အခန်း (၅၇၄-၅၇၆)

အခန်း ၅၇၄- အင်မော်တယ်တက်လှမ်းခြင်း သိုင်းနည်းစနစ် ပေါက်ကွဲထွက်ခြင်း၊ ဓားတစ်ချက်တည်းဖြင့် ကောင်းကင်ဘုံအင်မော်တယ် အထွတ်အထိပ်ကို သုတ်သင်ခြင်း…

~တိုက်ပွဲသည် အလွန်ပင် ပြင်းထန်လှ၏။ နှစ်ဖက်စလုံးမှ အင်မော်တယ်များသည် မျက်လုံးများ နီရဲကာ သူတို့၏ပြိုင်ဘက်များမှလွဲ၍ အခြားမည်သည့်အရာကိုမျှ မမြင်နိုင်တော့သည်အထိ တိုက်ပွဲဝင်နေကြတော့သည်။

လေဟာနယ်အတွင်း၌ ကောင်းကင်ယာဉ်ပျံများသည် ရန်သူများကို ပစ်ချရန် သို့မဟုတ် သတ်ဖြတ်ရန် ကြိုးပမ်းရင်း အဆက်မပြတ် သွားလာနေကြတော့သည်။

ဤအခိုက်အတန့်၌၊ ရှုပ်ထွေးပွေလီလှသော တိုက်ပွဲမြေပြင်အလယ်တွင် လုရီသည် ဝမ်ယွမ်ယွမ်၊ စီမင်၊ အမ်ဘာနှင့် အခြားသူများနှင့်အတူ ပုံရိပ်ယောင်ကဲ့သို့ ဝိုးတဝါး ရွေ့လျားနေလေသည်။

နေရာလပ်ကို တစ်ကြိမ်ဖြတ်ကျော်လိုက်တိုင်း သူတို့ကို ကီလိုမီတာတစ်သိန်းကျော်သို့ သယ်ဆောင်သွားရာ အလွန်အမင်း လျင်မြန်လှသော အရှိန်အဟုန်ဖြစ်၏။

ထို့အပြင် သူတို့၏ ပစ်မှတ်မှာ သေးငယ်သောကြောင့် လုရီသည် အစွန်အဖျားဒေသများမှတစ်ဆင့် ရွေ့လျားရန် အထူးရွေးချယ်ခဲ့ရာ မည်သူ့ထံမှ ထောက်လှမ်းခြင်း မခံခဲ့ရချေ။

မကြာမီပင်၊ လုရီသည် စီမင်နှင့် အခြားသူများကို ကီလိုမီတာပေါင်း သန်းနှင့်ချီ၍ ဦးဆောင်ခေါ်လာခဲ့ပြီးနောက် ရာရှိုမွန်မျိုးနွယ်၏ အဓိကယာဉ်ပျံအနီးသို့ ချဉ်းကပ်လာနိုင်ခဲ့သည်။

၎င်းသည် အလွန်တရာ ကြီးမားသော သွေးရောင်ကောင်းကင်ယာဉ်ပျံ သင်္ဘောကြီးတစ်စင်းဖြစ်ပြီး ကြမ်းတမ်းသော ဆူးချွန်များဖြင့် ဖုံးလွှမ်းနေကာ ယာဉ်ဦးပိုင်းတွင်မူ ကြီးမားလှသော ရာရှိုမွန်မိစ္ဆာမျက်နှာပုံ ပန်းပုထွင်းထား၏။

ဤကောင်းကင်ယာဉ်ပျံကြီးကို ထူထပ်သော အခင်းအကျင်းအင်းကွက်များက ဝန်းရံထားပြီး၊ ၎င်းတို့က ယာဉ်ပျံကြီးကို အတွင်း၌လုံခြုံစွာ ထားရှိသည့် မဟာအခင်းအကျင်းပေါင်းများစွာကို ဖွဲ့စည်းထားရာ ချိုးဖျက်ဝင်ရောက်ရန် မဖြစ်နိုင်သလောက်ပင်။

"သခင်လေးလုရီ၊ ကျွန်တော်တို့ တကယ်ပဲ ဝင်လို့ရပါ့မလား။" စီမင်က ဖြေရှင်းရန်မလွယ်ကူဟု ထင်ရသော နက်ရှိုင်းခြင်းအင်မော်တယ်အဆင့် ကာကွယ်ရေးအခင်းအကျင်းကို ကြည့်ရင်း စိုးရိမ်မှုအချို့ဖြင့် မေးမြန်းလိုက်သည်။

လုရီကမူ ခပ်ပြုံးပြုံးသာ နေလိုက်၏။

နောက်တစ်ခဏ၌ သူသည် နေရာလပ်နိယာမ စွမ်းအားကို အစွမ်းကုန် ထုတ်ဖော်ကာ ကောင်းကင်ဥမင်ကျောက်ပြားဖြင့် အားဖြည့်လိုက်၍ မဟာအခင်းအကျင်း၏ ကြားနေရာလပ်တစ်ခုမှတစ်ဆင့် ချက်ချင်းပင် ဖြတ်သန်းသွားတော့သည်။

နေရာလပ်သည် လိမ်ကောက်သွားပြီး လုရီနှင့် သူ့အဖွဲ့သည် ရာရှိုမွန် အဓိက ယာဉ်ပျံအတွင်း၊ သွေးရောင် သတ္တုများဖြင့် ပြည့်နှက်နေသော စင်္ကြံ

တစ်ခုထက်သို့ ရောက်ရှိသွားလေ၏။

"ငါတို့ တကယ်ပဲ ဝင်လာနိုင်ခဲ့ပြီ။" စီမင်၏ နက်မှောင်သော မီးခိုးရောင် သူငယ်အိမ်များတွင် အံ့ဩမှု အရိပ်အယောင် တစ်စ ထင်ဟပ်သွားကာ တကိကြွစွာ ပြောလာသည်။

"စတင် လှုပ်ရှားကြ။ ပထမဆုံး၊ ငါတို့ အဓိကယာဉ်ပျံရဲ့ တွန်းကန်အားအခင်းအကျင်းကို ဖျက်ဆီးမယ်။" ဝမ်ယွမ်ယွမ်က ချက်ချင်းပင် အမိန့်ပေးလိုက်သည်။

အမ်ဘာနှင့် အခြားသူများ၏ မျက်လုံးများမှာလည်း တောက်ပလာပြီး အပြုံးများ ပေါ်လာကြသည်။

ထိုအခိုက်မှာပင်၊ စင်္ကြံအတွင်းမှ အလင်းတန်းများ တိုးထွက်လာကြ၏။ ၎င်းတို့မှာ ရာရှိုမွန်မျိုးနွယ်မှ စွမ်းအားရှင်အဆင့် ကျင့်ကြံသူများ ဖြစ်ကြသည်။

နေရာလပ်လှိုင်းဂယက်များက သူတို့ကို ဆွဲဆောင်လာခဲ့ခြင်းပင်။

ထိုစွမ်းအားရှင်အဆင့် ကျင့်ကြံသူများသည် လုရီနှင့် သူ့အဖွဲ့ကို မြင်သောအခါ အံ့အားသင့်ကာ ရပ်တန့်သွားပြီး ရှုပ်ထွေးသော အမူအရာများဖြင့် အကြောင်သား ကြည့်နေကြသည်။

"မင်းတို့က... ကောင်းကင်ကြယ်တာရာနယ်မြေက ကျင့်ကြံသူတွေလား။ မင်းတို့ ဘယ်လိုလုပ် ဝင်လာကြတာလဲ။"

ရာရှိုမွန်မျိုးနွယ် ကျင့်ကြံသူများသည် တစ်စုံတစ်ခု မှားယွင်းနေကြောင်း သဘောပေါက်သွားကြ၏။ သူတို့၏မျက်နှာများတွင် ကြောက်ရွံ့မှုနှင့် သတိကြီးစွာထားသော အမူအရာများ ပြည့်နှက်သွားကာ လုရီနှင့် သူ့အဖွဲ့ကို သတိထားကာ ကြည့်နေကြသည်။

ဦးဆောင်နေသော တပ်မှူး၏ ဝိညာဉ်စွမ်းအင်သည် လှိုင်းထသွားပြီး အခြားသူများကို အချက်ပေးရန် ကြိုးပမ်းလိုက်၏။

ထိုအခိုက်အတန့်၌၊ စီမင်က ရာရှိုမွန် မျိုးနွယ် ကျင့်ကြံသူ အနည်းငယ်ကို တစ်ချက်ကြည့်လိုက်ပြီး လေသံ ခပ်နိမ့်နိမ့် ကြုံးဝါးလိုက်သည်။

"သေစမ်း။"

နောက်တစ်ခဏတွင်၊ ရာရှိုမွန် မျိုးနွယ် ကျင့်ကြံသူများသည် တောင့်တင်းသွားကြပြီး သူတို့၏

အသက်စွမ်းအားများသည် သေခြင်းတရားစွမ်းအားတစ်မျိုးမျိုးကြောင့် ဆုတ်ယူခံလိုက်ရသည့်အလား ချက်ချင်းပင် သေဆုံးသွားကြတော့သည်။

လုရီက စီမင်ကို တစ်ချက်ကြည့်လိုက်သည်။ ဤကြယ်တာရာနယ်မြေတပ်မတော် တပ်မှူးသည် သေခြင်းတရား နိယာမကို ကျွမ်းကျင်ပိုင်နိုင်ကြောင်း သူသည် အစောကတည်းက သတိပြုမိခဲ့သည်။

ဤသည်မှာ အလွန်အားကောင်းသော နိယာမတစ်ခုဖြစ်ပြီး ကြယ်တာရာနယ်မြေတပ်မတော် တပ်မှူးဖြစ်လာသူများသည် သာမန်လူများမဟုတ်ကြသည်မှာ ထင်ရှားလှသည်။ သူတို့သည် သူတို့၏ ကိုယ်ပိုင်ဂြိုဟ်များမှ ထိပ်တန်းပါရမီရှင်များ ဖြစ်ကြပေသည်။

"သခင်လေးလုရီ၊ အခင်းအကျင်း မျက်လုံးက ဘယ်နေရာမှာလဲ။ ရှင် ပိုင်းခြားသိမြင်

နိုင်မလား။"

ဝမ်ယွမ်ယွမ်က လုရီဘက်သို့ ကြည့်ကာ အလျင်စလို မေးမြန်းလိုက်သည်။

သူတို့ အတွင်းသို့ ဝင်ရောက်နိုင်ခဲ့သော်လည်း

ရာရှိုမွန်မျိုးနွယ်သည် မကြာမီ သတင်းရရှိသွားမည်မှာ သေချာပြီး အပြင်မှ ရာရှိုမွန်

အင်မော်တယ်များသည်လည်း အလျင်အမြန် တပ်ခေါက်လာကြပေလိမ့်မည်။

ကျူးကျော်တိုက်ခိုက်နေသော ကြယ်တာရာနယ်မြေ တပ်မတော်သည် နက်ရှိုင်းခြင်း

အင်မော်တယ် နှစ်ဦးကို ဟန့်တားထားနိုင်သည့်တိုင် ကြယ်တာရာနယ်မြေ တပ်မတော်၏ အစစ်အမှန် အင်မော်တယ် စွမ်းအားရှင်များသည် ရာရှိုမွန် မျိုးနွယ်ထက် အရေအတွက်နည်းပါးနေသေးရာ သွေးငရဲ တပ်မတော်မှ အင်အားကြီးသူအားလုံးကို တားဆီးနိုင်ဖွယ် မရှိချေ။

သူတို့ထံတွင် အချိန်များများစားစား မရှိတော့ပါ။

လုရီက ပတ်ပတ်လည်ကို တစ်ချက် ကြည့်ကာ ခဏမျှ အာရုံခံလိုက်ပြီးနောက် ဆို၏။

"ဒီလမ်းပါ။"

လုရီသည် အစစ်အမှန်အင်မော်တယ်အဆင့် အခင်းအကျင်းတာအို၏ အသေးစိတ်အချို့ကို သူနားလည်ထားခဲ့သည့်အတွက် အနည်းငယ် ကံကောင်းသည်ဟု ခံစားလိုက်ရသည်။

သို့မဟုတ်ပါက အခင်းအကျင်း မျက်လုံးကို ရှာဖွေရန် အချိန်အနည်းငယ် ကြာမြင့်ပေလိမ့်မည်။

အချိန်သည် လူကို မစောင့်ကြောင်း လုရီလည်း သိထားပြီး ဖြစ်ပါ၏။

အဖွဲ့သည် အခင်းအကျင်းဗဟိုချက်ရှိရာဘက်သို့ ရွေ့လျားသွားကြသည်။

မကြာမီပင်၊ ရာရှိုမွန်မျိုးနွယ် ကျင့်ကြံသူများ ပိုမိုပေါ်ထွက်လာကြပြီး ဤတစ်ကြိမ်တွင်မူ ရာရှိုမွန်မျိုးနွယ်၏ သွေးငရဲ တပ်မတော်မှ တပ်ဖွဲ့တစ်ဖွဲ့ဖြစ်ကာ ကောင်းကင်ဘုံ အင်မော်တယ် အဆင့်

ရာရှိုမွန်မျိုးနွယ် အင်မော်တယ် ဆယ်ဦးကျော်လည်း ပါဝင်လာ၏။

ရာရှိုမွန်မျိုးနွယ် တပ်မှူးသည် ရာရှိုမွန်

အင်မော်တယ် အများအပြားကို ကြယ်တာရာနယ်မြေတပ်မတော်အား တိုက်ခိုက်ရန် ခေါ်ဆောင်သွားခဲ့သော်လည်း အဓိကယာဉ်ပျံအတွင်း၌ အင်အားတော်တော်များများကို ချန်ထားခဲ့သေး၏။

ထိုအခိုက်တွင် တစ်စုံတစ်ဦးသည် အဓိကယာဉ်ပျံအတွင်းသို့ တကယ်တမ်း ခိုးဝင်လာသည်ကို မြင်သောအခါ သွေးငရဲတပ်မတော်သားအားလုံး၏ မျက်နှာထက်တွင် အံ့အားသင့်ဟန်များ ထင်ဟပ်လာသည်။

ရာရှိုမွန်မျိုးနွယ် အင်မော်တယ်များစွာကို မြင်သော် အမ်ဘာနှင့် အခြားသူများ၏ စိတ်ထဲတွင် ထိတ်လန့်တုန်လှုပ်မှုတစ်ခု ပေါက်ကွဲသွား၏။

စီမင်၏ မျက်နှာထက်တွင် အေးစက်မှုအရိပ်အယောင်တစ်ခု ထင်ဟပ်လာပြီး အမိန့်ပေးလိုက်သည်။

"ထိုးဖောက်ဝင်ရောက်ကြ။"

ဝမ်ယွမ်ယွမ်နှင့် စီမင်တို့သည် ချက်ချင်းပင် ရှေ့သို့ တိုးဝင်သွားကြသည်။ ထိုနှစ်ဦး ရှေ့တက်တိုက်ခိုက်သည်ကို မြင်သောအခါ သွေးငရဲတပ်မတော် တပ်မှူး၏ မျက်နှာသည် အေးစက်သွားပြီး ကြောက်မက်ဖွယ် ရယ်မောလိုက်ကာ ခွန်းတုံ့ပြန်လိုက်သည်။

"သတ္တိကောင်းနေပါလား။ ကြယ်တာရာနယ်မြေတပ်မတော်က နှစ်ယောက်တည်းနဲ့များ ရှေ့ဆုံးက တက်တိုက်ရဲတယ်ပေါ့။ သေကြစမ်း..."

