ထျန်းမင်ဂြိုဟ်ကို လွှမ်းခြုံထားသော မဟာအခင်းအကျင်းကြီး...

~လိပ်ပြာနီ ထွက်သွားပြီးနောက် လင်းလောင်တောင်ထိပ် သခင်မသည်လည်း ထွက်ခွာသွားလေသည်။ သူသည် လုရီက လိပ်ပြာနီကို ဘာလုပ်မည်ကို စပ်စုချင်၍သာ နေခဲ့ဟန်တူ၏။

လျိုနင်ရွှမ်းနှင့် သူမ၏ အဖော်သုံးဦးကလည်း ထွက်ခွာရန် ရည်ရွယ်ခဲ့သော်လည်း နှစ်ကိုယ်တူ ကျင့်ကြံခြင်းအကြောင်း စကားစပ်မိသွားခဲ့ပြီ ဖြစ်ရာ လုရီက သူမတို့ကို အလွယ်တကူ လွှတ်မပေးတော့ဘဲ ကောင်းကောင်းကြီး ဆုံးမပဲ့ပြင်ပေးလိုက်တော့သည်။

ထို့နောက်တွင်တော့ လုရီသည် တံခါးပိတ်ကျင့်ကြံခြင်းကို စတင်လိုက်သည်။

သူ့တွင် ပြီးမြောက်အောင် လုပ်ဆောင်ရမည့် အလုပ်တစ်ခု ရှိနေသေး၏။ အကြောင်းမှာ တာအိုဒီလှိုင်းသည် ကြယ်လေ ပင်လယ်ဓားပြအဖွဲ့ကိုသာ ဆွဲဆောင်ခဲ့သည်မဟုတ်ဘဲ အခြားသူများလည်း ကြယ်လေ ပင်လယ်ဓားပြအဖွဲ့၏ နောက်မှ ထပ်ကြပ်မကွာလိုက်၍ ထျန်းမင်ဂြိုဟ်ဆီသို့ ခရီးနှင်နေနိုင်သောကြောင့် ဖြစ်သည်။

အားကြီးသော ရန်သူများ ရောက်ရှိလာမည်ကို စိုးရိမ်သောကြောင့် သူသည် ထျန်းမင်ဂြိုဟ်၏ လုံခြုံရေးကို ဦးစွာ အာမခံနိုင်မည့် နည်းလမ်းတစ်ခုကို ရှာဖွေရန် လိုအပ်နေသည်။ ထိုနည်းလမ်းမှာ သဘာဝအတိုင်းပင် အင်မော်တယ်အဆင့် အခင်းအကျင်းတစ်ခု တည်ဆောက်ရန် ဖြစ်၏။

ဤရက်များအတွင်း သူ၏ အခင်းအကျင်းတာအိုဆိုင်ရာ ဉာဏ်အလင်းပွင့်မှုမှာ ရပ်တန့်မသွားခဲ့သည့်အပြင် ကျန်းအန်းစစ်မြေပြင်တွင် ကျိုယိုချီ မိစ္ဆာများကို သုတ်သင်ခဲ့ရာမှ ရရှိသော အလုပ် ဆုလာဘ်အဖြစ် အခင်းအကျင်း တာအို ဉာဏ်အလင်းပွင့်မှု ပမာဏ တော်တော်များများကိုလည်း ရရှိထားခဲ့သည်။

ယခုအခါ လုရီ၏ အခင်းအကျင်းတာအိုနယ်ပယ်မှာ မနိမ့်ကျတော့ပေ။ အမှန်တကယ်တွင် သူ၏ ကျင့်ကြံမှု အဆင့်ကိုပင် ကျော်လွန်နေပြီ ဖြစ်သည်။ ယွီမိသားစုနှင့်အတူ ရှိနေစဉ်က သူသည် အခင်းအကျင်း အင်မော်တယ်နှင့် သက်ဆိုင်သော

