နာမည်ကြီးပွဲ!
Vol. 70 Ch. 1049
လင်းဟန်ဒီဇိုင်းကို ကျောက်မိုချင်းသာမက လိုင်းပေါ်မှာတစ်ယောက်ပြီးတစ်ယောက်စိတ်ဝင်စားလာကြသည်။
လင်းဟန်ဗီဒီယိုကအမြန်နှုန်းနှင့်ပေါက်လာပြီး မှတ်ချက်များပလူပျံနေသည်။
"ဗုဒ္ဓေါ... ပန်းအိမ်ထဲမှာ ဒီလိုဒီဇိုင်းလုပ်လို့ရမယ်မထင်မိဘူး!''
"ပန်းအိမ်ကိုပုံပြောင်းထားတဲ့တစ်ယောက်ခန်းလေးက ကြည်နူးစရာလေး''
"ယောက်ျားနဲ့ခွဲပြီး အဲလိုတစ်ယောက်ခန်းလေးနဲ့နေလိုက်ချင်တယ်''
"ဒီပန်းအိမ်မျိုးရောင်းမှာလား သိချင်တာ... ဘယ်လောက်ကုန်ကုန်.. မီတာသုံးလေးရာကျယ်တဲ့ခြံဝင်းထဲမှာ တစ်အိမ်လောက်ရချင်တယ်''
"အရမ်းစိတ်ကူးယဉ်ဆန်တာပဲ... ချင်းလင်စံအိမ်က လူနေဖို့ပန်းအိမ်ဆောက်ရင် အပြည့်အဝထောက်ခံတယ်''
“......�
...
နောက်တစ်နေ့ လိုင်းပေါ်တွင် ချင်းလင်စံအိမ်နှင့်ပန်းအိမ်က အရှာဖွေခံရဆုံးနာမည်များဖြစ်လာသည်။
ထင်တဲ့အတိုင်း မနေ့ကပန်းအိမ်ကိုနေရာယူထားသောမိန်းမကြီးက အရင်ဆုံးပေါက်လာသည်။
ထိုမိန်းမကြီး ရိုင်းရိုင်းပျပျနှင့်ပြဿနာတက်အောင်လုပ်သောဗီဒီယိုကိုလိုင်းပေါ်တင်လိုက်ရာ ချက်ချင်းပေါက်သွားသည်။
ချင်းလင်စံအိမ်ပန်းအိမ်ကနာမည်ကြီးသောကြောင့်သော်လည်းကောင်း၊ အသစ်ရောက်လာသူကိုပိတ်ပင်တတ်သောအဒေါ်ကြီးများ လိုင်းပေါ်မှာအတွေ့ရများသောကြောင့်သော်လည်းကောင်းဟုဆိုရမည်။ ပြည်သူများကအမြင်ကတ်၍ အပြစ်မပြောဘဲမနေနိုင်ကြ။
မနေ့က မြေအောက်ကားပါကင်ကိုနေရာယူထားသောအဒေါ်ကြီးက သူမှန်သလိုလိုပြောသေးသည်။ ဒီနေ့ ချင်းလင်စံအိမ်လိုရှုမျှော်ခင်းနေရာမှာ ပွဲရှာသောအဒေါ်ကြီးတစ်ယောက်သတင်းတက်ပြန်သည်။
ဒီလိုနေရာယူတတ်သောအဒေါ်ကြီးများကြောင့် တဖြည်းဖြည်းနှင့် 'အဒေါ်ကြီး'ဆိုသောစကားက ကင်ဆာလိုဖြစ်လာသည်။
ထို့ကြောင့် အသက်ကြီးပြီးအချိန်မစီးဘူးဟူ၍ လူတွေရင်ထဲမှာအမြစ်တွယ်လာ၏။
ဗီဒီယိုထဲတွင် ထိုမိန်းမကြီးကိုရဲခေါ်သွားသောကြောင့် မှတ်ချက်များပိုပေးကြသည်။
