အထက်ကမ္ဘာ ပျက်စီးသွားပြီ

ကောင်းကင်ကနေ နတ်ဘုရားအလောင်းတွေဟာ မိုးရေစက်တွေလို ရွာချပြီး လေထဲမှာ တောက်လောင်နေကြသည်။ မီးတောက်များက ညကောင်းကင်ကို လင်းထိန်စေကာ တောက်ပနေသော လမင်းကိုပင် မှေးမှိန်သွားစေခဲ့သည်။

၎င်းတို့သည် မိသားစု ဆယ့်သုံးစုရှိ ဘိုးဘေး အဆက်ဆက်တို့၏ အလောင်းများဖြစ်ပြီး အဆက်မပြတ် ပြိုကျလာ​နေသည်။

ဤအခိုက်အတန့်တွင် နှစ်ထောင်ပေါင်းများစွာ စုဆောင်းထားသော နတ်ဘုရားတန်ခိုးတော်များ ပြိုကျပြီး ကောင်းကင်နှင့် မြေကြီးကြားရှိ မဖြောင့်မတ်ခြင်းနှင့် နာကြည်းမှုအဖြစ် ပြောင်းလဲကာ ကမ္ဘာကြီးကို ညစ်ညမ်းစေကာ မြေကြီးကို အာဟာရဖြစ်စေသည်။

ထို့အတူ အထက်ကမ္ဘာ ပြိုကျသွားချေပြီ။

ကျယ်ပြောလှသော အတုအယောင်နယ်မြေ ၁၉၀၀ ကျော်ဖြင့် ဖွဲ့စည်းထားသည့် ဤကြီးကျယ်ခမ်းနားသော အထက်ကမ္ဘာသည် မယုံနိုင်လောက်အောင် ပြင်းထန်သော စွမ်းအားများအောက်တွင် ပြိုကျသွားခဲ့သည်။ တောင်များ၊ မြစ်များ၊ ရေကန်များ၊ ပင်လယ်များ၊ နေ၊ လနှင့် ကြယ်များသည် အချို့က လွင့်ထွက်သွားကြပြီး အချို့က ကြောက်မက်ဖွယ်ဟောက်သံများဖြင့် ကောင်းကင်မှ ပြိုကျသွားသည်။

"ဗုန်း!!"

မျက်လုံးပုံသဏ္ဌာန်ရှိသော နေလုံးသည် ကောင်းကင်မှ ပြုတ်ကျလာပြီး ချန်ရှီ ရပ်နေသည့်နေရာနှင့် မဝေးသော တောင်ကုန်းပေါ်သို့ ကျသွားသည်။ မီးတောက်များဖြင့် တောက်လောင်နေသော ပတ်ဝန်းကျင်ကို မီးပင်လယ်အဖြစ်သို့ လျင်မြန်စွာ လောင်ကျွမ်းသွားစေခဲ့သည်။

မီးတောက်လမ်းကို လိုက်နေသည့် အခြားနတ်ဘုရား၏ ဦးခေါင်းသည် တောင်ထိပ်ကိုဖြတ်၍ ဖြတ်ပြေးသွား၏။ ချန်ရှီသည်ပင် ကြီးမားသော ဦးခေါင်းကို လက်မြှောက်ထားရုံဖြင့် ထိနိုင်လောက်သည်။

ထိုနတ်ဘုရား၏ မျက်နှာသည် ထိတ်လန့်တုန်လှုပ်နေသည့် အသွင်ကို ဆောင်ထားဆဲ ဖြစ်သော်လည်း ၎င်း၏မျက်နှာသည် လျင်မြန်စွာ မှိန်ဖျော့သွားပြီး အသက်မရှိ​တော့ပေ။ ဆယ်မိုင်ကျော်အကွာတွင် ပြိုကျသွားခဲ့ပြီးနောက် ပတ်ဝန်းကျင်ရှိ သစ်ပင်များသည် တောရိုင်းများပေါက်ဖွားလာကာ မကြာမီ တောအုပ်​ကြီးတစ်ခုကဲ့သို့ ထူထပ်လာသည်။

ချန်ရှီ အဝေးမှ ငေးကြည့်လိုက်သော် အနှီဦးခေါင်းအောက် လွှမ်းမိုးခံထားရသော အပင်များသည် အသက်ဝင်သွားသလိုပင် လှုပ်ခါလာသည်ကို တွေ့လိုက်ရသည်။

ဤသည်မှာ ညစ်ညမ်းမှု ပုံစံတစ်ခုဖြစ်သည်။

ဤနတ်ဘုရားများသည် ၎င်းတို့၏သက်တမ်းတစ်လျှောက်တွင် မဟာယာနနယ်ပယ်၏ ကြီးမြတ်သော ပြီးပြည့်စုံမှုသို့ ရောက်လေ့ရှိသော မိသားစုကြီးများ၏ ဘိုးဘေးများဖြစ်သည်။ သူတို့ကျင့်ကြံမှု မြင့်မားလေ၊ ၎င်းတို့အတွက် နတ်ဆိုး အသွင်ပြောင်းရန် နီးကပ်လေလေ ဖြစ်သည်။

သူတို့၏ သက်တမ်းတစ်လျှောက်တွင် ၎င်းတို့၏ ခန္ဓာကိုယ်အတွင်း များပြားသော မကောင်းသော စွမ်းအင်များ စုဆောင်းမိခြင်းကြောင့် ၎င်းတို့အား အမတ မဖြစ်အောင် တားဆီးခဲ့သည်။ သေပြီးနောက် နတ်ဘုရားများဖြစ်လာကြသည်။ သူတို့ခန္ဓာကိုယ်များ ဆွေးမြေ့သွားသော်လည်း ရွှေရောင်ကိုယ်ထည်ဖြင့် ချည်နှောင်ထားသော ဝိညာဉ်များသည် နတ်ဆိုး အသွင်ကူးပြောင်းမှု မဖြစ်အောင် တွန်းလှန်နေရဆဲ။

