ရေဘဝဲကင်နှင့် ပင်လယ်-ဝါးမျိုဝေလငါးဘုရင်၏ ထိန့်လန့်မှု

“ဒီကျွန်းတစ်ဝိုက်မှာ ပင်လယ်သားရဲတွေ အများကြီးရှိတယ်၊ ပင်လယ်-ဝါးမျိုဝေလငါးဘုရင်ရဲ့ တည်နေရာကို သိလားလို့ သူတို့ကို သွားမေးကြည့်ရအောင်”

ယင်းကိုကြားပြီး ယိုချင်းယန် ခေါင်းညိတ်လိုက်သည်။ ဦးတည်ချက်မရှိသော ဤပင်လယ်ပြင်ကျယ်ကြီးတွင် ရက်စက်ကြမ်းကြုတ်သော သားရဲတစ်ကောင်ကို ရှာဖွေလိုပါက မည်သည့်အချိန်မှ ရှာတွေ့နိုင်မည်ကို မသိနိုင်ပေ။

အချိန်ကြာလာသည်နှင့်အမျှ ဝိညာဉ်စွမ်းအင်များ ပြန်လည်ရရှိလာသည်နှင့်အမျှ ရက်စက်ကြမ်းကြုတ်သော သားရဲအများစုက ယခုအခါတွင် လုံလောက်သောဉာဏ်ရည်ကို ဖွံ့ဖြိုးတိုးတက်ပြောင်းလဲလာကြသည်။

သဘာဝအားဖြင့်၊ ဤရက်စက်ကြမ်းကြုတ်သောသားရဲများသည် သူတို့၏ကိုယ်ပိုင်ဆက်သွယ်ရေးရှိပေလိမ့်မည်။

ဥပမာအားဖြင့်၊ ခွန်လွန် တောင်တန်းရှိ တန်ခိုးကြီးသော သားရဲဘုရင်များအားလုံး ချူးယန်၏ မင်္ဂလာပွဲသို့ တက်ရောက်လာခြင်းဖြစ်သည်။

လုချန်းသည် ပင်လယ်-ဝါးမျိုဝေလငါးဘုရင်က အလွန်အစွမ်းထက်ကြောင်းနှင့် ရက်စက်ကြမ်းကြုတ်သော သားရဲတစ်ကောင်မှ သူ့နေရာကို မသိနိုင်သည်မဟုတ်ဟု ယုံကြည်သည်။

ချည်နှောင်ခြင်းအဆင့်ရှိ သားရဲဘုရင်နှစ်ကောင်က ကျွန်းအနားသို့ ရောက်ရှိလာကြသည်။ သူတို့၏ အစွမ်းထက်သော ရောင်ဝါနှင့် မမြင်ဖူးသော အသွင်အပြင်များကို ခံစားလိုက်ရသောအခါ ကျွန်းပေါ်ရှိ ရက်စက်ကြမ်းကြုတ်သော သားရဲများစွာက အလွန်နိုးကြားလာခဲ့သည်။

လုချန်းသည် ဤသားရဲများကိုရိုက်နှက်ရန် ပျင်းလွန်းသဖြင့် “ပင်လယ်-ဝါးမျိုဝေလငါးဘုရင်ရဲ့တည်နေရာကို သိလား”

“မင်းတ်ို့ရဲ့ကျွန်းကို ငါစိတ်မဝင်စားဘူး၊ မင်းတို့ထဲက သူ့နေရာကို သိတဲ့သူရှိရမယ်၊ ငါ့ကိုပြောပြီးရင် ငါချက်ချင်း ထွက်သွားမယ်”

လုချန်းသည် ကောင်းကင်တွင် ဆိုင်းငံ့ထားပြီး ရက်စက်ကြမ်းကြုတ်သော သားရဲများစွာကို ငုံ့ကြည့်ကာ ဝံပုလွေဘုရင်၏ ဘုန်းအာနုဘော်ကို အပြည့်အဝ ထုတ်ဖော်ခဲ့သည်။

သို့သော် ကျွန်းအနီးရှိ ရက်စက်ကြမ်းကြုတ်သော သားရဲများက လုချန်း ၏အမည်ကို တစ်ခါမျှ မကြားဖူးခဲ့ပေ။ ယခု လုချန်း၏စကားများက ရက်စက်ကြမ်းကြုတ်သော သားရဲများစွာကို လှောင်ပြောင်စေခဲ့သည်။

