ယွီထျန်းဖုန်း၏ ဒေါသနှင့် မုန်းတီးမှု (အပိုင်း ၂)...

~"မမျှော်လင့်ဘဲ သူက ဒီလောက်အရေးပါတဲ့ ပုဂ္ဂိုလ်တွေနဲ့ အဆက်အသွယ်ရှိနေပါလား။"

သူတို့ ဘယ်လိုလုပ် မနာလို မဖြစ်ဘဲ နေနိုင်ပါ့မလဲ။

---

တစ်လအကြာတွင်၊ လုရီသည် ယင်ယန်အင်မော်တယ်ဝတ်ရုံကို သန့်စင်ပြီးစီးခါစမှာပင် ကြယ်တာရာနယ်မြေ တပ်မတော်၏ ဆဋ္ဌမတပ်မတော်မှ စစ်တပ် ခေါင်းဆောင် ယွီထျန်းဖုန်းသည် ကျန်းအန် စစ်မြေပြင်သို့ ရောက်ရှိလာခဲ့သည်။

သတင်းရလျှင်ရချင်း လုရီလည်း သူ၏တည်းခိုရာမှ ထွက်ခွာလာပြီး လင်းလောင်တောင်ထိပ်သခင်မနှင့် အခြားအနည်းငယ်တို့နှင့်အတူ စစ်တပ်ခေါင်းဆောင် ယွီထျန်းဖုန်းကို သွားရောက်တွေ့ဆုံလေသည်။

ယွီထျန်းဖုန်းကို ပထမဆုံးမြင်လိုက်ရစဉ်တွင် သူ၏ မျက်မှောင်များ ကြုတ်ထားပြီး မျက်နှာအမူအရာမှာ စုန့်တာဟုန်၏ အစီရင်ခံမှုကို နားထောင်နေရင်း လေးနက်တည်ကြည်နေသည်။

ယွီထျန်းဖုန်းသည် လုရီနှင့် လင်းလောင်တောင်ထိပ်သခင်မ ဝင်လာသည်ကို မြင်သောအခါ သူ၏ မျက်နှာအမူအရာမှာ ချက်ချင်း ပျော့ပျောင်းသွားပြီး ပြုံးလိုက်တော့၏။

"လင်းလောင်၊ ရီအာ၊ မင်းတို့ ရောက်လာကြပြီကိုး။"

"ဦးလေးယွီ။"

နှစ်ဦးသား သူ့ကို နှုတ်ဆက်လိုက်ကြသည်။

ယွီထျန်းဖုန်းသည် အပြုံးပန်းဝေလျက် ခေါင်းညိတ်လိုက်ပြီး လုရီကို အလွန်အမင်း အထင်ကြီးလေးစားဟန်ဖြင့် ကြည့်ကာ ချီးကျူးလိုက်၏။

"ရီအာ...စုန့်တာဟုန် ငါ့ကို ပြောပြတယ်၊ ကျန်းအန်းစစ်မြေပြင်က ကိစ္စမှာ မင်းရဲ့ကျေးဇူးတွေ အများကြီးပါတယ်တဲ့။ မဟုတ်ရင် ငါတို့ရဲ့ ဆုံးရှုံးမှုတွေက တော်တော်လေး ကြီးမားသွားနိုင်တယ်။"

လုရီက ပြုံးလိုက်ပြီး တုံ့ပြန်လိုက်သည်။

"ကြယ်တာရာနယ်မြေတပ်မတော်က ညီအစ်ကိုတွေက ကျိုယို စစ်မြေပြင်မှာ ကျိုယိုနတ်ဆိုးတွေကို ထိန်းထားဖို့ သူတို့အသက်ကို စတေးနေကြတာပဲလေ၊ ကျွန်တော် လုပ်သင့်လုပ်ထိုက်တာကို လုပ်ရုံပါပဲ။"