ယခုအခါ ၎င်းတို့ကို သတ်ဖြတ်ပြီး ၎င်းတို့၏ ရွှေရောင်ကိုယ်ထည်များကို ဖျက်ဆီးလိုက်ရာ ၎င်းတို့အတွင်းမှ မကောင်းသော စွမ်းအင်များသည် အထိန်းအကွပ်မဲ့ ပြည့်လျှံနေပြီး ပတ်ဝန်းကျင်ရှိ သစ်ပင်ပန်းမန်များနှင့် တိရစ္ဆာန်များကို ထိခိုက်သွားစေသည်။

ချန်ရှီီသည် တောင်ပေါ်၌ ရပ်ကာ ပြိုကျနေသော အထက်ကမ္ဘာကို ကြည့်ကာ သက်ပြင်းကို တိုးတိုးလေး ချလိုက်သည်။

"ရန်ပိ.. ငါတို့မျိုးဆက် ကျင့်ကြံသူအတွက် ကြီးကျယ်ခမ်းနားတဲ့ စွမ်းအားအားလုံးက ကိုယ့်အတွက်ပဲလို့ ပြောခဲ့တယ်မလား... အထက်ကမ္ဘာက ဝံပုလွေတစ်အုပ်ကိုပဲ မွေးမြူထားတာ ပြင်းထန်တဲ့ နဂါးအစစ်၊ ကျားတစ်ကောင်ကို မွေးမြူဖို့ ငါတို့ရဲ့ အမွှေးနံ့သာနဲ့ စွမ်းအင်အားလုံးကို အာရုံစူးစိုက်ထားရတာ... ဒီလိုတန်ခိုးကြီးတယ်လို့ ထင်ရတဲ့ နတ်ဘုရားတွေကို မှီခိုနေရတာက ဘာအသုံးဝင်လို့လဲ?"

ခေါင်းကို အနည်းငယ် ခါယမ်းလိုက်ပြီး လက်ကိုဝှေ့ယမ်းကာ မရေမတွက်နိုင်သော အကိုင်းအခက်များနှင့် သစ်ရွက်ခြောက်များ ပတ်ပတ်လည်မှ ပျံတက်သွားပြီး တောင်များကိုဖြတ်၍ ပျံသန်းနေသော ငှက်များအဖြစ်သို့ ပြောင်းလဲသွားသည်။

"ထောက်ခံမှုမဏ္ဍိုင်မရှိရင် မင်းရဲ့ကိုယ်ပိုင်အရည်အချင်းနဲ့ စိတ်ပျက်ဖွယ်ကုန်းစောင်းနဲ့ ဘယ်လိုလုပ် ရင်ဆိုင်နိုင်မှာလဲ... ကောင်းကင်အထက်က နတ်ဘုရားနဲ့ ဘယ်လိုလုပ် ရင်ဆိုင်နိုင်မှာလဲ။ အထက်ကမ္ဘာ ဆိုတာ အိပ်မက်ကလွဲလို့ ဘာမှမရှိဘူး..."

သူသည် ဘုံကျောင်းကို တောင်များပေါ်တွင် လျင်မြန်စွာ ထားရှိပြီး ထိုနေရာသို့ အမြန်ထွက်သွားခဲ့သည်။ ကောင်းကင်ယံ၌ လေပြင်းများ ပြင်းထန်လာ၏။ ကျယ်ပြောလှသော ဘုံလောကသည် အဆက်မပြတ် ကွဲကြေသွားကာ ကုန်းမြေသည် ၎င်းတို့နှင့်အတူ မီးတောက်များကြား ဆွဲငင်ခံနေရပြီး အသေကမ္ဘာအဖြစ် ပြုတ်ကျသွားသည်။

အထက်ကမ္ဘာသည် အတုအယောင်ပြန်ခြင်းဘုံ၊ မဟာယာနနယ်ပယ်က ကျင့်ကြံသူများ ဖန်တီးထားသော အတုအယောင် ကမ္ဘာတစ်ခုမျှသာ ဖြစ်သော်လည်း ထိုသူများသည် အတုအယောင်များကို အမှန်အဖြစ်သို့ ပြန်လည် သန့်စင်စေပြီး တောင်များ၊ မြစ်များနှင့် မြေများကို အစစ်ဟုထင်မြင်စေကာ ရလဒ်သက်ရောက်မှုမှာ အလွန်ကြောက်စရာကောင်းသည်။

လှိုင်းလုံးများသည် ​လေ​ပြင်းများကို နှိုးဆော်ပြီး လေနှင့် မီးတို့ အရပ်ရပ်သို့ ရွေ့လျားသွားသည်။

ကြီးမားသော ကြယ်များစွာသည် ကောင်းကင်မှ ကြွေကျကာ ညကောင်းကင်ကို ဖြတ်တောက်ကာ တောက်လောင်နေသော ဥက္ကာပျံများအဖြစ် ပြောင်းလဲသွားသဖြင့် ကောင်းကင်ကြီးက ပိုမိုတောက်ပလာ၏။ နေနှင့်လများစွာမှာ ထူးဆန်းသော မျက်လုံးများကဲ့သို့ ကောင်းကင်အထက်မှ လိမ့်ဆင်းလာသည်။

နတ်ဘုရားဘွဲ့ကို အပ်နှင်းပြီးနောက် ချန်ရှီသည် ဟေးကော်နှင့် သစ်သားလှည်းကို ဆင့်ခေါ်ကာ အသစ်စက်စက် စိုက်ပျိုးထားသည့် တောင်သို့ ခရီးထွက်ရန် ပြင်ဆင်​နေခဲ့သည်။

ဤတစ်ကြိမ်တွင် အထက်ကမ္ဘာ မြေပြိုကျမှုကြောင့် ၎င်း၏တောင်တန်းအများအပြားသည် သက်ရှိကမ္ဘာထဲသို့ ကျရောက်ခဲ့ပြီး ကြီးမားသောဒုက္ခများ ဖြစ်စေလိမ့်မည်။ ဒါက ဟွာရှနတ်ဘုရားများ၏ ဘုံကျောင်းများကို ရှာဖွေရန် ပိုမိုခက်ခဲစေသည်။

