ယင်ကိုးပါးစစ်မှန်သောနတ်ဘုရား၊ ငါအရင်သွားနှင့်ပြီ

Vol. 37 Ch. 553

ယခုအခါ ၎င်းတို့တွင် စစ်မှန်သောနတ်ဘုရားများ၏ ပံ့ပိုးကူညီမှုရရှိနေပြီဖြစ်သောကြောင့် မျိုးသုဉ်းမည်ကို စိုးရိမ်ရန်မလိုတော့ချေ။ ရီမိသားစု ပါဝင်သည်ဖြစ်စေ မပါဝင်သည်ဖြစ်စေ ၎င်းတို့ကို များစွာထိခိုက်စေမည်မဟုတ်ပေ။

“ရီမိသားစုက သိပ်ပူးပေါင်းဆောင်ရွက်မှုမရှိတာမို့ ဒီကိစ္စပြီးသွားတဲ့အခါ သူတို့ရှိနေဖို့ မလိုတော့ဘူး” ဟု ၎င်းတို့တွေးထားသည်။

၎င်းတို့အတွက် လုံခြုံရေးအာမခံချက် ရရှိသွားသောအခါ လူတိုင်းက လျှို့ဝှက်အကြံအစည်များကို ထုတ်ဖော်လာသည်။ ဤတစ်ကြိမ်တွင် ၎င်းတို့ပေးရသည့်စျေးက အလွန်တန်ဖိုးကြီးသောကြောင့် ရီမိသားစုကသာ ဘာမှမစိုက်ထုတ်ဘဲ ဆက်လက်ရှင်သန်နိုင်လျှင် ၎င်းတို့အတွက် မမျှတပေ။

၎င်းတို့ပေးဆပ်ရသည့် အဖိုးအခအတွက် တခြားတစ်ယောက်ယောက်ကသာ ပေးနိုင်လျှင် အကောင်းဆုံးဖြစ်လိမ့်မည်။ ၎င်းအတွက် ရီမိသားစုက ပြီးပြည့်စုံသည့် ပစ်မှတ်တစ်ခုဖြစ်လာ၏။

ရီမိသားစု၏ အရွက်တစ်ထောင်ဆေးခန်း ဂုဏ်သတင်းသည် ယခင်တည်းက ပင်ကိုပျက်ဆီးခြင်းပင်လယ်တွင် အလွန်ထင်ရှားသောကြောင့် ၎င်းတို့အတော်အတန် မနာလိုဖြစ်ကြသည်။

ရီမိသားစုတွင် အထွတ်အထိပ်မဟာသူတော်စင် တိုက်ခိုက်ေးးစွမ်းအားရှင်ရှိသော်လည်း ၎င်းတို့ထဲတွင် အထွတ်အထိပ် မဟာသူတော်စင်များစွာရှိသောကြောင့် ရီမိသားစုကို ကြောက်ရွံ့မနေသင့်ပေ။

“နတ်ဘုရားလက်နက်ဂိုဏ်းက သဘောတူတယ်”

"ငါတို့လဲ သဘောတူပါတယ်!"

…

လှုပ်ရှားမှုမစတင်မီကပင် ၎င်းတို့သည် ရီမိသားစုအတွက် ရလဒ်ကို ဆုံးဖြတ်ထားပြီးဖြစ်သည်။

အခြားသော အင်အားစုများသည် ဤဂိုဏ်းအသီးသီး၏ အစီအစဉ်များကို မသိရှိကြပေ။ တစ်ချိန်တည်းတွင် ကူညီဖေးမရန်လည်း မရည်ရွယ်ခဲ့ချေ။

