အခန်း (၄၀၀-၄၀၂)

အခန်း(၄၀၀) အမှောင်ကောင်စီ

ဥရောပမြို့။

အပြင်းအထန်လေ့ကျင့်မှု ကာလတစ်ခုပြီးနောက်၊ ဖန်းမင်ရွှယ်သည် လျင်မြန်စွာ တိုးတက်လာသည်။ ယခု သူမသည် အဆင့်မြင့် မှော်နက်ပညာအချို့ကိုပင် အသုံးပြုနိုင်သည်။

ဤကဲ့သို့တိုးတက်မှုနှုန်းက အန်နာစတေးရှားကို အံ့ဩသွားစေခဲ့သည်။ ဤ ပါရမီရှင်သည် ကျိုးကြောင်းဆီလျော်မှုကို အမှန်တကယ် ဆန့်ကျင်နေသည်။

အန်နာစတေးရှားက အံ့အားသင့်နေချိန်တွင် နေရာလွတ်၌ အနည်းငယ် အနှောင့်အယှက်တစ်ခု ဖြစ်ပေါ်ပြီးနောက်တွင် အမှောင်စွမ်းအင်ကို ထုတ်လွှတ်သည့် အရေးပေါ်စာတစ်စောင် သူမ၏လက်ထဲတွင် ပေါ်လာသည်။

အန်နာစတေးရှား အနည်းငယ် ထိတ်လန့်သွားသည်။

ဤသည်မှာ အပြင်းအထန်ဝေဖန်စရာ တစ်စုံတစ်ရာ ကြုံလာမှသာ အမှောင်ကောင်စီမှ အသုံးပြုသော အရေးပေါ်စာမျိုးဖြစ်သည်။

တစ်ခုခုများဖြစ်နေလား။

အန်နာစတေးရှားသည် စာကိုဖွင့်လိုက်သည်နှင့် မျက်နှာက သိသိသာသာ ပြောင်းလဲသွားသည်။ ထိုစာတွင် အဖြစ်အပျက်များကို ရှင်းလင်းစွာ ဖော်ပြထားသည်။

ဂယ်ရီနှင့် အလင်းသူရဲကောင်းအဖွဲ့၏ ဒုခေါင်းဆောင်ဟောင်းဖြစ်သူ အယ်လွန်ဆိုတို့သည် ရွှယ်အန်း၏လက်သို့ ကျရောက်ခဲ့သည်။

တစ်ချိန်တည်းမှာပင် ရွှယ်အန်းသည် အလင်းအသင်းတော်ကို ဖျက်ဆီးရန် ရည်ရွယ်ချက်ကို ကြေညာခဲ့သည်။

ထိုကဲ့သို့ အရေးပါသော ကိစ္စသည် မုန်တိုင်းအမျိုးမျိုးကို ကြုံတွေ့ခဲ့ရသော အန်နာစတေးရှားကိုပင် အံ့ဩထိတ်လန့်သွားစေခဲ့သည်။

"ဆရာ ဘာဖြစ်တာလဲ"

အန်နာစတေးရှား၏ပုံမှန်မဟုတ်သောအမူအရာကို

သတိပြုမိသောအခါ ဖန်းမင်ရွှယ်က မမေးဘဲမနေနိုင်တော့ပေ။

အန်နာစတေးရှားသည် မျက်ခုံးကို အနည်းငယ် မှိတ်လိုက်၏။

" အခုချက်ချင်း ငါနဲ့အတူ အမှောင်ကောင်စီဆီ ပြန်လိုက်ခဲ့"

ဖန်းမင်ရွှယ်အံ့အားသင့်သွားသည်။

သူမဘာဖြစ်ခဲ့သည်ကိုမသိသော်လည်း အန်နာစတေးရှား၏ အမူအရာကိုမြင်သည်နှင့် ၎င်းသည်ပြင်းထန်ကြောင်းသိကာ ခေါင်းညိတ်ရမည်ဟုသူမခန့်မှန်းခဲ့သည်။

“ဟုတ်”

ဖန်းမင်ရွှယ် ယခင်က ရိုက်ကူးခဲ့သည့် ဇာတ်ကားက ဆုများအားလုံးကို ဆွတ်ခူးနိုင်ခဲ့သည်။ ထို့နောက်တွင် ဖန်းမင်ရွှယ်သည် သူမ အချိန်အတန်ကြာ အနားယူရန် စီစဉ်ထားကြောင်း လူသိရှင်ကြားပြော၍ ဖိတ်ကြားချက်အားလုံးကို ငြင်းပယ်ခဲ့သည်။ အသေးအဖွဲကိစ္စများကြောင့် ဟန်ယောင်းသည် သူ့နိုင်ငံသို့ ပြန်လာခဲ့သည်။ ထို့ကြောင့်၊ ဖန်းမင်ရွှယ်က ထိုအချိန်တွင် လက်တွေ့အားဖြင့် အေးဂျင့်မရှိဖြစ်နေသောကြောင့် အရာအားလုံးကို သူမကိုယ်တိုင် လျင်မြန်စွာကိုင်တွယ်ခဲ့သည်။

မထွက်ခင်တွက် ဖန်းမင်ရွှယ်က သူမ၏ သိချင်စိတ်ကို မထိန်းနိုင်ဘဲ နောက်ဆုံး၌မေးလိုက်သည်။

“ဆရာ၊ ဘာဖြစ်တာလဲ”

ခဏမျှ တုံ့ဆိုင်းသွားပြီးနောက် အန်နာစတေးရှားက ဖန်းမင်ရွှယ်အား ဖြစ်ပျက်ခဲ့သမျှကို ပြန်ပြောပြထဲ့သည်။

နားထောင်လျက် ဖန်းမင်ရွှယ်၏ မျက်နှာက ဖြူဖျော့လာသည်။

“အလင်းအသင်းတော်… သူတို့က အရမ်းစွမ်းအားကြီးလား”

အန်နာစတေးရှားက ခေါင်းညိတ်လိုက်သည်။

"အင်မတန် အစွမ်းထက်တယ်။ ငါတို့ရဲ့ အမှောင်ကောင်စီက သူတို့နဲ့ ထိပ်တိုက်တွေ့နေတာ နှစ်ပေါင်းတစ်ထောင်ကျော်ပြီ၊ ငါတို့ပဲအရေးနိမ့်တာများတယ်”

ဖန်းမင်ရွှယ်၏ မျက်လုံးများ နီရဲလာသည်။

"ဒါဆို... ကျွန်မတို့ ဘာလုပ်သင့်လဲ ဒီလောက်ကြီးမားတဲ့ အင်အားစုကို ဘာလို့ တစ်ယောက်တည်း စိန်ခေါ်ဖို့လုပ်နေတာလဲ"

ဖန်းမင်ရွှယ်သည် ရွှယ်အန်းက သာမန်လူမဟုတ်ကြောင်းနှင့် သူ၏အင်အားသည် ကြောက်မက်ဖွယ်ကောင်းကြောင်းကို သိသော်လည်းယခုတစ်ကြိမ်တွင် သူ၏ပြိုင်ဘက်များသည် သာမန်လူများမဟုတ်ဘဲ ဥရောပတွင် နှစ်ပေါင်းတစ်ထောင်ကျော် အုပ်စိုးခဲ့သော ထိပ်တန်းတပ်ဖွဲ့များဖြစ်သည်။

