မင်းတို့အားလုံးက ငါ့အဖေ ~ ညသန်း​ခေါင်ယံအချိန်...

ပြိုင်ပွဲ စတင်လေပြီ ။

လင်းမို့သည် ရှေးဦးစကြာဝဠာ ထဲသို့ အချိန်မီ ရောက်ရှိခဲ့ပြီး ပါဝင်ရန် နိပ်လိုက်သည် ။

" ကစားသမားBlack Earth အသက် ၁၈ နှစ်.. ပါဝင်ရန် အခြေအနေများ ကိုက်ညီပါသည်.. ပါဝင်မည်မှာ သေချာပါသလား.. "

လင်းမို့ Yes ကို နှိပ်လိုက်၏ ။

" တက္ကသိုလ် နာမည် ဖော်ပြမည်လား.."

လင်းမို့ No ကို နှိပ်လိုက်၏ ။ သူ၏ အကြောင်းကို မဖော်ပြချင်ပေ ။ လူမသိ သူမသိ Black Earth အဖြစ်သာ လှုပ်ရှားပေမည် ။

အုပ်ထိန်းသူက Black Earth အားခေါ်ဆောင်သွားသည်ဟူသော သတင်းမှာ အထက်ပိုင်းတွင်သာ ပြန့်နှံ့နေခြင်းဖြစ်သည် ။ အောက်ခြေ လူတန်းစားများမှာ မသိကြ ။

" ပါဝင်ကစားလို့ ရပါပြီ.. သင်၏ ကနဦး ရမှတ်မှာ အမှတ် ၁၀၀၀ ဖြစ်ပါသည်.. ရလဒ်များ ကောင်းမွန်ပါစေ.. "

' စလို့ရပြီ.. '

လင်းမို့သည် ရှေးဦးစကြာဝဠာ ထဲရှိ ကြက်ဘုရင် ဂိမ်းကို တစ်ခါမှ မဆော့ဘူးသဖြင့် စိတ်ဝင်စားနေလေသည် ။

ပြိုင်ပွဲက ယခုမှ စသည်ဖြစ်၍ ပွဲရှာနေသူ များလှသဖြင့် ချက်ချင်း ရှာတွေ့သွားသည် ။

လင်းမို့၏ ပတ်ဝန်းကျင်တစ်ခုလုံး အမှောင်ထု အတွင်းနစ်မြုပ်သွားပြီး စာတန်းများ ပေါ်လာသည် ။

" ကြက်ဘုရင် စစ်မြေပြင်မှ ကြိုဆိုပါတယ်.. "

" ကစားသမားများ၏ လက်သီးပြင်းအားကို ၁၂၀၀ ကီလိုတွင် ကန့်သတ်ထားပါတယ်.. "

" စိတ်စွမ်းအားရှင်များနှင့် စိတ်ထိန်းချုပ်သူများ၏ စိတ်စွမ်းအား တချို့တဝက်ကို ကန့်သတ်ထားပြီး ဂိမ်း၏ မျှချေကို ထိန်းသိမ်းထားပါတယ်.. "

" တစ်ဦးချင်း ကစားပွဲဖြစ်သောကြောင့် အနိုင်ရရှိရန် ပြိုင်ဘက်များအားလုံးကို သုတ်သင်ရပါမည်.. "

ဆယ့်ငါးစက္ကန့်အကြာတွင် အလင်းဖျော့ဖျော့လင်းလက်လာပြီး စာတန်းများ မှေးမိန်ပျောက်ကွယ်သွားသည် ။

ခဏအကြာတွင် လင်းမို့သည် ကုန်တင်လေယာဥ် တစ်စီး၏ ခရီးသည်စီးသည့် နေရာတွင် ရောက်နေသည်ကို သိလိုက်ရသည် ။

ကစားသမားတစ်ရာလုံး ရောက်ရှိနေပြီဖြစ်ပြီး အနိုင်ရရန် နောက်ဆုံးအထိ ရှင်သန်ရပေမည် ။

" တိုက်ခိုက်ခြင်းကို ခွင့်မပြုပါ.. "

သတိပေးချက် ကို လင်းမို့ မြင်လိုက်ရသည် ။

" လေထီးခုန်ပြီးသည့် အချိန်မှ စ၍ တိုက်ခိုက်နိုင်ပါပြီ.. "

