ထူးဆန်းသော သွေးမျိုးဆက်နှင့် အင်မော်တယ်ကျမ်းစာ လွှဲပြောင်းပေးခြင်း အပိုင်း (၂)...

~သူတို့အတွက်မူ မည်သည့်နေရာတွင် ကျင့်ကြံသည်ဖြစ်စေ ကျင့်ကြံခြင်းက ကျင့်ကြံခြင်းပင် မဟုတ်ပါလော။

ဤအရင်းအမြစ်များကို အသုံးပြု၍ ကျင့်ကြံရင်း ထိုနေရာသို့ ဖြည်းဖြည်းချင်း ပျံသန်းသွားလျှင်လည်း မကောင်းပါဟု မဆိုသာပေ။ အလွန်ဆုံး အချိန်အနည်းငယ် ပိုကြာသွားမည်သာ ဖြစ်သည်။

စကြဝဠာထဲတွင် တွင်းနက်များ၊ နျူထရွန်ကြယ်များ၊ ဆူပါနိုဗာပေါက်ကွဲမှုများ အစရှိသည့် ကောင်းကင်ဘုံဆိုင်ရာ ကပ်ဘေးအန္တရာယ်များ အလွန်များပြားလှ၏။

[စာရေးသူမှတ်စု-

၁။ဆူပါနိုဗာဆိုတာက နေထက် အဆပေါင်းများစွာ ကြီးမားတဲ့ ကြယ်ကြီးတစ်လုံးရဲ့ အလွန်တောက်ပပြီး အင်အားပြင်းထန်လှတဲ့ ပေါက်ကွဲသေဆုံးမှု ဖြစ်စဉ်ကြီးတစ်ခုပါပဲ။ ကြယ်တစ်လုံးဟာ သူ့ရဲ့ သက်တမ်းကုန်ဆုံးချိန်မှာ စွမ်းအင်ထုတ်လုပ်ဖို့ လောင်စာကုန်သွားတဲ့အတွက်၊ သူ့ရဲ့ ဒြပ်ဆွဲအားကို မခုခံနိုင်တော့ဘဲ ပေါက်ကွဲမှုကြီး ဖြစ်လာတာကါ။

၂။နျူထရွန်ကြယ်ကတော့ ဆူပါနိုဗာ ပေါက်ကွဲပြီးနောက် ကျန်ခဲ့တဲ့ ကြယ်ရဲ့ အလွန်အမင်း သိပ်သည်းလှတဲ့ အလယ်အူတိုင် ဖြစ်ပါတယ်။ ဒါပေမဲ့ အလွန်ကြီးမားတဲ့ ကြယ်တွေကနေတော့ ဖြစ်တာမဟုတ်ဘဲ နေထက် ၈ ဆ ကနေ အဆ ၂၀ လောက်အထိ ကြီးတဲ့ ကြယ်တွေကနေ ဖြစ်ပေါ်လာတာပါ။

၃။ တွင်းနက်ကတော့ ကြယ်တစ်လုံးရဲ့ သက်တမ်း ကုန်ဆုံးမှုမှာ ဖြစ်ပေါ်နိုင်တဲ့ အပြင်းထန်ဆုံးနဲ့ အဆန်းကြယ်ဆုံး အရာပါ။ သူ့ရဲ့ ဒြပ်ဆွဲအားက အလွန်အမင်းကြီးမားလွန်းလို့ အချိန်၊ အာကာသနဲ့ အရာအားလုံးကို ကွေးညွှတ်စေပြီး အလင်းတောင်မှ ပြန်မထွက်နိုင်တော့တဲ့ နေရာ

တစ်ခု ဖြစ်ပါတယ်။

နေထက် အဆ ၂၀-၂၅ ဆထက် ပိုကြီးတဲ့ အလွန်ကြီးမားတဲ့ ကြယ်တွေ ဆူပါနိုဗာ ပေါက်ကွဲတဲ့အခါ ဖြစ်ပေါ်လာတာပါ။ ပေါက်ကွဲပြီးနောက် ကျန်ခဲ့တဲ့ အူတိုင်ဟာ ဒြပ်ထု အရမ်းများလွန်းတဲ့အတွက် နျူထရွန်ကြယ်အဖြစ်တောင်

