သခင်လေး ကျစ်ကျွင်း

ကျိချန်းမှာ အအေးသတ္တု သွေးဘောလုံး အစီအရင် ကြောင့် ဒဏ်ရာအပြင်းအထန်ရလာသည်ကိုမြင်ရသောအခါ ကျင်းပြည်နယ်သခင်လေး အဖွဲ့သည် အံ့သြသွားသည်။

ကျယ်ပြောလှသော ကျတ်တီးမြေမှ ထွက်လာသည့် ချောမောလှပသော ကောင်လေးသည် သခင်ငယ် ကျိချန်း ကို အမှန်တကယ် အနိုင်ယူခဲ့သည်။

ယီယွင် ကို ချောမောလှပသော ကောင်လေးအဖြစ် လှောင်ပြောင်ခဲ့ကြသော်လည်း ထိုချောမောသော ကောင်လေးကို မနိုင်သည်မှာ ပိုဆိုးသည် မဟုတ်ပါလော့။ မည်သည့်စနစ်ကိုမှ မသိရှိပဲ ရက်စက်ကြမ်းကြုတ်သော စွမ်းအားရှိခြင်းကို ကျယ်‌‌ပြောလှသောအရိုင်းနယ်‌မြေမှ လူများက ချောမောလှရုံသာ ရှိသည်ဟု လှောင်ပြောင်လေ့ကြသည်။ သို့သော် ယီယွင်၏ တဒင်္ဂလှုပ်ရှားမှု မှာ သူတို့အား မျက်နှာပျက်‌စေခဲ့ပြီ ဖြစ်သည်။

"အစီအရင်ကို ရပ်လိုက်တော့"

ကျင်းပြည်နယ်သခင်လေးအဖွဲ့အစည်းမှ တ‌စ်ဦးက အော်လိုက်သည်။ သခင်ငယ်တစ်ဦးသည် အစီအရင်ကို အမြန်ရပ်လိုက်သည်။ အစီအရင်ရပ်သွားပြီးနောက်တွင် သူ့ကိုယ်ပိုင်ကမ္ဘာတွင် လုံးလုံးလျားလျားနစ်မြုပ်နေသော ယီယွင်မှာ သတိပြန်၀င်လာသည်။ ယီယွင်မျက်လုံးကိုဖွင့်လိုက်သောအခါ ကျိချန်း ထွက်သွားသည်ကို မြင်လိုက်ရသည်။

“ပြီးသွားပြီလား”

“နှ‌မြောစရာပဲ... ဥာဏ်နည်းနည်းရပြီး ပျောက်သွားတယ်...”

ယီယွင် သည် မိမိအား အနှောက်အယှက်ဖြစ်စေသည့်အတွက် စိတ်မဆိုးသော်လည်း အအေးသတ္တု သွေးဘောလုံး အစီအရင် သည် လှုပ်ရှားမှုစနစ်များကို လေ့ကျင့်ရန်အတွက် အလွန်သင့်လျော်ကြောင်း တွေ့ရှိခဲ့သည်။ ပြဒါးစီး၀တ်ရုံ နဲ့ အတူ ယီယွင်၏ တဒင်္ဂလှုပ်ရှားမှုမှာ ကြီးမားသော အောင်မြင်မှုအဆင့်ကို ရောက်‌ရှိရန် အချိန်သိပ်မလိုတော့မည်ကို ယီယွင် ယုံကြည်သည်။

" ပြဒါးစီး၀တ်ရုံ နဲ့ ငါ ကန့်သတ်ချက်တွေကို ချိုးဖျက်မယ်။ ငါ့ရဲ့ လှုပ်ရှားမှု စနစ် နဲ့ တခြား ရှုထောင့်တွေ က အရမ်း မြန်လာမယ် ... " ဟု ယီယွင် တွေးနေချိန်တွင် ကျင်းပြည်နယ် သခင်လေးအဖွဲ့အစည်းမှ တချို့ မှာ ကျိချန်း ဆီပြေးလာသည်ကို တွေ့လိုက်ရသည်။