"မဖြစ်ဘူး ငါသူ့ကိုရှာရမယ်" ဖန်းမင်ရွှယ်က စိတ်ထဲထင့်ထင့်ဖြင့် ထွက်သွားသည်။

အန်နာစတေးရှားက မျက်မှောင်ကြုတ်လိုက်သည်။

“သူ့ဆီသွားပြီး ဘာပြဿနာကို ဖြေရှင်းနိုင်မှာလဲ”

“ကျွန်မ…”

အန်နာစတေးရှားသည် ဖန်းမင်ရွှယ်၏ စကားကိုဖြတ်ပြောလိုက်သည်။

"မင်းရဲ့ လက်ရှိ စုန်းမအဆင့်နဲ့ ခရမ်းရောင်ဝတ်ရုံ သင်းထောက်က မင်းကို အနိုင်ယူနိုင်တယ်။ မင်းရဲ့ စွမ်းဆောင်မှုက ဘာမှ အထောက်အကူ မဖြစ်ဘူး"

"ဒါဆို ကျွန်မ ဘာလုပ်ရမလဲ"

ဖန်းမင်ရွှယ်က အလွန်စိုးရိမ်လာသဖြင့် ငိုချလိုက်သည်။

“အရင်ဆုံး၊ ငါနဲ့အတူ ကောင်စီကို ပြန်လာပါ။ ရွှယ်အန်းတကယ်ပဲ အလင်းအသင်းတော်ကို ဆန့်ကျင်ဖို့ ရည်ရွယ်ထားတယ်ဆိုရင် အမှောင်ကောင်စီက မတ်တပ်ရပ်ပြီး စောင့်ကြည့်နေလို့မရဘူး"

အမှောင်ကောင်စီသည် အရှေ့ဥရောပရှိ တောင်တန်းများကြားတွင် တည်ရှိသည်။ လူသားများ ဖြတ်သန်းသွားလာနိုင်သော လမ်းများ မရှိသည့်အပြင် ကောင်းကင်မှ စူးစမ်းလေ့လာရန် လေယာဉ်ပျံကို အသုံးပြုထားသည့်တိုင် ခြေရာခံနိုင်စွမ်းမရှိပေ။ မှော်နက်ပညဋ သို့မဟုတ် အခြားသော မှော်အတတ်ပညာကို အသုံးမပြုပါက ဤနေရာကို ဝင်ရောက်ရန် မဖြစ်နိုင်ပေ။

ဆင်းသက်ပြီးနောက် ဖန်းမင်ရွှယ်သည် သူမထံ အန်နာစတေးရှား ပေးထားသည့် စုန်းမ၏ ၀တ်စုံကိုယူကာ သူ့ကိုယ်သူ ခြုံပြီး နောက်မှ ရဲတိုက်ထဲသို့ လိုက်သွားခဲ့သည်။ တောင်ကြောကို ရောက်သည်နှင့် အဝေးမှ အနက်ရောင် အနက်ရောင် ရှေးဟောင်း ရဲတိုက်ကြီး ပေါ်လာသည်။ ရဲတိုက်၏ တံခါးများသည် ကျယ်ပြောစွာ ပွင့်နေလျက် အရှေ့ဘက်တွင် အစောင့်များ ကင်းလှည့်နေပုံရသည်။

ဖန်းမင်ရွှယ်က အနားသို့ရောက်သောအခါမှသာ ကင်းလှည့်တပ်သားများအားလုံး အရိုးစုများဖြစ်ကြောင်း ထိတ်လန့်စွာ သိလိုက်ရသည်။

အဓိကအရိုးစုက အန်နာစတေးရှားကိုမြင်သောအခါ အလွန်ယဉ်ကျေးစွာ ဦးညွှတ်လိုက်၏။

“စုန်းသခင်မ ပြန်လာပြီလားခင်ဗျာ”

‘ဘုရားရေ သူတို့က စကားပါပြောလို့ရတယ်’

ဖန်းမင်ရွှယ်၏ မျက်လုံးများက အံ့အားသင့်စွာ ပြူးကျယ်သွားသည်။

“အခြားသခင်တွေ ပြန်လာပြီလား”

"သူတို့အားလုံး ပြန်လာကြပြီး အထဲမှာ သခင်မကို စောင့်နေကြပါတယ်"

အန်နာစတေးရှားက ခေါင်းညိတ်လိုက်ပြီးနောက် ဖန်းမင်ရွှယ်ကို ဦးဆောင်ကာ အထဲသို့ဝင်သွားခဲ့သည်။

လမ်းလျှောက်လာရင်းဖြင့် အန်နာစတေးရှားကပြော၏။

“ဒါတွေက ကောင်စီဝင်ပေါက်ကို စောင့်ကြပ်ဖို့ အရမ်းစိတ်အနှောက်အယှက်ဖြစ်ရတဲ့သူ ဖန်တီးထားတဲ့ အရိုးခေါင်း မှော်စစ်သားတွေပဲ”

"တက်စီယာ ငါ့နောက်ကွယ်မှာ မင်းငါ့ကို အတင်းအဖျင်းပြောနေတာ ငါကြားနေရတယ်။ ဒါ မိန်းမတစ်ယောက် လုပ်သင့်တာမဟုတ်ဘူး" အသံတစ်ခု တိုးဝင်လာသည်။

ဤသည်ကိုကြားသောအခါ အန်နာစတေးရှားက အေးစက်စက်လှောင်ပြောင်လိုက်သည်။

" ခါရာဆက်၊ မင်းငါ့ကို မိန်းမတစ်ယောက်လို့ ထပ်ခေါ်ရဲရင် မယုံချင် မယုံချင်နေ မင်းရဲ့အရိုးတွေကို ငါချိုးပစ်မယ်”

ဤသည်ကိုပြောနေစဉ် အန်နာစတေးရှားက ဖန်းမင်ရွှယ်ကို ခန်းမကြီးတစ်ခုသို့ ဆက်လက်ပို့ဆောင်ခဲ့သည်။

ခန်းမ အလယ်ဗဟိုတွင် ဘဲဥပုံစားပွဲတစ်ခုမျှသာရှိ၍ ပရိဘောဂကျဲပါးစွာ ပြင်ဆင်ထားသည်။

ထိုအချိန်တွင် စားပွဲဝိုင်းတွင် လူပေါင်းများစွာ ထိုင်နေကြသည်။

သို့သော် ဤလူများက လူအများ၏ စိတ်ကူးအကန့်အသတ်များကို ကျော်လွန်နေ၏။

၎င်းတို့ထဲမှ တစ်ယောက်က ထိုင်နေချိန်၌ပင် အရပ် ၃ မီတာခန့် ရှည်လျားကာ သူ၏ ကြွက်သားများသည် ပေါက်ကွဲထွက်ပေါ်နေသော အလှကို ထွင်းထုထားသကဲ့သို့ ဖြစ်နေသည်။

