ဆန်းကြယ်တောင်ကြား! ၂

အရင်ကဝဂ်ယူအမဲသားမှာ နိုင်ငံတကာအဆင့်မြင့်အစားအသောက်စျေးကွက်တွင် ထိပ်တန်းဖြစ်ခဲ့သည်။ အခုတော့ သူတို့စီရင်စုလေးကမွေးမြူရေးခြံလေးမှာမွေးမြူနိုင်ပြီ။

စီးပွားရေးရှုထောင့်ကကြည့်ရင် သူဌေးချင်ကဘုရားပေးတဲ့ဆုလာဘ်ကိုဖြုန်းတီးနေသလိုဖြစ်သော်လည်း ပုဂ္ဂိုလ်ရေးအရကြည့်ရင် သူဌေးချင်စိတ်ဖြေတဲ့နည်းကိုသူခံစားမိသည်။ သူဌေးချင်ကိုအရမ်းလည်းလေးစားမိသည်။

အင်တာနက်ပေါ်မှာ ဂျပန်ကိုရန်စနေသူများတောင်ရှိသည်။ နောက်ထပ်တားမြစ်ပါဦးလား၊ ချင်းလင်ကုမ္ပဏီက လုပ်နိုင်မလားကြည့်ရတာပေါ့ဟူ၍။

တချို့က အနောက်နိုင်ငံတွေနဲ့ပတ်သက်ရင် ချင်းလင်ကုမ္ပဏီကသာကောင်းသည်ဟုတောင်ဆိုကြသည်။

လျန်ချန်ကထပ်စဉ်းစားကြည့်သည်။ ကြည့်ရတာ သူဌေးချင်အတွက် နွားလိုဟာကဘာမှဟုတ်မည်မထင်။

ချင်းလင်ကုမ္ပဏီကြောင့် သူဌေးချင်က အမဲသားရောင်းပြီးရလာမည့်ပိုက်ဆံကိုစိတ်ဝင်စားမည်မဟုတ်။ သူဉာဏ်တိမ်သွားသည်။

"ကောင်းပါပြီ လျန်ချန်... တခြားမရှိတော့ရင် ကျွန်တော်မွေးမြူရေးခြံပြန်ပြီး သွားကြည့်လိုက်ဦးမယ်''

လင်းဖာကအစီရင်ခံပြီးနောက် လျန်ချန်ရုံးခန်းထဲမှထွက်လာသည်။

လျန်ချန်က လင်းဖာကိုလိုက်ပို့ပြီးနောက် ဖုန်းဝင်လာသည်။ သတင်းကြားပြီးနောက် သူဝမ်းသာသွားပြီး_

"ဟုတ်လား? ဟုတ်ပြီ ဟုတ်ပြီ... ငါလာခဲ့မယ်''

ဒီလိုနှင့် လျန်ချန်ကရုံးခန်းအပြင်ပြေးထွက်ပြီး ဒရိုင်ဘာကိုကားမောင်းခိုင်းလိုက်သည်။

နင်းမြို့တော်က စွပ်ပြုတ်သောက်ဖို့အတုခိုးတဲ့နည်းဗျူဟာကိုပြောင်းလိုက်ပြီ။ အမဲသားပရောဂျက်က စွပ်ပြုတ်၊ ချင်းလင်ဆန်ပရောဂျက်ကလည်း စွပ်ပြုတ်ဖြစ်သည်။ နောက်ပြီး နှစ်ခုလုံးက ရောင်းကုန်တွေ။

နင်းမြို့တော်မှာချင်းလင်စပါးစိုက်ဖို့အဆင်ပြေရင် ရလာမယ့်အကျိုးအမြတ်ကမခန့်မှန်းနိုင်အောင်ပင်။ နောက်နှစ် နင်းမြို့တော်မှာ ချင်းလင်စပါးစိုက်ဖို့ကြော်ငြာနိုင်မည်။

သာမန်ဆန်တစ်ပြည်ကိုဘယ်လောက်လဲ? နင်းမြို့တော်ကအတော်များများ လယ်မလုပ်ချင်ကြ။

ဒါပေမဲ့ ချင်းလင်စပါးဆိုတမျိုးဖြစ်သွားပြီ။ အရင်က ရှန်းရွှေလက်ဆောင်ဆန်။ ချင်းလင်ဆန်က ရှန်းရွှေလက်ဆောင်ဆန်ထက်အရည်အသွေးပိုကောင်းသည်။

