မင်းရဲ့ခေါင်းမာမှုကို သဘောကျတယ်

မူလက လုချန်းသည် လိီချင်ရို့ကို ခဏနားစေပြီး ချွမ်ဧကရာဇ်၏ သတင်းကို သုံးသပ်ရန် စီစဉ်ထား၏။ သို့သော် လိီချင်ရို့က သူ့အား လက်စားချေရန် ကြိုးပမ်းနေသည်။

ထို့ကြောင့် လုချန်းအတွက် အခြေအနေကို ပြန်လည်ထိန်းချုပ်ရန်မှတစ်ပါး အခြားရွေးချယ်စရာ မရှိတော့ပေ။ သူ၏ နည်းစနစ်များစွာကို အသုံးပြုခဲ့သဖြင့် ကောင်းကင်လူသားအဆင့်ရှိသော လိီချင်ရို့ပင်လျှင် ဆက်လက်မခံနိုင်တော့ပေ။

လိီချင်ရို့သည် ငယ်စဉ်ကတည်းက သိုင်းပညာကိုသာ စွဲလမ်းခဲ့ပြီး အမျိုးသားတစ်ဦးနှင့် မည်သည့်အခါကမှ မဆက်ဆံဖူးပေ။

လုချန်းကဲ့သို့သော အမျိုးသားတစ်ဦးနှင့် တွေ့ဆုံပြီးနောက် လုံးဝအသစ်အဆန်းဖြစ်သော လောကတစ်ခုကို ပထမဆုံးအကြိမ် တွေ့ကြုံခံစားနေရသကဲ့သို့ ဖြစ်နေ၏။

လုချန်းသည် လိီချင်ရို့၏ မာနအားလုံးကို တဖြည်းဖြည်း ချေဖျက်ခဲ့သည်။ လူများကို ကိုင်တွယ်ရန် နည်းဗျူဟာများစွာကို ဤလူ မည်သို့ရရှိခဲ့သည်ကို သူမအမှန်တကယ် နားမလည်နိုင်ခဲ့ပေ။

အချိန်ကြာလာသည်နှင့်အမျှ ကောင်းကင်သည် မှောင်မိုက်လာသည်။ နေဝင်ချိန်၏ နေရောင်သည် ပြတင်းပေါက်မှတစ်ဆင့် ချွေးများရွှဲနေသော ခန္ဓာကိုယ်များပေါ်သို့ ကျရောက်နေသည်။ နေဝင်ချိန်၏ အရောင်အဝါအောက်တွင် ချွေးပေါက်လေးများသည် တောက်ပစွာ ပြိုးပြိုးပြက်ပြက် ဖြစ်နေကြသည်။

ထိုအချိန်တွင် ဖီးနစ်ကုလားထိုင်ပေါ်တွင် လှဲလျောင်းနေသော လိီချင်ရို့က

“ရှင် ဝူကျန်းဝမ်ကိုလည်း ဒီလိုပဲ လုပ်ခဲ့တာလား။”

ဝူကျန်းဝမ်သည် လုချန်း၏ ရုပ်ရည်ကြောင့် သူ့ကို ယောက်ျားအဖြစ် ရွေးချယ်ခဲ့သည်ဟု အစတုန်းက လီချင်ရို့ ထင်မှတ်ခဲ့သော်လည်း ယခုအခါတော့ သူမ နားလည်သွားပြီဖြစ်သည်။

ဤလူသည် ဝူကျန်းဝမ်အပေါ် ထိုသို့သော အရာများကို ပြုလုပ်ခဲ့ပြီး နည်းလမ်းများစွာအသုံးပြုခဲ့ခြင်းကြောင့် ဝူကျန်းဝမ်၏ ခုခံလိုစိတ် လုံးဝပျောက်ဆုံးကာ နောက်ဆုံးတွင် လုချန်း၏ အမျိုးသမီးဖြစ်လာရန် ရွေးချယ်လိုက်ရခြင်းသာ ဖြစ်လိမ့်မည်။

