ရှားဟုန်၏လျှို့ဝှက်နေရာ(၂)

လင်းယွဲ့ နားလည်လိုက်သည်။

သို့သော်လည်း ၎င်းက ပုံမှန်ပင်။

အလင်းယောင်ကမ္ဘာတွင် စမ်းသပ်မှုခံယူခြင်းက ဆုံးရှုံးမှု မရှိဘဲ မမျှတမှုလည်း နည်းပါးကာ အလွန်လုံခြုံသည်။

သူသည် ခေတ္တမျှ စဉ်းစားပြီး “လေးသင်္ကေတ ကောင်းကင်အတားအဆီး အထွတ်အထိပ် မရောက်ခင် စမ်းသပ်မှုတွေအတွက် ဘယ်လို ကြိုတင်လိုအပ်ချက်တွေ ရှိပါသလဲ” ဟု မေးသည်။

အရောင်မှိန်သော ရွှေရောင်ပုံသဏ္ဍာန်သည် “တိရစ္ဆာန်ကိုးကောင်တောင်၊ တက်လှမ်းသော လှေကား၊ တိုက်ပွဲတစ်ရာ စင်မြင့်” ဟု ပြန်ဖြေသည်။

“တစ်ခုပြီးတစ်ခု ဖြေရှင်းကြစို့”

လင်းယွဲ့သည် ခေါင်းအနည်းငယ် ညိတ်ပြီး “လေးသင်္ကေတ ကောင်းကင်အတားအဆီး အထွတ်အထိပ် မရောက်ခင် စမ်းသပ်မှုတွေ အောင်မြင်ဖို့ ကောင်းတဲ့နေ့ပဲ” ဟု ပြောသည်။

“ဒါဆိုရင် တိရစ္ဆာန်ကိုးကောင်တောင်စမ်းသပ်မှုကို စတင်ပါ့မယ်။ အရှင်မင်းသား ပြင်ဆင်ထားပါ”

အရောင်မှိန်သော ရွှေရောင်ပုံသဏ္ဍာန် ပြောနေစဉ် သူ့ရှေ့မှ မှောင်မိုက်သော ကမ္ဘာက ရုတ်တရက် ပြင်းထန်စွာ ပြောင်းလဲလာသည်။

...

တိရစ္ဆာန်ကိုးကောင်တောင်စမ်းသပ်မှု။

၎င်းသည် လုပ်ဆောင်မှု ဧရိယာကို တောင်တစ်ခုတည်းတွင် ကန့်သတ်ထားပြီး ထိုတောင်ထိပ်

တွင် ပြောင်းလဲသော တိရစ္ဆာန် ကိုးကောင် နေထိုင်သည်။ တစ်ကောင်ချင်းစီ၏ စွမ်းအားက ကောင်းကင်အဆောက်အအုံ၏ ပထမအဆင့် ကောင်းကင်တက် စမ်းသပ်မှုမှ လိပ်မိကျောင်းထက် အနည်းငယ် အားနည်းသည်။

လင်းယွဲ့အတွက်တော့ ထိုအရာက စိန်ခေါ်မှုတစ်ခု မဟုတ်ပေ။

ပြီးခဲ့သည့်လက လင်းယွဲ့သည် ထိုလိပ်မိကျောင်းကို စက္ကန့်ပိုင်းအတွင်း သတ်နိုင်ခဲ့ပြီး ထို့နောက်ပိုင်းတွင် သူ၏ကျင့်ကြံမှုက အနည်းငယ် တိုးတက်လာခဲ့သလို တိုက်ခိုက်နိုင်စွမ်းလည်း သိသိသာသာ မြင့်တက်လာခဲ့သည်။ ထို့ကြောင့် ယခုအခါ ပိုမိုလွယ်ကူသွားသည်။ မကြာမီပင် တောင်ထိပ်ပေါ်ရှိ ပြောင်းလဲသော တိရစ္ဆာန်ကိုးကောင်စလုံးကို လင်းယွဲ့က တစ်ချက်ချင်းစီ ခုတ်၍ သတ်လိုက်သည်။

အရောင်မှိန်သော ရွှေရောင်ပုံသဏ္ဌာန်က ချက်ချင်းပင် ရလဒ်ကို ကြေညာသည်။

"အရှင်မင်းသားရဲ့ အချိန်ယူမှု၊ ထိခိုက်ဒဏ်ရာရမှုနဲ့ စွမ်းအင်အသုံးပြုမှုပေါ် မူတည်ပြီး ဒီစမ်းသပ်မှုကို အောင်မြင်ခဲ့တဲ့ မင်းသားနဲ့ မင်းသမီးတွေထဲမှာ စတုတ္ထနေရာ ရပ်တည်ခဲ့သလို လူနှစ်ဆယ်ကိုလည်း ကျော်ဖြတ်နိုင်ခဲ့တယ်။ ဒါကြောင့် မြေကမ္ဘာအမှတ်မှုနှစ်ရာ့တစ်ဆယ် ချီးမြှင့်ပါတယ်"