"သခင်လေး ကျိချန်း၊ အဆင်ပြေရဲ့လား" ကျိချန်းမှာ သွေးများဖြင့် ဖုံးလွှမ်းနေသည်။ ဝမ်းဗိုက်နေရာတွင်လည်း အပေါက်ကြီးတစ်ခုရှိနေသည်။ ကျိချန်း တွင် မူလက ဆွဲဆောင်မှုရှိသော ရုပ်ရည်ရှိသော်လည်း ယခုအခါ စက္ကူကဲ့သို့ ဖြူဆွတ်နေပြီး ကြောက်မက်ဖွယ် ပုံပေါက်နေသည်။

ဒီလိုမျိုး အထူးသဖြင့် လက်မောင်းမှ ဒဏ်ရာမျိုးမှာ ပြန်ကောင်းဖို့ အနည်းဆုံး တစ်လခွဲလောက် အချိန်ယူရမည်ဖြစ်သည်။

“ဒီကောင်…” ကျိချန်း က မေ့လဲမသွားသော်လည်း ယီယွင်ဆီတွင် ရှံးနိမ့် သဖြင့် မကျေမချမ်းဖြစ်နေသည်။ ယီယွင် ကိုရည်ညွှန်းရင်း ဂုဏ်ထူးဆောင်အသုံးနှုန်းများ တပ်မခေါ်တော့ပေ။ ယီယွင်တွင် မိမိထက်ပိုပြီး ခံနိုင်ရည်မရှိသလို မိမိထက် ပိုခက်ခဲသော အချိန်တွေရှိခဲ့‌ သော်လည်း အဆုံးတွင် ယီယွင်ကို ရှံနိမ့်ခဲ့သည်ကို ကျိချန်းနားမလည်နိုင်ပေ။

ထိုကဲ့သို့ ဒဏ်ရာပြင်းပြင်းထန်ထန် မရထိုက်ပေ။ ထိုဒဏ်ရာကြောင့် တစ်လခွဲကြာ အနားယူရမည့်ဖြစ်ပြီး နောင်လာမည့်ပြဿနာများကို ကာကွယ်ရန်နှင့် ဒဏ်ရာများကို သင့်လျော်စွာ ဂရုစိုက်မှုနှင့်အတူ လေ့ကျင့်မှုများ ရပ်နားထားရမည် ဖြစ်သည်။ ထိုဒဏ်ရာသည် ကျိချန်း ၏ အနာဂတ်အောင်မြင်မှုများကိုပင် ထိခိုက်စေနိုင်သည်။

ကျိချန်းမှာ စိတ်ဓာတ်ကျလျှက်ရှိနေလေသည်။ကျိချန်း ဂုဏ်သိက္ခာအပြင် ပွဲကိုပါ ရှံးနိမ့်ခဲ့သည်။ ကျယ်ပြောလှတဲ့ ကျတ်တီးမြေထဲတွင် ကလေးတစ်ယောက်ပမာ ဖြစ်နေသည်။

"ဟားဟား"

ယန်မန်လုံက “ကောင်းပြီ ယီယွင်၊ မင်းက ပြည်ထောင်မြင်းစီးဘွဲ့နဲ့ ထိုက်တန်တယ်။ ကျတ်တီးမြေထဲက လူတွေကလည်း ကြီးကျယ်ခမ်းနားတဲ့ ယောက်ျားတွေပဲ”

ယန်မန်လုံ သည် ကျယ်ပြောလှသော ကျတ်တီးမြေသားများကို ချီးကျူးလိုက်သည်။

ထိုချီးကျူးမှုကို ခံယူပြီးကြီးမားကျယ်ပြန့်သော ကျတ်တီးမြေသားတို့မှာ မျက်ရည်ကျလုနီးပါးဖြစ်ခဲ့ရသည်။

