လှုပ်ခတ်သွားသော ထျန်းမင်...

~နေနီလှေပျံ၏ အရှိန်မှာ အလွန်အမင်း လျင်မြန်လှသည်။ လမ်းတစ်လျှောက် ကြယ်တံခါးများကို ဖြတ်သန်းသွားလာခဲ့၏။ များမကြာမီပင် သူတို့သည် မျက်လုံးသုံးလုံးမျိုးနွယ်၏ နယ်မြေသို့ ပြန်လည်ရောက်ရှိလာကြသည်။

ထို့နောက်တွင် သူတို့သည် မဟာအခင်းအကျင်းများ၏ နေရာလပ်လမ်းကြောင်းများကို အကြိမ်ကြိမ် ဖြတ်သန်းခဲ့ကြသည်။ နေရာလပ်ကို လျင်မြန်စွာ ဖြတ်သန်းသွားလာရင်း ဆယ်ရက်ခန့်အကြာတွင် ထျန်းမင် ကြယ်တာရာစနစ်သို့ ပြန်လည် ရောက်ရှိလာကြတော့၏။

ပြတင်းပေါက် အပြင်ဘက်မှ ရင်းနှီးနေသော ကြယ်တာရာစုများကို ကြည့်ရင်း အားလုံး၏ မျက်နှာ အမူအရာများ ပျော့ပျောင်းသွားကြသည်။

"ငါတို့ ပြန်ရောက်လာကြပြီ။"

ကျန်းရူယွီက သက်ပြင်းချလိုက်၏။

"ဟုတ်တယ်၊ ငါတို့ နှစ်နှစ်ရာလောက်တောင် ဝေးကွာသွားလိမ့်မယ်လို့ ဘယ်သူက ထင်မှာလဲ။"

ယွင်ရှီးကလည်း ဆိုလိုက်၏။

သူတို့၏ ကျင့်ကြံမှု သက်တမ်းသည် နှစ်တစ်ထောင်ပင် မပြည့်သေးပေ။ ဤမျှကြာမြင့်စွာ အဝေးသို့ ရောက်ရှိနေခဲ့ရခြင်းသည် အိမ်နှင့် အလွန်အမင်း ဝေးကွာနေခဲ့ရသလို ခံစားရစေသည်။

"တိမ်ဖြူဂိုဏ်း ဘယ်လိုနေလဲ မသိဘူးနော်။"

သုန်းကုန်းမင်ယွဲ့က ခစ်ခနဲရယ်မောရင်း ဆို၏။

အခြားသူများ၏ မျက်လုံးများတွင်လည်း စိတ်လှုပ်ရှားမှုများ တဖျပ်ဖျပ်လက်သွားသည်။ ကျန်းရူယွီမှာမူ ဝမ်ကျန့်အိမ်တော်နှင့် နတ်ဓားဂိုဏ်းအတွက် စိုးရိမ်နေ၏။

ယွင်ရှီးမှာတော့ ပန်းတစ်သောင်းဂိုဏ်းကို လွမ်းဆွတ်နေမိသည်။

လင်းလောင်တောင်ထိပ်သခင်မမှာမူ တည်ငြိမ်နေလေသည်။ သူမသည် ထျန်းမင်တွင် အတန်ကြာ နေထိုင်ခဲ့သော်လည်း သူမ၏ အိမ်အစစ်အမှန်မှာ ကျောက်စိမ်းကြယ်ဂြိုဟ်ပင် ဖြစ်သည်။

ထိုအခိုက်အတန့်တွင် သူတို့ဘေးမှ အသံတစ်သံ ထွက်ပေါ်လာသည်။

"ယောက်ဖ၊ ဒါက မင်းရဲ့ ဇာတိမြေလား။ အင်မော်တယ် ဝိညာဉ်စွမ်းအင်က တော်တော်လေး ပါးလွှာနေသလိုပဲနော်"

ယွီယွမ်ဝူသည် ဘေးတွင်ရပ်လျက် ပြတင်းပေါက်မှ အပြင်ဘက်ရှိ ကြယ်များကို စူးစမ်းကြည့်ရှုနေ၏။ မျက်လုံးသုံးလုံးမျိုးနွယ်၏ နယ်မြေသို့ ဝင်ရောက်ပြီးနောက် ယွီလင်းလောင်သည် ယွီယွမ်ဝူကို လွှတ်ပေးခဲ့သည်။ ယွီမိသားစုထံသို့ သတင်းပြန်မပို့ရန်လည်း ခြိမ်းခြောက်ထားခဲ့ရာ ယွီယွမ်ဝူမှာ ခေါင်းကိုသာ အလျင်အမြန် ညိတ်ပြခဲ့ရသည်။

လုရီက ခပ်ဖွဖွရယ်မောရင်း

"ဟုတ်တယ်၊ ထျန်းမင်က အဲ့ဒီတုန်းကမှ အင်မော်တယ်ကြယ်ဂြိုဟ် ဖြစ်လာခါစပဲ ရှိသေးတာ။"

"ဒါတော့ ငါ သိပါတယ်။ မင်းရဲ့ အရည်အချင်းကြောင့် တာအိုရဲ့ ဆုလာဘ်တွေကို ဆွဲဆောင်နိုင်ခဲ့တာဆို။"

ယွီယွမ်ဝူက လေးစားအားကျသော အမူအရာဖြင့် ဆိုလိုက်သည်။

"အမှန်အတိုင်း ပြောရရင်၊ မင်းလို ထူးချွန်ပြောင်မြောက်တဲ့ သူတစ်ယောက်က

ထျန်းမင်ကနေ ထွက်ပေါ်လာနိုင်တယ်ဆိုတာကို ငါ ခုထိ ယုံရခက်နေတုန်းပဲ။"

လုရီမှာမူ ခပ်ဖျော့ဖျော့သာ ပြုံးလိုက်သည်။ သူသည် ဤကမ္ဘာတွင် မွေးဖွားကြီးပြင်းခဲ့သော်လည်း အမှန်တကယ်တော့ အခြားကမ္ဘာ တစ်ခုမှ ကူးပြောင်းလာသူပင် ဖြစ်ပါသည်။