မြေကမ္ဘာအမှတ်မှုနှစ်ရာ့တစ်ဆယ်ကို ရရှိသောအခါ လင်းယွဲ့လည်း ကျေနပ်စွာ ခေါင်းညိတ်လိုက်သည်။ အရင်မွေးဖွားသည့် မင်းသားများက ပိုမိုအကျိုးကျေးဇူးရရှိသည်မှာ မှန်ပေသည်။ လူပိုများများကို ကျော်ဖြတ်လေ ဆုကြေးပိုများများရလေ ဖြစ်သောကြောင့် တကယ်ပင် အကျိုးရှိသည်။ သို့သော် သူက တစ်ချက်တည်းနှင့် ချက်ချင်းလိုလို သတ်ပစ်ခဲ့သော်လည်း သူ့ထက် အဆင့်မြင့်သည့် မင်းသားနှင့် မင်းသမီးသုံးယောက် ရှိနေသေးသည်။

ထို့နောက် တက်လှမ်းသော လှေကားစမ်းသပ်မှုကို စတင်ခဲ့သည်။ လှေကားတစ်ထစ်စီတွင် နတ်ဆိုးမျိုးနွယ်စုဝင်တစ်ဦးနှင့် တိုက်ခိုက်ရသည်။ သူတို့ထဲတွင် အအားနည်းဆုံးက ကောင်းကင်အဆောက်အအုံကို ဝင်နိုင်သည့်အဆင့်ရှိပြီး အသန်မာဆုံးက ဒုတိယအဆင့်တွင် ငါးကြိမ်ဆက်တိုက် အနိုင်ရသူနှင့် နှိုင်းယှဉ်နိုင်သည်။ မင်းသားများ၏ အသက်ကို ထည့်သွင်းစဉ်းစားကြည့်လျှင် လေးသင်္ကေတ အထွတ်အထိပ်ကို မရောက်မီ ဤသို့သော စွမ်းအားမျိုး ပိုင်ဆိုင်ထားခြင်းက အလွန်ခက်ခဲသည့် အလုပ်တစ်ခုပင်။

ဤတစ်ကြိမ်တွင် လင်းယွဲ့က နတ်ဆိုးမျိုးနွယ်စုဝင် သုံးဆယ့်သုံးယောက်ကို အောင်နိုင်ရန် အချိန်အနည်းငယ် ပိုယူခဲ့ရသော်လည်း သူ့အတွက် အခက်အခဲမရှိခဲ့ပေ။ သူ၏လက်ရှိစွမ်းအားဖြင့် အဆင့်နိမ့် ကောင်းကင်တက် စမ်းသပ်မှုကို ရွေးချယ်ပါက ထိုလှုပ်ရှားမှုကို မသုံးဘဲ ကောင်းကင်အဆောက်အအုံ၏ တတိယအဆင့်သို့ ဝင်ရောက်ရန် ကောင်းမွန်သည့် အခွင့်အရေး ရှိနေပြီဖြစ်သည်။

နောက်ဆုံး၌ လင်းယွဲ့သည် တက်လှမ်းသော လှေကားစမ်းသပ်မှုကို အောင်မြင်ခဲ့သည့် မင်းသားနှင့် မင်းသမီးများထဲတွင် ဆဋ္ဌမနေရာ ရပ်တည်ခဲ့ပြီး လူတစ်ဆယ့်ရှစ်ယောက်ကို ကျော်ဖြတ်ခဲ့သဖြင့် မြေကမ္ဘာအမှတ်မှုသုံးရာ့ရှစ်ဆယ် ရရှိခဲ့သည်။

နောက်ဆုံးတစ်ခုက တိုက်ပွဲတစ်ရာ စင်မြင့်ဖြစ်သည်။

တက်လှမ်းသော လှေကားစမ်းသပ်မှုသည် ကဏ္ဍအားလုံးတွင် စွမ်းရည်ကို စစ်ဆေးခဲ့လျှင် ဤစမ်းသပ်မှုက ပြင်းထန်သော တိုက်ပွဲများတွင် စွမ်းရည်ကို အလေးပေးခဲ့သည်။