သွေးငရဲ တပ်မတော်မှ ငါးဦးသည် သူတို့ကို ရင်ဆိုင်ရန် ချက်ချင်းပင် ရှေ့သို့ တက်လာကြသည်။

အခြား အင်မော်တယ်များသည်လည်း လုရီနှင့် သူ့အဖော်များဆီသို့ ပြေးဝင် တိုက်ခိုက်လာကြသည်။

စင်္ကြံသည် မကျယ်ဝန်းလှဘဲ မီတာသုံးဆယ်ကျော်သာ ကျယ်သော်လည်း ကျင့်ကြံသူအနည်းငယ် ဖြတ်သန်းသွားလာရန်တော့ နေရာရှိနေသေးသည်။

ဝမ်ယွမ်ယွမ်နှင့် စီမင်တို့သည် သွေးငရဲတပ်မတော်မှ အဖွဲ့ဝင်ငါးဦးနှင့် ရင်ဘောင်တန်း တိုက်ခိုက်လိုက်ကြရာ သူတို့၏ တိုက်ခိုက်မှုလှိုင်းများက ပတ်ဝန်းကျင်ကို ဖျက်

ဆီးသွား၏။

ကောင်းကင်ဘုံ အင်မော်တယ် အဆင့် စွမ်းအားရှင်များအားလုံးသည် ဝိညာဉ် စွမ်းအင် လှိုင်းလုံးများကြောင့် လွင့်စဉ်သွားကြသည်။

ထိုကောင်းကင်ဘုံ အင်မော်တယ်များသည်လည်း သူတို့၏ ကိုယ်ပိုင် ပြိုင်ဘက်များကို ရင်ဆိုင်ရန် အာရုံစိုက်လိုက်ကြသည်။

ရာရှိုမွန်မျိုးနွယ်က လုရီတို့အဖွဲ့ထက် အင်မော်တယ်အရေအတွက် ပိုမိုများပြားပြီး သူတို့အထဲတွင် ကောင်းကင်ဘုံအင်မော်တယ် အထွတ်အထိပ်အဆင့်တစ်ဦး၊ ကောင်းကင်ဘုံအင်မော်တယ် ကိုးလွှာ နှစ်ဦးပါဝင်၏။ ကျန်သူများမှာလည်း ထူးကဲစွာ အားကောင်းကြသည်။

ဤအချက်က အမ်ဘာနှင့် အခြားသူများ၏ စိတ်ကို လေးလံသွားစေသည်။

သူတို့အထဲတွင် အမြင့်ဆုံးကျင့်ကြံမှုအဆင့်မှာ

ပါ့မူ ဖြစ်ပြီး သူသည် ကောင်းကင်ဘုံအင်မော်တယ် ကိုးလွှာ၌သာ ရှိနေသေးသည်။

ကျန်သူများမှာ ပို၍ပင် အားနည်းကြရာ ဤမျှများပြားသော ရာရှိုမွန်မျိုးနွယ် အင်မော်တယ်များကို ရင်ဆိုင်ရမည် ဖြစ်၍ သူတို့စိတ်ထဲ၌ မလုံမလဲ ဖြစ်နေကြ၏။

"အရမ်းများလွန်းနေပြီ မဟုတ်လား။"

မီချီက သူ၏ နှုတ်ခမ်းများ ခြောက်ကပ်လာသည်ကို ခံစားမိရင်း ဆိုလိုက်သည်။

"သတ်။"

ရာရှိုမွန်မျိုးနွယ်၏ ကောင်းကင်ဘုံအင်မော်တယ်များသည် ထိုအတိုင်း ရပ်ကြည့်နေမည်မဟုတ်ပေ။ သူတို့၏ မျက်လုံးများတွင် သတ်ဖြတ်လိုစိတ်များ ပွက်ပွက်ဆူနေကာ သူတို့ထံသို့ တိုးဝင်လာကြ၏။

"ကျုပ်တို့ ဘာလုပ်သင့်လဲ၊ ရောင်းရင်းလုရီ။"

ပါ့မူက သူ၏ ဝိညာဉ်စွမ်းအင်များ ပေါက်ကွဲထွက်လာစဉ် ဟိန်းဟောက်လိုက်သည်။

လုရီ၏ မျက်လုံးများတွင် ဝိညာဉ်အလင်းတန်းများ တစ်ချက်လက်သွားပြီး သူ၏ဝိညာဉ်စွမ်းအင်သည်လည်း ပေါက်ကွဲထွက်လာကာ ကြွေးကြော်လိုက်သည်။

"သတ်ရမှာ ပေါ့။"

လုရီသည် ဘာကိုမျှ ချန်မထားတော့ဘဲ အင်မော်တယ်တက်လှမ်းခြင်း သိုင်းနည်းစနစ်ကို ချက်ချင်းပင် အသုံးပြုလိုက်တော့သည်။

အထွတ်အထိပ်အဆင့် အင်မော်တယ်တက်လှမ်းခြင်း သိုင်းနည်းစနစ်သည် အလွန်တရာ အားကောင်းလှ၏။ လုရီ၏ ခန္ဓာကိုယ်အတွင်းမှ ဝိညာဉ်စွမ်းအင်များကို ချုံ့လိုက်ပြီးနောက် ပေါက်ကွဲထွက်စေရာ သူ၏အရှိန်အဝါသည်

တဟုန်ထိုး ထိုးတက်သွားတော့၏။

တစ်ဆ၊ နှစ်ဆ၊ သုံးဆ...။

မကြာမီပင် လုရီ၏ ဝိညာဉ် စွမ်းအင်ဖိအားသည် ကောင်းကင်ဘုံအင်မော်တယ် ခုနစ် အလွှာကိုပင် ကျော်လွန်သွားပြီး ကောင်းကင်ဘုံအင်မော်တယ် ရှစ်လွှာ အဆင့်သို့ ရောက်ရှိသွား၏။

သင် သိထားသင့်သည်မှာ လုရီ၏ ကျင့်ကြံမှုအဆင့်သည် ကပ်ဘေးဖြတ်ကျော် ငါးလွှာ၌သာ ရှိနေသေးခြင်းပင်။

အထွတ်အထိပ် နယ်ပယ်မှ အင်မော်တယ်တက်လှမ်းခြင်း သိုင်းနည်းစနစ်သည် မယုံနိုင်လောက်အောင် ကြီးမားသော တိုးတက်မှုကို ဆောင်ကြဉ်းပေးခဲ့သည်။

အနီးအနားမှ ပါ့မူနှင့် အခြားသူများ၏ မျက်လုံးများသည် သူတို့၏ မျက်ခွက်များမှ ပြုတ်ထွက်လုမတတ် ဖြစ်သွားကြသည်။

ရှေ့မှ ရာရှိုမွန်မျိုးနွယ် ကျင့်ကြံသူများအကြောင်းကိုတော့ ပြောစရာပင် မလိုတော့ပေ။

သူတို့သည် မျက်လုံးများ ပြူးကျယ်သွားကြပြီး မယုံကြည်နိုင်မှုများဖြင့် ပြည့်နှက်နေသည်။

"ဒါ ဘယ်လိုလုပ် ဖြစ်နိုင်မှာလဲ။"

"ကပ်ဘေးဖြတ်ကျော်အဆင့် တစ်ယောက်က ဘယ်လိုလုပ် ဒီလောက်အားကောင်းတဲ့ အရှိန်အဝါကို ပိုင်ဆိုင်နိုင်ရတာလဲ။"

သူတို့ မယုံကြည်နိုင်ကြသော်လည်း အမှန်တရားသည် သူတို့၏ မျက်စိရှေ့တွင်ပင် ရှိနေရာ လက်ခံရန်မှတစ်ပါး အခြားရွေးချယ်စရာမရှိတော့ပေ။

"လျှို့ဝှက် သိုင်းနည်းစနစ် သုံးတော့ရော ဘာဖြစ်လဲ။ ဒီကောင်က ကောင်းကင်ဘုံ အင်မော်တယ် ရှစ်လွှာ အဆင့်ပဲ ရှိသေးတာ၊ သေစမ်း။"

ဦးဆောင်နေသော ကောင်းကင်ဘုံ အင်မော်တယ်

အထွတ်အထိပ် အဆင့် ရာရှိုမွန် မျိုးနွယ်ဝင်က မျက်နှာထား တင်းမာစွာဖြင့် ဟိန်းဟောက်လိုက်သည်။

သူ၏လက်ထဲတွင် ကြီးမားလှသော ဓားရှည်ကြီးတစ်လက်ကို ကိုင်ဆောင်ထားပြီး ၎င်းသည် ထူထဲသော သွေးရောင်အလင်းတန်းများ ထုတ်လွှတ်နေကာ လုရီရှိရာသို့ လွှဲယမ်းပိုင်းဖြတ်လိုက်သည်။

ထိုသွေးရောင်ဓား အလင်းတန်းသည် အလွန်တရာ တန်ဖိုး ကြီးမားသော အင်မော်တယ်ရွှေဖြင့် ပြုလုပ်ထားသည့် စင်္ကြံကို ဖြတ်သန်းသွားသည်။ ကောင်းကင်ဘုံအင်မော်တယ်များပင် ၎င်းကို မချိုးဖျက်နိုင်ဘဲ တိမ်သော ဓားဒဏ်ရာတစ်ခုသာ ချန်ထားနိုင်ခဲ့သည်။

ဓားအလင်းတန်းသည် လုရီထံသို့ ပိုင်းဖြတ်လာသော်လည်း လုရီသည် တည်ငြိမ်နေဆဲ ဖြစ်ပြီး ရှောင်တိမ်းခြင်း မပြုချေ။

တချိန်တည်း‌ဆိုသလိုပင် လုရီ လက်ထဲတွင် ကြယ်များ လင်းလက်နေ၏။ မိစ္ဆာချေမှုန်းရေးဓား ပေါ်ထွက်လာခြင်းပင်။

ရန်သူအား သူ၏ ဓားဖြင့် ထိုးနှက်လိုက်၏။

အထွတ်အထိပ်အဆင့် ကြယ်ဖြတ်ဓားကွက်

အင်မော်တယ်ဓားသိုင်းသည် မျက်စိကျိန်းလောက်အောင် တောက်ပထွန်းလင်းသော ကြယ်တာရာမြစ်တစ်စင်းကို ထုတ်ဖော်လိုက်လေ၏။ ကြယ်တာရာမြစ်က ကောင်းကင်ယံကို ဖြတ်သန်းစီးဆင်းသွားပြီး သွေးရောင်ဓားအလင်းတန်းကို ချက်ချင်းပင် ဝါးမြိုသွားလေရာ ခုခံနိုင်စွမ်း မရှိသော အင်အားဖြင့် ဦးဆောင်နေသော ကောင်းကင်ဘုံအင်မော်တယ် အထွတ်အထိပ် အဆင့် ရာရှိုမွန်မျိုးနွယ် ကျင့်ကြံသူထံသို့ ပိုင်းဖြတ်သွားတော့သည်။

"ဘာလဲ။"

ရာရှိုမွန်မျိုးနွယ်မှ ကောင်းကင်ဘုံ အင်မော်တယ် အထွတ်အထိပ် အဆင့်၏ သူငယ်အိမ်များသည် မယုံကြည်နိုင်စွာဖြင့် ကျုံ့သွားကြသည်။

သူ ရှောင်တိမ်းရန် ပြင်လိုက်စဉ်မှာပင် သူ့ပတ်လည်မှ နေရာလပ်သည် အကျဉ်းထောင်

တစ်ခုကဲ့သို့ ဖြစ်သွားသည်ကို ခံစားလိုက်ရသည်။ ရုတ်တရက် သူ လှုပ်ရှား၍ မရတော့ကြောင်း တွေ့လိုက်ရသည်။

"?????????"

ဤရာရှိုမွန်မျိုးနွယ် ကောင်းကင်ဘုံ

အင်မော်တယ်၏ စိတ်ထဲတွင် မေးခွန်းပေါင်းများစွာဖြင့် ပြည့်နှက်သွားသော်လည်း သူ ထပ်မံစဉ်းစားရန် အချိန် မရှိတော့ပေ။ အဆက်မပြတ် ဟိန်းဟောက်သံများဖြင့် သူ၏ ဓားရှည်ကြီးကို လွှဲယမ်းလိုက်ရာ သူ၏ အင်မော်တယ်သိုင်းနည်းစနစ်သည် ကြောက်မက်ဖွယ် သွေးချီစွမ်းအားဖြင့် ပေါက်ကွဲထွက်လာသည်။

သို့ရာတွင် ရာရှိုမွန်မျိုးနွယ်မှ ကောင်းကင်ဘုံ

အင်မော်တယ် အထွတ်အထိပ်အဆင့် ပိုင်းဖြတ်ထုတ်လိုက်သော အင်မော်တယ်သိုင်းနည်းစနစ်သည် မည်မျှပင် အားကောင်းနေပါစေ၊ အောက်ခြေ မရှိသော ချောက်အသွင် ကြယ်တာရာမြစ်က ၎င်းကို ဝါးမြိုသွားလေသည်။

နောက်တစ်ခဏတွင်၊ ကြယ်တာရာမြစ်သည်

ရာရှိုမွန် မျိုးနွယ် ကောင်းကင်ဘုံ အင်မော်တယ်၏ ခန္ဓာကိုယ်ကို ဖြတ်သန်း ပိုင်းဖြတ်သွား၏။

ကောင်းကင်ဘုံ အင်မော်တယ် အထွတ်အထိပ်အဆင့် ရာရှိုမွန် မျိုးနွယ်ဝင်သည် တောင့်တင်းသွားပြီးနောက် သူ၏ ခန္ဓာကိုယ်မှ အလင်းများ ထွက်ပေါ်လာကာ သူ၏ ခန္ဓာကိုယ်ကို သူ၏

နတ်ဘုရား အာရုံနှင့်အတူ သွေးမြူခိုးများအဖြစ်သို့ ချက်ချင်းပင် စုတ်ပြတ်သတ်သွားစေတော့သည်။

ဤအရာ အားလုံးသည် အလွန်လျင်မြန်စွာ ဖြစ်ပျက်သွားရာ ကျန်ရှိသော ကောင်းကင်ဘုံ

အင်မော်တယ် အဆင့် ရာရှိုမွန် မျိုးနွယ် ကျင့်ကြံသူများမှာ တုံ့ပြန်ရန် အချိန်ပင် မရလိုက်ကြချေ။

သူတို့သည် သူတို့၏ ရာရှိုမွန် မျိုးနွယ်မှ ကောင်းကင်ဘုံအင်မော်တယ် အထွတ်အထိပ်အဆင့်တစ်ဦး သေဆုံးသွားသည်ကို ကြောက်လန့်တကြား ကြည့်နေကြရင်း