သို့သော် မျက်လုံးအဖမ်းစားနိုင်ဆုံးမှာ အန်နာစတေးရှားနှင့် ရန်ဖြစ်ဖူးသူပင်ဖြစ်သည်။ ဤလူသည် အနောက်တိုင်းသားကောင်းဘွိုင်ဝတ်စုံကို ၀တ်ဆင်ထားကာ ကျယ်ပြန့်သောဦးထုပ်ကို ၀တ်ထားသော်လည်း ဦးထုပ်အောက်တွင် ဦးခေါင်းခွံပုံစံရှိသည်။ ထိုအချိန်တွင် ဤဦးခေါင်းခွံသည် ဝိုင်နီကို အေးအေးဆေးဆေး သောက်နေသည်။

ဖန်းမင်ရွှယ်သည် ဝိုင်နီကို ယင်းက အမှန်တကယ် သောက်သုံးနိုင်သည် မနိုင်သည်ကို အလွန်သိချင်နေခဲ့သည်။

အန်နာစတေးရှား ဝင်လာသောအခါ အခန်းထဲမှ လူတိုင်းက အသိအမှတ်ပြု၍ ခေါင်းညိတ်ကြသည်။ ထိုအခါ ခါရာဆက်၏ ခြောက်ကပ်သော ရယ်မောသံက တိတ်ဆိတ်မှုကို ချိုးဖျက်လိုက်၏။

"အခု စုန်းမကြီးပြန်လာပြီ ငါတို့ ကောင်စီ စတင်နိုင်ပြီ…

အိုး၊ ဒါက ဘယ်သူလဲ"

ခါရာဆက်သည် ဖန်းမင်ရွှယ်ကို စိတ်ဝင်စားသွား၏။

“ကျွန်မ တပည့်အသစ် လက်ခံလိုက်ပါပြီ”

"တပည့်လား မိန်းမတစ်ယောက်ရဲ့ မွှေးရနံ့လေးကို မွှေးပျံ့နေတာဆိုတော့ သူက အလှလေးပဲဖြစ်ရမယ် မဟုတ်လား" ခါရာဆက်က ရယ်မောလိုက်သည်။

အန်နာစတေးရှားက အေးတိအေးစက်ပြော၏။

"သူက လှတယ်၊ ဒါပေမယ့် နင်က အခု အရိုးစုဖြစ်နေတယ် မဟုတ်လား နင်လုပ်နိုင်တာအားလုံးက ကြည့်ရုံပဲ"

"ကြည့်ရတာတောင် ချစ်စရာကောင်းတယ်၊ လှပတဲ့ ခန္ဓာကိုယ်က အမြဲတမ်း သဘောကျဖို့ ထိုက်တန်တယ်။ ပြီးတော့ မင်းရဲ့ တပည့်အသစ်ကို ငါတို့ ရင်းနှီးနိုင်အောင် မိတ်ဆက်မပေးသင့်ဘူးလား" ခါရာဆက်က ရွှင်မြူးစွာပြောသည်။

အန်နာစတေးရှားက ခေါင်းညိတ်လိုက်သည်။

"မင်ရွှယ် ခေါင်းစွပ်ကို ချွတ်လိုက်ပါ။"

ဖန်းမင်ရွှယ်သည် သူမပြောသည့်အတိုင်း ၀တ်ရုံခေါင်းကို ဖယ်ရှားကာ မျက်နှာကို ထုတ်ဖော်လိုက်သည်။

အခန်းက တိတ်ဆိတ်သွားတယ်။

ခဏအကြာတွင် ခါရာဆက်ကပြော၏။

"ဘုရားရေ ဒါ ငါအကြိုက်ဆုံးမင်းသမီး ဖန်းမင်ရွှယ်မဟုတ်ဘူးလား"

အခန်း(၄၀၁) မှော်နက်ဆရာ

ခါရာဆက်သည် အနှစ်တစ်ထောင်ကျော်နေထိုင်ခဲ့သည်။ သူသည် တစ်ကမ္ဘာလုံးတွင် ကျန်ခဲ့သော တစ်ဦးတည်းသော မှော်နက်ဆရာပင်ဖြစ်နိုင်သည်။ ကျန်ရှိသော မှော်နက်ဆရာအများစုက အလယ်ခေတ်ကာလ၌ သေဆုံးခဲ့ကြသည်။

ထိုအချိန်က အလင်းအသင်းတော်သည် ၎င်း၏စွမ်းအား၏ အထွတ်အထိပ်သို့ ရောက်ရှိနေသဖြင့် ကျန်ရှိသော တိုင်းတစ်ပါးနတ်ဘုရားများနှင့် အမျိုးမျိုးသော လမ်းလွဲလိုက်သူများကို အရူးအမူး နှိမ်နင်း သုတ်သင်နိုင်ခဲ့သည်။

ခါရာဆက်သည် တစ်ဦးတည်းသော အသက်ရှင်ကျန်ရစ်သူဖြစ်သည်။ အချိန်ကာလ အတန်ကြာပြီးသည့်တိုင် ယခုပင် သူ၏ ရုပ်အလောင်းကို သေမင်းထံ ပူဇော်ခဲ့သည်။

သူသည် ဘဝကို စိတ်ဝင်စားမှုအပြည့်ရှိနေဆဲဖြစ်သည်။

အသစ်သောအရာတို့ကို လက်ခံနိုင်မှုမှာလည်း အလွန်ခိုင်မာသည်။ ရိုးရိုးရှင်းရှင်းပြောရလျှင် သူသည် လူကြိုက်များသမျှကို လိုက်နာသည်။ မကြာသေးမီနှစ်များအတွင်း သူက ပရိသတ်အလေ့အထကို စွဲလမ်းလာခဲ့သည်။

မတော်တဆ ဖန်းမင်ရွှယ်သည် နတ်သုတ်သင်သူဇာတ်ကားတွင် ပါဝင်သရုပ်ဆောင်ခဲ့သည်ကို သူတွေ့ခဲ့ရကာ အထူးသဖြင့် ဖန်းမင်ရွှယ်၏ ဖျော်ဖြေတင်ဆက်မှုတွင် ခါရာဆက်သည် သူမအား ကောင်းကင်လူသားအဖြစ်မြင်သည့်အထိ အံ့အားသင့်ခဲ့ရသည်။ ထိုအချိန်မှစ၍ သူသည် သူမ၏ ပရိတ်သတ်တစ်ယောက်ဖြစ်လာခဲ့သည်။

ဖန်းမင်ရွှယ်ကို ဟွာရှား၌ပင်လျှင် ရှာရန် စီစဉ်ခဲ့သော်လည်း မထင်မှတ်ဘဲ ဤနေရာ၌တွေ့ရကာ သူသည် မှော်နက်စုန်းမ၏ တပည့်ဖြစ်လာခဲ့သည်။ ခါရာဆက်က မတ်တပ်ထရပ်၍ စိတ်ရှုပ်နေသော ဖန်းမင်ရွှယ်ဆီသို့ လျှောက်သွားကာ တင့်တယ်စွာ ဦးညွတ်လိုက်သည်။

"လေးစားရပါသော မိန်းကလေးဖန်း၊ မင်းရဲ့ရုပ်ရှင်တွေကို ကျုပ် အကြိုက်ဆုံးပါပဲ။ မင်းလက်မှတ်လေးထိုးပေးလို့ရမလား”

