ကုန်ဆုံးသွားသော ဒန်ဂျင်အမြုတေ

ထာဝရတိုင်းပြည် ဒန်ဂျင်တွင်။

"စစ်သည်တော်တို့။"

ရှားလော့ခ် ဒန်ဂျင်အရှင် ခန်းမဆောင်၏ ဝင်ပေါက်တွင် ရပ်နေ၏။ သူ၏ အရပ်အမြင့်ဖြင့် သူက ဂိမ်းမာများကို ကြည့်ရှုနိုင်စွမ်း ရှိသည်။ သူက "နေရာရွှေ့ပြောင်း ဝင်ပေါက် တစ်ဖက်မှာ၊ ဆောင်းတောင်ကုန်းမြို့ရှိ ငါတို့ ညီအစ်ကိုတွေ ကြီးမားတဲ့ အကျပ်အတည်း တစ်ခုနဲ့ ရင်ဆိုင် နေကြရတယ်။ ကြီးမြတ်သော နတ်ဆိုး မိုက်ကယ်အိန်ဂျယ်လိုရဲ့ ဆိုးယုတ်တဲ့ မာနာက ဆောင်းတောင်ကုန်းမြို့ကို ခြိမ်းခြောက်နေပြီ။ ငါတို့ ဆောင်းတောင်ကုန်းမြို့ကို ကယ်တင်ရမယ်။ ဆယ်ရက်ကျော်ကြာ ပျောက်ဆုံးနေစဉ် ကာလအတွင်း ဒီအကြောင်းကို ငါ သိရှိခဲ့ရတယ်"ဟု ပြောလိုက်သည်။

"တွန့်ဆုတ်နေဖို့ အချိန် မရှိတော့ဘူး၊။ စစ်သည်တော်တို့၊ ပြင်ဆင်ကြ၊ ပြင်းထန်တဲ့ တိုက်ပွဲ တစ်ခုက ငါတို့ကို စောင့်ကြိုနေတယ်။"

ရှားလော့ခ် အချိန်ကို ကြည့်လိုက်ပြီး "ငါတို့ နှစ်ရက်အတွင်း ထွက်ခွာကြမယ်။ ငါတို့ အခု လူစုခွဲကြမယ်"ဟု ပြောလိုက်သည်။

ရှားလော့ခ် သူ၏ မိန့်ခွန်းအပြီးတွင် ဒန်ဂျင်အရှင် ခန်းမဆောင်၏ ရှေ့မှ ထွက်ခွာသွား၏။

ရှားလော့ခ်၏ ထိန်းချုပ်မှု မရှိဘဲ ဂိမ်းမာများ ဇာတ်လမ်းပိုင်းကို ဆွေးနွေးစ ပြုလာကြသည်။

"ဆောင်းတောင်ကုန်းမြို့က သနားစရာပဲ။ ဒါက တိုက်ပွဲလှုပ်ရှားမှု ဇာတ်လမ်းပိုင်း အသစ်မှာ ပါဝင်နေတယ်။ ဟားဟားဟား။"

"ငါတို့ ဆောင်းတောင်ကုန်းမြို့ကို ထပ်ပြီး တိုက်ခိုက်လုယက်လို့ ရဦးမှာလား။"

"ငါ မသိဘူး။ ငါ မျှော်လင့်ပါတယ်။ အရင်တစ်ခါက ငါ ပရိဘောဂကောင်းတွေ အများကြီး လုယက်နိုင်ခဲ့တယ်။"

"ဘုရားရေ၊ မင်းက ပရိဘောဂတွေ လုယက်ခဲ့တာလား။ ငါက ပစ္စည်းကိရိယာတွေ ပြန်လည် ရယူနေခဲ့တာ၊ ပရိဘောဂ အားလုံးကို မင်း လုယက်သွားခဲ့တာပဲ ဖြစ်ရမယ်။"

ရှားလော့ခ် ဒန်ဂျင်အရှင် ခန်းမဆောင်တွင် သူ၏ ကီးဘုတ်ကို ပြင်းထန်စွာ ရိုက်နှိပ်နေ၏။ ရှားလော့ခ်၏ နောက်တွင် စားပွဲ တစ်လုံး ပေါ်ထွက်လာပြီး ကွန်ပျူတာ မျက်နှာပြင်နှင့် ကွန်ပျူတာ ပရိုဆက်ဆာ ယူနစ် တစ်ခု စားပွဲပေါ်တွင် ထားရှိ ထား၏။ ရှားလော့ခ် ပြန်လည် ရောက်ရှိလာပြီးနောက် သူက ကြက်ဥခေါင်းကို သူ၏ သူရဲကောင်းဆန်သော လုပ်ဆောင်ချက် အတွက် ချီးကျူး ဂုဏ်ပြုရန် ၎င်းကို လက်ဆောင်ပေးခဲ့သည်။