အင်မော်တယ် ကျမ်းအချို့ကိုလည်း ရှာဖွေတွေ့ရှိခဲ့ရာ ထိုကျမ်းများတွင် အင်မော်တယ် အခင်းအကျင်းများ၏ အမွေအနှစ်များစွာ ပါဝင်နေပြီး ယခုအခါတွင် အသုံးဝင်လှပေသည်။

ထို့ကြောင့် လုရီသည် အခင်းအကျင်းကို စတင်ဘတည်ဆောက်တော့သည်။ သူသည် အလုပ်များ ပြီးမြောက် အောင်မြင်ရာမှ ရရှိခဲ့သော အင်မော်တယ် အဆင့် ပစ္စည်းအမြောက်အမြားကို ထုတ်ယူလိုက်၏။ လက်နက် သန့်စင်ခြင်းနှင့် မှော်ဆေးလုံးဖော်စပ်ခြင်းတို့တွင် အသုံးပြုခဲ့သည်များအပြင် သူ့ထံတွင် များစွာ ကျန်ရှိနေသေးသည်။

အမြင့်ဆုံး ဆုလာဘ်မှာ ကြယ်လေ ပင်လယ်ဓားပြအဖွဲ့ကို အနိုင်ယူခဲ့ရာမှ ရရှိခဲ့သော နက်ရှိုင်းခြင်း အင်မော်တယ်အဆင့် အသုံးအဆောင် ဖြစ်၏။ ထိုပစ္စည်း၏ အမည်မှာ ကောင်းကင်ထွန်းလင်းကြယ်တာရာကျောက်တုံးဖြစ်ပြီး အခင်းအကျင်းတာအိုအတွက် အထူးသင့်တော်လှသည်။

အခြားသော အခင်းအကျင်းတာအို ပစ္စည်းအချို့နှင့် ပေါင်းစပ်လိုက်လျှင် သူ့အတွက် အတော်ပင် အားကောင်းသော မဟာအခင်းအကျင်းကြီးတစ်ခုကို ဖန်တီးရန် လုံလောက်ပေသည်။

ဤရက်များတစ်လျှောက် လုရီ၏ အခင်းအကျင်းတာအိုဆိုင်ရာ ဉာဏ်အလင်းပွင့်မှုမှာ စဉ်ဆက်မပြတ် နက်ရှိုင်းလာသည်နှင့်အမျှ သူ၏ လျှို့ဝှက်နည်းစနစ်ဖြစ်သော ပေါင်းစပ်အခင်းအကျင်းနည်းစနစ်သည်လည်း များစွာ တိုးတက်လာခဲ့သည်။

ယခုအခါ သူက အစစ်အမှန်အင်မော်တယ်အဆင့် အခင်းအကျင်းများကို ပေါင်းစပ်နိုင်စွမ်းရှိနေပြီး အများအပြားကို ပေါင်းစပ်ကာ သံကြိုးဆက်အခင်းအကျင်းတစ်ခုအဖြစ် ဖန်တီးနိုင်နေပြီ ဖြစ်၏။

ထို့ကြောင့် မဟာအခင်းအကျင်းကြီး၏ အဓိကအချက်အချာကျသော နေရာများကို စတင်ပုံဖော်ရေးဆွဲတော့သည်။

ကောင်းကင်ထွန်းလင်းကြယ်တာရာ

ကျောက်တုံးကို အခင်းအကျင်း၏ မျက်လုံးအဖြစ် အသုံးပြုပြီး အခြားသော အင်မော်တယ်အဆင့် ပစ္စည်းများဖြင့် ဖြည့်စွက်ခဲ့၏။

မဟာအခင်းအကျင်းကြီးကို ပုံဖော်ဆွဲရန် လုရီအတွက် အချိန်နှစ်လကြာမြင့်ခဲ့သည်။

ထိုအချိန်အတွင်း အခြားသော ကြယ်တာရာကောင်းကင် ပင်လယ်ဓားပြအဖွဲ့တစ်ဖွဲ့သည် ထျန်းမင်ဂြိုဟ်အနီးသို့ ရောက်ရှိလာခဲ့သည်။ သို့သော် ဤပင်လယ်ဓားပြအဖွဲ့မှာ နောက်ဆုံးကြုံတွေ့ခဲ့ရသော ကြယ်လေ ပင်လယ်ဓားပြအဖွဲ့လောက် အင်အားမကြီးပေ။ အင်အားအကြီးဆုံးမှာ အစစ်အမှန်အင်မော်တယ်အဆင့်သာ ရှိလေသည်။

