ကုသရေး စွမ်းအား သင်ကြားပေးခြင်း

လုချန်း၏စကားကိုကြားသောအခါ ဝူကျန်းဝမ်၏ နှလုံးသားထဲတွင် နွေးထွေးမှု တစ်ခု ခံစားလိုက်ရသည်။

လုချန်းက သူမကို စိုးရိမ်နေတာလား သို့မဟုတ် သူမ၏ဝမ်းဗိုက်ထဲရှိ ကလေးကို စိုးရိမ်နေတာလား သူမ မသေချာသော်လည်း သူ၏စိုးရိမ်မှုကို ထုတ်ဖော်ပြောသည်ကို ကြားရခြင်းက သူမကို အလွန်ကြည်နူးမိစေသည်။

လုချန်းက ဆက်ပြောလိုက်သည်။

“ကိုယ်က အရင်ဆုံး ပြန်လည်သန်စွမ်းစေ‌သောစွမ်းအားကိုသုံးပြီး မင်းကို အထူးစိတ်ဝိညာဉ်စွမ်းအားတစ်ချို့ ထည့်သွင်းပေးမယ်။ ဒါမှ မင်းကလေးမွေးတဲ့အခါ နာကျင်မှု ကြီးကြီးမားမား မခံစားရမှာ။”

လုချန်း၏ ပြန်လည်သန်စွမ်းစေ‌သောစွမ်းအားသည် ယခုအခါ ပြည့်ဝနေပြီဖြစ်ရာ သတ်မှတ်ထားသောအချိန်တွင် ဒဏ်ရာများနှင့် ရောဂါများများကို ကုသရန်အတွက် လူတစ်ယောက်၏ ခန္ဓာကိုယ်ထဲသို့ အထူးစိတ်ဝိညာဉ်စွမ်းအားတစ်ခုကို ကြိုတင်ထည့်သွင်းပေးနိုင်စွမ်းရှိသည်။

သို့သော် ကြိုတင်ထည့်သွင်းထားသော စိတ်ဝိညာဉ်စွမ်းအားပမာဏသည် အချိန်ကြာလာသည်နှင့်အမျှ တဖြည်းဖြည်း မှေးမှိန်သွားမည်ဖြစ်သည်။ သို့သော် ဤသို့ မှေးမှိန်သွားသည့်တိုင် ဝူကျန်းဝမ် ကလေးမွေးဖွားချိန်အထိတော့ လုံလောက်စွာ ကြာရှည်ခံမည်ဖြစ်သည်။

လုချန်း၏စကားကိုကြားပြီးနောက် ဝူကျန်းဝမ်စိတ်ထဲ စပ်စုချင်စိတ် ဖြစ်လာသည်။ လုချန်း၏ ပြန်လည်သန်စွမ်းစေ‌သောစွမ်းအားသည် ကလေးမွေးဖွားခြင်းကို လုံးဝနာကျင်မှုမရှိစေရန် အမှန်တကယ် ပြုလုပ်နိုင်မှာလား။

မုကျိရွှမ်းနှင့် အခြားသူများထံမှ လုချန်း၏ ထာဝရတန်ခိုးရှင် ကျင့်စဉ်သည် မယုံနိုင်လောက်အောင် အစွမ်းထက်ကြောင်း ကြားသိထားပြီးဖြစ်သည်။ သူတို့ ကလေးမွေးဖွားစဉ်က လုချန်း၏ကူညီမှုကြောင့် နာကျင်မှုမရှိပဲ ကလေး ချက်ချင်းမွေးဖွားလာသည်ဟု သူတို့အားလုံးက ဆိုကြသည်။

ကလေးများက အလွန်လျင်မြန်စွာ မွေးဖွားလာသောကြောင့် သူတို့တုံ့ပြန်ရန် အချိန်ပင်မရလိုက်ချေ။

ဝူကျန်းဝမ်က

“မင်းကြီး ထွက်သွားပြီးတဲ့နောက်မှာ မင်းကြီးရဲ့ ကျင့်စဉ်က အလုပ်လုပ်နေဦးမှာလား။”

မုကျိရွှမ်းနှင့် အခြားသူများက ထိုကျင့်စဉ် အလုပ်လုပ်ရန်အတွက် လုချန်း ရှိနေရန်လိုအပ်သည်ဟု ပြောခဲ့ဖူးသော်လည်း ယခုအခါ သူက သူမအား အထူးစိတ်ဝိညာဉ်စွမ်းအား ကြိုတင်ထည့်သွင်းပေးနိုင်သည်ဟု လုချန်းက ဆိုနေသည်။ ဤအချက်က ဝူကျန်းဝမ်ကို ပို၍ပင် သိချင်စိတ်ဖြစ်သွားစေသည်။