အမျိုးသမီးများကို ကိုင်တွယ်ဖြေရှင်းရာတွင်မူ လုချန်းနှင့် ယှဉ်ပြိုင်နိုင်သည့် ယောက်ျား အနည်းငယ်သာ ရှိသည်ဟု ဆိုရမည်။ လိီချင်ရို့သည် ဆန့်ကျင်ဘက်လိင်နှင့် အတွေ့အကြုံမရှိသော်လည်း လုချန်း၏ ကျွမ်းကျင်မှုသည် သာမန်အဆင့်ကို ကျော်လွန်နေသည်မှာ ထင်ရှားသည်။

လိီချင်ရို့၏ မေးခွန်းကို ကြားသောအခါ လုချန်းက အနည်းငယ် ပြုံးလိုက်ပြီး

“သူက ကျွန်တော့်ဆီကို ဆန္ဒအလျောက် ချဉ်းကပ်လာခဲ့တာပါ။ ဒါဟာ ကျွန်တော် အသုံးပြုခဲ့တဲ့ နည်းစနစ်တွေနဲ့ လုံးဝမသက်ဆိုင်ပါဘူး။”

လုချန်း ဝန်မခံမည် မဟုတ်သည်ကို သိသောကြောင့် လိီချင်ရို့လည်း ထိုအကြောင်းအရာကို ဆက်လက်ဆွေးနွေးခြင်း မပြုတော့ပေ။

“ရှင် တကယ်ပဲ ကျွန်မကို ထာဝရ ချုပ်နှောင်ထားဖို့ စီစဉ်ထားတာလား။ နိုင်ငံတစ်နိုင်ငံရဲ့ အုပ်ချုပ်သူအနေနဲ့ရော၊ အခု ကျူးနိုင်ငံတော်ကို အောင်နိုင်လိုက်ပြီဆိုတော့ ရှင့်မှာ လုပ်စရာတွေ အများကြီး ရှိတယ်လေ။”

ယခုအခြေအနေတွင် လိီချင်ရို့၏ ခုခံလိုစိတ် လုံးဝပျောက်ဆုံးနေသည်။ အနည်းငယ် မခံချင် ဖြစ်နေသော်လည်း ထိုယုတ်မာသော လူကို သူမ နာကျင်အောင် မပြုလုပ်နိုင်ကြောင်း နားလည်လာသည်။ ဝူကျန်းဝမ်၏အတွက်ကြောင့်ရော၊ သူမကိုယ်တိုင်အတွက်ပါ သူ့ကို ထိခိုက်အောင် မလုပ်လိုတော့ပေ။

ဝူကျန်းဝမ်နှင့် အလားတူအတွေ့အကြုံကို ဖြတ်သန်းခဲ့ရသောကြောင့် ဝူကျန်းဝမ် ထိုလူကို ဘယ်တော့မှ စွန့်ခွာနိုင်မည်မဟုတ်ကြောင်း လိီချင်ရို့ သိနေသည်။ သူမသာ သူ့ကို ထိခိုက်အောင် ပြုလုပ်ခဲ့လျှင် ဝူကျန်းဝမ် သူမအား တစ်သက်တာလုံး မုန်းတီးနေပေလိမ့်မည်။

သူမကိုယ်တိုင်၏ ရှုထောင့်မှကြည့်လျှင် သူမသည် လုချန်းနှင့် ကံကြမ္မာအရ ဆက်စပ်နေပြီဟု ခံစားရသည်။ မည်သို့ပင်ဆိုစေကာမူ သူမ၏ ကောင်းကင်လူသားအဆင့်သို့ တိုးတက်မှုသည် အချို့သော နည်းလမ်းများပေါ်တွင် မှီခို၍ ရရှိခဲ့ခြင်း ဖြစ်သည်။ အကယ်၍ ယခု လုချန်းကို ပုန်ကန်ခဲ့လျှင် ကောင်းကင်ဘုံ တာအိုလမ်းစဉ်၏ အပြစ်ဒဏ်ကို ခံရနိုင်သည်။

ထို့ပြင် လွန်ခဲ့သော ရက်အနည်းငယ်အတွင်း လုချန်းနှင့်အတူ အချိန်ကုန်ဆုံးခဲ့ပြီးနောက် ထိုခံစားချက်ကို သူမ နှစ်သက်လာသည်။ သူမ၏ ဂုဏ်သိက္ခာ ဆုံးရှုံးသွားသည်ဟု ခံစားရသော်လည်း သူမ၏ ရင်းနှီးသော မိတ်ဆွေသည်လည်း ထိုလူ၏ အမျိုးသမီးဖြစ်သည်ဟူသော အသိသည် ကြီးမားသော နှစ်သိမ့်မှုတစ်ခု ဖြစ်နေသည်။