မရပ်တန့်နိုင်တော့ဘဲ သူ့ရဲ့ကိုယ်ပိုင်ဒြပ်ဆွဲအားအောက်မှာ အဆုံးမရှိ ပြိုကျသွားပြီး တွင်းနက် (Black Hole) ဖြစ်လာပါတယ်။]

အင်မော်တယ်တစ်ပါးပင်လျှင် သူတို့၏ ကျင့်ကြံမှုအဆင့် မခိုင်မာပါက ထိုသို့သော ကပ်ဘေးများနှင့် ရင်ဆိုင်ရချိန်တွင် အလွန်တရာ အင်အားမဲ့သွားသည်ဟု ခံစားရပေလိမ့်မည်။

အချိန်ကြာလာသည်နှင့်အမျှ ဤအချက်ကြောင့်ပင် ကြယ်တာရာနယ်မြေအသီးသီးကို ကြယ်တာရာတံခါးများမှတစ်ဆင့် ဖြတ်သန်းသွားလာရသော လမ်းကြောင်းအမျိုးမျိုး ပေါ်ပေါက်လာခဲ့လေသည်။

ထိုသို့သော လမ်းကြောင်းများသည် နေရာလပ်ကို ဖြတ်ကျော်ပျံသန်းနိုင်သော ကောင်းကင်ယာဉ်ပျံသင်္ဘောများနှင့်တော့ သက်ဆိုင်ခြင်းမရှိပေ။ ထိုယာဉ်ပျံများမှာ လိုရာခရီးကို တိုက်ရိုက်သွားရောက်နိုင်သည့်အပြင် သီးခြားနေရာများကို စူးစမ်းရှာဖွေခြင်းကဲ့သို့သော လုပ်ငန်းဆောင်တာများမှာမူ ကုန်ကျစရိတ်မှာ နက္ခတ်တာရာများကဲ့သို့ပင် များပြားလှပေ၏။

သို့သော်လည်း ဤသည်မှာ သာမန်အခြေအနေတွင်သာဖြစ်ပြီး ခြွင်းချက်များမှာ အမြဲတမ်း ရှိနေနိုင်သေးသည်။

လိပ်ပြာနီ နေထိုင်ခဲ့သော ဂြိုဟ်ကဲ့သို့ပင်၊ နှစ်ပေါင်း ဘီလီယံနှင့်ချီ၍ မည်သည့်အန္တရာယ်မျှ မကြုံခဲ့ရသော်လည်း ဤတစ်ကြိမ်တွင် ကြယ်လေ ပင်လယ်ဓားပြအဖွဲ့၏ ကံကောင်းထောက်မစွာ တွေ့ရှိမှုကြောင့် ကပ်ဘေးတစ်ခုအဖြစ်သို့ ပြောင်းလဲသွားခဲ့ရသည်။

လိပ်ပြာနီသည်လည်း ဤအချက်ကို သူမ၏ စိတ်ထဲတွင် နားလည်ထားပြီးသား ဖြစ်၏။ နှစ်ပေါင်းများစွာ လှောင်အိမ်ထဲတွင် ပိတ်လှောင်ခံထားရစဉ်က သူမသည်လည်း ဤအချက်အလက်များကို သိရှိခဲ့ရသည်။

အင်အားမရှိပါက ဤကျယ်ပြောလှသော စကြဝဠာထဲတွင် သင်သည် ဖြစ်ပေါ်လာရန် စောင့်ဆိုင်းနေသော ကပ်ဘေးတစ်ခုသာ ဖြစ်ပေလိမ့်မည်။

ရုတ်တရက် လိပ်ပြာနီသည် သူမ၏သခင်က အဘယ်ကြောင့် ထိုမေးခွန်းကို မေးခဲ့သည်ကို တွေးမိသွားသည်။

သူမသည် သူမတို့မျိုးနွယ်ကို မြင်သောအခါ သူတို့၏ အရည်အသွေးများကို သဘောကျခဲ့သော ကြယ်လေ ပင်လယ်ဓားပြများကို သတိရလိုက်မိပြီး အကျဉ်းချခံထားရစဉ်က စီနီယာ ငွေလမင်းနှင့် အခြားသူများ၏ နှမြောတသဖြစ်စွာ ပြောဆိုခဲ့သည်များကို ပြန်လည်ကြားယောင်လာသည်။