ထိုအချိန်တွင် ဝမ်ကျန်းယွမ်နှင့် အခြားသူများသည် ကြယ်လေ ပင်လယ်ဓားပြအဖွဲ့ထံမှ ကျန်ရစ်သော အရင်းအမြစ်များကို ခွဲဝေယူနေကြဆဲဖြစ်သည်။ ဤပင်လယ်ဓားပြအဖွဲ့နှင့် ကြုံတွေ့ပြီးနောက် သူတို့သည် လောဘတကြီးဖြင့် ပြေးဝင်တိုက်ခိုက်ကြကာ ပင်လယ်ဓားပြအားလုံးကို ဖမ်းဆီးပြီး အပိုအရင်းအမြစ်များ ရရှိခဲ့ရာ သဘာဝအတိုင်းပင် ဝမ်းမြောက်ဝမ်းသာ ဖြစ်သွားကြသည်။

ကြယ်တာရာကောင်းကင် ပင်လယ်ဓားပြများမှလွဲ၍ အခြားသော မမျှော်လင့်ထားသည့် အဖြစ်အပျက်များ မရှိခဲ့ပေ။

လုရီသည် မဟာအခင်းအကျင်းကြီးကို ပုံဖော်ပြီးစီးသောအခါ ကျောက်ဂူစံအိမ်မှ ထွက်ခွာပြီး လင်းလောင်တောင်ထိပ်သို့ တက်သွားလေသည်။

ထျန်းမင်ဂြိုဟ်တစ်ခုလုံးကို လွှမ်းခြုံမည့် မဟာအခင်းအကျင်းကြီးတစ်ခုအနေဖြင့် အခင်းအကျင်း မျက်လုံး၏ တည်နေရာမှာ အလွန်အရေးကြီးပါ၏—၎င်းသည် ပေါများသော ဝိညာဉ်စွမ်းအင်ချီ၏ ခိုင်မာသော ထောက်ပံ့မှုကို လိုအပ်သည်။ ယခုအခါ ထျန်းမင်ဂြိုဟ်တစ်ခုလုံးတွင် ဝိညာဉ်စွမ်းအင်ချီ အသိပ်သည်းဆုံးနေရာမှာ လင်းလောင်တောင်ထိပ်ဖြစ်သည်မှာ သံသယရှိစရာ မလိုပေ။

လုရီသည် အခင်းအကျင်း မျက်လုံးကို လင်းလောင်တောင်ထိပ်၏ အမြင့်ဆုံးနေရာတွင် နေရာချရန် စီစဉ်ထားသည်။

လုရီ ရောက်ရှိလာသောအခါ ယွီယွမ်ဝူသည် အနီးရှိ ဝါးအိမ်တစ်အိမ်မှ ထွက်လာသည်။

"ဟဲဟဲ၊ ယောက်ဖ... ဘယ်လိုဖြစ်ပြီး ဒီကိုရောက်လာတာလဲ။ ဒုတိယအစ်မကို လာရှာတာလား။"

ယွီယွမ်ဝူက ပြုံးစိစိဖြင့် မေးလိုက်သည်။

လုရီက သူ့ကို တစ်ချက်ကြည့်လိုက်ရာ သူ၏အရှိန်အဝါမှာ ယခင်ကထက် ပိုမိုအားကောင်းလာသည်ကို သတိပြုမိလိုက်၏။

မကြာသေးမီက ဖြစ်ပွားခဲ့သော တာအိုဒီလှိုင်းသည် သူ့ကို ကြီးမားစွာ ကောင်းချီးပေးခဲ့ပြီး သူသည် ရရှိခဲ့သော အကျိုးကျေးဇူးများကို ဆက်လက်၍ ချေဖျက်နေဆဲဖြစ်သည်မှာ ထင်ရှားသည်။