မြူခိုးဒေသတွင် ရှိစဉ်က သူမ ဝူကျန်းဝမ်နှင့်နောက်ပြောင် ပြောဆိုခဲ့ဖူးသည်။ အကယ်၍ သူတို့ ယေက်ျားတစ်ဦးကို ရှာဖွေရမည်ဆိုပါက တစ်ဦးတည်းကိုသာ ရွေးချယ်ကြမည်ဟု ပြောဆိုခဲ့ဖူးသည်။ ထိုစဉ်က ယင်းသည် အပြောင်အပျက်စကားသာ ဖြစ်ခဲ့သော်လည်း ယခုမူ မမျှော်လင့်ဘဲ အမှန်တကယ် ဖြစ်လာခဲ့သည်။ ထိုသို့ဖြစ်လာပြီဖြစ်ရာ သူမလည်း အလိုက်သင့် လက်ခံလိုက်ရန် ဆုံးဖြတ်လိုက်သည်။

ယွဲ့မင်းဆက် ပျက်သုဉ်းသွားပြီးဖြစ်၏။ ထို့ပြင် လုချန်းကဲ့သို့သော ယောက်ျားတစ်ဦးက သူမ၏လမ်းကြောင်းကို ပိတ်ဆို့ထားသောကြောင့် သူမ၏နိုင်ငံကို ပြန်လည်ထူထောင်ရန် မျှော်လင့်ချက် အနည်းငယ်သာ ရှိတော့ပုံရသည်။

လုချန်းသည် သူမ၏ စွမ်းအားကို ချက်ချင်း ပိတ်ဆို့ထားနိုင်ပြီး သူမကို အင်အားမရှိသော အမျိုးသမီးတစ်ဦးအဖြစ် ထားရှိနိုင်ရုံသာမက စစ်မြေပြင်တွင် သူကိုင်ဆောင်ထားသော နတ်လက်နက်ကိုလည်း အလွယ်တကူ တန်ပြန်နိုင်မည်မဟုတ်ပေ။

လုချန်းက

“ခင်ဗျားပြောတာ မှန်ပါတယ်။ ကျွန်တော့်မှာ လုပ်စရာတွေ အများကြီး ရှိပါတယ်။”

ထိုသို့ပြောပြီး လုချန်းက တံခါးဘက်သို့လှည့်ကာ

“ရေနွေး ပြင်ဆင်ခိုင်းလိုက်။ ငါ့ရဲ့ အချစ်ဆုံး မိဖုရားနဲ့အတူ ရေချိုးချင်တယ်။”

လုချန်း၏ အသံဆုံးသည်နှင့် တံခါးအပြင်ဘက်မှ အမျိုးသမီးကိုယ်ရံတော်များ၏ အသံများ ထွက်ပေါ်လာသည်။

“မင်းကြီး ရေနွေး အဆင်သင့် ပြင်ထားပြီးပါပြီ။”

ထိုအသံကို ကြားသောအခါ လုချန်း အနည်းငယ် ပြုံးလိုက်ပြီး ဖီးနစ်ကုလားထိုင်ပေါ်ရှိ လိီချင်ရို့ကို ကြည့်ကာ

“ရေနွေး အဆင်သင့်ဖြစ်ပြီဆိုတော့ နေရာပြောင်းရအောင်။”

ထို့နောက် လုချန်းသည် သူ၏ စိတ်ဝိညာဉ်စွမ်းအားကို ချက်ချင်း အသုံးပြု၍ နန်းတော်အတွင်းရှိ ယွဲ့ဧကရာဇ်၏ ရေချိုးကန် တည်နေရာကို ရှာဖွေလိုက်သည်။ သူသည် ရေချိုးဆောင်ကို လျင်မြန်စွာ ရှာဖွေတွေ့ရှိပြီးနောက် လိီချင်ရို့၏ နူးညံ့သော ခန္ဓာကိုယ်ကို ပွေ့ချီကာ အလင်းအရိပ်ကျင့်စဉ်ကို အသုံးပြု၍ လိီချင်ရို့၏ ရေချိုးကန်သို့ ချက်ချင်း ရောက်ရှိသွားကြသည်။