ဘရု သူ့ကို သုံးကြိမ် သုံးခါ တောင်းပန်ပြီးတဲ့နောက်မှပေါ့၊

ကြက်ဥခေါင်း၌ သူ၏ ကိုယ်ပိုင်ကွန်ပျူတာ ရှိနေပြီး ရှားလော့ခ်နှင့် ထိုအရာ အတွက် တိုက်ခိုက်ရန် မလိုတော့သလို ရှားလော့ခ်ကို အနှောင့်အယှက် ပေးရန် အခွင့်အလမ်း မရှိသော်လည်း ကြက်ဥခေါင်းအတွက် ကွန်ပျူတာကို အချိန်မရွေး အသုံးပြုနိုင်ခြင်း မရှိခဲ့ပေ။

"တစ်နေ့ကို သုံးနာရီပဲ။"

ကြက်ဥခေါင်း ပြင်းထန်စွာ ကန့်ကွက်ခဲ့၏။

"ခဏနေပါဦး။ ကွန်ပျူတာက အဲ့လိုမပြောခဲ့ဘူး။ အကယ်၍ ငါက မင်းကို ရှာဖွေရာမှာ ကူညီခဲ့ရင် ငါ အဆုံးအစ မရှိတဲ့ သွေးဂန္ဓမာ လက်ဖက်ရည် ရရှိပြီး နေ့တိုင်း ကွန်ပျူတာ ဂိမ်းတွေ ကစားနိုင်မယ်လို့ ပြောခဲ့တာ"

ရှားလော့ခ်က အေးဆေးစွာ ပြောလိုက်သည်၊ "သွေးဂန္ဓမာ လက်ဖက်ရည်ကရော ကုန်ဆုံးသွားမှာပဲလေ။"

"ဒါက သိပ်မဖြစ်နိုင်ဘူး၊ ဒါပေမဲ့..."

"ဒါပေမဲ့တွေ မရှိဘူး။ မင်းမှာ ပိုက်ဆံ ရှိရင် သွေးဂန္ဓမာ လက်ဖက်ရည်က ဘယ်တော့မှ ကုန်ဆုံးသွားမှာ မဟုတ်ဘူး။ မင်းက တစ်နေ့ကို သုံးနာရီ ကွန်ပျူတာ ဂိမ်းကစားခွင့် ရတယ်၊ ဒါက တော်တော်လေး ကောင်းပါတယ်။"

ကြက်ဥခေါင်း၏ ကန့်ကွက်မှုများ ပယ်ချခံခဲ့ရ၏။

ကြက်ဥခေါင်း အလွယ်တကူ ပြန်ကျေနပ်သွား၏။ ကွန်ပျူတာ ဂိမ်းများ ကစားနေစဉ် သူ့ဘာသာသူ မကျေမနပ် ပြောဆိုပြီးနောက် သူ တိတ်ဆိတ်သွားသည်။

ရှားလော့ခ် ဆွေးနွေးချက် ဖိုရမ်တွင် ပိုစ့် အသစ် တစ်ခု ဖန်တီးနေ၏ -

"'ဒန်ဂျင်: ထာဝရတိုင်းပြည်' ဗားရှင်း ၀.၂၅ တရားဝင် အပ်ဒိတ်:

အချက်အလက် အသစ်များ ထည့်သွင်းထားသည်၊ မိုက်ကယ်အိန်ဂျယ်လို၏ အမွေအနှစ်:

လွန်ခဲ့သော နှစ်ထောင်ပေါင်း များစွာက ကြီးမြတ်သော အထက်တန်းစား နတ်ဆိုး၊ မိုက်ကယ်အိန်ဂျယ်လို ရှိခဲ့သည်။

သူက မြေအောက်လောက တစ်ခုလုံးကို ပေါင်းစည်းခဲ့ပြီး မြေအောက်လောက နေထိုင်သူ အားလုံး၏ စွမ်းအားကို စုစည်းခဲ့သည်။ နတ်ဆိုးစီမံခန့်ခွဲရေး ကော်မတီပင်လျှင် သူ၏ ထောက်ပံ့ရေးကိရိယာ တစ်ခု ဖြစ်လာခဲ့သည်။

မိုက်ကယ်အိန်ဂျယ်လို၌ ကောင်းကင်ဘုံကို သိမ်းပိုက်ရန် ကြီးမားသော ရည်မှန်းချက် ရှိခဲ့သည်။ သူက သူ၏ ကြီးမားလှသော အမှောင်စစ်တပ်နှင့် မြေအောက်လောက တစ်ခုလုံးကို မသိသူမရှိသော တိုက်ပွဲ တစ်ခုသို့ ဦးဆောင်ခဲ့ပြီး ရှုံးနိမ့်ခဲ့သည်။