အနီးအနားမှ စုန့်တာဟုန်နှင့် အခြားသူများသည် ဤစကားကို ကြားသောအခါ အားလုံး ပြုံးလိုက်ကြပြီး သူတို့၏ မျက်နှာများတွင် လုရီကို သဘောတူညီဟန်များ အပြည့်ဖြင့် ကြည့်နေကြတော့သည်။

ယွီထျန်းဖုန်း၏ အပြုံးမှာ ပိုမို တောက်ပလာပြီး သူက ခေါင်းညိတ်ကာ ပြောဆိုလိုက်၏။

"ဒီကိစ္စကို ငါ မိသားစုကို အစီရင်ခံလိုက်မယ်... ဒါပေမဲ့ မင်းအတွက်တော့ ဆုကြေးက သိပ်မလိုအပ်လောက်တော့ပါဘူး၊ ဘိုးဘေးကြီးကိုယ်တိုင်ကတောင် မင်းအပေါ် ဒီလောက် မျှော်လင့်ချက်ကြီးထားနေတာပဲ။"

ယွီထျန်းဖုန်းသည် အလွန်အမင်း အလုပ်များပြီး ယွီမိသားစုသို့ မပြန်ဖြစ်သော်လည်း မိသားစု၏ အရေးကြီးသော ကိစ္စရပ်များကိုမူ သူ သဘာဝကျကျ သိရှိနေပေသည်။

ဘိုးဘေးကြီးက လုရီကို မည်မျှ အလေးထားတန်ဖိုးထားသည်ကို ကြည့်လျှင် ယွီမိသားစု၏ အရင်းအမြစ်အများစုမှာ လုရီ၏ လက်လှမ်းမီရာတွင် ရှိနေလေပြီ။

ထိုစဉ်၊ ဘေးမှ ကြယ်တာရာနယ်မြေတပ်မတော်မှ တပ်မှူးများသည် လုရီကို မှင်တက်အံ့ဩသော မျက်နှာများဖြင့် ကြောင်ငေးကြည့်နေကြသည်။

ဘိုးဘေးကြီး ဟုတ်လား။

ယွီထျန်းဖုန်းပင်လျှင် သူ့ကို ဘိုးဘေးကြီးဟု ရည်ညွှန်းနေမှတော့၊ ထိုသူ မည်သူဖြစ်သည်ကို သူတို့ သဘာဝကျကျ သိရှိကြပါသည်။

ယွီမိသားစု၏ အထွတ်အထိပ် စွမ်းအားရှင်၊ ယွီမိသားစု အရှင်သခင်ပင်တည်း။

ယွီမိသားစု အရှင်သခင်က လုရီကို အလေးထားတန်ဖိုးထားသည်တဲ့လား။

သူတို့ လုံးဝ ထိတ်လန့်သွားကြသော်လည်း၊ လုရီ၏ ယခင် စွမ်းဆောင်ရည်များကို ပြန်တွေးကြည့်မိသောအခါ၊ သူတို့ လျင်မြန်စွာ စိတ်တည်ငြိမ်သွားပြီး ဤသည်မှာ ဖြစ်သင့်ဖြစ်ထိုက်သည်ဟု ယူဆလိုက်ကြပါသည်။

လုရီ၏ အရည်အချင်းနှင့် စွမ်းအားမှာ အလွန်အမင်း ကြောက်မက်ဖွယ် ကောင်းလွန်းလှသည် မဟုတ်ပါလား။

"နောက်ပြီး၊ ငါတို့ အဲ့ဒီ မဟာ အခင်းအကျင်း ရှိတဲ့ နေရာကို သွားစုံစမ်းဖို့ ကြံထားတယ်၊ ရီအာ၊ လင်းလောင်၊ မင်းတို့ လိုက်ခဲ့ကြမလား။"

ယွီထျန်းဖုန်းက မေးလိုက်သည်။

"လိုက်ခဲ့ပါ့မယ်”

