လျှို့ဝှက်ဆန်းကြယ်‌သော ပုဂ္ဂိုလ် ပြန်လည် ထွက်ပေါ်လာခြင်း၊ ဆင်းသက်ဂိုဏ်း၏ လျှို့ဝှက်ချက်များ ပေါ်ပေါက်လာခြင်း၊

[မကြာမီတွင် လျှို့ဝှက်ဆန်းကြယ်သူသည် နတ်ဘုရား စစ်သည်တော်ခေတ် အကျဉ်းခန်းနှင့် ဝိညာဉ်သွေးကြော နဂါး၏ တည်နေရာများကို သိရှိခဲ့သည်။]

[သင့်မျက်စ်ိရှေ့တွင်ပင် သူသည် လက်ဗလာဖြင့် လေထဲတွင် အက်ကွဲကြောင်း တစ်ခုကို ဆုတ်ဖြဲလိုက်ပြီး ဖြတ်လျှောက်သွားကာ ချက်ချင်းပင် ပျောက်ကွယ်သွားခဲ့သည်။]

[နာရီဝက် ကြာပြီးနောက် လျှို့ဝှက်ဆန်းကြယ်သူသည် ခန်းမကြီးသို့ ပြန်လာခဲ့သည်။]

[သူ၏မျက်နှာပေါ်တွင် ပျော်ရွှင်မှု အရိပ်အယောင်တစ်ခု ရှိနေသည်။ စိတ်အခြေအနေ ကောင်းမွန်နေပုံပေါ်သည်။]

[သူသည် နဂါး စောင့်ရှောက်သူအား အနည်းငယ် ချီးမွမ်းလိုက်ပြီးနောက် သင့်အား တစ်ချက် ကြည့်လိုက်သည်။]

[ထို့နောက် သူသည် သူ့လက်ကို သင့်ဘက်သို့ ဆန့်လိုက်ရာ သင်တို့အားလုံး၏ ရှေ့တွင် အာကာသ အက်ကွဲကြောင်းတစ်ခု ပေါ်လာခဲ့သည်။]

[အက်ကွဲကြောင်းမှတဆင့် ၎င်းသည် သင် ပင်ပင်ပန်းပန်း ပြုစုပျိုးထောင်ခဲ့သော ဝိညာဉ်စိုက်ခင်းမြေ ဖြစ်ကြောင်း ရှင်းရှင်းလင်းလင်း မြင်နိုင်သည်။]

[သင်၏ နှလုံးသားသည် ချက်ချင်းပင် တင်းကြပ်သွားပြီး သင့်ခန္ဓာကိုယ်သည် အေးခဲသွားခဲ့သည်။ မကြာမီ ဖြစ်လာတော့မည့် အရာကို သင် ကြိုတင် ခန့်မှန်းနိုင်ခဲ့သည်။]

[သို့သော်လည်း လျှို့ဝှက်ဆန်းကြယ်သူသည် လက်ကို ဆန့်ထုတ်၍ သင် စုဆောင်းထားသော ဝိဉာဉ်အရည်နှင့် ဝိဉာဉ်ကျောက်များ အားလုံးကို ယူလိုက်သည်။]

[ခဏတာ စစ်ဆေးပြီးနောက် လျှို့ဝှက်ဆန်းကြယ်သူသည် ၎င်းတို့ကို စိတ်မဝင်စားသည့် ပုံစံဖြင့် ဝိညာဉ်စိုက်ခင်းဂူ၏ အာကာသထဲသို့ ပြန်ပစ်ချလိုက်သည်။]

[ပျက်စီးသွားခဲ့သော ဝိညာဉ်စိုက်ခင်းဂူသည် ချက်ချင်းပင် မည်သည့်အရာမှ မဖြစ်ခဲ့သကဲ့သို့ မူလအတိုင်း ပြန်လည် ရောက်ရှိသွားသည်။]