ဖန်းမင်ရွှယ်က ခေါင်းညိတ်လိုက်သည်။

"ရပါတယ်"

ခါရာဆက်ဝမ်းသာသွားသဖြင့် ဘောပင်တစ်ချောင်းထုတ်ကာ ဖန်းမင်ရွှယ်ကို ပေးပြီးနောက် ဦးထုပ်ကို ချွတ်ကာ ဦးခေါင်းကို ရိုသေစွာ ဦးညွှတ်လိုက်သည်။

"ကျေးဇူးပြုပြီး ငါ့ခေါင်းပေါ် မှာ လက်မှတ်ထိုးပေးပါ"

ဖန်းမင်ရွှယ်သည် သူမ၏သခင် အန်နာစတေးရှားကို ထိတ်လန့်တကြားကြည့်၍ အန်နာစတေးရှားက အရေးမကြီးကြောင်း ပခုံးတွန့်ပြသောအခါမှသာ ဖန်းမင်ရွှယ်က သူမ၏ နှုတ်ခမ်းကို ကိုက်လျက် တုန်ရီနေသော လက်များဖြင့် ဦးခေါင်းခွံပေါ်တွင် နာမည်ရေးထိုးပေးလိုက်သည်။

"ကောင်းပြီ...ပြီးပြီ"

သူမပြောနေစဉ် ဖန်းမင်ရွှယ်၏ အသံက တုန်လှုပ်သွားသည်။

နောက်သို့ ခြေတစ်လှမ်းဆုတ်ကာ ခါရာဆက်သူ့ခေါင်းကို မြှောက်၍ အရိုးခေါင်းကို ဖယ်ရှားလိုက်သည်။ ထို့နောက် ဦးခေါင်းခွံထိပ်ရှိ လက်မှတ်ကို ကြည့်၍ သဘောကျစွာ လျှာသပ်လိုက်သည်။

"ဒီလိုလှတဲ့ လက်ရေးပေမယ့် ငါ ဟွာရှား ဘာသာစကားကို တကယ်လေ့လာသင့်တယ်"

“ကောင်းပြီ ခါရာဆက် နင့် အပြောင်အပြက်တွေ တော်လိုက်တော့။ ငါတို့မှာ ဆွေးနွေးစရာတွေ ကြီးကြီးမားမားရှိနေတယ်”

အန်နာစတေးရှားက လေးနက်သော အသံဖြင့် ပြောလိုက်သည်။ သူ့စကားကို ကြားသောအခါ ခါရာဆက်က သူ့ခေါင်းကို ပြန်ငုံ့၍ သက်ပြင်းတစ်ချက်ချလိုက်သည်။

"လွန်ခဲ့တဲ့ နှစ်နှစ်အတွင်း ဘယ်သူက အထင်ရှားဆုံးဖြစ်ခဲ့လဲဆိုရင် ဟွာရှားက လူကြီးမင်းရွှယ်ဖြစ်မှာ သေချာတယ်"

"ငါ သူ့လုပ်ရပ်တွေအကြောင်း အချက်အလက်တွေကို မကြာသေးမီက စုဆောင်းခဲ့ပြီး အကုန်းလုံးက တကယ် အံ့မခန်းပါပဲ။ ဒါပေမယ့် သူ ကာဒီနယ် နဲ့ အလင်းသူရဲကောင်းကို သတ်ပစ်ဖို့ ဒီလောက် ရဲရင့်လိမ့်မယ်လို့ မထင်ထားခဲ့တာ။ အလင်းအသင်းတော်ကို ဖယ်ရှားပစ်ဖို့ သူ့ရဲ့ ရည်ရွယ်ချက်ကိုတောင် ထုတ်ဖော်ပြောရဲတယ်"

နံရံကပ်အုတ်စီစာများဖြင့် ဖုံးအုပ်ထားသော အမျိုးသမီးဝင်ပြောသည်။

“အဓိကက ဒါမဟုတ်ပါဘူး၊ ဒါပေမယ့် ဒီအဖြစ်အပျက်ကို အမှောင်ကောင်စီက ဘယ်လိုတုံ့ပြန်သင့်သလဲ”

"မင်ယန် ဒါဆို ငါတို့ဘယ်လိုသဘောထားသင့်တယ်ထင်လဲ" တိုက်တန်က စိတ်ရှုပ်နေသော အသံဖြင့် ပြောသည်။

မင်ယန်ဟု လူသိများသော အမျိုးသမီးက တစ်ချိန်က ဥရောပတစ်ခွင်တွင် နတ်ဆိုးတစ်ကောင်ကဲ့သို့ ကျော်ကြားသွားသူဖြစ်သည်

တိုက်တန်၏စကားကိုကြားပြီးနောက် မင်ယန်ကပြောသည်။

"လူကြီးမင်းရွှယ်က အလင်းအသင်းတော် ကိုရင်ဆိုင်ဖို့ ခွန်အားတကယ်ရှိတယ်ဆိုရင်၊ ငါတို့က သူ့ကို သဘာဝအတိုင်း ကူညီပေးသင့်တယ်။ ဒါပေမယ့် သူက စကားချည်းသက်သက်ပြောနေမယ်ဆိုရင် ငါတို့ဘက်က ကြီးမားတဲ့ ဆုံးရှုံးမှုတွေ ဖြစ်လာနိုင်တယ်"

"မှန်တာပေါ့၊ ငါလည်း ဒီလိုပဲ တွေးနေတယ်။ ဒါ့အပြင် ရွှယ်အန်းရဲ့ အောင်မြင်မှု အခွင့်အလမ်းတွေက အရမ်းနည်းတယ်လို့ ခံစားရတယ်။ ဘယ်လောက်ပဲ ကြောက်စရာကောင်းနေပါစေ၊ တစ်ဖက်က ကြီးမားတဲ့ အဖွဲ့အစည်းတစ်ခုပါ။ သူတစ်ယောက်တည်း ဘယ်လိုရင်ဆိုင်ရမှာလဲ" တိုက်တန်က ပြော၍ ခေါင်းညိတ်လိုက်သည်။

သို့သော် ထိုအချိန်တွင် ဖန်းမင်ရွှယ်က ရုတ်တရက် ပြော၏။

"သူက အလင်းအသင်းတော်ကို ဖယ်ရှားနိုင်မယ်လို့ ကျွန်မ အလေးအနက် ယုံကြည်တယ်"

"ဟမ်"

အမှောင်ကောင်စီ၏ခေါင်းဆောင်များအားလုံးက ဖန်းမင်ရွှယ်ကိုကြည့်ကြသည်။

"ဘာလို့အဲ့လိုပြောတာလဲ" မင်ယန်က မေးသည်။

ဖန်းမင်ရွှယ်က ခေါင်းညိမ့်ပြလိုက်ဂ။

"ကျွန်မ သူ့ကို သိတဲ့အတွက်ကြောင့်"