လျှို့ဝှက်ဆန်းကြယ်သည့် စစ်မှန်သောနတ်ဘုရားသည် ဤလက်နက်သန့်စင်ရေးဂိုဏ်းများကို ကိုင်တွယ်ဖြေရှင်းပြီးနောက် ၎င်းတို့အား ပစ်မှတ်ထားခံရမည်ကိုသာ စိုးရိမ်နေကြသည်။ စစ်မှန်သော နတ်ဘုရားနယ်မြေကျွမ်းကျင်သူက တိုက်ခိုက်လာမည်ဆိုလျှင် ၎င်းတို့သည်လည်း ခံနိုင်ရည်ရှိမည်မဟုတ်ပေ။

အဆက်အသွယ်ရှိသောအင်အားစုအသီးသီးကမူ ၎င်းတို့၏ နတ်စွမ်းရည်များကို ထုတ်ပြလာကြသည်။

ပင်ကိုပျက်ဆီးခြင်းပင်လယ်တွင် စစ်မှန်သောနတ်ဘုရားနယ်မြေ ကျွမ်းကျင်သူများမရှိသော်လည်း အခြားစကြာဝဠာများတွင် မည်သူမျှမရှိဟုမဆိုလိုချေ။

ဤအထွတ်အထိပ်စွမ်းအားရှင်အများအပြားသည် ယခင်က အပြင်သို့လှည့်လည်သွားလာကြဖူးသည်။

၎င်းတို့ဘက်မှ အလုံအလောက် ပေးဆောင်ရန် ဆန္ဒရှိနေသရွေ့ အကူအညီတောင်းဆိုရန် သင့်လျော်သောသူကို ရှာဖွေနိုင်မည်ဖြစ်သည်။

မကြာမီ ရှားပါးသည့် စစ်မှန်သောနတ်ဘုရားများသည် ပင်ကိုပျက်ဆီးခြင်းပင်လယ်ထဲမှ အဓိက အင်အားစုများထံမှ ဆက်သွယ်ခံခဲ့ရသည်။

ကပ်ဆိုးကြီးတစ်ခုကြုံလာတိုင်း အဖိုးအခက မနည်းကေ။ သို့သော်လည်း ဂိုဏ်းအများစုသည် ၎င်းတို့၏နောက်ဆုံးအကူကို မထုတ်ဖော်သေးဘဲ အားနည်းသည့်အင်အားစုများကသာ ရန်သူရောက်ရှိလာခြင်းကို တုံးအစွာထိုင်စောင့်နေကြသည်။

ထိုအချိန်တွင် နတ်ဆိုးကမ္ဘာသည် နတ်ဘုရားလက်နက်ဂိုဏ်းရှိရာသို့ ရောက်ရှိလာပြီဖြစ်သည်။

"တကယ်တော့ ဒီမှာ ထိပ်တန်းမဟာသူတော်စင်လက်နက်သန့်စင်သူ ငါးယောက်ရှိတယ်။ ငါအားထုတ်ရသက်သာသွားတာပေါ့"

အဓိကအင်အားစုများ၏ အကြီးအကဲများက နတ်ဘုရားလက်နက်ဂိုဏ်းတွင် စုရုံးခဲ့ကြသောကြောင့်

လျှို့ဝှက်ဆန်းကြယ်သည့် စစ်မှန်သောနတ်ဘုရား ရောက်လာချိန်တွင် ချက်ချင်းတုံ့ပြန်နိုင်ကြသည်။

လျှို့ဝှက်ဆန်းကြယ်သည့် စစ်မှန်သောနတ်ဘုရား၏ တိုက်ခိုက်မှုကြောင့် ဂိုဏ်း၏အလယ်တန်းနှင့် အဆင့်နိမ့်စွမ်းအားရှင်များ ဖျက်ဆီးခံရသည်ကတော့ ၎င်းတို့နှင့်မသက်ဆိုင်ပေ။ ၎င်းတို့ အသက်ရှင်နေသရွေ့ ဂိုဏ်းကိုပြန်လည်တည်ဆောက်နိုင်သေးသည်။

"လျှို့ဝှက်ဆန်းကြယ် စစ်မှန်တဲ့နတ်ဘုရားက ဒီကိုရောက်နေပြီ၊ နတ်ဘုရားလက်နက်ဂိုဏ်း စစ်ကူတောင်းဖို့ မြန်မြန်လုပ်!"