နေနီ လှေပျံသည် ကြယ်တာရာကောင်းကင်ကို ထိုးဖောက်ဖြတ်သန်းသွားစဉ် အတွင်းခန်း၌ စကားသံများ လွှမ်းခြုံနေသည်။ ကြီးမားသော အရှိန်အဟုန်ဖြင့် ထျန်းမင်ဆီသို့ ပြေးလွှားနေတော့သည်။

---

အရှေ့နယ်မြေ၊ ချင်းကျိုး။

လုရီ၏ ချိုးဖောက်တက်လှမ်းမှုနှင့်အတူ ဝိညာဉ်စွမ်းအင်ဒီရေတစ်ခု ဖြစ်ပေါ်လာခဲ့သည်။ ထိုဒီရေသည် ထျန်းမင်ကို အင်မော်တယ်ကြယ်ဂြိုဟ်အဖြစ်သို့ မြှင့်တင်ပေးခဲ့၏။ တိမ်ဖြူဂိုဏ်းမှာမူ အကြွယ်ဝဆုံးသော ဝိညာဉ်စွမ်းအင်ကို အားလုံးထက်ပို၍ ရရှိခဲ့သည်။ ထို့အပြင် လုရီ စိုက်ပျိုးခဲ့သော အင်မော်တယ်သစ်ပင်၊ မြက်ပင်များကြောင့် ထိုနေရာသည် ပို၍ပင် ကြွယ်ဝလာခဲ့တော့သည်။

ယခုအခါ ချင်းကျိုးတစ်ခုလုံးသည်

ထျန်းမင်ပေါ်ရှိ ဝိညာဉ်စွမ်းအင်

အသိပ်သည်းဆုံး ဒေသ ဖြစ်နေ၏။ တိမ်ဖြူဂိုဏ်းကိုယ်တိုင်မှာမူ မြူခိုးတမျှ ဖြစ်နေသော ဝိညာဉ်စွမ်းအင်များဖြင့် ဖုံးလွှမ်းလျက်ရှိ၏။ အင်မော်တယ် ဝိညာဉ်စွမ်းအင်များ ပြည့်လျှံနေကာ အင်မော်တယ်တို့၏ ကောင်းချီးမြေနှင့်တူသော မြင်ကွင်းကို ဆောင်နေတော့သည်။

ဝိညာဉ်စွမ်းအင် သိပ်သည်းမှု ပြောင်းလဲလာသည်နှင့်အမျှ ထျန်းမင်တခွင်လုံးရှိ အင်အားကြီး အုပ်စုများကြားတွင်လည်း သိသာသော အပြောင်းအလဲများ ဖြစ်ပေါ်ခဲ့သည်။ အင်မော်တယ်ဂိုဏ်း မြင့်မြတ်နယ်မြေများနှင့် မဟာဂိုဏ်းကြီး အမြောက်အမြားသည် သူတို့၏ ဘိုးဘေးစဉ်ဆက်မြေများကို ချင်းကျိုးအနီးသို့ ရွှေ့ပြောင်းလာကြလေသည်။ အခြားဒေသများမှ ဂိုဏ်းကြီးများပင်လျှင် ခြွင်းချက်မရှိပေ။

အကြောင်းမှာ ချင်းကျိုးရှိ ဝိညာဉ်စွမ်းအင် သိပ်သည်းမှုသည် အလွန် မြင့်မားပြီး

သူတို့၏ မူလ နယ်မြေများထက်ပင် သာလွန်နေသောကြောင့် ဖြစ်၏။ ဝိညာဉ်ဒီရေကြောင့် အင်မော်တယ်များစွာသည် ထျန်းမင်သို့ ပြန်လည် ရောက်ရှိလာခဲ့ကြသည်။ သူတို့သည် သဘာဝကျကျပင်

အင်မော်တယ် ဝိညာဉ်စွမ်းအင်ကို တောင့်တကြသည်။ ထို့ကြောင့် သူတို့၏ အင်မော်တယ်ဂိုဏ်း မြင့်မြတ် နယ်မြေ

တစ်ခုလုံးကို ချင်းကျိုးနှင့် အနီးတဝိုက်သို့ ပြောင်းရွှေ့ရန် ဆုံးဖြတ်ခဲ့ကြတော့သည်။

ဤမျှ ကြီးမားသော ပြောင်းရွှေ့မှုကြီးကြောင့် ဖြစ်ပေါ်လာသော လှုပ်ခတ်မှုမှာ စိတ်ကူးကြည့်နိုင်သည်ထက်ပင် ကျယ်ပြန့်ခဲ့သည်။ ဤသို့သော အင်အားကြီးမားသည့် ဂိုဏ်းကြီးများနှင့် ရင်ဆိုင်ရသောအခါ အရှေ့နယ်မြေမှ ဂိုဏ်းငယ်လေးများသည် သူတို့၏ နေရာများကို လက်လွှတ်ပေးရုံမှတစ်ပါး အခြားမရှိခဲ့။ ထိုသို့သော ကျင့်ကြံရာ မြင့်မြတ်နယ်မြေများသည် သာမန်ဂိုဏ်းငယ်လေးများ ပိုင်ဆိုင်နိုင်သော အရာများ မဟုတ်သည်မှာ ရှင်းလင်းလှသည်။ မဟာယာနအဆင့် ကျင့်ကြံသူများ ရှိသော ဂိုဏ်းများပင်လျှင် ပိုမိုဝေးကွာသော နေရာများသို့ ပြောင်းရွှေ့ခဲ့ကြရ၏။

မဟာဂိုဏ်းကြီးများနှင့် အင်မော်တယ်ဂိုဏ်း မြင့်မြတ်နယ်မြေများသည် အကောင်းဆုံးနေရာ အနည်းငယ်အတွက် အပြိုင်အဆိုင် ကြိုးပမ်းကြသည်။ သူတို့ ပြင်းထန်စွာ တိုက်ခိုက်ခဲ့ကြပြီး အင်မော်တယ်များပင်လျှင် ကြယ်တာရာကောင်းကင်ယံတွင် တိုက်ပွဲအကြိမ်ကြိမ် ဆင်နွှဲခဲ့ကြသည်။