“ဒီကောင်က ဘယ်ကလာတာလဲ၊ မင်း ဒီကိုလာပြီး ရိုင်းရိုင်းစိုင်းစိုင်း ပြုမူဝံ့တယ်? သေလမ်း ရှာနေတာလား”

“မင်းရဲ့လေသံက မောက်မာလွန်းတယ်၊ မင်းရဲ့လျှာက လေထဲရောက်သွားမှာကို မကြောက်ဘူးလား”

သားရဲအများစုသည် သဘာဝအားဖြင့် ရက်စက်ကြမ်းကြုတ်ကြပြီး ဤကုန်းမြေသားရဲနှင့် ပင်လယ်သားရဲများ ဤနေရာတွင် စုရုံးနိုင်ရခြင်းမှာ အကျိုးစီးပွားချင်းဖလှယ်ရန်သာဖြစ်သည်။

လုချန်း အလွန်မာနကြီးသည်ကို မြင်လိုက်ရသောအခါတွင် ရက်စက်ကြမ်းကြုတ်သော သားရဲများစွာက အလွန်ဒေါသထွက်ကာ တိုက်ခိုက်ချင်လာကြသည်။

သို့သော်လည်း လုချန်း၏ လှုပ်ရှားမှုများက ပို၍ မြန်ဆန်ပြီး သူ့ခန္ဓာကိုယ်ကြီးက အဖြူရောင် လျှပ်စီးလက်သွားသလိုပင်။

မာနကြီးသော သားရဲအနည်းငယ်က လှည့်မကြည့်ရသေးခင်တွင် လုချန်း၏ ဝံပုလွေခြေသည်းများ တိုက်ရိုက်ဝှေ့ယမ်းကာ အသားနှင့်သွေးများစွာက နေရာအနှံ့လွင့်စင်သွားလေသည်။

နောက်တစ်စက္ကန့်တွင် လုချန်း ၏ရုပ်သွင်က မူလနေရာသို့ ပြန်ရောက်သွားပြီး ရက်စက်ကြမ်းကြုတ်သော သားရဲများသည် အချင်းချင်းကြည့်ကာ သူတို့၏ လည်ချောင်းများ ပြတ်သွားသည်ကို တွေ့လိုက်ရပြီး ဒဏ်ရာများမှာ အေးခဲနေကာ မိုးကြိုးများဖြင့် လောင်ကျွမ်းနေသည်။

ချက်ချင်း အသတ်ခံခဲ့ရသော သားရဲများက အစပိုင်းတွင် လုချန်းကို ရိုင်းရိုင်းစိုင်းစိုင်းပြောသူများဖြစ်သည်။

လုချန်းသည် ‘မျောက်ကို ခြောက်ရန် ကြက်ကို သတ်ခြင်း’ နည်းဗျူဟာကို အသုံးပြုပြီး သူ့စကား နားမထောင်သော သားရဲအားလုံးကို သတ်ပစ်ခဲ့သည်။

ကျွန်းတစ်ဝိုက်ရှိ ပင်လယ်ရေက သွေးများဖြင့် အနီရောင်ဆိုးထားသည်။

သွေးနံ့က ကျွန်းတစ်လျှောက် ပျံ့နှံ့သွားပြီး၊ ကျန်ရှိသည့် ရက်စက်ကြမ်းကြုတ်သော သားရဲများက ထိတ်လန့်ကာ ကြောက်ရွံ့မှုအပြည့်ဖြင့် လုချန်းကို ကြည့်လိုက်ကြသည်။

လုချန်းက ဤမျှ ပြတ်သားသော သဘောထားရှိပြီး တပြိုင်နက်တည်း သူ့၏ အကြွင်းမဲ့ စိုးမိုးမှုကို ပြသလိမ့်မည်ဟု သူတို့ မမျှော်လင့်ထားပေ။

လုချန်းသည် ရက်စက်ကြမ်းကြုတ်သော သားရဲများစွာကို အဆက်မပြတ်သတ်ပစ်ခဲ့ပြီးနောက်၊ ပင်လယ်သားရဲများက နောက်ဆုံးတွင် ဖိအားကို မခံနိုင်တော့ဘဲ ပင်လယ်-ဝါးမျိုဝေလငါးဘုရင်နှင့် ရေဘဝဲဘုရင်တို့၏ တည်နေရာကို ထုတ်ဖော်ပြောကြားလာခဲ့သည်။