[သို့သော် ဤမြင်ကွင်း၊ သင်၏ ဝိညာဉ်စိုက်ခင်းဂူ အပါအဝင် သင့်၏ အကြီးမားဆုံးသော လျှို့ဝှက်လက်နက်သည် နဂါး စောင့်ရှောက်သူနှင့် အခြား အဆင့်မြင့် အရာရှိအချို့၏ ရှေ့တွင် အရှင်းသား ပေါ်သွားခဲ့သည်။]

[သင်က သေတော့မည်ဟု တွေးလိုက်ချိန်တွင် လျှို့ဝှက်ဆန်းကြယ်သူသည် ရုတ်တရက် သင့်ကို မေးခွန်းတစ်ခု မေးလိုက်သည်။]

[သူက ကျင့်ကြံသူကျုံးအား သင် သတ်ခဲ့ခြင်း ရှိမရှိကို မေးသည်။]

[ဤစကားကို ကြားသောအခါ သင်သည် တုန်လှုပ်သွားသည်။ သင် လျှို့ဝှက်ထား၍ မရတော့ကြောင်း သိသည်။ ထို့ကြောင့် သင်သည် အံများကို ကြိတ်ကာ ပြန်ဖြေလိုက်သည်: ကျင့်ကြံခြင်းသည် မူလကပင် အခြားသူများနှင့် တိုက်ခိုက်ခြင်း ဖြစ်သည်။ ထိုကျင့်ကြံသူကျုံးသည် အားနည်းသည်၊ သူ သေသွားလျှင်လည်း ဘာမှ အရေးမကြီးပါ!]

[သင်၏ စကားများကို ကြားသောအခါ နဂါးစောင့်ရှောက်သူသည် ထိတ်လန့်သွားခဲ့သည်။ ကျင့်ကြံသူကျုံး၏ သေဆုံးမှုတွင် တကယ့်တရားခံသည် သင် ဖြစ်နေလိမ့်မည်ဟု သူ လုံးဝ မမျှော်လင့်ခဲ့ပေ။]

[သို့သော် လျှို့ဝှက်ဆန်းကြယ်သူသည် ပြုံးရုံသာ ပြုံးပြခဲ့သည်။ စိတ်ဝင်စားသည့်ပုံ မပေါ်ပေ။]

[ဖြစ်နိုင်သည်မှာ သင် ဖြစ်စေ၊ ကျင့်ကြုံသူ ကျုံးဖြစ်စေ နှစ်ဦးစလုံးသည် သူ့မျက်လုံးထဲတွင် ပုရွက်ဆိတ်များသာ ဖြစ်သည်။ လူတစ်ဦးသည် ပုရွက်ဆိတ် တစ်ကောင်က အခြား ပုရွက်ဆိတ် တစ်ကောင်ကို သတ်လျှင် ဂရုစိုက်မည် မဟုတ်ပေ။]

[ထို့အပြင် လျှို့ဝှက်ဆန်းကြယ်သူသည် သင့်တွင် ဝိညာဉ်စိုက်ခင်းဂူ ဆိုသည့်အရာ ရှိကြောင်းသာ သိရှိခဲ့ပြီး ဆင်းသက်ဂိုဏ်းအတွင်း သစ္စာဖောက်တစ်ဦး ဖြစ်ကြောင်းကိုမူ မသိခဲ့ပေ။]

[ထို့ကြောင့် လျှို့ဝှက်ဆန်းကြယ်သူသည် ခေါင်းအနည်းငယ် ညိတ်ကာ လျှို့ဝှက်ဆန်းကြယ်စွာ ပြောလိုက်သည်: ကံကောင်းတဲ့ ကောင်လေးပဲ၊ ဒါပေမဲ့ ဒီနယ်မြေထဲကို ဆင်းလာတာက ကံမကောင်းဘူး။]

[သူ့ စကားများ၏ အဓိပ္ပာယ်ကို နားမလည်သောကြောင့် သင်သည် အံများကို ကြိတ်ကာ မေးလိုက်သည်။]