လုရီနှင့် လင်းလောင်တောင်ထိပ်သခင်မ နှစ်ဦးလုံး မဆိုင်းမတွ တုံ့ပြန်လိုက်ကြသည်။

လင်းလောင်တောင်ထိပ်သခင်မအတွက်မူ၊ သူမသည် အစစ်အမှန်အင်မော်တယ် အဆင့် အကျပ်အတည်းကို ချိုးဖျက်ရန် မိမိကိုယ်ကို တိုးတက်စေဖို့အတွက် တိုက်ပွဲကြီးတစ်ပွဲကို အရေးတကြီး လိုအပ်နေသည်။

လုရီ ပြသခဲ့သော စွမ်းအားသည် ဆရာဖြစ်သူ..သူမကိုပင် အနည်းငယ် ဖိအားဖြစ်စေသည်လေ။

ဤအတိုင်းသာ ဆက်သွားနေပါက၊ ဤလူငယ်လေးသည် သူမထက် ပိုမိုအားကောင်းလာတော့မည် မဟုတ်လော။

လင်းလောင်တောင်ထိပ်သခင်မသည် သူမအနေဖြင့် ရုန်းကန်နိုင်သေးသည်ဟု ခံစားနေရသည်။

လုရီအတွက်မူ၊ ဤအခွင့်အရေးမှာ ရှားပါးလှပြီး၊ နက်ရှိုင်းခြင်းအင်မော်တယ်အဆင့် ကျိုယိုမိစ္ဆာတစ်ကောင်ကို သတ်ဖြတ်ခြင်းသည် ကြီးမားသော ဆုလာဘ်များကို သေချာပေါက် ဆောင်ကြဉ်းလာမည် ဖြစ်သည်။

ထိုသို့သော အခွင့်အရေး ရရှိနိုင်ပါလျက်၊ သူသည် အပြည့်အဝ အသုံးချရန် ရည်ရွယ်ထားသည်မှာ သဘာဝကျပါသည်။

သဘောတူညီပြီးနောက်၊ အဖွဲ့သည် ယွီထျန်းဖုန်း၏ ဦးဆောင်မှုအောက်တွင် လုရီ ယခင်က မဟာအခင်းအကျင်းနှင့် ကြုံတွေ့ခဲ့ရာ နေရာသို့ ထွက်ခွာသွားကြသည်။

သို့သော်၊ ယခုအခါ မဟာအခင်းအကျင်းမှာ လူသူကင်းမဲ့ပြီး အလွန် တိတ်ဆိတ်နေတော့၏။

လုရီသည် သူ ယခင်က ပျက်စီးစေခဲ့သော တိုင်ကို တစ်ချက်လှမ်းကြည့်လိုက်ရာ၊ ၎င်းမှာ ပြန်လည် မပြုပြင်ရသေးသည်ကို တွေ့ရပြီး ကျိုယိုမိစ္ဆာများ ဆုတ်ခွာသွားလောက်ပြီဟု သူ နားလည်လိုက်သည်။

လုရီ သူ၏ ကြုံတွေ့မှုများမှတစ်ဆင့်၊ ကျိုယိုမိစ္ဆာများထဲမှ ခေါင်းဆောင်များသည် အတော်လေး ကောက်ကျစ်စဉ်းလဲသော်လည်း၊ ၎င်းတို့၏ စွမ်းအားများမှာ အလွန်အမင်း ထူးဆန်းကြောင်း သိရှိနားလည်ခဲ့သည်။ ယခင်က မြင်တွေ့ခဲ့သော ကျိုယို

လမ်းကြောင်းကို စဉ်းစားမိပြီး အခြားတစ်ဖက်တွင် ဘာရှိသည်ကို သူ အလွန်သိချင်နေမိသည်။

ထိုစဉ် ယွီထျန်းဖုန်းသည် ပတ်ဝန်းကျင်ကို တစ်ချက်ကြည့်လိုက်ပြီးနောက် လူတိုင်းကို ခွဲ၍ ရှာဖွေရန် ညွှန်ကြားလိုက်၏။