သူမသည် အကြောင်းရင်းကို မထင်မရှား ခန့်မှန်းမိသွားသော်လည်း စိတ်ထဲတွင် အနည်းငယ် စိုးရိမ်ပူပန်နေမိသည်။

လုရီကို ကြည့်လိုက်ပြီးနောက် သူမကဆမေးလိုက်၏။

"သခင်... သခင်က သတ္တဝါနီမျိုးနွယ်ကို အကာအကွယ်ပေးလိုစိတ် ရှိပါသလား။ ကျွန်မရဲ့ ဖခင်ကို ပြီး ကျွန်မတို့ မျိုးနွယ်တစ်ခုလုံး သခင့်ထံမှာ ခိုလှုံဖို့ တိုက်တွန်းပေးလိုပါတယ်"

လုရီက မျက်ခုံးတစ်ဖက်ပင့်ကာ ရယ်မောလိုက်ပြီး "ငါကတော့ သဘောကျတာပေါ့။ မင်းက ငါ့လူဖြစ်နေပြီပဲ၊ ဒီတော့ မင်းရဲ့

မျိုးနွယ်ကလည်း ငါ့ရဲ့ အကာအကွယ်အောက်မှာ ရှိနေမှာပေါ့" ဟု ပြောလိုက်သည်။

ငါက... သခင့်လူ ဟုတ်လား။

လိပ်ပြာနီ၏ မူလက ဖြူဖျော့သော အနီရောင်အသားအရေသည် တဖြည်းဖြည်း လုံးဝ နီရဲသွားပြီး အပူငွေ့များပင် စိမ့်ထွက်လာတော့သည်။

"..."

ဘေးမှ လျိုနင်ရွှမ်းနှင့် အခြားသူများက လုရီကို ထူးဆန်းသော အကြည့်များဖြင့် ကြည့်လိုက်ကြသည်။

သူမရဲ့ ခန္ဓာကိုယ်ကို မလိုချင်ဘူးလို့ ပြောသေးတယ် မဟုတ်လား။

လုရီသည် ဤသို့ဖြစ်သွားမည်ဟု

မမျှော်လင့်ထားသောကြောင့် အနည်းငယ် မှင်သက်သွားသည်။ နောက်ဆုံးတော့ လိပ်ပြာနီက သူ့နောက်လိုက်ဖြစ်လာသည်ဆိုကတည်းက သူမသည် သူ့လူဖြစ်သွားသည်မှာ အမှန်ပင်။

သို့သော်လည်း ထိုသဘောဖြင့် ဆိုလိုခြင်းမဟုတ်ပေ။

လုရီသည် တစ်စုံတစ်ခုကို တွေးမိသွားပြီး လိပ်ပြာနီကို ကြည့်ကာမေးလိုက်သည်။

"မင်းတို့ ကျင့်ကြံတဲ့ ကျင့်ကြံခြင်းနည်းစနစ်က ဘယ်လိုမျိုးလဲ။ ငါ့ကို ပြောပြပါ"

လိပ်ပြာနီသည် သတ္တဝါနီမျိုးနွယ်၏ မင်းသမီးတစ်ပါးအနေဖြင့် မျိုးနွယ်၏ မူလအခြေခံနည်းစနစ်ကို ကျင့်ကြံခဲ့ရပြီး ၎င်းမှာ အပြင်လူများနှင့် မျှဝေရန် မသင့်တော်သော အရာဖြစ်၏။

သို့သော် သူမသည် အနည်းငယ်မျှပင် တုံ့ဆိုင်းမနေဘဲ မိမိ၏ ကျင့်ကြံခြင်းနည်းစနစ်ကို ချက်ချင်းပင် ဖော်ပြလိုက်သည်။

သူမ၏ စိတ်ထဲတွင် သူမ၏သခင်မှာ ဤမျှလောက် ထင်ရှားကျော်ကြားသော ပုဂ္ဂိုလ်တစ်ဦးဖြစ်ရာ သူ၏ ကျင့်ကြံခြင်းနည်းစနစ်များမှာ သူမ စိတ်ကူးပင်မယဉ်နိုင်လောက်အောင် သာလွန်နေမည်မှာ သေချာသည်။ သူက သူမတို့ မျိုးနွယ်၏ နည်းစနစ်ကို လိုချင်တပ်မက်နေမည်တဲ့လား။

