ကြီးမားသော အောင်မြင်မှု (၂)...

ကြောက်မက်ဖွယ် ကောင်းသော ဓားအရိပ်သည် မည်သည့်အရာနှင့်မျှ ဖျက်ဆီး၍ မရနိုင်ပေ။

လည်ပတ်နေသော အနက်ရောင် မြူခိုးများမှ ဖွဲ့စည်းထားသော လက်မောင်း နံရံကြီးပင်လျှင် ထိုဓားစိတ်ဆန္ဒအောက်တွင် အရည်ပျော် ပျောက်ကွယ်သွားရသည်။

ဓားအရိပ် ကိုးခုသည် ကျိုယို မိစ္ဆာ၏ ခန္ဓာကိုယ်ကို ချက်ချင်းပင် ထိုးဖောက်သွား၏။

တစ်ခဏအတွင်းမှာပင် ဒြပ်စင် ကိုးပါးသတ်ဖြတ်ခြင်းဓားသည် ပေါက်ကွဲသွားပြီး ထိုကျိုယိုမိစ္ဆာအား ပြာမှုန်အဖြစ် ကြိတ်ချေဖျက်ဆီးပစ်လိုက်သည်။

ထိုအချိန်တွင် မရေမတွက်နိုင်သော ကျိုယိုစွမ်းအားများက လှိုင်းထန်လာပြီး အမှောင်အလင်းတန်းများက လုရီထံသို့ တိုးဝင်လာတော့သည်။

လုရီသည် တည်ငြိမ်သော မျက်နှာထားဖြင့် သူ၏နေရာမှ ပျောက်ကွယ်သွားပြီး၊ နက်ရှိုင်းခြင်းအင်မော်တယ် အဆင့်မြင့်ရှိ အခြားကျိုယိုမိစ္ဆာတစ်ကောင်၏ ဘေးသို့ နောက်တစ်ကြိမ် ပြန်လည်ပေါ်ထွက်လာသည်။

သူ၏ ဘယ်ဘက်လက်တွင် ရွှေအိုရောင်

လက်ဝှေ့လက်အိတ်တစ်စုံကို ဝတ်ဆင်ထား၏။ ၎င်းမှာ အဆင့်မြင့် အင်မော်တယ် လက်နက်

ဖြစ်သော သွေးသတ် လက်ဝှေ့လက်အိတ် ဖြစ်လေသည်။

သူသည် လက်သီးကို ကျစ်ကျစ်ပါအောင်ဆုပ်ကာ ထိုကျိုယိုမိစ္ဆာထံသို့ ပြင်းထန်စွာ ထိုးနှက်လိုက်သည်။

အနီရောင် သွေးချီစွမ်းအားနှင့် နိယာမစွမ်းအားတို့ ပေါင်းစပ်ကာ ကမ္ဘာ့ဘုရင်လက်သီးသိုင်းကို ထုတ်ဖော်လိုက်ရာ၊ သွေးရောင်အလင်းတိုင်ကြီးတစ်ခုအဖြစ် ပြောင်းလဲသွားပြီး ထိုကျိုယိုမိစ္ဆာကို ချက်ချင်းပင် ဝါးမြိုသွားတော့၏။

ဤသို့ဖြင့် လုရီသည် သူ၏ ကောင်းကင်ဥမင်သိုင်းနည်းစနစ်ကို အားကိုးကာ အရိပ်အယောင်မဲ့ ပေါ်လိုက်ပျောက်လိုက်လုပ်ရင်း၊ သူ၏ ကြောက်မက်ဖွယ်ကောင်းသော

ရွှေအင်မော်တယ် သိုင်းစွမ်းရည်နှင့် အဖျက်စွမ်းအားကို အသုံးပြု၍၊ နက်ရှိုင်းခြင်း

အင်မော်တယ်နယ်ပယ်ရှိ ကျိုယိုမိစ္ဆာ တစ်ကောင်ကို တစ်ချက်တည်းဖြင့် သတ်နိုင်ခဲ့သည်။ အကယ်၍ တစ်ချက်တည်းဖြင့် မသေပါက