ရေချိုးကန်အတွင်းသို့ ရောက်ရှိလာသည်အထိ လုချန်းက လိီချင်ရို့၏ ခါးကို ကိုင်ထားဆဲဖြစ်ပြီး သူမ၏ မွှေးကြိုင်သော ပခုံးပေါ်တွင် ဦးခေါင်းကို မှီထားလိုက်သည်။ ရေချိုးကန်သည် ပန်းပွင့်ဖတ်များဖြင့် ပြည့်နေပြီး ၎င်းတို့ ရနံ့သည် ရေနွေးမှ ထွက်လာသော ရေနွေးငွေ့နှင့် ပေါင်းစပ်ကာ ရေချိုးဆောင်တစ်ခုလုံးအား မယုံနိုင်လောက်အောင် အိပ်မက်ဆန်နေစေသည်။

ထိုအချိန်တွင် လုချန်းက လိီချင်ရို့၏ နားနားသို့ ကပ်၍

“ဝူကျန်းဝမ် ဒီကိုလာတဲ့အခါတိုင်း မင်းနဲ့ သူ ဒီရေချိုးကန်မှာ အတူတူ ရေချိုးကြတာလား။”

ပြောပြီးသည်နှင့် လုချန်းက လိီချင်ရို့၏ နားထဲသို့ ညင်သာစွာ လေမှုတ်လိုက်သည်။ ထိုမေးခွန်းကို ကြားသောအခါ လိီချင်ရို့က အေးစက်စွာဖြင့်

“ဒါက ရှင်နဲ့ ဘာဆိုင်လို့လဲ။ ရှင့်နဲ့ ဒီလိုကိစ္စတွေ ဆွေးနွေးလောက်အောင် ကျွန်မတို့က အဲ့ဒီလောက် ရင်းနှီးကြလို့လား။”

ယခုအချိန်တွင် ထိုလူကို စွန့်ခွာ၍ မရနိုင် တော့ကြောင်း လိီချင်ရို့ သိနေသော်လည်း သူ့ကို အရာရာတိုင်းအား ပြောပြရန် ဆန္ဒမရှိပေ။ သူမ၏ စိတ်ထဲတွင် ထိုလူကို ယခုမှစ၍ ယောက်ျားအချစ်တော်အဖြစ်သာ ဆက်ဆံရန် ဆုံးဖြတ်ထားပြီး ဖြစ်သည်။

မည်သို့ပင်ဆိုစေကာမူ သူမသည် ကောင်းကင်လူသားအဆင့်သို့ ရောက်ရှိခဲ့ပြီးဖြစ်သည်။ ထိုလူနှင့်အတူ ရန်ခရိုင်သို့ သွားပြီးနောက် ဝူကျန်းဝမ်ကို သူမနှင့်အတူ ခေါ်ဆောင်သွားရန် နည်းလမ်းရှာဖွေနိုင်လိမ့်မည်။ မြူခိုးဒေသ၏ ကန့်သတ်ချက်များ ပျောက်ကွယ်တော့မည်ဖြစ်ရာ သူတို့ ဤကမ္ဘာတွင် မနေနိုင်လျှင်ပင် သူတို့၏ ဂိုဏ်းဟောင်းဆီသို့ ပြန်သွားနိုင်သည်။ လုချန်း မည်မျှပင် အစွမ်းထက်စေကာမူ မြူခိုးဒေသ၏ ဂိုဏ်းများကို ရင်ဆိုင်နိုင်မည်မဟုတ်ပေ။

လိီချင်ရို့၏ အေးစက်သော စကားများကို ကြားသောအခါ လုချန်း၏ လက်က သူမ၏ ဝမ်းဗိုက်သို့ ဖြည်းဖြည်းချင်း ရောက်သွားကာ သူမ၏ ဗိုက်ကို ပွတ်သပ်ရင်း

“ကိုယ်တို့က လင်မယားတွေလို ဖြစ်နေပြီ။ ဒါတောင် မင်းက ကိုယ့်အပေါ် ဒီလောက် အေးစက်နေတုန်းပဲလား။ ကိုယ်တို့ ကျင်လွမ်နန်းဆောင်မှာ ရှိခဲ့တဲ့ ရက်တွေတုန်းကတော့ မင်း