ထိုအချိန်တွင် ကောင်းကင်ကြီးက ထူးထူးခြားခြား တောက်ပလာသည်။ ချန်ရှီ မျှော်ကြည့်လိုက်သော် ကြောက်မက်ဖွယ်ရာ အမတ အလင်းရောင်များဖြင့် တောက်နေသော ရှေးဟောင်း အမတနန်းတော်ကိုးခုကို တွေ့လိုက်ရသည်။ ကောင်းကင်နှင့်မြေကြီး၏ ကြီးမားသောစွမ်းအားဖြင့် ၎င်းတို့သည် တူညီသော ဦးတည်ရာဆီသို့ တွန်းတိုက်​နေခဲ့ကြသည်။

ကျူးရှို့ချိုင်နဲ့ နတ်သမီးရှောင်သွမ့်တို့လည်း ထိတ်လန့်သွားပြီး ဤရင်သပ်ရှုမောဖွယ် မြင်ကွင်းကို မော့ကြည့်ရင်း ဘုံကျောင်းငယ်လေးထဲမှ ပြေးထွက်လာခဲ့သည်။

အဲဒါက ဘုရင်ကျန်းရဲ့ နန်းတော်ကိုးခုပဲ။

စာမေးပွဲ စစ်ဆေးနေစဉ်အတွင်း နတ်သမီးရှောင်သွမ့်သည် ချီးရှာဘုံကျောင်း အလုံပိတ်ကမ္ဘာမှ လွတ်မြောက်ရန် အခွင့်အရေးကို ရယူခဲ့ပြီး ဘုရင်ကျန်း ချန်ခဲ့သော နန်းတော်၏တိုက်ခိုက်ခြင်းကို ခံခဲ့ရသည်။

ထိုတိုက်ပွဲတွင် သူမအား ဒဏ်ရာအပြင်းအထန်ရကာ သတိလစ်မေ့မြောသွားကာ ဒဏ်ရာဟောင်းများက သူမကိုယနေ့တိုင်တိုင် နှိပ်စက်နေဆဲ ဖြစ်သည်။ ထိုအချိန်တွင် ဘုရင်ကျန်း၏ နန်းတော်ကိုးခုကို စတင်လုပ်ဆောင်ခဲ့သူများက အစိုးရအဖွဲ့၏ ဝန်ကြီးဆယ့်သုံးပါး ဖြစ်သည်။

ထိုလူအများစုသည် အတုအယောင်နယ်မြေများ ဖန်တီးနိုင်သူ မဟာယာနနယ်ပယ် နှစ်ဦး သို့မဟုတ် သုံးဦးသာ ရောက်ရှိခဲ့ကြသည်။

ယခုတစ်ကြိမ်တွင် ရာနှင့်ချီသော မဟာယာနနတ်ဘုရားများသည် စစ်မှန်သော ဘုရင်ကျန်း၏ နန်းတော်ကိုးခုကို အသက်သွင်းရန် ၎င်းတို့၏ အကန့်အသတ်မရှိသော နတ်တန်ခိုးများကို စည်းရုံး​နေခဲ့သည်။

ဝမ်ယွမ်းနန်းတော်၊ ဝူယင်းနန်းတော်၊ ဟွာဟိုက်နန်းတော်၊ အရှေ့ပိုင်းအဆောက်အအုံ၊ ဝမ်ဟွာနန်းတော်၊ ကျန့်ယိနန်းတော်၊ ကျုံးကျီနန်းတော်၊ ကျင်ရှန်းနန်းတော် နဲ့ ကျန့်ကျီနန်းတော်။ အမတ ရှေးဟောင်းပစ္စည်းကိုးခုသည် ကောင်းကင်နှင့်မြေကြီး၏ အမြင့်မြတ်ဆုံးသော စွမ်းအားကိုသယ်ဆောင်ပြီး ကောင်းကင်နှင့်မြေကြီးကို ဆက်သွယ်ထားသော ၎င်းတို့၏ ရောင်ဝါများသည် တူညီသော နေရာသို့ ပေါက်ကွဲသွားပါသည်။

ကောင်းကင်မှာ အလင်းရောင်တွေ လျှံကျနေပြီး မိုးခြိမ်းသံတွေ၊ လေနဲ့ မီးတွေ တဟုန်းဟုန်းတောက်နေသည်။

နန်းတော်ကိုးခု အပြင်ဘက်တွင် ဧကထောင်ပေါင်းများစွာ လွှမ်းခြုံထားသည့် လော်ထီးတစ်လက်သည် ဖြည်းညှင်းစွာ ပွင့်လာသည်။ ထီးအောက်မှာ စိမ်းပြာရောင် နေရောင်က လျှပ်စီးကြောင်းတွေကို တုန်ခါပြီး လှည့်ပတ်နေ၏။

နောက်ထပ် အလင်းကွင်းနှစ်ကွင်း ပြုတ်ကျလာပြန်သည်။ ခရမ်းရောင်တစ်ခုနှင့် စိမ်းပြာရောင်တစ်ခု။ ၎င်းတို့ ပြုတ်ကျလာရာ လမ်းကြောင်းရှိ အရာအားလုံး ကြေမွသွားခဲ့သည်။

ကျောက်စိမ်းပုတီးစေ့နှစ်ခုသည် လေထဲသို့ ပျံတက်သွားကာ ရုတ်တရက် နေနှင့်လအဖြစ် ပြောင်းလဲကာ တစ်ခုနှင့်တစ်ခု လည်ပတ်နေသည်။ တိုက်မိသည့်အခိုက်တွင် ပြိုင်ဘက်ကင်း အင်အားတစ်ခု ထွက်ပေါ်လာသည်။ ၎င်းတို့ ပြန်ခွဲခွာလိုက်တဲ့အခါ ကြားထဲက အရာအားလုံး ပြိုကျသွား၏။