နှစ်ချက် ထိုးရန်သာ လိုအပ်၏။

အချိန်တိုလေးအတွင်းမှာပင် လုရီသည် နက်ရှိုင်းခြင်းအင်မော်တယ်အဆင့်ရှိ ကျိုယိုမိစ္ဆာအားလုံးကို သတ်ဖြတ်ပြီးစီးသွားလေသည်။

သူတို့၏ တိုက်ပွဲကြောင့် အစစ်အမှန်

အင်မော်တယ်အဆင့် ကျိုယိုမိစ္ဆာအများအပြားပင် ပြင်းထန်သော ဒဏ်ရာများ ရရှိခဲ့ကြသည်။

ဤကျိုယိုမိစ္ဆာများကို သတ်ဖြတ်ပြီးနောက် လုရီသည် ကျန်မိစ္ဆာများဘက်သို့ လှည့်လိုက်၏။

ကျန်ရှိနေသော ကျိုယိုမိစ္ဆာများမှာ ထောင်ပေါင်းများစွာ ရှိနေသဖြင့် လုရီပင်လျှင် ရှင်းလင်းရန် အချိန်အနည်းငယ် လိုအပ်ပေသည်။ရှိနေသော ကျိုယိုမိစ္ဆာများမှာ ထောင်ပေါင်းများစွာ ရှိနေသဖြင့် လုရီပင်လျှင် ရှင်းလင်းရန် အချိန်အနည်းငယ် လိုအပ်ပေသည်။

သူတို့တိုက်ခိုက်နေစဉ်အတွင်း ပေါက်ကွဲသံများမှာ အဆက်မပြတ် ထွက်ပေါ်နေတော့၏။ ကျိုယိုစစ်မြေပြင်ရှိ ကောင်းကင်နှင့် မြေကြီးသည် အပြင်ဘက် ဟင်းလင်းပြင်ထက်ပင် ပိုမိုခိုင်မာလှသည်။ အဘယ်ကြောင့်ဆိုသော် အင်မော်တယ်အရှင်သခင် တစ်ပါး၏ စွမ်းအားက ဤနေရာကို ခိုင်မာအောင် ပြုလုပ်ပေးထားသောကြောင့် ဖြစ်သည်။ အကယ်၍သာ ကျိုယိုမိစ္ဆာများက ဤကမ္ဘာကို အလွယ်တကူ ဖျက်ဆီးနိုင်မည်ဆိုပါက ကျန်းအန်း စစ်မြေပြင် တည်ရှိနေခြင်းမှာ အဓိပ္ပာယ် ရှိတော့မည် မဟုတ်ပေ။

သို့တိုင်အောင် လုရီနှင့် ကျိုယိုမိစ္ဆာထောင်ပေါင်းများစွာတို့၏ တိုက်ပွဲမှ ထွက်ပေါ်လာသော လှုပ်ခတ်မှုများကြောင့် မြေပြင်ပေါ်တွင် တွင်းနက်ပေါင်းများစွာ ဖြစ်ပေါ်စေခဲ့ပြီး၊ ကောင်းကင်ယံတွင် ကြောက်မက်ဖွယ် ဝိညာဉ်စွမ်းအင်မုန်တိုင်းတစ်ခု ပေါ်ပေါက်လာခဲ့သည်။

ထိုကြီးမားလှသော တိုက်ပွဲ၏ အရှိန်အဝါသည် အရပ်လေးမျက်နှာသို့ ပျံ့နှံ့သွားပြီး အလွန်ဝေးကွာသော နေရာများမှပင် ထိုရိုက်ခတ်မှုကို ခံစားနေကြရသည်။

အခြားနေရာများတွင် ကျိုယိုမိစ္ဆာများနှင့် ရင်ဆိုင်တိုက်ခိုက်နေသော အင်မော်တယ်များသည်