[လျှို့ဝှက်ဆန်းကြယ်သူသည် ရယ်မောလိုက်သည်။ သင်သည် ပေါင်းစည်းခြင်း အဆင့်သို့ ထိုးဖောက်နိုင်ပါက ဤနယ်မြေမှ ထွက်ပြေးရန် အခွင့်အရေး ရှိနိုင်သည်ဟု ပြောသည်။]

[ထိုသို့ ပြောပြီးနောက် လျှို့ဝှက်ဆန်းကြယ်သူသည် သိုလှောင် လက်စွပ်တစ်ခုကို နဂါး စောင့်ရှောက်သူ၏ လက်ထဲသို့ ပေါ့ပေါ့ပါးပါး ပစ်ပေးလိုက်သည်။ ထို့နောက် အာကာသကို ဆုတ်ဖြဲပြီး လုံးဝ ပျောက်ကွယ်သွားခဲ့သည်။]

[လျှို့ဝှက်ဆန်းကြယ်သူ ထွက်သွားပြီးနောက် ကြီးမားသော ဖိအားသည် နောက်ဆုံးတွင် ပျောက်ကွယ်သွားခဲ့သည်။ အသက်ရှင် ကျန်ရစ်ခဲ့သည့် အတွက် သင်သည် လျှို့ဝှက်စွာ စိတ်သက်သာရာ ရသွားသည်။]

[တစ်ချိန်တည်းမှာပင် သင်က နဂါးစောင့်ရှောက်သူသည် လျှို့ဝှက်ဆန်းကြယ်သူ၏ သရုပ်မှန်ကို သေချာပေါက် သိရှိကြောင်း ပိုမို သေချာသွားခဲ့သည်။]

[ထို့ကြောင့် သင်သည် နဂါး စောင့်ရှောက်သူကို မေးခွန်း ထုတ်ခဲ့သည်။]

[နဂါးစောင့်ရှောက်သူက သင်သည် ကျင့်ကြံသူ ကျုံးကို သတ်ခဲ့သည့် အတွက် သင့်အပေါ် မကျေနပ်ခဲ့ပေ။ သို့သော် သင်သည် ဆင်းသက်ဂိုဏ်းတွင် နှစ်ပေါင်းများစွာ ရှိနေခဲ့သောကြောင့် နဂါးစောင့်ရှောက်သူသည် သင့်အား သစ္စာရှိသော သူတစ်ဦးဟု သဘာဝအတိုင်း ယူဆခဲ့သည်။]

[ထို့ကြောင့် သူသည် သင်နှင့် လောရွှေရင်အား လျှို့ဝှက်ဆန်းကြယ်သူ၏ သရုပ်မှန်နှင့် ဆင်းသက်ဂိုဏ်း၏ အကြီးမားဆုံးသော လျှို့ဝှက်ချက်ကို ရှင်းပြခဲ့သည်!]

လက်တွေ့ကမ္ဘာတွင် စုရှင်းသည် သူ့ရင်ဘတ်ထဲတွင် တင်းကြပ်မှု တစ်ခုကို ခံစားလိုက်ရပြီး အလျင်အမြန် ပြောလိုက်သည်။

“မြှုပ်နှံသရုပ်ပြခြင်း လုပ်ဆောင်ချက်ကို ၂၄ နာရီ အသုံးပြုမယ်!”

[ဒင်! သင်သည် မြှုပ်နှံသရုပ်ပြခြင်းကို အောင်မြင်စွာ အသုံးပြုခဲ့သည်။ ကျန်ရှိသော စွမ်းအင်: ၃,၀၁၄,၂၃၀,၀၀၀ မှတ်။]

သရုပ်ပြစက်၏ သတိပေးချက်သံ ထွက်ပေါ်သွားပြီးနောက် စုရှင်း၏ အမြင်အာရုံ ပြောင်းလဲသွားခဲ့သည်။ နောက်တစ်စက္ကန့် အကြာတွင် သူသည် မရင်းနှီးသော ပတ်ဝန်းကျင် တစ်ခုသို့ ရောက်လာခဲ့သည်။