သူတို့၏ ကျောပြင်တွင် ချွေးစေးများ ထွက်လာကြသည်။

ကပ်ဘေးဖြတ်ကျော် ငါးလွှာမှ ကျင့်ကြံသူတစ်ဦးက ကောင်းကင်ဘုံ အင်မော်တယ် အထွတ်အထိပ်အဆင့် ကျွမ်းကျင်သူ တစ်ဦးကို ဓားတစ်ချက်တည်းဖြင့် သုတ်သင်နိုင်ခဲ့သည်တဲ့လား။

ဤအကြောင်းကို အသံထွက်ပြောလျှင် မည်သူက ယုံကြည်မည်နည်း။

သူတို့၏ မျက်စိဖြင့် ကိုယ်တိုင် မြင်နေရသည့်တိုင်အောင် သူတို့ ယုံကြည်ရန် ခက်ခဲနေဆဲပင်။

မကြာမီ သူတို့ သတိ ပြန်ဝင်လာကြပြီး သူတို့၏ မျက်နှာများမှာ ကြမ်းတမ်းစွာ ရှုံ့မဲ့သွားကာ ကြွေးကြော်လိုက်သည်။

"ဒီရန်သူက အားကောင်းတယ်။ သူက လူသားမျိုးနွယ်ရဲ့ ပါရမီရှင် တစ်ယောက် ဖြစ်ရမယ်။ အတူတူ တိုက်ကြ။ သူ့ကို လုံးဝဖြတ်သွားခွင့် ပေးလို့ မဖြစ်ဘူး။"

ပါ့မူနှင့် အခြားသူများသည်လည်း သတိပြန်ဝင်လာကြသည်။

"လုရီကို ကူညီကြ။"

လုရီ၏ ခန္ဓာကိုယ်သည် သူ၏ မူလနေရာမှ ပျောက်ကွယ်သွားပြီး ရာရှိုမွန်မျိုးနွယ် ကျင့်ကြံသူများအလယ်သို့ ချက်ချင်းပင် ရောက်ရှိသွားသည်။

ထို့နောက် သူ၏ ဓားရှည်ပေါ်မှ ကြယ်အလင်းတန်းသည် တစ်ချက် ဖြတ်ပြေးသွား၏။ ကောင်းကင်ဘုံ အင်မော်တယ် ကိုးလွှာ ရာရှိုမွန်မျိုးနွယ် အင်အားကြီး တစ်ဦး၏ ခန္ဓာကိုယ်ထဲသို့ ဝင်ရောက်သည်။

တူညီသော အခိုက်အတန့်မှာပင် သူ၏ ဘယ်လက်ဖြင့် အခြားသော ကောင်းကင်ဘုံ အင်မော်တယ် ကိုးလွှာ ရာရှိုမွန်မျိုးနွယ် အင်အားကြီး တစ်ဦး၏ ရင်ဘတ်ပေါ်သို့ လက်သီး တစ်ချက် ပစ်သွင်း၏။

ဖောင်း ၊ ဖောင်း။

သွေးမြူခိုး တိမ်တိုက် နှစ်ခု ပေါက်ကွဲသွားပြီး ကောင်းကင်ဘုံ အင်မော်တယ် ကိုးလွှာ ရာရှိုမွန်မျိုးနွယ် အင်အားကြီး နှစ်ဦးသည် ပွဲချင်းပြီး ဇာတ်သိမ်းသွားတော့၏။

စုပေါင်း တိုက်ခိုက်ရန် ကြံစည်နေသော ရာရှိုမွန်မျိုးနွယ် အင်အားကြီးများသည် တုံ့ခနဲ ရပ်သွားကြသည်။

သူတို့၏ အင်အား အကြီးဆုံး ပုဂ္ဂိုလ်ကြီး သုံးဦးမှာ ယခု သေဆုံးသွားပြီ ဖြစ်ရာ သူတို့ မည်သို့ တိုက်ခိုက်ရပါမည်နည်း။

ပါ့မူနှင့် အခြားသူများသည် ထိုမြင်ကွင်းကို မြင်တွေ့ကြသောအခါ မနာလိုစိတ်များဖြင့် မျက်လုံးများပင် စိမ်းလဲ့လာကြပြီး တိုက်ပွဲဆီသို့ ပို၍ပင် မြန်မြန်ဆန်ဆန် ပြေးဝင်သွားကြသည်။

သူတို့သည် လုရီနှင့် မတူညီကြပေ။ သူတို့သည် ဂုဏ်ပြောင်မြောက်မှု လိုအပ်သည်။

ယွီမိသားစု၏ ဒုတိယ သခင်မလေးက သူ့ကို ကျောထောက်နောက်ခံ ပြုထားရာ လုရီကတော့ ဂုဏ်ပြောင်မြောက်မှု မရှိဘဲ သူလိုချင်သမျှကို ရရှိနိုင်လေသည်။

ယခု ဤသို့သော အခွင့်အရေးကောင်းကြီး ရရှိနေချိန်တွင် သူတို့၏ စွမ်းရည်များကို မည်သို့ မပြသဘဲ နေနိုင်မည်နည်း။

သူတို့အားလုံးသည် လုရီသာ အနည်းငယ်ပို၍ ဖြည်းဖြည်းသတ်ပေးပါက ကောင်းမည်ဟု ဆုတောင်းနေကြတော့သည်။

"လုရီ၊ မင်းကို ကူညီဖို့ ငါ ရောက်ပြီ။" လုံယွမ်က

လုရီ မကြားမည် စိုး၍ အော်ဟစ်လိုက်သေးသည်။

"လုရီ၊ ဒီကောင်တွေကို ငါတို့ဆီမှာ ထားခဲ့လိုက်ပါ။" ဤသည်မှာ ပါ့မူ၏ အသံဖြစ်သည်။ သူက ဖြောင့်မတ်သောဟန်ဖြင့် ထပ်မံပြောဆိုလိုက်သည်။

"မင်းသာ ရှေ့ဆက်သွားပြီး အခင်းအကျင်းဗဟိုချက်ရဲ့ နေရာကို သွားရှာပါလား။"

ထိုစကားကို ကြားသော် လုရီသည် မျက်ခုံးပင့်လိုက်၏။ သူ့ကို ကြောက်လန့်တကြား မျက်နှာများဖြင့် ကြည့်ရင်း ကျောက်ရုပ်ကြီးပမာ ဖြစ်နေသော ရာရှိုမွန်မျိုးနွယ် ကောင်းကင်ဘုံအင်မော်တယ်များကို တစ်ချက်ကြည့်ကာ ဆက်လက် မလှုပ်ရှားတော့ဘဲ ရှောင်ကြဉ်လိုက်သည်။

နောက်ဆုံးတွင် သူသာ သတ်ဖြတ်သူ မဟုတ်နေသည့်တိုင် အလုပ် ဆုလာဘ်များမှ သူ၏ ဝေစုအပြည့်ကို ရရှိမည် မဟုတ်ပါလော။

လုရီက ပြုံးလျက်..

"ဒီလိုဆိုမှတော့ ဒီကောင်တွေကို ခင်ဗျားတို့ဆီမှာပဲ ထားခဲ့လိုက်ပါ့မယ်။ ကျွန်တော် ရှေ့ဆက်သွားလိုက်ပါဦးမယ်။"

ထိုစကားကို ကြားသောအခါ လုံယွမ်နှင့် အခြားသူများသည် မျက်ရည်ပင် ကျလုမတတ် လှိုက်လှဲစွာ လှုပ်ရှားသွားကြသည်။

လုရီသည် အပေါင်းအသင်းလုပ်ရန် လွယ်ကူသောသူတစ်ဦးဖြစ်ပြီး သူတို့ကို ဂုဏ်ပြောင်မြောက်မှုများ ရရှိစေရန် အမှန်တကယ်ပင် ခွင့်ပြုခဲ့သည်တကား။

"စိတ်ချပါ၊ လုရီ။ ငါတို့ သူတို့အားလုံးကို ဒီနေရာမှာ သေချာပေါက် ထိန်းထားနိုင်မှာပါ။"

ပုယွင်ကျန့်က ချက်ချင်းပင် အာမခံလိုက်သည်။

လုရီက ရှေ့သို့ ခြေတစ်လှမ်း တိုးလိုက်ပြီး နေရာလပ်ကို ဖြတ်သန်းရွေ့လျား၏။ ရာရှိုမွန်မျိုးနွယ် ကောင်းကင်ဘုံ အင်မော်တယ်များနှင့် ကြယ်တာရာနယ်မြေ တပ်မတော်နှင့် သွေးငရဲတပ်မတော်တို့၏ တိုက်ပွဲကြားမှ ချက်ချင်းပင် ဖြတ်ကျော်သွားပြီး အခင်းအကျင်းဗဟိုချက်ရှိရာဘက်သို့ ဦးတည်သွားတော့သည်။

ထိုမြင်ကွင်းကို မြင်သော် သွေးငရဲတပ်မတော် တပ်မှူး၏ သူငယ်အိမ်များသည် ကျုံ့သွားပြီး သူ အဆက်မပြတ် ဟိန်းဟောက်လိုက်သည်။

"ဟာ...အသုံးမကျတဲ့ ကောင်တွေ၊ သူ့ကို တားကြစမ်း"

ထိုအခိုက်တွင် သွေးငရဲတပ်မတော် တပ်မှူးသည် သူ၏ တပ်မှ အခြား အဖွဲ့ဝင် တစ်ဦးနှင့်အတူ

စီမင်နှင့် ပြင်းထန်သော တိုက်ပွဲတစ်ပွဲ ဆင်နွှဲနေရစဉ် သူတို့သည် အမှန်တကယ်တွင် ဖိနှိပ်ခံနေရ လေသည်။

သူက အခြားတစ်ဖက်သို့ လှည့်ကြည့်လိုက်ရာ သူ၏ သွေးငရဲ တပ်မတော်မှ အဖွဲ့ဝင် သုံးဦးသည် ဝမ်ယွမ်ယွမ်နှင့် ပြင်းထန်စွာ တိုက်ခိုက်

နေကြပြီး သူတို့လည်း ဖိနှိပ်ခံနေရ၏။

သွေးငရဲ တပ်မတော် တပ်မှူးသည် ပြောမပြနိုင်လောက်အောင်ပင် စိတ်ဓာတ်ကျနေပြီး ကြယ်တာရာ နယ်မြေ တပ်မတော်မှ ထိုနှစ်ဦးသည် ဤမျှ အားကောင်းလိမ့်မည်ဟု စိုးစဉ်းမျှ

မမျှော်လင့်ထားခဲ့ပေ။

သူသည် ထိုကပ်ဘေး ဖြတ်ကျော် လူသားကျင့်ကြံသူကို တားဆီးရန် လက်မအားနိုင်ဖြစ်နေတော့သည်။

ထို့ထက်ပို၍ သူ့ဘက်က ကောင်းကင်ဘုံ အင်မော်တယ်အဆင့် ကျင့်ကြံသူ တစ်အုပ်လုံးသည် ဤမျှအသုံးမကျလိမ့်မည်ဟုလည်း မမျှော်လင့်ထားခဲ့ပေ။ ကပ်ဘေးဖြတ်ကျော်နယ်ပယ်မှ လူသားတစ်ဦးတည်းကိုပင် မတားဆီးနိုင်ကြ

သည်လား။

သွေးငရဲတပ်မတော် တပ်မှူးသည် ကြောက်လန့်တကြား ဖြစ်သွား၏။ အကယ်၍ အခြေအနေများ ဤအတိုင်းသာ ဆက်ဖြစ်နေပါက မကြာမီ ကပ်ဘေးကြီးတစ်ခု ဆိုက်ရောက်လာတော့မည်ဖြစ်သည်။

အခန်း ၅၇၅ - အားလုံးကို သုတ်သင်သတ်ဖြတ်ခြင်း…

~တိုက်ပွဲဇုန်ကို ဖြတ်သန်းသွားလာရင်း လုရီသည် စင်္ကြံတစ်လျှောက် ဆက်လက်ချီတက်ကာ သူ၏အာရုံ၌ ခံစားမိသော အခင်းအကျင်းမျက်လုံး ရှိရာသို့ ပျံသန်းသွားလေသည်။

ခရီးတစ်လျှောက်တွင် လုရီသည် ရာရှိုမွန်မျိုးနွယ် ကျင့်ကြံသူအုပ်စုများနှင့် ကြုံတွေ့ခဲ့ရသော်လည်း သူတို့အားလုံးမှာ စွမ်းအားရှင်အဆင့်မျှသာ ဖြစ်ကြ၏။

လုရီအတွက်မူ ကောင်းကင်ဘုံအင်မော်တယ်များပင် သူ့နှင့် တန်းတူရင်ဆိုင်နိုင်သူ ရှားပါးနေပြီဖြစ်ရာ စွမ်းအားရှင်အဆင့် ကျင့်ကြံသူများအကြောင်းကိုတော့ ပြောစရာပင်မလိုတော့ချေ။

ထိုရာရှိုမွန်မျိုးနွယ်မှ စွမ်းအားရှင်အဆင့် ကျင့်ကြံသူများသည် လုရီကို ခုခံရန် ကြိုးပမ်းကြသော်ငြားလည်း သူတို့၏အပြုအမူမှာ ပုရွက်ဆိတ်တစ်ကောင်က သစ်ပင်ကြီးကို လှုပ်ခါရန် ကြိုးစားနေသကဲ့သို့သာဖြစ်ပြီး လုရီ၏ လက်ချက်ဖြင့် အားလုံး အသက်ပျောက်ခဲ့ကြရသည်။

မကြာမီပင်၊ လုရီသည် ကြီးမားလှသော သတ္တုတံခါးကြီးတစ်ခု၏ ရှေ့မှောက်သို့ ရောက်ရှိလာခဲ့၏။

သတ္တုတံခါးကြီးမှာ ပိတ်ထားလျက်ရှိပြီး မည်သည့်အစောင့်အရှောက်မျှ မရှိချေ။

အစောင့်အရှောက်များသည် ယခင် သွေးငရဲတပ်မတော်မှ အဖွဲ့ဖြစ်နိုင်ပြီး နေရာလပ်အားလှိုင်းအတက်အကျကို ခံစားမိပြီးနောက် ကျွမ်းကျင်သူများနှင့်အတူ စစ်ကူပေးရန် ထွက်သွားကြခြင်း ဖြစ်ပေမည်ဟု သူ ခန့်မှန်းလိုက်၏။

တံခါးသည် သော့ခတ်ထားရာ လုရီက တွန်းဖွင့်ရန် ကြိုးစားသော်လည်း မအောင်မြင်ခဲ့ပေ။ ကြယ်ဖြတ်ဓားသိုင်းနှင့် ကောင်းကင်ခွဲလက်သီးသိုင်းတို့ကို အစွမ်းကုန်အသုံးပြုသည့်တိုင်အောင် ဖွင့်နိုင်ခြင်းမရှိခဲ့ပါ။

သို့သော်ငြားလည်း လုရီသည် လုံးဝပင် ဂရုမစိုက်ခဲ့ပေ။ အကြောင်းမူကား သူသည် နေရာလပ်နိယာမကို တတ်ကျွမ်းသူဖြစ်သောကြောင့်တည်း။

လုရီသည် နေရာလပ်ကို ဖြတ်သန်းကာ တံခါးကို လွယ်ကူစွာပင် ကျော်ဖြတ်ဝင်ရောက်သွားလေသည်။

အတွင်းဘက်တွင် ကြီးမားလှသော အခန်းကြီးတစ်ခန်းရှိပြီး အခန်း၏အလယ်ဗဟို၌ သွေးနီရောင် သတ္တုတိုင်ကြီးတစ်တိုင် စိုက်ထူထားသည်။

ထိုတိုင်ကြီးပေါ်တွင် ထူထပ်သော အခင်းအကျင်းအင်းကွက်များဖြင့် ဖုံးလွှမ်းနေပြီး ၎င်းတို့သည် မြေပြင်ပေါ်သို့ ပျံ့နှံ့သွားကာ ထိုမှတစ်ဆင့် အရပ်မျက်နှာအားလုံးသို့ ဆက်လက်ပျံ့နှံ့သွားပြီး နံရံများထဲသို့ နောက်ဆုံးတွင် ပျောက်ကွယ်သွားလေသည်။

လုရီ၏ နှုတ်ခမ်းထောင့်တွင် အပြုံးတစ်ခု ပေါ်ထွက်လာခဲ့သည်။

ဤသည်ကား မဟာအခင်းအကျင်းကြီးတစ်ခုလုံး၏ အခင်းအကျင်း မျက်လုံးပင်တည်း။

တစ်ချိန်တည်းမှာပင်၊ အဓိကယာဉ်ပျံ၏ အပြင်ဘက်၌...