ဤတိုက်ပွဲများ၏ အဖြေကို အပြင်လူများ မသိရှိကြ။ သို့သော် နတ်ဓားဂိုဏ်းနှင့် မူလက အရှေ့နယ်မြေမှဖြစ်သော ကောင်းကင်နဂါး မြင့်မြတ်နယ်မြေ၊ လေ့ယင် မြင့်မြတ်နယ်မြေတို့သည် ချင်းကျိုးရှိ နေရာအချို့ကို အောင်မြင်စွာ သိမ်းပိုက်နိုင်ခဲ့ကြသည်။ အင်ပါယာဓားဂိုဏ်းကဲ့သို့သော မဟာဂိုဏ်းကြီးသည်လည်း နတ်ဓားဂိုဏ်း၏ ဩဇာကြောင့် ချင်းကျိုးနှင့်နီးသော နေရာတစ်ခုကို ရယူနိုင်ခဲ့လေ၏။

ထျန်းမင်၏ ကျင့်ကြံခြင်းလောကတစ်ခုလုံးမှာ မကြုံစဖူးသော လှုပ်ခတ်မှုများဖြင့် ပြည့်နှက်နေခဲ့တော့သည်။ သို့သော်

ချင်းကျိုးရှိ တိမ်ဖြူဂိုဏ်း၊ ပန်းတစ်သောင်းဂိုဏ်းနှင့် ဝမ်ကျန့်အိမ်တော်တို့မှာမူ နှောင့်ယှက်ခြင်းမခံရဘဲ တည်ရှိနေဆဲဖြစ်သည်။

တိမ်ဖြူဂိုဏ်း တည်ရှိရာနေရာသည် အမှန်တကယ်ပင် ကောင်းကင်ဘုံဥမင် မြင့်မြတ်နယ်မြေတစ်ခုဖြစ်သည်။ အင်မော်တယ်များအပါအဝင် လူတိုင်းက တပ်မက်ကြသော်လည်း မည်သူမျှ မထိပါးရဲကြပေ။

သူတို့အားလုံးသည် တိမ်ဖြူဂိုဏ်း၏ နောက်ကွယ်မှ ပုဂ္ဂိုလ်ကို သိရှိကြသည်။

လုရီသည် သူ၏ စွမ်းအားဖြင့် ထျန်းမင်ကို အင်မော်တယ်ကြယ် ဂြိုဟ်အဖြစ် ပြောင်းလဲပေးခဲ့သူ ဖြစ်သည်။ ထိုသို့သော နတ်ဆိုးဆန်သည့် ဉာဏ်ကြီးရှင်ကို မည်သူက ရန်စရဲမည်နည်း။

လုရီကို မဆိုထားနှင့်၊ ယွီမိသားစု၏ ဒုတိယသခင်မလေး လင်းလောင်တောင်ထိပ်သခင်မလည်း ရှိသေးရာ မည်သူမျှ

မကောင်းကြံစည်ရဲပေ။ အလားတူပင်

ပန်းတစ်သောင်းဂိုဏ်းနှင့် ဝမ်ကျန့်တစ်သောင်းဂိုဏ်းနှင့် ဝမ်ကျန့်

အိမ်တော်တို့သည်လည်း လုရီ၏ တာအိုလက်တွဲဖော်များ၏ ဂိုဏ်းများ ဖြစ်ကြရာ သဘာဝကျကျပင် မထိပါးနိုင်သော အရာများ ဖြစ်နေတော့သည်။

အင်မော်တယ်ဂိုဏ်း မြင့်မြတ်နယ်မြေများ သူတို့၏ နယ်မြေအသစ်များကို သိမ်းပိုက်ပြီး မကြာမီမှာပင် ပန်းတစ်သောင်းဂိုဏ်းနှင့် ဝမ်ကျန့်အိမ်တော်တို့သည် သူတို့၏ ဂိုဏ်းများကို တိမ်ဖြူဂိုဏ်းအနီးသို့ ရွှေ့ပြောင်းမည်ဟု ကြေညာခဲ့ကြသည်။ ဂိုဏ်းသုံးခုသည် "တိမ်ဖြူအင်မော်တယ်ဂိုဏ်း" အဖြစ်သို့ ပေါင်းစည်းကြောင်း ကြေညာလိုက်တော့၏။ ဤလှုပ်ရှားမှုကို မည်သူကမျှ ကန့်ကွက်ခြင်း မရှိခဲ့ပေ။

ထိုသို့သော အင်မော်တယ်မြင့်မြတ်နယ်မြေကို သိမ်းပိုက်ထားပြီး လုရီကဲ့သို့သော ဉာဏ်ကြီးရှင်၏ ကျောထောက်နောက်ခံလည်း ရှိနေသည်။ တိမ်ဖြူဂိုဏ်းသည်

အင်မော်တယ်ဂိုဏ်းတစ်ခု ဖြစ်လာရန် အရည်အချင်းများကို ပိုင်ဆိုင်ထားပြီးဖြစ်ပြီး အချိန်ကာလ၏ စုစည်းမှုနှင့် အမွေအနှစ် အနည်းငယ်သာ လိုအပ်နေတော့သည်။

သို့သော် လုရီ၏ ကျော်ကြားမှုကြောင့်

ထျန်းမင်တစ်ခွင်မှ ပါရမီရှင်များနှင့် ထူးချွန်သော အရည်အချင်းရှိသူ အားလုံးသည် တိမ်ဖြူ အင်မော်တယ်ဂိုဏ်းသို့ အရူးအမူး စုပြုံရောက်ရှိလာကြလေသည်။ ထူးခြားစွာ ကောင်းမွန်သော ကျင့်ကြံခြင်းအခြေအနေများနှင့် ပေါင်းစပ်လိုက်သောအခါ တိမ်ဖြူဂိုဏ်း၏ အလုံးစုံစွမ်းအားသည် အံ့မခန်း ပြောင်းလဲရန် အချိန်များစွာ လိုအပ်မည် မဟုတ်တော့ပေ။