ဒဏ္ဍာရီခေတ် ငါတို့ နှင့်အတူ မရှိတော့ပေ။ ဤခေတ်သစ်တွင် မိုက်ကယ်အိန်ဂျယ်လို၏ မပြီးဆုံးသေးသော အလုပ်ကို ပြီးမြောက်အောင် လုပ်ဆောင်ရန် မလိုအပ်တော့ပေ။ သို့သော် မိုက်ကယ်အိန်ဂျယ်လို၏ အမွေအနှစ် ဆောင်းတောင်ကုန်းမြို့ အနီးတွင် ပေါ်ထွက်လာခဲ့သည်။

ကြီးမြတ်သော အရှင်ရှားလော့ခ် မိုက်ကယ်အိန်ဂျယ်လို၏ အမွေဆက်ခံမှုကို ရရှိခဲ့သည်။ အမွေအနှစ်ကို ရှာဖွေတွေ့ရှိမှု နှင့် အန်ဒရူး၏ မိုက်မဲမှု တို့ကြောင့် အကျပ်အတည်း အသစ် တစ်ခု ပေါ်ပေါက်လာခဲ့သည်။ ဆောင်းတောင်ကုန်းမြို့ အပေါ် ကံဆိုးမိုးမှောင် ကျရောက်လိမ့်မည်။

စစ်သည်တော်တို့။ အန်ဒရူးက ငါတို့ ရန်သူ ဖြစ်သော်လည်း ဆောင်းတောင်ကုန်းမြို့ကတော့ အပြစ်ကင်းစင်တယ်။ ဆောင်းတောင်ကုန်းမြို့ရဲ့ ချမ်းသာကြွယ်ဝမှုကို ဖျက်ဆီးခြင်းကနေ ကာကွယ်ရမယ်။ သင်တို့ရဲ့ လက်နက်တွေကို ယူဆောင်ကြ။ ငါတို့ရဲ့ အားနည်းတဲ့ အိမ်နီးချင်းကို ကူညီကြလော့။

မစ်ရှင်အသစ်၊ တိုက်ပွဲပြင်ဆင်မှု ထည့်သွင်းထားသည်- ဆောင်းတောင်ကုန်းမြို့၏ အကျပ်အတည်း အတွက် ပြင်ဆင်ရန်၊ တိုက်ပွဲလှုပ်ရှားမှု ဇာတ်လမ်းပိုင်း မစတင်မီအထိ ဂိမ်းမာများ ဆောင်းတောင်ကုန်းမြို့သို့ ဝင်ရောက်ခွင့် ပြုမည် မဟုတ်ပေ။

ဖော်ရွေသော အမ်ပီစီအသစ်၊ နတ်သက်ကြွေ ကောင်းကင်တမန် လီလို ထည့်သွင်းထားသည်- သူမက ယခင်က ကောင်းကင်ဘုံ၏ အဖွဲ့ဝင်တစ်ဦး ဖြစ်ခဲ့သည်။ သူမ၏ မာနထောင်လွှားမှုကြောင့် သူမက ငရဲနတ်သက်ကြွေ ကောင်းကင်တမန်တစ်ပါး ဖြစ်လာခဲ့သည်။ သူမက ရှားလော့ခ်၏ ရင်းနှီးသော မိတ်ဆွေတစ်ဦးနှင့် အရေးကြီးသော ရင်းနှီးမြှုပ်နှံသူ တစ်ဦး ဖြစ်သည်။

စွန့်စားသူအစည်းအရုံးရဲ့ အလုပ်ကိုလည်း ရပ်ဆိုင်းထားသည်။

မစ်ရှင်အသစ်၊ စုရုံးမှု ထည့်သွင်းထားသည်- ဂိမ်းမာအားလုံး သုံးရက်အတွင်း ထာဝရတိုင်းပြည်တွင် စုရုံး ကြရမည်။ ဆာဗာက သုံးရက်အကြာတွင် ဂိမ်းမာများ၏ တည်နေရာများကို ဖော်ထုတ်လိမ့်မည်။ ထာဝရတိုင်းပြည်တွင် မရှိသော ဂိမ်းမာများ ပစ္စည်းကိရိယာနှင့် ပစ္စည်းများ ဆုံးရှုံးမှု ခံစားရလိမ့်မည်။"

ရှားလော့ခ် ထုတ်ဝေခြင်း မပြုမီ သူ၏ ပိုစ့်ကို စစ်ဆေးလိုက်၏။

နောက်တစ်ခုမှာ စောင့်ဆိုင်းရန်ပင်။

...