ကိုယ့်အပေါ် ဒီလောက်အေးစက်မနေခဲ့ပါဘူး။”

လိီချင်ရို့က အေးစက်စွာဖြင့်

“ရှင် ကျွန်မခန္ဓာကိုယ်ကို ဘယ်လိုနည်းလမ်းအမျိုးမျိုးတွေနဲ့ ထိန်းချုပ်ထားတယ်ဆိုတာ ကျွန်မ မသိဘူး။ ဒါပေမဲ့ ရှင် ကျွန်မကို မသတ်မချင်း ကျွန်မ အရှုံးမပေးဘူး။”

ထိုစကားကို ကြားသောအခါ လုချန်းက သူ၏လက်ကို မြှောက်ကာ လိီချင်ရို့၏ လည်ပင်းကို ပွတ်သပ်ရင်း

“သတ်ရမယ် ....ဟုတ်လား။ မင်းက ကိုယ့်ကို ဘယ်လိုလူစားလို့ ထင်နေတာလဲ။ ကိုယ်က ကိုယ့်ရဲ့ အမျိုးသမီးကို ဘယ်တော့မှ သတ်မှာ မဟုတ်ဘူး။”

လုချန်းသည် ဆက်လက်၍

“ပြီးတော့ မင်းရဲ့ ခေါင်းမာမှုကို ကိုယ် တကယ် ကြိုက်တယ်။ ဝူကျန်းဝမ် ရန်ခရိုင်ကို ပထမဆုံး ရောက်လာတုန်းကလည်း မင်းလိုပဲ။ ဒါပေမဲ့ နောက်ဆုံးတော့ ကိုယ့်ရဲ့ ကလေးကို ကိုယ်ဝန်ဆောင်ခဲ့ရတယ်။”

“ဝူကျန်းဝမ်တင် မဟုတ်ဘူး။ အနာဂတ်မှာ မင်းကိုလည်း ကိုယ့်ရဲ့ ကလေးကို ကိုယ်ဝန်ဆောင်စေချင်တယ်။”

ထိုစကားကို ကြားသောအခါ လိီချင်ရို့ တုန်လှုပ်သွားသည်။ သူမ၏ သန့်ရှင်းမှု ဆုံးရှုံးသွားခြင်းက ကိစ္စတစ်ခုဖြစ်သည်။ အဆုံးစွန်အားဖြင့် သူမသည် အသက် ၃၀ ကျော်ပြီဖြစ်ကာ သူမကိုယ်တိုင်လည်း အုပ်စိုးသူတစ်ဦးဖြစ်သောကြောင့် သူမ၏ သန့်ရှင်းမှုကို တန်ဖိုးထားသော်လည်း ယင်းအတွက် သူမ၏ အသက်ကို စွန့်မည်မဟုတ်ပေ။

သို့သော် ကလေးတစ်ဦးကမူ မတူညီပေ။ သူမ၏ ခန္ဓာကိုယ်ကို လုချန်းအား ပေးနိုင်သော်လည်း သူ၏ကလေးကိုတော့ လုံးဝ ကိုယ်ဝန်မဆောင်နိုင်ပေ။ သူမ၏ ဆရာမကြီး ပြောသည်ကို တစ်ချိန်က ကြားဖူးသည်။ ကျင့်စဉ်လောကတွင် အကြောင်းနှင့် အကျိုးနိယာမသည် အဓိကဖြစ်သည်ဟု ဆိုသည်။ အကယ်၍ သူမသာ လုချန်း၏ ကလေးကို ကိုယ်ဝန်ဆောင်ခဲ့လျှင် သူမ၏ဘဝသည် လုချန်းနှင့် ထာဝရချည်နှောင်ခံရပေလိမ့်မည်။

ထို့နောက် လိီချင်ရို့က

“နေမဝင်သေးဘူး။ ဆွမ်ဧကရာဇ်က အိပ်မက်ထဲမှာ စကားပြောနေပြီ။”

လုချန်းက ရယ်မောလိုက်ပြီး

“အိပ်မက်ထဲမှာ စကားပြောနေတာ ဟုတ်လား။ ဒီနေ့က မပြီးဆုံးသေးပါဘူး။”

………………