---

တစ်နေ့တွင် သွေးနီရောင် အလင်းတန်း

တစ်ခုသည် ထျန်းမင် အပြင်ဘက်မှ ပျံသန်းဝင်ရောက်လာခဲ့သည်။ သူတို့၏

ဘိုးဘေးစဉ်ဆက် မြေများအတွင်း တံခါးပိတ်ကျင့်ကြံနေသော အင်မော်တယ်အားလုံး ချက်ချင်း မျက်လုံးဖွင့်လိုက်ကြသည်။ သူတို့သည် ကောင်းကင်ဘက်သို့ အံ့ဩမှုနှင့် မသေချာမှုများဖြင့် ပြည့်နှက်နေသော မျက်နှာများဖြင့် လှမ်းကြည့်လိုက်ကြ၏။

အင်မော်တယ် အားလုံးသည် တံခါးပိတ်ကျင့်ကြံရာမှ ထွက်ခွာလာကြသည်။

သူတို့သည် သွေးနီရောင် အလင်းတန်း၏ လားရာကို ကြည့်ရှုရန် ကောင်းကင်သို့ ပျံတက်သွားကြသည်။ ကောင်းကင်ယံတွင်

ပုယွင်ကျန့်နှင့် ဝေ့ခန်းတို့ ရှိနေကြသည်။

သူတို့အပြင် နတ်ဓားဂိုဏ်း၊ ကောင်းကင်နဂါး မြင့်မြတ်နယ်မြေ၊ လေ့ယင် မြင့်မြတ်နယ်မြေ၊ ကောင်းကင်နန်းတော်နှင့် အခြားသော အဓိက အင်မော်တယ်ဂိုဏ်း မြင့်မြတ်နယ်မြေများမှ အင်မော်တယ်များလည်း ရှိနေကြပေသည်။

အခန်း ၆၃၃- လှုပ်ခတ်သွားသော ထျန်းမင် (အပိုင်း ၂)...

~အားလုံး၏ မျက်လုံးများ ပြူးကျယ်သွားကြသည်။ သူတို့သည် ချင်းကျိုးဆီသို့ ချဉ်းကပ်လာသော သွေးနီရောင်အလင်းတန်းကို စိုက်ကြည့်နေကြ၏။ သူတို့၏ အကြည့်များတွင် အံ့ဩမှုနှင့် သံသယများ တဖျပ်ဖျပ် လက်နေသည်။

"ဒီဝိညာဉ်ဖိအား... ဒါ ဘယ်အဆင့် အင်မော်တယ်လက်နက်လဲ။"

ပုယွင်ကျန့်၏ အသံထဲတွင် တုန်လှုပ်မှုများ ပြည့်နှက်နေ၏။

အခြားသူများလည်း အလားတူ မှင်တက်နေကြသည်။

သူတို့အားလုံး ကောင်းကင်ဘုံအင်မော်တယ်များ ဖြစ်ကြပြီး၊ အချို့မှာ အစစ်အမှန်အင်မော်တယ်အဆင့်ပင် ဖြစ်လင့်ကစား၊ ထိုသို့သော ဝိညာဉ်ဖိအားနှင့် ရင်ဆိုင်ရသောအခါ သူတို့အားလုံး၏ စိတ်ဝိညာဉ်ထဲမှ နက်ရှိုင်းသော ကြောက်ရွံ့မှုကို ခံစားနေကြရသည်။

ကောင်းကင်ဘုံနန်းတော်မှ ဆံပင်ဖြူနှင့် လူငယ်တစ်ဦး၏ မျက်လုံးများတွင် အလွန်လေးနက်သော အမူအရာ ထင်ဟပ်နေသည်။ "ဒါ အဆင့်မြင့်ဖြစ်တာ သေချာတယ်၊ ထိပ်တန်းအဆင့် အင်မော်တယ်လက်နက်တောင် ဖြစ်နိုင်တယ်။"

"ဒါက..."

အင်မော်တယ်များ တစ်ယောက်မျက်နှာတစ်ယောက် ကြည့်လိုက်ကြသည်။

ထိုအခိုက်အတန့်၌၊ အနီးတွင်ရပ်နေသော ဝေ့ခန်းသည် တဖြည်းဖြည်း နီးကပ်လာပြီး ရင်းနှီးနေသော ပုံသဏ္ဌာန်ရှိသည့် နေနီလှေပျံကို မြင်လိုက်ရ၏။ သူ၏ မျက်လုံးများ ဝမ်းသာမှုကြောင့် ပြူးကျယ်သွားသည်။

"ဒီကောင်းကင်ယာဉ်ပျံ၊ ကျွန်တော်သိတယ်၊ ကျွန်တော် အရင်က မြင်ဖူးတယ်။"

ဤသို့ကြားသောအခါ လူတိုင်း ဝေ့ခန်းဘက်သို့ လှည့်ကြည့်လိုက်ကြသည်။

"ဝေ့ခန်း၊ မင်းမြင်ဖူးတယ်ဟုတ်လား။ ဒါ ဘယ်သူ့ယာဉ်ရထားလဲ။"

ရွှေရောင်ဆံပင်နှင့် အကြီးအကဲတစ်ဦးက ဝေ့ခန်းကို မေးလိုက်သည်။

ဝေ့ခန်းက စိတ်လှုပ်ရှားစွာ ဆိုလိုက်၏။ "ဒါ သခင်လေးလုရီရဲ့ဟာပါ။ သခင်လေးလုရီရဲ့ နေနီလှေပျံပဲ။ သခင်လေးလုရီ ပြောပြတာတော့ ဒါက ထိပ်တန်းအဆင့် အင်မော်တယ်လက်နက်တစ်ခုတဲ့။"

"လုရီ؟!"