လုချန်း ယခင်က ထင်ခဲ့သည့်အတိုင်း ဤပင်လယ်သားရဲများက အချင်းချင်းလည်း ဆက်သွယ်နိုင်ကြသည်။

ပင်လယ်-ဝါးမျိုဝေလငါးဘုရင်နှင့် ရေဘဝဲဘုရင်တို့က အစွမ်းထက်သော်လည်း သူတို့ကို မသိတတ်သော သားရဲများလည်း ရှိသေးသည်။

သားရဲဘုရင်နှစ်ကောင်၏တည်နေရာကို သိရှိပြီးနောက် လုချန်း နှင့် ယိုချင်းယန်တို့က ရေဘဝဲဘုရင်ကို ဦးစွာရှာဖွေရန် ဆုံးဖြတ်ခဲ့ကြသည်။

နှိုင်းယှဉ်ပြောရလျှင် ရေဘဝဲဘုရင်တည်ရှိရာ ရေနက်ကတုတ်ကျင်းက ကျွန်း၏လက်ရှိတည်နေရာနှင့် ပိုမိုနီးကပ်သည်။

ထို့နောက် လုချန်း နှင့် ယိုချင်းယန်တို့သည် ပင်လယ်ပြင်မှမိုင်ပေါင်း ၁၀၀,၀၀၀ကို တိုက်ရိုက်ဖြတ်ကျော်ပြီး နက်ရှိုင်း ပြာလဲ့သောပင်လယ်ပြင်အထက်သို့ ရောက်ရှိလာခဲ့ကြသည်။

ဤနေရာရှိပင်လယ်က အလွန်နက်ရှိုင်းသောကြောင့် လေထဲမှ ငုံ့ကြည့်လျှင် ပင်လယ်တစ်ခုလုံးက ပြာညိုရောင်ဖြစ်နေသည်။

လုချန်း၏ အာရုံခံစွမ်းအားမှတစ်ဆင့် ပင်လယ်အောက်ခြေတွင် အလွန်ကြီးမားသော ရေဘဝဲကြီးကို ရှာဖွေတွေ့ရှိခဲ့သည်။ ယခင်က တောင်ပိုင်းပင်လယ်၌ ပေါ်လာခဲ့သော ရေဘဝဲဘုရင်ဖြစ်သည်။

“ရှောင်ပိုင်၊ ငါ့ကို ဒီမှာစောင့်နေ၊ ငါ သူ့ကိုရှာဖို့ အောက်ဆင်းသွားလိုက်မယ်”

ပြောပြီးနောက် လုချန်းက ပင်လယ်ကြမ်းပြင်သို့ တိုက်ရိုက်ငုပ်ဆင်းသွားခဲ့သည်။ ကတုတ်ကျင်းထဲ ဖြတ်သွားရင်း လုချန်းသည် အပြာရောင်ရေဘဝဲကြီးကို တွေ့လိုက်ရပြီး ရေဘဝဲဘုရင်သည်လည်း လုချန်း ရောက်ရှိလာသည်ကို သတိထားမိလိုက်သည်။

“ကုန်းသားရဲတစ်ကောင်ကောင် ငါ့ပင်လယ်နက်ထဲကို လာဖို့ သတ္တိရှိတယ်? သေလမ်း ရှာနေတာလား”

လုချန်း၏ရုပ်သွင်ကိုမြင်ပြီးနောက် ရေဘဝဲဘုရင်က ဒေါသအမျက်ထွက်ကာ ပင်လယ်ကြမ်းပြင်ပေါ်ရှိ လှိုင်းလုံးကြီးများ လှုပ်ခတ်သွားစေသည်။

ယခင်က တောင်ပိုင်းပင်လယ်ကို တိုက်ခိုက်ရာတွင် ရေဘဝဲဘုရင်က ကောင်းကင်မှ ကျလာသော ပန်ဒါကြီးတစ်ကောင်ကြောင့် မူးဝေသွားခဲ့သည်။

ရေဘဝဲဘုရင်သည် ကုန်းသားရဲများကို အလွန်ဒေါသနေထွက်ကာ လုချန်းကို မမြင်ဖူးသော်လည်း တိုက်ရိုက်သတ်ဖြတ်ချင်နေဆဲဖြစ်သည်။

ပင်လယ်ကြမ်းပြင်ပေါ်ရှိ ထူထဲသော ရေဘဝဲလက်တံကြီးများက နဂါးများကဲ့သို့ လုချန်းကို တိုက်ခိုက်လာသည်။

“ဘုန်း!”