ဒီတော့ ချင်းလင်ဆန်ကိုရှန်းရွှေလက်ဆောင်ဆန်စျေးနဲ့တွက်ရင်တောင် နင်းမြို့တော်မှာစိုက်ပျိုးလိုက်ပါက နောင်နှစ် နင်းမြို့တော်ရဲ့ GDP ထပ်တက်လာမည်။

ပြဿနာက ချင်းလင်ဆန်ကိုနင်းမြို့တော်မှာစိုက်လို့ရမရဆိုတာပင်။ ဘာပဲဖြစ်ဖြစ် ရှန်းရွှေလက်ဆောင်ဆန်ကပတ်ဝန်းကျင်အလွန်ရွေးမှန်းသိကြသည်။ ချင်းလင်ဆန်လည်း ဒီအတိုင်းပင်။ မဟုတ်ရင် ချင်းလင်ဓာတ်ခွဲခန်းက ဒီလောက်နေရာအများကြီးမှာစမ်းသပ်နေမှာမဟုတ်။

မင်မြို့တော်အပြင်ရောက်ရင် ချင်းလင်စပါးအပင်မပေါက်မှန်းတောင်သူသိသည်။

အခု သူတို့နင်းမြို့တော်မှာစမ်းသပ်ထားတဲ့ချင်းလင်စပါးမှည့်ပြီး ချင်းလင်ဓာတ်ခွဲခန်းကရိတ်သိမ်းနေပြီဖြစ်ကြောင်းသတင်းရ၍ လျန်ချန်မဖြစ်မနေသွားကြည့်ရမည်။

မကြာမီ ချင်းလင်ဓာတ်ခွဲခန်းက ချင်းလင်စပါးစိုက်ထားသောနေရာသို့ရောက်လာသည်။ လုံခြုံရေးများချထားပြီး အထဲတွင်ချင်းလင်ဓာတ်ခွဲခန်းမှလူများကရိတ်သိမ်းနေကြသည်။

လျန်ချန်ကချက်ချင်းကားပေါ်မှဆင်းပြီး အလောတကြီးပြေးလာသည်။

နင်းမြို့တော်စီရင်စုဒုဥက္ကဌဖြစ်၍ဝင်ခွင့်ရသည်။ သုတေသနသမားတစ်ဦးနှင့်သူ့ကိုမိတ်ဆက်ပေးပြီး ရှင်းပြ၏_

"သုတေသီလီ... ဒါက နင်းမြို့တော်စီရင်စုဒုဥက္ကဌပါ''

"မင်္ဂလာပါ လျန်ချန်!''

သုတေသီလီက လျန်ချန်ကိုအမြန်နှုတ်ဆက်လိုက်သည်။

သူက ချင်းလင်ဓာတ်ခွဲခန်းသုတေသနအဖွဲ့က ချင်းလင်ဆန်သုတေသနသမားတစ်ယောက်သာ။ ဒုဥက္ကဌအပေါ်သူမရိုင်းရဲ။

"တွေ့ရတာဝမ်းသာပါတယ် သုတေသီလီ''

လျန်ချန်က ယဉ်ယဉ်ကျေးကျေးနှင့်_

"တို့စီရင်စုကချင်းလင်ဆန်ရဲ့အရည်အသွေးဘယ်လိုလဲ သိပါရစေ?''

သူ့မျက်စိထဲတွင် ချင်းလင်ဓာတ်ခွဲခန်းမှသုတေသီလီမှာ နင်းမြို့တော်၏အနာဂတ်ကိုဆုံးဖြတ်ပေးမည့်သူဟုမြင်နေသည်။

ရှေ့လျှောက် သူတို့နင်းမြို့တော်မှာချင်းလင်စပါးစိုက်နိုင်မစိုက်နိုင်က သူ့စမ်းသပ်ချက်အပေါ်မူတည်နေသည်။