"လုရီ ဟုတ်လား။"

အင်မော်တယ်များ၏ မျက်နှာအမူအရာများ တစ်ယောက်ပြီးတစ်ယောက် ပြောင်းလဲသွားကြသည်။ ထိုအထဲတွင် စပ်စုမှု၊ ဝမ်းမြောက်မှုနှင့် ရိုသေလေးစားမှုများ ပြည့်နှက်နေတော့သည်။

မည်သို့ပင်ဆိုစေကာမူ၊ လုရီဟူသော အမည်သည် ယခုအခါ ထျန်းမင်တစ်ခွင်လုံးတွင် ဒဏ္ဍာရီတစ်ခု ဖြစ်နေလေပြီ။

ထျန်းမင်မှ လာသော အင်မော်တယ်များပင်လျှင် လုရီအကြောင်း ပြောသည့်အခါ မတူညီသော စိတ်ခံစားချက်များဖြင့် ပြည့်နှက်နေတတ်သည်။

ယွီမိသားစု၏ ဒုတိယသခင်မလေး၏ တိုက်ရိုက် တပည့်တစ်ဦး။

သူတစ်ဦးတည်း၏ စွမ်းအားဖြင့် ထျန်းမင်ကို အင်မော်တယ်ကြယ် ဂြိုဟ်အဖြစ်သို့ ပြောင်းလဲပေးခဲ့သည်။ ရာရှိုမွန်မျိုးနွယ် ကျူးကျော်မှုအတွင်း အရေးပါသော အခန်းကဏ္ဍမှ ပါဝင်ခဲ့သည်။ ကပ်ဘေးဖြတ်ကျော်ခြင်းနယ်ပယ်မှာပင် အစစ်အမှန်

အင်မော်တယ်အဆင့် စွမ်းရည်များကို ပြသနိုင်ခဲ့သည်။ ဤစွမ်းဆောင်မှုတစ်ခုချင်းစီမှာ ဒဏ္ဍာရီဆန်လှသည်။

သို့သော်၊ ဤအရာအားလုံးကို လူတစ်ယောက်တည်းက အောင်မြင်ပြီးမြောက်ခဲ့ခြင်း ဖြစ်သည်။

ထိုသို့သော ပုဂ္ဂိုလ်တစ်ဦးက အခြားသူများအပေါ် မည်မျှကြီးမားသော ဖိအားကို သက်ရောက်စေနိုင်သည်ကို စိတ်ကူးကြည့်နိုင်ပေသည်။

ဤအခိုက်အတန့်တွင်၊ အပြင်မှ ပြန်လည်ရောက်ရှိလာသော အင်မော်တယ်များစွာသည် လုရီကို မမြင်ဖူးကြသေးဘဲ စိတ်ထဲတွင် အနည်းငယ် မလုံမလဲ ဖြစ်နေကြသည်။

သို့သော်၊ ပုယွင်ကျန့်နှင့် ဝမ်ကျန်းယွမ်ကဲ့သို့သော လုရီနှင့် ဆက်ဆံရေးကောင်းမွန်သည့် အင်မော်တယ်များမှာမူ အမှန်တကယ် ဝမ်းမြောက်နေကြပြီး တောက်ပစွာ ပြုံးလိုက်ကြသည်။

"ဟားဟားဟား၊ လုရီ ပြန်ရောက်လာတာကိုး။"

"လန့်သွားတာပဲ ရောင်းရင်းရယ်။ သွားကြစို့၊ သူ့ကို သွားကြိုရအောင်။"

"..."

---

ထိုအချိန်တွင် နေနီလှေပျံပေါ်၌ လုရီနှင့် သူ၏အဖွဲ့သည်လည်း အင်မော်တယ်များစွာ ရှိနေသည်ကို အာရုံခံမိလိုက်ကြသည်။

လုရီသည် အဝေးမှ အရှိန်အဝါများ၏ လားရာကို ကြည့်လိုက်ပြီး ရေရွတ်လိုက်သည်။

"ဒီအရှိန်အဝါတွေ... အင်မော်တယ်

အယောက်တစ်ရာနီးပါးလောက် ရှိရမယ် မဟုတ်လား။ ထျန်းမင်ကို အင်မော်တယ်တွေ ဒီလောက်အများကြီး ဘယ်တုန်းက ရောက်လာကြတာလဲ။"

သူ၏ မျက်မှောင်များ အနည်းငယ် ကြုတ်သွားသည်။ "သူတို့က ပြဿနာရှာဖို့ လာကြတာများလား။"

သုန်းကုန်းမင်ယွဲ့ကဲ့သို့သော သူများလည်း မျက်မှောင်ကြုတ်လိုက်ကြသည်။

ထိုစဥ် ယွီယွမ်ဝူက အတွေးနက်စွာ ဆိုလိုက်၏။

"ပိုင်ရှင်မရှိတဲ့ အင်မော်တယ်ကြယ်ဂြိုဟ်တစ်ခုဆိုရင်တော့ အင်မော်တယ်တချို့ကို ဆွဲဆောင်နိုင်တာ သဘာဝပါပဲ။"

လင်းလောင်တောင်ထိပ်သခင်မက ယွီယွမ်ဝူကို တစ်ချက်ကြည့်လိုက်ပြီး ပျင်းရိစွာ ဆိုလိုက်သည်။ "စိုးရိမ်စရာမရှိပါဘူး၊ ရင်းနှီးနေတဲ့ အရှိန်အဝါတချို့ကို ငါအာရုံခံမိတယ်။ သူတို့က ထျန်းမင်ရဲ့ အင်မော်တယ်တွေ ဖြစ်ရမယ်။ ထျန်းမင်က အင်မော်တယ်ကြယ်ဂြိုဟ်အဖြစ် ပြောင်းလဲသွားလို့ အရင်က ထွက်သွားခဲ့တဲ့သူတွေ ပြန်လာကြတာ ဖြစ်လောက်တယ်။"

လုရီ၏ မျက်ခုံးများ အနည်းငယ် ပင့်တက်သွားပြီး အနည်းငယ် စိတ်သက်သာရာရသွားသည်။

မည်သို့ပင်ဆိုစေကာမူ၊ သူ၏ဆရာသည် ယခုအခါ နက်ရှိုင်းခြင်းအင်မော်တယ်အဆင့်ဖြစ်ပြီး၊ စိတ်စွမ်းအားနှင့်သက်ဆိုင်သော အင်မော်တယ်ကျမ်းများကို ကျင့်ကြံထားရာ သူမ၏ ဝိညာဉ်စွမ်းအင်အာရုံခံနိုင်စွမ်းမှာ သူ့ထက်ပင် ပိုမိုအားကောင်းသည်။ သူမက ဤသို့ဆိုမှတော့၊ အမှန်ပင် ဖြစ်ရမည်။