၎င်းအပြင် ပြိုးပြိုးပြက်ပြက် တောက်နေသော ဓားမီးတောက်များ၊ သွေးဆာနေသော ဓားသွားများနှင့် ထူးထူးဆန်းဆန်း အမတ လက်နက်မျိုးစုံတို့သည် လေထဲသို့ ပျံတက်သွားကာ အားလုံးသည် ဦးတည်ချက် တစ်ခုအတိုင်း တိုက်ခိုက်နေကြသည်။

အထက်ကမ္ဘာသည် နန်းတော် ကိုးခုထက်မက စည်းရုံးခဲ့ရသည်။ နန်းတော်ကိုးခုအပြင် အမတ ရှေးဟောင်းပစ္စည်း တစ်ဒါဇင်ကျော်လည်း ရှိသေးသည်။

ရုတ်တရက် ချန်ရှီ၊ နတ်သမီးရှောင်သွမ့်တို့သည် ဝူယင်းနန်းတော် အပိုင်းပိုင်း ကွဲအက်သွားသည်ကို စောင့်ကြည့်​နေခဲ့ကြပြီး ကျန့်ယိနန်းတော် ပေါက်ကွဲပြီးနောက် ဝမ်ယွမ်းနန်းတော်လည်း မမြင်နိုင်သော အင်အားဖြင့် ထိုးဖောက်ခံလိုက်ရသည်။

အထက်ကမ္ဘာ၌ ပေါ်ပေါက်နေသော ကြောက်မက်ဖွယ် မြင်ကွင်းကို ကွက်ကွက်ကွင်းကွင်း စိုက်ကြည့်ရင်း သူတို့အားလုံး ထိတ်လန့် တုန်လှုပ်သွားကြသည်။

ကျန့်ကျီနန်းတော်သည် ကျင်ရှန်းနန်းတော်ထဲသို့ ပျက်ကျခဲ့ပြီး ဆန့်ကျင်ဘက် အင်အားဖြင့် ထိမှန်သော အမတရှေးဟောင်း ပစ္စည်းနှစ်ခု၊ ကြွေပြားများ ပျံသွားခြင်း၊ ကျောက်စိမ်းတိုင်များ ကျိုးသွားကာ အခြေခံအုတ်မြစ်များ ကွဲအက်သွားသည်။

အရှေ့ပိုင်းအဆောက်အအုံ ပြိုကျပြီး ကျုံးကျီနန်းတော်နှင့် ဟွာကိုက်နန်းတော်သည် အထက်ကမ္ဘာကို ဖြတ်ကျော်ကာ ထိန်းမနိုင်သိမ်းမရ ဖြစ်လာပြီး ကောင်းကင်နတ်ဘုရား တစ်ဒါဇင်ကျော်ပေါ်သို့ ကျိုးကျလာရာ ၎င်းတို့ ခြေလက်များ ကြေမွသွားကာ လေထဲမှ ပြုတ်ကျသွားသည်။

ထို့နောက် ဝမ်ဟွာနန်းတော်သည် နောက်မှလိုက်၍ မထင်မှတ်ထားသော အင်အားဖြင့် ပစ်ပေါက်ကာ ကျုံးကျီနှင့် ဟွာကိုက်နန်းတော်များကို အဆက်မပြတ် ရိုက်ခတ်ကာ ဒါဇင်ပေါင်းများစွာသော ကောင်းကင်နတ်ဘုရားများကို အပိုင်းပိုင်း ကွဲအက်သွား​စေခဲ့၏။

"စိတ်ပျက်ဖွယ်ကုန်းစောင်းက လူတစ်ယောက်ကို ပို့လိုက်တာ"

နတ်သမီးရှောင်သွမ့်က ရုတ်တရက် ပြောလိုက်သည်။ ချန်ရှီလည်း ခေါင်းညိတ်လိုက်၏။

အထက်ကမ္ဘာ၏ ကောင်းကင်နတ်ဘုရားများနှင့် ဘိုးဘေးများထံမှ တိုက်ခိုက်ခြင်း၏ ဦးတည်ချက်အား အဆုံးအဖြတ်ပေးသည့် အနေဖြင့် စိတ်ပျက်ဖွယ်ကုန်းစောင်းက လူတစ်ယောက် ရောက်လာခဲ့ကြောင်း သဘောပေါက်လိုက်သည်။

လူတစ်ဦးတည်းက အထက်ကမ္ဘာကို စိန်ခေါ်ပြီး ဘိုးဘေးများ၊ မိသားစုဆယ့်သုံးစု၏ ဒုတိယနှင့် တတိယ ဘိုးဘေးများ၊ ကောင်းကင်နတ်ဘုရား ၁၉၀၀ ကျော်တို့ကို စိန်ခေါ်ခဲ့သည်။

ဤလူ၏ ခွန်အားသည် သာမန်မသေနိုင်သော သူများထက် ကျော်လွန်သွားတာ သိသာသည်။

ကျူးရှို့ချိုင်: "နတ်သမီးရှောင်သွမ့်... အထက်ကမ္ဘာ ကို ကျူးကျော်ဝင်ရောက်ခဲ့တဲ့ အမတက မင်းထက် အများကြီး ပိုအစွမ်းထက်တယ်"

"သူက ငါ့ထက် ပိုအစွမ်းထက်တယ် ဒါပေမယ့် ငါက ပေါင်းစပ်မှု မအောင်မြင်နိုင်ဘဲ အောက်ဖက်ကမ္ဘာကို ပြုတ်ကျလာခဲ့တာ.. ငါသာ တတ်နိုင်ရင်..."