အခုဒီမေးခွန်းမေးပြီး သူနည်းနည်းစိတ်လှုပ်ရှားနေ၏။

သူတို့ကအဆင်မပြေဘူးပြောရင် သူ့ရင်ဝကိုဆောင့်ကန်လိုက်သလိုဖြစ်မည်။

လျန်ချန်သိချင်သည်ကို သုတေသီလီကနားလည်၍ပြုံးလိုက်ပြီး_

"မပူပါနဲ့ လျန်ချန်... ကျွန်တော်ကြိုစစ်ဆေးပြီးပါပြီ... နင်းမြို့တော်မှာစိုက်တဲ့ချင်းလင်စပါးက အရည်အသွေးကောင်းတယ်... အဲဒါကြောင့် ချင်းလင်စပါးကိုကျယ်ကျယ်ပြန့်ပြန့်စိုက်ဖို့သင့်တော်တယ်... နောက်ကျရင် ဓာတ်ခွဲခန်းရဲ့ဥက္ကဌရှန်က ဒီအကြောင်း နင်းမြို့တော်နဲ့ဆွေးနွေးပါလိမ့်မယ်''

"ဟုတ်လား? ကျေးဇူးအများကြီးတင်ပါတယ် သုတေသီလီ''

လျန်ချန်ကသတင်းကြားပြီး ကလေးတစ်ယောက်လိုပျော်မြူးကာ လက်သီးလက်မောင်းတန်းလိုက်သည်။

နင်းမြို့တော် GDP ငြိမ်နေပြီး နင်းပြည်သူများ၏ဝင်ငွေတည်ငြိမ်နေသည်။

အခု ချင်းလင်ဆန်အရည်အသွေးမျိုးမျိုးရှိကြောင်း ချင်းလင်ဓာတ်ခွဲခန်းမှတဆင့် စီရင်အားလုံးသိရသည်။ ပျမ်းမျှအဆင့်က ရှန်းရွှေလက်ဆောင်ဆန်နှင့်တူသည်။ သို့သော် ရုံချန်းနှင့်အလှမ်းဝေးပြီး ချင်းလင်ဆန်စိုက်ပျိုးရန်သိပ်မသင့်တော်သောနေရာများတွင်သာဖြစ်သည်။

သို့ဆိုရင်တောင် ရှန်းရွှေလက်ဆောင်ဆန်အဆင့်ရှိ၍ ချင်းလင်ဓာတ်ခွဲခန်းမှလာရောက်စိုက်ပျိုးမည့်အခွင့်အရေးကိုအမိအရယူသင့်သည်။

တစ်ဆင့်မြင့်ရင် အရည်အသွေးကောင်း​ဖြစ်သည်။ (အရည်အသွေး ၁)

အရည်အသွေး ၁ ချင်းလင်ဆန်ကို ရုံချန်းနှင့်အနီးအနားစီရင်စုတချို့တွင်သာစိုက်ပျိုးနိုင်သည်။ စီရင်စုသုံးခုမှာ အရည်အသွေး ၁ ချင်းလင်ဆန်စိုက်ပျိုးနိုင်ကြောင်းအတည်ပြုပြီးဖြစ်သည်။

အခု သူတို့နင်းမြို့တော်က စတုတ္ထမြောက်ပင်။

ဒါ နင်းမြို့တော်ကထွက်တဲ့ချင်းလင်ဆန်က အရမ်းစားကောင်းမယ့်သဘောလည်းဖြစ်သည်။

အိုးထဲကအသားတုံးကြီးကိုတော့ ရုံချန်းကစားသွားတာပေါ့။ အရည်အသွေးကောင်းချင်းလင်ဆန်အပြင် အရည်အသွေးမြင့်ချင်းလင်ဆန်ရှိသေးသည်။ ကြည့်ရတာ ထိုဆန်ကိုရုံချန်းရဲ့ချင်းလင်တောင်တန်းစံအိမ်မှာသာ စိုက်ပျိုးနိုင်ပုံရသည်။

ပစ္စည်းကောင်းတွေအကုန် ရုံချန်းမှာ။ ဒါပေမဲ့ သူဘာတတ်နိုင်မလဲ? သူဌေးချင်က ရုံချန်းကလေ။

…

ချင်းလင်အပန်းဖြေစံအိမ်_

ချင်လင်ကရုံးခန်းထဲထိုင်ပြီး ဂိမ်းဇာတ်ကောင်အားနေ့စဉ်တာဝန်များလုပ်ခိုင်းနေစဉ် ရှန်လီကပြုံးပြုံးနှင့်ရောက်ချလာသည်။

"ဥက္ကဌရှန်... သတင်းကောင်းရှိလို့လား?''