ရှိနေသူအားလုံးမှာ ကြယ်တာရာနယ်မြေတပ်မတော်မှ ဖြစ်ကြပြီး၊ ကြယ်တာရာနယ်မြေတပ်မတော်မှ အဖွဲ့များသည် အရပ်လေးမျက်နှာသို့ လူစုခွဲ၍ ထွက်ခွာသွားကြသည်။

လုရီ၊ လင်းလောင်တောင်ထိပ်သခင်မ၊ လျိုနင်ရွှမ်းနှင့် အခြားလေးဦးမှာ အတူတကွ တပ်စုဖွဲ့ကြသည်။

ယွီထျန်းဖုန်းသည် သူတို့၏ ဘေးကင်းရေးအတွက် လုံးဝ စိုးရိမ်ခြင်းမရှိပေ၊ အထူးသဖြင့်

စုန့်တာဟုန်က လုရီ၏ ယခင် စွမ်းဆောင်မှုများအကြောင်း သူ့ကို အသိပေးပြီးဖြစ်သောကြောင့်တည်း။

ယွီထျန်းဖုန်းသည် လုရီ မည်သို့ပြုလုပ်ခဲ့သည်ကို နားမလည်နိုင်သော်လည်း၊ သူသည် ထိုကိစ္စကို ဆက်လက်မစူးစမ်းတော့ပေ။

ဘိုးဘေးကြီး၏ တန်ဖိုးထားခြင်းကို ခံရသည်ဖြစ်ရာ၊ ဤသည်မှာ သာမန်ကျင့်ကြံသူများ နားလည်နိုင်သော အရာမဟုတ်သည်မှာ ရှင်းလင်းနေသည်။

---

ကျိုယိုမိစ္ဆာများ ဆုတ်ခွာသွားပြီး၊ နက်ရှိုင်းခြင်းအင်မော်တယ်အဆင့် ကျိုယိုမိစ္ဆာများပင် ပုန်းအောင်းနေကြသော်လည်း၊ ကြယ်တာရာနယ်မြေတပ်မတော်မှ ကျင့်ကြံသူများသည် ကော်ဇောခင်းရှာဖွေမှုအောက်တွင် အစွမ်းထက်သော နက်ရှိုင်းခြင်းအင်မော်တယ်အဆင့် ကျိုယိုမိစ္ဆာများကို တစ်ကောင်ပြီးတစ်ကောင် လျင်မြန်စွာ ဆွဲထုတ်လာကြသည်။

ယခင်ကဆိုလျှင်၊ ထိုနေရာတွင် တပ်စွဲထားသော ကြယ်တာရာနယ်မြေတပ်မတော်ပင်လျှင် ထိုသို့သော အင်အားဖြင့် စုစည်းလှုပ်ရှားမည် မဟုတ်ပေ။

အကြောင်းမူကား၊ ကျန်းအန်းစစ်မြေပြင်တွင် တပ်စွဲထားသော ကြယ်တာရာနယ်မြေတပ်မတော်သည် နက်ရှိုင်းခြင်းအင်မော်တယ်အဆင့် ကျိုယိုမိစ္ဆာများကို ရှင်းလင်းနိုင်လောက်အောင် အားကောင်းသော်လည်း၊ ကော်ဇောခင်းရှာဖွေမှုမှာ မလွယ်ကူသည့်အပြင် သူတို့သည် တန်းတူ သို့မဟုတ် ပိုမိုအားကောင်းသော ကျိုယိုမိစ္ဆာများနှင့်လည်း ကြုံတွေ့ရနိုင်သောကြောင့် ဖြစ်သည်။