စင်မြင့်ပေါ်တွင် ကြမ်းတမ်းသော ပြောင်းလဲသော တိရစ္ဆာန် တစ်ရာနှင့် တိုက်ခိုက်ခဲ့ပြီး တစ်ကောင်ချင်းစီသည် ကောင်းကင်တက် စမ်းသပ်မှုမှ လိပ်မိကျောင်းထက် ပိုသန်မာသည်။

ရှုပ်ထွေးသော တိုက်ပွဲများတွင် ရှုပ်ထွေးမှုများ ဖြစ်စေရန်နှင့် အကျိုးရှိသော အခြေအနေများ ဖန်တီးရန် ကျွမ်းကျင်မှုမရှိဘဲ ရုပ်ပိုင်းဆိုင်ရာ အင်အားကိုသာ အားကိုးလျှင် အကြီးအကဲ ကျင့်ကြံသူအဆင့်နီးပါး စွမ်းအားရှိသူပင် တိုက်ပွဲတစ်ရာ စင်မြင့်စမ်းသပ်မှုကို အောင်မြင်ရန် ခက်ခဲလိမ့်မည်။

ကံကောင်းစွာဖြင့် ထာဝရည ချိုင့်ဝှမ်း၏ သွေးနက်ရောင်ခေါင်းတလား အလင်းယောင်နယ်ပယ်တွင် လင်းယွဲ့သည် ထိုသို့သော အခြေအနေများကို နေ့စဉ်လိုလို ကြုံတွေ့ခဲ့ပြီး အလွန်ကျွမ်းကျင်သည်။

ထို့အပြင် သူ၏ ကိုယ်ခံပညာ နတ်ဘုရားစွမ်းရည်ကို ကျွမ်းကျင်မှုကြောင့် ပတ်ဝန်းကျင်ကို ထိန်းချုပ်နိုင်စွမ်းမှာ အလွန်ကောင်းမွန်သည်။

ပြောင်းလဲသော တိရစ္ဆာန် တစ်ရာ၏ တိုက်ခိုက်မှုများကြားတွင် သူသည် မည်သည့်အခါမဆို လဲကျနိုင်သကဲ့သို့ ထင်ရသော်လည်း တိရစ္ဆာန်ပင်လယ်ကို ကျွမ်းကျင်စွာ ဖြတ်သန်းသွားလာသည်။ သူသည် ထိတ်လန့်မှု သို့မဟုတ် ကြောက်ရွံ့မှု အရိပ်အယောင်မပြဘဲ သူ့ပတ်ဝန်းကျင်ရှိ အရာအားလုံးကို ကျွမ်းကျင်စွာ အသုံးပြုသည်။

သူ၏ အလွန်သွက်လက်သော လှုပ်ရှားမှု နည်းစနစ်နှင့် ချောမွေ့ပြီး ရေကဲ့သို့သော လှုပ်ရှားမှုများနှင့် ပေါက်ကွဲတတ်သော မီးကဲ့သို့ တိုက်ခိုက်မှုများဖြင့် သူသည် စင်မြင့်ပေါ်ရှိ တိရစ္ဆာန်အများစုကို လျင်မြန်စွာ ဖျက်ဆီးပစ်သည်။

ကျန်ရှိသော တိရစ္ဆာန်များသည် လင်းယွဲ့အတွက် ခြိမ်းခြောက်မှု မရှိတော့ပေ။ ထို့ကြောင့် သူသည် မီးလျှံတစ်ဆယ့်သုံးကို အသုံးပြုပြီး ပေါ့ပေါ့ပါးပါးပင် မြက်ရိတ်သလို သတ်ပစ်လိုက်သည်။

သူသည် စမ်းသပ်မှုကို အလွယ်တကူ အောင်မြင်ခဲ့သည်။

“အရှင်မင်းသားရဲ့ အချိန်ယူမှု၊ ထိခိုက်ဒဏ်ရာရမှုနဲ့ စွမ်းအင်အသုံးပြုမှုပေါ် မူတည်ပြီး ဒီစမ်းသပ်မှုကို အောင်မြင်ခဲ့တဲ့ မင်းသားနဲ့ မင်းသမီးတွေထဲမှာ ဒုတိယနေရာ ရပ်တည်ပြီး လူနှစ်ဆယ့်နှစ်ယောက်ကို ကျော်ဖြတ်ခဲ့တဲ့အတွက် မြေကမ္ဘာအမှတ်မှုတစ်ထောင့်တစ်ရာ့ငါးဆယ် ချီးမြှင့်ပါတယ်”

အရောင်မှိန်သော ရွှေရောင်ပုံသဏ္ဍာန်က ချက်ချင်းပင် ရလဒ်ကို ဖော်ပြလိုက်သည်။

“ငါ ဒုတိယနေရာ ရောက်သွားတာလား”