တိုက်ခိုက်နေကြသော သွေးငရဲတပ်မတော် တပ်မှူးနှစ်ဦးသည် ရုတ်တရက် စိတ်အာရုံဖြင့် သတင်းစကားတစ်ခု လက်ခံရရှိလိုက်သည်။

ရာရှိုမွန်မျိုးနွယ်မှ နက်ရှိုင်းခြင်းအင်မော်တယ်

နှစ်ဦးလုံး၏ မျက်နှာများမှာ တောင့်တင်းသွားပြီး

ခဲမင်လော့နှင့် လျိုဟိုင်ချင်းကို အစိမ်းလိုက် ဝါးစားမည့်အလား စိုက်ကြည့်နေကြသည်။

"မင်းတို့ သွေးနေမင်းယာဉ်ထဲကို ကျင့်ကြံသူတွေ တကယ်ပဲ လွှတ်လိုက်တယ်ပေါ့။"

"အခုမှ သတိထားမိတယ်ပေါ့လေ။ နောက်ကျသွားပြီ။" ဟု လျိုဟိုင်ချင်းက မထီမဲ့မြင် ကဲ့ရဲ့လိုက်သည်။

" သေစမ်း ..."

နက်ရှိုင်းခြင်း အင်မော်တယ် နှစ်ဦးလုံး၏ မျက်နှာများမှာ သိသိသာသာ ပြောင်းလဲသွားပြီး ချက်ချင်းပင် ပြန်လှည့်ရန် ကြိုးပမ်းကြတော့သည်။

"ပြန်ပြေးဖို့ စဉ်းစားနေတာလား။ ငါတို့ကို

ခွင့်တောင်းပြီးပြီလား။"

ခဲမင်လော့က ရာရှိုမွန်မျိုးနွယ် တပ်မှူး နှစ်ဦး၏ ကြည့်ရဆိုးလှသော မျက်နှာများကို မြင်တွေ့ရသည်ကို အလွန်ပင် သဘောကျကာ

အကျယ်ကြီး ဟားတိုက်ရယ်လိုက်လေ၏။

ယခင်က သူ၏ မျက်နှာမှာလည်း ဤသို့ဖြစ်ခဲ့ရသည် မဟုတ်ပါလား။

ယခုမူ ထိုအဖြစ်သည် ဤခွေးမသား နှစ်ယောက်ထံသို့ ရောက်ရှိသွားခဲ့လေပြီ။

ရာရှိုမွန်မျိုးနွယ် တပ်မှူးများက ဒေါသတကြီး ဟိန်းဟောက်ကြသော်လည်း လျိုဟိုင်ချင်းနှင့်

ခဲမင်လော့တို့ နှစ်ဦးလုံးမှာ အားနည်းသူများမဟုတ်ကြချေ။

နှစ်ဦးလုံးသည် နက်ရှိုင်းခြင်း အင်မော်တယ်အဆင့်များ ဖြစ်ကြရာ တစ်ဦးစီတွင် သူတို့၏ ကိုယ်ပိုင် နည်းဗျူဟာများ ပိုင်ဆိုင်ထားကြ၏။ တစ်ဦးကိုတစ်ဦး လက်လွတ်အောင် ရုန်းထွက်ရန်မှာလည်း အချိန်လိုအပ်ပေသည်။

"ရာရှိုမွန် မျိုးနွယ် အားလုံး ငါ့အမိန့်ကို နာခံ။ သွေးနေမင်းယာဉ်ကို ကာကွယ်ဖို့ ပြန်လာကြ။"

ရာရှိုမွန်မျိုးနွယ် တပ်မှူးတစ်ဦးက မတတ်သာသည့်အဆုံး အော်ဟစ် အမိန့်ပေးလိုက်သည်။

တိုက်ပွဲ မြေပြင်တစ်ခွင်လုံးတွင် သွေးငရဲတပ်မတော်နှင့် ကောင်းကင်ဘုံအင်မော်တယ်အဆင့် ရာရှိုမွန်မျိုးနွယ် ကျွမ်းကျင်သူများအားလုံးမှာ တုန်လှုပ်သွားကြ၏။

ဘာဖြစ်ခဲ့သည်ကို ရှင်းရှင်းလင်းလင်းမသိကြသော်လည်း တပ်မှူးက အမိန့်ထုတ်ပြန်လိုက်သည်နှင့် ရာရှိုမွန်မျိုးနွယ် ကျွမ်းကျင်သူများသည် တွန့်ဆုတ်မနေဘဲ တစ်ယောက်ပြီးတစ်ယောက် သွေးနေမင်းယာဉ်ဆီသို့ ပြန်လှည့်ဆုတ်ခွာကြတော့၏။

သို့ရာတွင် တပ်ခွဲနှစ်ခွဲစာ အင်အားကြီးသူများက သူတို့ကို ထိုမျှ လွယ်ကူစွာ ပြေးခွင့် ပေးမည် မဟုတ်သည်က ဓမ္မတာပင်။

သွေးငရဲ တပ်မတော်နှင့် ကြယ်တာရာ နယ်မြေတပ်မတော်၏ အရေအတွက်မှာ အတူတူလောက်ပင် ရှိရာ ကြယ်တာရာ နယ်မြေ တပ်မတော်သည် သွေးငရဲ တပ်မတော်ကို ဟန့်တားရန် ချက်ချင်းပင် အစွမ်းကုန် ကြိုးပမ်းကြတော့သည်။

သို့သော် ကောင်းကင်ဘုံအင်မော်တယ်ဘက်တွင်မူ လူသားမျိုးနွယ်တွင် ကျွမ်းကျင်သူအရေအတွက်မှာ သိသိသာသာ နည်းပါးနေပြီး အစိတ်အပိုင်း တစ်ခုကိုသာ ဟန့်တားထားနိုင်ကာ ကျန်ကောင်းကင်ဘုံ အင်မော်တယ်များသည် သွေးနေမင်းယာဉ်ဆီသို့ ပျံသန်းသွားကြ၏။

ထိုအခိုက်အတန့်မှာပင်၊

ဝူ......

သွေးနေမင်းယာဉ်အတွင်းမှ အလွန်တရာ အားကောင်းလှသော ဝိညာဉ်စွမ်းအင် လှိုင်းလုံးကြီး တစ်ခု ယိုစိမ့်လာပြီး အရပ်မျက်နှာ အားလုံးသို့ ပျံ့နှံ့သွားစဉ် နားအူလှသော မြည်ဟိန်းသံကြီး ထွက်ပေါ်လာခဲ့ခြင်း ဖြစ်၏။

ထို့နောက်တွင်၊ သွေးနေမင်းယာဉ်ကို ဝန်းရံထားသော ထူထပ်သည့် မဟာအခင်းအကျင်းကြီးသည် ရုတ်ချည်း ပျောက်ကွယ်သွားလေ၏။

ဤမြင်ကွင်းကို မြင်သောအခါ တိုက်ပွဲမြေပြင်သည် ခဏတာမျှ တိတ်ဆိတ်ငြိမ်သက်သွားသည်။

ပြင်းထန်သော ဝိညာဉ်စွမ်းအင် လှိုင်းဂယက်သည် နေလုံးကြီး ထွန်းလင်းနေသည့်အလား

.လူတိုင်း၏ မျက်နှာများကို အရောင်တောက်ပစေခဲ့၏။

ရာရှိုမွန်မျိုးနွယ် တပ်မှူးနှစ်ဦးသည် ကမ္ဘာမြေကိုပင် တုန်ဟည်းသွားစေမည့် ဟိန်းဟောက်သံများဖြင့် စွမ်းအားများ အရူးအမူး ထုတ်ဖော်လျက် နက်ရှိုင်းခြင်း အင်မော်တယ်နှစ်ဦးကို ဒေါသတကြီး တိုက်ခိုက်ကြတော့သည်။

"ဒေါင်းဇားတွေ! မင်းတို့ သေချင်နေကြတာပဲ။"

"သေချင်နေကြတာက မင်းတို့ကောင်တွေပဲ။"

လျိုဟိုင်ချင်း၏ မျက်နှာထက်တွင် ကြမ်းကြုတ်သော အပြုံးတစ်ခု ထင်ဟပ်နေ၏။ သူ့ခန္ဓာကိုယ်သည် ရွှေရောင်အလင်းများဖြင့် တောက်ပလျက် လုံးဝပင်မကြောက်ရွံ့ဘဲ ရာရှိုမွန်မျိုးနွယ် တပ်မှူးတစ်ဦးနှင့် တိုက်ရိုက် ရင်ဆိုင်လိုက်သည်။

ဝှီး.....

ထိုအချိန်မှာပင်၊ ကြောက်မက်ဖွယ်ကောင်းသော ဓားအလင်းတန်းတစ်ခုသည် အလွန်ဝေးကွာသောနေရာမှ မမျှော်လင့်ဘဲ ပစ်လွှင့်လာပြီး ရာရှိုမွန်မျိုးနွယ် တပ်မှူးများဆီသို့ ဦးတည်လာ၏။

ရာရှိုမွန်မျိုးနွယ် တပ်မှူး၏ မျက်နှာသည် မည်းမှောင်သွားပြီး သူ၏ခန္ဓာကိုယ်သည် ပုံရိပ်ယောင်ကဲ့သို့ ဖြစ်သွားကာ ထိုတိုက်ခိုက်မှုကို အလျင်အမြန် ရှောင်တိမ်းလိုက်သည်။

ထိုတိုက်ခိုက်မှုမှာ ကြယ်တာရာနယ်မြေတပ်မတော်၏ အဓိကယာဉ်ပျံမှ လာခြင်းဖြစ်၏။

ထိုအဓိကယာဉ်ပျံတွင် နက်ရှိုင်းခြင်းအင်မော်တယ်အဆင့် တိုက်ခိုက်ရေးအခင်းအကျင်းများ တပ်ဆင်ထားပြီး ယခင်က ရာရှိုမွန်မျိုးနွယ်၏ အဓိကယာဉ်ပျံနှင့် အပြန်အလှန် ထိန်းချုပ်ထားခဲ့သည်။

သို့သော် ယခုမူ သွေးနေမင်းယာဉ်ပေါ်မှ တိုက်ပွဲ ရပ်တန့်သွားသည်နှင့် ရာရှိုမွန်မျိုးနွယ်သည် နက်ရှိုင်းခြင်းအင်မော်တယ် တစ်ပိုင်းစာခန့် အင်အားကျဆင်းသွားခဲ့ရပြီ။ ဆုံးရှုံးမှုမှာ အလွန်တရာ ကြီးမားလှလေ၏။

"ဟားဟားဟား။ အခုရော ဘာနဲ့များ ငါတို့ကို တိုက်ခိုက်ဦးမလဲ။" အချိန်အတော်ကြာ ဖိနှိပ်ခံခဲ့ရသော ခဲမင်လော့သည် ယခုအခါ အခြေအနေကို ပြောင်းပြန်လှန်လိုက်နိုင်ပြီဖြစ်သည်။

သူက အလွန် စိတ်လှုပ်ရှားနေပြီး အဆက်မပြတ် ရယ်မောလျက် တိုက်ကွက်များမှာလည်း

တစ်ကြိမ်ထက်တစ်ကြိမ် ပို၍ ရက်စက်လာလေ၏။

"သတ်ဖြတ်ရေး တမန်ယာဉ်ကို အမြန်သွားကာကွယ်ကြ။" ရာရှိုမွန်မျိုးနွယ် တပ်မှူးက ပြတ်သားစွာ အမိန့်ပေးလိုက်သည်။

တပ်ခွဲနှစ်ခွဲ ရှိလေ၍ အဓိကယာဉ်ပျံနှစ်စင်း ရှိသည်မှာ သဘာဝကျသည်။ ယခုအခါ အဓိကယာဉ်ပျံတစ်စင်း ပျက်စီးသွားပြီဖြစ်၍ သူတို့ထံတွင် တစ်စင်းသာ ကျန်တော့ရာ မည်သို့ပင်ဖြစ်စေ ကာကွယ်ရပေတော့မည်။

အခြေအနေ ဆိုးရွားနေသည်ကို မြင်သောအခါ

ရာရှိုမွန်မျိုးနွယ်၏ ကောင်းကင်ဘုံအင်မော်တယ်များသည်လည်း အခြေအနေ၏ လေးနက်မှုကို သဘောပေါက်သွားကြသည်။

သူတို့၏ မျက်နှာများတွင် ကြောက်ရွံ့မှုများ ပြည့်နှက်ကာ မဆိုင်းမတွပင် ရာရှိုမွန် မျိုးနွယ်၏ အခြားအဓိက ယာဉ်ပျံဆီသို့ လှည့်၍ ပျံသန်းသွားကြသည်။

သွေးနေမင်းယာဉ်အတွင်း၌...