ဆင်းသက်ဂိုဏ်း၊ လျှို့ဝှက်ဆန်းကြယ်သူ၏ သရုပ်မှန်နှင့် ပတ်သက်သည့် လျှို့ဝှက်ချက်များကို သိရတော့မည် ဖြစ်သောကြောင့် စုရှင်းသည် သရုပ်ပြခြင်း စာသား၏ အချက်အလက်များ မလုံလောက်မည်ကို စိုးရိမ်ခဲ့သည်။ ထို့ကြောင့် သူသည် ၎င်းကို ကိုယ်တိုင်ကိုယ်ကျ ခံစားရန် ဆုံးဖြတ်ခဲ့သည်။

စုရှင်းသည် နဂါးစောင့်ရှောက်သူ၏ အသံကို ကြားခဲ့သည်။

“ဟက်၊ ကျုံးက မင်းလက်ချက်နဲ့ သေတာက သူ ကံဆိုးသွားတာပေါ့လေ… ဝိဉာဉ်စွမ်းအင် ကုန်ခမ်းနေတဲ့ ခေတ်မှာ မင်းမှာ သယ်ဆောင်နိုင်တဲ့ ဝိညာဉ်စိုက်ခင်းမြေ ရှိလိမ့်မယ်လို့ ငါ လုံးဝ မထင်ထားခဲ့ဘူး…”

ဤအရာကို ကြားသောအခါ စုရှင်းသည် သူ၏ ခေါင်းကို ဖြည်းဖြည်းချင်း မော့လိုက်သည်။ ထိုအခါ သူ့ရှေ့ရှိ နဂါးစောင့်ရှောက်သူ၏ ရုပ်ရည်ကို မြင်လိုက်သည်။

သူ၏ ပုံသဏ္ဌာန်သည် ရှည်လျားပြီး အသားအရေမှာ မဲညစ်နေသည်။ အရပ်မှာ နှစ်မီတာနီးပါး မြင့်သော်လည်း အဘိုးအိုတစ်ဦးနှင့် တူသည်။

နဂါးစောင့်ရှောက်သူက ပြောလိုက်သည်:

“ငါတို့ ဆင်းသက်ဂိုဏ်းက ဘာအတွက် ဖြစ်ပေါ်လာတာလဲဆိုတာ မင်း သိလား?”

စုရှင်းသည် အနည်းငယ် မျက်မှောင်ကြုတ်လိုက်ပြီး စမ်းသပ်သည့် သဘောဖြင့် ပြောလိုက်သည်:

“တိုင်းတစ်ပါး လူမျိုးကို ကြိုဆိုဖို့…”

သူ စကားမဆုံးခင် နဂါးစောင့်ရှောက်သူက ဖြတ်ပြောလိုက်သည်:

“ဟက်ဟက်၊ အဲဒါက ဂိုဏ်းရဲ့ အတွေးအခေါ်ပဲ… ဟုတ်တယ်၊ အဲဒီလိုပဲ!”

“မင်းနဲ့ ငါက အခု ကြယ်ပြာပေါ်က ဆင်းသက်ဂိုဏ်းရဲ့ ထိပ်တန်း ပုဂ္ဂိုလ်တွေပဲ။ အာ့တော့ ငါ မင်းကို ဘာမှ မဖုံးကွယ်ထားဘူး… ငါတို့ လိုချင်တာက ပိုကောင်းတဲ့ ဘဝနဲ့ ရှင်သန်ဖို့ပဲ!”

“ကြယ်ပြာပေါ်မှာ၊ ကမ္ဘာသုံးထောင်ထဲက အရှုပ်ထွေးဆုံးသော သတ်ဖြတ်ခြင်း နယ်မြေမှာ နေထိုင်ဖို့… ဒါက ငါတို့ရဲ့ ကံမကောင်းမှုပဲ!”