သူမက မျက်မှောင်ကြုတ်ကာ "ဒီလူထက် ငါ ညံ့နေသေးမှာ...." လို့ ပြောလိုက်၏။

သူမ စိတ်ထဲတွင် မေးခွန်းတစ်ခု ပေါ်လာသည်။

"တာအိုနဲ့ ပေါင်းလိုက်ရင် မကောင်းတဲ့ အသွင်ကူးပြောင်းမှုကို ဖြစ်ပေါ်စေလိမ့်မယ်... စိတ်ပျက်ဖွယ်ကုန်းစောင်းက ဒီအမတက ဒါကို ဘယ်လို အောင်မြင်ပြီး ရှောင်ခဲ့တာလဲ"

ယခု သူမသည် ပေါင်းစပ်မှုကို အောင်မြင်ခဲ့ပြီးဖြစ်သော်လည်း ၎င်းက ချန်ရှီရဲ့ ဘုံကျောင်းငယ်နှင့် ဖြစ်သည်။ ဘုံကျောင်းရဲ့ နေရာသည် သူမ၏ ပေါင်းစပ်ကမ္ဘာ အရွယ်အစားသာဖြစ်သည်။ ထို့ထက်ပို၍ ဆက်သွားလိုလျှင် မကောင်းသော အသွင်ကူးပြောင်းမှုကို စွန့်စားရပေလိမ့်မည်။

အထက်ကမ္ဘာတွင် တိုက်ပွဲ​တွေက ဆက်လက် ဖြစ်ပွားခဲ့သည်။

တစ်ဖက်သတ် အစုလိုက်အပြုံလိုက် သတ်ဖြတ်မှုအဖြစ် တိုက်ပွဲကြီးပင်။ စိတ်ပျက်ဖွယ်ကုန်းစောင်းက ထိုအမတသည် ကောင်းကင်ဘုံအရှင်များရဲ့ အသက်ကို တစ်ခုပြီးတစ်ခု မဆင်မခြင်ရိတ်သိမ်းကာ ၎င်းတို့၏ ရွှေကိုယ်များကိုဖြိုခွဲကာ သတ်ပစ်လိုက်သည်။ ဘိုးဘေးဆယ်ပါးနှင့် မိသားစုကြီးများ၏ ဒုတိယနှင့် တတိယဘိုးဘေးတို့၏ ပေါင်းစပ်ကြိုးပမ်းမှုပင်လျှင် သူ့ကို မတားဆီးနိုင်ခဲ့ပါ။

အထက်ကမ္ဘာမှ ကောင်းကင်အရှင်တို့ ထွက်ပြေးလာကြရသည်။ ၎င်းတို့၏ တိုက်ခိုက်ရေးစိတ်ဓာတ်များ ကြေမွသွားကြပြီမလို့ သူတို့သည် အထက်ကမ္ဘာမှ လူ့လောကသို့ ထွက်ပြေးရန် ကြိုးပမ်းခဲ့ကြသည်။

ဤကဲ့သို့ တစ်ဖက်သတ် သတ်ဖြတ်မှုအောက်တွင် တိုက်ပွဲဝင်စိတ်ဓာတ်ကို ထိန်းသိမ်းထားရန် မဖြစ်နိုင်ပေ။ ဒါပေမယ့် ထွက်ပြေးတာက ပိုမြန်တဲ့ သေခြင်းတရားဆီသာ ဦးတည်သွားလေ၏။

"ဟေးကော်! သွားရအောင်!"

ဟေးကော်မှာ မျှော်​​ကြည့်ချင်နေပေမယ့် သူအကြည့်တွေကို ပြန်ရုတ်လိုက်ပြီး သစ်သားလှည်းရှေ့ကို ပြေးကာ သူသွားမယ့်နေရာဆီ ဦးတည်ဖို့ ပြင်ဆင်လိုက်သည်။

ချန်ရှီ :"ငါ့ရဲ့သေးငယ်တဲ့ ကမ္ဘာငယ်လေးကလည်း မလုံခြုံဘူး... အဲဒါက ကျယ်ပြောလှတဲ့ အတုအယောင်နယ်မြေ အစိတ်အပိုင်းတစ်ခုပဲ... သူ့ရဲ့ လျှို့ဝှက်ချက်က အထက်ကမ္ဘာထက်တောင် မမြင့်မားဘူး။ အထက်ကမ္ဘာထက် ကမ္ဘာငယ်လေးအကြောင်းကို လူတွေ ပိုသိကြပါတယ်... စိတ်ပျက်ဖွယ်ကုန်းစောင်းက ကမ္ဘာငယ်လေးကို ရှာတွေ့ဖို့က အလွယ်လေး... ဒါပေမယ့် ငါတို့ရဲ့ ကမ္ဘာငယ်လေးကို ဘယ်သူမှ မလိုအပ်ဘူး၊ အဲဒါကြောင့်မို့လို့ ရှိနေပါသေးတာ... အရမ်းအားနည်းပြီး စိတ်ပျက်ဖွယ်ကုန်းစောင်းကတော့ ဂရုမစိုက်ဘူး... "

သူတွေးနေစဉ်တွင် ကောင်းကင်ဂီတသံများကဲ့သို့ ထူးဆန်းသော အသံများစွာသည် ရုတ်တရက် သူ့​​နားရွက်များကို ကြည်နူးစေကာ စိတ်ဝိညာဉ်အပါအဝင် ခန္ဓာကိုယ်တစ်ခုလုံးကို သက်သာစေသည်။ ချန်ရှီသည် သူ၏စိတ်ဝိညာဉ်မှ သူ၏ တာအိုနယ်မြေအထိ သူ့ခန္ဓာကိုယ်ရဲ့ ထောင့်တိုင်းကို တေးဂီတဖြင့် သံယောဇဉ် ပြုနေသကဲ့သို့ ဖော်ပြ၍မရသော နှစ်သိမ့်မှုတစ်ခုမျိုး ဖြစ်တည်လာသည်။