လုရီသည် ကောင်းကင်ဥမင်ကျောက်ပြားကို အသုံးပြုကာ အလွန်အမင်း ကြိုးပမ်းအားထုတ်လျက် အထွတ်အထိပ်အဆင့်ရှိ အင်မော်တယ်တက်လှမ်းခြင်း သိုင်းနည်းစနစ်ကို ထုတ်ဖော်ပြီးနောက်ဆုံးတွင် အခင်းအကျင်း မျက်လုံးကို ဖျက်ဆီးနိုင်ခဲ့လေသည်။

ဤသည်မှာပင် လုရီ၏ အခင်းအကျင်းတာအိုအပေါ် နက်နက်ရှိုင်းရှိုင်း ဉာဏ်အလင်းရရှိမှုကြောင့် ဖြစ်သည်။ သို့မဟုတ်ပါက သူ၏ လက်ရှိအစွမ်းဖြင့်ပင် အခင်းအကျင်းဗဟိုချက်ကို ဖျက်ဆီးရန်မှာ အလွန် ခက်ခဲပေလိမ့်မည်။

အခင်းအကျင်း မျက်လုံးကို ဖျက်ဆီးပြီးနောက် လုရီသည် အခင်းအကျင်း မျက်လုံး အခန်းအတွင်းမှ ချက်ချင်းပင် ထွက်ခွာပြီး ယခင်တိုက်ပွဲ ဖြစ်ပွားခဲ့သော နေရာသို့ ပြန်လာခဲ့လိုက်သည်။

လုရီသည် တိုက်ပွဲမြေပြင်ပေါ်မှ အခြေအနေမှာ အလွန် အခြေအနေ ကောင်းကြောင်း တွေ့ရှိလိုက်ရသည်။ ကောင်းကင်ဘုံ အင်မော်တယ်ဘက်တွင်

သူကိုယ်တိုင်က အင်အားအကြီးဆုံး ကောင်းကင်ဘုံအင်မော်တယ်သုံးဦးကို သတ်ဖြတ်ခဲ့သောကြောင့် ကျန်ရှိသူများ၏ အမြင့်ဆုံး အစွမ်းမှာ ကောင်းကင်ဘုံအင်မော်တယ် ရှစ်လွှာသာ ရှိတော့၏။

သို့ဖြစ်၍ ယခုအခါ ပါ့မူနှင့် ယှဉ်ပြိုင်နိုင်ခြင်း မရှိဘဲ လုံးဝဖိနှိပ်ခံထားရလျက် ရာရှိုမွန်မျိုးနွယ် ကောင်းကင်ဘုံအင်မော်တယ်အချို့မှာတော့ သေဆုံးနှင့်နေလေပြီ။

တစ်ချိန်တည်းတွင် ကြယ်တာရာနယ်မြေ တပ်မတော်၏ တိုက်ပွဲမြေပြင်တွင်မူ ပြောစရာပင်မလိုတော့။ ဝမ်ယွမ်ယွမ်နှင့် စီမင်တို့သည် ကြယ်တာရာ နယ်မြေ တပ်မတော်၏ တပ်မှူးများကြားမှ ပါရမီရှင်များဟု ဆိုထိုက်ပါပေစွ။

စီမင်သည် သွေးငရဲတပ်မတော် တပ်မှူး တစ်ဦးနှင့် စစ်သားတစ်ဦး နှစ်ဦးလုံးကို ရင်ဆိုင်ရင်း သူတို့ကို ဖိနှိပ်ထားနိုင်ခဲ့လေသည်။

ဝမ်ယွမ်ယွမ်မှာမူ သွေးငရဲ တပ်မတော် စစ်သားသုံးဦးကို ရင်ဆိုင်ရာတွင် တစ်ဦးကို သတ်ဖြတ်ပြီးဖြစ်ကာ ကျန်နှစ်ဦးမှာလည်း သွေးများဖြင့် ရွှဲနစ်လျက် အပြင်းအထန် ဒဏ်ရာရနေကြသည်။

လုရီ ပထမဆုံး ရောက်ရှိလာချိန်တွင်

ဝမ်ယွမ်ယွမ်၏ မျက်လုံးများတွင် နက်ရှိုင်းသော စိမ်းပြာရောင် အင်းကွက်များ တစ်ချက်လက်သွားပြီး သူမ၏ ပတ်ပတ်လည်တွင် တဝီဝီ လည်နေသော လေပြင်းမုန်တိုင်းတစ်ခု စုစည်းလာ၏။

" ဝေါ...."

ထိုစိမ်းပြာရောင် မုန်တိုင်းသည် ရာရှိုမွန် မျိုးနွယ်ဝင်တစ်ဦးကို မျက်စိတမှိတ်အတွင်း ဝါးမြိုသွားလေသည်။

ရာရှိုမွန် မျိုးနွယ် စစ်သားသည် အကြိမ်ကြိမ် အော်ဟစ်နေပြီးနောက် လေသည် သူ၏အတွင်းမှ ပေါက်ကွဲထွက်လာကာ သူ့ကို သွေးမြူခိုးအဖြစ်သို့ လုံးဝ ကြိတ်ချေပစ်လိုက်တော့၏။

ကျန်ရှိသော ရာရှိုမွန် မျိုးနွယ် စစ်သားများမှာလည်း သေခြင်း ကံကြမ္မာမှ မလွတ်မြောက်နိုင်ကြဘဲ မကြာမီပင် ကြမ်းတမ်းသော လေပြင်းအောက်၌ ကျဆုံးသွားကြရသည်။

အားကောင်းသော သွေးငရဲ စစ်သားသုံးဦးကို သတ်ဖြတ်ပြီးနောက် ဝမ်ယွမ်ယွမ်သည် ဆက်လက် ရပ်တန့်မနေဘဲ ချက်ချင်းပင် စီမင်ကို ကူညီရန် လှည့်သွား၏။

ထိပ်တန်း တပ်မှူးအဆင့် စွမ်းအားရှင် နှစ်ဦး ပူးပေါင်းလိုက်သောအခါ သွေးငရဲ တပ်မတော် စစ်သားကို လျင်မြန်စွာ သတ်ဖြတ်နိုင်ခဲ့ပြီး

ကျန်ရှိသော သွေးငရဲ တပ်မတော် တပ်မှူး တစ်ဦးတည်းသာ ကျန်တော့သည်။ သူသည် အလွန်အားကောင်းသော်လည်း တစ်ဦးကိုပင် ယှဉ်နိုင်ရန် ခက်ခဲနေစဉ် နှစ်ဦးနှင့် ရင်ဆိုင်ရသောအခါ အခြေအနေမှာ ပို၍ ဆိုးရွားသွားတော့၏။

စီမင်၏ သေခြင်းတရား အလင်းတန်းအောက်တွင် သူ့ဘဝ ဇာတ်သိမ်းကို မလိုလားစွာဖြင့် ရင်ဆိုင်လိုက်ရပြီး သူ၏ အသက် စွမ်းအားများမှာ စုပ်ယူခံလိုက်ရတော့သည်။

ဤအရာအားလုံးသည် မိနစ် အနည်းငယ်အတွင်းသာ ကြာမြင့်ခဲ့လေ၏။

လုရီသည်လည်း ဝင်ရောက်ကူညီကာ ပါ့မူနှင့် အခြားသူများကို ကျန်ရှိသော ကောင်းကင်ဘုံအင်မော်တယ်များကို သတ်ဖြတ်ရာတွင် ကူညီပေးခဲ့သည်။

ဝမ်ယွမ်ယွမ်နှင့် စီမင်တို့ နှစ်ဦးလုံးမှာ အသက်ရှူသံ အနည်းငယ် ပြင်းထန်လာကြသည်။ သွေးငရဲတပ်မတော်သည် အားမနည်းလှရာ သူတို့အဖွဲ့တစ်ဖွဲ့လုံးကို သတ်ဖြတ်ခြင်းသည် သူတို့၏ ဝိညာဉ်စွမ်းအင်ကိုလည်း သိသိသာသာ ကုန်ဆုံးစေခဲ့သည်။

သို့သော် သူတို့နှစ်ဦးလုံး၏ မျက်လုံးများမှာမူ စိတ်လှုပ်ရှားမှုဖြင့် တောက်ပနေကြသည်။

"သခင်လေးလုရီက တကယ်ပဲ အံ့မခန်းပါပဲ။ အခင်းအကျင်း မျက်လုံးကို တကယ်ပဲ ဖျက်ဆီးနိုင်ခဲ့တယ်ပေါ့။" ဝမ်ယွမ်ယွမ်က သူမ၏မျက်လုံးများ အံ့ဩမှုဖြင့် တောက်ပလျက် ချီးကျူးလိုက်သည်။

စီမင်မှာလည်း အပြုံးများဖြင့် ပြည့်နှက်နေသည်။

"အခုဆိုရင်တော့ ငါတို့ အခြေအနေကို ပြောင်းပြန်လှန်ဖို့ အခွင့်အရေး ရပြီ။"

"ဒါနဲ့ မပြီးသေးဘူး။ ကျွန်တော်တို့ ဖျက်ဆီးရမယ့် ရာရှိုမွန်မျိုးနွယ် အဓိကယာဉ်ပျံတစ်စင်း ကျန်သေးတယ်။ တပ်မှူးနှစ်ယောက် အရင်နားနေဖို့ လိုအပ်မလား။"ဟု လုရီက ဆိုလိုက်ပါ၏။

"မလိုအပ်ပါဘူး၊ သွားကြစို့။"

အောင်မြင်ခဲ့ပါက အခြားယာဉ်ပျံကိုလည်း ပစ်မှတ်ထားမည်ဟု သူတို့သည် အစီအစဉ်ရေးဆွဲစဉ်ကတည်းက ဆွေးနွေးခဲ့ကြပြီးဖြစ်သည်။

ထိုသို့ပြုလုပ်ခြင်းဖြင့် သူတို့၏ တစ်ဆယ့်နှစ်တပ်ခွဲနှင့် တစ်ဆယ်တပ်ခွဲသည် အသာစီးရရှိသွားမည်ဖြစ်သည်။

လုရီသည် ဝမ်ယွမ်ယွမ်နှင့် အခြားသူများနှင့်အတူ သွေးနေမင်းယာဉ်မှ ပျောက်ကွယ်သွားပြီး နောက်ထပ် နေရာလပ် ကူးပြောင်းလိုက်ပြန်သည်။

သွေးနေမင်းယာဉ်မှ ထွက်ခွာပြီး လေဟာနယ်သို့ ရောက်ရှိသွားရာ လုရီသည် နောက်တစ်ကြိမ် မရွေ့လျားရသေးမီမှာပင် ပြင်းထန်သော သတ်ဖြတ်လိုစိတ်တစ်ခု သူ့အပေါ်

ကျရောက်လာသည်ကို ခံစားလိုက်ရသည်။

လုရီ၏ စိတ်ထဲတွင် အေးစက်သွားပြီး ခေါင်းလှည့်ကြည့်လိုက်ရာ ရာရှိုမွန်မျိုးနွယ် ကျင့်ကြံသူအချို့က သူတို့၏ ဝိညာဉ်စွမ်းအင်ကို သူ့အပေါ်သို့ ပစ်မှတ်ထားနေသည်ကို သတိပြုမိလိုက်သည်။

သွေးငရဲတပ်မတော်နှင့် ကောင်းကင်ဘုံ အင်မော်တယ်အဆင့် ရာရှိုမွန်မျိုးနွယ် စွမ်းအားရှင်များ....သူတို့အထဲတွင် နက်ရှိုင်းခြင်း အင်မော်တယ် နှစ်ဦး ပါဝင်ကာ သတ်ဖြတ်လိုစိတ်မှာ အလွန်ကြောက်မက်ဖွယ်ကောင်းလှရာ လုရီ၏ ကျောပြင်တွင် ချွေးများပင် စို့လာရသည်။

လုရီ ထွက်ပေါ်လာသည်ကို မြင်သောအခါ

ရာရှိုမွန်မျိုးနွယ် တပ်မှူးနှစ်ဦးနှင့် အခြားအင်အားကြီး စစ်သည်တော်များသည် လုရီကို သတ်ဖြတ်လိုစိတ်ဖြင့် အဆက်မပြတ် ဟိန်းဟောက်ကြသည်။

သို့သော် ကြယ်တာရာနယ်မြေတပ်မတော်၏ စွမ်းအားရှင်များက သူတို့ကို ထိုသို့ပြုလုပ်ခွင့်ပေးမည်လော။

လုရီ၏ မြင့်မြတ်သော အဆင့်အတန်းကို ဘေးဖယ်ထားဦး၊ လုရီက သူတို့ကို ရာရှိုမွန်မျိုးနွယ်၏ အဓိကယာဉ်ပျံကို အားနည်းသွားအောင် ကူညီပေးခဲ့သည်ဟူသော အချက်ကပင် သူတို့ လုရီကို မည်သည့် အန္တရာယ်မျှ မကျရောက်စေရမည်ဟု ဆိုလိုနေသည်။

ရာရှိုမွန် မျိုးနွယ်၏ အင်အားကြီး စစ်သည်တော်များသည် မည်သည့် ခြိမ်းခြောက်မှုမျှ မပြုလုပ်နိုင်ဘဲ ဟိန်းဟောက်နေရုံသာ တတ်နိုင်သည်ကို မြင်သောအခါ လုရီ၏ စိတ်သည် တည်ငြိမ်သွား၏။

ရာရှိုမွန် မျိုးနွယ်၏ စွမ်းအားရှင်များကို စိန်ခေါ်သလို ပြုံးပြလိုက်ပြီးနောက် လုရီသည်

ဝမ်ယွမ်ယွမ်နှင့် အခြားသူများနှင့်အတူ ထိုနေရာမှ တစ်ဖန် ပျောက်ကွယ်သွားပြီးနောက် အခြားအဓိက ယာဉ်ပျံဆီသို့ ပျံသန်းသွားတော့သည်။

ဤအပြုအမူက ရာရှိုမွန် မျိုးနွယ်၏ စစ်သည်တော်များကို ပို၍ပင် ဒေါသထွက်စေခဲ့၏။

ကံမကောင်းစွာဖြင့် သူတို့၏ ဒေါသမှာ အချည်းနှီးပင်။

လုရီသည် ဝမ်ယွမ်ယွမ်နှင့် အခြားသူများကို အခြားအဓိက ယာဉ်ပျံ၏ အတွင်းပိုင်းသို့ ဦးဆောင် ခေါ်ဆောင်သွား၏။

အတွင်းသို့ ဝင်ရောက်လိုက်သည်နှင့် လုရီသည် ကြောက်မက်ဖွယ် ကောင်းသော ဝိညာဉ်စွမ်းအင် လှိုင်းဂယက်တစ်ခုကို ခံစားလိုက်ရသည်။

လူတိုင်း၏ မျက်နှာအမူအရာမှာ အနည်းငယ် ပြောင်းလဲသွား၏။

လုရီသည် စင်္ကြံပေါ်တွင် ကောင်းကင်ဘုံ

အင်မော်တယ် အဆင့် ရာရှိုမွန် မျိုးနွယ် အင်အားကြီး စစ်သည်တော်အချို့က သူတို့ကို တိုက်ခိုက်ရန် ပြေးလာနေသည်ကို သတိပြုမိလိုက်သည်။

"ဒါ လူသားမျိုးနွယ် နတ်ဆိုးတွေပဲ။ သူ့ကို သတ်"

"တခြားသူတွေကို ဒီကို လာဖို့ အကြောင်းကြားလိုက်၊ သူ့ကို ဒီနေရာမှာတင် သတ်ပစ်ရမယ်။"

"နေရာလပ်ပိတ်ဆို့ခြင်း အခင်းအကျင်းကို သုံးကြ။"

တစ်ယောက်ပြီးတစ်ယောက် ရာရှိုမွန်မျိုးနွယ် ကောင်းကင်ဘုံအင်မော်တယ်များက ဒေါသတကြီး ကြွေးကြော်ကြသည်။

မကြာမီပင် အလင်းတန်းများ အလျင်အမြန် ချဉ်းကပ်လာကြပြီး အားလုံးမှာ အင်မော်တယ်အဆင့် စွမ်းအားရှင်များသာ ဖြစ်ကြ၏။