ဤမျှ ကြီးမားသော လှုပ်ခတ်မှုကို အာရုံခံမိသောအခါ အားလုံး မှင်တက်သွားကြသည်။ အချို့မှာ ချက်ချင်းပင် ထွက်ပြေးကြပြီး၊ အချို့မှာမူ စပ်စုစိတ်ဖြင့် ထိုလှုပ်ခတ်မှု ဖြစ်ပေါ်ရာသို့ ပျံသန်းလာကြ၏။

မကြာမီမှာပင် လုရီသည် အစစ်အမှန်အင်မော်တယ်အဆင့် ကျိုယိုမိစ္ဆာအားလုံးနှင့် ကောင်းကင်ဘုံအင်မော်တယ်အဆင့် မိစ္ဆာအများစုကို သတ်ဖြတ် ပြီးစီးသွားခဲ့သည်။

သူပင်လျှင် ဝိညာဉ်စွမ်းအင် အမြောက်အများကို အသုံးပြုလိုက်ရ၏။

သို့သော် ကောင်းကင်ဘုံအင်မော်တယ်အဆင့် ကျိုယိုမိစ္ဆာများကို တိုက်ခိုက်ရန်အတွက်မူ သူ ဝိညာဉ်စွမ်းအင်ကို အသုံးပြုရန်ပင် မလိုအပ်ခဲ့ပေ။ ဖရိုဖရဲ နတ်ဘုရားကျောက်သလင်းဖြင့် အစွမ်းမြှင့်တင်ထားသော သူ၏ခန္ဓာကိုယ်အစွမ်းသက်သက်ဖြင့်ပင် ကောင်းကင်ဘုံအင်မော်တယ်အဆင့် ကျိုယိုမိစ္ဆာတစ်ကောင်ကို လက်သီးတစ်ချက်တည်းဖြင့် ကြေမွသွားစေနိုင်သည်။

ကောင်းကင်ယံတွင် လုရီသည် နတ်ဘုရားတစ်ပါး သို့မဟုတ် မိစ္ဆာတစ်ကောင်နှယ်ပင်။ လက်သီးတစ်ချက်ထိုးလိုက်တိုင်း ကျိုယိုမိစ္ဆာတစ်ကောင် သို့မဟုတ် အများအပြား ကြေမွသွားပြီး၊ ဓားတစ်ချက်လွှဲလိုက်တိုင်း မိစ္ဆာတစ်အုပ်ကြီးကို ခုတ်ပိုင်းသတ်ဖြတ်ပစ်လိုက်သည်။

သူ၏ ကြောက်မက်ဖွယ် အရှိန်အဝါသည် သိုးအုပ်ထဲဝင်သည့် ခြင်္သေ့တစ်ကောင်နှယ် နေရာလပ်ကိုပင် တုန်ခါသွားစေ၏။

ထိုစဉ် အဝေးမှ ကောင်းကင်ယံတွင် လူရိပ်များ ပေါ်ထွက်လာကြသည်။ သူတို့အားလုံးမှာ

ကျန်းအန်းစစ်မြေပြင်တွင် တာဝန်ထမ်းဆောင်နေသော အင်မော်တယ်များနှင့် စမ်းသပ်မှုများရှာဖွေရန် လာရောက်ကြသော စွမ်းအားကြီးကျင့်ကြံသူများ ဖြစ်ကြပေသည်။

တာဝန်ထမ်းဆောင်နေသော အင်မော်တယ်များမှာ သေမျိုးဘုံမှ ကျင့်ကြံသူများထဲတွင် ပါရမီရှင်များဟု သတ်မှတ်ခံရသော်လည်း၊ အင်မော်တယ်များကြားတွင်မူ သာမန်မျှသာ ဖြစ်ကြသည်။