ထိုအချိန်တွင် ဦးနှောက်ကို စူးစူးရှရှ အပ်တစ်ချောင်းက ထိုးလာသလို သို့မဟုတ် ဖန်ခွက်ကို လက်သည်းများခြစ်သံကဲ့သို့ နောက်ထပ် ထိုးဖောက်သံတစ်ခု ထွက်ပေါ်လာသည်။ ၎င်းသည် စိတ်ဝိညာဉ်ကို တုန်လှုပ်စေကာ အတွင်းအင်္ဂါများကို လှည့်ပတ်စေသည်။ ဆံပင်၊ အရေပြား၊ ချွေးပေါက်များနှင့် ခန္ဓာကိုယ်ရှိ သွေးများပင်လျှင် ကြမ်းတမ်းသော နတ်ဆိုးသံကို တွန်းလှန်ရန် လမ်းကြောင်းအရပ်ရပ်တွင် ကြီးထွားလာခဲ့သည်။

ချန်ရှီသည် အလျင်အမြန် မျှော်ကြည့်လိုက်ရာ ကွဲအက်နေသော အထက်ကမ္ဘာမှ အမဆ စွမ်းအင်များ လိမ့်ဆင်းလာနေသည်ကို တွေ့လိုက်ရသည်။ နှင်းဆီရောင် အလင်းတန်းများသည် ကောင်းကင်နှင့်မြေကြီးကို လွှမ်းခြုံကာ မဟာတာအိုက အမတဂီတကို တီးခတ်နေသကဲ့သို့ စကြဝဠာစောင်းကြိုးများက တုန်ခါနေသည်။

"အထက်ကမ္ဘာရဲ့ ဘိုးဘေးတစ်ယောက်က ကောင်းကင်နဲ့မြေကြီးကို ပေါင်းစည်းလိုက်ပြီ"

ကျူးရှို့ချိုင် အံ့အားသင့်စွာ အော်လိုက်သည်။

ချန်ရှီလည်း ကောင်းကင်ကို စေ့စေ့ကြည့်နေသည်။ ​ဟေး​ကော်နှင့် သစ်သားလှည်း ရပ်တန့်သွားကာ ရုတ်တရက် ထူထဲသော အသွေးအသား၏ အကျိတ်အကွက်များ ဖောက်ထွက်ကာ ကောင်းကင်နှင့် ဆန့်ကျင်ဘက်တွင် ပြင်းထန်စွာ ကြီးထွားလာ၏။ တစ်ဆက်တည်း လှိုက်လှိုက်လှဲလှဲ အသွေးအသား ပင်လယ်ကြီးအဖြစ် ပြောင်းလဲသွားသည်။

မကောင်းသော စွမ်းအင်များသည် ကောင်းကင်နှင့်မြေကြီးကို ပြည့်လျှံသွားစေပြီး ဆိုးညစ်သော အသားနှင့် အသွေးများသည် အထက်ကမ္ဘာမှ ကြီးမားသော အတောင်ပံနှစ်ချောင်း ပေါက်လာသကဲ့သို့ ပို၍ကျယ်ပြန့်သော ဧရိယာကို လွှမ်းခြုံပစ်လိုက်သည်။

ထိုအမတ နတ်ဆိုးအဖြစ်သို့ ပြောင်းလဲသွားချေပြီ။

ချန်ရှီ ထိတ်လန့်သွားသည်။ အထက်ကမ္ဘာက ဘိုးဘေးဆယ့်သုံးပါးတို့နှင့် တွေ့ဆုံခဲ့ဖူးသည်။ ၎င်းတို့အားလုံးသည် အမတတစ်ပိုင်းများ ဖြစ်ကြပြီး ပေါင်းစပ်မှုအခြေအနေကို ကြာမြင့်စွာကတည်းက ရရှိခဲ့ကြသည်။ သို့သော် ပေါင်းစပ်မှုသည် မကောင်းမှုဆီသို့ ဦးတည်သွားသောကြောင့် ၎င်းတို့ ဘယ်တုန်းကမှ မအောင်မြင်ခဲ့ပေ။

ဤတစ်ကြိမ်တွင် အထက်ကမ္ဘာသည် ပြိုလဲပျက်စီးခြင်းနှင့် ရင်ဆိုင်နေရပြီး နောက်ဆုံးတွင် ဘိုးဘေးတစ်ဦးသည် ပေါင်းစပ်မှု အောင်မြင်ခဲ့သည်။

ချန်ရှီရဲ့ အမြင်ဟာ တင်းမာ​နေသော်လည်း ယောင်ဝါးဝါးလေးသာ ပုံဖော်နိုင်သည်။ ဘယ်သူလဲဆိုတာတော့ မပြောနိုင်ချေ။ ရုတ်တရက် ရုပ်သေးလေးက နောက်သို့ ​ပြန်ဆုတ်သွားပြီး ခေါင်းနောက်မှာ သွေးတစ်ဆုပ် ပေါက်ကွဲသွားသည်။

ချန်ရှီ အံ့ဩသွားသည်။

ကောင်းကင်တွင် ဆိုးညစ်သောအသားနှင့် သွေးပင်လယ်သည် ရုတ်တရက် ပြိုကျစပြုလာကာ အထက်ကမ္ဘာမှ သက်ရှိကမ္ဘာသို့ ကျဆင်းသွားလေသည်။

ပေါင်းစပ်အောင်မြင်ခဲ့သော နတ်​ဆိုး အမတဟာ သေပြီဖြစ်သည်။ စိတ်ပျက်ဖွယ်ကုန်းစောင်းက အမတရဲ့ ထိုးနှက်ချက် တစ်ချက်တည်းနဲ့ အသတ်ခံခဲ့ရပြီး ပေါင်းစပ်မှု အပြည့်အ၀ မအောင်မြင်ခင်မှာပဲ သူ သေဆုံးသွားခဲ့ပါ၏။

ချန်ရှီသည် တောင်ပေါ်သို့ လိမ့်ကျနေသော အသွေးအသား အလုံးအရင်းများကို ကြည့်ကာ မြန်မြန်ဆန်ဆန် အော်လိုက်သည်။ ဟေးကော်လည်း လန့်နိုးလာကာ ချက်ချင်းပြေးသွားကာ သစ်သားလှည်းဘီးများကလည်း သူ့နောက်သို့ ဟောက်လိုက်ကာ မီးခိုငွေ့များ ချန်ခဲ့ကြသည်။