“ရှင်သန်ဖို့ အတွက် ငါတို့က ဒီကမ္ဘာကနေ ထွက်ခွာပြီး အနီးဆုံးမှာရှိတဲ့ ငြိမ်းချမ်းတဲ့ကမ္ဘာ ဖြစ်တဲ့ သေးငယ်သော ချင်းယွင်နယ်မြေထဲကို ဝင်ရောက်ရမယ်!”

“ဒါပေမဲ့ ငါတို့ ကိုယ့်ဘာသာကိုယ် အားကိုးရင် ထွက်ပြေးဖို့ဆိုတာ မဖြစ်နိုင်ဘူး… ဆင်းသက်ဂိုဏ်းရဲ့ လမ်းကြောင်းကနေသာ လုပ်နိုင်မယ်!”

နဂါးစောင့်ရှောက်သူက ခဏရပ်ပြီး ဆက်ပြောလိုက်သည်:

“ကမ္ဘာသုံးထောင်ထဲက သုံးပုံတစ်ပုံက တိုင်းတစ်ပါး မျိုးနွယ်တွေရဲ့ လုံးဝ သိမ်းပိုက်ခြင်းကို ခံထားရတယ်၊ ဒီမှာက ရှုပ်ထွေးနေပြီးတော့ ဥပဒေဆိုတာဘည်း မရှိဘူး၊ တိုင်းတစ်ပါး မျိုးနွယ်တွေကလွဲရင် ဘယ်ဉာဏ်ရည်ရှိတဲ့ သက်ရှိမျိုးနွယ် အတွက်မှ လုံးဝ မသင့်လျော်ဘူး!”

“နောက်ထပ် သုံးပုံတစ်ပုံကတော့ ကြယ်ပြာလိုပဲ အဆုံးမဲ့ မငြိမ်မသက် ဖြစ်နေတယ်… အချိန်တိုင်း၊ စက္ကန့်တိုင်းမှာ ကမ္ဘာတွေ ဒါမှမဟုတ် လူတွေ ရေတွက်လို့ မရအောင် ပျက်စီးနေတယ်…”

“လက်ရှိ ကမ္ဘာသုံးထောင် တစ်ခုလုံးထဲမှာ ကမ္ဘာပေါင်း တစ်ထောင်လောက်ပဲ ဆွေမျိုးသားချင်းတွေနဲ့ အတူတူ ကျန်ရှိနေသေးတာ”

“ပြီးတော့ ငါသွားချင်တဲ့ နေရာက အနီးဆုံးဖြစ်တဲ့ ချင်းယွင်နယ်မြေ! ဒါက ကမ္ဘာသုံးထောင်ထဲက တကယ့် မဟာကမ္ဘာပဲ! ဒါက ကျင့်ကြံခြင်းကမ္ဘာပဲ!”

“ဒါပေမဲ့ ချင်းယွင်နယ်မြေက ပြင်ပလူတွေကို လွယ်လွယ်ကူကူ လက်ခံမှာ မဟုတ်ဘူး… ဒီနယ်မြေကနေ ငါတို့ ထွက်ပြေးချင်တယ်ဆိုရင် ပထမဆုံး သေးငယ်သော ချင်းယွင်နယ်မြေကို သွားရမယ်!”

“အဲဒီနေရာက ကြယ်ပြာထက် ပိုပြီးတော့ ကြာရှည်စွာ တည်ရှိနိုင်တယ်…”

နဂါးစောင့်ရှောက်သူ၏ စကားများကို ကြားသောအခါ စုရှင်းသည် ပြောစရာစကား မရှိအောင်ပင် အံ့အားသင့်နေသော်လည်း အပြင်ပန်းတွင်မူ တည်ငြိမ်နေခဲ့သည်။

ချင်းယွင်နယ်မြေ… ယင်းမှာ စုရှင်း တွေ့ရှိခဲ့သည့် ချင်းယွင်ကျီနှင့် ချင်းယွင်ဂိုဏ်းများ ရှိသည့် ကမ္ဘာပင် မဟုတ်ပါလား!?

…