အခြေအနေ မကြီးမားလျှင်၊ သူတို့အားလုံး အရင်ဆုံး ဆုတ်ခွာလေ့ရှိကြသည်။

ဤတစ်ကြိမ်တွင်မူ၊ ယွီထျန်းဖုန်းလည်း ရှိနေသောကြောင့် အဓိကဖြစ်၏။ ရွှေအင်မော်တယ်အဆင့် စွမ်းအားရှင်တစ်ဦးအနေဖြင့်၊ သူသည် ကျန်းအန်းစစ်မြေပြင်ရှိ ကျိုယိုမိစ္ဆာအားလုံးကို နှိမ်နင်းရန် လုံလောက်ပေသည်။

ယေဘုယျအားဖြင့်၊ ထျန်းလောင် ကြယ်တာရာနယ်မြေရှိ ကြယ်တာရာနယ်မြေ တပ်မတော်သည် အရေအတွက် မနည်းလှသော်လည်း၊ ထျန်းလောင် ကြယ်တာရာနယ်မြေ၏ ကျယ်ပြန့်မှုကြောင့်၊ ယွီမိသားစုတပ်မတော်နှင့် အခြားတပ်ဖွဲ့များ ပေါင်းထည့်လျှင်ပင်၊ နယ်မြေတစ်ခုလုံးကို ခုခံ

ကာကွယ်ရန် အနည်းငယ် မလုံလောက်ပေ။

တည်ငြိမ်မှုကို ထိန်းသိမ်းထားနိုင်ခြင်းမှာပင် အောင်မြင်မှု တစ်ခု ဖြစ်နေလေပြီ။

ဤတစ်ကြိမ်တွင်၊ ယွီထျန်းဖုန်းသည် အစွမ်းထက်သော ကောင်းကင်မိစ္ဆာအုပ်စုကို စွန့်လွှတ်ကာ ဤနေရာသို့ လာခဲ့သည် ဖြစ်ရာ၊ သူသည် ထူးခြားသော အရာတစ်ခုကို ပြီးမြောက်အောင်မြင်လိုသည်မှာ သဘာဝကျလေသည်။ သူသည် ကျန်းအန်းစစ်မြေပြင်ကို အချိန်အနည်းငယ်ယူ၍ စေ့စေ့စပ်စပ် ရှင်းလင်းကာ၊ နောင်နှစ်ပေါင်း ရာနှင့်ချီ၍ ထောင်နှင့်ချီ၍ ဘေးကင်းလုံခြုံမှုရှိစေလိုသည်။

လုရီအတွက်မူ၊ ယနေ့သည် အကျိုးအမြတ်ရသော နေ့တစ်နေ့လည်း ဖြစ်တော့သည်။

သူ အလုပ်ထုတ်ပြန်ပြီးနောက်၊ သူသည် ယွီထျန်းဖုန်း၏ တိုက်ခိုက်ရေးစွမ်းအားကို ကပ်ပါးရပ်ပါးပြုကာ လက်တစ်ဖက်ပင် မလှုပ်ရဘဲ အလုပ် တစ်ခုပြီးတစ်ခု ပြီးမြောက်သွားရာ အလွန်ကျေနပ်အားရနေတော့သည်။

ထိုစဉ်၊ သူ၏ဘေးမှ လင်းလောင်တောင်ထိပ်သခင်မသည် နက်ရှိုင်းခြင်းအင်မော်တယ်အဆင့်

ကျိုယိုနတ်ဆိုးအနည်းငယ်နှင့် ပြင်းထန်သော တိုက်ပွဲများစွာ ဆင်နွှဲခဲ့ပြီး၊ တိုက်ပွဲတစ်ခုပြီးတိုင်း ဒဏ်ရာအပြည့်ဖြင့် ကျန်ရစ်ခဲ့သည်။

ကံကောင်းစွာဖြင့်၊ လုရီရှိနေသောကြောင့်၊ သူသည် အလုံးစုံ ပြန်လည်ရှင်သန်ခြင်းသိုင်းကို အသုံးပြု၍ လင်းလောင်တောင်ထိပ်သခင်မကို ကုသပေးရာ၊ သူမ၏ အသက်အတွက် စိုးရိမ်စရာမလိုတော့ပေ။