"ကိုယ့်ထက်ကြီးတဲ့အကြီးတွေကိုရိုသေပါတယ်... လူမှုရေးအရ လောကဝတ်အရ ဦးစားလည်းပေးပါတယ်... ဒါပေမဲ့ တချို့လူကြီးတွေက မှတ်လောက်သားလောက်အပြစ်ပေးမှရမယ်''
"လူကြီးဆိုတာနဲ့ လေးစားပြီး အထူးဂရုစိုက်တာတွေမရ''
ထို့အပြင် ပန်းအိမ်နှင့်ဒီဇိုင်နာလင်းဟန်က ပိုနာမည်ကြီးလာသေးသည်။
တစ်ညတည်းနှင့် ထိုဒီဇိုင်နာချောချောက လိုင်းပေါ်မှာနာမည်အကြီးဆုံးဖြစ်လာပြီး အတော်များများကသူ့ဗီဒီယိုအောက်တွင် ချင်းလင်စံအိမ်ကို@တွဲကြသည်။
အိမ်ကအရမ်းလှသည်။ အတော်များများ ဒီလိုကြည်နူးစရာနတ်သမီးအိမ်မျိုးလိုချင်ကြလိမ့်မည်။
ထိုအချိန်တွင် ချင်းလင်စံအိမ်တရားဝင်အကောင့်မှကြေညာချက်ဗီဒီယိုနှစ်ခုထွက်လာ၍ အားလုံးစိတ်ဝင်စားသွားသည်။
ပထမဗီဒီယိုမှာ_
"အားလုံး မင်္ဂလာပါ... ကျွန်မက လန်ဇီပါ... အားလုံး@တွဲထားတဲ့ဗီဒီယိုကိုတုံ့ပြန်တဲ့အနေနဲ့ ပန်းအိမ်အကြောင်းရှင်းပြချင်ပါတယ်''
"ဒီပန်းအိမ်တစ်အိမ်လုံးက သစ်ပင်တစ်ပင်ပါ... အရမ်းထူးဆန်းပါတယ်... ပန်းအိမ်ဖြစ်လာပြီးရင် အရမ်းလည်းလှပါတယ်''
"ဒီပန်းအိမ်ကို အိမ်လိုနေလို့ရပါတယ်... ပန်းရနံ့ကိုခံစားနိုင်တဲ့အပြင် လန်းလန်းဆန်းဆန်းလည်းဖြစ်စေပါတယ်... အဓိကက အရမ်းခိုင်ခံ့တဲ့အတွက်ကြောင့် ဆယ်စုနှစ်ချီနေနိုင်ပါတယ်... ဒီပန်းအိမ်ကိုကြော်ငြာမလား အားလုံးသိချင်နေကြမယ်ထင်ပါတယ်''
"စိတ်မကောင်းစွာနဲ့ပြောရပါဦးမယ်... ဒီပန်းအိမ်မျိုးစိတ်ပြောင်းပုံက လက်ရှိသိပ္ပံနည်းကျရှင်းမပြနိုင်တဲ့အတွက် မျိုးစေ့အရေအတွက်က အကန့်အသတ်ရှိနေပါတယ်... မျိုးစေ့ထပ်ပြီးပျိုးထောင်လို့မရပါဘူး... နောက်နှစ် ၂၀ ၃၀ လောက်အထိရဦးမှာမဟုတ်ပါဘူး''
ဗီဒီယိုကြည့်ပြီး စိတ်ပျက်သွားကြသည်။ ဘာပဲဖြစ်ဖြစ် ပန်းအိမ်မြင်ပြီးကတည်းက ပန်းအိမ်လေးတစ်လုံးလောက်လိုချင်သည်ဟု အတော်များများကစိတ်ကူးထားကြသည်။
ပန်းအိမ်ကိုဘယ်မှာစိုက်ရမလဲတောင်တွေးထားကြသည်။
အခုကျ ပန်းအိမ်မျိုးစေ့ရနိုင်မယ့်နည်းမရှိဘူးတဲ့လား?
