အဖြစ်ဆိုး (၂)

အေးခဲလျှို့ဝှက်ဆွဲသီး သုံးလုံး မပြောနှင့်၊ အေးခဲလျို့ဝှက်ဆွဲသီး ဝှက်ဆွဲသီးနှစ်လုံး စွမ်းအားပင် တစ်ပြိုင်နက်တည်း ပေါက်ကွဲလာရင် လူတစ်ယောက်ကို အေးခဲပြီး သေဆုံးသွားစေနိုင်သည်။

အေးခဲလျှို့ဝှက်ဆွဲသီးသုံးလုံးတစ်ပြိုင်နက်

တည်း ဖောက်ခွဲလိုက်ရင် သူ့ကို ချောင်းမြောင်းတိုက်ခိုက်တဲ့ ဝိညာဉ်တစ်ပိုင်းနဲ့ မိုတားကို အနည်းငယ် အေးခဲသွားစေပြီး ယာယီအားဖြင့် လှုပ်ရှားနိုင်စွမ်း ဆုံးရှုံးသွားစေတဲ့အပြင် လွယ်လွယ်ကူကူ ဖမ်းဆီးနိုင်မယ်လို့ ကောယိုလျန်က ယုံကြည်ထားသည်။

သူတို့နှစ်ဦး ထောင်ချောက်ထဲ ရောက်နေတဲ့အချိန်ကို အခွင့်ကောင်းယူပြီး လက်ကို မြှောက်လိုက်ရုံနဲ့ မိုတား၏ ခေါင်းကို ဖြတ်နိုင်မယ်၊ ပြီးရင် သူ့ကို ချောင်းမြောင်းတိုက်ခိုက်တဲ့ ဝိညာဉ်တစ်ပိုင်းကို ဖမ်းမယ်၊ သူ့၏ သံလိုက်စက်ကွင်းထဲက ထူးဆန်းမှုတွေကို နှောင့်ယှက်မယ်၊ ပြီးတော့ စစ်ဆေးဖို့အတွက် အောင်မြင်စွာ ပြန်ခေါ်သွားနိုင်မယ်။

အေခဲလျှို့ဝှက်ဆွဲသီးများ၏ အစွမ်းတွေက အကျိုးသက်ရောက်မှု ရှိသွားတာကို မြင်တော့ ကောယိုလျန်က သံလိုက်ဓားကို ကိုင်ပြီး လဲကျနေတဲ့ မိုတားဆီကို အမြန်ပြေးသွားသည်။ စသူ့ရှေ့က လူနှစ်ယောက်စလုံးဟာ သာမန်လူတွေ မဟုတ်ဘူးဆိုတာ သူသိနေတာကြောင့် အချိန်မဆွဲဘဲ အခြေအနေကို အမြန်ဆုံး ဖြေရှင်းဖို့ လိုအပ်သည်။

ဒါပေမဲ့ ကောယိုလျန် မသိတာက နှစ်ပေါင်း (၈၀၀) ခန့်ကြာအောင် မြေအောက်ယင်နေရာမှာ စိမ်ထားတဲ့ ရှေးဟောင်းအလောင်း မိုတားဟာ သူ့ခန္ဓာကိုယ်ရဲ့ အအေးဒဏ် ခံနိုင်ရည်က အိမ်ပြန်ရောက်သွားသလိုမျိုး ခံစားရသည်ဆိုတာကိုပါ။

မိုတားလဲကျတာက တုန်ခါမှုကြောင့်သာဖြစ်ပြီး စွမ်းအားကြောင့် လုံးဝ မဟုတ်ပါချေ။

ကောယိုလျန် ချဉ်းကပ်လာချိန်မှာပဲ သူ့ သံလိုက်ဓားရိုးမှာ မြှုပ်ထားတဲ့ ဆွဲသီးကို ပွတ်လိုက်ပြီး “ပြို့လဲမှု ဆွဲသီး” ထွက်လာစေသည်။ သူ ဆွဲသီးငို ယူပြီး အိတ်ကပ်ထဲ ထည့်လိုက်သည်။ ပြီးတော့ တခြား အေးခဲလျှို့ဝှက်ဆွဲသီးကို အမြန်ထုတ်ပြီး အားကုန်ဖိလိုက်သည်။

သံလိုက်ဓားရဲ့ ဓားသွားက ချက်ချင်းပဲ အပြာရောင် သံလိုက်အလင်းတန်း ထွက်ပေါ်လာပြီး ရေခဲပုလင်းနဲ့တူနေသည်။