အန်နာစတေးရှားက ဖန်းမင်ရွှယ်၏ ပြောဆိုမှု မှန်ကန်ကြောင်း ခေါင်းညိတ်ပြလိုက်သည်။

"မင်းသူ့ကိုသိလို့ မင်းသူ့ကိုဒီလောက်ယုံတာလား" မင်ယန် စိန်ခေါ်လိုက်သည်။

ဖန်းမင်ရွှယ်က ခဏမျှ နှုတ်ဆိတ်နေပြီးနောက် ဆက်ပြော၏။

"ကျွန်မ သူ့ကို ကောင်းကောင်းသိပါတယ်။ သူ သုတ်သင်မယ် လို့ ပြောရင် သူ အပြောအတိုင်း သေချာပေါက် သုတ်သင်ပစ်လိမ့်မယ်”

“ဒါပေမယ့် ဒါက ဒီလောက်ကြီးတဲ့ကိစ္စပဲ…” မင်ယန်က တခြားအရာတစ်ခုကို ပြောချင်သည်။

အန်နာစတေးရှားက ဝင်ပြော၏။

"မင်ရွှယ်ရဲ့စကားတွေကို ကျွန်မသဘောတူတယ်။ အမှောင်ကောင်စီက နှစ်ပေါင်းများစွာ တိတ်တိတ်ဆိတ်ဆိတ်နေခဲ့တယ်။ အခု လှုပ်ရှားဖို့အချိန်ရောက်ပြီ၊ ဒါမှမဟုတ်ရင် လူအများက ကျွန်မတို့ကို လေးစားဖို့ မေ့သွားလိမ့်မယ်"

“ဒါပေမယ့်…” တိုက်တန်သည် ချီတုံချတုံ ဖြစ်နေသေးသည်။

အန်နာစတေးရှားက ခေါင်းခါလိုက်၏။

"တိုက်တန်၊ မင်ရွှယ်ပြောခဲ့တာတွေက မမှန်ဘူးဆိုရင်တောင် မျက်စိစုံမှိတ်ပြီး အလျှော့ပေးတာမျိုးနဲ့ ဘယ်တော့မှ ရေရှည်မတည်မြဲနိုင်ဘူး။ ငါတို့ရဲ့ ခွန်အားကို မပြရင် ငါတို့က အလင်းအသင်းတော်ကို ပိုပိုဆိုးလာစေမှာကလွဲပြီး အခြားမရှိဘူး”

တိုက်တန်က စကားမပြောတော့ဘဲ တိတ်ဆိတ်စွာ ခေါင်းငုံ့ထားလိုက်သည်။

“နောက်ပြီး အကယ်၍ ရွှယ်အန်းက အလင်းအသင်းတော်ကို တကယ်ကိုင်လှုပ်နိုင်ရင် အနားမှာရပ်ပြီးစောင့်ကြည့်နေရုံနဲ့ လုံလောက်ပါတယ်။ ငါတို့မှာ အရာအားလုံးကို တာဝန်ယူပိုင်ခွင့်မရှိဘူး"

ဤသည်ကိုကြားသောအခါ လူများစွာက တိတ်ဆိတ်နေကြသည်။

"အမှန်ပါပဲ၊ စုန်းသခင်မရဲ့ စကားတွေကို ကျုပ်သဘောတူတယ်။ ဒီနှစ်တွေကြာအောင် ပုန်းအောင်းနေတဲ့ ဒီအရိုးဟောင်းတွေက သံချေးတက်လုနီးပါး ဖြစ်နေပါပြီ။ ငါ့လူတွေ ကမ္ဘာကြီးကို ပြန်လာဖို့ အချိန်တန်ပြီ၊ အနည်းဆုံးတော့ မှော်နက်ဆရာတွေ လုံးဝရပ်တန့်မသွားသေးဘူးဆိုတာ ကမ္ဘာကို အသိပေးရမယ်"

တိုက်တန် နှင့် မင်ယန်တို့ အကြည့်ချင်းဖလှယ်ကာ ချီတုံချတုံဖြစ်နေဆဲတွင်

အန်နာစတေးရှား၏ လက်ထဲ၌ စာတစ်စောင် ရုတ်တရက်ပေါ်လာသည်။ သူမက ၎င်းကိုဖွင့်လိုက်ပြီးနောင် ချက်ချင်းပင် အမူအရာကဆိုးရွားသွားခဲ့သည်။

"ဘာဖြစ်တာလဲ" ခါရာဆက်က မေးသည်။

အန်နာစတေးရှား၏အသံက အနည်းငယ်တုန်ယင်နေ၏။

"သတင်းက အခုမှပဲရောက်လာတယ်၊ သွေးတောင်တန်း သွေးမျိုးနွယ်ရဲ့ မြင့်မြတ်တဲ့မြေကို ရွှယ်အန်းက ဖြိုခွဲပြီး သွေးမျိုးနွယ်ရဲ့ကောင်စီလည်း လုံးဝ ပျက်စီးသွားပြီ"

"သတင်းအမှန်လား" ခါရာဆက်က အသံနက်ကြီးဖြင့် မေးသည်။

"လုံးဝသေချာတယ်" အန်နာစတေးရှားက ပြန်ဖြေ၏။

ခေါင်းဆောင်များသည် တစ်ယောက်ကို တစ်ယောက်ကြည့်ကာ အသီးသီး၏ မျက်လုံးထဲမှ ထိတ်လန့်မှုကို မြင်လိုက်ရသည်။

ခါရာဆက်က ခါးသက်စွာပြုံးလိုက်သည်။

“ကျုပ်တို့အားလုံးက လူကြီးမင်းရွှယ်ရဲ့ စွမ်းဆောင်ရည်ကို လျှော့တွက်ထားမိပုံရတယ်”​

သွေးမျိုးနွယ်၏ စွမ်းအားသည် အမှောင်ကောင်စီထက် အနည်းငယ် အားကောင်းသည်။​ သို့သော် ထိုကဲ့သို့ အင်အားစုကို ရွှယ်အန်း တစ်ယောက်တည်းက ချေမှုန်းပစ်လိုက်သည်။​

ယခု မည်သည့်ပြောစရာစကားမျှမရှိတော့ပေ။

"တိုက်တန်မျိုးနွယ်စုက အရေးယူဖို့ သဘောတူပါတယ်" အချိန်အတော်ကြာ တိတ်ဆိတ်သွားပြီးနောက် တိုက်တန် ကြေငြာလိုက်သည်။

"မင်ယန်လည်းသဘောတူပါတယ်”

ခါရာဆက်က ရယ်မောလိုက်၏။

“ မှော်နက်ဆရာမျိုးနွယ်စုမှာ ကျုပ်တစ်ယောက်ပဲ ကျန်တော့ပေမဲ့ ကျုပ်တို့ မျိုးနွယ်စုရဲ့ သဘောတူညီချက်ကို ဖော်ပြချင်ပါသေးတယ်”

အန်နာစတေးရှားက ခေါင်းညိတ်လိုက်သည်။

"ကောင်းပြီ၊ အမှောင်ကောင်စီက ပြင်ဆင်မှုတွေ စတင်ခွင့်ပြုပါ။ အလင်းအသင်းတော်ကို အချိန်မရွေး အရေးယူဖို့ အသင့်ဖြစ်နေပြီ"

“ဟုတ်”