ထည့်သွင်းလိုက်သော စိတ်ဝိညာဉ်စွမ်းအားကို သူမ၏ခန္ဓာကိုယ်ထဲတွင် အမှန်တကယ် သိုလှောင်ထားနိုင်မှာလား။

လုချန်းက ပြုံး၍

“ရတာ‌ပေါ့”

ထို့နောက် လုချန်းက သူ၏လက်ကို ဝူကျန်းဝမ်၏ ဝမ်းဗိုက်ပေါ်တင်လိုက်ပြီး သူမ၏ခန္ဓာကိုယ်ထဲသို့ စိတ်ဝိညာဉ်စွမ်းအားများ စတင်ထည့်သွင်းလိုက်သည်။

စိတ်ဝိညာဉ်စွမ်းအား သူမ၏ခန္ဓာကိုယ်ထဲသို့ ဝင်ရောက်လာသည့်အခိုက်တွင် မယုံနိုင်လောက်အောင် ပေါ့ပါးသွားသည်ဟု ဝူကျန်းဝမ် ခံစားရပြီး အလွန်တက်ကြွလာခဲ့သည်။

ကိုယ်ဝန်ရှိလာကတည်းက သူမသည် အမြဲတမ်း အိပ်ငိုက်နေတတ်ပြီး မလန်းဆန်း

ခဲ့ပေ။ လုချန်း၏ ဝိညာဉ်စွမ်းအား သူမထဲသို့ဝင်ရောက်လာသည်နှင့် ထို မသက်မသာမှုများ ပျောက်ကွယ်သွားလိမ့်မည်ဟု သူမ မမျှော်လင့်ထားခဲ့ချေ။

လုချန်း၏ ကုသရေး ကျင့်စဉ်သည် အလွန်အစွမ်းထက်သောကြောင့် ထိုကျင့်စဉ်ကိုသင်ယူရန် ဝူကျန်းဝမ် စိတ်ဆန္ဒအနည်းငယ် ပြင်းပြလာသည်။

သို့သော် ဤမျှအစွမ်းထက်သော ကုသရေးကျင့်စဉ်ကို လုချန်းက သူမအား သင်ပေးလောက်မည် မဟုတ်ဟု ဝူကျန်းဝမ် နားလည်ထားသည်။

ထိုအခိုက်တွင် လုချန်းက ဝူကျန်းဝမ်၏ ခန္ဓာကိုယ်ထဲသို့ ထည့်သွင်းနေသော စိတ်ဝိညာဉ်စွမ်းအားသည် သူမ၏ သားအိမ်အတွင်းရှိ သန္ဓေသား၏ ပတ်ပတ်လည်တွင် စတင်စုဝေးလာသည်။ မကြာမီတွင် အစိမ်းရောင် စိတ်ဝိညာဉ်စွမ်းအားများသည် မမွေးဖွားသေးသော ကလေးငယ်ကို ရစ်ပတ်ဖုံးအုပ်ထားလိုက်သည်။

ဤစိတ်ဝိညာဉ်စွမ်းအားနှင့်ဆိုလျှင် အချိန်တန်သောအခါ ကလေးမွေးဖွားရန် ခက်ခဲတော့မည် မဟုတ်ပေ။

သူမ၏ဝမ်းဗိုက်မှ အလွန် သက်သောင့်သက်သာဖြစ်သော ခံစားချက်ကို ခံစားရင်း ဝူကျန်းဝမ် နောက်ဆုံးတွင် ဖွင့်ပြောလိုက်သည်။

“မင်းကြီး။ ကျွန်မ ဒီကုသရေးကျင့်စဉ်ကို သင်ယူလို့ရမလား သိချင်တယ်။”

ဝူကျန်းဝမ်၏ စကားကိုကြားသောအခါ လုချန်း ခဏခန့် မှင်တက်သွားပြီးနောက် ဝူကျန်းဝမ်ကို ကြည့်လိုက်သည်။

“ကျန်းဝမ်။ မင်း ခုနက ဘာပြောလိုက်တာ”