၎င်းတို့သည် ခေတ်‌နောက်ကျသောအရပ်မှ လာခဲ့ကြပြီး ထိုလူများမှာ အထူးသဖြင့် မြင့်မြတ်သောမြို့တော်၏ ကျင်းလုံ‌ဝေ့ ခေါင်းဆောင် ဗိုလ်ချုပ်ယန် ထံမှ ချီးကျူးမှုကိုရလိုကြသည်။

ယီယွင်က ချီးကျူးမှုကို ရရှိခဲ့သော်လည်း တခြားသူတို့မှာလည်း ဂုဏ်ယူပီတိဖြစ်ကြရသည်။

"အစ်ကိုယီ မင်းအတွက်ကောင်းတယ်"

"အစ်ကိုယီ နောင်မှာ ငါတို့အားလုံးကို ပြန်သင်ပေးပါ။ ငါတို့မှာ အရည်အချင်းတွေ အများကြီးမရှိပေမယ့် ငါတို့မှာ ခွန်အားတွေရှိတယ်၊ ကျေးဇူးပြုပြီး ငါတို့ကိုလက်ခံ‌ပေးပါ"

ကျယ်ပြောလှသော ကျတ်တီးမြေမှ အဖွဲ့သားတချို့က ယီယွင်အား ပြောသည်။ ယီယွင်မှာ သူတို့၏မျက်လုံးများတွင် စစ်မှန်မှုကို မြင်တွေ့နိုင်သည်။

ယန်မန်လုံ က "ယီယွင် ဒီပွဲကို မင်းအနိုင်ရတာ တော်တော်ကောင်းပါတယ်။ ဒါပေမယ့်... လက်နက်နဲ့ အရိုးတွေကို ရဖို့၊ မင်း ဒီထက်ပိုပြီး လုပ်ရဦးမယ်။ ငါလိုချင်တာက လူတိုင်းထဲမှာ နံပါတ်တစ်ပဲ"

ထိုသို့ပြောနေရင်း ယန်မန်လုံက ကျစ်ကျွင်းဘက်သို့ လှမ်းကြည့် လိုက်သည်။ထိုသို့အား‌ပေးမှုမရရှိ‌သော်လည်း ကျစ်ကျွင်းက စင်ပေါ်မှာ ယီယွင်နှင့် ပြိုင်ရမည်ဆိုတာကို ယန်မန်လုံသိသည်။

၎င်းမှာ ကျစ်ကျွင်း၏ ဂုဏ်သိက္ခာဖြစ်သည်။ အထူးသဖြင့် ကျစ်ကျွင်းအသက်အရွယ်မှာ ကျွမ်းကျင်သူနှင့် ရင်ဆိုင်ရ‌သောအခါ စိတ်ထဲတွင် တိုက်ပွဲဝင်တဲ့ စိတ်ဓာတ်မှာ ထိန်းမရအောင် ပူလောင်လိမ့်မည် ဖြစ်သည်။