ကမ္ဘာမြေကြီးက စစ်မှန်သောနတ်ဘုရားကို လုံးဝဖုံးကွယ်ထားခြင်း မရှိဘဲ၊ များပြားလှသော မဟာသူတော်စင်စွမ်းအားရှင်များက ၎င်းကို ချက်ချင်း တွေ့ရှိခဲ့သည်။ နတ်ဘုရားလက်နက် မဟာသူတော်စင်၏အမူအရာမှာ အလွန်တင်းမာလာပြီး သူအတော်လေး မသက်မသာဖြစ်နေပုံရသည်။

သူစိုးရိမ်မိသည်မှာ အကောင်းဆုံးရလဒ်အနေဖြင့် ထိပ်တန်းအဆင့် မဟာသူတော်စင်လက်နက်သန့်စင်သူနှစ်ဦးကို လုယူပြီးနောက် လျှို့ဝှက်ဆန်းကြယ်သောစစ်မှန်သောနတ်ဘုရား ကျေနပ်သွားရန်ဖြစ်သည်။ ဤနည်းဖြင့် သူသည် လျှို့ဝှက်ကတ်ကို သိမ်းထားနိုင်မည်ဖြစ်ကာ တစ်ချိန်တည်းတွင် အရင်းအမြစ်များစွာကို ရရှိနိုင်သည်။

နောက်ဆုံး အရင်းအမြစ်များ သူ့လက်ထဲရောက်ပြီးမှ ပြန်ပေးမည် မပေးမည်က သူ့အပေါ်မှာသာ မူတည်လိမ့်မည်။ သို့သော်လည်း ယခုတွင် လျှို့ဝှက်ဆန်းကြယ်သည့် စစ်မှန်သောနတ်ဘုရား အမှန်တကယ်ရောက်လာပြီး စစ်မှန်သောနတ်ဘုရားတစ်ပါးအား အကူညီတောင်းရန်မှလွဲ၍ ရွေးချယ်စရာမရှိတော့ပေ။

သူသည် အချိန်မဆွဲဝံ့ဘဲ စစ်မှန်သောနတ်ဘုရားထံ အကူအညီအတွက်အချက်ပေးရန် နတ်စွမ်းအားနှင့် ချက်ချင်းပေါင်းစည်းလိုက်သည်။ နောက်အခိုက်အတန့်တွင် နောက်ထပ် စစ်မှန်သောနတ်ဘုရားရောင်ဝါသည် နတ်ဘုရားလက်နက်ဂိုဏ်း၏ အထက်တွင် ပေါ်လာသည်။

“ဒီပုရွက်ဆိတ်တွေက စစ်မှန်တဲ့နတ်ဘုရားကို ဘယ်လိုခေါ်နိုင်မှာလဲ”

နတ်ဆိုးကမ္ဘာ စစ်မှန်သောနတ်ဘုရားသည် ဤကဲ့သို့နုံချာသောစွမ်းအားရှင်များက မလွယ်ကူသောလုပ်ဆောင်မှုဖြစ်သည့် စစ်မှန်သောနတ်ဘုရားကိုခေါ်ဆောင်နိုင်သည့်အတွက် အနည်းငယ်အံ့သြနေသည်။

သို့သော် နတ်ဆိုးကမ္ဘာ စစ်မှန်သောနတ်ဘုရားသည် ဆုတ်ခွာရန် ရည်ရွယ်ချက်မရှိပေ။ တကယ်တမ်းတွင် ၎င်းသည် သူ၏ကြောက်ရွံ့မှုနှင့် မထိုက်တန်သော အစောပိုင်းစစ်မှန်သောနတ်ဘုရားအဆင့်တစ်ခုမျှသာဖြစ်သည်။ ဤနေရာသည် ကောင်းကင်ဘုံချိတ်ဆက်နယ်မြေ မဟုတ်သောကြောင့် ဤနေရာ၌ သူ့အတွက် မည်သည့်ကန့်သတ်ချက်မှ မရှိပေ။