ဒါပေမဲ့ မျိုးစေ့တစ်စေ့ကနေ မီတာသုံးလေးဆယ်ကျယ်တဲ့အိမ်တစ်လုံးဖြစ်နိုင်တဲ့ပန်းအိမ်ရဲ့ထူးခြားပုံကိုစဉ်းစားကြည့်ရင် ပျိုးမထောင်နိုင်တာလည်းပုံမှန်ပင်။
ဘာပဲဖြစ်ဖြစ် သိပ္ပံနည်းကျရှင်းပြဖို့ခက်နေသည်။
ဒါကလည်း ပန်းအိမ်အလွန်တန်ဖိုးရှိကြောင်းသက်သေဖြစ်သည်။ နောက်ပြီး ချင်းလင်စံအိမ်ရဲ့ပြိုင်စံရှားတစ်ခုပင်။ သူများတွေလိုချင်ရင်တောင် မရနိုင်။
ဒုတိယကြေညာချက်ဗီဒီယိုကိုလည်း စိတ်ဝင်စားကြသည်:
"အားလုံး မင်္ဂလာပါ... ကျွန်မက လန်ဇီပါ... ဒီဇိုင်နာလင်းဟန်ရဲ့ဒီဇိုင်းတွေကိုအားလုံးမြင်ပြီးပြီထင်ပါတယ်... ကျွန်မတို့သူဌေးနဲ့သူဌေးကတော်ကလည်း အရမ်းသဘောကျနေပါတယ်''
"အဲဒါကြောင့် ဒီဇိုင်နာလင်းဟန်ရဲဲ့ဒီဇိုင်းကိုဝယ်ပြီး အဲဒီဒီဇိုင်းအတိုင်းပန်းအိမ်ဆောက်ပေးဖို့ဖိတ်ခေါ်ချင်ပါတယ်''
"ဆုလာဘ်အနေနဲ့ ကျွန်မတို့သူဌေးက ဒီဇိုင်နာလင်းဟန်ကိုပန်းအိမ်မျိုးစေ့တစ်စေ့ပေးမှာပါ''
ပြည်သူများကဗီဒီယိုကြည့်ရင်း ထိုနေရာအရောက်တွင်ရူးမတတ်ပင်။
အရင်ဗီဒီယိုမှာ ပန်းအိမ်မျိုးစေ့ကိုပျိုးမထောင်နိုင်တဲ့အကြောင်း၊မကြော်ငြာနိုင်တဲ့အကြောင်းပြောခဲ့သည်။ ချင်းလင်စံအိမ်မှာသာစိုက်ပျိုးထားသည်။
အခုကျ ချင်းလင်စံအိမ်ပိုင်ရှင်က လင်းဟန်ကိုသူ့ဒီဇိုင်းကြောင့် ပန်းအိမ်မျိုးစေ့ပေးမယ်တဲ့လား?
မနာလိုစရာကောင်းလိုက်တာ!
စဉ်းစားကြည့်မှ ဆယ်စုနှစ်ချီနေနိုင်တဲ့ပန်းအိမ်ရဲ့တန်ဖိုးက မြို့ကပထမတန်းစားအိမ်တွေထက်တော့မလျော့နိုင်လောက်? ပိုတန်ဖိုးကြီးရင်ကြီးဦးမည်။
နောက်ပြီး အပြင်မှာနံပါတ်တစ်ပန်းအိမ်ဖြစ်လာနိုင်သည်။
ဗီဒီယိုက မဆုံးသေး။
ဗီဒီယိုထဲတွင် လင်းလန်ဇီကဆက်ပြောနေသည်_
"တချိန်တည်းမှာ ကျွန်မတို့သူဌေးနဲ့သူဌေးကတော်က ဖန်တီးရှင်ဒီဇိုင်နာပွဲလည်းလုပ်ပါမယ်... ပန်းအိမ်ပုံစံကိုဒီဇိုင်းဆွဲဖို့ပါ... ပုံစံကို ကျွန်မတို့ချင်းလင်စံအိမ်တရားဝင်အကောင့်မှာပို့ပေးရပါမယ်''
"ကျွန်မတို့တရားဝင်အကောင့်က စံအိမ်ပရိသတ်တွေမဲပေးဖို့လည်းစီစဉ်ထားပါတယ်... ပန်းအိမ်ပုံစံအတွက်အထောက်အပံ့ပစ္စည်းဗီဒီယိုတွေလည်းရှိပါတယ်''
"ပြီးရင် လူကြိုက်အများဆုံးဒီဇိုင်း ၅ ခု.. ကျွန်မတို့သူဌေးကတော်သဘောကျတဲ့ဒီဇိုင်နာ ၅ ယောက်က လက်ဆောင်အနေနဲ့ ပန်းအိမ်မျိုးစေ့ရပါမယ်''
"နောက်ပြီးတော့ လူကြိုက်အများဆုံးဒီဇိုင်နာ ၅ ယောက်အတွက် မဲပေးတဲ့ပရိသတ်တွေထဲကကံထူးရှင်နှစ်ယောက်ကို ပန်းအိမ်မျိုးစေ့တစ်စေ့ဆီပေးသွားပါမယ်''