သူတို့အထဲတွင် အင်အားအကြီးဆုံး အရှိန်အဝါငါးခုမှာ သွေးငရဲစစ်သည်တော်ငါးဦး၊ အဖွဲ့တစ်ဖွဲ့လုံးဖြစ်ပြီး ကောင်းကင်ဘုံအင်မော်တယ်အဆင့် တိုက်ခိုက်ရေးသမား သုံးဆယ် သို့မဟုတ် ထို့ထက်မကပင် ရှိနေရာ ယခင်အဓိကယာဉ်ပျံပေါ်မှာထက် နှစ်ဆပင် များပြားလှသည်။

ထိုအချိန်မှာပင် လုရီသည် နေရာလပ်ကြီး တစ်ခုလုံး မာခဲလာပြီး ထိုဧရိယာတစ်ခုလုံးကို ကမ္ဘာတစ်ခုအဖြစ်သို့ ပြောင်းလဲသွားသည်ကို ရှင်းလင်းစွာ ခံစားမိလိုက်၏။

လုရီ၏ မျက်နှာအမူအရာမှာ အနည်းငယ် တင်းမာသွားပြီးနောက် အနည်းငယ် ပြန်လည်ဖြေလျှော့လိုက်သည်။

သူ၏ ကောင်းကင်ဥမင် ကျောက်ပြားနှင့် အားကောင်းသော နေရာလပ် နိယာမကို အသုံးပြုပါက သူသည် နေရာလပ်ကို ဖြတ်သန်းသွားလာနိုင်သေးသည်ကို သူ သဘောပေါက်လိုက်သည်။ သို့သော် နွံအိုင်ကြီးထဲတွင် ရွေ့လျားနေရသကဲ့သို့ အလွန်ခက်ခဲလှ၏။

သို့သော်ငြားလည်း လုရီသည် ထွက်ခွာရန်

မရွေးချယ်ခဲ့ပေ။

ဤနေရာတွင် အင်အားကြီး စစ်သည်တော်များ အလွန် များပြားလှရာ သူသာ ထွက်ပြေးသွားပါက ဝမ်ယွမ်ယွမ်နှင့် အခြားသူများသည်

အင်မော်တယ် အုပ်စု တစ်စု၏ အလုံးအရင်းဖြင့် တိုက်ခိုက်မှုကို ရင်ဆိုင်ရမည် ဖြစ်ပြီး အလွန်ပင် အန္တရာယ်များလှသည်။

"လူတွေ ဒီလောက် များတာလား။"

ဝမ်ယွမ်ယွမ်၏ မျက်နှာ အမူအရာပင် သုန်မှုန်သွားသည်။

စီမင်၏ မျက်နှာမှာ အေးစက်နေပြီး သူက နှုတ်ခမ်းကို တင်းတင်းစေ့ကာ စူးရှသော လေသံဖြင့် ရေရွတ်လိုက်သည်။

"အားလုံးကို သတ်ပစ်လိုက်ရုံပဲ။"

ပါမူနှင့် အခြားသူများမှာမူ စိုးရိမ်နေကြသည်။

ဝမ်ယွမ်ယွမ်နှင့် စီမင်တို့သည် အလွန်အားကောင်းကြပြီး ဤမျှ များပြားသော

အင်မော်တယ်များ အရှေ့တွင်ပင် သူတို့၏ တည်ငြိမ်မှုကို ထိန်းသိမ်းထားနိုင်သော်လည်း

သူတို့မှာမူ သာမန် ကောင်းကင်ဘုံ အင်မော်တယ်များသာ ဖြစ်ကြသည် မဟုတ်ပါလော။

သူတို့ထက် အဆပေါင်းများစွာ များပြားသော ရန်သူများနှင့် ရင်ဆိုင်ရသောအခါ သူတို့သည် အလွန်အမင်း စိုးရိမ် ပူပန်နေကြပြီး တစ်ဦးချင်းစီက လုရီဘက်သို့ လှည့်ကြည့်ကြ၏။

"လုရီ၊ ငါတို့ ဘာလုပ်ကြမလဲ။"

လုရီက ပြုံးလိုက်၏။ ထိုအခိုက်အတန့်မှာပင်သူ၏ အင်မော်တယ် တက်လှမ်းခြင်း သိုင်းနည်းစနစ်သည် အစွမ်းကုန် ပေါက်ကွဲထွက်လာကာ ကောင်းကင်ဥမင်ကျောက်ပြားသည် သူ၏ ခေါင်းထက်တွင် ဝဲပျံနေပြီး သူ၏ ညာလက်ထဲတွင် မိစ္ဆာ ချေမှုန်းရေးဓား.. ပေါ်ထွက်လာလေသည်။

သူက ခပ်အေးအေး ပြောလိုက်၏။

"အားလုံးကို သုတ်သင် သတ်ဖြတ်လိုက်ရုံပေါ့။"

အခန်း ၅၇၆ - အဆင့်မြင့် အခင်းအကျင်းတာအို အင်မော်တယ်လက်နက်၏ စွမ်းအား၊ ရာရှိုမွန်မျိုးနွယ် ကောင်းကင်ဘုံအင်မော်တယ်အား ချေမှုန်းခြင်း...

~ပထမဆုံး လှုပ်ရှားလာသူမှာ စီမင် ဖြစ်၏။ သူသည် ရှေ့သို့ တိုးဝင်ကာ သွေးငရဲတပ်မတော်မှ တပ်မှူးတစ်ဦးနှင့် အခြားတပ်ဖွဲ့ဝင်တစ်ဦးကို တားဆီးလိုက်သည်။ ဝမ်ယွမ်ယွမ်ကလည်း သူ့နောက်မှ တကောက်ကောက်လိုက်ပါလာပြီး သွေးငရဲတပ်မတော်၏ အင်အားကြီး အဖွဲ့ဝင် နောက်ထပ်သုံးဦးကို ကူညီတားဆီးပေးလေသည်။

ရာရှိုမွန်မျိုးနွယ်တွင် ဤနေရာ၌ တပ်စုနှစ်စုသာ ရှိပြီး၊ တပ်ခွဲ ဆယ်ခုသာ ပါဝင်သည်။ အကြောင်းမှာ အဓိက တိုက်သင်္ဘောကြီးတိုင်းသည် အရေးပါလှပြီး၊ တစ်စီးစီတွင် သွေးငရဲတပ်မတော် တပ်ခွဲတစ်ခွဲစီကို ကာကွယ်ရန် တာဝန်ချထားသောကြောင့် ဖြစ်သည်။

သို့သော် ထိုမျှသာ ဖြစ်သည်။

ကျန်ရှိနေသူများမှာ ရာရှိုမွန်မျိုးနွယ်မှ ကောင်းကင်ဘုံအင်မော်တယ်အဆင့် ကျွမ်းကျင်သူများသာ ဖြစ်၏။

ထိုသူများအနက် အများစုမှာ ရာရှိုမွန်မျိုးနွယ်၏ တပ်မှူးချုပ်ထံမှ ပြန်လာရန် အမိန့်ရထားသူများ ဖြစ်သည်။

အစစ်အမှန် အင်မော်တယ်အဆင့် ကြယ်တာရာနယ်မြေတပ်မတော်နှင့် သွေးငရဲတပ်မတော်တို့ကြား တိုက်ပွဲစတင်ပြီးနောက်၊ ကောင်းကင်ဘုံအင်မော်တယ်အဆင့် ရာရှိုမွန်မျိုးနွယ် ကျွမ်းကျင်သူအချို့သည်လည်း ဟိန်းဟောက်ကြွေးကြော်ကာ လုရီနှင့် အခြားသူများထံသို့ ပြေးဝင်တိုက်ခိုက်ကြတော့သည်။

လုရီ၏ မျက်လုံးများထဲတွင် ကြမ်းကြုတ်သော အရောင်တစ်ချက် ဝင်းလက်သွားပြီး၊ နေရာလပ်နိယာမအား အသက်သွင်းလိုက်ရာ သူ၏ ခေါင်းထက်တွင် ရစ်ဝဲနေသော ကောင်းကင်ဥမင် ကျောက်ပြားကြီးသည် မူလနေရာမှ ရုတ်တရက် ပျောက်ကွယ်သွား၏။

နောက်တစ်ခဏ၌ ကောင်းကင်ဥမင်ကျောက်ပြားသည် ကောင်းကင်ဘုံအင်မော်တယ်အဆင့် အထွတ်အထိပ်သို့ ရောက်နေသော ရာရှိုမွန် မျိုးနွယ် ကျွမ်းကျင်သူ

တစ်ဦး၏ ခေါင်းထက်တွင် ရုတ်ချည်းပေါ်လာသည့် အခိုက််အတန့်၌ ပတ်ဝန်းကျင်မှ နေရာလပ်များ လိမ်လည်သွား၍ ကြောက်မက်ဖွယ် အင်အားဖြင့် ပြင်းထန်စွာ ဆင်းသက် ရိုက်ခတ်လာသည်။

ဘုန်း!

ကောင်းကင်ဘုံအင်မော်တယ်အဆင့် အထွတ်အထိပ်မှ ရာရှိုမွန်မျိုးနွယ် ကျွမ်းကျင်သူသည် နေရာလပ်၏ လှုပ်ခတ်မှုကို ခံစားမိလိုက်သည်နှင့် မျက်နှာပျက်သွား၏။ သူသည် ကောင်းကင်သို့ မော့ကြည့်ရန်ပင် အချိန်မရဘဲ ဘေးသို့ ကိုယ်ကို ယိမ်းထိုးရှောင်တိမ်းလိုက်သည်။

သို့သော် သူ၏ အမြန်နှုန်းမှာ ကောင်းကင်ဥမင်ကျောက်ပြားနှင့် ယှဉ်နိုင်ခြင်းမရှိသဖြင့် လုံးဝ မလွတ်မြောက်နိုင်ခဲ့ပေ။

ကောင်းကင်ဥမင်ကျောက်ပြားသည် သူ၏ ပခုံးပေါ်သို့ တည့်တည့်မတ်မတ် ကျရောက်ရိုက်ခတ်၏။ သူသည် ကြောက်မက်ဖွယ် စွမ်းအားတစ်ခုဖြင့် ပေါက်ကွဲသွားပြီး ခန္ဓာကိုယ်တစ်ခြမ်းလုံးမှာ သွေးမြူများအဖြစ်သို့ လွင့်ပါးပျောက်ကွယ်သွားလေတော့သည်။

ထိုရာရှိုမွန်မျိုးနွယ်၏ ကောင်းကင်ဘုံအင်မော်တယ်အထွတ်အထိပ် ကျင့်ကြံသူသည် နာကျင်စွာ အော်ဟစ်ရင်း မျက်နှာမှာ ဖြူရော်သွား၏။ ခြေလှမ်းများ ယိုင်နဲ့စွာဖြင့် နောက်သို့ ဆုတ်သွားပြီး သူ၏ မျက်လုံးများထဲတွင် ကြောက်ရွံ့မှုများ ပြည့်နှက်နေ၏။

ထိုအခိုက်အတန့်၌ လုရီသည် ထိုသူ၏

နံဘေးသို့ ရောက်ရှိနေခဲ့ပြိီး ကြယ်တာရာဓားအလင်းတန်း တစ်ခု လျှပ်ပြေးသွားကာ ထိုရာရှိုမွန် မျိုးနွယ် ကောင်းကင်ဘုံ

အင်မော်တယ်၏ ခန္ဓာကိုယ်ထဲသို့ ချက်ချင်းဆိုသလို ထိုးဖောက် ဝင်ရောက်သွားလေသည်။

ခန္ဓာကိုယ် တစ်ခြမ်းသာ ကျန်တော့သော ထိုရာရှိုမွန်မျိုးနွယ် ကျွမ်းကျင်သူသည် ရုတ်တရက် ပေါက်ကွဲသွားပြီး သွေးမြူများအဖြစ်သို့ ပြောင်းလဲကာ လေထဲတွင်ပင် အငွေ့ပျံ ပျောက်ကွယ်သွားခဲ့၏။

ဤအဖြစ်အပျက် အားလုံးသည် မျက်စိတစ်မှိတ်အတွင်း ဖြစ်ပျက်ခဲ့ရာ၊ နောက်မှလိုက်ပါလာသော ရာရှိုမွန် မျိုးနွယ် ကောင်းကင်ဘုံအင်မော်တယ် ကျွမ်းကျင်သူများသည် ခေတ္တမျှ မှင်တက်မိကာ လုရီအား အထူးသတိကြီးစွာဖြင့် စိုက်ကြည့်နေကြတော့သည်။

သူတို့၏ စိတ်ထဲတွင် မေးခွန်းပေါင်းများစွာဖြင့် ပြည့်နှက်နေပြီး နှလုံးသားများမှာလည်း ကြောက်ရွံ့မှုဖြင့် တုန်လှုပ်နေခဲ့သည်။

သူတို့ထဲမှ အပြင်းထန်ဆုံး ကောင်းကင်ဘုံအင်မော်တယ်တစ်ယောက်က ဒီလိုပဲ သေသွားခဲ့ပြီလား။

“ဒီလူသား မျိုးနွယ်သစ်က အရမ်းသန်မာတယ်၊ အားလုံး ဝိုင်းတိုက်ကြ!”

နောက်ထပ် ကောင်းကင်ဘုံအင်မော်တယ် အထွတ်အထိပ်အဆင့် ရာရှိုမွန်မျိုးနွယ် ကျွမ်းကျင်သူတစ်ဦးက သတိဝင်လာပြီး ဟိန်းဟောက်လိုက်သည်။ သူ၏ ကိုယ်ပေါ်တွင် သွေးရောင်စစ်ချပ်ဝတ်တန်ဆာတစ်စုံ ပေါ်လာပြီး၊ သွေးနံ့များ သင်းပျံ့နေကာ သွေးမြူငွေ့များက သူ့ပတ်လည်တွင်

လူးလွင့်နေသကဲ့သို့ ထင်ရသည်။

အားပြင်းသော အရှိန်အဝါဖြင့် သူသည်

လုရီထံသို့ တဟုန်ထိုး ပြေးဝင်သွား၏။

သူ၏ ဘေးတွင် အခြား ကောင်းကင်ဘုံ

အင်မော်တယ် အထွတ်အထိပ် အဆင့်

တစ်ဦးနှင့် ကောင်းကင်ဘုံအင်မော်တယ် ကိုးလွှာအဆင့် ရာရှိုမွန်မျိုးနွယ် ကျွမ်းကျင်သူ သုံးဦးကလည်း ဟိန်းဟောက်ကာ လုရီထံသို့ ပြေးဝင်တိုက်ခိုက်ကြသည်။

လုရီ ပြသခဲ့သော စွမ်းအားမှာ သူတို့ ပေါ့ပေါ့ဆဆ သဘောထား၍ မရလောက်အောင်ပင် အလွန်တရာ ကြီးမားလှသဖြင့် လုရီအား သတ်ဖြတ်နိုင်ရန်အတွက် အားလုံး စုပေါင်းတိုက်ခိုက်မှသာ မျှော်လင့်ချက် ရှိမည် ဖြစ်သည်။

အခြား ရာရှိုမွန်မျိုးနွယ် ကောင်းကင်ဘုံ

အင်မော်တယ်များကလည်း လုရီထံသို့ ပြေးဝင်လာကြသည်။

ပါ့မူနှင့် အခြားသူများကလည်း ဟိန်းဟောက်ကြွေးကြော်ကာ ပြေးဝင်လာကြသည်။

“လုရီကို သွားကူကြ!”

