ့မလဲ။ ကျွန်တော်တို့ မိတ်ဆွေလေးလုရီရဲ့ ကုသမှုအကူအညီကိုပဲ အားကိုးရမှာပါ။"

---

"သခင်လေး လုရီရဲ့ စွမ်းအားက အံ့မခန်းပါပဲ။ ကျွန်တော်တို့ ခင်ဗျားကိုပဲ အားကိုးမျှော်လင့်နေမှာပါ။"

"..."

ထိုအခါမှသာ လုရီက ကျေနပ်စွာဖြင့် ခေါင်းညိတ်လိုက်သည်။

မကြာမီပင်၊ ကြယ်တာရာနယ်မြေစစ်တပ်မှ ကျင့်ကြံသူအားလုံး တစ်ဦးပြီးတစ်ဦး ပြန်လည်နာလန်ထူလာကြပါ၏။

သူတို့သည် လျိုဟိုင်ချင်းထံမှ အမိန့်များကို လက်ခံ ရရှိပြီး၊ သူတို့၏ မျက်လုံးများမှာ တောက်ပနေပြီး တိုက်ခိုက်လိုစိတ်များဖြင့် လက်သီးများ ယားယံနေကြတော့သည်။