လုရီက သူ့ကို ကုသပေးနေသည်ဖြစ်ရာ၊ လင်းလောင်တောင်ထိပ်သခင်မသည် ပို၍ပင် စိုးရိမ်ခြင်းမရှိတော့ဘဲ၊ အဆက်မပြတ် ပြင်းထန်သော တိုက်ပွဲများတွင် ပါဝင်ဆင်နွှဲကာ၊ သွေးထွက်သံယိုမှုများမှတစ်ဆင့် သူမ၏ ကိုယ်ပိုင်အကန့်အသတ်များကို သွေးတိုးစမ်းနေတော့သည်။

လုရီသည် ထိုမြင်ကွင်းကို ကြည့်ရင်း အနည်းငယ် စိတ်မကောင်းဖြစ်မိသော်လည်း၊ အနည်းငယ် စိတ်သက်သာရာရမိ၏။

ကံကောင်းစွာဖြင့်၊ တာအိုရတနာများနှင့် ဖရိုဖရဲ ရတနာများ အမြောက်အမြားကို စုပ်ယူပြီးနောက်၊ လုရီသည် ယခုအခါ သူ၏ တိုးတက်မှုများတွင် အကျပ်အတည်းတစ်စုံတစ်ရာ မကြုံတွေ့ရတော့ဘဲ၊ အလွန်အမင်း လွယ်ကူနေတော့သည်။

ဤအခြေအနေသည် မည်မျှကြာရှည်နိုင်မည်ကို သူ တွေးနေမိသည်။

သူသာ အင်မော်တယ်အင်ပါယာအဆင့်သို့ ရောက်ရှိနိုင်လျှင် သာယာကြည်နူးဖွယ်ရာ ဖြစ်ပေလိမ့်မည်။

လင်းလောင်တောင်ထိပ်သခင်မအပြင်၊ လျိုနင်ရွှမ်းနှင့် အခြားအမျိုးသမီးသုံးဦးလည်း လွှမ်းမိုးမှုခံရကာ၊ တစ်ယောက်ချင်းစီ မိမိကိုယ်ကို ထက်ရှအောင် တိုက်ပွဲဝင်လာကြသည်။

ဤအမျိုးသမီးများသည် ပြင်းထန်လာသောအခါ၊ တစ်ယောက်ထက်တစ်ယောက် ပိုရူးသွပ်ကြပြီး၊ သူမတို့၏ ဒဏ်ရာများကို လုံးဝဂရုမစိုက်ဘဲ၊ သူမတို့၏ အသက်သည် လုရီ၏ ကုသနိုင်စွမ်းအပေါ် မူတည်နေသကဲ့သို့ မရပ်မနား တိုက်ခိုက်ကြတော့သည်။

လုရီသည် ကြည့်ရင်း အနည်းငယ် လန့်လာမိ၏။

ဤရှင်းလင်းရေးသည် တစ်လကျော် ကြာမြင့်ခဲ့သည်။

နောက်ဆုံးတွင်၊ စုန့်တာဟုန်၏ အဖွဲ့သည် ကျိုယိုမိစ္ဆာများထဲမှ အသန်မာဆုံးကို တွေ့ရှိသွားတော့သည်။

လူတိုင်း ဆူညံသံကို ကြားပြီး အလျင်အမြန် သွားရောက်ကြသည်။

လုရီနှင့် သူ၏ အဖွဲ့ ရောက်ရှိချိန်တွင်၊ ထိုကျိုယိုမိစ္ဆာမှာ ဝန်းရံခံထားရပြီး ဖြစ်၏။ ၎င်းသည် လက်ချောင်းများဖြင့် ဖုံးလွှမ်းနေပြီး၊ အနက်ရောင် မြူခိုးတန်းများ ပတ်လည်တွင် ဝေ့ဝဲနေသည်။ လုရီ ပေါ်လာသည်နှင့်တစ်ပြိုင်နက်၊ ၎င်းသည် သူ့အပေါ်သို့ မျက်လုံးများ စူးစိုက်လာပြီး အဆုံးမရှိသော လောဘနှင့် တပ်မက်မှုများ ပြည့်နှက်နေသည်။

