စစ်မှန်သော သူတော်စင် ဝမ်မူကို သတ်ဖြတ်ခြင်း၊ ဝိညာဉ်သွေးကြော နဂါး!

[တိုက်ပွဲသည် နောက်ဆုံးတွင် တစ်နေ့နှင့်တစ်ည ကြာမြင့်ခဲ့သည်။]

[ပြင်းထန်သော ဒဏ်ရာများ ရရှိပြီးနောက် သင်သည် စစ်မှန်သော သူတော်စင်ဝမ်မူကို အောင်မြင်စွာ သတ်ဖြတ်နိုင်ခဲ့သည်!]

[စစ်မှန်သော သူတော်စင်ဝမ်မူကို သတ်ပြီးနောက် သင်သည် သူ၏ခန္ဓာကိုယ်ကို ဝိညာဉ်စိုက်ခင်းဂူတွင် သိမ်းဆည်းကာ သူ၏သိုလှောင်လက်စွပ်ကို ဖြုတ်ယူခဲ့သည်]

လက်တွေ့ကမ္ဘာတွင် စုရှင်းသည် ပျော်ရွှင်မှုလှိုင်း တစ်ခုကို ခံစားရပြီး တွေးလိုက်သည်-

"ဘယ်လောက်တောင် ပြဇာတ်ဆန်တဲ့ ရလဒ်လဲ... စစ်မှန်သော သူတော်စင်ဝမ်မူသာ ငါနဲ့ ပုံမှန်အတိုင်းဘဲ တိုက်ခိုက်ခဲ့မယ်ဆိုရင်၊ သူ့ရဲ့အခြေခံအုတ်မြစ်နဲ့ သစ်သားလမ်းစဉ်ကို ကျွမ်းကျင်မှု‌တွေ ဆေးလုံးတွေနဲ့ဆိုရင်... ငါ သူ့ကို ရက်အနည်းငယ်အတွင်း နှိမ်နင်းနိုင်မှာ မဟုတ်ဘူး!"

"ဒါပေမဲ့ စစ်မှန်သော သူတော်စင်ဝမ်မူက သူ့ရဲ့နတ်အာရုံကို သုံးပြီး တိုက်ခိုက်ပြီးတော့ သူ့သေတွင်းကို သူ တူးလိုက်တာပဲ၊ နောက်ဆုံးမှာ မြေမြိုသွားပြီ အေးရော... ပြီးတော့ ငါ သူ့ကို သတ်နိုင်ခဲ့တယ်!"

စုရှင်း၏ နှလုံးသားသည် ဝမ်းမြောက်မှုဖြင့် ပြည့်နေသည်။ သူသည် စစ်မှန်သော သူတော်စင်ဝမ်မူ၏ သိုလှောင်လက်စွပ် အတွင်းရှိ ဘဏ္ဍာများကို စိတ်အားထက်သန်စွာ မျှော်လင့်နေသည်။

"သေစမ်း၊ ပြီးတော့ အဲဒီဝိညဥ် သွေးကြော နဂါး... ငါ သူ့အသက်ကို ကယ်ခဲ့တယ်၊ ဒါပေမဲ့ သူကကျ ထွက်ပြေးသွားတာလား"

"ဝိညာဉ် သွေးကြော နဂါးတွေက ကျေးဇူးသိတတ်တယ် မဟုတ်ဘူးလား? ဘာလို့ ဒီကောင်က ဒီလောက် ကျေးဇူးကန်းတာလဲ"

"ဟားဟား၊ ဒါပေမဲ့ သူ အဝေးကြီး မပြေးနိုင်ပါဘူး... ဒီနတ်ဘုရား စစ်သည်တော်ခေတ် အကျဉ်းခန်းက သိပ်မကျယ်ဘူး။ သူ ဘယ်ကို သွားနိုင်မှာမို့လဲ"

စုရှင်းသည် သရုပ်ပြခြင်း ဖန်သားပြင်ကို ကြည့်ရင်း တွေးလိုက်သည်။

[သင်သည် ဝိညာဉ်စိုက်ခင်းဂူသို့ ဝင်ရန် ပြင်ဆင်နေစဉ် ရုတ်တရက် နဂါးဟိန်းသံတစ်ခုက သင့်နောက်မှ ထွက်ပေါ်လာသည်။]

[သင်သည် ချက်ချင်း လှည့်ကြည့်လိုက်သည်၊ တစ်ပေကျော် ရှည်သော နဂါးငယ်လေး တစ်ကောင်သည် သင့်ဆီသို့ တိမ်များထဲမှ ပျံသန်းလာသည်ကို တွေ့ရသည်။ ၎င်း၏ မျက်လုံးများတွင် ကျေးဇူးသိတတ်မှုများဖြင့် ပြည့်နေသည်]