ချင်လင်ကပြုံးပြီးမေးသည်။

ရှန်လီကပြုံးလိုက်ပြီး_

"ဥက္ကဌချင်... ချင်းလင်စပါးစမ်းသပ်စိုက်ခင်းတွေကတင်ပြလာတယ်... မင်မြို့တော်စီရင်စု ၁၂ ခုလုံးမှာ ချင်းလင်စပါးစိုက်လို့ရတယ်တဲ့... မင်မြို့တော်အပြင်ကစမ်းသပ်စိုက်ခင်းတွေမှာတော့ ချင်းလင်စပါးစိုက်နိုင်တဲ့စီရင်စု ၇ ခုရှိတယ်''

"တစ်နည်းပြောရရင် ချင်းလင်စပါးစိုက်နိုင်တဲ့စီရင်စု စုစုပေါင်း ၁၉ ခုရှိတယ်... အဲဒီအထဲမှာ မင်မြို့တော်အပြင်စီရင်စု ၆ ခုနဲ့မင်မြို့တော်ကစီရင်စု ၄ ခုမှာပဲ ရှန်းရွှေလက်ဆောင်ဆန်နဲ့တူတဲ့ဆန်မျိုးထွက်တာ''

"တခြားစီရင်စုတွေမှာစိုက်တဲ့ချင်းလင်စပါးက အရည်အသွေးကောင်း(အရည်အသွေး ၁)ရှိတယ်... ကျန်တဲ့စမ်းသပ်စိုက်ခင်းတွေတော့ မအောင်မြင်ဘူး... ဆန်အရည်အသွေးမကောင်းတာ.. အာဟာရတန်ဖိုးမပြည့်ဝတာတွေရှိတယ်.. တချို့က ခါးတောင်ခါးတယ်''

"ဟုတ်ပြီ... အတော်များများတော့ရထားပါတယ်''

ချင်လင်ခေါင်းညိမ့်လိုက်သည်။

စုစုပေါင်းစီရင်စု ၁၉ မှာစိုက်နိုင်သည်။ စီရင်စု ၁၀ ခုကအရည်အသွေးကျရင်တောင် ရှန်းရွှေလက်ဆောင်ဆန်အဆင့်ရှိ၍ စီရင်စု ၉ ခုက အရည်အသွေး ၁ ရှိသည်။

ဒါရှန်းရွှေလက်ဆောင်ဆန်နှင့်ယှဉ်လျှင် အများကြီးတိုးတက်သည်။

ဘာပဲဖြစ်ဖြစ် ရှန်းရွှေလက်ဆောင်ဆန်က ထိုနေရာသေးသေးမှာသာစိုက်နိုင်သည်။

နောက်ပြီး သူကမျိုးစေ့ထုတ်စက်နှင့် ရှန်းရွှေလက်ဆောင်ဆန်မျိုးတချို့ကိုထုတ်ထား၍ အထွက်နှုန်းနှစ်ဆရှိသည်။ နောက်ပိုင်း အဲဒီမျိုးစေ့တွေကိုစိုက်ရင် အထွက်နှုန်းပိုမြင့်လာမည်။

ချင်းလင်ဆန်က ၅၀၀ ဂရမ်သုံးလေးရာရှိရင်တောင် ထိပ်တန်းလူတွေရဲ့ထမင်းစားပွဲပေါ်တင်ရောက်မှာမဟုတ်။ သာမန်လူတွေလည်း ရံဖန်ရံခါစားနိုင်မည်။

ပွဲတော်ကာလမှာ ဘယ်သူမှဆန်အတွက်ငွေကုန်မခံချင်။

ကောင်းသည်။

ရှန်လီကထပ်ရယ်လိုက်ပြီး_

"ချင်းလင်ဆန်စိုက်နိုင်တဲ့စီရင်စုခေါင်းဆောင်တွေက တစ်နေ့သုံးလေးကြိမ်ဖုန်းဆက်ကြတယ်... ချင်းလင်ဆန်စိုက်ဖို့အကြောင်းဆွေးနွေးဖို့လောနေကြတာ... တချို့ခေါင်းဆောင်တွေက ချင်းလင်ဓာတ်ခွဲခန်းကိုတောင်လာချင်နေပြီ... ကျွန်တော်တို့အလုပ်များတော့မယ်''