"နတ်ဘုရားလက်နက်ဂိုဏ်းက ဘာလို့ ငါ့ကိုခေါ်တာလဲ"

"ယင်ကိုးပါး စစ်မှန်တဲ့နတ်ဘုရား၊ ကျွန်တော်တို့ဂိုဏ်းက အကျပ်အတည်းနဲ့ ရင်ဆိုင်နေရလို့ အကူအညီ တောင်းခဲ့ရတာပါ။ ဂိုဏ်းကို တစ်ခါလောက် ကာကွယ်ပေးပြီး ရန်သူကိုသတ်ဖို့ ကူညီပေးမယ်လို့ မျှော်လင့်ပါတယ်"

ထိုအချိန်တွင် ယင်ကိုးပါးစစ်မှန်သောနတ်ဘုရားသည် အနီးနားရှိ နတ်ဆိုးကမ္ဘာစစ်မှန်သောနတ်ဘုရားကို သတိပြုမိခဲ့သည်။ထို့နောက်တော့ သူ ဖြူဖပ်ဖြူရော် ဖြစ်သွားသည်။ အလယ်အလတ်အဆင့် စစ်မှန်သော နတ်ဘုရားသည် သူ၏အင်အားနှင့် ယှဉ်နိုင်မည့်သူမဟုတ်ချေ။

နတ်ဘုရားလက်နက်ဂိုဏ်းက အကူအညီတောင်းနေခြင်းမဟုတ်ဘဲ သူ့အား စစ်မှန်သောနတ်ဘုရားထံမှ သတ်ဖြတ်ခံရစေလိုခြင်းသာ ဖြစ်ရမည်။ ယခုအချိန်တွင် ယင်ကိုးပါးစစ်မှန်သောနတ်ဘုရားသည် မတည်ငြိမ်နိုင်တော့ပေ။ သူ့မျက်နှာက အလွန်ရုပ်ဆိုးနေလေသည်။

ဖြစ်နိုင်လျှင် သူသည် ၎င်းတို့ဆင့်ခေါ်မှုကိုသာ မကြားချင်ယောင်ဆောင်နေသင့်သည်။ သို့ဖြစ်လျှင် သူသည်လည်း ဤကဲ့သို့ကြောက်မက်ဖွယ်ကောင်းသော စွမ်းအားရှင်နှင့် ရင်ဆိုင်ရမည်မဟုတ်ချေ။ သို့သော်ယခုမှတော့ ထွက်သွားရုံနှင့်လည်း မရတော့ပါ။

နတ်ဘုရားလက်နက်ဂိုဏ်းကို သူမကာကွယ်နိုင်သော်လည်း နတ်ဘုရားလက်နက်မဟာသူတော်စင်ကို ကာကွယ်နိုင်သရွေ့ သူ၏ကတိကို ပြည့်စုံစေမည်ဖြစ်ကာ အနာဂတ်တွင် ရှုပ်ထွေးတော့မည်မဟုတ်ပေ။

နတ်ဘုရားလက်နက်မဟာသူတော်စင်က စစ်မှန်သောနတ်ဘုရားအား အမှန်တကယ် ဆင့်ခေါ်ခဲ့သည်ကို တွေ့မြင်ရသောအခါတွင် အခြားသော မဟာသူတော်စင်အားလုံး စိတ်လှုပ်ရှားလာကာ ၎င်းတို့၏အကြည့်များသည်လည်း ပြောင်းလဲသွားခဲ့သည်။ ဤအရေးကြီးသောအချိန်တွင် သူတို့သည် နတ်ဘုရားလက်နက်မဟာသူတော်စင်ကို ယုံကြည်ထားရန် လိုအပ်သည်။