ကိုယ်နှင့်ကိုက်ညီတဲ့သူတစ်ယောက်ကို တိုက်ခိုက်ရခြင်းမှာ ဘ၀၏ဂုဏ်ယူစရာပေ။

ကျစ်ကျွင်း ရှေ့သို့ထွက်လာခဲ့သည်။

လူတော်တော်များများမှာ ကျစ်ကျွင်း၏ ငါးပျံ၀တ်ရုံ သတိထားမိကြသည်။

"ကျွန်တော်က စုန့်ကျစ်ကျွင်း ဖြစ်ပြီး ကျင်းပြည်နယ်က စုန့်မိသားစု က ဆင်းသက်လာတာပါ။ ဘုရင့်ရွေးချယ်မှုမှာ ကျွန်တော် မပါဝင်ပါဘူး။ လေ့ကျင့်ဖို့ ကျင်းလုံဝေ့ ရဲ့ တိုက်ရိုက် စေလွှတ်ခံထားရတာပဲ... ကျွန်တော်ကတော့ အားလုံးနဲ့ မရင်းနှီးသေးပါဘူး။ ဒါက ပထမဆုံးအကြိမ် တွေ့ဆုံမှုပါ”ဟု စုန့်ကျစ်ကျွင်း က သူ့ကိုယ်သူ နှိမ့်ချစွာ မိတ်ဆက်လိုက်သည်။ စုန့်ကျစ်ကျွင်းမှာ မိသားစုမှ တိုက်ရိုက်စေလွှတ်ခံရသည်ကို ယီယွင်နားလည်သဘောပေါက်သွားသည်။

အစွမ်းအစမရှိသောသူများသည် စာမေးပွဲဖြေရသော်လည်း သန်မာသူများမှာ တိုက်ရိုက်ဝင်ရောက်နိုင်သည်။

မိသားစုကြီးများ၏သားအချို့ပင် ကျင်းလုံဝေ့ ထဲသို့ဝင်ရန်မလိုအပ်ပေ။ သူတို့မှာ ရွေးချယ်စရာတွေ အများကြီးရှိကြသည်။ တချို့က စစ်တပ်ပတ်ဝန်းကျင်ကြောင့် ကျင်းလုံဝေ့ အတွင်းသို့ ဝင်ရောက်လာကြသည်။

စစ်တပ်တွင် တင်းကျပ်သော လေ့ကျင့်မှုများနှင့် အသက်သေဆုံးခြင်းတိုက်ပွဲများ အများအပြားရှိခဲ့သည်။ ယင်းတို့ကို မိသားစု မျိုးနွယ်စုများ၏ ခေါင်းဆောင်များက အလွန်တန်ဖိုးထားကြသည်။

"ဒါဆို သူက စုန့်ကျစ်ကျွင်းပဲ။စုန့်မိသားစု ရဲ့ အသက်အငယ်ဆုံးသခင် ကျစ်ကျွင်း ပြီးတော့ စူးနန် မြို့မှာ နာမည်ကြီးတဲ့ လူငယ်သခင် တစ်ယောက်ပဲ။ စုန့်မိသားစု ရဲ့ မျိုးဆက်သစ်လူငယ်တွေကြားမှာ ထိပ်တန်းကျွမ်းကျင်သူလည်းဖြစ်တယ်။ ဒါကြောင့် သူ့ကို ပြည်ထောင်မြင်းစီးစစ်သည် ဘွဲ့ကို အပ်နှင်းခြင်းခံရတယ်။"

"မြင့်မြတ်သောမြို့တော်ရှိ လူသစ်စုဆောင်းလေ့ကျင့်ရေးစခန်းက ပြည်ထောင်မြင်းစီး စစ်သည်နှစ်ဦး၊ သူတို့နှစ်ဦး မကြာခင် မျိုးနွယ်စု တည်ထောင်မှာလည်း အံ့သြစရာမဟုတ်ဘူး"

"ပြည်ထောင်မြင်းစီးစစ်သည် နှစ်ဦး ပြိုင်ဆိုင်မှုကို အရမ်းမျှော်လင့်ထားတာပဲ။ အစ်ကိုယီ ငါတို့ မင်းကို အားကိုးတယ်။" ကျတ်တီးမြေမှ အဖွဲ့သားတို့သည် ယီယွင်ကို အဆက်မပြတ် အားပေးလျက် ယီယွင်သည် ၎င်း၏နောက်ထပ်ပွဲတွင် အနိုင်ရမည်ဟု မျှော်လင့်နေလျက်ရှိသည်။

ကျင်းပြည်နယ်သခင်လေးအဖွဲ့အစည်းတွင်၊ ၎င်းတို့သည် စုန့်ကျစ်ကျွင်း ဖက်မှ အားပေးကြသည်။