လိပ်ပြာနီ ရှင်းပြနေစဉ်တွင် လုရီတစ်ယောက်တည်း မျက်မှောင်ကြုတ်နေသည်သာမက လျိုနင်ရွှမ်းနှင့် အခြားသူများပါ မျက်မှောင်ကြုတ်လာကြသည်။

သူမတို့သည် လိပ်ပြာနီကို ထူးဆန်းသော အမူအရာများဖြင့် ကြည့်နေကြ၏။

သဘာဝအတိုင်းပင် လိပ်ပြာနီက ထိုအချက်ကို သတိထားမိသွားပြီး အနည်းငယ် စိုးရိမ်စွာဖြင့် "...သခင်... ဒီနည်းစနစ်မှာ ပြဿနာတစ်ခုခု ရှိနေလို့ပါလား" ဟု မေးလိုက်သည်။

လုရီကလည်း နားမလည်နိုင်သော အမူအရာဖြင့် ခေါင်းညိတ်ကာ "အင်း... ပြဿနာရှိနေတာတော့ အမှန်ပဲ"

တကယ်တော့ ၎င်းမှာ ပြဿနာတစ်ခုသာ မဟုတ်ဘဲ အလွန်ကြီးမားသော ပြဿနာကြီးတစ်ခု ဖြစ်နေလေသည်။

သေစမ်း... သတ္တဝါနီမျိုးနွယ်၏ မူလအခြေခံနည်းစနစ်သည် အလွန်တရာ အခြေခံကျလှသည်တကား။ ၎င်းမှာ ဝိညာဉ်စွမ်းအင်စုပ်ယူသော ချီစုပ်ယူခြင်းနည်းစနစ်ထက် အနည်းငယ်မျှသာ ပို၍ ရှုပ်ထွေးလေသည်။

အင်မော်တယ်အဆင့် အင်အားစုများတွင် ထားရန်မဆိုထားနှင့်၊ ယခင်က ထျန်းမင်ဂြိုဟ်တွင်ပင် ဤသို့သော အခြေခံနည်းစနစ်ကို မည်သူမျှ ကျင့်ကြံမည်မဟုတ်ပေ၊ ရွှေအူတိုင်အဆင့် ကျင့်ကြံသူတစ်ဦးကို ထည့်မပြောနှင့်တော့။

သို့သော်လည်း ဤသို့သော ရှေးကျလှသည့် နည်းစနစ်ကို အားကိုးရုံဖြင့် လိပ်ပြာနီသည် မဟာယာနအဆင့် အထိ ကျင့်ကြံနိုင်ခဲ့သည်တကား။

သူမ၏ အရည်အချင်းမှာ မည်မျှအထိ ထူးခြားဆန်းကြယ်လိုက်မည်ကို စဉ်းစားကြည့်နိုင်ပါ၏။ မွေးရာပါ ဝိညာဉ်ခန္ဓာကိုယ်ပင်လျှင် ဤမျှလောက်သော အရည်အချင်းမျိုး ရှိချင်မှ ရှိမည်ဖြစ်ပြီး ၎င်းအပြင် အစောပိုင်းက ခံစားမိခဲ့သော နိယာမစွမ်းအားများလည်း ရှိသေးသည်။

လိပ်ပြာနီသည် မီးလျှံတာအို၏ မီးဓာတ် အင်မော်တယ်ခန္ဓာကိုယ် ဖြစ်သည်မှာ ထင်ရှားလှ၏။ သူမ၏ အရည်အချင်းသည် ယခုလက်ရှိ စီနီယာအစ်မများထက် မနိမ့်ကျသည့်အပြင် ပို၍ပင် သာလွန်ကောင်း သာလွန်နိုင်သေးသည်။

အခြားသော သတ္တဝါနီမျိုးနွယ်ဝင်များမှာလည်း လိပ်ပြာနီကဲ့သို့ အရည်အချင်း မရှိကြသော်လည်း ထိုရှေးကျသော နည်းစနစ်ကို အသုံးပြု၍ နတ်ဘုရားအသွင်ပြောင်း ဟင်းလင်းပြင်ဥမင်အဆင့်အထိ ကျင့်ကြံနိုင်ခဲ့ကြသည်။