[သင်သည် ဝမ်းမြောက်သွားသည်၊ ဤဝိညာဉ် သွေးကြော နဂါးအပေါ် သင် အထင်လွဲခဲ့ပြီဟု တွေးမိသည်။ သူသည် သူ့၏အကြွေးကို ပြန်ဆပ်ရန် လာသည်လားဟု တွေးနေမိသည်]

[ဝိညာဉ် သွေးကြော နဂါးသည် သင့်ဘေးတွင် အသံနိမ့်နိမ့်ဖြင့် နှစ်ကြိမ်သုံးကြိမ် ဟိန်းလိုက်သည်၊ သင်၏ ဒသမအဆင့် သားရဲစကားပြော စွမ်းရာ်ဖြင့် သင်သည် ၎င်း၏အဓိပ္ပာယ်ကို နားလည်လိုက်သည်]

[သူသည် သင့်ထံတွင်ရှိသော ဝိညာဉ်အရည်ကို လိုချင်နေသည်]

[၎င်းသည် သင့်ကို အနည်းငယ် နာကျင်စေသော်လည်း သင်သည် ဝိညာဉ်အရည် တစ်ပုလင်းကို ထုတ်ယူပြီး ပေးလိုက်သည်]

[ဝိညာဉ် သွေးကြော နဂါးသည် ပျော်ရွှင်သွားပြီး ဝိညာဉ်အရည်ကို ကျန်းမာရေး အတွက် အားဆေးတစ်မျိုးကဲ့သို့ အငမ်းမရ သောက်ချလိုက်သည်]

[သူသည် သင့်အား ဝိညာဉ်အရည် ထပ်မံ တောင်းသည်]

[သင်သည် အနည်းငယ် နာကျင်နေသော်လည်း တစ်ခုခုရရှိရန် အတွက် တစ်ခုခု ဆုံးရှုံးရမည်ကို သိသောကြောင့် ဝိညာဉ်အရည်ပုလင်း ရာပေါင်းများစွာကို တစ်ပြိုင်တည်း ထုတ်ယူလိုက်သည်]

[ဝိညာဉ် သွေးကြော နဂါးသည် အလွန် ဝမ်းမြောက်ဝမ်းသာ ဖြစ်သွားပြီး သင့်ကျောပြင်ကို ချစ်ခင်စွာ တွန်းလိုက်သည်၊ ထို့နောက် သန့်စင်သော ဝိညာဉ်စွမ်းအင်ကို ရှုထုတ်လိုက်သည်]

[သင်၏ဒဏ်ရာများ လျင်မြန်စွာ ကျက်သွားသည်ကို သင် ခံစားလိုက်ရသည်။ တစ်ခဏအတွင်း ပြင်းထန်စွာ ဒဏ်ရာရရာမှ ဒဏ်ရာ အနည်းငယ် ရသည့်အဆင့်သို့ ရောက်ရှိသွားသည်]

[သင်သည် အလွန် အထင်ကြီးသွားသည်]

[၎င်းသည် ကမ္ဘာသုံးထောင်၏ ထိပ်တန်းဘဏ္ဍာ ဖြစ်သည်၊ မြေအဆင့်တွင် ထိပ်ဆုံးနေရာ ရရှိသော သတ္တဝါ ဖြစ်သည်။ ဝိညာဉ် သွေးကြော နဂါး၏ ဝိညာဉ်စွမ်းအင် အသက်ရှုထုတ်မှု တစ်ခုတည်းကပင် ဤမျှ ကြောက်မက်ဖွယ် ကောင်းသော အကျိုးသက်ရောက်မှု ရှိသည်]

[ငယ်ရွယ်သော နဂါးလေးက ဝိညာဉ်အရည်ကို အငမ်းမရ သောက်နေသည်ကို မြင်သောအခါ သင်သည် ထိုမျှနာကျင်မှု မခံစားရတော့ချေ]

[ဆယ့်ငါးမိနစ်အတွင်း ဤငယ်ရွယ်သော ဝိညာဉ် သွေးကြော နဂါးသည် ဝိညာဉ်အရည် ပုလင်းတစ်ရာထက် မနည်းကို သောက်သုံးခဲ့သည်]

[ဝိညာဉ်အရည် ပုလင်းတစ်ရာသည် စုစုပေါင်း အစက်တစ်သန်း ဖြစ်သည်!]