“လုရီ၊ ငါတို့ မင်းကို လာကူညီပြီ!”

လုရီသည် ကောင်းကင်ဘုံအင်မော်တယ် အထွတ်အထိပ် အဆင့်၊ ကိုးလွှာ အဆင့်နှင့် ရှစ်လွှာ အဆင့် ရာရှိုမွန်မျိုးနွယ် ကျွမ်းကျင်သူများနှင့် အပြင်းအထန် တိုက်ခိုက်နေရ၏။ မိုးခြိမ်းသံကဲ့သို့သော ပေါက်ကွဲသံများက လေထဲတွင် အဆက်မပြတ် မြည်ဟည်းနေတော့သည်။

ပါ့မူနှင့် အခြားသူများမှာ ကျန်ရှိသော

ရာရှိုမွန် မျိုးနွယ် ကောင်းကင်ဘုံ

အင်မော်တယ်များကို တားဆီး တိုက်ခိုက်နေကြသည်။

သို့တိုင်အောင် လုရီသည် ဖိအားအတော်များများကို ခံစားနေရဆဲ ဖြစ်သည်။ ဤကောင်းကင်ဘုံအင်မော်တယ်များသည် အားကောင်းရုံသာမက အရေးကြီးသည်မှာ အရေအတွက် များပြားလှပြီး၊ ကိုးယောက်အထိ ရှိနေသောကြောင့် ဖြစ်သည်။

လုရီပင်လျှင် သတိကြီးစွာဖြင့် တိုက်ခိုက်နေရ၏။

ဘုန်း!!

လုရီ၏ နောက်ကျောဘက်မှ လက်သီးရောင်ခြည်တစ်ခု ထိုးထွက်လာသည်။

ထိုအခါ လုရီ၏ ပတ်လည်တွင် ယင်ယန်မြေပုံတစ်ခု ပေါ်ပေါက်လာ၏။

လျှို့ဝှက်ဆန်းကြယ်သော ယင်ယန်နိယာမကိန်းဝပ်သော ယင်ယန်မြေပုံသည် ဖြည်းညင်းစွာ လည်ပတ်ရင်း နီရဲသော လက်သီးရောင်ခြည်ကို တားဆီးလိုက်သည်။

ဟိန်းဟောက်သံများကြားတွင် ယင်ယန်မြေပုံသည် ကြေမွသွားပြီး လက်သီးရောင်ခြည်က လုရီ၏ ကိုယ်ပေါ်သို့ ကျရောက်ကာ သူ့အား ညည်းညူစေခဲ့ပြီး၊ နှုတ်ခမ်းထောင့်မှ သွေးစတစ်ကြောင်း စီးကျလာသည်။

အခြားသူများက ဆက်လက်တိုက်ခိုက်ရန် ကြိုးစားသောအခါ လုရီသည် နေရာလပ်နိယာမအား အသုံးပြု၍ ထိုနေရာမှ ဖျတ်ခနဲပျောက်ကွယ်သွားပြီး နောက်ဆက်တွဲတိုက်ခိုက်မှုအားလုံးကို ရှောင်တိမ်းသွားခဲ့လေ၏။

လုရီအား ထိမှန်အောင် ထိုးနိုင်ခဲ့သော ကောင်းကင်ဘုံအင်မော်တယ်

ကိုးလွှာအဆင့် ရာရှိုမွန်မျိုးနွယ် ကျင့်ကြံသူသည် ကြမ်းကြုတ်စွာ ပြုံးလိုက်သော်လည်း၊

ထိုအခိုက်အတန့်မှာပင် ကောင်းကင်ဥမင်ကျောက်ပြားက သူ၏ နောက်စေ့တွင် ပေါ်လာ၏။ ဖြူဖွေးသော ကျောက်ပြားကြီးက သူ၏ ဦးခေါင်းနောက်စေ့ကို ပြင်းထန်စွာ ရိုက်ချလိုက်တော့သည်။

ဘုန်း!

ထိုရာရှိုမွန် မျိုးနွယ် ကောင်းကင်ဘုံ

အင်မော်တယ်၏ ဦးခေါင်းသည် ချက်ချင်းပင် သွေးမြူ တိမ်တိုက်အဖြစ်သို့ ပြောင်းလဲသွား၏။

သို့သော် ထိုကဲ့သို့သော ဒဏ်ရာသည် ကောင်းကင်ဘုံ အင်မော်တယ် တစ်ဦးအတွက် သေစေနိုင်လောက်ခြင်း မရှိပေ။

သူ၏ ခန္ဓာကိုယ်သည် နောက်ထပ်တိုက်ခိုက်မှုများကို ရှောင်ရှားရန် နောက်သို့ ထပ်ခါ..ထပ်ခါ ဆုတ်ခွာသွားလေသည်။

သို့ရာတွင် လုရီသည် ထိုရာရှိုမွန် မျိုးနွယ် ကောင်းကင်ဘုံ အင်မော်တယ်၏ ဘေးသို့ ရောက်ရှိနေခဲ့၏။ သူ၏ ဘယ်ဖက် လက်သီးကို ကျစ်ကျစ်ပါအောင် ဆုပ်ကာ အထွတ်အထိပ် ကောင်းကင်ခွဲလက်သီးကို ပြင်းထန်စွာ ထိုးချလိုက်တော့သည်။

ရာရှိုမွန် မျိုးနွယ် ကောင်းကင်ဘုံ

အင်မော်တယ်၏ ခန္ဓာကိုယ်သည်လည်း သွေးမြူများအဖြစ်သို့ ပြောင်းလဲသွားပြီး လုံးဝ ပျက်သုဉ်းသွားစေခဲ့သည်။

လုရီအား တိုက်ခိုက်နေသော အခြားရာရှိုမွန်မျိုးနွယ် ကျင့်ကြံသူများသည် ဤမြင်ကွင်းကို မြင်တွေ့ရသောအခါ သူတို့၏ နှလုံးသားများထဲတွင် အေးစက်သွားကြသည်။

လုရီ၏ စွမ်းအားမှာ အလွန်တရာ ကြောက်မက်ဖွယ်ကောင်းလှ၏။

ဤမျှများပြားသော ထိပ်တန်း ကောင်းကင်ဘုံအင်မော်တယ် ကျွမ်းကျင်သူများကို ရင်ဆိုင်နေရသည့်ကြားမှ သူသည် တန်ပြန် သတ်ဖြတ်နိုင်စွမ်း ရှိနေသေးသည်လော။

ဤအချက်က မိမိတို့၏ ဖြစ်တည်မှုကိုပင် မေးခွန်းထုတ်မိစေသည်။

ဤနေရာတွင် မည်သူက အမှန်တကယ် ကပ်ဘေး ဖြတ်ကျော် ကျင့်ကြံသူ ဖြစ်နေသနည်း။

ကြယ်တာရာ ကောင်းကင်ယံတွင် ဤကဲ့သို့သော ကပ်ဘေးဖြတ်ကျော် ကျင့်ကြံသူ တစ်ယောက် မည်သို့ ရှိနေနိုင်မည်နည်း။

ရာရှိုမွန်ကြယ်တာရာနယ်မြေ၌ပင် သူတို့သည် လုရီနှင့် နှိုင်းယှဉ်နိုင်သော

မျိုးနွယ်သစ် တစ်ဦးကို တစ်ခါမျှ မမြင်ထူးခဲ့ပေ။ ရာရှိုမွန်မျိုးနွယ်မှ အင်မော်တယ်အရှင်သခင်၏ သားသမီးများပင်လျှင် သူ့ကို မယှဉ်နိုင်ပေ။

ဦးဆောင်နေသော ရာရှိုမွန်မျိုးနွယ် ကောင်းကင်ဘုံအင်မော်တယ် အထွတ်အထိပ် ကျင့်ကြံသူက ဟိန်းဟောက်လိုက်သည်။

“ကပ်ဘေးဖြတ်ကျော် ကျင့်ကြံသူလေးပဲ။ ဘယ်လောက်ပဲ သန်မာပါစေ၊ သူ့ရဲ့ ဝိညာဉ်စွမ်းအင်က အကန့်အသတ် မရှိတာမှ မဟုတ်တာ။ ငါတို့ သူ့ကို အားကုန်အောင် တိုက်ခိုက်ပြီး သတ်ပစ်ကြစို့!”

ထိုစကားကို ကြားသောအခါ၊ ကျင့်ကြံသူများ၏ မျက်လုံးများက အရောင်တောက်လာပြီး မျှော်လင့်ချက်အသစ်များဖြင့် ပြည့်နှက်သွားသည်။

မှန်ပေသည်။ သူတို့သည် ကောင်းကင်ဘုံအင်မော်တယ်များဖြစ်ပြီး၊ ကပ်ဘေးဖြတ်ကျော် ကျင့်ကြံသူများနှင့် နှိုင်းယှဉ်ပါက ဝိညာဉ်စွမ်းအင်ပိုင်းတွင် လုံးဝ အသာစီးရနေသည်။

ကပ်ဘေးဖြတ်ကျော် ကျင့်ကြံသူတစ်ဦး၏ ပေါက်ကွဲအားသည် မည်မျှပင် ပြင်းထန်ပါစေ၊ သူတို့နှင့် မည်သို့ ယှဉ်နိုင်မည်နည်း။

“သူနဲ့ တိုက်ရိုက်မရင်ဆိုင်နဲ့!”

“သူ့ကို အချိန်ဆွဲပြီး သတ်ပစ်ကြ!”

တစ်ယောက်ပြီးတစ်ယောက် ကောင်းကင်ဘုံ အင်မော်တယ် ကျွမ်းကျင်သူများသည် ကြက်သွေးထိုးဆေး ထိုးခံထားရသကဲ့သို့ စိတ်လှုပ်ရှားလာကြသည်။

ထိုအခိုက်အတန့်၌ပင် ကောင်းကင်ဥမင်ကျောက်ပြားသည် စောစောက စကားပြောခဲ့သော ကောင်းကင်ဘုံ အင်မော်တယ် အထွတ်အထိပ်အဆင့် ရာရှိုမွန် မျိုးနွယ် ကျင့်ကြံသူ၏ နောက်ကျောတွင် ရုတ်တရက် ပေါ်လာပြီး သူ့ထံသို့ ရိုက်ခတ်လာသည်။

သို့သော် ရာရှိုမွန် မျိုးနွယ် ကျင့်ကြံသူအားလုံးသည် သတိဖြင့် စောင့်ကြည့်နေကြပြီး တိုက်ခိုက်မှုကို အစွမ်းကုန် ခုခံရန်

သူတို့၏ ကိုယ်ခန္ဓာ တလျှောက်လုံးတွင်

အင်မော်တယ် စွမ်းအင်ကို လှည့်ပတ်ထားကြသည်။

ဘုန်း!!

အင်မော်တယ် အလင်းတန်းများ ကြေမွပျံ့လွင့်သွားသော်လည်း၊ ရာရှိုမွန် မျိုးနွယ် ကျင့်ကြံသူသည် တိုက်ခိုက်မှုကို တားဆီးနိုင်ခဲ့ပြီး သွေးအနည်းငယ်သာ အန်ထွက်လာသည်။

“ဟားဟားဟား၊ သူ့ရဲ့ နည်းလမ်းတွေကို

ငါတို့ နားလည်သွားသရွေ့တော့ သူ့ကို တိုက်နိုင်တာပဲ!”

ရာရှိုမွန် မျိုးနွယ်၏ အထွတ်အထိပ် ကောင်းကင်ဘုံ အင်မော်တယ်သည် အားရပါးရ ရယ်မောလိုက်သည်။

အခြား ကောင်းကင်ဘုံအင်မော်တယ်များမှာလည်း အားတက်ဆေးတစ်လုံး ရရှိလိုက်သကဲ့သို့ လုရီအား စိန်ခေါ်သော အမူအရာများဖြင့် စူးစူးရဲရဲ ကြည့်နေကြသည်။

ထိုမြင်ကွင်းကို ကြည့်၍ လုရီသည် မျက်နှာအမူအရာ မပြောင်းလဲဘဲ လေပူတစ်ချက်ကို မှုတ်ထုတ်လိုက်သည်။

နောက်ထပ် နည်းဗျူဟာတစ်ခုကို ထုတ်သုံးရတော့မည်ဟု ထင်ရ၏။

လုရီ သူ၏ လက်ဖဝါးကို ဖြန့်လိုက်ရာ၊ အဖြူရောင် အခင်းအကျင်း မြေပုံတစ်ခု ပေါ်လာ၏။ ၎င်းသည် နက်ရှိုင်းသော အခင်းအကျင်း တာအို အသိဉာဏ်အငွေ့အသက်ကို ထုတ်လွှတ်နေသည့် သိပ်သည်းသော အခင်းအကျင်းအကွက်များဖြင့် ပြည့်နှက်နေသည်။

ဤသည်မှာ အဆင့်မြင့် အင်မော်တယ်လက်နက်၊ မူလဇာစ်မြစ် အခင်းအကျင်းမြေပုံ ဖြစ်ပါ၏။ ရာရှိုမွန်မျိုးနွယ်၏ အဓိကစခန်း ကာကွယ်ရေး အခင်းအကျင်းကို ချိုးဖျက်သည့် အလုပ်ကို ပြီးမြောက်အောင်မြင်ခဲ့ခြင်းအတွက် လုရီ ရရှိခဲ့သော ဆုလာဘ် ဖြစ်သည်။

မူလက လုရီသည် ၎င်းကို အသုံးပြုရန် ရည်ရွယ်ချက် မရှိခဲ့သော်လည်း၊ လက်ရှိအခြေအနေအရ တိုက်ပွဲကို လျင်မြန်စွာ အဆုံးသတ်ရန် လိုအပ်နေပေသည်။

မဟုတ်လျှင် သူ၏ အင်မော်တယ် တက်လှမ်းခြင်း သိုင်းနည်းစနစ်သည် အထွတ်အထိပ်သို့ ရောက်ရှိနေပြီး ဝိညာဉ်စွမ်းအင် ကုန်ဆုံးမှု သိသိသာသာ လျော့ကျသွားသော်လည်း၊ သူသည် အချိန်ကြာမြင့်စွာ တောင့်ခံနိုင်မည် မဟုတ်ပေ။

အချိန်ဆွဲခြင်းသည် သူ့အတွက် ကောင်းသော လက္ခဏာ မဟုတ်ချေ။

လုရီသည် မူလဇာစ်မြစ် အခင်းအကျင်းမြေပုံကို ဖြန့်ထုတ်လိုက်ပြီး၊ သူ၏ မျက်လုံးများတွင် နက်ရှိုင်းပြီး အဆုံးမရှိသော အခင်းအကျင်း ပုံစံများ လင်းလက်လာသည်။

မူလဇာစ်မြစ် အခင်းအကျင်းမြေပုံသည်

စင်္ကြံလမ်းကို လွှမ်းခြုံသွားပြီး၊ အဆုံးမရှိသော နက်ရှိုင်းသည့် အခင်းအကျင်း ပုံစံကို ထုတ်လွှတ်ကာ အခင်းအကျင်းမြေပုံ တစ်ခုပြီးတစ်ခုကို စုစည်းဖွဲ့စည်းလိုက်သည်။

၎င်းတို့မှာ လုရီက သူ၏ နိယာမ၊ အင်မော်တယ်ကျမ်း နှင့် အင်မော်တယ်သိုင်းနည်းစနစ် တို့ကို ကိုယ်ပိုင်ဉာဏ်အလင်းဖြင့် ပေါင်းစပ်ပြီး သူ၏ အခင်းအကျင်းတာအို အသိဉာဏ်ဖြင့် ဖန်တီးထားသော အင်မော်တယ်အဆင့် အခင်းအကျင်းများ ဖြစ်ပြီး၊ ပေါင်းစပ်အခင်းအကျင်းများပင် ဖြစ်နေသည်။

ထန်...