ခေါင်းဆောင်များအားလုံး တညီတညွတ်တည်း တုံ့ပြန်ကြသည်။

သို့သော် ဖန်းမင်ရွှယ်သတိလွတ်သွားသည်။ ဤသတင်းကြောင့် တုန်လှုပ်ချောက်ခြားမှုမှ ပြန်လည်ကောင်းမွန်လာခြင်းမရှိသေးပေ။

‘သွေးမျိုးနွယ်ကို လူတစ်ယောက်တည်းက ဖျက်ဆီးလိုက်တယ်’

ဤသတင်းကြောင့်‘နင် အခု ဒီလောက်တောင်စွမ်းအားကြီးလာပြီလား’

ဤအတွေးဖြင့် ဖန်းမင်ရွှယ်က အနည်းငယ် စိတ်ပျက်အားငယ်မှုကို ခံစားလိုက်ရသည်။​

‘တစ်ချိန်က ကိုယ့်ကိုယ်ကို ကန့်သတ်ချက်ရဲ့အကျော်ကို ဖိအားပေးရင် နင်နဲ့ လိုက်လျောညီထွေနေနိုင်မယ်လို့ တွေးခဲ့ဖူးတယ်’

’ဒါပေမယ့် နောက်ဆုံးတော့လည်း နင့်ရဲ့အရိပ်ကိုတောင် အမှီမလိုက်နိုင်ခဲ့ဘူး ရှောင်အန်း’

အခန်း(၄၀၂) ထမင်းစားရေသောက်သလို အဆင့်တက်နေတဲ့ အန်းယန်

သွေးမျိုးနွယ်ကို သုတ်သင်လိုက်သည့် သတင်းက ဥရောပတစ်ခွင်သို့ လျင်မြန်စွာ ပျံ့နှံ့သွားသည်။

နှစ်ဖက်စလုံး ထိတ်လန့်သွားကြသည်။

ရွှယ်အန်းသည် သူ၏ကိုယ်ပိုင်စွမ်းအားဖြင့် သွေးမျိုးနွယ်ကဲ့သို့ ကြောက်မက်ဖွယ်ကောင်းသော အင်အားစုကို ချေမှုန်းနိုင်လိမ့်မည်ဟု မည်သူမျှ မမျှော်လင့်ထားခဲ့ကြပေ။ အလင်းအသင်းတော်ကို ဖျက်ဆီးလိုက်သည့် သတင်းကို ယခင်က မယုံကြည်ခဲ့ဘဲ မဖြစ်နိုင်ဟု ထင်ခဲ့ကြသူများသည် ယခုအခါ ကြောက်လန့်နေကြပြီဖြစ်သည်။ ရွှယ်အန်းသည် ဤအရာကို ပြီးမြောက်ရန် အမှန်တကယ် ခွန်အားရှိပုံရသည်။

ယခုအခါတွင် အလင်းအသင်းတော်မှ ဖိနှိပ်ခံရသော အင်အားစုများစွာသည် ဂနာမငြိမ်ဖြစ်နေတော့သည်။

ဘက်ပေါင်းစုံမှ ပုဂ္ဂိုလ်ကြီးများက အလင်းအသင်းတော်အပေါ် အာရုံစိုက်ကာ မည်ကဲ့သို့တုံ့ပြန်မည်ကို သိလိုကြသည်။

သို့သော် မျှော်လင့်ချက်အားလုံးနှင့် ဆန့်ကျင်ဘက်တွင် ပုံမှန်အားဖြင့် မာနကြီးသော အလင်းအသင်းတော်သည် ဤတစ်ကြိမ်တွင် တိတ်ဆိတ်နေခဲ့သည်။ ၎င်းတို့က အဖြစ်အပျက်ကိုပင် ပြန်လည်တုံ့ပြန်ခြင်းမပြုကြပေ။ ဤအရာက လူများစွာကို ပို၍ပင် တုန်လှုပ်သွားစေ၏။ အတန်ငယ်အဓိပ္ပါယ်မဲ့သော စိတ်ကူးတစ်ခု ထွက်ပေါ်လာသည်။

‘အလင်းအသင်းတော်က ကြောက်နေတာလား’

ဤကြောက်မက်ဖွယ်ကောင်းသော တိတ်ဆိတ်ငြိမ်သက်မှုက သုံးရက်ကြာမြင့်ခဲ့သည်။ အလင်းအသင်းတော်သာမက ရွှယ်အန်းကပါ ခြေရာမကျန်ဘဲ ပျောက်ကွယ်သွားခဲ့သည်။ တပ်ဖွဲ့များစွာက စိတ်မရှည်တော့ဘဲ ၎င်းတို့၏ ကိုယ်ပိုင် စစ်ရေးပြလေ့ကျင့်မှုများစတင်ခဲ့သည်။ တစ်ခဏချင်း၌ပင် ဥရောပ၏ မရဏလောကတွင် သေးငယ်သော ပဋိပက္ခများစွာ ဆက်တိုက်ဖြစ်ပွား၍ ဤအချိန်တွင် ကာလရှည်ကြာနေသည့် အာဃာတတရားများကို ထုတ်လွှတ်ပေးခဲ့သည်။

ထက်မြက်သောရဲရင့်သူများက အလင်းအသင်းတော်ကို မကြာခဏ တိုက်ခိုက်မှုများကိုပင် စတင်ခဲ့ကြသည်။ သုံးရက်တာအတွင်း အလင်းအသင်းတော်သည် အသင်းတောင်ဝင်တစ်ဒါဇင်ကျော်ခန့်ကို ဆုံးရှုံးခဲ့ရ၍ ခရမ်းရောင်ဝတ် ဘုန်းတော်ကြီးတစ်ဦးပင် သေဆုံးခဲ့သည်။

သို့ထိတိုင် အလင်းအသင်းတော်က မည်သည့် တုံ့ပြန်မှုကိုမျှမလုပ်သေးပေ။ ဤသည်က လူများစွာကို သတ္တိရှိလာစေသည်။ ဤသို့ဖြင့် အလင်းအသင်းတော်၏ လက်အောင်၌ နှစ်အတန်ကြာ ဖျက်ဆီးခြင်းခံခဲ့ရသော အင်အားစုများစွာထွက်ပေါ်လာကာ ဤအခွင့်အရေးကို အရယူ၍ ၎င်းတို့၏ ဒေါသကို ဖြေလျော့ရန် အသင့်ဖြစ်နေကြပြီဖြစ်သည်။

သို့သော် ထွက်ပေါ်လာသောသူများသည် သေးငယ်သော စွမ်းအားရှင်များသာဖြစ်ကြောင်း ပိုင်းခြားသိမြင်နိုင်ပေသည်။ အမှောင်ကောင်စီကဲ့သို့သော အဓိက အဖွဲ့များက လှုပ်ရှားခြင်းမပြုခဲ့ကြပေ။

အခြေအနေများက ပိုရှုပ်ထွေးလာသည်။

အမှောင်ကောင်စီအတွင်း။

အန်နာစတေးရှားက သူမခေါင်းကိုခါလိုက်သည်။

"အခုလောလောဆယ် အရူးအမူးမလုပ်ပါနဲ့၊ အလင်းအသင်းတော်ကို လက်ရှိတိုက်ခိုက်မှုတွေက အပေါ်ယံပဲမို့ သူ့ရဲ့အခြေခံအုတ်မြစ်ကို မထိခိုက်စေနိုင်ပါဘူး။ ဒါ့အပြင် အလင်းအသင်းတော်ရဲ့ တိတ်ဆိတ်မှုက တော်တော်ထူးဆန်းတယ်၊ တစ်ခုခုမမှန်ဘူးလို့ ခံစားရတယ်"