ဤသည်မှာ လုံးဝကို အဓိပ္ပာယ်မရှိလောက်အောင်ပင် ထူးခြားဆန်းကြယ်လှပါ၏။

ယွီလင်းလောင်ပင်လျှင် ယုံကြည်ရန် ခက်ခဲနေမိသည်။

"ဒီမျိုးနွယ်က ဘာလဲဟ။ သူတို့အားလုံးမှာ ကြောက်စရာကောင်းတဲ့ အရည်အချင်းတွေ ရှိနေကြပါလား"

လင်းလောင်တောင်ထိပ်သခင်မက လိပ်ပြာနီကို နားမလည်နိုင်စွာ ကြည့်ရင်း ဆိုလိုက်သည်။

ယွီမိသားစုတွင်ပင် လူတိုင်းက ဤမျှလောက် ကြီးမားသော အရည်အချင်းများကို ပိုင်ဆိုင်ထားကြသည် မဟုတ်ပေ။ ယွီမိသားစုအတွင်း၌ပင် မွေးရာပါ ဝိညာဉ်ခန္ဓာကိုယ်ဖြင့် မွေးဖွားလာသူ အများအပြားမရှိသလို၊ အင်မော်တယ်ခန္ဓာကိုယ်ဖြင့် မွေးဖွားလာသူများမှာမူ ပို၍ပင် ရှားပါးလှသည်။

လုရီနှင့် အခြားသူများမှာလည်း နားလည်ရန် ခက်ခဲနေကြသည်။

ယုတ္တိနည်းကျကျ စဉ်းစားရလျှင် ဤသို့သော အရည်အချင်းများဖြင့်ဆိုပါက သူတို့သည် သွေးမျိုးဆက်မြင့်မားသော အဆင့်မြင့် အင်မော်တယ်သားရဲများနှင့် တူညီနေသင့်သည်။ ထိုသို့သော သွေးမျိုးဆက်များမှာ မူလအားဖြင့် နိမ့်ကျသော အစပျိုးအဆင့် ရှိမည်မဟုတ်ပေ။

ကြယ်ငယ်လေးကဲ့သို့ပင်၊ ကြယ်ရောင်သမင်၏ မျိုးဆက်တစ်ဦးအနေဖြင့် သူမသည် ကပ်ဘေးဖြတ်ကျော် အင်မော်တယ်အဆင့် ဖြင့် မွေးဖွားလာခဲ့သည်။ ကောင်းကင်ကြယ်တာရာသစ်ပင်အောက်နှင့် လက်ရှိပတ်ဝန်းကျင်၏ အကူအညီဖြင့် နှစ်တစ်ထောင်မျှအတွင်းမှာပင် သူမသည် ကောင်းကင်ဘုံ အင်မော်တယ် ပြည့်စုံခြင်းအဆင့်သို့ နီးကပ်နေလေပြီ။

သို့သော် သတ္တဝါနီမျိုးနွယ်မှာတော့...

ဤမျှ မြင့်မားသော အရည်အချင်းများ ရှိနေပါလျက် သူတို့သည် ဤမျှ နိမ့်ကျသော အဆင့်မှ အဘယ်ကြောင့် စတင်ရပါသနည်း။

လုရီက ပြဿနာတစ်ခုကို ထောက်ပြလိုက်သည်ကို မြင်သောအခါ လိပ်ပြာနီသည် ပို၍ပင် စိုးရိမ်လာတော့သည်။

လိပ်ပြာနီ၏ မျက်နှာအရောင် ပြောင်းလဲသွားပြီး မေးလိုက်သည်။

"သခင်... ကျွန်မတို့ ဒီနည်းစနစ်နဲ့ ကျင့်ကြံရင် ဘေးထွက်ဆိုးကျိုးတွေ ရှိလာနိုင်ပါသလား"

လုရီက ချောင်းတစ်ချက်ဟန့်လိုက်ပြီး မေးလိုက်သည်။

"မင်းတို့မျိုးနွယ်က အင်မော်တယ် အဆင့် ရောက်ဖူးတဲ့သူ ရှိခဲ့လား"

လိပ်ပြာနီက ခေါင်းခါပြရင်း

"မရှိခဲ့ပါဘူး... ကျွန်မတို့ရဲ့ မှတ်ဉာဏ်တွေအရဆိုရင် ကျွန်မတို့လူမျိုးထဲမှာ အင်အားအကြီးဆုံးက ကပ်ဘေးဖြတ်ကျော် ကျင့်ကြံသူနဲ့ ညီမျှတဲ့ အဆင့်ပဲ ရှိပါတယ်" ဟု ဖြေကြားသည်။