တစ်ချိန်တည်းမှာပင် ဂိမ်းမျက်နှာပြင်ပေါ်တွင် မြေပုံနှင့် လက်ကျန်လူအရေအတွက် ပြထားသည်ကို တွေ့လိုက်၏ ။

ပတ်ဝန်းကျင်တစ်ခုလုံး အသက်ဝင်လာပြီး တစ်ယောက်နှင့် တစ်ယောက် စတင်၍ ဆဲကြတော့သည် ။

" မင်းတို့အားလုံး သောက်သုံးမကျတဲ့ကောင်တွေ.. မကျေနပ်ရင် ငါ့လာရိုက်လေ .."

" ပွဲစတာနဲ့ ပင်လယ်ထဲ ခုန်ချရဲတယ့်သူ ရှိလား.. "

" မင်းတို့အားလုံးကို သတ်ပြီး အနိုင်ယူမှာ ..ငါ့သောက်ခွက်ကို သေချာကြည့်ထားကြ.. "

" ရပ်အုံး..ရပ်အုံး.. အားလုံး တိတ်တိတ်နေကြအုံး.. "

Little Yu ဆိုသော ကစားသမားက မတ်တပ်ရပ်၍ အော်လိုက်၏ ။ ဆဲဆိုနေကြသူအားလုံး ရပ်တန့်လိုက်ပြီး Little Yu ကို လှည့်ကြည့်လိုက်ကြသည် ။

' Little Yu ဆိုပါလား.. '

လင်းမို့၏ မျက်လုံးများ ကျဥ်းမြောင်းသွားသည် ။

' လိုင်းပေါ်မှာ ငါ့ကို စိန်ခေါ်တဲ့ကောင်ပဲ.. '

' ရန်သူတွေ လမ်းကျဥ်းထဲမှာ လာတွေ့တာပဲ.. '

လင်းမို့သည် စိတ်ထဲနတ်ဆိုးတစ်ကောင်လို ရယ်လိုက်၏ ။

" အားလုံးနားထောင်ကြအုံး.. "

Little Yu က ကလေးရုပ်မပျောက်သေး ။ လင်းမို့လိုပင် ပထမနှစ် ဖြစ်ပုံရသည် ။ လူတိုင်းက သူ့အား ကြည့်နေသဖြင့် Little Yu က ရင်ကော့ ခေါင်းမော့၍ အားလုံးကို အထက်စီးမှ ကြည့်လိုက်ပြီး အောင်မြင်ထည်ဝါလှသောအသံဖြင့်...

" မင်းတို့အားလုံးက ငါ့အဖေ ပဲ.. "

လေထုက ရုတ်တရပ် အေးခဲသွားပြီး လေယာဥ်တစ်ခုလုံး တိတ်ဆိတ်သွားသည် ။

လူတိုင်း Little Yu စကားပြောမည်ကို စောင့်နေကြသော်လည်း ဤသို့သော စကားမျိုးဟု ထင်မထားကြ ။

' ငါတို့အားလုံးက သူ့အဖေလား.. '

လူတိုင်း Little Yu အား တိုက်ခိုက်ရမည်ကို အားနာသွား၏ ။

" ညိုကီတို့.. ငါ့ကို မျက်နှာသာ နဲနဲပေး ..ငါ့သားကို ဒီပွဲ အနိုင်ပေးလိုက်ပါ.. "

" မင်းရဲ့သားပဲ မဟုတ်ဘူးလေ.. သူက ငါ့သားလည်းဟုတ်တယ်.. "

" Little Yu ကို ဒီပွဲမှာ အနိုင်ပေးရမယ်.. ကန့်ကွက်ရဲတဲ့ကောင်ရှိရင် ထွက်ခဲ့.. "

လင်းမို့ ထိတ်လန့်သွား၏ ။ လူတိုင်းအား အဖေအဖြစ် အသိအမှတ်ပြုလိုက်သည့် ဗျူဟာက မည်သို့သော ဗျူဟာမျိုးနည်း ။

သို့သော်လည်း အသုံးဝင်သည်မှာ သေချာ၏ ။ လင်းမို့ပင်လျှင် Little Yu အား ရိုက်နှက်ရန် အားနာသွားသည် ။

Chapter 183

~