စုန့်ကျစ်ကျွင်း ၏ကျော်ကြားမှုသည် ကျိချန်း ထက် သာလွန်သည်။

ယီယွင် သည် ကျင်းပြည်နယ်သခင်လေးအဖွဲ့အစည်းတွင် ကျိချန်း ကို ပွတ်ကာသီကာ အနိုင်ယူခဲ့သည်။ ‌စုန့်ကျစ်ကျွင်း နှင့် ယှဉ်ပါက ယီယွင် အနည်းငယ်လောက်သာ ပိုသန်မာသော်လည်း ကွာဟချက်ကြီးမားလှသည်။

"ကျယ်ပြောလှတဲ့ ကျတ်တီးမြေထဲက ဒီကောင်တွေက ယီယွင် နဲ့ သခင်လေးကျစ်ကျွင်း တို့ကြား စိတ်လှုပ်ရှားစရာကောင်းတဲ့ပွဲလို့ ထင်နေတာလား၊ ငါတကယ်ကို ဝန်မခံချင်ပေမယ့် သခင်ငယ် ကျစ်ကျွင်း ရဲ့ ခွန်အားက ငါတို့ထက် အများကြီး ပိုမြင့်တယ်။ ဒီမှာ ဘယ်သူမှ သူနဲ့ယှဉ်နိုင်မယ့်သူ မရှိဘူး"

အတုအယောင် ပညာရှင်မှာ ကျော်ကြားမှု မရနိုင်ပေ။ ကျင်းပြည်နယ် သခင်လေးအဖွဲ့စည်းမှ စုန့်ကျစ်ကျွင်း ၏ရလဒ်ကိုမျှော်လင့်ချက်အပြည့်ရှိ‌ နေကြသည်။ ယခုတစ်ကြိမ်တွင် ကျင်း ပြည်နယ် သခင်ငယ်များ၏ စစ်မှန်သော စွမ်းအားကို ကျတ်တီးမြေစစ်သည်များအား ပြသနိုင်ပေမည်။

စုန့်ကျစ်ကျွင်း သည် အစီအရင်ထဲသို့ လျှောက်သွားပြီး ယီယွင် ကို မျက်နှာမူလိုက်သည်။

နှစ်ယောက်စလုံးသည် ငါးပျံဝတ်ရုံကို ၀တ်ထားသည်။ သူတို့နှစ်ယောက်လုံးမှာ သူရဲကောင်းဆန်သော သတ္တိများရှိကြသည်။

"ယီယွင် ငါက စုန့်ကျစ်ကျွင်း ပါ။ ငါ့ဘဝရဲ့ အကြီးမားဆုံး ဆန္ဒက ကမ္ဘာပေါ်က ကျွမ်းကျင်သူတွေအားလုံးကို ရင်ဆိုင်ပြီး ထိပ်တန်းကို ယှဉ်ပြိုင်ချင်တာပဲ၊ ငါ မင်းထက် အသက်ကြီးတယ်၊ ဒါကြောင့် မင်းနဲ့ ယှဉ်ပြိုင်ရတာက တကယ်ကို မတရားဘူး။" စုန့်ကျစ်ကျွင်း ၏ စကားများမှာ ဖော်ရွေပြီး ပြေပြစ်လှသည်။ စစ်မှန်သော သခင်ငယ်တစ်ယောက်၏ ခံစားချက်ကို ထုတ်ဖော်ခဲ့သည်။ "ဒါပေမယ့် ဗိုလ်ချုပ် ယန်က ဆုပေးမယ်လို့ ကတိပေးတဲ့အတွက် ဒီလိုအခြေအနေမျိုးမှာ မင်းကို ငါတိုက်ခိုက်ရမှာပဲ"

"အိုး မင်းအနိုင်ရမယ်လို့ထင်လား" ယီယွင်သည် အမောပြေသွားသဖြင့် သူ့အသက်ရှုသံများမှ ငြိမ်သက်နေသည်။