စိတ်စွမ်းအင်လှိုင်းတစ်ခု ပေါ်ပေါက်လာပြီး၊ ၎င်းသည် လုရီကို စူးစိုက်ကြည့်ကာ ဟိန်းဟောက်လေ၏။

" တာအိုရဲ့ ရင်သွေး..."

"မင်းက ငါ့အပိုင်ပဲ။"

ထိုအချိန်မှာပင်၊ ရွှေရောင်အလင်းတန်းတစ်ခု ဖြတ်ပြေးသွားပြီး၊ ယွီထျန်းဖုန်း ရောက်ရှိလာသည်။

ပုံမှန်အားဖြင့် တည်ငြိမ် ပြတ်သားလေ့ရှိသော ယွီထျန်းဖုန်းသည်၊ ဤကျိုယိုမိစ္ဆာကို မြင်သောအခါ၊ သူ၏ မျက်လုံးများ ကျုံ့သွားပြီး၊ မျက်နှာတွင် အံ့ဩမှု အရိပ်အယောင်များ ပေါ်လာသည်။

"မင်း?!"

လုရီနှင့် အခြားသူများသည် ယွီထျန်းဖုန်း၏ စကားကို ကြားသောအခါ၊ အားလုံး မှင်သက်သွားကြပြီး ထျန်းဖုန်းကို မယုံနိုင်စွာ ကြည့်လိုက်ကြသည်။

ယွီထျန်းဖုန်းက ဒီကျိုယိုမိစ္ဆာကို တကယ်သိနေတာလား။

ပြီးတော့ ဒီကျိုယိုမိစ္ဆာက သာမန် မဟုတ်တဲ့ပုံပဲ။

ယွီထျန်းဖုန်းကို မြင်သောအခါ၊ ထိုကျိုယိုမိစ္ဆာ၏ ခံစားချက်ကင်းမဲ့သော နက်ရှိုင်းသည့် မျက်လုံးများက မှေးကျဥ်း၍ မေးလာ၏။

"ပုရွက်ဆိတ်၊ မင်း ငါ့ကို မှတ်မိပုံပဲနော်။"

၎င်း၏ စကားကြောင့် ယွီထျန်းဖုန်း၏ မျက်နှာထားမှာ ရေခဲတမျှ အေးစက်သွားပြီး၊ သူက မထီမဲ့မြင် ပြုံးလိုက်သည်။

"မင်းရဲ့ ကိုယ်ပွားက ယီရှား စစ်မြေပြင်မှာ ချေမှုန်းခံခဲ့ရတုန်းက၊ ငါလည်း အဲ့ဒီထဲမှာ တစ်စိတ်တစ်ပိုင်း ပါဝင်ခဲ့တာပဲ။"

ဤသို့ကြားသောအခါ၊ လင်းလောင်တောင်ထိပ် သခင်မ၏ မျက်နှာ ပြောင်းလဲသွားပြီး၊ ကျိုယိုမိစ္ဆာကို မယုံနိုင်သော မျက်လုံးများဖြင့် ကြည့်လိုက်သည်။

ကျိုယိုမိစ္ဆာသည် ဤစကားကို ကြားသောအခါ၊ ခေါင်းစောင်းလိုက်ပြီး၊ သူ၏ လက်ချောင်းများ လှုပ်ခါသွားသည်။

"အဲ့ဒါက ငါ့စွမ်းအားရဲ့ ပုံရိပ်တစ်ခုသာသာပဲ။ ဟန်ချက်ညီမှု ပိုပြီး ယိမ်းယိုင်သွားတာနဲ့၊ မင်းတို့အားလုံး သေရလိမ့်မယ်။"