ခါရာဆက်က ခေါင်းညိတ်သဘောတူသည်။

"အမှန်ပဲ မုန်တိုင်းမတိုက်ခင် ငြိမ်သက်သွားသလို ခံစားရတယ်။ အလင်းအသင်းတော်က ပိုးမွှားတွေက ပေါ့ပေါ့တန်တန် အရှုံးခံမယ့်သူတွေမဟုတ်သလို သူတို့ ဘယ်လို စီစဉ်နေလဲဆိုတာ ဘယ်သူသိမှာလဲ”

တိုက်တန်နှင့် အခြားသူများ ခေါင်းညိတ် သဘောတူကြသည်။ အလင်းအသင်းတော်ကို နှစ်ပေါင်းများစွာ ဆက်ဆံခဲ့သူများအနေဖြင့် ဤလူများသည် အသေးအဖွဲမဟုတ်ကြောင်း သဘာဝကျကျ နားလည်ခဲ့ကြသည်။

မင်ယန်က သက်ပြင်းကို ခပ်တိုးတိုးချလိုက၏။

"ငါတို့လူကြီးမင်းရွှယ်က အခုဘာတွေအလုပ်ရှုပ်နေလဲ ငါသိချင်နေတယ်"

ဤသံသယရှိသူမှာ သူမတစ်ယောက်တည်းတော့ မဟုတ်ပေ။

ဤအခိုက်အတန့်တွင် လူတိုင်းသည် ၎င်းတို့၏မေးခွန်းများကို အကဲခတ်ကြည့်ကာ သွေးထိုးလှုံ့ဆော်သူ ရွှယ်အန်းက မည်သို့ဖြစ်နေပြီဖြစ်ကြောင်း အတိအကျသိချင်သည်။

နတ်သူငယ် ဘေးမဲ့တော

ရွှယ်အန်းသည် သွေးပုလဲအားလုံးကို ထုတ်ယူ၍ မြို့ဝန်အမျိုးအစားများကို ရွေးထုတ်ခဲ့သည်။ ကျန်ရှိသော မြို့စားနှင့်

သွေးမင်းသားပုလဲများ စုစုပေါင်း ဒါဇင်နဲ့ချီသည်။

ဤသွေးပုလဲများ၏ တစ်ခုတည်းသော အမှန်တကယ် အသုံးဝင်သောအရာမှာ ၎င်းတို့ပါရှိသော အချုပ်အချာအာဏာဖြစ်သည်။

ပေါင်းစပ်လိုက်လျှင် ၎င်းတို့သည် ရွှေအင်မော်တယ်တစ်ပါး၏ ရာဇမတ်ကွက်များ၏ တန်ဖိုးနှင့် ညီမျှသည်။

ရွှယ်အန်းသည် အသက်ပြင်းပြင်းရှူလျက် လေထဲတွင် နက်နဲသော စည်းချိပ်ကိုရေးလိုက်သည်။

“ခွဲခြား"

သွေးပုလဲများအားလုံး လေထဲသို့ လွင့်ပျံသွားပြီးနောက် ဤစည်းချိပ်၏ အလင်းရောင်အောက်တွင် တဖြည်းဖြည်း ပြိုကွဲသွားတော့သည်။ ပုလဲများအတွင်းမှ သွေးရောင်များသည် ရေကဲ့သို့ ကွာကျလာကာ ပြိုးပြိုးပြက်ပြက်ဖြစ်နေသော အချုပ်အခြာအာဏာစွမ်းအင်ကို ချန်ထားခဲ့သည်။

ဤသွေးရောင်သည် သန့်စင်သော သွေးမျိုးနွယ်အနှစ်သာရသွေးဖြစ်သည်။ ဖြုန်းတီးပစ်ခြင်းက နှမျောစဖွယ်ကောင်း၏။

ရွှယ်အန်းသည် သူ့ဘေးနားရှိ ကွင်တီနာကို စိုက်ကြည့်လိုက်သည်။

"ဒါက နည်းနည်းနာသွားနိုင်တယ် ခဏလောက် သည်းခံလိုက်ပါ"

ကွင်တီနာက မတုံ့ပြန်ခင်တွင် ရွှယ်အန်းက သူ့လက်ကို ဝှေ့ယမ်းလိုက်ရာ ကွင်တီနာ၏ ခေါင်းထဲသို့ သွေးရောင်များ အရူးအမူး စိမ့်ဝင်လာခဲ့သည်။ ကွင်တီနာသည် နာကျင်စွာ အော်ဟစ်၍ သူမ၏ တစ်ကိုယ်လုံးမှ ကြီးမားသော စွမ်းအင်များ ချက်ချင်း ထွက်ပေါ်လာသည်။

သူမ၏ ခပ်ဖျော့ဖျော့အသားအရည်က ခဏတာအတွင်း အက်ကွဲသွားကာ သွေးစွန်းနေသောရုပ်အသွင်သို့ပင် ပြောင်းလဲသွားသည်။

ဘမ်း

ကွင်တီနာ၏အတောင်ပံများက သူမနောက်ကျောတွင် ပြန့်ကျဲနေလျက် တစ်ချိန်တည်းတွင် ပဉ္စမမြောက်အတောင်ပံများ ကြီးထွားလာသည်။ သို့သော်လည်း သူမ၏ ခန္ဓာကိုယ်တစ်ခုလုံး ပြိုကျသွားသည့် လက္ခဏာများပင် ပြသနေသည်။

ရွှယ်အန်းသည် မျက်ခုံးကို အနည်းငယ်ပင့်ကာ ဆယ်လီနာကိုကြည့်၍ “ကြောက်နေသလား” ဟု ပေါ့ပေါ့ပါးပါး ပြောလိုက်သည်။

ဆယ်လီနာ၏ မျက်လုံးထဲတွင် အလင်းရောင်တစ်ခု လင်းလက်လာသည်။ သူမသည် ကွင်တီနာကို မနာလိုခြင်းအပြည့်ဖြင့်ကြည့်နေကာ ရွှယ်အန်းသည် သူမအပေါ် မယုံနိုင်လောက်အောင် ကောင်းပေးနေသည်ဟု ခံစားနေခဲ့သည်။

ဤသည်က အသန့်စင်ဆုံး သွေးမျိုးနွယ်စွမ်းအင်ဖြစ်ကာ သူက ၎င်းတို့အားလုံးကို သူမအား ပေးခဲ့သည်။

သို့သော် ဆယ်လီနာသည် ရွှယ်အန်း၏ အသတ်မခံရခြင်းကပင် ကံကောင်းနေခြင်းဖြစ်ကြောင်းသိ၍ သူမ၏ကိုယ်ပိုင်အခြေအနေများကို ကောင်းစွာသိရှိခဲ့သည်။