[၎င်းသည် လွတ်မြောက်ခြင်း ပြန်လည်ရောက်ရှိခြင်း အဆင့်တွင် သင်၏ကျင့်ကြံမှု အတွက် နှစ်တစ်ဝက်စာ လုံလောက်သည်၊ သို့သော် နဂါးသည် မိနစ်အနည်းငယ် အတွင်း ၎င်းကို သောက်သုံးလိုက်သည်]

[ကျင့်ကြံသူတစ်ဦးသည် ထိုမျှများပြားသော ဝိညာဉ်အရည်ကို အချိန်တိုအတွင်း သောက်သုံးခဲ့ပါက သူတို့သည် ပေါက်ကွဲသွားမည်မှာ သံသယ ဖြစ်ဖွယ် မရှိချေ]

[သို့သော် ဝိညာဉ် သွေးကြော နဂါး၏ မူလက အဖြူရောင် ဖြစ်သော သူ၏နဂါးခေါင်းသည် အနည်းငယ် နီရဲလာခြင်းမှလွဲ၍ မည်သည့် အကျိုးသက်ရောက်မှုကိုမှ မခံစားရသလိုပင်။ သူသည် မတည်မငြိမ် စတင် လှုပ်ရှားလာသည်]

[ဤအခြေအနေတွင်ရှိသော ဝိညာဉ် သွေးကြော နဂါးကို မြင်သောအခါ သင်သည် အံ့အားသင့်သွားပြီး သင် ကြားခဲ့သော ကောလာဟလ တစ်ခုကို သတိရသွားသည်]

[တစ်စုံတစ်ဦးသည် အချိန်တိုအတွင်း ဝိညာဉ်စွမ်းအင် များပြားစွာ စားသုံးမိပါက သို့မဟုတ် ဝိညာဉ်စွမ်းအင် ကြွယ်ဝသော နေရာတစ်ခုသို့ ရုတ်တရက် ဝင်ရောက်ပါက ထူးဆန်းသော ဖြစ်စဉ်တစ်ခု ဖြစ်ပေါ်သည်...]

[ဤဖြစ်စဉ်ကို ဝိညာဉ်မူးယစ်ခြင်းဟု ခေါ်သည်!]

[၎င်းသည် ခန္ဓာကိုယ်နှင့်စိတ် မကြည်လင်လာစေရန် ဝိညာဉ်စွမ်းအင်များစွာ စုပ်ယူခြင်းကို ရည်ညွှန်းပြီး မူးယစ်နေခြင်းနှင့် ဆင်တူသည်]

[ရှင်းနေသည်မှာ ဝိညာဉ် သွေးကြော နဂါးသည် သူ၏ ငယ်ရွယ်သော အသက်အရွယ်တွင် ရှိနေသေးပြီး အမြဲတမ်း အိပ်စက်နေခဲ့သောကြောင့် တစ်ကြိမ်တည်း ဝိညာဉ်အရည်များစွာကို ဘယ်သောအခါမှ မသောက်ဖူးချေ]

[ဝိညာဉ်အရည် အစက်တစ်သန်းကို ရုတ်တရက် သောက်သုံးလိုက်သောကြောင့် ဝိညာဉ်မူးယစ်ခြင်း အခြေအနေသို့ ရောက်ရှိသွားသည်...]

[ဝိညာဉ် သွေးကြော နဂါး၏ မူးယစ်မှု ပိုမို နက်ရှိုင်းလာသည်နှင့်အမျှ သူသည် ခဏတာ မတည်မငြိမ် လှုပ်ရှားပြီးနောက် သင့်ခြေရင်းတွင် လဲလျောင်းကာ အိပ်ပျော်သွားသည်]

[ဝိညာဉ် သွေးကြော နဂါးကို ကြည့်ပြီး သင် မရယ်ဘဲ မနေနိုင်တော့ချေ၊ သင်သည် ကျန်ရှိသော ဝိညာဉ်အရည်ကို သိမ်းဆည်းလိုက်ပြီး ဤနဂါးလေးအား မည်သို့ ကိုင်တွယ်ရမည်ကို ဆုံးဖြတ်ရန် ပြင်ဆင်သည်]

[ထိုအချိန်တွင် သတိပေးချက် တစ်ခုသည် သင့်နှလုံးသားထဲသို့ ရုတ်တရက် ဝင်လာသည်၊ သင်၏ပင်ကိုယ်စိတ်နှင့် ရှစ်မြှောင့် ဗေဒင်ဟောကိန်း နည်းစနစ်သည် ဆိုးရွားသော သတင်းများကို ရူးသွပ်စွာ ပေးပို့နေသည်]