"ဟမ့်၊ ဘဝင်မြင့်မနေနဲ့၊ သေရမှာက မင်းပဲ။"

ယွီထျန်းဖုန်း၏ ပတ်လည်တွင် အင်မော်တယ်ဝိညာဉ်စွမ်းအင်များ လှိုင်းထန်လာတော့ရာ၊ သူ ဒေါသထွက်နေပုံရသည်။

ယွီထျန်းဖုန်း၏ မျက်နှာထားမှာ အေးစက်ကြမ်းတမ်းနေပြီး၊ သူ၏ လက်ကို ဖြန့်လိုက်ရာ၊ ရွှေရောင် အလင်းများက ကြယ်ကြွေများသဖွယ် တဟုန်ထိုးထွက်ပေါ်လာပြီး၊ နေရာလပ်ကို ရှုပ်ထွေးသော အမျှင်တန်းများအဖြစ် လိမ်ကျစ်လိုက်သည်။

ရွှေရောင်အလင်းသည် ကျိုယိုမိစ္ဆာကို ဖုံးလွှမ်းသွား၏။ ကျိုယိုမိစ္ဆာသည် ခုခံခြင်း မပြုဘဲ ရွှေရောင်အလင်း၏ တိုက်စားခြင်းကို လျင်မြန်စွာ ခံလိုက်ရသည်။

တိုက်စားမခံရမီတွင်၊ ကျိုယိုမိစ္ဆာသည် လုရီကို နက်နက်ရှိုင်းရှိုင်း တစ်ချက် ထပ်ကြည့်လိုက်ရာ၊ သူ၏ ပုံသဏ္ဌာန် ကြေမွသွားသည့်တိုင် သူ၏ လောဘကြီးမှုမှာ ထင်ရှားနေသည်။

လုရီ ခေါင်းကြိမ်းသွားသည်။

ဒီကောင်တော့ နည်းနည်းလွန်နေပြီ။

ကျိုယိုမိစ္ဆာ ပျောက်ကွယ်သွားသည်နှင့်၊ လုရီနှင့် အခြားသူများသည် ယွီထျန်းဖုန်းကို ကြည့်လိုက်ကြသည်။

ခဏတာမျှ၊ မည်သူမျှ စကားမပြောနိုင်ဘဲ၊ လူတိုင်းသည် ယွီထျန်းဖုန်း၏ ကျိုယိုမိစ္ဆာအပေါ်ထားသော ပြင်းထန်သော ဒေါသနှင့် မုန်းတီးမှုကိုပင် ခံစားမိကြရလေသည်။

ကြယ်တာရာနယ်မြေတပ်မတော်မှ စစ်သည်များပင် နားမလည်နိုင်ကြပေ။

သို့သော်၊ ယခုအချိန်တွင် စစ်တပ် ခေါင်းဆောင်အား မနှောင့်ယှက်ခြင်းသည် အကောင်းဆုံးဖြစ်ကြောင်း သူတို့အားလုံး နားလည်ကြသည်။

လင်းလောင်တောင်ထိပ်သခင်မသာ အနည်းငယ် စိုးရိမ်ကြောင်း ထုတ်ပြလာခဲ့သည်။

"ဦးလေးထျန်းဖုန်း။"

ထိုအခါမှ ယွီထျန်းဖုန်း သတိပြန်ဝင်လာပြီး၊ သက်ပြင်းတစ်ချက်ချကာ အေးစက်စွာ အမိန့်ပေးလိုက်သည်။

"ဒီတစ်ကြိမ်မှာ သူက ခေါင်းဆောင်ဖြစ်ပုံပဲ။ ပြန်ကြစို့။"

လူတိုင်း တိတ်ဆိတ်စွာ ခေါင်းညိတ်လိုက်ကြသည်။