ထို့ကြောင့် သဘာဝအလျောက်ပင် သူမက နောက်ထပ်မျှော်လင့်ချက်မချဝံ့ပေ။

ယခု ရွှယ်အန်းက သူမကို ဤသို့မေးသောအခါ သူမ အနည်းငယ် ထိတ်လန့်သွားသဖြင့် ခေါင်းကို အမြန်ခါလိုက်သည်။

"မကြောက်ပါဘူး”

ရွှယ်အန်းသည် အနည်းငယ် ခေါင်းညိတ်လိုက်ပြီးနောက် သူ့လက်ကို ဝှေ့ယမ်းလိုက်ရာ သွေးအလင်းရောင်က ဆယ်လီနာ၏ ခန္ဓာကိုယ်ထဲသို့ စိမ့်ဝင်လာသည်။

ဆယ်လီနာသည် သူမ၏ ဆဲလ်များ ကွဲအက်သွားသည်ကို ခံစားလိုက်ရသည်။ ဤကဲ့သို့ နာကျင်မှုမျိုးက သာမန်လူကို ရူးသွပ်သွားစေနိုင်သည်။ သို့သော်

ဆယ်လီနာက မျက်ခုံးကို အနည်းငယ်သာ ပင့်လိုက်၏။

လွန်ခဲ့သည့်နှစ်တစ်ရာကျော်က သူမခံစားခဲ့ရသည့် ညှဉ်းပန်းနှိပ်စက်မှုနှင့် နှိုင်းယှဉ်ပါက ဤဝေဒနာသည် နည်းပါးလှသည်။

ဤသွေးအလင်းရောင်ကို ဆယ်လီနာနှင့် ကွင်တီနာနှစ်ဦးစလုံးအတွက် တူညီစွာ ခွဲဝေပေးခဲ့ပါသည်။

သို့သော် စွမ်းအင်သည် အလွန်ကြီးမားသောကြောင့် ၎င်းကို အပြည့်အဝစုပ်ယူရန် အချိန်အတော်ကြာမည်ဖြစ်သည်။

ကျန်ရှိသည့်စွမ်းအင်ကား အချုပ်အချာအာဏာပင်ဖြစ်သည်။

ရွှယ်အန်းသည် သူ၏လက်ဖဝါးကိုဖွင့်လိုက်သောအခါ အချုပ်အချာအာဏာက စတင်ထွက်ပေါ်လာ၍ အလင်း၏စက်လုံးတစ်ခုအဖြစ် တဖြည်းဖြည်းဖွဲ့စည်းလာသည်။

ရွှယ်အန်းက အန်းယန်ကို နှစ်နှစ်ခြိုက်ခြိုက် ပြုံးပြလိုက်သည်။

"ယန်အာ မင်းမျက်လုံးတွေကို မှိတ်ထား"

ဆေးထိုးခါနီး ကလေးကို ချော့လိုက်သကဲ့သို့ပင်ဖြစ်ကာ အန်းယန်က ခေါင်းညိတ်လိုက်သည်။

ရွှယ်အန်းသည် သူ၏ နတ်အာရုံဖြင့် အလင်းလုံးကို ပထမဆုံး ဖုံးအုပ်လိုက်ကာ အန်းယန်၏ နဖူးကို ရုတ်တရက် ဖိလိုက်သည်။ အချုပ်အခြာအာဏာစွမ်းအင်ကို တိုက်ရိုက် သွင်းလိုက်ပါက အနည်းငယ် ထိခိုက်နိုင်သည်။ မှန်သည်။ ရွှယ်အန်းက မိန်းမဖြစ်သူ အဆင်မပြေဖြစ်မည်ကို အနည်းငယ်မျှပင် သည်းမခံနိုင်သောကြောင့် သူ၏ နတ်အာရုံဖြင့် ကာကွယ်ခဲ့သည်။

ရွှယ်အန်း၏ နတ်အာရုံ၏ လမ်းညွှန်မှုအောက်တွင်၊ ဤစွမ်းအင်က အန်းယန်၏ စည်းချိပ်ဆီသို့ ဦးတည်သွားသည်။ အချုပ်အခြာအာဏာစွမ်းအားများအားလုံးကို အသုံးပြုပြီးသောအခါ စည်းချိပ်က အက်ကွဲကြောင်းတစ်ခုမှအရင်းတည်၍ ကွဲအက်သွားသည်။ အလုပ်ပြီးစီးသောအခါ ရွှယ်အန်းက သူ၏ နတ်အာရုံကို ရုတ်သိမ်းကာ နှဖူးမှ ချွေးများကို သုတ်လိုက်သည်။ ရွှယ်အန်းသည် အန်းယန်၏ ဝိညာဥ်က ဒဏ်ရာရသွားမည်ကို စိုးရိမ်သောကြောင့် ဖြစ်စဥ်တစ်ခုလုံးတွင် သူ၏ နတ်အာရုံဖြင့် သူမကို ကာကွယ်ပေးထားခဲ့သည်။ ထို့ကြောင့် သူက အန်းယန်ထက်ပင် ပို၍ ပင်ပန်းနေခြင်းဖြစ်၏။

ဤအခိုက်အတန့်တွင် အန်းယန်က မျက်တောင်မှိတ်ချလိုက်ရာ သူမ၏ ရောင်ဝါက ရုတ်တရက် ပေါက်ကွဲ၍ ဖြာထွက်လာသည်။

ရွှယ်အန်းက အံ့သြသင့်စွာကြည့်နေ၏။

သူ့မိန်းမက… အမှန်ပင် နောက်ထပ်တစ်ဆင့်သို့ တက်လှမ်းသွားခဲ့ပြီဖြစ်သည်။

ထို့အပြင် ဤတစ်ကြိမ်၌ သူမသည် လွတ်မြောက်အင်မော်တယ်ထက်ဝက်အဆင့်မှ လွတ်မြောက်အင်မော်တယ်အဆင့်ဆီသို့ တိုက်ရိုက် တက်လှမ်းသွားသည်။ လူများစွာက ၎င်းတို့၏ ဘဝတစ်လျှောက်လုံး ဤအဆင့်သို့ ဘယ်သောအခါမျှ ဖြတ်ကျော်နိုင်မည်မဟုတ်သော်လည်း အန်းယန်ကမူ အသက်ရှုသကဲ့သို့ လွယ်ကူလျင်မြန်စွာ ဖြတ်ကျော်သွားသည်။

“ယောက်ျား ကျွန်မ ပိုပြီး သန်မာလာတဲ့ပုံပဲ” အန်းယန်က စိတ်လှုပ်ရှားစွာပြောလိုက်သည်။

ရွှယ်အန်းက ပြုံး၍ အန်းယန်၏ ခေါင်းကို ပုတ်ကာ ဂုဏ်ယူစွာပြန်ဖြေသည်။

“ဟုတ်တယ် ငါ့မိန်းမက တကယ်ကို အံ့သြစရာပဲ”

ထို့နောက် မတ်တပ်ရပ်ကာ ပေါ့ပေါ့ပါးပါးပြုံးလိုက်သည်။

“ကောင်းပြီ အခု အလင်းအသင်းတော်နဲ့ စာရင်းရှင်းဖို့ အချိန်ရောက်ပြီ”