လုချန်းက ဝန်လေးနေသည်ဟု ထင်သောကြောင့် ဝူကျန်းဝမ်က

“နောင်တစ်ချိန်မှာ မင်းကြီး နန်းတော်ထဲမှာ မရှိရင် ညီအစ်မတွေထဲက တစ်ယောက်ယောက် ဒဏ်ရာရခဲ့ရင် ကျွန်မက သူတို့ကို ကုသပေးဖို့ ဒီကုသရေးကျင့်စဉ်ကို အသုံးပြုနိုင်မလားလို့ ကျွန်မစဉ်းစားမိတယ်။”

လုချန်းက ခပ်ဖျော့ဖျော့ပြုံးလိုက်ပြီးနောက် သူ၏လက်များကိုမြှောက်ကာ ဝူကျန်းဝမ်၏ မျက်နှာကိုထိလိုက်ပြီး ပါးချင်းကပ်လိုက်သည်။

“ကျန်းဝမ်။ မင်းက ကိုယ့်ကို သတိပေးလိုက်တာပဲ။ ကိုယ်မင်းတို့အားလုံးကို ဒီကုသရေး စွမ်းအားကို သင်ပေးလိုက်ရုံပဲ။ ဒါဆိုရင် နောင်တစ်ချိန်မှာ ရောဂါဒဏ်ရာတွေ အတွက်စိတ်ပူစရာမလိုတော့ဘူးပေါ့။”

လုချန်းက ထိုသို့ပြောသည်ကို ကြားသောအခါ ဝူကျန်းဝမ် အနည်းငယ် အံ့အားသင့်သွားသည်။ သူမက လုချန်းတွင် ဖြန့်ဝေပေးလိုသည့် ဆန္ဒမရှိဟု ထင်ခဲ့သော်လည်း သူ ထိုသို့မစဉ်းစားမိခဲ့ခြင်းသာဖြစ်ကြောင်း သိလိုက်ရသည်။

လုချန်းက ဆက်လက်၍

“ဒါပေမဲ့ ဒီကုသရေး စွမ်းအားက သင်ယူဖို့မလွယ်ဘူး။ ကိုယ်မင်းကို လက်ဆင့်ကမ်းပေးမယ်။ ဒါပေမဲ့ အဆင့်တစ်ခုအထိ ကျင့်ကြံနိုင်ဖို့ကတော့ မင်းရဲ့ ကိုယ်ပိုင်ပါရမီတွေအပေါ်မှာ မူတည်လိမ့်မယ်။”

လုချန်း ပြန်လည်သန်စွမ်းစေ‌သောစွမ်းအားကို သင်ယူနိုင်ခဲ့ခြင်းမှာ စနစ်ကြောင့် အဓိကဖြစ်ပြီး သူ၏ ကျင့်စဉ်နည်းလမ်းမှာ သူ၏ အမျိုးသမီးများနှင့် ရင်းနှီးစွာနေထိုင်ခြင်းတို့ပါဝင်သည်။ သို့သော် ဝူကျန်းဝမ်တို့ အတွက်မူ ကိုယ်တိုင်လေ့ကျင့်ရန် အချိန်ပေးရမည်ဖြစ်သည်။

သူတို့ ပြန်လည်သန်စွမ်းစေ‌သောစွမ်းအားကို အမြင့်ဆုံးအဆင့်အထိ ကျင့်ကြံနိုင်မည်လားဆိုသည်မှာ မသေချာပေ။ အခက်အခဲကလည်း မလွဲမသွေ ကြီးမားလိမ့်မည်။

အဘယ်ကြောင့်ဆိုသော် ပြန်လည်သန်စွမ်းစေ‌သောစွမ်းအား၏ အမြင့်ဆုံးသော အဆင့်မှာ သေသူကို ပြန်လည်ရှင်သန်စေနိုင်သည့် စွမ်းရည်ဖြစ်သည်။ သေသူကို ပြန်လည်ရှင်သန်စေနိုင်သော ကျင့်စဉ်တစ်ခုသည် လုံးဝ သာမန် မဟုတ်ချေ။

သို့သော် ကြိုးစားကြည့်သင့်သည်။ အကယ်၍ သူတို့ထဲမှတစ်ယောက်ယောက်၌ ထူးခြားသော ပါရမီရှိပြီး ပြန်လည်သန်စွမ်းစေ‌သောစွမ်းအားကို အလွယ်တကူ သင်ယူနိုင်ခဲ့လျှင်ကော။