မကြာမီ၊ နေနီလှေပျံ ချဉ်းကပ်လာသည်နှင့်အမျှ၊ လုရီသည်လည်း ပုယွင်ကျန့်နှင့် အခြားသူများ၏ အရှိန်အဝါများကို အာရုံခံမိလိုက်ပြီး လုံးဝ စိတ်အေးသွားတော့သည်။

"တကယ်ပဲ သူတို့ပဲကိုး။"

---

မကြာမီ၊ နေနီလှေပျံသည် အင်မော်တယ်များအနီးသို့ ရောက်ရှိလာပြီး ရပ်တန့်သွားသည်။

လုရီနှင့် လင်းလောင်တောင်ထိပ်သခင်မတို့သည် နေနီလှေပျံပေါ်မှ ဆင်းသက်လာကြသည်။

လုရီက လက်ဝှေ့ယမ်းလိုက်ပြီး နေနီလှေပျံကို သူ၏ ခန္ဓာကိုယ်ထဲသို့ သိမ်းဆည်းလိုက်၏။

အုပ်စုကို ဦးဆောင်လျက် ဝမ်ကျန်းယွမ်နှင့် ပုယွင်ကျန့်၊ အခြားအင်မော်တယ်များနှင့်အတူ ပျံသန်းလာကြသည်။

"ယွီသခင်မလေးကို အရိုအသေပြုပါတယ်။"

လူအုပ်သည် ဦးစွာ ယွီလင်းလောင်ကို နှုတ်ဆက်ပြီးနောက်၊ သူတို့၏ အာရုံကို

လုရီထံသို့ လှည့်လိုက်ကြသည်။

"လုရီ၊ မတွေ့တာကြာပြီပဲ၊ မင်းကို သတိရနေတာကွ။"

ပုယွင်ကျန့်က ပြုံးလျက် ဆိုသည်။

"ငါတို့ နတ်ဓားဂိုဏ်းက ဝေ့ခန်းကို ကြားဝင်ကယ်တင်ပေးခဲ့တဲ့အတွက်လည်း ကျေးဇူးတင်ရမယ်၊ မဟုတ်ရင် ငါတို့

အင်မော်တယ် တစ်ပါး ဆုံးရှုံးရမှာ၊ ဒါက

ငါတို့အတွက် အလွန် ကြီးမားတဲ့ ဆုံးရှုံးမှုပဲ။"

မည်သို့ပင်ဆိုစေကာမူ၊ နတ်ဓားဂိုဏ်းသည် ယွီမိသားစုကဲ့သို့ ဧရာမအင်အားကြီး

အဖွဲ့အစည်း မဟုတ်ရာ၊ ကောင်းကင်ဘုံအင်မော်တယ် တစ်ပါး ဆုံးရှုံးခြင်းသည်

သူတို့ကို အမှန်ပင် ဆိုးရွားစွာ ထိခိုက်စေနိုင်သည်။

လုရီက ပြုံးလိုက်သည်။

"ပုသခင်ကြီး၊ ခင်ဗျား အရမ်းအားနာနေပါပြီ၊ အကြီးအကဲ ဝေ့ခန်းက ကံကောင်းခြင်းတွေနဲ့ ပြည့်စုံနေလို့ပါ၊ မဟုတ်ရင် သူ ကျွန်တော် ကယ်တဲ့အထိ ကြာကြာခံနိုင်မှာ မဟုတ်ပါဘူး။"

ဝမ်ကျန်းယွမ်က ပြုံးလိုက်ပြီး

"လုရီ၊ မင်း ကျန်းအန်း စစ်မြေပြင်မှာ အကြီးအကျယ် လှုပ်ခတ်မှုတွေ လုပ်ခဲ့တယ်လို့ ကြားတယ်၊ တကယ်ပဲ၊ မင်းက ဘယ်နေရာ ရောက်ရောက် ငြိမ်ငြိမ်မနေတတ်ဘူး နော် "

လုရီ၏ နှုတ်ခမ်းထောင့်များ ကွေးသွားပြီး စိတ်ညစ်စွာဖြင့် ပြန်ပြောလေသည်။

"ကျွန်တော်လည်း မလိုချင်ပါဘူး။"

ကျန်းအန်းစစ်မြေပြင်သို့ ရောက်ရောက်ချင်း ထိုသို့သော အခြေအနေနှင့် ကြုံတွေ့ရမည်ဟု မည်သူက သိမည်နည်း။

လုရီ၏ အကြည့်များသည် အနီးအနားမှ အင်မော်တယ်များအပေါ် ဝေ့ဝဲသွားရာ၊

ရာရှိုမွန်မျိုးနွယ် ကျူးကျော်သည့်အချိန်ကပင် သူ မမှတ်မိသော သူများစွာ ရှိနေ ပါသည်။

ဘေးမှ ပုယွင်ကျန့်က သူတို့ကို လုရီအား မိတ်ဆက်ပေးရာ၊ လုရီသည် သူတို့အားလုံး ထျန်းမင်အင်မော်တယ်ဂိုဏ်း မြင့်မြတ်နယ်မြေ၏ နောက်ကွယ်မှ အင်မော်တယ်များဖြစ်ကြောင်း ရုတ်တရက် နားလည်သွားသည်။

"ခင်ဗျားတို့အားလုံး ထျန်းမင်ကနေ ထွက်သွားခဲ့ကြတာ မဟုတ်လား။ ဘာလို့ ပြန်လာကြတာလဲ။"