လင်းယွဲ့သည် ပြုံးလိုက်မိသည်။

ဘာပဲဖြစ်ဖြစ် လေးသင်္ကေတ အထွတ်အထိပ်မရောက်ခင် စမ်းသပ်မှုတွေရဲ့ အရေးအကြီးဆုံး အချက်က မင်းသားတွေဟာ သူတို့ရဲ့ နတ်ဘုရားဝိညာဉ်ကို မပြောင်းလဲသေးတာကြောင့် သို့မဟုတ် အတိတ်ဘဝ အမှတ်ရမှုတွေ မနိုးသေးတာကြောင့်ပဲ။ အံ့မခန်း အရည်အချင်းတွေ ရှိနေရင်တောင် သူတို့မှာ အတွေ့အကြုံ နည်းပါးသည်။

ထို့ကြောင့် သူ့၏ ဒုတိယနေရာ ရပ်တည်မှုက ပုံမှန်ပင်။

ထို့အပြင် အိမ်ရှေ့မင်းသားနဲ့ ဒုတိယမင်းသား နှစ်ဦးစလုံးဟာ နန်းတော် စမ်းသပ်မှုတွေကို ကြိုးစားခဲ့ပုံမရဘူး။ ဒါကြောင့် သူတို့ရဲ့ နေရာတွေက နောက်ဆုံးပိုင်းမှာပဲ ရှိနေလိမ့်မယ်။

“မြေကမ္ဘာအမှတ်မှု တစ်ထောင့်ခုနစ်ရာ့ငါးဆယ်”

လင်းယွဲ့သည် ချက်ချင်းပင် အရောင်မှိန်သော ရွှေရောင်ပုံသဏ္ဍာန်ဘက်သို့ လှည့်ကာ “လက်ရှိမှာ ဘယ်လို အရင်းအမြစ်တွေကို လဲလှယ်နိုင်လဲ။ ဒီနေရာမှာ မလဲလှယ်နိုင်ရင်တောင် အသိပေးလို့ ရပါတယ်” ဟု မေးသည်။

“အရှင်မင်းသား ကြည့်ပါ”

အရောင်မှိန်သော ရွှေရောင်ပုံသဏ္ဍာန်သည် အနည်းငယ် လှည့်လိုက်ရာ ရုတ်တရက် လင်းယွဲ့ရှေ့တွင် စာအုပ်စာရင်းများ အစုလိုက်အပုံလိုက် ပေါ်လာသည်။

လင်းယွဲ့သည် အံ့အားသင့်သွားသည်။

“ဒီလောက်တောင် များတာလား”

“မဖြစ်သေးဘူး”

သူသည် စာအုပ်စာရင်းများကို ဖြည်းဖြည်းချင်း ကြည့်ရှုရန် စိတ်ကူးကို ချက်ချင်း စွန့်လွှတ်လိုက်သည်။

ဒီလောက်များတဲ့ စာအုပ်စာရင်းတွေနဲ့ ဘယ်တော့ ပြီးမလဲ မသိဘူး။

“ကိုယ်ခံပညာအဆင့်ကို တိုးတက်စေဖို့ ဘယ်လို အရင်းအမြစ်တွေက အကူအညီပေးနိုင်မလဲ။ အကောင်းဆုံးကနေ အဆိုးဆုံးအထိ စာရင်းလုပ်ပေးလို့ ရမလား”

“အရှင်မင်းသား ကြည့်ပါ”

အရောင်မှိန်သော ရွှေရောင်ပုံသဏ္ဍာန်သည် လင်းယွဲ့ကို စာအုပ်စာရင်းထူထူတစ်ခု ချက်ချင်း ပေးလိုက်သည်။

သူသည် စာအုပ်ကို ယူပြီး စာရွက်လှန်ကြည့်သည်။

[ကိုယ်ခံပညာ ဘိုးဘွား၏ စိတ်နှလုံး၊ ကောင်းကင်ထိုက်တန်မှု သုံးသိန်း၊ တစ်နှစ် ငှားရမ်းခ ကောင်းကင်ထိုက်တန်မှုတစ်သောင်း]

[ဧကရာဇ်မင်း၏ ကိုယ်ခံပညာ ကျမ်းစာ၊ ငကောင်းကင်ထိုက်တန်မှုနှစ်သိန်း၊ တစ်နှစ် ငှားရမ်းခ ကောင်းကင်ထိုက်တန်မှုငါးထောင်]

[နတ်ဘုရား ကိုယ်ခံပညာ ကောင်းကင်ဝိညာဉ်၊ ကောင်းကင်ထိုက်တန်မှု တစ်သိန်းနှစ်သောင်း]