ထိုအခါ နောင်တစ်ချိန်တွင် သူတို့သည် သူ့ကိုမလိုအပ်တော့ပဲ ကိုယ့်ဒဏ်ရာကိုယ်ကုသနိုင်မည်ဖြစ်သည်။ ထို့ပြင် အခြားမိဖုရားများနှင့် ကလေးများ၏ ဖျားနာမှုများကို ကုသပေးနိုင်မည်။

ထိုသို့တွေးမိရင်း လုချန်းက ဝူကျန်းဝမ်ကို ပြောလိုက်သည်။

“ကိုယ်အခု မင်းကို ပြန်လည်သန်စွမ်းစေ‌သောစွမ်းအားရဲ့ လျှို့ဝှက်ချက်တွေကို သင်ကြားပေးမယ်။”

သူပြောနေစဉ်တွင် လုချန်းက သူ၏နှုတ်ခမ်းများကို ဝူကျန်းဝမ်၏ နှုတ်ခမ်းပေါ်သို့ ဖိကပ်လိုက်သည်။ သူမ အနည်းငယ် ဇဝေဇဝါဖြစ်သွားသည်။ အဘယ်ကြောင့်ဆိုသော် ဤကျင့်စဉ်လွှဲပြောင်းပေးသည့် နည်းလမ်းသည် သူမမျှော်လင့်ထားသည်နှင့် ကွဲပြားနေသောကြောင့်ဖြစ်သည်။

“အွန်း…”

လုချန်း၏ အနမ်းသည် အလွန်ပြင်းပြပြီး ဝူကျန်းဝမ်၏ တစ်ကိုယ်လုံးလည်း မကြာမီ ပျော့ခွေသွားသည်။ အမှန်စင်စစ် ကျင့်စဉ်လွှဲပြောင်းပေးခြင်းသည် ဤမျှပြင်းထန်သောအနမ်း သို့မဟုတ် မည်သည့်အနမ်းကိုမှ မလိုအပ်ချေ။

လုချန်းက သူမကို စနောက်နေခြင်းသာဖြစ်သည်။

ဝူကျန်းဝမ်ကို ခဏနမ်းပြီးနောက် လုချန်းက သူ၏စိတ်ထဲတွင် စနစ်ကိုပြောလိုက်သည်။

“စနစ်။ ပြန်လည်သန်စွမ်းစေ‌သောစွမ်းအားကို ဝူကျန်းဝမ်ဆီ လွှဲပြောင်းပေးလိုက်ပါ။”

လုချန်း၏ အမိန့်ကိုကြားသောအခါ စနစ်၏ အချက်ပေးသံ ချက်ချင်းထွက်ပေါ်လာသည်။

[ပြန်လည်သန်စွမ်းစေ‌သောစွမ်းအားကို လွှဲပြောင်းနေသည်...]

[ပြန်လည်သန်စွမ်းစေ‌သောစွမ်းအား လွှဲပြောင်းခြင်း ပြီးမြောက်ပါပြီ၊ ဝူကျန်းဝမ်သည် ပြန်လည်သန်စွမ်းစေ‌သောစွမ်းအားကို သင်ယူပြီးပါပြီ။]

ထိုအခိုက်တွင် စိတ်ကယောက်ကယက်ဖြစ်ပြီး သတိလစ်မေ့မြောလုနီးပါးဖြစ်နေသော ဝူကျန်းဝမ်လည်း ရုတ်တရက် ကျင့်စဉ်၏ လျှို့ဝှက်ချက်များ သူမ၏စိတ်ထဲတွင် ပေါ်လာသည်ကို တွေ့ရှိလိုက်ရသည်။ လုချန်းက ဤမျှလျင်မြန်စွာ လွှဲပြောင်းပေးနိုင်ခဲ့ခြင်းအတွက် သူမ အလွန်အမင်း အံ့အားသင့်မိသည်။

လုချန်းသည် အနမ်းမှတစ်ဆင့် သူ၏မိဖုရားများကို ကျင့်စဉ်များ သင်ကြားပေးနိုင်တာလား။

ဤလူငယ်လေးက သူမနှင့် ကစားနေသည်ဟု စောနက ထင်ခဲ့မိသည်။

ပြန်လည်သန်စွမ်းစေ‌သောစွမ်းအား၏ လျှို့ဝှက်ချက်များ သူမ၏စိတ်ထဲသို့ ဝင်ရောက်လာသည်နှင့် သူမလည်း အခြေခံကုသရေးနည်းလမ်းကို လျင်မြန်စွာ သင်ယူနိုင်ခဲ့သည်။