"ဆရာနဲ့ ဆွေးနွေးစရာလေးရှိလို့ပါ။ မင်း ကျင့်ကြံနေတာ မဟုတ်ဘူးလား။ ငါ ခုလေးတင် ရောက်လာတာကို မင်းက ဘယ်လိုလုပ်ပြီး နိုးနေရတာလဲ။"

"ဟီးဟီး... ယောက်ဖ ရောက်လာတာမြင်တော့ ငါ ဘယ်လိုလုပ်ပြီး ကျင့်ကြံတာကို စိတ်ထဲထားနိုင်တော့မှာလဲ။ ဒုတိယအစ်မနဲ့ တိုင်ပင်စရာ ကိုယ်ရေးကိုယ်တာကိစ္စများ ရှိလို့လား။ ဘယ်လိုလဲ၊ ငါ ရှောင်ပေးရမလား။"

ယွီယွမ်ဝူသည် တစ်စုံတစ်ခုကို တွေးတောရင်း လုရီကို ထူးဆန်းသော အမူအရာဖြင့် ကြည့်ကာ ဆိုလိုက်သည်။

လုရီမှာ စိတ်ပျက်လက်ပျက်ဖြစ်သွားပြီး

ပြန်ပြောလိုက်၏။

"မလိုပါဘူးကွာ"

သူသည် ဝါးအိမ်ဆီသို့ လှမ်းကြည့်ကာ "ဆရာ... တပည့် တွေ့ခွင့်တောင်းပါတယ်" ဟု ခေါ်ပြောလိုက်သည်။

သူ၏စကားပင် မဆုံးသေး၊ ဝါးအိမ်၏ တံခါးပွင့်လာပြီး လင်းလောင်တောင်ထိပ်သခင်မ ထွက်လာကာ မေးလိုက်သည်။

"ဘာကိစ္စရှိလို့လဲ"

"အကြောင်းကတော့..."

လုရီသည် သူ၏ အစီအစဉ်ကို သူတို့နှစ်ဦးအား ရှင်းပြလိုက်သည်။

မည်သို့ပင်ဆိုစေကာမူ အခင်းအကျင်း

မျက်လုံးကို လင်းလောင် တောင်ထိပ်တွင် နေရာချထားခြင်းသည် ထိုဒေသ၏ ပတ်ဝန်းကျင်ကို သိသိသာသာ သက်ရောက်မှု ရှိမည် ဖြစ်ရာ ဆရာ၏ ခွင့်ပြုချက်ကို လိုအပ်ပေသည်။

လင်းလောင်တောင်ထိပ်ဘသခင်မနှင့်

ယွီယွမ်ဝူ နှစ်ဦးစလုံးမှာ လုရီ၏ စကားကို ကြားသောအခါ အနည်းငယ် မှင်သက်သွားပုံရသည်။

"အစ်ကို... ခင်ဗျားက ထျန်းမင်ဂြိုဟ်တစ်ခုလုံးကို လွှမ်းခြုံမယ့် အခင်းအကျင်းတစ်ခု တည်ဆောက်ဖို့ စီစဉ်နေတာလား။ ဒီလိုအခင်းအကျင်းက ဘယ်လောက်တောင် အစွမ်းထက်ရမယ်ဆိုတာ ခင်ဗျားသိရဲ့လား။"

ယွီယွမ်ဝူက အံ့အားသင့်ကာ မေးလိုက်သည်။

ရာရှိုမွန်မျိုးနွယ် ကျူးကျော်စဉ်က ထျန်းမင်ဂြိုဟ်ကို ဖုံးလွှမ်းခဲ့သော အခင်းအကျင်းသည် ရွှေအင်မော်တယ် အဆင့်နီးပါးရှိပြီး အလွန်တရာ အစွမ်းထက်ကြောင်း လုရီက သဘာဝအတိုင်းပင် နားလည်ထားပါသည်။

သို့သော်လည်း လုရီသည် ထိုမျှ အစွမ်းထက်သော အခင်းအကျင်းတစ်ခု တည်ဆောက်ရန် မလိုအပ်ပေ။ အနည်းငယ် အားနည်းသော တစ်ခုဆိုလျှင် လုံလောက်ပြီ ဖြစ်သည်။