လုရီ၏ နှုတ်ခမ်းများ တွန့်သွားသည်။

"မင်းတို့ရဲ့ ကျင့်ကြံခြင်းနည်းစနစ်တွေက အရမ်းကို ရှေးကျလွန်းတယ်။ ဒီလိုနည်းစနစ်တွေနဲ့ဆိုရင် အင်မော်တယ်ဖြစ်ဖို့ဆိုတာ မဖြစ်နိုင်ဘူး"

အကယ်၍သာ ထိုသို့သော နည်းစနစ်များဖြင့် အင်မော်တယ်ဖြစ်နိုင်မည်ဆိုလျှင် လောကကြီးတွင် တရားမျှတမှုဟူ၍ အမှန်တကယ် ရှိတော့မည်မဟုတ်ပေ။

လိပ်ပြာနီ၏ အခြေခံ အုတ်မြစ်နှင့်ဆိုလျှင် အခြေခံအကျဆုံးဖြစ်သော ချီစုပ်ယူခြင်းသိုင်းနည်းစနစ်ကိုပင် အချိန်အလုံအလောက်ပေးပါက တက်လှမ်းနိုင်ပေလိမ့်မည်။

သို့သော် ပိုကောင်းသောနည်းစနစ်များ ရှိနေပါလျက် အဆင့်နိမ့်နည်းစနစ်ကို ကျင့်ကြံလောက်အောင်တော့ သူမ မမိုက်မဲပေ။

ဤစကားကို ကြားသောအခါ လိပ်ပြာနီသည် အနည်းငယ် ရှက်သွားသလို ခံစားလိုက်ရသော်လည်း သဘာဝကျသည်ဟုလည်း တွေးမိသည်။

အမှန်ပင်... သူမတို့မျိုးနွယ်၏ အမြင့်မြတ်ဆုံးနည်းစနစ်သည် သူမ၏သခင်မျက်စိထဲတွင် အဆင့်နိမ့် နည်းစနစ်တစ်ခုအဖြစ်သာ သတ်မှတ်ခံရမည် မဟုတ်ပါလော။

ထိုအခိုက်အတန့်၌ လုရီ၏ အသံက မြင့်တက်လာ၏။

"ငါ့ကို အချိန်နည်းနည်းပေး၊ မင်းအတွက် မီးဓာတ်အခြေခံ အင်မော်တယ်ကျမ်းတစ်စောင်ကို ငါတွက်ချက်ဖန်တီးပေးမယ်။ အဲ့ဒီကျမ်းရတာနဲ့ မင်းကျင့်ကြံနိုင်ပြီ။"

လိပ်ပြာနီမှာ အလန့်တကြားဖြစ်သွားပြီးနောက် အံ့အားသင့်မှုအပြည့်နှင့် လုရီကို မော့ကြည့်လိုက်လေသည်။

"သခင်... သခင်က လိပ်ပြာနီကို အင်မော်တယ်နိယာမတစ်ခု ချီးမြှင့်မလို့ပါလား"

လုရီက ပြုံးလိုက်သည်။

လိပ်ပြာနီသည် ကျေးဇူးတင်စိတ်ဖြင့် လွှမ်းသွားပြီး မြေပြင်ပေါ်သို့ ချက်ချင်း ဒူးထောက်လိုက်သည်။

"ကျေးဇူးတင်ပါတယ်သခင်။ သခင့်ရဲ့ မဟာကရုဏာအတွက် လိပ်ပြာနီက တစ်သက်လုံး ပြန်ဆပ်ဖို့ ဆန္ဒရှပါတယ်။"

တခါက ကျွန်ခံခြင်းကို တွေ့ကြုံခဲ့ရပြီး လိပ်ပြာနီသည် ခွန်အား၏ အရေးပါပုံကို ကောင်းစွာသိသည်။

ငွေလမင်း ကဲ့သို့သော သက်ကြီးရွယ်အိုများပင်လျှင် သူမ၏ ပင်ကိုယ်စွမ်းရည်ကို မြင့်မားစွာ တွေးတောပြီး အစွမ်းထက်သော နည်းစနစ်များဖြင့် သူမသည် ခိုင်မာသော ပြုစုပျိုးထောင်သူ ဖြစ်လာနိုင်သည်ဟု ယုံကြည်ကြသည်။