ဒီအချိန်မှာတော့ ကောယိုလျန်က မိုတားဆီကို ရောက်နေပြီ။ သူ ဆွဲသီးကို လဲပြီးကာစဖြစ်ပြီး ထိုးခုတ်ဖို့ အခွင့်အရေး မရသေးပေ။

လဲကျနေတဲ့ မိုတားက ရုတ်တရက် မျက်လုံးဖွင့်လိုက်သည်။ လှုပ်ရှားမှုမှာ ဘာအတားအဆီးမှ မရှိဘဲ သူ၏ ဓားကို မြေပြင်တစ်လျှောက် ဝှေ့ယမ်းလိုက်သည်။ ဓားသွားက ကောယိုလျန်ကို မထိပေမဲ့ ဓားရိုးက ကောယိုလျန်ရဲ့ ခြေကျင်းဝတ်ကို ပြင်းထန်စွာ ရိုက်မိသွားသည်။

ဒုန်းဆိုတဲ့အသံနဲ့အတူ သူ့ခြေကျင်းဝတ်က မကျိုးသွားပေမဲ့ စူးရှတဲ့ နာကျင်မှုက သူ့ကို ဖောက်ဝင်သွားသည်။

ကောယိုလျန်က ပြင်းထန်တဲ့ နာကျင်မှုကို ခံစားရင်း သူ့ခန္ဓာကိုယ်ထဲက သံလိုက်စွမ်းအားတွေ ထပ်မံ ထွက်ပေါ်လာပြီး ယန်လုံရဲ့အပါအဝင် မိုတားပတ်ပတ်လည်က ထူးဆန်းတဲ့ သံလိုက်စက်ကွင်းကို နှောင့်ယှက်လိုက်သည်။

ချက်ချင်းပဲ ကောယိုလျန်က သူ့ဓားကို မိုတားရဲ့ရင်ဘတ်ဆီကို ဝှေ့ယမ်းလိုက်ပေမဲ့ ဒီအကျိုးရလဒ်ကတော့ သူ့မျှော်မှန်းချက်နဲ့ လုံးဝကို ကွာခြားသွားသည်။

သံလိုက်ဓားရဲ့ ဓားသွားတစ်ဝက်က မိုတားရဲ့ရင်ဘတ်ထဲကို ဝင်သွားပေမဲ့ မိုတားကို အပြည့်အဝ အေးခဲသွားအောင် မလုပ်နိုင်ခဲ့ပေ။

အေခဲလျှို့ဝှက်ဆွဲသီး တပ်ဆင်ထားတဲ့ သံလိုက်ဓားရဲ့ စွမ်းအားအရ သူ့ရဲ့ ဓားထိုးချက်က ပြိုင်ဘက်ကို နှစ်ပိုင်းဖြတ်ပြီး ခန္ဓာကိုယ်တစ်ခုလုံးကို အေးခဲသွားစေနိုင်သည်၊ ပြီးတော့ ရေခဲမုန့်လိုမျိုး ပြန်ဆွဲခေါ်သွားနိုင်သည်ဆိုတာ ကောယိုလျန် ရှင်းလင်းစွာ သိသည်။

တနည်းအားဖြင့် နောက်ထပ် တစ်ချက် ထပ်ခုတ်ပြီး ရှေးဟောင်းအလောင်းကို အသားစတွေ ဖြစ်အောင် လုပ်ပြီး နှိမ်နင်းလို့ ပြီးသွားနိုင်သည်။

လုံးဝ မျှော်လင့်မထားတဲ့ ရလဒ်က ကောယိုလျန်ကို အံ့အားသင့်စေခဲ့ပြီး ရုတ်တရက် “ယင်အလောင်းလား” လို့ အော်ဟစ်လိုက်သည်။

ဂရက်!