[သင်၏နှလုံးခုန်နှုန်းသည် မြန်ဆန်လာသည်၊ အန္တရာယ်တစ်ခု နီးကပ်လာသည်ကို သင် ခံစားမိသည်]

[သင်သည် မတွေဝေတော့ဘဲ သင်၏ခြေရာများကို ဖျက်ပစ်သည်၊ သင်၏ ကောင်းကင် လျှို့ဝှက်ချက်များကို ကာကွယ်လိုက်သည်၊ ဝိညာဉ် သွေးကြော နဂါးကို ဝိညာဉ်စိုက်ခင်းဂူထဲသို့ ထည့်လိုက်ပြီး အဝေးသို့ အသည်းအသန် ထွက်ပြေးခဲ့သည်]

[စစ်မှန်သော သူတော်စင် ဝမ်မူနှင့် တိုက်ခိုက်ပြီး ကျန်ရစ်ခဲ့သော ခြေရာများကို သန့်ရှင်းရန် အတွက်မူ သင့်တွင် အချိန်မရှိတော့ချေ]

[သင်သည် ဓားပျံကို အသုံးပြုပြီး မိုင်ပေါင်းသောင်းနှင့်ချီ၍ ထွက်ပြေးခဲ့သည်။ သို့သော်လည်း သတိပေးမှု ခံစားချက်သည် ဘယ်သောအခါမှ မလျော့ကျခဲ့ချေ]

[သင်သည် နတ်ဘုရား စစ်သည်တော်ခေတ် အကျဉ်းခန်းမှ ထွက်ပြေးပြီး ကြယ်ပြာသို့ ပြန်လာရန်သာ ရွေးချယ်စရာ ရှိသည်]

[ကျိုတိုသို့ ပြန်လာပြီးနောက် သင်သည် ဝိညာဉ်စိုက်ခင်းဂူသို့ ချက်ချင်း ဝင်ရောက်သည်၊ ထိုနေရာတွင် သတိပေးချက် ခံစားချက်သည် နောက်ဆုံးတွင် မှေးမှိန်စ ပြုလာသည်]

[သင်၏ စိတ်ခံစားမှုများ အနည်းငယ် ငြိမ်သက်လာသည်ကို ခံစားရပြီး သင်သည် သက်ပြင်းချလိုက်သည်]

[တစ်ချိန်တည်းမှာပင် သင်သည် သတိထားလာသည်]

[မည်သည့် အန္တရာယ်က သင့်ကို ဤမျှ ထိတ်လန့်စေနိုင်သနည်း... သင်၏လက်ရှိ ကျင့်ကြံမှုအဆင့်နှင့် ခွန်အားဖြင့်ဆိုလျှင် ကြယ်ပြာပေါ်တွင် သင့်အသက်ကို ခြိမ်းခြောက်နိုင်သူ အနည်းငယ်သာ ရှိသည်]

[အများကြီး စဉ်းစားပြီးနောက် သင်သည် အကြီးမားဆုံး ဖြစ်နိုင်ခြေမှာ နဂါး စောင့်ရှောက်သူသာ ဖြစ်လိမ့်မည်ဟု ယုံကြည်သည်!]

[မည်သို့ပင်ဆိုစေကာမူ နဂါး စောင့်ရှောက်သူသည် ကျင့်ကြံသူ တစ်ဦးလည်းဖြစ်ပြီး ဝိညာဉ် သွေးကြော နဂါးကဲ့သို့ပင် နဂါးမျိုးနွယ်စုဝင်လည်း ဖြစ်သည်။ သူသည် ဝိညာဉ် သွေးကြောနဂါး၏ တည်ရှိမှုကို ခံစားမိပြီး သင့်ကို ရှာတွေ့ခဲ့ခြင်း ဖြစ်နိုင်သည်]

[အကြောင်းပြချက်ကို သင် သေချာမသိပါ၊ သို့သော် ကံကောင်းထောက်မစွာဖြင့် ဝိညာဉ်စိုက်ခင်းဂူတွင် နေခြင်းသည် ခေတ္တခဏမျှတော့ လုံခြုံသည်]

[နဂါးစောင့်ရှောက်သူသည် သန်မာသော်လည်း ဝိညာဉ်စိုက်ခင်းဂူကို ရှာဖွေနိုင်မည် မဟုတ်ချေ]

[သင်သည် စိတ်ငြိမ်သွားပြီး မူးယစ်နေသော နဂါးလေးကို ကြည့်လိုက်သည်။ သင်သည် ၎င်းအား မည်သို့ ကိုင်တွယ်ရမည်ကို တွေးတောနေသည်]

…