အသားတောင်တန်းသည် ကောင်းကင်မှ ပြုတ်ကျကာ ၎င်း၏ အသားစများသည် သေခြင်းတရားကို လက်မခံလိုဘဲ ရုန်းကန်နေသကဲ့သို့ အရပ်ရပ်သို့ ယိမ်းနွဲ့နေသည်။

ဟေးကော်ရဲ့နောက်က သစ်သားလှည်းက မိုင်ရာနဲ့ချီ ပြေးသွားပြီးတဲ့နောက် အနောက်မှ ကျယ်လောင်သော တုန်ခါမှုတစ်ခု ပဲ့တင်ထပ်သွားသည်။ လှည်းကိုတောင် မှုတ်ထုတ်လုနီးပါး ဖြစ်သွားတာကြောင့် အားလုံး တုန်လှုပ်ချောက်ချားသွားခဲ့သည်။

"ယဝူး!

သစ်သားလှည်းသည် မုန်တိုင်းဒဏ်ကို ခံနိုင်ရည်ရှိရန် ၎င်း၏ အမိုးကို မြှင့်တင်ခဲ့ပြီး မုန်တိုင်းကျော်သွားပြီးနောက်မှ ၎င်းကို ပြန်လည်ရုပ်သိမ်းခဲ့သည်။

ချန်ရှီ နောက်ပြန် လှည့်ကြည့်လိုက်တော့ မြေကြီးအထက် လေထဲက အသားတောင်တန်းတစ်ခုကို တွေ့လိုက်ရ၏။ ၎င်းအကွာအဝေးသည် မိုင်တစ်ရာမပြောနှင့် မိုင်ထောင်ပေါင်းများစွာအထိ ဆန့်နိုင်သည်။

အထက်ကမ္ဘာမှာ တွေ့ခဲ့စဥ်ကအတိုင်း အသွေးအသားက ရံဖန်ရံခါ ရွေ့လျားနေ၏။

“ပျက်စီးနေတဲ့ အသွေးအသားတွေကို စားလို့ရလား”

ချန်ရှီ၏ စိတ်ထဲတွင် အတွေးတစ်ခု ရုတ်တရက် ပေါ်လာသည်။ တကယ်ကို ကြောက်စရာကောင်းတဲ့ အတွေးတစ်ခုပါပဲ။

ဤသည်မှာ အမတ၏ ဖောက်ပြန်နေသော အသွေးအသား ဖြစ်သည်။ ၎င်းတွင် အလွန်ဆိုးရွားသော ရောင်ဝါတစ်ခု ပါရှိရာ ရူးသွပ်စွာ စားသုံးမိပါက အမှန်တကယ် ထိခိုက်မှု မရှိနိုင်ဘူးလား စဥ်းစားရမည်။

သို့သော် စားသုံးနိုင်လျှင် မရေမတွက်နိုင်သော အသက်များကို ကယ်တင်နိုင်မည် ဖြစ်သည်။

ကျူးရှို့ချိုင် : "ဒီအသားနဲ့ အသွေးကို ငတ်ပြီး စားသောက်တဲ့လူတွေ ရှိမှာ သေချာတယ်... သာမန်လူတွေက အတွင်းထဲက မသေနိုင်တဲ့ အနှစ်သာရကို မဟုတ်ဘဲ အသွေးအသားတွေကိုပဲ ချေဖျက်နိုင်တဲ့အတွက် ပျက်စီးသွားမှာ မဟုတ်ဘူး... ဒါပေမယ့် ကျင့်ကြံသူတစ်ယောက်က စားသုံးရင် တစ်ခုခုဖြစ်မှာကို ကြောက်ရတယ်"

ချန်ရှီ အနည်းငယ် သက်သာရာရသွားသည်။

ရုတ်တရက် မယုံနိုင်လောက်အောင် ထူထဲတဲ့ အသားကြီးတစ်ခု ကောင်းကင်ကနေ ဆင်းသက်လာပြီး မြေကြီးကို ထိုးဖောက်သွားသည်။ အထက်ကမ္ဘာရှိ မိသားစုဆယ့်သုံးစုမှ ဘိုးဘေးများ၊ ဒုတိယဘိုးဘေးများနှင့် တတိယဘိုးဘွားများသည် တာအိုနှင့် အတင်းအကြပ် ပေါင်းစည်းကာ ဖောက်ထွက်ပြီး အမတဖြစ်လာသည်။ ထို့နောက် စိတ်ပျက်ဖွယ်ကုန်းစောင်း​က အမတကို တိုက်ခိုက်ရန် ကြိုးပမ်းကြသည်ကို လူတိုင်း မျှော်ကြည့်နေကြရသည်။

"အထက်ကမ္ဘာ ပြီးသွားပြီ။"

ချန်ရှီ ခေါင်းယမ်းလိုက်သည်။ ယခု တာအိုနှင့် ပေါင်းစည်းနိုင်လျှင်တောင် နောက်ကျသွားပေလိမ့်မည်။

ရန်သူသည် အားကောင်းလွန်းသဖြင့် နတ်ဆိုးအသွင်ပြောင်းခြင်းအတွက် စိုးရိမ်စရာမလိုပါ။ ဘိုးဘေးများ၊ ဒုတိယဘိုးဘေးများနှင့် ဤမိသားစုများ၏ တတိယဘိုးဘေးများသည် တာအိုနှင့် ပေါင်းစည်းပြီး အမတများ ဖြစ်လာလျှင်ပင် ၎င်းတို့သည် ရန်သူအား ယှဉ်နိုင်စွမ်း မရှိနေပေ။