လုချန်း,က အဓိပ္ပါယ်မရှိသောစကားများကို ပြောရန် ပျင်းရိလွန်းလှသည်။

သူသည် နတ်ဆိုးအသွင်ပြောင်းခြင်းကို တိုက်ရိုက်လုပ်ဆောင်လိုက်သည်။ ယခုအချိန်တွင် သူသည် ချည်နှောင်ခြင်းအဆင့်(၄)သို့ ရောက်နေပြီဖြစ်သည်။ နတ်ဆိုးအသွင်ပြောင်းခြင်းကိုလုပ်ဆောင်ပြီးနောက်၊ သူ၏စွမ်းအားက သုံးဆတိုးလာပြီး ချည်နှောင်ခြင်းအဆင့်(၅)ကို တိုက်ရိုက်ကျော်လွန်သွားခဲ့သည်။

အားကောင်းသော ဖိအားတစ်ရပ်က ပင်လယ်ကြမ်းပြင်ကို ဖြတ်ကျော်သွားသည်။ လုချန်း၏ အရှိန်အဝါတိုးလာခြင်းကို အာရုံခံမိပြီးနောက် ရေဘဝဲဘုရင်က တစ်ခုခုမှားနေပြီဟု ခံစားမိလိုက်သော်လည်း အချိန်နှောင်းသွားခဲ့ပြီဖြစ်သည်။

“မဟုတ်ဘူး!”

လုချန်း၏ မိုးကြိုးဒိုမိန်း ပွင့်လာသည်နှင့်အမျှ၊ ပတ်ဝန်းကျင်က ရုတ်တရက် တိမ်မည်းများဖြင့် ဖုံးလွှမ်းသွားပြီး ပင်လယ်နက်တွင် ငွေနဂါးများကဲ့သို့ ကြောက်မက်ဖွယ်ရာ လျှပ်စီးကြောင်းများ ထွက်ပေါ်လာသည်။

ရေဘဝဲဘုရင်သည် သူ့၏လက်တံများကို ပြန်မယူထုတ်ရသေးခင် လျှပ်စီးကြောင်းများက တိုက်ရိုက်ကျဆင်းလာပြီး သူ့လက်တံများက မလှုပ်ရှားနိုင်တော့ပေ။

လုချန်းသည် သူ့၏ နှင်းဖြူဝံပုလွေခြေသည်းများကို ဝှေ့ယမ်းကာ ဤလက်တံများကို ချက်ချင်း ဖြတ်တောက်ပစ်လိုက်သည်။

“ဂါးးး!”

ရေဘဝဲဘုရင်သည် ပြင်းထန်သောဝေဒနာဖြင့် ဟိန်းဟောက်သော်လည်း သူ့တွင် ပြန်လည်ကုသနိုင်သော စွမ်းရည်ရှိသည်။ ပြတ်နေသော လက်တံများက လုချန်း၏ ရှေ့တွင် လျင်မြန်စွာ ပြန်ထွက်လာပြီး သူ့ခန္ဓာကိုယ်ကို ပိတ်ဆို့လိုက်သည်။

“ငါကြည့်ချင်တယ်၊ ဘယ်သူက ပိုမြန်လဲ၊ မင်းဘဲ မြန်မြန်ကုသနိုင်မလား ဒါမှမဟုတ် ငါဘဲ မြန်မြန်ဖြတ်တောက်နိုင်မလား”

ရေဘဝဲဘုရင်၏ လက်တံများက နက်ရှိုင်းသောပင်လယ်ထဲတွင် နဂါးကြီးများနှင့်တူသော်လည်း ၎င်းတို့က လုချန်း ၏ရှေ့တွင် အမောက်ထောင်ရန် စွမ်းအားမရှိ၍ အဆက်မပြတ် ဖြတ်တောက်ခံနေရသည်။

ရေဘဝဲဘုရင်၏ တန်ခိုးက အဆုံးမရှိခြင်းမဟုတ်ပေ။ ပင်ပန်းနွမ်းနယ်ကာ ခဏကြာပြီးနောက် သူ့လက်တံများကို ပြန်မထုတ်နိုင်တော့ပေ။