လွန်ခဲ့သော သုံးရက်တာ ကာလအတွင်း အန်ဒရူး အိပ်စက်ခြင်း မရှိခဲ့ပေ။ သူ မျက်လုံးများ ကျယ်ကျယ်ဖွင့်ထားပြီး ဒန်ဂျင်အရှင် ခန်းမဆောင်ရှိ ကြီးမားသော ရုပ်တုကို ပြင်းထန်စွာ စိုက်ကြည့်နေ၏။ အချက်အလက်များက သူ၏ ခန့်မှန်းချက် မှန်ကန်ကြောင်း ပြသခဲ့သည်။

ရုပ်တု၏ အားနည်းသော မာနာမှ အန်ဒရူး သူ၏ ဝိညာဉ်အတွင်း နက်ရှိုင်းသော ကြောက်ရွံ့မှုကို ခံစားနိုင်ခဲ့၏။

မရင်းနှီးသော မှော်အက္ခရာ မာနာပုံစံကွက်က အသစ် တပ်ဆင်ထားသော ဒန်ဂျင်အမြုတေမှ စွမ်းအားကို စုပ်ယူနေ၏။

ဒန်ဂျင်အမြုတေ၏ စွမ်းအင် သုံးရက်အတွင်း ကုန်ဆုံးသွားခဲ့သည်။

မနေ့ကတည်းက ဆောင်းတောင်ကုန်းမြို့ မာနာထောက်ပံ့ခြင်းကို ရပ်တန့်ခဲ့၏။ ဆောင်းတောင်ကုန်းမြို့ နေထိုင်သူများ အမှောင်ထုထဲတွင် နေထိုင်ခဲ့ကြရသည်။

မြို့သားများ ကန့်ကွက်ခဲ့ကြသော်လည်း အန်ဒရူး သူ၏ ကြီးမားသော ရည်မှန်းချက်တွင် စွဲလမ်းနေသည့် အတွက် သူတို့ကို လျစ်လျူရှုခဲ့၏။

ရုပ်တု စွမ်းအားများ ပိုမို ရရှိလာသည်နှင့်အမျှ အန်ဒရူးက ရုပ်တုကို ထိန်းချုပ်ရန် အသုံးပြုသော မှော်အက္ခရာ မာနာပုံစံကွက်၏ တစ်ဝက်ကျော်ကို အဓိပ္ပာယ် ဖွင့်ဆိုနိုင်ခဲ့၏။ ကြီးမားသော ရုပ်တုမှာ မိုက်ကယ်အိန်ဂျယ်လို၏ အမွေအနှစ်များထဲမှ တစ်ခု ဖြစ်ရမည်။

ဒဏ္ဍာရီများက မိုက်ကယ်အိန်ဂျယ်လို၌ အစွမ်းထက်သော အထက်တန်းစား နတ်ဆိုး ၇၂ ဦး သူ၏ လက်ထောက်များအဖြစ် ရှိခဲ့သည်ဟု ဆိုကြသည်။ ဖြစ်နိုင်သည်မှာ ရုပ်တုမှာ သူတို့ထဲမှ တစ်ဦး ဖြစ်နိုင်၏။

အကယ်၍ သူက မာနာမှော်အက္ခရာများ၏ လျှို့ဝှက်ချက်များကို ဖြေရှင်းနိုင်ခဲ့ပါက သူက ရုပ်တုကို ထိန်းချုပ် နိုင်လိမ့်မည်။ သေတ္တာထဲတွင် မိုက်ကယ်အိန်ဂျယ်လို၏ အမွေအနှစ်နှင့် သူ၏ စွမ်းအားများ ပါဝင်နိုင်၏။

အန်ဒရူး စိတ်လှုပ်ရှားနေ၏။ သူ ပြင်းထန်စွာ သုတေသန ပြုလုပ်နေစဉ် ကြီးမားသော ရုပ်တု ကျယ်လောင်သော တုန်ခါသံများ ထုတ်လွှင့်လိုက်၏။ အော့ခ်တစ်ဦး ပြေးလာပြီး အန်ဒရူးကို အော်ဟစ် ပြောကြားလိုက်သည်၊ "ဒန်ဂျင်အရှင်။ ဒန်ဂျင်အမြုတေ စွမ်းအား ကုန်ဆုံးသွားပါပြီ။"

သို့သော် အန်ဒရူး အော့ခ်ကို လျစ်လျူရှုခဲ့၏။ ဧရာမရုပ်တုကြီးက သူ၏ ခြေထောက်ကို မြှောက်လိုက်သည်...