အထက်ကမ္ဘာကို ရှာဖွေတွေ့ရှိပါက ဆုံးခန်းတိုင်သွားမည် ဖြစ်သည်။

ကောင်းကင်ယံ၌ အသွေးအသား တောင်တန်းများ တစ်ခုပြီးတစ်ခု ပြိုကျကာ အနောက်နွားရှင်းကျိုး တိုက်ကြီးတစ်ခွင် ပြိုလဲသွားသည်။ ယင်းသည် အထက်ကမ္ဘာမှ အမတ မကောင်းဆိုးဝါး တစ်ကောင်ကို သတ်ပစ်နိုင်သော စိတ်ပျက်ဖွယ်ကုန်းစောင်းက အမတ၏ အစွမ်းအစပင်။ ရန်သူသည် အမတ ပစ္စည်းများကို ပိုင်ဆိုင်ထားလျှင်ပင် ၎င်းတို့သည် သူ၏ ပြိုင်ဘက်ဖြစ်မည် မဟုတ်ပေ။

ဤအခိုက်အတန့်တွင် ချန်ရှီတို့အထက်တွင် စွမ်းအင်ကွင်းနှစ်ကွင်း၊ ခရမ်းရောင်နှင့် စိမ်းပြာရောင်တစ်ခုသည် လေထဲ၌ တဟုန်းဟုန်းနှင့် ဝေ့ဝဲနေလေသည်။

"အထက်ကမ္ဘာက အမတ ရှေးဟောင်းပစ္စည်းတွေ!"

ချန်ရှီ၏ မျက်လုံးများ တောက်ပလာပြီး အသက်ရှုသံများလည်း မြန်ဆန်လာသည်။ အမြန်ခုန်ထွက်ပြီး ခရမ်းရောင်နဲ့ စိမ်းပြာရောင်စွမ်းအင်ကွင်း နှစ်ခုနောက်ကို လိုက်သွားတော့သည်။ ထိုအချိန်တွင် ကောင်းကင်မှ ကျယ်လောင်သော မြည်ဟီးသံတစ်ခု ထွက်ပေါ်လာပြီး အသားတောင်များ ပြိုလဲကာ သူ့​အမြင်အာရုံကို ဖုံးကွယ်သွားခဲ့သည်။

အသားတောင် ပြိုကျချိန်မှာတော့ ခရမ်းရောင်နဲ့ အစိမ်းရောင် စွမ်းအင်ကွင်းတွေလည်း ပျောက်ကွယ်သွားခဲ့၏။

ရုတ်တရက် ထီးမိုးကာကဲ့သို့ ပုံသဏ္ဍာန်ရှိသော စိမ်းပြာရောင်တောက်နေသော ကောင်းကင်ယံမှ အလင်းတန်းတစ်ခု ပျံသန်းလာသည်။ ထီးအောက်တွင် နေလုံးကြီးသည် ထီးလက်ကိုင်ကို အလွန်မြန်သော အရှိန်ဖြင့် လှည့်ပတ်နေသည်။

ချန်ရှီ ချက်ချင်းပင် လျှပ်စီးကြောင်းကို နင်းကာ စိမ်းပြာယန်လော်ထီးကို လိုက်ဖမ်းတော့သည်။ နီးကပ်လာသည်နှင့်အမျှ သူ့အရှိန်က ပိုတိုးလာ၏။ ထို့နောက် တစ်စုံတစ်ယောက် ချဉ်းကပ်လာသည်ကို အာရုံခံလိုက်သကဲ့သို့ စိမ်းပြာယန်လော်ထီးသည် လေထဲသို့ တဟုန်ထိုး ခုန်တက်သွားပြီး သဲလွန်စမရှိဘဲ ပျောက်ကွယ်သွားသည်။

ချန်ရှီ အံ့ဩသွားသည်။

ထိုစဥ် ကျူးရှို့ချိုင် ပျင်းရိစွာ ပျံဝဲကာ ခေါင်းယမ်းပြ၏။

"အမတ ပစ္စည်းတွေက ဝိညာဉ်အသိရှိတယ်... သူတို့သခင် သေဆုံးသွားရင် သခင်အသစ်ကို အလိုအလျောက် ရွေးချယ်ကြမှာ... မင်းကို အသိအမှတ်မပြုဘူး"

ကောင်းကင်မှာ ကောင်းကင်ယံမှာ အလင်းတန်းတွေ ပေါက်ကွဲသွား၏။ ဤသည်မှာ အထက်ကမ္ဘာမှ သေခြင်းတရားနှင့် အမဆ ရှေးဟောင်းပစ္စည်းတစ်ခု၏ ပျံသန်းမှုကြောင့် ဖြစ်ပေါ်လာသော ထူးဆန်းသည့် အလင်းတန်းပဲ ဖြစ်သည်။

ကျူးရှို့ချိုင်: "ဒီအမတ ရှေးဟောင်းပစ္စည်းတွေကို မင်းမဟုတ်ဘဲ မိသားစု ဆယ့်သုံးစုရဲ့ အမွေဆက်ခံသူတွေက သေချာပေါက် ရှာတွေ့လိမ့်မယ်.. လိုက်ရှာမနေနဲ့...."

သူစကားမဆုံးခင်မှာ အနီရောင်အလင်းတန်းက ရုတ်တရက် လေထဲမှာ ပေါက်ထွက်လာ၏။ ရုတ်တရတ် မရပ်ခင် မိုင်ဒါဇင်ပေါင်းများစွာ ရှည်လျားသော သွေးနီရေတံခွန်ကဲ့သို့ ဆင်းသက်လာခဲ့သည်။

အနီရောင်အလင်းမှိန်ဖျော့သွားပြီး ချန်ရှီ၏ခြေရင်းတွင် ဓားရှည်တစ်စင်း ထိုးကျသွားသည်။ ဓားသွားပေါ်မှ သွေးများ စီးကျလာ၏။ ဓားအတွင်းမှ ယင်ယန်စွမ်းအင်များ စီးဆင်းသွားပြီး နေနှင့်လငယ်အဖြစ်သို့ ပြောင်းလဲကာ ဓားသွားကို လှည့်ပတ်နေသည်။

ကောင်းကင်ဘုံ သွေးအသွင်ပြောင်းနတ်ဓား!