သို့သော် ဤနေရာသို့ စမ်းသပ်မှုများအတွက် လာရောက်ကြသော ကျင့်ကြံသူများထဲတွင် မည်သူက စွမ်းအားကြီးသော ပါရမီရှင်တစ်ဦး မဟုတ်ဘဲ ရှိမည်နည်း။

ထိုအခိုက်အတန့်တွင် အဝေးမှ ကြောက်မက်ဖွယ် လှုပ်ခတ်မှုကို ကြည့်ရှုနေသူတိုင်း မှင်တက်နေကြပြီး မျက်နှာများမှာ ထိတ်လန့်တုန်လှုပ်မှုများဖြင့် ပြည့်နှက်နေ၏။

"ဂလု… အဲ့… အဲ့ဒီလူက ဘယ်သူ… ဘယ်သူလဲ။"

တစ်ယောက်က တံတွေးကို ခက်ခက်ခဲခဲမြိုချရင်း မေးလိုက်သည်။

ထိုအခါ... အခြားသူများမှာ တစ်ယောက်မျက်နှာတစ်ယောက် ကြည့်ကာ ခေါင်းခါပြကြ၏။

"ကျွန်… ကျွန်တော် မသိဘူး။ ဒီလောက် ကြောက်စရာကောင်းတဲ့ စွမ်းအား! ဒါက အားကောင်းလွန်းနေပြီ!"

"ဟုတ်တယ်၊ ငါ ဒီကို ရောက်နေတာ အချိန်အတော်ကြာပြီ၊ ဒီလူငယ်ကလေးက အစစ်အမှန်

အင်မော်တယ် ဒုတိယ အဆင့်ပဲ ရှိသေးတာ၊ အဲ့ဒီ အစစ်အမှန် အင်မော်တယ် အဆင့် ကျိုယိုမိစ္ဆာတွေတောင် သူ့ရဲ့ တစ်ချက်တည်းကို မခုခံနိုင်ကြဘူး၊ ငါ ရောက်လာကတည်းက သူ အစစ်အမှန်အင်မော်တယ် နယ်ပယ်က ကျိုယိုမိစ္ဆာ အကောင် နှစ်ရာ ၊ သုံးရာလောက် သတ်ပြီးသွားပြီ။"

"အစစ်အမှန် အင်မော်တယ် အဆင့် ကျိုယိုမိစ္ဆာ အကောင် နှစ်ရာ သုံးရာ ဟုတ်လား?!"

လူအုပ်ကြီးမှာ အလွန်တရာ ထိတ်လန့်တုန်လှုပ်သွားကြသည်။

ဒါက ကြက်သတ်နေတာ မဟုတ်ဘူး၊ ကြက်အကောင် ရာချီနေရင်တောင် ခုတ်ရတာ အားကုန်မှာပဲ။

သာမန် အစစ်အမှန်အင်မော်တယ် ကျင့်ကြံသူတစ်ယောက်အတွက်၊ အဆင့်တူ ကျိုယိုမိစ္ဆာတစ်ကောင်ကို ရင်ဆိုင်ရလျှင်ပင် အလွန်သတိထားရပြီး အနိုင်ရချင်မှ ရမည်ဖြစ်သည်။

အကြောင်းမှာ ကျိုယိုချီသည် ထူးဆန်းသော နှောင့်ယှက်ဖျက်ဆီးသည့် အစွမ်းရှိပြီး၊ အဆင့်တူကျင့်ကြံသူများ၏ တိုက်ခိုက်ရေးစွမ်းရည်ကို ထိခိုက်စေနိုင်သောကြောင့် ဖြစ်သည်။

သာမန် အဆင့်တူကျင့်ကြံသူတစ်ယောက်သည် ကျိုယိုမိစ္ဆာတစ်ကောင်ကို အနိုင်ရချင်မှ ရမည်ဖြစ်သည်။