လုချန်းက ရေဘဝဲဘုရင်ရှေ့သို့ ချက်ချင်းရောက်လာသည်။

ရေဘဝဲဘုရင်၏ ထိတ်လန့်နေသော အကြည့်အောက်တွင်၊ ကြောက်မက်ဖွယ်ရာ လျှပ်စီးကြောင်းများက ကောင်းကင်မှ ကျဆင်းလာပြီး မှောင်မိုက်သော ကတုတ်ကျင်းကို လင်းထိန်စေသည်။

ငွေနဂါးနှင့်တူသော လျှပ်စီးကြောင်းတစ်ဒါဇင်ကျော်ဖြင့် ရေဘဝဲဘုရင်အား အဆက်မပြတ် ပစ်ချခဲ့ပြီး ဤကြီးမားသော သားရဲဘုရင်ကို ရေဘဝဲကင်အဖြစ်သို့ တိုက်ရိုက်ပြောင်းလဲစေခဲ့သည်။

……………………

“ဒီနှင်းဝံပုလွေက ငါ့ကိုရှာနေတာလား”

လွတ်လပ်အင်ပါယာ ကျွန်းအနီးရှိ ပင်လယ်ဧရိယာတစ်ခုတွင်၊ ပင်လယ်-ဝါးမျိုဝေလငါးဘုရင်သည် နှင်းဝံပုလွေဘုရင်နှင့် သူ့ညီမတို့က သူ့ကို ရှာဖွေနေကြောင်း ပင်လယ်သားရဲများထံမှ သိရှိခဲ့ရသည်။

သူအနည်းငယ် အံ့သြသော်လည်း ထိတ်လန့်ကြောက်ရွံ့ခြင်းမရှိပေ။

အမှန်တွင်၊ အဆုံးမရှိသော ဤပင်လယ်သမုဒ္ဒရာသည် သူ့နယ်မြေဖြစ်ပြီး၊ နှင်းဝံပုလွေဘုရင် မည်မျှပင် အားကောင်းနေပါစေ သူသေလိမ့်မည်ဖြစ်သည်။

သို့ပေမယ့် သိပ်မကြာခင်မှာပင် ပင်လယ်-ဝါးမျိုဝေလငါးဘုရင်သည် အစွမ်းထက်သော ရေဘဝဲဘုရင်ကို နှင်းဝံပုလွေဘုရင်က သူ့အသိုက်ထဲကိုဝင်ရောက်လာပြီး သတ်ပစ်လိုက်ကြောင်း သတင်းရရှိခဲ့သည်။

ယခုအချိန်တွင် ပင်လယ်-ဝါးမျိုဝေလငါးဘုရင်လည်း အနည်းငယ် အထိတ်တလန့် ဖြစ်နေသည်။

မကြာမီတွင် လွတ်လပ်အင်ပါယာမှ လူများကို သွားတွေ့ခဲ့သည်။ နောက်တစ်ချက်မှာ လွတ်လပ်အင်ပါယာမှ လူများက သူ့ကို ရန်နိုင်ငံအား ကျူးကျော်ရန် လှုံ့ဆော်ခဲ့ခြင်းဖြစ်သည်။

“စိတ်မပူပါနဲ့၊ ပင်လယ်-ဝါးမျိုဝေလငါးဘုရင်၊ ဒီကိစ္စကို ငါတို့ ကိုင်တွယ်လိုက်မယ်”

လွတ်လပ်အင်ပါယာမှလူများသည် ပင်လယ်-ဝါးမျိုဝေလငါးဘုရင်နှင့် ဝတ်ကျေတမ်းကျေဆက်ဆံခဲ့ကြသော်လည်း သူတို့၏နှလုံးသားထဲတွင် တိတ်တဆိတ် ကြည်နူးနေခဲ့ကြသည်။

ဟိုးယခင်ကတည်းက နှင်းဝံပုလွေဘုရင်ဟူသော အမည်နာမကို သူတို့ကြားဖူးခဲ့ပြီး သူ့နှင့် အမြဲရင်းနှီးချင်ခဲ့ကြသည်။

လွတ်လပ်သောအင်ပါယာမှလူများ၏အမြင်တွင်၊ သူတို့သည် ဤမျှအစွမ်းထက်သော သားရဲဘုရင်နှင့် ပူးပေါင်းနိုင်လျှင် နှင်းဝံပုလွေဘုရင်က လွတ်လပ်အင်ပါယာ၏ အစွမ်းထက်ဆုံးသော ကူညီသူဖြစ်လာမည်မှာ သေချာသည်။