ထိုအခြေအနေတွင်၊ သူမသည် သူမ၏မွေးရပ်မြေနှင့် သူ့လူများကို ကာကွယ်နိုင်သည်။ အလားတူပင်၊ သူမသည် သူ့သခင်၏ဝန်ထုပ်ဝန်ပိုးကို ခွဲဝေပေးနိုင်သည်။

" မိုက်မဲတဲ့ ကောင်လေး၊ ငါ့မိသားစုဆီက အင်မော်တယ် ကျမ်းတွေ မရခဲ့ဘူးလား၊ နင့်မှာ မီးတာအို နဲ့ ပတ်သက်တာမ ရှိဘူးလား။"

လင်းလောင်တောင်ထိပ်သခင်မသည် အနည်းငယ် ဇဝေဇဝါဖြစ်သွားလေသည်။

လုရိီလည်း သူ့ဆရာစကားကို အံ့အားသင့်သွားပြီး တွန့်ဆုတ်စွာ ပြောလာသည်။

“ဆရာ၊ ဒါတွေအားလုံးက ယွိီမိသားစုရဲ့ ကျင့်စဉ်တွေပါ။ ဘိုးဘေးတွေက ကျွန်တော့်ကို အသုံးပြုခွင့် ပေးခဲ့ပေမယ့် တခြားသူတွေကို လက်ဆင့်ကမ်းပေးလို့ ရပါ့မလား”

ယွိီမိသားစုသည် သူ့အား အလွန်ကြင်နာခဲ့ပြီး သူတို့၏ ဘိုးဘေးများ၏ သိုင်းကျမ်းများကိုပင် လေ့လာခွင့်ပြုခဲ့သော်လည်း သူက ဤရက်ရောမှုကို အလေးမထားဘဲ အထိန်းအကွပ်မဲ့စွာ မပြုမူနိုင်ပေ။

သိုင်းကျမ်းများကို လေ့လာရန်မှာ သူ့အတွက် တစ်ခုတည်းသော အရာဖြစ်သည်၊ သို့သော် ၎င်းတို့ကို အခြားသူများထံ ပေါ့ပေါ့တန်တန် ပေးပို့ခြင်းမှာ မမှန်ကန်ပေ။ ရိုးရှင်းစွာပင် အရှက်မရှိရာ ကျပေလိမ့်မည်။

လင်းလောင်တောင်ထိပ်သခင်မမှာ ဒါကို ကြားတော့ ထိတ်လန့်သွားပြီး လုရီ ၏ အမူအရာကို အားကိုးရာမဲ့ အရိပ်အမြွက်ပြပြီး ရယ်မောလိုက်သည်။

"ဘိုးဘေးက မပြောဘူးလား၊ နင်လည်း ယွီမိသားစုရဲ့ အဖွဲ့ဝင် တစ်ယောက်ပဲ။ ဘိုးဘေးက နင်ကို အခွင့်အာဏာ ပေးထားတာမို့ တခြားသူတွေကို အရေးကြီးတဲ့ နည်းစနစ်တချို့ကို မထုတ်သရွေ့ နင်အလိုရှိတဲ့ သိုင်းကျမ်းတွေကို ကိုင်တွယ်နိုင်တယ် လေ။ အင်မော်တယ်သိုင်းကျမ်းတွေ ငါ့မိသားစုမှာ အများကြီးရှိတယ်။"

ထိုစကားကို ကြားသောအခါ လုရီသည် ယုမိသားစု၏ အင်မော်တယ် ကုဋေသုံးရာသိုင်းကျမ်းများကို တွေးကာ ပါးစပ်ထောင့်မှ ပြင်းထန်စွာ တုန်လှုပ်သွားသည်။

လေးနက်သော အခြေခံအုတ်မြစ်သည် ကြောက်ရွံ့ခြင်းကင်းမှုကို အမှန်တကယ် မွေးမြူပေးပါသည်။ မည်သည့် သာမန် အင်မော်တယ် အဆင့် အင်အားသည် ၎င်းတို့၏နည်းပညာများကို ထိုကဲ့သို့ ဖြန့်ထုတ်ဝံ့မည်နည်း။

လုရီသည် လင်းလောင်တောင်ထိပ်သခင်မအား ကြည့်ကာ ခဏမျှ တုံ့ဆိုင်းသွားပြီး ပြုံးလိုက်သည်။