မိုတားက ထပ်ပြီး ထိုင်လိုက်သည်။ သံလိုက်ဓားရဲ့ သုံးပုံတစ်ပုံက သူ့ရင်ဘတ်ထဲမှာ ကျိုးသွားပြီး သူက သူ့ဓားကို ကောယိုလျန်ဆီကို ထပ်ပြီး တွန်းပို့လိုက်သည်။

ကောယိုလျန်က ထိတ်လန့်တကြားနဲ့ ခြေဆောင့်ပြီး နောက်ဆုတ်လိုက်သည်။

တစ်ချိန်တည်းမှာပဲ ယန်လုံရဲ့နောက်က နတ်ဆိုးဝိညာဉ်က နိုးထလာပြီး ယန်လုံကို အရုပ်တစ်ရုပ်လို လှုပ်ရှားစေကာ မတ်တပ်ရပ်စေသည်။ သူ့ ပုံစံက ဆိုးရွား ရန်လိုလာပြီး ကောယိုလျန်ဆီကို ခုန်ဝင်လာသည်။

ကောယိုလျန်က သူ့လက်ထဲမှာ ကျန်နေတဲ့ သံလိုက်ဓားရဲ့ သုံးပုံနှစ်ပုံကို ကြည့်ပြီး နောက်ကို ထပ်ပြီး တုံ့ဆိုင်းစွာ ဆုတ်လိုက်သည်။ ပြီးတော့ သူက ဓားရိုးမှာ မြှုပ်ထားတဲ့ အေးခဲလျှို့ဝှက်ဆွဲသီးကို အမြန်ဖိချပြီး မီးဆွဲသီးနဲ့ အစားထိုးလိုက်သည်။

သံလိုက်ဓားကျိုးက ပူလာပြီး လိမ္မော်ရောင် အရာင်အသွေး ထွက်လာသည်။ ဒါပေမဲ့ သံလိုက်ဓား ကျိုးသွားတာကြောင့် သံလိုက်အလင်းတန်းက အဝေးကြီးအထိ မရောက်နိုင်ဘဲ တစ်ပေခန့်လောက်ပဲ ဖုံးလွှမ်းနိုင်သည်။

မီးလျှံပူများက ဓားသွားကို ဖုံးလွှမ်းသွားပြီး သူကို တိုက်ခိုက်နေတဲ့ မိုတား၏ဓားကို ပိတ်ဆို့လိုက်သည်။

ဒီတိုက်ခိုက်မှု၏ အားက ပြင်းလွန်းတာကြောင့် ကောယိုလျန်က နောက်ကို လွင့်စင်သွားသည်။ ဒဏ်ရာရထားတဲ့ ခြေကျင်းဝတ်ကို ဆိုးရွားတဲ့ နာကျင်မှုတွေက ဖြတ်စီးသွားပြီး သူဆက်ပြီး မတ်တပ်မရပ်နိုင်တော့ဘဲ မြေပြင်ပေါ်ကိုပုံ့ကျသွားသည်။

ဒီအခွင့်အရေးကို အသုံးချပြီး ယန်လုံက သူ့ရင်ဘတ်ထဲက စက္ကူထုပ်ကို ထုတ်ယူပြီး အထဲက အနက်ရောင် ရွှံ့စေးလို အရာဝတ္ထုကို ထုတ်လိုက်သည်။ အဲဒါကို ယူပြီး မိုတား၏ ပါးစပ်ထဲကို ထိုးထည့်လိုက်သည်။

မိုတားက လုံးဝမတုန်လှုပ်တဲ့ပုံနဲ့ အကြိမ်အနည်းငယ် ဝါးလိုက်ပြီး အားလုံးကို မျိုချလိုက်သည်၊ ပြီးတော့ သူ့၏ ဓားနဲ့ လဲကျနေတဲ့ ကောယိုလျန်ဆီကို လျှောက်လာသည်။

ကောယိုလျန်က သူ့ခန္ဓာကိုယ်ထဲက သံလိုက်စွမ်းအားကို တတိယအကြိမ်မြောက် ထုတ်လွှတ်လိုက်သည်။ သူ အကန့်အသတ်မရှိ အသုံးပြုနိုင်တဲ့ စွမ်းအားတစ်ခု မဟုတ်ပေ။ အခုချိန်မှာတော့ ဒီသံလိုက်စွမ်းအားက သူ့ရဲ့ ကိုယ်ကာယခွန်အားကို ပြည့်ဝနေစေနိုင်ပြီး ထူးဆန်းမှုတွေကို တိုက်ခိုက်ဖို့အတွက် အပြင်ဘက်ကိုလည်း ထုတ်လွှတ်နိုင်သည်။

ဒါပေမဲ့ အဆင့်မြင့် ထူးဆန်းမှုတွေအတွက်တော့ သံလိုက်စက်ကွင်းကို နှောင့်ယှက်နိုင်တဲ့ စွမ်းအားက အများကြီး လျော့နည်းသွားသည်။