သူက ပြုံးလိုက်ရင်း

"ကျွန်တော်ဖန်တီးမယ့် အခင်းအကျင်းက နက်ရှိုင်းခြင်း အင်မော်တယ် အထွတ်အထိပ်အဆင့် ကျင့်ကြံသူတစ်ယောက်ကို ခုခံနိုင်လောက်ပါတယ်"

အင်မော်တယ်အဆင့် နယ်ပယ်ကို အလွှာဆယ်ခုခွဲခြားထားသည်- ပထမသုံးလွှာကို အစောပိုင်းအဆင့်၊ လေးလွှာမှ ခြောက်လွှာအထိကို အလယ်အလတ်အဆင့်၊ ခုနစ်လွှာမှ ကိုးလွှာအထိကို နှောင်းပိုင်းအဆင့်၊ နှင့် ဆယ်အလွှာကို အထွတ်အထိပ်အဆင့်အဖြစ် သတ်မှတ်သည်။

သာမန်ကျင့်ကြံသူများအတွက် အစောပိုင်းအဆင့်မှ အလယ်အလတ် အဆင့်သို့၊ အလယ်အလတ်မှ နှောင်းပိုင်းအဆင့်သို့ တက်လှမ်းရာတွင် အသေးစား အတားအဆီးများ ရှိတတ်၏။

နယ်ပယ်ကြီးတစ်ခုကို ချိုးဖြတ်ခြင်းလောက် မခက်ခဲသော်လည်း ထိုအတားအဆီးများသည် ကျင့်ကြံသူအချို့ကို ဟန့်တားနိုင်သေးသည်။ ဟုတ်ပါသည်။ လုရီကဲ့သို့သော သူအတွက်မူ သူ၏ နက်ရှိုင်းလှသော အခြေခံအုတ်မြစ်ကြောင့် အသေးစားဘအတားအဆီးများကို ထည့်

မပြောနှင့်၊ အဓိက အတားအဆီးကြီးများပင်လျှင် မရှိသလောက်နီးပါး ဖြစ်နေလေသည်။

"နက်ရှိုင်းခြင်း အင်မော်တယ် အထွတ်အထိပ် အဆင့်တဲ့လား"

ယွီယွမ်ဝူမှာ အကြီးအကျယ် တုန်လှုပ်သွားတော့သည်။

နက်ရှိုင်းခြင်း အင်မော်တယ် နှောင်းပိုင်းအဆင့်ဆိုသည်မှာ အဘယ်အရာကို ဆိုလိုသနည်း။

ကြယ်တာရာနယ်မြေ တပ်မတော်အတွင်း၌ပင် ထိုအဆင့်သည် တပ်မှူးချုပ်အဆင့်ဖြစ်ပြီး ထိုသူများထဲတွင်မှ ပို၍အားကောင်းသော သူများတွင် ပါဝင်လေသည်။

သူ၏ ယောက်ဖသည် အစစ်အမှန်

အင်မော်တယ် အဆင့်သို့ မကြာသေးမီကမှ တက်လှမ်းခဲ့သူဖြစ်သော်လည်း နက်ရှိုင်းခြင်း အင်မော်တယ် အထွတ်အထိပ်အဆင့် ကျင့်ကြံသူတစ်ဦးကိုပင် ကြံ့ကြံ့ခံနိုင်သော အခင်းအကျင်းတစ်ခုကို တည်ဆောက်နိုင်စွမ်း ရှိနေပြီတဲ့လား။

ဤ... ဤသည်မှာ သူ၏ မယုံနိုင်ဖွယ် ကျင့်ကြံခြင်းအရည်အချင်းအပြင် ယခုအခါ အခင်းအကျင်းတာအိုတွင်ပါ အံ့မခန်းသော အရည်အချင်းရှိနေပြန်ပြီ။ အခြားသူများအတွက် ရှင်သန်ရန် အခွင့်အရေးရော ကျန်သေးရဲ့လား။