ချင်းလင်ကုမ္ပဏီဖွံ့ဖြိုးလာသည်နှင့်အမျှ သူ့လွှမ်းမိုးနိုင်စွမ်းက ရုံချန်းမှာအကန့်အသတ်မရှိပေ။

ဘာပဲဖြစ်ဖြစ် ရုံချန်းကစီရင်စုတစ်ခုသာ။

ပတ်ဝန်းကျင်စီရင်စုများတွင်လည်း ချင်းလင်ကုမ္ပဏီ၏သက်ရောက်မှုရှိလာသည်။ ချင်းလင်ဆန်ပရောဂျက်နှင့်တင် ထိုစီရင်စုများ၏ GDP ကို သေချာပေါက်အဆင့်တက်စေလိမ့်မည်။

"ဒီအတွက် ဥက္ကဌရှန်ကိုဒုက္ခပေးရဦးမှာပဲ''

ချင်လင်ပြုံးလိုက်သည်။

"ကျွန်​တော်လုပ်သင့်တာပါ''

ရှန်လီက ဒါခက်တယ်မထင်။ သူ့အဖို့တော့ ဝမ်းသာစရာပင်။ ဘာပဲဖြစ်ဖြစ် သူ့မှာဆုလာဘ်အဖြစ်ရှယ်ယာရှိသည်။

ရှန်လီထွက်သွားပြီးနောက် ချင်လင်ကသူ့စိတ်ထဲမှဖန်သားပြင်ကိုကြည့်လိုက်သည်။ သူ့ဂိမ်းဇာတ်ကောင်အား နတ်ဘုရားမတောင်တက်လမ်းသွားစေပြီး အတွေးနှင့်ဂိမ်းထဲဝင်လိုက်သည်။

ဂိမ်းတောင်တက်လမ်းတွင်ပေါ်ပေါ်လာချင်း ချင်းလင်က တည်နေရာကိုနှိုင်းဆပြီး တစ်နေရာဦးတည်သွားလိုက်သည်။

မနေ့က နတ်ဘုရားမတောင်ပေါ်တက်ပြီး သူစူးစမ်းခဲ့သည်။ ဒီဘက်တွင်တောင်ကြားလမ်းလေးတွေ့ထားပြီး တောင်ကြားထဲတွင်အဆောက်အဦးများရှိသည်။

အဆောက်အဦးပုံ​က နည်းနည်းထူးဆန်းသည်။ အဝေးကသေချာမမြင်ရသောကြောင့် သူအရမ်းသိချင်နေသည်။

ဂိမ်းထဲမှာ ဒီလိုနေရာရှိပုံမပေါ်။

သူဝင်လာပြီးနောက်ပိုင်း စနစ်ကြောင့်ရုတ်ချည်းပေါ်လာသည့်တကယ့်လောကဖြစ်မည်။

မနေ့က အချိန်မရ၍ ဂိမ်းထဲမှထွက်လိုက်သောကြောင့်မစူးစမ်းခဲ့ရ။ ဒီနေ့ သူလေ့လာပြီးအဖြေရှာချင်သည်။

ထိုလမ်းအတိုင်း ချင်လင်ကဆက်သွားသည်။ စွမ်းအားပင်အသီးနှစ်လုံးကြောင့် နေ့ဝက်ကုန်ပြီးနောက်တွင် တောင်ကြားထဲရောက်သွားသည်။

သူကမျှော်တလင့်လင့်နှင့် တောင်ကြားထဲလျှောက်သွား၏။ တောင်ကြားထဲဝင်ဝင်ချင်း ပုံရိပ်သုံးလေးခုတွေ့ရသည်။ ထိုပုံရိပ်များမြင်ပြီး သူအံ့ဩသွားသည်။

"ခင်ဗျားတို့... ဘာလို့ဒီရောက်နေတာလဲ?''

ပုံရိပ်တစ်ခုကလည်း ချင်လင်ကိုဇဝေဇဝါနှင့်ကြည့်သည်။