"ငါအနိုင်ရလိမ့်မယ်" စုန့်ကျစ်ကျွင်း က အခိုင်အမာပြောလိုက်သည်။ "ငါ အခင်းအကျင်းထဲ ကိုအရင်ဝင်ပြီး အတူတူစင်ပေါ်မှာ မင်းနဲ့မပြိုင်တော့ဘူး၊ ငါ့ရဲ့စည်း‌ချက်‌တွေကြောင့် မင်းကို စိတ်မသက်မသာခံစားရမှာ ပြီးတော့ အအေးသတ္တု သွေးဘောလုံး တွေရဲ့ ထိမှန်မှုကို တားဆီးဖို့ မင်းအရင်က တော်တော်ကြိုးစားခဲ့တယ်၊ ဒါကြောင့် မင်းအနားယူဖို့အခွင့်အရေးယူလိုက်..."

“အရမ်းမိုက်တယ်…” ကျယ်ပြောလှသော ကျတ်တီးမြေ အဖွဲ့သားတို့သည် တစ်ယောက်ကိုတစ်ယောက် ကြည့်နေကြသည်။သို့သော် စုန့်ကျစ်ကျွင်းမှာ ဟန်ဆောင်နေသော်လဲ ‌မကျေနပ်သည်အမူအရာခံစားချက်ကို မဖော်ပြခဲ့ပေ။

စုန့်ကျစ်ကျွင်း သည် အစီအရင်၏ အလယ်တွင် ရပ်နေသည်။ ယီယွင်မှာ အစီအရင်အပြင်သို့ ထွက်သွားခြင်းမရှိပေ။ ယီယွင်သည် ယခင်က တဒင်္ဂလှုပ်ရှားမှု၏ကြီးမားသောအောင်မြင်မှုအဆင့်ကို နားလည်ရန် ကြိုးစားခဲ့ပြီး စွမ်းအင်များစွာသုံးစွဲခဲ့သည်။

"အခက်အခဲ အဆင့် ဆယ့်လေးနဲ့ စလိုက်ရအောင်။" စုန့်ကျစ်ကျွင်း က ပေါ့ပေါ့ပါးပါး ပြောလိုက်သည် ။ အခက်အခဲအဆင့် ဆယ့်လေးခုကို ချက်ခြင်း စိန်ခေါ်ဖို့ ယုံကြည်မှုအပြည့်ဖြင့် အခက်အခဲများကို သိပ်ပြီး မစဉ်းစားကြောင်း ပြသ‌နေသည်။

ထိုစကားမျမှာ ယီယွင်ကို ထောက်ခံအားပေးကြသော ကျတ်တီး‌မြေ အဖွဲ့သားများကို ရင်ခုန်စေသည်။ ယီယွင် သည် ယခင်က အဆင့်ဆယ့်လေးအတွက် အခက်အခဲရှိနေခဲ့သည်။ သို့သော် အခက်အခဲအဆင့် ဆယ့်လေးခုက စုန့်ကျစ်ကျွင်း အတွက်လည်း ယခုမှစသော ခြေလှမ်းတစ်ခုဟု ထင်ရပေသည်။

စုန့်ကျစ်ကျွင်း သည် သူ၏ယာ့ချီ ဓားကို ဖြုတ်ပြီး အပြင်ဘက်တွင် ထားလိုက်သည်။ အေးဆေးတည်ငြိမ်စွာဖြင့် " အစီအရင်ကိုစတင်ပါ"

“ကောင်းပြီ”

အခင်းကျင်းမှုကို ထိန်းချုပ်သည့် သခင်ငယ်သည် စိတ်လှုပ်ရှားစွာ ပြုံးကာ ဆယ့်လေးခုမြောက် သလင်းကျောက်ကို နှိပ်လိုက်သည်။