အချိန်အတော် ကြာမြင့်ပြီးနောက် လုချန်းသည် နောက်ဆုံးတွင် နီမြန်းပြီး မောပန်းနေသော ဝူကျန်းဝမ်ကို လွှတ်ပေးလိုက်သည်။

နွေဦးရာသီ ရေကန်များကဲ့သို့သော မျက်လုံးများဖြင့် ဝူကျန်းဝမ်က လုချန်း၏မျက်လုံးများကို ချစ်ခင်စွာ စိုက်ကြည့်နေသည်။

“ကျွန်မကို ကုသရေး စွမ်းအား ပေးတဲ့အတွက် ကျေးဇူးတင်ပါတယ် မင်းကြီး။”

လုချန်းက ခပ်ဖျော့ဖျော့ပြုံးလိုက်သည်။

“မင်းက ကိုယ်ရဲ့ ဇနီးပဲ။ ဒါက ဖြစ်သင့်ဖြစ်ထိုက်တဲ့အရာပါ။”

“နောင်တစ်ချိန်မှာ နန်းတော်ထဲက တစ်ယောက်ယောက် ဒဏ်ရာရခဲ့ရင် မင်းကိုပဲ အားကိုးရတော့မှာပဲ။”

ဝူကျန်းဝမ်က

“မင်းကြီး စိတ်ချပါ။ မင်းကြီးရဲ့ မိန်းမတွေပဲဖြစ်ဖြစ် ကလေးတွေပဲဖြစ်ဖြစ် ဘယ်သူပဲဖြစ်ဖြစ် ကျွန်မက အစွမ်းကုန် ကုသပေးပါ့မယ်။”

လုချန်းက

“မင်းရဲ့စကားကြောင့် ကိုယ်စိတ်သက်သာရာရသွားပြီ”

“ကောင်းပြီလေ။ ကိုယ့်မှာ တခြားကိစ္စတွေ လုပ်စရာရှိသေးလို့ အခုသွားတော့မယ်။ မင်းလည်း ကုသရေး ကျင့်စဉ်ရဲ့ လျှို့ဝှက်ချက်တွေနဲ့ ရင်းနှီးအောင် အချိန်ယူလိုက်ဦး။”

သူ၏စကားဆုံးသည်နှင့် လုချန်းလည်း ဝူကျန်းဝမ်ကို လွှတ်ပေးလိုက်ပြီး ထရပ်လိုက်သည်။

ဝူကျန်းဝမ်လည်း ချက်ချင်းထရပ်လိုက်ပြီး

“ဂါရဝပြုပါတယ် မင်းကြီး။”

လုချန်း၏ အရပ်မြင့်မြင့် ပုံရိပ်ထွက်ခွာသွားသည်ကို ကြည့်ရင်း ဝူကျန်းဝမ်၏ စိတ်ခံစားချက်များ ရှုပ်ထွေးနေသည်။ သူမ၏နှလုံးသည် ထိန်းမနိုင်သိမ်းမရ ခုန်လှုပ်နေသည်။

တစ်ချိန်က သူမ မထီမဲ့မြင်ပြုခဲ့သော လူငယ်လေးသည် ယခုအခါ သူမကို ဤသို့ လုံးလုံးလျားလျား စွဲဆောင်သွားလိမ့်မည်ဟု သူမ မမျှော်လင့်ထားခဲ့ချေ။ သူမသည် သူ့အပေါ် အမှန်တကယ်ပင် ချစ်ခင်သွားခဲ့ပြီဟု ထင်ရသည်။

ဝူကျန်းဝမ်၏ အဆောင်မှ ထွက်ခွာပြီးနောက် လုချန်း ချူးယုချင်ကို သွားတွေ့သည်။ သူမကိုလည်း ပြန်လည်သန်စွမ်းစေ‌သောစွမ်းအား၏ အထူးစိတ်ဝိညာဉ်စွမ်းအားကို ထည့်သွင်းပေးပြီး ကျင့်စဉ်ကို လွှဲပြောင်းပေးခဲ့သည်။

ထို့နောက် ရွှီလင်လုံထံ သွားရောက်ခဲ့ပြီး အခြားမိဖုရားများ၏ အဆောင်များသို့ ဆက်လက်သွားရောက်ခဲ့သည်။ ထိုသို့ဖြင့် သူ၏အမျိုးသမီးအများစုလည်း ပြန်လည်သန်စွမ်းစေ‌သောစွမ်းအားကို သင်ယူတတ်မြောက်သွားကြသည်။