ဝေ့ခန်းက ခါးသီးစွာ ပြုံးလိုက်ပြီး

"သခင်လေးလုရီ၊ ခင်ဗျား မသိလောက်ဘူး၊ အပြင်မှာလည်း ခက်ခဲပါတယ်ဗျာ။ ကျွန်တော်တို့အများစုက ကောင်းကင်ဘုံအင်မော်တယ်တွေပဲလေ။ အင်အားကြီး အင်မော်တယ်အဆင့် အင်အားစုတွေမှာဆို ကျွန်တော်တို့ကို သိပ်တန်ဖိုးမထားကြဘူး၊ နက်ရှိုင်းခြင်းအင်မော်တယ်အဆင့် အင်အားစုတွေမှာတော့ တန်ဖိုးထားပေမဲ့၊ ကျွန်တော်တို့ ရနိုင်တဲ့ အရင်းအမြစ်တွေက မများဘူး။ အခု ထျန်းမင်က အင်မော်တယ်ကြယ်ဂြိုဟ်အဖြစ် ပြောင်းလဲသွားပြီဆိုတော့၊ ဒီမှာရှိတဲ့ အခြေအနေတွေက အပြင်ကထက် မနိမ့်ကျတော့ဘူး၊ နည်းနည်းတောင် ပိုကောင်းနိုင်သေးတယ်။ အပြင်မှာ လျှောက်သွားနေတာထက် ကိုယ့်ဂိုဏ်းကို ပြန်လာတာက ပိုမကောင်းဘူးလား။"

ဤသို့ကြားသောအခါ လုရီ ရုတ်တရက် ဉာဏ်အလင်းရသွားသည်။

ဤအင်မော်တယ်များသည် လုရီနှင့် မတူကြ၊ အကြောင်းမှာ လုရီတွင် ကြယ်တာရာခြင်ဆီ ရှိပြီး ဆိုးရွားသော ပတ်ဝန်းကျင်များ၌ပင် လျင်မြန်စွာ ကျင့်ကြံနိုင်သေးသည်။ သာမန်အင်မော်တယ်များအတွက်မူ၊ ကြယ်တာရာခြင်ဆီကဲ့သို့သော ကျင့်ကြံခြင်းအရင်းအမြစ်များ မရှိသူများအတွက်၊ ကျင့်ကြံခြင်းပတ်ဝန်းကျင်သည် အလွန်အရေးကြီးလာသည်။

ဤသည်မှာ မြို့ပြဖွံ့ဖြိုးတိုးတက်မှုဖြစ်စဉ်များအတွင်း ကျေးလက်ဒေသမှ လူငယ်များ အလုပ်အတွက် မြို့ကြီးများသို့ အလုံးအရင်းဖြင့် သွားရောက်ကြပြီး၊ နောက်ပိုင်းတွင် ထိုနေရာများ ဖွံ့ဖြိုးလာသောအခါ သူတို့၏ မြို့နယ်များကို ပြန်လည်ဖွံ့ဖြိုးတိုးတက်စေရန် ပြန်လာကြခြင်းနှင့် ဆင်တူသည်။

"လုရီ၊ မင်း ဒီလောက်နှစ်တွေအကြာကြီး

မပြန်လာတော့၊ မသိလောက်ဘူး၊ ဒါပေမဲ့ ထျန်းမင်က သိသိသာသာ ပြောင်းလဲသွားပြီ၊ လမ်းမှာ ငါ မင်းကို ပြောပြမယ်။"

ဝမ်ကျန်းယွမ်က ခပ်ဖွဖွရယ်မောရင်း ပြောလာသည်။

ထိုအခါ လုရီ သိချင်သွားပြီး ခေါင်းညိတ်လိုက်သည်။

"ကောင်းပါပြီ။"

---

ထို့ကြောင့်၊ အုပ်စုသည် တိမ်ဖြူဂိုဏ်းဆီသို့ ပျံသန်းရင်း စကားစမြည် ပြောဆိုသွားကြသည်။

တိမ်ဖြူဂိုဏ်းသည် တိမ်ဖြူ အင်မော်တယ်ဂိုဏ်းအဖြစ်သို့ ပြောင်းလဲသွားကြောင်း ကြားသိရသောအခါ၊ လုရီနှင့် လျိုနင်ရွှမ်း နှစ်ဦးလုံး အနည်းငယ် အံ့အားသင့်သွားကြသည်။

သို့သော်၊ ၎င်းသည် အကျိုးအကြောင်းဆီလျော်သည်ဟုလည်း သူတို့ ခံစားမိကြသည်။

အင်မော်တယ်များ ဖြစ်သည့်အားလျော်စွာ၊ သူတို့ အလွန် လျင်မြန်ကြပြီး၊ မကြာမီမှာပင် တိမ်ဖြူ တောင်တန်းသို့ ချဉ်းကပ်လာကြသည်။

လုရီသည် တိမ်ဖြူတောင်တန်းကြီးမှာ ကြီးမားသော ပြောင်းလဲမှုများ ဖြစ်ပေါ်နေသည်ကို သတိပြုမိလိုက်သည်။

ဝိညာဉ်စွမ်းအင်၏ အာဟာရ ဖြည့်မှုကြောင့် တိမ်ဖြူတောင်တန်းသည် အဆက်မပြတ် ကြီးထွားလာပြီး၊ မိုင်ထောင်ပေါင်းများစွာ ကျယ်ပြန့်ကာ၊ ခန့်ညား ထည်ဝါပြီး လှပနေကာ၊ ဝိညာဉ်စွမ်းအင်များမှာ တိမ်တိုက်များအဖြစ်သို့ ပြောင်းလဲကာ ကောင်းကင်ယံတွင် လွင့်မျောနေသည်။

၎င်း၏ အဓိကအကျဆုံး ဧရိယာတွင်မူ၊ ပို၍ပင် အင်မော်တယ်ဝိညာဉ်စွမ်းအင်များဖြင့် ဝန်းရံထားပြီး၊ အင်မော်တယ်လျှို့ဝှက်နယ်မြေတစ်ခုနှင့်ပင် တူနေတော့သည်။

"ဒါ ငါတို့ တိမ်ဖြူဂိုဏ်းလား။"

သုန်းကုန်းမင်ယွဲ့က မယုံနိုင်စွာ အသက်ရှူမှားသွားသည်။

"နှစ်နှစ်ရာလောက် မပြန်လာဘဲနဲ့ ဒီလောက်ကြီးမားတဲ့ ပြောင်းလဲမှုတွေ ဖြစ်သွားလိမ့်မယ်လို့ မထင်ထားဘူး။"