အကယ်၍ အဆင့်တူ ကျိုယိုမိစ္ဆာ ဆယ်ကောင်က ဝိုင်းထားလျှင်တော့ သိပ်စဉ်းစားမနေနှင့်တော့။ သေတမ်းစာရေးဖို့သာ ပြင်ထားပေတော့… အိုး၊ သို့သော်ငြားလည်း ကျိုယိုမိစ္ဆာတွေက သင့်ကို သေတမ်းစာရေးဖို့ အချိန်ပေးမှာ မဟုတ်ချေ။ သင်၏ ထွက်ခွာခြင်းက ငြိမ်းချမ်းမှာ မဟုတ်ပါ။

သို့သော် ဤနေရာတွင်မူ အစစ်အမှန်အင်မော်တယ် ဒုတိယအဆင့်သာ ရှိသေးသော ဤပုဂ္ဂိုလ်က အချိန်တိုအတွင်းမှာပင် အစစ်အမှန်အင်မော်တယ်အဆင့် မိစ္ဆာ နှစ်ရာ သုံးရာကို သတ်ဖြတ်ခဲ့သည်တဲ့လား?!

ထို အစစ်အမှန် အင်မော်တယ်အဆင့် မိစ္ဆာများအားလုံး ပထမအလွှာသာ ဖြစ်နေဦးတောင်၊ ဒါက ယုတ္တိမတန်လောက်အောင် မယုံနိုင်စရာ ကောင်းလှသည်။

တစ်ခဏမျှ လူတိုင်း တိတ်ဆိတ်သွားကြပြီး

သူတို့၏ လည်ချောင်းများ ခြောက်ကပ်လာသည်ကို ခံစားလိုက်ကြရ၏။

"ဒီလူငယ်က ဘယ်သူလဲ။ ဒီလိုတိုက်ခိုက်ရေးစွမ်းရည်နဲ့ သူ ဘယ်လိုလုပ်ပြီး နာမည်မကြီးဘဲ နေနိုင်ရတာလဲ။"

လူအုပ်ကြီးမှာ အံ့ဩတကြီး တွေးနေကြသည်။

လုရီသည် အမြဲတစေ တစ်ကိုယ်တည်းနေလေ့ရှိပြီး၊ အများအားဖြင့် ထျန်းမင်တွင်သာ ကျင့်ကြံနေသူဖြစ်သည်။ သူ နောက်ဆုံး တစ်ကြိမ်

ကျန်းအန်း စစ်မြေပြင်သို့ လာရောက်ခဲ့သည်မှာလည်း လွန်ခဲ့သော နှစ်ရာပေါင်းများစွာက ဖြစ်လေသည်။ ထိုစဉ်က တာဝန်ကျခဲ့သော ကျင့်ကြံသူများမှာလည်း ထွက်ခွာသွားကြပြီ ဖြစ်၏။

ထို့ကြောင့် လုရီကို သိသောသူ အလွန် နည်းပါးနေသည်မှာ သဘာဝကျပါသည်။

အဆုံးတွင် မည်သူမျှ လုရီ.. မည်သူမည်ဝါဖြစ်ကြောင်းကို မခန့်မှန်းနိုင်ခဲ့ကြပေ။

သို့သော် ထိုအခိုက်အတန့်တွင်မူ၊ လုရီ၏ ပုံရိပ်သည် သူတို့၏ စိတ်ထဲတွင် စွဲထင်သွားခဲ့ပြီး၊

သူတို့၏ တစ်သက်တာတွင် မမေ့နိုင်ဖွယ်ရာ ဖြစ်သွားပေလိမ့်မည်။

နောက်စရာမှ မဟုတ်ဘဲ၊ ကျိုယိုမိစ္ဆာထောင်ပေါင်းများစွာကို တစ်ယောက်တည်း ရင်ဆိုင်ပြီး၊ အဆင့်တူ သို့မဟုတ် ပိုမြင့်သော မိစ္ဆာရာပေါင်းများစွာကို သတ်ဖြတ်နိုင်သူမျိုးသည် ယွီမိသားစုတွင်ပင် ကြားဖူးလိမ့်မည် မဟုတ်ပေ။