ဒါ့အပြင် ထုတ်လွှတ်လိုက်တိုင်း ကောယိုလျန်အတွက် အရေးပေါ်အခြေအနေတွေမှာသာ လိုအပ်သည်၊ ဘာဖြစ်လို့လဲဆိုတော့ အဲဒါက သူ့ရဲ့ ကိုယ်ကာယခွန်အားကိုလည်း လျော့နည်းစေလို့ဖြစ်ပေသည်။

ဒီတစ်ကြိမ် ထုတ်လွှတ်ပြီးနောက်မှာ ကောယိုလျန်က အားနည်းပြီး စွမ်းအားမဲ့သလို ခံစားရသည်။

မိုတား၏ သံလိုက်စက်ကွင်းက ထပ်မံ နှောင့်ယှက်ခံလိုက်ရပြီး သူက လုံးဝ ငြိမ်သက်စွာ ရပ်နေသည်။

ဒါပေမဲ့ အဝေးမှာရှိတဲ့ ယန်လုံကတော့ အကျိုးသက်ရောက်မှု အနည်းငယ်ပဲ ခံစားရပြီး အရှိန်အဟုန်နဲ့ ကောယိုလျန်ဆီ ချဉ်းကပ်လာကာ ပြင်းထန်စွာ နင်းချလိုက်သည်။

မြေပြင်ပေါ်မှာလဲကျနေပြီး မထနိုင်တဲ့ ကောယိုလျန်က ချက်ချင်းပဲ သူ့ဓားကို သူ့ရှေ့မှာ အလျားလိုက်မြှောက်လိုက်သည်။

နတ်ဆိုးဝိညာဉ်၏ လက်များက သံလိုက်ဓားကို ထိလိုက်တော့ တစီစီမြည်သံ ထွက်လာသည်။ ယန်လုံက ကောယိုလျန် လက်တွေကို ဆုပ်ကိုင်ထားပြီး သူ့ကို သံလိုက်ဓားကို ထပ်ပြီး မကိုင်တွယ်နိုင်တော့အောင် တားဆီးဖို့ ကြိုးစားနေသည်။

ဒီအချိန်မှာပဲ မိုတားက ယန်လုံပေးလိုက်တဲ့ ရွှံ့စေးကို စားသုံးပြီး သူ့ရဲ့ သံလိုက်စက်ကွင်းက ပုံမှန်ပြန်ဖြစ်သွားသည်။ အရမ်းကို နာခံမှုရှိတဲ့ပုံနဲ့ ယန်လုံလိုချင်တာကို နားလည်တဲ့ပုံနဲ့ ကောယိုလျန်ရှေ့ကို လျှောက်လာပြီးသူ့ ရှေးဟောင်းဓားကို မြှောက်ပြီး တည့်တည့်ခုတ်ချလိုက်သည်။

ယန်လုံနဲ့ နတ်ဆိုးဝိညာဉ်တို့က သူတို့၏လက်များကို ရုပ်လိုက်ပြီး နောက်တစ်စက္ကန့်မှာပဲ ရှေးဟောင်းဓားနဲ့ သံလိုက်ဓားကျိုးတို့ဟာ ပြင်းထန်စွာ တိုက်မိကြသည်။ ဓား၏ပူနေတဲ့ သံလိုက်အလင်းတန်းက ရှေးဟောင်းဓားကို ချက်ချင်း ပူနွေးသွားစေပြီး အပူက ဓားသွားတစ်လျှောက် မိုတားလက်များထဲကို ရောက်သွားသည်။

ဒါပေမဲ့ မိုတားက ယင်အလောင်းဖြစ်နေတာကြောင့် မီးဆွဲသီး၏ အပူစွမ်းအင်က သူ့ခန္ဓာကိုယ်၏ ယင်စွမ်းအင်နဲ့ ဆန့်ကျင်ဘက်ဖြစ်ပြီး မိုတားဆီကနေ အဖြူရောင် ရေနွေးငွေ့တွေ အများကြီး ထွက်လာသည်။

ဒါပေမဲ့ သံလိုက်ဓားကျိုးက အရင်ကလောက် မစွမ်းတော့ဘဲ ကျိုးနေတဲ့နေရာတစ်လျှောက် အက်ကွဲကြောင်းတွေ ပိုများလာပြီး ဂရက်ဆိုတဲ့အသံနဲ့အတူ အစအနတွေအဖြစ် ပြိုကွဲသွားတော့လေသည်။