လျိုနင်ရွှမ်းကလည်း အနည်းငယ် အထင်ကြီးလေးစားဟန် ဖော်ပြခဲ့သည်။

"လူကြီးမင်းတို့၊ တိမ်ဖြူအင်မော်တယ်ဂိုဏ်းက ဟိုမှာပါ။ လုရီချန်ထားခဲ့တဲ့ အင်မော်တယ်နယ်မြေကြောင့်၊ တိမ်ဖြူအင်မော်တယ်ဂိုဏ်းမှာ အရည်အချင်းရှိပြီး ထူးချွန်တဲ့ ပုဂ္ဂိုလ်များစွာ ပေါ်ထွက်လာခဲ့ပါတယ်။"

ပုယွင်ကျန့်က မနာလိုစွာ ဆိုလိုက်သည်။

ဤနေရာရှိ ပတ်ဝန်းကျင်မှာ အလွန်ကောင်းမွန်လှသည်။

နောက်ထပ် နှစ်များ ထောင် သို့မဟုတ်

သောင်းဂဏန်းအကြာတွင်၊ တိမ်ဖြူဂိုဏ်းတွင် အင်မော်တယ် အသစ်များပင် ပေါ်ထွက်လာနိုင်သည်။

မည်သို့ပင်ဆိုစေကာမူ၊ တိမ်ဖြူဂိုဏ်းသည် လုရီ မွေးဖွားကြီးပြင်းခဲ့ရာနေရာ ဖြစ်ပါသည်။ တိမ်ဖြူဂိုဏ်း တဖြည်းဖြည်း

မြင့်မား တိုးတက်လာသည်ကို မြင်ရခြင်းသည် လုရီကို အမှန်တကယ် ပျော်ရွှင်စေသည်။

"သွားကြည့်ကြရအောင်။"

---

သူတို့ တိမ်ဖြူဂိုဏ်းဆီသို့ ပျံသန်းသွားစဉ်မှာပင်၊ တိမ်ဖြူဂိုဏ်း၏ လားရာမှ အလင်းတန်းများ လျင်မြန်စွာ ပျံထွက်လာကြသည်။ အားလုံးမှာ ပေါင်းစည်းခြင်းနယ်ပယ်အဆင့်တွင် ရှိကြ၏။

လုရီ တစ်ယောက် ရင်းနှီးသော အရှိန်အဝါများကို ခံစားမိပြီး ခန့်ညားချောမောသော မျက်နှာမှာ ပြုံးယောင်သမ်းလာသည်။

ဤအလင်းတန်းများသည် အင်မော်တယ်များရှေ့တွင် ဆင်းသက်လာကြပြီး၊ တိမ်ဖြူအင်မော်တယ်ဂိုဏ်း၏ ဂိုဏ်းချုပ်

ဝူချင်းဖုန်းသည် လက်စုံယှက်ကာ မာနထောင်လွှားခြင်းမရှိဘဲ ဆိုလိုက်သည်။

"အကြီးအကဲအပေါင်းတို့၊ အဝေးကနေ ကြိုဆိုမှုမပြုနိုင်တဲ့အတွက် တောင်းပန်ပါတယ်။ ကျွန်တော်တို့ တိမ်ဖြူအင်မော်တယ်ဂိုဏ်းကို ဘာကိစ္စနဲ့ ကြွရောက်လာကြပါသလဲ သိပါရစေ။"

ဝူချင်းဖုန်း၏ နောက်တွင် အကြီးအကဲ

ရွှမ်မင်နှင့် အကြီးအကဲ ချီလင်တို့ ရှိနေကြသည်။ အကြီးအကဲမင်သည် ပေါင်းစည်းခြင်းအထွတ်အထိပ်သို့ ရောက်ရှိနေပြီး မဟာယာန နယ်ပယ်နှင့် မဝေးတော့ပေ။

ထိုသို့သော ကျင့်ကြံခြင်း ပတ်ဝန်းကျင်တွင်၊ သာမန်လူတစ်ဦးပင်လျှင် သူတို့၏ ကျင့်ကြံမှုအဆင့်ကို လျင်မြန်စွာ မြှင့်တင်နိုင်ရာ၊ ဤသို့သော အရည်အချင်းရှိသည့် အကြီးအကဲများအတွက်မူ ပြောစရာမလိုတော့ပေ။

ဝူချင်းဖုန်းသည် ပေါင်းစည်းခြင်းအထွတ်အထိပ်တွင်သာ ရှိသော်လည်း၊

အင်မော်တယ်များကို ရင်ဆိုင်ရာတွင် သူ လုံးဝ ထိတ်လန့်ခြင်းမရှိပေ။ သူတွင် လုရီနှင့် ယွီလင်းလောင်၏

ကျောထောက်နောက်ခံ ရှိသောကြောင့် ဖြစ်သည်။

ဤကာလအတွင်း၊ တိမ်ဖြူဂိုဏ်း၏ ပြောင်းလဲမှုများသည် ဝူချင်းဖုန်းနှင့် အကြီးအကဲ ရွှမ်မင်၊ အခြားသူများကို

စိတ်လှုပ်ရှား တက်ကြွစေခဲ့သည်။

သူတို့ကို ဦးဆောင်လျက်၊ ဝမ်ကျန်းယွမ်က အပြုံးလေးဖြင့်

"ဝူချင်းဖုန်း၊ ကြည့်စမ်းပါဦး၊ ဒါ ဘယ်သူလဲ။"

ထိုအခါမှ ဝူချင်းဖုန်းနှင့် အခြားသူများသည် လူအုပ်ဖြင့် ဝန်းရံထားသော လုရီနှင့် သူ၏ အဖွဲ့ကို မြင်လိုက်ကြသည်။

ရုတ်တရက်၊ ဝူချင်းဖုန်းနှင့် အခြားသူများ၏ မျက်လုံးများ ပြူးကျယ်သွားပြီး အလွန်အမင်း အံ့အားသင့်သော အမူအရာများ ပေါ်လာသည်။

"ရီအာ?! ဂျူနီယာညီမလေး လင်းလောင်?! မင်းတို့နှစ်ယောက် ဘယ်လိုလုပ်ပြီး ပြန်ရောက်လာကြတာလဲ။"