"ဟုတ်ကဲ့ပါ၊ ကျွန်တော်တို့က ယွီမိသားစုကို ပြန်ရောက်တာနဲ့ ဒီအကြောင်းကို ဘိုးဘေးနဲ့ စကားပြောကြည့်မယ်။"

“ဟုတ်ပြီ”

ထို့နောက် လုရီက လိပ်ပြာနီကို လက်ညွှန်ပြပြီး လိပ်ပြာနီ၏ နဖူးထဲကို အလင်းတန်းတစ်ခု ထည့်သွင်းပေးလိုက်သည်။

ချက်ချင်းဆိုသလိုပဲ လိပ်ပြာနီ၏ စိတ်ထဲကို အချက်အလက်များစွာ စိမ့်ဝင်သွားတော့သည်။

မကြာမီ သူမသည် အချက်အလက် အားလုံးကို စုပ်ယူသွားပြီး သူမ၏ နှလုံးသားသည် ကြီးမားသော ထိတ်လန့်မှုဖြင့် ပြည့်နှက်သွား၏။

အဆိုပါ သိုင်းကျမ်းသည် ဝိညာဉ်စွမ်းအင်၏ စုပ်ယူမှုနှင့် အသုံးပြုမှု သို့မဟုတ် မီးဓာတ်ကို နားလည်သဘောပေါက်ခြင်းဖြစ်စေ သူမ စိတ်ကူး မယဉ်နိုင်သော အရာနှင့် တူသည်။

၎င်းသည် သူမ၏ မျိုးနွယ်စု၏ အဓိကနည်းပညာထက် အဆပေါင်း မရေမတွက်နိုင်အောင် အစွမ်းထက်ပါသည်။

ဒါက... သခင်က ငါ့ကို တကယ် အစွမ်းထက်တဲ့ နည်းပညာကို ပေးခဲ့တာလား။

ထိုစဉ် လုရီ၏ စကားသံက ပဲ့တင်ထပ်ကာ လိပ်ပြာနီကို သူမ၏ အတွေးများမှ ဆွဲထုတ်လိုက်သည်။

"ဒါက အင်မော်တယ် ကျမ်းတစ်ခုပါ၊ မင်း ကောင်းကင်ဘုံ အင်မော်တယ် အဆင့်အထိ ပြုစုပျိုးထောင်ဖို့ လုံလောက်ပါတယ်။ မင်းတက်ပြီးတာနဲ့ မင်းအတွက် ပိုကောင်းတဲ့ နည်းစနစ်တွေကို ငါ ပြင်ဆင်မယ်။"

ပိုကောင်းတာတွေ ရှိလား?!

လိပ်ပြာနီ ၏ ပါးစပ်သည် ပွင့်နေပြီး သူမ၏ အမူအရာမှာ အနည်းငယ်ကြောင်အနေသည်။

အမြန်အသိပြန်ဝင်လာတော့ လိပ်ပြာနီရင်တွင်း ကြီးမားလှသော ကျေးဇူးတရားတွေနှင့် ပြည့်နေတော့သည်။

"ကျေးဇူးအများကြီးတင်ပါတယ် သခင်!"

“သွားပါ၊ မင်း ဒီနည်းပညာကို မင်းရဲ့မျိုးနွယ်စုတွေဆီ လွှဲပေးနိုင်တယ်။”

သတ္တဝါနီမျိုးနွယ်က လူတွေအကုန်လုံးက ထူးချွန်တာကြောင့် သူတို့၏ အရည်အချင်းတွေကို အလဟသ ဖြုန်းတီးတာကို သူ မမြင်ချင်ပါ။

လိပ်ပြာနီက ပိုလို့တောင် အံ့သြဝမ်းသာသွားသည်။

"ကျေးဇူးတင်ပါတယ်သခင်။ အနီရောင် မျိုးနွယ်က ကျွန်မတို့အသက်ရှင်သရွေ့ ရှင့်ရဲ့ ကြင်နာမှုကို ဘယ်တော့မှ

မမေ့ပါဘူး..."

“သွားတော့” လုရီက သူ့လက်ကို အသာအယာ ဝှေ့ယမ်းလိုက်သည်။

ထိုမှသာ လိပ်ပြာနီ ထွက်ခွာသွားခဲ့သည်။