ကြည်လင်သော ဓားသံတစ်ချက် မြည်ဟည်းသွားပြီး၊ နောက်တစ်ခဏ၌ ဖြူဖျော့သော ဓားအလင်းတန်း ကိုးခု ပေါ်ထွက်လာ၏။ ၎င်းတို့သည် ကိုးလွှာကောင်းကင်မှ ဓားများကဲ့သို့ တဖြည်းဖြည်း ပေါင်းစပ်သွားပြီး အထွတ်အထိပ် ကောင်းကင်ဘုံအင်မော်တယ် ကျင့်ကြံသူများကိုပင် တုန်လှုပ်စေသော အရှိန်အဝါကို ထုတ်လွှတ်နေသည်။

ထိုရာရှိုမွန်မျိုးနွယ် ကောင်းကင်ဘုအင်မော်တယ်များ၏ မျက်နှာပေါ်မှ အပြုံးများ တောင့်ခဲသွားကြသည်။

နောက်တစ်ခဏ၌ ကောင်းကင်ဘုံဓားသည် နေရာတွင်ပင် ပျောက်ကွယ်သွားပြီး စောစောက စကားပြောခဲ့သော အထွတ်အထိပ် ကောင်းကင်ဘုံ

အင်မော်တယ် အဆင့် ရာရှိုမွန်မျိုးနွယ် ကျင့်ကြံသူကို ချက်ချင်း ဖြတ်လှီးသွားသည်။

ထိုရာရှိုမွန်မျိုးနွယ် ကျင့်ကြံသူသည် နေရာတွင်ပင် တောင့်တင်းသွားပြီး၊ ထို့နောက် အဆုံးမရှိသော ဓားတာအိုနိယာမများ ပေါက်ကွဲထွက်ကာ သူ့အား ချက်ချင်းပင် သွေးမြူများအဖြစ်သို့ ပြောင်းလဲပစ်လိုက် သည်။

ဤသည်မှာ လုရီက ကိုးလွှာကောင်းကင် ဓားအင်မော်တယ် ရတနာကျမ်းနှင့် ဓား

တာအိုနိယာမများမှ ဖန်တီးထားသော ကိုးလွှာကောင်းကင် ဓားအခင်းအကျင်း ဖြစ်သည်။

၎င်းသည် လုရီက တကယ့်တိုက်ပွဲတွင် ပထမဆုံး အကြိမ် အသုံးပြုခြင်း ဖြစ်ပြီး၊ ၎င်း၏ ကြောက်မက်ဖွယ် ကောင်းသော စွမ်းအားကို ကြည့်၍ လုရီသည် အလွန်ကျေနပ်မိ၏။

လုရီသည် ကောင်းကင်ယံ၌ ရပ်နေရင်း၊ သူ၏ လက်ချောင်းများက အခင်းအကျင်းလက်ဟန်များ ဖွဲ့စည်းနေ၏။ ဓားအလင်းတန်းများက ဝိုးတဝါး လင်းလက်နေကာ ဓားအလင်းတန်းအဖြစ်သို့ နောက်တစ်ကြိမ် ပြန်လည် စုစည်းနေ၏။

ရာရှိုမွန် မျိုးနွယ်များသည် ကျောရိုး

တလျှောက် စိမ့်တက်လာခဲ့ပြီး သူတို့၏ မျက်လုံးများမှာ မယုံနိုင်ခြင်းများဖြင့် ပြည့်နှက်နေသည်။

ကပ်ဘေးဖြတ်ကျော် ကျင့်ကြံသူ တစ်ဦးမျှသာက ကောင်းကင်ဘုံ အင်မော်တယ် အခင်းအကျင်း တစ်ခုကို ဤမျှ လွယ်ကူစွာ မည်သို့ ဖော်ကျူးနိုင်သနည်း။ ထို့ပြင် ပေါင်းစပ် အခင်းအကျင်းကြီးပါတကား။

ပေါင်းစပ် အခင်းအကျင်းကြီးဖြစ်လျှင်ပင်၊ ၎င်း၏ စွမ်းအားက အတော်ကြီး ကြောက်စရာကောင်းမနေဘူးလား။

ဤအခင်းအကျင်းတာအို အင်မော်တယ်လက်နက်သည် မည်သည့်အဆင့် ဖြစ်သနည်း။

ဓားအလင်းတန်းများ၏ အေးစက်သော သတ်ဖြတ်လိုသည့် စိတ်ဆန္ဒကို ခံစားမိသောအခါ၊ လုရီအား တိုက်ခိုက်နေသော

ရာရှိုမွန် မျိုးနွယ် ကောင်းကင်ဘုံ

အင်မော်တယ်အချို့သည် တိုက်ခိုက်လိုစိတ် ပျောက်ဆုံးသွားကြတော့သည်။

“မြန်မြန်ပြေး!”

သူတို့သည် သေရမည်ကို သိသော်လည်း နောက်မဆုတ်သည့် သွေးငရဲတပ်မတော်သားများကဲ့သို့ မဟုတ်ကြပေ။ သူတို့သည်လည်း ရာရှိုမွန် မျိုးနွယ်မှ တကိုယ်တော် ကျင့်ကြံသူများဖြစ်ပြီး၊ ထျန်းလော့ကြယ်တာရာနယ်မြေအား အရင်းအမြစ်များအတွက် လာရောက် တိုက်ခိုက်ကြခြင်း ဖြစ်သည်။

ယခု သူတို့၏ အသက်အန္တရာယ်နှင့် ရင်ဆိုင်နေရချိန်တွင် မည်သို့ ဆက်နေနိုင်မည်နည်း။

သို့သော် သူတို့ လှည့်ထွက်လိုက်သည်နှင့် ဓားအလင်းတန်းများက ဖြတ်ကနဲ လက်သွားပြီး ထိုရာရှိုမွန်မျိုးနွယ် ကျင့်ကြံသူများကို သွေးမြူများအဖြစ်သို့ ပြောင်းလဲပစ်လိုက်သည်။

လုရီသည် သူ၏ အကြည့်ကို အခြားနေရာများသို့ လွှဲလိုက်သည်။

ပါ့မူနှင့် အခြားသူများမှာ ပြင်းထန်သော တိုက်ပွဲ တစ်ခုအတွင်း၌ ရှိနေကြသည်။

ရာရှိုမွန် မျိုးနွယ်တွင် ကောင်းကင်ဘုံ

အင်မော်တယ် အရေအတွက်များစွာ ရှိပြီး၊ အသန်မာဆုံးသူများကို လုရီက တားဆီးထားသော်လည်း ကောင်းကင်ဘုံ

အင်မော်တယ်အဆင့် ကျွမ်းကျင်သူ

နှစ်ဆယ်ခန့် ကျန်ရှိနေသေးသည်။

သို့သော် ပါ့မူသည် ကောင်းကင်ဘုံ

အင်မော်တယ် ကိုးလွှာ အဆင့်ဖြစ်သောကြောင့် အားကောင်းလှပြီး၊ တစ်ယောက်တည်းဖြင့် ကောင်းကင်ဘုံအင်မော်တယ် ငါးယောက် သို့မဟုတ် ခြောက်ယောက်ကို တားဆီးထားကာ၊ လုံယွမ်ကဲ့သို့သော အခြားသူများကလည်း ရာရှိုမွန်

မျိုးနွယ် ကောင်းကင်ဘုံ အင်မော်တယ်အချို့နှင့် တိုက်ခိုက်နေကြသည်။

အစပိုင်းတွင် သူတို့ အရေးနိမ့်နေသော်လည်း၊ လုရီက အင်မော်တယ်အခင်းအကျင်းကို ထုတ်သုံးပြီး ထိပ်တန်း ရာရှိုမွန်မျိုးနွယ် ကောင်းကင်ဘုံ

အင်မော်တယ်အများအပြားကို ချက်ချင်း သတ်ဖြတ်လိုက်သည်ကို မြင်သောအခါ၊ အခြားရာရှိုမွန်မျိုးနွယ် ကောင်းကင်ဘုံ

အင်မော်တယ်များသည် မှင်သက်စွာဖြင့် ရပ်တန့်သွားကြသည်။

တစ်ဖက်တွင် ဤမျှ အားကောင်းသော အခင်းအကျင်းအင်မော်တယ်တစ်ဦး ရှိနေလျှင် သူတို့ မည်သို့ ဆက်လက်တိုက်ခိုက်နိုင်မည်နည်း။

ထိုကဲ့သို့သော နေရာယူတိုက်ခိုက်သည့် တိုက်ပွဲမျိုးတွင်၊ အခင်းအကျင်းတာအို အင်မော်တယ်လက်နက်ကို ချက်ချင်းအသုံးပြုပြီး ကောင်းကင်ဘုံအင်မော်တယ် အခင်းအကျင်းတစ်ခုကို တည်ဆောက်နိုင်သော အခင်းအကျင်းအင်မော်တယ်တစ်ဦးသည် မျှော်လင့်ချက်မဲ့စေရန် လုံလောက်သော အကြောင်းပြချက်ပင် ဖြစ်သတည်း။

တစ်ယောက်ပြီးတစ်ယောက် ရာရှိုမွန်မျိုးနွယ် ကောင်းကင်ဘုံအင်မော်တယ်များသည် စကားတစ်ခွန်းမျှမဆိုဘဲ ထွက်ပြေးရန် လှည့်ထွက်ကြတော့သည်။

“ဘယ်ကို ပြေးလို့ လွတ်မယ် ထင်နေတာလဲ?!”

တိုက်ပွဲတွင် ဖိအားပေးခံထားရသော

လုံယွမ်နှင့် အခြားသူများ၏ မျက်လုံးများသည် စိမ်းလဲ့သွားပြီး ရာရှိုမွန်မျိုးနွယ် ကောင်းကင်ဘုံအင်မော်တယ်များကို စိုက်ကြည့်ကာ၊ သူတို့ မလွတ်မြောက်နိုင်စေရန် အားကုန်တိုက်ခိုက်ကြတော့၏။

ပါ့မူနှင့် အခြားသူများ၏ မျက်လုံးထဲတွင် ဤသူများသည် ကောင်းကင်ဘုံအင်မော်တယ်များ မဟုတ်တော့ပေ။ ဤသူတို့သည် ကြယ်တာရာခြင်ဆီများ၊ အင်မော်တယ်ရွှေများနှင့် အင်မော်တယ်လက်နက်များ၊ အင်မော်တယ်သိုင်းနည်းစနစ်များ ဖြစ်နိုင်ချေရှိသည် မဟုတ်ပါလော။

ပါ့မူနှင့် အခြားသူများက သူတို့ကို ထိန်းထားချိန်တွင်၊ လုရီသည် မူလဇာစ်မြစ် အခင်းအကျင်းမြေပုံကို နောက်တစ်ကြိမ် အသုံးပြုကာ၊ အင်မော်တယ်အခင်းအကျင်းများကို တည်ဆောက်ပြီး

ရာရှိုမွန်မျိုးနွယ် ကောင်းကင်ဘုံအင်မော်တယ်အဆင့် ကျင့်ကြံသူအားလုံးကို သတ်ဖြတ်လိုက်လေသည်။

ထို့နောက်တွင် လုရီသည် ဝမ်ယွမ်ယွမ်နှင့်

စီမင်ကို မကူညီဘဲ အခင်းအကျင်းမျက်လုံး ရှိရာသို့ ပျံသန်းသွားလေသည်။

အချိန်က လူကို စောင့်မနေပေ။

အခြားသွေးငရဲတပ်မတော်သားများက ပြန်လာ၍ ကာကွယ်မည်ကို သူ စိုးရိမ်နေသည်။ ထိုအခါ အခင်းအကျင်းမျက်လုံးကို ဖျက်ဆီးရန် ပို၍ ခက်ခဲသွားပေလိမ့်မည်။

သူ၏ ယခင်အတွေ့အကြုံအရ၊ လုရီသည် အခင်းအကျင်းမျက်လုံး ထားရှိရာ အခန်းကို လွယ်ကူစွာ ရှာဖွေတွေ့ရှိပြီးနောက်၊ အစောင့်အကြပ် မရှိသော တံခါးမှတစ်ဆင့် ဝင်ရောက်သွားလေသည်။

ခဏအကြာတွင် ရာရှိုမွန် မျိုးနွယ်၏ မိခင်သင်္ဘောကြီးအတွင်းမှ ကျယ်လောင်သော မြည်ဟည်းသံများ နောက်တစ်ကြိမ် ထွက်ပေါ်လာပြီး၊ ဝိညာဉ်စွမ်းအင်လှိုင်းများက ပေါက်ကွဲနေသော ဂြိုဟ်တစ်လုံးကဲ့သို့ ပျံ့နှံ့ထွက်ပေါ်လာတော့သည်။

တိုက်ပွဲကွင်းပြင်၌ ဤမြင်ကွင်းကို တွေ့မြင်နေရသော ရာရှိုမွန်မျိုးနွယ် တပ်မှူးချုပ်နှစ်ဦး၏ မျက်လုံးများသည် သွေးရောင်ရဲလာပြီး ဒေါသတကြီး ဟိန်းဟောက်ကြွေးကြော်ကြသည်။

ထိုစဉ် လျိုဟိုင်ချင်းနှင့် ခဲမင်လော့တို့ကမူ အားရပါးရ ရယ်မောနေကြသည်။

“ဟားဟားဟား၊ မိခင်သင်္ဘောက ငါတို့ကို ထောက်ပံ့နေပြီ! သူတို့ကို အပြင်းအထန် တိုက်ကြ!”

ခဲမင်လော့က ဟိန်းဟောက် အမိန့်ပေးလိုက်သည်။

တစ်ဆယ်တပ်ခွဲနှင့် ဆယ့်နှစ်တပ်ခွဲ၏ မိခင်သင်္ဘောကြီးများကို ဝန်းရံထားသော အခင်းအကျင်း အလင်းတန်းများက လင်းလက်လာသည်နှင့် တပြိုင်နက် ကြောက်မက်ဖွယ် ကောင်းသော နက်ရှိုင်းခြင်း အင်မော်တယ် အဆင့် အင်မော်တယ်သိုင်းနည်းစနစ်များက ရာရှိုမွန် မျိုးနွယ် တပ်မှူးချုပ်နှစ်ဦးကို ပစ်မှတ်ထားကာ ဖြည်းညင်းစွာ ဖွဲ့တည်နေလေတော့သတည်း။